البنت المصرية و المشكلة الأزليه...!

[دكتور عادل الليثي]

إضافة لكلام أخي واحد مصري

الحضارة الغربية هي آخر درس في الحضارة الإنسانية

فهم أخذوا آخر شيء أنجزته الشعوب الأخرى وأضافوا عليه

فلم يكن للحضارة الغربية وجود بدون الورق والمطبعة وهذه إنجازات شعوب أخرى

وكذلك بدايات العلوم الطبيعية والاجتماعية ابن الهيثم ابن خلدون الـخ.........................

شروح بن رشد لأفكار أرسطو....إلـخ ....................................................

لقد قرأت كتاب إسمة رحلة إلى مصر

كاتب الكتاب كان أحد أعضاء لجنة مرسلة من ملوك أوروبا لمعرفة والوقوف على خبرات مصر وبلاد العرب

وكانت اللجنة تضم رسام حيث لم يكن التصوير قد اخترع

وقد أدهشهم مفارخ البيض الكبيرة ، وصناعة استخراج الزيوت الـخ........................................

وكان ذلك من حوالي 250 – 300 سنة بس

وعملية التأثر بالمجتمعات الأخرى تتم حسب شروط معينة ،

بمعنى أنه لا يمكن أن نقول يلا نقلد الأوروبيين يقوم يحصل

ولكن لا نقفل الباب ثم بعدين نقعد نعيط

[wahed_masry]

وعملية التأثر بالمجتمعات الأخرى تتم حسب شروط معينة ،  

بمعنى أنه لا يمكن أن نقول يلا نقلد الأوروبيين يقوم يحصل  

ولكن لا نقفل الباب ثم بعدين نقعد نعيط

كلام صح

الكارثة من وجهة نظري هي ايماننا المطلق بأنفسنا

وبأننا تنطبق علينا كل صيغ التفضيل في اللغة مقارنة بالاخرين ومهما شهد واقع الحال بغير ذلك.

أننا نشبه بالضبط موقف الكنيسة من جاليللبو ، فمهما ساق من براهين ساطعة كالشمس ، فهو مخطئ ومهرطق وزنديق

أو نشبه مدرسا للتعليم الأساسي مازال يظن أنه أعلم كثيرا من تلاميذه الذين درس لهم منذ ثلاثين عاما أويزيد ، وقد حصل أكثرهم على درجات  علمية عليا ، ولكن الاستاذ عربي مازال كل يوم يجلس على القهوة ويحكي بأنه لولاه لما أصبح أي منهم شيئا ذا بال

واليوم وقد تقاعد الاستاذ عربي ، وأصبح لا هم له سوى حكايات القهوة ، أما تلاميذه وقد أصبحوا من الاساتذة والوزراء والكبراء ، فمنهم من نساه ومنهم من يلقي عليه التحيه ، بل ومنهم من يدس في يده بضعة أوراق مالية أول كل شهر

ومازال الاستاذ عربي يستقبلهم بخرزانته اللاسعة مهددا ومذكرا اياهم بأيام زمان

شوية تخاريف

يالله

تحياتي

واحد مصري

[بنت شعنونة]

امبارح قابلت واحدا صاحبتي بقالي 10 سنين ما شفتهاش

من ايام ما كنا في السعودية

وقعدنا يجي 3 ساعات نحكي لبعض عملنا ايه في ال 10 سنين

اسمعوا قالتلي ايه

عشان انا ضغطي كان علي

:(

هيا والدتها كانت مسيحية واسلمت لما اتجوزت باباها

المهم باباها اتوفى من سنتين

وبقت تحلم احلام عجيبة وتصحى تلاقي نفسها زرقة زي ما تكون مضروبة راحت لواحد شيخ اسمه "شيخ محمد"

قالها انتي في حد في علتك مسيحي عاملك سحر وقرا عليها وكدا وقالها خليكي مع الصلاة والقران..

ومع الوقت بقت كل مشكله تقولها لشيخ محمد

واعرفت على خطيبة شيخ محمد... وبقوا اصحاب واخوات

وبقت تروح لمسجد بتاعه على طول لحد يوم زفاف الشيخ لقت نفسها بتعيط ومنهارة بدون سبب

وبعد كدا كل ما تشوفوه مع مراته تغاظ وتغير ف عرفت انها بتحبه

المهم كلمة في كلمة

قالها انه معجب بيها بعد 5 شهرو من جوازه ومراته حامل

وعاوز يتجوزها

وراح لأمها قالها انه معاه 10 شبكة و 15 مهر وشقة ايجار ودا كل اللي حيلته

امها رفضته وهددته انها تبلغ عنه امن الدولة

راح "شيخ" محمد بعد عن البنت وبقى يرنلها ع الموبايل

ويكلمها

ويقابلها

عشان يطمن عليها

لآنه مش قادر يبعد عنها

بصراحا

مش عارفا اقول ايه

:twisted: :twisted: :twisted: :twisted:

[Salwa]

حبيبتى شانا.

انتى بتحطى نفسك فى مواقف تزود ضغطك ليه؟

لسه فيه حد بيصدق حكايه،العمل،

تلاقى الرجل عارف طبعا ان والدتها كانت مسيحيه،وراح مؤلف حكايه

واحد عاملك عمل،ودول كلهم نصابين.

والدوى على الودان امر من السحر.

هنا الغجر....سمعتهم معروفه فى السحر....كله تخاريف..ورزق الهبل

على المجانين.

انا سمعت برضه عن بنت واحده ،معرفه،فى مصر.

كل شوية تروح المكتبة تشترى كتب دينية.

والآخر قالولى انها تزوجت صاحب المكتبه.

ولله فى خلقه شئون.

تحياتى.

[بنت شعنونة]

لو كان كلامها صحيح

والعهدة على الراوي

تبقى مصييييييييييييييييبة

اذا كان شـــــيــــــــــــخ وعمل كدا

امال الشباب الضايع يعمل ايه!!!!!!!! :) :D

:? :?

مافيش فايدة :?

[felfel]

لايمكن أن نصرف النظر عن تأثير الثقافة الغربية على مجتمعاتنا فى ظل الأنفتاح لأعلامى والأقمار الصناعية وفى ظل العولمة التى تهدف لتحويل العالم الى قرية صغيرة تتكلم لغة واحدة ( بالتأكيد ليست عربية ) و تقافة واحدة ( لن تكون إسلامية أو حتى عربية )

بالنظر سريعا على مايحدث فى مجتمعاتنا خلال العقود السابقة نجد أن التأثير الغربى يزداد وأن أنفتاح المجتمع يزداد يوما بعد يوم , أنظر الى الفن سينما وأغانى , أنظر الى الموضى واللبس , انظر الى كل مظاهر الحياة اليومية لاشباب الجامعى مثلآ لترى الى أى مدى نحن متأثرون بل ومنساقون للثقافة الغربية

نحن حيارى وممزقين بين مجارة هذا التيار الغربى الجارف وبين الأاتزام وإحياء عاداتنا التى تورثناها على مدى مئات السنين

عودة الى الموضوع زاتة , أرى ان اتجربة الغربية فى العلاقة بين الفتيان والفتيات لها أجابيات وسلبيات معا

من أهم الأجابيات هى أن الجنس ليس هو الدفع الأول وراء الزواج , بمعنى أن الشاب لايفكر بالزواج من فتاة للأستمتاع معها جنسيا ( على الأقل دة موش الدافع الأساسى ) للأنها أصلا لن تعترض على فعل هذا الشىء بدون زواج

يجب أن أذهب الآن .............للحديث بقية

[ragab2]

فعلا

السحر والشعوذة منتشرة

وكلها هلاوس تبع الدكتور أبو حلاوة

لنا

جار أستاذ فى جامعة الأزهر وقالو أنه بيعالج بالقرآن وبيخرج الجان

ومرة سأل عليه أقرباء مصرى مغترب فى الكويت وقالوا أن أخاهم مربوط فى الكويت ولا يستطيع النزول لمصر لأولاده الا بأمر هذا الشيخ حيث كل ما ينوى النزول يجد شيئا يعطله عن السفر فوصفت لهم العنوان وأنا متعجب لهذه التخاريف

وفى مرة فوجئنا بصريخ وصوات امرأة واستلقت فى الحديقة المقابلة لعمارة هذا الشيخ ولما سألنا عن السبب قالوا مسها شيطان وتعالج عند الشيخ وأثناء الجلسة انتابتها الحالة فصرف الإمرأة وأكملت صراخها فى الحديقة المواجهة وبعدها تأذى منه الجيران وأبلغوا الشرطة ضده فأوقف استقبال المرضى

كنت أقابل هذا الشيخ فى بعض الأحيان وكان واثقا من نفسه وخبيرا فى العطارة ومطلعا فى العلاج بالعطارة وأسرارها وعالم فى الدين فى نفس الوقت

وقد توفى هذا الشيخ منذ عامان أثر معاناة مع السرطان لمدة ثلاث أعوام

ولا أدرى الى الآن سر هذا الشيخ

[Faro]

و الله أنا خايف يكون العوازل أو إسرائيل عملت عمل لمصر أو الحكومات المصرية السابقة والحالية ... المشكلة هنا مين حا يفك العمل ده :?: :?: هل فى الإمكان عمل زار وطني على مستوى الجمهورية عشان نخلص من المصيبة إللي إحنا فيها .

[بنت شعنونة]

لسحر "و" لشعوذة!!!!!!!

احنا ليه بنربط الأتنين بواو العطف

مع ان دي حاجا ودي حاجا

السحر مذكور في القران وموجود فعلا

والشعوذة تحايل وكلنا عارفينه..

:?

بس للآسف البنات بقت تلجا للموضوع دا كتفسير لتاخرها في الزواج

او كوسيلة لحل عدم زواجها او عدم خلفتها او او او

ها تجنونا انتوا قريب..... :twisted:

[الطفشان]

امبارح قابلت واحدا صاحبتي بقالي 10 سنين ما شفتهاش

من ايام ما كنا في السعودية

وقعدنا يجي 3 ساعات نحكي لبعض عملنا ايه في ال 10 سنين

اسمعوا قالتلي ايه

عشان انا ضغطي كان علي

:(

هيا والدتها كانت مسيحية واسلمت لما اتجوزت باباها

المهم باباها اتوفى من سنتين

وبقت تحلم احلام عجيبة وتصحى تلاقي نفسها زرقة زي ما تكون مضروبة راحت لواحد شيخ اسمه "شيخ محمد"

قالها انتي في حد في علتك مسيحي عاملك سحر وقرا عليها وكدا وقالها خليكي مع الصلاة والقران..

ومع الوقت بقت كل مشكله تقولها لشيخ محمد

واعرفت على خطيبة شيخ محمد... وبقوا اصحاب واخوات

وبقت تروح لمسجد بتاعه على طول لحد يوم زفاف الشيخ لقت نفسها بتعيط ومنهارة بدون سبب

وبعد كدا كل ما تشوفوه مع مراته تغاظ وتغير ف عرفت انها بتحبه

المهم كلمة في كلمة

قالها انه معجب بيها بعد 5 شهرو من جوازه ومراته حامل

وعاوز يتجوزها

وراح لأمها قالها انه معاه 10 شبكة و 15 مهر وشقة ايجار ودا كل اللي حيلته

امها رفضته وهددته انها تبلغ عنه امن الدولة

راح "شيخ" محمد بعد عن البنت وبقى يرنلها ع الموبايل

ويكلمها

ويقابلها

عشان يطمن عليها

لآنه مش قادر يبعد عنها

الموضوع دة فيه كذا حاجة

اولا: و الدين ليس له علاقة بتفسير الاحلام

تفسير اي حلم هو اجتهاد من الشخص و قد يصيب و قد يخطئ

لا يوجد اي شخص يستطيع ان يدعي ان هناك "علم" لتفسير الاحلام له قواعد محددة و انه يصيب 100%

ثم ان تفسير اي شخص غير ملزم لشخص اخر

ثانيا: لا يوجد شئ في الدين يقول ان "شيخ" يستطيع ان يحكم بثقة 100% ان واحد مسيحي عامل لها عمل

و عليه، فالرجل مشعوذ او نصاب

ثالثا: عيب على الراجل دة انه متزوج حديثا و زوجته حامل و يرتبط عاطفيا باخرى. اقل ما يقال فيه انه خسة او نذالة.

لا استطيع ان احكم هل غرر بها ام لا

قد يكون حمل امرأته عمل جفوة بينه و بينها، فمال للصديقة

و لكن عيب جدا

رابعا: استمرار اللقاء بينه و بينها و هو "شيخ" امر لا يحتاج الى التعليق، لانه شرعا لا يجوز

فهو اما افاق كاذب او استغلالي او كلاهما

خامسا: هي تدفعها عاطفتها للاسف و لا ترى ما هي مقبلة عليه

[ابو يوسف]

اولا: و الدين ليس له علاقة بتفسير الاحلام

تفسير اي حلم هو اجتهاد من الشخص و قد يصيب و قد يخطئ

لا يوجد اي شخص يستطيع ان يدعي ان هناك "علم" لتفسير الاحلام له قواعد محددة و انه يصيب 100%

ثم ان تفسير اي شخص غير ملزم لشخص اخر

اتفق مع اخى الطفشان تماماً

و اعتقد اننا ينبغى لنا ان نطرح سؤالاً مهماً و هو ... لماذا اصبحنا نميل الى تصديق الخرافات و نرى فىها سبباً لمشاكلنا و احياناً حلولاً لها ؟؟؟

و هذا السؤال لا يخرج عن سياق الموضوع الرئيسى .. و لكننا دوما ما نعزو تمسك فتاه بحبيب لا يرضى عنه الاهل الى عمل سفلى ...

و نعزو تاخر سن الزواج الى سحر (عملته ليها جارتها الغيرانة و رمته تحت العتبة !!! )

و نعزو فشل زوج فى معاشرة زوجته الى ربط تم له ؟؟؟؟

حتى لو سلمنا بأن هذه الاشياء الشريرة موجودة .... فالتمادى فى جعلها مسببا لكل مشاكلنا ... يجعلنا نتغاضى عن الاسباب الحقيقية للمشكلة

[se_ Elsyed]

شعنونة كتبت

ها تجنونا انتوا قريب

لو سمحتي يا شونشون شيلي الـ ها اللى فى الأول لأنه حصل بالفعل أنا دماغي سخنت والأبلتين لسع عندي كل ما أمسك خيط للموضوع علشان أكتب رد الأقيكي دخلتي فى موضوع تاني لحد ما الخيوط أتلخبطت ولفت على رقبتي ...

ألحقني يا دكتور أبو حلاوه أكتبلي على أي مهدئ أو حتى جلسات كهربا على السريع كده :roll: :shock: :D :mad:

[mnman]

من غير مالت و أعجن ... انا شايف ان:

المرأة الشرقية مشكلة صنعها الرجل الشرقي....

بس خلاص...

[Cleo]

من غير مالت و أعجن ... انا شايف ان:

المرأة الشرقية مشكلة صنعها الرجل الشرقي....

بس خلاص...

أوجزت فأنجزت يا منمان :D

100%

[crossfield]

من غير مالت و أعجن ... انا شايف ان:

المرأة الشرقية مشكلة صنعها الرجل الشرقي....

بس خلاص...

تضرب و تجرى يا أخ منمن؟ :wink: وضح قصدك اية .

[بنت شعنونة]

سي السيد..

انا اسفففففة والله :oops: :oops: :oops: :oops:

معلش

السمااااح

:roll: :roll: :roll:

شعنونة بقى تعمل ايه. :D

منمان

كلامك صح مية المية

الا واحد المية :roll:

انا في نظري "المتواضع طبعا"

البنت المصرية مشكلة صنعها المـــــجــــتــمع المصري..

ليه بقى

انا بنت وشايفا اكتر منك..

تعالى..

تعالى اقعد مكاني والبس نظارتي وبص..

من واحنا صغيرين.. عيب .. لا ما تعمليش ما تسويش ذاكري عشان تنجحي..

بعد الثانوية.. انتي مضفرة شعرك ليه كدا؟؟ :shock:

انتي كمان عملاه كعكه؟؟ :shock:

انتي اتجنيتي.. فكيه فيكه..

البسي واتشيكي.. اييييييه البنطلونات اللي لابساها دي والجزم الزحافي دي؟؟؟؟؟

اتعدلي كدا عشان تعرفي "تــــجــــيــبــي عريس"...

"انا خارجا مع اصحابي يا ماما" وماله يا حابيبتي المهم تكونوا مجموعة

فلان دا بيكلمك كتير ليييييييه كدا؟؟؟

لو كان في حاجا يا حبيبتي قوليلي.. ولو كدا يجي يتقدم

البنت ما حيلتهاش الا سمعتها؟؟؟ :twisted:

البنت بقى عندها 25 سنة

اوعي تخرجي مع اي حد؟ تخرجي معانا وبس

تعالى نزور فلانة.. عندها ابن اكبر منك. لعل وعسى؟؟ :?

تعالى نروح النادي

تعالى نتمشي في السوق..

وتقول الأم لكللللل جيرانها انها لها بنت عاوزة تجوز..

البنت بقى عندها 27 سنة

كتك خيييييييبة على قعدتك السودا دي

مش كفايا قاعدا في ارابيزي

خد منكم ايييييييه

فلانة اتجوزت وخلفت وانتي قاعدالي...

دا البيت..

شوفوا برا بقى...

وهيا في الثانوي... صاحبتها يقولولها..

دا انا فلان بيحبني وعاوز يتقدملي

انا كلمت فلان امبارح من ورا بابا

في الجامعة..

فلانة وفلان على طووووووول قاعدين مع بعض

فلانة اتخطبت لفلان

عقبالك يا توتة

"شدي حيلك بقى"

"اتجدعني" واتخطبي عشان تحصلينا..

فلانة اتجوزت..

معلش يا حبيبتي كل شيء قسمة ونصيب

"ماتزعليش" نصيبك لسا ماجاش...

"الهي" نفسك في الشغل لحد ما "يجيلك" نصيبك

بقى عندها 28 سنة وصاحبتها خلفوا..

يا حول الله ياربي

هما الصبيان اتعموا؟؟؟؟؟

طب ما فيش حد من قرايبك عاوز "يتجوز"

وغيره وغيره وغيرررررره

دا المجتمع النسائي..

المجتمع الرجالي انيل منه

وها اقولكم بيقولوا ايه.. :twisted: :twisted:

[se_ Elsyed]

أنا هدي لنفسي الحق وأشرح كلام مانمان بصفته موجود معانا فى السعودية وأصبحنا جيران.

فعلاً بيحصل ظلم للمرأة من مجتمع الرجال الذي يعتبر نفسه درجة اولى والستات هما السكوندو فى كل حاجة ، ومنها الحاجات اللذيذة اللى حكت عنها شعنونة ولو اني مابتفقش معاها فى حكاية تدقيق الأهل على ملابس البنت ( فده لازم يحصل والا العملية تبقى سلطه )

وهذا التمييز بين الرجل والمرأة يبدأ منذ ولاده الطفل فنرى تفضيل الولد على البنت فى كل شئ، أو اللى عنده بنات بس تلاقيه شايل طاجن سته مهما كان مثقف ( طبعاً إلا من رحم ربي ) وأرجو ان تقرأوا بريد الجمعة فى العدد قبل الماضي لجريدة الأهرام .... فمع تطور المراحل العمرية لحد البنت ماتروح بيت العدل تلاقي تمييز ، تصبح زوجة تلاقي تمييز أكتر فى نظرة الرجل إليها على انها تابع له وأنه هو الأمر الناهي .

وهذ كله يرجع الى التنشأة الخاطئة وتقوية هذه النزعة من جانب الأهل لدى الاطفال ، حتى بعض الأمهات اللى المفروض انهن أناث بيعملوا كده مع الطفل الولد منذ صغره .

[الطفشان]

و اعتقد اننا ينبغى لنا ان نطرح سؤالاً مهماً و هو ... لماذا اصبحنا نميل الى تصديق الخرافات و نرى فىها سبباً لمشاكلنا و احياناً حلولاً لها ؟؟؟

و هذا السؤال لا يخرج عن سياق الموضوع الرئيسى .. و لكننا دوما ما نعزو تمسك فتاه بحبيب لا يرضى عنه الاهل الى عمل سفلى ...  

و نعزو تاخر سن الزواج الى سحر (عملته ليها جارتها الغيرانة و رمته تحت العتبة !!! )

و نعزو فشل زوج فى معاشرة زوجته الى ربط تم له ؟؟؟؟

حتى لو سلمنا بأن هذه الاشياء الشريرة موجودة ....  فالتمادى فى جعلها مسببا لكل مشاكلنا ... يجعلنا نتغاضى عن الاسباب الحقيقية للمشكلة

اتفق معاك يا ابو يوسف

الاغراق في هذه الامور له اسباب كثيرة

منها ردة فعل ضد المادية

منها الهروب من الواقع

منها رزق الهبل على المجانين

الخ

للاسف انتشرت تاني مؤخرا، بعد ما كانت انحسرت لفترة

[احمد]

نيجي نتكلم عن نقطة الزواج السيار

انا لا احب تعقيد الأمور وتسميتها

باسماء مختلفة

هوا زواج رسمي لكن خفى

وفي احيان كتير بيكون خفي عن الأهل فقط!!

اظن ان إسمه زواج المسيار واعتقد انه زواج علنى الفرق فقط فى انه زواج بلا اى تبعيات معيشية على الطرفين على إفتراض ان للزوجة دخل خاص بها

فى راى ان هذه الإباحة احد التجليات الرائعة للقياس فى الدين الإسلامى بعد ان تم إختزاله فى امور شكلية ابتعدت عن المفهوم الحقيقى للرسالة

[الطفشان]

أي زواج شرعي يجب ان يكون معلن

الماذون مع جعل الزواج في السر حرام