ايهاب سالم بتاريخ: 17 يونيو 2006 تقديم بلاغ مشاركة بتاريخ: 17 يونيو 2006 (معدل) ماشي يا عم هادي انت مش ساكن في مسيساجا برضه .. متهيألي مره قلت كده أنا كنت نازل هناك الأسبوع بتاع اللاندينج و أدي شوية صور من حواري مسيساجا اللي ساكن فيها أخونا هادي ده بيخزي العين يا شباب :blink: و يا عم حلاوه .. حتى الأحلام عايز ترشدها .. مش كفايه العيشه :wub: مسيساجا - تورونتو (بجوار منزل أخونا هادي) تم تعديل 17 يونيو 2006 بواسطة ايهاب سالم رابط هذا التعليق شارك المزيد من خيارات المشاركة
الرافعي بتاريخ: 17 يونيو 2006 تقديم بلاغ مشاركة بتاريخ: 17 يونيو 2006 (معدل) ماشي يا عم هادي انت مش ساكن في مسيساجا برضه .. متهيألي مره قلت كده أنا كنت نازل هناك الأسبوع بتاع اللاندينج و أدي شوية صور من حواري مسيساجا اللي ساكن فيها أخونا هادي ده بيخزي العين يا شباب :blink: و يا عم حلاوه .. حتى الأحلام عايز ترشدها .. مش كفايه العيشه :wub: مسيساجا - تورونتو (بجوار منزل أخونا هادي) أيوه يا إيهاب ... ما أنا عارفك أرستقراطي درجوازي ... وبعدين إنت عرفت منين إنه ساكن هناك ؟؟ يا شقي ;) عجبني أوي بيت "بلوتو" فاكرينه صاحب ميكي اللي في الصورة دي ... وبعدين إسمي الجديد مش نازل لك من زور .. ولا هادي ولا زهيري ولا النسر .... وانت وهم غاليين عليا جداً بافكر في "عوف الأصيل" إيه رأيك ... والسعد ليك يا عوف فاكرين أوبريتات زمان بتاعة الإذاعة ؟؟؟ صباح الفل تم تعديل 17 يونيو 2006 بواسطة الرافعي قال رسول الله صلى الله عليه وسلم : ( ما كان الرفق في شيء إلا زانه ، ولا نزع من شيء إلا شانه) ( صحيح الجامع 5654). رابط هذا التعليق شارك المزيد من خيارات المشاركة
ايهاب سالم بتاريخ: 17 يونيو 2006 تقديم بلاغ مشاركة بتاريخ: 17 يونيو 2006 (معدل) يا معلم حلاوه إسمها بابورجوازي .. إنت ماشفتش الفيلم و الا ايه أنا مش متأكد إن هادي ساكن هناك متورطناش معاه أنا قلت متهيألي أنه مره قال كده و هو بيتكلم عن السكن في كندا إحتمال هو أو الأخ / فري فريير .. مش فاكر بس عموما أنا نزلت في مسيساجا و دي في غرب تورونتو و زرت 2 من أصدقائي ساكنين في مناطق تانيه و لقيت المستوى واحد يعني حسيت إن هي دي العيشه لكن ماشفتش حواري بصراحه أخونا هادي عايش في كندا و أدرى مننا خلي عليا أنا الأحلام و على هادي الحقيقه سيبك يا راجل شمر كمك إديني دراعك خد حقنة أحلام الطلعه الجايه صور من زيارتي لل CN TOWER و أنا واقف على لوح زجاج و تحتي الفراغ بس لسه بأصغر حجمهم و أحملهم على موقع الصور تم تعديل 18 يونيو 2006 بواسطة ايهاب سالم رابط هذا التعليق شارك المزيد من خيارات المشاركة
MZohairy بتاريخ: 17 يونيو 2006 تقديم بلاغ مشاركة بتاريخ: 17 يونيو 2006 الصور بتاعة ايهاب دي بتفكرني بمنطقة وكالة البلح بحي بولاق ابو العلا اللي ساكن فيها اللسطه عبد الباقي جبر المزين و زمايله ! Vouloir, c'est pouvoir اذا كنت لا تقرأ الا ما يعجبك فقط فإنك لن تتعلم ابدا Merry Chris 2 all Orthodox brothers Still songs r possible رابط هذا التعليق شارك المزيد من خيارات المشاركة
Bya بتاريخ: 18 يونيو 2006 تقديم بلاغ مشاركة بتاريخ: 18 يونيو 2006 السادة رواد المنتدى .... السلام عليكم ورحمة الله وبركاته أود فى البداية أن أعبر عن خالص تقديرى وإمتنانى لكم جميعاً لما وجدته من إخلاص فى مساعدتة الأخرين ومحبة لا تبخلون بها على أحد وذلك على مدى متابعتى الصامتة لهذا المنتدى لما يناهز العام ورأيت شكلاً آخر للمصريين فى الغربة وأرض المهجر على خلاف ما أشتهروا به من سوء سمعه وأحسبكم على خير إن شاء الله . وأعتبر نفسى من أكثر المستفيدين من هذا المنتدى فى سعيى لجمع أكبر قدر من المعلومات عن كندا كبلد أسعى للإنتساب إلى مواطنتها وواتتنى الشجاعة أخيراً فى أن أسأل وأستفسر عن بعض الأشياء لدى الأخ / إيهاب سالم والحقيقة وجدت لدى الرجل ترحيب وسعه صدر لم أستبعدها عن أحد فى هذا المكان . لذا قررت أن أكون أكثر فاعلية وأاشترك معكم فى محاوراتكم وأرجوا أن أكون ذو فائدة فى مداخلاتى القادمة إن شاء الله . وبداية ً أحب أن أوضح بأننى أعمل فى إحدى الدول العربية وأسعى للهجرة إلى كندا إن شاء الله , ولاحظت هنا أن هذا الموضوع قد حظى بتغطية أكثر من رائعة ولكن من جانب واحد فقط وهو ما بعد الحصول على التأشيرة ، أما بالنسبة لبداية الرحلة فلم تحظى إلا بالنذر اليسير ؛ وذلك لأن الإجراءات فى بدايتها أعتقد أنها أعقد مما تبدوا علية - خصوصاً فى بلد أخترعت الروتين مثل مصر - هذا بالإضافة إلى وجود العديد من البنود والمتطلبات والتى تحتاج إلى شرح وإيضاح لكيفية عملها وأين تعمل ، وأعتقد أن هذا ليس بالأمر العسير فى مكان كهذا ملئ بالخبرات القانونية والشخصية . أرجو أن لا تعتبرونى ضيف ثقيل عليكم . وعذراً للإطالة رابط هذا التعليق شارك المزيد من خيارات المشاركة
واحد تاني بتاريخ: 18 يونيو 2006 تقديم بلاغ مشاركة بتاريخ: 18 يونيو 2006 السلام عليكم اهالي كندا الكرام ... انا اول مرة ادخل الشارع ده ... بس بصراحة صور الاستاذ ايهاب سالم اجبرتني انى اتكلم :rolleyes: اصل الصور يعني (انضف) مما يجب ... كل حاجة نضيفة كده ... حتى المباني كأنها مغسولة. وشكلهم كمان كلمتهم واحدة ... الاستايل واحد ... كله بريكس احمر يبقى كله بريكس احمر . تونات الالوان التانية ماشية معاه 100 % ... درجات الوان القرميد كلها متقاربة. الرصيف فى الشوارع 10 سم بس ... ممرات المشاة متعالجة كويس بالـ لاند سكيب. الحي ده حقيقي عجبني اوي... وافضل من اماكن تانية كتير لها شهرة عالمية. انت اخدت الصور دي ومسيساجا لسه طالعة من الغسيل والا ايه يا عم ايهاب ؟ :rolleyes: يا عابر الدهر سيب بينا أثر قدمك اياك تكون امعة وجودك شبه عدمك رابط هذا التعليق شارك المزيد من خيارات المشاركة
ايهاب سالم بتاريخ: 18 يونيو 2006 تقديم بلاغ مشاركة بتاريخ: 18 يونيو 2006 السلام عليكم اهالي كندا الكرام ... انا اول مرة ادخل الشارع ده ... بس بصراحة صور الاستاذ ايهاب سالم اجبرتني انى اتكلم :rolleyes: اصل الصور يعني (انضف) مما يجب ... كل حاجة نضيفة كده ... حتى المباني كأنها مغسولة. وشكلهم كمان كلمتهم واحدة ... الاستايل واحد ... كله بريكس احمر يبقى كله بريكس احمر . تونات الالوان التانية ماشية معاه 100 % ... درجات الوان القرميد كلها متقاربة. الرصيف فى الشوارع 10 سم بس ... ممرات المشاة متعالجة كويس بالـ لاند سكيب. الحي ده حقيقي عجبني اوي... وافضل من اماكن تانية كتير لها شهرة عالمية. انت اخدت الصور دي ومسيساجا لسه طالعة من الغسيل والا ايه يا عم ايهاب ؟ :rolleyes: و عليكم السلام يا أستاذ / واحد تاني الحقيقه أنا مش من سكان الشارع ده حاليا (كندا) بس هأكون من سكانه إن شاء الله من أول الصيف الجاي و الى أن يشاء الله دي بس كانت زياره خاطفه و كان معايا حته سوني ديجيتال جديده قلت ادخل بيها عصر التصوير الفوتوغرافي الديجيتال و هريت الدنيا صور ماهو مفيش فيلم و لا تحميض بقى صور على كيفك و أنا سعيد أن الصور عجبت حضرتك .. شجعتني أنا كنت هأنزل صور برج cn بس ما دام عجبتك صور مسيساجا .. ننزل باقي صورها اللي معايا نورت رابط هذا التعليق شارك المزيد من خيارات المشاركة
هادي بتاريخ: 18 يونيو 2006 كاتب الموضوع تقديم بلاغ مشاركة بتاريخ: 18 يونيو 2006 عزيزي Bye لا ضيف تقيل ولا حاجه يا راجل انت اخ .. واخ عزيز كمان وباذن الله ستجد كل تعاون وستجد ردود شافية عن كل استفساراتك فقط ابدا بطرح ما يحيرك وتود الاجابة عليه وانا على ثقة انك ستجد اجابة بل واجابات باسرع مما تتخيل فالاخوة هنا كما ترى اسرة واحدة ويسعدنا وجودك بيننا اخا كريما رابط هذا التعليق شارك المزيد من خيارات المشاركة
ايهاب سالم بتاريخ: 19 يونيو 2006 تقديم بلاغ مشاركة بتاريخ: 19 يونيو 2006 (معدل) شوية صور كمان من مسيساجا عشان الحبايب المنطقه اللي نزلت فيها في مسيساجا اسمها port credit و كلمة port عشان فيها مرسى أو ميناء صغير لليخوت و المراكب الصغيره للإبحار في بحيرة أونتاريو و كلمة credit لأن هناك نهر أسمه credit river يصب في البحيره و الميناء أقيم عند المصب و فيه فنار على رأس الميناء .. يعني المنطقه تعقد بصراحه كنت بانزل كل يوم اتمشى و أصور كام صوره خد عندك الفنار ناس رايقه بتصطاد في أحد جداول النهر بطه بريه من النوع الطائر .. و دول كتير هناك و بيطيروا في أسراب شكلها جميل و ساعات تلاقيهم عايمين على سطح النهر أو البحيره مكان للجلوس على بحيرة أونتاريو تم تعديل 19 يونيو 2006 بواسطة ايهاب سالم رابط هذا التعليق شارك المزيد من خيارات المشاركة
واحد تاني بتاريخ: 19 يونيو 2006 تقديم بلاغ مشاركة بتاريخ: 19 يونيو 2006 يا مسيساجاتك يا بوب <_< سيبك انت ... البطة المسيساجاتي الجانجاه دي تجنن ... يا عابر الدهر سيب بينا أثر قدمك اياك تكون امعة وجودك شبه عدمك رابط هذا التعليق شارك المزيد من خيارات المشاركة
الرافعي بتاريخ: 19 يونيو 2006 تقديم بلاغ مشاركة بتاريخ: 19 يونيو 2006 شوية صور كمان من مسيساجا عشان الحبايب المنطقه اللي نزلت فيها في مسيساجا اسمها port credit و كلمة port عشان فيها مرسى أو ميناء صغير لليخوت و المراكب الصغيره للإبحار في بحيرة أونتاريو و كلمة credit لأن هناك نهر أسمه credit river يصب في البحيره و الميناء أقيم عند المصب و فيه فنار على رأس الميناء .. يعني المنطقه تعقد بصراحه كنت بانزل كل يوم اتمشى و أصور كام صوره خد عندك إيهاب ... النهاردة أنا متقمص روح الفنان زهيري في حاجتين ... تهدئة النفوس .. لأنه اليوم بعافية شوية ومش قادر يباشر مهامه المعتادة :blink: والثانية .... الفن وإليك أهدي .... إوعد يا رب إوعد ... أدي كمان قهوة .... يالا بنا يا مسعد (يا إيهاب) نقعد على سهوه .. أيوه على سهوه <_< قال رسول الله صلى الله عليه وسلم : ( ما كان الرفق في شيء إلا زانه ، ولا نزع من شيء إلا شانه) ( صحيح الجامع 5654). رابط هذا التعليق شارك المزيد من خيارات المشاركة
ايهاب سالم بتاريخ: 19 يونيو 2006 تقديم بلاغ مشاركة بتاريخ: 19 يونيو 2006 الله ده كله سايب شغله و لابد على النت زيي الردود سريعه ماشاء الله الأخ / واحد تاني عرفت من ردودك في موضوع سي السيد إنك في السعوديه و اللي زينا في الخليج يعرف قيمة المناظر دي حيث لا يوجد الا الصحراء و الحر و الرطوبه الخانقه و الرياح المحمله بالغبار و طبعا الفلوس <_< امال إحنا قاعدين ليه المعلم / حلاوه (معلش مش بالع زكي جمعه ده .. سامحني) ربنا يوعدنا جميعا يا سيدي و من جاور هادي يسعد نيجي للمهم حيث أن نهر كريدت يصب في بحيرة أونتاريو أخذت من هناك هذه الصور الطبيعيه الخلابه رابط هذا التعليق شارك المزيد من خيارات المشاركة
ايهاب سالم بتاريخ: 19 يونيو 2006 تقديم بلاغ مشاركة بتاريخ: 19 يونيو 2006 يوجد في مسيساجا متنزه اسمه Kariya Park و هي حديقه على الطراز الياباني و أقيمت على إسم مدينه يابانيه اسمها Kariya city يوجد بينها و بين مسيساجا اتفاقية تؤامه هو الحقيقه الحديقه عاديه جدا لا تزيد عن الحديقه الدوليه عندنا يمكن أقل كمان شوف بنفسك رابط هذا التعليق شارك المزيد من خيارات المشاركة
Bya بتاريخ: 19 يونيو 2006 تقديم بلاغ مشاركة بتاريخ: 19 يونيو 2006 الأخ / هادى شكراً على ترحيبك بى وعلى حفاوتك المعهود دائماً . أود هنا أن أطرح مشكلة تواجهنى بهذا الخصوص وأعيتنى الحيلة فى أن أجد لها مخرج أو حل ... المشكلة التى أتكلم عنها هى أننى كنت أنتمى للأخوان فى فترة الإعدادى والثانوى وأخذت تحرى وأنا فى الثانوى من الشارع وقضيت ليلة فى الحجز وأنا لم أرى فى حياتى قسم شرطة من قبل .وأصبحت تلك الليلة نقطة سوداء فى حياتى أثرت على الكثير من أقاربى وعلى أنا شخصياً فى حياتى العملية والإجتماعية رغم أننى كنت فى سن صغيرة وأصبحت محل إستدعاء للأمن كلما أردت السفر .هذه واحدة الأمر الآخر أن لى قريب ينتمى إلى الإخوان المسلمين وبسبب هذا أصبح بيتنا موطئ دائم وغير متوقع لزوار الفجر وأنا هنا لن أتحدث عن ما يحدث أثناء ذلك فكلنا على وعى ودراية تامة بما يتم أثناء إعتقال أحدهم ... المهم حدث أن قضيت يومين فى سويسرا :) أنا وأحد أفراد أسرتى كرهائن حتى يتم القبض على الشخص المعنى و لا تهمه لنا أو جريمه أرتكبناها سوى أننا أقارب لهذا الشخص ، وسجلت هذه الحادثة على أنها || تحرى || . وبسبب هاتين الحادثتين تضررت عائلنتا ومازالت تتضرر بإستمرار بسبب زيارات . السؤال هنا ، ضمن أوراق الهجرة (Background Declaration ) هناك فقرة عن إذا ما كان المتقدم للطلب قد سبق له الحبس فى السجن تقول : 9. Have you, or, if you are the principal applicant, any of your family members listed in your application for permanent residence in Canada, ever: been detained or put in jail? been associated with a group that used, uses, advocated or advocates the use of armed struggle or violence to reach political, religious or social objectives? been member of an organization that is or was engaged in an activity that is part of a pattern of criminal activity? وما حدث ليس لسبب جنائى أو مخل ، فهل أذكر ذلك أم أتجاهلة وهل له تأثير على قبول الطلب . معلش أنا تقريباً سردت قصة حياتى ولكن من عشمى فى الله أن أجد لديك ما يثلج صدرى . رابط هذا التعليق شارك المزيد من خيارات المشاركة
sendrella119 بتاريخ: 19 يونيو 2006 تقديم بلاغ مشاركة بتاريخ: 19 يونيو 2006 اخي Bya ممكن اسأل حضرتك سؤال ....لغاية ما يرد عليك هادي او وجدي او باقي الاخوة الافاضل... حضرتك متقدم لاجئ سياسي........ او تحت البنود الاخري المذكورة؟ لو لاجئ سياسي الامور حتختلف تماما وعلي العموم في كلا الحالتين ....لازم تذكر النقطة دي لسبب بسيط جدا انها اكيد معروفة لديهم ...والافضل انك تتناقش مع محامي هجرة صحيح مش كل الحالات بتستدعي محامي انما في حالات ....المحامي له وجهة نظر اخري ..اكيد حيساعدك بيها .. :angry2: رابط هذا التعليق شارك المزيد من خيارات المشاركة
هادي بتاريخ: 20 يونيو 2006 كاتب الموضوع تقديم بلاغ مشاركة بتاريخ: 20 يونيو 2006 عزيزي Bye بسيطه جدا جرب تطلع فيش وتشبيه مستعجل من العباسية وقول لي بالتحديد مكتوب فيه ايه تقبل تحياتي رابط هذا التعليق شارك المزيد من خيارات المشاركة
El-Masri بتاريخ: 20 يونيو 2006 تقديم بلاغ مشاركة بتاريخ: 20 يونيو 2006 (معدل) بالفعل زى هادى ما قال، هما حيطلبوا فيش وتشبيه ونتيجه الفيش والتشبيه بتتبعت مباشر لإدارة الهجرة، فممكن حضرتك تطلع واحد الأول وتشوف فيه إيه الأول، لو سليم يبقى مش مستاهله إنك تذكرها فى الأوراق. على فكرة أن خلصت ورقى كله بداية من اللاندد إميجرانت لغاية الجنسية من غير محامى، على فكرة بتوع الجنسية مبيحبوش لما تجيبلهم محامى، حيقولك يا إما الجدع ده مشاكل، يا إما معندوش فكرة عن اللغة ومستواه التعليمى منخفض، صدقنى هما يحبوا اللى بيخلص ورقه بنفسه، بيدى إنطباع بالثقة بالنفس ومستوى تعليمى عالى وتمكن من اللغة، وهوه ده اللى مطلوب فى أى مهاجر، وبعدين موظفين كندا مبيزهقوش من الأسئلة والإستفسار، طالما حضرتك بتلتزم باللياقة. يعنى حلاوتها لما تبدأ السؤال بـ may I ask if its ok to bla bla bal مع إبتسامة عريضة وبعدين الخاتمة thank you so much for your help عارف إنت المشاوير دى أساسى هنا. فيه ويب سايت بتاع الهجرة فى كل النماذج وشرح لكيفية ملئها، والويب سايت تبع حكومة كندا يعنى مش بهدف الربح وللا حاجه. الهجرة والجنسية موقع حكومى تم تعديل 20 يونيو 2006 بواسطة El-Masri رابط هذا التعليق شارك المزيد من خيارات المشاركة
Bya بتاريخ: 20 يونيو 2006 تقديم بلاغ مشاركة بتاريخ: 20 يونيو 2006 sendrella119 لاجئ سياسي ... لا أعتقد أننى أفضل هذا الخيار ولكن إذا كان ولا بد فمجبر ليس إلا ... هادي ، El-Masri أا عملت فيش فعلاً ولم يكن به شئ وسليم والحمد لله وربنا يدمها نعمة ... وإن شاء الله بأحاول أعمل واحد آخر للإطمئنان ... وأنا أوافقك الرأى يا مصرى فى عدم الحاجة إلى محامى والحمد لله مستواى فى اللغة يمكنى من أداء الإجراءات إن شاء الله . إلا أن هذا الموضوع هو ما يدفعنى دفعاً للإستعانة بالمحامى . والحقيقة أننى لا أنوى إخفاء أى شئ فى حال إذا ما سئلت ولكن ليس كلاجئ كما قلت من قبل . رابط هذا التعليق شارك المزيد من خيارات المشاركة
El-Masri بتاريخ: 20 يونيو 2006 تقديم بلاغ مشاركة بتاريخ: 20 يونيو 2006 (معدل) يمكن إستخدام المحامى للإستشارة والإستعداد، لاكن يفضل تلمئ وتسلم الورق بنفسك وتدخل الإنترفيو بنفسك. حتى على ما أتذكر فيه سؤال فى الورق بيقول إذا كنت ملئت البيانات بنفسك وللا حد كتبها لك. وده على حد علمى، لو فيه حد يرى غير ذلك فأرجوا عدم التردد فى الرد. بالتوفيق إنشاء الله، ولو فيه أى سؤال إحنا تحت الأمر فى حدود خبرتنا ومعلوماتنا. تم تعديل 20 يونيو 2006 بواسطة El-Masri رابط هذا التعليق شارك المزيد من خيارات المشاركة
wagdi بتاريخ: 20 يونيو 2006 تقديم بلاغ مشاركة بتاريخ: 20 يونيو 2006 يا جماعة الخير... السلام عليكم ورحمة الله.... معلش أنا عندي سؤال لواحد أخونا هنا... هو أصلاً كان طالع تبع الجامعة بعثة أو حاجة كدة...وبعدين وهو هنا عمل الPR... وقعد حوال تلات سنين إلا شوية... يعني نقول فاضله تلات أربع شهور ويكمل تلات سنين.... المهم أخونا خلص، والجامعة في مصر مش عايزة تمد له أو حاجة كدة المهم إنه لازم ولابد يسافر... هو طبعاً مقهور لأنه مش حايعرف يقدم على الجنسية... أنا مش عارف...أكيد فيه حاجة ممكن تتعمل ده الموضوع كله فرق كام شهر... وفي نفس الوقت مش ضامن لو راح لمحامي حايعرف يخلصهاله ولا حايحرق جاز...والجدع مش حمل حرق الجاز...أنا الصراحة اتقهرتله... قلت أسألكوا يمكن حد يبقى عنده حل... بالمناسبة يا أخ Bya.... السفارة الكندية مابتعتمدش على الفيش والتشبيه بس... بس هيا الفكرة إن هما في الفيش والتشبيه مش حيكتبوا عمرهم إنك مسجل سياسي لأن المفروض مافيش حاجة إسمها كدة ولا كندا بتعترف أصلاً بحاجة إسمها كدة... والفيش والتشبيه أصلاً أسمه الصحيفة الجنائية، وطالما ماتحكمش عليك بحكم محكمة في قضية ما، حايفضل نضيف غصبن عن عينهم... والليلة التحري دي مش سجن... جمد قلبك وخليها على الله... هو مافيش مانع برضه تتكلم مع محامي هجرة وتسمع رأيه...والكلام مش بفلوس... وربنا يوفقك... فكأننا والماء من حولنا... قوم جلوس وحولهم ماء... رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان