اذهب إلى المحتوى
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

التوك توك الفضائي


 مشاركة

Recommended Posts

أنا كنت قاعد على قهوة توفيق الدرمللي اللي في وسط الحارة

قرب مني الأستاذ شفيق مدرس الجغرافيا اللي على المعاش وحياني وشد كرسي ونادى على الواد مسعد,, طاولة يا بني

رصصنا القواشيط وقبل ما يرمي الزهر ونبدأ في الدور

سألني الأستاذ شفيق عن سبب اختفائي كتير الأيام دي.. حكيته الحكاية

رد الأستاذ شفيق عليا وقالي مش معقول اللي بتحكيه ده يا أمين افندي ده كلام ما يدخلش العقل

قلتله يمين بالله ده اللي حصل يا أستاذ شفيق

قالي يا راجل قول كلام غير ده توك توك ايه اللي بيطلع الفضا ده بكتيره يوصل الخرابة اللي في آخر الحارة

قولتله ما هو أنا زيك كده ما كنتش مصدق لغاية ما شوفت بعيني

أصل الحكاية بدأت لما جالنا الخبير الروسي في المركز بتاع البحث العلمي اللي أنا باشتغل فيه ده

وميل عليا وقالي إنه عايز يبص على الأبحاث اللي متستفه في الادراج

قمت قولتله وماله يا خواجه ماهي متخزنة من سنين زي قلتها

الخبير زي ما يكون لقى كنز

يدخل يقرا بالساعات وما يزهقش وأنا ازبطله القهوة

وبعد شهر من القراية قالي تعرف يا أمين افندي لو حد من بلدكم بص في الورق ده ونفذ ربع اللي فيه كان زمانكم بلد تاني خالص

قلتله أمال يا خواجة دا احنا امخاخ ولاد بلدنا توزن بلد

الخواجة شكرني وحلف ليرد لي الخدمة الكبيرة اللي عملتهاله

قلتله احنا ولاد بلد جدعان يا خواجة

قالي انه ها يجي معايا الحارة ويشوف بنفسه اللي ممكن يعملهولي

ولما أكل الممبار والكوارع من ايدين ام سعيد مراتي راسه سخنت وقالي أنا ها اعملك حاجة ما تحلمش بيها

نزلت ووصلته بالتوك توك اللي باشتغل عليه بعد ما بخلص شغل الحكومة

ما أنت عارف يا أستاذ شفيق العيشة عاملة ازاي لازم الواحد يجري على أكل عيشه

ولما سألني الأستاذ شفيق عن اسم الخواجة قلتله اسمه فشخاروف حاجة زي كده مش مهم الاسم يا أستاذ

أنت باين عليك لسه مش مصدقني

المهم الخواجة بعد ما وصلته لسكنه قالي سيبلي التوك توك ده لمدة أسبوع وأنا ها ارجعهولك حاجة تانية

أنا بصراحة يا أستاذ شفيق كنت مقلق دا أكل عيشي وأسبوع ده كتير والخواجة معرفوش كويس

بس قلت لنفسي ياض ياأمين ما تجرب يمكن تطلع حاجة حلوة

ما احنا حياتنا زي ما هيا اللي نصحي عليه نبات فيه

الأستاذ شفيق نسى دور الطاولة وطلب من مسعد حلبة حصى

وقالي وبعدين يا أمين افندي

وإلى الحلقة القادمة

رابط هذا التعليق
شارك

عيشتني معاك جو قهوة توفيق الدرملي اللي في وسط الحارة و شربت معاكم حلبة حصا و لعبت المحبوسة واتمسكت خشب :D

أما حكاية التوك توك الفضائي دي اثارتني جدا وعاوزة اعرف بسرعة الموضوع دا اوله من آخره

في انتظار الحلقة التانية

تحياتي يا أستاذ فلان ابن اسامة انور عكاشة

رابط هذا التعليق
شارك

عيشتني معاك جو قهوة توفيق الدرملي اللي في وسط الحارة و شربت معاكم حلبة حصا و لعبت المحبوسة واتمسكت خشب :D

أما حكاية التوك توك الفضائي دي اثارتني جدا وعاوزة اعرف بسرعة الموضوع دا اوله من آخره

في انتظار الحلقة التانية

تحياتي يا أستاذ فلان ابن اسامة انور عكاشة

مشرفانا يا فندم

كلام جامد يارب أكون على قد القول

متشكر لحضرتك

رابط هذا التعليق
شارك

الأستاذ شفيق بص لي باهتمام مستني يعرف الخواجة عمل ايه في التوك توك

لما رحت بعد أسبوع للخواجة رحب بيا وقالي أنت عمرك ما هاتنساني عشان أنت حياتك ها تتغير بعد اللي عملتهولك في التوك توك

قلتله خير يا خواجة إن شاء الله ربنا ها يكرمني عشان أنا راجل طيب وباعمل خير

تعرف يا خواجة الشباب اللي بيعملوا الأبحاث عندنا معظمهم ناس على باب الله غلابة لابسين بدل مقيحة ويصعبوا على الكافر

وباطنش حسابهم على القهوة والشاي لله

بصيت على التك توك لقيته زراير وشاشات من جوة

قولتله ايه التلفزيونات دي يا خواجة كويس أهه الواحد يتسلى و يشوف فيهم المسلسلات العربي والتركي

الخواجة زغرلي وقالي مسلسلات ايه يا حبيبي

التوك توك بتاعك بقى بيشتغل بطاقة نووي ذاتية

الأستاذ شفيق كان ها يقع من طوله لما اتزحلقت ايده من على الترابيزة وكان راكن بكل تقله والحلبة ادلدقت

و لحق نفسه واتعدل وقالي وهو وشه مخطوف ... نووي...أنت بتقول نووي يا عم أمين

وقبل الأستاذ شفيق ما يفوق من الصدمة الأولى قولتله على التانية وممكن يطير في الفضاء بين الكواكب

الأستاذ شفيق هز راسه وقالي الموضوع وسع أوي يا عم أمين لولا إني أعرفك كويس كنت قلت عليك إنك شارب حاجة

فجأة سمعنا صوت الست شلبية من البلكونة بتقول بصوت عالي يا خرابي هو أنا كل يوم أركب حبال غسيل جديدة وتتقطع تاني

قطعت ايدين اللي بيقطعها.. ناس مفيش وراهم إلا الأذية لخلق الله.. ربنا ينتقم منه

بصيت في الأرض وقلت ربنا يسامحني والله ما كان قصدي يا أستاذ شفيق

أصل كل ما التوك توك يجي يطير للكواكب يقطع غسيل الست شلبية

الأستاذ شفيق ما أقدرش يستحمل الكلام ولف الكرسي واداني ضهره

ونادى على مسعد .. قهوة سادة يا مسعد أعدل دماغي اللي لفت

رابط هذا التعليق
شارك

الأستاذ شفيق صعب عليا وحسيت إني كترت عليه وده برضه راجل صحته على قده


قلتله يا أستاذ شفيق روق كده وما تبقاش حمقي هو أنا لسه حكيتلك حاجه دا أنا لسه باسمي


اتعدل ناحيتي وشرب شفطتين من القهوة وقالي هو لسه فيه كمان


قلتله أمال بس خلينا لبكره لأكون يعني كترت عليك


طبعا أنا كنت شايف في عنيه الشوق كله عشان يعرف الحكاية للآخر بس بيداري


قلت أتقل عليه وأستأذن أأقوم أروح البيت أصل أم سعيد بعد حكاية طلوع الفضا دي حسه إن فيه حاجة مش مظبوطة


قالي أقعد بس يا أمين أفندي الليل لسه طويل


قلتله ماأنا شايفك تعبان وبعافيه شوية قوم روح ارتاح ومدد على السرير


هو في راحة الأيام دي خليك يا راجل مونسني ... ألا هو التوك توك ده بيطلع للكواكب ازاي


فردت رجليه ورفعت راسي لفوق وقلت أصلك مش ها تصدقني


بس قول ..احكي احكي مش مهم أصدق ولا ما أصدقش


الخواجة علمني ازاي أطلع بالتوك توك وازاي أرجع كله بالزراير يا أستاذ


بس ازاي مفيش حد بيشوفك طاير بيه


الخواجة قالي دوس على الزرار الأخضر في الأول يقوم التوك توك يتخفى عن عنين الناس مش بس كده والردار ما يشفوش


أيوة ..أيوة ..قلتلي


وكنت حاسس بإيه يا عم أمين وأنت في الفضا بين الكواكب


في الأول كنت حاسس إن روحي بتتسحب والدنيا طابقة على نفسي وعنية مزغللة وبعدين التوك توك هدي لغاية ما وقف على حتة عالية زي الجبل وفجأة لقيت نفسي في وسط عالم غريبة ولقيت نفسي عامل زي مرزوق بتاع السلطانية والعالم دول بيقولولي ايه اللي جابك هنا


الأستاذ حط ايده على راسه وقال وأظن قالولك برضه عدو ولا حبيب


قلتله لا يا أستاذ الكدب خيبة


كان فيه واحد طويل لابس دهب من رقبته لرجليه وماسكة ايده واحدة زي فلقة القمر.قلت لنفسي ده الكبير بتاعهم لما ألاغيه وأخلص من الورطة دي قلت أنا جاي أطلب ايد القمر اللي في ايدك دي وأناسبكم


الأستاذ قطب جبينه وقالي أهه ده آخرة الأفلام الأمريكاني


ما أنا قلتلك بلاش النهارده يا أستاذ


كمل يا سيدي.. وما تعرفش المكان ده كان اسمه ايه


ما هما قالولي بعدين بيقولوا عليه اسمه ...عطارد


غمضت عنيا عشان ما أشوفش وشه لما يسمع الكلمة دي وسمعته بينادي....


عناب ياض يا مسعد


رابط هذا التعليق
شارك

خليهم بقى اتنين عناب علشان الحكاية وسعت أوي ووصلت لعطارد

بس انا خايفة ان أمين أفندي يكون بيحلم بعد كل السسبنس دا et:( bv:-

يا فندم الحكاية بتوسع حسب نظرية التمدد

لكن أمين افندي زعلان إن الناس بتصدق جاليفر وآليس ومش مصدقاه

عقدة الخواجة بقه..وماله التوك توك

:recklessdrive:

رابط هذا التعليق
شارك

انت ايه حكايتك النهارده يا أستاذ انت ها تخلص مشاريب القهوة


المعلم توفيق رفع حاجبه الشمال وشاور بصابعه لمسعد


مسعد .. فووررريرة ..حط العناب ..أوامرك يا أستاذ..القهوة كلها تحت أمرك


الست شلبية ..وجوزها عم سلامة الكمسري بيركبوا حبال غسيل جديدة


ما تشد يا ياراجل الحبل كويس..أنت صحتك خسعت


يا وليه اتلمي واستحي


الواد سعيد ابني ...هيص ..جووون جوووووون


صبحي ابن عم سلامة ...انت غشاش الكرة خبطت في الحيط قبل ما تدخل


ياعم دا ولا جون من أجوان رونالدو


رونالدو اييه ...دا مسي برقبته


الولاد مسكوا في بعض


الست شلبية نادت ابنها ...اطلع يا موكوس كمل الواجب


الأستاذ شفيق ..الكورة لحست دماغ العيال..قال ايه رونالد وميسي


قلتله رونالدو وميسي ايه يا أستاذ ..أمال لوشفت ماتش كورة في كاس الكواكب في الفضا


هما بيلعبوا كورة كمان...


دا في يوم من الأيام طلبوني حكمت ماتش نبتون وبلوتو في قبل النهائي


هو أنت خلصت من حكاية عطارد والتوريطة مع الكبير


هما ما صدقوا طلبت ايد بنته ورفعوني لفوق على أكتافهم ولفوا بيا عطارد كلها وتشجيع وهتاف


دا أنت بقيت راجل مشهور هناك


مش في عطارد بس وحياتك..طب دا أنا كنت أهدي التوك توك واطلع من الفتحة اللي فوق واشاور لأهل المشتري


وتسمع التحية اللي بحق


الأستاذ شفيق وقف فجأة وقالي ما تاخدني معاك مرة لفة كده في التوك توك للفضا


قلتله والله يا أشتاذ شفيق ما كانش يتعز عليك


بس التوك توك اتصادر امبارح في كمين المرور



تمت بحمد الله

تم تعديل بواسطة فولان بن علان
رابط هذا التعليق
شارك

:haah:

خلاويص ؟!!!

ايه النهاية المفاجأة دي ؟!!

انا لسه ما ركبتش التوكتوك ....

كان نفسي آخد لفة خارج درب التبانة ... هي الكماين دي مستقصدانا ولا ايه ؟!!!

أمين أفتدي باين عليه أبو لمعة :ranting:

قال كمين قال :sailor:

المرة الجاية بقى يا استاذ فلان اعمل حسابنا في مسلسل تركي ... ما تكلفتناش كدا

تسلم الاقلام :Thumbsup:

رابط هذا التعليق
شارك

:haah:

خلاويص ؟!!!

ايه النهاية المفاجأة دي ؟!!

انا لسه ما ركبتش التوكتوك ....

كان نفسي آخد لفة خارج درب التبانة ... هي الكماين دي مستقصدانا ولا ايه ؟!!!

أمين أفتدي باين عليه أبو لمعة :ranting:

قال كمين قال :sailor:

المرة الجاية بقى يا استاذ فلان اعمل حسابنا في مسلسل تركي ... ما تكلفتناش كدا

تسلم الاقلام :Thumbsup:

أنا متشكر لحضرتك جدا يا فندم على المتابعة والتشجيع

أرجو مستقبلا أن أتحلى بنفس أطول وإحاطة أوسع

والأمر يحتاج إلى وقت وصفا ربما لا يكونا متاحين دائما

ومن يدرى لعل هناك جزء تاني

تشكراتي

رابط هذا التعليق
شارك

أنا متشكر لحضرتك جدا يا فندم على المتابعة والتشجيع

أرجو مستقبلا أن أتحلى بنفس أطول وإحاطة أوسع

والأمر يحتاج إلى وقت وصفا ربما لا يكونا متاحين دائما

ومن يدرى لعل هناك جزء تاني

تشكراتي

إنت تروح تدفع الغرامة اللي على التوكتوك و تاخده وتطلع بيه طوالي على المريخ

وهناك هتلاقي الامريكان منتظرينك... وانت بقى و شطارتك شوف ممكن تعمل كام حلقة على المريخ

بس أما تتباع الحلاقات انا هاخد نسبة من الأرباح ... ايوه ، الافكار مش ببلاش :)

رابط هذا التعليق
شارك

إنت تروح تدفع الغرامة اللي على التوكتوك و تاخده وتطلع بيه طوالي على المريخ

وهناك هتلاقي الامريكان منتظرينك... وانت بقى و شطارتك شوف ممكن تعمل كام حلقة على المريخ

بس أما تتباع الحلاقات انا هاخد نسبة من الأرباح ... ايوه ، الافكار مش ببلاش :)

المشكلة يا فندم إن التو توك من غير نمر

الكتابة الأيام دي محتاجة مذاكرة

يعني لو ها نكتب عن المريخ محتاجين مذاكرة المسافة والتربة والتضاريس وإمكانية الحياة وتجارب السابقين الخ الخ

مثلا الأستاذ بهاء طاهر الحاصل على جائزة الرواية العربية في روايته واحة الغروب كتب فهرس للمراجع لستة كبيرة من الكتب قرأها ليكتب الرواية

الكتابة الرصينة محتاجة مجهود وتفرغ أحيانا وليس مجرد فكرة طايرة كما أفعل

المهم حضرتك كنت هنا زمان؟؟؟ أنا شاكك في حضرتك

تعرفي يا فندم أسلوب حضرتك من روح سيدات المحاورات القدامى

كليو

بنت شعنونة شانا

وصفاء تويتي

والهام برنيطة

وتيتة شهد

فلانة

تم تعديل بواسطة فولان بن علان
رابط هذا التعليق
شارك

المشكلة يا فندم إن التو توك من غير نمر

الكتابة الأيام دي محتاجة مذاكرة

يعني لو ها نكتب عن المريخ محتاجين مذاكرة المسافة والتربة والتضاريس وإمكانية الحياة وتجارب السابقين الخ الخ

مثلا الأستاذ بهاء طاهر الحاصل على جائزة الرواية العربية في روايته واحة الغروب كتب فهرس للمراجع لستة كبيرة من الكتب قرأها ليكتب الرواية

الكتابة الرصينة محتاجة مجهود وتفرغ أحيانا وليس مجرد فكرة طايرة كما أفعل

المهم حضرتك كنت هنا زمان؟؟؟ أنا شاكك في حضرتك

تعرفي يا فندم أسلوب حضرتك من روح سيدات المحاورات القدامى

كليو

بنت شعنونة شانا

وصفاء تويتي

والهام برنيطة

وتيتة شهد

فلانة

القلم فعلا مسئولية كبيرة و قبل ما يخط الكاتب حرف لازم يكون متأكد من معلوماته

و هيكون كاتب متميز لو أضاف معلومات جديدة للقارىء حتى ولو من خلال سيناريو كوميدي

بأحييك على تفهمك لخطورة الكلمة

للأسف و الله انا مش من سيدات المحاورات القدامي ... انا جديدة نوفي

حضرتك أكيد بتتشبه على الخط art:)

رابط هذا التعليق
شارك

  • 1 month later...
  • 9 months later...

هكذا الاحلام

تحملنا لفضاءات اخري

حيث لا قيود ولا مصادرات

صديق الكلمات

دامت لنا ابداعاتك

الراقية

اشكرك كما يليق بك

 عظيم امتناني لحضورك العطر ومهما امتد الزمن يبقى عبقه

دمت طيبا أينما كنت

رابط هذا التعليق
شارك

فجأة سمعنا صوت الست شلبية من البلكونة بتقول بصوت عالي يا خرابي هو أنا كل يوم أركب حبال غسيل جديدة وتتقطع تاني

قطعت ايدين اللي بيقطعها.. ناس مفيش وراهم إلا الأذية لخلق الله.. ربنا ينتقم منه

بصيت في الأرض وقلت ربنا يسامحني والله ما كان قصدي يا أستاذ شفيق

أصل كل ما التوك توك يجي يطير للكواكب يقطع غسيل الست شلبية

 

كده كده

i*:

والله انا شاكك انك بتسرح بينا فى الحدوتة دى

أصل مش معقول التوك توك يخبط فى حبال الغسيل

والدركسيون ما يختلش فى إيدك

رابط هذا التعليق
شارك

 

كده كده

i*:

والله انا شاكك انك بتسرح بينا فى الحدوتة دى

أصل مش معقول التوك توك يخبط فى حبال الغسيل

والدركسيون ما يختلش فى إيدك

 

أبدا يا فندم ولا سرحان ولا حاجة

أصله نووي...نووووييييييييييييييي يقطع حبال الغسيل وسلوك الكهربا ووصلة الدش والنت ولا يتهزش

 

أشكر مرورك الكريم

رابط هذا التعليق
شارك

أيوه صحيح فاتتنى حكاية مووى دى .. مع انها فى العنوان


طيب بص بقى .. أنا جايبلك الفيديو ده .. يمكن الإلهام ينزل عليك


وتجرب تنتقل من كتابة القصص القصيرة إلى الروايات


ويمكن المسرحيات الأربع فصول .. بعدد فصول السنة


ممكن تتكلم عن الوقفات الاحتجاجية - ويمكن الثورة - اللى هيعملها التيران والحمير


وكمان عندك الكماين اللى هيعملوها أسوة ببتوع التاكسى الابيض لسواقين الأوبر


احتجاجا على التكاتك اللى هتقطع عيشهم


بس ابقى افتكرنا فى حفلة التوقيع


https://www.youtube.com/watch?v=8b7IU84koyk


رابط هذا التعليق
شارك

أبدا يا فندم ولا سرحان ولا حاجة

أصله نووي...نووووييييييييييييييي يقطع حبال الغسيل وسلوك الكهربا ووصلة الدش والنت ولا يتهزش

 

أشكر مرورك الكريم

 

ده ليه علاقة بالبلح ؟

رابط هذا التعليق
شارك

انشئ حساب جديد او قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة

  • المتواجدون الآن   0 أعضاء متواجدين الان

    • لايوجد أعضاء مسجلون يتصفحون هذه الصفحة
  • محاورات مشابهه

    • [مجلة صباح الخير]التوك شو.. الأمل فى ماسبيرو .. والبرلمان!

      كيف ستكون حالة الإعلام المصرى عام 2016 وإلى أى مدى يمكن أن تختلف تلك الصورة عما تابعه الجمهورعرض الصفحة

      في مختارات من الصحف

    • منع سير التوك توك في شوارع القاهرة بشكل نهائي

      قرار خاطيء مليون المية وكلام سمعناه مليون مرة في عصر الظلام الماضي ولم تستطع الدولة بهيلمانها وعدتها وعتادها أن تمنع التوك توك أو الميكروباص من السير في شوارع القاهرة التوك توك ظاهرة غير حضارية بالمرة .. وظاهرة خطرة جداً جداً لأن سائقيها معظمهم من الأطفال أو من البطجية ومدمني المخدرات لكن عندما نتحدث الحق فلابد ان نعرف ان مثل تلك الوسائل قد حلت مشكلة كبيرة جداً في منظومة النقل المتهالكة في مصر .. لانها تصل إلى مناطق ليست موجودة على الخريطة بالنسبة للدولة بالاضافة إلى تعريفة ركوبها البسيط

      في سياسة داخلية

    • التوك توك مش عيب

      التوك توك كلمة من كثر ما اتكلمنا فيها وعليها ومن كتر الإنطباعات السلبية التي نستشعرها عند سماع تلك الكلمة أو ترديدها .. ساعات بنحس انها كلمة أبيحة .. ولكن الحقيقة هي عكس ذلك .. ولكن النظام البائد .. استخدم وسيلة المواصلات تلك (التوك توك) بشكل فوضوي غريب وعجيب وليس له أي تفسير فالتوك توك كان وأصبح وسيلة انتقال ناجحة جداً .. حلت مشكلات كثيرة للمواطنين .. ولكن .. ولغرض في نفس شياطين الحكم .. لم يجعلوا له أية تراخيص .. ولم يسمحوا به .. ولم يمنعوه .. وأصبح يمثل حالة غريبة جداً من الفوضى الغير

      في مسائل إقتصادية - economic issues

    • اجمل صور للكون .. التقطها - هابل - المسبار الفضائي

      المسبار الفضائي هابل اطلقته وكالة الفضاء الامريكية ناسا منذ زمن وارسل لنا صور لا تصدقها عيون انسان عن هذا الكون الذي نعيش فيه !! سبحان الله الخالق الباريء المصور

      في معرض الصور

    • التوك توك......كرامتي......وأنتمائي

      خرجت اليوم لقضاء بعض المصالح الهامة أخذت تاكسي كعادتي فأنا أؤمن بالمثل القائل هين قرشك ولا تهين نفسك طلبت من السائق أن يتوقف حين وصلت حيث اريد نزلت من التاكسي لأصعد الرصيف حيث سأضع خطة كالمعتاد لعبور الشارع وفجأة ظهر من تحت الارض الكارثة اللي بيقولولها توك توك وأقسم بالله أن عمر السائق لا يتجاوز الثالثة عشر إن لم يكن أقل ويجلس بجواره طفل أخر في حوالي الثانية عشرة والأثنين يتبادلان اللعب والقفز فوق المقود اللي المفروض انه دريكسيون تماما كما يمرح اطفالنا في الملاهي بلعبة العربات الطائشة ولول

      في موضوعات جادة

×
×
  • أضف...