كل ما تريد معرفته عن (كندا)

[hosiny]

سؤال؟؟

طيب لما انا قدمت ال fund proof اول مرة لما ييجي يتفتح ملفي ويتأكدوا من كشف الحساب اللي انا قدمته اني معايا المبلغ ده هل هيسألوني تاني لما اجي اخد الفيزا اني اقدم ورق او شيك يثبت اني حولت الفلوس لكندا؟؟؟؟

[samehelassad]

بص ياحسيني انا مش متاكد من المعلومة دي بس قالولي انهم هيطلبو مني تحويل المبلغ المطلوب انة يكون معاك مش كل حسابك اللي في البنك. وتحويلة الي بنك في كندا وتديم كشف حساب منة او اثبات تحويل فية. والله اعلم.

[samady]

السلام عليكم ياجماعة انا كان عندي سؤال بخصوص funds proof أنا المفروض بقدمه مع الأبليكاشن في الأول ياعني اطلع كشف حساب من البنك واقدمه علشان يفتحولي ملف من الأساس ولا بيطلبوه مني ٌبل أستلام الفيزا في الأخر.لأني ناوي أقدم الشهر اللي جاي وموضوع ال funds proof ده هو اللي مأخرني

مع الشكر

[hosiny]

شكرا سامح باشا علي الاهتمام

وياريت اللي عنده معلومة مؤكده عن هذا الموضوع يفينا بيها بدل ما نحول الفلوس و نستني 3 اسابيع لحد ما نصرفها

[hosiny]

شوف يا صمدي في الاول مش بتقدم اي اوراق خالص غير الابليكيشن و شيك الفلوس

[moheltohamy]

سؤال؟؟

طيب لما انا قدمت ال fund proof اول مرة لما ييجي يتفتح ملفي ويتأكدوا من كشف الحساب اللي انا قدمته اني معايا المبلغ ده هل هيسألوني تاني لما اجي اخد الفيزا اني اقدم ورق او شيك يثبت اني حولت الفلوس لكندا؟؟؟؟

شكرا سامح باشا علي الاهتمام

وياريت اللي عنده معلومة مؤكده عن هذا الموضوع يفينا بيها بدل ما نحول الفلوس و نستني 3 اسابيع لحد ما نصرفها

والله يا حسيني مش عارف اقول لك إيه!!!

يا بني اطلع بص فوق كده ، في نفس الصفحة دي ، تاني مشاركة!

الكلام واضح ومش محتاج تفكير!

قوللي أعمل لك إيه عشان تصدقني يا حسيني بيه؟!!!! f((:

[hosiny]

سؤال؟؟

طيب لما انا قدمت ال fund proof اول مرة لما ييجي يتفتح ملفي ويتأكدوا من كشف الحساب اللي انا قدمته اني معايا المبلغ ده هل هيسألوني تاني لما اجي اخد الفيزا اني اقدم ورق او شيك يثبت اني حولت الفلوس لكندا؟؟؟؟

شكرا سامح باشا علي الاهتمام

وياريت اللي عنده معلومة مؤكده عن هذا الموضوع يفينا بيها بدل ما نحول الفلوس و نستني 3 اسابيع لحد ما نصرفها

والله يا حسيني مش عارف اقول لك إيه!!!

يا بني اطلع بص فوق كده ، في نفس الصفحة دي ، تاني مشاركة!

الكلام واضح ومش محتاج تفكير!

قوللي أعمل لك إيه عشان تصدقني يا حسيني بيه؟!!!! f((:

اخص عليك يا تهامي و قدرت تقولها داحنا واكلين في ميس واحد و من نفس سوس الفول

علي العموم انا مكنش قصدي اللي انت فهمته

انا اللي فهمته منك انك رحت بشيك اول مرة و تاني مرة كانت كاش بس دي كانت فلوس عادية فكنت عايز اشوف حد من الرجالة طلع بفلوش كاش اول مرة بتاعت الfund proof وكان ايه النظام ؟؟؟

وبعدين انا سألت سؤال بعيد عن اللي حضرتك كنت مجاوب عليه فوق ...انا سألت لما تيجي تاخد الفيزا من السفارة لازم حاجة تثبت انك حولت الفلوس ولا ايه؟؟؟

يعني افرض مثلا ان واحد استعبط و ماخدش معاه الفلوس ولا حولهم هيرجعهوه لما يوصل كندا ؟؟؟؟؟

شفت بقي انت فهمتني غلط ازاي

تم تعديل 25 يوليو 2008 بواسطة hosiny

[MZohairy]

يعني المقصود هو عند عمل اللاندينج اول مره

لو الواحد مكانش معاه غير 2000 دولار مثلا و لنفترض ان المطلوب يكون معاه مثلا 5000 دولار

هل حيسألوه في المطار فين الفلوس بتاعتك؟ و هل ممكن يرجعوه عشان ممعاهوش المبلغ المطلوب يكون معاه؟

[moheltohamy]

عزيزي حسام ، وعزيزي - برضه - الزهيري f((:

كلاكيت تاني مرة...

يبقى دي هتلاقيها ف الصفحة اللي فاتت (166) ، واللي قبلها (165)...

الخلاصة... وانتا رايح السفارة الكندية تديهم الباسبورتات قبل ما تاخد الفيزا. هيطلبوا منك بيان بموقفك المالي ؛ شهادة من البنك إنك تملك المبلغ المطلوب (فما فوق طبعاً). وانتهى دور السفارة عند النقطة دي!

مش محتاجة فن ، ولا فتاوى آهيه!

وانتا داخل كندا تعمل لاندينج لأول مرة ...

موظف الجمارك (Customs) هيسألك عن محتويات الشنط (المفروض) ، وهيسألك عن المبلغ اللي داخل بيه البلد بأي شكل (فلوس كاش - شيك - تحويل - ...).

أقول حاجة تاني؟!!!!!!!!!!!

تم تعديل 25 يوليو 2008 بواسطة moheltohamy

[hosiny]

ايون فييييه

ايه اللي يثبت انك حولك المبلغ لكندا؟؟؟

يعني انت ممكن تسافر من غير ما تحول الفلوس ولا تكون معاك؟؟؟

[محاور سوري ضيف المصريين]

تحية عربية طيبة الى كل الاخوة المصريين والى كل مشرفين هذا المنتدى المعطاء الذي افادنا ولازال بكل اخلاص.......وبعد

اعرفكم بنفسي انا الصيدلي محمد الحسن اعمل كصيدلي في الرياض. سوري الجنسية واكل كوراع مع المصريين كتير بحكم اختلاطنا الشديد في العمل :closedeyes:

قدمت عن طريق مكتب لندن يتاريخ 11-12-2007 وذلك كوني مقيم في الرياض وبدون محامي وقد وصلني الرد 4-5-2008 وكان مضمون الرسالة انهم وقبل موعد دراسة ملفي للهجرة ب4 اشهر سوف يقومون بطلب جميع الاوراق المطلوبة لذلك....ولدي بعض الاستفسارات أخواني واخواتي الاعزاء:

1-شهادة الايلت متى ولو بشكل تقريبي سأكون مطالب بها هل يجب علي ارسالها مع الاوراق المطلوبة الى مكتب لندن..ام يتوجب علي ابرازها اثناء المقابلة في السفارة

2-رزقت حديثا بمولودة جديدة عقبال عندكم..وقبلها كان عندي ولد..السؤال لحضراتكم هو..كيف اقوم بتسجيلها في الطلب وكيف يتم استيفاء الرسوم المخصصة للشخص المضاف حديثا على طلب الهجرة .في الموقع الرسمي للهجرة المعلومات الموجودة هناك تقول لايتوجب عليك ارسال اي اوراق او مستندات الا ما يتعلق في تغيير عنوانك من رقم هاتف او عنوان او فاكس...يعني هل ارسل لهم شيك بالرسوم التي ترتب على المولودة الجديدة عندما يطلبون مني باقي الورق او... ماذا افعل لكي احدث بيانات طلب الهجرة...اتمنى ان تفيدوني بذلك وارجو ان لاتكون اسألتي قد شكلت عبئ الرد على حضراتكم...

وانا على اتم الاستعداد للاجابة على استفسار يخطر على بالكم ضمن المعلومات المتوفرة لدي

اتمنى لكم دوام الصحة والعافية جميعا وبالتوفيق ان شاء الله[/

[nasimolb]

أنا أستلمت الفيزة وأوراق اللندنج من أسبوع عندي سؤال لو سمحتم وأريد المساعدة

أنا قدمت أوراق الهجرة على تورونتو (اونتاريو) هل أستطيع أن أقدم أوراقي وأعمل لاندنج

في ادمنتون (البرتا) .

[moheltohamy]

طبعاً تقدر... إنتا حر.

السؤال اللي ف الأبليكيشن ده استطلاع للرأي.

لكن من حقك تغير رأيك ، وتروح المكان اللي على مزاجك.

الوحيدة اللي بتكتفك شوية هيه كيبك ؛ لازم تعمل لاندينج فيها الأول ، وبعدها... إنتا حر برضه.

الرجل تدب مطرح ما تحب :rolleyes:

[hamoudi]

الساده الافاضل / رواد المنتدى

الى مقدم عن طريق كيبك وراح اى مقاطعه تانيه للاقامه بعد اللاندينج بيفقد اى مزايا والا نفس مجانية التعليم للاولاد ومنح الدراسه الجامعيه له وزوجته والخ

سوال اخر هل الجامعات فى كيبك ممكن تتيح لك انك تاخد الدروس باللغه الانجليزيه بدلا من الفرنسيه وشكرا

وعل يوجد مدارس مجانيه بالانجليزيه فى كيبك

[hamoudi]

الأخت الفاضلة نانسي...

quote name='nancyezat' date='Nov 7 2006, 12:17 AM' post='241163']

لاني حاسة اني متلخبطة جدا وخايفة جدا ( ربنا يستر ) :-

مادام خايف يبقى حتنجح يا رأفت... (وش يوسف شعبان في رأفت الهجان)... :blush2:

أنا حاحاول أرد عليكي... طبعاً على أساس إنك حتيجي مونتريال... أما تورونتو فممكن العزيز هادي أو اي من الأخوة الأفاضل هناك يفيدوكي...

معلش أنا ممل شوية وباحب التفاصيل...يمكن لأني مؤمن إن التفاصيل الصغيرة دي هيا دايماً إلى بتعمل فرق في كل حاجة...إستحمليني...

شوفي يا ست الكل...

قبل ما تسافري تعملي ليستة موفتكسة بكل إلى عندك ولو تقدري إلي عند الجيران بالمقتنيات الشخصية بتاعتكم... طبعاً أهم حاجة المجوهرات وما خف حمله وغلا ثمنه... وبعدين تلفي البيت كدة أوضة أوضة... وتكتبي... عدد 3 سجادة عدد 2 لوحة عدد 1 شمعدان فضي.. وهكذا...

وتعملي نسختين من الليستة دي...وحاقولك فايدتها بعدين...

ثانياً... الفلوس إلى حاتخديها معاكي... حاولي تاخدي معاكي كاش بس مش كتير... يعني عشر ألاف أخضر أو كندي على الأكثر... (وياريت أقل...)...أما باقي الفلوس –خاصة لو مبلغ كبير- فتروحي البنك تخليهم يعملولك شيك بنكي بأسمك...وتاخديه معاكي...(أوعي تنسيه) ty:)

وبعدين... تبتدي تدوري على النت على أوتيل في الdowntown....

أنا عن نفسي كنت حاجز قبل ما أجي في chateau royal ... ده في شارع crescent في قلب قلب نص البلد...

هو مش قد كدة... بس ميزته إن أوضه واسعة وسعره معقول وأهم حاجة (بالنسة لي وأعتقد بالنسبة لأي حد عنده أولاد صغيرين) إن فيه في الأوض kitchenette... أيام ما جيت كان ب 170 دولار في الليلة.... إعملي حسابك في حوالي عشر أيام... فترة معقولة تكوني خلصتي فيها أوراقكم وتكوني شوفتي سكن وفرشتيه بالأساسيات...

هو الموقع بتاعه www.chateauroyal.com.... بس مش عارف ليه مش شغال...عامة تقدري تعملي بحث عليه وحتقدري تاخدي فكرة... وعامة قبل وصولك إن شاء الله ممكن نبقى نقولك على معلومات طازة....

لما حتوصلي المطار إن شاء الله المواضيع حتلاقيها أبسط ما تتصوري.... خاصة إن معاكي أطفال... والأطفال هنا ميزة كبيرة حتعرفي فايدتهم ...بيفتحوا كل الأبواب المتقفلة... يعني لو فيه طابور حتلاقى واحد جاي وفاتحلك سكة علشان تعدي...وتخشي على الemigration... هناك حتقعدي مع شخص ظريف تبع الحكومة الكندية حيقولكوا بقين حلوين من عينة bienvenu وكدة....وبعدين حايملا معاكم إستمارة الدخول لكل شخص فيكم وحايسألك معاكي فلوس كاش قد إيه وحيسجلها... وحيدردش معاكم شوية يقولكوا إلى لكوا وإلى عليكوا...الإستمارة غلى حايدهالكوا (IMM 5292) تحافظوا عليهم زي عنيكوا...لانكم حتستخدموها كتير في الشهور التالية...

هنا حيسألكوا سؤال حيوي... عنوانكوا إيه... وده العنوان إلى حيبعتوا عليه الPR بتاعكم... أنا فهمت إن مالكيش قرايب هنا... لو ليكي إديهم عنوانهم والجواب حيبقى يروحلهم... لو مالكيش... قوليله إحنا لسة معندناش عنوان... حيديكي نمرة تليفون تتكلمي فيها علشان تبلغيهم بعنوانك في أقرب وقت...

وبعدين حايخدكم يصوركم (خلي المشط معاكي في الشنطة) علشان كارت الPR... (ملحوظة...لو معاكي طفل صغير أوي حاولي على قد ما تقدري إنه يبقى ثابت في الصورة وتتأكدي من الراجل إن الصورة إلى طلعت مطابقة للمواصفات لأن هما ساعات بيستسهلوا خاصة في تصوير الأطفال وبعدين بكام شهر يجيلك جواب يقولك الصورة ماتنفعش تعالي صوري الأولاد تاني...حصلت معايا)....وحايديكوا شوية فلايرز وكتيبات شبيهة بإلى السفارة بعتتهالك قبل السفر...

وبعدين يا ستي حاتخشوا على بتوع quebec... هنا حيشوفوا ال csq (certificat de sélection du Québec ( بتاع كل فرد... الست حتبقى بتتكلم بالفرنساوي... تردوا عليها بالفرنساوي...وحتديكوا برضه كبشة فلايرز وكتيبات...

وبعدين...تخشوا على بتوع الجمارك... هما عادة اغلس من الغلاسة بس مع المهاجرين الجدد ألطف من اللطف...وخاصة لو معاكوا أطفال...حتسألك معاكي إيه...قوليلها (ولو معاكي أي اكل للأطفال قولي...مهم أوي)...وقوليلها بس إحنا لسة في حاجات جاية ورانا... وإديها الليستة (فاكراها؟؟ حاتقولك قيمتهم أد إيه...قوليلها خمسين ألف ميت ألف...زي ما أنت عايزة... زبعدين حايختم على الورقة دي... برضه ؛ايسالك على الفلوس إلى معاكي... تقوليله على الكاش (إلى مكتوب في الورقة إلى الراجل صاحبنا لسة ماليها) وتقوليلها على أي شيك بنكي معاكي وقيمته...وعادة حاتتطلب تشوفه... وحتثبت المبلغ ده.... الكلام ده مهم أوي... ممكن ما ينفعكيش بس ممكن ينفعك أوي أوي بعد كدة في تظبيط الضرايب... وعامة شئ مابيخسرش...

أنا شايفك دلوقتي أتفجعتي وحسيتي إن الموضوع مكلكع... أحب أقولك كل إلى أنا قلته ده من أول وصولك المطار لحاد ركوبك التاكسي برة المطار مش حياخد أكتر من نص ساعة... وغالباً أقل...

حتركبوا التاكسي..الأوتيل يا باشا لو سمحت... (معظمهم لبنانيين ومغاربة على فكرة)... تروحوا الأوتيل تعملوا check in ... تطلعوا الأوضة....قبل ما تفتحوا الشنط وقبل ما تكلموا الأهل تطمنوهم في حاجة مهمممممممممة أوييييييييي..... تفتحوا الbooklets إلى إيدوهالكوا في المطار حتلاقوا عناوين لكذا شركة تأمين صحي خاص... نقي اي واحدة فيهم... تكلموهم وتعملوا insurance لكم كلكم لمدة 3 شهور على الأقل... إعملوه بميت ألف أو ربع مليون...مهم اويييي....ولو ينفع تعملوه قبل ما تسافروا إعملوه.... (أنا بنتي سخنت أول يوم جينا... رحنا مستشفى أطفال جنب الأوتيل... دفعت 500 دولار علشان بس دكتور يشوفها... وبعدين طلع مافيش أي حاجة...نظام كمادات ساقعة وتمبرا... po::

تاني يوم الصبح جوزك ممكن يخلص موضوع الsocial insurance لوحده... بس الmedicare لازم تكوني معاه... وتفتحوا حساب في البنك...وتحطوا الشيك في حسابكم...(على فكرة...هو حيخش في حسابك بس حيفضل متجمد شهر...يعني ماتقدريش تصرفي منه...لذلك خلي معاكي كاش كفاية والأهم كريدت كارد من مصر إن أمكن تصرفي بيه الشهر الأول وحد يبقى يسدد لك في مصر...نظام بابا بعت فلوس...

بالنسبة للسكن...وده مهم إنك تحدديه بدري بدري علشان تقدري تبعتي العنوان لبتوع الهجرة علشان يبعتولك كارت الPR عليه....

حاولي في البداية إنك تتعاملي مع شركة مش أفراد...يعني شركة بتبقى مسئولة عن عدد المباني...أولاً حيبقى عندك إختيارات كتير... ثانياً بيبقوا مسئولين لو حاجة حصلت في الشقة...يعني مثلاً لو التدفئة حصل فيها حاجة بتكلميهم بيبعتولك واحد بتاع صيانة على طول...كدة...

عادة حتضطري تدفعي شهرين مقدم لأنك معندكيش اي تاريخ في كندا...ولو العقد سنوي (ومعظم البيوت كدة) وحبيتي تخلعي من الشقة قبل السنة حيروح عليكي الشهرين (وده برضه نظام في كل حتة)...

في حاجات كتير لازم تشوفيها في البيت إلى حتسكني فيه بس ده موضوع لوحده ممكن نبقى نتكلم فيه لما يجي وقته...خلينا في المناطق...

انا عن نفسي سكنت في Ile des soeurs ... وكنت متكلم مع إحدى الشركات إلى بتدير عدة مباني وبيوت في الجزيرة... بالإيميل طبعاً... وكنت محدد ميعاد معاهم تاني يوم وصلت...رحت فرجوني على كذا شقة... نقيت واحدة ومضيت العقد يوميها وكلمت علطول الهجرة أديهم العنوان... هو العيب إن العقد سنوي... ودي كانت مخاطرة مني... بس الصراحة المكان جميل جداً... ويعتبر من أرقى وأمن المناطق في مونتريال... وله مميزات كتيرة...منها إنه 10 دقايق بالعربية من الdowntown... وأنا على حسب ما فهم إنك عايزة تشتغلي في التصدير... ومعظم شركات النصدير والملاحة بتبقى في الdowntown...ده غير الجامعات...ده غير إن واصل إتنين هاي وايز (10 ، 20) ودول بيعتبروا شرايين مونتريال ومنهم تقدري توصلي أي حتة... ده غير إن المنطقة هنا أمن حتة للأطفال... في طريق للعربيات...وطريق للعجل...وطريق للبني أدمين...وبيفكروا يعملوا طريق للكلاب والقطط... فيه باركات كتير ...حضانات كتير... معظمهم حلوين...(لاحظي إن علية القوم ساكنين هنا)...غير إن المكان له طابع خاص في البني أدمين إلي ساكنين فيه... يعني لا هو west وتلزيق...ولا هو east وغباوة ولا هو downtown وزحمة...جزيرة...جوة جزيرة....فيه غابة صغنونة لو بتحبوا المشي... فيه ملاعب تنس وحمامات سباحة مترمية في كل حتة... وموقع المنطقة إستراتيجي بين Ile de montreal والsouth shore....

طبعاً مافيش حاجة من غير عيب... والعيوب هيا...

مافيش مترو بيعدي هنا... أوتوبيس بس... وإن كان فيه خطين اوتوبيس...ومثلاً انا لو عايز أروح ال downtown

ومش عايز أوجع دماغي بالركنة باخد أوتوبيس بأكون هناك في تلت ساعة...بس لازم عربية... (وإن كان في جميع الأحوال العربية أمر ضروري)

تاني حاجة المنطقة غالية حبتين في الإيجارات... بس لو حتحطي في إعتبارك كل الخدمات إلى بتخديها حتلاقيها مربوحة...يعني مثلاً شقة أوضة واحدة تخشلها في حوالي 800-900، وشقة أوضتين فوق ال1100...بيت تلات أربع أوض..فوق ال2000.... طبعاً ال900 دولار إلى بتدفعيهم هنا في أوضة ممكن تاخدي بيهم أوضتين في ختو نص نص...أو حتى بيت كامل في الأدغال...بس مانصحكيش.... لأن بيتك والمنطقة إلى إنت حتعيشي فيها حتأثر جامد على تكيفك وتقبلك للوضع الجديد...يعني يا حتحبي البلد وغلى فيها...يا حاتكرهي كندا وإلى فيها....

شوفي مثلاً الأخ العزيز إيهاب سالم لما راح عمل لاندينج وأصدقاءه إلى قعد معاهم كانوا عايشين في حتت حلوة...الراجل نفسه إتفتحت وأخد صور وتفكيره للقرار الهجرة بقى إيجابي... أما مثلاً لو كان راح لأصدقاءه لقاهم عايشين في منطقة مش قد كدة...كان نفسه إتصدت وبدأ عقله يودي ويجيب....

تالت عيب...وإن كنت لا أعتقد إنه عيب أوي بالنسبة للي عندهم اطفال هو إن المنطقة هاااادييييية.... يعني لو واحد جاي بطوله وعايز كل يوم يخرج يروح حتة مش حتاكل معاه خالص... وبالعكس إلى عنده أطفال ممكن دي تبقى ميزة....

أنا عامة شفت مناطق كتير...وبالمقارنة لقيت هنا أحسن حاجة... خاصة في السنين الأولى... وبعدين لما يستقر بكم الأمر إن شاء الله...وتفكروا تشتروا بيت مثلاً ففي الحالة دي ممكن يبقى فيه كلام تاني....

عامة...ده موقع الجزيرة...

www.ile-des-soeurs.ca

وده موقع شركة هنا تدير العديد من المباني والبيوت

www.structuresmetropolitaines.com

ممكن تخشي وتتفرجي وتاخدي فكرة....

ده موقع المدرسة

www2.csmb.qc.ca/iledessoeurs

الحضانات فيه كتير... وزي ما قلتلك...إلى مسجلين مع الحكومة ب 7 دولار في اليوم...وإلى مش مسجلين مع الحكومة فأسعارهم بتتراوح من 18 إلى 35 دولار في اليوم... وبعدين إنت بتبعتي تاخدي الفرق من الحكومة...

ومتسأليش أي حضانة أحسن من التانية لأن ده موضوع نسبي بحت... والمهم تبقي إنتي مستريحة للمكان والناس إلى فيه...لأنك لو مستريحة فبنتك برضه حيستريح والعكس صحيح...

فيه هنا عرب مسلمين كتير يسكنون المنطقة (معظمهم سعوديين أو مصريين وأغلبهم أطباء ومهندسين يدرسون في mcgill و Concordia )....

في أماكن برضه حلوة للسكن .westmount و rockland و Plateau Mont Royal ....بس اغلى شوية...ومحتاجة خبرة شوية في التنقية...

طبعاً الأخوة الأفاضل هنا ممكن يفيدونا أكثر كل حسب المنطقة التي يعيش فيها....

بالنوسبة للتطعيمات فدي ما تشغليش بالك بها...إنت إمشي مع التطعيمات بتاعة مصر عادي لحاد ما توصلي... وقبل ما تسافري تروحي للدكتور بتاعك خليه يكتبلك شهادة أو على الروشتة بتاعته التطعيمات إلى بنتك خدتها كلها بالإنجليزي...لما تيجي هنا إن شاء الله... وبعد ما الmedicare يجيلك...تاخدي البنت وتروحي على أقرب عيادة جنب البيت... كل طفل هنا لازم يبقى فيه له دكتور... فالدكتور حيملى ورقة وتمضي عليها وتديله قائمة التطعيمات إلى البنت أخدتها...هو حيعملها carnet de vaccination وحايكتب التطعيمات إلى هيا خدتها في مصر وبعدين حايشوف إيه إلى ناقصها من التطعيمات حسب النظام هنا ويحدد معاكي ميعاد تودي البنت تطعم وبعد كدة عادي بقى...كل تطعيم في ميعاده زي بقية الشعب (نظام كمل شهرين يطعم ضد الدرن...السل يعني لو ناسي).... كدة...

لو فيه اي مشكلة لا قدر الله ممكن تروحي لأي دكتور على فكرة...إنت حرة... بس التطعيمات والمتابعة الدورية فيفضل يبقى في أقرب عيادة جنب البيت...أما لو أي حاجة تانية فأنا بودي بنتي في عيادة إسمها tiny tots....هيا بعيدة شوية...بس فيها أحسن دكاترة أطفال في البلد... وده الموقع بتاعهم

www.tinytots.ca

خد فكرة وأشتري بكرة...

معلش طولت عليكي يا ست نانسي...

ربنا يوفقك ويكرمك إن شاء الله...ونصيحة أخيرة...

ماتعمليش حاجة في البلد دي قبل ما تسألي وتستشيري حد عايش هنا.... لأن الواحد أتخم في حاجات كتيرة أوي لو كان لقى حد ينصحه كان ممكن يوفر عليه كتير أوي.... لا خاب من إستشار حتى لو إستشار حمار....:wub:

وعامة لسة بدري وقبل السفر إن شاء الله حيبقى فيه كلام تاني ونمدك بما هو طازج وحديث من المعلومات....

أخوكم وجدي.... دكتوراه في الهجرة تخصص كيبك لجميع إكسسوارات المحمول...

السيد الفاضل وجدي قرات ردك والذى ترك لى انطباع بانك على درايه جيده باحوال كيبك فهل يمكن الرد على استفساراتي التاليه

انا مقدم عن طريق كيبك واحب اروح الى مقاطعه من المقاطعات ذوات الدخل الجيد وكذلك التى يتحدثون فيها الانجليزيه نظرا لانه ليس لى تقل على الفرنسية وذلك بعد اللاندينج فهل افقد اى مزايا والا نفس مجانية التعليم للاولاد ومنح الدراسه الجامعيه لي وزوجتي والخ

سوال اخر هل الجامعات فى كيبك ممكن تتيح لك انك تاخد الدروس باللغه الانجليزيه بدلا من الفرنسيه وشكرا

وهل يوجد مدارس مجانيه بالانجليزيه فى كيبك

[hamoudi]

الاخ الفاضل وجدي

اولا الف مبروك على الدكتوراه فى الهجرة لكندا

قرات ردك والذى ترك لى انطباع بانك على درايه جيده باحوال كيبك فهل يمكن الرد على استفساراتي التاليه

انا مقدم عن طريق كيبك واحب اروح الى مقاطعه من المقاطعات ذوات الدخل الجيد وكذلك التى يتحدثون فيها الانجليزيه نظرا لانه ليس لى تقل على الفرنسية وذلك بعد اللاندينج فهل افقد اى مزايا والا نفس مجانية التعليم للاولاد ومنح الدراسه الجامعيه لي وزوجتي والخ

سوال اخر هل الجامعات فى كيبك ممكن تتيح لك انك تاخد الدروس باللغه الانجليزيه بدلا من الفرنسيه وشكرا

وهل يوجد مدارس مجانيه بالانجليزيه فى كيبك

[محاور سوري ضيف المصريين]

لاه ....لاه....لاه...ياحبيبنا المصريين مو هيك كان العشم فيكم هنا في المنتدى....معقولة 12 يوم ولا رد .....عموما شكرا

ربنا معايا ان شاء الله....ورايح يعني رايح يعني رايح :happy:

[مصرية والنعم]

لاه ....لاه....لاه...ياحبيبنا المصريين مو هيك كان العشم فيكم هنا في المنتدى....معقولة 12 يوم ولا رد .....عموما شكرا

ربنا معايا ان شاء الله....ورايح يعني رايح يعني رايح

الاخ الفاضل محاور سورى

متزعلش يمكن الاخوة مشغولين

حجوبك على سؤال امتحان اللغة حيتطلب منك مع الاوراق ومش فى المقابلة الشخصية ان وجدت

يعنى حضرتك تجهز نفسك وتذاكر عشان النقط المطلوبة

اسفة لان معنديش اجابة لسؤال اضافة مولوذ جديد

ان شاء الله الاخوة الافاضل يفدوكوتلاقى الاجابة

ربنا يوفقكم

[Bustami]

مساء الخير يا جماعة ,,, انا اول مرة اكتب في المنتدى , وطبعا لاحظت تعليقات الاخ الشامي وغيره من الناس الحلوين الي استفدنا منهم جدا

المهم انا شفت كل المواضيع في باب الهجرة الى كندا وتقريبا قرأت كل الصفحات

لاحظت شيئ ضروري , انه فترة الانتظار مختلفة من شخص لاخر واكيد هذا يعتمد على دراسته , عمره , خبرته و شهادته

لو كل واحد عرّف عن نفسه في بداية كل تعليق بالطريقة القديمة بتاعت (فلان الفلاني ,,, بكالوريس هندسة ,,, عين شمس ) يعني كالتالي :

بكالوريوس تجارة , 4 سنوات خبر ,هجرة من القاهرة , استلمت رقم الملف في 7 2007 , المقابلة كانت في 7 2008 مثلا يعني او

ماجستير كمبيوتر , 10 سنوات خبرة , هجرة من الكويت , استلمت رقم الملف في 8 2002 المقابلة في 5 2004 لاندينج 9 2006 وهكذا

لان السؤال متكرر دائما ومن الصعب التكهن بالمدة الحقيقية علما انها مذكورة في الويبسايت بتاع كندا

[qenawy]

موقع تليفزيون كندي قد يكون مفيدا في تعلم اللكنة الكندية او حتي الاطلاع علي تلك الجنة

تليفزيون كندي

CBC