اخر اخبار قرعة الاراضى

[ali m]

اعزائى الكرام الفلوس انا سالت امتى نستردها افاد العاملين فى النبك انة سيتم صرفها بعد يوم 1/12

............يالى حلمتم زيي بالاراضى ............واللة بقسمت ربى انا راضى

[s s s]

اولا الف مبروك للاخوه الفائزين

ثانيا بالنسبه لموضوع بدر انا كنت باجازه في مصر شهر اغسطس وحاولت اشتري قطعه مساحتها 800 متر كان مطلوب فيها اوفر 400000 الف جنيه ده طبعا بخلاف المبلغ المطلوب للجهاز واعتقد ال خلا اسعار بدر ترتفع موضوع مدينتي وعموما انا مقدم ببدر واتمني من الله الفوز انشاء الله ولا تنسونا يدعاكم

[s s s]

اعتقد الحل بسيط ولكني محتاج مشوره الاخوه الاعضاء

بصراحه بفكر ارفع قضيه علي وزير الاسكان للمطالبه بتغير قوانين اراضي المدن الجديده

1\ لايحق للمشتري التنازل عن الارض الا بعد مرور عشرون عاما

2\ لاتزيد مساحه الارض عن 400 متر

3\ لايحق للمالك استثمارها او ايجارها للغير

4\ لا يحق للمالك عمل توكيل مهما كانت الاسباب

5\ لا يجوز طرح اراضي العماير عن طريق القرعه

اتمني من الاخوه اذا كان في حد محامي يفيدني هل استطيع رفع القضيه من الناحيه القانونيه ام لا

[newshare]

الأخ newshare ومن ينتظر مثله نتيجة العبور .

هاهي نتيجة العبور قد ظهرت على موقع بنك التعمير والاسكان .

http://www.hdb-egy.com/lands-result/elobor.xls

مع خالص دعاؤنا لكم بالتوفيق اللهم آمين .

مع ا لسلامة الجميع

أخى الحبيب معاذ ..جزاك الله تعالى خيرا

لم أقرأ أسمى و الحمد لله رب العالمين

أعتقد غدا كمالة قرعة العبور و نسأل الله لنا و لكم الخير

[lostman]

لو سمحتوا يا جماعة - في استفسار بسيط.

انا رقم استمارتي مكون من اربعة ارقام فقط مع صفرين علي اليسار, مع ان كل الفائزين ارقام استمارتهم لا تقل عن سبعة ارقام. يا تري دة طبيعي ولا لازم اضافة رقم اخر . اي حد عندة تفسير. شكرا

[vipwithyou]

اطمئن دة طبيعى

[lostman]

شكرا علي الرد

بس طبيعي ازاي ؟ دة ما فيش ولا واحد فاز ورقم استمارتة مكونة من ستة ارقام.

اعتقد لازم نطيف الي رقم الاستمارة كود فرع البنك؟

انا بسأل علشان في واحد كسب بس رقم استمارتة زي رقمي بس الفرق ان في رقم واحد علي اليسار.

يا تري في القرعة العلنية بتبقي بقم الاستمارة ولا الاسم؟

[vipwithyou]

كلامك مظبوك انا دورت فى الأسماء تانى بس خلى عندك حسن ظن أكيد الورق اللى رقمة قبل الـ 100000 كان موجود تحت

بس على فكرة انا كمان رقم استمارتى 6 أرقام أولهم من اليسار 00 علشان كدة قلت لك اطمئن

وياسيدى ما احنا عارفين النتيجة من قبل القرعة

اللى ليه نصيب فى حاجة بياخدها حتى لو رقم استمارته 000001

توكل على الله

تم تعديل 18 نوفمبر 2007 بواسطة vipwithyou

[د محمد على]

هل من الطبيعي ان يعاقبوا من اشترى الارض بموجب توكيل و بدأ في البناء و دفع دم قلبه

و يتركون من باع الايصال و كسب امولا طائلة بدون ان يبذل اي جهد

انا ارى ان موضوع الغاء التوكيلات هذا لن ينفذ لانه غير عادل بالمرة

و لكن لى سؤال هل هذا الالغاء سيطبق ايضا على الاراضي السابقة

بمعنى ان الجهاز لن يتعامل مع التوكيلات فياراضى القرعات السابقة ايضا؟

انا ارى ان معظم الاراضي التى بيعت في القرعتين السابقتين قد تم بناؤها او الشروع في البناء

و الصورة تغيرت تماما الان في الشروق و العبور

[MABELGABRY]

هل من الطبيعي ان يعاقبوا من اشترى الارض بموجب توكيل و بدأ في البناء و دفع دم قلبه

و يتركون من باع الايصال و كسب امولا طائلة بدون ان يبذل اي جهد

انا ارى ان موضوع الغاء التوكيلات هذا لن ينفذ لانه غير عادل بالمرة

و لكن لى سؤال هل هذا الالغاء سيطبق ايضا على الاراضي السابقة

بمعنى ان الجهاز لن يتعامل مع التوكيلات فياراضى القرعات السابقة ايضا؟

انا ارى ان معظم الاراضي التى بيعت في القرعتين السابقتين قد تم بناؤها او الشروع في البناء

و الصورة تغيرت تماما الان في الشروق و العبور

انا مع الدكتور محمد -- لو المشتري ملتزم بشروط البناء ودفع فلوس عشان ياخد فرصة في الحصول على منزل له ايه السبب في التضييق عليه -- انتم عارفين ايه اللي هيحصل لو عملوا كده -- هيضطر يدفع فلوس تاني لصاحب الارض الاصلي عشان يخلص له ورقه

كاقتراح ممكن الوزارة مثلا تفتح البيع مع الحفاظ على المهلة وتاخد نسبة من ثمن البيع لنقل الملكية في الجهاز بدل ما تصدر قرارات تخلق سوق سفلية ماحدش عارف عنها حاجة !!!

[vipwithyou]

انا فى رأيي وما تزعلوش ان الحكومة كدة صح جدا كمان

علشان ارتفاع الأسعار الفظيع اللى انتوا شايفينه علشان تحد منه شوية

وبعدين اللى مقدم فى القرعة مقدم علشان يبيع ولا يبنى ؟؟؟؟؟؟؟؟؟؟؟

سؤال لازم نطرحة على كل اللى اعترضوا على الغاء التوكيلات

اذا كنت مقدم فى القرعة علشان تبيع وتكسب فلوس كتير يبقى انت مش من حقك أساسا الأرض دى ومش عايز بيت مستقر وخلاص

لا انت عايز تتاجر فى أراضى مخفض سعرها من الدولة صح ولا لا ؟

أما اذا كنت عايز تبنى فأهلا وسهلا بيك اذا كنت فى مصر هتخلص اجراءاتك بنفسك

واذا كنت خارج مصر زيينا كلنا تقريباً يعنى

أو المعظم مننا فعلا خارج مصر ومقدم فى القرعات دى

هما قالوا اعملوا توكيلات للدرجة الأولى

يعنى زوج أو زوجة أو والد أو والدة أو ابن أو ابنه أو أخ أو أخت متهيألى مش من الصعب يكون اللى مقدم وهو خارج مصر انه يكون له حد قريبة من الدرجة الأولى فى مصر .. صح ولا لا اللى بيعارضنى فى كدة ياريت يطرح رأيه ونتناقش

شكرا

تم تعديل 19 نوفمبر 2007 بواسطة vipwithyou

[vipwithyou]

واذا هنتكلم عن المشترى فأقدر أقول ان اللى يدفع فلوس كتير علشان يشترى الأرض دى ( كلمة كتير دى من الأسعار اللى وصل لها الأراضى دى )

فأعتقد انه يقدر يشترى فى أى مكان تانى غير أراضى القرعة دى وأكيد مش بعيد عنها صح كلامى ولا غلط

شكرا

[طه بدر]

لا ادرى لماذا تذكرت نكتة البقال الذى اشتكى من كثرة النمل فى اكياس السكر فعلق يافطة على الاكياس وكتب عليها ملــــــــــــــــــــــــــــح

اخوانى التوكيل اجراء قانونى حق لمن فى مصر ولمن خارجها فمن كامل حقك كمواطن محترم تعمل فى هذا البلد ان تفترض( مجرد فرض ) ان وقتك اغلى واثمن من ان يضييع الايام منه فى اجراء يمكن ان يقوم به وكيل محامى او بواب عمارتك مقابل مبلغ بسيط

ففى السعودية مثلا هناك مكاتب كاملة للتعقيب ( يعنى متابعة الاوراق ) مهمتها مثل مخلص الجمارك الذى ينهى لك اجراءاتك فى المصالح الحكومية وبدون حتى عمل توكيل يكفى ان تقوم بالتوقيع امام هذا المعقب الذى يعرف بكل دقة الاوراق المطلوبة ليذهب هو وينهى لك الاوراق وانت معزز مكرم فى عملك وبيتك مقابل مبلغ اقل من بسيط

يعنى حتى انت لاتذهب لتعمل توكيل لهذا المعقب والجميع مستفيد

انت بالوقت وهو بالمال والادارة الحكومية بالتعامل مع واحد له خبرة بالاجراءات وبالتالى يسهل عمل الموظفين

طب نرجع لمصر

واسمحوا لى بسوال اذا اتلغت التوكيلات كما يقول الوزير

هل سيقوم السادة لواءت الجيش والشرطة والقضاء بالوقوف فى الطوابير لانهاء اجراءتهم ام سوف يرسل كلا منهم الساعى الى مكتب وزير الاسكان لعمل اللازم وفورا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وساعتها هل سيسال عن التوكيل؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اشمعنى انا؟؟؟؟؟؟؟؟؟؟؟؟؟؟؟؟؟؟؟؟؟؟؟

ولا الحكومة مفترضة انا احنا فاضيين ومش عارفين نعمل ايه فى وقتنا علشان كده بتحاول تسلينا؟؟؟؟؟؟؟؟؟؟؟؟؟؟؟؟؟؟؟؟

وسوالى للاخ vip

لماذا لم تمنع الحكومة السيارات والقطارات عندما عملت حوادث

ولما لم نمنع الامتحانات اذا غش طالب

والاف الحالات المماثلة التى تصرخ ان البتر ليس دائما هو العلاج

ويا سادة لقد طبقت الحكومة كل هذه الافكار الحلمنتيشى فى اسكان الشباب وعملت شرطة تحريات تدق عليك الباب فى كل وقت للتاكد من ان الساكن هو صاحب الشقة

فهل منعت المتاجرة بها

ابـــــــــــــــــــــــــــــــــــــــــــــــــــــــــــــــدا

بل فتحت باب واســـــــــــــــــــــــــــــــــــــــــــــــــــــــــــــــــع لرشوة هذه اللجان ولم نصل لشىء

الحل ياسادة اكبر من مجرد وضع يافطة على السكر ونقول انه ملح

المهم حد يشغل مخه

تم تعديل 19 نوفمبر 2007 بواسطة طه بدر

[د محمد على]

اخواني الاعزاء شكرا على تفاعلكم

لكن لم يجب احد على سؤالى

انا اعرف ناس كثير اشترت بموجب التوكيلات و بدات تبني و منهم من انتهي من المباني و تبقى له التشطيب

فماذا سيكون وضهعن مع الجهاز

تقريبا معظم اراضى القرعة الثالثة و الثانية تم بناؤها من قبل ناس اشترو بتوكيل

و تقريبا معظم الناس بنوا و اللى مش مصدق يذهب الى العبور و الشروق و يشوف بنفسه ان معظم الاراضى تحت الانشاء

اى ان الناس اللى موجوده في الارض حاليا هم جادون و ليسوا تجار اراضي

فماذا سيكون وضعهم مع الجهاز

شكرا

[د محمد على]

اخواني الاعزاء شكرا على تفاعلكم

لكن لم يجب احد على سؤالى

انا اعرف ناس كثير اشترت بموجب التوكيلات و بدات تبني و منهم من انتهي من المباني و تبقى له التشطيب

فماذا سيكون وضهعن مع الجهاز

تقريبا معظم اراضى القرعة الثالثة و الثانية تم بناؤها من قبل ناس اشترو بتوكيل

و تقريبا معظم الناس بنوا و اللى مش مصدق يذهب الى العبور و الشروق و يشوف بنفسه ان معظم الاراضى تحت الانشاء

اى ان الناس اللى موجوده في الارض حاليا هم جادون و ليسوا تجار اراضي

فماذا سيكون وضعهم مع الجهاز

شكرا

[vipwithyou]

أعتقد يا دكتور محمد اللى فات فات خلاص بالتوكيلات لكن اكيد هما بيتكلموا على الجديد اللى بنى خلاص بترخيصات فعليه خلاص مش مطلوب منه حاجة أعتقد ذلك

وكان عندى 3 أسأله للأستاذ طه

1 - هل حضرتك كنت مقدم فى القرعة ؟؟؟؟؟

2 - هل حضرتك تعمل فى مصر أم خارجها ؟؟؟؟؟

3 - هل حضرتك كنت ناوى تبنى الأرض اللى تاخدها دى لنفسك ولا كنت ناوى تبيعها ؟؟؟؟؟

أرجوا الرد على أسألتى ثم نستكمل الحوار

[د محمد على]

شكرا جزيلا على الرد

و ارجو من يكون لديه ايه معلومة جديده ان يمد بها الاخرين

انا مقدم في هذه القرعة و انتظر النتيجه في مدينة بدر

و ان كنت لا اعلم اي شئ عنها

و انا اريد البناء و ليس البيع

ارجو ان تفيدونا بالمعلومات عن هذه المدينه و مستقبلها و اسعارها

و ادعو للجميع بالفوز في القرعة

[سهران]

يا جماعة هو فيه أيه ؟؟؟؟ أنا شايف ناس و كأن عاجبها الوضع القائم و كل سمسار يجمع من موظفينه و معارفه مائتين ثلاثمائة صورة بطاقة و يستثمر أمواله في ال10% مقدم و بالطبع وفقا لنظرية الأحتمالات يفوز بعشرة خمستاشر قطعة يتاجر بيهم و يرفع و يضاعف السعر على الغلابة اللي قضوا نص عمرهم في الغربة و مش عارفين يبنوا بيت لعيالهم ....... طب ما نفضها سيرة و الوزارة تنزل الأراضي بسعر المتر 3000 جنيه من قصيره هو أحنا هانتعمل كوبري للسماسرة ليه الأسم قرعة للكادحين و الفعل هدية للسماسرة ....

الحل الجاد فعلا ان يتطبق الغاء التوكيلات بمنتهى الصرامة على اللي فات و اللي جاي و اللي عاوز يتاجر بشقى الناس يفكر شوية و يتقي الله فينا ....... يعني الوزارة تنزل أراضي بسعر معقول نقوم أحنا نؤيد اللي يرفعها علينا ؟؟؟ سبحان الله..

ده ما شفتش حد في المنتدى كله فاز ( غير أم طارق ) أنا مندهش من اللي بيؤيد عدم الغاء التوكيلات ... شيء غريب جدا و كأن السمسرة بقت قانون لازم يمشي على رقابنا و برغبتنا ؟؟؟

تم تعديل 19 نوفمبر 2007 بواسطة سهران

[سهران]

يا جماعة هو فيه أيه ؟؟؟؟ أنا شايف ناس و كأن عاجبها الوضع القائم و كل سمسار يجمع من موظفينه و معارفه مائتين ثلاثمائة صورة بطاقة و يستثمر أمواله في ال10% مقدم و بالطبع وفقا لنظرية الأحتمالات يفوز بعشرة خمستاشر قطعة يتاجر بيهم و يرفع و يضاعف السعر على الغلابة اللي قضوا نص عمرهم في الغربة و مش عارفين يبنوا بيت لعيالهم ....... طب ما نفضها سيرة و الوزارة تنزل الأراضي بسعر المتر 3000 جنيه من قصيره هو أحنا هانتعمل كوبري للسماسرة ليه الأسم قرعة للكادحين و الفعل هدية للسماسرة ....

الحل الجاد فعلا ان يتطبق الغاء التوكيلات بمنتهى الصرامة على اللي فات و اللي جاي و اللي عاوز يتاجر بشقى الناس يفكر شوية و يتقي الله فينا ....... يعني الوزارة تنزل أراضي بسعر معقول نقوم أحنا نؤيد اللي يرفعها علينا ؟؟؟ سبحان الله ... هو فيهأيه ......

الحل الوحيد الغاء التوكيلات بمنتهى الصرامة و أعتقد القرعة الجاية هايقل المتقدمين للربع و الله أعلم

[vipwithyou]

أنا معاك تماما أخ سهران وأعتقد ان اللى يعارضنا هما بس اللى مش عايزين يبنوا لكن عايزين يتاجروا والا يعرضوا لنا سبب رفضهم لإلغاء التوكيلات

بصراحة انا مع الحكومة جدا جدا فى الغاء التوكيلات