ياجماعه انا بقيت بخاف اخرج بأبنى

[pocy]

بصراحه انا مش عارفه ابدأ منين وهل انا بفكر صح ولا غلط بس بجد الموضوع ده بدأ يضايقنى جدا وبدون لف ولا دوران هادخل فى الموضوع على طول

مشكلتى انى كل ماجي اخرج بابنى برجع بيه تعبان ويمرض اسبوعين تلاته او بيحصله حاجه او يبطل ياكل او ............. الحاجات كتير المهم انه مفيش خروجه بتعدى بسلام الاول كنت بقول يمكن انا مش ملبساه كويس لا يمكن السنان لا يمكن مش عارف ايه بس بجد انا زهقت مفيش مره اروح بيه عند حد او حد يجيلي الا وبعدها ابنى يتعب بكلم واحده صحبتى على النت بتقلي ابنها مش بياكل نهائي قلتلها انتى بس جربي كذا وجربي كذا وربنا هيسهل وهيرضي وسالتنى سؤال هو ابنك اخباره ايه فى الاكل يعنى بياكل كذ ا وكذا ورديت بكل عفويه اه الحمد لله و ابنى بعدها تلات ايام مش راضي يحط الاكل في بقه وطبعا فى كل مره برقيه فهل اللى بيحصله ده من الحسد ولا انا بيتهيألى

والموضوع مش في ابنى بس والله كان عزمين اصحابنا على الفطار فى رمضان والحمد لله الفطار عدى على خير مع العلم الفطار كان ل16 فرد المهم تفتكروا ايه اللى حصل بعد كد ه

مفيش جهاز كهربي فى البيت وراضي يشتغل الريموت بتاع الريسيفر باظ لوحده موبيل جوزى فصل لوحد ومش راضي ينطق مع انه لا وقع ولا حصله حاجه التليفزيون بقي فيه حاجات غريبه وخطوط رايحه جايه الميكرويف اشغله يفصل الكهربا عن البيت كله و ................ القلايه احط الفيشه بتاعتها تشيط احطها فى اى حاجه تانيه تشيط و الكمبيوتر الويندوز عمل حاجات غريبه بدون سابق انذار وبقينا ندخل ع اللينوكس وبرضه لقينا اللفات بتحصلها حاجات غريبه ومش لاقينها ومعمولها قفل والنت مش راضيه تشتغل وكل ده حصل في يومين من العزومه

وبدأنا نصلح حاجه حاجه لحد ما الحمد لله ربنا يسر الامور

دا طبعا تيجي تعزم حد وتعمل الاكله تطلع مظبوته وبعدها متعرفش تعملها تانى مظبوته ابدا هههههههههههههههههه والله يسامح اللى كان السبب ههههههههههههههه

تفتكروا انا بوسوس من الناس ولا فعلا اتحسدنا

طبعا الكل هيقولى ما يحسد المال الا اصحابه والله كلمه بسم الله ماشاء الله على لسانى يوميا وعلى كل شئ سواء لى او لغيري

أعمل ايه علشان اشيل الهاجس ده من دماغي ؟؟؟؟؟؟؟؟؟؟؟؟

[عنبو]

هو طبعاً الحسد موجود

بس طبعاً فيه حاجات بتقى من الحسد وفى الاخر كله مقدر ومكتوب

انا شايف سبب تعب عمرو هو انتى ليه ؟؟

علشان انتى حاطه صورته توقيع شخصى ليكى وطبعاً ده النت شوفى بقى كاااااااااام واحد رايح جاى على المنتدى هههههههههههه الله يكون فى عونك ياعمرو

بصى تعاملى مع الاشياء دى بمبدأ انا اعمل الى عليا والباقى على الله يعنى فيه الاذكار وفيه اذكار مخصصه للحسد قوليها انا شخصياً مبعملش كده لانى بكسل بس ربك بيسترها

[pocy]

هو طبعاً الحسد موجود

بس طبعاً فيه حاجات بتقى من الحسد وفى الاخر كله مقدر ومكتوب

انا شايف سبب تعب عمرو هو انتى ليه ؟؟

علشان انتى حاطه صورته توقيع شخصى ليكى وطبعاً ده النت شوفى بقى كاااااااااام واحد رايح جاى على المنتدى هههههههههههه الله يكون فى عونك ياعمرو

بصى تعاملى مع الاشياء دى بمبدأ انا اعمل الى عليا والباقى على الله يعنى فيه الاذكار وفيه اذكار مخصصه للحسد قوليها انا شخصياً مبعملش كده لانى بكسل بس ربك بيسترها

الله يسمحك يا عنبي انا السبب هههههههههههه

والله انا برقيه وبرقي ابوه تقريبا كل ما احس ان فى حاجه مش مظبوطه او انه ممكن لا قدر الله يحصله حاجه وانت فكرتنى بموقف كنا خارجين رايحين سلطان ولبسته طقم الخروج تخيل ابوه بيقلي ايه لا غيري للواد انا حاسس انه ممكن يتحسد فى الطقم ده فقلتله ياراجل هو ملك جمال يعنى ثم انا لسه هغير

المهم خرجنا ورحنا سلطان واحنا هناك كل ما نعدى ونقف على حاجه اى حد معدى بيلعب معاه وبنات بتبوسه وعادى يعنى المهم انشغلت انا ورحت اجيب نقانق وجوزى راح يجيب عصير كان هو قام من مكانه ومن عربيه سلطان وطرررررررررررررررررررررررررراخ على الارض تخيل بقي الوقعه كانت ازاى والله كان قلبي في رجلي بس الحمد لله انه عيط وم شاغمي عليه ولا حاجه بس والله حسيت ساعتها انى انا السبب وانى مش اخدت بالى منه وانى مش غيرت ليه لبسه بلبس تانى بس تقول ايه بقي الحمد لله على كل شئ وربنا ييسر ليه اللامور يارب

[HDarwish]

هو طبعاً الحسد موجود

بس طبعاً فيه حاجات بتقى من الحسد وفى الاخر كله مقدر ومكتوب

انا شايف سبب تعب عمرو هو انتى ليه ؟؟

علشان انتى حاطه صورته توقيع شخصى ليكى وطبعاً ده النت شوفى بقى كاااااااااام واحد رايح جاى على المنتدى هههههههههههه الله يكون فى عونك ياعمرو

بصى تعاملى مع الاشياء دى بمبدأ انا اعمل الى عليا والباقى على الله يعنى فيه الاذكار وفيه اذكار مخصصه للحسد قوليها انا شخصياً مبعملش كده لانى بكسل بس ربك بيسترها

الله يسمحك يا عنبي انا السبب هههههههههههه

والله انا برقيه وبرقي ابوه تقريبا كل ما احس ان فى حاجه مش مظبوطه او انه ممكن لا قدر الله يحصله حاجه وانت فكرتنى بموقف كنا خارجين رايحين سلطان ولبسته طقم الخروج تخيل ابوه بيقلي ايه لا غيري للواد انا حاسس انه ممكن يتحسد فى الطقم ده فقلتله ياراجل هو ملك جمال يعنى ثم انا لسه هغير

المهم خرجنا ورحنا سلطان واحنا هناك كل ما نعدى ونقف على حاجه اى حد معدى بيلعب معاه وبنات بتبوسه وعادى يعنى المهم انشغلت انا ورحت اجيب نقانق وجوزى راح يجيب عصير كان هو قام من مكانه ومن عربيه سلطان وطرررررررررررررررررررررررررراخ على الارض تخيل بقي الوقعه كانت ازاى والله كان قلبي في رجلي بس الحمد لله انه عيط وم شاغمي عليه ولا حاجه بس والله حسيت ساعتها انى انا السبب وانى مش اخدت بالى منه وانى مش غيرت ليه لبسه بلبس تانى بس تقول ايه بقي الحمد لله على كل شئ وربنا ييسر ليه اللامور يارب

ده اسمه تهريج .. ولا مؤاخذة

كويس إني ما كنتش موجود قريب منكم في الساعة دي .. أنا المواقف دي بتنرفزني جداً وبتخليني أخرج عن شعوري وممكن تقلب بخناقة .. خاصة إذا شفت حد بيضرب طفل بشدة أو طفل حصل له حاجه نتيجة إهمال أو عدم إهتمام ..

ألف سلامة على عمرو .. وحرصوا شوية بعد كده .. ذنبه في رقابتكم ..

[بندق أفندى]

الله خير حافظا وهو أرحم الراحمين

[pocy]

والله يا استاذ حسن انا مفكرتش اصلا انه هيعرف يخرج من مكانه علشان كده رحت اجيب الحاجه بس انا مش بعيده دا هو جنبي وفى لحظه حصل اللى حصل انت عارف انه لسه صغير

والل حسيت انه انا السبب وفضل ضميري معذبنى فتره بس بقيت باخد بالى الواحد برضه مش بيتعلم بالساهل والحمد لله انه مش جراله حاجه بس دلوقتى عمر استحاله يتساب لوحده ابدا من بعد ما بدأ يمشي وبرضه انا فكره الضرب عندى ممنوعه منعا باتا ومقدرش اشوف حد بيعمل كده واسكت بس الحمد ةلله على كل شئ

[banaga]

ما هو حضرتك حاطة صورتة فى التوقيع زى ما عنبى قال انا شوفت رده و انا بكتب و الله و على فكرة ممكن الواحد يحسد اخوه من غير ما يقصد يعنى و هو مش فى نيته اى حاجة و العكس برضه ممكن الى ادامى يكون شخص كويس و يحسدنى من غير ما يقصد و طبعا لازم ماشاء الله دى الواحد بيقولها على حاجة حتى لو كانت بسيطة اوى و الحمدلله اهو كدا بيحمى نفسه و بيحمى الى ادامه كمان

و اهو حاولى بقى كمان بعد اى عزومة ترقى اللاجهزة كمان بالمرة :rolleyes:

[ذهبية]

طبعا الف الف سلامة عليكى و على عمر ابنك و على كل الاجهزة الكهربية الىل فى البيت يا بوسى

شوفى بقى يا ستى مووضع الحسد دة طبعا موجود لا جدال فية ابدا ابدااااا

انا مريت باسوء تجربة ممكن تمرى بيها بسبب الحسد كفاية انى اقولك ظهرى انكسر فيها و لازمت السرير اكتر من سنة و سنة كمان علاج طبيعى و طبعا مش قادرة اوصف لك بيتى و جوزى و اوولادى حصل ليهم اية

كفاية انى اقولك كانت عندى زيارة من واحدة قريبة ليا و قعدت شوية كدة و لقتها بتقول انتى بيتك هادى قوى و جوزك بيحبك و عايلك مش طالع ليهم صوت وبيسمعوا كلامك يارتنى اكون زيك

و الله يا بوسى و الله تانى يوم باوطى باجيب حاجة من الارض لاقيت حاجة طقت فى ضهرى بعدها بتلات ساعات مش قادرة اوصفلك حالتى اية مكنتش باعرف اتحرك نهائى دة غير الام ملهاش حدود

تخيلى حضرتك انهم جابوا الدكتور فى البيت شخص حالتى انها انزلاق غضروفى فضلت فى البيت اكتر من تلات شهور اتعالج علىانة انزلاق لانى مش قادرة اروح اعمل اشعة

بعدها عملت الاشعة و الاقى الدكتور بتاع الاشعة و هو رايح يستلمها يقول لة هى مراة حضرتك اكتر من 90 كيلو يوقلة لا دى رفيعة

يقولة طيب هى كبيرة فى السن يقولة لا

يقولة طيب هى وقعت من على السلم او عملت حادثة عربية يقولة لا

يقولة ازاى دة كسر فى الفقرة هو سمع كسر و انا سمعت كسر لما رجع قعدنا يوميها نكررها يجى عشرين مرة زى الافلام مش مصدقين

مش عايزة اطول عليكى المهم الحمد الله ظللت فى السرير يجى ست شهور بلاحركة

و بعدها ست شهور حركة بالحزام

و بعدها علاج طبيعى و الحمد الله الان

المهمانى اقولك الحسد موجود لا جدال لكن مش معنى دة انى اوقف حياتى و لا استمتع بيها و لا اخرج و لا اشوف ناس و لا ناس تيجلى

ربنا قال لنا نعمل اية و نحفظ نفسنا ازاى و اى حاجة تحصل بعدها دة مكتوب و قدر و اى ابتلاء من عند الله احنا راضين بية

انى لا اسالك رد القضاء لكنى اسالك اللطف فية

سيبيها لله

و عيشى حياتك انتى و جوزك و حصنى بيك و ابنك و جوزك بالايات القرانية و سورة البقرة تفضل شغالة فى البيت

و طبعا الصدقة ثم الصدقة ثم الصدقة

ربنا يصونك و يحيمكى و يسعدك يارب

ذهبية

[saramath]

شوفى انتي لو دا فعلا تفكيرك يبقي اتبعي الاتي

1) اختاري اقدم بيجاما للبيت من بتوع ابنك وكل ما تخرجي لبسيها له

2) يوم ما تحبي تروحي اى مكان وبعد ما تلبسى ابنك الهدوم القديمه انتي كمان حاولي تلبسى اقدم شىء عندك

3) امنعي الاختلاط بالناس نهائيا ومتحاوليش تقولى لحد صباح الخير او مساء الخير

4) لو خرجتي وحد سألك دا ابنك قولى لهم ولا اعرفه : دا حتي نونو مش حلو ومش مقطقط ومش سكر ومش قمر blink:ومش هموت واخده فى حضني

5)لو لقدر الله اضطريتي تعزمي حد جيبي اكل من عند محلات الهنود ال فى الفحايل بس تكون وجبه طعمها يييييييععععععععععععععععع اطلبيها وقدميها لهم وقولوا دوقوا طبيخي وأوعدك محدش هيفكر يدخل لكي بيت تاني

6) لو حد زارك مره واحده حاولى تفصلي كهرباء البيت من غير ما يحس علشان المكيف يفصل والضيف يتخنق بدري وقولي بكل براءه معرفش ليه من يوم ما جبت الاجهزه بتاعت البيت وهي خربانه ومش بتشتغل

طبعا انا بهرج معاكي شوفى يابنتي اولا شيلى الفكره دي من دماااااااااغك وفكر فى الايه ال بتقول (قل لن يصيبنا الا ما كتب الله لنا)

يعني كل ال بيحصل لكي دا مكتوب سواء كان حسد او غير حسد وما عليكي الا بأذكار الصباح والمساء وربنا يفرج عنك بس بردوا نفضى للدنيا ولكل الظروف السيئه وعيشى اللحظة

[بنت الشاطئ1]

الحسد بيحصل طبعا بس مش منطقى ابدا انى اسيب طفلى على منضدة دون رقابة ولما ييجى يقع اقول ده اتحسد

اما الحسد والمواقف اللى حصلت معى كما يلى

برضة كان عندى ضيوف ولقيت واحدة بتقولى الله ما احلى الكوليه بتاعك يا بنت الشاطئ هو انت جيباه من المانيا قلتلها لا ده من مصر

وبعد ما مشيت بعشر دقائق الكوليه فجأه وقع ولقيته مقطوع ..انا نفسى بس افهم حاجة ليه متقطعش وهى موجوده اشمعنى بعد ما مشيت هى ..ودايما كدا الضيف يقول الكلمة ويمشى.. وبعد ما يمشى يحصل اللى يحصل

مرة واحدة بتبص على ابنة خالتى وبتقول الله بقها صغنن ..بعد ما مشيت البنت وقعت واتخبطت فى حرف الترابيزة والخبطة فى بقها طبعا ونزفت دم

كنا فى خطوبة وكان ابنى لابس بدلة وكرفته والكل بيمدح فيه وكمان طلع رقص مع العروسة والكل يبص عليه ويصفق له ..وقبل الخطوبة ما تخلص بعشر دقائق وقع وودنه اتقطعت وجرينا بيه على المستشفى واخذ غرز

نزلنا مصر لانهاء ديكورات شقتنا ..والكل عارف ان احنا نازلين ثلاث اسابيع فقط لانهاء الديكورات..

لم ننهيها طبعا لان زوجى تعب وكان حاسس بدوار شديد ونام اسبوعين فى السرير ومكنش فى اى سبب مرضى والاسبوع اللى بعده ابنى سخن فجأة والله واضطرينا اجلنا سفرنا اسبوع كمان لأن مش معقول هنسافر والولد عيان بالشكل ده

وكل ما تمنيته من تلك الاجازة انى ارجع تانى قبل ما ييجى الدور عليا والحمد لله

ابنى وهو عنده سبع شهور احضرت طبق الخضار المفرومة طبعا وكانت عندى صديقتى وبدأت فى اطعامه وقامت هى تتوضأ ولما اتت كان قد انهى طبقه..نظرت كدا وقالت هو لحق انا ابنى بيجننى ..بس لا تعليق

الموقف اللى جاى عايزة تعليق

واحدة كانت عاجبها خاتم بنتى ودهبنا عموما ...بس لما عرفت انى جيباه من المانيا استغربت ..وقالت لى غالى خالص هنا الذهب

..وكل كلامها فى تلك الزيارة ان احنا بنشترى دهب غالى والمفروض نشتريه من مصر لأنه ارخص.. وكل شوية تقول لى انا عندى ذهب كتير ييجى 200 جرام بس سيباه عند امى فى مصر

.قلت لها وانا ايضا سيباه عند ماما ..راحت نظرت فى يدى وقالت هو انت عندك غيره ...

طب هو انت عندك دهب غير الشبكة

.طب انت بعتى دهب لما اشتريتوا الشقة..

وبعدين قالتلى انت لابسة كام غويشة فى يدك قلت لها ثلاثة راحت مسكت يدى لترى كم غويشة لابسة والله ..هى متعرفش ان الغوايش اصلا خمسة بس انا لابسة منهم تلاتة .. لما لقيتها مسكت ايدى خفت اقولها انهم خمسة

وقعدت تحكى قصص عن الدهب وانها باعت دهب لما بنوا

وقعدت تقولى طب ليه الواحد يجيب للأطفال خواتم وغوايش .. ملهاش لازمة لأنها هتصغر عليهم..احسن حاجة الواحد يجيبلهم سلسلة وخلاص

وعملت لى مهرجان ..وازاى زوجة اخيها مش عايزة تبيع دهبها لتساعد فى شراء الشقة ..

المهم

.بعديها تانى يوم بفتح علبة الدهب لقيت الخاتم اللى كان فى يد ابنتى مطبق بطريقة غريبة الخاتم اصبح شكله مثلث فعلا ..وانا مستغربة والله وكنت عايزة اسأل فى الموضوع ده ..هو ازاى الخاتم اطبق بالشكل ده لأنه خاتم صغير جدا وزنه اربعه جرام..مش خفيف يعنى ..ده كأنك جايب شاكوش وخابطه..لأ والمثلث متساوى الساقين..والله انا خفت خالص ياريت لو حد عنده تفسير ...معقولة يكون جن اللى عمل كدا

[president]

بالرغم من ايماننا جميعا بالحسد .

الا ان ثقافة الحسد عندنا نحن كمصريين تشغيل حيز كبير من تفكيرنا . ويكون الحسد هو السبب الأول والوحيد لأى اخفاق نقابله

او مشكله تحدث لنا .

فأى وعكه صحيه للطفل بتبقى حسد . اى مشكله فى البيت للأجهزه تبقى حسد . اى حادثة عربيه تبقى حسد . وهلم جرا .

هاضربلك شوية امثله :

واحد صاحبنا لسه مطلع رخصه من ( الجيزه ) فى الأجازه ولما وصل السعوديه طلع رخصه برده من مكان - مش متذكر اسمه فى الرياض -

بس مبيدققش فى موضوع الرخصه . المهم اشترى عربيه نص عمر عشان يتعلم عليها . بعدها بأسبوع عمل حادثه كانت بسيطه الحمدلله .

البيه دخل علينا الشغل تانى يوم وبيقول وبجد اننا احنا حسدناه . نسيت اقولك ان اقل عربيه عند واحد فينا تمنها 4 مرات تمن عربيته

طب تفتكرى هنحسده ليه؟ هوا كل الحكايه مش عايز يقتنع انه لسه مش عارف يسوق فاكيد المبرر انه الحسد .

وهاروح بعيد ليه . هاضربلك مثل بمراتى العزيزه مراتى (اتسرق ) مش ضاع منها 3 موبايلات فى 9 شهور بمعدل موبايل كل 3 شهور .

وكل مره يتسرق بنفس الطريقه ونفس المكان . وطبعا السبب الجاهز الحسد . صحيح موبايلاتها غاليه بس كل اصحابها عندهم نفس مستوى الموبايلات .

طب هايحسدوها ليه ؟ زوجتى العزيزه مش عايزه تعترف ان الموضوع لما يتكرر معاها 3 مرات يبقى دا اهمال منها مش حسد ولا حاجه .

الخلاصه فى الموضوع كله . لازم نكون متأكدين ان فى ناس كتير عندهم اللى عندنا واحسن مننا كمان ومنحسش دايما ان احنا تحت انظار الغير

والكل بيبصلنا . طب هيبصلنا على ايه ؟ كله ماشاء الله عنده اللى يميزه عن غيره .

الفكره كلها ان احنا ندور على اسباب القصور اللى حصلت . الف سلامه على ابنك بس ماينفعش ان حضرتك انت وباباه تسيبوه تانى لوحده .

الحسد موجود بس ياريت منخلهوش هوا الشماعه الجاهزه . وخصوصا لما المغتربين ينزلوا مصر فاكرين الناس كلهم بيقروا عليهم .

(اذا كانت الناس كلها بتتحسد . اومال مين بقى اللى بيحسد!!!)

تحياتى لك اختى الفاضله

تم تعديل 5 نوفمبر 2009 بواسطة president

[doudy]

الحسد مذكور فى القران

بس ربنا يحفظكم انتم و عمورة

انا حصلى مواقف كتيير مع الحسد بس بمناسبة عمورة ابنك

هقولك على موقف اتكرر كتيير مع كنزى و عبد الرحمن و هما بيبى

كل ما حد يجيلنا او نخرج بيهم يفضلوا طول اليل يعيطوا من غير سبب

لغاية الصبح

و الموقف دة بيحصل برضه مع عمر عنده سنة و 8 شهور

ربنا يحفظ ولا دنا جميعا من كل شر :rolleyes:

[طبيبة مصرية]

الاخت العزيزة بوسى

الف الف سلامة على عمورى وربنا يحميهولك يا رب من شر العين............

طبعا الحسد موجود ومذكور فى القران ..........بس ربنا دلنا على الطرق اللى نحمى بيها نفسنا منه وزى ما تفضل الاعضاء اللى قبلى وقالولك

اذكار الصباح والمساء دى مهمة جدا والرقية الشرعية لعمورى قبل ما ينام وقبل ما تخرجى به اى مشوار وسورة البقرة فعلا رهيبة فى الموضوع ده وطبعا الاستغفار والدعاء والصدقات.........

حاولى تواظبى على الحاجات دى وان شاء الله ربنا يبعد عنكم الاذى والعين.........

ونصيحة اخيرة يا ريت فعلا تشيلى صورة عمورى من توقيعك لانه عن تجربة شخصية انا لما ربنا رزقنى باولادى كنت فرحانة جدا وخاصة انى اتاخرت شوية فى موضوع الانجاب,المهم كنت فرحانة وعايزة الكل يشاركنى فرحتى وبقيت كل يوم البسهم احلى لبس وانزل صورهم على الفيس بوك وما ادراكى ما الفيس بوك كل الناس بتدخل وبتشوف وممكن كمان يحتفظوا بالصور عندهم ويفرجوها لغيرهم وهكذا.............المهم لاحظت انا وزوجى تغيرات فى سلوك ابنى وكانت مقلقة جدا بالنسبة لنا وتعتبر نذير بمرض خطير ........المهم ساعتها زوجى اضايق جدا وقاللى بالحرف ادى الفيس بوك واللى اخدناه منه........ وفورا دخلت على الالبوم بتاعى ومسحته بالكامل وحسيت براحة نفسية لما عملت كده .......ونظرا لاننا فى الغربة والناس والاهل فى مصر عايزين يشوفوا صورهم ويتابعوا تطورهم فبقيت ابعت لمن اثق فيه على الايميل فقط

للامانة انا جت لى فترة اهملت فيها قراءة الاذكار والرقية الشرعية وكان كل اهتمامى انى انزل احلى و احدث الصور على الفيس بوك وبس............

تم تعديل 5 نوفمبر 2009 بواسطة طبيبة مصرية

[miramikhail]

بصى يابوسى أنا كنت الأول مبصدقش فى الحكاية دية لكن أول ما جبت أبنى و الحقيقة كان أمور أوى عامل زى الولاد اللى بيتحطوا على علب اللبن كده حتى أخوى الصغير كان بيقولى دة ينفع أبن أخوى الكبير مش أنا هو واخد فعلا من خالية و عمتة يعنى منى عنية بس و ووش بابه المهم كنت كل مأخرج بيه يرجع عيان لدرجة مامتى الله يرحمها كانت كل ما أروح أزورها تصر تخلى الولد مينزلش معايا و أنا بعدى على أصحابى لحد ما فى يوم كانت خطوبة معزومين عليها و كان جوزى مسافر فكنت مبيته عند ماما و بابا وكان رايح الحفلة ملبساه بدلة بيضا و هو أبيض و عنيه ملونه و يبنتى تانى يوم جدة و حدتة فى المطبخ و المطبخ ببابين و هو قاعد معاى فى الصالة ألا و فجاءة نسمع صريخة فى لحظة سهانى و حرى دخل المطبخ من الباب التانى لأن جدته كانت واقفة و سدة السكة من الباب الأولانى و يدوبك جدة نقل الشوربة فى الكاسرولة على بو تاجز فى كارتونتة لسة عالى علية وكان عنده أقل من سنتين ألا و يخبط الكسارولة و يقلبها علية و تأخد من رأسة لحد كتفة و صدرة و مش حقولك أية اللى حصل ولا أنى أطريت أدخلوة حجرة العمليان و هو فى السن ده عشان يقدروا يشيلوا الهدوم وأننا ستة شهور ولا سنة لحد نحمد ربنا مافيش أثار الا خفيفة و من ساعتها بقيت أصدق فعلا و عشان كده كل ما حد من الولاد يعمل حاجة كويسة ولا يجيب نمرة حلوة ولا حد يقول أنهم حلوين ولا شطرين أسمى عليهم فى صدرى

يعنى أكيد فية أيات تقدرى تقوليها لما ححد يقول حاجة أو حتى لو أنتى شفتية حلو و أمور سمى علية بجد و على فكرة لسة نفس المشاكل دية بتحصل مع أبنى حتى و هو فى الجامعة هو طبعا شكلا خنشر زى الصبيان بس لأنه شاطر أقربة لسة من شهر قطع خضروف ركبتة و كنا يدوب عارفين ترتيبة على القسم بتاعة و أطرينا نعمل له عملية و الحمد لله بقى يمشى كويس كنا خايفين يحتاج علاج طبيعى.

و على فكرة يمكن تقولى تخلف بس شيلى صورتة صحيح من النت بجد

[jamalpody]

طبعا يا مدام الحسد مذكور في القرأن لكن ده مش معناه ان الواحد يكون موسوس للدرجه دي

انتي فقط اقرئي الرقية الشرعية قبل النوم ولن يصيبك شيء ان شاء الله

علي فكره يامدام بوسي انتي حاطه صورة عموري كتوقيع ليكي ايه مش خايفة من الحسد

[se_ Elsyed]

ايه اللي انا شايفه ده ؟

ايه اللي بيحصل ده ؟

اللهم صلي عالنبي .. تركنا الأسباب والمسببات وبقى كل كلامنا على الحسد ...

أيوه الحسد مذكور في القرآن لكنه لا يمنع قدر أو يصنع قدر إلا ما شاء الله ...

فينك يا زُهيري ؟؟؟؟

طب نتكلم شويه بالعقل ...

أجدعها عيل من عيالنا .. هايبقى هو ولا العيال الاجانب اللي تحسوا إنهم معجونين في مربى بالقشطة ؟

هما طبعاً .... بلا جدال ..... ولا حد هايقول لي ( إسمه إيه داهو في عين مامته غزل ؟ )

يبقى كان من الأولى إن عيل من دول لما يخرج يروح سلطان ولا طويل العمر يطول عمره .. كان من الأولى إنه يطب ساكت من ساعتها وما يرجعش ؟

طب ما يمكن العيب في سلطان يا بوسي وإنتي مش واخده بالك ؟ :lol:

طب بسيطة ....

خُدوا دي وما كنتش عاوز اقول ...

أنا هاعمل عملية قريب في رُكبتي بعد بضعة أيام ... عادي والحمد لله وملايين زيي بيعملوها وأنا مش هاجي أحسن من ابو تريكه :cry: smk:

قرايبي وأهلي دلوقت لما يعرفوا يقولوا ده حسد إنتي خدت عين .... شوف إزاي ؟

حسد إيه يا جدعان وبطيخ إيه ؟

طب ليه ؟

مش في حاجه برضوا إسمها اسباب ... ولا بقينا نشعلق كل حاجه في الحسد والعين والودان ؟

كل ما في الموضوع إني تعرضت لحادث سيارة ( حسد برضوا ؟؟؟ ) .. عربية خبطتني يعني .. ييجي من 5 سنين ... وما أعطيتش نفسي الراحه اللازمه بعد العملية ذلك الوقت ... وبالتالي بقت تيجي لي ألام متفرقة في الركبة ... دلوقت الألام زادت وأضطريت أذهب للطبيب اللي قال لي إن الحاله تستدعي تدخل جراحي فوري ..

طبعاً الواحد كان ممكن يدي ودنه بقى للحسد والعين والخدود

وعلى فكرة ..

الحاجات دي ممكن .. بل أكيد بتخسر الناس من بعضها وممكن تلاقي الواحد بقى ينظر للاخرين على إنهم يحسدونه على كل شيء وإن أخوه بيحسده ... ودي أخت زوجها بتشبشب لها ...

وأظن بقى لو كنت حطيت بالي في الحسد .. كنت ولعت في أبني عُمر ده ... اللي لما كان عنده 4 سنوات كان عامل له بتاع 7 عمليات جراحية من أخطر ما يمكن ومنها شرائح في العظم وخلافه .....

حسد برضوا تفتكروا ولا فيه إسباب ؟

و على فكرة يمكن تقولى تخلف بس شيلى صورتة صحيح من النت بجد

طب أنهو مجال أوسع ... النت اللي ما حدش يعرف فيه حد ؟

ولا الحياة بشكل عام ؟

يعني لو بوسي ما كانتش دي صورة إبنها وكانت حطيت لنا صورة الولا حمو إبن الجيران اللي جنبهم ... كان حمو جت له الكافيه وفرفر .. وعمرو أبنها ما حصلتلوش الحاجات اللي مكتوبه له ؟

هاتعملوا زي الأرياف عندنا زمان ؟ ..

حتى وقت قريب والله وهذا كان منتشر كتير جداً ومازالت أثارة موجوده .... كل عيل كان يتولد .. لو ولد يلبسوه لبس بنات فترة طويلة ويضفروا له شعره عشان الحسد .. لو البنت بيرموها في الشارع عشان البنات ما بتتحسدش ( آنتي ريفليكشن يعني )

الأفظع من كده ... كل واحد بالذات الصبيان كان له اسمين .. .. وأقسم بالله حتى الأن لا أعرف بعض أسماء أولاد عمي وأولاد خالي اللي مقيمين هناك دلوقت وناس متعلمين ومحترمين ... لأن أسمه اللي أنا عارفه وبنندهوا بيه حتى الأن وهو رجل ومتزوج ويمكن بقى جد .. غير أسمه الرسمي

يعني مثلاً خالد في الورق .. يروحوا مسميينه عبد السلام .... يقوموا الناس لما يعوزوا يحسدوا عبد السلام .... ما تجيش فيه عشان هو مش عبد السلام .. وخالد بقى يبقى في السليم الأليم ...

هههههههههههههههههههههههه والدي ووالدتي مقيمين في القاهرة من زمان جداً ويمكن عاشوا طفولتهم بس في القرية ... لكن توارثوا الموضوع ده .. وانا إلى الأن ليه أسمين ومازلت يعني ممكن يبقى إسمي اللي تعرفوه هو سين سين ... بس أنا بأضحك عليكم وإسمي نون لام ألف همزه عالسطر راء هههههههههههههه وأخويا الكبير كمان كده وقلة من أهلنا في الريف ما يعرفوش أسامينا الحقيقية ومازلوا يتعاملون معانا بالأسم الحركي ...

ومع ذلك ما بيحوقش فينا وأهو على يدك يا بوسي يا أختي .. ديك النهار الموبيل الستة تمانيتين بتاعي ... اللي لسه فبريكه وبحالته من 15 سنة .. لقيته عطل .... أجيبه يمين شمال مش شغال ... أتاري يا أختي نفذ رصيدي وبتجيلي رسالة بعيد عن السامعين تقول لي أبوس إيدك إشحن البطاقة إنت بقيت عالجنط ......

تفتكري أعمل إيه يا بوسي ؟

أروح للشيخه صباح العمشه قريبت حشيش صاحبي تعملي حاجب للعده دي وتبخرها من عين موبينيل وأم نبيل وأتصالات وحركات وفودافون واللي يحزنون ؟

وبعدين لو الحسد بيعمل كده ...

ما حد يتطوع ويجيب لنا أجل هيلاري كلينتون مثلاً أهي عليها الطلا شويه ومقبولة ... وأدينا نشمت فيهم شويه من نفسنا ؟

او إحسدوا لنا ساركوزي يا أخواننا ... الولا ده أنا متغاظ منه ومن مواقفه تجاه القضية الفسطينية وعملية السلام والعلاقات الثنائية بين البلدين

ها منتظر حد يطلع الطلعه دي وييجي يقول لي : حصل يا معلم والعملية كانت نضيفة 100 %

[miramikhail]

الحقيقة أنا كنت زى مابتقول لكن المواقف ديما تحصل بطريقة مستفزة وديما بعد مأخرج كنت بالولد ومش حقلك تكرار الحوادث لدرجة ماما الله يرحمها و عماته كانو بيقول ليا ما تتكلميش على الولد ده :lol:

و بعدين هو فعلا كان بيبى حلو لدرجة كل اللى يشوفة كان يقول بنتك حلوة أوى أقول لهم ده ولد مش بنت و كان زمان أيام ماكنت فى الحكومة كنت ساعات أخد ح من الولاد معايا فكان واحد من زميلنا يقولى معقول الكلام ده الواد أحلى من البنت مع أن بنتى أمورة لكن مش زى أخوة يعنى مش... فى عين مامتة ولا حاجة. :cry:

[ssmaly]

مدام بوسى

ده كلام برضه مهندسة اتصالات وعارفة ان النت موصل جيد للحسد ولسه حاطة صورة عمور الامور على التوقيع بتاعك الحقى شوفى الواد سايبه فين لوحده لحسن تقولى انا حسدته

انا لولا ذكر الحسد والجن فى القرأن لكنت لا اعترف بهم مطلقا

انا عندى نظرية فى موضوع الحسد والجن ان اللى يهتم ويركز فيهم لازم يفسر اى حاجة بتحصل انها من الجن او الحسد

اذا كان فيه ناس بتحسد بجد اعتقد ان لازم يكون حسد مباشر يعنى فيس تو فيس يعنى متوصلش لدرجة حسد عبر النت خلال موقع الحسد السريع الفيس بوك

حاجة مهمة قوى اذا تركت اى طفل بدون رقابة مشددة لازم يعمل حركة غير متوقعة لاول مرة نتيجة تطور نموه الذى بسبق توقعنا لذك تجديه بيقف ويشد كسارولا الماء الساخن(ودى اول مرة بيقف فيها) و وبعدين نقول انحسد اصل د/محمد(اللى هو انا)بص لصورة الواد فى التوقيع

وبعدين انا روحت مركز سلطان كتير وحدش حسدنى معنى كدة انى وحش ولا ايه؟

[pocy]

بسم الله ما شاء الله تتحسدوا على كل الردود والتفاعل ده بجد انا مش عارفه اشكركم ازاى بس حيرتونى جدا معاكم يعنى اشيل الصوره ولا احطها اخاف اشيلها حد يقول على انى فعلا خفت من الحسد على ابنى منكم واخاف اسيبها يقلولى اهه انتى اللى سيبتيها استحملى بقي وبعدين احنا عايزين نعمل مجلس عرب ونشوف هنرسي على ايه ههههههههههههههههههههههه

بجد مشكورين جميعا على الردود وعلى مشاركتكم معاى بمواقفكم معاى وان شاء الله تطلع العمليه نظيفه بس اللى يحسد يركز يا استاذ سين سين ولا ميم لام نون هه واو يه ههههههههههههههه

الموقف اللى انا فيه دلوقتى فكرنى بجحا لما كان لااكب حماره هو وابنه والناس مكنتش راضيه ولما ركب ابنه بس برضه الناس اتكلمت ولما ركب هو الناس اتكلمت ولم نزاوا عنه هم الاتنين الناس اتكلمت ولما شال الحمار فى الاخر الناس اتكلمت وطلعنا من الحكايه دى انك صعب جدا ترضي كل الناس باللى انت هتعمله ولا ايه ؟؟؟؟؟؟؟؟؟؟؟

انا مقتنعه جدا ان الحسد موجود ودايما بقول ما يحسد المال الا اصحابه والمفروض اننا نرقي نفسنا شبه يوميا كدا نبعد عيون الحساد وزى ما قال استاذنا الفاضل الله خير الحافظين ولا ايه يا جماعه

وبالنسبه للماضه والله ضحكتينى جدا على الكلام اللى قولتيه بس انا عمر ما كان فكرى كده بس انا كان عندى هاجس

بس يا جماعه انا هحكيلكم بعض المواقف اللى بتحصل لاقرب الناس لى وعلى يدى واحنا فى عزومه وكانت معموله مكرونه باشميل وواحده من الجموع الغفيره قالت انا مبدقش مكرونه باشميل في الكويت حلوه كده زى هنا ادينا سر الطبخه ومن ساعتها ولا مره اتظبتت ودايما فيها حاجه

ومره تانيه لنفس الوحده راجعه من مصر وشها منور ونصاحانه على قوله الكويته المهم صحبتها قالتلها لا انى وشك منولا قوى وراجعه مبسوطه وبيضه داحنا بننزل مصر نتهم ونرجه وشنا اسود وصغير تفتكرووا ايه اللى حصلها تانى يوم اسمرت وكل اللى يشوفها مالك خسه كده هو فيه حاجه طلع خبر وحش من مصر الله يسامح اللى كان السبب و دا طبعا غير ان نفس الوحده كان فى حفله اخر العام فى المدرسه والتكريمات واتكرمت تلات مرات المهم فى المره التالته جت تقوم ظهرها كله كان بيشوكها ومش قادره تقف تخيلوا واحده قالت ايه ما هى ماشيه كل شوي تتمخطر وتروح تاخد هدايا على قلبها والله ربنا بيعين تخيلوا المواقف دى كلها بتحصل لانسانه وحده والله بجد ربنا يعينها ويشيل عيون الحساد منها ولما البنت دى جاتلها الغده الدرقيه ونحفت جدا جدا جدا ووشها ياعينى كان ممصوص على الاخر كل زمايلها فى الاول مالك فيه ايه ولما عرفها انهها الغده الدرقيه قالولها يابختك نحفتى عقبالنا تخلوا حتى الحسد فى المرض كمان يعنى مش سيبنها فى حالها

والله الحسد موجود بس المهم اننا نعمل بالاسباب ونرقي نفسنا كويس