متابعة فعاليات موجة الثورة الثانية .. 25 يناير 2012

[عماد حمدي]

6 أبريل و23 حركة ثورية تقرر فض اعتصامها عصر اليوم

أصدرت حركة 6 أبريل (الجبهة الديمقراطية) بيانا وقعت عليه 23 حركة ثورية، قررت فيه إنهاء الفعاليات بميدان التحرير عصر اليوم 28 يناير، وأن الحركة لن تعتصم لأنها تستهدف العودة إلى كل ميادين مصر من أجل الحشد والتوعية بضرورة تنفيذ مطالب الثورة وتقديم برامج لحل كل ما يواجه مصر من صعوبات فى هذه المرحلة.

وقالت الحركة إن العمل بالشارع فى المرحلة القادمة سيكون على تنظيم حملات "يا الميدان" و"سلاسل الثورة" و"كاذبون" لها أثر كبير فى توضيح رؤية وأفكار الثورة أفضل فى هذه المرحلة من البقاء فى التحرير وتحميل الثوار كل مشاكل مصر.

وطالب البيان بإنهاء حكم العسكر.. الآن وفورا ما زال الشعب يستكمل ثورته، وفياً لدماء شهدائه الذكية التى سالت فى ميادين التحرير المختلفة، من أجل العيش والحرية والعدالة الاجتماعية والكرامة الإنسانية .

وقال: مر عام على ثورة يناير المجيدة ومازال آلاف الشباب خلف قضبان السجون الحربية، عام على الثورة ولم يُقتص لدماء الشهداء بل يتم الإفراج عن الضباط المتورطين فى قتل المتظاهرين واحداً تلو الآخر. عام على الثورة ولم يتم تطهير أى من مؤسسات الدولة فما زال الإعلام يشوه الثورة والثوار، والقضاء يُبرئ القتلة ويسجن شباب الثورة، عام ولم تتحقق أى من مطالب العدالة الاجتماعية ومازال المصريون يلقون حتفهم فى طوابير الغاز ويكتوون يومياً بنيران غلاء الأسعار والفقر والبطالة. مع مرور هذا العام، ظهر جليا أن المجلس العسكرى هو العدو الحقيقى للثورة ومجلس إدارة الثورة المضادة، فقد دهس المتظاهرين أمام ماسبيرو، وقتل الثوار وفقأ أعينهم فى أحداث محمد محمود ومجلس الوزراء، وغيرها من الجرائم التى لن نغفرها ما دمنا أحياء .

وأضاف البيان خرج الشعب ليصرخ بملء الحناجر فى ٢٥ يناير ٢٠١٢ مستكملا ثورته، رافضا الخروج الآمن للعسكر بعد الجرائم التى ارتكبها فى حق الثورة والثوار .

وأكد أن الخطر الحقيقى على الثورة اليوم هو أن يكتب أول دستور للبلاد بعد الثورة فى ظل حكم العسكر الذى يسعى بكل قوته لإصدار دستور يستطيع من خلاله تأمين مصالح إمبراطوريته الاقتصادية الهائلة التى نهبت ميزانية الوطن لعقود، ويؤيد استمراره فى خلفية المشهد السياسى كقوة مؤسسية فوق السلطة والمحاسبة .

كما يظهر الخطر الثانى وهو إجراء انتخابات رئاسية يشرف عليها المجلس العسكرى الذى يقوم الآن من خلال أجهزة الدولة الإعلامية وغيرها بتشويه مرشحين وتلميع آخرين مستهدفا تضليل الجماهير .

اليوم وقد أعلنت جماهير الثورة رفضها بأى حال من الأحوال لاستمرار العسكر أو خروجهم الأمن، وأكدت على أن الحل الوحيد هو تسليم السلطة للمدنيين فإن نضالنا سوف يتوجه إلى الأهداف الآتية عودة الجيش لثكناته الآن وفورا ولا خروج آمن للمجلس العسكرى ولا دستور تحت حكم العسكر، وفى سبيل تحقيق هذه الأهداف نطالب مجلس الشعب بتشكيل لجنة لها صفة الضبطية القضائية للتحقيق فى كل أحداث قتل المتظاهرين منذ يناير وحتى أحداث مجلس الوزراء، وتقديم المسئولين عنها للمحاكمة، سواء كانوا من الجيش أو الشرطة وأياً كانت مناصبهم الحالية وتشكيل لجنة فورية من أعضاء مجلس الشعب تكون مختصة بكافة الشئون والإجراءات التى تستلزمها الانتخابات الرئاسية وعلى أن يتم فتح باب الترشيح فى موعد أقصاه ١١ فبراير ٢٠١٢، ويتم إجراء الانتخابات خلال مدة أقصاها ٦٠ يوما من فتح باب الترشيح .

وشدد البيان كذلك تشكيل لجنة من منظمات المجتمع المدنى المصرية والثوار للمشاركة فى الإشراف على انتخابات الرئاسة إلى جانب الإشراف القضائى الكامل .

وقال البيان لقد روت دماء الشهداء أرض هذا الوطن كى تنبت أزهار الحرية والعدالة الاجتماعية معا من أجل استكمال ثورتنا وإسقاط حكم العسكر والنصر للثورة والمجد للشهداء.

الموقعون

حركة شباب 6 أبريل " الجبهة الديمقراطية "

1- تحالف القوى الثورية

2- الجبهة القومية للعدالة والديمقراطية

3- الاشتراكيون الثوريون

4- حزب التيار المصرى

5- حزب التحالف الشعبى الاشتراكى

6- حركة شباب من أجل العدالة والحرية

7- اللجان الشعبية للدفاع عن الثورة

8- ائتلاف شباب الثورة

9- اتحاد شباب الثورة

10- الجبهة الحرة للتغيير السلمى

11- حركة ثورة الغضب الثانية

12- منظمة شباب حزب الجبهة

14- اللجان الثورية الشعبية

15- حملة كاذبون

16- حركة مشاركة

17- تحالف حركات توعية مصر

18- حزب مصر الحرية

19- الحركة الشعبية لدعم الأزهر

20- اتحاد شباب ماسبيرو

21- ثوار إعلام ماسبيرو

22- حزب الوسط

23- حركة مصر المتنورة

الرابط

علشان منعرفش حجمهم الحقيقي في الميدان جابوها من قاصرها ..

و البنوك هتفتح بعد العصر يا استاذ احمد ;)

تم تعديل 28 يناير 2012 بواسطة عماد حمدي

[se_ Elsyed]

أيوه أيوه عارف إن النهاردة السبت والبنوك قافلة .. وكان إمبارح الجمعة وبرضوا البنوك كانت قافلة .. عاوز تقول إيه ؟

و عايز أشوف المليونيات اللي حضرتك تتكلم عنها ..

هو ماحدش قال لك لما كنت مسافر من يومين إن في مليونيات في كل محافظات مصر ؟

يا عزيزي إن كنت لا ترى بعينك تلك الحشود اللي من غير الاخوان يبقى كلمات الدنيا كلها لن تفيد معك لأقناعك ...

أقعد بالعافية

سبحان الله

الاخوان كان لازم لهم القلم ده عشان يفوقوا و يتواضعوا ولا تمتلا نفوسهم بالكبر

فكرني موقف امبارح بسيدنا عمر لما دخل عليه صحابي مش فاكره متشيك و معجب بنفسه راح قايم عليه بالدره وهات يا ضرب قدام كل الناس !

و كمان يوم حنين اذ اعجبتهم كثرتهم وقالوا لن نغلب اليوم من قله

علشان بعد كدة تاخد كلامي بمحمل جد شوية :)

هدوء بـ"التحرير" بعد انسحاب الإخوان

ساد الهدوء ميدان التحرير صباح اليوم، السبت، بعد انتهاء فعاليات جمعة العزة والكرامة، والتى دعت إليها العديد من القوى السياسية، حيث لم يتبق فى الميدان سوى منصة واحدة تخص الائتلافات الثورية بعض فض الإخوان المسلمين اعتصامهم بالميدان، فجر اليوم، نظراً للهجوم الحاد الذى تعرضوا له من جانب المتظاهرين، الذين توافدوا فى مسيرات متهمينهم بالمتاجرة بالثورة.

وأعلن عدد من الحركات والائتلافات الاستمرار فى الاعتصام منهم 6 إبريل والجبهة الحرة للتغيير السلمى وشباب من أجل حرية وعدالة.

وبلغ عدد الخيام بالميدان، صباح اليوم، 50 خيمة بحديقة الميدان وأمام مجمع التحرير وبجوار مسجد عمر مكرم، فيما نظم العشرات مسيرة طافت أنحاء الميدان مرددين هتافات مضادة للمجلس العسكرى، منها "يسقط يسقط حكم العسكر، يا مشير قول لعنان الشعب لسه فى الميدان".

وفى السياق ذاته، عادت حركة المرور إلى طبيعتها صباح اليوم بعد فتح الميدان واختفت اللجان الشعبية من مداخل ومخارج الميدان بعد انسحاب جماعة الإخوان، نظراً لسيطرة عدد كبير من شباب الإخوان على اللجان الشعبية، فيما قامت شركات النظافة بتنظيف الميدان ونقل المخلفات خارج الميدان.

إحنا بنتكلم في إيه وأنت بتتكلم في إيه ؟

يا عزيزي الملايين اللي خرجت يوم 25 يناير خرجت عشام الشباب الثورة اللي شغال بقى له فترة في حملة كاذبون وكلنا خالد سعيد وبعض الإئتلافات الأخرى مش عاشن الأخوان ...

والأخوان كانوا موجودين زيهم زي أي حد من 3 أيام ولم يشاركوا في الحشد مطلقاً وعاوزك تقول لي كانوا بيمثلوا كام في المية إمبارح سواء في التحرير أو باقي ميادين مصر ؟

وفرق السما والأرض بين حشد وبين إعتصام .....

[عماد حمدي]

أدعوكم لقراءة الفاتحة على أرواح شهداءنا في هذا الوقت العام الماضي على كوبري قصر النيل

رحم الله الشهداء وجعل مثواهم الجنة وتقبلهم فيمن عنده ... ورزقنا بركة تضحياتهم ... ورزقنا العمل على راحة أرواحهم بتحقيق ما خرجوا من أجله

للتذكرة فيديو من اعظم ما سطر الإنسان المصري الحديث ... اقتحام الكوبري

http://www.youtube.com/watch?v=nA2iTukyoL4

بِسْمِ اللَّهِ الرَّحْمَنِ الرَّحِيمِ

الْحَمْدُ لِلَّهِ رَبِّ الْعَالَمِينَ

الرَّحْمَنِ الرَّحِيمِ

مَالِكِ يَوْمِ الدِّينِ

إِيَّاكَ نَعْبُدُ وَإِيَّاكَ نَسْتَعِينُ

اهدِنَا الصِّرَاطَ الْمُسْتَقِيمَ

صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلاَ الضَّالِّينَ

صدق الله العظيم ،،

اللهم أرحم شهدائنا ..

[se_ Elsyed]

علشان منعرفش حجمهم الحقيقي في الميدان جابوها من قاصرها ..

و البنوك هتفتح بعد العصر يا استاذ احمد

ليه ما انا عارف حجمهم يا حبيبي .. بامارة إن كبيرهم قوي يوم 25 يناير هايبقى 20 قول 30 بالكتير 40 الف

[متعب]

شنت الناشطة السياسية نوارة نجم هجوما حادا على جماعة الإخوان المسلمين لرفضهم تسلم السلطة من المجلس العسكرى فى هذه الفترة، واصفة الجماعة بـ"الجبن والندالة".

وقالت نجم عبر تغريدتها عبر موقع التواصل الاجتماعى "توتير": ما تكسبوا ولا تأخدوا الشورى كلها .. بس انتو داخلين الشورى والشعب تتمرجحوا؟ استملوا السلطة من العسكرى وبطلوا جبن وندالة بقى".

وواصلت نجم هجومها على أعضاء حزب الحرية والعدالة فى البرلمان قائلة: "هم داخلين المجالس يتنططوا على الكنب ويتشعلقوا فى النجف".

وتساءلت نوارة بسخرية شديدة عن أسباب خوض الإخوان المسلمين الانتخابات، قائلة: "هما داخلين الانتخابات عشان ما يستلموش السلطة ونفضل إحنا ننضرب من الشرطة العسكرية؟، أمال الناس انتخبتهم ليه؟ عشان يطعلوا الكارنيه؟".

اقرأ المقال الأصلي علي بوابة الوفد الاليكترونية الوفد - نوارة للإخوان: استملوا السلطة وبلاش ندالة

الكلام على تسليم الاخوان للسلطه بشكل مؤقت لحين تسليمها . كلام فى منتهى الحماقه السياسيه وحكايه نار الاخوان ولا جنه العسكر الاتنين مش هيفرقوا عن بعض لانهم متحالفين . فمش هتفرق كتير

لانهم هيسيروا على نفس المخطط ال رسمه العسكرى تحت اى ظرف وواضح للعيان امام الدنيا كلها انهم حلفاء على شىء ما يتم تنفيذه

هيبقى نفس سياسه العسكرى

والسؤال هنا

طيب ايه المانع انهم يريحوا الشعب ويستلموا السلطه وينفذوا المتفق عليه

ده صعب جدا يعملوه لانهم عاوزين يحطوا العسكر فى المواجهه مع الشعب لل هيتم وهيتفاجىء به الجميع وهما يكونوا بعيد وواقفين موقف المتفرج لو فى اثارة او غضب من الشعب يبقى على المجلس العسكرى مش على الاخوان

يعنى وجود المجلس بالنسبه للاخوان انه يتلقى الضربات بعيدا عنهم رغم ان الجريمه ال هتم فى كتابه الدستور واختيار رئيس جمهوريه الاتنين متفقين عليها

عموما اعتبروا كلامى ده أى كلام فى طحينه لغايه ما تتضح الامور كامله للجميع

او اعتبروا استنتاج خطأ

لغايه ما نشوف الليله ماشيه ازاى

الحل عملوه عقلاء صح

مجلس رياسى من كافه الاطياف يقوم بالفرح ده . دستور ورياسه

ومظاهرة يوم التلات امام مجلس الشعب دى على نفس سيناريوا الحماقه

غير كده معاكم ربنا واتنين من الشرابيه

[عماد حمدي]

أيوه أيوه عارف إن النهاردة السبت والبنوك قافلة .. وكان إمبارح الجمعة وبرضوا البنوك كانت قافلة .. عاوز تقول إيه ؟

و عايز أشوف المليونيات اللي حضرتك تتكلم عنها ..

هو ماحدش قال لك لما كنت مسافر من يومين إن في مليونيات في كل محافظات مصر ؟

يا عزيزي إن كنت لا ترى بعينك تلك الحشود اللي من غير الاخوان يبقى كلمات الدنيا كلها لن تفيد معك لأقناعك ...

أقعد بالعافية

سبحان الله

الاخوان كان لازم لهم القلم ده عشان يفوقوا و يتواضعوا ولا تمتلا نفوسهم بالكبر

فكرني موقف امبارح بسيدنا عمر لما دخل عليه صحابي مش فاكره متشيك و معجب بنفسه راح قايم عليه بالدره وهات يا ضرب قدام كل الناس !

و كمان يوم حنين اذ اعجبتهم كثرتهم وقالوا لن نغلب اليوم من قله

علشان بعد كدة تاخد كلامي بمحمل جد شوية :)

هدوء بـ"التحرير" بعد انسحاب الإخوان

ساد الهدوء ميدان التحرير صباح اليوم، السبت، بعد انتهاء فعاليات جمعة العزة والكرامة، والتى دعت إليها العديد من القوى السياسية، حيث لم يتبق فى الميدان سوى منصة واحدة تخص الائتلافات الثورية بعض فض الإخوان المسلمين اعتصامهم بالميدان، فجر اليوم، نظراً للهجوم الحاد الذى تعرضوا له من جانب المتظاهرين، الذين توافدوا فى مسيرات متهمينهم بالمتاجرة بالثورة.

وأعلن عدد من الحركات والائتلافات الاستمرار فى الاعتصام منهم 6 إبريل والجبهة الحرة للتغيير السلمى وشباب من أجل حرية وعدالة.

وبلغ عدد الخيام بالميدان، صباح اليوم، 50 خيمة بحديقة الميدان وأمام مجمع التحرير وبجوار مسجد عمر مكرم، فيما نظم العشرات مسيرة طافت أنحاء الميدان مرددين هتافات مضادة للمجلس العسكرى، منها "يسقط يسقط حكم العسكر، يا مشير قول لعنان الشعب لسه فى الميدان".

وفى السياق ذاته، عادت حركة المرور إلى طبيعتها صباح اليوم بعد فتح الميدان واختفت اللجان الشعبية من مداخل ومخارج الميدان بعد انسحاب جماعة الإخوان، نظراً لسيطرة عدد كبير من شباب الإخوان على اللجان الشعبية، فيما قامت شركات النظافة بتنظيف الميدان ونقل المخلفات خارج الميدان.

إحنا بنتكلم في إيه وأنت بتتكلم في إيه ؟

يا عزيزي الملايين اللي خرجت يوم 25 يناير خرجت عشام الشباب الثورة اللي شغال بقى له فترة في حملة كاذبون وكلنا خالد سعيد وبعض الإئتلافات الأخرى مش عاشن الأخوان ...

والأخوان كانوا موجودين زيهم زي أي حد من 3 أيام ولم يشاركوا في الحشد مطلقاً وعاوزك تقول لي كانوا بيمثلوا كام في المية إمبارح سواء في التحرير أو باقي ميادين مصر ؟

وفرق السما والأرض بين حشد وبين إعتصام .....

هههههههه و الله ما لاقي تعليق .. أنا بس بطلب من حضرتك ترجع لمشاركاتك و ترجع لردودي اللي فاتت لاني تعبت بصراحة

ياعني يا راجل يا طيب قاعد تتريأ عليا لما كنت بقول من يوم 25 يناير ان الإخوان هيفضوا الغعتصام الرمزي مساء الجمعة او السبت بالكتيرر و هنعرف بالظبط حجم الناس المؤيدة لمطلب تسليم السلطة الفوري و تتريأ و تقول الجمعه و السبت علشان البنوك قافلة و و و .. و لما قولت شوفتوا شكل الميدان علشان محدش يقول بعدة كدة مفيش مليونيات من غير الإخوان .. سبتك تتكلم و تقول كل الي انته عايزة

لان النسبة معروفة للجميع 71 % مؤيد للتيار الإسلامي 71 % أغلبية 71 % يريدوا الاستقرار لمصر 71 % مع الإلتزام بالجدول الزمني و فتح باب الترشح لانتخابات الرئاسة بعد الشورى .. البقي مع تسليم السلطة فوراً و حالاً و دا مستحيل و أتراهن معك علي كدة

دلوقتي شوف بقا و وريني المليونيات يا أستاذ احمد .. اللي كنت متراهن معك عليها ..

و النهارده خبر فض اعتصام 6 ابريل و 23 حركة ثورية من الميدان اللي وضعت تفاصيلة في المشاركة فوق دي ع طول ، علشان حجمهم الحقيقي كان هيبان ..

مش صدعتوا رؤؤسنا وقلتوا مُعتصمين حتى تسليم العسكر للسلطة راح فين الإعتصام بقا دلوقتي !!!!!!!

[ابراهيم عبد العزيز]

أبو إسماعيل : وجود المجلس العسكري كسلطة ضاغطة أثناء وضع الدستور هي ( جريمة إكراه )

تم تعديل 28 يناير 2012 بواسطة ابراهيم عبد العزيز

[م تيمور المراغي]

للى بيقولوا ويشككوا فى ان الى فى التحرير مش همه اللى بيمثلوا شعب مصر ..........تعالوا نحسبها بحسبه بسيطه: من أنتم يا شعب مصر ؟؟ وكم عددكم....؟؟؟ قالوا 80 مليون.........وعاوزنهم كلهم فى التحرير..... وعندنا 12 مليون معاق ميقدروش ينزلوا........وعندنا 10 مليون مريض سكر وضغط وقلب ميقدرش ينزل.........يبقى كدة 22 مليون........وعندنا 20 مليون طفل ميقدرش ينزل وملهوش صوت أصلا.......يبقى كدة 42 مليون ..........وعندنا نصف المجتمع نساء.......ربعهم نساء فلاحات لا تستطيع النزول.......ودول حوالى 10 مليون....يعنى العدد كدة وصل 52 مليون لا يستطيعوا النزول......وعندنا حوالى 3 مليون موظف لا يستطيع ترك عمله مثل الشرطة والجيش والاسعاف وغيرهم..........يبقى كدة 55 مليون........وعندنا 10 مليون مصرى فى الخارج......يبقى كدة 65 مليون مواطن غير موجودين وغائبين عن الثورة المصرية............يبقى باقى الشعب المصرى الذى يستطيع القدوم للميادين والحرب هو15 مليون مصرى فقط......... وقد شهدت 25 يناير حوالى 20 مليون مصرى فى ميادين التحرير المصرية............يعنى جنود وشعوب العالم تحارب معكم يا أحرار...........فأنتم الشعب المصرى بأكمله بإذن الله.........

[se_ Elsyed]

دلوقتي شوف بقا و وريني المليونيات يا أستاذ احمد .. اللي كنت متراهن معك عليها ..

متراهن مع مين ؟

ده أسلوب قلب الحقائق يا عزيزي

القوى الإسلامية اللي بتروج لها أنت وكأن باقي القوى كفرة كانت بتقول إن من سينزل يوم 25 يناير هم 40 الف بالكتير ... إرجع لكل المداخلات لو كنت معانا هنا ..حصل ولا لأ ؟

وفوجأ الاخوان بصفعة غير متوقعة بنزول الملايين لمدة 3 أيام .... 25 .. 26 ... 27 ... والناس مش صيع عشان يفضلوا معتمصين أو في مليونيات طول العُمر ..

وهو سؤال ورد غطاه .... المسيرات المليونية اللي كانت في كل مصر .. كان سببها الأخوان ؟ وكان بيحشد لها الاخوان ؟ وكان بيقودها الأخوان ؟

وإنت وغيرك وأرجع لمواضيعهم اللي أخترعتوا حكاية يوم السبت وحكاية التخريب والحرق .... وبتقول ده كان توقع .. والحمد لله إن حصل خير ... وطظ في أي خراب حصل في البورصة وغيرة من وراء هذه الاكاذيب ...

فلما التوقع يخيب مش من الشجاعة برضوا إن الناس تطلع تعتذر وتقول أنا كنت باكذب زي جريدة الجمهورية وجريدة الحرية والعدالة والتليفزيون المصري وكتب في نفس الصفحة وبنفس الفونت إننا كنا ( كاذبون ) أو مخدوعون ؟

يكفي الاخوان عاراً أن يكونوا الان في خندق التليفزيون المصري والحكومة المصرية وان يروجوا لنفس الاكاذيب بالحرف الواحد .

[se_ Elsyed]

و النهارده خبر فض اعتصام 6 ابريل و 23 حركة ثورية من الميدان اللي وضعت تفاصيلة في المشاركة فوق دي ع طول ، علشان حجمهم الحقيقي كان هيبان ..

دي حقيقة بادلة عندك ... ولا توقع زي فانديتا ؟

[متعب]

ياكل المحاورات المصريه

شفوا الفيدو ده

جريمه منظمه بشكل هايل بما فيها حرق المجمع العلمى والوقيعه المفتعله بين الاخوان والتحرير

نشوف الفيدو مع بعض واتمنى نشره بسرعه قبل حذفه

http://www.youtube.com/watch?v=Ue4kDC1Hjr4

[م تيمور المراغي]

مباشر 6 ابريل |

اليوم صلاة العصر فوق كوبرى قصر النيل ترحما على الشهداء الذين قتلوا فوق الكوبرى عصر جمعة الغضب 2011

[احمد رضوان]

اليوم سأقفل الموبايل ... ليس عقاباً لشركات الإتصالات ... وإنما خوفاً من ان يتصل على احد الشهداء ليسألنى ماذا فعلنا في من قتله ، وماذا انجزنا في ما خرج من اجله ، وهل لا زلنا على قلب رجل واحد كما كنا ... ساغلق الموبايل حتى يسترتيح ضميري

---------

منقول من تويتر بتصرف

[se_ Elsyed]

خد الحته بتاعت الحجم الحقيقي وعن مين شغال مع الرايجة وإذا أنتصر القوم نقول لهم أه إحنا كنا معاكم .. لكن لو أصابهم قرحاً ... يحمدوا ربنا إنهم ما كانوش معاهم ولا دعوا لذلك ..

هل تغيرت معادلة الثورة ؟! .. الجماعة جاءت لتحمي ''الميدان'' فبحثت عن الحماية

شارك منصة الإخوان

1/28/2012 12:37:00 AM

تقرير - إمام أحمد :

هل أصبح الإخوان خصمًا للثورة.. هل أصبح '' الجماعة والعسكر '' في ناحية و '' الثوار والشباب '' في الناحية المقابلة ؟! المعادلة قد تبدو مدهشة ولكن هذا ما أفصحت به أرض ميدان التحرير جهارًا بعد اثنتي عشر شهرًا ويومين منذ انطلاق الثورة المصرية.

بالعودة قليلاً خلال الأيام الماضية نجد أن شباب الثورة والحركات الاحتجاجية والائتلافات المختلفة قد توافقوا حول الدعوة للتظاهر في 25 يناير لاستكمال الثورة وإسقاط حكم العسكر لكن قبل ساعات من الذكرى الأولى لانطلاق الثورة البيضاء أعلنت جماعة الإخوان نزولها إلى ميدان التحرير للاحتفال بما تحقق مشددين على ضرورة الالتزام بمسار المرحلة الانتقالية المُعد سلفًا هنا بدى طريقان متضادان للجماعة وشباب الثورة.

وجاء اليوم المنتظر وخرجت مسيرات تضم ملايين في أنحاء الوطن المختلفة تطالب بتسليم السلطة وفورًا للمدنيين وعودة القوات المسلحة لثكناتها، وفي حين أن مئات الآلاف كانوا يهتفون في قلب ميدان التحرير - معقل الثورة المصرية - "يسقط يسقط حكم العسكر"، كانت منصة الإخوان بالميدان تعلو بالأناشيد الوطنية بمكبرات الصوت المرتفعة؛ الأمر الذي أزعج الثوار معتبرين ذلك محاولة للتشويش على مطلبهم الأساسي بخلع "العسكري"، ولكن "ساعات" وتغادر الجماعة الميدان.. هكذا انتظر الثوار!.

مرت ساعات ولكن شيئًا لم يحدث.. بل فجأة أعلنت الجماعة استمرارها في الاعتصام بميدان التحرير لثلاثة أيام!.. ما سر الاعتصام إذن، هل هناك احتفال يستمر لـ 72 ساعة متتالية، تلك كانت أسئلة لم يجد الثوار لها إجابات سوى أنها "مؤامرة"، كما أن دعوة حماية الميدان التي أعلنتها الجماعة لم تكن ذات جدوى لدى الثوار.. لماذا إذن لم ينزلوا لحمايتنا في أحداث مجلس الوزراء ومحمد محمود ومن قبلهما ماسبيرو؟!.. هكذا تساءلوا دون إجابة.

ارتفعت حدة التوتر وتزايد الضيق ولم تنفع محاولات إخوانية بقيادة الدكتور محمد البلتاجي - أقرب الشخصيات في الإخوان لدى الثوار والقوى المدنية - لتصحيح الصورة.. أكد البلتاجي على ضرورة استمرار الثورة، وأعلن أن الاحتفال بما تحقق لا يمنع من الضغط لتحقيق ما تبقى. ولكن ما أن جاء صباح جمعة الغضب الثانية إلا وتصاعدت النار الهادئة تحت الرماد.

هتافات مدوية داخل الميدان تطالب بإسقاط حكم العسكر وتهاجم في الوقت ذاته جماعة الإخوان المسلمين.. ها هو "بديع" أصبح رأسًا برأس مع "المشير" في أعين الثوار.. المتظاهرون يهتفون: "يا بديع قول للعريان لسة الثورة في الميدان''، "يا عنان قول لمشير الشرعية من التحرير"، بل أحذية تُرفع في وجه "منصة الجماعة" كما رُفعت من قبل ردًا على خطاب الفنجري "الشهير".

حاول الإخوان الخروج من ذلك المأزق.. رتلوا القرآن الكريم بمكبرات الصوت المرتفعة، رددوا النشيد الوطني مرارًا، استعانوا بشخصيات قريبة من الثوار.. كلها كانت محاولات غير مجدية، حتى اضطر الإخوان وكانت المفاجأة.. ها هي "منصة الجماعة" تهتف بسقوط حكم العسكر!.

المفارقة الأكبر أن جماعة الإخوان المسلمين التي أكدت على تأمينها لميدان الحرير، اضطرت إلى استدعاء شبابها لتأمين منصتها في قلب "ميدان الثورة".. شباب الإخوان أقاموا حواجز بشرية ثلاثية الصفوف لتأمين منصة جماعتهم. أحد ثوار الميدان خاطب شابًا إخوانيًا مداعبًا: "ابنوا سور حاجز زي ما المجلس العسكري بيعمل!".

ماذا تخفي الساعات القادمة.. هل ينسحب الإخوان من الميدان أمام عاصفة الثورة أم ينضمون للثوار وينقلبون على المجلس العسكري لينفوا تمامًا "تهمة الصفقة" الموجه إليهم.. أم بدلاً من هذا وذاك يبقى الوضع على ماهو عليه، الأمر الذي قد ينذر باشتباكات يخسر فيها الطرفين؟ تلك أسئلة يترقب الجميع إجاباتها.. دعونا ننتظر.

http://www.masrawy.com/News/Writers/General/2012/january/28/4764978.aspx

[م تيمور المراغي]

اليوم سأقفل الموبايل ... ليس عقاباً لشركات الإتصالات ... وإنما خوفاً من ان يتصل على احد الشهداء ليسألنى ماذا فعلنا في من قتله ، وماذا انجزنا في ما خرج من اجله ، وهل لا زلنا على قلب رجل واحد كما كنا ... ساغلق الموبايل حتى يسترتيح ضميري

---------

منقول من تويتر بتصرف

جويريه ( الله يمسيها بالخير ) :

وهو الشهيد حيتصل بيك ازاي يعني !

[متعب]

سفرتوا على الفيس

واحد بقى يسفروا على تويتر

[se_ Elsyed]

ياكل المحاورات المصريه

شفوا الفيدو ده

جريمه منظمه بشكل هايل بما فيها حرق المجمع العلمى والوقيعه المفتعله بين الاخوان والتحرير

نشوف الفيدو مع بعض واتمنى نشره بسرعه قبل حذفه

http://www.youtube.com/watch?v=Ue4kDC1Hjr4

عفواً يا باز أفندي

أنا لا أقتنع بمصل هذه الفيديوهات ... حد زي كده يتسلم رسمياً إلى الشرطة وبشكل رسمي من خلال لجنة قانونية عشان يتابعوا بعد كده حصل معاه إيه

[ام سلمي]

لأ يا فندم لكل فعل رد فعل حضرتك والموقف هنا مختلف تماماً

لما يكون ناس نازلة لهدف معين وبهتاف محدد ومعين وفجأة يتفتق ذهن الاخوة الاخوان عن شعارات براقة وييجي 20 متر في عشرين متر عن الإحتفال بعيد الثورة الأول .. ويبعتوا يجيبوا مكبرات صوت زيادة ويشغلوا عليها قرأن عشان يغلوشوا على هتافات الثوار هناك وكأننا في ميتم واللي من ضمن الحاجات اللي بنتعلمها وإحنا أطفال إن القرآن له حرمته وإذا قرأ القرآن فلابد ان نستمع له وننصت ونتدبر... يبقى ده إستفزاز يا إسمه إيه ؟

والدليل إنهم صححوا خطأهم ونزعوا اللافتة بتاعت عيد الثورة ....

لا يا استاذ سي السيد لكل فعل رد فعل" مساوي له في المقدار (وإن عاقبتم فعاقبوا بمثل ما عوقبتم به)

يعني لو انسان استفزني ممكن استفزه بنفس الكيفية مش اضربه واشتمه وارميه بالطوب لحد اصابة 11 من افرادهم احدهم قريت انه فقد عينه

لو حضرتك معتبر ان عقاب الاستفزاز عادي انه يوصل للضرب والاهانة ، يبقي كان اولي تقتنع ان الجيش كان معاه حق يضرب المعتصمين ويسحلهم في الشوارع

علشان كانوا بيستفزوه

وبعدين خلينا نبقي صرحاء هو مش في حفل راس السنة الثوار نزلوا واحتفلوا ، كان فين ساعتها دماء الشهدا والمصابين واللا هي الاحتفالات حلال علي ناس

وحرام علي ناس تانية

طب حضرتك شوف الموضوع ده من كام شهر

في التحرير.. قرآن في منصة وأغانى في أخري واتفاق علي مطالبة العسكري بتسليم السلطة

كان في منصة اغاني للثوار بقيادة رامي عصام مطرب الثورة ، هل كنت تقبل حد يتعرض لهم بالضرب علشان احترام الشهدا والمصابين

والاهم من ده ان القران كان علي المنصة التانية بتاعة حازم صلاح والثوار ما اعتبروهوش انه نوع من الاستفزاز ولا حاجة ولا انه بيمنعهم من الغنا

والهتاف ، من امتي القران كان نوع من الاستفزاز ؟

استاذي الفاضل معروف ان عدوك يتمني لك الغلط ، و اي حاجة حتعملها حيشوفها غلط

يعني الاخوان لو ما نزلوش ، يقولوا عليهم باعوا الثورة

ولو نزلوا و احتفلوا زي الثوار ما احتفلوا براحتهم في راس السنة ، يقولوا ده استفزاز

و لو شغلوا قران ، يقولوا ده غلوشة علشان ما نهتفش

و لو حتي رددوا يسقط حكم العسكر، يقولوا دول خونة و لازم يخرجوا من الميدان

ما كنتش اتصور اني محتاجة اثبت ان البلطجة واذية الناس شئ غلط !!

تم تعديل 28 يناير 2012 بواسطة ام سلمي

[عماد حمدي]

دلوقتي شوف بقا و وريني المليونيات يا أستاذ احمد .. اللي كنت متراهن معك عليها ..

متراهن مع مين ؟

ده أسلوب قلب الحقائق يا عزيزي

القوى الإسلامية اللي بتروج لها أنت وكأن باقي القوى كفرة كانت بتقول إن من سينزل يوم 25 يناير هم 40 الف بالكتير ... إرجع لكل المداخلات لو كنت معانا هنا ..حصل ولا لأ ؟

وفوجأ الاخوان بصفعة غير متوقعة بنزول الملايين لمدة 3 أيام .... 25 .. 26 ... 27 ... والناس مش صيع عشان يفضلوا معتمصين أو في مليونيات طول العُمر ..

وهو سؤال ورد غطاه .... المسيرات المليونية اللي كانت في كل مصر .. كان سببها الأخوان ؟ وكان بيحشد لها الاخوان ؟ وكان بيقودها الأخوان ؟

وإنت وغيرك وأرجع لمواضيعهم اللي أخترعتوا حكاية يوم السبت وحكاية التخريب والحرق .... وبتقول ده كان توقع .. والحمد لله إن حصل خير ... وطظ في أي خراب حصل في البورصة وغيرة من وراء هذه الاكاذيب ...

فلما التوقع يخيب مش من الشجاعة برضوا إن الناس تطلع تعتذر وتقول أنا كنت باكذب زي جريدة الجمهورية وجريدة الحرية والعدالة والتليفزيون المصري وكتب في نفس الصفحة وبنفس الفونت إننا كنا ( كاذبون ) أو مخدوعون ؟

يكفي الاخوان عاراً أن يكونوا الان في خندق التليفزيون المصري والحكومة المصرية وان يروجوا لنفس الاكاذيب بالحرف الواحد .

أعذرني فمشاركتك لا تستحق مني عناء البحث و الرجوع للمشاركات ..

لا أقصد التقليل منك ، لا طبعاً لكن بتكلم عن محتوى المشاركة نفسها و ليس لشخصك

فأنت تعلم معزتّك عندي قد اية بالرغم اننا مُختلفين :)

لا أعلم من أين أتيت ب40 ألف هذه ! و رسالة المرشد العام كانت الحشد !

و انا قولت هنا برده رساله المرشد و حطيت خط و ظللت باللون الأحمر علي كلمة حشد

و دعوى المرشد العام للإخوان في كل مصر التواجد في الميادين و مديان التحرير للمحافظات القريبة من القاهره

لما قولت رداً علي عضو فاضل هنا لما قال طالما الاخوان بيحتفلوا يروحوا العباسية و يسيبوا الميدان للثوار

قولت ليه الأكثر عددا في الميدان و الاقل عدداً في العباسية

لأن الميدان هيكون واسع عليهم و مبهوّق ..

مش دي الديمقراطية يا أستاذ احمد و لا اية ؟؟!!!

سأترك الزائر قبل العضو للُحكم و قراءه مداخلاتي تحديداً مع مراعاه تواريخ المشاركات

كذلك ردود حضرتك و ردود المؤيدين

و مقارنه ذلك بالذي حدث اليوم السبت 28/01/2012 و هو اللي قولت عليه من يوم 25 يناير 2012

هدوء بالميدان بعد انسحاب الإخوان المسلمين و فيه فرااااااغ

انسحاب 6 إبريل و 23 قوي ثورية من الميدان حتى لا تنكشف حقيقتهم و حجمهم الطبيعي

و هوه ما أوضحته يوم 25 يناير 2012

قلتم بالحرف الواحد و المشاركات موجودة في هذا الموضوع

مُعتصمين في الميدان حتي تسليم العسكر للسلطة !

و الآن بح كله روّح بيته

و السلطة هتتسلم في ميعادها المُتفق عليه لان دا أغلبة الشعب عايزة كدة

و لو كان العكس ، كان زمان الشعب موجود حتى اليوم في الميدان بيطالب بده

قلب الحقائق و تحريف الكلام ليس من طبعي .. و المشاركات موجوده علي عينك يا تاجر

لما قولت غريبة ان الناس مفكّرة ان كل اللي في الميدان مؤيد لتسليم السلطة فوراً

و إنتظروا لليلة الجمعة او السبت قابلت كثيراً من السخرية لكلامي

و ها نحن الآن سيدي الفاضل يوم السبت

و الأخبار بدات تظهر كما قولت من قبل !!! و بالتفصيل

و غريبة ان حضرتك كنت تتريأ و تاخذ كلامي بسخرية

لكن سبحان الله

لو كان كلامك مظبوط يا أستاذ احمد يبقي مين اللي إنتخب الإخوان و إداهم أغلبية في البرلمان !؟؟؟

و إخوان اية اللي كان عددهم 40 ألف بس في الميدان يا راجل حرام عليك !؟

كل الاسئلة دي لا يهمني إجابتها من حضرتك لكن زي ما قولت الزائر او العضو يرجع كام صفحة بسيطة

من هذا الموضوع و يشوف كلامي ..

بالمناسبة ياريت كمان نركز مين اللي كان بيسّخن الناس ضد الإخوان

و يفكر مع نفسه لمدة 10 دقائق و يعرف بالظبط مين اللي لية مصلحة

تحيـــاتي ،،

[عماد حمدي]

و النهارده خبر فض اعتصام 6 ابريل و 23 حركة ثورية من الميدان اللي وضعت تفاصيلة في المشاركة فوق دي ع طول ، علشان حجمهم الحقيقي كان هيبان ..

دي حقيقة بادلة عندك ... ولا توقع زي فانديتا ؟

اتفضل يا باشا افعص هنا