yasovinas بتاريخ: 6 أبريل 2006 تقديم بلاغ مشاركة بتاريخ: 6 أبريل 2006 انا ابن الجيل الذي تفتح وعيه على ماما نجوى وبقلظ وبابا ماجد عبد الرازق وسينما الاطفال وماما عفاف الهلاوي انا من ذلك الجيل الذي كانت تثير بداخلة رهبه غير مفهومه عند سماعه موسيقى التتر لبرنامج العلم والايمان لمصطفى محمود انا من جيل السهرات التليفزيونية المحدده والمعروفه اكثر من اي قانون او من جدول الضرب الاربعاء اخترنا لك الخميس مسرحية الجمعه فيلم اجنبي على القناة الثانية السبت نادي السينما الاثنين تاكسي السهره وبعدها فكر ثواي ؛؛؛ تكسب دقائق يوم الجمعه بعد الصلاة عالم الحيوان بموسيقاه التي ما زالت تتردد في اذني حتى اليوم بعده لقاء الشعراوي ويليه مباراة كورة قدم او فيلم ومن بعده برنامج حياتي وفي المساء العالم يغني ويوميا في تمام التاسعة والنصف نافذه على العالم مين هنا من هذا الجيل تعالوا نحكي ونصور هذا الالبوم الساخر لحياة جيل كامل اقتباس رابط هذا التعليق شارك المزيد من خيارات المشاركة
yasovinas بتاريخ: 6 أبريل 2006 كاتب الموضوع تقديم بلاغ مشاركة بتاريخ: 6 أبريل 2006 نكمل مع التليفزيون افلام ذكرى اكتوبر المجيد بدور ، العمر لحظه ، الرصاصة لا تزال في جيبي ، حتى اخر العمر افلام المناسبات الدينيه و اسلاماه ، الشيماء ، فجر الاسلام ودائماً بناء على طلب الجماهير تعاد دوماً مسرحيات عش المجانين ، شاهد ما شفش حاجه ، المتزوجون ، الا خمسه انا ابن جيل كابتن ميزو ومحلول معالجة الجفاف ولحظة من فضلك و دي زبالة يا جاهل انا ابن جيل فوازير نيللي ونوتس لاندنج وفالكون كريست وريتش مان بور مان والمرآه الخارقة واستيف اوستن والرجل الاخضر والفك المفترس وايضا اوشين انا ابن اذاعة الشرق الاوسط وايناس جوهر وضحكتها الرائعه انا ابن برامج تسالي وامشي بخفة ودلع ؛؛ الدنيا هي الشابة وانت الجدع ؛؛؛ تشوف رشاقة خطوتك تعبدك ،، لكن انت لو بصيت لرجليك تقع ،،،،، وعجبي تحياتي اقتباس رابط هذا التعليق شارك المزيد من خيارات المشاركة
م الغزالى بتاريخ: 6 أبريل 2006 تقديم بلاغ مشاركة بتاريخ: 6 أبريل 2006 فكرتنا يا يسوا بالأيام الجميلة فعلا حتى الأن برنامج عالم الحيوان بموسيقته المميزة وصوت المعلق أظن إسمه محمود سعيد وماتنيساش على القناة الثانية عالم البحار وحامد جوهر و مساء الخير المشهورة ولا الكابتن محمد لطيف و هو يشكر رجال الأمن ومننساش برضه مسرحيات شويكار و فؤاد المهنس ياسلام على السينما الصيفى فى ليالى الصيف الساخنة وكان فيه كمان برنامج العالم يغنى على القناة الثانية وسيد مكاوى وفؤاد حداد فى المسحراتى التى كنت أسهر لآسمعه وإذاعة الشعب وقول ياعم جابر والسيرة الهلالية لعبد الرحمن الأبنودى وجابر حسين وفهمى عمر وتعليقه على مباريات الدورى العام كان زمن جميل اقتباس كنت دائماً ما أقول ياأهل مدينتنا : أنفجروا أوموتوا أما وقد إنفجرتم و ثورتم : فأنتم أجمل وأنبل وأشجع شباب أنجبته هذه الأمة!!! م الغزالى رابط هذا التعليق شارك المزيد من خيارات المشاركة
yasovinas بتاريخ: 6 أبريل 2006 كاتب الموضوع تقديم بلاغ مشاركة بتاريخ: 6 أبريل 2006 عزيزي Koenig der Loewen (بتجيبوا الاسامي دي منين بس :) ) اشكرك على الرد نرجع نكمل ذكريات وصور جيل الاذاعه وبرنامج اعترافات ليليه ،،قال الفيلسوف ،، صحبة وانا معهم ،، واعلانات ياكلوا حلاوة ياكلوا جاتوة ياكلوا كل اللي يحبوة احنا جيل شاهد على وصول مصر الى كاس العالم وعلى اعتزال الخطيب وفاروق جعفر وخناقة الجوهري مع طاهر ابو زيد ،، وايضا ظهور معجزة التوأم حسام وابراهيم نحن شهود لاخر ايام محمد علي كلاي في لحظات مجده الاخيرة نحن جيل انفجار تشرنوبل النووي واجتياح اسرائيل للبنان وانهيار الاتحاد السوفيتي وهدم حائط برلين ومذبحة قانا وحرب الصرب ضد البوسنة والهرسك جيل ظاهرة الغش الجماعي ،، وبداية حوادث الاغتصاب بداية من فتاة المعادي ثم فتاة مدينة نصر وفتاة العتبة ،، نحن جيل ادمان الهيروين وحملة "كيف تعرف ان في بيتك مدمناً ؟؟" وبزوغ نجم البانجو وظهور عبدة الشيطان ونادي حورس ، واللبان الجنسي ، وافتتاح مترو الانفاق والاوبرا وتدشين مشروع القراءة للجميع وثورة الامن المركزي وتكفير نصر ابو زيد نحن ابناء نوبل نجيب محفوظ وجيل من حاول اغتياله اقتباس رابط هذا التعليق شارك المزيد من خيارات المشاركة
Farida بتاريخ: 6 أبريل 2006 تقديم بلاغ مشاركة بتاريخ: 6 أبريل 2006 انا كمان من الجيل ده .....كل اللى بتقولوا يا ياسو فاكراه فاكراه سينما الأطفال و الأفلام العالميه اللى كانت بتيجى زى عقلة الأصبع و المهرج ده اللى كان بيجى و يبل صباعه ببقه و يمضى على الشاشه ..... عجبتنى قوى حكايه دالاس و نوتس لاندنج و up-stairs & down-stairs و ضيف بقه : قرأة الألغاز المغامرين الخمسه و الشياطين التلاتشر كل شم نسيم نتفرج على مدرسه المشاغبين بدايات ظهور محمد منير و حفلاته سماع شرايط الجيتس و المصريين ثم ثورة شرايط حميد الشاعرى -مش عارفه كنت باسمعه ازاى - جيل مشروب سباتس و سبورت كولا اعلانات شويبس و حسن عابدين جيل ما كنش فيه مارينا ولا شواطئ خاصه و لا مدارس خاصه و لا مدارس انترناشيونال اقتباس *اللهم انى اشكو اليك ضعف قوتى و قلة حيلتى و هوانى على الناس *اللهم و لى امورنا خيارنا و لا تول امورنا شرارنا * الساكت عن الحق شيطان أخرس * الشعوب تستحق حكامها رابط هذا التعليق شارك المزيد من خيارات المشاركة
yasovinas بتاريخ: 6 أبريل 2006 كاتب الموضوع تقديم بلاغ مشاركة بتاريخ: 6 أبريل 2006 اهلاً مدام فريده نورتينا يا حاجه تعالي جنبي هنا في الفسحايا دي ما دمت طلعتي من جيل خريجي القناة الاولى والثانيه {والتي لابد ان يحاكم المسؤولون عنها في محاكمه علنيه بتهمة جرائم ضد البشر } ونحن ابناء ثلاث صحف فقط مستنسخه من بعضها ولكن للامانه كانت هناك بعض الاختلافات فالاخبار كانت تتميز بزاوية عروس اليوم وتهنئة فاترينة الحاج حنفي للعروسين اما الاهرام فكانت تتميز "وما زالت" بصفحة الوفيات - انتقل الى رحمة الله ، انتقل الى الامجاد السماوية الجمهورية كانت تتميز بالملحق الرياضي والعدد الاسبوعي لذلك فلقد هربنا جميعا كما قالت فريدة الى سلسلة المكتبة الخضراء وتان تان ومجلة الصقر والعربي الصغير وميكي وسمير والمغامرون الخمسه والشياطين التلاتاشر اقتباس رابط هذا التعليق شارك المزيد من خيارات المشاركة
bo ghareeb بتاريخ: 7 أبريل 2006 تقديم بلاغ مشاركة بتاريخ: 7 أبريل 2006 (معدل) يأخي والله عيني دمعت...فكرتني ببقايا ذكريات ..انا من صغري مسافر..بين أمريكا و الامارات مقعدتش في مصر إلا سنوات معدودة..الغريب عن مصر يعرف فيها أكثر مني..تصدق أن واحد صاحبي من الامارات هو اللي وداني خان الخليلي..مكنتش أعرف هو فين..أسمع عنه بس..القصد أنا تايه ..لم أكون قاعدة الأصدقاء أو الأصحاب اللي بيكونها أي واحد عايش ببلده..انا يمكن أعرف 1 أو 2 بس في مصر حتى أهلي لا أعرفهم جيدا..تصدق أنه عند زيارتي لبيت اعمامي بكون في غاية الإحراج لأني ناسي أسماء عيالهم!!!!!!!!!!!! برامج التليفزيون ..أخترنا لك ( كانت نجوى ابراهيم في الأول صح؟ ) أنا كنت من هواة الأفلام الأجنبية..و القناة الثانية المصرية كانت كلها مسلسلات و أفلام أجنبية. و بعد صلاة الجمعة كنت أجري الحق عالم الحيوان و أعتقد أن المصارعة كانت أيام الأجازة لأن خلاني كانوا بيتجمعوا عندنا و يتفرجوا عليها. وماتشات الأهلي و الزمالك ( كان عندي فانيلا حمراء مكتوب عليها رقم 10 و كنت فخور بها قوي و أنزل بيها الشارع حاسس أن محدش قدى..اقوم الاقي كله لابسها ) بيبو بيبو..أرجو أن الزملكاوية ميزعلوش واللهي انا الأن مبفهمش اي شيء بالكرة و لا أعرف أسماء لعيبة و لا أتفرج على ماتشات..و كمان عضو في نادي الزمالك من 83 ( أصله جنب البيت و كان سعر الأشتراك فيه في 83 مش عالي ) فاكر كمان تقريبا كان يوم الثلاثاء بروح الصبح بدري لبتاع الجرايد علشان أشتري مجلة ميكي أو سمير مش فاكر بالضبط..على فكرة في بعض الأحيان الاقي نفسي بحن للمجلات دي و بشتريهم و أقرأهم في السر..بحس أن عالمهم فيه براءة و بيفكروني أني كنت أنسان مختلف في يوم من الأيام. أنا صدعتكم بس صاحب الموضوع هو السبب.... و أنا أشكره و أشكركم على قراءة كلامي المخربط ده. تم تعديل 7 أبريل 2006 بواسطة bo ghareeb اقتباس رابط هذا التعليق شارك المزيد من خيارات المشاركة
Farida بتاريخ: 7 أبريل 2006 تقديم بلاغ مشاركة بتاريخ: 7 أبريل 2006 فاكره كمان المشروب الأوحد سيكو و احلى شيكولاته كانت كورونا -دلوقتى طعمها استغفر الله العظيم- فاكرة تكنه صلاح جاهين كل يوم فى الأهرام فاكرة حفله عبد الحليم ليله كل شم نسيم فاكره ان كان عندنا وقت نسمع الراديو كتير على الناصيه و تمثيليه الساعه خمسه و ربع فى البرنامج العام و تمثيليه سته فى الشرق الأوسط بتاعة محمد علوان تمثيليات لعبد الوهاب و نيللى -شئ من العذاب -و عبد الحليم و نجلاء فستحى و عمر الشريف -الحب الضائع - و غيره فاكره كرتون سندباد و ياسمينه فاكره بدايات التليفزيون الملون و الأنبهار بلبس نيللى فى الفوازير ليه يا عم ياسو قلبت علينا المواجع اقتباس *اللهم انى اشكو اليك ضعف قوتى و قلة حيلتى و هوانى على الناس *اللهم و لى امورنا خيارنا و لا تول امورنا شرارنا * الساكت عن الحق شيطان أخرس * الشعوب تستحق حكامها رابط هذا التعليق شارك المزيد من خيارات المشاركة
كامل الجمل بتاريخ: 7 أبريل 2006 تقديم بلاغ مشاركة بتاريخ: 7 أبريل 2006 بصوا في صوركم و انتم اطفال أحنا آخر جيل اختفت معاه الذكريات بالأبيض و الأسود ... :) اقتباس كل اللي حيلتي زمزمية أمل ... و خلصت خلاص رابط هذا التعليق شارك المزيد من خيارات المشاركة
yasovinas بتاريخ: 7 أبريل 2006 كاتب الموضوع تقديم بلاغ مشاركة بتاريخ: 7 أبريل 2006 ابو غريب ، فريدة ، كامل افندي {الخلعي } نورتوني واقول لكم هو انتم لسه شفتوا حاجه دا انا ناوي لكم على نيه ما يعلم بيها الا ربنا هخليكم ترجعوا لايام زمان وتفتكرو الشورتات والضفاير والبيسكلتات دا انتوا هتشوفوا ايام ;) اقتباس رابط هذا التعليق شارك المزيد من خيارات المشاركة
yasovinas بتاريخ: 7 أبريل 2006 كاتب الموضوع تقديم بلاغ مشاركة بتاريخ: 7 أبريل 2006 احنا جيل اتربى على الفول المدمس وزيت التموين اللي طلع في الاخر زيت شلجم جيل اتربى على ابو باشا و جماعات التكفير والهجرة ولغز الشيخ الذهبي جيل شاهد اغتيال الريس على الهواء مياشرة جيل ممزق بين مؤيد للاسلامبولي واصحابه ومعارض لما حدث بعد المنصه نحن من عاش وتربى وكبر على الحواوشي والشكشوكة والعجه (وعجة الفلافل ) وادمنا الملوخيو بالارانب والمسقعه والكشري جيل زار وجلس عند جحا ولوكس واكل كشري بجد مش رز ومكرونه وخمس عدسات على وش الطبق كما هو الحال دلوقت جيل بنى جسمه لدى المسامط على المنبار والعكاوي والكوارع جيل تربى على محشي الكرنب والكبدة الاسكندراني لم نجرب او نختبر الهمبرجر والتيك اواي الا في اخر ايامنا الله يرحم ايام زمان وكلام زمان واكل زمان اقتباس رابط هذا التعليق شارك المزيد من خيارات المشاركة
bo ghareeb بتاريخ: 7 أبريل 2006 تقديم بلاغ مشاركة بتاريخ: 7 أبريل 2006 ده أنت ناويلنا بقى حرام عليك فعلا قلبت المواجع..بالرغم من أني لم أبلغ ال40 بعد إلا أني بقول " ياليت الطفولة تعود يوما " أدفع أي شيء و أرجع أعيش يوم واحد من أيام الطفولة اقتباس رابط هذا التعليق شارك المزيد من خيارات المشاركة
Farida بتاريخ: 7 أبريل 2006 تقديم بلاغ مشاركة بتاريخ: 7 أبريل 2006 لأ لأ ياى مسامط ايه و عكاوى ايه .........لأ ياعم لو على كده يبقى انا مش من الجيل ده ......خد عندك فاكره لمتنا و جيراننا و عمايل البسكوت و الكعك فى العيد الصغير و شيل الصاجات للفرن و البكاء لما تتبدل او تتحرق فاكره ماما و تفصيلها للهدوم من اول هدوم المدرسه للسواريهات ...احنا من الجيل اللى كان بيلبس تفصيل مش جاهز احنا من الجيل يتاع العروسه و الحصان الحلاوة مش البلاستيك احنا من الجيل بتاع لعب الأوله و الأستيك و الأستغمايه و كهربا احنا من الجيل اللى كان بياخد حصة العاب و موسيقى فى المدرسه و الله بناتى ماعندهومش لبس العاب و لا بياخدوا العاب من اصله فاكرين طوابير الجمعيه و فراخ الجمعيه ...... اقتباس *اللهم انى اشكو اليك ضعف قوتى و قلة حيلتى و هوانى على الناس *اللهم و لى امورنا خيارنا و لا تول امورنا شرارنا * الساكت عن الحق شيطان أخرس * الشعوب تستحق حكامها رابط هذا التعليق شارك المزيد من خيارات المشاركة
سقراط المصري بتاريخ: 7 أبريل 2006 تقديم بلاغ مشاركة بتاريخ: 7 أبريل 2006 احنا جيل الدوم والحرنكش امام ابواب المدارس احنا جيل اللي اتذاع فيه مره في منتصف الليل ان رمضان بكره احنا جيل التليفزيون الابيض والاسود والالوان ساعتها كان لولاد الذوات احنا جيل اللي كنا بنلعب مع بعض في الشارع الالعاب الجماعيه بدء من كهربا وانتهاء بلعبة السبع بلطات احنا جيل صلاة الجمعه وبعدين شراء جرنال الاهرام احنا جيل حبينا عبد الوهاب مطاوع الله يرحمه من غير ما نشوفه احنا جيل الزلزال احنا جيل بداية الانفتاح وبناطيل جينز مستعمله من بور سعيد احنا جيل الموظفين في الارض احنا جيل غلبان اتولد في عصرالظلمات والنكسه واتشاقه في عصر الانفتاح واتفرم في عصر قوم اقف وانت بتكلمني سقراط اقتباس <span style='font-family: Arial'><span style='font-size:14pt;line-height:100%'><span style='color: blue'><strong class='bbc'><br />زوجتي الحبيبه ، امي الغاليه ، حماتي الطيبه<br /><br />برجاء تجهيز مايلي يوم وصولي لأرض المحروسه :<br /><br />باميه باللحم الضاني ، محشي ورق عنب ، كباب حله ، قلقاس باللحمه ،نص دستة زغاليل محشيه ، بطه راقده على صينية بطاطس ، وزه متشوحه كفتح شهيه ، صينيه رقاق ، موزه مشويه على الفحم ، سلطة طحينه بالليمون ، مية "دقه" ، ملوخيه بالارانب ، شربة فرخه بلدي بالحبهان والمستكه، برميل تمرهندي............... وكفايه كده عشان انام خفيف.<br /><br />سقراط المصري<br /></strong></span></span></span> رابط هذا التعليق شارك المزيد من خيارات المشاركة
yasovinas بتاريخ: 7 أبريل 2006 كاتب الموضوع تقديم بلاغ مشاركة بتاريخ: 7 أبريل 2006 لا يا مدام فريده اذا كنتي من جيل صاجات العيد يبقى لاوم تكوني رحتي مسمط مش معقول من سكان المنيل وجارة العزيز الغالي كفايه وما تعرفيش المسمط :blink: ما علينا نرجع تاني للفن احنا جيل عرف المراهقه والحب على صوت محمد منير وعلاء عبد الخالق والمصريين والحب والسلام والراحل عمر فتحي احنا اولاد جيل {قال جاني بعد يومين} احنا من شب على صوت حميد الشاعري وفرقة المزداويه اللي احببناه يتلقائية شديده ;) الحب عندنا كان يعني على الحجار (واعدريني) وحنان ماضي (والشمس الجريئة) ومحمد منير (وشبابيك) وعمر فتحي (ومش نسمه لاء) ومدحت صالح (وانا ماشي) نحن جيل اصبح بلا مطربين اقتباس رابط هذا التعليق شارك المزيد من خيارات المشاركة
Farida بتاريخ: 7 أبريل 2006 تقديم بلاغ مشاركة بتاريخ: 7 أبريل 2006 وحنان ماضي (والشمس الجريئة) لأ حنان ماضى دى حاجه تانيه اللى غنت الشمس الجريئه دى حنان بس من غير ماضى ...... اقتباس *اللهم انى اشكو اليك ضعف قوتى و قلة حيلتى و هوانى على الناس *اللهم و لى امورنا خيارنا و لا تول امورنا شرارنا * الساكت عن الحق شيطان أخرس * الشعوب تستحق حكامها رابط هذا التعليق شارك المزيد من خيارات المشاركة
Th!nk بتاريخ: 7 أبريل 2006 تقديم بلاغ مشاركة بتاريخ: 7 أبريل 2006 فى برنامج أخترنا لك كنت أحد عشاق الحلقة الأجنبية "ماكجيفر" كان بطلها ذكى ويستعمل مخه فى زمن دربونا فيه على الحفظ والتسميع! فتحولت عقولنا من كنوز للتفكير وتغيير الواقع إلى مخازن!! اقتباس ومن يوق شح نفسه فأولئك هم المفلحون ! _الحق المر..محمد الغزالى..مقالات مختارة بعناية رابط هذا التعليق شارك المزيد من خيارات المشاركة
se_ Elsyed بتاريخ: 8 أبريل 2006 تقديم بلاغ مشاركة بتاريخ: 8 أبريل 2006 إحنا جيل لمة العيلة على الفطار الصبح يوم الجمعة كطقوس مقدسة ... لأكل الفول والطعمية والعيش البلدي السُخن .. ويا ويله من يتخلف عن تلك الطقوس للأسف .. أخر واحد أعرفه يبفطر الصبح يوم الجمعة كان من حوالي 10 سنين وراح لحاله .. وللأسف الحياة كلها دلوقت بقت تيك آواي وسريع سريع . إحنا جيل علم نفسك بنفسك وأصنع ألعابك بإيدك .. لا كنا نعرف عربية بالريموت ولا سابق ولاحق ولا عروسة بتقول بابا وماما ... وما أروع إحساس تملُكك لحاجة إنت صانعها بإيدك وتعبان فيها .. سواء كورة شراب من الشربات القديمة وساعات الجديدة .. أو عجلة مُكونة من كازوز البيبس .. أو إطار بسكلته قديم .... هـــــــــــــــــيه . إحنا جيل إتلخبطت عنده المفاهيم لما صحي ذات يوم في الثمانينات لقى ناس مربيين دقونهم وماسكين جنازير وبيضربوا الناس اللي في الشارع وبيفرقعوا مواكب الوزراء وبيضربوا السُياح الأبرياء .. فمبقاش عارف مين الصح ومين الغلط . إحنا الجيل اللي كان زي الإنسان الآلي يخلص إبتدائي يدخل على اعدادي .. يخلص إعدادي يدخل على ثانوي .. يخلص ثانوي يترمي حسب التنسيق في أي كلية ... وما كانش حد يستجري يقول أنا هابطل تعليم وأتعلم صنعة . إحنا جيل كنت لازم تحب فيه بنت الجيران وإلا الناس كانت تاكل وشك ... ومش مهم هي تعرف إنك بتحبها أو تعبرك من أساسه .. إحنا جيل عرف معنى قصور الثقافة في فصل الصيف وعرف معنى القراءة حيث إن التليفزيون كان بيشتغل سويعات قليلة . إحنا جيل إرتبطت بالراديو وكان خياله خصب وياما قعد يتخيل صورة أبله فضيلة .. وأمال فهمي .. وإيناس جوهر .... وياما عاش مع عوف الأصيل والسلطانية .. وعواد باع أرضه ..والدندرمه ... وزوزو نبيل في ألف ليلة وليله ومولاي وكان بيبقى عايز يكسر الراديو لما يقفلوا الحلقة ويسيبوه في حالة تشويق قاتلة لثاني يوم .. إحنا جيل كان مصروفه يادوب بيكفيه .. وبدأ حياته عصامياً ... بمصروف قرش ساغ في اليوم ... إحنا جيل دخل السيما وكانت بسبعة ساغ ( أنظر الكتاب صفحة سيما الحدايق ) إحنا جيل كانت أعظم رحلة عنده هي للقناطر الخيرية أو متحف الشمع أو الأهرام والشمس تاكل راسك هناك ... إحنا جيل شاف طوابير الجمعية وإن اللي كان بيبقى محظوظ هو اللي بعد ما يتبهدل في الطابور ياخد في الأخر صابونه أو فرخه مُجمده أو علبة زيت . إحنا جيل كانت طموحاته بسيطة وصابر وراضي وبيطلب لاستر ... لا محمول أخر موديل ولا عربية سكستين فالف .. ولا دش .. ولا قنوات فضائية ولا فيديو كلاب ولا روشنة وجيل على الشعر وبادي وستومك إحنا جيل بطاقات التومين ... أيام ما كان التموين تموين ( زيت ، سكر ، رز ، دقيق ، سمنه ، شاي نشارة خشب يعدل المزاج ، عدس أصفر وأخر بجبة ، صابون ريحه وأخر للغسيل ) إحنا جيل تيل نادية والمريلة بتاعت المجانين اللي مُشتقة من قميص الأكتاف .. إحنا جيل حضر الشُنط القماش اللي معمولة من نفس قماشة المريلة ( على أساس تبقى واد مطقم يعني وآلا مود ) إحنا جيل البيجامات المخططة بتاعت البيت ... إحنا جيل جزم باتا والشوز القماش ( بتاع المساجين دلوقت ) إحنا جيل صندوق الدُنيا اللي كنت تغطي راسك بالقُماشة والراجل بتاع الصندوق يحكي لك نفس القصص بتاعت عنتر وأبو زيت الهلالي اللي إنت أساساً حافظها عن ظهر قلب . أنا صوابعي ورمت اقتباس الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
MZohairy بتاريخ: 8 أبريل 2006 تقديم بلاغ مشاركة بتاريخ: 8 أبريل 2006 اولاد الايييييييه فكرتونا بالذي توفى المهم برنامج عصافير الجنه تقديم المرحومه سلوى حجازي حتى نهاية 1973 على ما أعتقد لوفاتها في حادث طائره وتولت المسؤليه ماما نجوى وبقت تقدمه هي و أرنوب و دبدوب و بقلظ (ادعوله بالشفاء مصاب بسرطان الرئه عافاكم و عافانا الله) المقدمه الموسيقيه كل الاطفال في الدنيا بكره حيخلوا الدنيا ضحكه في قلوب الناس ورده في ايد الأطفال و حمامه فوق الراس والناس تبقى للناس بكره الدنيا حتبقى حاجه تانيه لا لا لا لا لا .............................................................. حنطير في الدنيا عصافير والمزيكا ام الصفافير والنسمايه حرير في حرير ونغني مع الأرض الخضرا بكره الدنيا حتبقى حاجه تانيه (المشكله انها ما بقتش حاجه تانيه ولا حاجه) :P اقتباس Vouloir, c'est pouvoir اذا كنت لا تقرأ الا ما يعجبك فقط فإنك لن تتعلم ابدا Merry Chris 2 all Orthodox brothers Still songs r possible رابط هذا التعليق شارك المزيد من خيارات المشاركة
amir بتاريخ: 8 أبريل 2006 تقديم بلاغ مشاركة بتاريخ: 8 أبريل 2006 انا ابن الجيل الذي تفتح وعيه على ماما نجوى وبقلظ وبابا ماجد عبد الرازق وسينما الاطفال وماما عفاف الهلاوي يااااه ده انت باين عليك عجوز قوى !! طيب تفتكر الجرنال ابو تلاته تعريفه ؟؟ و سهره يوم الخميس بتاعة الست و شم النسيم فى المنتزه أو المعموره و الترام ابو دورين :P اقتباس يا وطنى : كل العصافير لها منازل الا العصافير التى تحترف الحريه فهى تموت خارج الأوطان ـ نزار قبانى ـ رابط هذا التعليق شارك المزيد من خيارات المشاركة
Recommended Posts
انضم إلى المناقشة
You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.