لوحة القادة

http://www.youtube.com/watch?v=ocznAYJJHik

اولا :الفاضله مصريه متغربه مفيش حاجه اسمها صاحب المكان كده عاملين زي ماكنا بنقول اصل مبارك ده ابونا ومصر تساوي مبارك وبعدين يعني ايه صاحب المكان هل استضافه الموقع علي سيرفر مقابل بضع مئات من الدولارات سنويا مع تعويض جزء منها بالاعلانات بعتبر (بيج ديل) ؟ المحاورات لم تاخذ اسمها وشهرتها الا باعضائها وكتابتهم والتي هي ملك لهم وليست لصاحب المكان انا شخصيا احترم استاذ عادل جدا كاحد اعمده اليبراليه في مصر و كمثقف من العيار الثقيل واخيرا احتراما لسنه فنحن كنا ومازلنا نوقر الكبير وليس احترامي له لدفعه بضع مئات من الدولارات ممكن انا او اي حد انه يدفع ضعفهم بسهوله ويبقي صاحب مكان اكبر من المحاورات في النهايه المحاورات = اعضائها فقط ثانيا: من قال بأنه هذه هي المحاورات بقوانينها ويجب احترامها وان مستوي المحاورات انحدر بسببنا .....اذن فلماذا ترك المنتدي اصحاب الاقلام العظيمه والمؤثره في المنتدي وذهبوا لاماكن اخري الا بسبب تلك القوانين .....ايها الساده ان قوانينكم لم تفرز الا اشباه المثقفين امثالنا وجعلت المثقفين الكبار يتركوكم فأما ان تغيروا قوانينكم او تتحملوا تلك الاشباه ..... سؤال هل قرأ احدكم في صالون العقاد كانت لنا ايام لانيس منصور؟ هل رأيتم اسلوب اداره الحوار من العقاد هل كان ماسك خرزانه للي يتكلم مع زميله علي جنب في موضوع المناقشه ولا من قال قفشه او نكته-وكانت اكثرها من العقاد-كان مصيره الطرد؟

شوفوا جريدة الأهرام عاملة ايه مش كده عيب ؟؟؟؟؟؟؟؟ بجد بقى نرجو من الحكومة التدخل الفورى ومنع المسخرة الصحفية دى وياريت يخلصونا من الكلب اللى أسمه سرايا لما توصل بينا اننا نتريق للدرجة دى و نتريق على كلام ربنا.......أستغفر الله العظيم يا ظالم نهايتك قربت جداااا يا سرايا وانت عبد المنعم سعيد حاطين الصورة دى ومعاها خبر بيقول الرباط الخاص بي

طيب تعالوا نشوف كدة الأخبار بتقول أيه الرجالة دول اللي هم السلفيين بالإسكندرية ، بس جريدة الأخبار لا تنسب للسلفيين إلا المصايب فقط.. أنظروا الفيديو http://www.youtube.com/watch?v=EbpwtlunTac

سيدتى الفاضلة مصرية متغربة هل هو المطلوب مننا فى محاورات المصريين ان ندخل ننافق ونطبل؟ وهل التقييم السالب يعتبر فى عرفكم شتيمة او اهانة؟ وهل يوجد احد هنا فى المحاورات سواء كان عضوا او مشرفا فوق دائرة التقيمات ؟ والا كان من الافضل والاحرى حذف خاصية التقييمات من هذا العضو او المشرف الفاضل طالما انه مش من اللياقة او الذوق عذرا سيدتى الفاضلة فلو انتم رايتم ان التقييمات شتيمة لو بالاحمر او مدح لو بالاخضر فنحن نرى انها ابداء الراى بطريقة محترمة بمعنى انا لا اتفق مع رايك او اتفق فى بيوتنا وشركاتنا نعارض اراء اصحاب المكان ونتناقش فى ظل وجود الاحترام والود ولو راى صاحب المكان مصلحة المكان فى راينا حتى لو ضد مصلحته الشخصية او حتى ميوله فينصاغ متواضعا لاراء الجماعة ونعبر بطرقنا الودية على حسب طبيعة علاقاتنا عن احتجاجنا او رفضنا لامر ما فما هى المشكلة سيدتى بالتذكير ............ فذكر فان الذكرى تنفع المؤمنين ولا يوجد منا ماهو معصوم من الخطأ

سيدي الفاضل لو حضرتك شفت المداخلة رقم 3 بالتوبيك ده هتعذر تيمور بردة فعله يعني مع احترامي الكبير للاستاذ طارق حسن بس ما كنش فيه داعي الاستفزاز واستجلاب المثل .. يعني التوبيك الرئيسي كان كافي لايصال الفكرة دي بس نقطة اولية 1- لكل مقام مقال .. يعني الجد جد .. والموضوعات الخفيفة لها مكانها برضوا لها أبواب مستقلة وأنا شخصياً بأشارك فيها وبكثرة ---------------------------------------------------------------- فيه مواضيع كتير تكون معبرة باسلوب ساخر وانت استاذ هذا الاسلوب المحبوب يعني لما نقول الهزل هزل والجد جد .. وفيه اقسام للتوبيكات الخفيفة .. فهناك قسم خاص للموضوعات الجادة ايضا لما لا يتم قصر الموضوعات التي يراد تحويلها من الصيغة التفاعلية الى الصيغة المطبوعة الجاهزة التي تنفع لتتحول مستقبلا لكتاب الى قسم الموضوعات الجادة ؟؟ يعني موضوع مهم .. وعايزين اللي يناقشوا فيه يناقشوا بروح الصالون الثقافي ويوزنوا كلامهم بالمللي يبقى ليه ما تنقلوش للمواضيع الجادة .. على ان يكون هناك قانون خاص لذاك القسم يمنع الردود الهازلة التي كما تقولون تفقد الموضوع هيبته ؟ التنقيح يا عزيزي ابو الاسيان .. هو الحل لو كانت المشكلة تتعلق بكتاب 2- الكلمة مسئولية .. ومش شرط كل موضوع الواحد لازم يبقى متواجد فيه ولو بإبتسامة او إضافة كلمة في مداخلة لإثبات التواجد والحضور وخلاص -------------------------------------------------------- في بعض الاحيان تكون كلمة او صورة معبرة عن الف مقال ودي من صور البلاغة فعلا .. قالوا هل البلاغة في الايجاز .. قالوا لا .. البلاغة الايجاز .. واختصروا حرف الجر في كلمة كاريزما مثلا التي اوردها تيمور كانت معبرة جدا واختصرت عشرات الكلمات يعني مش كل سطر خفيف او كلمة او كلمتين ينفع نقول ان كلهم ما ينفعوش لما تكون كلمة زي دي عبرت باختصار شديد يبقى ايه المشكلة ؟ --------------------------------------------------------- 3- إحنا إستثنينا موضوع النقل الكتير حتى بدون تعليق ممن نقل الخبر أثناء الثورة عشان كانت ظورف إستثنائية .. لكن ما ينفعش نفضل كده على طول في دوامة الكوبي والبيست .. لأننا موقع حواري يعتمد على طرح الأفكار ومشاركاتها بيننا وبين بعض للإفادة والإستفادة في المقام الأول دي كلنا معاك فيها .. والمشرفين من ضمنهم كمان .. بس محدش منع اللي يحلل انه يحلل ويفند بدل ما يقولوا محاورات ضاعت خلاص يعني اللي عاز يحلل يحلل .. واللي عاوز يعبر باسلوبه وطريقته يعبر وكل واحد يقرا اللي يعوزه وبصراحة لو ظل المنتدى بلا روح وبقى فقط للمداخلات التقيلة والعميقة .. نعم هتقدروا تنشروا اكتر من كتاب ... بس بصراحة هيختفي عدد كبير من المحاوراتيين . لانهم في النهاية بمنتدى جايين يناقشوا فيه كل واحد باسلوبه وبطريقته ويسألوا ويجاوبوا وكل واحد يحس بشخصيته في المنتدى ولكل مقام مقال واحد مضايقته مداخلة شايفها هزل .. يقول رأيه بالموضوع اللي جا عشانه ويترك المداخلة دي ولا لازم يتلحقها ؟ مهو اي واحد زي ما قال اوزاوز عايز مقالات عميقة يروح لمواقع مخصصة بس ده موقع تفاعلي .. مختلف حتى عليكم صعب تسيطروا ع الموضوع ده .. وقرينا موضوعات قديمة كانت مليانة برضو بردود الشات .. يعني عفوا مش مشكلة مستحدثة واحنا نقول الكلام دا من حبنا لهذا الصرح اللي مش عاوزين نتخلى عنه بسهولة ونقول خلاص .. نشوف غيرهم فين الغلط في الكلام دا ؟

ظل بلاط الرخام الأبيض الجميل حول الكعبة المشرفة بلونه الباهي وشكله المنسق وفوق كل ذلك درجه حرارته المعتدلة اللطيفه طوال ساعات اليوم يشكل مصدر دهشة للكثيرين من زوار بيت الله الحرام من الحجاج و المعتمرين ويتساءل الكثير منهم عن ظاهرة الاعتدال درجه حرارة هذا الرخام , هل هي ظاهرة طبيعيه في الرخام نفسه ؟ أم ان هناك تقنيات معينه وراء هذه الظاهرة . المهندسون هم بطبيعة الحال أكثر الناس شغفا لمعرفة حقيقة هذه الظاهرة وذلك بسبب طبيعة عملهم .ورغم ان معظمهم تعامل وشارك في تركيب العديد من انواع بلاط الرخام والجرانيت ,الاان مثل هذا الظاهرة لم تمر عليهم من قبل وهذه حقيقة أفصح عنها المهندس المصري محمد كمال إسماعيل الذي كان له الشرف في وضع تصاميم توسعة الحرمين الشريفين ومن تم قامت شركة بن لادن السعودية بتنفيذ هذه المشروعات الجبارة ويبلغ الآن هذا المهندس من العمر 90 سنة. على قناة إقرأ ، أن السر في برودة البلاط هو أن هذا النوع من الرخام الذي يدعى تاسوس لا يوجد إلا في اليونان وقد تم شراء كامل الكمية للحرمين الشرفين لخصوصية هذا النوع ،حيث قال المهندس أن من العادة أن سمك البلاط الذي يوضع عادة على الأرض لا يتجاوز 2.5 سنتمتر وهذا البلاط تاسوس من خاصيته أنه في الليل يمتص الرطوبة عبر مسام دقيقة وفي النهار يقوم بإخراج ما امتصه في الليل مما يجعله دائم البرودة في عز الحر وقد تم وضع قطع بسمك 5 سنتمتر لزيادة امتصاص الرطوبة وجعله أكثر برودة في لهيب الحر، أما ما شاع بأن هناك مواسير مياه باردة تحت الساحة فهو لا أساس له من الصحة

الوفد:حملة صحفية لتشويه الجماعات الإسلامية كتب - محمد كمال الدين: تلقى المحررون الصحفيون في القسم الديني لعدد من الصحف القومية والخاصة تعليمات مشددة من رؤسائهم باختلاق بعض القصص الوهمية التي تسىء إلى السلفية والجماعات الإسلامية عن طريق وصفهم بالتطرف، والشروع فى تطبيق الحدود، وتصيد الأخطاء لهم وتهويلها، بهدف تفعيل حملة صحفية كبيرة لتشويه صورتهم . وقال أحد الصحفيين الذين يعملون بجريدة أسبوعية لها موقع شهير على الانترنت، إنه تلقى أوامر مباشرة من رئيس تحريره بافتعال أخبار ملفقة تسىء للجماعات السلفية والإخوان، لافتا إلى أن "رئيس تحريره" مهتم جدا بإشاعة هذه الأخبار وأنه اجتمع بعدد من المحررين لعمل "أجندة عمل" يقوم من خلالها بشن هجوم على "الإسلاميين" باختلاق بعض القصص الوهمية والأخبار والمقالات التي تثير الفزع من هذه الجماعات في الشارع المصري للحد من انتشارها. ونجحت هذه الصحف في إحداث حالة من الرعب في الشارع بعد الشائعة التي تم ترويجها عن تهديد السلفيين باستهداف السيدات القبطيات وغير المحجبات بكب ماء النارعلى وجوههن، رغم إصدار التيار السلفى فى مصر بيانا نفى فيه هذه الدعوات إلا أن الشائعة وجدت لنفسها مكانا فى الواقع فى ظل تنامى القلق من التيار السلفى. كما تم تهويل الحادث الذي وقع بين مجموعة من الصعيد ضد رجل قبطي يدير شبكة دعارة رفض إغلاق هذه الشبكة، مما أدى إلى وقوع مشاجرة بينهم أدت إلى إصابة القبطي وهو ما روجت له هذه الصحف بأن جماعات سلفية قامت بإقامة الحد عليه بقطع أذنه، فضلا عن الحادث الذي وقع في قرية قصر الباسل بمركز إطسا بمحافظة الفيوم من خلال معركة بالأسلحة النارية بين مواطنين، أدت إلى مصرع شخص وإصابة 8 أفراد، فتم استغلالها أيضا بشائعة قيام أعضاء من الجماعة السلفية بتحطيم محل لبيع البيرة ومقهيين، ما دفع أهالى القرية إلى الاستغاثة بالقوات المسلحة من أجل التدخل لمنع المشاجرة. و أكد محرر صحفي بأحد المواقع الصحفية الأخرى أنه تم عمل اجتماع موسع حضره هو ومجموعة من الصحفيين الذين يعملون ببعض الصحف الخاصة المملوكة لرجل أعمال مشهور، للاتفاق على افتعال حملة صحفية تشوه صورة السلفيين والجماعات الإسلامية في عملية الاستفتاء التي تمت على التعديلات الدستورية الأسبوع الماضي، وهو ما حدث بالفعل حيث تم نشر أخبار مفتعلة عن قيام الجماعات الإسلامية بتهديد المواطنين بالأسلحة البيضاء إذا لم يقولوا "نعم" على التعديلات، بالإضافة إلى تصوير اللافتات التي تروج لـ "نعم" على أنها "غسيل مخ" للمواطنين، رغم انتشار مثيلتها التي كانت تروج لـ "لا".

إللى كَتَبــها .. إللى كَتَبــها !!:) هو اللى بِفِكرُو ..استوعِبهاsmk: من فيض إبداعُو.. وشَرَّبها وبلون الضحك .. وخَضَّبها وبشمع ذكــاؤه.. ونــَـوَّرها وبخِفــة دمهُ... وسَــوَّرهـا وبعــين الفــــن ..وصَوَّرهاart:) فى الأخر .. بعد..م ظَبَّطها أسعدنا كتييييير ..لما نشرها دلوقتى عرفتو اللى كتبها!!؟ ك عهدى بيك يا سارى .. فنان.. واعر.. أرارىbv:-

على النيل للاخبار والقنوات الفضائية المصرية يُعقد مجلس للحوار الوطنى فى مقر رئاسة الوزراء........ بصراحة انا فرحانه بيه لانه كل واحد بيقول رأيه بشفافية ومن غير خوف الدكتور عصام شرف فى كلمة افتتاحية ده اول حوار وطنى وانا سعيد بيه واتمنى نجاحه ومضطر استأذن واسيبكم مع الدكتور يحيى الجمل يحيى الجمل ان شاء الله ده مش اول جلسه حوار وفيه جلسات قادمة هذه المجموعة اختيرت على اساس شخصى لانهم يمثلوا جزء كبير من البلد ودعا حافظ الميرازى للتنظيم لاعطاء خمس دقائق لكل شخص لطرح رأيه عمرو موسى يجب مشاركة المصريين فى الخارج لكل قرار يحدث فى مصر المستشارة تهانى الجبالى اتكلمت عن الاشراف الكامل القضائى على الانتخابات نجيب ساويرس الدعوة للحوار اتاخرت وكان يجب ان تكون من زمان وانا مع المواطنة ويب ان نحقق فى القضايا اللى بتزعل المسلمين من المسيحيين والعكس بشفافية الدكتور عبد المنعم ابو الفتوح اذا لم تيبع الثورة ديمقراطية سليمة ستصبح نوعا من العبث ماينفعش واحد سرق 100 مليار يقول هديكم 3 مليار وتسيبونى امشى وهو يطلع ب الباقى جورج اسحاق يجب ان تطلع بنتائج حقيقية من هذا الحوار ويجب ان نتشاور مع الناس اللى هما اصحاب الثورة والناس مش واثقة فى حد وداعيين لمظاهرة التطهير حق التظاهر السلمى مسالة مهمة والتاكيد على مبدأآ المواطنة ماحدش يتكلم عن المصالحة مع رموز النظام القديم عصام العريان لا يمكم ان يبدأ الدعوة لحوار وطنى بدون اى معلومات انا بسمع ان ده تمهيد للدستور وهكذا اومال التعديلات الدستورية كانت ليه!!!! يجب ان يكون وضوح لا يمكن ان يكون هناك مصالحة الا بعد محاكمة النظام القديم المستشار هشام البسطويسى اتطلع لقانون يعطى شرعية للنقابات تمكنها من هذا الحوار حسام بدراوى اقترح ليه مايبقاش فيه تجميع لعدد من المحافظات ويحصل معاهم حوار ضمان تطبيق قواعد الدستور امر واجب لو حصل خلاف بين مجلس الحوار هنقول للناس ايه؟؟

صباح الخير يحكى انه في يوم من الايام .. قرر الادفايزر الهمام .. راعي الذمام .. ان يجمع المحاوراتيين والمحاوراتيات .. ومن منهم قد مضى ومن هو آت .. ووقف فيهم خطيبا .. وقال اننا قد جمعنا امرنا .. واستشرنا اهل الحل والعقد من المشرفين والمشرفات .. واصحاب اليد الطولى في المشاركات .. والحاصلين على اعلى التقييمات .. واتفقنا على اصدار ام المفاجآت .. كتاب يضم خلاصة المشاركات .. سابقة ما سبقنا بها منتدى في العالمين .. يحمل اسم محاورات المصريين لكن قبل ان نطرح الكتاب في الاسواق .. وقبل ان نوقع على طبع الاوراق .. طرأ لنا أمر لم نحسب له حساب .. أخر كما ترون نشر الكتاب لمن يعود ريع النشر ؟ .. ومن يتحمل هذا الامر ؟ .. ان اصطفيتها لنفسي قلتم .. قد آثر نفسه علينا ونحن من سود الصفحات .. وان قصرته على المشرفين قلتم باي حق هذه الامتيازات ؟؟ .. ولماذا استفردهم بالعطية .. ونحن نعيش اجواء الديموقراطية ؟؟ وان وزعتها عليكم جميعا .. قال احدكم اتتساوى حصتي انا .. الذي بلغت مشاركاتي قرابة الالفين .. بمثل من هو في المنتدى ابن يومين ؟ والحق اقول لكم .. اننا بمركز الاشراف لم نستقر على حال .. ولا عرفنا اجابة هذا السؤال .. فقال لنا ابو الاسيان .. وهو الحكيم المفوه اليقظان .. من قال ان المحاوراتيين يرفضون ان يقتسم الاشراف الغنائم ؟؟ .. فوالله ما عرفناهم الا كراما عن فتات الولائم .. فاطرح يا سيدي الادفايز بهذا المنتدى الاستفتاء .. ليقل نعم من رضى لنا بالغنيمة .. وليقل لا من يرى انها ظليمة .. وهكذا يستقر بنا الحال .. وتنهي هذا الجدال ايها المحاوراتيين الاشاوس .. دونكم وصندوق الاستفتاء .. اهجموا عليه هجمة من لا يرى صندوق بعده .. وليقل كل رأيه صفق الحضور طويلا .. واخذوا يهنؤون بعضهم البعض بأن قيض الله لهم مثل هذا الادفايزر .. الذي يستشيرهم بكل صغيرة وكبيرة .. وكل قضية خطيرة هنا قال الباشمهندس تيمور .. هي دي الديموقراطية .. هي دي الحرية :happy: اللي شفته بعيني النهاردة مش هايصدقوه اصدقائي في منتدى احباب الفوركس .. ولا اصدقائي في منتدى حركة 6 ابريل ولا اصدقائي في منتدى المعماريون ولا اصدقائي في منتدى صناع الحياة وهاقول لاصدقائنا وائل غنيم وانجي و اسماء محفوظ :happy: وقالت فتفوتة : صورت كل اللي اتقال وسجلته .. وهانشره في كل مكان .. في الفيس بوك .. تويتر .. شبكة رصد .. شبكة جن ازرق .. المهم انشره وقال تامر مصطفى : وانا هانتج افلام عن الخطبة دي .. اخيرا يا مصر .. اخيرا هتشوفي اولادك يعملوا ايه وقالت دامو : i am happy وقال سكوب وهو يغالب دمعة تأثر : يا سلام .. وانا اللي كنت اقول محاورات تايهة يا ولاد الحلال .. لقينا المحاورات خلاص اما ضحى فقد قالت بواقعيتها المعروفة .. وبتجردها الصريح : طيب دلوقتي خلونا من اجواء الزغاريط والزفة البلدي .. وخلونا نفكر .. هنقول ايه .. نعم ولا لا ؟ قالت اغابي : يا سلام يا استاذة ضحى .. بقى دي عايزة سؤال طبعا هنقول لا .. مش من حقهم طبعا يحتكروا الارباح ليهم .. ياما تعبت وسهرت وانا اكتب مشاركات .. قسم الصحة والنفساويات يشهد على كده .. واخرتها يوزعوها بينهم ؟ ياما حرمت نفسي من الغطا عشان يستغطوا .. ياما حرمت نفسي من العشا عشان يستعشوا قالت لماضة : والله مش عارفة انا اقول لا ولا آه .. يعني لو قلنا نعم مثلا .. يجرى ايه ؟ هما ياما تعبوا وما تنسوش انهم يشتغلوا من دون اجر .. زي ما بيقولوا دايما ( وش اي واحد من فريق الادارة صباحك .. حيرة .. ما تعرفيش تقولي معاها .. آه ولا لأ قال حسام .. حسام عبدالفتاح سابقا : حيرة ايه يا لمضة انتي .. هي دي فيها حيرة .. طبعا هنقول نعم .. مش عايز احصل صاحبي عنبي ومن خاف سلم .. انتي عارفة معناها ايه قولة لأ ؟ يعني هنخليهم يتفرسوا مننا .. ويقولوا بصوا .. اعطيناهم ديموقراطية واول ما جربوها جات على راسنا احنا .. انا من ناحيتي متنازل ياختي وهاقول نعم صرخ اركتكت : نعم مين يا روح والدك ؟ ؟؟ نعامة ترفس بمصارينك .. لا تنازل :happy: لا استسلام :happy: انا مجاهد .. مناضل .. ثائر .. من الخيمة قال التونسي : يا عمي ريحنا شوية من الشعارات الحنجورية بتاعتك .. انا هاقول نعم باة .. مش ناقصين وجع دماغ قالت مغتربة : لنعرض الامر على لغة الارقام .. المتخوفين من نعم يمكن يشكلوا نسبة تزيد او تنقص قليلا عن 50 بالمئة .. في هذه الحالة سيقف الاشراف عاجزا عن الحاق الاذى باللي صوتوا بلأ .. لان نسبتهم كبيرة .. يختلف الامر في حال الاغلبية الكاسحة .. وبلغة الاحصائيات .. فان المصوتين بلأ سيشكلون نسبة كبيرة لو كان الفوز لصالحهم .. يختلف الامر جذريا في حالة فوز المصوتين بنعم .. .. لان استقصاد المشرفين سينتفي بانتفاء العلة .. هذا اذا ما اخذنا بعين الاعتبار العامل المحفز لتصويت من قالوا بنعم وهو في حالتنا الراهنة الخوف من ملاحقة المشرفين وترصدهم لمن صوت ضد قرار انتفاعهم بريع الكتاب .. في كل الاحوال فإن المنطق البراجماتي النفعي للمصوتين بنعم قد لا يسعفهم بالضرورة .. لأن اوزاوز مقاطعا : يا ست بالراحة شوية الله يخليكي .. معاكي بصمجية بالمنتدى .. يعني الخلاصة ها تقولي آه ولا لأ ؟ مغتربة : سأقول لأ طبعا .. لكني ضد مبدأ استغلال الخوف من المشرفين للتصويت الديموقراطي .. التصويت الحر ينبع من قناعة بلا مؤثرات او ضغوط قالت هند علي : يارب نجتاز هذه الغمة .. وترجع لنا مصر زي ما كانت واحسن قال سمبا : ترجع مصر ازاي زي ما كانت يا مدام هند ؟ .. واحنا كنا عاملين ثورة ليه ؟ قالت هند علي : والله مش عارفة يا بني .. التصويت ده شكله مش هيجيبها لبر قالت لماضة : حبة تفائل كدا يا مدام هند .. هو التفائل ايه غير شوية مشاعر صايعة .. بتبص لقدام .. وتخلي لكل ضحكاية من قلب كل واحد مننا .. انشودة فرح تزغرط على بلكونة الامل .. لما يشعشع .. صباحك .. تفائل قد السما .. مغموس بالزيت الحار قال ايمن : عن نفسي هاقول نعم .. بس ليه تتخانقوا على حاجة لسه ما بينتش .. كل واحد يروح للصندوق ويقول رايهه اللي هو حر فيه قالت مصرية متغربة : مش فاهمة ليه فزاعة الاشراف والمشرفين .. عاملين زي الاولاد اللي هيشتروا كفن لابوهم وهو لسه عايش .. الاشراف مسؤولية .. حضارة .. الاشراف .. قوة .. الاشراف .. هو اني ادافع عن افكارك وانظمهالك .. مش اني اصادرها لأ .. وبعدين هاينوبنا كم ملطوش يعني .. ؟ هو احنا بنبيع كتاب لا تحزن ؟ يا ريت ما كنا عرضنا الكتاب من اصلو .. حزني والمي .. كبير .. مش عشان ان فيه ناس قالت بوشنا لأ .. بس لاني للاسف اكتشفت ان فيه ناس بعد كل تعبنا منهم .. يبصوا لنا بصات .. غريبة انا مذهولة .. مصدومة اغابي : ما تعيطيش يا اختي .. بس هيا دي الديموقراطية .. لازم تتحمليها وما يصحش تقولي اننا بنبنص بصات غريبة :angry2: رؤوف : هاقول نعم نعم نعم .. واللي مش عاجبه بقى يهوينا مصرية متغربة : اصيل والله يارؤوف.. :blush: دريم وذ مي : ممكن اقول حاجة يا ابلة مصرية متغربة بس بليز ماتخاصمينيش .. ينفع اقول لأ .. ؟ مصرية متغربة : دي حريتك الشخصية يا بنتي ..القرار لازم ينبع من ذاتك .. بس مستعدة تتحملي القرار ده ؟ دريم وذ مي : في الحقيقة .. أ .. أ .. مصرية متغربة : ماشي يا ستي .. قولي لأ .. بس خليكي فاكراها :glare: سمبا : ايه هو الارهاب الفكري ده .. يعني لو مش عايزينا نصوت بتاخدوا راينا ليه بالاول ؟؟؟ ابو محمد : اهدأ يا حاج .. مافيش حاجة للصوت العالي .. وبعدين صوتك بينرفزني .. سمبا : فيها حاجة يا سيد الناس لو قلت لأ ؟؟ انا هاقول لأ .. هاقول لأ ابو محمد : من حقك تقول لا بس مش من حقك ترفع صوتك كده .. عندنا بنات بالمنتدى سمبا : وايه دخل البنات برفع الصوت .. ؟ ايه الاستفزاز ده بأة ابو محمد : اهو انت كده بتشوشر على المصوتين .. وبتعطيهم ايحاءات ان اللي هيقول نعم ياعيني يبقى مسكين وضعيف وغلبان .. وان اللي صوته عالي هو البطل والثائر والافلام بتاعتكو دي سمبا : !! اناقلت كل ده .. ؟؟ امتى .. ؟ وبعدين ايه دخل ده بوجود بنات معانا بالمنتدى .. ابو محمد : اهو انت كده بتشتت الموضوع .. معليش .. الحوار كده ما ينفعش .. جويرية : انا هاقول نعم .. كبر راسك يا استاذ ابو محمد .. صوتي هيوصلك واقول نعم اما دول اللي بيقولوا لأ .. لهم يوم ان شاء الله شرف الدين : يا جماعة ما تستهدوا بالله بأة .. اللي عايز يقول نعم هو حر واللي عايز يقول لأ هو حر واللي مش عايز يصوت برضو هو حر ها تقلبوها غم ليه .. كومنق سوون : انى ارى رؤوسا قد اينعت .. وحان قطافها .. واني بأذن الله لمقتطفهامن جذورها سي السيد : ما تهدي اللعب يا كابتن .. جذور ايه .. وتقتطف ايه .. ؟؟ هو بردقان ؟ ده تصويت كومنق سوون : بردقان .. يوسف افندي .. مشمش .. زر بطاطا .. هذا لن يغير من الحقيقة شيئا سي السيد : حقيقة ايه ؟؟ كومنق سوون : ستعلم قريبا يا كبيرهم .. عن اذنك .. سأذهب للتصويت ---------------------------------- قال طائر الليل الحزين : اليها .. تلك التي ترنو بعينها في هدأة الليل لن انساكي .. ولاجلك .. واحتراما لمواثيق سجلتها خطانا حين كنا في سن الصبا سأظل وفيا للحظ عينك الشفاف في لغتي .. وسأسطر لكي .. يا أمة الله .. ابياتا اسكبها في اذنيكي ذات القرط المتدلي واقول لك .. وحدك .. سأصوت بلا .. فأنتي قراري .. ---------------------------------------------- غني الابيات السالفة زوهيري .. تحت عنوان ( من وحي الصندوق ) .. على عوده الرنان .. وعملت فتفوتة لها شير بالفيس بوك يتبع ..

المقال ده خفيف وجميل ويمس وجدان البعض أحيانا

يكون بيشرب شاي العروسه مايسكنش في ميدان مصطفى محمود :D مايذلناش باللقمه و الخلف الكتير يكون مقتنع بان الزيادة السكانية مش سبب تخلف مصر يعلن مرتبه و لو زاد قرش نقطع صابع رجله الصغير ميكونش جاي يقضي فترة التقاعد بتاعته في الرئاسة مايكونش منوفي كان بيروح يــعد جنب ماكدونالدز علشان يلـــقط وايرلـــس ببـــــلاش يكون أقرع و بشنب و بيلبس نضارة =D بيكــــــــره نـــاديه الجــندى و ميعرفــــش مين اسامه منيــــــــــر مايقرفناش ويقول لنا أجيب لكم منين ؟؟؟ ما أنتوا كتير مش عايزينه أول اسم في كل موجز الأنباء وأول صفحة في كل جريدة. ميكونش سكرتير 22 ديكتاتور ،، ميكونش وزير نظام فاسد لمدة 12 سنه ميصليش العيد في شرم الشيخ ،يصليه في الجامع اللي جنب بيتهم زي كل المصريين ما يصبغش شعره ما يقولناش الأخوة المواطنون و كمان يكون عنده سنس و لما مايعرفش حاجة يسأل مش يفتى . و يفهم أن آخره معانا أنه موظف مايكونش ساكن فى مصر الجديدة و كل يوم يقفلوا صلاح سالم عشانه هو و مراته و عياله يرجع قانون الجرسة بتاع محمد علي, عشان الفاسدين نركبهم الحمار بالمقلوب بدري بدري لازم يكون قماش بنطلونه بيزحلق عشان يساعده ميلزقش ما يستقبلش منتخب الكورة حتى لو فزنا بكاس العالم الرئيس الجديد لمصرلازم يكون مبيخلفش يقول لنا هيطلع يخطب الساعة كام بالضبط عشان ميذنبناش عشر ساعات على ما يتكرم ويطل علينا يكون بيمشى بعريبته عال الدائرى ويشوف الميكروباصات والنقل بيعملوا فينا ايه :-) يكون عنده سي دي لمرتضي منصور ميقولش على نفسه أب لينا .. لو حبكت يعنى وعاوز مشاعر أسريه عائلية .. ممكن يعتبر نفسه ابن عمنا الصغير وبعدين لما يبقى الشعب مصدع مايخطبش ويوجع دمغنا وان اضطر يقصر في الخطبة ولو الرئيس عمل حاجه غلط يقف قدام الحيطه وايديه لفوق مراته مالهاش دعوة باي حاجة في مصر لو مش عارف يحكم عليها هيحكمنا ازاي مفيش اي حاجة تتسمي باسمه في عهد رئاسته بعد فترته ممكن نتعطف عليه باسم شارع ولا حاجة مراته مالهاش دعوة بالكتاب ولا معارض الكتاب مراته مالهاش دعوة باطفال مصر البلد محتاجلهم يكون بيقعد علي القهوة ويخسر ويحاسب علي المشاريب ميقعدش في قصر الرئاسة يقعد في شقة مطرحين وصالة يروح يبات يومين في الاسبوع في العشوائيات علشان يحس بالناس اللي هناك واحد يقف وراه وكل ما يعمل مس سامع زي اللي قبله ينسكع علي قفاه يعمل اكونت علي الفيس بوك ويعمل ادد للشعب كله ويسيب الوال بتاعه مفتوح ينزل يقف في طابور العيش بالبيجاما م الفجرية ما يكونش له اي انجازات قبل كده ولا طلعات جوية علشان ما يذلناش كل شوية يحط صور شهداء 25 يناير في كل اقسام الشرطة يكون شرب سجاير لف قبل كده اي حد يطبل له في الجرايد الحكومية والتلفزيون الرسمي يتشد من قفاه زهقنا من اكل الكاريزما عايزين ناكل عيش يحسن الانتاج الحريمي في مصر بتشجيع الشباب بالزواج من اهل الشام يكون بيتفرج علي قناة الجزيرة بيتفرج علي فيلم رعب كل ليلة اسمه الشعب في ميدان التحرير

تحية طيبة . تعمدت رفع هذا الموضوع .........حتى لاننسى . حتى نتذكر ..وجع.شعب كامل . حتى نتذكر ان كووووووول هذا حدث منذ سنوات كثيرة مضت و..كان لازال يحدث .. فى بلد يمتلك اصغر رجل اعمال فيه..مليار جنيه. ونتعجب...ونتساءل عن ثورة الجوعى ؟؟ انتبهوا يااخوة ...انتبهوا يااصحاب المبادئ والمثل العليا ...انتبهوا ياشباب صاحى ومتيقظ ... فهاهم آخرون ..يستعدون تحت اسماء رنانة وشعارات كثيرة لالتهام ..كعكة لم تنضج بعد... ابحثوا ...ابحثوا عن ماضى هؤلاء...وسوف تجدون العجب العجاب .. ليس كل ما يلمع ذهبا ... اشتعل الراس شيبا من هول ما رأينا... لاتثقوا فيهم...لاتثقوا ..لاتثقوا .. و... الحرامى لايتوب .. لاتصدقوا ان الحرامى يتوب .. يوجد هنا موضوع يتحدث عن مبادرة المصريين اللى بتلاتة مليار جنيه.. http://www.egyptiantalks.org/invb/index.php?showtopic=118711 اقرءوا الحروف الصغيرة بين السطور ....استنتجوا ... شكوا فيهم ..او ف نصهم..او حتى ف ربعهم...(( اعلم عن ثقة ان ربعهم لايؤتمن حتى على عشرة جنيه ))..!!!!! شكوا ...... وحاتطلعوا صح.. و.. بلاش تقعوا تانى ف نفس الحفرة وبلاش تصدقوا كل اللى بيمد ايده بقطعة من الحلوى .. انهم يستعدون لالتهامكم ...وانتم اللى حاتدفعوا دم قلبكم. بعض منهم كانوا مختبئين سنوات طويلة .. بعض منهم...خريجى سجون . فوقوا بقى .. بلاش تهللوا ..و...الحداية مش بترمى كتاكيت.. وفعلا اقولها من قلبى ... لك الله يامصر.. لك الله يامصر... وياحسرة قلبى على الشهداء لو آمنتم مرة اخرى للجرذان ..وكل الحرامية المستخبيين تحت او وراء واجهة رجال الأعمال .. اللهم قد بلغت...اللهم فاشهد.

لقد خرجنا من عصر فزاعة الاخوان ....... دخلنا في فزاعة اخري وهي السلفيون ..... ودوخينا يالمونه .... ويقود هذه الفزاعة كل التيارات السياسية ....علمانيون .... احزاب معارضة ....و حتي الاخوان ... وفوقهم وفي مقدمتهم الاعلام .... الصحافة ... ولماذا لان السلفيين لو دخلوا السياسية ستكون لهم الغلبة انا لست مع الاخوان وضدهم (الاخوان من اصحاب الغاية تبرر الوسيلة فهم يتحالفون مع الشيطان من اجل هدفهم) ولكن احترم اصحاب الفكر السلفي لهم منهج واضج بدأت الفزاعة بقطع أذن ..... بعد صعود اسهم السلفيين بتمكين الجيش من بناء كنيسة الشهيدين بصول وهم من اقنع الاهالي وهم من كانوا الواسطة بين الشرطة وشعب شمال سيناء لقد نجحت الثورة ..... ولم تتحرر عقولنا من الفزاعة...

يُمنع منعاً باتاً دخول أصحاب الكليسترول العالي .. واصحاب الباربيكو المحروق زي عطار حسن عطار أوعى ريشك http://www.youtube.com/watch?v=eXAANOZ5t9w&feature=player_embedded الولا باسم يوسف ده دمه زي العسل إديها ما تحرمهاش http://www.youtube.com/watch?v=MGcURLQ4RSA&feature=relmfu

من المعلوم ان قياس الراي العام موضوع علمي بالدرجة الاولى .. له قواعد و ضوابط تضمن مصداقية نتائجه و تعبيرها عن المجتمع محل الدراسة كما له ضوابط أخلاقية و قانونية تتعلق بسرية المعلومات و كيفية استخدامها و حماية الخصوصية و من المعروف ايضا ان الحكومات السلطوية و الاستبدادية تعمد الى توجيه الراي العام مما يجعل اي محاولة مستقلة لقياس الراي العام تواجه بعراقيل كثييييييرة ليس اولها نقص المعلومات و لا آخرها الامن و سمعة البلد لكنني ازعم ان نفس هذه الحكومات لديها أجهزة -ربما امنية- متخصصة في متابعة الراي العام و قياسه لحماية نفسها اولا.. حتى لو تجاهلت تلك التقارير في مرحلة من الاحساس بالقوة المطلقة (زي ما حصل مع العصابة اللي حكمت مصر

تابعوا الفضائية المصرية عليها المؤتمر الصحفى للواء شاهين يقوم فيه باصدار الاعلان الدستورى -الاعلان الدستور الجديد يتضمن 62 مادة بالاضافة الى مادة النشر -مصر دولة ديمقراطية تقوم على المواطنة والاسلام هو دين الدولة -رئيس الجمهورية يقوم بتعيين نائب له فى خلال 60 يوم -نسبة العمال والفلاحين فى الانتخابات البرلمانية قائمة -رفع حالة الطوارئ قبل انتخابات الشعب -تتم اصدار القوانين بالتشاور مع الحكومة لحين اجراء انتخابات وسوف يتم نشره فى الجريدة الرسمية و على الصفحة الرسمية للمجلس الاعلى

أخي الفاضل حسام جميل ان الانسان يترك لإحساسه العنان في فهمه لمن حوله " أحيانا " و لكن لا يصح يا أستاذي أن تحاسبنا على شيء حضرتك حسيت بيه الاحساس قد لا يكون صادقا في جميع الأحوال خصوصا إذا وافق ميل معين لدى الإنسان في تصديق أمر ما فهو بالتالي سيحوّل كل ما يحدث أمامه إلى أشياء متوافقة مع ميله لتصديق ذلك الأمر حضرتك لست محاميا كما قلت و هدفك نبيل في رفع الظلم عن إنسان بريء ( في نظرك) طب ايه العمل لو كان الانسان ده كلامه معانا اللي محدش بيشوفه مفيهوش البراءة اللي حضرتك متصورها؟؟ بس للأسف قواعد الإشراف تحول بيني و بين ذكر ما يحدث في كواليس الإشراف و الذي نعتبره أمانة نتحملها كطاقم إداري و لسنا كغيرنا من المنتديات التي تفضح تصرفات الأعضاء على الملأ و تشطب على أسمائهم بشكل مخزي عند ارتكابهم لمخالفة و إن كنت أؤيد ذلك بشدة بشكل شخصي فإن الأستاذ عادل - الذي قيمتموه بالسلب - يرفض ذلك بشدة حرصا على مشاعر الأعضاء شفت حضرتك إن الإحساس مش دايما صح عموما بعد هذه المداخلة لن أرد مجددا لأنني لم يعد هناك ما أقوله خللي اللي يظلم يظلم و اللي يتكلم يتكلم و في الآخر كل واحد يعمل اللي يمليه عليه ضميره و اللي يخليه ينام مرتاح و هو متأكد أنه ما ظلمش حد و زي ما بيقول المثل المصري الجميل " يا بخت من بات مظلوم و لا باتش ظالم" تحياتي للجميع ملحوظة بس لرد الظلم عن الأستاذ طارق الموضوع اللي حضرتك معترض عليه في باب" استراحة المحاورات" و ليس في باب موضوعات جادة أو سياسة داخلية لذا فاختياره سليم تماما و لا يشوبه شيء تحياتي

إيه الكلام اللي بأسمعه ده ؟؟؟؟ ما ناقص حد منهم يطلع يقول : إحمدوا ربنا إننا بنحكمكم عفواً أيها السادة الأفاضل دي بلدنا .. والدستور ده يخصنا ما يخصش حد تاني ----------- الإجابة : بس الله الرحمن الرحيم كنا شويه شويه هانبقى زي مبارك وعصابتة .. اللي اتحدى إنهم كان عندهم شك إنهم بيعملوا خير للبلد وإنهم مقطعين نفسهم عشاننا ومش بيناموا بالليل وبالتالي بقوا هما قاعدين فوووووووووووووووق . وإحنا قاعدين تحت وهما اللي بيفكروا .. وإحنا اللي علينا السمع والطاعة ونقول حاضر ونعم

الله ينور عليك نيجي للجد يا أبو عُمر لو هما عارفين كده وساكتين ومكملين .. تبقى مصيبة ولو مش عارفين وبرضوا مكملين وبيديروا البلد .. تبقى المصيبة أكبر كانت كل مصايبنا في العهد البائد الظالم تكمُن في إن الرئيس واللي حواليه متوهمين إنهم بيعرفوا كل حاجه وبيفهموا كل حاجه ... من أول رغيف العيش لحددددددد الطاقة النووية ما علينا انا مع إن المجلس العسكري مش راغبي سُلطة . طب إيه المانع إنهم كانوا يستعينوا بمدنيين محترمين من ذوي الخبرة معهم في إدارة البلد في تلك الفترة الإنتقالية ؟ وأدينا شايفين التخبيط بعينه إستفتاء على تعديلات دستورية عبارة عن 9 مواد ... واللي قال نعم أو لا ما قالش عشان التعديلات نفسهالكن عاشن المواد التانية الغير معروفة معليش هاخرج بره الموضوع شويه بسيطة .. إنتوا مالاحظتوش كده بعد ما هدينا ؟؟ هههههههههههههههه والله ما قادر إمسك نفسي من الضحك يعني شعب خرج بالملايين عشان يقول نعم او لا على حاجه مش موجودة او مخفية عليه فأعتقد إن كافة طوائف الشعب المصري من عمال وفلاحين ومبيضين محارة ومثقفين كانت بتبصم بالعشرة إن التسع مواد دول زي الفل ومعمولين على ميه بيضا لكن كل إختلافنا وغزواتنا وإرهاصاتنا وتخوفاتنا من المواد التانية اللي بالفعل حصل عليها إستفتاء بيننا وبين بعضينا .. عائلات في قلب بعضينا يعني أتاري الجيش محضر لنا مفاجأة وهي 65 مادة عبارة عن إعلان دستوري مؤقت ويتضمن التسع مواد المعدلة ... يا حلاوة ؟ يعني إنت لوحدك يا عم المجلس إستأثرت بـ 56 مادة إفتكستهم إنت والسادة أعضاء لجنة التعديل الجالسون في غرف مغلقة والله أعلم بيعملوا إيه مع إحترامي لهم جميعاً .. والمواد دي إتفرضت علينا فرضاً بالشفا وسبت للثمانين مليون 9 مواد بس يُبدوا رأيهم فيها .... ده إيه الحلاوة دي ؟؟؟؟؟؟؟؟؟؟؟؟ ومع إن في ثورة قامت وبلد المفروض تتكنس إلا إننا فوجئنا بمواد مرقعه مازالت موجودة زي سُلطة السيد الرئيس اللي مش عارفين هو مين لسه .. وحالياً هو طنطاوي في تعيين ثُلث مجلس الشورى يبقى ثورة إيه بقى ؟ عيد الشريط من الاول يا عم وإرجع كما كنت أيام اللامبارك وعمالين نقول يا ناس يا هووووووووووووووووووووووووووووووووووووووووووووو ده إسمه مجلس برلماني بيُمثل الشعب لسن التشريعات والقوانين ومحاسبة الحكومة .. وبالتالي في العالم كله بيبقى شرط الثقافة والعلم لازم يكون موجود .. ولو كنت عاوز ناس بسطاء وبيفكوا الخط يبقى أعمل لهم مجالس بلدية ومحلية اما البرلمان فلابد ان يتكون من ناس فاهمه تقدر تقرا وتفهم وتقدر تحاسب الحكومة مش يروحوا يسقفوا ويناموا في الطراوة تحت القبة ومع ذلك نُفاجأ إن زيد زي عبيد ونفس شرط الخمسين في الميه من أعضاء المجلس عمال وفلاحين وضحك عالدقون لسه موجود ؟؟؟؟؟؟؟؟؟؟؟؟؟؟؟؟؟؟؟؟؟؟ يعني عاوز اقول بإختصار ومعليش طولت عليكم ... لو انا مش بادير وبالتأكيد مش بأفهم في كل حاجه .. يبقى لازم استعين بالناس اللي بتفهم وأسمع لهم وأمشي ورا نصائحهم الخالصة المخلصة

يمكن المجلس بيعمل اللى في وسعه وكمان اللواء شاهين متخصص في الدستور يعنى مش اي عسكري ومش معقول كل ما يطلعوا قرار نتصور انهم المفروض ياخدوا راينا .. قانون الاحزاب الجديد مش عاجب ناس ومن الدستور/ قضاة : الاعلان الدستورى "دستور جديد" يعيد إنتاج نظام مبارك بوجوه جديدة رئيس نادي مستشاري النيابة الإدارية يتقدم بشكوى للمجلس العسكرى ضد الإعلان الدستوري لو احنا مكان المجلس العسكري وبنعمل مانظن انه خير للبلد وبعد كده نتهاجم وشكاوى كمان شعورنا هيكون ايه مش عايزين نفقد الثقة في الجيش ومناخدش اخبار تسيء للجيش من غير توثيق زي الخبر اللى طلع ان الانتخابات الرئاسية ستؤجل الى يونيو 2012 ربنا يعينهم ويوفقهم لما فيه الخير لمصر وتعدي الفترة الانتقالية دى على خير

الشروط دي تنطبق فقط على موظفي التأمينات والمعاشات او موظفي هيئة نظافة وتجميل القاهرة بس بالنسبة للبيجامه لازم يكون مشمر رجل وسايب التانية ويكون لغاية دلوقتي متمسك بالتقاليد يعني ياخد معاه كزروله علشان يشتري الفول مش ياخد فول في كيس ويجيب العيش في الشنطة الشبك او البلاستيك

الواحد تأكد فعلا ان الامر في عصر مبارك تخطى فساد الإداره الى إدارة الفساد

ابوس ايدك والنبي ياعم باسم لخبطني ومش لاقي المواضيع الي كنت متابعها علي فكره مابيوزعوش عجل هنا علي اعلي نسبه مشاركات

ربنا يخليك يا أبا عمر .. ربنا يكرمك يا رب .. و الله أسعدتنى كلماتك أنا متفق مع كلامك بشكل كبير .. و أنا نفسي كنت بقول كده .. و اللى أكدلي افتقاد المجلس الاعلى للحنكة السياسية هو الاسلوب اللى اتاخد بيه قرار اقالة شفيق من الحكومة من فترة .. ليس لأنهم أقالوه فأنا مع هذا القرار قلبا و قالبا .. و لكن للطريقة الفجائية التى توحي بالتخبط و الربط ما بين ده و بين انفعاله أو سقطته الانفعالية فى أون تي في .. و أنا أتفق معك تماما فى كلامك عن صعوبة تمرير شيء ضد الرغبة الجماهيرية على خلفية المومنتم بتاع الثورة أو زخمها .. المشير طنطاوي فى رأيى لا يمثل المجلس الاعلى مطلقا .. هو فقط القيادة العليا بحكم الرتبة و السن .. لكن ما يدار فى الغرف المغلقة أعتقد أنه لا يتدخل فيه بشكل أساسي .. و أعتقد أنه أيضا لا يريد أن يتدخل .. و الحمدلله على تدابيره أن وضع على رأس جيش مصر فى هذه الفترة رجلا ليس له طموح سلطوي و لعل الأمور كانت ربما تسلك مسلكا آخر ان كان الرجل على رأس القوات المسلحة المصرية رجلا تطلعيا محب للزعامة و التفرد ..المجلس الأعلى يديره مجموعه من الرتب اللى بجد بقى .. مش بس واجهات .. لواءات تعرف جيدا معنى المسئولية و ان كان هابها بشدة ثقل وزن تلك المسئولية و صعوبة المهمة .. أيضا آخر ما يفلحون فيه هو السياسة و هم لا يدعون العكس .. لكن ما أراه أنه لا يعيبهم افتقارهم للخبرة السياسية .. و لكن سيعيبهم اصرارهم على تقصية الشارع من القرار .. لو كان هناك قنوات حقيقية للربط .. لما خرجت مظاهرات مليونية .. و لا وجدت تأييدا .. أنا لست مع أن تتحول الثورة الى مهنة و هدف .. لكن ما الحل و المطالبات بتحديد موقف القيادة من صفوت الشريف و زكريا عزمي و فتحى سرور تتعالى بشكل كبير و مع ذلك لا نسمع أية ردود .. لا تعليق .. لا ايجابا و لا سليا .. كيف اذن يصل الصوت .. أنا ضد التعجيل المخل بأية محاكمة مهما كانت .. و لست مع المطالبة بالتعجيل بمحاكمة عز أو جرانة أو العادلي طالما أن الاجراءات تسير و ليست متوقفة .. لأننى أعلم أن جهابزة القانون الذين سيترافعون عنهم لن يألوا جهودا فى أن يماطلوا و يشككوا و يطلبوا شهادة سكان من كواكب أخرى ان استطاعوا و سمح لهم .. و سيستغلوا كل ما فى القانون من ثغرات لمجرد المماطلة .. و أنا لا يخيفنى هذا و لا يقلقنى .. و لا أرى أن تتم أية محاكمات على ضوء خلفية انتقامية مهما كان المحاكم كما أنني لست مع تنحية كل فرد كان عضوا بالحزب الوطنى من منصبه أو تواجده الاجتماعى بشكل تعسفي و الا سيكون مثلنا كمثل ثورة يوليو التى أقصت كل خبرات مصر السابقة باعتبار أنهم غير متماهين مع الثورة .. لكننى لا أرى مبررا مقنعا لصم الآذان عن المطالبات الموحدة للجماهير .. أنا لا أطالب باعدام صفوت الشريف و لا بسجنه .. لكننى أطالب بمحاكمته كغيره .. و لو كان الرجل (مأمن) نفسه جيدا من الناحية القانونية .. و ليس هناك أية مستندات أو أوراق تدينه .. فليخرج علينا المجلي الأعلى و يقول هذا .. و ليعلن أن من لديه ما يدين صفوت الشريف أو زكريا عزمي فليقدمه للنائب العام .. و لو لم يتقدم أحد .. يبقى المجلس عداه العيب و أزح الصحف القومية و الاذاعة و التليفزيون المصري لم يحثد فيهما أية تغييرات جذرية الى الآن .. و أعتقد أن تنحية المشاركين فى حملة التضليل لا تحتاج فى هذه الحالة الى أدلة و مستندات ورقية لأن الأدلة موجودة صوت و صورة و موثقة لكن أن يكون الرد هو الصمت المطبق فهذا ليس فى مصلحة الوطن .. و لا تلوموا من يخرج ساعتها ليسمع صوته . مهيب

فاكرينها لعبه إتجوز إتجوز .. طلق طلق ويلهفوا فلوس الشعب في كروشهم ولاد الحرامية

الملتحى و المجتمع قصه ذى قصص كتير احنا المصرين هاوينها اوى قصه دائما مابين بتدور نظريه الاخر ( المضطهد و المتعالى و الى مش متفهم ) و الاخر ده فى القصه ديه هيه مجتمع المصرى و فى قصه تانيه ممكن يكون المجتمع الاوربى العالمى ضد كل ما هو عربى و فى قصه المصرى بين العرب و فى قصه المراه بين الرجال و فى قصه تالته والمتبرجات ضد المنقبات قضيه عموما ممكن تتلخص من ناحية المجتمع فى الحكم على المظاهر و ساعات و ده الى مش حاضر فى القصه هنا لكن حاضر بقوه فى بين الافراد تعليق الفشل على شماعة الاضطهاد و كل واحد ممنا عانى من ظلم من النوع ده لكن هرجع للقصه ديه الى بحاول افهم مغزاها مش قادره الحقيقه هل الشخص ده ناجح و شريف عشان ملتحى ( معلش ده تسطيح للنجاح لان رب العالمين طلب مننا انننا نعمل و ناخد بالاسباب لان الشخص ده اكيد مجتهد جدا و ان اراد ان يعرف نفسه فقط بانه ملتحى و لا ناجح و شريف على الرغم من انه ملتحى ( و ده فى راى اهانه للملتحين يعنى هما موصمين بالفشل و الحمدلله لقينا واحد شذ عن القاعده و للا ناجح و شريف و ملتحى و ده بردو مقارنة تفاح ببرتقال لان فى ناس ملتحيه و مش ناجحه و ناس ناجحه و مش ملتحيه الحقيقه الى انا و اتصور معظم المجتمع عارفها ان الملتحين لا على ظهورهم جوانيح الملائكه ِِ و لا فى ايدهم شوكة شيطان فيهم من الخيرين قد ما فيهم من الاشرار و المضايقات الى بيتعرض لها بعض الملتحين ذيها ذى التحرشات الى بتتعرض لها النساء فى العمل و فى المدارس و اصحاب التعليم المتوسط من الجامعين و المنقبات من المحجبات احيانا و العكس و ماحدش طايق التانى مجتمع كله مداس بالجزمه و لانه مش قادر يرفع الضغط الى فوق دماغه بيبص الى واقف جنبه فى الطابور و يشوط فيه و يحمله مشاكله

ليس بالضرورة أن يكون ملتحيا و ما المشكلة اذا كان مثقفاً ناجحاً عادلاً بهذا الشكل و كان ملتحياً ليس بالضرورة أن يكون مسلما و ما المشكلة اذا كان مثقفاً ناجحاً عادلاً بهذا الشكل و كان مسلماً ليس بالضرورة أن تكون زوجته منتقبة أو متحجبة و ما المشكلة اذا كان مثقفاً ناجحاً عادلاً بهذا الشكل و كانت زوجته منتقبة أو متحجبة يحدث هذا فى جامعات أمريكا من اناس لاتعرف عن الاديان مانعرفه نحن كل مايعرفونه وينعكس على أفعالهم هى " القيم الانسانية " و الاسلام هو أصل القيم الانسانية و المنظم الأعظم لها و النبراس الذي تنبعث منه كل و أفضل هذه القيم .. و أظننا نتفق في هذا لم أسمع منهم حلمة " حرام كده " أو " هل هذا شرعيا ؟ " أو " هذا غير شرعى " فقط تسمع كلمة " This is against the Law " ( هذا مخالف للقانون ) و ما المشكلة استاذي محمد في أن يكون قانوننا هو الاسلام .. نعم و نفتخر بهذا أيضاً .. قانوننا و قاعدتنا هو الاسلام .. لا أرى مشكلة أبداً في هذا .. لماذا نحاول أن ننفي التفوق عن الملتزمين و نصر على وضعهم في قالب التخلف و الرجعية و عدم الفهم و حينما يطل علينا نموذج مسلم ملتزم متفوق .. يكون الرد أن (و ايه يعني مهو الملحد متفوق بردو) هل لنا في بعض الانصاف؟ تحياتي

المكان .... المكتب البيضاوي للأديب الكبير سين سين الزمان ... الخامس من إيلول بعد طرح أول كتاب للأديب الكبير والذي ضم عصارة فكره وخبراته في عالم الأدب الحدث .... هانعرف بعد شوية ذات مساء .. وأثناء أستغراقي في التأمل والفكر والهم ... لإستلهام افكار جديدة لكتب وقصص وحركات قادمة ... شق هذا الصمت الرهيب صوت الهاتف .... و س س : الوووووو .. الأديب الكبير سين سين معاك يا فندم .. نقول له مين ؟ الطرف الأخر : إنت هاتصيع وتصدق نفسك يالا ؟ س س : إحترم نفسك يا فسل .. أنا أديب وكبير وعندي 39 سنة غصب عن اللي جابوك ... إنت مين ياض ؟ الطرف الأخر : أنا فاروق حُسني وزير الثقافة يا مُدعي .. س س : فاروق بيه راعي الثقافة والمثقفين والناس التانيين اللي بين البينين .... يا سلام .. التليفون نور يا فندم والله .. أنا مُعجب جداً باعمال حضرتك – السودا – ونفسي من زمان اقابلك عشان تديني لوحة هدية من لوحك أعلقها في الحمام قصدي في الصالون روقه : إسمع يابني أنا مش فاضي لك ... مش عارف لحُسن حظك ولا لسوء حظ الثقافة ..مش عارف أجيبها لك ازاي جتك نيله ... واحد سايح سويدي يا سيدي كان في مصر من كام يوم .. وشكله كان بيشتري طعمية فالراجل لف له الطعمية في ورقة .. طلعت الورقة مقطوعة من الكتاب بتاعك اللي أساساً ولا واحد إشتراه .. واللي إشتروه بتوع الفول والطعمية واللب ... المهم .. الراجل قرا الورقة وشكلُه كان نفسه حلوه وعجبه كلامك مش عارف على إيه .. راح دعبس وأتقطس لحد ما عرف إن العملة السودا دي بتاعتك . وأشترى الكتاب وأخده معاه السويد ... ومن سوء سوء حظ الحركة الثقافية .. الراجل كان قريب الملكة مارجريت ملكة السويد .. فحكى لها على اللي شافه في مصر وعلى الحناطير والحمير لا مؤخذه .. وطبعاً حكى لها على كتابك ... الست هي كمان أنطست في نظرها وعجبها الكتاب ... فقالت هاتوا لي الولد ده أديله جايزة السيخ الذهبي للعلوم و الأداب ... مصدق إنت الفيلم الهندي ده ؟ س س : أنا .. أنا لساني مش قادر يتكلم .. ومش قادر أعبر عن فرحتي باللي بأسمعه .. يا منت كريم يارب .. أتاري حضرتك الراجل صاحب المكتبة فاجئني من كام يوم وقال لي تعالى لك 5 جيني حق نُخسة من الكتاب واحد إشتراها بالغلط ... لكن توصل لمارجريت والسويد وكدهو .. أنا هايغمئن عليه .. مش صدق إني هاخد السيخ الذهبي ... الحمد لله الحمد لله روقه : خلاص إنت هاتشحت ... شوف من الأخر كده .. بكره تيجي لي مكتبي ومعاك جواز سفرك وكام نسخة من الكتاب عشان هاقول لك تعمل إيه .. س س : يا معالي الوزير أنا هاجي أبات قدام المكتب من دلوقت لإن مش هايجيلي نوم سواء من الناموس اللي في البيت أو من فرحتي بلقاك . وعند الصباح يذهب سين سين هارعاً إلى مقر وزارة الثاقفة بالكيت كات ... ويقابل فاروق حُسني روقه : إنت بقى سين سين ؟ ... طب ما أنت حلو أهو س س : لأ حضرتك .. أنا مش بتاع الحاجات دي .. أنا أديب محترم وعايش بشرفي ... روقه : طب يا عم المحترم .. فين جوازك ؟ س س وهو يرمي له الجواز من بعيد : أهو يا فندم روقه : شوف .. إجراءات التاشيرة هاتاخد لها يومين تلاتة .. وفاضل إسبوع على حفلة توزيع الجوايز ... أنا هاخليهم هنا في الوزارة يظبطوا أمر التاشيرة وتذكرة السفر وحجز الفندق ليه وليك . ما أنا هامثل مصر ومسافر معاك .. وفي الفترة دي حاول تستضنف لك بدلة عليها القيمة بدل اللبس المزيت اللي إنت لابسه ده .. وتحضر كلمتين تلاتة تقول لهم قدام الملكة .. س س : يااااااااااه .. ده أنا في كلام كتير عاوزه اقولهولها .. وأوله إني كنت بأوضب شقتي الصيف اللي فات واشتريت شوية بيبان خشي سويدي .. وعلى ما جيت أدهنهم لقيت الخشب فلق حضرتك .. فعاوز اشتكي للملكة من بتوع الخشب دول وكدهوت روقه : اللهم إني لا أسألك رد القضاء ... ولكن اسألك اللطف فيه ... بقى هاتروح تقول لملكة السويد بيبان خشب .. وفلقت قبل ما تدهنها .؟؟؟؟؟؟؟؟؟؟؟؟؟ شوف يابني .. أنا هاقول للملكة الراجل ما صدقش نفسه وجت له سكتة قلبية ومات .. وهاطلب منها تطلع قيمة الجايزة رحمة ونور على روحك .. وكفايه فضايح س س : لأ لأ خلاص والله . أنا هاسكت وهاقول اللي إنتو عاوزينه بس أسافر ... روقه : طب إمشي إنجر روح أشتري لك بدلة حلوه وجهز نفسك وهنا أُسقط في يد سين سين ولم يدري ماذا يفعل .. فأتصل بصديقة الفنان العالمي زُهيري .. س س : ولا يا زيزو إنت فين ؟ زهيري : أنا قاعد في قهوة المطربين في شارع محمد علي ... في حاجه ؟ س س : طب قابلني عند مسمط آل البيت اللي في الحسين وأعزمني على كوارع زهيري : إنت جاي ترمي الهلب عليه ؟ لأ يا عم أنا عندي سبوبة كمان شوية واحد طالع من مؤبد .. وأهله قصدوني ودفعوا لي قرشين كويسين عشان نعمله زفة قدام اللومان بمناسبة البراءة س س : يالا لومان إيه .. أجل الموضوع ده شوية وخليهم ينتظروك مش هأخرك والله عندي لك سبوبة سوقع .. ويتقابل الإثنان في الموعد ويقص عليه سين سين الحكاية من البداية ... زيزو : يا نهارك مش فايت . مارجريت مره واحده .. يابن الإيه ؟ وأنا اللي أفنيت عُمري في الفن ولحد دلوقت لسه بأستلف ثمن السجاير ... صحيح ... تيجي مع الهوبل دوبل س س : يا عم دوبل إيه وتروبل إيه .. أنا جايللك تدبرني دلوقت أنا مُرتبك وفيري كونفيوسد ... إسمع يا زيزو .. أنا بأجهز كلمة هاقولها قدام ملكة مارجريت .. وفكرت برضوا أفاجئها بحاجه جديدة و غير متوقعة ... غنوة سويدي مثلاً .. ومالقيتش غيرك يفتكس لي الغنوة دي زيزو : يابني أنا بألف عربي بالعافية .. جاي تقول لي سويدي ... س س : والنبي والنبي .. أنا عاوزك ترفع راسي .. إفتكس بس أي حاجه وترجمها حتى على جوجل وبعدين لحمها لحم غربي كده وخلي الليلة تعدي زيزو : تصدق إنت إبن حلال ... كان عندي في كندا واحد جاري سويدي هاريني أغاني طول اليوم لدرجة حفظت أغنية منهم عن ظهر قلب ولما سألته إيه دي .. قال لي دي النشيد الوطني السويدي س س : نشيد نشيد أي حاجه يا عم أحنا لاقيين زيزو : بس أمانة عليك يا سين سين .. لما تقابلها وتكلمها .. قولها على خدمة كده لاخوك الغلبان س س : عيني .. والله إنت تؤمر يا زيزو .. مارجريت بتاعتنا والست بتخدم بعنيها وعُمرها ما أخرت لي طلب ... زيزو : بقى الموضوع وما فيه إني إتدبست في عربية فولفو موديل 70 .. ودايخ دوخة الأرملة دلوقت على قطع غيار لوش السنلدر ... فلو الست مارجريت تقدر تكلم لنا حد هناك يدبر لنا الحاجات دي من الوكالة أكون ممنون . س س : وهنا يستحضر سين سين موضوع الأبواب الخشب ... ثم يقول له .. عيني يا زيزو .. ده مش بعيد نصعب عليها وتنفحنا حته موديل 2012 .. إدخل عليه بالأغنية بقى وما تضيعش وقت زيزو : شوف يا سيدي .. مطلع الأغنية بيقول " إيشن بيشن .. إيخن .. زيج زيج " س س : ها .. فين الأغنية ؟ زيزو : فين إيه يابني .. ما أهي .. هي دي كلماتها " إيشن بيشن .. إيخن .. زيج زيج " س س : قول وكتاب الله ؟ أنا باحسبك بتفتح الباب .. والباب بيزيأ وكده ..يعني أدخل على ملكة السويد وأقول له هشتك بشتك زجازيج ؟ زيزو : حد جاب الهشتك بشتك يا بني أدم ؟ يا بني دي مطلع النشيد الوطني بتاعهم . أفهم بقى س س : آآآآآآآآآآآه .. زي بلادي بلادي عندنا يعني ... طب هو بس يعني إيه زيج زيج ؟ زيزو : يعني إنت فهمت الكلام كله وجت عند دول ؟ س س : خلاص .. هاقعد أحفظ فيهم الأسبوع ده .. .. بس كلمات الأغنية حلوه ومُعبرة ... لأ وجديدة ... وأول ما أقابلها هادلق الكلام ده في وشها وأنا عارف إنها هاتتبسط مني جداً .. خدمة تاني بقى .. اخوك مزنوق في بدلة الاجه عشان أقابل بيها الملكة واطلع بيها في التليفزيون وحاجه تكون أخر حاجه .. زيزو : بس .. ما فيش غير أبو سامية بتاع المنفوحة س س : قريبك ده يا زيزو ؟ زيزو : لأ .. ده ترزي البشوات بتاع الرياض يابني ... وكل البدل واللبس اللي عنده حاجه كلاس ... تصدق بالله ؟ س س : لا إله إلا الله .. ولا حول ولا قوة إلا بالله .. وحسبي الله ونعم الوكيل فيك وفي أبو سامية وفي المنفوحة كلها زيزو : إسمع بس ... عارف باولو كويليو ؟ س س : عارفه طبعاً .. ده أديب زميل من البرازيل ... ماله ؟ زيزو : هو اللي فاز بالسيخ السنة اللي فاتت ... وقصدني برضوا أسنجفه .. وسنجفته س س : من عند أبو سامية بتاع المنفوحة ؟ زيزو : لأ يا خفيف .. من عند أبو مايكل بتاع ريو دي جانيرو ... طب والله ولا لك عليه يمين يا سين سين وإنت عارف أنا مش بأحلف براسك كدب ... الوليه مارجريت إتهبلت لما شافت البدلة . لدرجة إنها جوزته بنتها الوحيدة صوفيا .. س س : ياااااااه .. للدرجة دي إنبهرت بالبدلة ؟ زيزو : وأنا أؤكد لسيادتك إن بدلتك دي هاتخليها تقول لك " أرحمني وأقبل صوفيا زوجتاً لك يا سين سين " يعني إنت اللي عليك الدور السنة دي يا معلم س س : إحم إحم .. لأ زهيري .. إنت مش واخد بالك .. صوفيا متجوزة باولو السنة اللي فاتت .. أنا بقى هاتجوزها إزاي السنة دي .؟ ويعدين إيه حكاية السنة دي والسنة اللي فاتت .. هي صوفيا دي شجرة وبتطرح كل سنة ؟ زيزو : يابني الناس دي أوبن مايندد .. والحاجات دي ما تفرقش معاهم.. النهاردة متجوزة باولو .. بكره تتجوز سين سين ... حُرية يابني .. حُرية . أومال هما متقدمين ليه ؟ س س : على رأيك .. إحنا لينا أكل ولا بحلقه .. يا سيدي وكفاية نسب الست المحترمة دي وكل اللي ييجي منها كويس .. ولو إني مش بأثق في شغل الصنايعية البرازيليين ... وشكلي هاستلم بضاعة مضروبة من وراه . زيزو : إنت أبن حلال .. واديب بجد .. وتستاهل كل خير .. بس لما ربنا يفتحها عليك وتفتح لك مغلق خشب ..ساعتها ما تنساش اخوك اللي وقف جنبك س س : عيب ... عُمري ما أعمل كده ( سين سين في عقل باله .. ساعتها ولا أعرفك بصوتك التخين الأجش ده وبلوفرك اللي جايب لنا الفقر .... بلا قرف ) إنت إبن حلال .. وامي بتدعيلك يا زيزو وبتقول ليل نهار إلهي وإنت جاهي يوعدك بسيخ يا زهيري يابني عشان تُكلل مسيرتك الفنية وتختمها خير ختام .. يُتبع

نتوكل على الله و ننزل و نحرّص من "المندسين .. بتوع الاجندات" .. بجد الجيش محتاج يسمعنا عارفة ان الخوف ان الجو العام فيه عدم ثقة في الجيش بس احنا نازلين نطالب بحقنا .. مش نخبط في الجيش ربنا ييسر لنا الخير

أسماء محفوظ: جمعة 1 ابريل ..... عايزين حقنا فلوسنا ودمنا http://www.youtube.com/watch?v=hNcGpQEJniw

تلات خنازير كبار http://www.youtube.com/watch?v=q0i9acHS_zQ&feature=youtu.be

يا جماعة يا جماعة متظلموش البنت الفستان كان كامل جوه العربية. بس الظاهر في فتلة شبكت في الباب و كرت منها ...حتى مش شايفين اثار الدانتيل كتر خيرها إنها اسعفت الموقف وحطت بقيتو في شعرها

لااذكر اني في حواري هنا وجهت لك اي وصف لائق كان او غير لائق واظنني طوال الوقت كنت اتحدث ـ وبشكل عام ـ عن ظاهرة لطالما تحدثت انا شخصيا عنها وفي مواضيع عديده ومن قبل حتى انضمامك للمنتدى .. اتمنى سيدي الفاضل ان تقوم باقتباس كلمات موجهة مني لشخصك او حتى لكتاباتك قمت فيها بالتعدي عليك واعدك وعد صادق ان اعتذر لك امام الجميع بل وربما طالبت الادارة بدلا منك بانذاري انا عوضا عنك .. واسمح لي سيدي الفاضل فحتى تفعل ذلك وحتى اسمع تبريرك عن كلماتك هذه : اسمح لي و حتى ذلك الوقت .. فانا بالفعل شديده الندم لاشتراكي في حوار معك ..

بعد ماشوفت الفستان القصير اللي قابل ان حفيدته تلبسه وتمشي في الشارع اكنها نسيت تلبس البنطلون ابتديت اصدق ان اللي كان بيتقال علي صفوت الشريف من مهنته ايام الملك كان صح;)

حسام عبد الفتاح حبيبي سحس .. بيني وبينك انتا معذور .. الاركتكت ده شكله مش هيجيبها لبر عارف يا سحس .. مهما حاولنا نبيعه .. مش هنقدر .. الراجل زي اللي عمل لنا كلنا عمل .. وربنا يستر ------------------------------------------------- عزيزي ارك تقدر تقول اني احاول استشرف المستقبل وأحاول اقراه بطريقتي واراه .. بل واتمناه .. ان ينتهي هكذا ممكن اكون خيالي شوية وانتا واقعي اكتر بس زي ما حاولت اقول بالقصة طول ما فيه حوار .. هتكون فيه نتائج بعون الله الاهم نبعد عن الشخصنة في الحوار ونبعد عن الاستفزازات اعتقد لو ده يحصل هتكون انتا اول من يجهض الثورة مش كده ؟ وشكرا لاطرائك يالغالي .. متعودين منك دايما كل تشجيع

عفوا اخي الكريم .. هل تقصد " السطرين دول ؟ " : ان كان هذا مقصدك فاسمح لي لم يكن ردي الا عليهم ... فمن الواضح انك لم تقرأ ماكتبته والا كنت لاحظت ان الاعتراض لم يكن نهائيا على الاسلوب وانما المحتوى ذاته .. لكل منا ان يفرض اسلوبه الذي يفضله حتى لو خالف مااعتاد عليه المكان .. ولكن .. لن يكون هذا " الفرض " ممكنا مالم يكن المحتوى ذاته يستحق ان يقرأ ويستحق ان نتقبله بل ونسعى اليه ايا كان الاسلوب الذي اختار صاحبه ان يخرجه لنا به .. اما ان اتصور بقدرتي على فرض اسلوبي بمحتواه السيئ او حتى الفارغ من المحتوى فهذه هي الطامة الكبرى .. وهذا مالايمكن حدوثه حتى في اسوأ الاماكن التي يمكن لاحد ان يكتب فيها .. اذا فالاساليب والمعايير لا تفرض ذاتها بذاتها ولا ترفض لذاتها .. وانما يفرضها او يقصيها ماتحمله من محتوى يهم القاريء .. او لايهم .. كما قلت لك سيدي الفاضل فانا لا ارغب في متابعه الحوار فكما يبدوا لي جليا انت لا ترغب في استيعاب ما يقال .. . اعتذر عن هذا الرد ايضا ويمكنك اعتباره كسابقه .. لم يطرح عليك .. وعليه فلست مضطرا لاقتصاص سطرأو سطرين منه للرد عليها وتجاهل البقية .. بل انك غير مضطر للرد من الاساس .. تحياتي ..

السلام عليكم اخويا و حبيبى س س شفت اخواتك السلفيين متحضرين إزاى نظام و التزام و أدب لا مطاوى و لا جنازير و لا مولوتوف يفط محترمه توجد فى اى دوله متحضره اليس هذا نموذج يبعث على الاحترام . . إخوانى السلفيين المحترمين لكم كل احترامى و تقديرى

السلام عليكم الإخوه الكرام جزاكم الله خيرا . اخى الحبيب إسلام تفضلت و قلت يا إسلام المؤمن كَيِس فَطِن كما تعلم و من الفطنه التثبت من الخبر بكل الطرق مثلا معرفه مصداقيه الخبر من استقرائه ..مثلا جريده مشهوره و معروفه بموقفها من الاسلام و اتباعه مثل اليوم السابع مثلا عندما تنقل خبرا هكذا ْو تكتب فيه اولا مبالغه مريبه فى العدد ثم ما ادراه انهم كما يدعى انهم سلفيون هل المقصود الإشاره الى الحادثه نفسها ؟؟ام المقصود و المراد تشويه ما يسمى السلفيه و انهم همجيون و دمويون و هذا حالهم قبل الوصول الى الحكم فماذا لو حكموا بالفعل. ثانيا يا إسلام و انت المثقف المتابع التاريخ الذى تتكلم عنه ما لهذه الجماعات التى رأينا و سمعنا ما فعلته فى الثمانينات و بدايه التسعينات و خصوصا فى الصعيد و السلفيه و السلفيين التى يتم تشويهها الان الجماعه الاسلاميه و من انبثق عنها مثل الجهاد مختلفه كثيرا و منهجها العنيف كما نسب اليها عن السلفيه و السلفيون ومنهجهم و مواقعهم موجوده و شيوخهم معروفين يا اسلام و يمكنك التأكد بنفسك . لقد هوجموا ايما هجوم لانهم لا يكفرون الحكام و لا يدعون للخروج عليهم و لا يدعون للاضرابات و شق عصا الطاعه ,, و لا يعتمدون الشده اساسا كمنهج إلا بضوابطه الشرعيه فهل بين يوم و ليله صاروا كما يركز عليهم الاعلام الان و يشوههم الموضوعيه فقط هى المطلوبه و لا داعى للتحامل

ماحدش فوق النقد وماحدش معصوم من الخطأ والوقت اللي احنا فيه البلد كل يوم في حال... وممكن أي حد يغيّر رأيه مش لأنه مش ثابت على موقفه ولا لأنه منافق أو بيتكسّب من توجيه الناس في اتجاه معين ولكن فعلا الساحة السياسية غير مستقرة بالنسبة لرأي أي شيخ من شيوخ الدين الأفاضل لما يلدلي بدلوه في المواقف السياسية فلا يحاسب على إنه عالم وأي ذلة تنتقص من قدره عند الناس وإنما يحاسب على إنه رأي مواطن عادي ... لأن السياسة مفيهاش فتاوى فيها رأي ورأي مضاد ولكل رأي مبرراته لا أعتقد أننا في عصرنا هذا يوجد من على مستوى الصحابة والتابعين اللذين يؤمون المسلمين في المسجد ويقودونهم في ساحة المعارك... ويحكمون البلاد بأحنك الآراء السياسية طالما أننا عندنا شيوخ أجلاّء نستنير بفتواهم الدينية وكل شخص حر إذا أراد أن يسترشد برأي أي شخص سياسيا سواء كان شيخه أو والده أو معلمه أو أيا كان لكن في النهاية هناك أشخاص لهم كل الاحترام والاجلال ومنهم شيخنا محل الجدال ... أحبه في الله وأحترمه ومع ذلك هو ليس فوق النقد .. وإنما لكل مقام مقال

نسيت رأي واحد مهم: قال الساري: انتوا بتستفزّوا روح الإخراج اللي قاعدة تتنطط قدامي... شكلي هأقلب الموضوع من كتابة بس لفيلم يصوّر الصراع بين "نعم "و "لا" . شكلي هأتصل بلماضة ونشتغل في الفيلم الجاي فورا.... لأن الوضع جاد وزاد.. بس خللوا بالكم لا ولن ولم نسمح بتصدير ولا حتى استيراد هذه البلبلة ولا طوابير الاستفتاءات للسعودية ولا للشعب الخليجي ....أنا أحذركم انت حكاية .... تقبّلي احتراماتي يا محاواراتي

عن الاستفتاء هانحكي: تعالوا اتفرجوا على التعليقات اللاذعة بعد اللون البنكي:- صباعي لونه بينك .. انا مصري مش فشنك .. صباعي بمبي فسفوري انا قلت رأيي في دستوري - ربنا يرحم أيام مبارك .. مكنش بيخلينا نحمل هم التصويت - حسني مبارك : أيامي الناس كانت بتستفتي قلبها وهي قاعده في البيت ، وأنا وحكومتي الذكيه كنا بنعرف لوحدنا الناس عايزه ايه ... وهو ده التطور .. مش تقوللي طوابير وزحمه ... يا راجل كبر مخك - وكالعاااااااادة :- ينتقل الشعب المصرى من مرحلة الى مرحلة جديدة خاااااااالص " من مرحلة التصوير مع الدبابة , إلى مرحلة التصوير مع صباعه - للمرة الاولى في تاريخ مصر يتم حرمان المصريين المتوفين من التصويت في الاستفتاء .. فين بقى الديمقراطية - سألت قهوجى هتعمل ايه فى الاستفتاء؟ قال هاقول "لا" طبعا بقوله ليه طبعا؟ قاللى يعنى أنا لو عملتلك كوباية الشاى دى على التفل هتشربها؟ - أنا مش سلبي.. وصباعي بمبي - اغنيه ما بعد الاستفتاء : خلي الصوباع صاحي صاحي صاحي - عاجل .. تقرر مد فتح لجان الاستفتاء إلى حين التأكد أن كل المواطنين لونوا صباعهم بينك و إتصورو معاه و اللون واضح في الصورة - الشعب يريد...اسقاط الطابور - ويخرب بيت اللي حيقول لأ ، وهو من جواه بيقول لأ ، وواحد واقف جنبه بيقول نعم - يا جماعة من هنا و رايح .......صوباعنا بقى له قيمة.......بلاش نبهدله - وأخيرا انتقل الختم من قفانا إلى أصابعنا - ايه التشابه بين نتيجه الانتخابات ونتيحه المدارس والجامعات؟ الاتنين بيظهروا بعد ما يتم تصحيح الورق - ازاي ترضيلي حبيبتي ....صباعي مايبقاش بمبي ..... أنا قلب كان بيوجعني ومنتيش حسه بوجعي ازاي - يا جماعة بطلوا طفاسة ,,,,,هو صوباع واحد مش تستحمى بالحبر - الصوبع اللى على حق يقول للاستفتاء لأ.. والصوبع اللي حبناه يقول للاستفتاء آه - أنا مصري أحترم نتيجة الاستفتاء أيا كان ..و إلا أبقى عيل فاكس - حملة تجميع مليون صباع مصرى شاركوا في التصويت.. - تمت عمليه التصويــت بنجاح حيث ادلى مصريين كتير اوى بصوتهم ..وكانت الاسئلة متوقعة وجايه من الورق اللى كان بيتوزع قبل الاستفتاء بيومين ولم ترصد اية حالة غش ... وسيعلن المجلس الاعلى للقوات اللى هما عندهم صفحة عدت نص مليون عن العشرة الاوائــل غدا.. والله الموفق والمستعان طرائف نتيجة الاستفتاء: وبعد الاعلان عن نتيجة الاستفتاء بموافقة نحو 78% ممن قاموا بالتصويت على التعديلات الدستورية، في مقابل 22% قالوا لا، كتب الاعلامي والناشط السياسي احمد العسيلي: "على فكرة على فكرة أنا مُتفائل جدًّا، مش متأكد ليه ، يمكن عشان مش عايز اتشاءم ، بس غالبًا لإن الناس دول كلّهم اللي ماسكين في خناق بعض عشان الوطن ، شيء يدعو في النهاية للتفاؤل. فاضل بس نتعلّم كلّنا نتخانق بالأفكار مش بالألسنة". بينما جاءت أطرف التعليقات عبر صفحات الفيس بوك الساخرة كالتالي: - أول بيان من الجيش إلى الشعب بعد ظهور نتيجة الاستفتاء: من المجلس الأعلى للقوات المسلحة الى الشعب المصري العظيم : لأه تلوئك - محمد حسنى مبارك يربى ذقنه .. وينضم لجماعة الاخوان " الــــمــحـــظـــوظــــة" - عارفين اللي قال "لا" بيفكرني بايه.. بالزمالك بيلعب كوره حلوه بس مش بيكسب - مش مهم مين قال لأ أو مين قال نعم .. المهم اننا كلنا حطينا صوبعنا في نفس البرطمان .. وهي دي الديمقراطية - بيقولك احمد مكى هيعمل الجزء التانى من فيلم لا تراجع ولا استسلام بس هيكون عن الاستفتاء الى حصل .. بس الراجل الى هيمثل معاه هيقول: أيـــن أصـــــــواتـــــي؟ - البلطجية يطالبون بإعادة الاستفتاء والا سيعتبروا النتيجة لا - ياثورة ماتمت ......خدها الاستفتاء وطار

في نقاش مع واحدة حبيبتي سألتني سؤال مفاجئ .. إنت سلفية؟ و كانت أول مرة حد يسألني السؤال ده جاوبتها بعفوية .. أنا مسلمة و فقط لا أحب التصنيف .. تعجبني بعض الأفكار من هنا و هناك و أرفض بعض الأفكار ايضًا فالإخوان و السلفيين ...أتفق و أختلف معهم عادي يعني كلهم يؤخذ من آرائهم و يرد و لما أتكلم على الشأن المصري فأنا مصرية و فقط قد أتفق مع علمانيين أو ليبراليين أو إخوان .. أو أختلف معهم

تحتوى محاورات المصريين على عدد كبير جدا من وصفات الطعام المميزة و المجربة و هى نتيجة جهد المهتمين بالمطبخ من أعضاء محاورات المصريين. ما سبق كان إستهلالا لابد منه وجود هذه الوصفات فى صورة نص أو فى صورة أجزاء من موضوعات تجعل الوصول إليها عملية شاقة اللهم إلا الوصفات الحديثة و لهذا السبب أضفنا موقعا جديدا للمطبخ و يمكن الوصول إليه عن طريق هذا الرابط: http://www.egyptiantalks.org/kitchen/index.php الفكرة أن يوجد مكان منظم لوصفات الطعام و متاح لكل أعضاء محاورات المصريين إضافة وصفات كيفمايشائون. الإصدار الموجود حاليا هو الإصدار ما قبل الأول. نتعشم أن تدخلوا الموقع الجديد و تقوموا بالإضافات التى ترونها و يهمنى فى هذه المرحلة أن أتلقى منكم ملاحظاتكم على البرنامج.

علشان خاطرك يا فيروز هانشر كمان (واحدتين ) لانك لو انتظرتي لما انتهي .. فانا لا انتهي .. لأن الذكريات لا تنتهي .. علشان كده سميتها ( اصداء) لان الواحد بيكون قاعد مرتاح أربعة وعشرين "فدان " ومقفل كل أبواب وشبابيك الماضي ويلاقيها داخله عليه من تحت عقب الباب !! هنكمل "شوية "... وأرجو ان تعجبكم 4- أبى انا أكرهك ! هل ذهبتم الي مدينة طنطا ؟ لو كنتم ذهبتم الي هناك .. بالتأكيد ستعرفون شارع توت عنخ امون !! انه شارع عزيز علي قلبي لانه شهد لحظة غالية بيني وبين ابي رحمه الله ! كنت كلما مررت بهذا الشارع تذكرت هذا الموقف … فابتسم واترحم علي ابي الغالي ! ففي يوم من الايام و انا مراهق ..قرر انه ينبغي على ان ادخل كلية التربية و اما ان فكنت اريد ان ادخل كلية الهندسة ، لكننا لضيق حالتنا كان ابي يريد ان اتخرج كمدرس و اتعين في الحكومة بسرعة لاعينه في الاعباء الاسرية ، بينما كنت انا مغرم بالهندسة خاصة المعمارية .. حاول ابي اقناعي بوجهه نظرة لكني لم اتفهمها .. واعتبرته تدخل لا اقبله في مستقبلي …. و عندما مانعت ابي في تنفيذ رغبته .. ضربني ضربا مبرحاً .. وانا الذي لم اعتاد منه ان يضربني بهذه القوة ! ولا ادري كيف افلت مني لساني … و نطق بصوت عالي : انا اكرهك .. اكرهك .. لا ادري ! سامحني الله … وعندما سمع ابي هذه الكلمة زاد ضربه لي .. عنفا و قسوة … و جلسنا اياما متخاصمين !! وبعدها احتجت لتغيير نظارتي الطبية ، اصطحبني ابي الي محل النظارات .. وفي طريقنا الي هناك .. حاول ابي ان يوضح لي وجهه نظرة مرة اخري … ولا زلت اذكر هذه اللحظة التي توقفنا فيها في شارع ( توت عنخ امون ) .. حيث احتضني ابي بكل حنان … و قال لي وان غارق في حضنه وبكل طيبة : -- انت لسه بتكرهني يا ابراهيم … !! لحظتها تنهدت تنهيدة كبيرة .. كلها خجل .. وحياء .. من هذا الرجل العظيم الذي ظلمته كثيرا وتحملني كثيرا …. و تعجبت كيف قلت له اني اكرهه !! تعجبت لاني لم احب احد في حياتي كما احببت ابي !! تماما كما لم يحب هو احد مثل حبه لابناءه !! وتمر الايام و السنين بسرعة ، ومنذ ايام كنت في مكة .. اثناء الحج وكان معي ( عبد الرحمن ) (( كان في الداتابيز القديمة موضوع قديم اسمه" و الله مش ابني" في قسم فيش وتشبية عني انا وعبد الرحمن )) و ضربته في الحرم المكي لانه كان في غاية ( العفرته ) و بكي … كنت اضربه و انا أتالم ,, فانا أحب عبده جدأ .. لكني اريد ان اربيه تربية جيدة .. وانا لا اضربه الا بعد ان احذره مرة ومرتين وثلاثة .. و بعد ان ضربته ..قال لي كلمة قريبة مما قالها لابي … قال لي : أنت وحش .. انا مش بحبك ! عندما قالها لي ابتسمت ..فالتاريخ يكرر نفسه .. ، وتعجب عبد الرحمن لاني ابتسمت ، لكني كنت اعرف الحل .. اصطحبته في اليوم التالي الي أسواق الليل في مكة و اشتريت له لعب العيد … وبعدها كان عبدة عائد و هو يحضنني ويغرقني بالقبلات … وها نحن نتبادل الأدوار .. انا اخذت دور ابي .. وعبد الرحمن انتزع دوري … أليس هو التاريخ يكرر نفسه !!؟؟؟ والسنا مجموعة اطياف تتناسخ في منظومة غريبة مثلما ذكرت فيما قبل .. !!

3-يعني ايه مصروف ؟ عندما كنت في الصف الأول الابتدائي .. كنت تلميذا مجداً في أداء واجباتي .. بالطبع كانت الواجبات كلها تكتب بالقلم الرصاص .. لكن للأسف لم اكن املك (ممحاة ) "استيكة " كما نطلق عليها .. أو كنت املك ممحاة و فقدتها … لا اذكر وبالطبع الممحاة وسيلة هامة جدا بالنسبة لي … فالطفل في الابتدائي كثير التعديل و الشطب والحذف ….. المهم انه عندما كنت اخطأ في حل الواجب واريد محو الكلمة الخطأ .. كنت الجأ الي استخدام اصبع السبابة كممحاة !!! وبالطبع كان ممحاة سيئة جدا .. تجعل الصفحة ملطخة باللون الرمادي .. وكثيرا ما كان يؤدي إلى (ثقب الصفحة ) .. كان اختراع فاشل بكل المقاييس !! لكن كان بالنسبة لطفل فقير في السادسة من عمره … اختراع " عبقري و عملي جدا " فقد كنت اخجل ان اطلب من ابي أي نقود لشراء أي شيء .. لاني كنت ألاحظ انه كثير الشكوى من الظروف المالية ، فلم اكن أريد اثقل عليه ! و ظل هذا مبدأي حتى اخر لحظة من عمر أبي. المهم .. في يوم سيء .. نادتني ( ابله فايزة حسين ) مدرستي في مدرسة ( الشهيد حشمت الابتدائية ) وضربتني بالعصا و القت في وجهي كراسة الواجب ووبختني امام زملائي الطلاب و قالت لي بصوت عالي : ايه القرف اللي انت عامله ده في الكراسة .. شايف كتبالك ايه .. فتحت الكراسة .. بالفعل كان اصبعي السبابة ( ممحاتي ) قد شوه الصفحة وجعلها مليئة بالثقوب و البقع الرمادية و اصبحت فعلا استحق لقب (قذر) …. !!!!! وبعدت ان اخذت عقابي .. من ابلة فايزة قالت لي .. انت بستخدم الاستيكة ازاي يا قذر … و بكل براءة طفل في السادسة من عمره رفعت لها اصبع سبابتي . وقلت لها .. : بستخدم صباعي ده .. ضربتني مرة اخري .. بقسوة وقالت : وليه ما بتستخدمش استيكة يا غبي ؟ قلت لها وقد بدأت في البكاء : اصل انا معنديش استيكة !!! كل هذا والفصل كله يتابع بانتباه فاصل العقاب القاسي .. البعض في شماتة .. و البعض في شفقة قالت : اشتري من مصروفك ؟ قلت لها بكل براءة وبدون أي اصطناع : يعني ايه مصروف ؟؟؟؟؟؟ !!! ساعتها فقط توقفت عن ضربي !! وقد امتلأ وجهها بعلامات التعجب !!!!!!! فقط طلبت مني ان اطلب من ابي ان يحضر للمدرسة غداَ .. تعجبت من طلبها .. لقد ضربتني بما فيه الكفاية فلماذا تريد ان احضر ابي !!!!! و خفت ان اقول لابي .. وفي مثل هذه الحالات الجأ لامي ( رحمهما الله ) عندما اخبرت امي بذلك .. طلبت مني ان اقول لها عن السبب .. قلت لها : لا اعرف ابلة فايزة قالت لي خلي ابوك ييجي بكرة يقابلني بس !! عندما جاء ابي للمدرسة … لا يمكن ان انسي هذه اللحظة .. لقد دخل الفصل و نادي ابلة فايزة و تحدثا قليلا .. كنت ألاحظ ان ابي كان يحني رأسه بخجل وانكسار !!! لا يمكنني ان انسى هذه اللحظة .. ابداً .. لم اكن وقتها ادرك معني الفقر والغني !! ومعني ان يصل الإنسان لمرحلة لا يمكنه ان يشتري لابنه الصغير ممحاة بـ ( قرش صاغ ) مشي ابي .. لم ينادي حتي للسلام علي ! و لكن كل ما اذكره ان (ابلة فايزة من وقتها ) صارت تعاملني معاملة كلها عطف وحنو !! (( لم يجعلني هذا الموقف وغيره من المواقع المشابهه ساخطا علي الحياة .. كارها للفقر او لحياتي ! ولقد رأيت الكثير من رفاقي الذين سقطوا في الطريق بسبب ان آباءهم كانوا يلبون لهم كل مطالبهم أيا كانت .. فنشأوا مرفهين معتمدين علي آبائهم .. مرتكزين علي ان كل ( أحلامهم أوامر ) ففشلوا في حياتهم .. وفشلوا في ان يعتمدوا على أنفسهم فيما بعد .. لم تجعلني هذه المواقف اخجل من فقري .. لكني أيقنت ان الفقر ليس عيباً .. بل زاد إصراري علي التحدي .. تحدي الفقر .. فلعن الظلام .. لن يغير شيئا من حالته .. والأفضل لك الا تضيع وقتك وعليك ان تبحث عن مصباح تضئ به طريقك )) . لا تزال ذاكرتي تمتلأ بالذكريات .. اكتفي بهذا القدر البسيط وسأكمل الباقي بعد سماع تعليقاتكم ...

2- الطيف -------------------------------------------------------------------------------- 2- الطيف … عندما كنت صغيراً … كان زملائي يسخرون من مشيتي ! لا ادري لماذا ؟؟ كانوا بقولون اني أمشي مشية غريبة واثني قدمي بشكل غريب اثناء المشي ! لم اكن اشعر باي مشكلة في مشيتي لكن كثير من الناس حدثوني عن هذه المشية الغريبة ! البعض منهم كان يسألني ان كانت قدمي اليمني قد اصابها حادث ما أثناء طفولتي .. !؟؟؟ حاولت ان اتابع مشيتي .. في المرآة … واثناء سيري في الشارع فوجدتها طبيعية .. أو هكذا اعتقدت .. و حينما قلد احد اصدقائي مشيتي … كان يحرك قدمه اليمني الي اليمين قليلا .. وقال لي : هكذا مشيتك ! لم اجد فيها أي شئ غريب .. فقط لاحظت انها تشبه مشية أبي … فلقد كانت قدمه اليسري تنحرف قليلا اثناء المشي … لابد انها وراثة .. بعدها حاولت ان اصلح من مشيتي .. لم استطع .. حاولت مرارا .. لم اقدر .. بعد فترة .. عرفت أنني لست مخيرا في مشيتي .. وانني امشي مشية أبي .. تماما مثلما كان ابي يمشي بنفس طريقة مشي جدي .. الذي كان يمشي بنفس طريقة مشي جده … الي نهاية الجدود .. وايقنت ( مع صغر سني وقتها ) انني لست الا حلقة في سلسلة طويلة لن تنتهي من هذا الطيف الشفاف الذي يتراءي في واحد منا .. ثم يتجسد فيه ثم يخبو ليرائي في ابن من نسله .. و هكذا .. و رأيت اننا مجرد أطياف .. أطياف تتناسخ في منظومة غريبة ..

1- صفيحة- لا مؤاخذة - الزبالة . صفيحة من الصاج المصدأ ، كنا نشتري (السمن ) فيها من الجمعية و عندما تصبح فارغة … تستخدمها امي في وضع القمامة والزبالة ، وكانت مهمتي وانا طفل صغير ان احمل هذه النفاية كل يومين او ثلاثة الي مستودع القمامة الذي يبعد عن بيتنا حوالي 300 متر فالقيها فيه .. .بصفتي اصغر الابناء سنا … و كنت لا اتحمل الرائحة المشمئزة لهذه الصفيحة ، فاحاول قدر الامكان ان اكتم نفسي وانا اسير حاملا للصفيحة الي حيث القيها .. وغالبا ما كانت الزبالة تتساقط من الصفيحة وانا احملها واسير وسط سخط الناس و تنبيههم ان اعود لاجمع ما سقط مني في الطريق امام ابوابهم . وكم كان الصدأ يؤذي يدي كنت أتعجل الايام حتي نشتري صفيحة سمن جديدة حتي اظفر بصفيحة زبالة غير صدأة كي لا يتلف الصدأ ملابسي فهو لا يزال بالغسل ابدأ !! و لكم ان تتخيلوا هذا المشهد البائس .. طفل في العاشرة .. يحمل صفيحة من الصاج المتأكل .. رائحة القمامة تتصاعد منها .. والطفل يكتم انفاسه طول الطريق .. و من خلفه تتساقط بقايا القمامة التي تنضح بها الصفيحة .. ولكن الله هداني لان استثمر هذا ( المشوار اليومي الكئيب ) فاجعله مصدر ثروة لي !!!! فلقد تعلمت منه هواية رائعة .. فلقد لاحظت اثناء القائي للقمامة في المستودع ان هناك اظرف وخطابات ممزقة تحمل طوابع من مختلف دول العالم ، من دول الخليج ، امريكا ، اوروبا ، اعجبتني شكل هذه الطوابع , وبدأت في جمعها من المستودع ، كنت في البداية أهملها وانزعها من علي الخطاب فقسوة فاتلفها … ثم عرفت من اخواتي الاكبر مني كيف اغمس الخطاب في الماء حتي استخرج الطابع بدون خدش .. و بدأت في تنسيقها وعمل الالبومات حسب الدول .. و بدأت في التعرف علي هواه جمع الطوابع في الحي .وفي المدرسة ، بل وتعرف من بعض المجلات علي هواة الطوابع في دول أخري مثل : السعودية والعراق و ايران والكويت !! وكنت ارسلهم ونتبادل الطوابع والكروت السياحية !!!! و استطع ان اكون مجموعة ضخمة من الطوابع … و بعضها من الطوابع النادرة .. مثل أول طابع كويتي بعد الاستقلال ، طابع صدر من 100 عام في البرازيل .. وغيرها من الطوابع النادرة ،كما اني استفدت من الطوابع اني عرفت معلومات ضخمة عن دول العالم واهم معالمها و مناسباتها العالمية .. وهكذا استفدت من صفيحة الزبالة !!! و غاية ما اريد ان اقوله .. (( انه ينبغي ان ينظر الانسان الى الجوانب المضيئة من الاشياء .. فكل مظلم معتم يجب ان يكون فيه ولو بصيص من نور … هذا البصيص هو الأمل الذي يجعلنا نتمسك بالحياة هو الخيط الذي نتعلق به كي لا نسقط في دوامة اليأس .. ))