الوطن و المواطن و المواطنه

[م.سامح المصرى]

----------

بالنسبة للآخت سلوي

حضرتك احنا ما موتناش هشام ولا اساسا ظلمناة

هل لو حضرتك واحد جية وشتم والدتك هاتعملى اية

هاتقولى لا سيبية دا انا المفروض اقف معاه

نفس الحال لهشام

أما القضية الاولى ، رغبة هشام في الهجرة، فانا في اشد العجب من ان تكون هذه مدعاة للهجوم عليه في منتديات اكثر المشاركين فيها من المهاجرين وكثير من الغاضبين على هشام مهاجرون ايضا. ولكن لا عجب فازدواجية القول والعمل او المبادئ والعمل هي من عجائب شعبنا المصري العريق والتي ما زالت تتفاقم اكثر واكثر وتتشعب وتنتشر انتشار السرطان في جسم مريض لا حول له ولا قوة وستؤدي طالما استمرت ولا شك الى موت المريض الذي هو القيم المصرية ومصداقيتها.

،ممكن سعتك تتفضلى وتقرى موضوع كل ما تريد معرفته عن كندا هاتلاقى

الناس بتستفسر ازاى والاعضاء بتجاوبهم ازاى الناس المغتربين دول بيساعدوا الى عايز يتغرب

وهوا لو كان جية سآل ما كانش حد بخل علية في حاجة زى بقية الناس

هوا لية حاجة هنا الا وهيا ازاى يسافر كندا ما يجيش يسوء سمعه مصر

أما القضية الثانية فالعجب منها اشد، فنحن في منتدى لتعبير المصريين عن رأيهم وهشام راجل مصري على الورق حتى لو كان قلبه تعب من هموم مصر وعاوز ياخد اجازة شوية في بلد تاني وجنسية تانية. كل واحد حر يا أخي.

لكن تفسير الهجوم الجبار سهل وبسيط، الحرية مفهوم غايب عن مصر والمصريين فعلا وقولا و بدءا من ترية الابناء وانتهاء بتعامل كل شخص مع حريات الآخرين اللي اصلا ما تخصهوش في معقل لحرية التعبير في الانترنت وهو ما يسمى بالمنتديات

حضرتك جاوبتى على نفسك

فى فرق بين التعبير عن الرأى وتسفية الرأى او تسفية اى مكان

ومصر مش اي مكان خااااااااااالص

تسمحلى يا هشام امتثل بيك في حاجة بس بالعكس

و انا بقول لو حد راح يحارب مصر بدافع القوميه العربيه او من باب الماركسيه الناصريه او من باب الهيمنه و العنجهيه الصداميه هقوم ادكهم و امزقهم شر ممزق لان مصر بلدي

--------

علشان كدا لو جه شويه صداميين او قوميين او بتنجانيين زي ما بتقول يحاربوا ارض الله مصر هقوم اكلهم بسناني

فياريت نحترم المكان الى احنا اتولدنا فية واتربينا فية

والى اتعملنا فية بنى ادميين وفى الاخر نوبخها ....

فهل دا جزائها

ومن جهة اخرى فتشدق المصريين بمفهوم الوطنية امر طالما حيرني، خاصة هؤلاء الذين يعيشون في مصر. فأما المغتربين فمفهوم لان بلدهم واحشاهم وفي على مبدا احب اولادي الي الغائب حتى يرجع فالمغتربين هيحبوا مصر اكتر من اي شيء لغاية ما يرجعوا لها بالسلامة.

ظاما اللي عايشين في مصر فياريت يقولوا لي وبلغة محددة خالية من الشعارات اية بازبط اللي بيحبوه اوي كدة في مصر؟

لو هاتكلم في النقطة دي

يبقي ولا هايكفينى الف صفحة

علشان اكتبلك رأيي انا بس .... فما بالك بباقى المصريين

اولا مصر ذكرت فى القرأن خمس مرات .. كندا او غيرها من بلاد الغرب ذكرت كام مرة

ثانيا : خير جند الارض جند مصر .... مش بلاد الغرب

ثالثا : استوصوا بمصر خيراً فإن لنا فيهم نسباً وصهرا

رابعاً : قال الله تعالى ( اهبطوا مصر فان لكم ما سألتم )

نبعد شوية عن الدين

بصي هاقولك خير شاهد المنتدى الى احنا فية دا

لما تتفحصى المواضيع هاتلاقي بجد ان المصريين اجدع ناس

ناس متفهمين بيساعدوا اي حد بدون مقابل ما بيتمنوش لبعض الشر افضل ناس

كفاية كدا دلوقت

وقبل ما تبداوا في الهجوم علي انا كمان انا مش هاقول انا اي نوع من دول، فانا مجرد متفرجة على المشهد كله، وهو في رايي مشهد هزلي وشام بيحاول جهدا لتحويله الى مشهد جاد بس على مين.. ده احنا المصريين نحول اي موضوع جد لكلام فارغ.. ودمنا خفيف ودي من مزيانا طبعا اللي بتخلينا نحب مصر.

عمر ما في ناس بتهجم على حد رأية صح

دا بالعكس بتأيدة

نفس الكلمة دي برضوا قالها كذا واحد كانكم واحد فقط

ونفس الكلمتين دول برضو بعض منهم اتقال

وغير كدا هل المنتدى هنا كلة غلط وهشام الى بيكرة مصر والى بيأيدو رأية صح

عيدوا تفكيركم شوية

واذكركم بان الرسول صلى الله عليه وسلم عاش مهاجرا ومات مهاجرا ودفن في ارض مهجره (المندينة المنورة).

يا ريت زى ما نقتدى بالرسول في حاجات نقضية بية في كل الحاجات

مش نقتضدى بية في نقطة معينة علشان نرضي نفسنا وبعدين نسيب الحاجات الصعبة الى ما كانش بيعملها الرسول صلى الله علية ،سلم

يعنى ما ناخدش السهل ونسيب الصعب طالما هانقتدى بالرسول يبقي نقتدى بية في كل الامور

مش ننقى الى احنا عايزينة وكمان نفسرة تفسير على مقاسنا

بالزيط زي الواحد الي متبع اربع مذاهب

بياخد من كل مذهب السهل فية ويسيب باقى امور المذهب

وياريت نعرف اسباب او تفسير الامور الى بتتفضلو وتوردوها في المواضيع

وسلامى لكم جميعاً

[عرب فلكس]

برجاء من الاخ هشام و من الاخت سلوى الاجابه على كل التساؤولات التى تم طرحها حتى نستكمل موضوعنا بشكل حضارى

[Toronto]

مساله الراجل النيوزيلندي بتاع المخدرات دي وصمه عار في جبين مصر

ان الاجنبي يدخل يعمل ما بداله و المصري لو عمل زيه و يمكن لو معملش حاجه انتوا عارفين بيحصل له ايه؟

هذا النيوزيلندي يجب ان يسجن

ان فكرة الحصول علي الباسبور و العوده مرة اخري هي مص الدم بعينه و المنفعه المتجسده!

هي اعتراف ضمني بان مصر مش كويسه و اللي هيحميني الباسبور مش مصر وطني حبيبي الوطن الاكبر و هو اعتراف ضمني بقوه الدوله مانحه تلك الباسبور و هو خيانه منك لهذه الدوله التي اعطتك الحمايه لكي تتحامي فيها وقت شدتك و التخلي عنها وقت احتياجها لك

لماذا لم يهاجم الاعضاء هذه الفكرة؟

و لا هوا مفيش حد صاحب منفعه و عميل غيري؟

اخوكم هشام الكندي ان شاء الله

انا عندي شغل دلوقت تحياتي

يا اخ هشام انا بحكي قصة من واقع عملي كمحامي 0و معظم شغلي في المناطقالسياحية نظرا لاتقاني لعدة لغات 0طبعا وصمة عار فى جبيين مصر والمصريين بس هوده ايلي موجود للاسف و بعدين اسلوبك في تحريض الاعضاء علي هاجمة الفكرة تتخامي فيها و تتخلي عنها قصدي الجسية يا محترم دي حقيقة 0ايوةايلي ح يحميك في مصر الباسبور من الطرقعة والشلااليت كلمة اخيرة انا عشت 15 سنة بحكم عملىفي اقسام الشرطة ولنيابة و المحاكم فابفلوسك و بسبورك ح تنول ايلي في باللك

[Toronto]

[quote name=Toronto' date='Feb 17 2008, 05:14 PM' post=

و لا هوا مفيش حد صاحب منفعه و عميل غيري؟

:closedeyes: و بعدين يا اخ هشام كفاية انك تقدر تعدي بالجنسية الكندية كمين شرم الشيخ و تتمشي في خليج نعمة براحتك حتي لو كان xxxxxxهناك

رجاءاستخدام الفاظ لائقة و عدم السخرية .

الادارة ..

سلوى ..

[Automatic]

انا ما قلتش كدة وانت فاهم اناقاصدي ايه0انت اول واحد ح يتهرب من دفع الضرايب في في مصراو في كندا لو جاتلك الفرصة علشان وصفك لنفسك *****0انا متابع كلامك مع الاعضاء في هذا المنتدي وكل يوم بتثبتلي انك فعلاانسان معقد و عندك مركب نقص و محتاج طبيب نفسي0دهب و نويبع فعلاا بتلملم لما امثالك من ****** يروحوا هناك 0كفاية عليك كدة :closedeyes:

أنا مبهمش في علم الغيب ورديت علي الي انتا كتبته, مفيش حاجه أسمها أنا عارف أنتا تقصد أيه . أنا سألت سؤال دغري و أنتا رديت عليه بأن الجنسيه ألأجنبيه بتساعد المجرمين والي عايزين يشتغلو من غير رخص..........أنا مبقلفش روح عيد قراْتها وفكر نفسك.

سيبك دلوقتي من أمثالي ومركب نقص وألكلام القرع ده كله وأسمع أللي أنا بقولهولك.........ألجنسيه نفسها مش حتنفعك بحاجه ياعني لو أديتك ألجنسيه ألنهارده وأنتا رجععت مصر مش حتفيدك بحاجه لأانك كشخص متغيرتش. لاكن أللي "عمومآ" بيحصل أن ألواحد علي ما ياخد الجنسيه بيكون عاش في البلد كام سنه وشخصيته بتتغير........بيبقي عنده غبره حياه أكبر وثقته في نفسه تكبر وده أللي بيساعد. لااكن البسبور لوحده مللوش قيمه خالص.

أنتا لسه جديد في البلد و علي ما تاخد الجنسيه تفكيرك حيتغير تماما.

تم تعديل 17 فبراير 2008 بواسطة Scorpion

[أبو محمد]

السيد / هشام الكندى

سألتك عند فتحك لأول مواضيعك التى تصب فى إناء واحد ، إن كنت ستحتفظ بالجنسية المصرية (إن شاء الله) .. فلم تجب إلى الآن !!!!!

إذا كانت إجابتك ب (نعم) ... فلماذا تكتب هكذا ؟

إذا كانت إجابتك ب (لا) ... فلماذا تكتب هنا ؟

[سلوي في مهب الريح]

ظيف أوي رد الأخ ابو محمد، ومعقول برضه، وبصرف النظر عما تشعب اليه الخلاف.

[م.سامح المصرى]

(مقطع من قصيدة قالوا لي بتحب مصر) للشاعر تميم البرغوثي

قالولي بتحب مصر فقلت مش عارف

لا جيتها سايح ولاني أعمى مش شايف

ولاني هايف اردّ بخفّة وبسرعة

وكل من رد يا كذاب يا هايف

يعنى هوا مش كفاية ان حضرتك عاملالها موضوع لوحدة جية تعرضية هنا كمان

علشان كدة سعتك متعارضة معايا نسبياً

ولا يمكن متعارضة معايا علشان بتمشي علي نهج الاستاذ الفلسطيني الاصل

وزى ما قال تبعدى عن الكدب والهيافة ( بتسمعى الكلام يعنى )

دا على كدا بقي كل الى ماتوا فى الحرب سألوهم ابل ما يموتوا ولو سألو الجيش كله

يبقي الجيش كلة كداب وهايف زى ما قال الاخ الفلسطيني دا

يا خسارة على الناس ..... بس خسارة ليست ذات اهميه .... دا بالعكس

[nash]

والله ماهايف إلا اللي ألفها وعجبته ...

عجيبه والله أن يستمتع أحد بسب علني في قصيده له هو شخصيا قبل أن تكون لأخرين...

وبعدين الكلمه بتلف تلف تلف تلف وترجع لصاحبها :danger: :harp: :wub:

[م.سامح المصرى]

اة والله يا استاذة ناش

المفروض لما يقولولي بتحب مصر

اقول

اة .... لاء لاء .... لاء اة

بصوا بين البينيين علشان ما ابقاش كداب ولا هايف

علشان بس يا جماعة ماشي على قصيدة شعر تميم

يعنى يرضيكم ابقى كداب وهايف ... اصلة ادرى بالمصريين عن المصريين

[مزاميزو]

السلام عليكم ورحمة الله وبركاته

أنا دافعت عن الأخ هشام قبل كده في موضوع العروسة إيمانا مني بكثرة المطالب في الزواج مش بموافقته في الرآي بالنسبة إنها 4 نقط وبس .... ودا للأسف أسوأ نظرة للجواز

يعني لو دا نظرتك فعلا يبقى بلاش تتجوز وتنكد على نفسك وعلى بنت الناس اللي هتاخدها

ودافعت مرة تانية عنه وفسرت كلامه بانه قال إنه زعلان عشان هيسيب أهله وأصحابه اللي في مصر ... فقلت يبقى تعبيره خانه

بس أنا لقيتك يا عم هشام يا كندي سافرت بعيد وإنك كاره مصر

طيب مصر عملتلك ايه

هو النظام وحش ... ايوه ومطلع عين الناس بس دا مش ذنب البلد

الناس وحشة في مصر ... في ناس وحشة وفي كتييييييييييير كويسين

بس المشكلة إن الناس الإنتهازية والوصوليين هما اللي ظاهرين

وإفتكر إن كلما اشتد الكرب هان

وهييجي يوم والبلد حالها يتعدل

لو بتقرا تاريخ هتلاقي بلدنا توقع ومايكونش ليها قومة وتقوم

طيب بص معايا صلاح الدين جه مصر مع عمه عشان يدافعو بجيش من الشام عن مصر

يعني مصر كانت في الكازوزة ... بعدها بكام سنة طلع منها الجيش اللي حرر بيت المقدس من الصليبيين

بلدنا حلوة بكل ما فيها

وشكلك ما سافرتش بره مصر خالص ... لما تسافر هتعرف قيمتها

كفاية كده ونكمل بعدين

[مزاميزو]

معلش نسيت أكتب إني مقدم على هجرة لكندا

عشان الجنسية والدراسة والعودة بعد كده لمصر

عشان ما لقيش اتهامات بعد كده بأني بقول كلام وبعمل عكس ما بقول

أما عشان خاطر أخونا أوتوماتيك ... أنا هاحكي عن مهندس أعرفه راح كندا قعد 9 سنين وأخد الجنسية وعمل ماجستير ورجع مصر شغال في شركة انترناشيونال وماشاء الله بيقبض 6000 دولار أمريكي والكلام دا من 6 سنين تقريبا يعني أكيد يكون زاد

بلاش دا واحد لبناني وأنا في الكويت كان شغال في شركة بترول على المنطقة الحدودية بين السعودية والكويت مرتبه أصبح 2.5س بعد حصوله على الجنسية الكندية حيث إنه لم يفصح عن رقم س وهو المرتب عندما كان يحمل الجنسية اللبنانية

بلاش دا ودا كفاية أنه يكون معاك جواز سفر لو حبيت تسافر أي دولة في العالم عشان بيزنس ممكن بدون تأشيرة من سفارة الدولة اللي أنت رايح ليها ...

دي المميزات اللي أنا شايفها من الجنسية الكندية إنما ولائي لمصر

وعشامن ماتقولش إني إنتهازي أنا هاقولك عن واحد صديق لواحد أعرفه كان بيحكي عن المقابلة الشخصية ليه عشان الهجرة لكندا واتسأل لو حصلت حرب بين مصر وكندا ولاءك لمين فرد وقال لمصر ... الكندي اللي كان بيقابله قاله مبروك ولو كنت قلت إجابة غير كده كنت هتترفض لأن عمر ما الجيل الأول من المهاجرين هيكون لكندا بس الأجيال اللي هتتولد وتتربى هناك هيكون أكيد ولاءهم لكندا

[Toronto]

[أما عشان خاطر أخونا أوتوماتيك ... أنا هاحكي عن مهندس أعرفه راح كندا قعد 9 سنين وأخد الجنسية وعمل ماجستير ورجع مصر شغال في شركة انترناشيونال وماشاء الله بيقبض 6000 دولار أمريكي والكلام دا من 6 سنين تقريبا يعني أكيد يكون زاد

الاستاذ مزاميزو اتوماتيك عارف كويس اوي مميزات اجنسية الكندية بس هو بيحب يعمل كبير الأعدةو يوزع نصايح خلق اللة

[Toronto]

انا ما قلتش كدة وانت فاهم اناقاصدي ايه0انت اول واحد ح يتهرب من دفع الضرايب في في مصراو في كندا لو جاتلك الفرصة علشان وصفك لنفسك *****0انا متابع كلامك مع الاعضاء في هذا المنتدي وكل يوم بتثبتلي انك فعلاانسان معقد و عندك مركب نقص و محتاج طبيب نفسي0دهب و نويبع فعلاا بتلملم لما امثالك من ****** يروحوا هناك 0كفاية عليك كدة

أنا مبهمش في علم الغيب ورديت علي الي انتا كتبته, مفيش حاجه أسمها أنا عارف أنتا تقصد أيه . أنا سألت سؤال دغري و أنتا رديت عليه بأن الجنسيه ألأجنبيه بتساعد المجرمين والي عايزين يشتغلو من غير رخص..........أنا مبقلفش روح عيد قراْتها وفكر نفسك.

سيبك دلوقتي من أمثالي ومركب نقص وألكلام القرع ده كله وأسمع أللي أنا بقولهولك.........ألجنسيه نفسها مش حتنفعك بحاجه ياعني لو أديتك ألجنسيه ألنهارده وأنتا رجععت مصر مش حتفيدك بحاجه لأانك كشخص متغيرتش. لاكن أللي "عمومآ" بيحصل أن ألواحد علي ما ياخد الجنسيه بيكون عاش في البلد كام سنه وشخصيته بتتغير........بيبقي عنده غبره حياه أكبر وثقته في نفسه تكبر وده أللي بيساعد. لااكن البسبور لوحده مللوش قيمه خالص.

أنتا لسه جديد في البلد و علي ما تاخد الجنسيه تفكيرك حيتغير تماما.

XXXXXXXXXXXXXXXXXXXXXXXXX

XXXXXXXXXXXXXXXXXXXXXXXXX

الفاضل Toronto

هذا الأسلوب في الحوار .. و الذي لا يمت للحوار بصلة ... ليس له مكان فوق صفحات محاورات المصريين ...

أخطأت سيدي الفاضل مكان استخدام هذا الأسلوب الذي تكرر من حضرتك مرات عديدة ...

برجاء سيدي الفاضل أن تأخذ هذا الأمر بالجدية المرجوة هذه المرة من عضوآ نهتم بتواجده معنا ....

عن فريق المشرفين

سكوربيون

[badroora]

فى توقيع لابنتى الغالية ماريمار ربنا يرجعها بالسلامة بعد امتحانتها ان شاء الله

التوقيع دا كل مقراه باحس انها رسالة فحبيت اجبهولكم هنا عشان تهدو شوية

عندما نتكلم بصدق.....

ونستمع بهدوء....

وننقد بإخلاص......

نحصل على حوار هادف.....

بعد البؤين دول

اسمحولى بقي اتكلم معكم كاخت ويا رب الكلمتين بتوعى يطلعوا خفاف عليكم .

احنا كلنا هنا اخوة وتقريبا ظروفنا واحدة وطموحاتنا تقريبا قريبة من بعضها .

هل مافيش فى الاسرة الواحدة اخ بيحب امه وبيكره ابوه بسبب معاملته له ؟

كتير جدا نلاقي اولياء امور يمجد فى ابن ويحبط من الاخر فالطبيعي تلاقي الابن المحبط كاره ابوه هو فى الحقيقة مش بيكره ابوه اللى رباه وكبره لا هو بيكره طريقته واسلوبه اللى بيعانى منه , بس تلاقيه لما بيشتكى مش بيقول انا بكره اسلوب ابويا لاء هو بيقول انا بكره ابويا عشان اسلوبة .

المفروض بقي اللى يسمعه يخدوه بهدوء بدون سلخ الذات ومعاقبته عن سوء تعبيره ان خانه التعبير .

يعنى يا جماعه بلاش نعمل وصايا على بعض ونمسك اسلحة لبعض , دا مش مقبول ابدا من ناس فى سننا المفروض اننا كبرنا واتعلمنا ووصلنا اننا نتناقش فى هجرة ومستقبل ويكون دا مستوانا .

بجد وانا بقرا الموضوع دا بيجينى احساس ان كل واحد داخل وماسك مطوة فى ايدة للى بيتحاور معاه .

الباب دا كان ن احب الابواب لى كمغتربة لكن بقالى مدة بصراحة مش بقيت احب ادخله او اقرا او اكتب فيه .

نفسي انسددت حسيت اننا وحشين اوى وقلوبنا مش صايفة ودى مش طبعنا كمصريين

احنا كمصريين معروف عننا خفة الظل والجدعنه فى الكلام واللباقة فى الحوار اما اللى باشوفه هنا مش اسلوب ناس من بلدي ابدا

بليز يا جماعة نقطة ومن اول السطر وعفا الله عما سلف

خلينا نحط ادينا فى ايد بعض ونساعد بعض باللى نعرفه ونساند بعض بلاش اللون الغامق اللى معيشنا فيه بقالكم كام يوم كدا .

ثم يعنى شيفاكم متمركزين فى الباب دا والموضوع دا بالذات ليه مش بتخرجوا توشوفوا باقي المواضيع

يمكن لو زرتم باقية المنتدى تخفم من الحدة والشر اللى بيطلع من عنيكم دا

يلا انتم اجازة قيمة عشرة خماشر يوم من هنا

وعاوزينكم فى باقي المواضيع عاوزين نشوف ابداعتكم .

محدش يزعل من اسلوبي احسن اتئمص انا قولت احنا اهل من البداية

واللى ماله اهل بيدورله على اهل .

ماشي

يلا هشام الكندى باذن الله تورونوتو اتوماتيك وعرب فليكس هات كسين لب وانت جاى وهنحسبك

وباقي الاخوة عفوا لو نسيت حد عموما الدعوة عامة فى كل المواضيع

فى انتظاركم

اختكم

نجفة الضب حسين

مشخصة اجتماعية

للاحوال المدنية المحاوراتية

[Toronto]

فى توقيع لابنتى الغالية ماريمار ربنا يرجعها بالسلامة بعد امتحانتها ان شاء الله

التوقيع دا كل مقراه باحس انها رسالة فحبيت اجبهولكم هنا عشان تهدو شوية

عندما نتكلم بصدق.....

ونستمع بهدوء....

وننقد بإخلاص......

نحصل على حوار هادف.....

بعد البؤين دول

اسمحولى بقي اتكلم معكم كاخت ويا رب الكلمتين بتوعى يطلعوا خفاف عليكم .

احنا كلنا هنا اخوة وتقريبا ظروفنا واحدة وطموحاتنا تقريبا قريبة من بعضها .

هل مافيش فى الاسرة الواحدة اخ بيحب امه وبيكره ابوه بسبب معاملته له ؟

كتير جدا نلاقي اولياء امور يمجد فى ابن ويحبط من الاخر فالطبيعي تلاقي الابن المحبط كاره ابوه هو فى الحقيقة مش بيكره ابوه اللى رباه وكبره لا هو بيكره طريقته واسلوبه اللى بيعانى منه , بس تلاقيه لما بيشتكى مش بيقول انا بكره اسلوب ابويا لاء هو بيقول انا بكره ابويا عشان اسلوبة .

المفروض بقي اللى يسمعه يخدوه بهدوء بدون سلخ الذات ومعاقبته عن سوء تعبيره ان خانه التعبير .

يعنى يا جماعه بلاش نعمل وصايا على بعض ونمسك اسلحة لبعض , دا مش مقبول ابدا من ناس فى سننا المفروض اننا كبرنا واتعلمنا ووصلنا اننا نتناقش فى هجرة ومستقبل ويكون دا مستوانا .

بجد وانا بقرا الموضوع دا بيجينى احساس ان كل واحد داخل وماسك مطوة فى ايدة للى بيتحاور معاه .

الباب دا كان ن احب الابواب لى كمغتربة لكن بقالى مدة بصراحة مش بقيت احب ادخله او اقرا او اكتب فيه .

نفسي انسددت حسيت اننا وحشين اوى وقلوبنا مش صايفة ودى مش طبعنا كمصريين

احنا كمصريين معروف عننا خفة الظل والجدعنه فى الكلام واللباقة فى الحوار اما اللى باشوفه هنا مش اسلوب ناس من بلدي ابدا

بليز يا جماعة نقطة ومن اول السطر وعفا الله عما سلف

خلينا نحط ادينا فى ايد بعض ونساعد بعض باللى نعرفه ونساند بعض بلاش اللون الغامق اللى معيشنا فيه بقالكم كام يوم كدا .

ثم يعنى شيفاكم متمركزين فى الباب دا والموضوع دا بالذات ليه مش بتخرجوا توشوفوا باقي المواضيع

يمكن لو زرتم باقية المنتدى تخفم من الحدة والشر اللى بيطلع من عنيكم دا

يلا انتم اجازة قيمة عشرة خماشر يوم من هنا

وعاوزينكم فى باقي المواضيع عاوزين نشوف ابداعتكم .

محدش يزعل من اسلوبي احسن اتئمص انا قولت احنا اهل من البداية

واللى ماله اهل بيدورله على اهل .

ماشي

يلا هشام الكندى باذن الله تورونوتو اتوماتيك وعرب فليكس هات كسين لب وانت جاى وهنحسبك

وباقي الاخوة عفوا لو نسيت حد عموما الدعوة عامة فى كل المواضيع

فى انتظاركم

اختكم

نجفة الضب حسين

مشخصة اجتماعية

للاحوال المدنية المحاوراتية

انا لما اتظلمت من القصر و من الانجليز ما حستش بالظلم حسيت بيه دلوقت ده انتوا اهلي و ناسي ده انتوا تاريخي كله0الاخت العزيزة نجفة واللةاحلي بوءين سمعتهم جزاكي الله خيرا و بباركلك في صحتك واولادك امين0محدش يقدريزعل منك يا اميرة يا ست الستات 0و اللهي لا داخلين بمطاوي و لا حاجة ان شخصيا المطواة بتاعتي نسيتها في كرش واحدمن فانكوفر 0اوعدك ان شاء الله ما فيش لون غامق و حنتحاور سوا سوا0سلام لحسن عندي شغل و صاحب الشغل راجل قفص من فانكوفر برده0

[sailor ah]

السلام عليكم ورحمة الله وبركاته،،

طبعا انا مقتنع بكلامك بس فعلا الناس هى اللى بتخلى الواحد يجيله لحظات يكره كلمه وطن ويكره يقعد فى البلد وطبعا احنا الناس دول يعنى مننا وربنا يسترها وعلى فكره انا شايف ان كل مشاكلنا حتنحل لما نقرب من ربنا اكتر وربنا يستر فى الأيام اللى جايه

وبعد اذنك ده موقع والله مش للشهره ولكن لعل الله يجعله فى ميزان حسناتنا يوم القيامه حيعجب اوى المغتربين

http://www.islamicfinder.org/

[Automatic]

أما عشان خاطر أخونا أوتوماتيك ... أنا هاحكي عن مهندس أعرفه راح كندا قعد 9 سنين وأخد الجنسية وعمل ماجستير ورجع مصر شغال في شركة انترناشيونال وماشاء الله بيقبض 6000 دولار أمريكي والكلام دا من 6 سنين تقريبا يعني أكيد يكون زاد

تفتكر لو كان معاه الجنسيه من غير ال 9 سنين خبره و الماجيستير كانو شغالوه؟

بلاش دا واحد لبناني وأنا في الكويت كان شغال في شركة بترول على المنطقة الحدودية بين السعودية والكويت مرتبه أصبح 2.5س بعد حصوله على الجنسية الكندية حيث إنه لم يفصح عن رقم س وهو المرتب عندما كان يحمل الجنسية اللبنانية

القصه ناقصه كتير! في القصه الأولانيه أنتا قلتلنا مؤهلاته و خبرته, أيه مؤهلات اللبناني ده؟

بلاش دا ودا كفاية أنه يكون معاك جواز سفر لو حبيت تسافر أي دولة في العالم عشان بيزنس ممكن بدون تأشيرة من سفارة الدولة اللي أنت رايح ليها ...

عندك حق

وعشامن ماتقولش إني إنتهازي

محدش قالك انك أنتهازي وكمان أنتا مخدتش بالك من نقطه مهمه جدآ.

عم تورونتو قال " بس اقصي طموحاتي اخد الجنسية و ارجع اعيش في الغردقة تاني" وواضح أنه فاكر أن الجنسيه لوحدها حتنفعه في مصر.

طب هيا جايز تنفع في بيع المخدرات وجايز تنفع في الشغل بدون الرخصه وجايز تنجي من الضرب علي القفي لاكن مش حتجيبله شغل غير اللي هوا قادر عليه وعنده خبره فيه. لو ضيع وقته في كندا وأعتمد علي الجنسيه يبقي ضيع فرصه ملايين يتمنوها.

تم تعديل 18 فبراير 2008 بواسطة Automatic

[هشام الكندي ان شاء الله]

بسم الله الرحمن الرحيم

الاخ مزاميزو:

انا اكتر من مليون مرة قلت انا مش بكره مصر لكني مش بحبها ليس الا و شرحت الفرق الكبير بين الجملتين

بعدين صدقني فيه في مصر زي ما قلت الحلو و الوحش لكن الوحش هوا الاكتر يا مزاميزو صدقني و الا مكانش حال الناس الاخلاقي (مش هقولك السياسي و لا الاقتصادي) بقي كدا

بعدين انا رايح كندا مش حبا في الفلوس لكن بحثا عن حياه جديده بكل ما تعنيه كلمه حياه من معاني

الاخ عرب فلكس:

معلش مشاركتك تاهت عني و سؤالك بتاع العراق و كندا دا

اولا المهاجر لا يجند في الجيش و انما يتطوع و انا مش هتطوع

ثانيا لو العمليه وصلت انهم غيروا القوانين و جندوني هعترض و اقولهم مش رايح و خدوا جنسيتكم مني لان جنسيتي الاولي الاسلام و ربنا هيكرمني بدوله تانيه اروحها

سؤالك دا اثبت ان الدين بيتعارض في كثير من الاحوال مع الوطن

الاستاذ تورنتو:

واضح ان معظم مشاركاتك محذوفه من الاداره, ارجو استخدام الفاظ و تعبيرات مناسبه لمهنتك كمحامي و مناسبه لاخلاقك و لاخلاق المشاركين هنا

الاخت بدريه مكاوي:

انا معاكي و الله, احنا في موسم اجازات و احتفالات قولي بس علي فكرة موضوع فرفشه و انا معاكي

و اللب و السوداني و الحاجه الساقعه عليا انا يا ست الكل

يا ريت فعلا نعمل موضوع عن طرائف المهاجرين او اي حاجه مسليه شويه بدل الحرب العالميه اللي شغاله هنا

بالنسبه لسي السيد:

"ومن حقنا مهاجمتك والتعبير عن شعورنا تجاهك ... "

انا اصلا ماهجمتكش و واضح من كلامك الشعور بالرغبه في التجريح و المهاجمه

انتا شايف حق ليك انك تهاجمني!

بتفكرني بفيلم هي فوضي لما الولد طلع الموبايل و جه يتكلم رما خالد صالح الموبايل, الولد قاله من حقي اتكلم في الموبايل, قام خالد صالح ضاربه بالقلم و قاله و انا من حقي اضربك

انتا راجل ديمقراطي فعلا

اسمك اكبر دليل

سي السيد

بالنسبه للاستاذ سامح:

"وشتمت عليناً استاذ عمرو حورس" انا عمري ما شتمت حد و لا هعملها

بالنسبه لموضوع الضرائب, يا تري حضرتك بتعمل ايه لما الضرايب اللي بتدفعها بتروح للغاز اللي بيروح اسرائيل و في فتح معتقلات جديده و في حمله منع الختان!

بعدين انا لما اسافر مش هجيب اصلا سيره مصر لحد لما حد يسالني, هوا انا هبقا فاضي احكي عن ايام العرب اللي حضرتك بتتكلم عنها؟

مش فاضي اتكلم عن الماضي, الاهم المستقبل

بالنسبه للاخ ابو محمد:

لم احدد موقفي بعد من الجنسيه المصريه لاسباب

قد احصل علي جنسيه بلد مسلم اخر مثل تركيا او ماليزيا او السنغال, ساعتها سافكر جديا في اسقاط الجنسيه المصريه عني

اما اذا لم املك سوي جنسيه كندا و مصر فقط فساضطر للاحتفاظ بها حتي يجد اولادي بعدي بلدا مسلما يذهبون اليه يوما ما و كي لا يتجندوا في الجيش الكندي

اما عن لماذا اكتب هنا, فهو دعوه لمصادره الراي الاخر لمجرد الاختلاف في الراي

اللي بقا ملفت للنظر اوي الفترة الاخيرة كثره المداخلات المحذوفه من بعض الاعضاء و هذا شئ غير مقبول اطلاقا

كمان مساله الدعوه للخروج من المنتدي بتهمه التبشير بفكرة جديده كأن المنتدي تحول بالفعل الي نسخه مصغرة من مصر الواقعيه

اي حد مختلف عنده الحيطه يخبط دماغه فيها او الارض يعضها

انا بقول فكرة و بس و فيه جيل كامل فيه نسبه كبيره عندها نفس الفكرة بس مش قادرين يا عيني يتكلموا

اذا كنتوا شايفين ان دي حاله مرضيه عالجوها

شايفينها فكرة غلط صلحوها

شايفينها صح سيبوها

لكن ان الموضوع يتحول الي مجال للاهانات الشخصيه و التنبيط و وصلات الردح فهذا امر مرفوض شكلا و موضوعا لمخالفته حقوق الانسان

اخوكم هشام الكندي ان شاء الله

[se_ Elsyed]

بالنسبه لسي السيد:

"ومن حقنا مهاجمتك والتعبير عن شعورنا تجاهك ... "

انا اصلا ماهجمتكش و واضح من كلامك الشعور بالرغبه في التجريح و المهاجمه

انتا شايف حق ليك انك تهاجمني!

بتفكرني بفيلم هي فوضي لما الولد طلع الموبايل و جه يتكلم رما خالد صالح الموبايل, الولد قاله من حقي اتكلم في الموبايل, قام خالد صالح ضاربه بالقلم و قاله و انا من حقي اضربك

انتا راجل ديمقراطي فعلا

اسمك اكبر دليل

سي السيد

أعتقد إنك لازم تحترم نفسك اكثر من كده ..

فأسمي اللي مش عاجبك على الأقل إسم مصري ..

مش زيك رايح تتمسح في دولة تانية ...

بالمناسبة ديكتاتورية بديكتاتورية بقى .. فلن أسمح لك بقول حرف زيادة مرة أخرة فيه شخصنة تحت أي ظرف وفي أي موضوع ..

وبالعربي كده وبصريح العبارة ... عايز تقعد في محاورات المصريين وتحترم مصر والمصريين .. أهلاً وسهلاً وهانشيلك فوق راسنا زيك زي ألاف الأعضاء المحترمين الموجودين .

عايز تروح محاورات الكنديين وتذوب عشقاً فيهم .. برضوا الباب واسع ويفوت جمل .. ولكن نسمح لك بأي كلمة تجريح على مصر ..

وكفاية بقى مواضيعك التي تقطر سماً على بلدك وعلى أهل بلدك ..

كلام واضح وصريح وأول مرة أستخدمه في حوار مع أي زميل ...

ده من الاخر اللي بعد الأخر يا أيها الكندي

تهديد ؟

أيوه تهديد