الوطن و المواطن و المواطنه

[م.سامح المصرى]

بالنسبه للاستاذ سامح:

"وشتمت عليناً استاذ عمرو حورس" انا عمري ما شتمت حد و لا هعمله

ارجو ان تعرف ان حورس كان اله, بجد ارجو تغيير اسمك لان عيب اوي تسمي نفسك حورس او اي اسم ادعي الالوهيه حاشا لله

بعدين ما تتبسطش اوي ان اصلنا قصدي اصلكم فراعنه

هل كدا كنت بتدلعة

ولا لما قولتله بصريح العبارة ما تقولش حورس ولا هبل ولا كذا

بس الادارة شالتها

بالنسبه لموضوع الضرائب, يا تري حضرتك بتعمل ايه لما الضرايب اللي بتدفعها بتروح للغاز اللي بيروح اسرائيل و في فتح معتقلات جديده و في حمله منع الختان!

على الاقل دول مسلمين مننا يعنى هما بيقولو انهم بيبنوا بيها مستشفيات ومدارس

وغير كدا ما بترفعناش ضرايب على نفسينا

هل سمعت ان مصر بتعمل اسلحة وتضرب بيها المسلمين

بلاش نتكلم في النقطة دي علشان ما فيش فيها اساسا وجه مقارنة

بعدين انا لما اسافر مش هجيب اصلا سيره مصر لحد لما حد يسالني, هوا انا هبقا فاضي احكي عن ايام العرب اللي حضرتك بتتكلم عنها؟

مش فاضي اتكلم عن الماضي, الاهم المستقبل

متناقض .......

راجع مداخلاتك الي فاتت لما قلت هاقولهم علي الوحش الي في البلد

هاتعرف فعلا انك متناقض بمعنى كلمة متناقض

اللي بقا ملفت للنظر اوي الفترة الاخيرة كثره المداخلات المحذوفه من بعض الاعضاء و هذا شئ غير مقبول اطلاقا

كمان مساله الدعوه للخروج من المنتدي بتهمه التبشير بفكرة جديده كأن المنتدي تحول بالفعل الي نسخه مصغرة من مصر الواقعيه

اي حد مختلف عنده الحيطه يخبط دماغه فيها او الارض يعضها

دا بالعكس يا هشام هاقولهالك تاني لو المنتدى هنا زى ما تفضلت وقولت كدة

ما كنتش انتا موجود دلوقتى هنا وكانت اتلغت العضوية بتاعتك

انما عمرك شوفت منتدى وضنى واحد دخل يوبخ فى البلد وسابوة يقول رأية

انتا اكبر مثال داخل بتوبخ في البلد وفي ناس البلد وتشتم ناس

والادارة سايباك ........ عرفت

[اسكندرية تانى]

الاخ الفاضل سى السيد

استطيع الان ان اتقدم بجزيل شكرى لك

الموقف هذا كان مطلوب من فترة مع اكتر من عضو جديد هنا مثل هشام الكندى و اوتوماتيك

فمنذ ظهور هذان العضوان هنا و المنتدى الراقى الجميل تحول الى ما هو ابشع من قهوة بلدى

او نصبة على باب بياصة فى حى شعبى و اصبحت انفسنا تعاف الدخول هنا

لما نراه من تطرف فى الرأى و قلةفى الحياء و بخل فى الادب.

شكرا مرة اخرى الاخ الكريم سى السيد و شكرا لكل الادارة

[se_ Elsyed]

للأسف الواحد بيصعي عليه إن لغة الحوار تصل إلى لغة تهديد رسمية

لكن الأخ الكندي هو اللي دفعنا لكده

يا أخي الكريم عايز تهاجر .. مع ألف سلامة ... ما الأغلبية اللي هنا يا إما مهاجرين أو مسافريين للعمل بالخارج .. لكنهم ليسوا ناكري لجميل بلدهم عليهم واعتقد إن جميعنا من داخلنا ننتظر اول فرصة نرجع لبلدنا أُمنا ونرد الجميل ...

لكن كونك لا ولم ترى أي شيء جميل في بلدك حتى الأن يبقى العيب عندك إنت ... ولا هاتقول " إنما أؤتيته على علم عندي " وإن أنا اللي عملت نفسي بنفسي والبلد مالهاش فضل عليه ؟

ده أنت لو في جهنم يا أخي ما كنتش قلت كده واللي يقرا كلامك ده وما يكونش يعرف مصر يقول دي في كوكب تاني أو دولة في عصور ما قبل الحضارة ...

إيه ده ؟ دي حاجه زيادة عن اللازم ومسخت وبوخت بصراحة .

[Toronto]

محدش قالك انك أنتهازي وكمان أنتا مخدتش بالك من نقطه مهمه جدآ.

عم تورونتو قال " بس اقصي طموحاتي اخد الجنسية و ارجع اعيش في الغردقة تاني" وواضح أنه فاكر أن الجنسيه لوحدها حتنفعه في مصر.

طب هيا جايز تنفع في بيع المخدرات وجايز تنفع في الشغل بدون الرخصه وجايز تنجي من الضرب علي القفي

تاني 00يا عم اتموماتيك انا كنت عايز اقول ان الجنسيةنفعت واحد تاجر مخدرات وواحد تاني شغال من غيرتراخيص علشان هي بلدنا 0انا كنت محامي لشركه سياحة مديرها معاه دبلوم تجارة كل ماهنالك انه معاه جنسية هولندية معالعلم لا يفقه شئ في شغل السياحة0 هي دي بلدنا انا بحب مصر اوي ةي وياريت ماتتصلبش علي الكلمة 0عايز تعرف اي بلد ماشية ازاى اسال محامي هي دي بلدنا ايلي ليه ضهر حاجة اخيرة انت راجل محترم ممكن تدخل قسم شرطة في بلدنا علشان تشتكي صاحب البيت انه قطع المية عليك تتطلع متهم ده اذا كنت ح تتطلع علشان صاحب البيت عنده ضهر لكن لو معاكالجنسيه ضابط ح يخاف يعملك حاجة و ده عن تجارررررب كتيررررررر في 15 سنة كمحامي0

[Toronto]

[quote name='Automatic' date='Feb 19 2008, 12:15 AM' post= لاكن مش حتجيبله شغل غير اللي هوا قادر عليه وعنده خبره فيه. لو ضيع وقته في كندا وأعتمد علي الجنسيه يبقي ضيع فرصه ملايين يتمنوها.

لا حاتجيب احنا المصريين بنعرف نعمل كل حاجة بس اطلع منها انت 0ح تيجي امتي تورونتوانا عارف اهلها سكة و معفنيين بس انا ح عتبروا تنازل من فخامتك

[se_ Elsyed]

يا أخ تورنتو يا أخ اوتوماتيك

رجاء أخير فلقد نفذ الصبر

أرجو البُعد عن المجادلة والحوار الشخصي بينكم إنتم الإثنين وبالتالي تحويل الموضوعات إلى تحدي وجدل لا أخر له ولا طائل منه .

[مزاميزو]

العزيز أوتوماتيك

أنت سألتني عن مؤهلات امهندس اللبناني وأقولك إنه كل اللي عمله سافر عمل لاندنج في كندا وكل فترة يروح لحد ما أخد الجنسية ودا كان من فترة ....

لا خبرة ولا حاجة تانية هو من يوم ما خلص كليته وعلى نهج اخوانا بتوع لبنان مشرقين ومغربين راح الكويت ومن ساعتها وهو مقيم هناك

[Toronto]

العزيز أوتوماتيك

أنت سألتني عن مؤهلات امهندس اللبناني وأقولك إنه كل اللي عمله سافر عمل لاندنج في كندا وكل فترة يروح لحد ما أخد الجنسية ودا كان من فترة ....

لا خبرة ولا حاجة تانية هو من يوم ما خلص كليته وعلى نهج اخوانا بتوع لبنان مشرقين ومغربين راح الكويت ومن ساعتها وهو مقيم هناك

ور جع الكويت اشتغل بضعف الراتب و قشطةوعسل

[هشام الكندي ان شاء الله]

بسم الله الرحمن الرحيم

"أعتقد إنك لازم تحترم نفسك اكثر من كده "

"مش زيك رايح تتمسح في دولة تانية"

كلام لا تعليق عليه سوي تدخل الادارة لمنع مسلسل السباب

" فأسمي اللي مش عاجبك على الأقل إسم مصري"

فعلا هوا اسم مصري كما قلت

فسي السيد و هو احدي شخصيات نجيب محفوظ كان يمنع ابنائه مما يفعله هو شخصيا

كان بيروح الكباريه و يقعد مع ناديه لطفي و طلق مراته علشان راحت تلبي الندا في الحسين

و جوز عبد المنعم ابراهيم لبنت صاحبه (بتاع الجوزه) و طلقها منه تاني بالقوه

شفت بقا سي السيد

"عايز تقعد في محاورات المصريين وتحترم مصر والمصريين .. أهلاً وسهلاً"

يعني عايزني اطبل لمصر و لنظام مصر و لمحاورات مصر و نظام محاورات مصر و لا ايه بالظبط؟

لو مش كدا يبقي لازم امشي ولا قصد حضرتك ايه؟

"ولكن نسمح لك بأي كلمة تجريح على مصر .."

قصد حضرتك اي كلمه نقد لا لا لا علي راي عبد الحليم حافظ

فالنقد عند معظم المصريين تجريح الي حد ما

"ده من الاخر اللي بعد الأخر يا أيها الكندي

تهديد ؟

أيوه تهديد"

لغه متوقعه, انا عندي فكره, انتوا تلموا من كل عضو عشره جنيه و تشتروا سجن تمليك في الحي العاشر او اكتوبر و تجمعوا تبرعات ادوات تعذيب يعني شويه سكاكين و مقصات و حاجات رخيصه كدا و تعذبوا كل مخالف للراي و تعلقوا صورته و هوا متعذب علي الصفحه الرئيسيه للمنتدي علشان يكون عبره لباقي الاعضاء لو فكروا يخالفوا الراي العام للمنتدي اللي بنايده و نبايعه منتدي مدي الحياه

بالنسبه للاستاذ سامح:

يبدو اننا ناس تاف......... زي ما قال علينا مرة قبل كدا في موضوع تاني

انا ماشتمتش عمرو حورس و الادارة محذفتش مشاركتي لاني ماقلتش كلمه هبل و لا يحزنون

انا بس وضحت معني كلمه حورس

بعدين انا ماقلتش ابدا اني هقول الوحش اللي في البلد انا قلت بالحرف هقول الوحش و الحلو اللي في البلد في حاله اذا ما حد سالني اما اذا ماحدش سالني فيكون افضل لان بلدي كندا

"انتا اكبر مثال داخل بتوبخ في البلد وفي ناس البلد وتشتم ناس"

انا مش بشتم انا بنتقد بس لكن انتم اللي بتقولوا علي النقد شتيمه و راجع مداخله سي السيد

انا كان قصدي بالمداخلات المحذوفه ان فيه بعض الاعضاء حادوا عن الصواب في انتقاء الفاظهم

دا كان نقد مني ليهم علشان يراعوا مشاعر الاخرين

[nash]

ياربي ....منتهي الملل ....حد ينقذنا :baby:

أعدت تعديل المشاركه للإضافه وليس للحذف ...

حقيقي نفس الكلام مكرر ومعاد ولا فيه جديد وكل شويه أدخل أقول إن شاء الله هاقرأ حاجه جديده مفيده..لكن لا حياة لمن تنادي....الفكرة واحده وبندور في نفس فلكها....

أظن من حقي دخول أي موضوع والتعليق عليه علشان محدش بس يقول ما تتعبيش نفسك وتدخلي تقري

تم تعديل 19 فبراير 2008 بواسطة nash

[Salwa]

يجب ان تتخذ الادارة اجراء يرضى جميع الاطراف ....اعتقد اننا بهذا التصرف لن يقال علينا ديكتاتوريين ؟؟

لقد تابعنا بكل الصبر هذه المحاورة او المناقشةعلنا نخرج بطائل من وراءها ....لكن للأسف..وحتى يسترد كل (( مهاجم )) انفاسه.....

سوف يتم غلق هذا الموضوع ....مؤقتا .

عن الادارة ...

salwa....سلوى

[Scorpion]

السادة الأفاضل

بعد مناقشة القرار من جميع جوانبه وصل فريق المشرفين إلي أن هذا الموضوع قد آخذ حقه من النقاش للدرجة التي لم يعد بحاجة إلي إضافات أخري ... فحتي لا يتم استخدامه فقط لبذر الخلاف بين الأعضاء كان قرارنا بأغلاقه نهائيآ ....

و علي نفس الصعيد ... و نظرآ لتعمد الأفاضل Toronto و Automatic الأستهتار بقواعد الكتابة عمدآ .. و لدرجة فتح موضوع (مباشرة عقب تنبيهم بخطأ ما يقومون به ) يتناول بالسخرية محاورات المصريين .. فلقد أضطررنا آسفين لمنح كلاهما الأنذار الثاني مع منع مداخالاتهما من الظهور قبل المرور علي فريق الإشراف لمدة أسبوعين ابتداءً من أمس ...

و نحن و إن كنا نأسي بالفعل علي اضطرارنا لهذا القرار الذي هو آخر إجراء نتمني ان نقوم به .. و لكن أسلوب الأفاضل Toronto و Automatic لم يترك لنا أي خيارآ آخر .

واثقين من تفهمكم

تقبلوا كل احترامنا

فريق الإشراف