Hammer بتاريخ: 8 أبريل 2006 تقديم بلاغ مشاركة بتاريخ: 8 أبريل 2006 خد بإيدي يا أخويا يا ياسر لما أقعد جنبكم و أفتكر .. الإذاعة الصبح .. مع كلمتين و بس لفؤاد المهندس .... و يا صباح الخير ياللي معانا ... و الراجل بتاع شوف مصلحتك يا سيد . و حميد الشاعري أول ما طلع و أغنية حبيبة يا حبيبة . و لولاكي لولا لولا لولا :P و الأتوبيس الطويل أبو أوكرديون في النص , و التروللي باص أبو سنجة كل شوية بتقع . و كان ومبي هو المكان المفضل للشباب . بس أكتر حاجة الله لا يرجعها .... البنطلونات الواسعه من التحت ( الشرلستون ) :P اقتباس You can.... If you think you can رابط هذا التعليق شارك المزيد من خيارات المشاركة
محمد عبدالعزيز بتاريخ: 8 أبريل 2006 تقديم بلاغ مشاركة بتاريخ: 8 أبريل 2006 يااااااااااااااه, كانت أيام! متهيألى كان فى برنامج اسمه كانت أيام, صح ولا أنا مش فاكر كويس حاجات كتير قوى من اللى كتبتوها فاكرها كويس جداً, بالذات الراديو وبرامجه وفى التليفزيون كمان كان فيه مازنجر كنت باتفرج عليه بعد مارجع من المدرسة وأنا قاعد باتغدى وكان فى كمان كعبول والقط مشاكس والقناة الثانية كانت بتقدم أفلام كرتون جميلة قوى كمان بعد الظهر زى مخمخ ومشمش.. ثنائى مدهش وبوجى وطمطم فى رمضان... لما رمضان كان بييجى فى عز الصيف... والنهار يبقى طويييييييييييييييل والواحد يبقى على المغرب هيموت من العطش وبالليل بقى يحلى اللعب من بعد الفطار لغاية السحور ...ماحنا كنا فى أجازة المدارس بقى. وكان فى برنامج فى رمضان على ما أتذكر اسمه أجمل الزهور بتاع نجوى إبراهيم, كان برنامج جميل فعلاً كان 30 حلقة فى رمضان كل يوم بتحكى حكاية عن صفة أو خلق جميلة زى الصدق واﻷمانة والصبر والذكاء وغيرهم, وعلى آخر الشهر كان عندنا بستان من 30 زهرة من أجمل الزهور فعلاً. وفوازير سمورة وفطوطة وفوازير عمو فؤاد راجع ياولاد. بصراحة كنا بنلعب كتير قوى لدرجة الشبع, مش عارف دلوقتى اﻷطفال بيشبعوا لعب ولا لأ. فاكرين النحل واﻷساتك والبلى مسافات طويلة :P يااااااااااااااااااااااااااه, كانت أيام جميلة والله إن شاء الله لما اتفكر حاجات تانى هاكتبهالكم اقتباس بدون مبالغة، اللي ناقص عشان نفهم، إن المشير يطلع في بيان على الهوا وفي ايده السلاح ويقول: أيوة يا شعب احنا الطرف التالت، واحنا اللي ورا موقعة الجمل وماسبيرو والعباسية (1) والسفارة الإسرائيلية ومسرح البالون ومحمد محمود ومجلس الوزراء وبورسعيد والعباسية (2)، عايزين حاجة يا شعب؟ shawshank رابط هذا التعليق شارك المزيد من خيارات المشاركة
yacho بتاريخ: 8 أبريل 2006 تقديم بلاغ مشاركة بتاريخ: 8 أبريل 2006 يا ياسو ويا فريده ويا كل اللى شاركتم فى الفتره الحلوة دى ..زمن الابيض واسود الطيب احلى ايام طفولتى ومراهقتى ..زيكم بالضبط.. اليوم المفتوح اللى هو بالنسبه لى احلى يوم فى الاسبوع كله..فيلم عاللاولى وفيلم عالتانيه مع اكله الملوخيه والفراخ والبطاطس المحمره والرز الاحمر مين ايد ماما حبيبتى يديها الصحه ويا سلام لو الاكله دى ادام فيلم من افلام اسماعيل يس او حسن يوسف او احمد رمزى ..... وبالليل المسرحيه هاللو شلبى .. الا خمسه.. المتزوجون..وفؤاد المهندس وشويكار وغيره فوازير نيللى انا حافظه كلماتها لغا يه دلوقتى افكركم واللا فاكرين لسه زيى الللللللللللللللللللللللللخاطبه بتاعه اهل زمان اللى جرابها دايما مليان ..بصور فتيات وصور فتيان ..غربه وبتخلليهم..قربه .. قربه .. قربه بحبه يا بابا ااااااااااااااااااااااااااااااااااااه وكان فى قبلها فوازير التومبكه كانت جميله قوى واكيد ما نسيتوش فوازير عمو فؤاد عمو فؤاد عمو فؤاد رايح يصطاد ....... واضح ان يوم الجمعه فى بيوتنا شبه بعض كتير ..اجازه بابا وماما كنا نصحى على ريحه الفلافل الملهلبه وعلى احلى طبق فول بالطحينه من ايدين بابا الله يرحمه ويسامحه يا رب .. حرام عليك يا ياسو خلليتنى اعيط بلاش اعكنن عليكم كنت عايزه ارد على حد كان ناسى اسم المهرج اللى كان بييجى فسنيما الاطفال كان اسمه فرديناند كان حلم عمرى اعيش فبيت زى بتاعه. افكركم بقى بشويه برامج تانيه انتو ناسينها .. نافذه عالعالم .. شعاع .. خمسه سياحه .. حديث الروح محو الاميه اللى بسببه حبيت اكون مدرسه عشان كنت بحب خطه بالطباشير الخشن عالسبوره .. والبرامج التعليميه المزعجه الممله الوحشه الغلسه قوى قوى قوى قوى قوى قوى ..اه يا صوابعى كان فى كمان مواقف وطرائف .. اعلان كوفرتينا وريرى ومحمود ايه ده محمود.. ولالالا لالالو وموسيقى الادان وصوت الشيخ محمد رفعت في ايه كمان .. اه الراديو مذاكره من غير راديو ده حتى يبقى عيب .. من اول مافتح عينى على فنتاستيكا.. فن .. فن .. فنتستيكا اجرررررررررررررررررررررررررررى من السرير عشان اجهز للمدرسه لان كده تبقى الساعه 7 الا ربع .. اما بقى لو سمعت يا رب يالملك لك يبقى حالاقى ماما فوق راسى لان الساعه بقت الا خمسه وكده ممكن نتاخر مين فاكر كمان حكايه الساحر اوز بصوت عمو حسن بعد المدرسه على طول كانت ادمان وشبيك لبيك يوم التلات بصوت ايناس جوهر..وبرنامج follow me .. واعترافات ليليه سجلت مع بثينه مرتين فيه.. ماتنسوش كمان البرنامج الرائع للمبدع عمار الشريعى غواص فى بحر النغم انا كمان يا محمد كنت بشوف مازنجر وافروديت واليس وكابتن ماجد وكوكى كاك اللى كان ييجى بعدها رافت الهجان .. فاكرين مسلسل ابراهيم الطاير .. وميزوووووووووووووووووو وسلاطان ونفيسه.. وحاسب من شراره .. وايوب البحر ايه ده دانا الذاكره رجعتلى والله وكل ده ولسه فى حاجات اد كده لسه ما قلتهاش خلليها عاشان اشارك معاكم بيها مره تانيه بس احب اختم باحلى برنامج اطفال كنت بحبه كان بييجى كل يوم اتنين ..اكيد عرفتوه زى الشمس ما هلت .. على كل العصافير غنوا زى ما غنت .. غنوا صباح الخير زى فراشه ما لمست .. ورده بقلب حرير قولوا زى ماهمست .. وغنوا صباح الخير صباح الخير .. صباح الخير .. صباح الخير صباااااااااااااااااااااااااااااااااااااااااااح الخير صباح الخير يا ماما نجوى صباح الفل يا حبيبى سسسسسسسسسسسسسسسسسسسسسسسسسسسلام على راى نيللى اقتباس رابط هذا التعليق شارك المزيد من خيارات المشاركة
محمد عبدالعزيز بتاريخ: 8 أبريل 2006 تقديم بلاغ مشاركة بتاريخ: 8 أبريل 2006 الله فعلاً صباح الخير ده كان من البرامج الممتعة جداً, لما قرأت الكلمات بتاعة المقدمة افتكرتها بالموسيقى وحسيت بنفس المشاعر اللى كنت باحس بيها ساعتها, طفولة بكل معانى الكلمة :D افتكرت كمان كرنبة, حد فاكرها؟ بالنسبة لشبيك لبيك بقى أنا كنت من عشاق سماع هذا البرنامج, بالذات فى البلكونة والدنيا ضلمة ولا برنامج ذكرياااااااااااااااااات, افتح ياسمسم وسلامة وموهوب نجيب قهوة, لا قهوة ولا شاى كده كويس, نجيب شلتة عشان ترتاح, سمارة mfb: وبرنامج قطوف اﻷدب من كلام العرب, ما أروعه, برنامج فعلاً يعيشك الجو بصحيح. وبرنامج كتاب عربى علم العالم, عرفت منه علماء كتير واتعرفت على أعمالهم واتحسرت على حالنا دلوقتى. برنامج شعراء على الطريق كان فى إذاعة الشرق الأوسط, وكنت أحب قوى أسمع التعليق على المحاولات وأحاول أستفيد منها. فاكرين مسابقات تليماتش؟!!! كان نفسى من زمان ألعب زيهم :wub: ليت الشباب يعود يوماً :) اقتباس بدون مبالغة، اللي ناقص عشان نفهم، إن المشير يطلع في بيان على الهوا وفي ايده السلاح ويقول: أيوة يا شعب احنا الطرف التالت، واحنا اللي ورا موقعة الجمل وماسبيرو والعباسية (1) والسفارة الإسرائيلية ومسرح البالون ومحمد محمود ومجلس الوزراء وبورسعيد والعباسية (2)، عايزين حاجة يا شعب؟ shawshank رابط هذا التعليق شارك المزيد من خيارات المشاركة
yacho بتاريخ: 8 أبريل 2006 تقديم بلاغ مشاركة بتاريخ: 8 أبريل 2006 اللهفعلاً صباح الخير ده كان من البرامج الممتعة جداً, لما قرأت الكلمات بتاعة المقدمة افتكرتها بالموسيقى وحسيت بنفس المشاعر اللى كنت باحس بيها ساعتها, طفولة بكل معانى الكلمة mfb: افتكرت كمان كرنبة, حد فاكرها؟ بالنسبة لشبيك لبيك بقى أنا كنت من عشاق سماع هذا البرنامج, بالذات فى البلكونة والدنيا ضلمة ولا برنامج ذكرياااااااااااااااااات, افتح ياسمسم وسلامة وموهوب نجيب قهوة, لا قهوة ولا شاى كده كويس, نجيب شلتة عشان ترتاح, سمارة :) وبرنامج قطوف اﻷدب من كلام العرب, ما أروعه, برنامج فعلاً يعيشك الجو بصحيح. وبرنامج كتاب عربى علم العالم, عرفت منه علماء كتير واتعرفت على أعمالهم واتحسرت على حالنا دلوقتى. برنامج شعراء على الطريق كان فى إذاعة الشرق الأوسط, وكنت أحب قوى أسمع التعليق على المحاولات وأحاول أستفيد منها. فاكرين مسابقات تليماتش؟!!! كان نفسى من زمان ألعب زيهم :wub: ليت الشباب يعود يوماً :D البرنامج اللى التتر بتاعه الاغنيه اللى فيها صباح الخير هو برنامج ماما نجوى وبقلظ. اه على فكره انا كنت بحب كرنبه قوى يا محمد بس ما كنتش بحب ساميه شرابى كان صوتها بينرفزنى قوى :) اقتباس رابط هذا التعليق شارك المزيد من خيارات المشاركة
KANE بتاريخ: 8 أبريل 2006 تقديم بلاغ مشاركة بتاريخ: 8 أبريل 2006 مسلل الساعة 9,مسلسلات لا تنسى وكان كل مسلسل بتيمه وجمله تظل سائده لزمن طويل بابا عبده رحلة المليون ليالي الحلمية رأفت الهجان احلام الفتى الطائر "هراس جاي" مش فاكر اسم المسلسل :D الجيل الذي شهد عودة طابا mfb: آخر جيل تربى على كره اسرائيل بالسمع (الآن اصبح صوت وصوره :) ) أخر جيل كان يحس ببهة رمضان والعيدين والمواسم الدينية راديو مونت كارلو BBC العربية الجيل اللي اشتغل على كبيوتر صخر الجيل الذي تعامل مع نظام دوس DOS و ويندوز 3 الجيل الذي كان عنده الجيم ووتش( قبل العاب بلاي ستيشن والعاب الموبيل) اييييييييييييه فكرتونا بالذي مضى :wub: اقتباس "نحن شعب ينتحر -بمزاجه- إنتحاراً جماعياً ببطء كين ~~~~~ قال رسول الله صلى الله عليه و سلم : "انها ستكون سنون خداعات .. يخون فيها الأمين ويؤتمن فيها الخائن .. ويكذب فيها الصادق .. ويصدق فيها الكاذب .. وينطق فيها الرويبضة .. قالوا وما الرويبضة يا رسول الله ؟ قال : الرجل التافه يتكلم فى أمر العامة ~~~~~ فكيف إذا جئنا من كل أمة بشهيد وجئنا بك على هؤلاء شهيدا (41) يومئذ يود الذين كفروا وعصوا الرسول لو تسوى بهم الأرض ولا يكتمون الله حديثا (42){النساء} رابط هذا التعليق شارك المزيد من خيارات المشاركة
KANE بتاريخ: 8 أبريل 2006 تقديم بلاغ مشاركة بتاريخ: 8 أبريل 2006 وسقوط جدار برلين وسقوط الاتحاد السوفيتي اقتباس "نحن شعب ينتحر -بمزاجه- إنتحاراً جماعياً ببطء كين ~~~~~ قال رسول الله صلى الله عليه و سلم : "انها ستكون سنون خداعات .. يخون فيها الأمين ويؤتمن فيها الخائن .. ويكذب فيها الصادق .. ويصدق فيها الكاذب .. وينطق فيها الرويبضة .. قالوا وما الرويبضة يا رسول الله ؟ قال : الرجل التافه يتكلم فى أمر العامة ~~~~~ فكيف إذا جئنا من كل أمة بشهيد وجئنا بك على هؤلاء شهيدا (41) يومئذ يود الذين كفروا وعصوا الرسول لو تسوى بهم الأرض ولا يكتمون الله حديثا (42){النساء} رابط هذا التعليق شارك المزيد من خيارات المشاركة
Farida بتاريخ: 8 أبريل 2006 تقديم بلاغ مشاركة بتاريخ: 8 أبريل 2006 تخيلوا ان احنا فعلا اخر جيل كان فى الخريطه اللى بندرسها بلد اسمه فلسطين متهيألى الخريطه دلوقتى فيها اسرائيل ..... تخيلوا ان احنا اخر جيل شاهد مظاهرات اعتراضا على سياسات خاطئه كان الناس لسه عندها دم و بتحس تخيلوا احنا اخر جيل ركب التروماى ابو دورين تخيلوا احنا اخر جيل شاهد المهندسين و هى عباره عن زراعات انا لى بنت عمتى اول ما تجوزت فى المهندسين و روحنا نبارك لها و كان بيتها الوحيد وسط الزراعات و على باب بيتها كان فيه غنم و جاموسه ...... تخيلوا ما كانش فيه حاجه اسمها شارع فيصل !!!!!!!! و كان ممكن نشوف الأهرامات من عند اول شارع الهرم تخيلوا كان ممكن نخرج نتفسح فى الجنانين اللى ماليه القاهرة كان فى ميدان التحرير جنينه و فى المنيل جنينه جنب سينما الجزيرة و عند جامع صلاح الدين تخيلوا كان ممكن نتفسح فى حلوان و ننزل فى عين حلوان الكبريتيه و كانت وسيله المواصلات لهناك هى الحنطور قبل ما تتلوث و تصبح كارثة فاكرين زيارات الأقارب و السهرات العائليه تخيلوا احنا تقريبا اخر جيل اللى كان الأب بيقعد مع ولاده على الغداء و يدخل ينام شويه و يقعد معانا بعد الضهر طيب كنتوا بتستنوا بابا وهو راجع من الصلاة يوم الجمعه و يجيب معاه قصب و نقعد نمص قصب لما اسناننا توجعنا yacho.. عايزه ارد على حد كان ناسى اسم المهرج اللى كان بييجى فسنيما الاطفالكان اسمه فرديناند كان حلم عمرى اعيش فبيت زى بتاعه. .....متشكرة على اسم المهرج فرديناندز....... طيب فاكرين مسلسل منزل صغير فى البرارى اللى كان ابطاله عيال و فضل شغال و احنا بنتفرج عليه لحد لما كبروا و اتجوزوا انا فاكرة اسم البنت اللى كان شعرها اسود و طويل كان اسمها لورا...... اقتباس *اللهم انى اشكو اليك ضعف قوتى و قلة حيلتى و هوانى على الناس *اللهم و لى امورنا خيارنا و لا تول امورنا شرارنا * الساكت عن الحق شيطان أخرس * الشعوب تستحق حكامها رابط هذا التعليق شارك المزيد من خيارات المشاركة
سقراط المصري بتاريخ: 8 أبريل 2006 تقديم بلاغ مشاركة بتاريخ: 8 أبريل 2006 yacho..عايزه ارد على حد كان ناسى اسم المهرج اللى كان بييجى فسنيما الاطفالكان اسمه فرديناند كان حلم عمرى اعيش فبيت زى بتاعه. .....متشكرة على اسم المهرج فرديناندز....... طيب فاكرين مسلسل منزل صغير فى البرارى اللى كان ابطاله عيال و فضل شغال و احنا بنتفرج عليه لحد لما كبروا و اتجوزوا انا فاكرة اسم البنت اللى كان شعرها اسود و طويل كان اسمها لورا...... طيب فاكرين مسلسلات الناس اللي فوق والناس اللي تحت مسلسل كيف تم غزو الغرب وكان فيه مسلسل عن اليابان والساموراي وغزو الغرب واخر حاجه كاس العالم تقريبا 84 ومشاهير الكوره رومانيجه ورودي فولر اقتباس <span style='font-family: Arial'><span style='font-size:14pt;line-height:100%'><span style='color: blue'><strong class='bbc'><br />زوجتي الحبيبه ، امي الغاليه ، حماتي الطيبه<br /><br />برجاء تجهيز مايلي يوم وصولي لأرض المحروسه :<br /><br />باميه باللحم الضاني ، محشي ورق عنب ، كباب حله ، قلقاس باللحمه ،نص دستة زغاليل محشيه ، بطه راقده على صينية بطاطس ، وزه متشوحه كفتح شهيه ، صينيه رقاق ، موزه مشويه على الفحم ، سلطة طحينه بالليمون ، مية "دقه" ، ملوخيه بالارانب ، شربة فرخه بلدي بالحبهان والمستكه، برميل تمرهندي............... وكفايه كده عشان انام خفيف.<br /><br />سقراط المصري<br /></strong></span></span></span> رابط هذا التعليق شارك المزيد من خيارات المشاركة
yasovinas بتاريخ: 9 أبريل 2006 كاتب الموضوع تقديم بلاغ مشاركة بتاريخ: 9 أبريل 2006 الله عليكم كلكم والله انا فرحان قوي بكل الناس اللي كتبت وفكرتنا بايام روعه على راي ايزيس (اثينا) تفتكروا ان الايام دي احلى من ايامنا دلوقت ولا ايامنا دلوقت احلى من ايام زمان افتكر مرة راجل عجوز كان راكب معانا الترمواي ووقف يقول ويعدد اسعار زمان وجمال زمان وطيبة اهل زمان (على فكرة الكلام دا كنت انا ايانها في اولى جامعه يعني ييجي من ربع قرن كده ) المهم الراجل العجوز في الاخر قال لنا انتم ايامكم سودا فرد عليه ابو لسان متبري منه {لا يا عم الحاج دا انت اللي اخرتك سودا} ها ايه رايكم ايامهم سودا ولا اخرتنا احنا اللي سودا؟؟؟؟؟ اقتباس رابط هذا التعليق شارك المزيد من خيارات المشاركة
se_ Elsyed بتاريخ: 9 أبريل 2006 تقديم بلاغ مشاركة بتاريخ: 9 أبريل 2006 البرنامج اللى التتر بتاعه الاغنيه اللى فيها صباح الخير هو برنامج ماما نجوى وبقلظ. طب حد فاكر الـ Version الجديد منه لما مام نجوى ربنا فتحها عليها وحبت تتوسع في شغلها وعملت برنامج " مساء الخير " بالليل ... بالليل العش ينادي الطير ويقول ويقول للدُنيا صباح الخير اقتباس الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
عصام بتاريخ: 9 أبريل 2006 تقديم بلاغ مشاركة بتاريخ: 9 أبريل 2006 yacho.. عايزه ارد على حد كان ناسى اسم المهرج اللى كان بييجى فسنيما الاطفالكان اسمه فرديناند كان حلم عمرى اعيش فبيت زى بتاعه. .....متشكرة على اسم المهرج فرديناندز....... طيب فاكرين مسلسل منزل صغير فى البرارى اللى كان ابطاله عيال و فضل شغال و احنا بنتفرج عليه لحد لما كبروا و اتجوزوا انا فاكرة اسم البنت اللى كان شعرها اسود و طويل كان اسمها لورا...... طيب فاكرين مسلسلات الناس اللي فوق والناس اللي تحت مسلسل كيف تم غزو الغرب وكان فيه مسلسل عن اليابان والساموراي وغزو الغرب واخر حاجه كاس العالم تقريبا 84 ومشاهير الكوره رومانيجه ورودي فولر سعيد جدا وانا باتابع الموضوع دا وحاسس انى نا اللى كتب كل اللى فوق ... رحم الله حسن عابدين .. مسلسل فيه حاجة غلط وأحلام الفتى الطائر وبرنامج عزيزى قائد السيارة الصبح .. وبعدين كلمتين وبس وقرآن من 6 إلى 6 ونص صباحا واللى لما يخلص يبقى اتأخرت على المدرسة ربنا يجازى اللى كان السبب اقتباس [وسط]!Question everything [/وسط] رابط هذا التعليق شارك المزيد من خيارات المشاركة
se_ Elsyed بتاريخ: 9 أبريل 2006 تقديم بلاغ مشاركة بتاريخ: 9 أبريل 2006 طيب كنتوا بتستنوا بابا وهو راجع من الصلاة يوم الجمعه و يجيب معاه قصب و نقعد نمص قصب لما اسناننا توجعنا فريده إنتي مش زملكاوية ؟ لكن إنتي من الأحرار يا فريده ده أنا كنت مكسوف أحكي الموضوع ده يقولوا عليه .. ياي كصب .. ده الولا ده بيئة .. أتاريها .. حاله عــــــــــــــــامه تصدقي بقى إن الواحد بقى له نيف وخمسون سنة ما أكلش قصب . وهو ليه برضوا القصب أرتبط بيوم الجمعة ؟ يمكن عشان الناس أجازة طب هما لسه في مصر بيحتفلوا بشن النسين ( شم النسيم ) والفسيخ والملوحة والبيض الملون ياه تصوري إنتي بالموضوع ده بالذات هزيتي زعازيع مشاعري ... اقتباس الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
عصام بتاريخ: 9 أبريل 2006 تقديم بلاغ مشاركة بتاريخ: 9 أبريل 2006 طيب حد كان بيطير طيارات ورق من فوق سطح بيتهم؟ أو كان بيلعب "بالدبابير" فى الشارع :blink: ؟ اقتباس [وسط]!Question everything [/وسط] رابط هذا التعليق شارك المزيد من خيارات المشاركة
yasovinas بتاريخ: 9 أبريل 2006 كاتب الموضوع تقديم بلاغ مشاركة بتاريخ: 9 أبريل 2006 طيب شايفين بقى الاسكندرانيه اجدع منكم يا مصاروه احنا كان القصب بييجي لغاية البيت "دليفري يعني" عربية القصب كانت تجوب سيدي جابر والاحياء المجاورة وننزل نشتري من البائع اللبشه من خمسة قروش الى عشرة قروش حسب الاحوال وطبعا اللبشه كانت تتكون من خمسة الى سبعه اعواد ويا سلام بقى لو فيها كام عود احمر ولا لو فيها عود فيه شق القمر عسسسسسسسل طيب مين راح اسكندريه وصيف فيها وما اكلش كلوكلو من جوجو مين راح اسكندريه يصيف وما اكلش سندوتشات فول وفلافل من عند محمد احمد (السندوتش كان بقرش صاغ ) انا اشتريت الاخبار ب 3 تعريفه واخبار اليوم كانت بقرشين ميكي اشتريتها ب3 قروش الترام من محطة الرمل لسيدي جابر (نص مسافه ) بتعريفه رغيف العيش البلدي وهو طالع من الفرن يشرح القلب الحزين كان بتعريفه (خمسة ملاليم مصريه) اقتباس رابط هذا التعليق شارك المزيد من خيارات المشاركة
se_ Elsyed بتاريخ: 9 أبريل 2006 تقديم بلاغ مشاركة بتاريخ: 9 أبريل 2006 أو كان بيلعب "بالدبابير" فى الشارع :blink: ؟ حتى التحريف وصل لدي كمان ؟ يعني من " نحله " خلتوها خلاص دبور ؟ حسبي الله ونعم الوكيل إسمها نحله يا أخ عصام والخيط اللي كانت بتتلف به وبعدين الواحد يقوم ساحبه على سهوا إسمه " قُطان " يضم القاف وسكون الطاء وشد الحبل بسرعة وخفه ودلع . طيب شايفين بقى الاسكندرانيه اجدع منكم يا مصاروه احنا كان القصب بييجي لغاية البيت "دليفري يعني" دليفرك إيه يا أسكندراني يا بمبوطي إنت ؟ يابني نفس العربيات دي كانت بتسرح الصبح في القاهرة .. والقصب اللي بيتبقى بيروحوا يسرحوا به في كوم الشقافة عندكو .. لكن إحساس الإنتظار بشغف للسيد الوالد وهو راجع من الصلاة وشايل لبشة القصب ... والزعازيع تسبقة وهو داخل من باب الشقة .. ده حاجة تانية وبعدين ليه تصرف أكثر لما ممكن القصب يوصلك ببلاش .. الله بالحق يا خواجه ياسو .. الكلو كلو ده حاجة غير الكُله اللي العال بيشموها تحت كوبري الملك الصالح ؟ لأ بجد .. طيب حد كان بيطير طيارات ورق من فوق سطح بيتهم؟ عارف يا عصام إحنا شعب كسول وما بيعرفش إزاي يفرح ( ما عدا مُهيب عشان بيزعل ) يعني تلاقي الصينيين مثلاً يعملوا من الحبه قبه .. ومهرجانات طيارات ورق .. وبتاعات كده على شكل تنين .. وواحده تانية على شكل كيم لي شونج وبيقضوا يوم زي العسل وكله عمال يطير الطيارات اللي متفنن فيها وتعبان في عمايلها ... وإحنا اللي كنا مجرمين في صنع الطيارات دي وبأقل تكلفة وبخامات في منتهى البساطة ...ما فيش حد يتبنانا ... بل وصل الأمر إلى إن الموضوع ده انقرض وأصبحت الصين بتصدر لنا طيارات من بواقي الأكياس البلاستيك لا لون لها ولا رائحه .. وبصراحة شيء يفتقد إلى الذوق ... إلا أحنا ليه ما بنعرفش نفرح ولا عندنا مهرجانات زي دول كثير ؟ بلاش نقول زي البرازيل عشان بيخرجوا الشوارع عريانيين أو الأسبان اللي بيحدفوا بعض بالطماطم اللي الكيلو منها بجني وربع وهاتزول من وشهم النعمة .. ويوم ما كنا نفرح في إحتفال مُعين تلاقينا مأنتخين ونايمين في البيت أو بنتفرج على التي في أو الحاجة مشغلة الغسالة وتنزل تنفيط في البيت باللي فيه .. وخلاص يعني ما بيحبوكش الغسيل والتنفيض إلا يوم الإجازة مع إنها ست بيت والإسبوع كله بالنسبة لها أجازة مفتوحه ... . اقتباس الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
سقراط المصري بتاريخ: 9 أبريل 2006 تقديم بلاغ مشاركة بتاريخ: 9 أبريل 2006 أو كان بيلعب "بالدبابير" فى الشارع :huh: ؟ حتى التحريف وصل لدي كمان ؟ يعني من " نحله " خلتوها خلاص دبور ؟ حسبي الله ونعم الوكيل إسمها نحله يا أخ عصام والخيط اللي كانت بتتلف به وبعدين الواحد يقوم ساحبه على سهوا إسمه " قُطان " يضم القاف وسكون الطاء وشد الحبل بسرعة وخفه ودلع . اخي الغالي عصام لك وحشه والله :huh: الي س س الكائن بدير النحاس المقصود بالدبابير ذلك الشيء من الورق والمربوط فيه خيط ويرفر في الهواء ساعه العصاري :huh: ياي سوفاج :blink: سقراط ابن الدايره وصديق البيئه :huh: اقتباس <span style='font-family: Arial'><span style='font-size:14pt;line-height:100%'><span style='color: blue'><strong class='bbc'><br />زوجتي الحبيبه ، امي الغاليه ، حماتي الطيبه<br /><br />برجاء تجهيز مايلي يوم وصولي لأرض المحروسه :<br /><br />باميه باللحم الضاني ، محشي ورق عنب ، كباب حله ، قلقاس باللحمه ،نص دستة زغاليل محشيه ، بطه راقده على صينية بطاطس ، وزه متشوحه كفتح شهيه ، صينيه رقاق ، موزه مشويه على الفحم ، سلطة طحينه بالليمون ، مية "دقه" ، ملوخيه بالارانب ، شربة فرخه بلدي بالحبهان والمستكه، برميل تمرهندي............... وكفايه كده عشان انام خفيف.<br /><br />سقراط المصري<br /></strong></span></span></span> رابط هذا التعليق شارك المزيد من خيارات المشاركة
se_ Elsyed بتاريخ: 9 أبريل 2006 تقديم بلاغ مشاركة بتاريخ: 9 أبريل 2006 اخي الغالي عصام لك وحشه والله :huh: الي س س الكائن بدير النحاس المقصود بالدبابير ذلك الشيء من الورق والمربوط فيه خيط ويرفر في الهواء ساعه العصاري :huh: ياي سوفاج :blink: سقراط ابن الدايره وصديق البيئه أخي سقراط إبن البيئة إيه ده ؟!!!!! :huh: إنتوا كنتوا بتقطعوا الكشكول من النص عشان تعملوا دباباير زيينا .. وتسرقوا الخيط من ورا خالتك أم سين سين عشان تربطوه بيها ؟ سبحان الله أهم عيالك يا مصر تعالى شوفيهم الله عليكو يا عيال مصر يا ولاد البيئة اقتباس الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
Farida بتاريخ: 9 أبريل 2006 تقديم بلاغ مشاركة بتاريخ: 9 أبريل 2006 انا لما كنت اروح النادى انا و اختى اخد خمسة قروش و بابايا بما انه اسكندرانى كان يقولى انت نص فرنك و اختك نص فرنك يعنى قرشين و تعريفه و اختى شرحه نجيب 2 اسباتس او سيكو كولا .......تخيلوا جوزى النهارده دخل و معاه 3 جنيهات فضه فى حجم الشلن بالضبط و قال مبروك علينا الجنيه الجديد :blink: :huh: اقتباس *اللهم انى اشكو اليك ضعف قوتى و قلة حيلتى و هوانى على الناس *اللهم و لى امورنا خيارنا و لا تول امورنا شرارنا * الساكت عن الحق شيطان أخرس * الشعوب تستحق حكامها رابط هذا التعليق شارك المزيد من خيارات المشاركة
amir بتاريخ: 9 أبريل 2006 تقديم بلاغ مشاركة بتاريخ: 9 أبريل 2006 أو كان بيلعب "بالدبابير" فى الشارع :blink: ؟ الله بالحق يا خواجه ياسو .. الكلو كلو ده حاجة غير الكُله اللي العال بيشموها تحت كوبري الملك الصالح ؟ .. الكلو كلو .... اخو الجيلاتى ! :huh: نص فرنك و اختك نص فرنك يعنى قرشين و تعريفه يعنى ايه قرشين و تعريفه ؟؟ اسمها قرشين و نص :huh: طيب حد فاكر التعريفه المخرومه اقتباس يا وطنى : كل العصافير لها منازل الا العصافير التى تحترف الحريه فهى تموت خارج الأوطان ـ نزار قبانى ـ رابط هذا التعليق شارك المزيد من خيارات المشاركة
Recommended Posts
انضم إلى المناقشة
You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.