هقولكم على سر .. انا بخاف من البتاع ده اوي ..

[doha]

لاحظتها علي من كام سنة ..

كنت فاكره اني متوهمة ولما تاكدت اني فعلا بخاف لحد الرعب احيانا افتكرت ان الموضوع له سبب . .

تتوقعوا ايه الحاجه الي بتخوفني بجد ومش بهزار مع انها المفروض مبتخوفش ..

دهوه ...

المهرج او الـ CLOWN

كل ماشوف صورة مهرج اشعر بنوع من الضيق يتحول بعد قليل لتوتر ثم ارتفاع الى حد ما في دقات القلب واخيرا بخاف بجد ..

في البدايه كنت فاكره اني لوحدي الي بعاني من المشكلة دي وقلت يمكن السبب اني زمان شفت فيلم رعب اسمه IT عن مهرج قاتل ( هو المحروس الي في الصورة فوق ده ) .. بس بما اني كنت مدمنة افلام رعب في تلك الفترة وبما اني عمري ماخفت من حاجه فيها والى الآن مش فاكره اني شفت فيلم ارعبني خارج فترة مشاهدته فاعتقد ان الموضوع ملوش علاقه اوي بالفيلم ..

في مرة وانا بتفرج على مسلسل اجنبي ( كوميدي ) لقيت ان واحد من الي فيه بيعاني من نفس مشكلتي دي وبيخوفوه بالكلاون ..

عملت سيرش على النت ..

اكتشفت انها حاله معروفه فعلا اسمها فوبيا المهرجين وان فعلا في ناس بتخاف منهم بعكس الي المفروض يحصل من اننا نضحك او ننبسط بوجودهم ( اعوذ بالله ) ..

المشكلة اني برغم البحث ملقيتش سبب للحكايه دي وليه الناس الي انا منهم بكل اسف بنخاف من الكلاون ..

على فكره انا مش بنخض لما اشوفه لكن بجد بكرهه وصورته بتثير عندي انزعاج غير عادي ..

كتير بقعد افكر في سبب الحكايه دي وبلاقي يمكن اقرب تفسير ان وشه دائما بيضحك ومهما كان ناوي على شيء وحش ومهما كان في نيته حاجه ممكن تؤذيك الا انه دائما وابدا هيبتسم والمكياج هيغطي تعابير وشه وبالتالي عمرك ماهتعرف هو جواه ايه ..

مش عارفه حد تاني عنده نفس المشكلة ؟ وياترى لها حل ؟

[عماد حمدي]

مدام DOHA

شوفي كدة الصورة الرمزية بتاعتي .....

عووووووووووووووووو :blink:

[doha]

مدام DOHA

شوفي كدة الصورة الرمزية بتاعتي .....

عووووووووووووووووو :blink:

حرام عليك مهي صورتك دي هي السبب في اني كتبت الموضوع ..

انا بخاف منه بجد بيضايقني بشكل لا تتصوره ..

[عماد حمدي]

خلاص هغيرها .. شكل الموضوع جد ولا اية ..

بس هغيرها خلاص متقلقيش وأسف والله مكنتش أعرف إن أنا السبب :blink:

تم تعديل 11 أبريل 2010 بواسطة omda2006

[doha]

خلاص هغيرها .. شكل الموضوع جد ولا اية ..

بس هغيرها خلاص متقلقيش وأسف والله مكنتش أعرف إن أنا السبب :blink:

مقدرش اقولك متغيرهاش بالعكس تعمل في جميل لو شلتها .. بس هو حضرتك مش السبب المباشر .. انا فعلا بفكر من فترة انزل الموضوع ده يمكن حد يكون عنده حل او تفسير للحاله دي لاني بجد مش عارفه انا بتضايق منه ليه واحيانا ممكن اتحمل صورته عادي واحيانا تانيه فعلا بصاب بالهلع منه ..

صورة المهرج الي انت حاططها هي الي خلتني احط الموضوع دلوقت بس مش اكتر لكن كنت في كل الاحوال ناوية اكتب عنه في يوم ما ..

بالمناسبة .. في حد بيحب المهرجين ؟ بجد في حد بينبسط من شكلهم ؟

[عماد حمدي]

اديني غيرتها .. وبعدين دي صورة مهرج كان حزين .. وكن ناوي أغيرها لمهرج بيضحك لما أسافر :blink:

المهرج الحزين .. معبرة جدا ً عن حالتي حاليا ً .. لاني بعتبر clown هوه رمز التفاؤل والبهجة وصانع الضحكة ع شفاه الملايين .. فلما يزعل فدا يبقي شيء غريب وصعب .. لكي ان تتخيلي أن المهرج زعلان او حزين .. أكيد سبب حزنة دا شديد جدا جدا جدا

لكن فعلا ً انتي حالتك دي غريبة .. مش عارف دي حلها اية بصراحة ..

بس انا من النوع اللي بحب الـ clown اوي .. وببقي مبسوط لما بشوفه

[ام نور محمود]

احمدك يارب

اختشي حبيبتشي .. بالحضن ياضحى

انا كنت فاكره ان انا لوحدي اللي كده

والله كنت هاكتب موضوع وبعدين قلت بلاش احسن جوزي يقراه ويعرف خوفي الغريب ده وهو مش ناقص .. هو شاكك في قواي العقليه اصلا

انا كمان بخاف مووووت من العرايس والدباديب والتماثيل واللوحات المتقنه

النظرة الحيه الميته الغريبة اللي في عيون الحاجات دي بترعبني جدا

وكمان احساسي انها بتتابعني بنظرها كل ماتحرك

وطلعت بخاف من الفزاعة كمان ( خيال المآته ) .. كان مشهد مضحك للمحيطين بيا لما شافوا اول لقاء بيني وبينها في الارياف

تقريبا ياضحى دي بتبقى مخاوف مترسبة من فتره الطفولة بسبب خبرة سيئة ممكن مانفتركرهاش وقت الكبر

بس هي عموما رهبة من حاجة بتجمع مظاهر الموت والحياه معا ( تعبير الوش الثابت كأن حد مات وهو بيضحك في حاله المهرج )

وطلما طلعتي حساسة كده ارشحلك فيلم اسمه Dead silence

والله ياضحى الموسيقى التصويرية بتاعته لوحدها تخليكي تموتي في جلدك .. ورعب نظيف لا فيه تشريح ولا اقتلاع عيون

ولو بتحبي القراءة قوليلي وانا اظبطك

مش بقولك .. حبيبتشي والله يا ضحى

تم تعديل 11 أبريل 2010 بواسطة ام نور محمود

[Damo]

زاي ما مدام ام نور محمود قالت انا برضو شايفاها ترسبات من الطفولة ممكن تكوني عارفه سببها و ممكن لا. لعلمك يا ضحى انا كمان عندي حاجة بخاف منها و و انا طفلة كنت مش بخاف منها بتاتااااا بس بسبب افلام رعب مكنش مرفوض اشوفها في سني الصغير اتقلبت ١٨٠ درجة. بس لا هي كلاون ولا هي لوحات ولا خيال مأته. كل اللي هقوله انها حاجة مجبرة اني اواجهها في حياتي اليومية

تم تعديل 11 أبريل 2010 بواسطة Damo

[ام نور محمود]

بنت حلااااااااااااااااااااااال

بحثت في ملفاتي المنسية ووجدت التالي

اسمحيلي اشارك المحاواراتيه في خوفنا الغريب ده

بجد فيلم يستحق المشاهدة

وادي الساوند تراك بتاعه كمان

http://www.BLOCKED77/audio/IBZoSyzh/dead_silence.html

مش بقولك يادودو .. مبخته انتي والله

[Alshiekh]

السلام عليكم

لست وحدك فى هذا العالم الذى لايحب شكل المهرج

هناك الكثيرين لايحبونه ، وهناك اغلبية لايمثل لهم الا نوعا من المرح والفرفشة والضحك .

شوفى الفيديو ده كده

[hebapharm]

بجد والله كنت فاكره نفسي الوحيده الفريده في الدنيا اللي بتكره المهرج وفعلا بيسبب لي نوع من القشعريره والخوف الغريب ..يمكن فعلا بسبب ان ملامحه وتعبيرات وشه مخفيه ..لكن عمري ما تجرأت اقول لحد ولا اجيب سيره اني بخاف منه..ده اول اعتراف

[عماد حمدي]

أستاذ mohammad و hebapharm

يا نهار أبيض للدرجة دي الناس بتخاف منه وبتكرهة .. بجد حاجة غريبة أوي .. سبحان الله

بقا رمز البهجة والشيء اللي بيخلينا نضحك نخاف منه ..!!!!

حاجة غريبة فعلا ً وتثير إلي البحث والإطلاع لمعرفة الأسباب ..

جاري البحث والتفتيش عن السبب ...؟؟؟

متابع ..

تم تعديل 12 أبريل 2010 بواسطة omda2006

[doha]

السلام عليكم

لست وحدك فى هذا العالم الذى لايحب شكل المهرج

هناك الكثيرين لايحبونه ، وهناك اغلبية لايمثل لهم الا نوعا من المرح والفرفشة والضحك .

شوفى الفيديو ده كده

الحمد لله موصلتش معايا للدرجه دي ..

برضه مش بخاف لا من التماثيل ولا العرايس ولا خيال المآتة ولا اي حاجه الا هو الهباب ده ..

بيجيب لي ضيق وتعاسه واحيانا بخاف منه بجد زي ماتخاف من فار كده او حاجه تسبب لك رعب لو لقيتها قدامك صلا مش بتحمل ابص على صورة مهرج حتى ..

الي مستغرب ولا بيقول الكلاون ده حاجه حلوة .. شوفوا معايا كده المشهد ده فكراه مع اني شفته من اكتر من عشرة او 15 سنة .. بس خليكم للآخر .. هتعذروني

[Diab]

لو شفتي فيلم اليس في بلاد العجائب

كلهم لابسين كدة كدة وجوني ديب عامل دور حلو فيه

[mekkawy]

سبحانك يا رب

نبهتني الأخت أم نور الى حقيقة اشتراكي معكم في نفس الخوف ... بس انا ما زلت حاسس ان خوفي غريب

اتفضلوا عاينوا نوعية الخوف دي كدة

http://www.egyptiantalks.org/invb/index.ph...st&p=595295

مكاوى

[fatfouta]

انا كمان مش بحبه يا ضحى وعمره ما حسسنى بالسعادة لا هو ولا الاراجوز بتاع زمان

دايما بحس انه تعيس هو وحكايات الاراجوز كمان وبضايق جداااا منه

بس مش بخاف يعنى لو شفته ايوه هغير المحطة لكن مضايقة بس مش خوف

ومش بحب ولادى يتفرجوا عليه

[اغابي]

لاحظتها علي من كام سنة ..

كنت فاكره اني متوهمة ولما تاكدت اني فعلا بخاف لحد الرعب احيانا افتكرت ان الموضوع له سبب . .

تتوقعوا ايه الحاجه الي بتخوفني بجد ومش بهزار مع انها المفروض مبتخوفش ..

دهوه ...

المهرج او الـ CLOWN

كل ماشوف صورة مهرج اشعر بنوع من الضيق يتحول بعد قليل لتوتر ثم ارتفاع الى حد ما في دقات القلب واخيرا بخاف بجد ..

في البدايه كنت فاكره اني لوحدي الي بعاني من المشكلة دي وقلت يمكن السبب اني زمان شفت فيلم رعب اسمه IT عن مهرج قاتل ( هو المحروس الي في الصورة فوق ده ) .. بس بما اني كنت مدمنة افلام رعب في تلك الفترة وبما اني عمري ماخفت من حاجه فيها والى الآن مش فاكره اني شفت فيلم ارعبني خارج فترة مشاهدته فاعتقد ان الموضوع ملوش علاقه اوي بالفيلم ..

في مرة وانا بتفرج على مسلسل اجنبي ( كوميدي ) لقيت ان واحد من الي فيه بيعاني من نفس مشكلتي دي وبيخوفوه بالكلاون ..

عملت سيرش على النت ..

اكتشفت انها حاله معروفه فعلا اسمها فوبيا المهرجين وان فعلا في ناس بتخاف منهم بعكس الي المفروض يحصل من اننا نضحك او ننبسط بوجودهم ( اعوذ بالله ) ..

المشكلة اني برغم البحث ملقيتش سبب للحكايه دي وليه الناس الي انا منهم بكل اسف بنخاف من الكلاون ..

على فكره انا مش بنخض لما اشوفه لكن بجد بكرهه وصورته بتثير عندي انزعاج غير عادي ..

كتير بقعد افكر في سبب الحكايه دي وبلاقي يمكن اقرب تفسير ان وشه دائما بيضحك ومهما كان ناوي على شيء وحش ومهما كان في نيته حاجه ممكن تؤذيك الا انه دائما وابدا هيبتسم والمكياج هيغطي تعابير وشه وبالتالي عمرك ماهتعرف هو جواه ايه ..

مش عارفه حد تاني عنده نفس المشكلة ؟ وياترى لها حل ؟

باحيكى على موضوعك يا ضحى ودايما افكارك جديدة وبتعجبنى - تصدقى انت لفت انتباهى

على فكرة يا ضحى انت صعبت على اوى دي اول حاجة

بس انا لفت انتباهي انى مش بخاف منه بس برضوه مش بيستهوينى او يشدنى اتفرج عليه - انا لغاية دلوقتى ممكن اقعد وقت كبير قدام توم وجيري او ميكى ماوس لكن فقرات المهرجيبن ما تشدنيش اساسا عموما السيرك بشكل عام مش بحبه - مش عارفة ليه ؟

لفتى انتباهى وزودتولى معلومات يا جماعة كلكم ميرسي بجد - اول مرة اسمع عن فوبيا المهرجين معلومة جديدة - خلونى اطبق اختبارات على اولادي واسالهم عن المهرجين وكمان حابقي ارد عليكم - جاير حد منهم بيخاف وانا ما اخدش بالى نظرا لجهلى عن المعلومة دي .

تحياتي

:blush2:

[doha]

لو شفتي فيلم اليس في بلاد العجائب

كلهم لابسين كدة كدة وجوني ديب عامل دور حلو فيه

مبخافش من الحاجات دي خالص .. يمكن اقرف منها او تقلب معدتي بس متوصلش للخوف ..

الكلاون حاجه تانية خالص ..

صداع لما اشوفه .. مقدرش ابحلق في صورته بل على العكس اعديها من قدامي بسرعه .. ممكن لو شفته احيانا في التلفزيون تزود ضربات قلبي واحس بالخوف بجد ..

حد يشوف لي حل ياجماعه احسن انا خدت جرعة كلاونات امبارح والنهرده مخدهاش اسمو ايه ده في البتاع الي بيطلعه ..

[الضيف]

طبعا في أمريكا و غيرها في دكاترة بيعرفوا الأسباب و بيعالجوها

[Damo]

قريت في حته ان واحد كان بيخاف جدااااااا من الكلاون و بعدين لما قعدوا يبحثو معاه و يشوفو ليه اكتشفو حاجة غريبة جدا. ان الخوف ده بدأ لما مامتو ابتدت تحط ماسك تجميل على وشها

فكرني ان و انا صغيرة مامتي كانت حصلها حادثةو كانت بتلبس بتاع الرقبة ده (مشعرفه اسمو) اللي بيخلي راسها بصه قدام علطول و عشان تبص في حته لازم تبص بجسمها كلو. كنت بخاف منها قوي لما تلبسو بس يومين و اكتشفت اني بخاف منها لما تلبسو و بقت تلبسو من ورايا بس