الرد على أى إستفسار فى هجرة كــبــيــك

[أدهم الشرقاوى]

أ-أدهم

اسمح لى أسأل سؤال رغم انى ناوية ان شاء الله اقدم فيدرال مش كيبك,لكن اعتقد مش هتفرق

انا صيدلانية

باشتغل فى وزارة الصحة,بس مش فى صيدلية,يعنى شغلى regulatory ولا ينطبق عليه الduties بتاعة الصيادلة اللى محددها الNOC

و مكتوب فى الباسبور بتاعى انى صيدلانية بوزارة الصحة

البطاقة متحدد فيها كمان مكان شغلى بالإسم

التأمينات بتاعتى على شغلى الحكومى

دلوقتى هل ممكن أقدم تبع نوك الصيادلة و أجيب شهادة خبرة و تأمينات من شغلى عادى+ شهادة خبرة من صيدلية عادية ؟؟؟؟ يعنى أقول انى باشتغل فى الحكومة الصبح و الصيدلية بعد الضهر

ولا هما هياخدوا بالمكان المذكور فى البطاقة ؟؟؟؟ و هل مسموح أصلا انى اقول انى باشتغل فى مكانين؟؟؟؟؟

بليز اللى يقدر يفيدنى يتفضل........بس ياريت تكون معلومة مؤكدة, مش افتراضات

و شكرا مقدما

معلومات مؤكده مفيش لأنى ماليش فى ليلة الفيدرالى بكل صراحة و لكن أنا أنصحك تروحى على منتدى المطاريد و هتلاقى هناك توبيك جبار للهجرة الفيدرالى و توبيك جبار بردو للسادة الصيادلة الفيدراليين كمان ممكن تسألى مدام سوسو لأنها صيدلانية و عايشة هناك, غالباً هتلاقى إجابة سؤالك عندهم.

بالتوفيق.

[أدهم الشرقاوى]

صباح الخير باشمهندس ادهم

عشان اكيد معلومات حضرتك اكتر ياريت تقدر تفدنى فى موضوع جوابات امتحانات اللغة اللى بتبعت للناس اليومين دول وهل هايجينى جواب زيهم ولا الملفات دى ليها ظروفها

ياريت حضرتك تطمني عشان انا ايدي قلبى

انا طبيب بيطرى متزوج وملفى وصل سوريا يوم 5\12

ولك جزيل الشكر

بص يا نجمى..

ليلة جوابات اللغة دى محدش قال فيها كلام قاطع و صريح بس الغالب إن الناس اللى إطلب منها شهادة لغة فى خلال 120 يوم دى كانت كاتبة فى الأبلكيشن إنهم مرفقين مع الأبلكيشن شهادة لغة و عملوها بالغلط و هم بيملوا الأبلكيشن و دة تكهن و ليس كلام أكيد و فى رأى تانى بيقول إن وزارة الهجرة أصلاً بدأت تقلل فى الأعداد المقبولة و عايزة تقلب الناس اللى موقفها ضعيف ف بيطلبوا منهم شهادات لغة من الأول عشان اللى مالوش فيها مايكملش لحد الإنترفيو و نشوف غيره.

بغض النظر عن كل الكلام دة أنت لازم تأمن نفسك, يعنى لازم تخش دلف أو تى سى إف عشان تسد بقهم و تخلص من الحكاية دى لأنها قالقانى زى ما هى قالقاك و كمان بيبعتوا عشواءى يعنى فى ناس قدمت معايا و جالها و ناس قبلى و جالها و أنا مش عارف هيجيلى ولا لأ.

تم تعديل 29 أكتوبر 2011 بواسطة أدهم الشرقاوى

[myssara]

كل عام وأنتم بخير والأمة الأسلامي

بشمهندس ادهم الجميل

-هل كل الاوراق المطلوبة مثل شهادة الثانوية العامة +شهادة التخرج+ بيان الدرجات+قسيمة الزواج+شهادات الخبرة ابعت الاصول ولا صور فقط ؟!!!!!!! طبعا الاوراق المترجمة فى مكتب معتمد ببعت الترجمة الاصل بس الشهادات والاوراق الى مستخرجها من جهات حكومية مترجمة اساسا لازم الاصول ولا صور ؟!!!!!!!!! ارجو التاكيد

-عندى بردوا مشكلة انا لما بعت شهادة خبرتى التى تفيد انى صيدلى لوزارة صحة يترجموها ترجموها بس طبعا نظرا لتخلف العاملين هناك مترجمينها بصيغة مِوءنث(SHE-HER) على العلم انى ذكر ومعاهم صورة من بطاقتى وشهادة الخبرة الاصلية باين فيها كدة بس تقول اية اعاقة ذهنية المهم انا بعت اصححها بس طبعا حاتاخد اسبوع كمان حسبى الله ونعم الوكيل وانا عاوز ابعت وا نجز المهم مسحت انا حرف S بكوريكتور وخليتها HE بس طبعا HER معرفتش اعمل فيها حاجة وصورتها على كدة وبفكر ابعتها كدة على العلم انها مذكور فيها اسمى صحيح ورقم تسجيلى فى النقابة وكل حاجة مظبوطة فهل دى ممكن تعملى مشكلة انا قولت ابعتها مش عاوز اعطل نفسى ولو قالوا حاجة تكون التصحيح وصل ابقى ابعتهلهم ...... ارجوا الافادة

- انا مش عارف انزل الابليكشن مش بتنزل حد يعرف ازاى؟

_فى خانة تاريخ الميلاد فى الابليكشن كل ما جى اكتب تاريخ الميلاد يقولى THE DATE OF BIRTH MUST BE IDENTICAL OR INTERIOR TO CURRENT DATE

حد فاهم لية كدة او ادخل الرقم ازاى؟!!!!!!!!!!!!!!!!!!!!!!!!!

شكرا

[drosamashohdi]

مساء الخير يا بشمهندس

انا عندي كام سؤال تاني يا ريت حضرتك تجاوبني عليهم

1- هل ضروري ترجمه قسيمه الزواج في وزاره العدل في القاهره ولا ممكن في مكتب ترجمه معتمد وايه الاوراق اللي لا يصلح ترجمتها في مكاتب الترجمه؟ حالياً فى الفترة بتاعتك, كل الورق يمكن ترجمته فى مكتب ترجمة و لكن فى مرحله الفيدرالى هناك بعض الأوراق لازم تستصدر مترجمة أصلاً من الجهة الحكومية المعنية زى شهادة الميلاد و الفيش و التشبية و قسيمة الزواج

2- هل يفضل ان ابعت الاوراق الخاصه بامتلاكي للصيدليه (سجل تجاري والبطاقه الضريبيه) ولا لأ وهل الورق ده بيتعارض مع شهاده التامينات اللي بتثبت شغلي في شركه الادويه؟ ممكن جداً طبعاً و يا سلام بقى لما تبعت صورة الرخصة و السجل التجارى و إثبات دفع الضرايب و عقد إيجار المكان و شوية فواتير للمكان بإسمك يبقى لوز العنب بجد و يبقى موقفك 100 100

3- هل مطلوب كارنيه النقابه العامه والفرعيه وتصريح مزاوله المهنه؟ لأ, بس بيطلب ساعات فى المقابلة و أنا أرجح إنك ماتسيبش ورقة ليها لازمة و ممكن تدعم موقفك و تأيدة إلا لما ترفقها مع الملف دة فى صالحك تماماً

[drosamashohdi]

مساء الخير يا بشمهندس

الف شكر علي الرد علي الاسئله وربنا يوفقك ويخيليك للتايهين اللي زينا

[drosamashohdi]

مساء الخير يا بشمهندس

انا دوشتك انا عارف بس هعمل ايه

انا عندي سؤال تاني

هل فعلا مطلوب رصيد في البنك 20 الف دولار للاربعه افراد مع العلم اني عندي طفلين تؤام سنهم سنه ونص + المدام+انا؟

ولو الرصيد اقل من كده ده ممكن ياثر علي الفيل بتاعي او مش يتقبل اساسا؟

ولو قدرت احط الفلوس في الحساب بتاعي ممكن اسحبها بعد ماطلع شهاده البنك ولا السفاره بتستفسر عن الرصيد؟

[engMostafa]

مساء الخير يا بشمهندس

انا دوشتك انا عارف بس هعمل ايه

انا عندي سؤال تاني

هل فعلا مطلوب رصيد في البنك 20 الف دولار للاربعه افراد مع العلم اني عندي طفلين تؤام سنهم سنه ونص + المدام+انا؟

ولو الرصيد اقل من كده ده ممكن ياثر علي الفيل بتاعي او مش يتقبل اساسا؟

ولو قدرت احط الفلوس في الحساب بتاعي ممكن اسحبها بعد ماطلع شهاده البنك ولا السفاره بتستفسر عن الرصيد؟

اخي الكريم السفاره بتستفسر ازاي على الرصيد ؟؟ مفيش حاجه من الكلام ده بتم نهائي

لو حضرتك مقدم كيبك كل اللي بتعمله بتمليء ورقه الاقرار المالي حسيب عدد افراد اسرتك

ساعه الانترفيوا بيكون معاك شهادة رصيد من البنك بالميلغ اللي حضرتك ذكرته في الاقرار المالي علشان تثبت انك قادر على الصرف على اسرتك في الشهور الاولى في الهجرة

بالتوفيق

[engMostafa]

كل عام وأنتم بخير والأمة الأسلامي

بشمهندس ادهم الجميل

-هل كل الاوراق المطلوبة مثل شهادة الثانوية العامة +شهادة التخرج+ بيان الدرجات+قسيمة الزواج+شهادات الخبرة ابعت الاصول ولا صور فقط ؟!!!!!!! طبعا الاوراق المترجمة فى مكتب معتمد ببعت الترجمة الاصل بس الشهادات والاوراق الى مستخرجها من جهات حكومية مترجمة اساسا لازم الاصول ولا صور ؟!!!!!!!!! ارجو التاكيد

-عندى بردوا مشكلة انا لما بعت شهادة خبرتى التى تفيد انى صيدلى لوزارة صحة يترجموها ترجموها بس طبعا نظرا لتخلف العاملين هناك مترجمينها بصيغة مِوءنث(SHE-HER) على العلم انى ذكر ومعاهم صورة من بطاقتى وشهادة الخبرة الاصلية باين فيها كدة بس تقول اية اعاقة ذهنية المهم انا بعت اصححها بس طبعا حاتاخد اسبوع كمان حسبى الله ونعم الوكيل وانا عاوز ابعت وا نجز المهم مسحت انا حرف S بكوريكتور وخليتها HE بس طبعا HER معرفتش اعمل فيها حاجة وصورتها على كدة وبفكر ابعتها كدة على العلم انها مذكور فيها اسمى صحيح ورقم تسجيلى فى النقابة وكل حاجة مظبوطة فهل دى ممكن تعملى مشكلة انا قولت ابعتها مش عاوز اعطل نفسى ولو قالوا حاجة تكون التصحيح وصل ابقى ابعتهلهم ...... ارجوا الافادة

- انا مش عارف انزل الابليكشن مش بتنزل حد يعرف ازاى؟

_فى خانة تاريخ الميلاد فى الابليكشن كل ما جى اكتب تاريخ الميلاد يقولى THE DATE OF BIRTH MUST BE IDENTICAL OR INTERIOR TO CURRENT DATE

حد فاهم لية كدة او ادخل الرقم ازاى؟!!!!!!!!!!!!!!!!!!!!!!!!!

شكرا

وحضرتك بالصحه والسلامة وجميع المسلمين في مشرق الارض ومغربها بالف صحة وسلامة

في مرحلة التقديم الاولى كل اللي مطلوب صور فقط ومفيش ورقه اصل وحده مطلوبه

ساعه الانترفيو حضرتك بتاخد الاصول معاك

حتى ورق ممكتب الترجمه ( خلي المكتب بعد الترجمه يصور الورق ليك ويختمه بختم المكتب + ختم طبق الاصل)وده اللي تبعته

لانك هتحتاج اصل الترجمه ده ساعه الانترفيو

بالنسبه لشهاده الخبرة يفضل طبعا انك تبعتها متصلحه من الجهة الرسمية

حاول ترجع تاني ليهم وتضغط عليهم وان شاء الله خير

المشكله اللي حضرتك ذكرتها في الابلكيشن انا مش لقيها وعادي تاريخ الميلاد بيكتب على الكمبيوتر

عموما لو هي دي المشكله عندك بس ( امليء الطلب كله وبعد الطباعه اكتب التاريخ بايدك بقلم اسود في الخانات بتاعت تاريخ الميلاد)

صرف نفسك الجيش بيقولك اتصرف يا دكتور

بالتوفيق

تحياتي

[engMostafa]

ها ياجماعه في حد عنده اسئله تاني

عايزن نضرب بشمهندس ادهم في السوق (( انا بهزر طبعا يا هندسه )

انا بحاول بس اساعد وناخد اجر في هذه الايام المباركه

كل عام وانته واسرتك وجميع المسلمين بخير يا بشمهندس ادهم

[santa]

شكرا يابشمهندس على اهتمامك والرد عليا وربنا يكرمك ويوفقك باستمرار

[أدهم الشرقاوى]

و أنتم بكل الصحة و الخير و العافية و أتمنى أن أسمع عنكم دائماً و أبداً كل الخير..

أتمنى إننا نكون دايماً أسرة واحدة متماسكة عشان إن شاء الله طول ما بنعمل اللى علينا و إيدينا فى إيد بعض حنسافر و ربنا هيكرمنا هناك و نبقى عيله و نضلل على بعضنا و ناخد بإيد بعض..

أنا بس كنت عاوز أقول حاجة, ساعات الواحد غصب عنه لما المدة بتطول بيحبط و ممكن يفقد الأمل و ممكن يبطل فرنساوى كمان و ممكن يفكر يصرف نظر عن الفكرة أصلاً...أنا حبيت أذكر هنا فى التوبيك دة قصة كان كتبها الدكتور التهامى فى الهاند أوفر بتاعه و هو قالعا من زمان بس من غير ما يعرف هو اللى حمسنى و شجعنى جداً فى موضوع الهجرة دة, إقروا كدة القصة و شوفوا مدى الصعاب و المشاكل اللى مرّ بيها و شوفوا هو قدر يتغلب عليها إزاى و لاحظوا إن أياميها ماكانش فى منتديات بالكثرة دى تساعدك و لا تأيدك يعنى كان لوحدة تماماً:

أعزائي/ علاء ومروان...

لمستو حتة كانت على بالي من كام يوم... بقيت بافتكرها واتحسّر... مضطر أحكيها! ورغم إني كنت ناوي أكتبها بعدين ف الهاند أوفر ، بس مش مشكلة... أبدأ أتكلم فيها دلوقتي.

بدأت موضوع كندا ؛ بالأحلام أيام سنة سادسة طب ؛ مع معرفتي بكارولين ع الإنترنت (فلسطينية كندية عايشة في هاميلتون - 80 كم من تورونتو).

ومن غير دخول في تفاصيل... عشت الحياة اليومية في كندا من خلالها ، وحبيت البلد سماعياً...

وبعد التخرج ، لفّيت في الساقية بتاعة الأطباء مع وزارة الصحة ، ومن القاهرة لأسوان ، والجيش (ضابط احتياط 30 شهر) من فايد (كلية الضباط الاحتياط) لأبو رديس جنوب سيناء (حرس الحدود - طبيب الكتيبة) ، للسجن الحربي في التل الكبير إسماعيلية (طبيب السجن - مش نزيل ).

وأنهيت جيشي يناير 2004. وبعدها على طول كنت نقلت ورقي كطبيب من أسوان للمنصورة. ومنها لمستشفى ريفي تبع ميت غمر (كان مدير المستشفى صاحب بابا الله يرحمه)... وبالتالي هوه يوم الخميس من 12:15 إلى 12:45 ظهراً ، في أوضة المدير. وبعدها "مش يلاّ يا باشا نروح بقى؟ ولا قاعد شوية كمان؟ وشكرً على كده! آهو برضه الواحد يحلل المرتب

وبالتالي كنت متفرغ تماماً للبلان بتاعتي... وبدأت خطوطها على شهر فبراير.

كانت البداية بكورسات الفرنساوي ، حتى الوصول للمستوى التامن (8eme Nivea) ، وبعدها يحق لي دخول امتحان الـ TEF.

وفي نفس الوقت كنت دخلت امتحان تحديد المستوى في الـ British Council ، واللي بعده قالتلي الممتحنة إني مستوايا ممتاز ومش محتاج أحسنه ، وممكن أدخل امتحان الآيلتس فوراً.

وكان بادئ معايا 2 دكاترة من زمايلي. لدرجة إن المحاضرة بتاعتنا / مدام فيفيان في الصونتغ (المركز الثقافي الفرنسي كما كنا بنطلق عليه - آلا لانج فرانسيه)... المهم ، مدام فيفيان زعلت جداً لما عرفت إننا الـ 3 أطباء ناويين ع الهجرة لكندا! وقالتلنا ، لما انتو - الدكاترة وأعلى مستوى علمي - بتفكروا تسيبوا البلد وتمشوا ، سايبينها لمين؟ للميكانيكية والسمكرية والصنايعية؟ ساعتها ردينا عليها: "ما هيه فعلاً بلدهم ، همه اللي عايشين فيها ، و واكلينها والعة!)

ورديت عليها أنا : أعلى مستوى ده حضرتك ؛ مرتبي 230 جنيه! هوه ده تقدير البلد لينا ، والمفروض نعيش ونسكن وناكل ونشرب ونتجوز ونجهز مستقبلنا ونحضر للماجستير بيه!

المهم ، بعد يومين خلع واحد منهم ، وقاللي "إبقى اسحبلي فلوسي من السنتر ، مش عاوز أكمل!".

وكمل معايا محمد الدياسطي (صديق أنتيم ، وبديلي في بريمة الصحراء الغربية ، ومعلّمي الأول ؛ خليفة أرسطو)... وحضر معايا المستوى الأول والثاني! وبعد كده ؛ أنا مش هاقدر أكمل! ليه يا دياسطي؟ ماحنا مع بعض... ولو تحب أسجّل لك المحاضرات اللي بتكون أيامها ف البريمة هاسجلهالك (ساعتها هوه كان شغال أسبوعين وأسبوعين ، وانا ... عاطل بمزاجي )

لكن هوه قاللي : أنا آخد الماجستير ، وبعدين أبقى أكمل في إجراءات الهجرة... يا عم احنا رايقين دلوقتي ، ولا معاك عروسة لابخاك ، ولا ماجستير مزنوق فيه ، وقاعد مقضّيها ف البريمة... ما تستفيد بالظروف دي! بس ولا كأني باكلم في نفسي!

وبقيت لوحدي!

وعشان تكمل... أصحى م النوم في يوم ، ماما بتصحيني على مصيبة! بابا جاله نزيف ف المخ ، وشلل نصفي في الناحية اليمنى بكامل الجسم!

وبقيت ما بين مستشفى الطوارئ في المنصورة ، وسفر يومياً للسنتر (4 أيام أسبوعياً - كورس مكثف)! وماما وأختي شايفين إني ما عنديش دم (بقى شايف بابا بالحالة دي ، ولسه بتفكر تسافر؟) ، و (إحنا مش عاوزين منك حاجة ، لكن بابا لما يحتاجلك ، ما يلاقيكش جمبه؟ دي آخرتها؟!)...

وانا أرد: "يا جماعة دي مجرد ورقة وهارميها في السفارة ، ولسه فيها 4 سنين على ما السفارة ترد عليا ، والله أعلم إيه ممكن يحصل بعد 4 سنين! ولو حصل وحالت بابا ساءت أو احتاجني جمبه ، هاروح أقدم اعتذار في السفارة عن الهجرة ، أو ممكن أسافر أعمل لاندينج في كندا وارجع تاني ؛ مجرد حفظ فرصتي في الهجرة!"

لكن تئول لمين ، وتقنع مين؟!

وبعد استقرار حالة بابا... وحدوث تحسن بسيط... بدأ بابا مش عاجبه الحال المايل بتاعي... المفروض سكتي مرسومة ؛ شغل في المستشفى ، وتحضير للماجستير ، وامسك عيادته بدل ما بتتدهور حالتها يوم بعد يوم!

ولما فضلت على رأيي ، كان القرار... مفيش فلوس!

عاوز فلوس ، امشي عدل وشوف حياتك صح ، وامشي مظبوط زي كل زمايلك ما مشيوا. كلهم سابوك لما لقوك بتهرج في مستقبلك. الدياسطي والنويهي بعدوا عنك وبصّوا لمستقبلهم! إنتا اللي لسه مش حاسس بالمسئولية!

وكان موضوع الفلوس هوه طريقتهم للضغط عليا عشان أسيب كورسات الفرنساوي.

ساعتها بقيت لوحدي خالص!

بدأت أستلف من الدياسطي عشان تمن الكورسات ، وتمن بنزين العربية ، وتمن امتحان الـ TEF ، ومن بعده الـ IELTS. إلى أن وصل المبلغ لـ 10.500 جنيه! وبقيت باخد الفلوس ، وما بافكرش أصلاً هتتسدد إزاي!

ولما خلّصت كل الخطوات ، وباقيلي كشف حساب البنك... قلت هاستلف فوس من خالاتي (لمدة 3 أيام ، بس أطلّع كشف حساب ، وارجعهم تاني)... وكل واحدة تتحجج بحجّة شكل وتتهرب مني!

طبعاً بابا وماما مكلمينهم ، والولد عاوز يسيبنا ويمشي ، وانتوا هتساعدوه؟! وطبعاً الكل نفّضلي!

ساعتها بقيت بلبوص!

وكل ده ، وكلي إصرار إني هاقدم ورقي يعني هاقدمه... عشان ما آجيش في يوم ، واندم إني كانت في إيدي الفرصه وضيّعتها!

وبمجرد ما رميت أوراقي ف السفارة ، ساعتها بس شمّيت نفسي. كده أنا عملت اللي عليّا... اللي هيحصل بعد كده بقى مش بتاعي!

ونسيت الموضوع تماماً... ومشيت في حياتي ، وكأن شيئاً لم يكُن! إلى أن اتصلت بينا السفارة ؛ تعالوا عشان الكشف الطبي ، وبعدين إتصال تاني ؛ تعالو عشان تاخدوا الفيزا!

وبقيت في كندا !

واليومين دول ، الدياسطي بيسألني على سكة لكندا!

مانا ياما كنت بابوس الجزم! شيل زلط بقى!

خلص كلام التهامى.

[myssara]

1- هادف واضح + 2-اصرار للوصول الى الهدف + 3- صبر ويقين بالله = الوصل للهدف لا محالة مهما كانت الظروف

استاذ ادهم

انا اتقلت عليك بس خلاص هانت اهو وبكرة ان شاء الله او بعدة بكتير حبعت ورقى ان شاء الله بس انا عاوز اعرف اية حكاية 8 استيكرات دول ؟!!!!!!!! اجيبهم منين يعنى من المكتبة ولا منبن ؟!!!!!!!!!!!!!!

[engMostafa]

مشاركه جميله جدا يا بشمهندس ادهم

واصرار كبير

[engMostafa]

1- هادف واضح + 2-اصرار للوصول الى الهدف + 3- صبر ويقين بالله = الوصل للهدف لا محالة مهما كانت الظروف

استاذ ادهم

انا اتقلت عليك بس خلاص هانت اهو وبكرة ان شاء الله او بعدة بكتير حبعت ورقى ان شاء الله بس انا عاوز اعرف اية حكاية 8 استيكرات دول ؟!!!!!!!! اجيبهم منين يعنى من المكتبة ولا منبن ؟!!!!!!!!!!!!!!

تكتب عنوانك عادي في ملف ورد على الكمبيوتر ( 4 مرات او 5 مرات في صقحه)

ونفس الكلام في الصفحه الثانيه

ولو عندك طابعه من اي مكتبة تشتري ورق A-4 استيكرز وتطبعهم عندك

ولو مش عندك طابعه ( بتشتري الورق وتاخد الملف على فلاشه وتطبعهم من اي مكان )

بعد كده بأي (كاتر) بتقص العنوان لكروت متساويه زي الكرت الشخصي

بالتوفيق

[أدهم الشرقاوى]

فى تعديل حصل للقوانين فى سبتمبر 2011 فى الملف دة:http://www2.publicationsduquebec.gouv.qc.ca/dynamicSearch/telecharge.php?type=7&file=GPI-3-1.pdf

و النص فى صفحة 37 بيقول: "Le candidat qui, selon ses déclarations, détient des compétences en français lui permettant, le cas échéant, d’être sélectionné sur dossier, mais qui n’a pas joint les pièces prouvant ses connaissances linguistiques, sera invité à passer un test standardisé."

من الآخر, اللى مابعتش مع ملفه ورق يثبت أنه واصل للمستوى اللى هو كاتبة فى اللغة هيتطلب منه يعمل إمتحان دلف, تيف أو تى سى إف.

نجاح إمتحان الدلف من 100\50 و لازم تجيب 25\5 على الأقل فى كل مهارة لكن فى التقديم لكيبك لازم تجيب على الأقل 25\16 فى مهارة السمع و 25\16 فى مهارة النطق و التحدث مش تنجح بس فى الإمتحان..

ربنا يستر..

تم تعديل 31 أكتوبر 2011 بواسطة أدهم الشرقاوى

[princess lily]

في البداية انا مبهورة من المنتدي و من العمل الرائع لهذا التوبيك خاصة ... وميرسي لكل من شعر قلبه بوفاء و يحاول رد الجميل أذكر هنا أدهم الشرقاوي الذي لم يبخل على أحد بوقته أو معلوماته و أيضا البشمهندس مصطفى الذي يسرع بالاجابة قبل أن يتحير أي سائل ........

أتمنى أن تظلوا معنا نحن الجدد في موال الهجرة خصوصا أن خبرتنا قليلة مثل أموالنا فلا نستطيع ان نتكلف ما يطلبه محامي الهجرة....

لذا أعتقد ان اللي هيكرمه ربنا و يسافر هيستلم الدفة من أدهم و مصطفي ليوجه غيره ايضا

المهم بعد المقدمة الطويلة عندي كام سؤال أتمنى ان حد يساعدني لأن الi.q بتاعي ضعيف شوية

انا طبيبة معاي سنة امتياز و سنة في وزارة الصحة كممارس عام طبعا ..زوجي طبيب و معانا طفلة

مستواي ف الانجليزي ممكن يكون حلو لكن لسا هبدأ فرنساوي و ربنا يعيني عليه ..

السؤال بقى:

لازم أبعت مع الابليكيشن نتيجة امتحان الTEFaq و لا ده مع الانترفيو؟

و هو ده فعلا الامتحان و لا اسمه الdlf?

و ليه لازم شهادة تقدير الدرجات؟ و هل لازم امتحن الايلتس و انا مقدمه كيبيك؟

و اقدمها برضه مع الابليكيشن و لا بيطلبوها مع الانترفيو...بمعني هل ممكن أقدم الابليكيشن من غير امتحانات اللغة ؟

شهادة الخبرة من مديرية الصحة مش بيكون فيها عدد الساعات الاسبوعية ..هثبتها ازاي دي؟

و شكرا مقدما لاني متأكدة انكم مش هتتأخروا علينا ......!!!!!

[princess lily]

فى تعديل حصل للقوانين فى سبتمبر 2011 فى الملف دة:http://www2.publicationsduquebec.gouv.qc.ca/dynamicSearch/telecharge.php?type=7&file=GPI-3-1.pdf

و النص فى صفحة 37 بيقول: "Le candidat qui, selon ses déclarations, détient des compétences en français lui permettant, le cas échéant, d’être sélectionné sur dossier, mais qui n’a pas joint les pièces prouvant ses connaissances linguistiques, sera invité à passer un test standardisé."

من الآخر, اللى مابعتش مع ملفه ورق يثبت أنه واصل للمستوى اللى هو كاتبة فى اللغة هيتطلب منه يعمل إمتحان دلف, تيف أو تى سى إف.

نجاح إمتحان الدلف من 100\50 و لازم تجيب 25\5 على الأقل فى كل مهارة لكن فى التقديم لكيبك لازم تجيب على الأقل 25\16 فى مهارة السمع و 25\16 فى مهارة النطق و التحدث مش تنجح بس فى الإمتحان..

ربنا يستر..

ايه الفرق بين امتحان الدلف و التيف ؟ و ايه الفرق بينهم في الدرجات المطلوبة؟

[أدهم الشرقاوى]

في البداية انا مبهورة من المنتدي و من العمل الرائع لهذا التوبيك خاصة ... وميرسي لكل من شعر قلبه بوفاء و يحاول رد الجميل أذكر هنا أدهم الشرقاوي الذي لم يبخل على أحد بوقته أو معلوماته و أيضا البشمهندس مصطفى الذي يسرع بالاجابة قبل أن يتحير أي سائل ........

أتمنى أن تظلوا معنا نحن الجدد في موال الهجرة خصوصا أن خبرتنا قليلة مثل أموالنا فلا نستطيع ان نتكلف ما يطلبه محامي الهجرة....

لذا أعتقد ان اللي هيكرمه ربنا و يسافر هيستلم الدفة من أدهم و مصطفي ليوجه غيره ايضا

المهم بعد المقدمة الطويلة عندي كام سؤال أتمنى ان حد يساعدني لأن الi.q بتاعي ضعيف شوية

انا طبيبة معاي سنة امتياز و سنة في وزارة الصحة كممارس عام طبعا ..زوجي طبيب و معانا طفلة

مستواي ف الانجليزي ممكن يكون حلو لكن لسا هبدأ فرنساوي و ربنا يعيني عليه ..

السؤال بقى:

لازم أبعت مع الابليكيشن نتيجة امتحان الTEFaq و لا ده مع الانترفيو؟

دلوقتى بقى الأفضل لأن كدة كدة هيطلوبها منك بعد كام شهر, بصى, إبعتى ورقك من غيرها و إبدأى فرنساوى و إضغطى نفسك و إعملى حسابك إنك تمتحنى دلف أو تى سى إف قبل الإنترفيو و تبعتى النتيجة على طول.

و هو ده فعلا الامتحان و لا اسمه الdlf?

DELF or TCFQ

و ليه لازم شهادة تقدير الدرجات؟ و هل لازم امتحن الايلتس و انا مقدمه كيبيك؟

لأ, مش لازم أيلتس. المطلوب شهادة بدرجاتك فى الجامعة.

و اقدمها برضه مع الابليكيشن و لا بيطلبوها مع الانترفيو...بمعني هل ممكن أقدم الابليكيشن من غير امتحانات اللغة ؟

ممكن فى الوقت الحالى.

شهادة الخبرة من مديرية الصحة مش بيكون فيها عدد الساعات الاسبوعية ..هثبتها ازاي دي؟

إبعتيها عادى بس مهم تكون مختومة بختم النسر أو معاها تأمينات إجتماعية مختومة.

و شكرا مقدما لاني متأكدة انكم مش هتتأخروا علينا ......!!!!!

العفو.

[أدهم الشرقاوى]

فى تعديل حصل للقوانين فى سبتمبر 2011 فى الملف دة:http://www2.publicationsduquebec.gouv.qc.ca/dynamicSearch/telecharge.php?type=7&file=GPI-3-1.pdf

و النص فى صفحة 37 بيقول: "Le candidat qui, selon ses déclarations, détient des compétences en français lui permettant, le cas échéant, d’être sélectionné sur dossier, mais qui n’a pas joint les pièces prouvant ses connaissances linguistiques, sera invité à passer un test standardisé."

من الآخر, اللى مابعتش مع ملفه ورق يثبت أنه واصل للمستوى اللى هو كاتبة فى اللغة هيتطلب منه يعمل إمتحان دلف, تيف أو تى سى إف.

نجاح إمتحان الدلف من 100\50 و لازم تجيب 25\5 على الأقل فى كل مهارة لكن فى التقديم لكيبك لازم تجيب على الأقل 25\16 فى مهارة السمع و 25\16 فى مهارة النطق و التحدث مش تنجح بس فى الإمتحان..

ربنا يستر..

ايه الفرق بين امتحان الدلف و التيف ؟ و ايه الفرق بينهم في الدرجات المطلوبة؟

الديلف ب 680 جنية ميعادة مرتين تلاتة فى السنة, مدته ساعتين 45 دقيقية و بيمتحنك فى أربع مهارات: القراء, الكتابة, السمع, الكلام.

التى سى إف: ب 1600 جنية, مواعيدة أكثر من الدلف, مدتة 45 دقيقة تقريباً, و بيمتحنك فى مهارتين:السمع, الكلام.

[engMostafa]

في البداية انا مبهورة من المنتدي و من العمل الرائع لهذا التوبيك خاصة ... وميرسي لكل من شعر قلبه بوفاء و يحاول رد الجميل أذكر هنا أدهم الشرقاوي الذي لم يبخل على أحد بوقته أو معلوماته و أيضا البشمهندس مصطفى الذي يسرع بالاجابة قبل أن يتحير أي سائل ........

أتمنى أن تظلوا معنا نحن الجدد في موال الهجرة خصوصا أن خبرتنا قليلة مثل أموالنا فلا نستطيع ان نتكلف ما يطلبه محامي الهجرة....

لذا أعتقد ان اللي هيكرمه ربنا و يسافر هيستلم الدفة من أدهم و مصطفي ليوجه غيره ايضا

المهم بعد المقدمة الطويلة عندي كام سؤال أتمنى ان حد يساعدني لأن الi.q بتاعي ضعيف شوية

انا طبيبة معاي سنة امتياز و سنة في وزارة الصحة كممارس عام طبعا ..زوجي طبيب و معانا طفلة

مستواي ف الانجليزي ممكن يكون حلو لكن لسا هبدأ فرنساوي و ربنا يعيني عليه ..

السؤال بقى:

لازم أبعت مع الابليكيشن نتيجة امتحان الTEFaq و لا ده مع الانترفيو؟

دلوقتى بقى الأفضل لأن كدة كدة هيطلوبها منك بعد كام شهر, بصى, إبعتى ورقك من غيرها و إبدأى فرنساوى و إضغطى نفسك و إعملى حسابك إنك تمتحنى دلف أو تى سى إف قبل الإنترفيو و تبعتى النتيجة على طول.

و هو ده فعلا الامتحان و لا اسمه الdlf?

DELF or TCFQ

و ليه لازم شهادة تقدير الدرجات؟ و هل لازم امتحن الايلتس و انا مقدمه كيبيك؟

لأ, مش لازم أيلتس. المطلوب شهادة بدرجاتك فى الجامعة.

و اقدمها برضه مع الابليكيشن و لا بيطلبوها مع الانترفيو...بمعني هل ممكن أقدم الابليكيشن من غير امتحانات اللغة ؟

ممكن فى الوقت الحالى.

شهادة الخبرة من مديرية الصحة مش بيكون فيها عدد الساعات الاسبوعية ..هثبتها ازاي دي؟

إبعتيها عادى بس مهم تكون مختومة بختم النسر أو معاها تأمينات إجتماعية مختومة.

و شكرا مقدما لاني متأكدة انكم مش هتتأخروا علينا ......!!!!!

العفو.

اختي الكريمة دكتورة lily اهلا بيكي معانا

اضافة على كلام اخويا بشمهندس ادهم

هو الملف هيكون باسمك ولا باسم زوج حضرتك

لانه لو باسم زوج حضرتك فبالتالي هتكوني تابع وليس مطلوب منك شهادات في اللغه انما الشهادات هتكون من المقدم الرئيسي

واللي هيكون مطلوب منك فقط هو انك تعرفي تتكلمي في الانترفيو

علشان تقدري تحددي الملف يكون باسم مين ( عدد سنين الخبرة عن كل فرد منكم ايهم اكثر)؟

بالاضافه الى مستوى الفرنسي وسرعه تعلمه؟

وفي اطفال ولا لاء

ياريت تدينا معلومات اكثر علشان تكون الاجابة اشمل واوضح

بالتوفيق ان شاء الله