لوحة القادة

أخطاء متوقعة ولكنها مقبولة من مؤسسة غير سياسية بالأصل ولكنها قبلت أن تكون هي الحاكم في وقت أفتقدت الثورة للرأس فهي تشكر عليه وعلى اجتهادها فيه القابل للخطأ، وكان يفترض أن تكون أهم واجبات المرحلة لكل القوى السياسية هي أن تعد نفسها لتسلم البلاد من خلال انتخابات نزيهة تمرر البلاد لحكم الشعب ولكننا للأسف وجدنا بعض القوى لا تحسن إلا الحنجورية وشغل الثورات ولا تتصور نفسها تبعد عن الميادين والجلوس في الشوارع قوى لا تملك أي برامج تنمية ، ثم تتهم الآخرين بأنهم يريدوا تقسيم الكعكة (الإسلاميين قطعا).. مش قوي كدة يا أخي أنت لسه قايل كلنا بشر وكلنا بنخطأ واللي في الميدان مش أيضا بشر وهناك من أكد مثل هذا الكلام ، لو كنت متابع لفيس بوك وتويتر أعلى درجات العصمة للقوى الثورية أنتهت يا عزيزي يوم 11 فبراير ، وبعد ذلك دخل الشيطان في تفاصيل حلم البناء معاك حق أن المجلس والحكومة متأخرين في التعاطي مع هذا الملف ، ولكن لا تنسى أنه ملف يمس الثوريين المشتعلين الآن ولا تنسى أنه هناك كلام أصلا على المجلس والحكومة ولم تتثبت أقدامهم بعد ليخوضوا في مثل هذه الملفات فكيف لك وأنت لا تثق في المجلس في إجمالي مداخلتك ، كيف ستثق في تحقيقاته حول هذا الملف سبحان الله أنت أصلا تنكر على المجلس أن يبرز هذه الملفات في وقت بلغ فيه السيل الزبى فكيف لك أن تقبله من قبل ذلك ,, أمر عجيب .. صح ؟؟ شهادتي مجروحة في السلفيين ، ولكن الواقع يقول بخصوصهم "ياما دقت على الراس طبول" فهؤلاء كانوا على خط النار على الدوام وكان غيرهم داخل الغرف المكيفة أما مقولة "قليلوا الخبرة السياسية " .. فمع أحترامي وتقديري لك ولمداخلاتك ، إلا أن هذه الفقرة -التي رددها بعض الأعضاء مؤخرا- لا تدخل زمتي بمليم ,, سامحني على كل حال هناك من 6 إبريل أنفسهم داخل المنتدى هنا من جاء عليه وقت وقال " أنا بحب المجلس العسكري وبموت فيه" وقال أيضا حينما رفض المجلس العسكري استقالة يحيى الجمل بالرغم من قبول عصام شرف لها "حقه مش هو رأس الأمر" هؤلاء لعبوا بكرت المجلس حينما كان في صفهم ، ومن حق غيرهم أيضا أن يلعب ، ولا نقول عليه لا يجيد السياسية ,, أليس كذلك حرام بجد تظلم الأخوان لهذه الدرجة وهم الفصيل الأقوى في مصر والأكثر حنكة وخبرة الأخوان هم أفضل لاعب على الساحة السياسية الآن وميزتهم السكوت قوى سياسية أعدت نفسها بشكل سليم للظهور في وقت تسلم إدارة البلد كقوة مدنية سياسية متمكنة والناس بالمنطق يبحثوا عن تسلم مدني لسلطة البلاد وهو أمر منطقى جدا ولكن غيرهم من معدومي الخبرة السياسية ربيبة برامج التوك شو ومقالات الأسواني وبلال فضل أبوا علينا إلا أن نرجأ بدء تسلم البلاد من العسكر إلى شهرين قادمين هؤلاء (وأقسم بالله) حينما كنا نقول لهم يوم الإستفتاء : قولوا نعم حتى لا يمتد حكم العسكر للبلاد ويطمع في السلطة كانوا يردون علينا : العسكر لو كان يطمع في السلطة لقفز عليها من البداية !!! أيييييييييييييه دنيا ومين اللي بدء بتصيد الأخطاء للسلفيين، ولا نسيت الحرب الإعلامية الظالمة لهم ، أليست القوى الليبرالية التي تنزهها أنت عن بداية الصدام مع الإسلاميين ؟؟ نسيت الهجوم عليهم في كل النوافذ الليبرالية او الغير إسلامية ؟؟ وقال لهم السلفيين حينها ستقولوا "أكلت يوم أكل السلفييون" يبدوا أنك تنسى يا عزيزي..

بعد ما طلعوا مبيفهموش لغة الجسد أو الاشارة والتلميح . . كان لابد من التصريح افضل لحركة 6 ابريل تلم نفسها فى حزب او تتضامن مع حزب بدل ماهى عاملة زى قرد قطع كده . . والله نصيحة اخيرة

بص يا باشا كأنك بتكلم عني بالظبط انا خطبت سنة 2002 انسانة بها كل المميزات الحلوة وعيبها الوحيد جمالها لم يكن مقنعا بي ومريت بنفس ظروفك رفضتها بعد صراع نفسي ومع اهلي ومرت اربع سنوات شوفت فيهم البيضه والشقرا والحلوة والوحشة وخطبت ملكةجمال بدون مبالغة وريتني النجوم في عز الظهر ومريت معاها باسوء ايام حياتي وكرهت الجمال والغريبة ان خطيبتي الاولي لم تكن انخطبت تاني ورجعتلها سنة 2006 وكانت زي الطير الجريح وحسيت انها اجمل واحدة في الوجود وفهمت ان الجمال جمال الروح عن تجربة وحاليا مخلف منها 2 بنات قمرات ربنا يخليهملي واخيرا ربنا يهدي قلبك

مع إني قلت مرارا وتكرارا إني ضد التظاهر الآن ولكن الأمور تتقدر بقدرها .... أيوه لو انقلب على إرادة الشعب هنتظاهر والحقيقة تظاهرنا ضد أي دفع من البعض للانقلاب على إرادة الشعب وما استفتي عليه ولكن لن نسمح لأنفسنا بالتخريب أو الذهاب إلى وزارة الدفاع وإذا استدعانا المجلس العسكري سنلبي دعوته ولن نتكبر عليه وإذا وجدنا أن الشعب المصري لا يرضى عن تصرفاتنا سنتراجع وهكذا يعني باختصار تتظاهر عندما ترى في ان التظاهر سيحقق مصالحك و طلباتك و هو حق اصيل لغيرك و المختلف معك في وجهة نظرك ايضا مما لا شك فيه و لو ان غيرك لم يحرم التظاهر ايام مبارك و تراجع في كلامه و غير مبادءه

الحمد لله جت سليمة أول ما لمحت إسم أبلة المشرفة فلانه في الموضوع . تصورت إنها هاتجري ورانا بالعصايا وتقول : لم كلابك ياض إنت وهو مش ناقصين تعضوا لنا حد جتكم القرف .... ده بدل ما تربي لك جوز أنارب أو فرختين .. رايحين تربوا كلاب تاكل وتشرب وتعوز لحمه كل يوم والناس مش لاقيه العضم حتى ؟ أه صحيح يا زهيري .. ما بتفكرش ليه تبقى من الاُسر المنتجة ... يعني في نفس الجونينة دي تعمل عشة فراخ ... وغية حمام ... وصومعة أرانب ... وأهو تشغل العيال بهواية كويسة ... وفي نفس الوقت تلاقي أخر النهار جوزين بيض تحمرهم ... فرختين بيفرفروا تدبحهم قبل ما يفطسوا ... كده يعني

-الدين النصيحة- لا الأول و لا التانى لأن تربية الكلاب حرام إلا للصيد أو الحراسة و طبعا النوعين اللى انته جايبهم لا ينفعوا كده و لا كده .

أرجو أن يوضع كل شئ فى نصابه البيان موجود فى أول مداخلة .. أين هو الاتهام بالعمالة ؟ .. كلمة أجندة لا تعنى الاتهام بالعمالة .. صحيح أن حديث الدعم الخارجى والتدريب فى الخارج والتمويل الخارجى هو حديث مطروق فى وسائل الإعلام .. ولكن لم يوجهه المجلس العسكرى إلى 6 أبريل .. الأجندة التى يتهم المجلس العسكرى حركة 6 أبريل بتنفيذها هى "ضرب محاولات إعادة الاستقرار" .. ويمكن اعتبارها تفسيرا للمعوقات التى تكلم عنها عصام شرف فى بيانه بشكل غامض (وأنا أستبعد "تماما" أنه كان يتهم المجلس بوضع تلك المعوقات فى طريقه) .. وسبق أن أشرت فى موضوعى "إنى أتهم" إلى أن قيادات الحركات الشبابية تنفذ أجندة ربما بغير قصد .. هناك "لفة" بدأت معالمها تتضح .. اللفة هى أن بعض المراكز الأمريكية تدعم ماليا وعينيا منظمات حقوقية فى مصر .. وذلك بالاعتراف المسجل بالصوت والصورة لإحدى تلك المنظمات وهو اعتراف موجود هنا فى "المحاورات" .. قادة الحركات الشبابية تلقوا تدريبا - عن طريق تلك المنظمات - فى الداخل والخارج .. قد يكون هؤلاء القادة على علم أو ليسوا على علم بتلك الأجندات أو المخططات لضرب استقرار مصر وذلك تنفيذا للأجندة الأكبر وهى أجندة الفوضى الخلاقة والتى تخدم بدورها أجندة أكبر اسمها الشرق الأوسط الجديد .. لذلك أسأل - والبينة على من ادعى - أين هو اتهام المجلس لحركة 6 أبريل بالعمالة .. أنا لم ألحظه .. لذلك أستغرب جدا التركيز على ما لم يقله البيان وإهمال ما قاله 6 أبريل ملأت الدنيا - وعلى رؤوس الأشهاد - بدعواها إلى التصعيد ضد المجلس العسكرى .. فأصدر المجلس ذلك البيان ردا على هذا التصعيد .. وهو بيان كل ما فيه هو "التنبيه" إلى محاولات الوقيعة بينه وبين الشعب .. وهذا الاتهام من الصعب على 6 إبريل إنكاره .. المجلس لم ينتقل - بعد - إلى المرحلة التالية للتحذير وهى المرحلة (أو ربما المراحل) التى لا أريد أن أتوقعها لعبة شد الحبل التى تمارسها 6 أبريل ستستدعى لا عبين آخرين ربما يكونوا قد بدأوا فعلا فى إمساك طرف الحبل إلى جانبهم ضد المجلس العسكرى سمعت أحمد المسلمانى يدافع عن الحركات الشبابية ويصف دعاوى التمويل بأنها دعاوى لتشويه الثورة .. ولكن يبدو أن هناك ما جعله يعيد النظر فى ذلك الدفاع وإنكاره واستنكاره لموضوع التمويل: http://www.youtube.com/watch?v=AjSh0OqobOI&feature=player_embedded

دول قادة وكوادر 6 ابريل بالكامل اللي بيقولوا عليهم معاهم اجندات خارجية وبيقبضوا دولارات ! اترك الحكم ليكم

كدة البيان ده هيتفهم إنه تفسير متأخر لكلام د. عصام شرف عن المعوقات اللي بيقابلها ودلوقتي المجلس حط 6 إبريل في مواجهة مباشرة مع الشعب 6 إبريل هتواجه المجلس اللي اتهمها ... عشان تبين ليه قوتها و حجمها السياسي و شعبيتها في الشارع المصري بس يا ترى المواجهة هتكون إزاي ... حشد و تصعيد ... و سلمية سلمية ... ولا إعلان حرب على المجلس 6 إبريل مش عارفة إنها لأول مرة في اختبار حقيقي أمام الشعب و ليس أمام النظام و ليس في صالح أي طرف إقصاء 6 إبريل من الصورة

حتي لو اختلفت معاهم وكنت بتخاشن معاهم في ردودي في بعض الاحيان وكنت مختلف معاهم في كذا مليونية لكن بردوا حركة 6 ابريل كلها رجالة وجدعان وصامدين وكان لهم ضلع كبير في نجاح الثورة الانقلاب علي الناس دي دلوقتي هدفه هدف خبيث وتوقيعنا مع بعض هدفه خبيث وانقسامنا هدفه خبيث علي الجميع ان يأخذ حذره وان ينتبه للقادم

الضمير عائد على مين !! اخيرا نطق الجيش باللي كتير من المصريين شايفينه و عارفينه كده اظن الصورة وضحت

السلام عليكم و رحمة الله و بركاته استعنا بالله واحد راح مستشفى المجانين لقي كل المجانين عماليين ينطوا ويقولوا إحنا فشار! لقى واحد قاعد على جنب قال بس هو ده العاقل اللى فيهم قاله انت قاعد ليه كده؟ قاله سيبنى دلوقتى انا لازق فى الحلة

*تعليقاً.. وتأثراً .. بالأحداث الحاليه ..التى تسر العدو ..ولا تسر حبيب قولوا معايا... لا للثوره بِهِمَه ورايا .. لا للثوره لا للثوره.. لا للثوره لو راح تــهــدم ... ولا تبنــيش لو خلتنى .. ف رُعب .. أعيش لو ملاقيــتش .. رغيـف العيش يبقى بِعَزم ما فيا.. بقولها لا للثوره.. لا للثوره لو ح تــشعلل ... نــار الفـتـنـه وتــفـــرقــنا .... وتــشتــتــنــا وتكرهنا كــمان... فى حــياتــنا يبقى بقولها..وتانى بعيدها لا للثوره.. لا للثوره لو حيقــودهــا .. بكل غــــرور نــاس شغــلتــهم.. بس تثــــور يعــنى شباب أرعن... موتـــور يبقى أكيد وبقوه .. بقولها لا للثوره.. لا للثوره لو ح تــهــدد... أمــن بـــلادى وتــزود .. فــرحــة حُســـادى ويصبح .. كل هـدفها .. تِعادى يبقى بعلو الصوت..وبكرر لا للثوره.. لا للثوره و... التونسى ..((الثائر سابقاً))

عايز ربنا يرضى عنك ... .. . يبقى لازم يرضى عنك والدك ووالدتك تقرب إلى الله بكل كلمة حلوة تقولها لوالدك أو والدتك تقرب إلى الله بتقبيل يد أمك ويد أبيك تقرب إلى الله بكل هدية بسيطة تدخل السرور بيها على قلب والديك قال رسول الله صلى الله عليه وسلم (رضا الرب فى رضى الوالدين وسخط الرب فى سخطهما) هيا لنرى هذا المقطع الجميل ( رضا الله عليك في رمضان ) الشيخ احمد جلال للتحميل والمشاهدة اضغط هنا http://www.way2allah.com/var-item-3801.htm جزاكم الله خيرا

استاذ طارق تحيتنى لحضرتك طيب هو من امتى الاخوان عندهم مصداقيه عشان يفقدوها انا عن نفسى مصداقيتم عندى صفر لانهم فقدوها عندى من زمان

الاخوان ناس زهدت في الدنيا وفي الحكم والسلطة ومجلس الشعب واتصوفوا عشان كده مش عايزين اكتر من نصف مجلس الشعب وثلاث ارباع المجالس المحلية ونسبة 90% من النقابات المهنية والعمالية ورئيس الجمهورية فوق البيعة وبس شفتوا زهد و قناعة اكتر من كده دول فعلا لا عايزين سلطة ولا اي حاجة من الدنيا الفانية

قسما بالله انى لما سمعتهم فى الاول بيقولوا مش هيخوضوا الانتخابات.. ضحكت و قلت ايه الكدب ده ولا صدقتهم. و بعدين يعنى احنا مربيين الاخوان على ايدينا.. و عارفينهم كويس.. القصة واضحة و مش محتاجة.

هو سؤال برئ كده علي الماشي ازاي الجيش يسمح بوجود مدنيين شايلين سيوف وشوم بحجة انهم لجان شعبية :blink:

اقول لك على سر ميعرفهوش غير المعتصمين فى التحرير؟ المعتصمين فى التحرير انفسهم زهقوا و حسوا انهم فشلوا - ايا ما كانوا بقى 6 ابريل ولا غيرهم - لانهم كانوا فاكرين انهم هيعملوا مليونية جامدة قوى و يستغلوها ضد المجلس.. و لكن الموضوع بقى زى اللعبة البايخة اللى بدأت تفقد مصداقيتها. التصرفات الغبية دى هى اللى هتضيع هيبة ميدان التحرير و تفقده اى مكسب. و على فكرة على لسان المعتصمين نفسهم... كانوا بيسألوا بعض امبارح احنا اللى بنعمله ده صح ولا غلط.. يعنى هما نفسهم مش متأكدين من موقفهم!!

الناس دى بتفكرنى بمبارك كل حسابتهم غبيه يعنى يروحوا العباسيه فى وقت البلد كلها مخنوقه منهم ووصلوهم لمستوى من الكراهيه ليهم ولكل من له علاقه بالتحرير الناس فى العباسيه بتعيش يوم بيوم ومش ناقصيين يتخرب بتهم علشان مطالبلب الناس حاسه انها لن تنتهى بلا سقف وبلا منطقوحاسيين انهم ضد الناس والشعب رجاء اى حد يبلغ اللى اغسمهم ثوار انهم لا ثوار ولا حاجه وان مش كل البلد اللى مش معاهم بلطجيه وبلاش تلاعب باقوات الناس لان التحرك الشعبى هيكون عليهم مش ليهم

ينجيهم من مين عفواً يا طارق ؟؟؟ قولت من اللجان الشعبية اللي واقفين في صف الجيش والشرطة ومعاهم مولوتوف وأسلحة بيضاء وفي معتصمين تم نقلهم إلى مستشفى الدمرداش مصابين بطلقات نارية ... هما دول اللجان الشعبية اللي تقصدهم ؟ ومش هما دول نفس اللجان الشعبية اللي هاجمت معتصمي التحرير يوم 3 فبراير بالمولوتوف وقتلت العشرات ؟

غلط يا طارق ومالكش دعوة بالموضوع ده عشان ما يتاخدش عليك كلام ولما هما راصدينهم ومسجلين لهم شرايط فاضحه كمان من سنة 2009 .. كانوا فين ده كله ؟ وبعدين في جهات قضائية هي اللي تتولى التحقيق وتُعلن الحقائق بالأدلة والبراهين ... إفتكر الكلام ده كويس يا طارف ... النهاردة بيقولوا شقق فاخرة في نص البلد لـ 6 إبريل .. وسكتنا وصدقنا بكره وأبصم بالعشرة هايقولوا فلل وشاليهات في مارينا كان السلفيين بيجتمعوا فيها هما والأخوان من سنة 1919 .. وكله متسجل وعاوز نذيع قول ذيع الكلام ده عيب جداً ... ويبقى كده ما فرقناش عن نظام مبارك وشرايط الكنرتول بتاعت صفوت الشريف ... الامور التي تمس الأمن القومي المصري لا يجب أن يتم تناولها هكذا .. ولما يكونوا 6 إبريل أو حتى 15 مايو وإنت داخل على حلوان من الأوتوستراد .. فيجب أن يتم تناول الموضوع بشكل قانوني محترم .. مش لا مؤخذه تلقيح كلام إعلامي وفرش ملايات زي اللي بيحصل .. ومن مين ؟ من ناس عسكريين معروف عنهم الدقة والإنضباط .. فين أدلة اتهام كذبة ابريل للمشير بالتواطؤ مع مبارك والحاحهم الممل على ذلك ? دى الفيصل ولازم تطلع الادلة . . الملايات الابريلية مفروشة هنا من مايو ايام الثورة الثانية وتصدى الشعب لها بكل قوة ووعى فى كل مكان مش هنا بس . . متزعلش لو قلت عليك وعلى ادارة المنتدى انكم متواطئين مع 6 ابريل انك تسمح لهم ينشروا ادعائتهم وتحريضهم ضد المجلس العسكرى بدون أدلة تيمور لما بيتزنق يروح رامى فيديو لاا حد ويقولك دليل والباقى فى وقته اذا مكنش ده وقته لو هو موجود اصلا . . امال هاتطلعوا أدلة امتى? كن منصفا واطلب من كذبة ابريل ما تطلبه من المجلس العسكرى ملحوظة . زيارتى للميدان والمنطقة المحيطة به يوم 15 يوليو وبعده ازالت كل علامات الاستفهام لدى وأدعى انى أملك تصور واضح عما يحدث سأطرحه حين أملك وقتا لذلك

غلط يا طارق ومالكش دعوة بالموضوع ده عشان ما يتاخدش عليك كلام ولما هما راصدينهم ومسجلين لهم شرايط فاضحه كمان من سنة 2009 .. كانوا فين ده كله ؟ وبعدين في جهات قضائية هي اللي تتولى التحقيق وتُعلن الحقائق بالأدلة والبراهين ... إفتكر الكلام ده كويس يا طارف ... النهاردة بيقولوا شقق فاخرة في نص البلد لـ 6 إبريل .. وسكتنا وصدقنا بكره وأبصم بالعشرة هايقولوا فلل وشاليهات في مارينا كان السلفيين بيجتمعوا فيها هما والأخوان من سنة 1919 .. وكله متسجل وعاوز نذيع قول ذيع الكلام ده عيب جداً ... ويبقى كده ما فرقناش عن نظام مبارك وشرايط الكنرتول بتاعت صفوت الشريف ... الامور التي تمس الأمن القومي المصري لا يجب أن يتم تناولها هكذا .. ولما يكونوا 6 إبريل أو حتى 15 مايو وإنت داخل على حلوان من الأوتوستراد .. فيجب أن يتم تناول الموضوع بشكل قانوني محترم .. مش لا مؤخذه تلقيح كلام إعلامي وفرش ملايات زي اللي بيحصل .. ومن مين ؟ من ناس عسكريين معروف عنهم الدقة والإنضباط ..

الرجوع للحق فضيلة ... وتحية إعزاز للمهندس ماجد وامثاله من غير المتكبرين ... فإن إعتذارة زاده كرامة وعِزة .

السلام عليكم و رحمة الله و بركاته استاذي الفاضل مخنوق محدش فينا هيقدر يقولك انت تعمل ايه بالظبط و محدش من اهلك او اللي قريبين منك برضه هيقدر ياخد عنك قرار حضرتك لازم تاخده لوحدك و تتحمل مسئوليته في كلا الحالتين لوحدك علشان مترجعشي و تعلق اخطائك او قراراتك علي شماعة الاخرين لكن اللي كل حد فينا هنا يقدر يعمله انه ينور لحضرتك "لمبة" تساعدك علي التفكير او يفتح لحضرتك "باب" يمكن تمكونشي خبطت عليه قبل كده اسمحلي افكر مع حضرتك في التالي: 1- حضرتك علي الرغم من حالة التذبذب اللي انت فيها بين القبول و الرفض الا انك كتبت كتب الكتاب و ده معناه انك في لحظة ممكن تكون بتفكر في حاجة و بعدين بتعمل قرار تاني مختلف....يعني بتزود المشكلة....هل فيه ضغوط من العيلة لاتمام الزواج ام هو التزامك بكلمتك أم فعلا رغبة حقيقية انك تكمل مع البني آدمة دي؟ السؤال ده محدش هيجاوبك عليه انت اللي لازم تجاوب بيه علي نفسك 2- موضوع الشكل في الجواز بشكل عام دي مسالة نسبية جدا يعني اللي تشوفها متوسطة الجمال غيرك ممكن يشوفها واااااااااااو.....خيالتنا و تصوراتنا عن الشريك بتبقي قبل الموضوع خيالية كتير لما بنتحط في التجربة بتحس انك بتختار بطريقة تانية خالص السؤال هل بتشعر بانجذاب "حسي" ناحيتها... لان ممكن تكون انت مش حاسس بانجذاب ناحيتها بشكل عام بس مش لاقي سبب معين....و بتحط الموضوع علي حكاية الجمال "الشكلي" 3- طب ما تعمل اختبار لنفسك سريع كده.....ليه متجربشي انك تمنع الاتصال فترة.....و بعدين ترجع تاني...و تشوف ردة فعل حضرتك ايه؟ 4- متفقة جدا جدا مع استاذتي امل لما بتقولك ان الصور علي الكمبيوتر او التواصل عن طريق الانترنت مش كفاية يعني استاذي الله يرضي عليك فيه ناس حظها فعلا بيبقي كوميدي اوي في الصور و ممكن و انت بتكلم اهلك ع الانترنت تلاقي البوق ركب فوق الحاجب او الاتصال قطع...يعني دي طريقة انك تحس انك بتقرب من شخص هتكمل معاه بقية حياتك...لو مكان حضرتك و ده قرار مصيري انا اقطع تذكرة و اقضي الويك اند الجاي في مصر...و اشوفها وجه لوجه و اتكلم معاه في مليون حاجةو في مليون حكاية و اشوف انا بالظبط عايزة ايه لكن انت قاعد لوحدك و في الغربة و قاعد دماغك تودي و تجيب و تحكم عن طريق الكمبيوتر طب ازاي طيب ده انا لو هشتري موبايل بفضل اعمل ترالللي علشان اشتري حاجة تريح دماغي اومال لو جواز....(طبعا معذرة علي التشبيه) قرار مهم متستخرشي فيه لا وقت و لا فلوس علشان لما تاخد قرار تبقي متاكد منه و برضه مهما اتاكدنا احنا بس بناخد بالاسباب و اللي ربنا كاتبه هتشوفه هتشوفه و لو بعد حين صلي استخارة في كل خطوة في كل قرار في كل حتي فكرة عابرة بتيجي في دماغك ربنا يرزق حضرتك راحة البال و طمنا قريب و برضه اللي انا كتبته مقدرشي اقول لحضرتك ده صح و لا غلط بس ده اللي اقدر اعمله مع نفسي و معرفشي مع حضرتك تقدر تعمل ايه ربنا يرزقك قرة العين في الدنيا و الاخرة

السلام عليكم, اولا: ياريت كل الناس تقلل من حدة الكلام لانها لا تثرى الحوار ولا تساعد فى اثبات وجهة نظر معينة تانيا: تصريحات الوزير المفروض انها صدق الى ان يثبت العكس, وسبتمبر المقبل ليس ببعيد, بعد ما يجى سبتمبر المقبل نشوف اين تصريحات الوزير من ارض الواقع ثالثا: شهادة حق, انا بحس بروح التفاؤل والتغير من المهندس اشرف, والشعور ده مش من فراغ و حصل من قرابة الشهر او ما يزيد ,ان الناس كلها قالت انه لا يوجد اراضى فى الشروق من اجل اراضى المشروع الاجتماعى المقبل , والمهندس اشرف قال انه الكلام ده غير صحيح, وان الناس هى اللى بتقنع نفسها بالكلام ده, وفى ناس سألت فى جهاز مدنية الشروق وقالوا ان مفيش اراضى , لكن بعدها اعلن جهاز المدنية عن توفر قرابة 336 قطعة وقام المهندس اشرف بنشر الخبر. رابعا: فى ناس برده بحس منهم روح الواقعية والوقوف على ارض الواقع من خلال التجارب العملية زى المهندسة عطر الجنة , وبرده النوع ده من الخبرات مفيد لانه بيحكى عن تجربة واقعية بارقام ملموسة. واعتقد فى كثير من الزملاء هنا لامس ذلك منها خامسا: احنا محتاجين النوعين, النوع المتفائل المتطلع لغد مشرق زى المهندس اشرف, ومحتاجين النوع اللى عنده قصة حقيقة (او حدث بالفعل زى ما بيقولوا) زى المهندسة عطر الجنة , لاننا بالنوعين هنقدر نطلع للامام. وفى النهاية, ادعوا الله بالتوفيق للجميع , وتقبلوا مرورى

انا أرفض اتهام أى قوى مصرية معارضة بأنها تتأمر دون تقديم الدليل الدامغ على ذلك لان ذلك يفتح الباب لنفس نهج النظام القديم فى القاء تهمة المؤامرة والدساسة على أى حركة تعارض المجلس العسكري ومندهش من بعض الأخوة الذين هللوا وفرحوا بهذا الاتهام لحركة 6 ابريل !! وكان المفترض ان يرفضوا توجيه هذا الاتهام لأى معارضة مصرية حتى ولو كانوا مخالفين فى الرأى لها لأنه اذا تقبل الناس هذا الاتهام لحركة 6 ابريل فسيأتي الوقت الذى سيتم فيه اتهام اى حركة معارضة أخرى انها متامرة ومدسوسة وسياتي الدور لكل حركات المعارضة فى مصر تباعا وسيقول الجميع وقتها اكلت يوم اكل الثورة الأبيض نتقبل تهمة المؤامرة والدساسة ضد أى حركة معارضة فى حالة واحدة فقط وهى تقديم الدليل للشعب المصري اما التهمة دون دليل فهو نفس نهج النظام السابق وهو بمثابة الردة للثورة المصرية

بسم الله الرحمن الرحيم الأخت الفاضلة 1- هو أنا علشان أريد قطعة أرض بسعرها الحقيقي يبقى أنا كدا طمعان ؟ أليس هذا حق من حقوقي كمواطن مصري ؟ 2 -إحتياجي لقطعة الأرض هو إحتياج حقيقي يا باشمهندسة يعنى أنا أريد قطعة الأرض لبناء منزل لأولادي أأمن لهم مستقبلهم و أعتقد إن هذا هو الوضع الطبيعي , يعنى مش عايز قطعة الأرض علشان أضارب عليها وأطلب فيها أوفر مليون جنيه و أقول في الآخر إن هذا رزق ربنا باعتهولي بعد أن أكون قد حرمت غيري من فرصة الحصول عليها و قد يكون هو محتاجها أكثر منى . 3 - أيهما أفضل للمواطنين أن تكون مناطق الإسكان قريبة من المدينة الأم أم إنني أرسلهم بعد مدينة بدر ؟ . 4- أيهما أفضل من الناحية التخطيطية الهندسية أن أقيم المناطق الصناعية بالقرب من المدينة السكنية أم أن أقيمها بعيداً عن الإسكان و في الصحراء ?. 5 - أنا لا أعترض على أن أسعار الأراضي تغلى بناء على تنمية حقيقية فهذا وضع طبيعي و لكن تغلى بناء على مضاربات و على قرعة بتعتمد على ضربة حظ فأعتقد إن هذا يضر بالسوق و لا يفيده . 6 - ألاحظ دائماً إن كلما نشر موضوع يخص طرح أراضي المدن الجديدة بوفرة و بأسعار مناسبة حضرتك تبدي إستيائك للموضوع كأن تعلقي بأن ذلك حلم ليس له أي أساس من الواقع أو أفلح إن صدق و غيرها من التعليقات التي تقتل أحلام الناس و تجيب لهم الإحباط ليه مش عارف ؟ دا حتى الكلام المقترن بإسم حضرتك ( وهو إن من أعظم العمارة الهندسية أن تبني جسرا من الأمل على نهر من اليأس ) كلام جميل ياريت تطبقيه في تعليقاتك الخاصة بهذا الموضوع . 7- من حق حضرتك أنك تقيمي ما أقوله بالسالب فهذه حريتك الشخصية . خالص تحياتي مهندس / أشرف محمد

اخي الفاضل . لم نولد فاسدين او مفسدين ولكن النظام السابق فرض علينا الفساد . . بانواعه المختلفه ( انا عايش برا مصر اكثر من مصر لذا فانا لا ادافع عن نفسي . ولكن لا اعتقد ان احدنا معصوم من الفساد في ظل تلك الفوضي . ولكن العصمه ان لاتقدر علي فعل المعصيه ) وفتح تلك الملفات في هذا الوقت. يشل العمل ويتحول العاملين فيها من منتجين الي مدافعين عن انفسهم باخفاء مستندات اوالدفاع عن اصحابهم ,,الخ ... كما حدث مع الشرطه والامن .. لا نريد تكرار التجربه . لا يعني طي صفحه الماضي العفو عنهم .. ولكن يتركه للوقت كفيل بنبشه او طيه فلن نجني من نبش الماضي الا ضياع الوقت . وتوقف عجله التنميه. بل العوده بها للوراء .. وما اصعب الاثبات .

والله يا عم أحمد أنا بكلمك و أنا عارف انك من أكثر الناس الحياديين اللي شفتهم..و عارف انك فعلا لا مع دول ولا مع دول..لكن اسمح لي بس بتسجيل ملاحظة صغيرة حتة ان الليبراليين ما بدأتش بالهجوم..معلش..أنا مش شايف كده خالص..بص يا عمنا..من أول ما الثورة بدأت و حتي موضوع الاستفتاء..الناس كلها كانت ايد واحدة..و حتي يوم الاستفتاء كله كان بيقول نعم و لا إيد واحدة..بالرغم ان كان فيه حالات حشد لأصوات معينة من الطرفين..لكن برضه كلنا قلنا..أيا كانت النتيجة كلنا ان شاء الله هنرضي بيها و المهم هو العرس الديموقراطي اللي حصل يومها.. بعد الاستفتاء ايه اللي حصل؟..بدأ هجوم فظيع علي الاسلاميين..و بدأت أصوات تنادي بالدستور أولا رغم ان ده قفز صريح علي شرعية الاستفتاء..و بدأت أصوات تنادي بأن الشعب جاهل و إن رأي النخبة غير كده...و كلام من النوعية دي...يبقي معلش يا عم أحمد...مين اللي بدأ بالهجوم؟ أنا والله لا عاوز أولع الدنيا..ولا بحب ان النار تفضل مولعه كده..وأرجو من الله أن يؤلف بين قلوبنا جميعا..و نصبح علي قلب رجل واحد..بس أنا حبيت أوضح مين اللي بدأ بالتخوين و التشكيك في الآخر و عموما أنا عارف ان ده مش وقت الكلام ده..و ربنا يستر من اللي جاي

الحل بسيط يا غريب ويتمثل في أن تقف مع الحق ... وتعلم جيداً أننا جميعاً بشر .. لنا ما لنا وعلينا ما علينا وإننا نُخطيء ونُُصيب نجهل ونتعلم لكن عشان تجارب تمر علينا .. ويا ريتها بعيدة .. لكن دي مُنذ أيام قليلة ولا نتعلم منها ... يبقى ده مُنتهى الغباء عفواً يعني وأقصد هنا أخطاء المجلس العسكري التي يُصمم على إرتكابها بمنتهى الكِبر والصلف .. يعني كل مصر ضحكت وسخرت من إتهامات العمالة والكنتاكي وحفلات الجنس الجماعي التي تُقام في التحرير ... وكنا نعلم أن من كانوا هناك هم أشرف من فينا وبالرغم ذلك يأتي المجلس ليُكرر نفس الأخطاء بنفس الطريقة والألية يا أخي معاك أدلة إظهرها وإسحل الناس دي بالقانون ... يا أخي فلقتونا إنتوا وعصام شرف بالكلام عن المؤامرات وأعداء الثورة وكأنكم بتخوفونا بأمنا الغوله أو أبو رجل مسلوخه اللي موجودين في خيالكم بس ولما أنتو كحكام تتكلموا كلام مُرسل .. وعفواً عبيط وبدون أدلة ويمين وشمال وكلام في الهوا بالرغم من إن امن الدولة عندكم .. والمخابرات عندكم ... والشُرطة عندكم ... لأ والبنوك كمان عندكم ... يعني بكبسة زر واحدة تعرف مين جاله كام ومن فين أومال الناس العادية اللي زينا تعمل إيه ؟ حصل وعلى عينك يا تاجر وإتهامات لقوى " البترودلاور " ... وللأسف هو فخ إستُدرج إليه السلفيون وهم قليلو الخبرة السياسية .. واصبحوا يرددون أن من هناك في التحرير هم عملاء ويتلقون أموال من الخارج وبلاب لاب بلا .... وبالتالي بمنتهى السذاجة ما يعرفوش اللي بيُدبر لهم وإنهم غداً سيؤُكلوا يوم يؤكل الثور الأبيض اللي في التحرير فالظاهر والله أعلم إن المجلس العسكري بيحاول يضرب الحركات السياسية القوية ببعض ويقف هو يتفرج ويضحك .. وبالتالي اللي يفوز منهم يتصرف هو معاه بقى على إنفراد عشان كده بنلاقي إن الأخون المسلمين موقفهم دلوقت في منتهى المكر ويُشبه موفق المجلس العسكري في الحيادية السلبية ولا يدخلون في صراع مع أحد وحتى مطالب الثورة وأهدافها لم تعد تهمهم ... وأنا لا أتفق معهم على الإطلاق .. لإن مصر مش تورتة أو سبوبة الواحد يدرو ياكلها منين ... ومطالب الثورة التي لم تتحقق حتى الأن ولن تتحقق بهذا البطء والتخاذل هي مطالبنا كلنا وعفواً فلم يكن من مطالب الثورة إن يبقى هناك حزب للأخوان ويبقى هناك تخطيط إستراتيجي بقنص أكبر عدد من الفرص السياسية حتى لو على حساب مصر نفسها لإن المفروض مصر فوق الجميع وفوق أي مطالب أو أهداف شخصية فعشان قوة كبيرة زي الأخوان يشوفوا الحركات الليبرالية أو هاسميها التي لا تتبنى الفكر الإسلامي ... تصطدم بالحركات السلفية وغيرها من منتهجي هذا الفكر .... وهاتك يا كلام هنا وهناك .. بالرغم والله يعلم أنني لا أنتمي لا إلى دول ولا إلى هؤلاء ... فإن إحقاقاً للحق الليبراليين أو الحركات الغير إسلامية لم تبدأ بالصدام ويمكن لا تذكر الحركات الاخرى في أحاديثها أو نشاطها .. لكن العكس يفعله السلفييون مثلاً وكإننا خلصنا كل القضايا وحققنا كل الأهداف وأصبح أمامنا فقط القضاء على الليبراليين الكفرة .. وهذا خطأ كبير ... واللي السلفييون مش قادرين يفهموه إن طبيعة الحياة هي الإختلاف والتنوع .. وإن كل واحد فينا بفكرة وبثقافته لو إشتغل في منطقتة بدون إصطدام أو الحرب مع أحد .. فبالتأكيد كل ده هايصب في مصلحة البلد في النهاية ... لكن نتصيد لبعض الأخطاء وندخل في صدام ونعمل زي اللي داخل سباق وكل همه يكعبل اللي جنبه فقط .. لحد ما في النهاية يلاقي نفسه خسر .. وبالتأكيد اللي كعبله خسر هو كمان .. وتلاقي واحد تاني هو اللي كسب ويا عالم التاني ده هايكون مين ..

ما تحبطوش الجدع يا أخوانا زهيري اللهم صلي عالنبي عين أعيان فانكوفر في كندا وعنده فيلا بجنينة مرويه بالراحة .. وبالتالي ما فيهاش حاجهلما يعمل كشك للكلب وخلي العيال تلعب ..

لا ده مش تحفز استاذي ده وضع استعداد انه يعمل بيبي؟؟؟؟

تم الغاء اللقاء التليفزيوني لاحمد عبدالله و هاني خورشيد اعضاء حركه 6 ابريل الان في برنامج يسعد صباحك علي القناه الثانيه و تم ابلاغهم انها تعليمات امنيه بمنعهم من الظهور في البرنامج

غلطان يا تيمور .. المفروض إنتماءك الاول يكون لمصر ... وتعترف إن لو حركة 6 إبريل طلع عليهم اي شبهات يبقى لازم تتبرا منهم فوراً

أنا الحمد لله لأ أنتمي لـ 6 إبريل ولا 15 ذو القعدة ... وأرفض كثيراً من تصرفاتهم المتسرعة ... لكن إذا كنت بأرفض تصرفاتهم وهما مجرد حركة سياسية .. قيراط فأنا أرفض تصرفات المجلس العسكري الحاكم 100 قيراط لإنه حاكم ولإن بيده السلطة ... ولإن تباطئة وتواطئة في بعض الأحيان شيء مُثير للريبة والدهشة وما حركة تنقلات الشرطة والتغيير الوزاري الأخير ببعيد 6 شهور كاملة يا سادة 6 شهور وإحنا بندور في حلقة مفرغة .. وفي الأخر يقول لك بندرس تطبيق قانون الغدر على اللي خربوها لمدة 30 سنة وهما كانوا في غفلة عاوزين يطلعوهم براءة ... فاكرين براءة زكريا عزمي وفتحي سرور وإبراهيم كامل ؟ هاتقول لي ده القضاء .... قول والله ؟ وعلانية المحاكمات قضاء ... والاتهامات اللي لم توجه لمبارك ولمراته حتى الان .. قضاء وعادل عبد السلام جُمعه المشبوه .. قضاء ؟ يبقى مين اللي بيحمي الثورة ومين ضدها ؟ وكل واحد يسأل نفسه .. لو ما كانتش الحركات السياسية دعت إلى إعتصامات 8 يوليو ... كان هايبقى إيه الوضع ؟ عارفين كلنا طبعاً كان هايحصل إيه ... نفس اللكلكة والتهتهه بتاعت عصام بيه وفي معوكات بتعوكني عشان أنا معوك ... بقى 6 إبريل بتعوكك ... طب إزاي إشرح لنا عشان نمدهم على رجليهم ونملص ودانهم ؟ عُمركوا شوفتوا رئيس حكومة بيوجه كلمة هامة للشعب بعد تغيير ثوري - ده المفروض - ويقول في كلمته .. مش عاوز أطول عليكم ؟؟؟؟؟؟؟ وكل مره يتكلم ما تفهمش منه حاجه ولا تفهم خطوات ولا خطة عمل ولا حاجه ابداً وكانت هاتبقى نفس الولولة بتاعت الوزرا الفاشلين وإن البلد رايحه في داهية لا محالة ونفس المحافظين بتوع الحزب الوطني موجودين يا ناس يا هو يا عالم يا اصحاب العقول ... حصلت في الدنيا منذ بدء الخلق إن ثورة تقوم على نظام فاسد وتقتلعه ... ثم نجد كثر من ذيول هذا النظام هي برضوا اللي تُحكم وتُسير الأمور بعد الثورة وتحقق أهدافها ؟ حصلت في الدنيا إننا نسمع أفواة وكلمات حمضانة في عز الثورة ( كنتاكي ... عمالة .. تمويل من بره .. 5000 ج لكل متظاهر .... أجندات وكراسات صفحة وصفحة من غير جلاد ) ... والناس تضحك ملء أفواهها .. ثم بعد الثورة تسمع برضوا نفس الكلام ده ... طب إزاي ؟ بيقول لك فايزة ابو النجا شغالة على الملف ده وهاتفضح الكل على الملأ .. ماشي يا ست فايزة ... وأعتقد إن حركة 6 إبريل وغيرها يهمها برضوا تعرف الحقائق وتعرف دخل حساباتهم كام أقسم بالله على قناة العربية أمس إستمعت لنص تحقيقات النيابة مع عُمر سليمان وقال بالحرف الواحد ( الأمور كانت ماشية إلى حد ما كويس يوم 25 و 26 و 27 يناير وكانت الشرطة بتفض المظاهرات والمتظاهرين بيتفرقوا بالليل ويتجمعوا الصباح فقط .. وكان النظام متخوف من نزول الاخوان للمظاهرات .. لكن فجأة - وخير اللهم جعله خير - رصدت المخابرات المصرية وجود إتصالات بين الأخوان المسلمين وبين حركة حماس في غزة ثم فجأة حدثت جُمعة الغضب يوم 28 يناير التي نزل فيها الأخوان للشارع ) وعيشوا وفسروا إنتوا بقى يعني الجميع خائن والجميع تواطأ ومافيش حاجه مصرية خالصة

ائتلاف شباب الثوره و بعض القوي السياسيه تطالب بتأجيل شهر رمضان لأن مافيش حد مستعد له غيرا الاخوان و السلفيين :D شرف:إذاعة المحاكمات بعد الإفطار بدل ما الناس تشتم القاضي وتخسر صيامها العيسوي:لا يوجد لدينا مدفع إفطر عمرو حمزاوى:أرفض بشدة مايسمى بـ "قمر الدين".و على التيارات الإسلامية أن تكف عن خلط الدين بالقمر =-=-=-=-= بس حد خد باله من عنوان الموضوع القوات المسلحة تهاجم 6 ابريل في بيان رسمي أخيرا طارق حسن من أخوان المنصورة وخريج الأزهر

مع أنني أرى ان غالبية الاخوة فى الموضوع يهاجمون حركة 6 ابريل إلا أنني واثق ومتاكد تماما أن حركة 6 ابريل هى حركة وطنية مصرية مخلصة وما الهجوم الذي يحدث عليها الان ومحاولات تشويه صورتهاإلا لأنها الحركة الثورية الوحيدة التي لم يستطيع احد ترويضها حتى الان , ومازالت تمثل رأس حربة الاحتجاجات ما بعد الثورة , ومتابعة سريعة على تاريخ الثورات العالمية نجد انه لا توجد ثورة يقوم بها أهلها وبعد نجاحها فى اسقاط النظام يخرج الناس ليقولوا ( خلاص انتهت الثورة والكل لازم يهدأ !!!) لان اسقاط النظام فى اى ثورة هو البداية فقط وليس نهاية اذا اراد اهل الثورة أن تاتي اكلها , ونظرة سريعة فى تاريخ الثورات فى العالم نجد ان مرحلة ما بعد الثورة أهم بكثير من الثورة ذاتها وهى المرحلة التي يتصدى لها بقايا الانظمة الساقطة بشراسة اكبر من التصدي للثورة ذاتها لانها مرحلة ينتج عنها ازالة ما تبقى لهم من نفوذ . وعلما أنني اختلف مع البعض ممن توجهوا أمس الى المجلس العسكري امس لانه بذلك يساعدون المحاولات الرامية لزرع الفتنة بين الشعب والجيش

بالفعل اصبحت تلك الجرائم تهدد بتدمير اسر بالكامل ودائما ما يكون وراءها شخص نسى عقاب رب العباد بتشهيره باشخاص محترمين وتلفيق القصص المسيئة عنهم بالفعل تألمت من الموضوع الذي تفضلتي به يا ام علي فما بالنا بصاحبة الموضوع وهي سيدة فاضلة كما تفضلتي ولكن للاسف (سمعت) انه لا يوجد قانون يعاقب على جرائم التشهير الالكتروني واتمنى ان يسن قانون رادع لمثل هذه النوعية من المستهترين بسمعة الناس والقابعين وراء خراب بيوتهم وهم متخفين خلف لوحات المفاتيح حسبنا الله ونعم الوكيل فيهم وفي كل من ضاع وباع ضميره واخلاقه اشكرك اختى ام علي على اعادة فتح مثل هذه الموضوعات الهامة فعلا

الحمدلله اخيرا نطقوا باللي خلاص شايفينه و عارفينه

سبحان الله كل صورة أجمل من أختها في رأيي عنوان التوبيك المفروض يتغير لأن حضرتك تعبت فيه جدا عشان تجيب لنا الصور دي فأكيد حضرتك أهديت الجمال ده كله لكل واحد دخل الموضوع فبالتالي لو تسمح لي أستاذي طائر الليل الحزين أن أهديك هذه الزهرة الرقيقة شكرا جزيلا علي باقة الزهور اللي فرجتها لوالدتي لأن نفسي أهديهم ليها وعذرا فهي لا تضاهي جمال صورك

الاتنين دول تحفة بجد الصور حتنطق سبحان الله شكرا يا فندم

السلام عليكم و رحمة الله و بركاته فيه أغاني بتحبها علشان بتصحي فيك احساس حلو فيه أغاني بتحس انها بتطبطب عليك و بتقولك فيه حاجة حلوة جاية فيه أغاني بتحبها علشان شفت صاحبتي بتحبها اوي و فضلنا نغنيها بصوت عالي سوا فيه غنوة بتقولك......لسه القلب عارف يدق كل دول هنا http://www.youtube.com/watch?v=Jl2_u_kVKus إهداء خاص جدا لل "أمل" بكلمة منك تنسيني اللي عدي قوام بكلمة منك توريني اللي مش شايفاه بكلمة منك عرفت انا دنيا معرفهاش بكلمة منك...لقيت كل اللي مش لاقياه و لو فيه حد زعلني...أنا مسمحاه و لو فيه جرح أن هنساه مساكم.....كلمة واحدة بس...تفرق كتير

مصر دلوقتى بقت عاملة زى العربية العطلانة الثوار بيزقوها من ورا عشان تمشى والمجلس العسكرى قاعد من جوة و دايس فرامل و حالف مايدوس بنزين ...و بتوع اسفين يا ريس حاطين طوب قدام العجل عشان العربية متطلعش قدام و الأغلبية الصامتة مريحين ع "الكنبة" اللى ورا وبيقولوا : زقوا بذمة يا بقر خلى "العجلة" تدور !!

أنا موافق إنني أشغل عقلي شويتين مش شوية واحدة المحلس العسكري وحكومة شرف غير معصومين من الخطأ والزالل وليست لهم قدرة خارقة أو معجزات أو معاهم مصباح علاء الدين بحيث إنهم في شهور معدودة يمكنهم أن - يطهروا القضاء - يطهروا الشرطة - يطهروا السفارات - يطهروا الجامعات - يطهروا المحليات - يطهروا الوزرات - يطهروا المحافظين - يطهروا البلد كلها من أعضاء الحزب الوطني أو فلوله في أي موقع - محاكمات عاجلة وفي نفس الوقت عادلة !!!!!!؟؟؟؟؟؟؟ ومطالب كتير في مدة قليلة ... أليس هذا تعجيزا ؟ فساد ستين سنة ممكن يتطهر في لمح البصر ... أكيد هيحصل تهنيج من كثرة الأوامر أنا لست مع تأليه المجلس العسكري أو تقديسه وأيضا لست مع تخوينه أو مع الضغط عليه للرجوع للوراء أو الانقلاب على ما اتفق عليه تحت أي دعاوى وأنا مع التظاهر ضده وليس الخروج عليه إن مال عن الحق وتحدى إرادة الشعب فواجبنا إذن تنبيهه تحياتي الشعب المصري يدرك تماما يا أخي العزيز طارق حسن أن فساد ثلاثون عاما لن يتم اصلاحه فى اشهر وهذا شىء لا خلاف عليه ولكن الشعب المصري كل ما يريده أن يرى طريق الاصلاح والتطهير قد بدأ وعندما يحدث هذا فكلنا سنكون مطمئنين , لأن الامر وقتها سيكون مسألة وقت لا أكثر , ولا يهم وقتها كم من الوقت تحتاج عملية الاصلاح والتطهير طالما أن الامور تسير فى الطريق الصحيح هذا هو المطلوب يا سيد طارق لكن بالله عليك عندما يتم تكليف شخص ما بحقبة وزارية فى حكومة الثورة وهذا الشخص كان من النظام القديم , فهل تعتقد أن هذا الشخص سيسير فى طريق الاصلاح والتطهير ؟؟؟ يا أخي بديهيا أن الأشخاص الذين تسببوا فى معاناة الشعب المصري وثار الشعب المصري ضدهم لا يعقل ابدا أنهم من سيقوموا بالاصلاح أليس كذلك ؟؟ الخلاصة : الاحتجاجات الحالية يا أخ طارق الغرض منها وضع الأمور على بداية الطريق الصحيح لكى تبدأ السير فيه , وليس علاج السلبيات أو التطهير بكبسة زر

هو على حسب أدونيس يا لماضه "الماء ليس جوابا للعطش" :) ولذلك مش هأكب ميه.. أنا هأدعي حكمة وأحاول أرشها برضه متهيألي إن الواحد عشان يكتب محتاج حاجات كتير أوي أولها إنه يكتب :) العائق القوي أمام الكتابة عادة بيكون المستوى الذي يحلم به الإنسان لكتابته أعرف بعض الناس علقوا حياتهم كلها بنص خيالي حلموا بكتابته وربما ينقضي العمر دون أن يأتي النص بالمواصفات المطلوبة فينقضي العمر بلا كتابه..ودي خسارة حقيقيه للإنسان.. باختصار..رأيي إنك تقمعي الناقد المتشدد اللي جواكي (وهو ناقد معروف مصري صميم دمه خفيف قارس السخرية يملأ المنتدى بكتابته) وتبتدي تكتبي على طول وبدون حسابات ومش مهم تكون كتابتك في البداية مرضية بالنسبه لك أعتمدي أكثر على رأي الناس وبعد وقت - وده مؤكد - هتوصلي للمستوى اللي يرضيك شخصيا كده خلصت حكمه.. نتكلم بقى في الحقيقة.. الحقيقه إن الأستاذ الرقيق الجميل عميق الإحساس والفهم والثقافة : طائر الليل يكتب بتمكن من يملك الخريطة الكاملة للطريق الذي يسلكه يكتب بمقدرة من يمكنه أن يضع أول نقطة على السطر وفي نفس الوقت يضع نقطة الختام على آخر السطر وهذا هو سحر الرؤى العميقة ما شاء الله..رؤية مكتملة..متسعة..وشاملة..وإنسانية أما أنا..وده تصور واجتهاد بس..فربما أكتب بنية تجسيد الشعور وكمان اكتشافه وتحسس أبعاده ومعرفته واختباره.. دي تقريبا لذة الكتابة عندي.. . . أنا واثق إن كلنا ننتظر بأمل كتابه لماضيه..أو كتابه لمضه..أو كتابه ذات لماضه..قرررريب

يطول الطريق ويقصر معاكِ وتبعد ويفضل فى قلبى هواكِ ياضى الشموع يالمس الحنان ياهمس الشفايف يا نبض اللى خايف تتمد ايده ... وتمسح دموع الدموع ( فرقة الحب والسلام )

واحد بيعاكس واحده وبيقلها: هو انتي اسمك جوجل؟؟ قالتله لأ ليـــه؟؟...قالها اصلي لاقيت فيكي كل حاجة بدور عليها

صعيدي راكب الاتوبيس فعدي الكمسري قاله: تزاكر قاله: ممعييش فلوس، الكمسري ضربه على قفاه وقاله خلاص مش مهم الصعيدي قاله: اضربني قفا تاني الكمسري ضربه . . . . . . . . راح نادى على صحبه وقاله: حسنين متدفعش خلاص دفعتلك :)