الميزانيه الشهريه للمهاجر لكندا

[msheikh]

الاخ العزيز ياسر

انت دائما متانق فى اسلوبك وحواراتك وبصراحة احنا حاسين اننا عايشين معاك فى كندا وبنحسبها بالورقة والقلم.

وعموما لانريد ان نثقل عليك فاى خواطر تكتبها ستعود بالنفع على احد منا او كلنا فاستمر ...

جزاك الله خيرا وياريت لو تعمل لنا او احد الاخوة الاكارم توبيك جديد خاص بمظاهر الاحتفال برمضان والعيد فى كندا.

جزالك الله خيرا وتحياتى لك ولاسرتك الكريمة ولجميع المغتربين واسرهم فردا فردا.

محمد الشيخ

[الطائر الحر]

الاخ المحترم ياسر.... السلام عليكم..

قلت ان المهاجر لا يستحق اعانة بطالة قبل 6 اشهر... ممكن تتكرم و توضح لنا شروط هذه الاعانة و قيمتها. يعنى هل لازم الاواحد يكون اشتغل لفترة و بعدين بطل شغل ام ان المهاجرين اللي مالاقوش شغل ممكن يحصلوا على الاعانة؟ كمان اذا كان احد المهاجرين لا يعمل بسبب انه بيدرس في الجامعة للحصول على شهادة علمية فهل هو مستحق لاعانة البطالة؟؟ اشكرك يا اخ ياسر و ادعو الله لك بالصحة و السعادة و التوفيق الدائم, ان شاء الله.

[حسام يوسف]

ربنايكرمك يا عم ياسر على قد ما بتساعدنا

والله بدعيلك دايما

كل سنة وانت طيب

[gadolly]

اخويا الحبيب ياسر

مجهود و عرض اكتر من رائع

بس الموضوع عايز له كوباية شاى بعد الفطار :coffeenews: من اللى وصى عليها لقمان

و سيجارة . smk: ....مع انى ما باشربش سجاير

شكرا يا ياسر

عشت يادكتورنا الحبيب و حياتك أعمل حسابى فى كبايه معاك .... الساعه لسه 7 صباحا و انا سهرت أكتب الموضوع و مش شايف قدامى ...أشوفك بعد الفطار... :lol: :lol: .....تحياتى

والله يا ياسر انا مش بغلس عليك, بس قل لا اله الا الله لانك قلت و حيا.... :lol: :lol:

بجد انا محبش انصح في الدين كتير بس الحلف بغير الله مش بقدر معلقش, ما انت عارفني في النقطة دي, معلش يا باشا انت عارف السلفيين بقي اخر غلاسة و متعصبيين و بارديين و بيكلكعوا الدنيا و ,,, :rolleyes:

[samehelassad]

الله عليك يابو اليسر وعلى مواضيعك الجامدة. ايوة كدا ياعم خللي الواحد ميبقاش حاسس انة متهور وهو بيكسر في الحلل في الخليج لما تجيلة الفيزا. وكلة على الله طبعا. بس زي مانت قلت برضة ازا الواحد عصر على نفسة لمونة وضحى شوية لمدة ست شهور واخد شهادة او certificate يبقى كدة 100\100 ودخل في الشريحة ام 25 دولار في الساعة والاشية بقيت معدن والعيال نزلو مصر كل سنة مش كدة ولا رائيك اية؟

[gadolly]

ربنا يبارك لك يا ياسر علي المعلومات القيمة دي و ايضاح الرؤية للناس بالنسبة للمصاريف

بس انت يا باشا كل شوية تيجي علي الجرح بتاع الطلبة اللي بياخدوا منح و بنعمل بلياتشو عشان نعيش بها

يا عم خلينا حاسيين اننا عايشين كويس بالفلوس دي, فاكر الكاتب الروسي تولستوي لما جاب قصة واحد فقير و ابنه كانه عايشين و مش حاسيين بالحضيض لحد ما جاء واحد غني و فوقهم و حاول يساعدهم عشان يعيشوا, مستحملوش و ماتوا و الكاتب قال عبرة دع الفقراء كما هم فانهم سعداء

احنا يا باشا كدة, ادينا مش حاسيين بالاساسيات و بنعتبرها كماليات, عشان كدة انا اعتقد ان اي حد جي من الخليج و لو فكر في الدراسة حيتبهدل, مع اني يا جماعة كنت عايش كويس جدا في مصر مع الاسرة و نعتبر مرتاحين جدا, بس تقول ايه بقي طموح الدكتوراه و الحياة الادمية خلتني هدمت المعبد و جت علي فيزا طالب بفلوس علي الاد اوي و كمان جبت الاسرة الكريمة معايا و ادينا بنكارك

لعلمك انا بالنسبة لناس تانية نعتبر اغنياء, انا لقيت ناس باقل مني و عايشين, بس الموضوع لازم تنازلات, و بجد اللي ياسر بيقولوا ده هو الصحيح و انا اعتقد اني لو مش بدرس كنتش حصرف اقل من كدة

ساعات الناس الكنديين بيشوفونا و يسألونا انتم عايشين ازاي, بس والله ربنا بيبارك و الدنيا ماشية, ده انا كمان بدفع تامين صحي عشان لسة اجنبي و الهجرة مجتش, لا و بدفع مصاريف الكلية, بس مرتاحييين و مبسوطييين و عايشييين و بنتبرع بالباقي لسداد ديون مصر (وش محمد صبحي في مسرحية الهمجي قبل ما يدي دروس و كان فقير جدا :lol: )

انا بقيت خايف احط الميزانية بتاعتي و ازاي بنظبطها احسن الجماعة اللي في كندا يبعتولي زكاة الفطر :coffeenews: :rolleyes:

[gadolly]

محدش يعني طلب الميزانية بتاعة الطلبة و ازاي ممكن اسرة 3 او 4 افراد تقدر تعيش ب 1200 الي 1500 في الشهر

طيب الحمدلله خليها مستورة :coffeenews: :rolleyes:

[الطائر الحر]

ربنا يبارك لك يا ياسر علي المعلومات القيمة دي و ايضاح الرؤية للناس بالنسبة للمصاريف

بس انت يا باشا كل شوية تيجي علي الجرح بتاع الطلبة اللي بياخدوا منح و بنعمل بلياتشو عشان نعيش بها

يا عم خلينا حاسيين اننا عايشين كويس بالفلوس دي, فاكر الكاتب الروسي تولستوي لما جاب قصة واحد فقير و ابنه كانه عايشين و مش حاسيين بالحضيض لحد ما جاء واحد غني و فوقهم و حاول يساعدهم عشان يعيشوا, مستحملوش و ماتوا و الكاتب قال عبرة دع الفقراء كما هم فانهم سعداء

احنا يا باشا كدة, ادينا مش حاسيين بالاساسيات و بنعتبرها كماليات, عشان كدة انا اعتقد ان اي حد جي من الخليج و لو فكر في الدراسة حيتبهدل, مع اني يا جماعة كنت عايش كويس جدا في مصر مع الاسرة و نعتبر مرتاحين جدا, بس تقول ايه بقي طموح الدكتوراه و الحياة الادمية خلتني هدمت المعبد و جت علي فيزا طالب بفلوس علي الاد اوي و كمان جبت الاسرة الكريمة معايا و ادينا بنكارك

لعلمك انا بالنسبة لناس تانية نعتبر اغنياء, انا لقيت ناس باقل مني و عايشين, بس الموضوع لازم تنازلات, و بجد اللي ياسر بيقولوا ده هو الصحيح و انا اعتقد اني لو مش بدرس كنتش حصرف اقل من كدة

ساعات الناس الكنديين بيشوفونا و يسألونا انتم عايشين ازاي, بس والله ربنا بيبارك و الدنيا ماشية, ده انا كمان بدفع تامين صحي عشان لسة اجنبي و الهجرة مجتش, لا و بدفع مصاريف الكلية, بس مرتاحييين و مبسوطييين و عايشييين و بنتبرع بالباقي لسداد ديون مصر (وش محمد صبحي في مسرحية الهمجي قبل ما يدي دروس و كان فقير جدا :lol: )

انا بقيت خايف احط الميزانية بتاعتي و ازاي بنظبطها احسن الجماعة اللي في كندا يبعتولي زكاة الفطر :coffeenews: :rolleyes:

الاخ العزيز جادولي.. السلام عليكم. سوف اكون شاكرا جدا لو تكرمت بافادني بميزانيتك الشهرية حيث اننى مقدم على ظروف مشابهة. اشكرك جدا .. و يمكنت التكرم بمراسلتي بالبريد الشخصى.

و السلام عليكم

[drmado]

انا عايز اعرف من حضراتكم حساب الضرايب

[nona alawaal]

محدش يعني طلب الميزانية بتاعة الطلبة و ازاي ممكن اسرة 3 او 4 افراد تقدر تعيش ب 1200 الي 1500 في الشهر

طيب الحمدلله خليها مستورة :coffeenews: :rolleyes:

احييكم جميعا على الموضوع الاكثر من رائع

و الذى جمع كل الكبار فى المقام ( مش السن طبعا ) اللى فى هذا المنتدى

اوك استاذ جادولى .. كيف يعيش اسرة من اربعة افراد ب 1200 او 1500 ؟

سؤال اخر للاستاذ ياسر و لحضرتك بالنسبة للاشخاص اللى خبرتهم فى مجال اخر غير دراستهم .. هل ينفع فى كندا انهم يبداوا دراسة مجال اخر خالص غير مجال خبرتهم بمصر او مجال دراستهم بمصر .. دراسة كده تكون لمدة سنة او اثنين ؟؟ و ما نوعية هذه الدراسات فى كندا لتوفير عمل مطلوب هناك؟؟

مع جزيل الشكر

و جزاكما الله خيرا

[sherifhfm]

شكرا جدا يا باشمهندس على الموضوع الجامد ده

بس لو تسمح سؤال عمال يضرب فى نافوخى من اول من قرات الموضوع ازاى اعرف متوسط الدخل فى مهنه معينه يعنى مثلا لو انا خبرتى فى مجال البرمجة مش ممكن اعرف متوسط الاجور للمهنه دى ولا ايه ولا انا وحظى :coffeenews:

[samehelassad]

لاجادوللي باشا: فطني ياريس اية حكاية 1200 ولا 1500 دول. اخوك هيتجنن ويقدر ياخد الدكتوراة من كندا. اية الحكاية. وسيبك من قصة الخليج والفلوس اللي بتعمل انتخة. الكلام دة كان زمان ومش مع الناس الطموحة اللي رايحة كندا عشان العلم والحياة الكريمة كانسان. فطني على الخطة ياريس. دة انا كمان هوفر مصاريف الدراسة والتامين الصحة عشان انا انشاء الله جاي كمهاجر مش بفيزة طالب. ياحلاوة ياولاد يعني بالفرق ممكن نصيع كمان.

[elpelasy]

شكرا ليك يا باشا

[Dr Ayman Kamel]

محدش يعني طلب الميزانية بتاعة الطلبة و ازاي ممكن اسرة 3 او 4 افراد تقدر تعيش ب 1200 الي 1500 في الشهر

طيب الحمدلله خليها مستورة :coffeenews: :rolleyes:

اخى فى الله المهندس ياسر بارك الله فيك على ماتسديه من نصائح لاخوانك الكرام

اخى فى الله الدكتور احمد اعلم انك غدا باذنه ستضحك على هذه الايام وتقول فاكرين لانك ساعتها هتكون دكتور مهندس قد الدنيا انما بالله عليك انا عايز اعرف ميزانبة الطالب حسبتها ازاى لاننا هنعيش اكيد كدا اول شهور وعلى فكرة انا متوقع ان ميزانية طالب احسن من ميزانيات اساتذه الجامعة فى مصر

[bentbatota]

شكرا يا باشمهندس على الموضوع الرائع ده لانه الشغل الشاغل لكل واحد بيفكر فى الهجره وربنا يجعله فى ميزان حسناتك

الاخ جادوللى احنا مستنين ميزانيتك على احر من الجمر

سؤال للاخوه الواحد يبتدى يدرس ويبتدى كورسات تساعده على انه يلاقى شغل احسن ولا يدور الاول على شغل المتوفر ليه ويؤجل موضوع الدراسه لحين ميسره؟

هو المهاجرين الجدد عليهم ضريبه دخل ولا فى اعفاء لفتره معينه ؟مع انى حادفع ضرايب على المصروفات زى الاكل وغيره .......................

[SajedSoft]

الباشمهندس ياسر

شكرا على مجهودك وجزاك الله كل خير

طيب كده الا هيروح كندا هيبقى ماشى عى قده قوى يعنى مش هيحوش حاجة

هو صحيح فيه عوامل تانية مهمة لكن برضه الفلوس عامل مهم ولازم لما ارجع بلدى بعد الغربة تكونمعاى فلوس تعيشنى كويس

ولا ايه؟

ما هو فى الاخر ياهندسة ملاناش الا بلدنا

وياريت تكلمنا عن الاستفادة المادية من الهجرة

ويجعله عامررررر :coffeenews: :rolleyes:

[حسام يوسف]

بص يا عم جادوللى

انا شايفك موجود فى الموضوع واسمك منور الشاشة

انا لية منك طلبين

معلهش طماع

ميزانية الحياة الشهرية فى كيبيك

وفرص ايجاد عمل لحد ما المعادلة تخلص ونعرف نشتغل شغلنا

خصوصا ان فية ناس اشتكت م الفرنساوى الكيبيكوا

وانة ممكن يمنعك انك تشتغل بسبب اللغة

والف شكر

تم تعديل 20 سبتمبر 2008 بواسطة حسام يوسف

[gadolly]

نبدأ بميزانية ياسر و نقصقص منها شوية حاجات من اللي بنعتبرها كماليات

اولا 300 دولار كل شهر تذاكر لمصر ..............انسي يا عمرو, هي فين مصر دي :coffeenews:

كابل 45 : يا عم كانش عندنا تلفزيون في مصر و الكابل في حاجات غير اخلاقية , قلته احسن, التلفزيون في كيبك 6 محطات و لو عايز تتعلم اللغة اتفرج عليهم

موبايل 70 : الطلبة مش محتاجينه, و كمان فيه دراسات بتقول الموبايل له اضرار علي المخ , بلاش منه عشان الصحة

دولي 70 : ليه هو الاسكيب راح فين, و الماسنجر و البرامج الحلوة, و الطلبة معندهمش وقت للرغي, قص يا معلم

تليفون و اوبشن 40: لا قلتهم احسن خالص و كمان لو عندك نت في برامج بتديك رقم تليفون في كيبك او اوتاوا

دي اس ال 50: شركة ايه كاناك عاملة عرض ب 20 و انا عندي منه و زي الفل , و لو عايز تليفون ممكن تجيب فري فون لاين ب 50 دولار مرة واحدة تدفعها في الحياة و يدوك رقم تليفون في كيبك

كدة وفرنا 560 دولار من ميزانية ياسر و الحاجات اللي فاتت كلها كماليات للطلبة

خش علي العربية, احسن حل شلها كلها يا باشا و اسكن جمب الكلية و روح مشي, اهيت رياضة, طبعا لازم قوة تحمل في التلج, انا في ايام كنت بحس اني حقع من طولي في التلج و مشيت في عواصف تلجية, بس اه الدنيا ماشية و محدش بيموت الحمد لله, او لو ساكن بعيد عن الكلية يبقي اتوبيس ب 60 دولار في الشهر و انتهت المشكلة

طيب حتموت علي عربية , بص معايا

حتجيب واحدة موديل 98 ياباني عشلن البنزين, و دي تبيع عربيتك في مصر و تجيبها, تمنها من 2000 الي 3000 دولار

تامين 15 دولار بس , في كيبك التامين رخيص اوي

البنزين, تستعملها مرة او مرتين بس في الاسبوع عشان التسوق و دي قصة تانية نقولها بعدين , يبقي البنزين 20-30 دولار في الشهر, طبعا بتنقي المحلات القريبة و البارك القريب عشان البنزين و متستعملهاش في السقعة اوي و لا التلج الجامد عشان البنزين و اياك تروح بها الكلية, الكلية لازم مشي و مفيش غيره, عشان الرياضة و الصحة طبعا ههه, او ممكن تجيب عجلة

اصلاحات, ما انت مش بتستعملها الا للشديد فالصلاحات قليلة جدا, تقريبا مفيش

الس ايه ايه, بدال استعماك قليل يبقي ربنا يسهل, او ممكن 4 و 5 يشتركوا في اشتراك واحد.

يبقي مصاريف العربية بالكتير 60 زي الاتوبيس

يبقي 410-60=350 توفير

يبقي وفرنا 910 من مصاريف ياسر, و ما زلنا نعتبر كل اللي فات ده كماليات

الايجار في كيبك هنا ممكن تلاقي حجرتين و صالة شاملة الكهرباء و التدفئة ب 800 دولار, يبقي كدة في فرق 500 دولار عن ياسر

يبقي وفرنا 1410 عن حساب ياسر, انا بجد مش عارف ليه السكن غالي اوي في تورونتو كدة, انا جاللي واحد حبيبي هنا من تورونتو و ياسر عارفه و اتخض لما لقي الاسعار هنا للسكن رخيصة كدة, مع انهم كانوا بيقولوا كيبك غالية اوي

كدة حساب ياسر كان 3700 و وفرنا 1400 يبقي الباقي 2300 محتاجهم,

عايزين نوفر لحد ما نوصل اقل من 1500, لسة بند الاكل و المصاريف الاخري اللي ياسر حططها ب 500 و له الحق في ده, بس بالنسبة للطلبة حقولكم ازاي تعمل بلياتشو و تقص منهم اكتر من 800 دولار عشان الميزانية

انا عايز دعوات حلوة لو الكلام عاجبكم عشان اكمل.

انا مستني الدعوات

[gadolly]

خد بالكم الجزء اللي جاي هو اللي فيه الاثارة كلها و الشغل كله

فين الدعوات

[Dr Ayman Kamel]

نبدأ بميزانية ياسر و نقصقص منها شوية حاجات من اللي بنعتبرها كماليات

اولا 300 دولار كل شهر تذاكر لمصر ..............انسي يا عمرو, هي فين مصر دي :coffeenews:

كابل 45 : يا عم كانش عندنا تلفزيون في مصر و الكابل في حاجات غير اخلاقية , قلته احسن, التلفزيون في كيبك 6 محطات و لو عايز تتعلم اللغة اتفرج عليهم

موبايل 70 : الطلبة مش محتاجينه, و كمان فيه دراسات بتقول الموبايل له اضرار علي المخ , بلاش منه عشان الصحة

دولي 70 : ليه هو الاسكيب راح فين, و الماسنجر و البرامج الحلوة, و الطلبة معندهمش وقت للرغي, قص يا معلم

تليفون و اوبشن 40: لا قلتهم احسن خالص و كمان لو عندك نت في برامج بتديك رقم تليفون في كيبك او اوتاوا

دي اس ال 50: شركة ايه كاناك عاملة عرض ب 20 و انا عندي منه و زي الفل , و لو عايز تليفون ممكن تجيب فري فون لاين ب 50 دولار مرة واحدة تدفعها في الحياة و يدوك رقم تليفون في كيبك

كدة وفرنا 560 دولار من ميزانية ياسر و الحاجات اللي فاتت كلها كماليات للطلبة

خش علي العربية, احسن حل شلها كلها يا باشا و اسكن جمب الكلية و روح مشي, اهيت رياضة, طبعا لازم قوة تحمل في التلج, انا في ايام كنت بحس اني حقع من طولي في التلج و مشيت في عواصف تلجية, بس اه الدنيا ماشية و محدش بيموت الحمد لله, او لو ساكن بعيد عن الكلية يبقي اتوبيس ب 60 دولار في الشهر و انتهت المشكلة

طيب حتموت علي عربية , بص معايا

حتجيب واحدة موديل 98 ياباني عشلن البنزين, و دي تبيع عربيتك في مصر و تجيبها, تمنها من 2000 الي 3000 دولار

تامين 15 دولار بس , في كيبك التامين رخيص اوي

البنزين, تستعملها مرة او مرتين بس في الاسبوع عشان التسوق و دي قصة تانية نقولها بعدين , يبقي البنزين 20-30 دولار في الشهر, طبعا بتنقي المحلات القريبة و البارك القريب عشان البنزين و متستعملهاش في السقعة اوي و لا التلج الجامد عشان البنزين و اياك تروح بها الكلية, الكلية لازم مشي و مفيش غيره, عشان الرياضة و الصحة طبعا ههه, او ممكن تجيب عجلة

اصلاحات, ما انت مش بتستعملها الا للشديد فالصلاحات قليلة جدا, تقريبا مفيش

الس ايه ايه, بدال استعماك قليل يبقي ربنا يسهل, او ممكن 4 و 5 يشتركوا في اشتراك واحد.

يبقي مصاريف العربية بالكتير 60 زي الاتوبيس

يبقي 410-60=350 توفير

يبقي وفرنا 910 من مصاريف ياسر, و ما زلنا نعتبر كل اللي فات ده كماليات

الايجار في كيبك هنا ممكن تلاقي حجرتين و صالة شاملة الكهرباء و التدفئة ب 800 دولار, يبقي كدة في فرق 500 دولار عن ياسر

يبقي وفرنا 1410 عن حساب ياسر, انا بجد مش عارف ليه السكن غالي اوي في تورونتو كدة, انا جاللي واحد حبيبي هنا من تورونتو و ياسر عارفه و اتخض لما لقي الاسعار هنا للسكن رخيصة كدة, مع انهم كانوا بيقولوا كيبك غالية اوي

كدة حساب ياسر كان 3700 و وفرنا 1400 يبقي الباقي 2300 محتاجهم,

عايزين نوفر لحد ما نوصل اقل من 1500, لسة بند الاكل و المصاريف الاخري اللي ياسر حططها ب 500 و له الحق في ده, بس بالنسبة للطلبة حقولكم ازاي تعمل بلياتشو و تقص منهم اكتر من 800 دولار عشان الميزانية

انا عايز دعوات حلوة لو الكلام عاجبكم عشان اكمل.

انا مستني الدعوات

بارك الله لك واتم عليك الخير