احم..عندكم مكان لحد جديد بس قديم ؟ ؟

[SnipeR]

مستر R.M.G.

معلش حقك علي انا قلت اللي كانو في بالي لحظتها والله

ثم سيلا في مالها ..البنت اهي قالتلك بتحب الهتاف العام .. (ناس يااخي مبتحبش تحرج نفسها :huh:)

لو ع الجليد بقي الجو ابتدي يبرد فلو عاوز تاخدلك حبه اتفضل والله ..

[SnipeR]

مسز نشوي..شكرا ع الترحيب يافندم

دره في انجلترا!!!طب تيجي ازاي..دي حتي كانت تتجمد م البرد..

ربنا يعينك .. الجو عندك وهمي فعلا ..

موش ناويه بقي تيجي مصر .. من قبيل حبه دفا يعني (F)

[SnipeR]

استاذي الفاضل رجب

شكرا جزيلا علي ترحيبك ..

[SnipeR]

مستر حشيش..

من اولها كده عاوزنا نصطبح بانذار!!!!!

وانذار ووقف وفصل والحركات دي..لا حضرتك انا دبلوماسي قديم عارف امتي ارزع وامتي افرمل .. ثم مفيش حد ممكن يعمل حاجه غلط طول ماهو حاسس انو وسط عيلته ..

بس سؤال بريء انا موش فاهمه من ساعه ماسجلت ..ليه انا عضويتي رقمها 3000 والمسجلين في المحاورات بتاع 1500؟؟؟؟(الباقيين دول اتشطبو !!!!!!!!!!)

لو حد يعرف يتصل بي علي 0900 99999999 وليه عضوية هدية :huh:

[SnipeR]

مستر ميتاليكا ..

شكرا جزيلا علي ترحيبك ..

واهديك بهذه المناسبه افتتاحيه سي دي S&M

[R.M.G.]

أخي سنايبر

أنا بس حبيت أجر شكل والسلام

وبالنسبة لحكاية سيلا- في فأنا حبيت أهدي النفوس واوقعكم في بعض وانتو لسه جداد بس طلعتوا للأسف على مستوى المسئولية وباءت جهودي بالفشل بس يالا الأيام جاية كتير

ياسيدي نورت وشرفت وأعتقد مش عارف ليه أحساسي بيقولي انك حتكون أضافة جميلة وجديدة للمنتدى وعاوزين بقى اثراء ومواضيع جديدة وأفكار جديدة وأحلى حاجة فيك انك مش غاوي كورة ومانتش أهلاوي لأن الأهلاويون هنا كثرة وكلهم تقريبا مشرفين ويكفي مثلا أنك تعرف ان المناقشات العامة يشرف عليها اتنين اهلاويه منهم واحد أهلاوي أكتر من حسن حمدي

[c'est la vie]

أستاذي الفاضل شرقية:

أمال ليه ياأفندم حضرتك مختاره إسم فرنصاوى خالص ؟ mfb:  

وعلى فكره لسه الجنس أمامه علامه المذكر

الاسم الفرنصاوى ده ليس بسبب ثقافه فرنسيه والا حاجه mf-:

بس الدنيا او الزمان عموماً فيه حاجات كتير غريبه- متناقضه ساعات ومنطقيه ساعات --مجنونه وحزينة ..

ممكن نكون في وقت ما متيقنين ان حاجه معينة هاتحصل هاتحصل, وتخلف كل التوقعات ..في عز الحرمابين يوم وليله المطر تمطر والجو يقلب برد

..ازدواجيه في كل شيء..معايير وقيم متلخبطة ..افكار مشوشه ..حاجات بتتغير ولما نتعود عليها تتغير تانى وتالت وهكذا وهكذا..ندور في حلقه مفرغه في البيت والشارع والعمل والجامعه و...

نأمن للناس والا نخاف منهم م اللي بنشوفه ونسمعه..

نبقي كويسين ولا نتخلي عن مبادئنا نلاقي الناس تقوللك ده استعباط او خيبه..نبقي زى الناس في الانانيه والطمع يبقي ده الطبيعي لكن بنكون مش راضيين عن نفسنا..

بين العجز والايمان والموت الحياه والحزن والفرح والضحك أوى-والبكاء أوى والتخبط والاغتراب الداخلى..

اجد نفسي بعد التفكير في كل ده وغيره كتير لا اجد غير كلمة*إيييييييييه دنيا* بتنهيده كبيره اوى..وطبعاً مكانش ينفع اكتب اسمى كده mc: فلاقيت ده اقرب مصطلح يعبر عن اللي عاوزة اقوله ..وc'est la vie :blink:

~~~

وتم تعديل الملف للمرة الثانيه..وجزاكم الله خيراً :huh:

~~~

وعذراً للإطاله..

تم تعديل 26 نوفمبر 2004 بواسطة c'est la vie

[ragab2]

c'est la vie

c'est la = هذا يكون أل

ولكنى لا أعرف معنى vie

[Cleo]

c'est la vie

c'est la  = هذا يكون أل

ولكنى لا أعرف معنى  vie

c'est la vie يا دكتور تعبير فرنصاوى يعنى "هكذا هى الحياة" gsm::

[ragab2]

تعبير فرنصاوى يعنى "هكذا هى الحياة

شكرا

لابنتنا الفاضلة كليو

والمشكلة أننا درسنا اللغة الفرنسية على أيامنا لمدة عامان فى ثانية وثالثة ثانوى فقط ولم أعرف من هذه الجملة الا فيرب إتر وسى ولا بمعنى هذا أل للمؤنث

وكان امتحاننا يعتمد على موضوع انشاء نحصل به على معظم الدرجات ونصمه صم مع تصريف فيرب اتر وأفوار وفاكر كان معظم المواضيع تدور حول الريف ألا كامبان

a la compan وأعتذر عن الاسبيلينج

وانقطعت الصلة بالفرنسى بعد الثانوى

حتى حاولت الاقامة الدائمة زمان فى باريس ومكثت فيها شهرا وحاولت فقط حفظ الأرقام الفرنسية لغاية مائة وفشلت فشلا ذريعا

فعدت لقواعدى فى مصر

جازاكى الله خيرا

[Cleo]

تأمرنى يا دكتور.. mc: