لوحة القادة

المكان .... المكتب البيضاوي للأديب الكبير سين سين الزمان ... الخامس من إيلول بعد طرح أول كتاب للأديب الكبير والذي ضم عصارة فكره وخبراته في عالم الأدب الحدث .... هانعرف بعد شوية ذات مساء .. وأثناء أستغراقي في التأمل والفكر والهم ... لإستلهام افكار جديدة لكتب وقصص وحركات قادمة ... شق هذا الصمت الرهيب صوت الهاتف .... و س س : الوووووو .. الأديب الكبير سين سين معاك يا فندم .. نقول له مين ؟ الطرف الأخر : إنت هاتصيع وتصدق نفسك يالا ؟ س س : إحترم نفسك يا فسل .. أنا أديب وكبير وعندي 39 سنة غصب عن اللي جابوك ... إنت مين ياض ؟ الطرف الأخر : أنا فاروق حُسني وزير الثقافة يا مُدعي .. س س : فاروق بيه راعي الثقافة والمثقفين والناس التانيين اللي بين البينين .... يا سلام .. التليفون نور يا فندم والله .. أنا مُعجب جداً باعمال حضرتك – السودا – ونفسي من زمان اقابلك عشان تديني لوحة هدية من لوحك أعلقها في الحمام قصدي في الصالون روقه : إسمع يابني أنا مش فاضي لك ... مش عارف لحُسن حظك ولا لسوء حظ الثقافة ..مش عارف أجيبها لك ازاي جتك نيله ... واحد سايح سويدي يا سيدي كان في مصر من كام يوم .. وشكله كان بيشتري طعمية فالراجل لف له الطعمية في ورقة .. طلعت الورقة مقطوعة من الكتاب بتاعك اللي أساساً ولا واحد إشتراه .. واللي إشتروه بتوع الفول والطعمية واللب ... المهم .. الراجل قرا الورقة وشكلُه كان نفسه حلوه وعجبه كلامك مش عارف على إيه .. راح دعبس وأتقطس لحد ما عرف إن العملة السودا دي بتاعتك . وأشترى الكتاب وأخده معاه السويد ... ومن سوء سوء حظ الحركة الثقافية .. الراجل كان قريب الملكة مارجريت ملكة السويد .. فحكى لها على اللي شافه في مصر وعلى الحناطير والحمير لا مؤخذه .. وطبعاً حكى لها على كتابك ... الست هي كمان أنطست في نظرها وعجبها الكتاب ... فقالت هاتوا لي الولد ده أديله جايزة السيخ الذهبي للعلوم و الأداب ... مصدق إنت الفيلم الهندي ده ؟ س س : أنا .. أنا لساني مش قادر يتكلم .. ومش قادر أعبر عن فرحتي باللي بأسمعه .. يا منت كريم يارب .. أتاري حضرتك الراجل صاحب المكتبة فاجئني من كام يوم وقال لي تعالى لك 5 جيني حق نُخسة من الكتاب واحد إشتراها بالغلط ... لكن توصل لمارجريت والسويد وكدهو .. أنا هايغمئن عليه .. مش صدق إني هاخد السيخ الذهبي ... الحمد لله الحمد لله روقه : خلاص إنت هاتشحت ... شوف من الأخر كده .. بكره تيجي لي مكتبي ومعاك جواز سفرك وكام نسخة من الكتاب عشان هاقول لك تعمل إيه .. س س : يا معالي الوزير أنا هاجي أبات قدام المكتب من دلوقت لإن مش هايجيلي نوم سواء من الناموس اللي في البيت أو من فرحتي بلقاك . وعند الصباح يذهب سين سين هارعاً إلى مقر وزارة الثاقفة بالكيت كات ... ويقابل فاروق حُسني روقه : إنت بقى سين سين ؟ ... طب ما أنت حلو أهو س س : لأ حضرتك .. أنا مش بتاع الحاجات دي .. أنا أديب محترم وعايش بشرفي ... روقه : طب يا عم المحترم .. فين جوازك ؟ س س وهو يرمي له الجواز من بعيد : أهو يا فندم روقه : شوف .. إجراءات التاشيرة هاتاخد لها يومين تلاتة .. وفاضل إسبوع على حفلة توزيع الجوايز ... أنا هاخليهم هنا في الوزارة يظبطوا أمر التاشيرة وتذكرة السفر وحجز الفندق ليه وليك . ما أنا هامثل مصر ومسافر معاك .. وفي الفترة دي حاول تستضنف لك بدلة عليها القيمة بدل اللبس المزيت اللي إنت لابسه ده .. وتحضر كلمتين تلاتة تقول لهم قدام الملكة .. س س : يااااااااااه .. ده أنا في كلام كتير عاوزه اقولهولها .. وأوله إني كنت بأوضب شقتي الصيف اللي فات واشتريت شوية بيبان خشي سويدي .. وعلى ما جيت أدهنهم لقيت الخشب فلق حضرتك .. فعاوز اشتكي للملكة من بتوع الخشب دول وكدهوت روقه : اللهم إني لا أسألك رد القضاء ... ولكن اسألك اللطف فيه ... بقى هاتروح تقول لملكة السويد بيبان خشب .. وفلقت قبل ما تدهنها .؟؟؟؟؟؟؟؟؟؟؟؟؟ شوف يابني .. أنا هاقول للملكة الراجل ما صدقش نفسه وجت له سكتة قلبية ومات .. وهاطلب منها تطلع قيمة الجايزة رحمة ونور على روحك .. وكفايه فضايح س س : لأ لأ خلاص والله . أنا هاسكت وهاقول اللي إنتو عاوزينه بس أسافر ... روقه : طب إمشي إنجر روح أشتري لك بدلة حلوه وجهز نفسك وهنا أُسقط في يد سين سين ولم يدري ماذا يفعل .. فأتصل بصديقة الفنان العالمي زُهيري .. س س : ولا يا زيزو إنت فين ؟ زهيري : أنا قاعد في قهوة المطربين في شارع محمد علي ... في حاجه ؟ س س : طب قابلني عند مسمط آل البيت اللي في الحسين وأعزمني على كوارع زهيري : إنت جاي ترمي الهلب عليه ؟ لأ يا عم أنا عندي سبوبة كمان شوية واحد طالع من مؤبد .. وأهله قصدوني ودفعوا لي قرشين كويسين عشان نعمله زفة قدام اللومان بمناسبة البراءة س س : يالا لومان إيه .. أجل الموضوع ده شوية وخليهم ينتظروك مش هأخرك والله عندي لك سبوبة سوقع .. ويتقابل الإثنان في الموعد ويقص عليه سين سين الحكاية من البداية ... زيزو : يا نهارك مش فايت . مارجريت مره واحده .. يابن الإيه ؟ وأنا اللي أفنيت عُمري في الفن ولحد دلوقت لسه بأستلف ثمن السجاير ... صحيح ... تيجي مع الهوبل دوبل س س : يا عم دوبل إيه وتروبل إيه .. أنا جايللك تدبرني دلوقت أنا مُرتبك وفيري كونفيوسد ... إسمع يا زيزو .. أنا بأجهز كلمة هاقولها قدام ملكة مارجريت .. وفكرت برضوا أفاجئها بحاجه جديدة و غير متوقعة ... غنوة سويدي مثلاً .. ومالقيتش غيرك يفتكس لي الغنوة دي زيزو : يابني أنا بألف عربي بالعافية .. جاي تقول لي سويدي ... س س : والنبي والنبي .. أنا عاوزك ترفع راسي .. إفتكس بس أي حاجه وترجمها حتى على جوجل وبعدين لحمها لحم غربي كده وخلي الليلة تعدي زيزو : تصدق إنت إبن حلال ... كان عندي في كندا واحد جاري سويدي هاريني أغاني طول اليوم لدرجة حفظت أغنية منهم عن ظهر قلب ولما سألته إيه دي .. قال لي دي النشيد الوطني السويدي س س : نشيد نشيد أي حاجه يا عم أحنا لاقيين زيزو : بس أمانة عليك يا سين سين .. لما تقابلها وتكلمها .. قولها على خدمة كده لاخوك الغلبان س س : عيني .. والله إنت تؤمر يا زيزو .. مارجريت بتاعتنا والست بتخدم بعنيها وعُمرها ما أخرت لي طلب ... زيزو : بقى الموضوع وما فيه إني إتدبست في عربية فولفو موديل 70 .. ودايخ دوخة الأرملة دلوقت على قطع غيار لوش السنلدر ... فلو الست مارجريت تقدر تكلم لنا حد هناك يدبر لنا الحاجات دي من الوكالة أكون ممنون . س س : وهنا يستحضر سين سين موضوع الأبواب الخشب ... ثم يقول له .. عيني يا زيزو .. ده مش بعيد نصعب عليها وتنفحنا حته موديل 2012 .. إدخل عليه بالأغنية بقى وما تضيعش وقت زيزو : شوف يا سيدي .. مطلع الأغنية بيقول " إيشن بيشن .. إيخن .. زيج زيج " س س : ها .. فين الأغنية ؟ زيزو : فين إيه يابني .. ما أهي .. هي دي كلماتها " إيشن بيشن .. إيخن .. زيج زيج " س س : قول وكتاب الله ؟ أنا باحسبك بتفتح الباب .. والباب بيزيأ وكده ..يعني أدخل على ملكة السويد وأقول له هشتك بشتك زجازيج ؟ زيزو : حد جاب الهشتك بشتك يا بني أدم ؟ يا بني دي مطلع النشيد الوطني بتاعهم . أفهم بقى س س : آآآآآآآآآآآه .. زي بلادي بلادي عندنا يعني ... طب هو بس يعني إيه زيج زيج ؟ زيزو : يعني إنت فهمت الكلام كله وجت عند دول ؟ س س : خلاص .. هاقعد أحفظ فيهم الأسبوع ده .. .. بس كلمات الأغنية حلوه ومُعبرة ... لأ وجديدة ... وأول ما أقابلها هادلق الكلام ده في وشها وأنا عارف إنها هاتتبسط مني جداً .. خدمة تاني بقى .. اخوك مزنوق في بدلة الاجه عشان أقابل بيها الملكة واطلع بيها في التليفزيون وحاجه تكون أخر حاجه .. زيزو : بس .. ما فيش غير أبو سامية بتاع المنفوحة س س : قريبك ده يا زيزو ؟ زيزو : لأ .. ده ترزي البشوات بتاع الرياض يابني ... وكل البدل واللبس اللي عنده حاجه كلاس ... تصدق بالله ؟ س س : لا إله إلا الله .. ولا حول ولا قوة إلا بالله .. وحسبي الله ونعم الوكيل فيك وفي أبو سامية وفي المنفوحة كلها زيزو : إسمع بس ... عارف باولو كويليو ؟ س س : عارفه طبعاً .. ده أديب زميل من البرازيل ... ماله ؟ زيزو : هو اللي فاز بالسيخ السنة اللي فاتت ... وقصدني برضوا أسنجفه .. وسنجفته س س : من عند أبو سامية بتاع المنفوحة ؟ زيزو : لأ يا خفيف .. من عند أبو مايكل بتاع ريو دي جانيرو ... طب والله ولا لك عليه يمين يا سين سين وإنت عارف أنا مش بأحلف براسك كدب ... الوليه مارجريت إتهبلت لما شافت البدلة . لدرجة إنها جوزته بنتها الوحيدة صوفيا .. س س : ياااااااه .. للدرجة دي إنبهرت بالبدلة ؟ زيزو : وأنا أؤكد لسيادتك إن بدلتك دي هاتخليها تقول لك " أرحمني وأقبل صوفيا زوجتاً لك يا سين سين " يعني إنت اللي عليك الدور السنة دي يا معلم س س : إحم إحم .. لأ زهيري .. إنت مش واخد بالك .. صوفيا متجوزة باولو السنة اللي فاتت .. أنا بقى هاتجوزها إزاي السنة دي .؟ ويعدين إيه حكاية السنة دي والسنة اللي فاتت .. هي صوفيا دي شجرة وبتطرح كل سنة ؟ زيزو : يابني الناس دي أوبن مايندد .. والحاجات دي ما تفرقش معاهم.. النهاردة متجوزة باولو .. بكره تتجوز سين سين ... حُرية يابني .. حُرية . أومال هما متقدمين ليه ؟ س س : على رأيك .. إحنا لينا أكل ولا بحلقه .. يا سيدي وكفاية نسب الست المحترمة دي وكل اللي ييجي منها كويس .. ولو إني مش بأثق في شغل الصنايعية البرازيليين ... وشكلي هاستلم بضاعة مضروبة من وراه . زيزو : إنت أبن حلال .. واديب بجد .. وتستاهل كل خير .. بس لما ربنا يفتحها عليك وتفتح لك مغلق خشب ..ساعتها ما تنساش اخوك اللي وقف جنبك س س : عيب ... عُمري ما أعمل كده ( سين سين في عقل باله .. ساعتها ولا أعرفك بصوتك التخين الأجش ده وبلوفرك اللي جايب لنا الفقر .... بلا قرف ) إنت إبن حلال .. وامي بتدعيلك يا زيزو وبتقول ليل نهار إلهي وإنت جاهي يوعدك بسيخ يا زهيري يابني عشان تُكلل مسيرتك الفنية وتختمها خير ختام .. يُتبع

سيدى الفاضل ادفايزر كنت لا اتمنى ان اكتب قى هذا الموضوع اطلاقا ولكنى احتاج لان ارد ظلم عن زميل فاضل ياريت تعرفنى (والحقيقة انا لا اعرف) ايه الشئ اللى تيمور عمله يخل بالحوار الراقى ........ عشان انا بردوا معملوش واتحط تحت مراقبة نظام امن الدولة ماهى تقاليد محاورات المصريين؟ واين حرية الراى والتعبير التى ننادى بها فى مجتمعاتنا --------------------------------------------------- وازاى هو حاصل على الوسام الذهبى لمحاورات المصريين وتانى اعلى تقييم واسلوبه غير راقى فى الحوار وما يقارب من 5000 مشاركة لا يتعارض مع تقاليد محاورات المصريين عذرا يا سيدى الفاضل فانت تتهمنا هنا بعدم الوعى وعدم التفرقة بين الصالح والطالح انا حاسس بمهانة واستهزاء بكل الاقلام المحترمة الموجودة عالمحاورات --------------------------------------------- اتمنى من الادارة الفاضلة ان تعيد تقييم الموضوع وترتيب اوراقها....... حتى لا تنقرض الاقلام المهذبة من بيتنا العزيز

ممكن اقول رأيي 1- انا مش فاهم ايه اللي بتقولوه يعني ايه عايزين نكتب مقالات جديه عشان الكتاب ......ايها الاخوه الافاضل احنا بنتكلم في منتدي او صالون ثقافي وليس في كتاب فحتي في الصالونات الثقافيه هناك فرصه للحوارات الجانبيه وايضا للمزاح ولا حضراتكم تعتقدوا ان الناس في الصالونات الثقافيه دي قاعدين في الصالون الشهير اللي مرسوم عليه روميو وجولييت ولابسيين نضارات كعب كوبايه وشعرهم منعكش وكل مثقف بيقول لاخوه المثقف التاني ثكلتك امك ولا قاعدين طول النهار يناقشوا نظريات شوبنهور ومدي تعارضها او توافقها مع اراء نيتشه. 2-لو عايزين مقالات جاده عشان الكتاب ممكن تنقلوها من جريده الاهرام هاتلاقوا اطنان من المقالات الجاده التي لا يقرأها احد و التي تتكلم عن الاغوار والاعماق . هذا منتدي له طبيعه المنتدي وليس كتابا واذا اردتوه كتابا فاستدعوا بعض الصحفيين المحترفيين للكتابه فيه ولا داعي ابدا للهواه امثالنا فالكتاب ظهر من قلب المنتدي لانه منتدي ولم يظهر المنتدي من قلب الكتاب فالكتاب لا يحتمل فيه الشات او المزاح لكن المنتدي يحتمله لان الشات كالاحاديث الجانبيه التي تدور في فلك الموضوع في اي ندوه

بذمتكم ده منظر مجرم ولا حرامى ده ؟؟ ده حمل وضضضضيع... ده حتى شوفوا حفيدته يا عينى.... البت فى فرحها لابسة كوتشى يا ظلمة على راى ازوزو اتقوا الله انتوا وثورتكم دى

قال الراوي بعد ان تم اعتماد رأي الصندوق .. واشاع المشرفين انه الرأي الصدوق .. امتلأت جيوب المشرفين بريع الكتاب .. وانقسم المحاوراتيين لاقسام واحزاب .. عند الإشراف قد فاضت الخزانة .. وتيمور تم ايداعه بالزنزانة .. في المحاورات .. طغت الجدالات .. بمختلف الترددات .. ان هناك تلاعب بالاصوات .. وتغيير لراي بعض المشاركين والمشاركات .. وحسبنا الله العزيز المكين .. على ما كان يجري في الخفاء ولا نعلمه .. او كان يجري في العلن ولا نفهمه .. مرت ايام ثلاثة وتيمور في غياهب السجون .. و كان في سجنه يقاسي كل انواع الشجون .. فتارة يغضب ويهدد بالويل والثبور .. وتارة يستسلم لعظائم الامور .. وغالبا يحلم بحكمة الشجاع الصبور .. ويترك لعقله التخطيط ويقرا ما بين السطور .. ثم قال بعد طول تفكير .. وبعد عناء وتدبير هي والله ثورة تأكل الاخضر واليابس .. وتنزع الظالم و تفك المحابس وعلى هذا الراي قد طاب عزمه واستراح الخاطر .. ان هي الا ايام وتفتح العنابر .. فويل لكم يا بني اشراف -------------------------------------- المكان : ساحة المحاورات الزمان : بعد ثلاثة ايام من حبس تيمور الحدث : يخرج تيمور من السجن وقد طالت لحيته .. يستقبله الرجال بالاحضان والنساء بالزغاريط اوز اوز : كفارة يا معلم حسام عبد الفتاح : اوعى تفتكر اني كنت قاعد ساكت .. انا عملت المستحيل عشان اخرجك .. عارف يا هندسة لو ما كانوش خرجوك النهاردة كنت هاعمل ايه ؟ .. انا ساعة الجد ماليش حل .. التونسي : الله فرجها .. الله فرجها تيمور خيوله مسرجها والحرية عالي درجها من قلب الحبس مخرجها العطار : ضايعين من غيرك والله يا ريس .. ربنا ما يرضاش بالظلم اركتكت : متشكر خالص مش عارف من غيركم كنت هاعمل ايه والظالم ليه يوم .. تامر مصطفى : على ايه الغاغة دي بس ؟ .. هو مانديلا يعني اللي طلع من حبسه ؟ طارق حسن : مبروك الافراج يا عمدة .. دقنك طالعة اهو .. انت بقيت اخوان ولا ايه ؟ اركتكت : آآآه بس على اللي عدى عليا في الحبس .. كانوا يعذبوني كل يوم .. ما تقوليش ابو غريب .. ولا جوانتانمو هند علي : عملوا فيك ايه يا ضنايا يا ابني .. شكلك متشحتف خالص تامر مصطفى : ما عملوش فيه حاجة يا مدام هند .. انتم مكبرين الموضوع ليه بس .. تلاقيه اترزع كم كف على كم شلوت وخلصت القضية ضحى : اعتقد دلوقتي بقى واضح رأيي اللي قلته من اول وكلكم كدبتوه .. قلت من اول انهم مش هيسيبوا اللي صوت بلأ على مزاجو .. واهو كلامي طلع كله صح .. بس فين اللي بيفهم ؟ حسام : سبتهم يضربوك ليه .. الفجرة .. عارف لو انا مكانك ؟ كنت طبقت كل الكونغ فو والتايكوندو بخلقتهم .. اصلي لما ازعل ابقى وحش اوي اركتكت : هو انا قادر عليهم كلهم .. ؟؟ دول استخدموا كل حاجة .. كهربا .. انتزاع اضافر .. سلخ .. تكسير عضام .. كل حاجة قلب ابيض : يا ضنايا يا بني .. كل ده ؟ تامر مصطفى : يا ماما قلب ابيض ما تصدقيش كل حاجة بقى .. اهي اضافره زي الفل بس هو اللي عايش الدور اوي بوسي : ايوة .. انت اوفر اوي يا تيمور .. عقدة اضطهاد متجذرة دامو : ايه متجذرة دي يا بوسي ؟ اوزاوز : ايه بلوفر دي يا بوسي ؟ اركتكت : يا جماعة متشكر خالص .. تعبتكم معايا :flr1: اما اولئك ال ( تيييييييييييييت فاقول لهم .. جررررررررررررر قلب ابيض : بص يا ابني يا تيمور .. احنا ياما اختلفنا معاك بس بالظرف ده كلنا معاك .. تلاقيك على لحم بطنك يا عيني .. تعال عندنا بالديوانية بتاعتنا اصلي عاملة طاجن مسقعة باللحمة تاكل ايدك وراها تامر مصطفى : ما تتعبيش نفسك يا ماما قلب ابيض .. الراجل زي الفل اهو .. تلاقيه لسه متغدي اركتكت : تلات ايام ما اكلتش فيها حاجة يا ماما ... تصوري .. بندق : يا راجل مش لسه باعت لك امبارح صينية بط بالبردقان ؟ اركتكت : اخدوها الظلمة ..وتعازموا عليها اوزاوز : معذورين والله .. انا لو مكانهم هاعمل اللي عملوه لونا : ممكن تعطيني وصفة الطبخة دي ياشيف بندق ؟ .. طول عمري نفسي اعمل صينية بط بالبردقان اوزاوز : وانا طول عمري نفسي اكل بط بالبردقان الساري : وانا طول عمري نفسي افهم .. ازاي بط .. وبردقان ؟؟ اركتكت : انا اعتذر يا ماما قلب ابيض .. خبز الاحرار هو الثورة :happy: لن يدخل الزاد فمي حتى انتقم اوزاوز : شششششششش .. اسكت انتا .. احنا معاكي يا قلب ابيض .. مايصحش نكسفك برضو نغسل فين ايدينا ؟ اركتكت : كلنا مش هناكل اي حاجة لغاية ما نثور عليهم بقى .. ثوار .. نتحد .. من اجل القضية تامر مصطفى : اول مرة اتفق معاك .. يالله يا سيدي روح اعمل لك ثورة هناك بعيد اوزاوز : ثورة مين يا عم انتا .. تقول لك طاجن مسقعة باللحمة .. باللحمة يا راجل انتا قلب ابيض : والله يا تيمور يا بني انتا كسفتني .. فعلا .. ناكل ازاي والظلمة دول ياكلوا عيش الغلابة ؟؟ دامو : يعني ايه مسقعة يا اوزاوز ؟ يعني حاجة ساقعة ؟ اوزاوز : يعني داهية تاخد تيمور هو و ثورته --------------------------------- المكان : ساحة المحاورات الزمان : بعد اربعة ايام من حبس تيمور الحدث : يخرج تيمور مع مجموعة ضخمة من ثوار 31 فبراير مرددين هتاف .. الاعضاء يريدون اسقاط الاشراف فتفوتة : انشرووووووا .. ثورة .... انشرووووووووا .. مصيبة ... انشرووووووووا مظاهرات ضخمة يقودها تيمور المراغي .. تتجه الى مبنى الاشراف الرئيسي .. المظاهرات تقطع طرق المحاورات .. وتغلق الميادين .. ومعانا هنا بعض المتظاهرين .. نسمع بيقولوا ايه .. تعال انتا يا فندم .. انتا يا اللي لابس الطربوش .. ممكن تعرفنا بنفسك ؟ احمد سيف : انا باحث عن الحقيقة .. مدافع عن الحرية فتفوتة : ممكن تقول لنا مطالبكم ايه من الثورة دي ؟ احمد سيف : اعادة الاستفتاء .. الغاء الاشراف .. فتفوتة : متشكرين خالص يا استاذ .. ومعانا استاذ تاني .. ممكن تعرفنا بنفسك ؟ كومنق سوون : انا من سيجتث راس الظلام .. انا الذي سيحرق اكبادهم فتفوتة : وعايز ايه من كل اللي تعملوه ده ؟ كومنق سون : قطع رأس الافعى الكبرى .. فرعون هذا المنتدى .. سي السيد فتفوتة : ومعانا واحد هنا كمان ويظهر انه متحمس اوي .. انتا مين سعادتك ؟ حسام : بصوا .. انا مش هاسكت تاني .. انا هاطربقها فوق دماغهم كلهم .. انا هاحرق .. انا هاثور .. انا فتفوتة مقاطعة : طيب بالراحة شوية .. التف بتاعك غرق المايك .. قول اللي انت عايز تقوله بس بهدوء شوية لو سمحت حسام : انا مش هاقبل يعدلوا الاستفتاء زي ماهما عايزين .. من حقنا نقول كلمتنا المهندسة : انتا يا راجل انتا مش كنت معاهم وعايز تعطي الخزرانة للمشرفين عشان يضربونا ..؟ حسام : لا لا لا .. دي كانت مسرحية .. اخدعهم عشان يحزنوا عليكم ويطلقوا سراحكم فتفوتة : كانت معكم فتفوتة .. في بث حي ومباشر من قلب المظاهرات --------------------------------------------------- المكان : مبنى الاشراف الرئيسي الزمان : بعد خمسة ايام من حبس تيمور الحدث : المشرفين مجتمعين في قاعة الاجتماعات .. يتزعمهم سي السيد سي السيد : ايه المصيبة دي .. بيعملوا ايه دول ؟؟ ابو محمد : ثورة ايها المعلم الفاضل .. ثورة مضادة .. ثورة فئوية .. ثورة جياع اسد : انا في شدة الحزن .. في شدة الغضب .. في شدة الزعل .. سي السيد : طب نعمل ايه ؟؟ الادفايزر على وشك الوصول .. .. ولو شاف الغاغة دي هيبهدلنا المشرف محمد : انا رأيي نخلص عليهم .. نحرقهم سلوى : لا .. لا .. انا رايي نفلت عليهم شوية بلطجية .. مع جمال وبغال وحمير سكوب : انا اشوف نتفاوض معاهم .. ونسكتهم بشوية فلوس سي السيد : ولا حل ينفع .. عايز حل جذري فلانة : هو اللي عامل الهرجلة دي كلها تيمور .. بس ما ينفعش دلوقتي نحبسه تاني .. احسن هيولعوا اكتر سي السيد : طب رسوني على حل .. الادفايزر طيارته قربت .. يجي يشوف المنتدى بالمنظر ده ؟ سكوب : مافيش حل غير اللي قلته .. اندهو تيمور ومعاه تلاتة من كبار القادة بتوعوا .. الراجل ده مصدق نفسه اوي .. قولوا له انت جدع اوي .. وانت احرجتنا .. وانت بطل .. انفخوه كدا شوية .. سي السيد : ننفخ مين يا ابو جونيور .. انتا شايفنا نفيخة بلاليم ؟ .. من امتى بندادي ونطبطب على الفوضى ؟ سكوب : يا سي السيد الزمان اتغير .. هو انتا فاكر المنتدى بقى زي ايامنا لما كنا نمشي في الميادين والعالم توطي تبوس ايدينا ؟ وما يرفعوش عينهم بعنينا ؟ ده جيل بايظ .. ولو ما نفعتكش العصايا .. جرب الطبطبة فلانة : اتفق مع سكوب .. اهو على راي المثل ايه اللي رماك ع المر .. اللي امر منه .. وما فيش امر من المراغي دا مصرية متغربة : يا عم سي السيد مافيش داعي تعصلج دماغك اكتر من كدا .. احنا كلنا عارفين ان دماغك ساعات تبقى عاملة زي الجــز .. أ .. أ .. زي الجزرة .. ايوة هي الجزرة .. الجزرة آه .. الجزرة والعصايا .. أبو محمد : الفاضلة مصرية متغربة .. انا ما فهمتش انتي عايزة تقولي ايه ؟ مصرية متغربة : لا .. لا ولا حاجة .. اقصد سياسة الجزرة والعصايا .. ليه ما نطبقهاش معاهم .. ؟ سي السيد : يا ما كان نفسي استخدم العصايا وبس .. لكن نعمل ايه .. انا خلاص .. هيجيني شلل .. لو شاف الادفايزر المنظر ده اللي بالساحات والميادين هيطردنا كلنا ونبقى نبيع سميط وجبنة احسن لنا امرنا لله .. حد يندهلي الاركتزفت ده سلوى : انا ما افضلش نناديه لان ده هيخليه يحس انه مهم اوي .. وتكبر الحكاية بدماغه وهو من غير حاجة اصلا مفكر نفسه جيفارا .. وهيقعد يتدلع ويتنطط علينا ويقول انا مش عايز اتفاوض معاكوا .. افضل حل ننزل احنا بنفسنا ونكلمهم فرد فرد ونحاول نهديهم أسد : نعم يا مدام سلوى أؤيدك .. جداً .. جدا .. ابو محمد : الفاضلة سلوى .. احييكي على الفكرة الجهنمية سي السيد : إذن .. الى الميدان --------------------------------------------- المكان : ساحة المحاورات الزمان : بعد ستة ايام من حبس تيمور الحدث : يتفاجأ الاعضاء بتواجد المشرفين معهم .. يكلمهوهم و يستمعوا منهم سي السيد : انا مش عارف انتم عاملين الدوشة دي كلها ليه .. محنا قدامكو اهو وابوابنا مفتوحة على طول .. اسد : كلام سي سيد صح .. لماذا هذه الغاغة .. لماذا .. لماذا .. ضحى : اهو المشرفين جم اهم .. مش قلت لكم هينزلوا وما فيش داعي من الثورات دي ؟ .. عشان تعرفوا اني كنت صح وكنتم كلكوا تغلطوني .. اهو طلع كلامي صح اهو حسام : انا ماليش دعوة يا ابو الاسيان .. هو تيمور اللي عمل الليلة دي كلها .. انا ماليش دعوة اركتكت : آه يا جبان .. وعاملي فيها سبع البرومبا اول .. ؟؟ bsh:) حسابك هيبقى معايا بعدين حسام : ماليش دعوة بيك يا راجل انتا .. هو انا من امتى اعرفك .. بليز يا ابو الاسيان .. سماح النوبة دي دياب : ايه مالها النوبة بس .. ؟ بطلوا تجيبوا سيرة بلدنا ع الفاضي والمليان .. ايه العنصرية دي زوهيري : عن نفسي .. جيت افسح كلبي .. اصله مخنوق اليومين دول :closedeyes: سي السيد : يا جماعة هدوء بليز .. احنا مش جايين نعاقب حد .. احنا جايين نتفاهم معاكو باللتي هي احسن .. انتم عايزين ايه ؟؟ كومنق سوون : نريد اجتثاث الباطل اركتكت : نريد اعادة الاستفتاء .. نريد اسقاط الاشراف .. بل نريد اسقاط الادفايزر شخصيا مغتربة : نريد صيانة حقنا الدستوري الذي كفله لنا قانون المحاورات رقم 73657456 والذي ينص انه في حالةاي تلاعب بنتيجة الاستفتاءات من قبل المشرفين فإنه تلغى عضوياتهم الشرفية ويحالوا للتحقيق في لجنة يكون للاعضاء عضو ممثل فيها يحمل ما لا يقل عن 50 تقييما ايجابيا احمد انور : نريد عدالة .. مساواة .. نريد مساحة اكبر للتوقيع تتسع لصوري الضخمة اصل الصور اللي باعرضها بتوقيعي صغيرة اوي وعاوزها تغطي نص الصفحة على الاقل جويرية : عايزين احصنة وجمال كوسيلة مواصلات بالمنتدى سقراط المصري : نريد ان تمنحوني جائزة اكثر توقيع شهي على الاطلاق بينك روز : نريد ان يكون لنا مطلق الحرية في تغيير اسامينا باي وقت لماضة مصرية جدا : نريد شعاع امل يخبط على قلب كل واحد مننا ويمنحه طاقة دفء يشعشع على كل ضحكاية تطلع من كل شفة تزغرط حوالينا تامر مصطفى : نريد تثبيت توبيك مغتربي الكويت .. حرام عليكوا بأة سلوى : يا جماعة بالراحة شوية .. ايه المطالب دي كلها .. ؟ هنوفر ايه ولا ايه اوزاوز : نريد لحمة راس .. نريد كبدة جملي .. نريد بط بالبردقان مسافر زاده الخيال : نريد تغيير اسم المنتدى من محاورات المصريين الى محاورات العرب .. حسام : كل دي مطالب يا مجرمين .. احنا اسفين يا ريس .. والله انتم مستحملينا كتير سي السيد : خلاص فهمتكم .. انا فهمتكم .. اكتبوا طلباتكم دي وابعتوها برسالة للاشراف واحنا هندرسها اسلام المصري : ياما كتبنا وارسلنا وعملنا وفعلنا وما فيش فايدة دريم وذ مي : انا مش عايزة حاجة .. انا عايزة بس اقول لكم ربنا يسعدكم زي ما بتسعدونا دايما ابو محمد : اعتقد كلام الفاضل سي السيد واضح جدا .. وكمان كلام الفاضلة سلوى .. وكمان طلباتكم واضحة .. بس اكتبوها و بطلوا الدوشة دي اركتكت : يا عمي الفاضل احنا مش عاوزين اي حاجة من ديت عايزينكم تشاركونا وبس عايزين نحس انكم مننا واننا منكم مش عايزين تحسسونا انكم بابراج عاجية مش عايزين نشوفكم مرة بالاسبوع مصرية متغربة : هو انت فاكرنا ايه .. احنا بشر طب والله العظيم احنا بشر المشرف عضو عادي وبيؤدي الاشراف كتكليف . . انا مذهولة .. مصدومة هو انتم شايفينا ايه ؟؟ جلاميد مالهاش قلب ؟ دامو : مصرية متغربة .. يعني ايه جلاميد ؟ شرف الدين : يا سيدتي الفاضلة .. ما قلناش انتم مش اعضاء .. بس انتم اعضاء مميزين .. بعقولكم الكبيرة .. وتاريخكم .. عايزين بأة تتعاملوا معانا كأفراد زيكم ... طب والله العظيم احنا كلنا بنحبكوا ونتشكر فيكوا كلكم .. بس انتم اللي بايديكم ترجع المحاورات صالون ثقافي .. اعطوا شوية مساحة حرية .. ما تخلوش المنتدى قالب واحد جامد .. الناس تختلف وهتفضل تختلف ليوم الدين بدل ما تزعلوا اننا بس بقينا بننشر اخبار .. ليه ما تحاولوش تنزلوا مواضيع ليكو ثقيلة مش برضو احسن من لما تنسحبوا .. ؟ واهو الموضوع اللي يكون خفيف يروح بسرعة .. والموضوع الجامد .. يفضل مرفوع دايما هو ده اللي كنتم تعملوه زمان سي السيد : انا بكل مكان موجود .. اكتر مشاركات .. اكتر تقييم .. اكتر .. شرف الدين : ما ننكرش كل ده .. بس عايزين روح اكتر .. مش عايزينكم تتخانقوا .. تحجروا على بعض الاراء .. عايزين بس تخفوا علينا شوية من بعض القرارات وساعتها صدقني .. مش هتحتاجو اي صندوق .. لا صندوق نعم ولا صندوق لا لان راينا كلنا فيكم هيبقى واحد ومبني على الاحترام والتقدير مهما اختلفت نظرتنا بالدين او السياسة او ... او .. او سي السيد : يا سيدي كلام جميل وكلام معقول ما اقدرش اقول حاجة عنو .. بس برضو انتم عليكم بلاوي زرقا .. ساعات تقلبوا المنتدى شات .. و مش ممكن نطبطب ع المخالفات .. لازم تتواجه بحزم اركتكت : واجهها يا سيدي بحزم .. بس برضو بشوية روح .. مش كدة حلو ؟ :happy: - فترة صمت - سي السيد : بص يا ابني انت وهو .. انا اختلف مع بعض وليس كل اللي قلتوه .. بالنسبة لطلباتكو دي اوعدكم ادرسها .. انا ومجموعة الاشراف اركتكت : مش عايزينكم تدرسوها .. عايزينكم بس تفكروا فيها شوية .. وما تردوش علينا بالتوبيك دا لانه مش مكانه .. ردوا عليها بعقولكم وفكركم .. واهم حاجة بقلبكم :happy: سي السيد : خير ان شاء الله .. يالله يا مشرفين .. كل واحد ع القسم بتاعه .. رسالتهم وصلت اركتكت : خير ان شاء الله .. يالله يا ثوار .. كل واحد على شغله .. رسالتكم وصلت ضحى : شفتوا ازاي .. ؟ قلت لكم الحوار هو افضل طريقة .. بس ما صدقتونيش .. عشان تعرفوا ان كلامي صح .. لماضة : صباحكم .. طاقة فرح .. تنور كل ايامنا وليالينا فتفوتة : السلام والوئام يعودان للمحاورات .. خبر جديد لانج .. انشروووووووووا التونسي : اللي نشرها اللي نشرها اهو ده اللي يا روح قلبي قشرها قشر القشرة وبان اللب والله وحشنا يا سيدي الحب اللي نشرها اللي نشرها دريم وذ مي : انا فرحانة .. انا فرحانة .. انا هايغمى عليا من الفرحة حسام : اوعى تفتكر يا تيمور اني كنت هاسيبك .. دي كانت تمثيلية بس .. ولا انتا عارف حسام حبيبك عمره ما يفلسع اركتكت : اعمل فيك ايه بس .. مضطر اسامحك .. مهو مش ممكن المشرفين يبقوا احسن مننا .. ويسامحونا ويتحملونا .. قلب ابيض : يسامح مين على مين .. فيه ايه بالضبط يا باشمهندس ؟؟ اصل لي تلات ايام غايبة عن المنتدى ومش عارفة جرى ايه سمبا : حصل كل خير يا ماما قلب ابيض .. انا مش مصدق وداني .. سمعت اسد وهو ماشي يقول انا في شدة السعادة .. في شدة الفرح .. _____________________________ قال الراوي قرر المشرفون التنازل عن ريع الكتاب للاعضاء .. تطبيقا للنتيجة الحقيقية للاستفتاء .. ورفض الاعضاء استلام الغنيمة .. لان المشرفين احق بتلك التكريمة .. ووصل بحمد الله الادفايزر .. في موكب مهيب مثل جريندايزر .. ليتفاجأ بالشعب الكريم يهنؤونه بالسلامة .. و يقولوا ان لا ثورة في حضرة الكرامة .. و قرروا ان يستفيدوا من ريع الكتاب في تحسين المنتدى .. فجاوزت شهرته الافاق وجاوزت كل المدى .. واصبح شعار كل من يكتب حرفا في التوبيكات .. افتخر فانت تكتب بالمحاورات وانشد طائر الليل الحزين : اليك فاتنتي .. ازفك التهاني لقد امسيت في عالمي الثاني منتصرا لمستقبلي .. لحاضري .. لقلمي فلا تقولي لي متى سيزول المي زال الالم .. ورفعنا العلم انها ديباجة السعادة فلا تنتظري الاشادة اعتبريها من قلبي إفادة سلاما .. لكل من غادرنا وذهب .. وقال كلاما من ذهب وننتظر الاياب .. بكل شوق ملتهب لك وحدك .. فاتنتي .. ------------------------------------- كتب كلماتها الطائر .. وغناها زوهيري .. واضافتها لماضة لفراشة المساء بالاحساس فقط .. وقرأها كل المحاوراتيين .. وقام باخراجها الساري - تمت -

ولإن الوقت قد أزف .. فنويت الجلوس لتحضير الكلمة والخُطبة العصماء التي سوف ألقيها أمام الملكة مارجريت ... وقبل هذا .. جال بذهني كل الدعم المعنوي والمادي الذي حصلت عليه أثناء وجودي بمنتدى المحاورات من كل الزملاء والأحباب ... وأستجمعت كل قواي الذهنية والبدنية لصياغة الكلمات التالية " بسم الله الرحمن الرحيم ... صاحبة الجلالة الست الملكة ام صوفيا الشهيرة بأم مجدي ... السادة الادباء الزملاء .. اعزائي كل تجار الاخشاب بالسويد .... في الحقيقة الحكاية مش حكاية كتاب بيتم تأليفة .. لكن هي حكاية شعب عاوز تثقيفه .. وعندها تمتليء القاعة بالتصفيق الحاد على تلك الكلمات المنمقة ( أنا متخيل طبعاً ) وتُطلق ام صوفيا زغروطه ترج القاعة رجاً وتقوم باحتضاني - حضن ام لإبنها عشان ما تهفمونيش غلط – وتقول لي : تسلم يا سين سين يا أصيل ... ربنا يخليك لامك يابني ثم أخذ نفسي وأجفف دموعي التي بدأت تنحدر وأستكمل ... أيها السادة الحضور ... لا ادعي بأنني أستحق تلك الجائزة بمفردي .. لأ .. فأنني أريد ان اعترف انه قد شاركني فيها جميع زملائي بمنتدى محاورات المصريين ( وما إن يسمع الحضور كلمة محاورات المصريين حتى تهب عاصفة من التصفيق على القاعة ) الست ام صوفيا العزيزة ... أود اليوم أن اتوجه بالشكر لكل هؤلاء الزملاء الأفاضل كل واحد بإسمه - شكراً للزميل الإبن أركتيكت الذي كون وجداني الثوري بشعاراته البراقة خصوصاً بصورة النسر الامريكي الأقرع اللي كان بيجيلي في كوابيسي وأنا نايم عشان ينقر دماغي ... - شكراً للزميلة أغابي اللي هارياني تقييمات سالبة كنوع من التحفيز – وأنا يا أم صوفيا مش عاوز أمدي إيدي عليها لحد دلوقت وخليكي شاهده – - شكراً للزميل عطار اللي أسدى إلي خدمة العُمر في تطفيش القطط اللي كانت بتزعجني وأنا مندمج في الكتابة .. لأنه كان بيبعت لي بإستمرار فراخ مشوية وكنت بارمي منها للقطط فكانت بتطفش .. وتقريباً كانت بتشتمني قبل ما تسيب المنطقة - شكراً للفنان زهيري صاحب الوتر الحساس اللي ياما كان بييقعد يسليني ويغني لي أغنيتي المفضلة " ماما زمانها جايه " عشان اتخمد وانام - شكراً لطنط فولانه اللي كانت بتسهر طول الليل تشغل لي بروفرات عشان تدفي صدري وتقيني من برد البرد (برد البرد ؟؟؟ دي فتكرتني بشهداء يناير اللي ماتوا في شهر يناير في صورة يناير للفنان حماده هلال ... يالله زي بعضه ) - شكراً للراعي الرسمي لقلمي الرشيق والشخص اللي كان بيصرف عليه من ريال لألف ريال .. أخي العزيز ساري . اللي كنت كل ما اتصل بيه عشان أطلب منه ألف ريال أشتري أقلام وورق من جرير يقول لي : الف ريال إنت ووجهك . ليش إبتشتري المكتب كلها ؟؟؟ هما 7 ريال أول عن أخر وإن ما عجبك إجلب وجهك وكل مره حضرتك كنت انسى أسأله يعني إيه إجلب وجهك - ونفسي أشكر مشايخنا الأفاضل اللي كانوا بييدعوا لي في كل صلاة أبو عمر والغريب واللفيف السلفي الجميل – السلفيين أجدع ناس .. السلفيين اجدع ناس . أنا بأقولها اهو في المحافل الدولية - وأحب أشكر كل واحد في المحاورات دفعني للامام وشجعني على التألق والقراية والكتابة ولو لديكم متسع من الوقت لحصرت لكم كل الأسماء الرنانة الموجودة . لكن أنا عارف إن وقتكم غالي ومش عاوز أعطلكم ... والسلام عليكم ورحمة الله وبركاتة ،،، أخوكم الادييب .. سين سين - وفي موعد السفر تقابلت مع السيد الوزير راعي الثقافة في المطار ... ودار بيننا هذا الحديث روقه : إيه القرف اللي إنت لابسه ده .. مين الـ تيييييييييييييييييييييييييييت اللي جاب لك البدلة دي ؟ سين سين : ده الفنان زُهيري حضرتك من عند أبو ساميه بتاع المنفوحه روقه : زهيري إيه ومنفوحة إيه اللي يحرقكم كلم .... جتكوا القرف ... فكرني أشتري لك أي نيلة من السوق الحُرة .. عرتوني وعرتوا البلد بلد الله يخرب بيوتكم وإيه الاوراق اللي في إيدك ده ؟ سين سين : دي حضرتك الكلمة اللي هاقولها قدام أم صوفيا روقه : أم صوفيا مين يالا ؟ سين سين : جلالة الملكة مارجريت روقه : تصدق بالله ... أنا خروجي من الوزارة وسجني في أوروبا الموحدة هايكون علي إيدك .. كل دي أوراق ؟ إنت بتحضر دكتوراة ؟ يابني رفعت ضغطي الله يسامحك حررررام حررررام سين سين : طب حضرتك أنا ممكن اختصر العشرين ورقة دول والله ... واعمل اللي حضرتك عاوزة روقه : إنت ما تعملش حاجه . إنت تسكت خالص وتاخد حسنتك من هناك وتدنك راجع وفي يوم الحفل المهيب اتقدم متلعثماً على السجاد الأحمر وسط جمع من المصورين والصحفيين العالميين وندلف إلى القاعة المهيبة .... وتبدا وقائع الحفل ... وإذ بالمُذيع يعتذ عن حضور الملكة مارجريت لظروف عائلية – صوفيا كانت متخانقة معا باولو والولا ضربها وراحت المستشفى وهي راحت تقعد جنبها - وينادي مذيع الحفل على اسمي ... على أن يتسلم الجائزة نيابة عني السيد الوزير فاروق حُسني ... تمت

الدعوى السلفية بتكذب موضوع القاء مياة النار على المتبرجات

اولا اتمنى ان تكون اكاذيب يا استاذ طارق لان الخبر يمس امن وسلامة الوطن والا كل فئة ستخرج بالسلاح للدفاع عن نفسها وتصبح هذه لغة الغاب والهمجية وكل شخص حسب افكاره ومعتقداته سيبرر العنف والقتل وتصبح مصر فى حالة حروب فئوية واهلية وانقسامات نحن فى غنى عنها - ام هل انت ترتضيها هل تعلم لماذا اتمنى ان تكون اخبار كاذبة لان السلفيين الكثير منهم محترمين ومثقفين وهذا لا خلاف عليه ولا يريدون اراقة الدماء - لكن يوجد فئة اخرى ضالة قد تكون لم تحظى بالتعليم والثقافة بالقدر الكافى وتركت عقولها لاخرون يديرونها نيابة عنهم ومن هنا تحولت افكارهم وميولهم الى متطرفين او ان احد ما استغل بساطتهم واستعملهم لنشر الفوضى والتطرف باسم التدين طبعا والحفاظ على شرع الله الامر الان اصبح خطر جدا - على مصر وعلى الشعب المصري من امثال هؤلاء الجهلاء فلابد من وجود قانون رادع لمثل هؤلاء البلطجية والمتسترون خلف اللحية كل هذا افتراضي ان كان الخبر حقيقي لكن للاسف الشديد واضح انه حقائق وحوادث فى فترة وجيزة ومتتالية - كانه مخطط جماعى من فئة متطرفة ولا ننسي ان الملتحيين - لا نستطيع حصرهم تحت فكر واحد او راى واحد اتمنى ان يقوم الفئة المثقفة المحترمة من السلفيين وانا اعلم انهم كثيرون على المنتديات بالتصدى ومحاربة مثل هؤلاء باى طريقة فالان هو دورك انت يا استاذ طارق ودور كل شخص مثقف فى التصدى ومحاربة تلك الافكار فى محيط المكان الذى يعيش فيه - وليس مجرد الدفاع عن كل ما هو ملتحي بطريقة عشوائية واؤكد بانه يوجد فرق بين المتطرفين والسلفيين فلا تاخد انه اتهام موجه لك فانت سلفى ومتعلم ومثقف وليس انسان همجى او متطرف انت تستطيع التصدى لهم - اذا ما سمعت عن اى محاولة لافساد امن مصر شكرا جزيلا

فينك يالماضة روحتى بالبخور فين ؟! بصراحة الواحد بقى حزين مافيش توبيك دلوقت ادخله الا الاقى مشاحنات وشد وجذب بين الاخوة وبعضهم وتقوم عركة على اهون سبب كاننا بنتلكك عشان نمسك فى خناق بعض ارجوكم شئ يسير من التغاضى والتسامح بينا عشان المحبة والروح الجميلة اللى خلتنا نشترك فى محاورات المصريين ترجع تانى متخلوناش نطفش من المنتدى انا مبقتش عارفة مين الصح ومين الغلط كل واحد بيدافع عن وجهة نظره كانها نهاية العالم بالنسبة له مش بلحق اروح الصفحة الرئيسية وارجع لنفس الموضوع الا والاقى رد جديد كانهم قاعدين مستنين بعض ومجهزين الرد محدش يزعل منى بس ليه روح التحفز دى كان الاول مسلمين واقباط وبعدين بقت سلفيين واخوان ولبراليين الى ان طالت اخوة اعزاء نعتز بفكرهم ورايهم انا خايفة اتاثر بيكم وملاقيش حد قدامى اتعارك معاه غير ابو العيال وتبقوا انتم السبب هههههههه بالله عليكم انا بعتذر بالنيابة لكم كلكم واعذرونى على كتابتى بالعامية لانى ده اللى حاسة بيه

وما هي المشكلة ان نحترم سياسة المكان الذي نكتب فيه فكلنا من المؤكد اتينا الي هذا المكان بعد ان انشأه صاحبه ووضع له قوانين وقواعد واستراتيجية عامة وقام بتقسيم المنتدي الي اقسام مختلفة تلبي كافة رغبات الاعضاء مثلا انا اتكلم عن نفسي هناك باب في المنتدي وهو باب المغتربين وهو يجذب عدد من الاعضاء والزوار كبير جدا وانا لا اعلم محتواه ولا مواضيعه ولم افكر يوما حتي مجرد زيارته لانه ليس من إهتماماتي مطلقا واترك هذا الباب للمهتمين به والمستفيدين من وجوده فاحتراما مني لهذه التقسيمة الادارية فلا يجوز ان انقل مواضيع او افكار واطالب بنقاشها في مواضيع جاد او هدي الإسلام وليس من المنطق حتي اثبت وجودي في المنتدي ان اقوم بعمل مداخلات في هذا الباب لا قيمة لها فكريا و لن تسمن من جوع ولكن لمجرد ان يكون لي إثبات وجود وانني افهم في كل شيء واهتم بكل شيء وان اضع حكمتي في مكان وجودي فيه مثل عدمه لكن هذا لا يمنع دخولي كزائر استفيد معلومة جديدة من اصحاب التجربة انفسهم واذا استشكل عليّ امر ما اسأل لمجرد الاستفهام وليس الاقحام هذا المثل ينطبق علي كافة الاقسام وفي احيان كثيرة ايضا وانا واحد من الناس اقع في هذا الخطأ في احيان كثيرة اكتب ردا علي مداخلة وبعد ان اقوم بارسالها بوقت اتذكر فكرة جديدة لم ارسلها في مداخلتي فاضطر لكتابة مداخلة جديدة لان وقت التعديل يكون قد انتهي وانا طبعا لا اود ان ازيد العبأ علي السادة المشرفين واطالبهم بضم تلك المداخلات المجزأة فهذا امر صعب المنال لانه يحتاج لكتيبة لذلك العمل لكن اطلب اذا كان ذلك في الامكان إطالة مدة تعديل المداخلات لوقت اطول من الممنوح للاعضاء فهذا قد يمكننا من ارفاق تلك التعديلات إكمالا لمداخلاتنا السابقة وبالتالي تكتمل المداخلة بدل من تفريطها واحيانا تأتي مبتورة لقيام اعضاء اخرين بارسال مداخلات فاصلة لها مما يجعلها بلا معني في كثير من الاحيان بقي نقطة واحدة تكلم فيها الاخ تيمور وهي الخاصة ببث روح الدعابة بين الحين والاخر في بعض المداخلات الجادة وهذا امر لا يختلف معه احد فيه فالامر يحتاج في احيان كثيرة تلطيف الجو من مشاحنات ناتجة عن الشد والجذب لكن ان تكون مداخلات تتصف بهذا الامر متكررة قد تعطي إيحاء بعدم جدية المتحاور في تناول افكار الموضوع او توحي باستخفاف المتحاور بموضوعية الفكرة المطروحة مما قد يعطي انعكاس سلبي علي المتحاور علي الجانب الاخر

يكونشي ده الكونفرسايه اللي قال عليها الواد قائد الثوره :P حد يفهمني يا ناس :Head:

عفوا اخي الكريم .. هل تقصد " السطرين دول ؟ " : ان كان هذا مقصدك فاسمح لي لم يكن ردي الا عليهم ... فمن الواضح انك لم تقرأ ماكتبته والا كنت لاحظت ان الاعتراض لم يكن نهائيا على الاسلوب وانما المحتوى ذاته .. لكل منا ان يفرض اسلوبه الذي يفضله حتى لو خالف مااعتاد عليه المكان .. ولكن .. لن يكون هذا " الفرض " ممكنا مالم يكن المحتوى ذاته يستحق ان يقرأ ويستحق ان نتقبله بل ونسعى اليه ايا كان الاسلوب الذي اختار صاحبه ان يخرجه لنا به .. اما ان اتصور بقدرتي على فرض اسلوبي بمحتواه السيئ او حتى الفارغ من المحتوى فهذه هي الطامة الكبرى .. وهذا مالايمكن حدوثه حتى في اسوأ الاماكن التي يمكن لاحد ان يكتب فيها .. اذا فالاساليب والمعايير لا تفرض ذاتها بذاتها ولا ترفض لذاتها .. وانما يفرضها او يقصيها ماتحمله من محتوى يهم القاريء .. او لايهم .. كما قلت لك سيدي الفاضل فانا لا ارغب في متابعه الحوار فكما يبدوا لي جليا انت لا ترغب في استيعاب ما يقال .. . اعتذر عن هذا الرد ايضا ويمكنك اعتباره كسابقه .. لم يطرح عليك .. وعليه فلست مضطرا لاقتصاص سطرأو سطرين منه للرد عليها وتجاهل البقية .. بل انك غير مضطر للرد من الاساس .. تحياتي ..

أستغفر الله العظيم .. يا راجل ده حتى لو كافر وإرتد عن الإسلام وحاربه أجي أنا كمواطن عادي ليس لي أي صفة وأحكم عليه بالموت . لأ وأنفذ كمان ؟؟؟؟؟؟؟؟؟؟؟؟ دي على كده هاتبقى حروب أهلية .. لإن من حق أي واحد يحكم على اي واحد حتى يحكم عليهم هم أنفهم بالكفر أو بأي تهمة وينفذ فيه الحكم بدم بارد ... السلام عليكم أومال إنت جبت سيره مين فى الدخله الاولانيه يا ابو حميد اللى خرجوا من المعتقلات و بتعايرهم بالإفراج عنهم يا إما إخوان زى الشاطر و إخوانه او السلفيين حسب تصنيف أمن الدوله ..لحيه و جلابيه بيضاء قصيره و بيصلى الفجر حاضر و سواء دول او دول او حتى الزمر اللى إتعاقب على جريمه ارتكبها و انظلم بمده اخرى بشكل غير قانونى على الإطلاق و القانون موجود يحاسبه على افعاله و لست انا او انت و كلامه اللى على القهوه فى التكفير او القتل مردود عليه وحده فقط و ليس رأيا منتشرا و له جمهور إلا فى اضيق الحدود ..السلفيه ليست منها ..يا احمد كل هؤلاء يا احمد لا علاقه لهم إطلاقا ب لا السلفيه التى يهاجمها الان طوب الارض منهجها العنف و الدليل انه يا احمد مرت فرص ذهبيه امامهم لو ارادوا و كان منهجهم العنف حقيقه لفعلوا ما يحلوا لهم خصوصا مع الكنائس و المسيحيي ..العكس ..حدث يا احمد انهم و بشهاده الشهود من الجانب المسيحى نفسه قاموا بحمايه الكنائس فالأن عندما صار هناك أمن و إستقرار و لو بسيط يقوموا بتنفيذ الحدود و حتى اللى طبق الحد كان احول(لانه اكل ودن الراجل مش رقبته ) ..كما يزعمون فى الاعلام الخائب فى الشروق و اليوم السابع و قنوات ساويرس الماجنه نريد ان نتكلم عن جماعات عنيفه و تتخذ العنف منهجا ننأى عن الدين كله سواء الاسلام او المسيحيه على السواء لان التطرف و العنف موجود هنا و هناك فالذين قاموا باحداث العمرانيه من التجمهر و البلطجه و قطع الطرق لن نستطيع ان نحكم على المسيحيه من خلالهم رغم انه كان هناك رجال دين من الكنيسه يحرضونهم و كل هذا موثق فهلا نسلك نفس المسلك و نكون حياديين و منصفين و نتجنب الهمز الى هؤلاء و نترك الطرف الاخر إن الله يأمر بالعدل يا احمد و هذا و الله ما نريده أما ان ننظر الى القشه :closedeyes: التى فى عين اخينا و ننسى الخشبه التى بأعيننا ..ده حتى ما يصحش اخوك ابو عمر جارك من ايام الزيتون .

لااحد يستطيع ان ينكر الخلل الواضح فى منظومة التعليم بدايتا من المراحل الاساسية وصولا الى المرحلة الجامعية والنتيجة ماوصلنا اليه من فساد واستبداد استمر عقود ولكن كيف السبيل الى الخروج من هذه الشرنقة التى حبسنا فيها رغبة من نظام اراد خروج عقول سطحية فارغة فكريا ونفسيا واعتقد لولا ثورة الانترنت ماكان هناك ثورة يناير فالانترنت لم يكن وسيلة اتصال وحشد فحسب لكنه كان وسيلة تعليمية وتثقيفية لهذا الجيل من الشباب ولن نجحف الاجيال السايقة حقها فى الثقافة والمعرفة ولكن فرصتهم فى التعليم كانت افضل من فرصة هذا الجيل الذى غيب بعضه ماديا بالادمان والفن الهابط وبعضه بالاضطهاد الفكرى والبدنى فماهو موجود من مناهج دراسية من حشو الكتب كما لاكيفا بالاضافة الى تكدس الفصول بالتلاميذ مع سوء الادارت التعليمية افسد الحياة التعليمية باكملها خاصة عندما استعاض الطلاب عن ذلك بالدروس الخصوصية التى تلتهم نصف ميزانية بعض الاسر ممن اردوا نجاحا لاتعليما وينضم اليهم شريحة كبيرة ممن اردوا تعليما جيدا ومتميزا بالحاق اولادهم بالتعليم الخاص وكل ذلك اصبح عبأ على كاهل كثير من المصريين الذين اصبح شغلهم الشاغل توفير الموارد لحياة كريمة ترتب عليها اغتراب الكثيرين بالداخل ةالخارج وهو ماكان المقصود منه بملهاة لقمة العيش ولم يكن اسلوب التلقين والحفظ الا وسيلة اخرى من الاخلال على حساب الفهم والتحصيل واصبح تفوق زائف بدليل فشل كثيرين من اصحاب المجاميع الكبيرة فى كليات القمة او العملية التى لاتتناسب مع فكرهم وميولهم وكان للتنسيق دور فى هذه المهزلة التى اطاحت باصحاب مهارات من دخول كليات تناسبهم بسبب درجة او نصف درجة . فى راى لو صلح التعليم صلح كل شئ من بعده ماديا ومعنويا وهناك حلول كثيرة للوصول لهذا الحلم اهمها : - حدوث عملية ترشيح وتنقية للمواد الدراسية والاهتمام بها كيفا وليس كما - كذلك الاهتمام بتاهيل مدرسين تبعا لرغبتهم وحبهم لمهنة التدريس وليس حسب تنسيق الكليات مع مراعة توفير حد ادنى كريم لمرتبات المدرسين فى محاولة لمنع الدروس الخصوصية - تقليل كثافة الفصول فى المدارس بانشاء عدد اكبر فى المناطق كبيرة الكثافة - ان تقوم الدراسة على البحث والتحليل لا التلقين وذلك بتطوير نظام البورتفوليو ( Portfolio ) المعمول به نظريا الان بالمدارس - ان يكون الالتحاق بالجامعة بامتحان القدرات توازيا مع التنسيق فليس معقولا ان نلحق طالبا بطب او هندسة نظرا لقدراته دون النظر لمجموعه والعكس صحيح - دراسة متطلبات سوق العمل بدلا من تخريج الالاف فى تخصصات غير مطلوبة مع الوضع فى الاعتبار جودتهم عمليا بالحاقهم بدورات تدريبة تخص مجالهم اثناء الدراسة - تشجيع وتحفيز على الالتحاق بالمدارس الفنية لتقليل اعداد خريجى الجامعة لتقليل فجوة العرض والطلب ايضا مع الاعتبار حسن تاهيله فنيا وعمليا بالحاقه بالمصانع والشركات لثقل خبرته ولايصبح عبئا اضافى على البطالة الاهم من ذلك كله رغبة قوية من الحكومة لتحسين الاداة التعليمية والمنظومة ككل اكيد هناك وسائل كثيرة قد اكون غفلت عنها او غابت عن ذهنى ولكنه امل داخلى ان ترتقى مصر وتصبح من مصاف الدول المتقدمة خاصة بعد التغيير الكبير الذى حدث نتيجة لثورة يناير اود مشاركتكم فى الموضوع بالافكار والوسائل المتاحة من وجهة نظركم والتعبير عن رايكم فيه

والله دي قمه قله الادب الناس دي لازم تتعاقب وتتمنع الاعلانات السخيفه دي يعني الشهداء اتقتلوا وماتوا في الشوارع عشان ولاد التيت دول يبيعوا لحفه وبطاطين ايه بيتاجروا بالثوره وبدماء الشهداء ولا قناه الحياه بتاعه السيد البدوي-مدااااااااااااااااااد- اللي قمه في الوقاحه هي وبانوراما دراما اللي عاملين ارقام تليفونات عشان ننزل اغاني الثوره وصور الشهداء علي تليفوناتنا انا معترض علي كل متاجره بالثوره مانا بكره الصبح ممكن اعملكم فالنات الثوره وشرابات الثوره وبدله الثوره لحماده ورشا بجنيه وربع

ده علي أساس ان عقلاء المنتدي كلهم ضد كل ما هو سلفي.. و أي حد بيؤمن بالمنهج نفسه..أو بيتبعه يبقي مش من العقلاء الموجودين هنا؟؟ هي الناس خلاص حصرت المنهج السلفي كله في بعض أشخاص؟..يعني لما يتكلم شيخ سلفي مثلا و ما يعجبكش كلامه..يبقي ترمي المنهج كله بالتهم؟؟ انت شايف ان هو ده المنطق و العقل؟؟ يعني لما ظابط شرطة يظلم و يستخدم سلطاته لأغراض غير مشروعة..آجي و أقول ان الشرطة عموما كمهنة..كلها نصب و ظلم و جور؟ وبعدين يعني ايه آمل ألا اترد علي هذه المداخلة؟ فيه مداخلة سابقة للأخت ذهبية لما اعترضت علي موضوعك اللي كنت بتتكلم فيه عن جماعة من المصلين طردوا طاقم كان جاي يصور فيلم من المسجد..و قلتلها انها باعتراضها ده بتجر علي نفسها ما لا يحمد عقباه...مش عارف..ده تهديد ده يعني ولا ايه؟ ياريت قبل ما تهاجم المنفرين و تقول ان أسلوبهم منفر وقاسي..تنظر لأسلوبك الأول

انا بكل احترام وتوقير وتقدير اسجل اعتراضي الشديد على تدخل الادارة بالحذف لاي مداخلة مادامت لا تحتوي ما يسيئ الى الاداب العامة او الاسائة المباشرة او حتى المبطنة الى احد الاعضاء ,, انا سمعت كتير وقليل عن الرقابة على الفكر انما حنوصل اننا عشان معانا صلاحيات نتحكم في عقول الموجودين اكتبوا بالطريقة الفلانية ماتسلموش على بعض ما تهزروش ما تتواصلوش بينكم وبين بعض !! ونجد اننا اصبحنا كالاقلام السابقة اللي بتدخل مره في الاسبوع وخلاص ,, حذف المداخلات لها ظوابط اكيد الكل ملتزم بيها انما المحتوى الفكري وتحديد مدى عمقه او ملائمته او تقييمه متروكه للناس هنا تحكم عليه انما اننا نصادر الاقلام ونحذف المداخلات فده شيئ اسجل مره اخرى اعتراضي الشديد عليه ,, احترامي لمقامكم الكبير عادل بك لكن حرية التعبير خط احمر مادامت لم تتعارض مع القيم و الاخلاق ,, حتى لو رصيدي اللغوي او مستوايا العقلي توقف عند المرحلة الابتدائية من حقي ادخل واكتب واشارك بكل حرية ,,

ظل بلاط الرخام الأبيض الجميل حول الكعبة المشرفة بلونه الباهي وشكله المنسق وفوق كل ذلك درجه حرارته المعتدلة اللطيفه طوال ساعات اليوم يشكل مصدر دهشة للكثيرين من زوار بيت الله الحرام من الحجاج و المعتمرين ويتساءل الكثير منهم عن ظاهرة الاعتدال درجه حرارة هذا الرخام , هل هي ظاهرة طبيعيه في الرخام نفسه ؟ أم ان هناك تقنيات معينه وراء هذه الظاهرة . المهندسون هم بطبيعة الحال أكثر الناس شغفا لمعرفة حقيقة هذه الظاهرة وذلك بسبب طبيعة عملهم .ورغم ان معظمهم تعامل وشارك في تركيب العديد من انواع بلاط الرخام والجرانيت ,الاان مثل هذا الظاهرة لم تمر عليهم من قبل وهذه حقيقة أفصح عنها المهندس المصري محمد كمال إسماعيل الذي كان له الشرف في وضع تصاميم توسعة الحرمين الشريفين ومن تم قامت شركة بن لادن السعودية بتنفيذ هذه المشروعات الجبارة ويبلغ الآن هذا المهندس من العمر 90 سنة. على قناة إقرأ ، أن السر في برودة البلاط هو أن هذا النوع من الرخام الذي يدعى تاسوس لا يوجد إلا في اليونان وقد تم شراء كامل الكمية للحرمين الشرفين لخصوصية هذا النوع ،حيث قال المهندس أن من العادة أن سمك البلاط الذي يوضع عادة على الأرض لا يتجاوز 2.5 سنتمتر وهذا البلاط تاسوس من خاصيته أنه في الليل يمتص الرطوبة عبر مسام دقيقة وفي النهار يقوم بإخراج ما امتصه في الليل مما يجعله دائم البرودة في عز الحر وقد تم وضع قطع بسمك 5 سنتمتر لزيادة امتصاص الرطوبة وجعله أكثر برودة في لهيب الحر، أما ما شاع بأن هناك مواسير مياه باردة تحت الساحة فهو لا أساس له من الصحة

أنا آسف يا محاورات المصريين أولا مع الحرية اللي عشناها هنا بدون قيود يعني أنا مثلا واحد من الناس بقول كل اللي أنا عايز أقوله وعمري ما خدت إنذار للآن وأنا اعتبر إن بعض الأشياء ممكن تكون مشروعة في حوارنا وممكن يعتبرها البعض تطاول أو شخصنة مش مهم المهم يكون فيه فكر أنا آسف لأن بعض المداخلات بقى فيها كلمة أو نصف كلمة أو إشارة بدون فكر أو مضمون مفهوم وبعض المداخلات أقل ما يقال فيها إنها إسفاف وبعد صدور الكتاب عن المحاورات نرى هنا الدفاع عن شخصية عليها علامات استفهام كثيرة ويقول عنها فكر ....... هي دي الصورة اللي هتكون في كتاب بعد كده عن المحاورات؟ هي دي الصورة اللي ممكن نرتضيها في الصالون الثقافي؟ أضف إلى ذلك عمليات النقل المنظم والموجه الذي سيقابله نقل للرد وهكذا طيب إحنا رايحين فين

رش المتظاهر بيتر البرادعي و ابراهيم جيسيس بالمياه اثناء المسيرة اسامه بن لادن يخطب صلاة الجمعه فى الميدان كبير الأساقفة فى ويست مينيستير يؤكد أن التظاهرات حرام شرعا الامهات في البيوت تنزل شاي الايرل جراي للرجال الذين يحرسون المنازل مصر تهدد بريطانيا بطرد كل العمالة الانجليزية من اراضيها اذا ما تمت محاكمة الملكة اليزابيث اليزابيث في الحياه توداي ولاد اختي بيقولولي يا طونط وي ونط تو ايت بيتزا اليزابيث في الحياه توداي ولاد اختي بيقولولي يا طونط وي ونط تو ايت بيتزا ديفيد بيكهام يقترح وضع منومات في الاكل والمية للمعتصمين الملكة البريطانية تصرح لم أكن أنوي التملك لفتزة قادمة التلفزيون البريطاني اذا تنحت الملكة سوف تعاني انجلترا من فراغ دستوري الممثل البريطانى شون كونرى بيقول انة شاف فى ميدان الهايد بارك لب و سودانى و فشار و سمين و نصباية شاى 1 الأسقف ادوارد هوسين يعقوب: هي غزوة البينشن..واللي عايز يبقى علماني..يروح السعوديه عاجل: توجه عناصر من البلطجية بكور البوفتيك لمحاصرة المتظاهرين في ميدان ترافلجار ثوار لندن يرفضون الحديث مع الجيش قبل تنفيذ كل طلباتهم بانشاء مجلس رئاسى وعمل دستور جديد وحل حزب المحافظين ومحاكمة الفاسدين الراجل اللي واقف ورا الامير تشارلز =) المتظاهرون يحصلون على سندويتشات فول و 100 جنيه مصري للفرد التلفزيون البريطاني ينفي وجود أي مظاهرات اليكس فيرجسون : احنا لازم نمنع عليهم الاكل والميه ونحرقهم بجاز ديرتى الملكه اليزابيث : ما تلبسش بلوفر الوطنية اكتر منى انا حاربت فى حرب اكتوبر وقتلت و اتقتلت واستشهدت مرتين التون جون باكيا على البي بي سي: لو كاميرون تنحى هولع في نفسي غير مؤكد : هاله سرحان سوف تقدم حلقه من هاله شو لايف من ترافلجر سكوير كايت وينسليت :احنا منهارين .. ابن اخويا بيقولي نفسي في "فيش اند شيبس" يا عمتو عاجل : تم ايقاف برنامج بريطانيا النهارده ... وبرنامج من قلب لندن اهم الانباء:التلفزيون الانجلبزي مكالمة مع احد المواطنين يقال انه تامر بتاع غمره ومصادر تؤكد حصولة على وجبة كنتاكي وخمسين يورو وكالات انباء : الامير ويليام امر بضرب المتظاهرين بالرصاص الحى سقوط قصر الملكه في أيدي المتظاهرين من السويس اللندني بعد اتهامهم بإنهم بيتوزع عليهم علب كشري،طلع الثوار ع التي في ماسكين الكومبو والهابي ميل وهما بيقولوا هو دا الكشري بتاعنا ياظلمة الملگة اليزابيث :: انه ليحز فى نفسى ما القاه من بعض بنى وطنى التلفزيون البريطاني ينفي وجود اية مظاهرات ويعرض صورة كوبري 6 اكتوبر انتشار مقطع على اليوتيوب لويلس عندما كان عازف درمز في فرقة الرولينج ستونس الشعب البريطاني مازال في انتظار الاعلان الدستوري :closedeyes:

إللى كَتَبــها .. إللى كَتَبــها !!:) هو اللى بِفِكرُو ..استوعِبهاsmk: من فيض إبداعُو.. وشَرَّبها وبلون الضحك .. وخَضَّبها وبشمع ذكــاؤه.. ونــَـوَّرها وبخِفــة دمهُ... وسَــوَّرهـا وبعــين الفــــن ..وصَوَّرهاart:) فى الأخر .. بعد..م ظَبَّطها أسعدنا كتييييير ..لما نشرها دلوقتى عرفتو اللى كتبها!!؟ ك عهدى بيك يا سارى .. فنان.. واعر.. أرارىbv:-

بعد قراءة هذه المداخلة – سيظن الليبراليون انني سلفي او اخواني و سيظن الاسلاميون انني ليبرالي – علشان اختصر عليك الطريق اقولك اني مصري مستقل الفكر و اسعى جاهدا الى لم الشمل المصري قبل فوات الاوان. ----------------------------- المعركة الضروس الان تشتد بين العلمانيين و الليبراليين من جهة و السلفيين و الاخوان من جهة. وهي ليست جديدة في مصر فهي قديمة قدم الازل و التي بدأت ايام محمد علي حين حاول تفرقة مشايخ الازهر بين مستنيرين (ليبراليين متعلمين في الغرب) و متخلفين (باقي بتوع الازهر).... مواجهات سابقة ايام مبارك و ايام مبارك كان الاسلاميون يستخدمون كفزاعة لارعاب طوائف الشعب عن طريق وسائل الاعلام المرئية و المسموعة – و التي وصلت الى حد تنفيذ مسلسل الجماعة تحت اشراف امن الدولة لتشويه صورة الاخوان و اذاعته في رمضان السابق قبل الانتخابات بشهرين و تم كتابته من قبل كاتب متطرف مشهور ببغضه للاسلاميين... واذكر في هذا السياق هنا جدال النقاب (انا مع رأي الجمهور بعدم فرضيته) و الذي اشتد في اواسط العام السابق 2010 و الذي كان بين عناصر الحكومة المتطرفة التي ارادت منع من ترتدي النقاب من الدخول لساحات الجامعات و ساندها في ذلك الالة الاعلامية الهائلة حتى ممن يطلقون على انفسهم ليبراليين مستقلين فقاموا بعقد برامج كثيرة لتسليط الضوء على المشكلة و استضافوا الكثيرين من اصحاب الرأي المؤيد لموقف الحكومة من علماء السلطان و كانوا في الغالب يتكلمون بغلظة و ديكتاتورية حمقاء وللانصاف كان هناك من ساند حرية ارتدائه....المهم ان اللي كان صوتهم هادئ في تلك المعركة الاعلامية كانوا هم السلفيون والذي كان احد ارائهم ان النقاب اختلف فيه بين ائمة الفقه و نرى حق المرأة الشرعي و الدستوري في اختياره او لا--- يعني بعكس اللي بيروجه من ساند الحكومة في موقفها من اعلاميين و مفكرين.. كان السلفيون يتسمون بالقدرة على الحوار الهادئ و المناقشة العقلية في شرح وجهة نظرهم حتى لو اختلفوا مع محاورهم. العلمانيين و المعايير المزدوجة (اذكر الكاتبة فريدة الشوباشي كانت في تعليق ليها (معنى الكلام) في احدى الحلقات بتقول ان السلفيين تجمعوا لعمل مظاهرة لاطلاق سراح كاميليا شحاتة- فأنا لازم اقف واحلل منظرهم - دول كانوا مش عارفة كده شكلهم فظيع بذقونهم – مش عارفة هم عاوزين ايه – و مين اللي ادالهم السلطة لعمل مظاهرة سلمية و ان دول سرطان هيقضي على الوحدة الوطنية) مش فاهم انا ايه علاقة الذقون بالمظاهرات السلمية - تقريبا قصدها ان اللي ينزل يتظاهر لازم يحلق ذقنه علشان الحر المعركة الحالية حاليا المعركة مستمرة و نحن الان نرصد الفريق الاول يجيش كل ما يملك من اعلام و محاولة بث فكره ورعبه في الكنائس و يصرخ بكل قوة و ساعات بيولول كالنساء لاظهار رأيه - . فمع اختلافي مع كلا الفريقين الاخوان و السلفيين في طريقة الفكر لكني ارى انهم سيكتسحون اي جولة قادمة -ليس لتميزهم ولكن لغباء و همجية و ديكتاتورية الفريق الاول الذي سيعمل بغشومية لزيادة شعبيتهم مع الاخوان كثيرا من اشباه الليبراليين يتهمون الاخوان بانهم ضد ترشيح المسحيين و النساء للرئاسة كان رد الاخوان عليهم انهم يرون انه من حق كل مسيحي او امراة ان يرشح نفسه للرئاسة و لكننا لن ننتخب الا مسلما.. حقيقة – رد بليغ هادء على مغلوطة يصرخ بها العلمانيون دائما في المحافل – و هم باثارتهم هذا الموضوع يستنفذون قواهم في غير طائل بمحاولة بث مبدأ يعلمون يقيناً انه لن يطبق على ارض الواقع في مصر... الاسلاميون الفريق الثاني من الاسلاميين يردون كالعادة بهدوء و عقلانية لطمئنة الجميع (مع بعض تعليقات سلبية من افرادهم) – فترى الاخوان يهدئون من روع الفريق الاول بل امريكا نفسها حين يقولون انهم لن يسعوا لاغلبية في المجلس القادم و لن يترشحوا للرئاسة و هو حق مكفول لهم –تارة اخرى يعلنون انهم مع مبادئ الدولة المدنية (مش عارف هم اشباه الليبراليين عاوزين ايه تاني) اشاعة تطلع بتقول ان السلفيين سوف يرمون ماء نار على كل واحدة غير محجبة ماشية في الشارع – في نفس اليوم اصدروا بيانا يكذبونه و يستنكرون على من يفعل ذلك الشاذلي و قرفها برنامج منى الشاذلي بتاريخ 28 مارس استضافت فيه الكاتب يوسف القعيد و شيخ كان معروفا بتأييده الاعمى لمبارك وهو اسامة القوصي... والذي كان يؤيد الفريق طيار محمد حسني ابراهيم مبارك و عمل على محاربة الثورة ويسميها فتنة منذ بدايتها على الارض و حتى خلال الفيس بوك .. شيخ قوصي ظهر في اكثر من برنامج حواري الايام السابقة و ده يبين ان اختياره بعينه به نوع من الاعلام الموجه.... منى الشاذلي لايخفى على احد توترها و عدم مصدقيتها حين التكلم عن كل ماهو اسلامي خصوصا السلفي والاخوان خلال برنامجها منذ زمن طويل المهم كان حوار الحلقة عبارة عن محاكمة ادبية علنية للسلفيين بسبب موضوع غزوة الصناديق للشيخ يعقوب و موضوع الاعتداء على مسيحي في الصعيد و قطع اذنه و ان الذين قاموا بذلك كانوا يقصدون تطبيق الحدود عليه طبعا الكاتب يوسف (قعيد) – كان اثناء الحلقة يعلق على ما حدث انه حدث باسم السلفيين و يتهمهم انهم يستخدمون الدين و مصطلحات كاقامة الحدود و الشريعة وهذا ما يسوقه السلفيون في مناهجهم و يحاولون فرضه بكل قوة. (طبعا كلام ساذج فارغ مالوش معنى – مش عارف الظاهر ده باين عليه باش كاتب) اثناء الحلقة جاءت مداخلة من شيخ سلفي اسمه عبد المنعم الشحات – كان على العكس من السابقين يتكلم بكل هدوء و اتزان مبينا موقف السلفيين مما حدث من الشيخ يعقوب ومما حدث من الاعتداء على المسيحي - بينما منى الشاذلي و التي لم تخفي محاولاتها باللمز لايقاع الشيخ شحات في الكلام انهم يخلطون الدين في السياسة حال قيامهم بانشاء حزب سياسي سلفي و الذي رد فيه الشيخ ردا هادئا بانه لا حرج في ذلك طالما القانون يسمح بذلك مستخدما في الغالب مصطلحات مدنية قانونية وليست دينية في الغالب... برده اشارت شاذلي الى تشتت المصريين بسبب كلام متضارب من تيارات سلفية كثيرة (ده بيسمى في علم الحوارات حيدة للتشتييت) _ و كان رد الشيخ السلفي انهم ليسوا فصيل واحد بمرجعية ثابتة. و حقيقة ان السلفية هي فكر به تفريعات كثيرة... كان لهم ايضا حوار حول نقطة المسلمات الجدد المحتجزات في الكنائس و الذي قال فيها الشيخ اننا ضد اي مصرية يتم احتجازها بغير رغبتها سواءا كانت مسلمة او نصرانية. حاولت شاذلي ايضا تأويل موضوع غزوة الصناديق كحالة تكفير للمجتمع و هذا تبعا من قبيل الارهاب الفكري التي تجيده شاذلي و لكن الشيخ شحات اوضح ان ادخال موضوع التكفير في هذا الامر ليس صحيحا و انا اعتبره نوع من اشعال الحرائق.. المهم كان يوسف القعيد طول ما الشيخ بيتكلم كان لاوي بوزوه مش عارف ليه زي ما يكون متضايق من منطق الشيخ الهادئ... اخر واحد اتكلم وهو د عمرو ربيع هاشم وهو محلل سياسي بمكتب الاهرام الاستراتيجي (حاجة تخض) طلع بفكرة فكيكة جدا و يا ريته ما قالها و هي اننا نحتاج مرجعية سلفية واحدة كالاخوان للتعامل معها – اي كلام و اي تخريف هذا – السلفية بها تيارات عدة و مستحيل جمعها تحت مظلة فكرية واحدة و لكن الذي اراه ان يتم اشراكهم بشكل ايجابي في الحوارات وليس اطلاق احكام او اقصاء ... بعدين شيخ قوصي قام في الاخر و ضرب كرسي في الكلوب وقالهم ان هناك سلفيات كثيرة و قال انه نفسه يهاجم من قبل السلفيين الاخرين و انه يؤيد الدولة المدنية لانه في الدولة الدينية سيتم استهدافه... طبعا انت بس دور على اسم القوصي على اليو تيوب و هتعرف الرجل عن قرب و شاذلي احضرته في الحلقة لمواقفه المهاجمة لبقية التيارات السلفية المشهورة على الساحة في مصر و كان هذا تطبيق لمبدأ فرق تسد.... خلاصة خلاصة – تخيل معايا ان برنامج زي ده متكلف تكلفة ضخمة خصص حلقة كاملة و جيش لها اناس متخصصين للرد على تعليق لشيخ لا يمثل كل التيار السلفي و حتى انه اعتذر و قال انه كان بيهزر (وانا فعلا استمعت الجزء كاملا ليس المبتور و كان فعلا السياق سياق ترفيهي – و ان اختلفت شخصيا معاه في توقيت الهزار و نوع الهزار – والذي كان ثقيل حبتين) و مناقشة حادث اعتداء فردي من قبل مجموعة بلطجية وسطهم واحد مربي ذقنه و انهم عملوا كده لانهم سلفيين – يبقى كده الناس دي بتستهبل و بتستخف بعقول المصريين. و ربنا يهديك يا منى يا شاذلي و تفكري بجد شوية في اللي يهم الناس.. وانك وغيرك لو فضلتي تتبعي هفوات و تعليقات الناس ستنتهي و هتضيعي وقت البرنامج في الفاضي اذا استمر هذا التهريج في الفترة القادمة فسوف يخسر العلمانيون و الليبراليون بكل تأكيد لانهم باختصار يستخفون بعقلية المصريين و انهم يشعرون بانهم اوصياء على اهل مصر البسطاء و استراتيجيتهم ستختل بسبب الاسباب الاتية و التي اتمنى ان تكون بمثابة نصح لهم 1- تجييش عناصر اعلامية مشهورة بتعصبها و عدائها الشديد للتيارات الدينية 2- محاولة كسب مسحيي مصر و ذلك بإقامة ندوات ولقاءات واسعة داخل الكنائس ايحاءا لهم بإرسال رسائل لهم اننا حصنكم الحصين من السلفيين و الاخوان و انه لا خيار لكم بغير دولة مدنية نقوم نحن عليها (راجع محاضرة طارق حجي في احد الكنائس) 3- تسلم تمويلات كبيرة من جهات خارجية بدعوة تطوير الديموقراطية في مصر و مؤتمر الدستور الوطني الذي تم باشراف المصري اليوم في اول شهر مارس دليل على ذلك 4- الحقيقة ان من يتحدثون باسم الليبرالية يطبقون ديكتاتورية مدهشة في الحكم على نوايا الاخرين دون النظر لافعالهم و هذا من الغباء السياسي– فمعظم من تصدى المشهد منهم يتكلم بعنجهية و غطرسة و تطرف كبير حين يتكلم عن التيارات الدينية 5- محاولة تشويه سمعة المنافس الاسلامي بدس قصص و اخبار صغيرة و العمل على تعميمها كطريقة فكر لهم 6- يشتتون قواهم و جهودهم في مجادلات سفسطائية ليس لها تأثير على ارض الواقع مثل انه من حق المسيحي و المرأة ان يرشح نفسه في الرئاسة – فأنا مع المبدأ و اعلم تماما انه لن يتم على ارض الواقع في مصر و ايضا مثلا الجدل الدائر عن المادة الثانية 7- لا يحاولون كسب ثقة الشارع المصري الحقيقي و الذي لا يدري الا بمن يراه من تأثير مباشر كالسلفيين و الاخوان و بعض اليساريين 8- ليس لهم واجهة اخلاقية يتعاملون من خلالها (اللهم الا القليل) – فهم لا يتسمون باخلاقيات المنهج الليبرالي الذي لا يجدون الوقت الكافي ليقرأوا عن مبادئه في ترك حرية الاخرين في الاختلاف المشروع 9- ليس لهم تواجد فعلي على الارض وحتى ليس لهم جهد ملموس في نشر فكرهم في الشارع المصري و ايضا اوجه بعض النقاط لمتبعي التيار الاسلامي 1- العمل على توحيد الصف مع اصحاب التيارات الاخرى للعمل على الاهم الان وهو الوصول لحالة استقرار سياسي من خلال بنود دستور جديد يتفق عليه الكل و يضمن حقوق الاقليات 2- توحيد المصطلحات المستخدمة (تعالوا الى كلمة سواء) و ذلك بتجنيب المصطلحات الدينية التي ممكن تستفز الاطراف الاخرى وتغليب مصطلحات تعمل على لم الشمل بين مواطني مصر 3- العمل على توسيع قنوات الاتصال مع الاطراف المتخوفة من التيارات الاسلامية خصوصا رعايا الكنائس المختلفة – فالحوار سيصلح و يقارب بين وجهات النظر 4- التأكيد على مواطنة غير المسلمين في نثريات الخطاب السلفي او الاخواني في الفترة القادمة مثل اللفتة التي قالها شيخ قرضاوي في جمعة الاحتفال ببدءه الخطبة ايها المسلمون و الاقباط: 5- فتح ارضيات مشتركة للحوار كالعمل على تحسين الوضع الاقتصادي و العلمي للبلاد بين اتباع كلا الاطراف ارجو من المصريين ان يوحدوا صفوفهم – فالثورة لم تؤت ثمارها بعد و تحتاج لمجهودات الجميع للحوار و البناء وليس الهدم و التخوين. و اخيرا ارجو من عقلاء كل فريق للتصدر للحوار لغلق الطريق على الديمماجوجية كاشباه الليبراليين و المتشددين من الاسلاميين مصطفى قاسم مصري يعيش بانجلترا

الفاضل أيمن حضرتك - وجميع الأعضاء - على الرحب والسعة الغير مسموح به هو - فقط - ما يتعارض مع تقاليد المكان وقواعد المشاركة فيه فريق الاشراف والتنسيق

غاية البلاغة ان توجز معنى ورأي في كلمة واحدة ,, ممكن ماتكونش وصلتك لكن اكيد انها وصلت وتفاعل معاها ناس كتير ,, ارجع للتوبيك وشوف كم التفاعل مع مجرد كلمه مكونه من 7 حروف ,, حريتك تقف يقينا ,, عند حدوود الاخرين ,, تقبل التحية ,, ماردتش على سؤالي بالمناسبة ,, انت لو قاعد في الصالون عندي بتدردش مع صديق ليك ,, هل من المقبول اني اطب فوق دماغكم اقول لكم اطلعوا بره البيت دردشوا في حته تانيه ,,!! منتظر ردك الكريم ,, معلش خلينى أرد أنا لو انا قاعد عندك فى البيت ووجدت أن اثنين قاعدين بيدردشوا فى كلام فاضى وبصوت على مغطى على موضوع جاد بيدردش فيه مجموعة ثانية ، حاطلب منهم ( على الرغم من انى قاعد فى بيتك ) انهم يحترموا الناس اللى بتتكلم فى موضوع مهم ، او لو كانوا مصرين يدردشوا فى أى كلام ويعملوا قفشات ، فياريت يعملوها بره ، ولو ردوا وقالوا لى وانت مالك ، احنا قاعدين فى قهوة اركتيكت ، حاشوف رأيك ايه ، لو لقيتك عايز بيتك يبقى قهوة وقفشات ودردشات جانبية ، حاعرف ساعتها انى فى المكان الغلط واسيبها لك ولهم مخضرة. لاالاستاذ طارق قال كلام مش مضبوظ ولا الاستاذ ابو محمد قال كلام مش مضبوط ولا الاستاذة ضحى قالت كلام مش مضبوظ انت ليه مصر تعيد للمرة الستين انك عايز تمشى المنتدى على مزاجك؟

ما هذا الذي ارى stnd:: stnd:: نرجو من سعادة فتفوتة احترام مشاعر الاخوة المواطنون العزاب ونرجو من سعادة جدو يشوف حل بالكوتشي بتاع حفيدته اما من حيث السيارة دي سيارة بينك بانثر .. والعريس برضه شكله مش بعيد عنه ما جمع الا وفق hg):: الله يهنيهم بالحلال ..

انا عارف يمكن الموضوع غريب شوية بس علشان نخفف كمية الحزن اللى فى حياة الواحد لازم نفتكر اللحظات الحلوة فى حياتنا اولا لكى نشكر الله سبحانه وتعالى على النعم الكثير ة(ياربى للك الحمد كما ينبغى لجلال وجهك وعظيم سلطانك) ثانيا لاضافة روح التفاؤل فى حياتنا لذا هابدأ بنفسى واحكى لكم احلى لحظة مرت على(طبعا اللحظات الحلوة كتير جدا ولله الحمد بس كل واحد يحكى لحظة واحدة بس هو ده النظام ) كان يوم خميس من عدة سنوات وكانت العائلة كلها مجتمعة عند جدتى الله يرحمها وكانت الساعة حوالى الحادية عشر مساءا وجاء خالى من الخارج ومعه جرائد اليوم التالى الاهرام والاخبار md2: فاخذت منه الجريدة واذا بنتيجة الثانوية ظهرت هممت بقرأتها فاذا اسمى ولله الحمد من العشرة الاوائل على مستوى الجمهورية فلما قرات اسمى صرخت باعلى صوتى واغمى على لحظيا من الفرحة واذا بالعائلة كلها اخواتى وولاد خالى وولاد خالتى جرى على الجرائد فتقطعت كلها واضطررنا لشراء جرائد اخرى جديدة وبدات الزغاريد التى ترن فى اذنى حتى الان وبالطبع لم انم فى هذه الليلة حتى الصباح ومازلت احتفظ بهذه الجرائد حتى اليوم عرفتم انا ليه بعشق تراب مصر :) ملاحظة هذا الموضوع للتفاؤل فقط المتشائمون يبتعدون وشكرا cr((:

الأخوان بردوا بيلعبوها صح ،،، (( أنا أخوان ))) برومو حلو ،،، الصراحة أحلي من منيو الخمسة قصدي خد معاك خمسة مركزين علي مميزاتهم الإصلاحية من وجهة نظرهم و مش بيهاجموا حد http://www.youtube.com/watch?v=b8W3dDKtnjY خد كمية لايكات كتير جدا عندي لما حطيته علي الفيس بووك

حاضر هرد واخليني حقاني والله كلمة الفاضل أبو محمد أراها في منتهى الاحترام والتوازن ولا تسيء لأحد أو تضييق عليه ولكن العكس تماما فتحت المجال أمامنا لكل صاحب رغية أن يشبع رغبته وهي أيضا محاولة لتنظيم طالب بها أعضاء مثلك عليك أن تحترم رأيهم فالمشكلة ليست مع الإدارة ولكن أنا من ينكر بعض الظواهر التي أراها سلبية بصراحة أنا شفت لحضرتك مشاركات منها مثلا هذه المشاركة ولم أكن أطلب بموضوعي هذا منك ولا من غيرك مشاركة طويلة فأنا أيضا لا أستطيع قراءة أي مشاركة طويلة ولكن ما أردته أن تعطيني أنت وغيرك فكرة أستفيد منها وتدفعني للحوار معك فيها أما حكاية بيتك وبيتي فليس الأمر كما تظن هنا في صالون ثقافي ناس كتير بتحط فيه خلاصة فكرها واجتهادها وأنت شفت الكتاب اللي تكلم عن دور المحاورات في الثورة والتمهيد لها أنا لو في بيتك فأنا مش حر أفعل ما أشاء فيه ولكن ينبغي علي أن التزم بآداب هذا البيت ولا آتي بأفعال لا تقبلها أنت كصاحب بيت

اولا مااسمهائش قهوه المطربين اسمها قهوه التجاره اللي في شارع محمد علي ثانيا :هو مارمالكش الجواز علي الارض وقالك وطي هاته ياسنسن؟ :hysterical:

اللي أعرفه محلات درينكيز ،،، في القاهرة و الاسكندرية !!! لكن محلات بيع بيرة في قرية في الفيوم ،،، غريبة شوية !!! ممكن تلاجه في الدرا كده علي جنب

لو اقتنع الليبرالين و اليسارين والعلمانين و غيرهم ،،، إن تنحية الدين من حياة المسلمين ،،،،،، حرث في البحر و إستحالة يحدث و لو أقتنع الإسلاميين عامة ،، إن الشعب غير مؤهل لإقامة خلافة إسلامية أو دولة إسلامية لاتفقوا و وجدوا مساحات اتفاق اخري كثيرة

http://www.youtube.com/watch?v=qLezcyeaFoM&feature=youtube_gdata

أتمني أن أشوف مرة نفسنا بنعمل في إسرائيل أضعاف اللي بتعملوا فينا يعني مثلا نوقعهم في بعض نخلي علاقتهم بأوروبا زي الزفت نخلي روسيا تعاديهم ونقف احنا بنعيد نتفرج ولا كاننا لينا دعوة بالموضع ده ناخد شوية من الدهاء بتاعهم مش لازم نكون أحنا دايما رد الفعل لا نخليهم هما اللي مش ملاحقين يارب يجي اليوم ده

الإثنين, 28-03-2011 - 9:35 | الدستور الأصلي مصر الدعوة السلفية تنفي إلقاء"مية نار"على المتبرجات الدعوة السلفية تنفي إلقاء"مية نار"على المتبرجات نفت الدعوة السلفية ما تردد عن قيامها بإلقاء "مية نار" على المتبرجات أو أنها دعت لمظاهرات غدا الثلاثاء. وقالت الدعوة السلفية في بيان لها.. "تعلن "الدعوة السلفية" عن عدم تنظيمها غدًا لأي مسيرات أو وقفات في أي مكان بالإسكندرية أو غيرها. كما تعلن "الدعوة السلفية" على أنها على عهدها بالدعوة إلى الله بالحكمة والموعظة الحسنة، وأنها لم ولن تتعرض لغير المسلمين، والعصاة مِن المسلمين في حياتهم أو في طرقاتهم بأي نوع مِن الأذى. وأن "الدعوة السلفية" في ظل الغياب الكامل لأجهزة الأمن لم يُؤثر عنها أي شيء من ذلك؛ فكيف تقوم به بعد عودة رجال الأمن؟! وأن "الدعوة السلفية" عبر تاريخها تستنكر أن يكون العنف أسلوبًا دعويًا شرعيًا! وتستنكر الدعوة أن تقوم "بعض وسائل الإعلام" بترديد بعض الأكاذيب، واختلاق وقائع لو كانت صحيحة؛ لوجب عليهم تصويرها، وأن تكون مُثبتة في محاضر الشرطة. وإن الحوادث الأخيرة في "قنا" و"المنوفية" ثبت أن السلفيين برآء منها، كما ثبتت براءتهم مِن الاعتداء على د."البرادعي" مِن قبل، وأن ما يذاع مِن أكاذيب حول إلقاء "مية نار" على المتبرجات، أو فرض الجزية على غير المسلمين؛ هي محض افتراءات وأكاذيب لا أساس لها. ومع ذلك تصر "بعض وسائل الإعلام" على ترديد هذه الأكاذيب! ونحن نحذر الجميع مِن أن "بعض وسائل الإعلام" يلعب دور "الثورة المضادة" الذي ربما يكون السلفيون أول ضحاياه، ولكنهم لن يكونوا آخره. وحينئذٍ سيقول الآخرون: أكلتُ يوم أكل السلفيون. نسأل الله أن يعصمنا مِن الفتن ما ظهر منها وما بطن، وأن يمن علينا بالأمن والأمان".

لقاء البسطويسى مع برنامج الحياة اليوم وبيتكلم عن برنامجه الانتخابى وبيقول انا وحمدين الصباحى اقرب ناس للرئاسة http://www.youtube.com/watch?v=AiLS0pGdA2I&feature=related

استقبال حافل لشرف بالسودان http://www.youtube.com/watch?v=xoyWThOvlMg

عجبتني لغة الجسد اللي اكتشفها باسم http://www.youtube.com/watch?v=qLezcyeaFoM

يخرب بيت كدة :D يا سارى ايه الجمال والروعة دى انت فنان بجد ---------------------- على جنب بقى انت مطلعنى بياع اوى كدة ليه مكنوش 3 سالب اديتهم لـ................ تيمور حبيب قلبى عمرى مبيعه ولو على رقبتى لو شفتوه فى الحرب اقتلوه :P

اللعنه.. إررررر اللعنه .. إررررر اللعنه لا تصيب إلا العقلاء !!!!!!!!:closedeyes:

انا ضد الكوته شكلا و موضوعا و الكوته فى بلدنا مسكنات ضد المواجه و اقرار بجهل شعب مش قادر يتخلى عن عصبيات اكيد فى تطرف و جهل فى مجتمع محكوم باستبداد و ظلم من ١٠٠٠ سنه احنا مش بلد طائفى يسكن المسيحين فيه الجنوب دون الشرق و لا يعود فيه الاقباط الى عرق دون بقية المصرين مجلس الشعب المصرى مقسم تقسيم جغرافى و الافضل عن كل منطقه هو الى يكون نائب عنها مسلم ان كان او مسيحى نائب امنطقه يحمل هم كل افراده دايرته و يوصل صوتهمf مش صوته هو و مش مفروض يفلتر الرغبات الى يمشى على هواه يمرره و بعدين لو مجلس الشعب تمثيله دينى يبقى لازم حصر عدد المسيحين بالظبط و اليهود و الشيعه و البهائين و الملحدين كمان و لو عنصر يبقىمن المجلس يبقى ٦٠% ستات و لازم يبقى فيه طريقه ه مثلا لتحديد عدد المرات الى يرشح العضو نفسه و لازم يبقى في طريقه لحسابه الموضوع هياخد وقت و كتر الاحتكاك هو الى هيدى المرشح الخبره بس عشان احنا مجتمع نسبة الجهل فى عاليه و التجوزات الاخلاقيه فيه كتير لازمن و لابد الدعايه الانتخابيه تقوم على عرض الراى دون التشهير بالخصم يعنى مانشفش مرشح يقول لمرشحه تانيه روحى اطبخى لعيالك و الامثله الى حنا بنتفنن فى اهانة الخصوم و للازم الى بيعمل كده يعرف انه بيعرض مرشحه للاقصاء

قالو عن هدوءي وسكوتي انني فتاة مغرورة متكبرة قالو عن صمتي انني ضعيفة وعلي رد الظلم لست قادرة قالو عن طيبتي انني فريسة سهلة ولغدر الناس متقبلة وتركتهم يتناولون الاقاويل عني ولم انطق بكلمة لانني حقا بنفسى راضية....

خبر مفرح و يستحقه هذا المكان المتميز وانا فخورة بانضمامى لهذا الصالون الراقى وكنت اتمنى حضور الندوة واتمنى من الاخوة الافاضل المتواجدون فى مصر ان يقوموا بحضور الندوة عوضا عنا نحن المتواجدون خارج مصر محاورات المصريين متميزة برقيها ومجموعة الاقلام المثقفة ولا ينكر احد جهود المنتدى - لسنوات طويلة فى زرع بزور الثورة والكشف عن ملفات الفساد فى كل المجالات فى الفترة التى عانت منها مصر حتي اصبحنا نقوم برفع الموضوعات القديمة من الارشيف لاعادة طرحها للمناقشة مرة اخرى وهذا ان دل - يدل على تكرار محاربة الفساد على مر سنوات طويلة ضد الاستبداد وفى فترة ما قبل الثورة فى ظل حكومة الحزب الوطنى وهذه الاقلام والافكار والجرأه - قلما تجدها فى منتدى اخر وافتقد ايضا الكثير من الزملاء الافاضل وحواراتهم المحترمة والراقية جدا والتى اثرت المحاورات بموضوعاتها المتميزة لكل الحاضرين باقة ورد - وارق الامنيات ولكل الغائبين - امنياتي لهم بالعود مرة اخرى الى المحاورات فمازلنا نتذكرهم وكانهم كانو هنا بالامس شكرا جزيلا

أنا أتبرأ أمام الله من مثل هذه الأعمال لو تأكد حدوثها ولكن المشكلة هل يتأكد حدوثها ؟؟ الإعلام على أشده الآن في إثبات الفزاعة ضد الإسلاميين ، وطبعا الحائط المائل في هذا هم السلفيين الذين ليس لهم أي منبر إعلامي يعبر عنهم بشكل كلي، ولا متحدث بأسمهم.. لن تقرأ في الأخبار إلا عن السلفيين أوالملتحين فقط ، لأن هذا الوصف بالتحديد لا يستطيع أحد أن يمثله فلا يستطيع أحد أن يظهر على شاشة التلفزيون يقول أنا المتحدث بأسم الملتحين أو أنا المتحدث بأسم السلفيين لينفي عنهم تلك التهم، وحتى الدعوة السلفية التي ساق الأخ طارق بيانها لم تستطيع بعد تجميع السلفيين في أنحاء البلد حولها حتى تكون هي الناطق بإسمهم والمعبر عنهم ، وإن كانت تسعى لهذا ولكنه يحتاج مزيد من الوقت.. البلاد تدفع رغما عنها مرة أخرى للفظ الإسلاميين ، وتدفع رغما عنها نحو التناحر المجتمعي ، ولا مستفيد من هذا إلا فلول النظام السابق وأجهزة أمن الدولة التي تبحث عن ما يبرر وجودها لن ترى أخبار من هذه تخص جماعة الجهاد أو الجماعة الإسلامية وهي التيارات التي تبنت العنف في فترة ما ، وهذا لأن الأجهزة الإعلامية تعرف أن هناك من سيرد على أكاذيبها من هذه الجماعات التنظيمية، كمتحدث رسمي أو عضو في الجماعة أصابع الإتهام لابد أن تشير الآن إلى أجهزة الإعلام وعلى رأسها الدكتور يحيى الجمل (مسؤول الملف الصحفي والإعلامي) الذي أعده أحد فلول النظام السابق وصاحب خارطة طريق لطرد الإسلاميين عن الواجهة ، وأخشى أن يدفع هذا قليلي الفهم من الإسلاميين إلى العنف كنوع من رد الفعل على الظلم الذي يتعرضون له في وسائل الإعلام وإستباحة أعراضهم والإفتراء عليهم.. تحياتي

طبعا العرض زباله ومرتب زباله خصوصا انك خريج حاسبات يعني مهندس ماتخليش ودنك تسمع اقل من اربعه اساسي وفيزا محترمه يعني المفروض اخصائي حاسب ولو اتنازلت يبقي فني انما خدام ؟؟؟؟؟؟؟

أنا ألوم هنا الأمن الغائب .. إين وزير الداخلية والمجلس العسكري ؟ المفرض بعد أول حادثة والراجل البريء اللي إتقطعت أذنه في قنا .. كان طلع إتعمل مؤتمر صحفي للمجلس العسكري والتصريح بقطع يد كل من تُسول له نفسه ويظُن أنه دولة داخل الدولة .. أو أن يتهيء له أن تغيير المُنكر باليد يعني إستخدام العنف وتطبيق قانوني أنا على الأرض ... وتلك العقوبات ليست كافية أيضاً ً ... فلإن هذه الأعمال تُعتبر ليست بلطجة عادية ... بل هي بلطجة مُغلفة بغلاف الدين .. فيجب أن تكون العقوبة أشد ... يعني نقطع إيده اللي حاولت تغير المُنكر بتلك الطريقة .. ويُسجن 25 سنة سجن مؤبد مع الشغل ... عشان نستفيد بالإيد التانية كنت أحسب أنهم تعلموا الدرس جيداً من الثمانينات حتى قيام الثورة .. ولكن على ما يبدو أن فيهم مجموعة من الجهلة لا يعرفون عن الدين إلا الثوب القصير والنقاب والتلطع في الطرقات لبيع الكتب والعطور ... أما إصلاح نفسه ... فلا أما إصلاح المجتمع ولو عن طريق تنظيف شارعه ومساعدة الفقراء والمحتاجين .. فلا .. أما عن طريق المساهمة ولو بالقليل في رد الجميل لهذا المجتمع ولو بإنشاء فصول محو أمية .. فلا كل همهم إن الست ما تخرجش من غير حجاب في الشارع .. وما فيش محلات تبيع بيره ولا مُنكر جتكم ستين نيلة وهل هذا هو كل الدين أيها الجهلاء المغيبون ؟ قابلت بعضهم في الثمانينات وكنت صغير لسه في ثانوي ... وكان من ضمن هؤلاء زملاء دراسة .. ومنهم أصدقاء طفولة ... وتفرقنا لشهور أو سنوات قليلة جداً نتيجة للدراسة وما إلى ذلك وكان منهم شباب طبق كل ما جيء في وصف مرحلة المراهقة بحذافيرها من ضياع وسجاير وحشيش و و و .... والحمد لله لم نكن من هؤلاء يوماً ما وبعدين شفتهم بعد فترة بذقون وجلباب قصير .. قلت كويس . الحمد لله ربنا هداهم أنا اتحدث عن وقائع والله على ما اقول شهيد وقعدنا نتكلم مع بعض لقيت كل كلامهم منصب عن المجتمع الفاسد الداعر الذي يجب أن يتغير بقوة ده ............ ده إيه يابا ؟ والله العظيم يا جماعة ... بقوة الخنجر اللي شايله في جيب الجلابية رايح جاي الله يخرب بيتك ويخرب دماغ المشمومة إنت واللي معلمينك .. الظلمة اللي ما يعرفوش ربنا .. واللي لا يعترفون إن زوال الدنيا بمن فيها أهون عند الله إن دم بريء يُراق .. ولان الجزاء من جنس العمل .. فلقد تم إلقاء الكثير منهم في السجون بذنب وبدون ذنب وربنا سلط عليهم كلاب أمن الدولة عشان تنهش لحمهم وأظن الإعلام الفاسد الموجود حالياً وبداعي السبق الصحفي صور لنا عبود الزمر وإبن عمه طارقعلى إنهم شهداء الواجب أو إن عبود الزمر و نيلسون مانديلا الجديد ... واللي كان بيتكلم عن قتل نفس بريئه حسابها عند ربنا .. عادي خالص وكأنه قتل دجاجة مثلاً مش رئيس جمهورية رجع لنا كرامتنا ورفع راسنا اللي كانت مكسورة وموحوله ... ------- أرجو الهداية للجميع .. وأرجو أن يكون هؤلاء جزء محترم من المجتمع وأرجو أن يعو إن تغيير المنكر باليد ليس هو أية " لا تقربوا الصلاة " بل أن له ضوابط عديدة.. اهمها .. بإن الفرد العادي ليس معنياً بتغيير المنكر بده أي بمعنى إستخدام العُنف ... لإن هذا من إختصاص الدولة ومؤسساتها فقط .. أما تغيير المنكر باليد في أبسط معانيه بالنسبة للفرد هو بمعنى أنك تُغير المنكر للأفضل وبطريقة محترمة تماماً مثل إماطة الأذى عن الطريق

أستقبلت الخبر اليوم بمنتهى السعادة وأعتقد إن ربنا بيكلل جهود جميع أعضاء هذا الصرح الثقافي بالنجاح فكل قلم وكل فكر وكل صاحب رسالة قال كلمة حق في هذا المكان في أي وقت . يستحق منا كل التقدير والثناء ومش عارف بقى هي عادة المصريين ولا هايشتروها يعني حتى في الفرح بنفتكر موتانا ... لانني الأن تذكرت كل الذين رحلوا عنا بعد ان كانوا شموعاً تُضيء حياتنا الفكرية أخي وحبيبي وأستاذي الأفوكاتو وعمي كما كنت اناديه .. ا اخناتون والأديب الكبير ابو حميد والشاعر الرقيق هومر ولا ننسى مجهود هذا الإنسان الجميل الفنان هشام عبد الوهاب الذي رحل عنا فجأة بدون ان نوفيه حقه في بناء هذا الصرح حقيقة أنا أفتخر باني انتسب لهذا المكان وأفتخر اكثر بما تعلمته منذ أن أنضممت إلى تلك الزمرة التي تمثل قمة الثقافة والرٌٌقي في هذا المجتمع ... والذي ظن الكثيرون بإنه مات .. او خرج ولم يعد لكن .. ولإننا أصحاب رسالة ثقافية ... لم نياس يوماً او نفقد الأمل في الضوء الذي في اخر الممر ويا له من ضوء .... فلم يكن ضوءاً عادياً .. بل هو شعاع امل أضاء لنا جميعاً المستقبل .... ---------- اؤيد فكرة تلاقي اعضاء المنتدى على هامش الندوة .. واعتقد إن أستاذ عادل يُرحب بمثل تلك اللقاءات الفكرية -------- وأخيراً وليس اخراً .. أشكر اخي الكريم محمد رفعت " المدهش " والذي كانت مدينة جده هي مكان معرفتنا ... شكرًاً يا محمد على مجهودك .. وربنا يجعله في ميزان حسناتك .... ويارب نلاقيك بكره رئيس تحرير كبير في الأهرام بدل أسامه سرايا والأشكال الحمضانة دي

حلقة علم تحت القصف .. في غزة

و الله و اتشهرت يا مسيو زوهيري و بقوا يتكلموا عنك في الجرايد اخبار يوم بيوم

السلام عليكم ورحمة الله وبركاته لا يملك المرء دموعه وهو يشاهد هذا المقطع ولابد أن يلوم نفسه ويشعر بالتقصير الشديد في حق كتاب المولى عز وجل أتركم مع المقطع هلموا إلى القرءان

لو بلطجي طلع عليك ثبتك يا سيمبا حتقاومه ولا حتطاطي له ؟؟ طيب لما حضرتك فى جده امال شغال بقالك اسبوع هنعمل بكره وهنسوى يا اخى اتقى الله