الوطن و المواطن و المواطنه

[Toronto]

بسم الله الرحمن الرحيم

'هشام الكندي ان شاء الله

بالنسبه للاخ تورنتو:

كندا ليست مرتعا و الا مكنتش رحتها او سميت نفسك باسم مدينه فيها!

شوف يا سيد هشام اولاا انا بحب كندا مع اني لغاية دلوقت ما اشتغلتش شغلانة عليها الطل اصل اخوك محامي يعني انسي 00 انا ايلي عاوز اوصلوا DON~T HAVE GREAT EXPECTATIONS ABOUT CANADA انا بقالى 7 شهور هنا في كندا خلا صة القول هنا شغل بس ما فيش حياة مافيش ناس تتعاشر و على راي المثل الغربال الجديد لو شدة لما توصل بالسلامة والقلب داعيلك و تسكن و تشتري عربية وتشتغل و تعرق ايلي ليك و ايلي عليك و كل حاجة تمام التمام بس ح تحس انك و حيد حتي لو متزوج وعندك عيال الناس هنا العرب و شها مصفر من الهم هم من نوع تاي مايتحكيش 00كلمة اخيرة انسي كل ايلي سمعته هنا عن كندا و تعالي و شوف بنفسك بالمناسبة انا عملت الPROFILE AS TORONTO لما وصلت كندا بس اقصي طموحاتي اخد الجنسية و ارجع اعيش في الغردقة تاني

[إيزيس]

أخي تورنتو

شعرت بألمك ووحدتك وأتمنى أن تتحسن أحوالك ويارب يفتح لك أبواب الرزق وتتعرف على ناس طيبين

[Toronto]

أخي تورنتو

شعرت بألمك ووحدتك وأتمنى أن تتحسن أحوالك ويارب يفتح لك أبواب الرزق وتتعرف على ناس طيبين

الله يباركلك يا اخ قرنفل شكرا ليك

[Automatic]

اقصي طموحاتي اخد الجنسية و ارجع اعيش في الغردقة تاني

ممكن توضح الجنسيه بتفيد في ايه؟ أنا أحب أبيع الجنسيه الكنديه بتاعتي, تفتكر تجيب كام :D

[سلوي في مهب الريح]

اخواني وأخواتي المتحاملين لدرجة مش مفهومة على أخينا هشام الكندي إن شاء الله، تعالوا نفعل ما يسميه القدماء تحرير موضع الخلاف، أي فك اشتباك المواضيع المختلفة التي تعقد الجدل حولها حتى ضاع الموضوع الأصلي، وهو ما حدث في ردود الجميع على أخينا هشام الكندي إن شاء الله:

موضوع المناقشات فيه قضيتان رئيستان وواحدة جانبية: الأولى أن أخانا هشام يريد الهجرة.

والثانية أن هشام يقول إنه لا يحب مصر

والثانوية أن أخانا هشام يحتاج لعروسة (ودي سلختوه عليها) تتفهم ظروفه وترضى بيه وتهاجر معاه لكندا بعد ما يكملوا النقاط المطلوبة مع بعض.

وقد اختلط في الردود على أخينا هشام القضايا الثلاثة وهناك غضب عارم وتسفيه من طرف المشاركين بالرد ومحاولة للشرح من قبل هشام (سميتموها بالتبرير) واستغليتموها هي الأخرى في الجدل الهادف للتقليل من قيمة راي الأخ.

والآن احب أن اعلق على كل من القضايا على حدة:

أما القضية الاولى ، رغبة هشام في الهجرة، فانا في اشد العجب من ان تكون هذه مدعاة للهجوم عليه في منتديات اكثر المشاركين فيها من المهاجرين وكثير من الغاضبين على هشام مهاجرون ايضا. ولكن لا عجب فازدواجية القول والعمل او المبادئ والعمل هي من عجائب شعبنا المصري العريق والتي ما زالت تتفاقم اكثر واكثر وتتشعب وتنتشر انتشار السرطان في جسم مريض لا حول له ولا قوة وستؤدي طالما استمرت ولا شك الى موت المريض الذي هو القيم المصرية ومصداقيتها.

أما القضية الثانية فالعجب منها اشد، فنحن في منتدى لتعبير المصريين عن رأيهم وهشام راجل مصري على الورق حتى لو كان قلبه تعب من هموم مصر وعاوز ياخد اجازة شوية في بلد تاني وجنسية تانية. كل واحد حر يا أخي.

لكن تفسير الهجوم الجبار سهل وبسيط، الحرية مفهوم غايب عن مصر والمصريين فعلا وقولا و بدءا من ترية الابناء وانتهاء بتعامل كل شخص مع حريات الآخرين اللي اصلا ما تخصهوش في معقل لحرية التعبير في الانترنت وهو ما يسمى بالمنتديات.

ومن جهة اخرى فتشدق المصريين بمفهوم الوطنية امر طالما حيرني، خاصة هؤلاء الذين يعيشون في مصر. فأما المغتربين فمفهوم لان بلدهم واحشاهم وفي على مبدا احب اولادي الي الغائب حتى يرجع فالمغتربين هيحبوا مصر اكتر من اي شيء لغاية ما يرجعوا لها بالسلامة.

ظاما اللي عايشين في مصر فياريت يقولوا لي وبلغة محددة خالية من الشعارات اية بازبط اللي بيحبوه اوي كدة في مصر؟

وقبل ما تبداوا في الهجوم علي انا كمان انا مش هاقول انا اي نوع من دول، فانا مجرد متفرجة على المشهد كله، وهو في رايي مشهد هزلي وشام بيحاول جهدا لتحويله الى مشهد جاد بس على مين.. ده احنا المصريين نحول اي موضوع جد لكلام فارغ.. ودمنا خفيف ودي من مزيانا طبعا اللي بتخلينا نحب مصر.

اللي عاوزة اقوله عن القضية الثانية ان مسالة الجنسية دي فعلا لصح فيها هو ان الاسلام هو الجنسية الولى للمسلمين وقد قال هذا كل مفكري الاسلام المحدثين وهو تذكير منهم بان الولاء الاول لله ولرسوله وده مبدا اسلامي معلوم للكل، وهو معنى ان الجنسية هي الدين. أما العلماء اللي قالوا في الجزيرة انهم من واجبهم الدفاع عن الدولة التي يحملون جنسيتها الرسمية فهو موقف اؤيده لانه الموقف الوحيد الذي يحمي المسلمين من ان يعاملوا على انهم طابور خامس او خونة في البلاد اللي هم عايشين فيها واللي بيتعاملوا فيها بالفعل على انهم درجة تانية والشك في ولاءهم موجود بالفعل. وده موضوع طويل نقدر نتكلم فيه على حدة بعدون الحاجة لسلخ هشام الكندي.

أما مسالة العروسة فانا شايفة ان برضاها ينتفي كل ما قاله الماجمون من ان ده كلام من لا يحترم بنات الناس الخ الخ.. وفيه بنات عاوزة تسافر.. وبصراحة متطلبات الجواز في مصر جنونية بالنسبة لبلد اغلب الشعب فيه تحت مستوى الفقر، ولو ان موضوع الفقر ده ممكن ما يكونش حاضر اوي في ذهن اخواننا بتوع الغربة لان الفقر في الغربة اقل

ومتطلبات الجواز في الغرب، بالنسبة للمغتربين في الغرب يعني، ما هي الا رضى الطرفين وهو الصحيح في الاسلام (اعطها وو خاتما من حديد) واحاديث اخرى كثيرة عن الذين لم يكن لديهم مال فقال لهم الرسول (ص) ان يكون المهر هو ما يحفظونه من القرآن، وده هو الاسلام اللي اتكلموا بلسانه ناس كتير بيهاجموا واحد لم يطلب اي شيء لم يشرعه الاسلام بل حث عليه:

* العمل والرزق الحلال

* الزواج بالحلال

* وحريته التي كفلتها السماء ومنعتها عنه الأرض المصرية.

واذكركم بان الرسول صلى الله عليه وسلم عاش مهاجرا ومات مهاجرا ودفن في ارض مهجره (المندينة المنورة).

واخيرا احب اعرفكم ان "حب الوطن من الإيمان" ده مش حديث وانما قول ماثور قائله كان غالبا واحد مصري مستريح بيحاول يثني واحد مصري تعبان عن عزمه على الهجرة لكندا.

[Scorpion]

الفاضلة سلوي ...

أود أن ابدي اعجابي بتطور اسلوبك الرائع و الذي حدث في المداخلة الأخيرة بكل ما تحمل من سلاسة فكر و تمكن من اللغة ... احييك بالفعل ...

تحياتي ..

[Toronto]

اقصي طموحاتي اخد الجنسية و ارجع اعيش في الغردقة تاني

ممكن توضح الجنسيه بتفيد في ايه؟ أنا أحب أبيع الجنسيه الكنديه بتاعتي, تفتكر تجيب كام :D

من غير فلسفة و شغل مرافعات روح غيش فى الغردقة و انت تعرف قيمة الجنسية ايه ح قولك قصة حصلت في الغردقة مع شاب نيوزيلندي من اصل مصري بيشتغل غطاس ضابط المباحث شخصيا قبض عليه بحرز 78 جرام بانجو و 70 برشامة رهبانول طبعا كمية زي دي تبقي علي طول بغرض الاتجار عملولوا المحضر في نصف ساعة و الواد رفض يمضي عليه و قالوا انا عايز اتصل بالسفارة البريطانبة انت لفقتلي القضية دي علشان ماوفقتش اشتغللك مرشد و اجيبلك ستات000 عارف ضابط المباحث عمل ايه بعتلوا مخبر في النوباتجية و قالوا الباشا بيقولك ح يسمحك المرة دي و تعملش كدة تانى0نفس المضوع حصل مع مصري خد ثلاثة سنوات سجن0 دي قصة من عشرات القصص 0و حاجةتانية بس شخصية بس ح قولهالك علشان ماحسش اني خصرت كل حاجة0

[Automatic]

اقصي طموحاتي اخد الجنسية و ارجع اعيش في الغردقة تاني

ممكن توضح الجنسيه بتفيد في ايه؟ أنا أحب أبيع الجنسيه الكنديه بتاعتي, تفتكر تجيب كام :D

من غير فلسفة و شغل مرافعات روح غيش فى الغردقة و انت تعرف قيمة الجنسية ايه ح قولك قصة حصلت في الغردقة مع شاب نيوزيلندي من اصل مصري بيشتغل غطاس ضابط المباحث شخصيا قبض عليه بحرز 78 جرام بانجو و 70 برشامة رهبانول طبعا كمية زي دي تبقي علي طول بغرض الاتجار عملولوا المحضر في نصف ساعة و الواد رفض يمضي عليه و قالوا انا عايز اتصل بالسفارة البريطانبة انت لفقتلي القضية دي علشان ماوفقتش اشتغللك مرشد و اجيبلك ستات000 عارف ضابط المباحث عمل ايه بعتلوا مخبر في النوباتجية و قالوا الباشا بيقولك ح يسمحك المرة دي و تعملش كدة تانى0نفس المضوع حصل مع مصري خد ثلاثة سنوات سجن0 دي قصة من عشرات القصص 0و حاجةتانية بس شخصية بس ح قولهالك علشان ماحسش اني خصرت كل حاجة0

دلوقتي وبجد أنا مش فاهم الجنسيه الأجنبيه بتفيدني أزاي في مصر. أنا مش مجرم والحمد لله ومليش في المخدرات و مبخفش من الشرطه حتبقي تفدني أزاي؟

أنا سمعت من كام زميل ليا أنها بتساعد في المرتبات! ياعني قلولي أن الواحد لو حب يدور علي شغل في مصر بيلاقي شغل بسهوله شويه و بكرتب أكتر.

و كعادتي لازم أسيبك في نصيحه :) لو في حاجه واحده تتعلمها في كندا أتعلم أن طول ما أنتا خايف طول ما حقك يتسرق منك

[سلوي في مهب الريح]

طيب يا استاذ كامل،

بما اننا في مجال تبادل التهانئ، فأهنئك انا كمان على كونك عضو في ادارة هذا الموقع الظريف اللي نجحت طبيعته الخلاقة والمرحة في كسر العداء اللي كان مستاصل بيني وبين المواقع اللي ما ممنهاش فايدة غير ناس تدخل تكتب اللي فنفسها ولناس ما تعرفهاش وتمشي..

وكان موقف طويل عريض واهو راح في مهب ريح موقعكم. وأما عن اسلوبي الرائع فاحب اعرفك اني كاتبة بالمهنة والوراثة ولكن ما فيش داعي ندخل في تفاصيل اكتر من كدة.

تحياتي

ملاحظة: صورتك حلوة اوي ولو انا منك اسمس نفسي عم كامل لانه يتناسب مع الصورة اكتر بكتير من "العقرب" بالانجليزي!

[Toronto]

طموحاتي اخد دلوقتي وبجد أنا مش فاهم الجنسيه الأجنبيه بتفيدني أزاي في مصر. أنا مش مجرم والحمد لله ومليش في المخدرات و مبخفش من الشرطه حتبقي تفدني أزاي؟

أنا سمعت من كام زميل ليا أنها بتساعد في المرتبات! ياعني قلولي أن الواحد لو حب يدور علي شغل في مصر بيلاقي شغل بسهوله شويه و بكرتب أكتر.

و كعادتي لازم أسيبك في نصيحه :D لو في حاجه واحده تتعلمها في كندا أتعلم أن طول ما أنتا خايف طول ما حقك يتسرق منك

اولاا وفر نصايحك لنفسك ***** ثانيا انا سواحلي و بحب البحر حتي لو كان في مدينة 0000 زي الغردقة 0ثالثا انا بحكي قصة انقذت انسان مجرم تاجر مخدرات المفروض انه يخاف من الشرطة مش راجل محترم زيك لمجرد انه معاه جنسيه تيوزيلندية0ر

مش بس المرتبات عالية انا اعرف شباب مصريين معاهم جتسيه الماني و انجليزي و روسي والله بيجيبوا سياح من البلاد دي و بيمشوا معاهم في اسوان و الاقصر و القاهرة و يدخلوا معاهم المتحف المصري بل بيقوموا بعمل المرشد السياحي لمجرد انه معاه جنسية غير للمصرية و لما شرطة السياحة تسالهم عن التراخيص يقولوا دول اصحابنا و يوروهم جوازات سفرهم يسبوهم علي طول عايز ايه اكتر من كده

[سلوي في مهب الريح]

إهداء لأخينا هشام الكندي إن شاء الله ولكل المشاركين في موضوع حب الوطن ده:

(مقطع من قصيدة قالوا لي بتحب مصر) للشاعر تميم البرغوثي (ولو عجبتك القصيدة كلها وحكايتها موجودة في موضوع "على اسم مصر"

قالولي بتحب مصر فقلت مش عارف

لا جيتها سايح ولاني أعمى مش شايف

ولاني هايف اردّ بخفّة وبسرعة

وكل من رد يا كذاب يا هايف

أصل المحبة بسيطة ومصر تركيبة

ومصر حلوة ومُرَّة وشِرْحة وكئيبة

دا نا اختصر منصب الشمس وأقول شمعة

ولا اختصر مصر وانده مصر يا حبيبة

يا أهل مصر اسمعوني واسمعو الباقيين

إن كنت انا رحّلوني كلنا راحلين

يا أهل مصر يا أصحابي يا نور العين

يا شنطة المدرسة يا دفتر العناوين

يا ضغطة البنت بلكراسة ع النهدين

ترقص قصاد المراية، واحنا مش شايفين

يا صحن سلطان حسن يا صحن كحك وتين

يا ألف مدنا وجرس، لألف ملّة ودين

يا أهل مصر اسمعوني، والكلام أمانات

قلتولي بتحب مصر فقلت مش عارف

روحوا اسألوا مصر هيّه عندها الإجابات

[عرب فلكس]

تعليقا على كلام الاخت سلوى

واذكركم بان الرسول صلى الله عليه وسلم عاش مهاجرا ومات مهاجرا ودفن في ارض مهجره (المندينة المنورة).

واخيرا احب اعرفكم ان "حب الوطن من الإيمان" ده مش حديث وانما قول ماثور قائله كان غالبا واحد مصري مستريح بيحاول يثني واحد مصري تعبان عن عزمه على الهجرة لكندا.

ده برضه اقتباس وجدته فى منتدى ما و انا مقتنع بكل كلمه فيه

كان رسول الله صلى الله عليه وسلم يحب مكة حبَّا كبيرًا، فهى بلده الذى ولد فيه، وفيها بيت الله الحرام، وعلى أرضها نزل الوحى لأول مرة.

ولما اشتد إيذاء المشركين للرسول صلى الله عليه وسلم وصحابته فى مكة، أمره الله -تعالى- بالهجرة إلى المدينة.

فلما خرج صلى الله عليه وسلم من مكة نظر إليها نظرة المحب الوفى، وأخذ يودِّعها، وهو يقولوالله إنك لخير أرض الله، وأحب أرض الله إلى الله، ولولا أنى أُخرجت منك ما خرجت).

وبعد ثمانى سنوات، كتب الله لنبيه صلى الله عليه وسلم أن يعود إلى مكة فاتحًا ومنتصرًا، بعد أن اضطر إلى الخروج منها، فدخلها النبى صلى الله عليه وسلم فرحًا مسروراً، وعفا عن أهلها برغم ما فعلوه معه.

وهكذا يكون الوفاء للوطن، والمسلم يكون محبَّا لوطنه، حريصًا على مصلحته، وفيَّا له

و بكده عاوز اقولك ان حب الوطن سنه عن الرسول عليه الصلاه و السلام

[هشام الكندي ان شاء الله]

اخواني وأخواتي المتحاملين لدرجة مش مفهومة على أخينا هشام الكندي إن شاء الله، تعالوا نفعل ما يسميه القدماء تحرير موضع الخلاف، أي فك اشتباك المواضيع المختلفة التي تعقد الجدل حولها حتى ضاع الموضوع الأصلي، وهو ما حدث في ردود الجميع على أخينا هشام الكندي إن شاء الله:

موضوع المناقشات فيه قضيتان رئيستان وواحدة جانبية: الأولى أن أخانا هشام يريد الهجرة.

والثانية أن هشام يقول إنه لا يحب مصر

والثانوية أن أخانا هشام يحتاج لعروسة (ودي سلختوه عليها) تتفهم ظروفه وترضى بيه وتهاجر معاه لكندا بعد ما يكملوا النقاط المطلوبة مع بعض.

وقد اختلط في الردود على أخينا هشام القضايا الثلاثة وهناك غضب عارم وتسفيه من طرف المشاركين بالرد ومحاولة للشرح من قبل هشام (سميتموها بالتبرير) واستغليتموها هي الأخرى في الجدل الهادف للتقليل من قيمة راي الأخ.

والآن احب أن اعلق على كل من القضايا على حدة:

أما القضية الاولى ، رغبة هشام في الهجرة، فانا في اشد العجب من ان تكون هذه مدعاة للهجوم عليه في منتديات اكثر المشاركين فيها من المهاجرين وكثير من الغاضبين على هشام مهاجرون ايضا. ولكن لا عجب فازدواجية القول والعمل او المبادئ والعمل هي من عجائب شعبنا المصري العريق والتي ما زالت تتفاقم اكثر واكثر وتتشعب وتنتشر انتشار السرطان في جسم مريض لا حول له ولا قوة وستؤدي طالما استمرت ولا شك الى موت المريض الذي هو القيم المصرية ومصداقيتها.

أما القضية الثانية فالعجب منها اشد، فنحن في منتدى لتعبير المصريين عن رأيهم وهشام راجل مصري على الورق حتى لو كان قلبه تعب من هموم مصر وعاوز ياخد اجازة شوية في بلد تاني وجنسية تانية. كل واحد حر يا أخي.

لكن تفسير الهجوم الجبار سهل وبسيط، الحرية مفهوم غايب عن مصر والمصريين فعلا وقولا و بدءا من ترية الابناء وانتهاء بتعامل كل شخص مع حريات الآخرين اللي اصلا ما تخصهوش في معقل لحرية التعبير في الانترنت وهو ما يسمى بالمنتديات.

ومن جهة اخرى فتشدق المصريين بمفهوم الوطنية امر طالما حيرني، خاصة هؤلاء الذين يعيشون في مصر. فأما المغتربين فمفهوم لان بلدهم واحشاهم وفي على مبدا احب اولادي الي الغائب حتى يرجع فالمغتربين هيحبوا مصر اكتر من اي شيء لغاية ما يرجعوا لها بالسلامة.

ظاما اللي عايشين في مصر فياريت يقولوا لي وبلغة محددة خالية من الشعارات اية بازبط اللي بيحبوه اوي كدة في مصر؟

وقبل ما تبداوا في الهجوم علي انا كمان انا مش هاقول انا اي نوع من دول، فانا مجرد متفرجة على المشهد كله، وهو في رايي مشهد هزلي وشام بيحاول جهدا لتحويله الى مشهد جاد بس على مين.. ده احنا المصريين نحول اي موضوع جد لكلام فارغ.. ودمنا خفيف ودي من مزيانا طبعا اللي بتخلينا نحب مصر.

اللي عاوزة اقوله عن القضية الثانية ان مسالة الجنسية دي فعلا لصح فيها هو ان الاسلام هو الجنسية الولى للمسلمين وقد قال هذا كل مفكري الاسلام المحدثين وهو تذكير منهم بان الولاء الاول لله ولرسوله وده مبدا اسلامي معلوم للكل، وهو معنى ان الجنسية هي الدين. أما العلماء اللي قالوا في الجزيرة انهم من واجبهم الدفاع عن الدولة التي يحملون جنسيتها الرسمية فهو موقف اؤيده لانه الموقف الوحيد الذي يحمي المسلمين من ان يعاملوا على انهم طابور خامس او خونة في البلاد اللي هم عايشين فيها واللي بيتعاملوا فيها بالفعل على انهم درجة تانية والشك في ولاءهم موجود بالفعل. وده موضوع طويل نقدر نتكلم فيه على حدة بعدون الحاجة لسلخ هشام الكندي.

أما مسالة العروسة فانا شايفة ان برضاها ينتفي كل ما قاله الماجمون من ان ده كلام من لا يحترم بنات الناس الخ الخ.. وفيه بنات عاوزة تسافر.. وبصراحة متطلبات الجواز في مصر جنونية بالنسبة لبلد اغلب الشعب فيه تحت مستوى الفقر، ولو ان موضوع الفقر ده ممكن ما يكونش حاضر اوي في ذهن اخواننا بتوع الغربة لان الفقر في الغربة اقل

ومتطلبات الجواز في الغرب، بالنسبة للمغتربين في الغرب يعني، ما هي الا رضى الطرفين وهو الصحيح في الاسلام (اعطها وو خاتما من حديد) واحاديث اخرى كثيرة عن الذين لم يكن لديهم مال فقال لهم الرسول (ص) ان يكون المهر هو ما يحفظونه من القرآن، وده هو الاسلام اللي اتكلموا بلسانه ناس كتير بيهاجموا واحد لم يطلب اي شيء لم يشرعه الاسلام بل حث عليه:

* العمل والرزق الحلال

* الزواج بالحلال

* وحريته التي كفلتها السماء ومنعتها عنه الأرض المصرية.

واذكركم بان الرسول صلى الله عليه وسلم عاش مهاجرا ومات مهاجرا ودفن في ارض مهجره (المندينة المنورة).

واخيرا احب اعرفكم ان "حب الوطن من الإيمان" ده مش حديث وانما قول ماثور قائله كان غالبا واحد مصري مستريح بيحاول يثني واحد مصري تعبان عن عزمه على الهجرة لكندا.

تحليل دقيق جدا للموضوع و غيره من موضوعات

اسلوب مسترسل و اكثر من رائع

واضح انك خريجه كليه فيها دراسات عن ادب اللغات, الاسلوب فعلا مبهر جدا

شكرا علي تحليلك لرايي و تفهمك لي و تحليلك لفكر الاخرين و تقبلك لفكري حتي لو كان مخالف لفكرك

بالنسبه لاسد:

بتوفيق الله ثم دعواتك و مجهودنا سنحقق الحلم الجميل

بالنسبه لسي السيد:

واضح ان الموضوع شخصي بيني و بينك و دا واضح جدا في لهجتك

"كما فعل الباز وزويل ومجدي يعقوب "

انتا جايب امثله للناس اللي حققت ذاتها بره مصر مش جوا و دا تاكيد لكلامي مش دليل ضده!

سبحان الله اعترفوا بالحقيقه بقا!

انا عارف اني هتعب جدا جدا في كندا يمكن اكتر من هنا

لكن فيه فرق بين اني اتعب و الاقي و بين اني اتعب و الناس تقرفني

التعب عندي مقبول لكن القرف و الاهانات غير مقبوله

بالنسبه لبدريه مكاوي:

ربنا معاكي في الابلكيشن و ميرسي لعدم تجريحك لي

احنا وصلنا لمرحله ان التجريح شئ عادي و مفهوم و طبيعي, علشان كدا بشكرك انك مجرحتيش شخصي

انا متقبل رايك و احترمه الي ابعد الحدود لكني اختلف معه كما قراتي الموضوع

لكن الخلاف في الراي لا يفسد من الود قضيه

و اراك في كندا ان شاء الله لان الواحد محتاج يكون وسط المسلمين حتي تستمر روح التواصل

بالنسبه ل لو فيز ديونيل:

ياما الوطن تعارض مع الدين و دي الكارثه ان الوطن بتتقدم مصالحه علي حساب الدين و دا اللي جايب الوطن ورا

بعدين بلاش اتش افندي دي بتخليني موظف, قولي يا اتش بس بعد اذنك

انا اعترف اني اتعلمت في مصر تعليم لكنه فاشل و ساذج

اعترف اني بلاقي مواصلات لكن عارفين حقيقتها عامله ازاي

اعترف اني باكل طعام لكنه مسرطن

باشرب من ميه النيل المليئه بالاوبئه و الحيوانات الميته

انا لم انكر جميل انا بقول بمنتهي الصراحه

و لا عايزيني اقول اتعلمت في امريكان كولدج و بركب الهامر بتاعتي و باكل برجر و سوسيس و بشرب ميه معدنيه

يمكن دول الناس اللي بينتقدوني لحد السباب

كندا ليست هيكل سليمان و ارجو عدم التلميح باني يهودي بشكل مباشر او غير مباشر منك او من اي عضو اخر مثل سي السيد او في اي بي و انا اوجه رساله للادارة بالتدخل و توجيه انذار لكل من اتهمني بهذه التهمه و اخص سي السيد و في اي بي

بالنسبه لك اخي ديونل انا اعرف انك لا تقصدها بتاتا و لكن راعي مشاعر الاخرين في كلامك

الفكرة اني خايف علي عيالي يطلعوا زيي برضه

و يعيشوا في مصر بالمواصفات دي

و عايز انا اعيش كانسان ليس الا

و الله هدفي مش جمع الاموال هدفي ان اعامل كانسان فقط لا غير!

الاخ تورنتو:

حاول تدرس قانون لان المسلمين مش بيدرسوه كتير و يمكن تكون من المدافعين عن قضايا المسلمين هناك

الحياه مش ورديه في كندا دا شئ اكيد لكن اتعب شويتين و ربنا هيكرمك

بالنسبه للاخت الغاليه سلوي:

كلامك في الجون زي ما بيقولوا

مساله الراجل النيوزيلندي بتاع المخدرات دي وصمه عار في جبين مصر

ان الاجنبي يدخل يعمل ما بداله و المصري لو عمل زيه و يمكن لو معملش حاجه انتوا عارفين بيحصل له ايه؟

هذا النيوزيلندي يجب ان يسجن

ان فكرة الحصول علي الباسبور و العوده مرة اخري هي مص الدم بعينه و المنفعه المتجسده!

هي اعتراف ضمني بان مصر مش كويسه و اللي هيحميني الباسبور مش مصر وطني حبيبي الوطن الاكبر و هو اعتراف ضمني بقوه الدوله مانحه تلك الباسبور و هو خيانه منك لهذه الدوله التي اعطتك الحمايه لكي تتحامي فيها وقت شدتك و التخلي عنها وقت احتياجها لك

لماذا لم يهاجم الاعضاء هذه الفكرة؟

و لا هوا مفيش حد صاحب منفعه و عميل غيري؟

اخوكم هشام الكندي ان شاء الله

[Automatic]

دي حاجه عظيمه جدآ........... ياعني انتا عمال تبهدل البلد كلها ومش عاجبك أني قلت الغردقه مدينه *******************************************

تم حذف باقي المداخلة لاحتوائها على ألفاظ خارجة على الآداب العامة

يرجى مراجعة قواعد المحاورات جيداً ...

وعدم تكرار مثل تلك الألفاظ هنا مطلقاً

أسد

فريق الإشراف

[Automatic]

انا سواحلي

أجدع ناس وأنا بموت في البحر والحراء بس مبطيقش الغردقه وأفضل أروح دهب أو نويبع ولو بدأو يلملمو

تيوزيلندية

:D

انا اعرف شباب مصريين معاهم جتسيه الماني و انجليزي و روسي واللهي بيجيبوا سياح من البلاد دي و بيمشوا معاهم في اسوان و الاقصر و القاهرة و يدخلوا معاهم المتحف المصري بل بيقوموا بعمل المرشد السياحي لمجرد انه معاه جنسية غير للمصرية و لما شرطة السياحة تسالهم عن التراخيص يقولوا دول اصحابنا و يوروهم جوازات سفرهم يسبوهم علي طول عايز ايه اكتر من كده

لغايه دلوقتي أنتا قلت أنها ممكن تساعدني أبيع مخدرات و أشتغل مرشد من غير رخصه و هل ياتري ممكن كمان تساعدني في التهرب من دفع الضراءب؟ :) :)

[Toronto]

انا سواحلي

أجدع ناس وأنا بموت في البحر والحراء بس مبطيقش الغردقه وأفضل أروح دهب أو نويبع ولو بدأو يلملمو

تيوزيلندية

انا اعرف شباب مصريين معاهم جتسيه الماني و انجليزي و روسي واللهي بيجيبوا سياح من البلاد دي و بيمشوا معاهم في اسوان و الاقصر و القاهرة و يدخلوا معاهم المتحف المصري بل بيقوموا بعمل المرشد السياحي لمجرد انه معاه جنسية غير للمصرية و لما شرطة السياحة تسالهم عن التراخيص يقولوا دول اصحابنا و يوروهم جوازات سفرهم يسبوهم علي طول عايز ايه اكتر من كده

لغايه دلوقتي أنتا قلت أنها ممكن تساعدني أبيع مخدرات و أشتغل مرشد من غير رخصه و هل ياتري ممكن كمان تساعدني في التهرب من دفع الضراءب؟

انا ما قلتش كدة وانت فاهم اناقاصدي ايه0انت اول واحد ح يتهرب من دفع الضرايب في في مصراو في كندا لو جاتلك الفرصة علشان وصفك لنفسك *****0انا متابع كلامك مع الاعضاء في هذا المنتدي وكل يوم بتثبتلي انك فعلاانسان معقد و عندك مركب نقص و محتاج طبيب نفسي0دهب و نويبع فعلاا بتلملم لما امثالك من ****** يروحوا هناك 0كفاية عليك كدة :D

[أسد]

سيتم غلق الموضوع مؤقتاً وعرضه على الإدارة حتى يتم تنقيته من المداخلات الخارجة على الموضوع الاصلي والتي تحمل سباباً شخصياَ للأفراد

أسد

[se_ Elsyed]

السادة الزملاء الأفاضل

بهذا تنوه الإدارة بإنه سيتم التعامل بحزم مع أي مداخلات تخرج عن إسلوب التحاور المحترم بين الأعضاء ... وأي عضو سيقوم بإستخدام الفاظ خارجه أو التجريح الشخصي في زميل له فسيتم إنذاره .

شاكرين لحسن تفهكم

[se_ Elsyed]

هشام الكندي كتب

بالنسبه لسي السيد:

واضح ان الموضوع شخصي بيني و بينك و دا واضح جدا في لهجتك

وماذا بيني وبينك يا عزيزي ليكون بيننا حزازيات شخصية ؟

أنت شخص كاره لمصر .. ومن حقك

وأنا شخص محب لمصر مثلي مثل ملايين من أبناء هذا البلد الاوفياء .. ومن حقنا مهاجمتك والتعبير عن شعورنا تجاهك ...

فالكراهية لا تقابل إلا بالكراهية أيها الكندي كما تحب أن تدعو نفسك بهذه الكُنية .

و ارجو عدم التلميح باني يهودي بشكل مباشر او غير مباشر منك او من اي عضو اخر مثل سي السيد او في اي بي و انا اوجه رساله للادارة بالتدخل و توجيه انذار لكل من اتهمني بهذه التهمه و اخص سي السيد و في اي بي

وأنا اضم صوتي لصوتك وأطالب الإدارة بمحاسبتي إذا جئت بما هو إتهام مباشر او غير مباشر بإنك يهودي ... وإذا لم تفعل ذلك فكن على إستعداد لتلقي جزاء إتهام الناس بالباطل .

ولو إن من بين اليهود من هم كثيرون مخلصين لوطنهم ويفتخرون بإنهم يعيشون في وطن مغتصب أصلاً ..

[م.سامح المصرى]

بس ربنا يرضه قال "أرض الله واسعة" وأرض الله في مصر ضاقت على ناس كتير ومن حقهم يحسوا بالانتماء لأحلامهم اللي ممكن تتحقق مش احلامهم اللي ضاعت في مصر

استعنا على الشقا بالله

يا آهل الله بالله عليكم بلاش نذكر ايات قرآنية ونفسرها على مزاجنا

هلف ودا كل واحد واحد واقولة ........ صباعى ورم من كتر الكبى والبيست لجملة

يا جماعة دينا مش هين ولا سهل اننا نفسرة على مزاجنا

هل نعرف اية سبب نزول الاية دى ونزلت لغرض اية

وهل نعرف اساسا الاية دى فى سورة اية

استعينوا بالتفسير لحد من العلماء او اهل الذكر

ما تخلوش القرأن عرضة لايمانكم ولشهواتكم ونفوسكم

تفسير القرأن للشعراوى

تفسير القرأن للقرطبي

تفسير القرأن لابن كثير

تفسير القرأن للجلالين

تفسير القرأن للطبرى

الله يرضى عليكم وتهاجرو

---------------------

هشام بص

انتا كلامك وبالزات الموضوع دا برضو اغلبة غلط زي باقى المواضيع السابقة

وزى ما قلت هيا حاجة ما تخصنيش ولا تهمنى

بس هاقولها

انتا مش رايح هناك علشان كل الى انتا قلته

انتا عايز تروح للحياة المرفهه و

ما بتقتنعش غير برأيك انتا وبتقول علينا ديكتاتوريين

فابعد عن اي كتابات خاطئة يا هشام علشان زى ما قلتلك ابل كدة فى التلت مواضيع ولا الاربعه الي فاتو

دا بيترتب عليها فهم خاطئ للناس الى هاتقرا الموضوع دا

ثانياً

كلامك نسبياً شبه بعضة

اتشمت و كنت علي وشك ان اضرب لاني لا اشجع مصر

اتهمت بالعماله لاسرائيل و الخيانه العظمي و قياده تحالف قوي الظلام و قياده محور ال

قولتها باين فى موضوعين ابل كدة وقولتلك ما فيش حد قالك كدة واذكر لو كان فى حد قالك كدة

ما ردتش عليا ولو تركز شوية هاتلاقيك انتا الى تعديت المسموح بيه وشتمت عليناً استاذ عمرو حورس

ومن كرم اخلاقه ما ردش عليك الشتيمة علناً برضو

وتعرف هما اساسا قالوا كدة لية علشان طريقتك

مهوا ناس كتيرة دخلت على موضوع

كل ما تريد معرفتة عن كندا وسألوا وجاوبوهم وزى الفل

بس انتا الى سلكت اسلوب خلى كل الناس استنفرت منك وحاولو يبعدوا عنك

وبالفعل بعدو بس انتا بتفتح مواضيع بأراءك الى اغلبها غلط

مصر ضرتنا اكتر ما نفعتنا

فعلا

خليتنا بنى ادميين .... متعلمين ..... كفاية اننا مصريين

دى لوحدها كفاية انك تكون مصري .... (خير جند الارض)

ولو المصريين تبعك يا هشام كانوا بيفكروا تفكيرك

كانوا ايام الحرب كانوا قدموا على هجرة علشان البلد كانت في حرب وحالتها حالة

كان الرسول صلى الله علية وسلم ما كانش رجع لمكة بعد ما طردوة منها

هل لو كنت مع الرسول كنت عملت اية

كنت قدمت على هجرة

وبعدين انتا بتستشهد بالقرأن والرسول يا هشام وللأسف مش بتعمل بيهم حتى

يعنى انتا هاتكون حالك اسوأ من حال الرسول صلى الله عليه وسلم

لما اطرد

لا دا اطرد ورجع لفتح مكة وتخليصها من الكفار ونشر الدعوة

واستقر فى موطنة

فهل انتا فكرت انك تمشى حتى على نهجه

للأسف لا ..... انتا حبيت انك تمشى على نهج نفسك وشهواتها

لن ارفع سلاحي في وجه مسلم قط و لن احارب احدا الا من جاء معتديا علي بلدي

ترفعه بس على اخوانك المسلمين

انتا ذكرت ابل كدة بس مفيش وقت لانى ادور في مواضيعك

ان ليهم قوات في افعانستان باين ولا في اي بلد

ضرايبك هايتعمل بيها اسلحة ضد المسلمين

بس سؤال يا هشام لما تقوم الهرما جدون ومحدش ضامن الساعة هاتقوم امتى مع العلم ان بعض من

علامات الساعة الصغرى بانت

هاتعمل اية

هاتبقى مع المسلمين ولا مع القسم الاخر مع ان البلد الى انتا رايحها هاتكون اساسا القسم الاخر

و انا بقول لو حد راح يحارب كندا بدافع القوميه العربيه او من باب الماركسيه الناصريه او من باب الهيمنه و العنجهيه الصداميه هقوم ادكهم و امزقهم شر ممزق لان كندا بلدي

--------

علشان كدا لو جه شويه صداميين او قوميين او بتنجانيين زي ما بتقول يحاربوا ارض الله كندا هقوم اكلهم بسناني

ربنا يخليلك كندا امنة سالمة (زي ما دعيت انتا )

بس هل لو اتعكس الامر و البلد الى كندا باعته فيها قوات

بعتت هيا قوات

بس خلى بالك لحسن الواحد ما يضمنش عمرة

وتلاقي ولادك بيحاربوا المسلمين فى الاخر تسال انتا عنهم يوم القيامة

وهاتاخد منها اية يا ابن ادم ....... نهايتك الزوال

فأعمل لأخرتك كانك ستموت غدا

مش معنى كدا انك ما تهاجرش لا انتا فعلا لازم تهاجر علشان تعرف ايمت مصر وان كان فيها سوء

ادارة ساعتها هاتعرف احنا معترضين على انك عمال تشوة في شكل مصر

هوا فى حاجة عايز اسالك عليها يا هشام

الاربع او الخمس مواضيع الى تفضلت وكتبتهم

كلهم يحملو نفس المعنى انك ما بتحبش مصر وعمال تجيب امثلة اي حد في العالم بيشتكى منها مش المصريين بس

وان انتا بتحاول تحلل حكاية الهجرة دينيا ودنياويا

دنياوياً ممكن نقول متفقين ..... إنما دينيا مش متفقين خالص

يعنى انتا اول ما بدأت قلت دى مش بلدى ودى ودى ودى واعتبرت ان مصر شخص ادامك ساكت

وعمال تهين فيه كانك ماسك زلة ليه

ولما قولنالك طب انتا هاتروح تقولهم اية على وطنك قلت يا جماعه انتوا فهمتونى غلط دا انا هاروح اقولهم على الحلو

والوحش طب اذاي وهيا مش بلدك

ولما قلتلك على الدين رأية

قلت لا دا انا هابقى سفير للاسلام هناك

وللأسف ذكرت حديث انتا مش حافظة ساعتها وكمان فسرت اية بتفسيرك انتا

بص للى اقل منك هاتحمد ربنا وخد الى اعلى منك مثل اعلى