رابطة عشاق مصر (أليكس لوفر)

[salemhegazy]

لا تعليق

[Alex Lover]

يا سلااااااااااااااااااااااااااااااااام يعني استراليا زعلانه على الخرفان بتاعتها علشان بتتدبح بوحشيه :blush2: والله حكومة خايفة على حيواناتها حتى لو ادى ذلك الى انخفاض الاقتصاد بتاعها

بس احنا اولاد المسلمين اللي بيدبحوا في العراق وفلسطين ... بيدبحوا برحمة علشان كده احنا ساكتين وموافقين

وعجبي

تم تعديل 20 نوفمبر 2007 بواسطة Alex Lover

[Alex Lover]

عمرو...كنت بتقول أيه.....فجأة مش سامعاك...الخط بيغلوش...

لأ مش تجارة ...انا كبيري في الرياضيات لمستوي رابعه ابتدائي الحقيقه..وكتير كمان...

أنا أداب يا باشا...وياسلام لو تسألني عن التخصص..أصلي بزعل أوي لما حد يقولي أنتي كليه ايه واقوله اداب ...يبصلي ويسكت..طيب ماتكمل السؤال...حاجه غريبه الحقيقه.................................................................................................................................

انا كمان يا ناش خريجة كلية الأداب ... بس انا قسم الآثار اليونانية والرومانيه - قسم متلقيهوش غير في الاسكندرية مدينة الاثار الاغريقية ... انتي شكلك قسم انجليزي مش عارفه ليه

[salemhegazy]

و بيذبحوا على ايدى جنود الحكومة الاستراليه احفاد المجرمين و الخارجين على القانون

و كم بمصر من المضحكات لكنه ضحك كالبكا

[amrhoras]

متوحشيين بتتدبحوا الخراف والله نكتة الموسم

مجزره حيوانيه جديده تحدث فى القاهره . يشترك فيها شعب بأكلمه فما علينا الا ابادة الشعب كاملا كي نحافظ وننقذ أرواح ما تبقى من الخرفان مـــــــــاء ههههههههه

اول مره اسمع الخبر ده الصراحه

تم تعديل 20 نوفمبر 2007 بواسطة amrhoras

[amrhoras]

شكلنا هاناخد أنذار علي الشات اللي أحنا عاملينه.....

وبصراحه بأة شايفاها فرصه أني اقولك .....

قل( كدا ) ولا تقل ( كدي ) اصلها مش ياء مقصورة ...بصراحه أنا مش عارفه السبب بس متأكده أن أسمها كدا....

.........................................................................................

مش بقول لغة عربيه

اخ صح ربنا يسترها علينا من الانذارات :unsure: لو حد سأل عليا مش موجود

بس هل هناك كلمة (بأه) فى اللغه العربية

************************************

نرجع الى الذكريات ونقول ونسأل اول يوم جامعه مر على كل فرد فيكم كيف؟ :blush2:

[Alex Lover]

عمرو .......... بصره

انا كنت هاطلب منكم تتكلموا في نفس الموضوع .. بس انا بجد مش هالحق اككتب حاجه لان الموضوع ده طويل وبيوجع البطن .. بكره باذن الله اجي اكتبلكم بالتفصيل

باي باي انا مروحه بقى

[Alex Lover]

اين انتم يا شباب الوطن وجيل المستقبل

محدش يعني سجل حضور النهاردة ,... اعتقد المنتدى كان فيه مشكله فنيه الصبح ولا ايه ...؟؟

عموما يسعدني ويشرفني ان اسرد لكم ذكريات اول يوم جامعه ,,,,,

اولا انا اخدت الثانوية العامه ومجموعي الحمد لله رب العالمين دخلني كليه الأداب .. لغايه كده تمام ؟؟ كل صحاب دخلو حقوق يعني كلهم بقو مع بعض وانا لوحدي بس الميزة

الوحيده ان كلية الاداب وكليه الحقوق في مجمع واحد يعني بنتقابل ما بين المحاضرات .. المهم رحت الكليه وكنت محتاره اختار أي قسم الاقسام كتيرة وانا مش محدده

هدفي كالعادة .... قمت اخترت تاريخ لاني باحب التاريخ والكلام ده .. وطلعت اول محاضرة وللأسف كان اغلب الحضور من المكففوفين يارب يعوضهم خير وحسنات عن فقدان

بصرهم المهم انا اتأثرت جدا وبقيت مش مركزة في المحاضرة بس مركزة معاهم ... ويقيت زعلانه خالص وطلعت من المحاضرة وانا منهاره من البكاء ... كنت اول مره اتعامل

معاهم .. المهم واحده جت جنبي والظاهر هي كمان كانت متضايقه بس قالتلي ماتيجي نطلع نقدم في قسم الاثار اليونانية والرومانيه ... عجبتني الفكرة وقلت

اجرب روحت لقيته ايه قسم شياكة خالص وكله ناس متددلعة اخر دلع رجاله وبنات وتحس انك روحت النادي مثلا ,.... عجبني اوي ودخلت المحاضرة الاولي وبدأت اسمع كلام

يوناني وحاجات غريبة وبطني وجعتني وقعدت اعيط :lol: وحسيت اني هافشل في الجامعة مفيش مكان قادره ارتاح فيه ، اتضح لي اني المفروض احضر في قسم اثار كام

محاضرة وبعدين هيعملو امتحان للحضور في اللي اخدوه واللي هينجح هيلتحق بالقسم ... وبالفعل نجحت وجيب 84 % حلووووووووووووووين احنا كنا فين بس كنت حاسه اني

غريبه وبالف حوالين نفسي .. خلصت المحاضرة من هنا وروحت جري كملت محاضرات مع صحابي في كليه الحقوق ... B)

لغايه ما بدأ يتكون لي صداقات في قسم الاثار وكانت اجمل صداقه مستمرة لغايه دلوقتي 3 صاحبات حتى الان ماشاء الله برغم بعدي عنهم ...

تم تعديل 21 نوفمبر 2007 بواسطة Alex Lover

[nash]

يا مساء الخير...

برافوا عليكي يا أليكس....والله تخمينك طلع صح.....فعلا إنجليزي...

عمرو ...كلمه بأة ماشي حالها ...علي الأقل واضحه...أما كدي...كذا مرة أحاول أقول عمرو قصده أيه ..أيه ..أيه ..لغايه مافهمتها.....

وبعدين طول ماكلمه عزومه محطوطه..الخط هايفضل مغلوش....

بالفعل اليوم المحاورات كانت فيها مشكله...فتحتها ونيفر أنها تشتغل...أتخنقت ..رحت نايمه...طلعتلي بساعتين كويسين.....

.......................................................

أنا بالنسبه لي أول يوم جامعه ..كنت تايهه لولا شقيقي الوحيد...كان رائع ..وصلني الجامعه وقالي سلامأنا بأة مش فاضي لشغل العيال....

وفضلت تايهه فترة أني أجيب الجامعه أولها من أخرها..ولا ممكن....

بس أحلي حاجه...في أول يوم أشتركت في حوالي عشرين أسرة تبع أسر الجامعه....كنت محرجه جدا أقول لأي حد ..سوري مش عايزة...وطبعا ولا أسرة حضرت أي أجتماع ليها....

ايضا في اليوم الأول تم عمل أمتحان قدرات ونجحت فيه بتفوق.....وبعد كده مرت الأيام بعد تكوين جروب محترم من أصحابي واصحاب شقيقي..وكانت أروع أيام قضيناها في الجامعه...وطبعا بما غننا القسم الوحيد اللي ماكانش فيه سكاشن..كنا نحضر ونمشي في الوقت اللي بنحبه...بغض النظر بأة عن الماده....

أذكر ماده اللاتيني درسناها طوال سنوات الجامعه وتقريبا كنا الجامعه الوحيده اللي درسنا هذه الماده طوال الأربع سنوات ..باقي الجامعات درسوها في السنه الأولي فقط...المهم تقريبا محضرتش ولا محاضرة للاتيني...وكان دكتور الماده أسكندراني...ودمه خفيف في إمتحان النهائي دخل الخيمه وفوجيء بحوالي عشرتلاف طالب وطالبه..وهو أصلا ماكانش بيحضرله غير خمسه سته....المهم وقف في وسط الخيمه وقال ( علي النعمه الناس دي أول مرة نشوفوها ) طبعا كلنا وقعنا من الضحك....بس والله كان طيب ...اللي يكتب اسمه ينجحه...

ايام رااااائعه..الميكروفون للي بعدي

[DARWEEN]

نرجو الألتفات لعدم تحويل الموضوع لشات بين الأعضاء

نشكر لكم مراعاة ذلك

الإدارة

داروين

[Alex Lover]

يا مساء الخير...

برافوا عليكي يا أليكس....والله تخمينك طلع صح.....فعلا إنجليزي...

عمرو ...كلمه بأة ماشي حالها ...علي الأقل واضحه...أما كدي...كذا مرة أحاول أقول عمرو قصده أيه ..أيه ..أيه ..لغايه مافهمتها.....

وبعدين طول ماكلمه عزومه محطوطه..الخط هايفضل مغلوش....

بالفعل اليوم المحاورات كانت فيها مشكله...فتحتها ونيفر أنها تشتغل...أتخنقت ..رحت نايمه...طلعتلي بساعتين كويسين.....

.......................................................

أنا بالنسبه لي أول يوم جامعه ..كنت تايهه لولا شقيقي الوحيد...كان رائع ..وصلني الجامعه وقالي سلامأنا بأة مش فاضي لشغل العيال....

وفضلت تايهه فترة أني أجيب الجامعه أولها من أخرها..ولا ممكن....

بس أحلي حاجه...في أول يوم أشتركت في حوالي عشرين أسرة تبع أسر الجامعه....كنت محرجه جدا أقول لأي حد ..سوري مش عايزة...وطبعا ولا أسرة حضرت أي أجتماع ليها....

ايضا في اليوم الأول تم عمل أمتحان قدرات ونجحت فيه بتفوق.....وبعد كده مرت الأيام بعد تكوين جروب محترم من أصحابي واصحاب شقيقي..وكانت أروع أيام قضيناها في الجامعه...وطبعا بما غننا القسم الوحيد اللي ماكانش فيه سكاشن..كنا نحضر ونمشي في الوقت اللي بنحبه...بغض النظر بأة عن الماده....

أذكر ماده اللاتيني درسناها طوال سنوات الجامعه وتقريبا كنا الجامعه الوحيده اللي درسنا هذه الماده طوال الأربع سنوات ..باقي الجامعات درسوها في السنه الأولي فقط...المهم تقريبا محضرتش ولا محاضرة للاتيني...وكان دكتور الماده أسكندراني...ودمه خفيف في إمتحان النهائي دخل الخيمه وفوجيء بحوالي عشرتلاف طالب وطالبه..وهو أصلا ماكانش بيحضرله غير خمسه سته....المهم وقف في وسط الخيمه وقال ( علي النعمه الناس دي أول مرة نشوفوها ) طبعا كلنا وقعنا من الضحك....بس والله كان طيب ...اللي يكتب اسمه ينجحه...

ايام رااااائعه..الميكروفون للي بعدي

شكرا يا ناش على ردك وسردك الجميل والله اضحكني المدرس ده ياترى اسمه ايه اكيد كان بيدرسلي انتي عارفه انا قسم يوناني وروماني

[Alex Lover]

نرجو الألتفات لعدم تحويل الموضوع لشات بين الأعضاء

نشكر لكم مراعاة ذلك

الإدارة

داروين

الأخ الفاضل داروين

والله انا اول ما شوفت اسمك اتخضيت وقلت انا عملت ايه :lol:

اشكرك على تنبيهك ولو ان الموضوع هدفه هو احياء الذكريات الجميله لينا في مصر وكل عضو بيذكر اجمل الذكريات اللي مر بيها على مدار حياته في مصر والحاجات اللي بيشتاق لها ... هو مش شاتينج ولا حاجه بس تقدر تقول تواصل بالافكار وبوجه عام انا هاراعي النقطة دي واشكرك مرة تانية

[amrhoras]

معلش يا ألكس انا متابع والله الموضوع جدا ومعجب بذكرايتكم جدا اعتذر للغياب

كل ما اطلبه هو الدعاء ربنا يفكها

شكرا

تحياتى وربنا يسعد ايامكم

عمرو

[nash]

ياصباح الخير...ياللي معانا... wst::

...........................................

عمرو ...النهارده الجمعه وإن شاء الله في ساعه إستجابه...قل لن يصيبنا إلا ماكتب الله لنا....أغتنم اليوم في الدعاء..ودع همومك علي رب العالمين..وسيكتب لك الخير بإذن الله...

وبين طرفة عين وانتباهتها ..يبدل الله من حال إلي حال....

جايز يأتيك الحل من حيث لا تعلم ولا تدري...فقط إخلص في الدعاء..وإن شاء الله ستأتي إلينا لتبشرنا بالأخبار السعيده...أنا واثقه في الله سبحانه وتعالي....وواثقه أن هناك من يهتم بمساعده أخوات واخوان لهم.. ;)

.............................................................

شوفتوا يا جماعه أنا قلبي كان حاسس...أهو أترزعنا لفت نظر...بش شاطرة يا أليكس تقوليلي أنا مراقبه الباب وأول مايظهر أشكيف هاقولكم..علشان نلحق نتفرق قبل مانتهف الإنذار..... :sad: <<<<<ده شكلي وانا معصبه

علي فكرة أخونا الطيب داروين من الإسكندريه...بس الظاهر الذكريات عنده يا إما **** أو *****خايفه أعبر لألاقي نفسي برة المحاورات لوحدي بغني حب الوطن فرض عليه.. :wub:

أنا معرفكوش يا جماعه...سوري يعني... :)

[DARWEEN]

صباح الخير يا جماعه

انا جاي اصبح ومعايا دفتر انذارات جديد لنج :sad: wst:: حد قال أنا ؟؟

بما أن الأخت ناش ذكرت أسكندريه ....

وبما أننا داخلين على يناير جري

فكرتوني بأيام الشتي .. والرصيف بحيره ... والشارع غريق

أجمل أيام أسكندريه ( للأسكندرانيه فقط ) ... أيام الشتا ... والواحد ملفوف في قميص وبلوفر وجاكت مقفول

وبيمشي على البحر لوحده .... أو مع مجموعة أصحاب

أو ..... ولا بلاش :)

فينك يا أسكندريه

[semsema]

أو ..... ولا بلاش :)

مين مين؟؟ :sad:

قولي ومش هقول لحد ;) ....عشان خاطري....اذا كان ليا خاطر عند حضرتك يعني wst::

[DARWEEN]

أو ..... ولا بلاش :)

مين مين؟؟ :sad:

قولي ومش هقول لحد ;) ....عشان خاطري....اذا كان ليا خاطر عند حضرتك يعني wst::

بنت يا سمسمه .... بطلي شقاوه

ايه اللي مين مين ؟؟

أنا قصدي ... بيكون معايا قرطاس ترمس وكدهوت

فهمتي ؟؟

[nash]

;)

:sad:

wst::

:)

ربنا يجعل ردي خفيف يارب

[DARWEEN]

هو أنا جبت سيرة بوب كورن ؟ :blink:

انا باتكلم عن الترررررررررررمس wst::

يالا ردي بقى .... عاوزين نستفتح بإنذار النهارده :ninja:

أرزق يارب

[kokomen]

صباح الخير يا جماعه

انا جاي اصبح ومعايا دفتر انذارات جديد لنج wst:: wst:: حد قال أنا ؟؟

بما أن الأخت ناش ذكرت أسكندريه ....

وبما أننا داخلين على يناير جري

فكرتوني بأيام الشتي .. والرصيف بحيره ... والشارع غريق

أجمل أيام أسكندريه ( للأسكندرانيه فقط ) ... أيام الشتا ... والواحد ملفوف في قميص وبلوفر وجاكت مقفول

وبيمشي على البحر لوحده .... أو مع مجموعة أصحاب

أو ..... ولا بلاش :ninja:

فينك يا أسكندريه

[/

والله فكرتنا بالذي مضى يا أستاذ داروين

 فكرتنا بأيام الشتاء الجميلة في أسكندرية الجميلة

والمطر المنهمر ينقي الجو ويحلى الجو وأنت أيدك في أيد الحبيب

ورزاز البحر ويا  المطر ينقي القلوب العطشى ويملائها بالحب الجميل

وعمار يا أسكندرية .... ومن بحري وبنحبوه وع  القمه بنستنوه .. أغنية جميلة معبرة

 مش ده كان قصدك برده

:blink: wst::