يوميات مشرف فى المنتدى ‍‍‍!!!

[ragab2]

أكمل

ياحشيش بناءا على طلب الجماهير

وفى الانتظار

[Ahmed Mohsen]

عقلي الباطن بيقول إن المشرفين زعلانين من حشيش وخايفين يحذفوا الموضوع لحسن يتقال عليهم مش ديموقراطيين ... فانا هاعملهم خدمة واديهم سبب يحذفوه ..... الحض علي كراهية المشرفين والنظام والتسبب في قيام مظاهرات

يا حشيش يا حشيش ................ إحنا معاك من غير بقشيش

************

إعقل يا أحمد يا محسن .. حشيش مش هاينفعك وعيش عشان تربي المولود اللي جاي ... جنينة مول لسه موجودة والكلاشينكوف مازال في جيبي .....

س س من فرقة مكافة الشغب

[فــيــروز]

داروين: ياجماعة إسو مالوش فى إختراق الأجهزة .... هوه بيحب يهول شويه لكن معندوش فكره... أنا رأيى نجند ماجد ولينوكس وفيروز مقابل مكافأة شهرية ..... خبرتهم كويسة فى المسائل دى

محمد أبو زيد: بلاش فيروز...لو خدت لها جوز اقلام فى القسم حتعترف علينا كلنا

فعلا ys):

ويمكن اعترف من اول شخطه كمان :blink:

بجد يا حشيش مفروض نسميك بعد كده حشيش محفوظ :lol: .. الحائز على جائزة نوفل فى الفنون و الآداب mfb:

[Asat]

أستاذ حشيش,

أنت مش معقول! :lol:

[عصام]

أغلق بمعرفتى ..

عليكو واحد :lol: :blink:

[disappointed]

أغلق بمعرفتى ..

عليكو واحد

طب بجد عليّا واحد

انا كان تعبير وشّى كده بالضبط مع كلامك :

mfb: :o :lol: :blink: rs:

rs: :) :D

تم تعديل 22 نوفمبر 2004 بواسطة disappointed

[حشيش]

أتقدم بالشكر والتحية للأخوة والأخوات على التشجيع وللأخوة المشرفين على سعة صدرهم rs: ... والأن إلى التكملة

هشام مخاطباً سى السيد: نبه على جميع المشرفين إن فى إجتماع هام الساعة 1500 فى شئون المحاورات....الإجتماع مغلق وسرى للغاية

سى السيد: بخصوص إيه ياكنج

هشام: أنا نفسى معرفش يظهر إنه توب سيكرت....مش عايز حد من الأعضاء يشم خبرعن الإجتماع

سى السيد: رقبتى ياريس

فى شئون المحاورات ومع دقات الساعة 1500 يبدأ إجتماع مغلق وسرى للغاية بحضور جميع المشرفين

عادل أبو زيد: طبعاً مستغربين أنا جمعتكم ليه النهارده ... الموضوع باختصار إن فيه معلومات وصلت للقيادة السياسية إن المنتدى فيه عدد كبير من الأعضاء بيكتبوا ضد الحكومة وضد الريس نفسه وتوريث الحكم...وصلتنى معلومات مؤكدة إن مبارك قرر يقوم بزيارة للمحاورات والتجول فيها بنفسه لمعرفة مدى صحة المعلومات دى...لازم نلم نفسنا بسرعة ونستعد للزيارة اللى غالباً حتكون الأسبوع اللى جاى .

إسو: إحنا جاهزين يابوس ... لازم نبتدى نلم كل المواضيع اللى بتتكلم عن الريس ونحذفها

لانس: تمام ونخلى المواضيع اللى بتقول كلام كويس عنه

سى السيد: مفيش مواضيع كويسة عنه غير الموضوع بتاع جرجاوى (نعم وألف نعم يامبارك)

عادل أبو زيد: مين جرجاوى ده

محمد أبو زيد: ده بيبيع جرجير....قصدى عضو جديد وله ولاء شديد لمبارك

عادل أبو زيد: عظيم كلموه يكتب كام موضوع زى ده ووفروا له كل الإمكانيات اللى حيحتاجها

إسو: إمكانيات زى إيه يعنى

عادل أبو زيد: مساطر برايات اساتيك حبر....كل حاجه

محمد أبو زيد: عايزين نستعد للموضوع ده بكل جدية ياجماعة....زيارة الريس للمحاورات شئ مش بسيط خصوصاً فى الظروف الدولية الحالية....متنسوش إن مصر دلوقتى بلد نووية يعنى الأنظار عليها والسد العالى لو إنضرب الميه كلها حتروح على توشكى والناس حتستخبى فى مترو الأنفاق :D

عادل أبو زيد: مالك يامحمد إنته عيان

إبن مصر: لازم ياجماعة نحضر قصيدة نلقيها عند وصول السيد الرئيس

هشام: فكرة هايلة....فى مين شعراء عندنا

محمد أبو زيد: أبو حميد المصرى....ياسلام...أعجوبة....ده لو قلت له صباح الخير يروح هفك قصيدة ستين بيت وما يخلصكش من إيده غير إنك تقول أنا جدع :o

رجب: أظن عيب أوى يامحمد باشا أبقى قاعد جنبك وتدور على شاعر يكتب القصيدة.....أنا ليا حق عرب عندك....وحياة طنط كيما محنسهالك ngh:

إسو: بس إنته يادكتور رجب يعنى ولا مؤاخذة ما بتحبش الكاكى...واللى جاى ده كاكى واللى جابه كاكى والل جاب اللى جابه كاكى

رجب: معلش ياعمى الضرورات تبيح المحظورات....قل لى إيه رأيك فى الحتة دى:

يابلدنا يامهلبية

ياحلوة يامستوية

ومبارك خلاكى آية

حسنك مالوش نهاية

عادل أبو زيد: معلش يادكتور رجب...إتفضل إنته روح إستريح شوية.....فى مين تانى شعرا فى المحاورات :lol:

محمد أبو زيد: فيه إسماعيل يس فى الأسطول...قصدى اسامة يس...ده شاعر جامد جداً...أنا مبفهمش هوه بيقول إيه بس هايل :o

هشام: أنا موافق على اسامة يس لإلقاء قصيدة الترحيب بالريس....ندخل على النقطة اللى بعدها فى جدول الأعمال.....تنظيم موكب الريس

إبن مصر: أنا رأيى إن موكب الريس يدخل من باب السياسة الداخلية وموكب شوزان قصدى سوزان وجمال من باب الأسرة والطفل وكمال الشاذلى من باب المطبخ

لانس: مش حنرش المنتدى يابوس

عادل أبو زيد: إيه المناسبة

لانس: مش جايز الريس يكون فى جيوبه جراد وأول مايدخل ينطرهم علينا :o

عادل أبو زيد: إنته مين يابنى...إنته بقالك كتير معانا هنا

إسو: فعلاً الإحتياط واجب...أول ماييجى ندلق عليه جردل فنيك

عادل أبو زيد مخاطباً هشام: أول ما الزيارة دى تتم على خيرالطقم ده كله لازم يتغير

هشام: حنجيب مين بس يابوس...ما سخم من ستى إلا سيدى

عادل أبو زيد: أى حد إن شالله المخبول حشيش

سى السيد: بمناسبة حشيش ... ده حنسيبه كده والريس جاى ؟؟؟....أنا رأيى إننا نطرده مؤقتاً لحد ما الزيارة تخلص وبعدين نرده بدل ما يعملنا قلق bk:

عادل أبو زيد: ونرده ليه....مشيه خالص

هشام: مالوش لزوم نعمل طرد أو ندى إنذارات اليومين دول.... بالنسبة لحشيش هوه كان كاتب قصة مؤرفة إسمها (تفه يتحدى الأشرار) أنا حذفتها...رجعوهالو خلوه يتلهى فيها لحد ما الزيارة تنتهى وبعدها إرموه هو وقصته فى الشارع ha)

يتبع

[linux]

مش هزار و بجد فعلا ...

أقترح أنشاء باب (و شباك كمان) خاص بكتابات (أو لسعات) حشيش.

و ياريت يكون هو المشرف عليه علشان مايتحذفش منه حاجه :lol:

نسميه ...

حشاشيات أو

لسعات حشيش أو

يوميات حشيش فى المحاورات أو

بكلم أبو الأنفاس ...

ساعة الجد، مش ها نغلب فى الأسم ngh:

[Cleo]

إبن مصر: أنا رأيى إن موكب الريس يدخل من باب السياسة الداخلية وموكب شوزان قصدى سوزان وجمال من باب الأسرة والطفل وكمال الشاذلى من باب المطبخ

:lol: ha)

وصلتنى معلومات مؤكدة إن مبارك قرر يقوم بزيارة للمحاورات والتجول فيها بنفسه لمعرفة مدى صحة المعلومات دى..

ياااااااااااادى القرف....... أهو هايقفلنا الشوارع فى المححاورات كمان ngh:

[سقراط المصري]

من الواضح ان حشيش عقليه قديره قادر على اسعاد الاخرين.

حشيش له اسلوبه الخاص المميز اللي الواحد مايزهقش منه او يحس بالملل.

في ليله غم من كام شهر كنت قرفان وطهقان ومش طايق نفسي ومش عارف انام ومعكنن على البيت كله من اول العيال لأم العيال وبصراحه بدون داعي.

واخيراً تفتق ذهني ان احسن حاجه اني لازم اطلع نفسي من المزاج الزفت ده.

وكان القرار

فتحت المحاورات وقضيت اكثر من ثلاث ساعات مع موضوعات حشيش مع شوية شاي وكام عقب سجاره وكانت احسن ليله بصراحه. ضحكت فيها كتير بالرغم من اني تقريباً حافظ اللي كتبه حشيش ولكن لا امل من قراءته مره بعد مره.

ويمكن حان الوقت الان ليعلم حشيش كم هو اسعدني.

وشكراً ngh: :lol:

سقراط

[ragab2]

من الواضح ان حشيش عقليه قديره قادر على اسعاد الاخرين.

حشيش له اسلوبه الخاص المميز اللي الواحد مايزهقش منه او يحس بالملل.

أتفق

معك فى هذا الرأى

وأن حشيش أصبح ادمان

[حشيش]

من الواضح ان حشيش عقليه قديره قادر على اسعاد الاخرين.

حشيش له اسلوبه الخاص المميز اللي الواحد مايزهقش منه او يحس بالملل.

في ليله غم من كام شهر كنت قرفان وطهقان ومش طايق نفسي ومش عارف انام ومعكنن على البيت كله من اول العيال لأم العيال وبصراحه بدون داعي.

واخيراً تفتق ذهني ان احسن حاجه اني لازم اطلع نفسي من المزاج الزفت ده.

وكان القرار

فتحت المحاورات وقضيت اكثر من ثلاث ساعات مع موضوعات حشيش  مع شوية شاي وكام عقب سجاره وكانت احسن ليله بصراحه. ضحكت فيها كتير بالرغم من اني تقريباً حافظ اللي كتبه حشيش ولكن لا امل من قراءته مره بعد مره.

ويمكن حان الوقت الان ليعلم حشيش كم هو اسعدني.

وشكراً ha)  :D

سقراط

والله ياسقراط ياخويا الكلام ده كتير جدا عليا ربنا يخليك يارب وما يحرمنيش من ذوقك :o وما يحرمكش منى ngh:

عزيزى لينوكس فعلا انا بفكر اعمل عمود يومى ليا فى المحاورات زى ابراهيم مش نافع بتاع الاهرام :lol: ... شكرا ياعسل :o

ربنا يخليك يادكتور رجب كان نفسى القصيدة اللى كتبتها على لسانك تكون احلى من كده :o

[kfaya]

اهنئك يا حشيش على قمة ابداعاتك و تفوقك على نفسك ..... :)

انا كل ما أقرأها بموت من الضحك ..... ;)

عايزين بقى ندخل على الحبكة الدرامية .. وصف بالتفصيل الممل لأحداث الزيارة .... يعنى لما الدكتور نظيف كان ماشى جنبه و راسه خبطت فى الباب و هو داخل ... و فتحى سرور لما خد عادل ابو زيد بالحضن و البوس .... و صفوت الشريف لما كان بيبصلنا بقرف و مرضيش يسلم على حد .... :)

قول يا حشيش .....قول و متعنا .... قول كل حاجة ..... :angry:

[عصام]

اهنئك يا حشيش على قمة ابداعاتك و تفوقك على نفسك ..... :)

انا كل ما أقرأها بموت من الضحك .....  ;)

عايزين بقى ندخل على الحبكة الدرامية .. وصف بالتفصيل الممل لأحداث الزيارة .... يعنى لما الدكتور نظيف كان ماشى جنبه و راسه خبطت فى الباب و هو داخل ... و فتحى سرور لما خد عادل ابو زيد بالحضن و البوس .... و صفوت الشريف لما كان بيبصلنا بقرف و مرضيش يسلم على حد  ....  B)

قول يا حشيش .....قول و متعنا ....  قول كل حاجة ..... :angry: 

:) :)

;)

[se_ Elsyed]

حشيش من الشخصيات النادرة التي قلما تجدها في أي مجتمع ... بجد والله العظيم دي مش مجاملة وهو عارف كده كويس ..

بس أنا مازلت مصمم إنه لو جالي المحل وعملت له شوية ظبط زوايا على إصلاح عفشه هايبقى حاجة تانية ومش بعيد نعمل له منتدى ختص به ونسمية " حشيشيات " او بلاش ممكن نسمية " محاورات حشيشية "

شيشو جو أون يا مان وخلي بالك من كلامك المنتدى ملغم وإنت كده داخل على شغل كبير تضيع فيه رقاب ... وركزلي بقى في التشريفة على محمد إبراهيم سليمان وهو جاي يفتتح خطوك مترو الأنفاق الجديدة اللي مضادة للقنابل النووية .. وكمان الحاج أحمد الليثي ومنظره وهو الجراد عافف على راسه وواكل كرافتته ومع ذلك بيقول كل شيء تمام والوضع مستقر .

[Mohammad Abouzied]

خمسة وخميسة يا حشيش

[فــيــروز]

عايزين بقى ندخل على الحبكة الدرامية .. وصف بالتفصيل الممل لأحداث الزيارة .... يعنى لما الدكتور نظيف كان ماشى جنبه و راسه خبطت فى الباب و هو داخل ... و فتحى سرور لما خد عادل ابو زيد بالحضن و البوس .... و صفوت الشريف لما كان بيبصلنا بقرف و مرضيش يسلم على حد  ....  bxg::

rs: 

ويا ريت تخلى ماما سوزان تدخل علينا بكام كتاب على كام كصه للاطفال :)

[Set_Amina]

سبب من أهم الأسباب لرجوعي رغم انشغالي فعلا هو مواضيع حشيش الالمعية

ياقنب قصدي ياحشيش انت شخصية نادرة في زمن بقت البسمة فيه شيء نادر

استمر واحنا كلنا وراك هانفطس من الضحك، يعني ناقص كام موضوع ومتلاقيش حد يقرالك، كلنا هانكون فطسنا rs:

[se_ Elsyed]

حشيش .. إنت احلى شجرة خشخاش شوفتها في حياتي .. هات بوسه بقى .. وده عشان قدرت ترجع لنا ست أمينة بعد غياب 14 سنة عن المنتدى ...

أمونة .. كل سنة وإنت طيبة بمناسبة عيد الفطر بعد الزحمة وبهعد ما الكحك خلص .

[Farida]

انا كمان مستمتعه جدا بالموضوع ده و مع وجود عمود دائم لحشيش اللى بيخفف عنى كتير و لو انى ساعات باكون باضحك جدا اثناء الشغل او فى البيت و الناس بتفتكرنى عبيطه ولا حاجه لأنى مش باعرف اتحكم فى الضحك ....المهم استمر و ربنا يحنن قلب المشرفين عليك و يرجع لك المدام بالسلامه