البنت المصرية و المشكلة الأزليه...!

[Faro]

الأخت شعنونة

أنا لست من نوع الأب الذى يطالب بكذا وكذا, لذا لن أعيش ذلك الموقف ... قليل من النصائح غير ذلك لن أمنعها من الزواج من حبيب القلب إذا كان حبا حقيقيا .

[amir]

اذا كنا قد وصلنا الى النقطة التى طرحتها الاخت شعنونة وتأكدنا ان العلاقة بين الشاب و الفتاة تصل فى الكثير من الاحيان الى شبة علاقة زوجية ـ بدون زواج ـ وأن المتضرر الوحيد فى هذة العلاقة هى الفتاة التى لا تستطيع مواجهة المجتمع فى حالة أنهاء ارتباطها بذلك الشاب...فلابد ان نفكر فى الحلول، فمثلا الاخت شعنونة طرحت فكرة أتمام الزواج حتى بدون موافقة الاهل...وأكيد هناك حلول اخرى، المهم أن يتقبلها المجتمع و يطورها لمصلحة الجميع، .... وفكرة الاخت شعنونة قريبة من فكرة زواج المسيار اللى فرضتة الظروف...يعنى جواز كامل بس من منازلهم!! ولكن فية الكثير من الظلم للفتاة لأنها بتنازل فية عن كافة حقوقها من مهر و شبكةو خلافة و لا يبقى لها غير العلاقة الزوجية!! يعنى الراجل داخل بمجهودة بس!!

ياتري فية حد عندة أفكار جديدة غير طبعا غض البصر و التعفف ...عايزين أفكار واقعية و ليست ملائكية .

[freefreer]

لو عرفت ان بنتك متجوزة على سنة الله ورسولة من شخص بتحبه وبيحبها على اعتبار انه ابن ناس وشاريها ولك حاجا كويسة بس المادة هيا اللي معطلاهم

ايه رد فعلك؟؟

وبمنتهى الأمانة؟؟  

أنا معنديش بنات للأسف .. بس الرد فى هذه الحالة .. ( أتشل ) ..  :sneaky2:

[freefreer]

معلش يا شعنونة .. تقمصى دور الأم .. ربيتى بنتك عشرين اة خمسة و عشرين سنه و نسجت لها الأحلام اشكال و الوان .. و بعدين تفاجأى بانها متجوزة من وراكى .. يكون احساسك ايه و رد فعلك؟

[زيزو]

أولاً المشكلة أسبابها واضحة... الشاب عاوز يتجوز والبنت عاوزة تتجوز...

الأهل مش راضيين علشان أسباب مادية...

وفي الآخر: لا البنت إتجوزت ولا الولد... وأهم لقوا العك سهل ومش محتاج غير شقة فاضية لكام ساعة تتقاسمها مجموعة، كل 2 في حجرة يعني....

هل لو الأب تكلم مع إبنته عن مشاعرها وإستطاعت مصارحته بحبها لشاب ما، وهي تعلم أنه سيقف معها وسينصحها وسيكون أول من يساعدها على الزواج ممن تحب... هل وقتها ستفعل ذلك؟

أكيد البنت لن تلجأ للخطأ الا لسبب من إثنين: فقدان الأمل في أن تكون معه بالطريق الصحيح، أي الزواج، أو لتعجل الأمر. أما لو علمت أن أهلها معها لن تخاف من أن يكون كل شئ في النور.

وبعدين مع تأخر سن الزواج أصبح الزواج أشبه بالخيال، الذي قد يطول إنتظاره بدون أمل حقيقي.

لماذا لا يتم تسهيل الزواج؟ في الخارج المصاحبة هذه لا تفرق شيئاُ عن الزواج الإسلامي، الا التسمية. فالإشهار موجود وعلم الولي موجود، وأكيد من السهل إيجاد 2 من الشهود. مشكلة الزواج هناك أن الطلاق صعب ومكلف جداً، ولذلك من الأفضل لهم عدم الزواج.

فهل من الممكن أن يتزوج شاب وقتاة صغار في السن هنا في مصر؟ لما لا؟ أصل عندنا الشباب دول أهلهم بيعتبروهم عيال... بياخدوا المصروف لسه...

لكن في الخارج معظم الشباب يعملون منذ سن صغيرة ولذلك يفتحون بيوت وبيعيشوا مبسوطين!

أما عندنا فليس المطلوب السعادة، لكن المطلوب هو إيقاف المراكب السائرة!!!!

:baaa:

[بنت شعنونة]

اخي فري

للأسف اعترف انه انا متخلفة

انا مش ها اتشل بس دا انا ممكن اقتلها وادفنها في مكانها كمان

:(

تخلف بعيد عنك

لكن ما اعرف اني ساكبح نفسي تماااااما من فعله هو التدخل في حياة ابني او بنتي

انا عارفا انه ها يكون صعب جدااااااااا لكن في نظري دا الحل

اخي زيزو جاب المفيد

ان الأهل دايما فاكرين نفسهم عيال

ومش كدا بس

لا

وكمان عايزين نحميهم من الفشل

الله؟؟؟؟؟

طب ما نسيبهم يجربوا ويفشلوا ويهببوا اللي هما عايزينه

محدش بيتعلم بلاش

عايزا تتجوز

ماشي يا بنتي

ورقة وقلم ونحسب معادلة الزواج دا بشرط انه لو انا كنت مش موافقة تتحمل هيا جميع التبعيات

عارفين لو عملت كدا ايه هايحصل؟؟

هايحصل اللي انا بعمله مع والدي

مع كل فشل ها اجري عليه واحمله مسؤولية عدم نصحي وعدم التدخل بشكل جذري في حياتي :(

وانه مش والدي؟؟ طب يبقى لازم كان يكسر دماغي لو انا صممت على حاجا هوا شايفها غلط!!!!

ولو اتدخل

لييييييييه وليييييييييييه هوا انا عيله؟؟؟؟؟ انا كبيرة واقدر اتحمل نتيجة تصرفاتي

للأسف دا اللي انا بعمله فعلا...وفي كتيييييييير غيري كدا برضه

يعني لا كدا عاجبنا ولا كدا عاجبنا

دي نقطة

نيجي نتكلم عن نقطة الزواج السيار

انا لا احب تعقيد الأمور وتسميتها

باسماء مختلفة

هوا زواج رسمي لكن خفى

وفي احيان كتير بيكون خفي عن الأهل فقط!!

طب هل هما عملوا حاجا غلط!!!!

اتجوزاوا رسمي

ليه نعتبرها فضيحة وكارثا؟؟

ماحدش جاوبني برضه!!

فيماعدى اخي فري اللي قالي انه ها يتشل :D

بعد الشر طبعا

بس صحيح لو دا كان ابنك مش بنتك ها تتشل برضه؟؟ والا ها تطلب منه يطلقها؟؟

نيجي للنقطة اللي بعدها

البنت و الولد عايزين يتجوزوا بس ما بيتجوزوش وعلى راي اخي زيزو العك اسهل

كلمة حكمة فعلا

بس في ناس معندهاش استعداد تعك بمعن العك الرسمي

لكنهم محتاجين دفا بعض زي ما واحدا من البنات قالتلي

انا محتاجا احس بالأمان في حضنه

يعني احتياج عاطفي اكتر منه غريزي

طب اللي زي دول نعملهم ايه؟

نساعدهم

نسيبهم؟

مع اعتبار اسلوب التفكير اللي انا كلمتكم عنه كمثال بيني وبين والدي

اخر حاجا

انتوا عارفين انه الأهل لو عرفوا ان بنتهم غلطت

30% بيتصرفوا تثرفات حمقاء زي الضرب والقتل وغيره

والباقي بيجري ورا الولد بالمشوار عشان يجوزها له

في حين انها لو كانت متجوزة فعلا

تتقلب الدنيا على دماغها؟؟؟؟؟؟؟؟؟

فاهمني؟؟ :notify:  ???

[دكتور عادل الليثي]

الجواز هو قبول وإشهار

ودا اللي بيحصل في الغرب فعلا

أولا يتعرفوا ويتفقوا وبعد رضا الأهل يتم الزواج ، أي تذهب للإقامة عند الولد

ثم بعد ذلك بمدة يتم كتب الكتاب ، وبعد مدة ثانية ربما سنوات يتم الفرح ، الذي ربما يحضره الأولاد

العملية مقلوبة شوية

لكنهم يطبقون الزواج بمعناه الحقيقي الذي هو قبول وإشهار ، وبعدين تيجي الرسميات والشكليات والأفراح

إنما احنا بنحب الشكليات ، أو بنضطر ليها بسبب ضغط الأهل والمجتمع

مرة أحد الآباء وكان مقيم في الكويت ، ترك بنتاه في مصر للتعليم الجامعي

وكن يقمن في عمارة والدهم  في إحدى الشقق

وعندما جاء الوالد لزيارتهن في إحدى المرات ، وجد إحداهن متزوجة من إبن الجيران الغلبان  

فهاج وماج ، وطلقها طبعا منه  ، وباع العمارة

وانتقلوا إلى مكان آخر ، وهناك تعرفوا على شاب طيار ، وعنده سيارة وشقة وباين عليه العز

المهم تزوج الطيار من البنت الأخرى برضا الوالد ومباركته

وبعد فترة اتضح أن الطيار لاغني ولا حاجة وطمعان في فلوس أبوها ، ولما ملقاش فايدة طلقها ، وسرق العفش الغالي جدا ، وسلمها عفشا مكسرا عن طريق البوليس

نسيت أقول أن رضا الأهل مطلوب وضروري ، وهذا يحدث حتى في الغرب

ولازم الحل عن طريق الأهل في كل الحالات

وفي حالة التمادي في العلاقة الجنسية ، لماذا لا يتم تبليغ الأهل ويكون الكتاب بمعرفتهم ؟

[freefreer]

[b:post_uid0]ردود سريعة ..

:D حتشل سواء الذى تزوج من ورائى ابنى او بنتى .. بس الصدمة فى حالى البنت اكبر .. لأسباب مفهومة

الزواج الغربى ليس جيدا ولا مثاليا .. للأسباب التالية ..

اطلاع الأهل يكون من قبيل الأخطار فقط .. فليس لهم القبول او الرفض .. و يأتى دورهم فى الآخر بعد ان يكون الأختيار قد تم فعلا

غالبا .. يكون كل هذا بعد فترة تجربة .. و اختبار التوافق .. و اخيرا يتم الخكم على العلاقة ما اذا كانت طيارى .. ام يقرروا استمرارها

اذا لم يوجد توثيق .. فلا يوجد جدية

الغرب عندهم مشكلة عويصة فى الطلاق الحمد لله ليست عندنا .. موضوع اقتسام الأموال بصرف النظر عن مراكز المتعاقدين وقت التعاقد .. و لذا يتحاشون التوثيق

نتيجة كل هذا .. طلاق و انفصال سهل و سريع .. و الكل مطلق .. و الكل مشرد و الكل وحيد .. يعيش مع قطة او كلب تؤنس وحدته .. و ينتهى الى دار المسنين .. يالها من حياة كئيبة

انا من انصار تسهيل الزواج .. مع الشخص الجيد .. و الأسرة الجيدة

الزواج .. ارتباط اسرتين لا شخصين .. فانت فى الحقيقة تتزوج اسرتها كاملة .. و هى تتزوج اسرتك كاملة .. و لذا يستحسن حسن الأختيار

الجمال يزول و يمرض و يذوى .. و تبقى الأخلاق ..

زواجنا بالطريقة القديمة .. اجمل زواج فى نظرى ..

لا يوجد تجارب فى الزواج[/b:post_uid0]

[بنت شعنونة]

يا سللالالالالالالام يا فري

انت قلت كلمة وزنها دهههههههب

قلت الزواج زواج بين اسرتين ومش فردين بس

ودي هنا في مصر والمجتمعات العربية

مصييييييييييبة سووووووداااا

:devil:

لأنه للأسف الموضوع مش بيبقى صفقة تجاريا

ابدا

دا الموضوع دا في الأول بس

انما بعد كدا بيتحول لحرب باردة واحيانا مولعه

ما بين الاسرتين

كل واحد عايز يركب على التاني ويدلدل رجليه

او بمعنى اخر

نتغدى بيهم قبل ما يتعشوا بينا!!!!!!!

ها اموووووووووت وافهم لييييييييه

وغالبا من يبتدي هذه الحرب بيكون ام البنت و الولد

وطبعا الاباء تحت امر الزوجات

لاحول لهم ولاقوة

:(

مش عارفا

انا جالي اكتئاب فجاة وانا بكتب دلوقتي وحسيت اني اتخنقت :(

حاسا انه  الموضوع اصعب من انه يتحل

:(

[freefreer]

يا شعنونة فيه ملايين الزيجات الناجحة ..

موضوع الحرب و الصراع .. شيئ منطقى و عادى .. فيه ايه فى الدنيا بدون حرب و صراع

العاقلين بيلاقوا نقط التقاء

[دكتور عادل الليثي]

كل مجتمع وله نظامه المتوافق مع بقية مكوناته

ورأي واحد ، عبارة عن قطرة في محيط ، لا تخلق نظاما أو تعيد آخر للوجود

ولكن الدنيا بتتغير ، وبسرعة  

يعني لو أحضرنا واحد عاش من ميت سنة ، وأطلعناه على ما يحدث الآن في عالم البنات والأولاد ، هيطب ساكت

نفهم من كده ، أن المستقبل يحمل أشياء كتير

ويمكن النظام الأوروبي نجده بعد 30 سنة مثلا في مصر

لأن أوروبا نفسها مكنتش كده زمان

وبناء عليه سؤال شعنونة ، كان ممكن تطير فيه رآبي من 50 سنة بس

وربما بعد 30 سنة لا يصبح سؤال أصلا

[Faro]

عن جريدة الوفد

تجـــــــــــــــــــــار الزواج

في الوقت الذي أعلن فيه رئيس الجهاز المركزي للتعبئة والإحصاء عن أن هناك 8 ملايين و962 ألفا و213 فتاة وشاباً في مصر لم يتزوجوا وقد وصل سنهم إلي 35 سنة

[بنت شعنونة]

:(

انا جالي احباط.......:(

وعاوزا اعيط :(

[freefreer]

يعنى كان لازم يا فارو .. ..

[دكتور عادل الليثي]

عن جريدة الوفد اليوم

خلعت ملابسها في الشارع بحثا عن عريس.. فقتلها شقيقها

أسيوط ـ أحمد أبوحشيش

شهدت مدينة أسيوط مأساة دامية. قتل شاب شقيقته في الشارع عندما خلعت ملابسها تماما بحثا عن عريس!!. ضرب الشاب اخته بقطعة خشب علي رأسها حتي فارقت الحياة.

تلقي اللواء سامح أبوالليل مساعد وزير الداخلية مدير امن اسيوط بلاغا بمقتل احلام محمود محمد عبدالرحيم 22 عاما حاصلة علي دبلوم تجارة. وتبين من مناظرة الجثة انها في حالة تورم شديدة وعارية تماما. تم تشكيل فريق بحث تحت اشراف اللواء ممدوح مقلد مدير ادارة البحث الجنائي.

وتبين ان الفتاة اصيبت بلوثة عقلية بسبب فشلها في العثور علي عريس، وتم ايداعها بمستشفي الامراض النفسية والعصبية باسيوط إلا انها عاودت خلع ملابسها والخروج إلي الشارع بحثا عن عريس.

ودلت التحريات ان شقيقها عبدالرحيم حاول منعها من الوقوف عارية في الشارع فلم يستطع الامر الذي دفعه لضربها بقطعة خشب كبيرة حتي فارقت الحياة. وتبين ان افراد اسرتها فشلوا في دفنها لعدم وجود تصريح بالدفن.

تم القبض علي المتهم وإحالته إلي النيابة التي امرت بحبسه 4 أيام علي ذمة التحقيق.

[بنت شعنونة]

بــــــــــــــــــــــــــس

انا مش احبطت بسسسسسس

انا جالي اكتئاب مزززززززمن

:devil:  :D  :nervous:

حسبي الله ونعم الوكييييييييييييييللل

عقدتووووووووووووننننننييييي

مش متجووووووووزة

هيه

كاتها نيلة اللي عايزا خللللللللف اصلا

:( :D  :devil:

[متسائل]

أحسن..

خليكوا كده رافضين تعدد الزوجات و معقدين الزواج لحد ما تخللوا

أحـــســـن  :D

[بنت شعنونة]

:devil:

انا مش ها اخللللللل

العرسان على قـــــــــــفــــــــــــــا مين يشـــــــــيـــــــل

بس النــــــــــــفـــــــــــس

اكتر من الهم على القلب صحححييييييييييح

:sneaky2:

[disappointed]

شوفوا بقى

من الآخر

أنا مش فاهم الناس متصربعه على الجواز ليه؟؟؟

الزواج تهذيب واصلاح

المشكله بالنسبه للرجل فى الزواج كهيكل ونمط حياه...فالرجل يفقد حرّيته بالكامل بعد الزواج

مثلا

أنا متجوّز واحده بأحبّها وبتحبّنى(تزوّجنا عن حب) ومناسبه لى من جميع النواحى ومن  عائله كبيره جدا ومتديّنه وخلوقه ودمّها خفيف وحنيّنه وأم مثاليّه وربّة منزل عشره على عشره وسيّده مجتمع مافيش بعد كده وبها جميع المواصفات والمزايا والطباع الشكليّه والروحيّه والنفسيّه والثقافيّه التى كنت احلم بها طول عمرى....بيرفيكت يعنى...ومع ذلك أشعر بسعاده غريبه وانطلاق جامح عندما تذهب لقضاء يوم كامل مع بنتى عند أهلها...فأشعر أنا بأنى رجعت خمستاشر سنه لورا وبطاقة نشاط وانطلاق وحرّيه رهيبه رغم ان كل اللى بأعمله ساعتها انّى أقعد فى البيت أشرب عصير واتفرّج على قناة الجزيره أو السى ان ان أو على ماتش كوره أو أقعد أكتب مقاله جديده على الكمبيوتر أو أخلّص شغل بمزاج...ومع ذلك أشعر بسعاده وبنوع من الاحساس المشابه للعسكرى الذى حصل على تصريح بأجازه 24 ساعه من المعسكر بتاع تجنيده

:D

أنا مكسوف أقول الكلام ده....بس ده الواقع

:D

كل ده مع معطيات السعاده الزوجيّه اللى أشرت اليها فى البدايه ورغم انّى بقالى 3 سنين بس متجوّز

فمابالكم بقى بالزوج اللى مش متوافق مع زوجته أو فيه خلاف أو تفاوت وانعدام عاطفه بينهم...أو بقاله فى جوازته عشر سنين...أو تأبيده؟؟؟

مشكلة الرجل الزوجيّه هى احساسه الدائم بتكبيل حرّيته....وهذه مشكله كبيره للعلم....وشائعة ان لم تكن دائمة الحدوث

:0

Edited By disappointed on Aug. 24 2002 10:27am

[بنت شعنونة]

محبط!!؟ :0

حتى انت يا محبط.....!! :0  :bored:

احــــــبــــــــــطـــــــــتـــــــــنـــــــي

???  :notify:  :nervous: