كلام في الديكور ... أنت تسأل و المهندسة نانسي تُجيب

[Folana]

السلام عليكم ورحمة الله ...

الغالية نانسى....انا زعلانة على مواهبك دى انها مش بتظهر قدامنا...ايه رأيك لو تحاولى تبعت لنا صور او تبعتيها للى يعرف يضفيها هنا علشان كلنا نستفاد...

ومش لازم ياست الكل نتعبك بطلباتنا..ايه رأيك لو تكتبى لنا نبذات كده عن الديكور وتوزيع الاثاث والاضاءات ...

ومافيش مانع ابدا انك تكتبى لنا دروس فى تعليم فن الرسم على الزجاج مثلا او تنسيق الزهور...

وفى الحالة دى يبقى ننقل موضوعك فى باب الاسرة والطفل علشان يكون مناسب اكتر.....

منتظرة ردك ......

خالتك المشرفة فلانة

[nancy]

اهم حاجة يا فلانة ان الصور وصلت لك

وانا بعت كمان لام البنات البلان بتعها

والنهاردة حابعت لس س الحاجات الى كان طلبها هو اكيد زعلان منى بس لما يشوف الرسالة بتاعتة النهاردة بالليل حيبطل زعل

عموما بس يخلص رمضان والعيد يا فلانة وابتدى اكتب مواضيع فى الديكور

وبالنسبة لموضوع الصور انا حاحاول اتعلم ازاى انزلهم وابطل كسل

وبالنسبة لتعليم الرسم على الزجاج او الحرير حاشوف امكانية الموضوع اية ولو ينفع حانزل الموضوع دة كمان

واشكر ك على اقترحاتك البناءه :sad:

[Folana]

السلام عليكم ورحمة الله...

اختى الحبيبة نانسى..ربنا يكرمك ويبارك فيك وفى صحتك وفى عيالك قادر ياكريم....انا سعيدة جدا بردك ده والله ...وده فعلا اللى بأمله واتمناه ...اننا هنا كلنا نكون روح واحدة ...نساعد بعض ونتعاون علشان نرتقى بالمكان ويكون فيه كل احتياجات الافاضل اللى بيزورونا والافاضل الاعضاء....

وده مش حيتم الا عن طريق رابطة حب وتعاون بتجمعنا ونفكر مع بعض للوصول لاحسن اسلوب وافضل مواضيع من غير خناق واشتباكات .......كفاية اللى بنقابله فى حياتنا...

...ومن غير مانقول ادارة واعضاء لاننا مش متقسمين فرق احنا عيلة واحدة بس ناس فى ايديها التنظيم شوية وناس بتمدنا بالمواضيع الهامة والجميلة والمنتدى فى ابهى صوره بسببهم ...

كان هذا استهلال لابد منه ...( اقتباس من استاذنا عادل):sad:

يعنى انت موافقة اننا ننقل الموضوع منتدى الاسرة والطفل؟...انا شايفة ان هناك حيكون انسب بدل هنا ماهو بيختفى مننا كده...وكمان ايه رايك نغير اسمه...اقترحى علينا اسم كده وبرضه حيكون منسوب للمهندسة نانسى...او نسيبه زى ماهو ..زى ماتحبى..

ظبطى كده الامور واعملى بلان للموضوع ..يالا نتوكل على الله ..

انا لسه حاشوف الايميل بتاعى اهو ..والله بقالى فترة ماجتش ناحيته ...

باشكرك على ذوقك وتعاونك مرة اخرى ....

اختك فى الله ..

ديكوريست فلانة

[ahmos1]

:) وانا يا نانسى نسيتينى ليه عموما كل سنة وانت طيبة

[nancy]

احمس انا فى انتظار البلان

وانا فى انتظار اى طلبات جديدة او توضيح لاى طلبات اتسلمت

:blink:

[عبده بيه]

المهندية نانسي تحية وبعد

انا عضو جديد في المنتدي ولاحظت اسمك يتردد في كل باب في الموقع وقولت في عقل بالي والله شكلي جيت في المكان السليم اللي عمري ما لقيته من زمان واليزم لقيتك في الديكور جميل جدا لاني عندي شقة اشتريتها في مدينه جديدة و في القاهرة وكانت لي امل وخصوصا لان موقعها تحفة امام الهرم الاكبر وعلي هضبة ونازل ان شاء الله لكي استلمها وابدء اول اللمسات فقولت في عقل بالي لا لازم اشوف المهندسة نانسي هتعمل لي افكار وافكار وخصوصا لان المساحة عندي 250متر مربع مقسمة علي 3غرف نوم وليفينج و3صالون و3حمام و و و لكن ماذا افعل وابدء بايه وخصوصا انها في المحارة والشبابيك والابواب وبعض مواسير الكهرباء فبالله عليكي ماذا تفعلي لو كنتي مكاني مع تحياتي

عبده بيه

[nancy]

اهلا بيك معانا فى المنتدى يا عبده بيه

اولا يابختك طبعا بالهرم الاكبر الى حتشوفة كل يوم من بيتك الجميل باذن الله

ويارب يكون بيت السعاده والهناء

بعدين .. انا لو كنت مكانك اولا

حاحط البلان امامى او المخطط

وافكر عوزة اوزع الموبيلة ازاى وبعدين على اساسها

اعمل توزيع الكهرباء

واحسب امكانياتى وحدودى المادية فى عمل التشطيبات وشراء الفرش

وبعدين على اساسة اقرر تشطيب الارضيات والحوائط

وبعدين احدد نوع الفرش من حيث الطراز

واخطط لفرش الحمامات والمطبخ على حسب الاحتياجات المطلوبة فى كل منها

فحمام غرفة النوم الرئيسية يختلف عن الحمام المستعمل لباقى الشقة ومختلف عن حمام الضيوف

ومساحة المطبخ تحدد كم الدوالبيب والاجهزة المستعملة

يعنى من الاخر لازم تمشمى مراحل

الاول تشوف عاوز توزع البيت الزاى وامكانياتك المادية اية

وربنا يوفق وانا جاهزة لاى استفسار

[Joanofarc]

كيف الحال؟؟ اريد ان استفيد بخبرتك يا مهندسه نانسي انا جديدة بالموقع

انا اريد ان اغير لون حجرتي ولكني اريد اضافة بعض الورود او الاشكال ولااعلم كيفيه تنفيذها بالدهانات هل تعرفين ما اعني؟ خصوصاً اني لم اجرب هذا من قبل

[عبده بيه]

الاخت المهندسة نانسي

شكرا لرد السريع عليا وشكرا علي كلامك الجميل الف شكرا وان شاء الله خلال شهرين انزل علشان احط البلان وابتدي اخطط بالطريقة التي تفضلتي بها لكي تحياتي

[nancy]

ولا يهمك يا استاذ عبدة

وانا مستعدة للمساعدة فى اى واقت والاجابة على اى تسائل

Joanofarc

اهلا بيكى معانا فى المنتدى

بالنسبة لتغير لون الحجرة دى حاجة بسيطة جدا

وفية اكتر من طريقة

1- انك بتعملى جدار واحد لون مختلف وبعدين ترسمى علية الورود وتلونيها كانك بترسمى لوحة

2- انك بعد عمل الدهانات تجيبى ورق حائط فية ورود كبيرة وتقصيها وتوزعيها على الجدار

3- انك بعد دهان الغرفة بالكامل بلون واحد وبعد ما تنشف خالص

تقسمى الجدار بحيث تعملى اشكال فية على مربعات فاضية واخرى تحتوى على رسوم باحدى الطرقتين السابقتين والمربعات الاخرى تعمليها بطريقة الاسفنجه بانك تجيبى لون اغمق وتبلى الاسفنجة بالدهان بسيط وتطبعيها فى مربعات مختلفة فتعمل شكل مختلف عن الدهان العادى

عندى شوية صور تنفعك

لو منزلتهمش ليكى لحد بكرة ابعتيلى اميلك على الخاص وابعتهملك اتتاتشمينت

وابقى حطى صورة الغرفة بعد التنفيذ

وبالتوفيق

[Diab]

بص يا ست نانسي انا أولا دوخت لحد مالقيت الموضوع أضطريت أروح من جوجل

ما علبينا

ممكن تساعديني

أنا عاوز أعمل واجهة للبيت بتاعي في أسوان بالطراز النوبي والبيت كله إن أمكن ولو إستخدمت الدهان العادي في الواجهة ممكن يتقشر ويقع

وفكرت أعمله بالطوب الفرعوني بس لقيته مش حلو في البلد

فإزاي أعمل واجهة حلوة بالطراز النوبي في نفس الوقت تستحمل الحر

درجة الحرارة في الصيف ظهرا 45 د وفي الظل 55 :rolleyes:

أفيدني يرحمكي الله

تم تعديل 22 فبراير 2007 بواسطة Diab

[nancy]

ازيك يا دياب

طبعا انا سعيده جدا ان حد يسالنى عن حكاية واجهه نوبى لانها حاجه مخطرتش على بالى انى افكر فيها

فعوزة منك عرض الواجهه كام وارتفاعها وفيها كام شباك والباب مكانه فين يعنى عوزة شكل الوجهه عموما

علشان ارسمهالك واقولك الخامات المناسبه للتشطيب

[Diab]

أوك جاري البحث

[nancy]

دياب مازلنا فى انتظار مقاسات الواجهة .. يلا بسرعة شوية

ولا ناوى تسافرلها تقسها وترجع :) :lol:

[Diab]

تسجيل متابعة ايضا للرفع حيث لا يمكن نطير الفرصة دي من أدينا عشان ناخد استشارة مجانية من

الرفيق الباشمهندسة نانسيوكف -زميلة طبعا مش انا كمان مهندس ولا صدقتوا أني مبيض محارة)

أي استشارة في التكييف تحت أمركم

بالمناسبة أنا حاولت أجيب مقاسات البيت من أبن عمي معرفش

لازم أعمل كل حاجة بنفسي لما انزل اجازة بقي

شكرا لتعبك نانسيكوف أعملوا معروف

تم تعديل 1 مايو 2007 بواسطة Diab

[nancy]

خلاص يادياب لما تنزل اجازة وترجع نفتح الموضوع دة تانى ولا يهمك

وسلملى على النوبة الجميله

نانسى كوف

[fcs]

شقتى الوسطى على اليمين

باشمهندسة نانسى:

مبسوط بالباب بتاعك، لى سؤال:

- فى البلان الملحق عاليه أنا شقتى اللى فى الوسط يمين

- عاوز أصمم حجرة أطفال فى: "نوم1"

- عاوز أكبر مساحة فاضية فى الحجرة علشان يلعبوا ففكرت فى الـbunk bed "السريرين إللى فوق بعض" بس مش عارف دول ينفعوهم لما يكبروا ولا لأ؟؟

برجاء محاولة توزيع الأثاث بطريقة احترافية وارساله لى علشان أنا ماليش فى الحاجات دى !!

[nancy]

fcs

تم عمل البلان وكتابة عن مقاسات الموبيليا وتوزيعها

وبالاضافة الى صور لحجرات اطفال

وعنوان موقعين مساعدين فى الديكور بشكل عام

على اميلك

لانى مش باعرف انزل صور فى الموقع

عموما اتمنى ان يكون الاميل وصل وتمت الاستفادة من ما ارسلتة لك

وطمنى خلصت الحجرة على اية ولو بتعرف تنزل صور نزلها على الموقع هنا

لو سمحت

واى طلب تانى فى الديكور انا موجودة

وشكرا :sad:

[kokomen]

مساء الخير : يا باشمهندسة نانسي

ركن الديكور ده فكرة جميلة أهنئك عليها ولو ان فيها تعب شوية عليكي لكن ربنا يعينك على كل الأسئلة

أنا عندي أسئلة كثير قوي .... بس أكتفي اليوم بسؤال واحد فقط ؟؟؟؟؟

اذا كانت الشقة مكشوفة من الجيران بعد ما تم بناء عمارة مكان الفيلا اللى كانت بجوار العمارة

ما هو الحل لعدم كشف الجار للشقة التى أسكن فيها ..؟؟؟ مع العلم أني وضعت ستائر سميكة

ولكن عشنا في ظلام دامس .. ؟؟؟؟ هل من حل واقعي .... أشكرك مع خالص تحياتي

أبو أحمد الأسكندراني

:sad: :sad:

[nancy]

kokomenاهلا بيك اولا

ثانيا

بالنسبة لحكاية وجود عمارة حجبت الرؤيا عندك وكشفاك كدة

احسن حل انك الاول تغير الزجاج بحيث انه يكون (ميرور )يعنى ميظهرش الى فى الداخل للخارج

وبالليل ممكن تستخدم الستائر السميكة بس حاول انها متكونش غامقة اولا ومش سادة اختارها فيها الوان ظريفة تتناسب مع الموبيليا علشان متحسساكش بالكتمة

ولو عندك تراس فى الشقة ممكن تعمله بالخشب البغدادلى وتدهنه ابيض وتخلى الزرع يتسلقة ودة حيديك حجب وكمان حيخليك مستمتع بالتراس مش انتهى بالنسبالك

ولو عندك اى اسأله تانية انا موجودة

:closedeyes: