ومضات من نبضات

[عبير يونس]

ايه يعني لو حد شاف ضعفك 
كل الناس عندهم ضعف 
عيط و متنكسفش من دموعك 
كل الناس عندها دموع على فكرة 
حيحصل ايه يعني لو وقعت في الشارع قدام الناس
قوم نفض هدومك وابتسم 
كل الناس وقعت مرة على الاقل في حياتها   :D
عارف ايه المهم في كل ده ؟
انك "تقبل" انك ضعيف و فاشل و مرتبك ومحرج وخايف 
انت كل دول 
وقت اما تقبل انك ضعيف حتظهر قوتك
و وقت اما تقبل انك فاشل حيظهر نجاحك
و وقت اما تقبل ارتباكك و احراجك حتظهر ثقتك بنفسك 
وقت اما تقبل خوفك حتظهر شجاعتك

فك العقد و عيش بحرية :)

[عبير يونس]

مرة حكيت قصة لابني و كان عمره 9 سنين

عن الحكيم الصيني اللي جا له شاب يتعلم الحكمة

و كان متعجرف و مستعجل

و عايز يتعلم بدون صبر

كأن الحكيم حيديه الحكمة بعصاية سحرية

و الحكيم ساكت و مش بيرد عليه

و هو ماشي وراه بيبرطم

لحد ما وقع في حفرة و قعد يصرخ و ينادي على الحكيم اللي سابه و مشي

و فضل في الحفرة

يصرخ شوية

و يشتم شوية

و يعيط شوية

و يلوم شوية

و يغفو شوية

و الدنيا ضلمة

و مفيش حد يساعده

و لما خلص كل ده

ابتدى يسترجع الكلام اللي سمعه

و بدأ يعافر

لحد ما قدر يطلع من الحفرة

مكنتش متخيلة اني في يوم من الايام حادرك اني انا الشاب ده!!!

قد ايه حاجات بسيطة جدا عدت قدامي و مقدرتش افهمها

أو بمعنى أدق,,,, رفضت اني افهمها

احيانا ما بنتعلمش الا بقسوة

The hard way

لكن مهما كانت القسوة

بتفضل الحاجات اللي اتعلمناها بالشكل ده

أهم شيء تعلمناه في رحلة حياتنا

[tarek hassan]

مرة حكيت قصة لابني و كان عمره 9 سنين

عن الحكيم الصيني اللي جا له شاب يتعلم الحكمة

و كان متعجرف و مستعجل

و عايز يتعلم بدون صبر

كأن الحكيم حيديه الحكمة بعصاية سحرية

و الحكيم ساكت و مش بيرد عليه

و هو ماشي وراه بيبرطم

لحد ما وقع في حفرة و قعد يصرخ و ينادي على الحكيم اللي سابه و مشي

و فضل في الحفرة

يصرخ شوية

و يشتم شوية

و يعيط شوية

و يلوم شوية

و يغفو شوية

و الدنيا ضلمة

و مفيش حد يساعده

و لما خلص كل ده

ابتدى يسترجع الكلام اللي سمعه

و بدأ يعافر

لحد ما قدر يطلع من الحفرة

مكنتش متخيلة اني في يوم من الايام حادرك اني انا الشاب ده!!!

قد ايه حاجات بسيطة جدا عدت قدامي و مقدرتش افهمها

أو بمعنى أدق,,,, رفضت اني افهمها

احيانا ما بنتعلمش الا بقسوة

The hard way

لكن مهما كانت القسوة

بتفضل الحاجات اللي اتعلمناها بالشكل ده

أهم شيء تعلمناه في رحلة حياتنا

 

يقولون : البداية القوية تضمن النهاية السعيدة

 

قد يقسو الأب على ابنه وهو صغير في سن التنشئة ليقيمه على الجادة ، ويغرس في نفسه منذ الصغر ما يجهل الطفل حكمته في صغره ولن يعرف قيمته إلا عند كبره

وهذه القسوة هي عين الرحمة ، وهذه الغلظة من ورائها أرق المشاعر ، وإلا شاب الولد على ما شبَّ عليه وصدق الشاعر :

فقسا ليزدجروا ومن يكُ حازما * ** فليقْسُ أحيانا على من يرحم

الطريقة اللي اتربينا عليها يمكن تكون أفضل لأنها جابت نتيجة كويسة فينا

والطريقة اللي ربيت بيها أولادي يمكن تكون غلط لأن النتيجة مغايرة تماما

يقولون في المثل

من جلس وهو صغير حيث يُحب، جلس وهو كبير حيث يَكره

والعكس صحيح

لكن الزمن إتغير في حاجات كتير

آباؤنا استراحوا معنا

ولكن إحنا تعبنا مع أولادنا

أتحدث عن نفسي

تحياتي

[عبير يونس]

 

يقولون : البداية القوية تضمن النهاية السعيدة

 

قد يقسو الأب على ابنه وهو صغير في سن التنشئة ليقيمه على الجادة ، ويغرس في نفسه منذ الصغر ما يجهل الطفل حكمته في صغره ولن يعرف قيمته إلا عند كبره

وهذه القسوة هي عين الرحمة ، وهذه الغلظة من ورائها أرق المشاعر ، وإلا شاب الولد على ما شبَّ عليه وصدق الشاعر :

فقسا ليزدجروا ومن يكُ حازما * ** فليقْسُ أحيانا على من يرحم

الطريقة اللي اتربينا عليها يمكن تكون أفضل لأنها جابت نتيجة كويسة فينا

والطريقة اللي ربيت بيها أولادي يمكن تكون غلط لأن النتيجة مغايرة تماما

يقولون في المثل

من جلس وهو صغير حيث يُحب، جلس وهو كبير حيث يَكره

والعكس صحيح

لكن الزمن إتغير في حاجات كتير

آباؤنا استراحوا معنا

ولكن إحنا تعبنا مع أولادنا

أتحدث عن نفسي

تحياتي

 

 

الموضوع كبير و معقد و بنفس الوقت بسيط 

نحن من نختار التعقيد أو التبسيط 

دون مبالغة في أيهما ذلك المهم بالطبع 

كنت طفلة مدللة لأبعد حدود التدليل 

طلباتي أوامر 

و دموعي كارثة 

و ابتساماتي جائزة 

أعطاني أبي مركزية 

حتى ظننت أنني أساس الكون 

و الكل يدور بفلكي 

كنت أتصرف كما يحلو لي 

أنام عندما أريد 

و استيقظ عندما أريد

لم يُفرض علي كوب الحليب 

و لم يعنفني أحد إن لم أؤدي الواجبات المدرسية

لم أتلقى صفعة و لا سب أو حتى تأنيب 

بل كانت هناك مهرجانات تقام حين تغسل عبير أسنانها 

أو تنتعل شيء في قدميها حتى لا تتسخ

أو إذا ما تناولت الفطور 

و كانت تروى لي الحكاايات عن الطفلة الجميلة المهذبة التي تسمع كلام والديها

و الحكايات عن الطفلة الغير مهذبة و التي لا ترتب أشياءها

و كيف تعاني من عدم النظام و الفوضى 

و كان اللعب هو مركز تفكيري

فلم يسلم شيء من يدي في المنزل

لكنني لم تكن ميولي عدوانية

فلا أذكر أنني حطمت أو خربت شيئا

نشأت على حكايات أبي و أمي 

و رؤاهم في الحياة التي كانوا يجيدون نسجها في حكايات لطفلة تشبهني 

حتى بلغت التاسعة 

و عرفت معنى النقاش مع أبي و الاستماع للتحليلات 

و بدات أحمل هم العالم 

أفكر بكل شيء 

حتى أنني كنت أشعر في تلك السن أن رأسي سينفجر من التفكير !

أذكر مرة أنني سألت أبي رحمه الله 

هل هناك وقت تخلو به الرأس من التفكير ؟؟؟!!!

هذه التربية 

قمت بها مع اولادي 

فلم أجبر أحدا منهم على النظام و الترتيب و تناول الطعام و المذاكرة 

و أزعم أنها أفضل الطرق 

كما قال الإمام علي كرم الله وجهه

دللوهم لسبع 

و أدبوهم لسبع 

و صاحبوهم لسبع 

ثم اتركوا لهم الحبل على الغارب 

و الجدير بالذكر هنا أن التأديب لا يعني أبدا القسوة والغلظة 

و إنما جعلهم يدركون الأشياء 

رحمة الله على أبي و أمي 

و بارك لي اللهم في أبنائي و أنبتهم نباتا صالحا و كل الأبناء في الكون 

آمين آمين آمين 

[عبير يونس]

معرفة الطريق ليست دائما الضمان للوصول 
لكنه "يقينك" في أنك ستصل هو الضمان

[عبير يونس]

لا تقسو على أبنائك اعتقادا منك أنك بذلك تهيئهم لقسوة الحياة 
بل اكرمهم و ارحمهم حتى يؤمنوا برحمة الله و كرمه ...

[عبير يونس]

لما الكيكة تطلع مش منفوشة :(

يا ترى الغلط في الصينية؟؟؟

لما الورقة اللي طبعناها تطلع فيها غلطات :O

يا ترى الغلط في الطابعة؟؟

لما علاقة تفشل :'(

ياترى الغلط في العلاقة و الا في الشخص التاني ؟؟

لما و لما و لما ....

كل نتيجة لها سبب

النواتج مخرجات

حابب تصلحها؟؟ :)

شوف المدخلات

و اتأكد اذا كنت حطيت بيكينج باودر في الكيكة قبل ما تدخلها الفرن...

شوف الملف ع الوورد قبل ما تطبع و اتأكد ان مفيش اخطاء في الكتابة

بص جواك على نيتك من العلاقة و صلحها او ما تصلحهاش بس اعرف انت عاوز ايه من العلاقة دي

اعرف ادواتك

و اضبط مدخلاتك عشان تضبط مخرجاتك :)

[عبير يونس]

يا بخت من بكاني و بكا الناس عليا و لا ضحكني و ضحك الناس عليا
تبرير ...قاله واحد كلامه زي الدبش عشان يبرر كلامه التقيل الجارح 
هو على فكرة ممكن جدا 
انك تساعدني من غير كل ده 
ليه تبكيني يعني و الا حتى تبكي الناس عليا ؟؟؟!!!
و مش كل حد بيضحكني حا يضحك الناس عليا 
ضحكوني يا ناس 
و خللوا الناس تضحك حتى لو عليا 
المهم كلنا ننبسط 
مفيش حاجة بتلزق على فكرة 
عادي يعني  :)

[عبير يونس]

لو لم يكن اليقين في الأشياء هو ما يدخلها حيز الوجود
لما كان التشكيك هو الشغل الشاغل للشيطان 
اليقين هو المفتاح لكل الأبواب المغلقة 
فلنلزمه بقرار نهائي ثابت و راسخ 
حيث المحاولة و التجربة و الاحتمالية ...كلها تحمل بين طياتها الشك

[عبير يونس]

من أقوى المشاهد السينمائية اللي شفتها في حياتي 
مشهد الذروة في فيلم الفيل الأزرق 
اللي فيه الشيطان بيستخدم كل أسلحته الزائفة عشان يهد قوة الشخص اللي بيكتب الطلسم لطرده 
****************************
اولا بدأ يشككه في اللي بيعمله
****************************
لما قال له المفروض إني دلوقتي اتحرق ؟!
روح يا بابا خد القميص و اتدفا بيه عشان البرد 
و لما لقاه مستمر 
*******************
بدأ يشككه في نفسه 
*******************
و يبرز له نقاط ضعفه و آلامه ومخاوفه
و اول اما بدأ يضعف 
هاجمه بشراسة

هي دي الدبابيس اللي بنواجهها في حياتنا كل يوم 
مش حتفشل إلا لما تضعف و تتوقف عن اللي انت مستمر فيه 
الاستمرارية هي السر 
و اول طريق الفشل هي الاستماع لصوت غير صوت اصرارك على اللي بتعمله 
الشيطان ...صوت 

[عبير يونس]

 

مش الفكرة هي اللي بتكون عبقرية 
المشاعر المصاحبة للفكرة هي اللي بتخليها عبقرية او عادية
إما شك و إما يقين 
احنا اللي بنختار 
 

[عبير يونس]

القناعة كنز لا يفنى
حلو طبعا
بس لحظة من فضلك
قبل ما تصادر احلامك و تزهد فيها
و متبصش على حال غيرك اللي عندهم كذا و كذا 
عملا بقوله تعالى 
{ولا تمدن عينيك إلى ما متعنا به أزواجا منهم زهرة الحياة الدنيا لنفتنهم فيه ورزق ربك خير وأبقى} 
ممكن اسألك
ايه اللي في كلام المولى عز وجل معناه انك تبطل تحلم ؟؟؟
او انك لازم تزهد في الدنيا ؟!
هو ايه المانع انك لما تشوف حد فرحان بنعمة انك تفرح معاه بفرحه و تدعيلهم بالبركة ..
مش في ملايكة بتقول و لك مثله؟! 
ما تطلب من رب العالمين اللي نفسك فيه ..
و بعدين ليه افترضت ان " كل " اللي ربنا معطيهم نعمة اعطاها لهم عشان يفتنهم ؟؟؟!!!
يا نهار أبيض :o 
انت كمان حتظن بالناس و تعتبر ان كل ذي نعمة مفتون !!!!!
على فكرة لو تأملت في كلام رب العالمين حتلاقي
النهي مش عن التمني و طلب النعم ..
النهي عن مد الأعين على اللي في ايد الناس من نعم ..
يعني اللي بيوصل للغيرة ثم للحقد و العياذ بالله .. 
و ده بشكل عام 
سواء الناس دول جاية لهم النعمة عشان همة كويسين او فتنة
مش محتاجة افكرك ان ده مش شغلنا اصلا الحكم على الناس  :)
المهم منبصش بعين الغيرة 
لكن لو كان نظرتنا لغيرنا بعين المحبة الصادقة و الفرح لفرحهم و الدعاء لهم بالبركة فيما رزقهم رب العالمين مؤكد النعمة حتجيلنا احنا كمان ...
القناعة علاج للحقد
لكنها مش هدف يرتجى في حد ذاتها ..
احلم لنفسك من غير ما تبص لغيرك في حلمه 
معادلة ...لكن مش صعبة   :)

[عبير يونس]

 

{ لَّمْ تُؤْمِنُوا وَلَٰكِن قُولُوا أَسْلَمْنَا وَلَمَّا يَدْخُلِ الْإِيمَانُ فِي قُلُوبِكُمْ }

التسليم بشيء يكون بعد حدوثه و رؤية أنه وقع 
و الإيمان يكون قبل وقوع الشيء و الاعتقاد بأنه واقع 
اللهم اجعلنا من المؤمنين بأنك قادر
لا من المسلّمين بأنك قادر 
آمين

[عبير يونس]

في ناس بتدخل الفيلم في السينما من اول عرض 
و ناس بتستنى اصحابهم لما يروحوا يشوفوا الفيلم و يجوا يقولوا لهم حلو و الا اي كلام 
و ناس بتكتفي بالتريلر بتاع الفيلم عشان تحكم حلو و الا وحش
و ناس بيستنوا لما الفيلم يتعرض في سهرة رأس السنة في التيلفزيون بعد تلات اربع سنين و همة تحت البطانية   :D

الحياة فيلم سينما 
و انت اللي بتختار مكانك في دار العرض 

[عبير يونس]

 الدنيا من الدنو يعني القرب و ليست من الدناءة 

لا تذموا الدنيا 
الدنيا مزرعة الآخرة 
و هي دار التعلم و العمل 
هي الرحلة 
رب العالمين ما ذمهاش 
هو بس لما بيقارنها بالآخرة 
بتبقى مقارنة بين المكاسب الصغيرة و المكاسب الضخمة الماهولة 
{رضوا بالحياة الدنيا و اطمأنوا بها }..
زي اللي مبيبصش أبعد من رجليه و ملوش طموح في أعلى من كده 
ربنا بيشجعنا ألا نرضى بالقليل و نطمح إلى الفردوس الأعلى 
لا افراط في حب الدنيا و لا تفريط فيها 
{ولا تجعل يدك مغلولة إلى عنقك ولا تبسطها كل البسط}
حياتنا كلها معادلات محتاجة تتوزن 
{ وابتغ فيما آتاك الله الدار الآخرة ولا تنس نصيبك من الدنيا وأحسن كما أحسن الله إليك ولا تبغ الفساد في الأرض إن الله لا يحب المفسدين}

[عبير يونس]

من الدروس المستفادة لما رب العالمين ينجيك من كارثة :
- تعرف ان معاك سند حقيقي لا تنقصه القدرة بل هو رب القدرة و آمرها و ناهيها 
- تعرف انه سبحانه كامل منزه لا يخذلك و لا يتخلى عنك 
لا يعيّرك بذنوبك و بجفاءك معه 
و لا يعاملك بمثل معاملتك
- تنسى مشاعر الوحدة و انت ترى مركز الكون بذاته جل و علا يوقف نواميسه من أجل انقاذك
- تعرف ان وراك مسؤلية كبرى في الدنيا و انك لسه موجود لان مهمتك ما خلصتش و لسه معاك رسايل لازم توصلها لغيرك
- تقدر نعمة الحياة و انك لسه موجود هنا و لسه عندك فرصة تعيش
- تقبل على الحياة اكتر و اكتر و تشمر دراعاتك عشان تشتغل فيها اكتر و اكتر و تفتح قلبك و دماغك عشان تتعلم منها اكتر و اكتر 
- تتأكد و بقوة ان الحب و الخير مردودهم حب وخير 
- تحب الحاجات اللي بيقولوا عليها خطر و متعتبرهش عدو و تعرف انها بريئة من ايذائك هي بس تؤدي دورها و هي كمان لها مهمة زيك تمام في الكون ده ( رؤية جديدة بمشاعر مختلفة تجاه الكهرباء  ) :D
- تشكر رب العالمين ( و الشكر غير الحمد ) بإنك تعيش بجد ..تعيش بمعنى الكلمة :)
- تفرح بسلة الهدايا اللي جت لك و اللي تتمثل في كل ما " أبصرته" و كنت بتشوفه كتير قبل كده من غير "ابصار"
شكرا 2015 ...نهاية وجودك اهدتني بداية جديدة بجد و بقوة ل 2016
كل عام و كل من مر من هنا بخير و أمان و سلام و سعادة و بهجة 
كل عام و معنا و بداخلنا و نتنفس   الحب   لكل الموجودات و لرب الموجودات 
كل عام و نحن نحب الحياة و نقدر نعمة وجودنا فيها 
كل عام و الرحلة مستمرة و ممتعة 
كل عام و نحن معا  متوحدين على الحب و الخير والجمال 

[عبير يونس]

قصتي في الحياة 
أنا من يكتبها 
و أنا من يعيد كتابتها و ينقحها 
و يضيف إليها و يحذف منها 
هناك دوما مساحة للتعديل و اعادة الكتابة... بلا نهاية..

[عبير يونس]

التعلم وحده لا يكفي 
تكمن المتعة في الاكتشاف !
فتعلم السباحة في مسبح 
لا يعادل اكتشافها في عرض البحر

[عبير يونس]

إذا أردت معرفة كيفية التعامل مع الناس 
عليك أولا أن تنجح في التعامل مع الأطفال 
فهناك طفل لازال حيا يرزق بداخل كل انسان مهما بلغ عمره 
و ذاك الطفل هو فقط من من لديه مفتاح الدخول ..

[عبير يونس]

الغضب ..الحزن..الخوف..الشعور بالذنب 
مشاعر تؤثر على حياتنا 
و حتى يقوم الشخص بالتخلص منها 
علينا احترام غضبه و حزنه وخوفه و شعوره بالذنب إلى أن يحدث ذلك