كل ما يخص محاكمة مبارك وأتباعه

[hOuSsAm]

جريدة التحرير المصرية، وعبر كاتبها خالد كساب، نقلت - كما ذكرت - ما دار من حوار في غرفة انتظار المتهمين قبل المحاكمة وأثناء الاستراحة.

.

يخرب عقلك يا حسام

لأ طبعاً كل ده من خيال الكاتب

خالد كساب كاتب ساخر بطبعه من أيام ما كان بيكتب في الدستور

وبعدين ناس بتوشوش بعض في ودانها... يبقى مين هايسمع وينقل الحوار بالنص ؟

وبعدين ينفع ناس تكون في القفص وتقعد تتكلم كلام عصابات عن تظبيط القضايا ومين اللي هايشيلها ومش عارف إيه ؟

هى بقت كدة :protest:

والله يا عمى فى ظل زحمة الاخبار الواحد معتش عارف مين الصح ومين الغلط

كله بيخون فى كله وكله بيضرب فى كله وياخوفى لزعيم العصابة يطلع زى الشعرة من العجينة ويطلعوا فى الاخر بيشتغلونا

سابوا العدو الاساسى وماسكين ضرب فى بعض

[م تيمور المراغي]

http://www.youtube.com/watch?v=gwBJCGQGgXQ&feature=player_embedded

[se_ Elsyed]

الجلسة هاتبدأ أهي

أنا من رأيي هيثة الدفاع بالحق المدني عن الشهداء تنسحب تماماً وتروح تعتصم أمام مكتب المشير

اللي بيحصل ده قلة أدب

القاعة فاضية جداً ...

وناس كتير جداً منهم لم تصدر لهم تصاريح حضور ..

وطبعاً أهالي الشهداء في الزبالة مش مهم يحضروا

واللي ما يرضيش ربنا إن تبقى الدنيا حر موت .. ومع ذلك يسيبوا الناس مرميين بره الأكاديمية والدنيا صيام ..

فأنسانية كان لازم يعملوا مظلات لو إحنا بني أدمين يعني

[mekkawy]

المحاكمة مبثوثة أونلاين؟

[se_ Elsyed]

سامح عاشور بيتكلم نيابة عن دفاع الشهداء بيقول إنهم لم يتمكنوا من الإطلاع على كافة الأحراز خصوصاً الفيديوهات والسيديهات المصورة وبيتكلم دلوقت عن طريقة إستخراج تصاريح الحضور

[se_ Elsyed]

المحاكمة مبثوثة أونلاين؟

على بي بي سي عربية

[se_ Elsyed]

المحاكمة مبثوثة أونلاين؟

على بي بي سي عربية

وهنا كمان

http://www.egytv.net/watchnow.aspx

[se_ Elsyed]

حركة في منتهى الجدعنة بصراحة برافو برافو برافو

إستجابة من المستشار أحمد رفعت لكلام سامح عاشور الحاسم

وأمر لمدير أمن الأكاديمية بالتصريح بدخول جميع المحامين عن الشهداء الان فوراً بدون تصريحات

الله أكبر

[se_ Elsyed]

لسه برضوا في هرجلة من دفاع الشهداء

ووعد من سامح عاشور بجلسات أكثر تنظيماً ويبقى في متحدثين رسميين ثالثة أو أربعة نيابة عن هييئة الدفاع عن الشهداء

[م تيمور المراغي]

عجبني اوي المحامي اللي اصر على تلاوة كل المطالب

برافووووا

[م تيمور المراغي]

الرابط ده سريع

http://25online.tv/

[se_ Elsyed]

عجبني اوي المحامي اللي اصر على تلاوة كل المطالب

برافووووا

ده مجرم من مجرمين الحرب

محامي جريء وجامد وهم أمير سالم .. وهو عضو في لجان كتيرة لحقوق الإنسان

[hOuSsAm]

المحاكمة مبثوثة أونلاين؟

على بي بي سي عربية

مفيش عليها حاجة

[se_ Elsyed]

المحاكمة مبثوثة أونلاين؟

على بي بي سي عربية

مفيش عليها حاجة

جرب ده

http://www.egytv.net/watchnow.aspx

في إستراحة دلوقت على فكرة

[se_ Elsyed]

الله يبارك في سامح عاشور .. أنا متأكد إنه هايُدير هيئة الدفاع عن حقوق الشهداء بشكل جيد عشان يبقى شكلهم كويس بدل الهرجلة دي

[se_ Elsyed]

تأجيل محاكمه العادلى ومساعديه لجلسة 5 سبتمبر المقبل

الأحد، 14 أغسطس 2011 - 13:09

ل

قررت محكمة جنايات شمال القاهرة المنعقدة بأكاديمية الشرطة تأجيل محاكمة العادلى ومساعديه الـ6 المتهمين بقتل المتظاهرين إلى جلسة 5 سبتمبر المقبل، وذلك لحين استكمال سماع دفاع المتهمين فى القضية، حيث كان من المفترض أن تستكمل المحكمة الاستماع إلى دفاع المتهمين بجلسة اليوم، إلا أن مشادات محامى المدعين بالحق المدنى مع هيئة المحكمة دفعت المستشار أحمد رفعت، رئيس المحكمة، إلى إصدار قراره بالتأجيل إلى جلسة 5 سبتمبر المقبل للاستماع إلى دفاع المتهمين.

[Simba]

قفلت التلفزيون

منظر محامين اهالي الشهداء سوقي جدا وكأنهم في المترو بعد الضهر

[se_ Elsyed]

المخلوع وصل بالطيارة اهو

[se_ Elsyed]

نفس الشيء ... العيال بتوع بنحبك يا ريس مبهدلين الدنيا وكلهم 400 كائن ومع ذلك نازلين ضرب بالطوب في كل الموجودين هناك

[se_ Elsyed]

زغرطي يا أم علاء

المخلوع منزلنيه على سنانه من الطيارة .. وإبنه علاء حراً طليقاً بيداري الكاميرات بإيده عشان ما تصورش ابوه

عفواً .. هو مش المسجون بييجي في كلابشات ويتحط في غرفة معينة إستعداداً لوضعه في القفص وهناك تُفك الكلبشات ؟

لكنني رأيته حراً طليقاً في ساحة الاكاديمية

يا حلاوه يا ولاد