كلام في الديكور ... أنت تسأل و المهندسة نانسي تُجيب

[نصراويه]

اهلا بيكى يا مش مصرية

واضح ان بنا مواضيع مشتركة كتير :o :huh:

انا الآن نصراويه :) :)

ونعم ... لقد بدأت اكتشف ذلك ... :blink:

[نصراويه]

عزيزتي نانسي

احدهم طلب مني القيام بعمل شباك من الزجاج المعشق

واكثر ما يهمه في الأمر هو ان تحتوي الشبابيك على زخرفة اسلاميه :o

احتاج الى مواقع او رسومات او اسماء كتب تحتوي على رسومات للفن الإسلامي او فن الزخرفة الإسلاميه

او الأرابسك

هل تستطيعين مساعدتي في الحصول عليها

ولك مني كل الشكر

مش انت برضه مهندسة ديكور :P :P

يبقى خلاص انا ماليش غيرك ... :) :excl: :excl:

نصراويه

[nancy]

نصراوية

انا ممكن ادورلك لماا ارجع السعودية وابعتلك الصور والمواقع

لانى هنا فى اسكندرية النت فظيع وصعب الاقى اى حاجة

فاستنينى

او لو مستعجلة افتحى جوجال واكتبى بالعربى زخارف اسلامية

وحتلاقى كتير

بس احب ان يكون ادامك وقت وندور سوى

:o

[نصراويه]

هو انت حترجعي امتى ؟

انا معايا وقت ..

انا جربت قبل كده ادور في جوجل ... بس ما لقيتش اللي انا عايزاه ...

لقيت حاجات بسيطه جدا

مش زي ما انا عايزه ..

حستناك عشان ندور مع بعض ...كده احسن ...

وحقيقي شكرا ... :excl: :P

[osha أم البنات]

نانسي لنت فين ارسلت لك الايميل وكتبت لك وما ردتيش انت مشغولة انا منتظرة

[nancy]

ام البنات

اسفة على التاخير انا نزلت البلان عندى و الكلام الى كتبتية عن شكل الشقة وطلباتك

لكن فعلا كنت مشغولة اليومين الى فاتوا على الاثنين ان شاء الله حيوصلك الرد

لانى حارسمة على التوكاد وافرشهولك وابعتلك اتاتش بية مع كتابة كل الملاحظات

متقلقيش انا مش نسياكى

اشكرك يا خضر ويا احمس على الترحيب

واتمنى نتحاور قريبا

اوكى يا نصراوية اول مارجع حابعتلك على طول كلها 10 ايام

[osha أم البنات]

ولا يهمك انا بس كنت احسب اني هشغلك واعطلك0 الف شكر0علي فكرة انا رسمت هنا في الرياض بارافان علي مادة فايبر بدل الزجاج وكانت النتيجة رائعة يا تري المادة دي في مصر انا مش متأكدة من اسمها

[نصراويه]

ماشي يا نانسي ....

خدي راحتك ... انا لسه معايا وقت ...

[nancy]

ام البنات و نصراوية انا رجع الحمد لله

ونزلت بلانك خلاص وخلال يومين ان شاء الله حارد عليكى يا ام البنات

والرسومات الاسلامى حاجمعهالك يا نصراوية

واسفة على التاخير جدا

[ahmos1]

نانسى

شكرا على اهتمامك .... الى ان ارسل لك البلان.... اية نصيحتك نشترى اية من هنا.... جدة.... مثلا ستاير فازات اثاث........مفارش

[nancy]

صباح الخير

ام البنات لو سمحتى ابعتيلى اى رسالة على اميلى علشان انا خلصت البلان وعوزة ابعتهولك وللاسف مسحت رسالتك

نصراوية على يوم السبت ان شاء الله حانزلك مواقع للزخارف الاسلامية

احمس1 ابعتلى البلان الاول ونشوف التفاصيل لان الفازات والمفرش دى اكسوسرى للمكان ممكن تشتريها من جدة عادى ومن فين فىجدة حاسالك اصحاب ليا هناك .. بس ابعت البلان الاول

س س ابعتلى البلان الى طلبتة منك ولا نيمت الموضوع

فى انتظار ردودكم وجارى تنفيذ طلابتكم

واشكركم على ثقتكم :lol:

[nancy]

نصراوية ادى مواقع زخارف اسلامية .. معلش استعنت بصديق علشان اجبهم لك :rolleyes:

الزخارف الاسلامية

http://www.lacma.org/islamic_art/thumbnails/thmbnail_EI.htm

http://www.lacma.org/islamic_art/thumbnails/thmbnail_LI.htm

http://www.islamicart.com/members/geometric.html

http://www.islamicart.com/members/floral.html

واتمنى تلاقى فيهم حاجات تنفعك :wub:

ام البنات حابعتلك النهاردة بلانك ان شاء الله :blush:

وفى انتظار بلان س س واحمس

[se_ Elsyed]

وفى انتظار بلان س س واحمس

يا عم روووووووووووووووووووح

ده أنا بعثت لك البلان ييجي عشروميت مره

تصدقي بالله .. أنا بأفكر أعمل لك إيمي وأخترع له أنا كلمة سر وأشوف هاعرف أدخل وأطبع البلاانات دي ولا لأ ....

[Folana]

السلام عليكم ورحمة الله .....

موضوعك هايل يانانسى ..انا عارفة انى دخلت متأخرة ..بس مافيش وقت ..يادوب موضوعين تلاتة الواحد يطلع عليهم واقوم ...

كان لى تساؤل بس...انت ليه مش بتضيفى صور هنا ...هو ممنوع؟...على أساس يعنى برضه الواحد يستفاد بشكل عام ...

وتساؤل تانى لو سمحت ...تفتكرى ايه انسب حاجة ممكن احطها تحت السلم.. يعنى زرع مثلا ...ولا كنبة ..ولا قلة ولا ايه ...

وكمان تساؤل ثالث...ياريت لو عندك صور لترتيب الاثاث فى الحدائق برضه ممكن ناخد فكرة...( بس ياريت ماتطلبيش منى البلان دى :rolleyes: ...علشان احنا جايبين بلان على القد..يعنى كل عيلة ورك بلان وخلاص على كده)...

شكرا لك مقدما...وشكرا على مجهودك الرائع اللى بيدل على انك انسانة جميلة ربنا يبارك لك ...

[nancy]

اية التسيح دة ياعم س :rolleyes:

وبعدين انا البلان جالى مرة واحدة على الياهو بس وكمان مرديش ينزل عندى غير كدة ماجليش حاجة

طيب انا نزلت الواجهات والبلان حافضل احطة فى الردة ولما يكبر حاقولك

لا خلاص حاتصرف وابعتلك بكرة بالرد

مشكلة الصور انى مش باعرف انزل صور على الموقع هنا

بس ابعتيلى اميلك على الخاص او على الياهو وانا ابعتهملك على الاتاتشمينت زى ما بعت لهمر قبل كدة

عندى صور لاثاث الحدائق وصور لزرع اوكنب تحت السلم بس هاتى الاميل وابعتلك على طول

[ahmos1]

نانسى هانم يا نوارة المحاورات.....

مش عارف ابعت البلان..... لكن اعملى مروف فيا وادخلى شوفية...... الموقع هو www.alrehabcity.com

اختاررى عربى .... الوحدات السكنية-المرحلة الثالثة-نمودجo

دور متكرر 154 متر o12

معلش حاتعبك معايا.... بس دى اصول الجدعنة...... شكرا

[se_ Elsyed]

يا جدعان يا ناس يا خلق هوووووووو

شرحنا تلاتلاف وتسعوميت مره " كيف تهبط الطائرة " وألفنا كتاب إسمه " يا أمور يا أموره ... تعالوا وشوفوا إزاي تلطعوا صورة "

وبرضوا لا الناس بتشتري كتب ولا بتكلف نفسها

ومع ذلك خلينا معاكو للأخر ... ويا نعلموكو .. يا نقفل المنتدى ونقلبو مسمط كوارع ولحمة راس

اللهم طولك يا روح

وفي طريقة ظريفة برضوا لتحميل الصور من جهازك السخصي ...

روح الموقع داهوات

إن الله مع الصابرين

وإعمل آبلود للصور اللي عندك .... وبعدين تعالى في المداخلة ألطع عنوانها

أو زي ما قلنا وعدنا روح

www.jeeran.com

وإعملك يوزر نيم ... وحمل زي مانت عايز من جهازك .. وكل صورة هاتاخد عنوان تعمل له كوبي ... تيجي هنا تسمي وتدخل برجلك اليمين وتيجي على المكان اللي عايز تنزل فيه الصورة وتدوس على الصورة اللي فوق المكان اللي بتكتب فيه واللي هي عبارة عن برواز وفي شجرة من جوه ... هايطلعلك أ / عادل ابو زيد برسالة يقولك فيها " ضع رابط الصورة يا حبة عيني " تعمل لها إدراج .. وخلص الموضوع

واللي هايسأل عن كيفية إضافة صورة تاني هابطحه

[أبو زياد]

سى السيد صاحى سخن علينا النهاردة يا رجالة

يا عم سيد لو العلام بالشكل دة

حنبقى جيل متعقدين و مكلكعين كداهوو :happy:

إحنا التلامذة

تم تعديل 17 سبتمبر 2006 بواسطة أبو زياد

[Folana]

السلام عليكم ورحمة الله ...

نانسى يانانسى ..انا بعت لك الميل بتاعى من يومين تلاتة كده ..وواقفة شايلة الكنبة من ساعتها ومستنية تقولى لى احطها فين ...بالله ماتتأخرى احسن ايدى وجعتنى............

[نصراويه]

غاليتي نانسي

حقولك ايه ... حقيقي شكرا ... انا تعبتك معايا ...

والحقيقه المواقع اللي بعتيها وخاصة الأول حاجه تجنن ... وان شاء الله انت اول وحده حتشوفي النتائج على الزجاج

انا حاخد منهم حاجات واخلطها مع حاجات انا كمان لقيتها ... وان شاء الله حتطلع النتيجه هايلة ...