ما هو الحد الفاصل بين الجهاد و الحماقه؟

[otaka]

يا أخ مصرى أنا لم أرد لأنى لم أعتقد انك توجه الكلام لى, ولأننى متأكد أن موقفى واضح وهو التأييد لما فعله حزب الله, لا أعرف كيف فهمت أن العقل الجمعى يقول أن ما فعله حزب الله حماقة

يا أخى إذا كنت تشك فأعد قراءة المداخلات مرة اخرى

انا مقدر موقف الاخ المصرى فهو كالنمر الجريح حيث كان يحسب ان الموضوع محسوم وخيار المقاومه مجمع عليه ففهم كلامى وكلامك على انه عكس ما نقصد

[El-Masri]

ماهى أصل المصطلحات دى شكلها يسارى حبتين وإحنا شربنا المر فى الستينات، واللى إتلسع من الشربة بينفخ فى الزبادى.

[otaka]

كده يبقى فل الفل على الجمعى.

وبرضه فيه فردى كويس عندما يكون هدف التفكير الفردى هو مرضاة اللة والفوز بالجنة، فهذا فردى ولكنه يختلف مع الفردى بتاع حضرتك فى قصره على الماديات.

ما علينا من المسميات.

معتقدش فى فردى كويس لانه بيفكر فى نفسه و بس

هديلك مثال بسيط

يعنى شخص صعبان عليه الناس اللى بتموت و واضح انه فى غايه الالم و نفسه يتحرك بس خايف على وظيفته و مستقبله فبيقول انا مش بحب اسرائيل و يدعى عليهم دون فعل ده فردى

لما يطلع الشارع و يتصادم مع الاخوه فى الامن المركزى و يوصل صوته للاخ رئيس الطابونه يبقى هو كده فضل مصلحه الجماعه على مصلحته

اظن النوع الاول هو اللى سائد فى المجتمعات بتاعتنا للاسف

و طبعا محدش يفتكر ان اللى بيتبرع ده مواطن ايجابى لا ابدا ده سلبى بس عنده ضمير لان الفلوس مش مهمه شيك من اى شيخ خليجى يحل القصه كلها المشكله

هو غياب ثقافه الحركه و الفعل

[El-Masri]

أيوه ده فردى دنيوى، نظام الغرائز هى المحرك الأساسى، كلها نظريات غربية وضعت على إفتراض أن الإنسان حيوان. ويمكن الكلام ده صحيح فى الغرب ولكن مياكلش مع الأمة الإسلامية.

[otaka]

اومال احنا حالنا مايل ليه

ليه يوم القضاه طلع 400 واحد

و لما تامر حسنى طلع راحله 6000 واحد

اوعى تقول الحكومه

الشعب هو اللى نايم

[El-Masri]

مايل لإن الفردى دنيوى وحيوانى، ولو الفردى إيمانى كانوا طلعوا كلهم يوم القضاه.

هوه حضرتك تبع الإتحاد الإشتراكى. :sad:

تم تعديل 31 يوليو 2006 بواسطة El-Masri

[otaka]

مايل لإن الفردى دنيوى وحيوانى، ولو الفردى إيمانى كانوا طلعوا كلهم يوم القضاه.

هوه حضرتك تبع الإتحاد الإشتراكى. :sad:

هو انا قلت عليه الطلاق بالتلاته :lol: