استقدام الزوجه الي السعوديه

[safa]

جزاكم الله خيرا كثيرا يا أخ تامر

و يا ريت لو فيه جديد أنا متابعه

[vipwithyou]

طيب اقترح عليكى تخلى زوجك بدخل هنا معانا وهو هيلاقى ناس كتير موجودين معاه فى السعودية تساعدة وتدله على الطريق السليم وممكن يتواصلوا معاه تليفونيا كمان افضل

[Hamed]

السلام عليكم

أعتقد أن التصرف الوحيد الممكن هو حضورك كزيارة للزوج وتأشيرة الزيارة ممكن مدها حتى 6 شهور ثم تنزلى مصر وتعودى بتأشيرة زيارة ثانية وهكذا

[computen]

نعم يا شباب يوجد مسموح باستقدام الزوجة الحاملة للفيرس سي

والإجراءات كالتالي

أولا : تحلل فيرس عادي من المعامل الوزارة وتأخذ النتيجة وتذهب بها إلى الرعاية في القنصلية وهم يوجهونها إلى مستشفى آخر جامكا او مستشفى السلام أو آخر في مصر الجديدة لا أتذكر إسمه ...... بالاضافة إلى توجيه من الرعاية أيضا إلى المعامل بتحليل بي سي أر ....بعد ذلك تأخذ نتيجة المستشفى الاشعة وخلافه وتذهب بها إلى الرعاية مرة أخرى وطبعا تحليل البي سي أر هم يرسلونه إلى السفارة مباشرة دون تخل من الزوجة

والأوراق المطلوبة في هذه المرحلة كالأتي

1- تعهد من الزوج موثق من جهة عمله ومن الخارجية السعودية بعدم العمل في أي جهة من جهات المملكة و أيضا عمل التأمين الصحي الشامل للزوجة

2- عقد عمل للزوج أيضا موثق من جهة عمله ومن الخارجية .

وإجراءات أخرى روتينة بجوار القنصلية كالتسجيل على الانترنت وخلافه ...........إلخ

بالمناسبة أنا أحدث واحد عملت هذا لاستقدام وأتممت الإجراءات السابقة ومنتظرين التأشيرة .......

******

تم حذف الإيميل من المداخلة

سي السيد

[SecretofLife]

بسم الله الرحمن الرحيم

جزاكم الله خيرا على معاونتكم

انا مشكلتي نفس مشكلة الاخت صفا

عندما عملت تحاليل التحاق بعائل لزوجي ظهرت ايجابية

و بعد الكشف تبين ان عندي الاجسام المضادة و خالية من الفيروس

ولكن السفارة تعتبر ان النتيجة ايجابية و بالتالي لم يستطع زوجي ان يتم معاملة الاقامة لي

لكن زوجي بالكويت و ليس السعودية

فياريت من لديه مساعدة في هذا الموضوع يتفضل بها جزاه الله خيرا

و هل الحل الذي طرحه الاخ computen

يتم العمل به في الكويت ايضا و سفارة الكويت ام السعودية و سفارتها فقط؟؟

[Tameraz]

السلام عليكم

* مع احترامي للجميع لايوجد شئ اسمه مستحيل او ممنوع في السعودية بالمعارف و الوسطات تخلص المستحيل

+ الزيارة لا يتم عمل فحص للفيروس فيها فكده ممكن زوجك بعمل لك زيارة

* مسأله انك تحولي الزيارة لاستقدام و تنقى فيالسعودية عاوزة واسطه جامدة جدا تصل لوزير الداخلية او نائبه

* ممكن تبقى بالزيارة لمدة سنه او 11 شهر وبعدين تنزلي مصر و زوجك يعمل لك زيارة تانية و هكذا

[se_ Elsyed]

* ممكن تبقى بالزيارة لمدة سنه او 11 شهر وبعدين تنزلي مصر و زوجك يعمل لك زيارة تانية و هكذا

طب ومدارس الأولاد ؟ إزاي حد يدخل ولاده مدارس وهما زيارة ؟

الزيارة بالنسبة للي ماعندهمش اولاد في سن المدارس هي حل ممتاز .. غير كده بتبقى مزعجة وغير عملية ..

* مع احترامي للجميع لايوجد شئ اسمه مستحيل او ممنوع في السعودية بالمعارف و الوسطات تخلص المستحيل

لما بنيجي نقدم حلول لحد بنتكلم عن القاعدة وليس الإستثناء ومش كل واحد عنده واسطه أو له ضهر .. حتى كلمة الواسطة او النفوذ ساعات بتوقع الواحد في ناس نتصابين يشتغلوه

[redwany]

يا اخوانى من فضلكم اللى مايعرفشى مايفتيش

الى الاخت صفاء

كونك تحملى فيروس سى او اجسام مضاده لا يمنعك من الاستقدام ولكن اوراقك هتاخر فى السفارة ولكن سوف تاخذى تاشيره ولا يكتب فى جواز سفرك انك حاملة لفيروس سى

ثانيا بالنسبة للعمل فى السعوديه لن تستطيعى العمل فى القطاع الحكومى لان السفارة السعوديه بتيلغ الجوازات بالمملكه عن الحاملين لفيروس سى يعنى مش هتقدرى تضربى شهاده فى السعوديه وما تحاوليش لانه هيبقى مسئوليه عليكى

ثانيا على حسب مهنتك بس ممكن تشتغلى فى القطاع الخاص وانتى هيكون مرحب بكى لانك مش هتكلفى صاحب العمل تاشيره او اى حاجه

وربنا يوفقك

[sherifsaad]

فيدونا افادكم الله ذهبت الى مكتب الاستقدام بالرياض فرفضوا بحجة اننى قمت بتغير المؤهل علما بان المهنة السابقة عامل والحالية محاسب وقدمت شهادة التخرج ولكن رفضوا لانى قمت بتغير المهنة وان الا ستقدام على المهنة الاولى فقط هذا بالرياض فذهبت الى الدمام هناك الاستقدام مقبول حتى لو غيرت مهنة بشرط وجود فرع للشركة بالمنطقة الشرقية وبالتالى لم استطع ان احصل على تاشيرة الاستقدام الى الان فسالت ان كان هناك سبب للرفض بالرياض اجبونى انة لا يوجد اى سبب سوى عنتزة وكبرياء و وقف حال للناس حسبى الله ونعم الوكيل

[banaga]

يا جماعه انا عايز اسئل على خطاب التعريف

اولا انا فى جده و الاوراق جاهزة تقريبا كلها بس هو خطاب التعريف الموجه لمكتب الاستقدام لازم يكون فيه الراتب و لو لازم فى حد ادنى يعنى لو اقل من 3 الاف غير مسموح بالاستقدام ده لو 3 الاف بالبدلات يعنى

و هل ممكن اكتب فى طلب الاستقدام بتاع المكتب مبلغ اكبر من الى فى الخطاب و لا لاء لان الشركة رافضة تكتب اكتر من الراتب الحقيقى فى الخطاب

لكن فى الورقة انا ممكن اكتب عادى

ياريت بس لو حد متاكد او لو لسة عامل فى جده من فترة قريبة

[sherifsaad]

اخى الكريم على حد علمى ان خطاب التعريف يكون موضح فية الراتب ولا يقل عن مبلغ 3500 ريال ويا ريت الشركة ترفعة شويا مافيهاش مشكلة ليها بالمناسبة فية غرفة تجارية فى مدينة جدة تصدق منها ولا ما فيش ولو مفيش اقرب غرفة تجارية لجدة فين وهل مكتب الاستقدام فى جدة متساهل مشكووووور جداااااااااااااا

[banaga]

شكرا يا باشا على الرد

ايوة فى غرفة تجارية فى جده فى حى الرويس لو حضرتك جاى من ولى العهد و اكنك طالع على البحر بس قبل البحر طبعا بس متطلعش الكوبرى و خليك من تحت

بعد كنتاكى هتمشى علطول هتلاقى البنك السعودى الفرنسى هتخليك شمال و تدخل على شارع حائل و بعدين اول يمين هتلاقى مبانى عالية و مبنى وزارة الثقافة و الاعلام و هتشوف انت الغرفية التجارية مكتب كدا و اول متدخل هتلاقى الماكينة على اليمين تاخد رقم و تستسنى و بتمشى بسرعه مبيطولوش هتدفع بس ال 25 ريال و يدوك التصديق

و اسمع ان فى واحد تانيه جمب المينا برضة مكتب تصديقات بس مش عارف فين مكانه بالظبط

[sherifsaad]

شكرا يا باشا على ردك ليا بس سؤال اخير مكتب استقدام جدة بعارض اما تكون المهنة تم تغيرها من عامل الى محاسب لان فى الرياض بيقولوا لازم يعدى سنة من التغير شرط الموافقة على الاستقدام اسف للاطالة

[banaga]

بص يا باشا انا مش عارف بس صحابى فى جده غيروا المهنه و عملوا استقدام بعدها شهر و مراتتهم معاهم الحمدلله و ربنا يكرمك ان شاء الله

[sherifsaad]

مشكور جداااا جدااا يا مان وانا فى خدمتك فى اى شئ ولجميع الاعضاء انا تحت امركم فى اى شئ مشكور لهذا المنتدى الرائع وفعلا المصريين هم منارة العرب وام العروبة

[banaga]

يا استاذ شريف و يا اى حد عايز يعمل استقدام فى جده انا روحت النهاردة ( الاتنين-15 نوفمبر) و قدمت و قبلت و الحمدلله كان ربنا ميسرها اوى

روحت خدت رقم 62 و فى الشباك 59 مفيش 5 دقايق و دخلت قدمت و مشيت و الراجل رجعلى كل الاوراق الاصل و الصور و مشافش الاقامه حتى قالى انت صاحب الطلب قولتله اة و مفيش حاجة اسمها حد ادنى و لا سالنى على الراتب و اصلا الراتب مش مكمل 3500 ريال

و ادانى الورقة الصفرا و قالى راجع القنصلية بعد العيد فى القاهره طبعا لانها بتقفل تقريبا من 1 ذو الحجه انا بعت الورقة الصفر لمراتى تعمل اجرءات و بعد العيد التاشيرة بتخلص فى اسبوع او اقل ان شاء الله

و ربنا يوفق الجميع و لو حد عايز يسئل على حاجة انا موجود

[saleh hasan]

استاذ banago

لو سمحت كان ليا استفسار بعد اذنك

الاوراق بتاعتك

كنت موثق القسيمة من القنصليه السعوديه ولا لا

لاني موثق من الخارجية بس موثقتش من القنصليه

ياريت تطمني ممكن الورق يمشي كده ولا لازم توثيق

ياريت لو حد عنده معلومه بخصوص الموضوع ده يرد عليا

شكرا جزيلا

[sherifsaad]

يا باشا سؤالى هو اللى مغير المهنة من عامل الى محاسب لة استقدام على طول ولا لازم ينتظر فترة مدتها سنة حسب كلام مكتب الاستقدام فى الرياض يعنى هل فى جدة فى تساهل فى اللى مغير المهنة ولا متشددين زى الرياض وشكرا جزيلا

[sherifsaad]

استاذ banago

ممكن تليفونك يا باشا عايز افهم منك دا بعد اذنك

[banaga]

ياجماعه و الله العظيم الموضوع اسهل من كدا بكتير انا كنت رايح قلقان و عمال ادعى و روحت قعدت 10 دقايق بالظبط و الراجل الى قاعد هو طبعا موظف سعودى و ملتحى كدا و ولا كلمنى و راح مدينى الورقة الصفرا فى نص دقيقة لدرجة انى قولت اكيد ناقص حاجة و فضلت واقف فراح الراجل باصلى كدا ( الى هو واقف ليه ) و قالى خلاص كدا راجع القنصلية السعودية فى القاهره بعيد العيد بس كدا و كلمت مكتب مصر قالى ابعتلى الورقة الصفرا او ابعتلى رقم الملف و رقم الصادر و رقم صاحب العمل و مراتك تبقى تجيب الباسبور و تاخد التاشير بعد العيد

يا استاذ / صالح انا كنت موثق القسيمة فى مصر و البكالريوس

يا استاذ / شريف بعتلك رقم موبايلى على الخاص