كل ما يخص محاكمة مبارك وأتباعه

[se_ Elsyed]

الله أكبر

إتأجلت لجلسة 5 سبتمبر مع جلسة المجرم العادلي

[hOuSsAm]

ايه ده

وقف البث التلفزيونى

مينفعش كدة

وجمال مبارك بيرفع ايديه بعلمة النصر ولا بيشور لحد؟

انا مش فاهم

تم تعديل 15 أغسطس 2011 بواسطة hOuSsAm

[زهرة الجبل]

ليه ليه

قرر وقف البث التليفزيوني لوقائع الجلسات أعتبارا من خمسه تسعه لحد النطق بالحكم

[se_ Elsyed]

قلة أدب

وقفوا البث التلفزيوني

إيه التهريج ده

[pink rose]

هو الواد علاء دا بيعمل باي لمين و فرحان بنفسه كده

تم تعديل 15 أغسطس 2011 بواسطة pink rose

[مغتربة]

ايه الكرسى فى الكلوب دا

وقف البت التلفزيونى

ليه ان شاء الله

كانوا بيسكتونا بجلستين

[زهرة الجبل]

و الله الفرحه اللي في عيون جمال و علاء بقرار وقف البث التليفزيوني دي تجيب جلطه

[se_ Elsyed]

نفسي أعرف دفاع السهداء بيسقف علي إيه في قرار عدم إذاعة الجلسات ؟

أعتقد إن وقف البث هايبقى عشان الأمن القومي

لكن برضوا

ما هم المحامين هايطلعوا يقولوا على اللي حصل

وحيثيات الحكم بتبقى مُعلنة ؟

[pink rose]

و الله انا شايفه انه احسن وقف البث

هو احنا فاهمين حاجه يعني

و بعدين يا جماعة زي ما انا شايفه القاضي باين فعلا انه محترم

ليه ما نثقش فيه و نسيبله القرار

دا رأيي

[nihal]

إزاي إزاي يوقفوا البث ..؟!!

[مغتربة]

لا و مبارك بيحى الناس زى ما كان بيحيهم بعد خطابته الممله

و علاء يعمل علامه النصر

هو فيه ايه يا اخونا

هما فاكرينا عيال صغيره هيفرحونا بالبث لغايه ما نسكت و بعدين يقطعوه

[احمد رضوان]

أنا مع وقف البث للحفاظ على أسرار البلد والتي يمكن أن يتم عرضها بشكل علني وكذلك لحماية الشهود والمتهمين والأهم لأن الموضوع شكله حيطول ولازم نركز على حاجات تانية وإن كان على الجلسات هناك محامون ومراسلون سوف ينقلون التفاصيل

[مغتربة]

يبقى دا سبب التاخير الغير طبيعى

قرار وقف البث

انا متاكده انه مكنش يقدر ياخده من غير ما يرجع للمجلس العسكرى

[hOuSsAm]

لا و مبارك بيحى الناس زى ما كان بيحيهم بعد خطابته الممله

و علاء يعمل علامه النصر

هو فيه ايه يا اخونا

هما فاكرينا عيال صغيره هيفرحونا بالبث لغايه ما نسكت و بعدين يقطعوه

للاسف كدة بيثيروا الشعب عليهم لو مكنش عندهم اسباب مقنعة

زهقنا من كلمة الصالح العام دى واحنا مش قصر عشان يرودونا

[nihal]

و الله انا شايفه انه احسن وقف البث

هو احنا فاهمين حاجه يعني

و بعدين يا جماعة زي ما انا شايفه القاضي باين فعلا انه محترم

ليه ما نثقش فيه و نسيبله القرار

دا رأيي

بينك البث المباشر و المحاكمة العلنية كانت من أهم مطالب الاعتصام يوم 8 يوليو ..

طيب إزاي يوقف البث بالشكل دا ..

ضروري البث .. حتي يكون مبارك و أولاده و كل حرامي نهب البلد نهايته عبرة .

تم تعديل 15 أغسطس 2011 بواسطة nihal

[pink rose]

أنا مع وقف البث للحفاظ على أسرار البلد والتي يمكن أن يتم عرضها بشكل علني وكذلك لحماية الشهود والمتهمين والأهم لأن الموضوع شكله حيطول ولازم نركز على حاجات تانية وإن كان على الجلسات هناك محامون ومراسلون سوف ينقلون التفاصيل

بالظبط كده

اكيد في مصايب هاتتقال و مش معقول ننشر الغسيل المنيل دا على عينك يا تاجر كده

و هايكون في مراسلين و صحافة يعني في علنية للمحاكمات

مش لازم تكون بث مباشر بقى

و ادينا الحمدلله شوفنا الزغلول و عياله في القفص مرتين اهو و كحلنا عينيا بالمشهد دا

[زهرة الجبل]

أنا محتاجه حد يشرح لي يعني ايه حفاظا على الصالح العام ؟

يعني هل وقف البث هيوفر ادله جديده ؟

هل وقف البث هينظم هرجلة المحامين ؟

انا شايفه ان وقف البث مش هيعمل حاجه أكثر من انه بيصب في تزايد التشكيك و عدم الثقه

هم كانو جلستين كده سكاته و مسمعناش فيهم من المتهمين كلمتين على بعض مش أكتر من موجود و انكر التهم و خلاص على كده ؟

إحنا ماشوفناش محاكمه

و ماشوفناش جديد

أنا هموت من الغيظ و الشعور بالإستخفاف بينا تاني

[مغتربة]

أنا هموت من الغيظ و الشعور بالإستخفاف بينا تاني

بالضبط كدا يا زهره

الشعور العام التعرض لخديعه

نيموا الناس بجلستين فى الخفيف كلها اجراءات و شكليات

و بعدين جبوها بحكم محكمه علشان محدش يعرف يعترض

خلاص دا قرار نهائى لا رجعه فيه

لكن بجد هموت من الغيظ

ابسط ما يقال عما حدث انه خديعه

[pink rose]

معلومة قانونية من كل من الأستاذ عصام سلطان والأستاذ جمال عيد المحاميان: وقف البث في صالح القضية قانونيا من ناحيتين:

أولا الاستماع للشهود، لأن مهم إن الشهود ميسمعوش شهادات بعض عشان ميحصلش تأثر باللي هيقولوه ..

وناحية أخرى: التخلص من محاميي الشو الإعلامي الباحثين عن الشهرة مما سيؤدي لسير المحكمة بشكل أفضل ..

أخيرا: المحاكمات ستظل علنية لأنها ستتم بحضور محاميي أسر الشهداء ويمكن نقل تفاصيل ما حدث بالمحاكمات للإعلام

[hOuSsAm]

أنا محتاجه حد يشرح لي يعني ايه حفاظا على الصالح العام ؟

يعني هل وقف البث هيوفر ادله جديده ؟

هل وقف البث هينظم هرجلة المحامين ؟

انا شايفه ان وقف البث مش هيعمل حاجه أكثر من انه بيصب في تزايد التشكيك و عدم الثقه

هم كانو جلستين كده سكاته و مسمعناش فيهم من المتهمين كلمتين على بعض مش أكتر من موجود و انكر التهم و خلاص على كده ؟

إحنا ماشوفناش محاكمه

و ماشوفناش جديد

أنا هموت من الغيظ و الشعور بالإستخفاف بينا تاني

بالظبط كدة

شعور بالاستخفاف وان شيئا ما سيحدث خلف الكواليس

اللى هنحس بيه انها تمثيلية ومسبوكة بالتمام

ولو مبارك اخد براءة هنثق اكتر انها تمثيلية حتى لو هو برئ فعليا - لكن محدش هيصدق