تاخد راتب كام و ترجع لمصر؟؟؟؟

[وليد أهلاوى مصراوى]

كل مصري قاعد في بلده (يا بخته) ممكن يكون مصير

مصير : مش لاقي فرصة سفر

ساعات في اليوم أحس فيهم إني عايش في مصر بس من غير ما أعوص أيديا .... فيرتشوال عيشه يعني

لكن من قريب مش بأحبها خالص

الأستاذ أيهاب ... أنا مش متابع جيد للمحاورات ...لكن طبعا ملاحظ كرهك الشديد للعيشه فى مصر ....

مش ممكن تحكيلنا مره أيه المشاكل اللى واجهتك فى مصر وأدت بيك للشعور ده ؟؟؟

لكن أنا أقصد مشاكل واجهتك أنت فعلا ... مش حكايات من الأصحاب والجيران مثلا ....

ومنكم نستفيد يافندم

[iloveegypt]

كل مصري قاعد في بلده (يا بخته) ممكن يكون مصير

مصير : مش لاقي فرصة سفر

أعتقد إنك تقصد "مسير" يا دوك مش "مصير" ...

مش كده و الا تقصد حاجه تانيه

ما علينا

مادام دخلت الموضوع ...... ممكن أقول رأيي

في رأيي المتواضع

أي راتب في مصر لا يعوض مشقة و عذاب العيشه في مصر

أنا شخصيا .... لا أرغب في العوده لمصر بأي راتب

أفضل أحبها و أعيش فيها من بعيد لبعيد

يعني أشاهد مسلسلات و أفلام مصريه على الفضائيات وأستحمل دم تامر بسيوني اللي يلطش في البيت بيتك ....

أشوف لي حلقتين لعمرو أديب في القاهره اليوم على يو تيوب .. أقرأ الجرائد المصريه ع النت .. أقرأ شويه في المحاورات و أكتب لي كلمتين .. أشاهد ماتشات الدوري و أفريقيا و أفتكر أيام زمان....

ساعات في اليوم أحس فيهم إني عايش في مصر بس من غير ما أعوص أيديا .... فيرتشوال عيشه يعني

لكن من قريب مش بأحبها خالص

ياعم فينك وفين مواضيعك وحشنى والله

رمضان كريم :) :lol:

رغم اختلافى فى كل ما قلته :lol: :lol:

[hamoudi]

انا قعدت فى الغربه 3 سنين وبعد كده نزلت 3 شهور اجازة بصراحه بعد شهر قطعت الاجازه ورجعت تانى

لان مصر الان فى كبوة وانشاء الله هتفوق منها بس محتاج وقت واذا كنا لن نستطيع ان نخلصها من كبوتها بالتالى لا نصيب انفسنا بكبوه

ماحدش يقول انى مش وطنى وده بلدك

انا بحب مصر جدا

اللى بيقول حاليا ان مصر ام الدنيا اتحداه اذا كان سافر بره مصر

مصر كانت ام الدنيا بس مش الفتره ديه وانشاء الله هتبقى ام الدنيا تانى لان كل جواد كبوه

انا مااخدشى ضعف مرتبى هنا واعيش فى مصر

ياترى ياهل ترى مين السبب؟!؟؟!؟!؟!؟!؟

فتحي تبارك

والا ابنه كمال تبارك

والا صاحبابنه الولد بتاع الحديد احمد زيزو

[Ghooost]

في رأيي المتواضع

أي راتب في مصر لا يعوض مشقة و عذاب العيشه في مصر

أنا شخصيا .... لا أرغب في العوده لمصر بأي راتب

أفضل أحبها و أعيش فيها من بعيد لبعيد

يعني أشاهد مسلسلات و أفلام مصريه على الفضائيات وأستحمل دم تامر بسيوني اللي يلطش في البيت بيتك ....

أشوف لي حلقتين لعمرو أديب في القاهره اليوم على يو تيوب .. أقرأ الجرائد المصريه ع النت .. أقرأ شويه في المحاورات و أكتب لي كلمتين .. أشاهد ماتشات الدوري و أفريقيا و أفتكر أيام زمان....

ساعات في اليوم أحس فيهم إني عايش في مصر بس من غير ما أعوص أيديا .... فيرتشوال عيشه يعني

لكن من قريب مش بأحبها خالص

وياترى لما مصر تبقى كويسه ان شاء الله ساعتها تقول بلدى وليا حق فيها . وساعتها مش هتبقى عايز تعوص بس دا انت هتلغوص كمان . انما دلوقت مصر كخه !!

معلش مجرد رأى

[عمرعمرعمر]

الباشا ايهاب بيتهيألي كلمة مصير دي تصغير مصر

[aimen]

فضلت ماسكة في إيد بابا والعساكر بيضربوه وبعد ما أغمي عليه كملوا ضرب وهو بيسقط علي الأرض.. وأنا باصرخ فيهم.. حرام عليكم.. حرام عليكم».. توقفت إسراء عن وصف ما جري لوالدها حمادة عبداللطيف المصاب بقطع في النخاع الشوكي وشلل رباعي نتيجة اعتداء الشرطة عليه أمام مدرسة الجزيرة بالإسكندرية الأربعاء الماضي،وبكت

ادى مصر يا سيدى ..تصدق انا بقالى عامين ما نزلت مصر وشايل هم النزول كأنه موت ...هم على قلبى ..والله لولا والدى واخوى واختى ما كنت عتبتها ولا نزلت ابدا ....

http://www.elbadeel.net/index.php?option=c...27&Itemid=1

تم تعديل 28 سبتمبر 2008 بواسطة aimen

[ahmadmosa]

اتعجب لهؤلاء الذين يقولون ( الادمية لها ثمن ) وكاننا نعامل بادمية في الغربة؟ انتوا بتستهبلوا ولا كدبة وصدقتوها ؟

حد في السعوديةمثلا بيتعامل بادمية؟ اتمنى من الناس الي بتتفلسف وتتكلم اى كلام عشان تظهر في الحوار وخلاص

ولا الادمية عندكم رغيف سخن وعربية ملاكي؟ المصري في الغربة ممكن يسمع ( كلمة ) واحدة تخليه يحس باللا ادمية طول عمره ومينسهاش ابدا طول حياته ( انا طبعا بتكلم على الناس الى عندها كرامة واحساس ) لكن فيه بعض الناس طالما انه شغال ( برة ) ودى كفاية من وجهة نظرة لاحساسه بانه بني ادم - ممكن الصنف دة يتغاضى عن تلك الاهانات و ( ويبلعها ) مع انه في بلده مش هيسمح يتقاله ربعها او حتى حد يلمحله بيها.

اصحوا يادعاة ( التغريب) واعرفوا ان كلمتكم دى ( الادمية ليها ثمن ) مش هتكون غير في بلادكم مهما كانت المساويء وابن بلدى اهون عليا من ( كلاب النفط ) الى بيعتبروك خادم عندهم وبيعاملوك معاملة ( العبد ) حتى وان لم يظهروا دة - فدي افكار اتربوا عليها انهم اسياد وكل الى بيشتغل عندهم خادم

وعجبي بجد

[أحمد سيف]

اتعجب لهؤلاء الذين يقولون ( الادمية لها ثمن ) وكاننا نعامل بادمية في الغربة؟ انتوا بتستهبلوا ولا كدبة وصدقتوها ؟

حد في السعوديةمثلا بيتعامل بادمية؟ اتمنى من الناس الي بتتفلسف وتتكلم اى كلام عشان تظهر في الحوار وخلاص

ولا الادمية عندكم رغيف سخن وعربية ملاكي؟ المصري في الغربة ممكن يسمع ( كلمة ) واحدة تخليه يحس باللا ادمية طول عمره ومينسهاش ابدا طول حياته ( انا طبعا بتكلم على الناس الى عندها كرامة واحساس ) لكن فيه بعض الناس طالما انه شغال ( برة ) ودى كفاية من وجهة نظرة لاحساسه بانه بني ادم - ممكن الصنف دة يتغاضى عن تلك الاهانات و ( ويبلعها ) مع انه في بلده مش هيسمح يتقاله ربعها او حتى حد يلمحله بيها.

اصحوا يادعاة ( التغريب) واعرفوا ان كلمتكم دى ( الادمية ليها ثمن ) مش هتكون غير في بلادكم مهما كانت المساويء وابن بلدى اهون عليا من ( كلاب النفط ) الى بيعتبروك خادم عندهم وبيعاملوك معاملة ( العبد ) حتى وان لم يظهروا دة - فدي افكار اتربوا عليها انهم اسياد وكل الى بيشتغل عندهم خادم

وعجبي بجد

بالراحة علينا شويه يا بو حميد ... كل واحد بيتكلم عن ظروفه وحسب اللي شافه ... وصوابعك مش زي بعضها

مش معنى إن ظروفك وحشه في الغربة يبقى كل الناس زيك ... احنا هنا واخذين حقنا وزياده مش بس فلوس وراحه ولكن كمان احترام وتقدير وأدب

أنا بس بادعيلك ربنا في هذه الأيام المفترجه ظروفك تتحسن وتقدر تحس بآدميتك في الغربة

[وليد أهلاوى مصراوى]

اتعجب لهؤلاء الذين يقولون ( الادمية لها ثمن ) وكاننا نعامل بادمية في الغربة؟ انتوا بتستهبلوا ولا كدبة وصدقتوها ؟

حد في السعوديةمثلا بيتعامل بادمية؟ اتمنى من الناس الي بتتفلسف وتتكلم اى كلام عشان تظهر في الحوار وخلاص

ولا الادمية عندكم رغيف سخن وعربية ملاكي؟ المصري في الغربة ممكن يسمع ( كلمة ) واحدة تخليه يحس باللا ادمية طول عمره ومينسهاش ابدا طول حياته ( انا طبعا بتكلم على الناس الى عندها كرامة واحساس ) لكن فيه بعض الناس طالما انه شغال ( برة ) ودى كفاية من وجهة نظرة لاحساسه بانه بني ادم - ممكن الصنف دة يتغاضى عن تلك الاهانات و ( ويبلعها ) مع انه في بلده مش هيسمح يتقاله ربعها او حتى حد يلمحله بيها.

اصحوا يادعاة ( التغريب) واعرفوا ان كلمتكم دى ( الادمية ليها ثمن ) مش هتكون غير في بلادكم مهما كانت المساويء وابن بلدى اهون عليا من ( كلاب النفط ) الى بيعتبروك خادم عندهم وبيعاملوك معاملة ( العبد ) حتى وان لم يظهروا دة - فدي افكار اتربوا عليها انهم اسياد وكل الى بيشتغل عندهم خادم

وعجبي بجد

كلمه قاسيه جدا..... وبعدين نتعجب ليه المصريين مكروهين خارج مصر

[alaashabana]

احنا مكروهين فى الخارج لاننا مش كلنا طبعا البعض من المصرين متعودين على الفهلوة للاسف الشديد ودة اللى بيدى انطباع عن المصرين اننا متمردين دائما ومش بتوع شغل...

انا مش عاوز ارجع مصر خالص غير انى ازرو اهلى وبس... لكن ارجع مصر حتى لو هاخد 100 الف فى الشهر مش عاوزهم ..انا عاوز اخد الف واحد واعيش محترم زي زي اى انسان غنى ولية كل حقوقى واتعامل زى البنى ادمين

عيد سعيد

[iloveegypt]

احنا مكروهين فى الخارج لاننا مش كلنا طبعا البعض من المصرين متعودين على الفهلوة للاسف الشديد ودة اللى بيدى انطباع عن المصرين اننا متمردين دائما ومش بتوع شغل...

انا مش عاوز ارجع مصر خالص غير انى ازرو اهلى وبس... لكن ارجع مصر حتى لو هاخد 100 الف فى الشهر مش عاوزهم ..انا عاوز اخد الف واحد واعيش محترم زي زي اى انسان غنى ولية كل حقوقى واتعامل زى البنى ادمين

عيد سعيد

مين قال ان المصريين مكروهين

انا عايش 4 سنيين فى السعودية محستش الاحساس ده

هنا عارفين احسن طبيب المصرى

احسن مدرس المصرى

احسن مهندس المصرى

احسن سواق المصرى

وحكاية الفهلوة دى حاجات شخصية ونادرة

هى المشكلة بس فى قلة مرتبات الاكثرية من المصريين وده عرض وطلب وفى ظلم شوية من اخوانا العرب

لكن هم بيحترمونا جدا وعارفين قيمتنا فى الشغل

واحسن مندوبمبيعات هتلاقيه المصرى

تم تعديل 28 سبتمبر 2008 بواسطة iloveegypt

[عمرعمرعمر]

الاخ احمد موسي

طبعا واضح ان انت بتهزر او مثلا رايح تقدم في دور سينمائي و بتعمل بروفة لفيلم قديم لان ما اعتقدش ان لسه فيه حد متقوقع كده

بس اللي خايف منه انك تكون امن دوله ربنا يسترها علي العموم يا باشا انا هاقول كل حاجة من غير ضرب

ولع الكشاف و اضربه في وشي و اسمع يا باشا

انت ما عندكش اي خبرة سواء في مصر او في الغربة (انا اسف)

ده غير ان اسلوبك غريب و ما فيهوش احترام لرأي الاعضاء اللي كل واحد فيهم عاش تجربة و مر بخبرات و كل واحد بيقول رأيه بناء علي ذلك

انا ما اعرفش انت سافرت ولا لا

بس لو كنت سافرت و اتعاملت وحش من كلاب النفط زي ما بتقول شوف انت ايه اللي هيخلي الكلب يعضك (يعني الكلب بيعض مين)

و لو كنت ما سافرتش يبقي فكرتني بعرض العرايس بتاع الليله الكبيرة و الراجل اللي بيقول (اللي شاف حمص و لا كلش حب و اتلوع و لا طلش)

انت عايز تقول ايه

احنا كلنا بنحب مصر و بنحب كل الشعب المصري و بنحب كل شبر في ارض مصر اكتر منك و و الله العظيم واحشانا و ان شاء الله هترجعلنا تاني مش احنا اللي هنرجعلها

بس يا حبيبي احب اطمنك علينا احنا المصريين في الغربة عايشين بقيمتنا و كرامتنا و في معظم الاحوال اللي بيحصل فيها مشاكل و الله يا اخي و مالكش عليا حلفان الواحد بيعرف ياخد حقه اسف احسن من مصر

و (الصنف ده) اللي انت قاصدك انه بيرضي بالهوان هم اشخاص انت عارفهم اكيد و لك علاقة بيهم عشان كده انت متأكد من كلامك و انصحك بالابتعاد عنهم عشان ما يأثروش عليك

و عجبك (لانه مش عجبي انا)

[مشمش]

مش معنى إن ظروفك وحشه في الغربة يبقى كل الناس زيك ... احنا هنا واخذين حقنا وزياده مش بس فلوس وراحه ولكن كمان احترام وتقدير وأدب

صباح الفل يا ابوحميد,

انا لم اتشرف بزيارة الخليج, و لكني اعرف من الاصدقاء ان كلام حضرتك مضبوط تماماً ولكن للاسف يطبق علي شريحة صغيرة جداً, وهي حملة الشهادات العليا و اصحاب الخبرات النادرة.

توجد طبقة كبيرة من المصريين تعامل معاملة اقل ما يقال عنها انها غير ادمية.

الا تتفق معي ان نظام الكفيل - و ان حجبت عيوبه عن الخبرات - هو نظام عنصري للغاية؟

[ابو محمود]

يارب كل واحد متغرب يرجع بلدة سالم حتى لو مش غانم

بلادنا زى الفل بس للى عايز يشتغل ويفكر وما يكونش موظف يعنى بتاع مكتب وما بيفكرش

الموظف بمعنى انة عايز مرتب وهوا قاعد بدون عمل .. علشان محدش يفهمنى غلط

يا رجال مصر انتم متغربين من أجل المال ام من أجل الهروب من المعاملة القاسية ان كان المال فهو كثير ولن ينضب بس فكرو وهتلاقو مهن كثيرة واعمال وفيرة بس للى عايز يتعب ويشوف ثمرة تعبة ولا يمل من اول مشوار وينخ اما من يريد التغرب علشان معاملة قاسية فأظن ان الكفيل او الكفالة معروفة للكل حتى لو كان صاحب مؤهلات عالية قد النخلة بردو الكفيل راكب على نفسة وبيلهف منة يبقى الحل ايية ؟؟؟؟؟

[Rakan]

اصحوا يادعاة ( التغريب) واعرفوا ان كلمتكم دى ( الادمية ليها ثمن ) مش هتكون غير في بلادكم مهما كانت المساويء وابن بلدى اهون عليا من ( كلاب النفط ) الى بيعتبروك خادم عندهم وبيعاملوك معاملة ( العبد ) حتى وان لم يظهروا دة - فدي افكار اتربوا عليها انهم اسياد وكل الى بيشتغل عندهم خادم

وعجبي بجد

تم انذارك وتحذيرك اكثر من مرة وتم اغلاق وخذف اكثر من موضوع ورد لك بسبب تطاولك على بلاد الحرمين وشعب بلاد الحرمين

وجميع احقادك ومواضيعك السابقة محفوظة ... والمعلومات المتوفرة عنك كافية للوصول لك

والأن اقسم لك بالله و في هذا الشهر المبارك ان ايامك في بلادنا اصبحت معدودة .. وقريبآ تعرف ماذا يستطيع كلاب النفط ان يعملو مع امثالك من الحاقدين

و درجة الحقد اللي عندك تعتبر خطر على آمننا وآمن اخواننا المقيمين معنا ... واصغر مسئول في البلد يفتخر بطرد امثالك .

[أحمد سيف]

صباح الفل يا ابوحميد,

انا لم اتشرف بزيارة الخليج, و لكني اعرف من الاصدقاء ان كلام حضرتك مضبوط تماماً ولكن للاسف يطبق علي شريحة صغيرة جداً, وهي حملة الشهادات العليا و اصحاب الخبرات النادرة.

توجد طبقة كبيرة من المصريين تعامل معاملة اقل ما يقال عنها انها غير ادمية.

الا تتفق معي ان نظام الكفيل - و ان حجبت عيوبه عن الخبرات - هو نظام عنصري للغاية؟

أنا معاك فعلا إن نظام الكفيل هو نظام سئ وعنصري ... ولذلك تتجه بعض دول الخليج الآن الى إلغائه أو تعديله لا سيما بعد الانتقادات الدولية

ولكن صدقني لن تحس بموضوع الكفيل سوى في حالة واحدة ... أن تعمل لدي شخص (فرد) ويكون هو كفيلك، فعندئذ تكون فعلا تحت رحمته، ولكن حتى في هذه الحالة فإن كفيلك قد يكون بني آدم محترم ويخاف الله وعندها لن توجد مشكلة على الإطلاق

أما إذا عملت لدى شركة كبيرة أو في الحكومة فسوف تنسى مع الوقت أنك أجنبي، خصوصا إذا كنت متميزا في عملك ويحتاجون اليك بشدة

النقطة الثانية هي أن اسلوب التعامل يعتمد بصورة كبيرة على الشخص نفسه واحترامه لذاته وتقبله للإهانة ... وقد عرفت عن قرب مهندس مصري كان يعمل في مكتب هندسي ويتلقى الإهانات يوميا ... ثم في يوم طفح به الكيل فردّ على كفيله بلهجة حادة، ومن يومها توقف هذا الرجل عن إزعاجه وتغيرت معاملته 180 درجه.

وعموما إذا كان الكفيل قليل الأدب، فما الذي ستخسره عند مواجهته، أقصى ما يمكن أن يفعله هو أن يفصلك من عملك ويعيدك الى بلدك، وهو حل أفضل بالتأكيد من أن تظل في وضع سئ مثل هذا.

ما الذي يجعل المصري في وضع أسوأ من جنسيات أخرى مثل الفلسطيني أو الأردني أو اللبناني أو التونسي هو تهاونه في حقوقه، وإلا فإنه أكثر كفاءة وإنتاجية منهم جميعا وسوف يعمل له صاحب العمل ألف حساب لو كشر عن أنيابه.

النقطة الثالثة هي أن أسلوب التعامل في مصر ليس أفضل كثيرا من نظام الكفيل الخليجي ... وقد عشت وشاهدت عن قرب كيف يتعامل أصحاب الأعمال الخاصة في مصر مع موظفيهم ... لاسيما من يعملون في وظائف مثل مندوبي المبيعات أو أصحاب المؤهلات الدنيا.

النقطة الرابعة والأخيرة أنه بغض النظر عما يحدث في العمل فإنه بعد انتهاء وقت العمل ستصبح حياتك ملكك في مصر أو في الخليج ... وعندها ستحس بالفرق فعلا في نوعية الحياة وراحة البال، والمقارنة بالتأكيد لن تكون في صالح مصر.

سوف تحس فعلا بكلامي وتتذكره حين يصبح لك نصيب في سفر الى الخليج.

[وليد أهلاوى مصراوى]

احنا مكروهين فى الخارج لاننا مش كلنا طبعا البعض من المصرين متعودين على الفهلوة للاسف الشديد ودة اللى بيدى انطباع عن المصرين اننا متمردين دائما ومش بتوع شغل...

انا مش عاوز ارجع مصر خالص غير انى ازرو اهلى وبس... لكن ارجع مصر حتى لو هاخد 100 الف فى الشهر مش عاوزهم ..انا عاوز اخد الف واحد واعيش محترم زي زي اى انسان غنى ولية كل حقوقى واتعامل زى البنى ادمين

عيد سعيد

مين قال ان المصريين مكروهين

انا عايش 4 سنيين فى السعودية محستش الاحساس ده

هنا عارفين احسن طبيب المصرى

احسن مدرس المصرى

احسن مهندس المصرى

احسن سواق المصرى

وحكاية الفهلوة دى حاجات شخصية ونادرة

هى المشكلة بس فى قلة مرتبات الاكثرية من المصريين وده عرض وطلب وفى ظلم شوية من اخوانا العرب

لكن هم بيحترمونا جدا وعارفين قيمتنا فى الشغل

واحسن مندوبمبيعات هتلاقيه المصرى

أنا مش مع حضرتك فى الموضوع ده ... فعلا المصريين غير محبوبين فى الدول العربيه ...

أنا عشت فى الأمارات 8 سنين .. وفى السعوديه كام شهر ... وفى الجزائر 3 سنين ....

فيما عدا الجزائر اللى فعلا بيحبونا عكس ما أحنا متخيلين ... الأنطباع اللى خدته أننا مكروهين

وعلى فكره ده مش عن تجربه شخصيه أبدا أو معاناه فى الأمارات او السعوديه ...

[عمرعمرعمر]

انا شايف يا جماعه ان كل واحد بينام علي الجنب اللي بيريحه سواء في مصر او في الغربة

من غير اي تجريح في مصر او الدول الاخري

بس اطلب بشدة و ده اقل حاجة عقلانية يعني

ان

اللي

ماسافرش

بالله عليك يا اخي

ما تتكلمش (عن الغربه علي الاقل)

و لا هو كلام وخلاص

و معلش برضه الاخوان اللي بيقولوا المصريين مش محبوبين في الدول العربيه

هاسالكم السؤال بصيغه مختلفة

هل السعوديين و الكويتيين و ................... محبوبين في مصر

التوبيك اسمه تاخد كام و ترجع مصر

يعني اكيد الغرض من الموضوع تبادل الخبرات بين المغتربين

تم تعديل 29 سبتمبر 2008 بواسطة عمرعمرعمر

[redwany]

شكرا يادكتور عمر

احييك يادكتور عمر على اسلوبك الباهر والمقنع لانك وضعت النقط فوق الحروف

اما عن نفسى فانا اعشق كل ذرة تراب فى مصر ولكن مصر الان فى كبوة وسوف تفيق منها باذن الله والى ذلك الحين انا هنا فى المملكة وعن نفسى لم اجد اى اساءة لى بل بالعكس باخد حقى فى كل مصلحة حكوميه ولم اجد اى سعودى يسئ لى ولذلك نحمد الله اننا تغربنا فى بلاد تحترمنا

وانشاء الله سوف ياتى الوقت الذى سنرجع فيه الى بلدنا الحبيبه وانشاء الله سوف نضيف اليها الكثير

التوفيق للجميع

[ahmadmosa]

اخواني المصريين في المنتدى

لقد سبق وان تحدثت اكثر من مرة عن مدى حقد وكراهية شعب المسمى ( راكان ) وعلى فكرة دة اسم من اسماء الشيطان والعياذ بالله وفي بعض الاقوال اسم لجهنم ايضا والعياذ بالله - وشاء الله سبحانه وتعالى ان تروا باعينكم نموذجا لهذا السم الذي يجري في عروقهم مجرى الدم تجاه كل الجنسيات الاخرى على ارضهم - ايها الشيطان اقول لك كلمة في البداية وخلينى اتكلم عامي بلهجتى العادية عشان اكون اكثر وضوحا ( مطرح ماتحط راسك حط رجليك ) و ( اعلى مافي خيلك اركبه )

اخواني المصريين لقد دعوت الله سرا وجهارا ان يعيدنى الى بلادي في اسرع وقت ممكن وربما استجاب الله دعائي وسيكون الخلاص على يد هذا الصعلوك الاجرب الذي اتمنى ان يكون صادقا عشان اقول يارب جت من عندك ومقطعتش رزقك بايدي فلربما كان هذا الابله المتعجرف هو يد العون لي وهو لايدري

وبعدين في نقطة مهمة انتا مين اصلا عشان تقول تم انذاري وتم حذف كلامي انتا مالك اساسا وباي حق تتكلم بلهجة تهديد وكانك ياجربوع صاحب المنتدى ولا شريك فيه ؟

وبعدين اساسا انتا مالك ومال محاورات المصريين ايه حشرك بينا مش قادر افهم؟

المهم عشان متاخدش وقت اكتر من الى تستحقه نرجع لموضوعنا مع حبايبي المصريين

انا رايي ياجماعة ان الرزق بتاع ربنا والعودة هتكون ان عاجلا او اجلا وفي الموعد الذي يحدده الله لا انت - المهم ان يعلم الجميع ان لاوطن غير الوطن مهما بلغت راحتك فيه ورضاك عنه فلا يمكن ان يحب الانسان امراة اكثر من امه لانها ربته او رافقته طيلة نشاته فالام ام مهما كان وامنا مصر مش اى بلد تانية :rolleyes:

والسلام عليكم