ومضات من نبضات

[عبير يونس]

لا تكمن أهمية المعلم في أنه "يعطي" علمه و عصارة خبرته

بل في كونه " يتحمل " سخافاتك و عنادك و غرورك و جهلك حتى تصل إلى بر الحقيقة

بارك الله في من علمني

آمين

[عبير يونس]

اصنع الباب اولا 
ثم انتظر منه الرزق

[عبير يونس]

لما تلاقي الفلوس اللي معاك انصرفت على ناس تانية 
اوعى تزعل
افرح و اوي كمان 
هي ما كانتش فلوسك أصلا 
هي فلوس ناس تانية و رب العالمين استخدمك لتوصيل الفلوس دي لعباده 
تخيل لما تبقى واحد من طقم الضيافة لعباد الرحمن 
عشان كده لازم " تدفع" وانت الابتسامة مالية وشك 
اللهم استخدمنا لخدمة عبادك يارب 
امين امين امين

[عبير يونس]

متحاولش تجهز خطط بديلة

انوي خير بجد و من قلبك و بكل يقين

و حتلاقي الكون كله طقم ضيافة مسخرهم لك ملك الملوك

[عبير يونس]

 

الغيرة مش من علامات الحب 
الغيرة من علامات التعلق 
و الأنانية الغير محمودة ( الأنا العليا)
متكلمش غيري لأنك بتاعي "أنا"
و ده اللي بيفسر ليه المرأة ممكن تتغاضى ان زوجها بيعرف عليها ستات 
لكن مش بتقبل انه يتجوز عليها !!
لأنه مهما لف ودار فهو في الآخر بتاعي "أنا "و زوجي "أنا "
الغيرة مبتبقاش "عليك" يا مسكين  :D
الغيرة بتبقى "من " الست التانية   :)
ازاي واحدة تانية تاخد مكاني ؟!
ازاي الاهتمام يكون متوزع بيني و بين حد تاني ؟
طيب بتحب مين فينا اكتر ؟
يا خاين يا غشاش :D
و تبدأ اتهامات لا تنتهي 
عينك فارغة 
طفس 
رمرام 
و طبعا دي مصطلحات خاصة بالأكل لكنها برضه بتتقال في المقام ده 
على اعتبار ان الست فريسة للرجل الذئب و كدهوت  :D
كلمة عمرها ما راحت من بالي 
قالتها أمي لما بابايا توفى 
قالت ياريته عاش و اتجوز عليا تلاتة :D
مع اني مش مصدقاها في ده 

;)
لكن اكيد مصدقة حرقة قلبها عليه 
طيب ليه كل الحوار ده؟ 
لأن "التعلق" فعلا بيعطلنا و يوقف رحلتنا 
بلاش تتعلقي برجل و تعتبريه بتاعك 
لأنه فعلا حتى ولو بينك و بينه عقد زواج هو مش بتاعك 
و متضيعيش عمرك تحاربي ان متخدهوش واحدة تانية 
لأنه ممكن ياخده الموت في لحظة 
او ممكن يبقى قاعد جنبك لكنه مش معاكي 
و ارجع واقول 
مفيش ملكية في الدنيا بالمرة 
كلها عقود ايجارية محددة المدة 
و ايجار جديد كمان :P
تحرر من التعلق بالأشياء و الأشخاص 
عيش في الدنيا حر 

[عبير يونس]

لقمة العيش اللي مقسومة لك 
موجودة جوة رغيف فيه نصيب لناس تانية معاك 
لو فكرت في نفسك بس 
الناس اللي معاك حتروح لهم لقمتهم من رغيف تاني 
انت حتتحرم منه

[عبير يونس]

 

باطمن اوي 
كل ما احس اني لسه مفهمتش و معرفتش
تخيل لو عرفت كل حاجة وفهمت كل حاجة يبقى فاضل ايه نستنى بكرة عشانه؟؟
‫جميلة الرحلة 
الحمد لله كثيرا 

[عبير يونس]

مش كل حاجة لها تفسير 

و مش كل تفسير حيكون على هوانا

بطلت ادور على تفسير 

ليه لازم نعرف الاول عشان نقبل ؟

و لو مقبلناش يعني ؟

ايه اللي حيحصل 

ما هو كائن كائن بقبولنا او من غيره

يبقى نقبل بهدوء  

أسلم  

[عبير يونس]

تأمل هذا الطفل 
جميل 
بريء 
ضعيف 
لا حول له ولا قوة 
:D له احتياجات بسيطة ( لكن لو طمعته اكيد حيطمع   
بص له كويس
هل ممكن تفكر تؤذيه؟
هل تتحمل بكاؤه للجوع مثلا؟ 
هل تتحمل ألمه؟
هل بوسعك أن تتركه يسقط مثلا؟

 :)  هل بوسعك ألا تداعبه و تلاطفه ؟
ماذا لو شك بك هذا الطفل؟؟؟
ماذا لو لم يصدق أنك تساعده؟؟
ماذا لو امتنع عنك و أشاح بوجهه ؟؟
هل ستغضب منه؟ هل ستؤذيه؟ هل ستتركه؟؟ هل ستمنع عطفك عنه؟؟
اذا كنت أنت يا مخلوق لن تفعل 
فما بالك بمن خلق 
هكذا نحن بعين الله تعالى 
الرحمن الرحيم الحنّان المنان الكريم العظيم الودود الغفور

[عبير يونس]

امبارح كنت باتوضأ 
كررت الوضوء من غير داعي عشان اترطب في الحر 
افتكرت ان من شهر واحد بس
كانت فكرة اني اجدد وضوئي مزعجة جدااا عشان البرد
و تأملت ان كل حاجة بنعملها 
ممكن تكون مريحة جدا 
او مزعجة جدا !!
من فترة كنت باسمع كتير من اصدقائي المدربين كلمة : اقبلي 
و مكنتش عارفة ازاي اقبل 
و اكتشفت ان مينفعش نكره أي فعل 
حتى لو شايفينه مزعج وقتها 
لأن كل حاجة بيتغير احساسنا بيها باختلاف الوقت 
نقبل هي حاجة في النص بالضبط 
لا بنحبها و لا بنكرهها 
نقبل كل الاحتمالات 
نقبل الرفض زي ما بنحب القبول 
نقبل التأخير زي ما بنحب التعجيل 
نقبل المرض زي ما بنحب الصحة 
نقبل نقص الفلوس زي ما بنحب توفرها 
نقبل مرارة الدوا زي ما بنحب حلاوة الاكل الحلو
نقبل غياب اللي بنحبهم زي ما بنحب وجودهم
القبول عكس المقاومة 
و المقاومة كل مازادت بتزيد القوة المضادة و الأمور بتتعقد اكتر 
و كل ما زاد القبول زادت المرونة 
في الفكر 
و في الجسد 
متهيألي دلوقت بس فهمت ليه ربنا بيبتلينا 
"ولنبلونكم بشيء من الخوف والجوع ونقص من الأموال والأنفس والثمرات وبشر الصابرين"
تدريب على " القبول" 
القبول = عدم الاعتراض 
اللهم لا اعتراض
اللهم إني أشهدك أني قبلت يارب 

[عبير يونس]

تعرف قد ايه ربنا سبحانه وتعالى مدللنا ؟ 
تعرف ان الانسان هو المخلوق الوحيد اللي عنده رفاهية الانتخة ؟
من أدق مخلوق لأكبر مخلوق 
من الذرة لحد الشمس
مينفعش يتأخروا جزء من الثانية عن النظام الكوني 
اما احنا بقى فحدث و لا حرج عن خروجنا و ابتعادنا عن النظام الكوني 
الحمد لله ان ده بحدود و الا مكنش حد فينا قلبه اشتغل و لا معدته هضمت smile emoticon
الحمد لله على كل العمليات اللارادية اللي معمولة لحمايتنا ملناش يد فيها و لا قرار 
عملها الصانع الأعظم لحماية مخلوقاته 
النظام الجبار اللي مش بيقف و كل حاجة محسوبة فيه بدقة 
الوقت و المواعيد جزء من النظام ده
احنا بنحط مواعيد و خطط 
قد تتوافق مع المواعيد الكونية و قد لا تتفق 
احنا بناخد موعد تقريبي من الكون 
و الكون هو اللي بيعمل confirmation
grin emoticon
لو حد اتأخر عليك في موعد 
ده من وجهة نظرك انت انه تأخر 
لكن الحقيقة انه مكانش معاده اصلا 
محدش بيشوف حد او ياخد حاجة او يوصل لمكان 
الا بالموعد الكوني 
مش بمواعيدنا احنا 
متزعلش على حاجة مخدتهاش ..لسه اوانها ماجاش 
متزعلش من حد مجاش في موعد انت اللي حطيته ..لسه معاده ماجاش
مفهوم التأخير و التعجيل ده نظام جوانا احنا اللي مخترعينه 
عشان يبقى نظام محاكي للنظام الكوني 
امتحان تجريبي يعني smile emoticon 
تأكد من حاجة واحدة 
ان كل اللي بيخطر في بالك ملكك و جاي لك في وقته وأوانه 
المهم انك متزهقش ابدا من الانتظار 

[عبير يونس]

من وانا صغيرة كنت افكر ليه يوم القيامة ؟

عشان الحساب و الجزاء

طيب ليه أهوال القيامة ؟

و ليه أرضنا الجميلة ببحارها وانهارها و جبالها وشمسها تتدمر؟

ليه الخوف والهلع و مين اللي حيأمن الهلع ده ؟

النهاردة مع آيات ... إذا وقعت الواقعة * ليس لوقعتها كاذبة * خافضة رافعة* إذا رجت الأرض رجا * و بست الجبال بسا* فكانت هباءا منبثا*

و جاء بعدها

و كنتم أزواجا ثلاثة ... "تصنيف"

و خطر على بالي

هو الكومبيوتر لما بيصيبه فيروسات ايه اللي بيحصل ؟

بيفضل بتعامل مع الفيروسات لحد لحظة ما ..خلاص

مبينفعش تعامل

و "لازم" الجهاز يتفرمت

و ساعتها ب " نؤمّن " الملفات " الصالحة" و " نحفظها" في اماكن تانية

و بعد كده بندي امر " الفرمتة " لكوووووول حاجة

و " الفيروسات" و الملفات المعطوبة همة اللي بيشوفوا أهوال الفرمتة

بعدها الكومبيوتر " الأرض" بيبقى مستعد يبدأ من جديد على نضافة

 

و يبدأ التصنيف

و كنتم أزواجا ثلاثة ....

أصحاب الميمنة

أصحاب المشأمة

السابقون

و يبدأ تسكين الملفات في مجلداتها

المقربون ...أصحاب اليمين ... أصحاب الشمال

ويبدأ الحساب " التقييم "

و عليه الجزاء

المقربين في روح و ريحان وجنة نعيم

و أصحاب اليمين في سلام

و المكذبين الضالين في نزل من حميم و تصلية جحيم

 

إن هذا لهو حق اليقين

 

سبحان ربي العظيم

 

"وتلك الأمثال نضربها للناس وما يعقلها إلا العالمون"

 

نسأل الله الحفظ و الأمن و الظل يوم لا ظل إلا ظله

آمين

[عبير يونس]

عيب ... سيبي اخر حبة في كوباية العصير

عيب متاخديش باقي الفلوس انتي حتبصي لباقي ربع جنيه !!

سيبي لاخوك الشوكولاتة اللي في ايدك عشان ميعيطش

اسمع الكلام عشان متزعلش ماما و بابا

الام متاكلش و تدي اللي في بؤها لولادها

البني ادم ده طيب اوي و اللي في ايده مش له

التضحية و الايثار من انبل الأخلاق

معظمنا اتربى على كل ده

و خالط بين كل اللي فوق ده و بين مفهوم " الايثار"

تعالوا نراجعهم تاني كده

عيب ... سيبي اخر حبة في كوباية العصير

ايه اللي عيبها ؟؟؟؟

بالعكس ده الحبة دول حيترموا اصلا و ده الحرام بقى بعينه

بيقولوا سيبي حبة ذوق شياكة يعني

زي ما تسيب بقشيش 10 ج كده عشان تبان شيك و ممكن تكون مع الغلابة مش بتسيبلهم مليم زيادة عشان وقتها بتبقى خرجت من مود الشياكة ..ما علينا

*****************************************************

عيب متاخديش باقي الفلوس انتي حتبصي لباقي ربع جنيه !!

ده على اساس ان ربع جنيه حاجة حقيرة مثلا مش من مقامك ؟؟!!

و الا تبرع بالغصب ؟؟؟

اه حابص على ربع جنيه مش حقي ده ؟؟!!!!

***************************************************************

سيبي لاخوك الشوكولاتة اللي في ايدك عشان ميعيطش

ده بدل ما نعلمه ميعيطش على حاجة مش بتاعته اصلا ؟؟؟

ممكن اديه حتة عشان اراضيه و عشان قيمة العطاء

بس مش اني اتنازل عن حقي عشان هو ميزعلش !!!

***************************************************************

اسمع الكلام عشان متزعلش ماما و بابا

كتييييير اوي بنفس الفكرة اللي فوقها امهات و ابهات اعتبروا ان طاعة الوالدين يعني الغاء للابناء تماما

و ان لازم الولاد يسمعوا كلامهم في اي حاجة و الا يغضبوا عليهم

نفس المنطق اديه اللي في ايدك عشان ميزعلش !!

******************************************************************

الام متاكلش و تدي اللي في بؤها لولادها

ليه ؟؟

انتي كده بتربي ولاد ديدنهم الانانية و ان همة المهم و بس

و ترجعي بعد عمرك ما يروح تعيطي في دار المسنين اللي حيرموكي فيه

لانك انتي اللي ربتيهم على ان ملكيش حق في اي حاجة

****************************************************************

البني ادم ده طيب اوي و اللي في ايده مش له

هي اوفر حبتين تلاتة عشرة من الترغيب في العطاء

العطاء جميل اوي و الرسول عليه الصلاة و السلام كان يعطي عطاء من لا يخشى الفقر

و فعلا

الايثار من انبل الأخلاق

لكن لحظة من فضلك

التضحية غير الايثار

التضحية يعني تنازل عن الحق

و يعقبها لازم اللي ضحى بنفسه و بحقه حيفضل عايش دور الضحية

كأنك بتقول لرب العالمين و العياذ بالله انت قصرت معاهم و انا حكمل تقصيرك

اه و الله ملهاش معنى تاني

زي شدة التعاطف مع المنكوبين و كأننا احنا احن من اللي خلقهم و عندنا رحمة و هو سبحانه لا !!!

خصوصا اللي بيكتفوا بالاعتراض و الامتعاض من غير ما يعملوا اي حاجة تعدل اللي شايفينه مايل !!!

التضحية من اخطر القوانين الكونية

و لو مارستها متلومش حد على انه شايفك ملكش حقوق و عاملك على الاساس ده

 

تم تعديل 9 مايو 2016 بواسطة Advisor
تغيير الفونت الصغير جدا

[عبير يونس]

 

فاقد الشيء لا يعطيه 
عبارة خاطئة 
ففاقد الشيء و مالك الشيء كلاهما لا يعطي 
لا يعطي سوى " العاطي" " الوهاب" فقط 
و ما نحن إلا عمال توصيل !
‫#‏اعرف_حجمك‬

[عبير يونس]

"اشتري ما تبيعش" 
لها معاني كتيييييييييييييييييييير جدا 
بحسب ماذا يعني لك " الشراء" و ما يعنيه لك " البيع" 
فيما إذا كان معنى الشراء هنا يعني " التصديق" 
فنصيحتي التي سمعتها من ايريك ووري 
"لا تشتري حكايات الآخرين و قم ببيع حكايتك انت"
"Don't buy others' stories, sell your own story"__ Eric Worre

[عبير يونس]

في ناس عندهم كل اللي همة عايزينه من غير ما يتعبوا و يطلع عنيهم

في ناس اجسادهم رشيقة و عمرهم ما عملوا دايت و لا عمرهم راحو جيم

في بنات لقوا ازواج مريحينهم و بيعاملوهم كالملكات من غير ما يضطروا يشتكوا و لا يندبوا

في رجالة لقوا زوجات مريحينهم من غير ما يطلبوا طلبات مرهقة و مبينكدوش عليهم

في ناس عمرهم ما راحو لدكتور

في ناس عاشوا في تبات ونبات و متعرضوش لأي حداث غير سعيد

في ناس عايشين في بحبوحة من العيش من غير ما يموتوا نفسهم في الشغل

في ناس عاشوا وماتوا في أمان ومن غير كوارث

الأصل هو الصحة و الغنى و الأمان و ده الطبيعي

و ما دون ذلك تسمى " الحوادث"

يعني حاجة مش طبيعية

اللي حاصل اننا حولنا اللي مش طبيعي لقاعدة و بقى الطبيعي هو الاستثناء!!

من ايه؟

من كتر الكلام فيه

و القاء الضوء عليه و تضخيمه و جعله ضرورات و حاجات

اذكرلما كنت اول مرة افكر اغير لون شعري

البنت اللي في الصيدلية كانت بتعرض عليا صبغات

كنت متخوفة وقلتلها الحاجات دي مش بتبوظ الشعر و تنشفه

قالت لي ما انتي تحطي له زيوت وكريمات عشان تعالجيه !

قلتلها بقى هو جميل و ناعم ابوظه و بعدين اعالجه ؟؟؟!!

هو ده اللي بيحصل بالضبط

اغذية "تبوظ " الجسم و بعدين "ادوية" تعالج و ريجيمات و جيم و.. و..

كل حاجة تجارة

و التجار همة اللي بيفرضوا انت محتاج ايه =D

حتى اللي بيحاولوا يوعوك لده

مش بيوعوك ببلاش =D

الحلول علوم و اسرار تحتاج للكشف

و اذا عايز تعرف لازم تدفع التمن

و التبرير انك مش هتهتم الا لما تدفع !

انا كنت مصدقة ده

لكن اللي حصل اني كتير دفعت و برضه مكنتش مهتمة :)

محدش قدر يبيع لي "الاهتمام"

محدش يعرف يجبر حد يهتم

دي حاجة لازم تيجي من جوة

و عملية التحفيز اللي بتحاول تفرض الاهتمام باعتبرها - من وجهة نظري الشخصية جدا - أغبي شيء ممكن تعمله مع حد

الغالي تمنه فيه

دي برمجة مش دايما صح

لو كانت دي الحقيقة

طب ليه رب العالمين عامل كلامه مجانا ؟؟

الإيمان مجاني

لكن الدين بفلوس

بقى في علماء دين مينفعش تعتدي على تخصصهم

و مش من حقك تفهم كلام ربنا بعقلك و لا من حقك تحس بيه بقلبك !

تفهموا زي ما همة يقولوا و يحددوا بس

People Don't know what they NEED until WE DECIDE

الناس لا يعرفون ما هم بحاجة إليه حتى " نقرر نحن"

العبارة دي قالها ستيف جوبز

صاحب شركة APPLE

مش هو اللي اخترعها على فكرة دي حاجة العالم ماشي عليها من قديم الأزل و حتى قيام الساعة :)

و مش باشكك فيه انه قالها جشع

هو في اعتقادي يقصد الجانب الايجابي اللي فيه اننا بنساعد الناس اللي مش عارفين همة عايزين ايه

بنساعدهم على الاختيار بعرض "المتاح" اللي ممكن يختاروا منه

بس الفكرة استرعت انتباهي و بدأ عقلي طرح التساؤلات

هو كصاحب شركة ابل بيعرض "المتاح" عنده هو بس

و اللي هو مصدق و متيقن بقوة انه افضل ما يمكن

يعني وجهة نظر شخصية جدا

لأن أكيد في الكتير اوي برة شركة ابل في كون " الوفرة"

ايه يا عبير ؟

هو في حد فينا مبيعملش ده؟

من حق كل واحد يشوف بضاعته أحسن بضاعة

بس مش من حقه يتصور انه هو لوحده في الكون اللي بيقدم لك اللي مستحيل تحصل عليه من عند غيره !!

فكر متطرف ...زي ما كل جماعة دينية بتفترض انهم همة بس " الفرقة الناجية" :)

متهيألي لو الواحد قال:

*************************************************************************

في طرق كتير ممكن توصلك

بس هو ده الطريق اللي انا اعرفه عشان مشيت فيه و هو ده اللي اقدر اساعدك فيه بخبرتي

هيبقى الأمر اكثر صراحة و وضوح

******************************************************************************

دايما على كل المستويات

في كبار همة اللي بيقرروا

الكبار دول مش كبار غير بسببنا احنا

احنا اللي بنكبرهم باستسلامنا لافكارهم و تنفيذ اللي همة بيقولوه

و بسماحنا لهم يفرضوا همة الذوق العام !

و ده مش وحش في حد ذاته

في ناس كتير "مكسلين" يفكروا همة و معندهمش هدف

و دول الغالبية اللي محتاجين منهج محدد يمشوا عليه و يتبعوه

من جهة المناهج فهي كتيرة و موجودة

بس هل وجود المنهج ضمان انك تمشي عليه؟

ده سؤال محير فعلا

خد بالك ان العبارة بتقول People Don't Know

يعني بالمعرفة محدش يقدر يتحكم فيك

الكلام ده موجه للي عايز يعرف و عايز يوصل

مش للي ماشي و خلاص على خطط غيره و بيحقق أحلام غيره

هو ده الحل لكل اللي ملوش حلم او عنده بس معندوش خطة لتحقيقه

طيب نلخص الكلام ده في ايه

عشان كده الموضوع وسع

**************************************************************************************

شوف..اسمع.. اعرف.. اتعلم تعمل ده ازاي.. و انطلق بكل اللي تعلمته في طريقك اللي انت اخترته

**************************************************************************************

"كل حاجة في الدنيا بفلوس"

دي حقيقة بين البشر بدأت بنظام المقايضة

و اكيد مش رافضاها

لكن " اختار" و " قرر"

ادفع في اللي انت حابه

اللي انت حابب تاكله

و اللي انت حابب تلبسه

وفي العيشة اللي عايز تعيشها

كل اللي جسمك يطلبه مش اللي اخصائيين التغذية بيقولوه و يسفه بعضهم بعضا

و البس اللي نفسك ترتاح له مش اللي بيوت الأزياء و محلات اللبس بتفرضه

اختار شريك حياة انت تحبه مش لأنه مناسب اجتماعيا و حتى لو مش عاجب اللي حواليك المهم انت

عيش في مكان تحبه حتى لو كان بسيط و لو حبيته واعتنيت بيه هترتقي و البسيط هيكبر

مش لما تيجي الفلوس هتعيش

الفلوس اصلا مش هتيجي الا لما " تعيش"

ازاي تعيش و لسه مش عندك فلوس

" اعمل اللي تحبه "

في حاجات كتير بتحبها مش هتكلفك

دور عليها جواك

" وَفِي أَنْفُسِكُمْ أَفَلا تُبْصِرُونَ"

[tarek hassan]

6 ساعات مضت, عبير الشرقاوي said:

في ناس عندهم كل اللي همة عايزينه من غير ما يتعبوا و يطلع عنيهم

في ناس اجسادهم رشيقة و عمرهم ما عملوا دايت و لا عمرهم راحو جيم

في بنات لقوا ازواج مريحينهم و بيعاملوهم كالملكات من غير ما يضطروا يشتكوا و لا يندبوا

في رجالة لقوا زوجات مريحينهم من غير ما يطلبوا طلبات مرهقة و مبينكدوش عليهم

في ناس عمرهم ما راحو لدكتور

في ناس عاشوا في تبات ونبات و متعرضوش لأي حداث غير سعيد

في ناس عايشين في بحبوحة من العيش من غير ما يموتوا نفسهم في الشغل

في ناس عاشوا وماتوا في أمان ومن غير كوارث

الأصل هو الصحة و الغنى و الأمان و ده الطبيعي

و ما دون ذلك تسمى " الحوادث"

يعني حاجة مش طبيعية

اللي حاصل اننا حولنا اللي مش طبيعي لقاعدة و بقى الطبيعي هو الاستثناء!!

من ايه؟

من كتر الكلام فيه

و القاء الضوء عليه و تضخيمه و جعله ضرورات و حاجات

اذكرلما كنت اول مرة افكر اغير لون شعري

البنت اللي في الصيدلية كانت بتعرض عليا صبغات

كنت متخوفة وقلتلها الحاجات دي مش بتبوظ الشعر و تنشفه

قالت لي ما انتي تحطي له زيوت وكريمات عشان تعالجيه !

قلتلها بقى هو جميل و ناعم ابوظه و بعدين اعالجه ؟؟؟!!

هو ده اللي بيحصل بالضبط

اغذية "تبوظ " الجسم و بعدين "ادوية" تعالج و ريجيمات و جيم و.. و..

كل حاجة تجارة

و التجار همة اللي بيفرضوا انت محتاج ايه =D

حتى اللي بيحاولوا يوعوك لده

مش بيوعوك ببلاش =D

الحلول علوم و اسرار تحتاج للكشف

و اذا عايز تعرف لازم تدفع التمن

و التبرير انك مش هتهتم الا لما تدفع !

انا كنت مصدقة ده

لكن اللي حصل اني كتير دفعت و برضه مكنتش مهتمة :)

محدش قدر يبيع لي "الاهتمام"

محدش يعرف يجبر حد يهتم

دي حاجة لازم تيجي من جوة

و عملية التحفيز اللي بتحاول تفرض الاهتمام باعتبرها - من وجهة نظري الشخصية جدا - أغبي شيء ممكن تعمله مع حد

الغالي تمنه فيه

دي برمجة مش دايما صح

لو كانت دي الحقيقة

طب ليه رب العالمين عامل كلامه مجانا ؟؟

الإيمان مجاني

لكن الدين بفلوس

بقى في علماء دين مينفعش تعتدي على تخصصهم

و مش من حقك تفهم كلام ربنا بعقلك و لا من حقك تحس بيه بقلبك !

تفهموا زي ما همة يقولوا و يحددوا بس

People Don't know what they NEED until WE DECIDE

الناس لا يعرفون ما هم بحاجة إليه حتى " نقرر نحن"

العبارة دي قالها ستيف جوبز

صاحب شركة APPLE

مش هو اللي اخترعها على فكرة دي حاجة العالم ماشي عليها من قديم الأزل و حتى قيام الساعة :)

و مش باشكك فيه انه قالها جشع

هو في اعتقادي يقصد الجانب الايجابي اللي فيه اننا بنساعد الناس اللي مش عارفين همة عايزين ايه

بنساعدهم على الاختيار بعرض "المتاح" اللي ممكن يختاروا منه

بس الفكرة استرعت انتباهي و بدأ عقلي طرح التساؤلات

هو كصاحب شركة ابل بيعرض "المتاح" عنده هو بس

و اللي هو مصدق و متيقن بقوة انه افضل ما يمكن

يعني وجهة نظر شخصية جدا

لأن أكيد في الكتير اوي برة شركة ابل في كون " الوفرة"

ايه يا عبير ؟

هو في حد فينا مبيعملش ده؟

من حق كل واحد يشوف بضاعته أحسن بضاعة

بس مش من حقه يتصور انه هو لوحده في الكون اللي بيقدم لك اللي مستحيل تحصل عليه من عند غيره !!

فكر متطرف ...زي ما كل جماعة دينية بتفترض انهم همة بس " الفرقة الناجية" :)

متهيألي لو الواحد قال:

*************************************************************************

في طرق كتير ممكن توصلك

بس هو ده الطريق اللي انا اعرفه عشان مشيت فيه و هو ده اللي اقدر اساعدك فيه بخبرتي

هيبقى الأمر اكثر صراحة و وضوح

**************************************************************************

دايما على كل المستويات

في كبار همة اللي بيقرروا

الكبار دول مش كبار غير بسببنا احنا

احنا اللي بنكبرهم باستسلامنا لافكارهم و تنفيذ اللي همة بيقولوه

و بسماحنا لهم يفرضوا همة الذوق العام !

و ده مش وحش في حد ذاته

في ناس كتير "مكسلين" يفكروا همة و معندهمش هدف

و دول الغالبية اللي محتاجين منهج محدد يمشوا عليه و يتبعوه

من جهة المناهج فهي كتيرة و موجودة

بس هل وجود المنهج ضمان انك تمشي عليه؟

ده سؤال محير فعلا

خد بالك ان العبارة بتقول People Don't Know

يعني بالمعرفة محدش يقدر يتحكم فيك

الكلام ده موجه للي عايز يعرف و عايز يوصل

مش للي ماشي و خلاص على خطط غيره و بيحقق أحلام غيره

هو ده الحل لكل اللي ملوش حلم او عنده بس معندوش خطة لتحقيقه

طيب نلخص الكلام ده في ايه

عشان كده الموضوع وسع

**************************************************************************

شوف..اسمع.. اعرف.. اتعلم تعمل ده ازاي.. و انطلق بكل اللي تعلمته في طريقك اللي انت اخترته

**************************************************************************

"كل حاجة في الدنيا بفلوس"

دي حقيقة بين البشر بدأت بنظام المقايضة

و اكيد مش رافضاها

لكن " اختار" و " قرر"

ادفع في اللي انت حابه

اللي انت حابب تاكله

و اللي انت حابب تلبسه

وفي العيشة اللي عايز تعيشها

كل اللي جسمك يطلبه مش اللي اخصائيين التغذية بيقولوه و يسفه بعضهم بعضا

و البس اللي نفسك ترتاح له مش اللي بيوت الأزياء و محلات اللبس بتفرضه

اختار شريك حياة انت تحبه مش لأنه مناسب اجتماعيا و حتى لو مش عاجب اللي حواليك المهم انت

عيش في مكان تحبه حتى لو كان بسيط و لو حبيته واعتنيت بيه هترتقي و البسيط هيكبر

مش لما تيجي الفلوس هتعيش

الفلوس اصلا مش هتيجي الا لما " تعيش"

ازاي تعيش و لسه مش عندك فلوس

" اعمل اللي تحبه "

في حاجات كتير بتحبها مش هتكلفك

دور عليها جواك

" وَفِي أَنْفُسِكُمْ أَفَلا تُبْصِرُونَ"

أفكار كتيرة نتاج تفكير كتير 

مع إن التفكير نعمة 

لكن في وسط مجتمع مستسلم فكريا نقمة 

التفكير في أحوال الخلق وترقب أحوالهم يجلب الهم ....

بسبب أنه لا يوجد شيء على ما يرام 

ولا سبيل واضح لفهم أو عقل أو تحرر  طالما خضع الناس لرؤى وأفكار وتسلط غيرهم بل وانتقلوا في حياتهم من خضوع لخضوع حتى تنتهي بهم 

 يقول الشاعر : الذليل بغير قيد مقيد.. كالعبد ان لم يسد بحث له عن سيد 

ويقول آخر :

وَإِن عَناءاً أَن تَفهَم جاهِلا ** فَيَحسَب جَهلا أَنَّهُ مِنكَ أفهَمُ
مَتى يَبلُغ البُنيانُ يَوماً تَمامَه ** إذا كُنت تَبنيهِ وَغَيرك يَهدِمُ

 

[عبير يونس]

On 6/29/2014 at 2:58 AM, عبير الشرقاوي said:

جميل جدا أن يكون لديك الكثير من المشاكل و المآسي

فيكون بوسعك دوما البكاء على شيء جديد... دون أن يتطفل عليك أحد بالسؤال الأكثر مللا في العالم... ما بك؟

اتراجع و بقوة عن تشبيهي لذلك بالجميل جدا 
و لكن فقط اللهم "قبول"  يساوي اللهم لا اعتراض 
و الحمد لله كثيرا

[عبير يونس]

On 7/1/2016 at 6:32 PM, tarek hassan said:

أفكار كتيرة نتاج تفكير كتير 

مع إن التفكير نعمة 

لكن في وسط مجتمع مستسلم فكريا نقمة 

التفكير في أحوال الخلق وترقب أحوالهم يجلب الهم ....

بسبب أنه لا يوجد شيء على ما يرام 

ولا سبيل واضح لفهم أو عقل أو تحرر  طالما خضع الناس لرؤى وأفكار وتسلط غيرهم بل وانتقلوا في حياتهم من خضوع لخضوع حتى تنتهي بهم 

 يقول الشاعر : الذليل بغير قيد مقيد.. كالعبد ان لم يسد بحث له عن سيد 

ويقول آخر :

وَإِن عَناءاً أَن تَفهَم جاهِلا ** فَيَحسَب جَهلا أَنَّهُ مِنكَ أفهَمُ
مَتى يَبلُغ البُنيانُ يَوماً تَمامَه ** إذا كُنت تَبنيهِ وَغَيرك يَهدِمُ

 

اهلا بك اخي الكريم

 
الحقيقة لا اؤمن بالكلام عن المجتمع بشكل فيه تعميم 

مفيش مجتمع نقدر نصفه بصفة ما 

حتى الثلاثة ( أقل الجمع) لا يمكن وصفهم معا  بصفة يكونون بها على نفس الدرجة 
 

بل إن الشخص نفسه متغير في حالاته وهناك مراحل مختلفة في حياته قد تختلف فيها سماته وأطباعه 

حيث كل الأشياء قابلة للتغيير 
هذا من جانب 

و من جانب آخر لا أميل إلى التفكير في المجتمعات و أرى ذلك تبديدا للطاقة 

و اؤمن بقوة بمبدأ ابدأ بنفسك 
و مقولة غاندي الشهيرة : كن أنت التغيير الذي تريده لهذا العالم 

و عليه 
فحقا لا يعنيني  عدم تفكير الآخرين ما دمت قادرة على التفكير 
 يَاأَيُّهَا الَّذِينَ آمَنُوا عَلَيْكُمْ أَنفُسَكُمْ لَا يَضُرُّكُمْ مَنْ ضَلَّ إِذَا اهْتَدَيْتُمْ إِلَى اللَّهِ مَرْجِعُكُمْ جَمِيعًا فَيُنَبِّئُكُمْ بِمَا كُنتُمْ تَعْمَلُونَ

و هذا بالطبع أمر إلهي واجب التنفيذ 

أن علينا في المقام الأول " أنفسنا" و هي الشغل الشاغل و بصلاحها تنصلح الأمور  

 

 

[عبير يونس]

 ليه انا اسمي عبير 
ليه انا مصرية و باتكلم عربي 
ليه موجودة جوة الجسم ده بلون البشرة دي و لون العيون ده و الشعر ده 
ليه بالطول ده 
ليه بالحجم ده 
ليه دول ابويا و امي 
ليه دول اخواتي 
ليه عشت في السعودية أغلب عمري 
ليه من سكان القاهرة 
قد تبدو اغلب الحاجات دي اقدار ملياش يد فيها 
لكن الحقيقة انها كلها اختياراتي انا 
ايه الدليل على ده؟ 
" و ما ربك بظلّام للعبيد " 
ربنا مش بيختار لنا أي حاجة و لا بيتدخل في اختياراتنا إلا في حالتين : 
- إما لانقاذنا " و اعلموا أن الله يحول بين المرء و قلبه " 
أو
- إذا احنا اللي طلبنا منه " أمن يجيب المضطر ( إذا ) دعاه " 
طب مش صعبة دي اني اخترت وجودي؟ 
( وَإِذْ أَخَذَ رَبُّكَ مِنْ بَنِي آدَمَ مِنْ ظُهُورِهِمْ ذُرِّيَّتَهُمْ وَأَشْهَدَهُمْ عَلَى أَنْفُسِهِمْ أَلَسْتُ بِرَبِّكُمْ قَالُوا بَلَى شَهِدْنَا أَنْ تَقُولُوا يَوْمَ الْقِيَامَةِ إِنَّا كُنَّا عَنْ هَذَا غَافِلِينَ * أَوْ تَقُولُوا إِنَّمَا أَشْرَكَ آبَاؤُنَا مِنْ قَبْلُ وَكُنَّا ذُرِّيَّةً مِنْ بَعْدِهِمْ أَفَتُهْلِكُنَا بِمَا فَعَلَ الْمُبْطِلُونَ ) 
اخترنا كل حاجة وقتها 
و لازلنا بنختار لحد ما نقابل وجه رب كريم 
في ناس بتعيش وتموت مش واعية لده 
و عدم الوعي ده كمان اختيار 
و العودة للوعي اختيار 
و انك متصدقش الكلام ده اختيار :) 
كنت دايما اتأمل قصص الأنبياء و الرسائل السماوية و عدم تصديق الناس لهم
و القرآن الكريم ذكر بعض الأنبياء و قصصهم اللي كلها متشابهة في كل مراحلها 
الرسل و الأنبياء مهمتهم واحدة 
التذكير بالاختيارات اللي تمت في عالم الذر 
اننا شهدنا على أنفسنا و شهدنا أن رب العالمين هو ربنا
و في كل القصص الناس بترفض تصدق و تميل لاتباع الآباء و السير على خطاهم حتى لو كانت غلط و مودياهم في داهية !!
" وَإِذَا قِيلَ لَهُمُ اتَّبِعُوا مَا أَنزَلَ اللّهُ قَالُواْ بَلْ نَتَّبِعُ مَا أَلْفَيْنَا عَلَيْهِ آبَاءنَا أَوَلَوْ كَانَ آبَاؤُهُمْ (لاَ يَعْقِلُونَ) شَيْئاً وَلاَ يَهْتَدُونَ "
" وَإِذَا قِيلَ لَهُمْ تَعَالَوْاْ إِلَى مَا أَنزَلَ اللّهُ وَإِلَى الرَّسُولِ قَالُواْ حَسْبُنَا مَا وَجَدْنَا عَلَيْهِ آبَاءنَا أَوَلَوْ كَانَ آبَاؤُهُمْ (لاَ يَعْلَمُونَ ) شَيْئًا وَلاَ يَهْتَدُونَ "
و يظل النبي أو الرسول يذكر قومه و يبلغهم الرسالة حتى يبلغ الرفض منتهاه من قومه فيقتلوه 
او يكتفوا بتكذيبه 
لو بصينا على كل فكر جديد هنلاقيه بيواجه نفس الرفض و نفس الخوف من التغيير 
و ان الناس بتبقى مش عايزة تسمع و لو سمعوا بيبقوا سامعين لاصواتهم الداخلية اللي بتحذرهم و تحثهم دوما على رفض ما لا يعرفون 
الخوف هو المحرك 
الخوف من المجهول و الخوف من فقدان الأمان و الخوف من الخروج من منطقة الراحة و الخوف من الطريق و الخوف من الحلم و الخوف من الوصول و الخوف من النجاح ... و كل أنواع الخوف 
احنا مش بس بنتلقى رسايل من اللي حوالينا 
بل كمان انت صاحب رسالة حتى لو مش مدرك و واعي لده 
اللي حواليك و اي حد يمر في طريقك حتى لو ماتكلمتش معاه هو معاه رسالة لك بس لأنك شفته
ممكن يكون لطيف معاك و دي رسالة 
و ممكن يكون غليظ و مؤذي و دي برضه رسالة 
ممكن يكلمك و ممكن ميكونش بينك و بينه كلام 
ممكن يتحداك أو ممكن يتجاهلك 
ممكن يحبك و ممكن يكرهك 
أو .. أو ...أيا كان السلوك 
ما تركزش مع السلوك لكن ركز ايه الرسالة من وراه 
كل طريق و له ناسه و رسايله 
و كلها طرق ربنا و اقداره المتنوعة و اللانهائية و احنا بنختار منها 
و عندك ميزة انك لو سألت الهداية هتلاقيها 
" والذين جاهدوا فينا لنهدينهم سبلنا و إن الله لمع المحسنين "
انت في مهمة على الأرض 
و اللي في مهمة بينتظر الرسايل من اللي كلفه بيها 
و بيتحرك بموجبها 
قد ايه بنضيع وقت عشان ندرك ده ؟؟ 
و نلاقي العمر خلص و احنا لسه مش مدركين احنا كنا هنا ليه ؟ و عملنا ايه في الوقت اللي كان محدد لمهمتنا ؟ 
متضيعش الوقت اللي باقي لك 
و فتش عن الرسائل اللي هتساعدك في أداء مهمتك على الأرض
قبل ما تتفاجيء إن وقتك خلص 
‫#‏بص_في_ورقتك_انت‬
‫#‏متبصش_في_ورقة_اللي_جنبك‬
‫#‏متضيعش_وقتك‬
‫#‏عيش_مهمتك‬
‫#‏جميلة_الرحلة‬