تاخد راتب كام و ترجع لمصر؟؟؟؟

[shama]

مش حسألكم ليه اتغربتم!!!!!

حسأل سؤال اسهل لو اتعرض عليك راتب كام في مصر ترجع؟؟؟؟؟؟

مش قصدي اعرف انت بتاخد كام القصد اعرف لو اخذت نسبة كام من الراتب اللي بتخده في الغربة ........................ ترجع؟؟؟؟

[ramiesm]

6000 جنيه وممكن افكر ارجع...هاااا ممكن و لا نخلينا في اللي احنا فيه :wub: :lol:

[ozoozo]

اساسي 7000 زائد البدلات

[حسام يوسف]

تاخدوا انتوا كام وتخرجونى من هنا؟

[mohamed omar]

5000الأف دولار..MONTHLYو انا كده عملت واجب معاهم.

[shama]

الرواتب دي مبالغ فيه جدا

مش ممكن نقوول رواتب معقوله و ناخد في الاعتبار ان الغربة ليها ثمن ولا خلاص معدش ليها حساب

[HDarwish]

3000

[رمضان]

انا والله موافق بألفين جنيه وانزل من الصبح

ايه الجماعة اللي بتتكلم على 6و7 الاف احنا هنضحك على بعض يا جماعة فيه ناس مش بتاخد الرواتب دي اساسا في الغربة

بجد الشعب المصري ده دمه خفيف جدا

[aimen]

طيب بدلات الإحترام والتعامل الآدمى والنظام وراحة البال نوعا ما ...حتكون متوفرة ولا الموضوع فلوس بس ..لو فلوس مش عاوز العب ؟

[ozoozo]

مين ده اللي بيقول رواتب مبالغ فيها ده

اي شركه محترمه في مصر بتبتدي من1500 للفريش وبعد تلات او اربع سنين خبره ممكن توصل ل 3000

والكلام ده ادام عيني وناس كتير بتاخد 7000 وعددهم كبير فعلا

وبعدين تعالي هنا كان في موضوع اسمه تقدر تعيش بألف جنيه في مصر هادور عليه وابعته

انا هنا في مصر مرتبي 1700 جنيه وبلقف في طابور العيش عشان اجيب عيش من ابو شلن والمرتب يادوب بيوصلني لاخر الشهر بالعافيه وانا لا بصيف في مارينا ولا مصاريف صيانه اليخت بتاعي مرتفعه انما متجوز وعندي طفل عمره سنه

[النجم الثاقب]

ما يكفى لمعيشة كريمة و توفير جزء للمستقبل ان شاء الله

[HDarwish]

طب إزاي 1700 ما يكفيش؟؟!!!

معليشي يعني يا أستاذ أوزوزو .. خدني على قد عقلي ..

إزي الراتب ده ما يكفيش لإن واحد ومراته وطفل يعيشوا حياة كريمة في مصر .. إمال المفروض الراتب اللي يعيشه كويس كام خمسة ألاف مثلا ولا إيه.. ما هي حاجة بالعقل .. وأنا عايزك تقنعني ..

أصل كمان الغربة مش سهلة ولا الواحد خلاص بئا مكتوب عليه يفضل طول عمره متغرب وما يفكرش في مرة انه ينزل يستقر بئا في بلده طالما ان 1700 ما يكفوش العيشة في مصر

[eng hoss]

15000 جنيه وشقه وسياره واتوبيس

تم تعديل 17 سبتمبر 2008 بواسطة eng hoss

[قاهرى]

رد منطقى وبجد والله العظيم

3000 جنية وارجع مصر مش هقول اكتر من كدة مع انى عارف ان فية ناس رواتبها فى مصر خزافية

ومش هقول اقل من كدة لان مسير الاولاد تكبر ومحتاج تدخلهم مدارس محترمة

فهما يدوووووووووووووووووووووووووووووووب 3000 جنية

ولو طمحت فى حياة افضل ممكن مشاركة الزوجة وقتها

هااااا رد مقنع ؟؟؟

[حسام يوسف]

ياجماعة مصر فيها كل حاجة

فيها ناس مش زى ماقلتوا أقل حاجة بياخد ألف وألف و500

فيها ناس بياخدوا

400

و300

و200 والله العظيم

وفيها ناس مظبطة نفسها بتاخد ألفين دولار أمريكى فى الشهر وانت طالع

بس دول أقل م الندرة

ومش من الشعب الغلبان

[HDarwish]

يعني هي المسألة عملية طمع؟؟؟

ولا ناس راضية بنصيبها وناس مش راضية؟؟

ولا طموح خيالي وأحلام وردية بيجري وراها كل واحد؟؟

ولا إيه بالظبط؟؟

رسونا يا للي في مصر علشان الواحد كل ما يفكر خلاص ينزل وكفاية كده غربة علشان السكينة ما تسرقناش بنلاقي قدامنا مية إيد ومية لسان بيقول لأ لأ إوعى ترجع

طب والحل يا أخوانا .. خلاص مصيرنا بئا كده وخلاص هنفضل طول عمرنا متعلقين هنا ونبقى زي الأخ اللي اتفضل شوية وحكى عن حماه اللي متغرب بئاله ثلاثين سنة وقاله اللي قرر يسافر بره خسر بره وجوه .. وانا بصراحة مش عايز اخسر برة وجوه

رسونا يا عالم .. رسونا يا هووووه

[حسام يوسف]

مع الاعتذار للأغنية

(خليك هناك خليك)

تم تعديل 17 سبتمبر 2008 بواسطة حسام يوسف

[أحمد سيف]

حتى لو أخذت زي اللي باخذه في الخليج (وده طبعا مستحيل) ... هاعمل ايه بالفلوس لما يجيلي سرطان من الأكل ولا تسمم من الميه ولا ربو من الهواء ولا وسواس قهري من الدوشه ولا لما أبقى طالع الصبح وعارف إنه في احتمال كبير ما أرجعش لولادي أو أرجعلهم عاجز، ولما أودي عيالي المدارس ألاقيهم بدل ما يتعلموا حاجة مفيدة بيتعلموا السفاله وقلة الأدب، ولما أمين شرطة مالوهش لازمة ممكن في أي لحظة يدوس على كرامتي ولما أصطبح كل يوم بأخبار الكوارث وخلقة اللي في بالي ولما يطلع عيني وعين اللي خلفوني علشان أخذ حق هوا ليا، ولما ألاقي نفسي لازم أسرق واختلس وأنافق علشان أوصل ولا على الأقل أحافظ على اللي أنا فيه

صحيح الغربة لها ثمن بس الحياة الآدمية أيضا لها ثمن

تم تعديل 17 سبتمبر 2008 بواسطة ansaif

[Digital]

انا شخصيا اتعرض عليا 6000 لحلوح (بعد الضرايب) الله اكبر الله اكبر، حصوة في عينك ياللي ما تصلي علي النبي :happy: في شركة ضخمة جدا في مصر شغالة في بتاع 20 مليار دولار

و لما قلت لبابا كان ناقص يولع فيا بجاز

كنت زعلان جدا لانه تقريبا نفس اللي باخده هنا، طب اقعد هنا ليه؟!!!

رغم الحمد لله شغلتي مستقبلها واعد (كل شيء بيد الله سبحانه و تعالي)

و خصوصا في بلد زي دبي

يعني ممكن كمان سنتين تلاتة الاقيني شغال باضعاف المبلغ ده

و رغم اني مش مبسوط هنا بس لما نزلت مصر اجازة (اول اجازة بعد سنة غربة) عرفت هوا رفض ليه

و عرفت انه كان عنده حق

رغم ان هنا مش جنة خالص

و ربنا ما يوعدك بمدير هندي قولوا امين

بس برضه نص العمي و لا العمي و الشلل و الجدري و الامراض المزمنة و المستعصية غير النفسية و العصبية

ياميت الف رحمة عليكي يامصر

بس بحبك برضه

السلام عليكم

[Virus]

حتى لو أخذت زي اللي باخذه في الخليج (وده طبعا مستحيل) ... هاعمل ايه بالفلوس لما يجيلي سرطان من الأكل ولا تسمم من الميه ولا ربو من الهواء ولا وسواس قهري من الدوشه ولا لما أبقى طالع الصبح وعارف إنه في احتمال كبير ما أرجعش لولادي أو أرجعلهم عاجز، ولما أودي عيالي المدارس ألاقيهم بدل ما يتعلموا حاجة مفيدة بيتعلموا السفاله وقلة الأدب، ولما أمين شرطة مالوهش لازمة ممكن في أي لحظة يدوس على كرامتي ولما أصطبح كل يوم بأخبار الكوارث وخلقة اللي في بالي ولما يطلع عيني وعين اللي خلفوني علشان أخذ حق هوا ليا، ولما ألاقي نفسي لازم أسرق واختلس وأنافق علشان أوصل ولا على الأقل أحافظ على اللي أنا فيه

صحيح الغربة لها ثمن بس الحياة الآدمية أيضا لها ثمن

الله ينور عليك جداً...والله انت قلت حكمة عظيمة..الحياة الآدمية لها ثمن..ولكن بعضنا ينسى أو يتناسى هذا الأمر من باب محدش عاجبه حاله ولازم نلاقي حاجة نعيط عليها

واسمحلي أضيف..وها أعمل إيه بالفلوس لما تكون مضطر تقريباً كل يوم تدفع رشوة بشكل أو بآخر

وهأعمل إيه بالفلوس لما أتنرفز على واحد في الشارع لأنه بييستهبل في السواقة وأشتمه أو أضربه وآخد وزره

وهأعمل إيه بالفلوس والواحد مثلاً يخاف يعتكف في مساجد لحسن أمن الدولة يسجلوه عندهم

وبدون تباهي زملائي بياخدوا في مصر 15000 ألف جنيه..أظن دول يعيشوا الواحد ملك

لكن ..شكراً..الحمد لله إن في دول عربية إسلامية الواحد ممكن يعيش فيها بقدر جيد من الاحترام والأدمية وفي نفس الوقت في وسط مسلمين وبيسمع الآذان وفوق كد ده ممكن يحوش فلوس..والله دي نعمة كبيرة ولا تقولي كندا ولا غيره