((((( بعض ))))) المهندسين و الدكاترة

[قائد المدفعيه الهولنديه]

طبعا من الواضح جدا ان كثير من الزملاء هنا فى المنتدى بنتعامل مع بعض بمنتهى الاحترام و التقدير بدون ان نعلم ماذا يعمل كل منا و المثير للاهتمام هذا الكم من الدكاتره و المهندسين المشاركين فى هذا الموضوع وطبعا ارى فى اسلوبهم جميعا الاحترام و التواضع بعيدا عن الالقاب و بدون ان اعلم ماذا يعملون, و هذا يثبت ان كل مجال فيه الكويس و السيىء ايضا بغض النظر دكتور مهندس محاسب مرشد سياحى محامى اى حاجه تانيه......

انا عن نفسى مديرى و زملائى لا ينادونى بأسمى مع انى مهندس و مع انى احترم زملائى الغير مهندسين و لا اناديهم الا بأستاذ فلان, و هذا لا يقلل من قيمه احدا منهم

و شكرا

[Alshiekh]

(1) اديني ترجمة بشمهندس في اي لغة تانية !!!!! يعني اديني مقابل الكلمة دي في اي لغة زي الانجليزي مثلا او الفرنساوي او الالماني او الايطالي

Chief Engineers

Ingénieur en chef

Direttore di macchina

Ingeniero Jefe

وبالعربى " كبير مهندسين "

وزمان كانوا يطلقون على الدكتور ، خاصة لو كان كبير السن والمقام " باش حكيم "

وبعدين ياجماعة فى ناس ماعندهمش اى درجات علمية ، وبيزعلوا لو نادهم الآخرين باسمائهم مجردة

تلاقى ابو فلان وام فلان ، الحاج فلان والحاجة ام فلان ، وعمك فلان حتى لو لم يكن عم ، وخالك فلان ( فى الشرق ) وهو ليس بخال بل مجرد احترام وتوقير.

[عمرعمرعمر]

انا سعيد جدا ان الموضوع استقطب اعضاء اخرين لابداء رأيهم

في الاخر عايزين نوصل لنتيجه

ان الكبرياء شيئ في شخصية الانسان بغض النظر عن وظيفته يعني ممكن واحد مابيشتغلش و متكبر

ان استعمال الالقاب ايا كانت شيئ مش وحش و لا هي عادة عربيه متخلفة بالعكس ده ممكن الغرب زي ما بعض الاخوة ذكروا هما اللي معدومين الاخلاق

ما فيش رابط بين اللقب او المهنة و بين افضلية الانسان علي غيره (الافضلية بالتقوي كما قال النص)

انا تفهمت ان اللي بدأ الموضوع كان قصده كده بس المثال اللي ذكره و المهن اللي ذكرها هي اللي عملت شوية حساسيه يعني نسبة الكبرياء في الاطباء او المهندسين ممكن يكون فيه اعلي منها في مهن تانيه

و اتمني اكون وفقت في التحليل

و بحب كل اللي شاركو و يارب يسامحوني

عمورة

[جويرية]

يمكن لما كتبت عدة مداخلات في المنتدي

ناس كتير بعتتلي رسايل قائلين يا استاد بالزال معلش الكي بورد مش مظبوط

وانا عادي جدا

ولا حتي عقبت ولا قلت يا ما هنا ياما هناك ابدا عادي

ثم انه للاسف في الحياة لما يعرفوا ان الواحد طبيب الصراحة تلاقي المعاملة تحسنت وتغيرت ونشكر للمجتمع هدا فبعضهم يشعر بمعاناتنا وخدماتنا المجانية هنا في مصر للناس

وبرضه بيقول مادام دكتور يبقي متعلم ومجتهد ومش بتاع مشاكل

المهم

كلنا الي التراب يا شباب

لأ أسمحللي يا دكتور المجتمع مش بيعامل الأطباء معاملة أفضل عشان خدماتهم المجانية

الرواتب في مصر عامة محدودة و ناس كتير بتشتغل لوجه الله عشان الراتب مش بيوازي مرتب 5 أيام في الشهر

يمكن عشان دايما الأعلام بيبروز مهنتين الطب و الهندسة و بيحقر بقية المهن

يعني مثلا مهنة المدرس دي من المهنةالمغضوب عليها و لازم يطلعوا المدرس ده شكله مضحك و العيال بيضحكوا عليه في الفصل ، ده غير جميع الحرف اليدوية اللي هيا عصب الأنتاج لازم يطلعوا الحرفي من بيئة شعبية أو طريقته في التعامل مع الناس مش كويسة

تم تعديل 24 سبتمبر 2008 بواسطة جويرية

[HDarwish]

ده غير جميع الحرف اليدوية اللي هيا عصب الأنتاج لازم يطلعوا الحرفي من بيئة شعبية و لو أتقدم لواحدة يبقي حتقبله بس عشان فلوسه

[جويرية]

ده غير جميع الحرف اليدوية اللي هيا عصب الأنتاج لازم يطلعوا الحرفي من بيئة شعبية و لو أتقدم لواحدة يبقي حتقبله بس عشان فلوسه

مش فاهمة معني الوجه التعبيري

بس انا عدلت المشاركة

[جويرية]

السلام عليكم

اقبلوا تحياتى لكم جميعا

اود ان اشارك معكم فى هذا الموضوع اذا اذنتم لى

اولا ان الله سبحانه وتعالى خلق الناس درجات مختلفة فمنهم العالم ومنهم الجاهل ومنهم مابين الاثنين، فمثلا اذا تقابلت مع شخص له دوره فى المجتمع من غير اللائق ان اناديه باسمه بدون القاب وهذا ليس للمهندس او الدكتور او رجل الدين او الوزير او رئيس الدولة فقط

و عليكم السلام و رحمة الله و بركاته

أيوة في حقوق للعلماء اكتر من الشخص الغير عالم

يعني العالم يفسح له في المجلس وده بنص القرأن الكريم و لكن اي شخص يجلس حيث ينتهي به المجلس

العلماء ورثة الأنبياء و المفروض نستمع لنصائحهم و أرشاداتهم

فمثلا لو شخص ما بذل مجهود فى العلم 17 سنة او اكثر هل مثلا البواب الغير متعلم او الخادم او الطالب عنده بالجامعة او المدرسة يقول له ازيك يافلان بدون القاب!! (هل يستوى اللذين يعلمون واللذين لايعلمون....الآية). وهذه ليست عنصرية ولكن إعط كل ذى حق حقه.

ما هوه بقي فيه تعليم زائد عن اللزوم يعني معظم الناس بقي تعليمها 16 سنة أو 15 سنة

يعني معقول مهندسة عندها 22 سنة لسة خريجة يتقالها يا باشمهندسة و الأداري اللي ليه 30 سنة بيشتغل في الشغل ده يتقاله يا أستاذ

وايضا لابد ان الصغير يحترم الكبير فمثلا الشاب غير لائق انه ينادى على شخص كبير بدون القاب ابسط شيىء اذا كانوا غير متعلمين يقوله ياعم فلان.

نعم الرسول صلي الله عليه و سلم قال في الحديث فيما معناه ( ليس منا من لم يرحم صغيرنا و يوقر كبيرنا )

[جويرية]

تعديل

تم تعديل 24 سبتمبر 2008 بواسطة جويرية

[عمرعمرعمر]

يعني مثلا مهنة المدرس دي من المهنةالمغضوب عليها و لازم يطلعوا المدرس ده شكله مضحك و العيال بيضحكوا عليه في الفصل ، ده غير جميع الحرف اليدوية اللي هيا عصب الأنتاج لازم يطلعوا الحرفي من بيئة شعبية أو طريقته في التعامل مع الناس مش كويسة

انا عن نفسي باحترم المدرسين جدا و فيه مدرسين مروا عليا في مختلف المراحل و كانوا سبب في تعديل حاجات كتيرة في حياتي و عن نفسي انا بحبهم جدا و لو قابلت واحد فيهم و الله هانحني امامه و اقبل ايديه

و علي فكرة و بأمانه و صدقوا او ما نصدقوش انا بحكم نشأتي في منطقة شعبيه و حي فقير اسمه الخليفة من احياء القاهرة كان النظام هناك ان الطالب بيشتغل طول الاجازة و انا مريت علي كل اصناف المهن الشعبية و اتقنتها علي سبيل المثال صبي ترزي و قهوجي و نجار مسلح و صبي مبلط و محارة و امن و اخيرا ربنا اكرمني و انا في الكليه و اشتغلت مدرس عربي و انجليزي و رياضة و علوم و دراسات اجتماعية و بعد شوية اترقيت و بقيت ادي المدارس التجريبية math, science & english

معلش حكتلكم قصة حياتي يعني الخلاصة انا دكتور و باحترم و اوقر و اقدر المدرسين و الحرفيين و جميع المهن

تبقي زي ما الاخت جويرية قالت ان المشكلة مشكلة اعلام

يبقي احنا براءة و لا ايه يا اختنا الكريمة

[عمرعمرعمر]

يعني معقول مهندسة عندها 22 سنة لسة خريجة يتقالها يا باشمهندسة و الأداري اللي ليه 30 سنة بيشتغل في الشغل ده يتقاله يا أستاذ

مش فاهم وجهة نظر حضرتك

اعتذر من الادارة برجاء تعديل المداخلة و الحاقها بالسابقة

تم تعديل 24 سبتمبر 2008 بواسطة عمرعمرعمر

[HDarwish]

ده غير جميع الحرف اليدوية اللي هيا عصب الأنتاج لازم يطلعوا الحرفي من بيئة شعبية و لو أتقدم لواحدة يبقي حتقبله بس عشان فلوسه

مش فاهمة معني الوجه التعبيري

بس انا عدلت المشاركة

معنى الوجه التعبيري إني مش فاهم

إيه المناسبة ... وإيه اللي دخل دي في دي ... بنتكلم عن الألقاب وإن التمسك بها في بعض الأوقات بيكون شيء من الغرور أو إن المفروض نزيل الألقاب أو المفروض نتمسك بيها ... وكلها آراء مختلفة ... يبقى إيه اللي يجيب سيرة الجواز واللي يتقدم واللي مايتقدمش .. بصراحة ما فهمتش ... ياريت توضحي

تحياتي

[redwany]

الى الاخت جويريه

انا اسال ماهو الهدف من مناقشة هذا الموضوع وماذا سيعود علينا من ماقشته انى ارى انه نوع من العبث واضاعة الوقت للاسباب الاتيه:

اولا: كونك تفتحى موضوع كهذا وتجين فى نفسك غضض من اصرار الاطباء على الاحتفاظ بالقابهم فانما هو من من ضغينه ونوع من العقده.

ثانيا: هل تستطيعى ان تقولى لضابط شرطة باسمه او وكيل نيابه باسمه.

ثالثا:

الطبيب لابد ان يحاط بنوع من الاحترام حتى يسمع المريض كلامه ويقتنع بيه.

انا اقول للعامل اللى اكبر منى ياعمى فلان كنوع من الاحترام

يعنلى حضرتك ماتعرفنيش وتقولى لى يارضوانى مش هارد عليكى

انا دكتور وافتخر انى دكتور ولن اسمح الا بقله من اهلى واصدقائى لينادونى باسمى اما غير ذلك فلن اسمح

مع احترامى للجميع

[عمرعمرعمر]

انا بصراحة يا اخت جويرية مش عارف اريحك ازاي

طب ممكن تقولي ايه المطلوب

يعني ايه المشكلة و ايه حلها

عشان كل الاعضاء يستفيدوا و لو حد فينا فيه مشكلة يحاول يصلحها

[احمد مطر]

طيب ايه رأيك يا أختى جويرية فى الشخص اللى يدخل مكتبى فى المستشفى و مكتوب على الباب دكتور الشامى و انا لابس بالطو ابيض و يقول لى :

الله يخليك تطمنا على الحالة يا باشمهندس......

و ان بمنتهى التواضع باطمنه ان الحالة تمام......... شوفتى بقى انك ظلمتينا

حصلت هنا برضو مع احد الزملاء بس دا مش مقياس هو مفهاش حاجه لما نقول لبعض يادكتور ويابشمهندش على اساس الخبره فى المجال الى هو فيه يعنى ممكن يكون واحد بيفهم فى حاجه تخص الهندسه بشكل كبير لكن مش مهندس بس عنده شوية خبره بنقوله يابشمهندش كنوع من الاحترام لخبرته زى الى بيشتغل فى صيدليه وهو مش صيدلى لكن عارف مثلا الادويه الخاصه بالصداع ووجع البطن

بنقوله يادكتور صحيح دا غلط من ناحية ان دى مش مجال دراسته او كده لكن المهم اننا نبقى عارفين ان ممكن دا يكون مجازا مش لازم يكون هو كده دكتور -يعنى دكتور اوكده هى دى طبيعة المجتمع هنا وانا سعيد والله بالمنتدى هنا الواحد لو تعب هيلاقى اعضاء محترمين طب وهندسه الاستشاره مجانا طبعا دا انا عضو معاكم بالمناسبه مفيش اطباء امراض نفسيه وعصبيه كمان احسن انا قربت اتجنن

شكرا على الموضوع وبالتوفيق للجميع

[galaxy]

الخلاصه يا جويريه بصرف النظر عن اعتبارات الزواج او العمل او غيره ان الموضوع ينبع من الشخصيه نفسها ...............سواء بالاحترام او عدمه............المحترم مش منتظر لقب يدعمه والعكس ...........مش من الممكن اكبر علي اهلي او حبايبي او معارفي ومن حولي...............لكن لا انكر ان في بعض الاحيان لازم الواحد يلتزم بعدم رفع الكلفه لان البعض لا يحسن التعامل بدونها

وهقولك علي موقف شخصي..........كان لي جارتان اختين اكبر مني .........في نتايج الثانويه العامه الخاصه بهم حصلوا بالعافيه علي مجاميع دخلتهم الاداب والاقتصاد المنزلي ..........وقالوا ايامها انهم فرحانين بيهم لانهم مش مضطرين يسافروا بره المحافظه للدراسه واهاليهم قالت كدا................

عارفه يا جويريه اول ما جبت انا مجموعي ودخلت الصيدله............رغم اني الحمد لله كان مجموعي معدي اعلي كليه طب وقتها في الجمهوريه باكتر من خمس درجات في الميه......قاولا دا سفر ومش عارف ايه وتعب وكدا....................بعد ما عدا عليهم اكتر من سنه في كلياتهم..............حولوا جامعات خاصه طب وصيدله...............الاظرف بقي انهم بقوا يتعاملوا من فوق اوي .......عارفه ليه..............عشان احنا دخلنا كليه الصيدله بتاعه الحكومه وهما داخلين بفلوسهم ومصروف عليهم فيها كتير :lol: :lol:

مع اننا كنا جيران وبنلعب سوا :happy: .............بس عادي جدا ............يعني اللي جابها بمجهوده ودخل كليات الحكومه وحش واللي واخدها بفلوسه جميل وحلو....................

يعني العبره بالشخص نفسه صدقين مش بالمنصب ولا بالجاه او اللقب ...........وكل كلام الافاضل اللي شاركوا واضح يا جويريه ش محتاج تفصيل ............الفكره في الشخص فقط.....................تحياتي لك

[حسام يوسف]

مش عارف أقولك اية يا أخت جويرية

كل اللى ردوا ممن يطلق عليهم دكاترة وباشمهندسين

اتكلموا بكل تواضع

وانتى مصرة تزيلى اللقب عنهم

ومتضايقة ان مهندسة خربجة جديدة يتقالها باشمهندسة

وواحد ادارى لسة بيتقالة استاذ مع ان بقالة 30 سنة

يعنى نلغى الاحترام للمهندسين والاطباء والصيادلة

عشان الأقدمية

لأة بقى

على فكرة لما بييجوا يشوفوا قوة أى بلد

فى الاقتصاد والتصنيع

بيشوفوا النسبة المئوية بين عدد المهندسين فى هذا البلد الى العدد الكلى لسكان هذا البلد

عشان يشوفوا فرص التنمية فى اى بلد عاملة ازاى

ونصنفها متقدمة ولا متخلفة

وكذلك المهن المحترمة من طب وصيدلة وغيرها

انتى لية متضايقة ان يتقالة دكتور؟

خلاص قوليلة حضرتك

ومن غير دكتور

لكن صدقينى مش هية دى المشكلة

أى بلد مفروض بتحترم الناس اللى تعبوا فى تعليمهم

وبيشتغلوا فى مهن مش أى حد يشتغلها

والكلام دة مش هنا بس

دى مشكلة عالمية

ابسوليتولى

يعنى فى العتبة والجيزة وميدان عابدين(وش محمد سعد فى اللى بالى بالك)

[حسام يوسف]

أنا حاسس ان الموضوع عنوانة كان ناقص نقطة على العين يا أخت جويرية

[جويرية]

أنا حاسس ان الموضوع عنوانة كان ناقص نقطة على العين يا أخت جويرية

مفيش بغض لا سمح الله و كمان أنا أخويا مهندس

بس أحنا بنستخبي من مشاكلنا مش بنحب نناقشها

نقول لحسن حد يقول عليا أنا مستكترة علي الناس ألقابهم

[جويرية]

الدكتور حسام

مش عارف أقولك اية يا أخت جويرية

كل اللى ردوا ممن يطلق عليهم دكاترة وباشمهندسين

اتكلموا بكل تواضع

وانتى مصرة تزيلى اللقب عنهم

أدي أول سطرين انا كاتباهم في الموضوع

أولا عايزة أتكلم عن موضوع مضايقني و اللي فكرني بيه الدكتور حسام في مشاركته دي

معلش يا دكتور حسام نقلتها بدون أستأذان ، بس بيقولوا الكلام اللي يكتبه الواحد علي العام خلاص ميبقاش ملكه يبقي ملك الشعب كله

ومتضايقة ان مهندسة خربجة جديدة يتقالها باشمهندسة

وواحد ادارى لسة بيتقالة استاذ مع ان بقالة 30 سنة

يعنى نلغى الاحترام للمهندسين والاطباء والصيادلة

عشان الأقدمية

لأة بقى

قريت أن من شروط صحة الألقاب أن اللقب مايكونش معناه مدح أو ذم او تزكية و طبعا لقب باشمهندس ماينطبقش عليه الشرط ده و كمان لقب دكتور دي أصلا كانت بتطلق علي الكهنة اليهود أو النصاري

على فكرة لما بييجوا يشوفوا قوة أى بلد

فى الاقتصاد والتصنيع

بيشوفوا النسبة المئوية بين عدد المهندسين فى هذا البلد الى العدد الكلى لسكان هذا البلد

عشان يشوفوا فرص التنمية فى اى بلد عاملة ازاى

ونصنفها متقدمة ولا متخلفة

بس احنا عندنا مؤهلات ملهاش اي صلة بسوق العمل و عشان كدة منتشرة البطالة

وكذلك المهن المحترمة من طب وصيدلة وغيرها

انتى لية متضايقة ان يتقالة دكتور؟

خلاص قوليلة حضرتك

ومن غير دكتور

مش ده كلام حضرتك

دكتور

تتقال للعاملين فى المجال الطبى من أطباء وصيادلة وحتى أطباء الاسنان والعلاج الطبيعى

مع أن كلمة دكتور تعنى أن هذا الشخص يحمل درجة الدكتوراة

وبالتالى كثير من المهن السالف ذكرها

لا تستحق اللقب

تقوم كمان تتمسك بية؟

وتعتبر ان اللى مش هيناديها يا دكتور ----

يبقى تجاوز؟

المهندسين مع احترامى الكامل ليهم

كتير منهم مش مهندسين

مش خريجى كليات الهندسة

وتلاقى الواحد زعلان أوى ان قلتلة اى لقب الا يا باشمهندس

اه

باشمهندس

الكلمة اللى بجد بتنرفزنى

شيلنا الألقاب رسميا

ومنها البية والباشا

ولسة فية باش فى باشمهندس

لكن صدقينى مش هية دى المشكلة

أى بلد مفروض بتحترم الناس اللى تعبوا فى تعليمهم

وبيشتغلوا فى مهن مش أى حد يشتغلها

والكلام دة مش هنا بس

دى مشكلة عالمية

ابسوليتولى

يعنى فى العتبة والجيزة وميدان عابدين(وش محمد سعد فى اللى بالى بالك)

نعم مفروض نحترم كل الناس

الترزي اللي بيبدع احسن من الفناننين مفروض يبقي ليه لقب مش نقوله يا عم فلان

اللي بييشتغل في الذهب و الفضة برده فنان و يستحق لقب كبير برده

اللي بيصلح الساعات و عنده دقة فائقة برده يستحق لقب

علي فكرة أنا جربت هوايات كتير و فعلا حست ان فيه مهن كتير مظلومة و مابتخدش التقدير الكافي من المجتمع

تم تعديل 25 سبتمبر 2008 بواسطة جويرية

[عمرعمرعمر]

و الله يا دكتور حسام احييك علي خفة دمك

مش عارف ليه حاسس اني اعرفك

طب تعرف حد اسمه احمد