كلام في الديكور ... أنت تسأل و المهندسة نانسي تُجيب

[kokomen]

kokomenاهلا بيك اولا

ثانيا

بالنسبة لحكاية وجود عمارة حجبت الرؤيا عندك وكشفاك كدة

احسن حل انك الاول تغير الزجاج بحيث انه يكون (ميرور )يعنى ميظهرش الى فى الداخل للخارج

وبالليل ممكن تستخدم الستائر السميكة بس حاول انها متكونش غامقة اولا ومش سادة اختارها فيها الوان ظريفة تتناسب مع الموبيليا علشان متحسساكش بالكتمة

ولو عندك تراس فى الشقة ممكن تعمله بالخشب البغدادلى وتدهنه ابيض وتخلى الزرع يتسلقة ودة حيديك حجب وكمان حيخليك مستمتع بالتراس مش انتهى بالنسبالك

ولو عندك اى اسأله تانية انا موجودة

:closedeyes:

شكرا يا باشمهندسة نانسي على سرعة الرد واهتمامك

تمنياتنا بالتوفيق .. وسوف أنفذ كل تعليماتك الرائعة

تحياتي الخالصة نانسي هانم

أبو أحمد الأسكندراني

[نقاش]

نانسي لنت فين ارسلت لك الايميل وكتبت لك وما ردتيش انت مشغولة انا منتظر

[habyomar]

السلام عليكم و رحمة الله و بركاته

الأخت الفاضله و المهندسه المتمكنه نانسى

ده أول يوم ليا هنا فى المنتدى و أول موضوع ادخله صدفه بحثا فى بحر الديكور اللى بعشقه فعلا

و طبعا طبعا لاقيت انسانه جميله و كريمه و متعاونه ربنا يكرمك و يجعل تعبك ده فى ميزان حسناتك و يكتر من الناس اللى زيك

و لو ممكن تسمحيلى بما انى عروسه و بجهز عش الزوجيه و نفسى يطلع رائع بس محتاسه فى التفاصيل اللى مبتخلصش ابعتلك بلان لشقتى انا كمان

و أستفيد من خبراتك و اراّك

شكرا مره تانيه و اسفه على الازعاج

[eygptianmido]

بداية السلام عليكم ورحمة الله وبركاته

اخوكم مقاول تشطيبات صغير

وكان ومازال بفضل الله ليا نصيب فى العمل فى مواقع كتيرة وشركات اكتر

بالنسبة يا جماعة لاسعار السيراميك بتختلف باختلاف الشكل والفرز والرسم وكذلك طريقة التركيب ودة بيرجع كله الى الاستايل النهائى المراد من العميل ( صاحب المكان السكني ) وتقريبا حاليا اقل نسبة للفرز الاول فى السيراميك تبدا من الفئة 25 جنية للمتر طول البلاطة 30سم فى 30سم وتختلف الاسعار بردة للشكل والخامة وكذلك حجم البلاطة وفى الفرز التانى من 18 الى 20 جنية للبلاطة 30سم وفى التالث 13 الى 18 بردة 30سم فى 30سم وكذالك بردة بالنسبة لبياض المحارة وبالنسبة للنقاشة وبالنسبة للديكورات والمفروشات كل حاجة وليها خصوصياتها وكله بيرجع لطلبات العميل واذا كان فى اى حد محتاج اى مساعدة دة رقم تليفونى

***************

الأخ الفاضل

غير مسموح بالدعاية التجارية في محاورات المصريين

نشكر لك تفهمك

تم تعديل 28 مايو 2008 بواسطة أسد
حذف بيانات الإتصال

[nancy]

اسفة جدا جدا على عدم وجودى بس فعلا مشغولة فى حاجات كتير

بس المهم

اشكرك اولا للمعلومات عن السيراميك يا eygptianmido

ثانيا لو عاوزة تبعتيلى الاميل ابعتيلى على الخاص واديكى اميلى من علية يا

habyomar

ثالثا فية 2 بلان من 2 من الاعضاء هنا اسفة على التاخير وخلصهم الاسبوع دة وابعتهلهم بس معلش محدش يزعل من تاخيرى

لانى احيانا مش كتير بدخل النت

وشكرا على اهتمامكم وتواصلكم