تاخد راتب كام و ترجع لمصر؟؟؟؟

[geeemooo]

طب إزاي 1700 ما يكفيش؟؟!!!

معليشي يعني يا أستاذ أوزوزو .. خدني على قد عقلي ..

إزي الراتب ده ما يكفيش لإن واحد ومراته وطفل يعيشوا حياة كريمة في مصر .. إمال المفروض الراتب اللي يعيشه كويس كام خمسة ألاف مثلا ولا إيه.. ما هي حاجة بالعقل .. وأنا عايزك تقنعني ..

أصل كمان الغربة مش سهلة ولا الواحد خلاص بئا مكتوب عليه يفضل طول عمره متغرب وما يفكرش في مرة انه ينزل يستقر بئا في بلده طالما ان 1700 ما يكفوش العيشة في مصر

بص يا استاذ 'HDarwish' انا باخد 3000 جنية وعندى بنت وولد الأولى فى تانية ابتدائى والتانى لسة ما دخلش حضانة ومش مكفينى خالص

اسكت وخاليك عندك وماترجعش دلوقتى خالص (غربة غربة )ماتعملش زى حلاتى فضلت اقول انا متغرب وتنيل وجيت من السعودية وعلى فكرة جاى بمزاجى وكان معايا تأشيرة محاسب وكسرتها عشان الكلمتين بتوعك دول

ودلوقتى بندم بجد

[tarek nokia]

بسم الله الرحمن الرحيم

واللهي انت يمكن شايف الوضع اكثر مني بس ياريت لو في احد موجود في مصر يشاركنا ويحكيلنا هل صحيح الوضع في مصر تغير لانه الفضائيات متبطلش كلام عن الحياة الزهيدة التي يعيش فيها الشعب المصري انا طبعا اتكلم عن الناس الغلابة الي هم 90%100 من الشعب مثل قناة المحور وقناة دريم 2 والأوربيت ووو انا لما كنت في مصر ركبت مع سواق تكسي وبعدين فهمت منه انه دكتور طبيب متخرج ومش لاقي شغل بيقلي واللهي مش لاقي شغل فاطريت اشتغل على التاكسي حتا تفرج لو الوضع كويس كدا زي ماانت بتقول طيب خلينا نرجع وانا مهندس خبرتي 12 سنة ولوعندك عمل ليا قولي فين عشان انزل وبلاش غربة بس ليا تعقيب على كلامك انت كل الوقت بتمدح نفسك وانا دكتور محترم وبعرف الدوائر المحترمة هو المتغربين مش محترمين ياعمي 45% 100 من المتغربين المصرين اطباء و30% مهندسين انا مش عارف هو في حد زعلك في السعودية ولا عملك حاجة اثرت عليك كل هذا التأثير عشان تصور الوضع بغير وضعه الراهن دبي بقت من غير روح والله قول واحد اسمعه يقول ها الكلام الحمدلله انه مش كل المصريين زيك ولا كنا اكلنا هوا وطردونا بحجة اننا نكارين للجميل ولا اتكلم عن الرواتب ولا كن عن التعمل الممتاز الذي ياعملونا به السعوديين وبعدين كام مصري في السعودية لوحدها تقريبا اكثر من مليون شخص

تم تعديل 6 أكتوبر 2008 بواسطة tarek nokia

[شاب مصري]

[

و هناك شركات تستقدم عمال النقاشة و المحارة براتب 800 ريال بالاضافة الى الاذلال

النقاش وعامل المحارة يوميته في مصر 30-50 جنيه في اليوم

لو كان صنيعي متوسط او كويس

يعني شهريا يقدر يعمل اكتر من 1000-1500 جنيه

800 ريال=1200 جنيه

ليه يسافر أصلا ؟

[شاب مصري]

( .............................. ) يا مصر

وكل واحد يحط الكلام اللي ييجي على باله بقى

يجعله عامر .

[alaa elshafiey]

بسم الله الرحمن الرحيم

اكتب هذه الكلمات وانا أشعر صراحة بكل كلمة أنسان فى الغربة يكتبها لانى واحد من هؤلاء الاشخاص المتواجدين خارج حدود الوطن

رأس الموضوع ( تأخد كام وترجع مصر )

صراحة موضوع هام جدا جدا انا دائما افكر فى الامر من وجهة النظر المادية لكى اعيش براحة تامة واكون ميسور الحال فأقل مرتب يكفينى

انا وزوجتى وليس لدين اطفال على الاقل 2000 جنية وانا واقعى جدا ولن اكتب المراتبات الفلكية الموجودة فى التعليقات السابقة لان ان

وجد هذا الراتب لم اتردد لحظة ,

ولكن ,,,,,

اين هو العمل الموجود بمصر ولماذا سافرنا اقول لك انا سافرت بعد انا ضاقت بى الدنيا وقعدت حبيس البيت ولم القى بأى عمل والمرتبات

التى عرضت حين ذاك كانت لا تتعدى 500 جنية وهذا كثير وان كانت المرتبات الان ممكن 1000 جنية او 1200 يمكن

انا اتكلم عن شريحة كبيرة من المغتربين العاديين فئة ( المحاسبين & المحامين & المندوب .......)

وانا اظن ان معظم المغتربين يتقاضوا رواتب مابين

السعودية 2000 الى 3500 ريال

قطر 3000 الى 4500 ريال

الامارات 3000 الى 5000 درهم

هذا بأعتقادى لان اصدقائى لا يتقاضوا رواتب اكثر من هذه

ونحن شباب اطحنا كثيرا فى مصر ولكن دون جدوى

ولن أقول الا أن تذهب أمام القوى العاملة فى القاهرة لترى الذل بعنيك وامامك اشخاص اعمارهم كبيرة يتذللوا للسفر

اخوانى انا احب مصر واقول لعائلتى كل يوم ان وجدت الفرصة فى مصر لن اتردد لحظة فى النزول ولكن اين الفرصة واين

النظام الموجود داخل مصر لكى اعيش فيها مثل هنا حياتى منظمة واعرف كيف ادير حياتى

اخوانى تكلمت كثير ولكن اقول غير ان كثير من الشباب فى هذه اللحظات قبلوا الهوان والسفر الى الخليج بمرتبات اقل مما تتخليوا

اساسا

انا احب مصر واعشقها من قلبى

كتبت هذه الكلمات وانا اتشوق للذهاب الى مصر ولكن ماذا نفعل هذا ثمن الغربة على الانسان ان يتمنى ويمكن ان يحقق حلمة ويمكن لا

لذلك ارجوا من الاخوة ان يشعروا بأن هناك افراد اقصى احلامهم ان يعيشوا حياة كريمة وليس اكثر

[aimen]

علاء ....كلماتك سكر

وانت سكر

ربنا يريح قلبك ويرزقك من حيث لا تحتسب

ويريحك اينما كنت ويرضيك بحياتك وبما قسمه الله لك

[أسد]

شخص أعرفه عن قرب ..

أعرفه جيداً ...

سافر إلى الكويت في مطلع السبعينيات ....

كان لسه متخرج من الجامعة .. عمل في عدة وظائف بالكويت .. وكان دخله كبيراً ..

في منتصف الثمانينيات قرر العودة لمصر .. فهو ميسور الحال .. ونزل بالفعل إلى مصر . وافتتح مشروعاً تجارياً .. وكان وضعه المالي جيد ..

بالرغم من نجاح مشروعه إلا أنه لم يكن مرتاحاً في مصر ..

قرر العودة مرة أخرى للكويت .. فلقد كان محتاطاً ومحتفظاً بإقامته هناك .

عاد للكويت .. وعمل في وظيفة اعلى من التي كان عليها من قبل .. وبراتب أكبر بكثير ..

قرر أن يبقى هناك حتى نهاية حياته .. لم يرزق بأبناء .. فقال لنفسه .. خلاص .. مطرح ماترسي .. دق لها ..

سأظل في الكويت حتى الممات .. وأعيش حياة هانئة ..

بالفعل .. عاش حياة فخمة في الكويت .. ونقل كل أمواله للكويت .. ووضعها في حسابات ببنوك كويتية ..

في العام 1990 اجتاح الجيش العراقي الكويت ...

وفر صاحبنا هارباً .. كان لديه سيارتان .. اختار السفر بالسيارة الصغيرة وتركالكبيرة .. خوفاً من أن ينفذ الوقود منه في الطريق ..

عاد إلى مصر لا يحمل معه إلا مبلغ يسير .. هو الذي كان بحوزته في تلك اللحظة ..

وجد نفسه لايملك إلا ملابسه فقط ..

قرر العودة مرة أخرى إلى الكويت .. ليحاول أن يستعيد بعضاً من أمواله بأي طريقة ..

لم يتمكن ..

بمجرد تحرير الكويت .. قرر العودة بسرعة وفوراً إلى وطنه .. المفترض ..

عاد فوراً .. فوجد بيته منهوباً ومدمراً ..

عاد مرة أخرى لمصر .. وأصيب بحالة نفسية سيئة .. فهو يملكالملايين .. ولكنه لا يحتكم على قرش منها .. واضطر للاستدانة ..

أصيب بالحزن الشديد .. ثم أصيب بجلطة في الدماغ ..

عافاه الله من مرضه .. ولكنه ترك آثاره على بدنه ... فلم يعد ذهنه حاضراً كما كان من قبل .. ولم يعد يستطيع السير كما كان .. ولم يعد يحتمل شقاء العمل ..

عاد للكويت مرة أخرى ..

حصل على جميع أمواله .. ولكن لم يستطيع إكمال عمله .. فلم يعد صالحاً للعمل كما كان ..

فالرجل مريض .. ولا يحتمل ..

حاول أن يبقى هناك .. كان من الممكن أن يبقى هناك حتى ولو بدون عمل .. قرر أن يفعل ..

بقي هناك حوالي العام . هو وزوجته .. ولكن ساءت حالته النفسية بشدة ..

تأكد أنه يقتل نفسه .. وهذا الحضن الدافئ الذي شعر به في الوطن المزعوم .. وجده قاسياً .. لا يحتمله .. نافراً منه . فلم يعد له فائدة ..

حول أمواله إلى حسابه في مصر ...

عاد إلى هناك .. لا يقوى للأسف الشديد على العمل ..

ولكنه بين أهله وأحبابه ..

وإلى يومنا حي يرزق .. ومعنوياته جيدة ..

ياترى ..

كم أخذ صاحبنا .. لكي يرجع إلى مصر ..؟؟؟

هذه قصة حقيقية .. لشخص أعرفه جيداً جداً .. وعن قرب ..

[tarek nokia]

السلام عليكم

ولم يجد حضنه الدافيء الا بعد 30 سنة غربة ولو هوا نزل مصر من غير فلوس سوف يجد حضنها الدافيء wst:: ولا الفلوس خلت حضنها دافيء هناك فرق انا مع كلامك ان لاغربة مدام انتا ميسور الحال ولاداعي لها ولكن ان كنت محتاج ان تعمل فماذا الحل ان تذهب الى مصر وتزيد عدد العاطلين ام تبقا مكانك :rolleyes:

[د محمد على]

السلام عليكم

ولم يجد حضنه الدافيء الا بعد 30 سنة غربة ولو هوا نزل مصر من غير فلوس سوف يجد حضنها الدافيء wst:: ولا الفلوس خلت حضنها دافيء هناك فرق انا مع كلامك ان لاغربة مدام انتا ميسور الحال ولاداعي لها ولكن ان كنت محتاج ان تعمل فماذا الحل ان تذهب الى مصر وتزيد عدد العاطلين ام تبقا مكانك :rolleyes:

ليس كل الناس لديهم هذه النظرة السوداوية و الكراهية لمصر مثلك

انا في مثل عمرك و حققت نجاحي في بلدي و خارجها و اكسب في مصر ضعف ما تدعى انك تكسبه في الغربه

لماذا توجه الاتهام باننا ننكر جميل السعودية؟هذا يعنى انك لا تفهم و لا تجيد ادب الحوار و تعتمد اسلوب الغوغاء في الحديث

انا ممتن للسعودية و الخليج و كل دولة عشت فيها و لكننا هنا نتحدث عن الغربه عموما و عن ثمنها وعن قيمة العيش في الوطن مهما كانت العيوب التى به

كما اننى لا اقول ان مصر جنه و بها فرص عمل بل اقول ان من لديه الفرصة في بلده او حتى نصف الفرصة فيجب عليه ان يبقي و لا يغادر

كما ان كلامك عن متوسط الرواتب هو كلام كاذب و مضلل و غير حقيقي و يدل عن عدم معرفة و جهل او عن رغبه في ان تقنع نفسك بصواب اختيارك

و الدليل كلام الزميل السابق عن متوسط الرواتب فبي السعودية (2000-3000)

هناك فئات تكسب اكثر بالطبع و لكننا نتحدث عن متوسط الرواتب و ليس عن حالات فردية

انت تكره مصر و هذه مشكله بل مرض و تحاول ان تخدع نفسك بانك اخترت الطريق الصواب

نهنئك على اختيارك و لكن لا تبث سموم كراهيتك لبلدك بين الاخرين

لقد وجهت اليك الرسالة الاخيرة حيث لا يجدي الحديث مع من هم مثلك من المتنكرين لاصولهم ولن اقرأ ردودك حيث ان مستوي ردودك يتميز بالغوغائية و انعدام العقلانية و ادب الحوار

ارجو ان تفهم ما قلته لك في النهاية

و سلامي للزملاء في المنتدي و تمنياتي لكم بالتوفيق

[محمد عبدالعزيز]

غريب أنا يطالبك شخص ما بإظهار الامتنان لدولة أخرى وعدم التنكر لها لأنها وفرت له فرصة عمل, ولا يطالب نفسه بنفس الشعور تجاه بلده التى وإن كان فيها من العيوب ما فيها فهى التى وصلته لأن يجد هذه الفرصة فى الدولة الأخرى!!!

سؤال أحب أن أسأله لكل المغتربين, كام واحد فيكم كان يعمل فى مصر بنفس الكفاءة والمجهود الذى يعمل به فى مكان إقامته خارج مصر؟

وهل إذا اضطررت وعدت إلى مصر ستعمل بنفس الكفاءة أم لا؟ مع عدم المقارنة بين المقابل المادى فى الحالتين.

[tarek nokia]

انا مش عارف هوا الناس ليش بتكره الصراحة هوا لما انا اقول واقع يبقا بكره بلدي ولما اطالب بالأصول يبقا انا بنكر بلدي وثانيا انا لم اغلط فيك ولم اقل لك شيء انا اتحدث عن رئي الشخصي لا ادري لما انتا منفعل :ninja: يادكتور wst:: رمانة وانشاء الله مصر تبقا احسن البلدان في العالم ومنحتاجش نتغرب مين يكره كدا والله يوفقك وتصير زي الدكتو راحمد زويل ودكتور البرادعي بس الفرق بينك وبينهم انهم نجحوا بر بلدهم وانتا مشاء الله اللهم لاحسد :blush2: نجحت داخل مصروبالتوفيق :sad:

[شاب مصري]

محمد علي

راجع كلامك وستكتشف انك انت من لا تلتزم بأدب الحوار

الأخ طارق اسلوبه مهذب

لكن جريمته ان رأيه مختلف معاك

فوصمته بانه ....... ولا يحترم أدب الحوار ..... الخ

[الرويناء]

من واقع تجربتى كست بيت ماسكه المصروف :lol: :lol:

ونزلت مصربس احتمال ارجع تانى

لو شيلنا فلوس المواصلات

والعيال كانوا الحمد لله كويسين او حتى تعبوا مره واحده فى الشهر

يبقى حلو اوى 2500فى الشهر

اما لو اضافنا العاملين دول للمعادله يبقى ولا 5 الاف يكفوا

لو انتوا زى حالاتى كده ساكنين فى مدينه جديده مفيهاش مواصلات تصلح للادميين ومش مستمره طول الوقت ومع طمع وجشع سواقين التاكسى ونصب بتوع تاكسىالعاصمه فالمشوار الواحد بيتكلف مواصلات بس حوالى 60 جنيه

ولو عندك طفلين كل يومين عند الدكتور ده بند تانى كشف وادويه واحيانا تحليل واشعه

انا عن نفسى لو كان ابويا وجيرانى معايا مكنتش افكر انزل اصلا وبلاش اقول اهلى واصحابى لانى كده كده مش هاشفهم توفير لللنفقات (مواصلات)

تم تعديل 8 أكتوبر 2008 بواسطة الرويناء

[sayed metwally]

بصراحة 4000 مبلغ مش بطال

والاهم كمان ان يكون التعامل محترم من جميع الناس

[jemy]

من واقع تجربتى كست بيت ماسكه المصروف

ونزلت مصربس احتمال ارجع تانى

لو شيلنا فلوس المواصلات

والعيال كانوا الحمد لله كويسين او حتى تعبوا مره واحده فى الشهر

يبقى حلو اوى 2500فى الشهر

اما لو اضافنا العاملين دول للمعادله يبقى ولا 5 الاف يكفوا

لو انتوا زى حالاتى كده ساكنين فى مدينه جديده مفيهاش مواصلات تصلح للادميين ومش مستمره طول الوقت ومع طمع وجشع سواقين التاكسى ونصب بتوع تاكسىالعاصمه فالمشوار الواحد بيتكلف مواصلات بس حوالى 60 جنيه

ولو عندك طفلين كل يومين عند الدكتور ده بند تانى كشف وادويه واحيانا تحليل واشعه

انا عن نفسى لو كان ابويا وجيرانى معايا مكنتش افكر انزل اصلا وبلاش اقول اهلى واصحابى لانى كده كده مش هاشفهم توفير لللنفقات (مواصلات)

انا في قطر ومصاريفي الشهريه 2000 ريال قطري مع اني فرد واحد ومعنديش مسئوليات لو نزلت مصر بقا اقل شيء اطلبه 5000 جنية وياريت يقضوني :lol:

على العلم ان راتبي في قطر 9000 ريال يعني 13000 جنية مصري

[جبار سينج]

احنا مكروهين فى الخارج لاننا مش كلنا طبعا البعض من المصرين متعودين على الفهلوة للاسف الشديد ودة اللى بيدى انطباع عن المصرين اننا متمردين دائما ومش بتوع شغل...

انا مش عاوز ارجع مصر خالص غير انى ازرو اهلى وبس... لكن ارجع مصر حتى لو هاخد 100 الف فى الشهر مش عاوزهم ..انا عاوز اخد الف واحد واعيش محترم زي زي اى انسان غنى ولية كل حقوقى واتعامل زى البنى ادمين

عيد سعيد

مين قال ان المصريين مكروهين

انا عايش 4 سنيين فى السعودية محستش الاحساس ده

هنا عارفين احسن طبيب المصرى

احسن مدرس المصرى

احسن مهندس المصرى

احسن سواق المصرى

وحكاية الفهلوة دى حاجات شخصية ونادرة

هى المشكلة بس فى قلة مرتبات الاكثرية من المصريين وده عرض وطلب وفى ظلم شوية من اخوانا العرب

لكن هم بيحترمونا جدا وعارفين قيمتنا فى الشغل

واحسن مندوبمبيعات هتلاقيه المصرى

أنا مش مع حضرتك فى الموضوع ده ... فعلا المصريين غير محبوبين فى الدول العربيه ...

أنا عشت فى الأمارات 8 سنين .. وفى السعوديه كام شهر ... وفى الجزائر 3 سنين ....

فيما عدا الجزائر اللى فعلا بيحبونا عكس ما أحنا متخيلين ... الأنطباع اللى خدته أننا مكروهين

وعلى فكره ده مش عن تجربه شخصيه أبدا أو معاناه فى الأمارات او السعوديه ...

فعلا احنا مكروهيين من الدول الخليجية وبيكرهونا جدا لاننا حسب فهمهم بنشتغل فى وظائف وبناخد فلوسهم

والله العظيم عمرى ما سمعت عن اى مصرى لما يرجع مصر يقول ان الخلجيين اشخاص بتحترم اى مصرى

دة الواقع للاسف واى مهندس او طبيب يعمل فى شركات او مستشفيات كبيرة بالخليج ممكن لا يحس

بس هم يضغنون الحقد فى اى مصرى والسعودية والكويت اكتر اتين بيكرهوا مصر على مدى

عشر سنوات من الكلام معهم عن طريق النت والمنتديات والشات ايام الثانوى والجامعة وكلام المصريين اللى بيرجعوا مصر

[المعتصم]

بسم الله الرحمن الرحيم

سؤال صعب جدا علي مطلقه

لتفوات المهن والرواتب

فهناك من لا يغادر مصر إلا من أجل عشرين ألف درهم مثلا في الامارات

وهناك من يغادر مصر من أجل ثلاثة الاف ريال في السعودية

فمطلق السؤال يصعب اجابته

[أسد]

الخلاصة ..

أي مبلغ .. ممكن يكون مناسب ..

مضافاً إليه ..

نعمة ينعم الله بها على عباده الصالحين ...

الرضـــــــا ...

نعمة الرضا في حد ذاتها ثروة ..

[محمد عيسى]

الخلاصة ..

أي مبلغ .. ممكن يكون مناسب ..

مضافاً إليه ..

نعمة ينعم الله بها على عباده الصالحين ...

الرضـــــــا ...

نعمة الرضا في حد ذاتها ثروة ..

الله يباركلك

هو ده الكلام

و أضف إليها القناعة

[nizza la bella]

اولا فى مصر قانون العمل فى اجازة طويلة و مفيش احترام للعامل,

ومرتب اية الى انت بتتكلم علية فين فى مصر?

ثانيا,فين الاخ shama

وشكرا