لوحة القادة

طبعا في الهوجة اللي احنا فيها دي بقى اللي يطق في دماغه حاجه بيعملها و اللي عنده عمارة بيعليها طبعا كلكم عارفين ان المحافظ اللي فات لاسكندرية كان موقف البناء فا الناس ما صدقت الثورة قامت و الطماعين نفسهم اتفتحت الشارع الموزاي للبحر على طول شارع ضيق يقوموا الناس معليين العماير مخالفة للقانون و توصل العمارة ل 14 دور و مكملين عادي المهم بابا ليل نهار يتكلم معاهم لانهم طبعا مخالفين و غير دا ما بيحلاش الشغل غير بالليل قدم شكاوي كتير بس طبعا وقت الثورة لا حياة لمن تنادي المهم من كام اسبوع ارض فاضية لازقة في بيتنا اتنبت عمارة في لمح البصر طبعا مباني مخالفة و الانكد من كده انهم ضموا الممر اللي بينا و بينهم يعني ما بقاش في بلكونات في عمارتنا بقت بلكونة مشتركة بين العمارتين فين حق الجار و المتنفس الطبيعي للناس مش مهم يا عم كبر قام بابا بقى اشتغل في تقديم الشكاوي و المحاضر في القسم التابع ليه بيتنا و كمان للجيش من اسبوع بالظبط لقى واحد وقفه في الشارع معروف انه بلطجي المنطقة و هدده بان دا كده قطع لرزقه و ان الناس دي تبعه و هاعمل و هاسوي فا ابعد احسنلك كلنا اترعبنا على بابا بصراحة لانه لسا خارج من حادثة فظيعة و جسمه كله شرايح و مسامير و اتكلمنا معاه يا بابا خلاص انت عملت اللي عليك و قدمت شكاوي في الجهات المسؤولة كتر خيرك على كده المهم ما سمعش كلامنا و راح القسم يبلغ عن البلطجي قوم ايه لقى المنيل على عينه البلطجي عامل محضر في بابا انه بيلم اتاوات من سكان المنطقة قصاد انه يعمل محاضر في اصحاب العمارات المخالفة قال ما بدهاش بقى و طلع على النيابة هو و سكان عمارتنا و قموا شكوى و امبارح قررت النيابة ازالة العمارة بس لا بتوع الحي ما جوش و بيقولوا خايفين من البطجية اللي اصحاب العمارات مأجرينهم قوم بابا بقى قايل و احنا كان المنطقة هانحميهم هابقى اقولكم اي تفاصيل تجد في الموضوع رغم خوفي على بابا الا اني شايفاه اتصرف صح ما ينفعش حد يسكت على الغلط و يقول انا مالي انا مالي دي هي اللي جابتنا ورا ال 30 سنة اللي فاتت ادعو ان ما فيش حاجه وحشة تحصله و انا كمان هادعي و فخورة بيه اوي مع انه ضد الثورة اصلا بس يالا بابا بقى هاعمل ايه :closedeyes:

المصدر الحمد لله ، وخطوة على طريق تصحيح الأوضاع .

الهدف هو إننا نجيب طفل جميل .. نشترى شقة تمليك ونفرشها ونحط فيها الرجل والمرأة .. وبعد سنة يبقى عندنا الولد الجميل مش مهم بقى إذا كان الولد ده جه من جواز رسمى ، أو جواز عرفى أو من الزنا مالكم كيف تحكمون ؟ معلش يا سين سين .. استحمل عمك ابو محمد "الدقة القديمة" .. أصل انا اتعلمت من الأجيال البائدة التى سبقتنى إن المبادئ والقيم لا تتجزأ .. واتعلمت منهم الفرق بين الأخذ بالأسباب والميكيافيللية .. الأخذ بالأسباب يمكن ترجمته على أن "الغاية تبرر الوسيلة" كما قال ميكيافيللى .. ولكن الفرق الجوهرى هو أننا تعلمنا أنه إذا كان الهدف حلالا طيبا فلابد أن تكون الوسيلة لتحقيقه حلالا طيبا .. أما ميكيافيللى فمش فارقة معاه .. ممكن الغاية تكون نبيلة ولكن الوسيلة ممكن تكون خسيسة .. فالغاية النبيلة تبرر الوسيلة الخسيسة نقطة كمان يا سين سين .. قريتها أكثر من مرة فى مداخلاتك .. وهى اتهامك للمجلس العسكرى بالتصعيد .. فى الحقيقة ملاحظة غريبة .. خصوصا إن انت - كمشرف - بتقرا كل المداخلات .. وعارف كويس مين اللى بينادى بالتصعيد ، وبيعمل من أجله .. ومنذ متى .. أين العدل يابو عبد الرحمن ؟

تعريف بسيط عن بعض بلاوى الضال القمنى لمن لا يعرفه: 1- يطالب بإنشاء كعبة أخرى فى سيناء ليحج اليها الناس بدل مكة لان العالم اصبح يزدرينا بسبب الاسلام http://lahona.moheet.com/show_files.aspx?fid=352901 2- اتهام الرسول صلى الله عليه وسلم والصحابة أنهم حاربوا من أجل السيطرة و السيادة و الغنائم المادية - اتهام تاريخنا بانه رهيب وملطخ بدماء الأبرياء (من مقال له بعنوان قيمنا و قيمهم )http://www.middleeasttransparent.com/spip.php?page=article&id_article=4791〈=ar 3-"القرآن لا يعتَد بالحقيقة، وإنما باللحظة الراهنة، فيتقرب إلى اليهود ويجاملهم حين يكون المسلمون بحاجة لهم، ثم يهاجمهم ويُنَكِّل بهم حين يقوى المسلمون"!!.من كتاب (الأسطورة والتراث) 4-"العقيدة الإسلامية مليئة بالأساطير، كيف يمكن تنقيتها من كل هذه الشوائب؟". كتابه (أهل الدين والديمقراطية) 5-(إن محمدا قد وفر لنفسه الأمان المالي بزواجه من الأرملة خديجة بعد أن خدع والدها وغيَّبه عن الوعي بأن أسقاه الخمر)» وصف الإسلام بأنه «مشروع طائفي اخترعه عبدالمطلب الذي أسس الجناح الديني للحزب الهاشمي على وقف النموذج اليهودي الإسرائيلي لتسود به بنو هاشم غيرها من القبائل».(( كتابة الحزب الهاشمى)) 6-سيد القمني شهادة دكتوراة مزورة من مكتب محترف بيع شهادات في الولايات المتحدة http://www.moheet.com/show_files.aspx?fid=286741 بعض من فتاوى و أقوال العلماء فيه: جبه علماء الازهر :القمني مرتد ويجب سحب جائزتهhttp://magmj.com/index.jsp?inc=5&id=1377&pid=198&version=93 مفتى مصر الاسبق فضيلة الدكتور نصر فريد واصل : عن القمنى قال( سخر حياته وجهوده للنيل من الإسلام وإنكار نبوة الرسول صلى الله عليه وسلم" مطالبا بهبّة شعبية لدعم هذه الدعوى.(سحب الجائزة منه-http://www.moheet.com/show_files.aspx?fid=286741

السلام عليكم ورحمة الله.. الإخوة الأفاضل.. تم حذف المداخلات الخارجة عن السياق... الموضوع يناقش كارثة غذائية تتعرض لها الصومال...يموت سكانها جوعاً..إما أن نساهم بما نستطيع أو ندعو الله أن يتولاهم برحمته..ولكن من غير المقبول أن يتحول كل موضوع إلى مشاحنات ...وسخرية وتبادل اتهامات..ودعاء على المقتدرين أن ربنا يزيل النعمة من قدامهم..ثم حشر الدين وصب اللعنات على الغرب الكافر كما وصفه ديننا الحنيف..ثم..ثم.. وننسى القضية الاساسية وهى الدعوة لمد يد المساعدة كل حسب سعته لهذا الشعب المسكين.... رمضان كريم ياجماعة وربنا يجعل ايديكم هى العليا دائما ... شاكرين تفهمكم...

اخواني الاعزاء شكرا علي دعواتكم ونصايحكم انا بعتبر ان المنتدي اهلي واي مشكله لازم احكيهالهم الحمدلله خلصت الموضوع النهارده روحت مع المحامي لسكرتير النيابه وطبعا المحامي عارفه لولا كده ماينفعش اطلع علي القضيه الا عن طريق جواب من النيابه ولو روحت ممكن تنفيذ الاحكام يعكشوني المهم ادينا التحيه لسكرتير النيابه وسقيناه الشاي وطلعلنا الملف الاصلي وادانا صوره طبق الاصل من المحضر مختومه بختم النسر ومكتوب فيها بيانات المتهم والحمدلله فيها رقمه القومي والا كنت هاضطر اعمل قضيه معارضه واخدت كمان صوره الشيك وصوره بطاقه المتهم الاصلي اللي سبحان الله طلع نفس اسمي بالظبط مع اني طول عمري بقول ان اسم والدي غريب شويه وعمري ماهالاقي حد شبه اسمي وبالنسبه للتصريح انا ماكنتش هاعمله بس قولت الوطن بقي والكلام الفارغ ده واني وعدت نفسي هالتزم بالقانون حتي لو غلط والبلد محتاجه فلوس دلوقتي -عملتوا اربع سنين مع بعض- انما الوطن مصر يدينا علي قفانا .............اااااااااااااااااااي براحه ياوطن المشكله اني لازم افضل ماشي بورق القضيه معايا لغايه ماالواد التاني يتمسك واسف علي العنوان المزعج بصراحه الدنيا كانت سوداء في وشي امبارح وكنت خايف يكون حد بيبتزني ومزور امضتي الحمدلله http://www.youtube.com/watch?v=PDwNlyG4cKo

فيلم وثائقي جيد يكشف عن جهود الاخوان قبل واثناء وبعد الثورة وهو ليس للتفاخر لكن للتاريخ الذي يريد البعض تزويرة وادعاء ان الاخوان لم يشاركوا في ثورة الشعب المصري http://www.youtube.com/watch?v=VyeL_EBZ4B0http://www.youtube.com/watch?v=PYm8oCAGbJs

اساطير العلمانين هذه ليست حقيقية الاخوان مشاركين في مظاهرات 25 يناير من اول يوم بل وقبلها http://www.youtube.com/watch?v=Avh_th-Rtds&feature=related أكد الدكتور عصام العريان المتحدث الإعلامي لجماعة الإخوان المسلمين- أن الإخوان لن تشارك في مظاهرة 25 يناير التي دعت إليها حركة 6 إبريل ولاقت استجابة من عدد من القوي السياسية وقال العريان في تصريحات خاصة للدستور الأصلي عدم المشاركة إلي أن الدعوة لتلك المظاهرة دعوة عامة خارجة من الفضاء الإلكتروني وبالتالي فهي مواجهة لكل مواطن في هذا المجتمع وقال أن أفراد الإخوان جزء من الشارع المصري ولهم حق المشاركة من عدمه وفق ما يترأ لهم و لكن في الوقت ذاته لن تشارك الجماعة كقوي سياسية أو هيئة سياسية لأن المشاركة تحتاج إلي تخطيط واتفاق بين كافة القوي السياسية قبل النزول إلي الشارع. http://www.dostor.org/politics/egypt/11/january/19/35341 مش هاتقدروا تغيروا كلامكم ده تاريخ متسجل عليكم وحظكم العاثر ان داكرة الانتر نت مابتنساش اذن الاخوان شاركوا واساطير العلمانيين غير حقيقية فالعلمانيين اجبن من ان يسقط منهم شهيد واتحدى ان كان اي حركة علمانية في مصر سقط منهم شهداء مثل الاخوان الرجل صوت وصورة بلحمه ودمه يقول سنشارك وانت تأتي لي بكلام مكتوب ليس عليه دليل وهذا هو التدليس الاعلامي الذي نقول عليه

كبدايه لا اعتقد ابدا ان الحديث عن مخاوف معينه من المجلس العسكرى يمكن ان تفسر على انها تخوين له و لكن اليس الحذر واجب اتمنى بحق ان تبدد ظنونى و هواجسى تلك و الا تكون صحيحه و لكن لا استطيع ان اخفى قلقى من ان يسحر بريق الكرسى اعضاء المجلس العسكرى فيحاولوا ان يطيلوا بقاؤهم عليه و اسمحوا لو بان اقتبس تلك المداخله من موضوع اخر كمنطلق للحديث عن الموضوع بشكل مفصل سؤال مهم جدا .. وبيقلقنى جدا أخشى أن يكون سيناريو بيتكتب لخروج مليونيات تهتف باسم المجلس العسكرى .. وبعدين يفضل الحكم العسكرى كابس على نفسنا .. أو أقل ما فيها يطلع مرشح عسكرى لرئاسة الجمهورية يعنى هما كعسكريين ما هو الدافع لديهم لفعل ذلك وقد كانت الكعكة بكاملها بيدهم ولو أرادو التمسك بالسلطة ما منعهم اي قوة لانهم قوة كبرى ومن الطبيعى ان اميركا وحلفائها يريدون ذلك ويتمنوة ... اذآ التخوف هنا غير مبرر عزيزى وانا اثق فى قواتى المسلحة واتمنى ان يتفهم من هم يدفعون الدولة الى الهاوية ذلك بالفعل انا ايضا اتسائل مع استاذى الفاضل ابو محمد عن امكانيه نفس السيناريو و الذى للاسف اراها يوما بعد يوم تزداد امامى بمؤشرات و دلائل مقلقه و بالنسبه لرد استاذ محمود مصطفى انه ما الدافه لديهم اذا كانت التورته بكاملها الان فى يديهم فانا اعتقد ان الدافع انهم يريدونها ان تاتى من الشعب ذاته حتى لا يصدموا بمقاومه بالطبع فكره استمرار المجلس العسكرى بكامله فى الحكم غير منطقيه لكن يمكن ان يطمع عضو اكثر فيه فى الحكم يجب ان يظل سيناريو ما حدث فى 23 يوليو ماثلا امامنا حتى لا تتكرر نفس الاخطاء و لو اننى ارى الامور تسير بنفس الخطوات بطريقه غريبه ففى البدايه اعلن الجيش الذى قام بالحركه ان هدفه هو التخلص من فاروق فقط و على اثرها نقل الحكم لابنه و شكل مجلس وصايه عليه بالطبع كان هذا فى البدايه قبل ان يجرب اعضاء مجلس قياده الثوره معنى الحكم و احساسى القوه ثم بعد ذلك الغيت الملكيه تماما و اعلن عن تولى محمد نجيب الحكم فى البلاد و بعد ذلك حدث صراع داخل مجلس قياده الثوره ذاتها و انقلبوا على بعض و انطلقت حمله تصفيه حسابات بينهم و بين بعضهم حتى تم ازاحه محمد نجيب عن المشهد و تصدر عبدالناصر له محمولا على اعناق الناس اتمنى الا يتكرر هذا و ان كنت ارى بشائره و ان صدق حدسى فسيلعب المشير طنطاوى نفس دور محمد نجيب المشير طنطاوى هو الوحيد الذى يبدوا انه يزهد فى الكرسى مع اضافه كبر سنه للامر لكن باقى اعضاء المجلس لا نعرف توجهاتهم و لا تطلعاتهم و هم و ان كانوا ايضا من ذوى الاعمار الكبيره الا انهم اصغر من طنطاوى و لا يمكن ابدا التكهن بما يضمرون انا لا اخون و لكن اعلم تماما ايضا ان الكرسى له بريق اخاذ عندما اعلن عن تكوين المجلس العسكرى اكاد اجزم ان اغلبيه الشعب المصرى لم يكن يعرف اى عضو فيه الا المشير طنطاوى فقط اما باقى الاعضاء فكانت هذه اول مره يتعرف عليهم حتى سامى عنان رغم حساسيه منصبه فكانت هذه اول مره يسمع الناس اسمه اساسا و يعلمون منصبه الحساس كل اعضاء المجلس مجهولون تماما بالنسبه للشعب فمن اين الثقه فى الجزم بانهم ليست لديهم اى نوايا سياسيه اما كونهمك قادمون من المؤسسه العسكريه فمع الاحترام الكامل للجيش المصرى فانه عندما يقدر للشخص ان يقوم بدورين عسكرى و سياسى فى ذات الوقت فيجب الا نحكم على توجهه فى احدهما بناء على سلوكه فى الاخر ما دام المجلس العسكرى يقوم بدور رئيس الجمهوريه الان اذن كل الاحكام التى ستصدر عليه ستكون وفقا لدوره السياسى الذى يقوم به و ليس وفقا للمؤسسه العسكريه التى قدم منها و بالتالى انا متفقه تماما مع الفصل بين المجلس العسكرى و بين الجيش المصرى و الا انه من الظلم الخلط بينهم او اعتبارهم شيىء واحد لانهم ليسوا كذلك ايضا يجب الا ننسى انهم فى النهايه بشر سواء كانوا عسكرين او مدنيين ففى النهايه لهم طبيعه بشريه و لا احد معصوم من الخطا او الافتنان اتمنى ممن عاصروا فتره حركه 52 يوليو ان يذكرونا بالتحول الذى حدث فى شخصيات و تصرفات اعضاء مجلس اداره الثوره و عن ان الامر لم يحدث فجاه و لكن خطوه خطوه و ان كل ما كان الشعب يهتف لهم اكثر و اكثر كلما كانت تصرفاتهم تجنح بهم نحو الانقلاب على الديموقراطيه اكثر و اكثر و ان يحكوا لنا كيف حدثت تصفيات داخليه داخلهم و استبعدت ناس قامت باخطر الادوار فى الحركه لانهم رفضوا الاستجابه لضغوطات فى حين دفع باناس اخرى للواجهه رغم ان دورهم كان هامشى فقط لانهم عاموا مع الرائجه كما يقولون ان يحكوا لنا كيف تطورت اهداف الحركه من مجرد التخلص من فساد فاروق حتى تراس عبدالناصر راس الدوله ان يحكوا لنا عن مهازل سرقه القصور الملكيه و الضغط على الاميرات للتزوج منهم ان يحكوا لنا كيف استطاعوا ان يبرروا للشعب انفلابهم على ما وعدوا به اولا و عدم تنفيذهم له و الشعب فى خضم كل هذا كان يهتف لهم كيف ابرموا الاتفاقيات مع التيار الدينى بل ان بعضهم كما تقول المصادر التاريخيه كان فعلا من اعضاء الاخوان المسلمين ثم بعد ان استتبت لهم الامور كانوا اول من انقلبوا عليهم و نكلوا بهم اشد تنكيل ما هو الضمان الا يتكرر نفس ما حدث ما هو الضامن الا تتغير النفسيات مره اخرى و كلنا بشر و ارجو الا يقول احد وعى الشعب الصرى لان هذه الامور لا تحدث بشكل مفاجىء بل هى تكون علاقه تبادليه بين تحويل دفه الشعب الى الثقه الا نهائيه فى المجلس و بين الاقدام على خطوه اخرى فى الطريق لا اعلم بالضبط ما الذى يفتن من هل الشخص عندما يرى الدعم الغير محدود له من الجموع يفتن به فيبدا فى اتخاذ الخطوات نحو سيطرته على الحكم ام انه هو من البدايه الذى يضع عينه على الكرسى فيدفع بالامور حتى تخرج الناس تطالبه بان يمسك زمام امرها الامر لا يحدث فى يوم و ليله و لا يحدث الا بعد ان تنام خلايا المقاومه اولا فى النفوس و قد راينا من يومين فقط كيف ان اغلبيه الشعب المصرى اتقلبت فجاه الى مؤيدين بلا حساب للمجلس العسكرى و كانها تقول له اذهب فانت مغفور لك هناتك و اصبحت هى نفسها من تعض فى اى صوت يشز عن تلك النغمه او يحاول ان يثير و لو تساؤلات مشروعه نحن الى الان لم يتغير من وضعنا شيىء نحن من 23 يوليو1952 و حتى الان محكومون من العسكر تختلف الوجوه و لكن حتى الان لا يختلف الفكر فهل تبدى الايام القادمه ما يبدد او يعزز تلك المخاوف ؟

الدول العربية الهاهم التكاثر حتي زيارتهم للمقابر وسياتي هولاكوا(دائما هناك هولاكو لكل زمان ) يأخذ ما جمعوه وما اكتزوه من دماء شعوبهم كما اخذها من الخليفة العباسي عن طيب خاطر منه ايها الراقدون علي ابار البترول ايها الراقدون تحت التراب اعملوا مرة واحدة لاخرتكم قد تشفع لكم يوم لا ينفع مال ولا بنين الا من أتى الله بقلب سليم اخرجوا جزء ضئيل مما نهبتموه وما تكنزوه فلو لم تفعلوا سيكوي الله جلودكم بما كنزتموه يا حسرة علي العباد وعلي المسلمين الغرب الكافر يعقد المؤتمرات ويضع التوصيات ويسارع لنجدة شعبنا المسلم في الصومال وهم يبعدون خطوات قليلة عن المسلمين الراقدون علي ابار البترول الم تتحرك مشاعركم ام تجمدت وتركزت في جمع الاموال والتكاثر حسبي الله ونعم الوكيل

طيب حضرتك فى وسط كل ما انكرت عليهم لم تجد انهم و لو لمره واحده كانوا يفعلون هذا لمطلب مشروع او حاجه ملحه لم ترى و لو لمره واحده مطلب شعبى تحقق نتيجه للضغط الى مارسوه من اجل تنفيذه و السؤال الاهم هل هم الوحيدين المسئولين عن تلف الاموال و توقف الانتاج و اساله الدماء

للاسف اول من بدء التخوين هي حركة 6 ابريل فهي من خونت المجلس والاسلاميين ومتحدثهم هنا في المنتدي يعمل على تخوين وشيطنة الاخوان والسلفيين بالصاق كل نقيصة فيهم لكن كما تدين تدان وانا ضد التخوين وان نعاملهم بالمثل لأن التيار الاسلامي يجب ان لايرد بالمثل والا اصبحنا مثلهم ويجب ان نتذكر ان كره النار القيت اليوم على 6 ابريل غداً تلقى على الاخوان وبعدها على الليبرالين وفي النهاية نجد اننا امام عبد الناصر جديد يريد السلطة لنفسة فقط لذلك يجب ان نفوت هذه الفرصة ولانسمح بالتخوين الا بادلة قاطعه لا تقبل الشك

هو يا جماعة لما بنتكلم عن موضوع معين ومتخصص شويتين .... ونهاتي وننبح صوتنا ... ليه الناس ما بتسمعش الكلام وبتبقى حنبلية أكثر من اللازم ... عاوز أعرف .. ليه بجد ؟ إيش حال يا أوزوز إني قولت وحلفت لكم بأيمانات المسلمين إن تصريح العمل تم إلغاءه رسمياً من سنة 2004 ... وبقى لي 7 سنوات بأسافر مصر أكتر من 3 أو 4 مرات سنوياً ولم أجدده وماحدش سألني عليه غير مره واحده من 3 سنوات وشكل الراجل كان لسه نايم نوم أهل الكهف وما يعرفش ... وقولت للراجل حاضر من عيوني المره الجايه هاجدده طب مكاتب العمل لسه فاتحه ليه ؟ سبوبة طبعاً .. وعشان موظفين الحكومة لازم يستخرجو تصريح العمل عشان موافقة الجهة التي يعمل بها ... وحتى دي كمان مش مهم لو الواحد مظبط أموره في الشغل بتاعه لي أحد الأصدقاء جه السعودية من سنة بالظبط ... وكفيله طلع زبالة ونزل خروج وعوده وهاييجي مره ثانية بفيزا جديدة .. وقايل له وهو هناك أول مره إوعى تروح تطلع تصريح عمل ... ومع ذلك راح دفع وطلعه .... وجه هنا ومفطمه ومفهمه ويا حبيبي تصريح العمل إتلغى ... يهديك .. يرضيك ... فوجئت من أسبوع بيقول لي .. أنا خلاص قربت أخلص وفاضل بس أروح أطلع تصريح العمل !!!!!!!!!!!!!!! على العموم معليش يا أوزوز ما تقلقش وبسيطة بإذن الله وتشابه الأسماء للاٍسف مازال بيحصل .. بالرغم من وجود قاعدة بيانات الرقم القومي .. سلملي عالرقم القومي .. اللي مستحيل إتنين فيكي يا جمهورية مصر العالمية يتشابهوا في الإسم الرباعي والرقم القومي وإسم الأم والعنوان كله مع بعضه مره واحده ... إلا لو كانوا أخوات زي فيلم كده رضا

أنا أول مرة أسمع عن الكاتب ده فدورت عليه في جوجل. اللي لقيته كالاتى: مليون مصدر للخبر ده وبعدهم عشرتلاف صفحة او منتدي اسلامي بيهاجمه أو فرحان بالخبر. وللاسف لقيت صفحة اسمها "الاقزام في ميزان الاسلام" عبارة عن لستة الكتاب سواء ارائهم حساسة أو معادية للاسلام وكل واحد مكتوب عنه "وصف" مختصر. طبعا بزعل لما اشوف "attitude" كده من مسلمين حتى لو عندي نفس الرأي في الكتاب دول. المهم, طبعا معرفتش اوصل لمكان افهم منه بالعقل الكتاب ده بيتكلم على إيه بالظبط بدون شتيمة في النص. قررت اروح ويكيبيديا: "سيد القمني كاتب من مصر حاصل على الدكتوراه في تاريخ علم الاجتماع الديني" "معظم أعماله الأكاديمية تناولت منطقة شائكة في التاريخ الاسلامي . البعض يعتبره باحثاً في التاريخ الإسلامي من وجهة نظر ماركسية" عادي "والبعض الآخر يعتبره صاحب أفكار اتسمت بالجرأة في تصديه للفكر الذي تؤمن به جماعات الاسلام السياسي" عادي بردو !! هو حد هيختلف إن في فكر عبارة عن "اسلام سياسي" فعلا ؟؟ مش أي فكر موجود طبيعي توجه ليه انتقادات ؟؟ " وصفه الكثيرين بانه مرتد أو بوق من أبواق الولايات المتحدة لتشابه وجهة نظره مع نظرة الإدارة الأمريكية في ضرورة تغيير المناهج الدينية الإسلامية وخاصة في السعودية علماً أن القمني وعلى لسانه كان ينادي بهذا التغيير لعقود سبقت الدعوة الأمريكية الحديثة التي نشأت عقب أحداث 11 سبتمبر 2001 ." احنا في المنتدي هنا في اللي بينتقد مناهج دينية اسلامية و ساعات من اللي في السعودية بردو. ومش بنسميها كفر. و عموما مفيش امم بتقدم بدون نقاش وانتقادات لنفسها قبل غيرها. " حاول في كتبه مثل الحزب الهاشمي والدولة المحمدية وحروب دولة الرسول أن يظهر دور العامل السياسي في اتخاذ القرار الديني في التاريخ الاسلامي المبكر" فين المشكلة ؟ اتكلم عن إزاي الأنبياء أو أي حد "استخدم عقله" في الوقت ده. مفروض إن دي حاجة حلوة نتعلم منها. " بينما يظهر في كتابه النبي إبراهيم تحليلات علمانية لقصص الأنبياء الأولين. أشهر مؤلفاته «رب هذا الزمان» (1997)، الذي صادره مجمع بحوث الازهر حينها وأخضع كاتبه لاستجواب في نيابة أمن الدولة العليا، حول معاني «الارتداد» المتضمَّنة فيه." أنا حاسة إن نقطة "تحليلات علمانية" دي هي اللي مضايقة بعض الناس. أنا ممكن انتقد و حتى اهاجم العلمانية كفكر واسلوب حياة وكل حاجة ليها علاقة بيها. متقال صراحة إن ده تفسير علماني. محدش ضحك على حد. لو فرضنا ان جريمة يحاسب عليها إن تفسيره علماني فهل ده اكبر من ان كونه اصلا علماني ؟؟ "انتقده الكثيرون لاستناده على مصادر معترف بها من الازهر فقط" دي النقطة الوحيدة اللي حسيتها سبب وجيه في القرار ده. بالعكس أنا هستغرب إزاي أصلا اخد جائزة. المفروض انو اخدها كمكافأة ككاتب! ككاتب مطلوب منه يفسر أو يناقش كل المصادر وكل الاراء الموجوده على الساحة (حتى المخالفة ليه ) و بردو في الاخر "يثبت" ان رأيه قوي. مش عشان نقى اللي عاجبه وتجاهل الباقي. من التعليقات اللي على الخبر : "لقد كان الرازى وابن المقفع وغيرهم من كبار الملاحدة ومع ذلك فقد ملأو الدنيا بعلومهم وادابهم ولم يحاكمهم احد او يهدر دمهم شيخ مسلم رغم انهم كانو فى عصر السلفان العقول والاراء حرة على ان يكون هناك حوارا بالعقل والحجة والبرهان وليس بالترهيب والمحاكمات .ان ما ساعد على انتشار الاسلام انه تقبل الاخر وحاوره بالعقل فا قتنع من اقتنع وولى من ولى ." هو الراي المسلم اللي مختلف معاه ده معندوش القدرة انو ياخد نفس كلام الكاتب ده ويكتب كتاب يشرحلنا ليه هو غلط ؟؟؟ غريبة إزاي نقعد نهاجم الطرف الآخر إن معندوش اسلوب حوار محترم نتجادل بيه. شخص راح جايب كل اسبابه وارائه ومنظمها في كتاب! أنا هحترمه وهروح عامله كتاب اشرح بردو بنفس مستوى الرقي ليه تفسيرة وتفكيره مش صح. ولو مجبتلوش فايده جبت لمليون واحد غيره هيقرا الكتابين ويحكم بعقله. "يرى سيد القمني ان هناك بعدان للقرآن، البعد الأول حقائق، تتعامل مع أحداث تأريخية حدثت في التاريخ الإسلامي مثل غزوة بدر ومعركة أحد وصراع اليهود مع المسلمين في يثرب وغيرها من الأحداث وهناك بالإضافة إلى هذا الجانب التأريخي جانب روحي وميثولوجي إسطوري لم يحدث بصورة عملية فيزيائية وإنما يمكن اعتباره رموز وليس حقائق تأريخية ويورد القمني كمثال على هذا البعد نزول الملائكة للقتال إلى جانب المسلمين في معركة بدر ضد قريش وحادثة الإسراء والمعراج التي لابد ان تكون رموزا حسب اقتناع القمني وعليه فإن المسلم وحسب رأي القمني يجب أن يميز بين ماهو حقيقة تأريخية وبين ماهو مجرد رمز لكونها تتحدى قوانين المنطق والفيزياء " صدف في وقت من الاوقات انتهى بي الامر إني درست مادة بتتكلم عن نفس الموضوع ده. تفسير القران مابين احداث حصلت في الحقيقة أو احداث رمزية لتوصيل نقطة معينة. ولحد دلوقتي بحمد ربنا إني دخلت المادة دي بالصدفة البحته وهي بعيده خالص عن تخصصي. النقاش والجدل والاقتراحات والغموض والتحديات في تفسير ايات واكتشاف معاني وأبعاد وارتباطات لجمل وايات كانت بتعدي عليا بدون ماافكر فيها مرتين. أنا المادة دي ربطتني بالاسلام أكتر كتير رغم إنها كانت لدراسة القران كمحتوي ديني بحيادية شديده جدا. الطلبة والبروفيسر غير مسلمين. مادة كانت مسخرة لتأمل "ذكاء المحتوى" بس وملهاش دعوة بنقطة مصدرة الهي أو لأ. قبل كده ايماني و حبي للاسلام كان معظمة على أساس روحاني بس. المادة دي علمتني احبه بعقلي. أنا أفتكر كانو بيقولولنا إن ايام بداية الاسلام كان في ناس بـيتصنتوا على مسلمين وهما بيقروا القران عشان انهم يألفوا اللي أحسن منو و مقتنعين انها مجرد عبقرية شاعر. و لما يسمعوه ميصدقوش ابدا إن ممكن بني ادم على الأرض يألف حاجة زي دي !! مهاجمة أي حد يفكر انو يقرا القران أو يفسره بطرق مختلفة عامله زي مايكون بنمنع الجاي يتصنت. سيبوهم يقروا ويفسروا و يناقشوا ويجادلوا ويشيلوا ويحطوا ويروحوا ويجوا....يمكن يكتشفوا !!! على فكرة الاسلام بيقولنا نستخدم عقلنا. ولما نناقش أفكار ومعتقدات مش معناه خالص اننا بنشكك في صحة الاسلام. بالعكس أنا شخصيا اعتقد اللي معندوش استعداد يعمل كده مش هيفهم ومش هياخد باله من اعماق كتيره في الاسلام. من الاخر هيفوته نص عمره ! حابه اقول في الاخر إني كونت رأيي ده من اللي قريته عن الكاتب والكتاب لكني مقرتش الكتاب نفسه. وعموما وارد اني اطلع فهمت اللي قريته غلط.

الفاضلة "لماضة مصرية جدا" وعليكم السلام ورحمة الله وبركاته أشكرك على المداخلتين السابقتين وعلى تفاعلك مع مداخلاتى التى كنت لا أنوى المشاركة بها اصلا فى الموضوع .. ولكن .. الله يسامحك يا pink rose .. إنتى اللى خليتينى أرجع اكتب فى الموضوع شوفى يا سيدتى أعتقد أن الفرق واضح بين التدريب المنظم الشفاف (اللى فوق الترابيزة) واللى بيقع فى إطار اتفاقات الدول مع بعضها ، وبين التدريب الذى يتم سرا ، ويسبب انتظار "أمن الدولة" للمتدربين العائدين فى المطار للقبض عليهم ، ويستدعى أن تضغط السفارة الأمريكية على الخارجية المصرية لإطلاق سراحهم يا سيدتى .. لا غبار على تلقى تدريبات تنمية المهارات الفكرية من الغرب أو الشرق أو من أى أمة فى العالم .. ما تتحدثين عنه من التدريب على التفكير وأنماطه ، والتعريف بالديموقراطية وآلياتها والتدريب على ممارستها وكذلك ما تتحدثين عنه من مخاطبة الاحتياجات وتقديم الخدمات لرفع المستوى (الثقافى ، العلمى ، الاجتماعى أو الاقتصادى) .. كل ما تتحدثين عنه لا غبار عليه طالما كان فى إطاره الصحيح الشفاف المنظم .. هى تنمية بشرية مثلها مثل التنمية الاقتصادية .. وواجب على الدول المتقدمة الغنية أن تقوم بتلك التنمية وأن تقدم الدعم إلى الدول الفقيرة المتخلفة ، (أو خلينا نسميها النامية لأغراض التجميل) .. وهذا بالمناسبة ليس شفقة أو إحسانا .. بل هو فى إطار مفهوم المصلحة .. نعم من مصلحة تلك الدول المتقدمة أن تساعد الدول الأخرى دفاعا عن نفسها (أقصد الدول المتقدمة) ومن الأوفق والأفضل أن تكون تلك المساعدات فى شكل مغلف بالإنسانية والقيم النبيلة .. فليس من مصلحة الدول المتقدمة أن يزداد الفقر والتخلف حتى لا تتلقى ضربات اليائس الذى لا يملك ما يخسره كل ذلك جميل ومقبول ومطلوب ولكن أن يكون التدريب على تفتيت وهدم الدول تحت غطاء المساعدة على اكتساب الحرية والديموقراطية والكرامة .. فهذا لا يمكن أن يكون جميلا ولا مقبولا ولا مطلوبا من البديهى عندما يكون هناك نمط معين (Pattern) لعدة حوادث ، ترجيح أن يكون الفاعل واحدا .. انظرى حولك .. منذ تفتيت اتحاد الجمهوريات السوفييتية ثم تفتيت اتحاد الجمهوريات اليوغوسلافية إلى تفتيت تشيكوسلوفاكيا ، مرورا بتفتيت العراق والسودان وصولا إلى أهداف أخرى (تحت التشغيل) من ضمنها مصر .. نجد أننا أمام نمط واحد تقريبا فابحثى عن الفاعل الواحد ثم ابحثى عن الدافع .. وتذكرى أن الحداية ما بترميش كتاكيت ثم للمرة الثالثة .. أتساءل وأطلب اقتباس (تصريح بتخوين 6 أبريل أو غيرهم) .. عندما يدعى المجلس أو أدعى أنا أنهم ينفذون أجندة أجنبية أو أنهم جزء من أجندة أجنبية ، فلا يعنى هذا اتهامهم بالخيانة .. ولا يعنى فى نفس الوقت إعفاءهم من المسؤولية .. لا يمكن أن يدعى فصيل أنه سيدنا الخضر عليه السلام الذى يخرق السفينة ، ويقتل الصبى ، ويهدم الجدار لحكمة نبيلة فى نهاية المطاف غائبة عن الإدراك .. فلقد انتهى عصر الأنبياء

بصى يا بينك خلينا الاول نتفق ان الامور ليست بالضروره دائما كما تبدوا عليها دائما هناك قصه قريتها بضعها امام مخيلتى دائما و ممكن تنطبق جدا على اسقاطات كتيره خصوصا فى الحياه السياسيه القصه كانت عن دكتور بيحكى من واقع خبرته لما ارسل فى اول سنه فى حياته المهنيه للصعيد فى سنه التكليف بتاعته راح لقى العياده الى المفروض رايح عليها تمرجى من اخبث خلق الله كما يصفه كان فى مجموعه كلاب شرسه و مزعجه كل يوم تيجى تنبح جانب العياده بس كل فيهم كلب اعرج هو الى كان بيتجرا انه يقرب اكتر و يدخل حوش العياده التمرجى دا كان بيكره الكلاب دى جدا لكن الكلب الاعرج دا كان بيكن ليه اشد كره فيهم لكن الدكتور استغرب لما لقى التمرجى فجاه غير طريقه معاملته للكلب دا ( بس ) و بعد ما كل يوم كان بيضربه و يبعده عن حوش العياده بقى كل يوم يقدم له احسن اكل ممكن يتقدم لكلب لكن ليه هو بس من غير باقى الكلاب التانيه الدكتور على حسن نيته اعتقد ان التمرجى قلبه حن على الكلب و بقى يشفق عليه لكن استغرب جدا لما سمع تبرير التمرجى لما قاله لا انا كره عندى كل يوم بيزيد مش بيقل لكن انا عملت كدا علشان باقى الكلاب التانيه هى الى تعضه و تموته لما تشوفه ان هو الوحيد الى بيلاقى المعامله الممتازه دى منى غيره منها و دا الى حصل بقت الكلاب التانيه هى الى تجرى وراه و تعضه و حرمته يقرب اساسا على المنطقه دى انا بقول الحكايه كما وردت و بلاش حد يقولى انت بتشبهى مين بالكلاب و الحاجات دى انا بتكلم على المبدا الى التمرجى دا طبقه بفطره و هى ان احيانا لما تكون عايز تقضى على خصم من بين خصوم حابيه فى المعامله اكتر و اكتر لان دا كفيل انه يعمل 3 حاجات اولا يشق الصف بينه و بين باقى خصومك فميعدوش ايد واحده لان الغيره هتستبد بيهم ثانيا هيخليهم هما الى يحربوه و يريحوك انت من المهمه دى ثالثا هتلهيهم بيه عنك فمش هيتبقى ليهم وقت كبير يخصصوه لمحاربتك اظن المعنى كدا وصل و اعتذر عن مفردات القصه فهى قصه حقيقيه نقلتها كما هى للمغزى الى تعنيه و ليس اسقاطا لشخوصها على اشخاص فى الواقع

مهو علشان مش جاي ع كيفك قولت عليه تافه و مضيع للوقت و بعدين أتكلم عن نفسك أنته متقولش ( وقتنا و نتفرّج ع تفاهات ) ! يا سيدي تفاهات كأنك مشفتهاش اصلاً ما أنته واجع راسنا ب 6 إبريل بتاعتك دي .. مجتش قولت ليك دي تفاهات و تضييع للوقت .. إلا كل موضوع أدخله ألاقيك حاشر 6 إبريل في النص .. هل ليا أني اعترض .. لأ طبعاً دي حرية شخصية وتعبيرك عن رأيك هوه دا الديمقراطية انما اقول ع رأيك او موضوعك انه تافه .. غلط مهو لازم أسمع رأي غيري علشان أتعلم ، انما اللي عاجبني اقول مية مية واللي ضدي أقول عليه حقير و تافه .. الصغير مش هيعلم الكبير يا ريس ، خلي الأسلوب يكون افضل من كدة .. عندك كلمه كويسة أتفضل مفيش اسكت أو قول الكلام مش عاجبني علشان كذا وكذا .. مش تدخل شمال و تقول حقارة و تفاهه .. مع ذلك لك الإحترام ،،

Ozo بس الأسامي دي كانت موجودة زمان عادي .. لا ياريس OzoOzo ده اسم مركب علي بعضه انما الحج اسمه OyoOyo -------- انا بفكر اغير اسمي واخليه محمد جرجس احمد كوهين :closedeyes: عشان اتاكد ان التشابه ده مش هايحصل تاني

وقد تزوَّج "الخطاب" عددًا من النساء، وأنجب كثيرًا من الأبناء. وحظي عمر (رضي الله عنه) - في طفولته - بما لم يَحْظَ به كثير من أقرانه من أبناء قريش، فقد تعلَّم القراءة والكتابة، ولم يكن يجيدها في قريش كلها غير سبعة عشر رجلاً. ولما شبَّ عُمر (رضي الله عنه) كان يرعى في إبل أبيه، وكان يأخذ نفسه بشيء من الرياضة، وقد آتاه الله بسطة من الجسم، فأجاد المصارعة، وركوب الخيل، كما أتقن الفروسية والرمي. وكان عمر (رضي الله عنه) - كغيره من شباب "مكة" قبل الإسلام - محبًّا للهو والشراب، وقد ورث عن أبيه ميلاً إلى كثرة الزوجات، فتزوَّج في حياته تسع نساء، وَلَدْن له اثني عشر ولدًا (ثمانية بنين وأربع بنات)، ولم يكن كثير المال، إلا أنه عرف بشدة اعتداده بنفسه حتى إنه ليتعصب لرأيه ولا يقبل فيه جدلاً. وعندما جاء الإسلام وبدأت دعوة التوحيد تنتشر، أخذ المتعصِّبون من أهل مكة يتعرضون للمسلمين ليردوهم عن دينهم، وكان "عمر" من أشدِّ هؤلاء حربًا على الإسلام والمسلمين، ومن أشدهم عداء للنبي (صلى الله عليه وسلم) وأصحابه. إسلام عُمر وظلَّ "عمر" على حربه للمسلمين وعدائه للنبي (صلى الله عليه وسلم) حتى كانت الهجرة الأولى إلى الحبشة، وبدأ "عمر" يشعر بشيء من الحزن والأسى لفراق بني قومه وطنهم بعدما تحمَّلوا من التعذيب والتنكيل، واستقرَّ عزمه على الخلاص من "محمد"؛ لتعود إلى قريش وحدتها التي مزَّقها هذا الدين الجديد! فتوشَّح سيفه، وانطلق إلى حيث يجتمع محمد وأصحابه في دار الأرقم، وبينما هو في طريقه لقي رجلاً من "بني زهرة" فقال: أين تعمد يا عمر؟ قال: أريد أن أقتل محمدًا، فقال: أفلا ترجع إلى أهل بيتك فتقيم أمرهم! وأخبره بإسلام أخته "فاطمة

يا معلم عزوز ليلتك فُل بزيادة ... خارج من السجن زايد النص وزيادة ... شربنا شربات بعد ما كنا هانشربها سادة وإيييييييييييييه .. إيييييييييه إدخل لحن يا زهيري حته من مقام الصبا الفرايحي إقفش المطلع وكمل إنت ألقف يا معلم http://www.youtube.com/watch?v=u-kCPH-U7Hg&feature=related

في البداية يا جماعة الله يرضي عليكم بلاش حد يبص ويقعد يحلل في شخص الموضوع شوية ليبرالي علي شوية شيطان خلينا في المضمون كتب علاء الاسواني أؤكد أننى مثل المصريين جميعا أعتز بالقوات المسلحة المصرية، لكننى أجد من واجبى أن أوجه النقد إلى سياسات المجلس العسكرى الذى يقوم الآن بمهام رئيس الجمهورية... منذ أيام توجه آلاف الشبان إلى وزارة الدفاع ليرفعوا إلى المجلس العسكرى مطالب الثورة التى لم تتحقق.. كانوا يريدون التعبير عن آرائهم بطريقة سلمية متحضرة فماذا حدث؟!.. أحاطت بهم الشرطة العسكرية وحاصرتهم ثم هجم عليهم مئات البلطجية واعتدوا عليهم بالزجاجات الحارقة والسيوف والقنابل المسيلة للدموع وأوقعوا مئات المصابين.. هذا الاعتداء المروع على متظاهرين سلميين حدث أمام أفراد الشرطة العسكرية الذين لم يحركوا ساكنا لحماية الضحايا مما يدل على وجود تعليمات بعدم التدخل. هذا التصرف غير مقبول من أفراد الشرطة العسكرية فلا يمكن لهم أن يتخلوا عن واجبهم فى حماية المواطنين ويتفرجوا عليهم بينما يتم ذبحهم بالسيوف من قبل مجموعات من البلطجية المأجورين من النظام السابق، إن الرسالة التى أراد المتظاهرون إيصالها إلى المجلس العسكرى تحمل مطالب الثورة المصرية التى لم يحقق المجلس العسكرى مطلبا واحدا منها بعد انقضاء ستة شهور على تنحى مبارك وهى تتلخص فى التالى: أولاً: معظم القضاة المصريين شرفاء يحكمون ضمائرهم فى عملهم، لكن النظام القضائى فى مصر غير مستقل حيث إن إدارة التفتيش القضائى التى تملك محاسبة القضاة تتبع وزير العدل الذى يعينه رئيس الدولة، وقد طالب القضاة مرارا بنقل تبعية التفتيش القضائى من وزارة العدل إلى المجلس الأعلى للقضاء لكن المجلس العسكرى لم يستجب. كما أن هناك قضاة يتم انتدابهم كمستشارين فى هيئات الدولة المختلفة مقابل مكافآت مجزية، بينما هم فى الوقت نفسه ينظرون فى قضايا قد تتعلق بالجهات التى يعملون فيها كمستشارين. آخر المفاجآت فى هذا الصدد وثيقة مهمة نشرتها حركة 6 أبريل (لعل ذلك قد ضاعف من غضب المجلس العسكرى عليها)، الوثيقة تؤكد أن السيد المستشار مصطفى سليمان أبواليسر الذى تولى التحقيق مع حسنى مبارك يعمل مستشارا لشركة مصر للطيران التابعة لوزارة الطيران المدنى، ولنا أن نتخيل مدى الحرج الذى قد يستشعره المستشار المذكور إذا عهد إليه بالتحقيق فى بلاغات إهدار المال العام المقدمة ضد الفريق أحمد شفيق. عندئذ سيكون المستشار يحقق مع الوزير الذى كان يصرف له مكافآته الشهرية.. إن إلغاء انتداب القضاة للعمل فى هيئات الدولة شرط أساسى لتحقيق استقلال القضاء، لكن المجلس العسكرى لا يستجيب له. هناك قضاة أشرفوا على انتخابات مزورة كما أثبتت أحكام محكمة النقض وقد طالب شيوخ القضاة المجلس العسكرى مرارا باستبعاد هؤلاء القضاة لكن المجلس لا يستجيب. إن العمل على تحقيق استقلال القضاء وتطهيره مطلب أساسى للثورة لا بد من تحقيقه حتى يطمئن الرأى العام لعدالة المحاكمات. ثانيا: مع احترامنا لشخص ومقام السيد النائب العام المستشار عبد المجيد محمود، فإنه بعد أن تم تعيينه فى منصبه بواسطة حسنى مبارك اضطر إلى مواءمات سياسية فى قضايا كثيرة، ولعل النموذج الصارخ على ذلك أن النيابة العامة فى عهده لم تقم بدورها فى التفتيش على أماكن احتجاز المواطنين. لقد كان آلاف المصريين يعذبون ببشاعة فى مقار أمن الدولة وأقسام الشرطة بينما السيد النائب العام لا يأمر وكلاء النيابة بالتفتيش على الضباط.. بل إن الفريق أحمد شفيق بعد إقالته من رئاسة الحكومة تم تقديم 24 بلاغاً ضده بتهمة إهدار المال العام وبعد مرور ثلاثة أشهر كاملة فإن النائب العام لم يأمر بالتحقيق معه حتى هذه اللحظة.. المطلوب الآن تعيين نائب عام جديد يعبر عن روح الثورة وقد طرحت أسماء مثل المستشار زكريا عبدالعزيز والمستشار هشام البسطويسى وهما من القضاة العظام الذين تفخر بهم مصر كلها.. إن إقالة النائب العام مطلب أساسى للثورة. ثالثا: مازال المجلس العسكرى مصرا على إحالة المدنيين إلى محاكم عسكرية.. كيف يحال عشرات الألوف من المصريين المتظاهرين إلى محاكم عسكرية بينما ينعم قتلة المتظاهرين ورموز الفساد بكل ضمانات القضاء المدنى الطبيعى؟.. عندما طالبنا المجلس العسكرى بحل المجالس المحلية وحل الحزب الوطنى رفض المجلس العسكرى بشدة وأعلن على لسان أعضائه أنه لن يتخذ أى إجراء استثنائى، وانتظرنا طويلا حتى تم حل الحزب الوطنى والمجالس المحلية بحكم المحكمة؟.. نحن سعداء باحترامكم للقانون يا أعضاء المجلس العسكرى، لكننا ننبه سيادتكم إلى أمرين: أولا إن إحالة المدنيين إلى محاكمات عسكرية مخالفة صارخة لمبادئ القانون وللاتفاقيات الدولية التى وقعتها مصر. وثانيا: إن محكمة القضاء الإدارى فى قنا قد أصدرت مؤخرا حكما بمنع محاكمة المدنيين أمام محاكم عسكرية وقضت بالإفراج عن كل المعتقلين على ذمة أحكام عسكرية وإعادة محاكمتهم أمام القاضى الطبيعى.. لماذا إذن لا تلتزمون بالقانون وتنفذون هذا الحكم؟.. إن منع محاكمة المدنيين أمام القضاء العسكرى مطلب أساسى للثورة. رابعا: خلال الثورة قدم الشعب المصرى ألف شهيد، وألف وأربعمائة مصرى فقدوا عيونهم من الرصاص المطاطى بالإضافة إلى 5 آلاف مصاب وألف مفقود فى الغالب تم قتلهم ودفنهم فى أماكن مجهولة.. بعد ستة أشهر كاملة على هذه الجرائم البشعة لم تتم إدانة ضابط واحد من قتلة المتظاهرين.. الوحيد الذى تمت إدانته أمين شرطة هارب، وهو يبدو مطمئنا إلى أن أحدا لن يقبض عليه إلى درجة أنه يتصل وهو هارب ببرامج التليفزيون ليطلع المشاهدين على وجهة نظره فى الموضوعات المختلفة.. لقد طالبنا وزير الداخلية اللواء عيسوى بإيقاف الضباط المتهمين بقتل المتظاهرين عن العمل لأنهم يضغطون على أهالى الشهداء حتى يغيروا شهادتهم لصالحهم، لكن وزير الداخلية يبدو مصرا على حماية القتلة وتوفير الظروف المناسبة لكى يفلتوا من العقاب، فهو لم يوقفهم عن العمل، بل إن بعض الضباط المتهمين بقتل المتظاهرين، مثل وائل الكومى فى الإسكندرية، تمت ترقيتهم ونقلهم إلى إدارات ذات امتيازات فصاروا يحصلون على ثلاثة أضعاف راتبهم الأصلى.. إن وقف الضباط المتهمين بقتل المتظاهرين عن العمل حتى تنتهى محاكمتهم مطلب أساسى للثورة. خامسا: أثناء الثورة رأى المصريون بأعينهم مجموعات القناصة الذين اعتلوا أسطح المنازل وقتلوا عشرات المتظاهرين بدم بارد، بل إن هناك فيلما مصورا يوضح مجموعة من القناصة وهم يعتلون سطح وزارة الداخلية بالقاهرة وقائدهم يوجههم لقتل المتظاهرين.. أين هؤلاء القناصة ولماذا لم يقبض عليهم حتى الآن؟ لقد قال وزير الداخلية إنهم غير تابعين لجهاز الشرطة ثم صدرت وثائق تؤكد أنهم تابعون للشرطة. وهنا نجد أنفسنا أمام احتمالين، إما أن وزير الداخلية لا يعرف ما يحدث فى وزارته وإما أنه لا يقول الحقيقة، وأى احتمال منهما كفيل بإقالته. إن الكشف عن القناصة ومحاكمتهم مطلب أساسى للثورة. سادسا: منذ بداية الثورة طالبنا المجلس العسكرى بتطهير أجهزة الدولة من أتباع النظام الفاسد وحذرنا من أن تركهم فى مواقعهم سيدفعهم إلى التآمر ضد الثورة... للأسف لم يستجب المجلس العسكرى لمطالبنا وترك النظام القديم على حاله وها نحن ندفع الثمن.. معظم أحداث الفوضى والاعتداءات مدبرة من أتباع النظام السابق. منذ أيام قبض المعتصمون فى الإسكندرية على ضابط أمن دولة مندس بينهم وصادروا بطاقته. هذا الضابط كانت مهمته أن يندس وسط المتظاهرين ليرشق قوات الجيش بالحجارة حتى تطلق النار على المتظاهرين.. قبل ذلك بأيام اعترف مجموعة من البلطجية أمام النيابة بأن عضوا بارزا فى الحزب الوطنى دفع لهم مبالغ طائلة من أجل فض اعتصام أهالى الشهداء فى حديقة سعد زعلول بالإسكندرية. حتى الدكتور السباعى الطبيب الشرعى الشهير الذى كان يكتب تقارير شرعية وفقا لطلبات ضباط الشرطة، بعد أن تم استبعاده لمدة شهرين، عاد بالأمس إلى ممارسة عمله بطريقة عادية ويبدو أنهم سيحتاجون فى الفترة القادمة إلى تقاريره المطبوخة... إن تطهير أجهزة الدولة من فلول النظام السابق مطلب أساسى للثورة. سابعا: لأن الإعلام الحكومى لم يتم تطهيره فقد استعاد بقوة دوره القديم فى تضليل الرأى العام وتشويه صورة الثورة. من ضمن الأكاذيب التى يرددها الإعلام أن الثورة قد سببت الأزمة الاقتصادية فى مصر. هذا الكلام مغلوط تماما أولا لأن الأزمة الاقتصادية الطاحنة تسبب فيها نظام مبارك وكانت سببا مباشرا لقيام الثورة.. ثانيا لأن الثورة المصرية لم تتول السلطة، وبالتالى فإن كل المشكلات التى حدثت بعد تنحى مبارك، المسؤول الوحيد عنها المجلس العسكرى الذى يقوم بمهام رئيس الجمهورية.. إذا كانت السياحة والاستثمارات قد تأثرتا سلبا فإن السبب فى ذلك تدهور الحالة الأمنية. الشرطة المصرية غائبة منذ ستة شهور ومن حقنا هنا أن نسأل ماذا فعل المجلس العسكرى من أجل استعادة الأمن حتى يستعيد الاقتصاد المصرى عافيته؟!.. لماذا تركت الشرطة العسكرية المتظاهرين فى قنا يقطعون خط قطار الصعيد لمدة أسبوع كامل؟!.. لماذا لم تتدخل الشرطة العسكرية أثناء هدم كنيسة أطفيح وأثناء حرق الكنائس فى إمبابة؟!.. إن إقالة وزير الداخلية الحالى وإعادة هيكلة جهاز الشرطة من أجل تحقيق الأمن مطلب أساسى للثورة. ثامنا: لماذا يبقى حسنى مبارك فى شرم الشيخ، وهل من الطبيعى أن يختار المتهم المدينة التى يحب أن يحاكم فيها؟ هل صحيح أن حسنى مبارك قد سافر إلى السعودية وعاد أكثر من مرة؟ لماذا لا نرى صورة واحدة له، وما هذه التقارير المتضاربة عن صحته؟ لماذا لا ينقل إلى مستشفى سجن طرة ويعامل كأى مسجون آخر؟ لماذا لا يسمح بزيارته كمتهم عادى؟ ولماذا لم يسمح لأعضاء اللجنة التى زارت جمال وعلاء مبارك برؤيتهما فى السجن؟ أليس من حق المصريين أن يعرفوا الحقيقة؟ إن محاكمة حسنى مبارك وأسرته بطريقة عادلة مطلب أساسى للثورة. هذه مطالب الثورة التى ينادى بها المتظاهرون فى كل مكان.. كلها مطالب عادلة مشروعة، وكلها فى يد المجلس العسكرى أن ينفذها لكنه لا يستجيب.. إن الأزمة التى تعانى منها مصر الآن نتيجة طبيعية لسياسات المجلس العسكرى التى اتسمت بالبطء والتخبط والتجاهل الكامل لما يريده المصريون. إن الطريق إلى مستقبل مصر يمر عبر تحقيق مطالب الثورة ولا يمكن بحال تأجيلها أو التهرب منها. أيها السادة أعضاء المجلس العسكرى، هل أنتم حقا مع الثورة؟!

ممكن بعد فترة نكتشف إن كلنا خونة فنجد أرضية مشتركة للإتفاق اللي هيا الخيانة و العمالة و ميبقاش حد أحسن من حد

فعلاً أنا عُمري ما شوفت حد إسمه Ozo بس الأسامي دي كانت موجودة زمان عادي .. -------- عزوز ؟؟؟؟؟؟؟؟؟؟ اللهم أجعله خير --------- يا بني المنتدى ده إسمه محاورات المصريين .. يعني ما تقولش إديتنا إيه محاورات المصريين وقول هاندي إيه لمحاورات المصريين عُمرك شوفت كتاب ينزل الأسواق ويكسر الدنيا والناس بدل ما تقبض .. تدفع ؟

:closedeyes: انت اللي جبته لنفسك في مصر إمشي عوج يحتار عدوك فيك

كفارة لا بجد ...... الحمد لله انك طمنتنا اللهي يطمن قلبك برؤية الحبيب محمد في الجنة

والله يا أحبتي الأمر لا يستلزم كل هذا الجدل . هناك أبواب للدعم مفتوحة ، فقم بما تقدر عليه ، وعندما يسألك الله يوم القيامة عن واجبك تجاه إخوانك تجد جواباًوقتها . لن يسألك الله عن موقف الدول الفلانية أو العلانية . ولا تنسى إخوانك من الدعاء في صلاتك ، وتذكر نعمة الله عليك والتي تتقلب فيها ليل نهار . إذا استطعت التواصل مع ولاة الأمور وتتناصح معهم فافعل وجزاك الله خيراً . إذا تمكنت من نشر القضية وتسليط الضوء عليها فافعل وجزاك الله خيراً . اللهم إنّا نعوذ بك من زوال نعمتك وتحول عافيتك وفجأة نقمتك . اللهم إنّا نعوذ بك من السلب بعد العطاء ومن الضلال بعد الهداية .

فيه حقيقه مره .. بحس ان كتير من اخواتنا الاعزاء الثقات .. بيحاول يهرب من التفكير فيها ..او حتى مواجهتها .. وبيرفضها بشده وبينفيها .. وبيدور ويلف حواليها ..رغم انها تعبر عن الواقع ..وهى أن(( الشعب عايز كده )) .. الشعب لما أراد ((وليس تلك الثلة القليلة من الثوار )) إسقاط النظام .. تحالف بعزيمة جبارة وارادة لم تلين ..على إسقاطه . وأسقطه بالفعل ..بشكل أذهل العالم واذهلنا شخصيا كمصريين .. مع الاعتراف بالفضل والعرفان الشديد لتلك الثلة القليلة من الثوار ((وعلى راسهم حركة 6 ابريل وبغض الطرف عما يثار حولهم من اتهامات بالعماله والتمويل الخارجى)) مع الاعتراف انهم هم فعلا من دعوا ..واخلصوا فى دعوتهم ..الى ثورة 25 يناير .. وتقبل يومها ((الشعب )) تلك الدعوة .. وقام بإعجازية .. باسقاط النظام .. والان تتجدد نفس الدعوات من تلك الثلة القليلة من الثوار .. ولكن ليس لاسقاط النظام .. بل لاسقاط المجلس العسكرى .. ولكن الدعوة هذه المرة قوبلت بالرفض الشديد والحاد .. ((الشعب عايز كده)) .. الشعب راضى بالجيش وبيحبه بجد .. ومتقبله بسيئاته وحسناته ..ومستعد يصبر عليه لاخر مدى .. وفى نفس الوقت ناقم على الثوار وخصوصا على تصرفانهم الاخيره ((المريبه)) ..((رغم افتراضنا حسن نواياهم)) .. والمثل بيقول ((حبيبك يبلعلك الزلط .. وعدوك يتمنالك الغلط)) تانى ..((الشعب عايز كده )) ...حتقولوا شعب متخلف .. شعب معندوش وعى .. شعب مش عارف مصلحته .. شعب مغيب .. قولوا مهما تقولوا .. فى النهايه .. لا ثورة بدون تأييد هذا الشعب .. يا تكسبوه فى صفكم بطريقة و بأخرى .. يا تسيبوه فى حاله .. وكفى الله الثوار شر الفوضى والفتنه أقول قولى هذا وأستغفر الله لى ولكم

اساطير العلمانين هذه ليست حقيقية الاخوان مشاركين في مظاهرات 25 يناير من اول يوم بل وقبلها http://www.youtube.com/watch?v=Avh_th-Rtds&feature=related

سيناريو الانشقاق لما يكون دا كلام محمد علم يبقى تفرق يا استاذ اسلام لما تكون اسماء عبدالفتاح انشقت من الحركة اصلا عشان هي موافقة على التمويل اصلا و دا سبب خروجها يبقى هي تتكلم ليه باسم الحركة بجد مستغربة اوي

يا استاذ تامر تشكر على مجهودك العالم العربي والاسلامي مليء بالخير علي مستوى الاشخاص لكن الموضوع اكبر من الاشخاص الموضوع يحتاج لدعم دول وليس افراد ملايين البشر بتنفق كما ينفق الغنم وهم علي بعد كيلو مترات من الاغنياء الذين اعطاهم الله بغير حساب وسيحاسبهم علي ماقترفوه من تخاذل لدعم اخوان لهم يموتون جوعا وعلي بعد امتار منهم اذا كان الغرب والذي نكيل له الاتهامات اقلها نعته بالكفر يستنفر لدعم هؤلاء المساكين اذا كانت هذه وصمة عار للبشرية فلذلك تحركوا لنجدتهم فبالنسبة لنا وصمة عار وخزي وندامة الذي يتقاعس عن تقديم يد العون لاخيه المعدم فادعوا الله من قلبي ان يزيل تلك النعم عنهم لانهم لا يستحقونها حسبي الله ونعم الوكيل

السلام عليكم و رحمة الله و بركاته طب ممكن سؤال يا استاذي هي البلد حالها واقف دلوقتي حالا و لا من شهر يناير و لا من سنين فاتت هو احنا ليه مش مصدقين ان مصر كانت كرة علي قمة جبل و بترجع للخلف عارف لما تبقي عربية واقفة علي منحدر و كلا الاختيارين انها يا ترجع لوراو تهوي يا تتزق لقدام برضه و احتمالات اناها تهوي اكبر من احتمالات ان يكون اللي قاعد ورا الديكسيون محترف سواقة اقدر حالة السخط و الغضب و الزهق اللي حضرتك بتعاني منها و كلنا حاسينها مش في حال البلد اللي واقف زي ما حضرتك قولت و لا زي ما الناس دايما بتقول و بتحكلننا علي "عجلة الانتاج" انا فعلا علي عمري دي لا حسيت و لا بعجلة و لا بجادون مع اني مقتنعة ان مصر فيها خير كتير اوي متفقة مع حضرتك ان الكل بقي يفتي في اللي مالوش فيه اقربها امبارح واحدة مع كل احترامي ليها داخلة عليا مكتبي و سؤال واحد علي لسانها قوليلي انتي مع الاعتصام في الميدان و لا لا الغريب ان ميربطنيش بيها اي علاقة علشان تفتح معايا اي حوار في الدنيا غير ان احنا الاتنين مصريات و بنشتغل في نفس المكان و لما قولت رايي...انفجرت فيا بقي زي انبوبة البوتجاز و طبعا ادعت انها فاهمة عني و عارفة مصر شكلها ازاي و ايه اللي بيحصل بالظبط و الله ياخدهم (طبعا الثوار) انا كمان زهقت زهقت من الجدل و زهقت من الحوارات و زهقت ان الصح باين و اللي نص نص باين و زهقت ان الناس بتوجه كل غضبها و ضيقا و اصابع الاتهام و التخوين لبعضها و دايما الثوار هما اللي بيشيلوا الليلة هقول لحضرتك بالظبط زي استاذة مغتربة لو فيه وسيلة تانية المجلس العسكري الموقر احترم بيها عقول الناس و نفذ المطالب اللي الثوار و مش الثوار بيهللوا بيها من محاكمات علانية و غيرها من المطالب اللي اتحققت من الضغط المستمر لو المجلس العسكري و اللي ماسكين زمام الامور ريحوا الناس مكنشي هيبقي فيه ثوار تفتكر النناس اللي معتصمة في التحرير يعني مبسوطين اصلهم مش قاعدين علي شط اسكندرية ده ميدان التحرير في شهر يوليه و اللي رايح و اللي جاي يا بيشاور عليهم و يقولهم "خربتوا البلد" يا بيمصمص شفايفه و يسبهم طب الثوار....وحشين اقترحوا علينا وسيلة ضغط تانية علشان المطالب اللي انا و حضرتك و الانسان العادي طلبها اقترحوا علينا الثورة دي طلعت لما انحازت للناس و ادينيا بنسال الناس عايزة ايه؟ من غير ما نلوم التاني و لا نخونه كلنا في عربية واحدة و العربية محتاجة سواق محترف و كلنا عمالين نلصم فيها علشان لو وقعت كلنا هنضيع تحياتي استاذي

لذلك كما قلت فى موضوع سابق ان الضغط من اجل تغير قانون الانتخابات هذا من كل التيارات السياسيه التى على الساحه يجب ان يكون من اهم اولوياتهم يجب ان تتحد كل الاحزاب و التيارات السياسيه المصريه لاعلان مقاطعتها الانتخابات اذا اجريت وفق هذا القانون الغريب لان المجلس الذى سيشكل به سيكون منوط به اكبر الادوار فى تاريخ مصر السياسى ربما لسنوات طويله قادمه

مش انته بس اللي زهئت البلد كلها انفأعت مرارتها فيما عدا المستفيدون وهم القنوات الفضائيه والصحفيين علشان يلاقو سبوبه يكلوا منها عيش وكله علي حساب البلد اللي قربت تفلس

بصي يا دامو لو الواحد لقي الاولون والأخرون بيلعنوا في واحد وكل الناس دي أهل ثقة أكيد هيكون ليا حكم مسبق ومش محتاج أني أقعد 9 سنين أقرأ كتبه وأضيع وقتي عشان أقول صح ولا غلط لكن لما ألاقي ناس ثقة واخدين موقف وناس تانية -ثقة برضه- واخدين موقف ساعتها لازم أقرأ و أحلل وأقول رأي الشخصي لو كل الناس بتشكر في واحد والناس دي ثقة أكيد أنا هاخد إنطباع كويس عنه أمال إيه فايدة أني أقول أني واثق في رأي فلان ومقتنعش برأيه لما أجي أحكمه في مسالة أقصد أن الراجل ده مش جاليليو عشان نقول انه صح في وقت كل الناس غلط لأن الرسول ( ص ) قال إن الامة دي لا تجتمع علي ضلال ولو شهدوا لواحد انه كويس فهو كويس ولو العكس يبقي العكس

ماذا لو ماذا لو لم يذهب نشطاء 6 إبريل أو غيرهم من النشطاء إلي صربيا وبدلا من ذلك كانوا قد ذهبوا إلى أفغانستان هل كان سيتم التغاضى عن سفرهم والسماح لهم بالعودة سالمين غانمين كما حدث مع العائدين من أفغانستان ومع أعضاء تنظيم الجهاد والجماعة الإسلامية الذين تم الإفراج عنهم وعلى رأسهم عبود الزمر كما رأينا. هل ذهب هؤلاء الشباب في جنح الظلام وعادوا قبل الفجر؟ أم أن كل تحركاتهم كانت مرصودة وكان النظام سايبهم " يتسلوا " لحد بدء الثورة في 25 يناير لما برضه النظام سابهم يتسلوا إلى أن تم خلعه ، وبعد أن سببوا صداعا للمجلس العسكري أكتشف فجأة أنها لم تكن تسلية وانهم كالعظمة في الزور فقرر أن يستخدم اسلوب الإبتزاز ضدهم؟ الحقيقة أنني أري تكرار الإتهامات بالعمالة والخيانة وتلقي أموال من الخارج ضدأي فصيل ليس على هوانا أو مستتقلين دمه بدون أدلة حقيقية أصبح مضيعة للوقت وانه دعوة للتشرذم سيكون الخاسر فيها هو " مصر ".

السلام عليكم و رحمة الله و بركاته استاذي الفاضل ابو محمد جزي الله حضرتك كل الخير علي مداخلاتك الثرية انا متذكرة مداخلة حضرتك فيما يتعلق بال Think Tank بس هي فيه حلقة مش راضية تركب في دماغي و اسمحلي احط تساؤلاتي اللي في دماغي: 1- لماكنا في الجامعة كان بيتم اختيار كوادر شبابية علشان نتلقي تدريبات من مؤسسة زي فورد فوينداشن و مركز ابن خلدون و المعهد السويدي في الاسكندرية...يعني مؤسسات كلها موجودة في مصر و كانت التدريبات دي بتتكلم عن حقوق الانسان و بتتكلم عن الديمقراطية في التعليم الجامعي و بتتكلم عن التفكير و انماطه بشكل عام و ازاي ممكن نكون حلقات تأثير نقدر نعمل من خلالها "تغيير مجتمعي" كل واحد فينا كان بيسمي agent of change.....طب التمويل ده من فين و رايح لايه بس الافكار نفسها اللي بتنطرح في التدريبات دي فعلا غيرت حياة ناس كتير و الاهم بتتم من خلال مؤسسات الدولة نفسها معترفة بيها طب يعني هو تقصد انه بيتعلب في دماغ "اللي بيتلقوا التدريبات دي"....بس مش هي الافكار دي هي اللي كلنا كنا بنحلم بيها و اللي محدش هيقدر يختلف عليها لو بنتكلم عن الحلم اللي بنحلم بيه لمصر بس انا كفرد عادي مكنش هيبقي عندي فرصة اني اخد التدريبات دي من "مؤسسات حكومية" و برضه معرفشي ليه هتقول حضرتك علشان احنا مش عارفين خطوط المؤلمرة لغاية فين طب الافكار اللي اتزرعت دي....مش ساعدت مصر انها تعمل اول خطوة في التغيير لكن الانتماء كله للوطن يبقي خايفين من ايه خايفين ان يبقي فيه خطوة تانية مرسومة من بدري اوي طب لو انتو قارينها يبقي الطريقة لاجهاضها ايه انا شخصيا بشوف ان عمر الطريقة ما تكون بتخوين طرف لكن بنفس طريقة "زرع الافكار" تكون طريقة الرد تغيير الافكار و نقرا خطوات استباقية 2- حضرتك اتكلمت عن المنظمات الغير هادفة للربح" و الحقيقة انا اشتغلت في احد الوكالات الدولية الغير هادفة للربح و خبرتي المتواضعة تقولي ان المشاريع اللي كانت بتقدمها الوكالة دي مهما كانت مغرية للناس و مهما كانت بتخاطب احتياجتهم اللي سببها الفقر و الجهل بس عمرها ما اخترقت "وعي" الناس علي اد بساطتهم و احتياجهم للمشاريع دي لكن كان دايما التساؤل عن مصادر التمويل و عن مصادر الرقابة داخل الدولة و هل اي معونة بيكون امامها شروط مسبقة دي كانت تساؤلات بتدرو في اذهان كتير من العاملين لكن لما كنا بنشوف ان فيه مشروعات كبيرة بتقام المفروض الحكومة المحترمة كانت تعملها و معملتهاش و اد ايه الناس البسيطة المشروعات دي غيرت في حياتها كنا بنحط اسئلتنا جوانا و نسكت و برضه بنرجع نراهن علي مسلمات موجودة جوه الانسان المصري البسيط اهمها "فطرته" و تمييزه بين الحق و الباطل حتي لو مكنشي فاهم اوي ايه اللي بيحصل معرفشي بحاول الاقي الحتة الناقصة انا مش مع 6 ابريل و لا غيرهم انا مع اي "فكرة" و اي "فوقة" تقوم البلد دي من تاني.....(انا مشفتهاش قايمة اولاني....بس نفسي...نفسي تكون بلد محترم...ونفسي ولادي يشوفوا اللي انا مش راح الحق اشوفه) تفتكر حضرتك هينفع؟؟؟؟

الأهل في الصومال يتسألون أين إخواننا العرب والمسلمون بينما لا نرى سوى الأجانب؟ صحيح فين مليارات العرب اللى بتصرف فى بذخ وحفلات وكلام فارغ واخوة لنا فى بلد مسلم شقيق يموتون جوعا رمضان على الابواب شوفوا ممكن تساعدوا ازاى لاحول ولاقوة الا بالله فى صور اشد قسوة من كده يوجد لجنة متخصصة للاغاثة باتحاد اطباء العرب بمصر خاصة لاهالى الصومال

شيء جيد أن تضاف خاصة تحميل الصور على الموقع نفسه الفكره التي كنت أفكر فيها ووجدتها والتي سنجربها لاحقا.... وأود أن استفسر وأقترح التالي والأمر متروك للسادة الأعضاء والإدارة ..... -أقترح أولا أن أي صورة يتم تحميلها ونشرها في الموقع أن يوضع عليها في الأسفل إسم المنتدى تعزيزا له بأن هذه الصور تم عرضها فيه . - نلاحظ طبعا بأن الصور لو تم تحميلها من أي موقع ، تنتهي صلاحية نشرها بعد فتره معينه من الوقت غالبا سنه مما يفقد الكثير من الموضوعات رونقها وجمالها ولا سيما ترى موضوعات قديمه جميله إختفت منها صورها فإن تحميل الصور على المنتدى وهنا أتساءل .... هل سيحميها من المسح وما هى مدة بقائها ؟؟؟؟ وشكرا لإضافة الخاصية والشكر للأستاذ عادل أبو زيد و الأستاذ Mohammed

للاسف الحركات عديمة الخبرة في السياسة مثل 6 ابريل التي لاتعرف اي سياسة غير الصوت العالي هي من تقدم الحكم للعسكر على طبق من ذهب فالتطرف في المطالب والمواقف تجعل الخيار امام المواطن العادي اما المجلس العسكري (ديكتاتورية لكن هناك نظام) واما هؤلاء الثوريين المنفلتين من اي ضابط ومعناه (الفوضي) اي شخص عاقل سيختار اي نظام على الرغم من سيئاتة خوفاً من الفوضي الشاملة مثل العراق هناك طرف اخر وهم العلمانيون القدامى المخضرمون والخبثاء امثال (هيكل ورفعت السعيد وصلاح عيسى) فهولاء يدفعون للحكم العسكري لأنه هو الشئ الوحيد الذي يعرفونة وتعايشوا معه وطبلوا وزمروا له وصنعوا اسمائهم تحت ظله باختصار اى فوضى تصب في مصلحة استمرار الحكم العسكري و انا ايضااتفق مع حضرتك فى ان الفوضى تصب فى مصلحه المجلس العسكرى و لكن هذا يحيلنا بدوره الى السؤال المنطقى التالى هل تلك الفوضى محض صدفه ام مقصوده ؟ و اذا كانت مقصود فمن من ؟ الفوضى هى أخطر بنود الأجندة المفروض نعرف كده .. ونكون شطار .. وما نسمحش بيها الانتخابات - مهما كانت نتيجتها - هى الحل .. الحجة الوحيدة اللى ممكن تخلى العسكر يستمروا هى إنهم مش قادرين يعملوا انتخابات .. وبعدين حجة إننا مش متفقين على الدستور .. وبالتالى نفضل ندق المية فى الهون فى حكاية الدستور دى ويؤجل المجلس العسكرى الانتخابات الرئاسية إلى ما بعد الاتفاق على الدستور .. وطالما مفيش رئيس يبقى المجلس العسكرى قاعد .. إقروا الاعلان الدستورى كويس يا جماعة

الاخوة الكرام اعضاء المنتدي المهندس اشرف المهندسه عطر الجنة انتم متضايقيين ليه الفرق واضح اللي عايز يستنى قطع وزير الاسكان - المساحات الصغيره - اى اسكان عائلي- يستنى واللي عايز يشترى مساحات كبيره يشتري كل مساحة ولها زبونها وكل حي وله مستواه وبالنسبه لتصريحات الوزير مافيش اسرع من الايام احنا لانملك الا الانتظار واللي عايز ينتظر فعليه الانتظار وعموما الاختلاف في الراي لايفسد للود قضيه وليس كل الناس تستطيع البناء - في ناس تفضل الشقق وتريح بالها من البناء واللي قال عمليه البناء سهله - مش كل الناس زي بعضها - واللي شايف نفسه قادر على البناء وعايز مساحه صغيره ينتظر واللي نفسه في فيلا كبيره عليه الشراء واخيرا تقبلوا تحياتي اخوكم ابو يوسف

ربنا يحفظ حضرتك وان شاء الله تعدي بسلام واحد حصل تشابه كده فرقوا باسم الام .. معرفش ده ينفع في حالة حضرتك ولا لأ على الاقل خد رأي محامي حتى بالتليفون ربنا معاك

استاذى الفاضل مداخلتك زادتنى ارتباكا قليلا فانت تقول ان الضامن هو الشعب و لكن فى نفس الوقت كفه العسكر الان هى الراجحه اذن عدنا لنقطه الصفر استاذى الفاضل الناس لم ترجح كفه العسكر الا لانها وصلت لمرحله من الاحساس بعدم الامان و عدم الاستقرار و انها مهدده بشده فى امنها و استقرارها و لكن هل هذا الاحساس هل هو حقيقى يا ترى ام دفعت هى اليه دفعا لتشعر به بالامس رايت ما لم اكن اتخيل اننى ساراه مره اخرى بعد ان قامت الثوره و تحرر الناس بالامس رايت على النت من يطالب بفرض حاله طوارىء و اعلان الاحكام العرفيه علشان حال البلد ينصلح و يتلموا الخونه كلهم و بالتاكيد حضرتك تعلم من هم هؤلاء الخونه الذين يعنوهم هل يعنى ذلك ان المقوله التى تتردد على النت من يومين منسوبه لهتلر صحيحه إذا أردت السيطرة على الناس أخبرهم انهم معرضون للخطر وحذرهم من أن أمنهم تحت التهديد، ثم شكك في وطنية معارضيك ؟؟؟؟؟؟؟؟؟؟؟؟؟؟؟

بسم الله البرحمن الرحيم الأخوة الكرام / أعضاء المنتدى تحية طيبة وبعد ... الإسكان الفاخر تراجع و المتوسط في المقدمة أكد أنسي يوسف - نائب رئيس مجموعة شركة رمكو أن الإسكان المتوسط الحصان الرابح المرحلة المقبلة فهناك إحتياج حقيقي لهذه النوعية ، مؤكداً أن سوق الإسكان الفاخر تراجع دوره نتيجة زيادة المعروض و قلة الطلب ، و أكد أن الشركات لن تتجه في المرحلة الراهنة إلى رفع الأسعار على الرغم من زيادة أسعار مدخلات البناء و ستتجه إلى تقليل هامش الربح للقضاء على حالة الركود مما يجعل المرحلة الحالية فرصة حقيقية للعملاء و إغتنام فرصة التسهيلات . س : ما توقعاتك للسوق العقاري الفترة المستقبلية ؟ . ج : مستقبل العقارات متوقف على الحالة الأمنية في البلاد و الحالة غير مستقرة و هو ما يجعل هناك تخوفات من إستثمار الأموال الفترة الراهنة و لكن مع الإستقرار و عودة الأمور لطبيعتها سيعود الإستقرار للإقتصاد المصري و على رأسه القطاع العقاري الذي يعد الإستثمار الآمن و الذي أثبت أنه لا يتأثر بأي أحداث بنفس السرعة التي تتأثر بها القطاعات الأخرى كالبورصة على سبيل المثال . س : ما نوعية الإسكان التي يحتاج إليها السوق العقاري الفترة القادمة ؟ . ج : السوق العقاري يحتاج بشكل كبير إلى الإسكان المتوسط فهو الجواد الرابح خلال الفترة القادمة فتوجد نسبة طلب كبيرة على هذه النوعية من الإسكان و هو ما سيجعل الشركات تتجه الفترة القادمة لطرح مشروعات خاصة بالإسكان المتوسط ، أما بالنسبة للإسكان الفاخر فقد تراجع دوره حيث أن هناك كمية عرض كبيرة مع وجود قلة في حجم الطلب ، بالإضافة إلى أنه يخاطب شريحة قليلة جداً لا تتخطى 5 % . س : هل تتوقع إرتفاع الأسعار ؟ . ج : على الرغم من بعض الإرتفاعات في أسعار مواد البناء إلا أن الشركات العقارية لا تتجه في الفترة الحالية إلى رفع الأسعار و ستعمل على تقليل نسبة الأرباح مع تقديم تسهيلات للعملاء للقضاء على حالة الركود في السوق . س : ما أهم إحتياجاتكم من الدولة المرحلة المقبلة ؟ ج : على الدولة دور أساسي يتمثل في تهيئة المناخ المناسب للإستثمار و عليها دور رئيسي في طرح الأراضي المرفقة بكميات كبيرة لتسهم في زيادة الإستثمار العقاري في مصر بالإضافة إلى توفير الأراضي ولابد أن تكون بأسعار رخيصة تناسب المطورين العقاريين لتوفير منتج عقاري للعميل بأنسب الأسعار خاصة بالنسبة لمحدودي الدخل و الذي يحتاج إلى دعم من الحكومة فيما يخص أسعار الأراضي حتى يستطيع المطور العقاري إتاحة المسكن المناسب لهذه الشرائح . س : هل توجد ندرة في الأراضي ؟ . ج : توجد ندرة في الأراضي المرفقة و هي التي يحتاج إليها العميل و على الدولة أن تدخرها مع وضع جدول زمني في حالة تسليم الأراضي غير مرفقة بحيث يتم الإنتهاء من المرافق من جانب الدولة مع إنتهاء المطور من إستكمال المشروع . خالص تحياتي مهندس / أشرف محمد

يعني هتفضلوا على كده لن تسلكوا القنوات الشرعية لإيصال مطالبكم ويعني إيه جوكر هل هتعملوا نفسكم أكبر من المجالس النيابية ومجلس الوزراء والمحافظين والقضاء وكل أجهزة الدولة مينفعش يابني ييجي شوية شباب صغيرين في السن وينصبوا أنفسهم رقباء على كل أجهزة الدولة من نصبكم ؟ من أعطاكم الحق ؟ ما مؤهلكم لذلك ؟ طيب ده تطور رائع في مسيرة الحوار بس لو تشيل كلمة يابني دي يبقى كتر خيرك انا حجاوب على النقط السابقة واحده واحده 1- ايوه سنظل حركة حقوقيه سياسية مستقله لا تسعى للحكم 2 - الحركات والمنظمات الحقوقيه موجوده في كل دول العالم المتحضر ومعترف بها قانونا 3 - جوكر معناه اننا لا نسجن انفسنا داخل الالتزام الحزبي الضيق بل نضع مطالب وحقوق الشعب او اي فئة تتعرض لظلم او قمع على راس اولوياتنا 4 - بالفعل نحن نراقب اداء كل مؤسسات الدولة وكل عناصر المنظومة السياسية والاقتصادية والاجتماعية داخل مصر وايضا في الدول العربية اذا استنجد بنا اهلها 5 - الشباب هم نصف الحاضر وكل المستقبل دي بلدنا وتخصنا كلنا مش بلد طائفة او جماعه او حزب 6 - نصبنا كل ضعيف تعرض للاضطهاد والظلم من قامعيه ولا يقدر بمفرده ان يرفع صوته نتكاتف نحن بكل قوة حتى تتحققالحرية و المساواة والعدالة الاجتماعيه بين كل فئات الشعب المصري ومؤيدين في ذلك من كوكبة من رموز الوطن من السياسيين والمفكرين وصانعي القرار مؤهلاتنا هو ثقتنا الشديده في الله عز وجل الذي امرنا اذا راينا منكرا ان نغيره بيدينا ثم ثقتنا الشديدة في عدالة قضيتنا وفي قوة وبأس افرادنا البواسل لافرق بين شاب وفتاه او صغير او كبير ما دمت ابريلي فسيصبح احقاق العدل هو دورك من الميلاد الى الممات تحيتي مع إن حضرتك وضحت بس أنا برضه مش فاهم ولعلمي بأنك قد بلغ بك الأرهاق والتعب حدا كبيرا في الأيام الأخيرة فلن أطلب منك الإجابة وربما يجيبني غيرك ممن لهم دراية بشروط عمل الحركات الحقوقية المستقلة وكيفية عملها في دول العالم المتحضر ؟ وآليه عملها ؟ وهل هذه الشروط والآليات العالمية لعملها متوافقة مع الحالة داخل مصر ؟ ولما لا نرى هناك ما نراه هنا ؟ أسئلتي علشان أنا ممكن أكون حركة من أصحابي وأهلي ونراقب اداء كل مؤسسات الدولة وكل عناصر المنظومة السياسية والاقتصادية والاجتماعية داخل مصر وايضا في الدول العربية اذا استنجد بنا اهلها زيكم وغيري ويمكن يصبح الأمر فوضى

وعليكم السلام ورحمة الله وبركاته ايوه فيه خيمة لمجموعه من المفصولين من الحركة في الميدان بالفعل وللاسف انهم يستخدمون اسم الحركة في كل وسائل الاعلام تحيتي ,, أكيد هما دول بتوع حركة ( لن تمروا ) التي انشقت بسبب التدريبات ومقابلة هنري كلينتون

يعني هتفضلوا على كده لن تسلكوا القنوات الشرعية لإيصال مطالبكم ويعني إيه جوكر هل هتعملوا نفسكم أكبر من المجالس النيابية ومجلس الوزراء والمحافظين والقضاء وكل أجهزة الدولة مينفعش ييجي شوية شباب صغيرين في السن وينصبوا أنفسهم رقباء على كل أجهزة الدولة من نصبكم ؟ من أعطاكم الحق ؟ ما مؤهلكم لذلك ؟

ياسيدي انه المولد مولد ثوار التحرير مجموعه من الشباب احست ان الثوره خلصت بسرعه ولم يحققوا اي شهره فقالوا نعمل ثوره تانيه علي المجلس العسكري والدليل انهم يبحثون عن الشهره انك تجد عشرتلاف ائتلاف وعشرميت حزب تحت التأسيس والله الواحد بيضحك لما تقرا في الجرنال يؤلك 75 حزب وائتلاف تؤيد كذا و85 حزب وائتلاف تشارك في جمعه كذا وبعدين تلاقي كل الموجودين لا يتعدوا 5الاف شخص ونصهم من الباعه الجائلين حتي قيل ان بعض المعتصمين تحول الي معتصم وبائع يعني اتنين في واحد لكن اهم من في المولد هم المنشدين اللي بيعملوا حس وصوت للمولد ومن غيرهم المولد ينفض وهؤلاء هم مقدموا برامج التوك شو والصحفيين لان القنوات الفضائيه الان قائمه علي هذه الاحداث واذا انتهت الاعتصامات والمظاهرات فسوف تخسر هذه القنوات والصحف وتعود الاعلانات الي المسلسلات والافلام المشكله ان كل هذه التيارات اللي كنت اتمني ان تعمل لكسب ثقه الناس في الشارع تمهيدا للانتخابات البرلمانيه القادمه وهذا ما يفعله الخوان فيتركونهم للاعتصامات والمظاهرات بينما هم يقيمون المؤتمرات الانتخابيه ويعدون الكوادر من الان كنت اتمني الا ينفرد التيار الاسلامي والسلفي باغلبيه المقاعد في المجلس لكن مع الاسف هؤلاء الشباب يفعلون العكس وكل يوم يكرههم الناس اكثر ووقت الانخابات لن ينتخبهم احد ولن يكون لهم اي تأثير في صنع المستقبل وهذا مالم اكن اتمناه لكن تعمل ايه المخ النضيف نضيف

حمد الله عالسلامه يا محمد .. جيت إمتى من روكسي ؟ :P ------ بُص يا محمد .. كله كلام مردود عليه وفزاعة ولافتات : إنت بتفتح بؤك وتتكلم وتعترض يا كافر يا عدو الله ياللي عاوز توقع الجيش ؟ .. ثكلتك أمك .. ده شيء عفا عليه الزمن وحيل قديمة من نوعية تعطيل عجلة الإنتاج وسرقة توك توك الأستقرار ما هو تبرير الظلم بالأستشهاد بظلم أخر هو منتهى الظُلم ... إنت مش لاقي تاكل إلا طقة واحده في اليوم ؟ يا أخي إحمد ربنا ده غيرك ما بياكلوش بالتلات سنين .... مش ده اللي بيحصل ؟ والأخ اللي ماسك النافيجتور وبيتحرك خارج الحدود ... لماذا لم يتجه إلى تونس ويقول لنا الجيش عمل إيه ووقف جنب ثورته إزاي من أول ساعة ؟ ولا هو من وأذى ودائماً وأبداً وحتماً لازم نكون مذلولين لأحد ؟ سيبك من كلام المصاطب والطخطخة اللي في الهواء ده .... مين هما اللي بيعملوا فتنة ... ومين اللي بيخوفونا من الإسلاميين و و و و ؟ لما تلاقي حتى من هم على كراسي الحكم بيتكلموا دائماً بصيغة المبني للمجهول .. يبقى متوقع إيه من الشعب .. إيه هو اللي مطلوب منه اللي يحقق ويكشف الحقائق ؟ ده كلام فارغ ... واللي عنده حاجه ضد حد يطلع ويقول بصراحة : إن فلان وفلان وفلان أو الحركة الفلانية أو الحزب الفلاني هما اللي مسئولين عن كذا وكذا وكذا بالأدلة والبراهين إنما كل شوية بيانات المجلس العسكري .. وبكاء ونحيب عصام شرف في إن هناك جهات معينة بتعرقلة وإن في مؤامرات داخلية وخارجية ومريخية بتقف ضد الثورة وبتعرقل طريقنا نحو النجاح ... كلام فارغ وما ياكلش معايا بصراحة لإنه مبرر للفشل بيفكروني بحسام حسن منذ أن كان لاعباً .. نظرية المؤامرة موجودة وحاضرة والدنيا كلها ضده والشماعات جاهزة في أي وقت يا معلم لكن هؤلاء ... عُمرهم إعترفوا بفشلهم في إدارة أي أزمة ؟؟؟؟؟؟؟؟؟ أتحدى أقول لك مثل .. لأ إتنين لأ تلاتة 1- إحتراق كنيسة أطفيح ... مشاجرة بين عائلتين ... وجهل الناس خلاهم بدل ما يحلوا المشكلة .. لأ يروحوا طالعين على الكنيسة يحرقوها ... وما هو الحل ؟ - اه بس .. لقيتها إحنا لازم ناخد الشيخ محمد حسان وعمرو خالد ويكلموا الناس ويهدوهم ... أيوه بس دي جريمة جنائية ومع سبق الإصرار والترصد وفي فيديوهات وصور للجناة وهما بيحرقوا الكنيسة وبيهدوها وخلوا بالكم اللي تستر على مجرم حرق كنيسة النهاردة .. بكره هايحرق مسجد وبيوت أمنين بكره ؟ ... يا عم الناس بتنسى 2- بعدها بما فيش ... حرق كنيسة أمبابة .. أه بالمناسبة إيه أخبار عادل لبيب صاحب المقهى المسيحي اللي مسك الرشاش وقتل الناس ؟ وإيه أخبار كل من ظهر في صور الفيديو داخل الكنيسة وهو يقوم بحرقها ؟ المسامح كريم بقى والأمر بين يدي القضاء وكدهوت ... 3- ناس غلابة على قد ثقافتهم حسوا إنهم مظلومين في مدينة السلام العشوائية .. فقالوا نتظاهر أمام مبنى الإذاعة والتليفزيون ونصبوا ملايات هناك هما وعائلتهم من كام ؟ شهرين .. 60 يوم يا مؤمن ... وقافلين طريق الكورنيش الحيوي .. وسوري بيعملوا حمام في الشارع والدنيا هناك أخر بهدلة ومات منهم إتنين نزلوا يقضوا حاجتهم في النيل وغرقوا .. والناس عاوزه أربع حيطان فقط تتاويهم وتُستر عورتهم... بغض النظر عن هما على حق ومستحقين دله ولا لأ .... ولا الهوا .. ولا كأن حد شايف وسامع ولا في محافظ ولا أمن ولا وزراة ولا حاجه .. وخليهم متلقحين ياعم وبكره يزهقوا ويمشوا أو يغرقوا كلهم في النيل ونبقى ارتحنا منهم ها إيه رأيك في طريقة الإدارة الثورية دي ... حلوه مش كده ؟ ومؤامرات وحركات وجهات أجنبية هي اللي بتيجي تولع الدنيا عندنا .. وإحنا ملائكة طاهرين وأحلى ناس تحقق أهداف الثورة يا محمد يا حبيبي عُمرك شوفت وزير .. وزير لسه لم يُعلن إسمه يتصلوا به وييجي رئاسة الوزراء والراجل يقرب من الباب يقوموا متصلين به تاني ويقولوا له إرجع إحنا غيرنا رأينا ؟ عُمرك شوفت إستفزاز متعمد للناس وللدنيا كلها وإصرار على إتباع نفس طريقة مبارك الفاشلة في إختيار المسئولين من دائرة محددة ومواصفات محددة وإن لازم يكون الوزير مُن لجنة السياسات وإلا فلا ؟ كلام فارغ ومنتهى الأستحقار لشعب عظيم قطارة إيه وحقنة شرجية إيه ؟ إيه الكلام الفارغ ده ... إحنا بنحشت من حد ولا ده حقنا ؟ يا أخي الثورة قامت بأهداف محددة وإن كانت عامة في البداية لكن تفاصيلها أتفق عليها جموع الشعب محارية الفساد ومحاكمة رموزه عدالة إجتماعية للناس اللي إتذلت سنوات طويلة لحد ما خرج علينا فسل من افسال مبارك زي وزير التنمية الإدارية ويقول لك : لقد توصلنا بالورقة والقلم وعرفنا إن المصري يُمكن أن يعيش حياة كريمة بمرتب 300 ج في الشهر .. وقد كانت القشة التي قصمت ظهور الأوغاد الظلمة .. ومع ذلك بعد الثورة تلاقي نفس الكلام بالحرف مازال يتردد .. وإن بالورق والقلم يقول لنا سمير رضوان إن 700 ج حد أدنى للأجور ده مية فُل وتمنتاشر وبوسوا إيدكم شعر ودقن وهاتشبرقوا نفسكم وتحوشوا كمان .. طب والحد الأقصى ؟ والناس اللي بتاخد ملايين مرتبات شهرية ؟ رؤساء مجالس البنوك - الحكومية - .. والشركات - الحكومية .. اللي مرتبهم الشهري بيعدي مليون جنيه يقول لك الميزانية لا تسمح باكثر من كده وهانجيب منين نأكلكم .. يا راجل يا ظالم ده أنت لو خليت مرتب الناس دي 100 الف واللي مش عاجبه يغور ... مش هاتبقى وفرت 900 الف من واحد فقط وتوزعهم على مرتبات المفحوتين الغلابة اللي بياكلوا تراب دول ؟ يا ظالم ياللي كل وزارة فيها عشرات المستشارين اللي ما لهمش لازمه والواحد فيهم بياخد ربع مليون جنية كمستشار غير متفرغ لإن عنده البيزنس بتاعه ... يا ناس يا هو ده أنا باتكلم عن موظفين بياخدوا مرتبات قليلة أه .. لكن نقول لسه بصحتهم وممكن يشتغل شغلانه وإتنين وإن شالله عنه ما أرتاح ولا روح بيته ... ما بالك بتيجان رؤوسنا وهم كبار السن اللي على المعاش اللي أفنوا حياتهم عشاننا .. ومع ذلك وشوفت ده بعيني لناس غلابة وعندهم عزة نفس ما حصلتش بالرغم حالة الفقر والمرض اللي هما في ها نتيجة امراض الشيخوخة وبعد أن أفنى عُمره في العمل الحكومي .. بتلاقي معاشه 230 جنيه .. عيش وربي عيالك يا معلم وكُل وأشرب ومتع نفسك الخير كتير يرضي أنهي كافر ده على وش الأرض ؟؟؟؟؟؟ يعمل نفسه مش سامع أو دبانه دخلت في ودنه ودخلت قناة فالوب وما بقاش فاهم ولا سامع هانقول واحده واحده ؟ يا سلام ... وهو حد طلب نقلة فجائية ... لكن طالما إتكلمت عن ده كله في الموازنة الجديدة وبتبص للغلابة بالمنظر الحقير ده . ما أتكلمتش ليه في نفس الموازنة عن الحيتان اللي بيبرطعوا في البلد ؟ أقسم بالله لي أصدقاء دكاترة جامعة مرتبهم لا يتعدى 3000 ج بالحبشتكانات بالبدلات بـ بـ بـ ... اول عن أخر يعني ...ويقولوا لي من زمان ومن ايام مبارك إن مرتب العميد لا يقل عن 70 الف جنيه لإن مبارك راضي عنهم ومغرقهم فلوس ... أنا مش إشتراكي ولا شيوعي وعارف إن الدنيا كده لكن الدنيا كده لما تسيب الأمور ماشيه بطبيعتها ..فيها الغني وفيها الفقير لكن لما تتدخل إنت كمسئول وإنت اللي تزيد الناس الفقراء فقراً .. وتزيد محاسبيك غناءً فاحشاً .. ومن فين ؟ من فلوسنا وقوتنا وثروتنا يبقى لأ لازم نتكلم ونصرخ في وجه الظلم الكلام ده صادر من ناس ما بتفهمش في البطيخ إنت بتقارن مين بمين ؟؟؟ يعني أنا سين سين مثلاً .... بأشرب سجاير - أعوذ بالله .. لأ طبعاً ولا بأطيقها لكن ده مثل - ... فلقيت عندي أحمد عز ونظيف وبطرس غالي ورشيد محمد رشيد ورئيس عصابتهم مبارك نهبوا البلد وخلوها على الحديدة حتى الحديدة سرقها عز عشان يعملها اسياخ ويبيعها وما بقتش لاقي عُقب سيجارة ... أجي بقى أقعد مع نفسي وأقول : أيها السين السين المتحذلق .. قبل أن تحاسب غيرك وتقول بأعلى صوتك جاييييييييييييييييييييييي حرام على اللي خلفوكم نهبتوا البلد .. لابد أن تتطهر أولاً وتُقلع عن تدخين السبارس يا رعديد ؟ مش ده المطلوب يا متر غنام - إنت لسه 80 سم على فكرة وما بقتش متر .. خلص جامعة الأول وبعدين نقول لك يا متر ونص كمان - قول والله ؟ يعني لما كل المتهمين بقتل الثوار في السويس يطلعوا براءة .. وجهات العدالة لم تقدم لنا متهم واحد وبالتالي القضية ستُقيد ضد مجهول أو تُقيد إنتحار بأسفكسيا الضرب بالرصاص .. يبق ده فتي وكلام فيما ليس لنا به علم ؟ وتفتكر لما كل القضايا كانت بتُثار يوم الأربع والخميس قبل المليونية .. يبقى ده شيء قضائي عادي يا محمد ؟ يعني الدنيا كلها خونه وباعوا البلد والثورة .. أومال مين اللي حلو وشريف وطاهر وهايفضل طول عُمره طاهر ... مبارك ؟

الدستور الذى تم الإستفتاء على تعديل بعض مواده قد تم وقف العمل به قبل الإستفتاء ثم تم الغاؤه بعد الإستفتاء. عن أى استفتاء وعن أي دستور تتحدثون. انتم محكومون بمجلس عسكري ودستور مؤقت فرضه المجلس العسكري ، والمجلس العسكري هذا لم يستمد قوته وشرعيته من الشعب ، بل من محمد حسني مبارك الرئيس السابق الذي تخلي عن صلاحياته للمجلس العسكري. ( الإنقلاب العسكري اللي قال عنه عمر سليمان ). انتوا لسه مش عارفين ايه اللي حصل؟ احنا عارفين كويس احنا مين بيحكمنا دلوقتى يا استاذ لاننا نعيش داخل الوطن ونرى بأم اعيننا تردى الشارع المصرى والفوضى وعدم الاكتراث والغش والفساد ونريد الخروج منهم جميعآ الى شيء محترم ينظم حياتنا فهل عنك حل ما يعطلش حريتنا داخل الوطن نحن نقاسى وانتم تشاهدون على الشاشات فقط لقد استنفذت رصيدى ما اموال سائلة مرتبات لعمال بدون عمل للمحافظة على اسرهم ولن اطيق عدة شهور اخرى هل تعلم اننى افكر جديآ فى بيع بعض الاصول لجلب سيولة هل تشعر بالاسى وانت خارج الوطن بما يقاسية من بالداخل ويترفعون عن الفساد والغش صباحك فل يا صاحب السعادة

احذر المجلس العسكرى من المساس بالشباب المسلم احنا جامدين اوى وهنعمل حشد فى اى لحظة والله ما حنسكت نفديكم ,,, :happy: