لوحة القادة

http://www.youtube.com/watch?v=Y9Lx857Jh78

فظييييييع بقالي ربع ساعة بدور على صورة رمزية لواح بيسقف ومش لاقي شاطر يا حمادة بس مش عارف ليه افتكرت المقطع ده اول ما لقيتك عامل مذكرة دفاع وانت لسه في الثانوية العامة وبتحلم بكلية الحقوق http://www.youtube.com/watch?v=b2MD4-1I8D4&feature=related خد دي قبل ما تقوم تنام

بصوا بقى انا لاحظت ان فيه اتنين من الادارة دخلوا تحت بصوا على التوبيك ومحدش عبركوا ولحد دلوقتى المشكلات لم يتم حلها وكل شوية تدخلوا تحتجوا ويطلعوا ببيان يهديكوا ومفيش حاجة من المطالب بتتنفذ مع انها بسيطة وفى ايد الادارة (بهدى النفوس) :D بس طبعا تلاقيهم قالوا خليهم يتسلوا :) بصوا بقى انتوا تفضلوا هنا متجمعين ومعتصميين فى التوبيك ده وتقولوا ثورة ثورة حتى النصر وتظبطوا نفسيكوا مية على عصير وشوية سندوتشات واوعوا تنسوا الكنتاكى وكل واحد يجبله اجندة واما نشوف اخرتها معاكوا يا ادارة :)) طبعا بردوا الادارة ستستمر فى قمعكوا ومش هتستجيب لمطالب الشعب وهيعتبروها مطالب فئوية لازم تستمروا ولازم الثورة تنجح حتى النهاية هو ده امل المحاورات ومعلهش يعنى فى الكلمة ليه شباب زى الورد زيكوا بيتعبوا ويشاركوا فى المحاورات وميعرفوش يقيموا ويكتب تحت اسمه ميمبر نو رب .........اوعى تكون شتيمة (احلى تهدية للنفوس) انا هقوم انام ومع اول قلم والله لاعترف عليكوا واحد واحد انا مالى ياعم منا بعرف اقيم وزى الفل ولسه عاطى لواحد سالب النهاردة وتلاتة اخدوا موجب مشاكلكوا دى تحلوها بعيد عنى ------------------------------------------------ انا استطيع ان اقيم اذن فانا محاوراتى :)

لا اله إلا الله أنا بجد مش مصدق وصلت اننا هنتخانق على الصلاة كمان يا سبحان الله المشهد اللي قوم دنيا الغضب على مبارك ونظامه وأنا أزعم إنه كان أحد أهم أسباب سقوط نظامه هو مشهد الأمن المركزي وهو بيرش المتظاهين بالمياة أثناء سجودهم ايه المشكلة لما الناس تقوم تصلي ... حتى ولو فين .. طالما مفيش مكان تاني. ايه المشكلة لما الناس التانية تستنى لما المصلين يخلصوا الصلاة بتاعتهم.... ايه اللي هيحصل يعني الدنيا هتتهد وبعدين ازاي مكان زي مكتبة اسكندرية ميبقاش فيه زاوية حتى للصلاة وبعدين الموضوع زي ما قال الأخ أبو عمر مر عليه فترة ليه جايين نصحيه دلوقت هل الموضوع ده هو اللي هيحدد مستقبل مصر يا ترى هل كنا ممكن نتخيل وقت الثلاث أسابيع اللي استغرقتهم الثورة .. يمكن أهم 3 أسابيع جيلنا عاشهم في حياته كلها .. هل كان حد فينا يتخيل ساعتها إننا هنقعد نتخانق على الحاجات دي بعد ما ننجح. يا جماعة الأرض تتسع للجميع سلفيين - اخوان - مسلمين - مسيحيين .. الأرض تتسع للجميع ... ( والأرض وضعها للأنام ). يا ريت يا جماعة نتخانق على حاجات تستحق. مصر تستحق منا أكثر بكثير من ذلك.

تصدق بالله يا باشمهندس تيمور و إقسم لك بالله الإخوان ليسوا في حاجة لهذا الشو الاعلامي و الشو الاعلامي فعلا حاليا هو الهجوم على الإخوان و بعدها مباشرة سيكون الهدف التالي للهجوم هو الاسلام ... و كما يقول البعض أن الثورة تمت سرقتها لتحقيق أهداف دينية ( اسلامية بالتحديد ) فسيتم أيضا سرقة هذا الهجوم على الآخوان لتحقيق أهداف علمانية ووقتها جميعا بما فيهم حضرتك لن نجد مكانا للصلاة و سيتم القبض على كل من يتجرأ و يضيء مصباح في بيته وقت صلاة الفجر كما كان يحدثفي تونس العلمانية

اتخيل لو مصلاش ........ يبقي ازى يبقى اخوان ومايصليش لو اخر الصلاة.....ازاى مش عارف ان افضل الاعمال الصلاة على وقتها..هى الندوة هتطير لما يصلي في 5 دقايق لو صلى...........فبما انه اخوان فربما يكون بيزايد بالدين وبيستخدم صلاته لهدف سياسي -------------------- ياريت لو في فيديوو يوضح ملابسات الموقف وهل استأذن الحضور ام لا وهل اخر الندوة ام لا ومن هم المعترضين على فعلته

قرأت الخمس صفحات كلها الان ...وعندما اردت ان اشارك وجدت نفسى مشتته احببت ان اوجز ما اريد التعبير عنه ..ولكنى لا اريد انا مع قول فلان او ضد قول فلان حق ابداء الرأى مكفول للجميع ولكن وجدتنى عندى مطلب وملح وبشده اتمنى ان يحكم مصر الاسلام ..بكل سماحته وحزمه ولا خوف وقتها على مسلم او حتى غير مسلم من اى ظلم ولو رجعنا للوثيقه العمريه لوجدنا انه لا مهانه ولا اهدار لحقوق غير المسلمين فى الدوله اتمنى ان يحكمنا رجل مسلم حقاااا قولا وفعلا ...وابن بلد فى ان واحد تقبلوا مرورى المتواضع

أعتقد إن السؤال مش بسيط وإجابته لن تكون بسيطة بنعم أو لا أتمني أن يكون رئيس دولتي أو حكومتي عنده الشجاعة أنه يتمسك بمبادئه وعقيدته حتي ولو هاجمه الآخرون لكن هذا الفعل تحديدا ود/أبو الفتوح قائدا فيجب أن نتوقع منه الأفضل وليس الجيد فقط بالنسبة لي وأنا لا أنتمي للأخوان ولا أنتمي لأي تيار سياسي أو ديني أنا ملتزمة بالصلاة علي وقتها وهذه مشكلة تقابلني دائما في الأماكن العامة في مصر وبالذات كمان لأني بنت فالرجل ممكن يصلي في أي مكان .....لكن في مصر مواعيد المحاضرات وأماكن إقامة الندوات كثيرا وليس جميعها لا تضع في حسبنها موضوع الصلاة فبالتالي هذا شئ بيضايقني بالنسبة لموقف د/أبو الفتوح طالما معروف أن الموضوع ده في مشكلة من قبل الندوة ألم يكن من الأفضل أن ينظم مع المنظمين للندوة إن موعد الندوة سيتأخر 10 دقائق لحين اتمام الصلاة ويطلب منهم توفير قاعة بجوار مكان الندوة للصلاة وأعتقد أنه لو كان طلب هذا الطلب كان سيتم توفيره ....فنحن في مصر شعب بيحب التدين حتي وإن لم يمارسه يعني عمري ماكنت في مكان وطلبت إني أصلي إلا ما حد ساعدني إني ألاقي مكان أصلي فيه حتي لو أخلوا لي مكتبهم مخصوص فكان د/أبو الفتوح يستطيع بقليل من التنظيم أن يبين للجميع إن المسلمين متمسكين بدينهم ودينهم يأمرهم باحترام النظام واحترام حرية الآخرين لكن أعتقد إن الموضوع عدي بنية حسنة علي د/أبو الفتوح لكن أتمني أنه لا يكون سلوك دائم لأي شخص مسلم نعم أنا أتمسك بممارسة شعائر ديني لكن طول ما أنا موجودة في مكان عمرهم ما حد هيقولي لأ متصليش يبقي مينفعش أخدها عافية وأصلي في أي مكان لازم ولو علي الأقل كان في ساعتها مسك الميكرفون واستأذن من الحاضرين أنهم هيصلوا ويعتذر أن الندوة ستتأخر دقائق لأنه متأكد أن عمر مافي حد في مصر هيقولوه لأ لكن من باب احترام الآخرين وأحب أؤكد هو مش هيستأذن أنه يصلي لأنه هيصلي هيصلي أياكان رأي الناس ولكن هو بيستأذن في استخدام القاعة في شئ غير مخصصة له وأنه يأخذ من وقت الندوة وبرضه نقطة علي جنب (عن تجربة شخصية) الواحد لما بيعمل حسابه مقدما يعني قبل الندوة أو المحاضرة يستأذن أن وقت الصلاة استراحة عشان الصلاة ويتأكد من مكان متوافر مناسب للصلاة فده بيؤدي إن عدد المصلين بيكون أكثر لأن في ناس بتكون عايزة تصلي فعلا لكن عشان هي مش عارفة إن هيكون في استراحة وفي مكان للصلاة فلاتكون مستعدة من ناحية الوضوء وبالنسبة للبنات من ناحية زي للصلاة لكن الواحد لما بيعلن قبلها أنه هو شخصيا هيصلي بتلاقي ناس كتير انضمت له وهي سعيدة المكان نفسه بيحترم إنك احترمت المنظمين ولم تحرجهم

ياسى السيد قعدنا نكتب لما الكى بورد اتنبح .. وبرضوا تلاقى اللى بيرد ويقولك مش عاوزين ترقيع .. احنا عاوزين دستور جديد .. نحط فيديو واتنين لممدوح شاهين وهو بيأكد الكلام ده وإن الجمعية التأسيسية مش بالضرورة من المجلس الجديد .. تلاقى اللى بيرد ويقولك ازاى مجلس شعب ننتخبه حسب دستور 71 ونصه عمال وفلاحين وتلات ارباعه (مفيش غلط فى الحساب :)) ينتخب منه 100 يكتبوا الدستور ؟ .. فى الحقيقة غلب حمارى وبالذات من الناس اللى دفسوا المادة التانية المسألة ببساطة ياسى السيد هى عدم الثقة فى النفس .. وبالذات من شباب الثورة .. اللى بدون قصد (وبمقولتهم الشهيرة "نحن لسنا على استعداد ، والإخوان والفلول بس هم اللى مستعدين) وضعوا اعتراف ضمنى لمعارضيهم من الإخوان والفلول إنهم (أى الشباب) ناس دخلوا ميدان مش بتاعهم أو بمعنى آخر إنهم ما كانوش قاصدين .. يعنى الحكاية جت معاهم ستروبيا ...... مش انا اللى باقول .. ده تفسير المقولة اللى بين قوسين واللى خلت حزب الكنبة (على رأى الفاضل شرف الدين) يقل تعاطفه مع الشباب .. وأصبحت صورتهم إنهم ناس بيقولوا "لأ" الأول وبعدين يحاولوا يفهموا .. ولو فهموا انهم كانوا غلطانين لا يعترفون بذلك ده رأى صريح .. أو مواجهة صريحة من واقع الحب لهؤلاء الشباب .. ومن واقع أن "صديقك من صدَقـَك لا من صدَّقـَك" وبصراحة أيضا .. أنا لا أعفى المجلس الأعلى للقوات المسلحة من مسؤولية البلبلة وعدم وضوح الرؤية .. ولقد صرحت بهذا أكثر من مرة تليفونيا مع زملاء أفاضل من فريق الإشراف .. فلقد كان يجب عليهم أن يضعوا سيناريو ما بعد "نعم" وسيناريو ما بعد "لا" بكل وضوح قبل الاستفتاء حتى يعرف من يدلى بصوته نتيجة ما سيضعه فى الصندوق .. وحتى لا يعطوا فرصة للمضلـَّلين والمضلـِّلين أن يفعلوا أفاعيلهم بالأتباع الذين تربوا وتدربوا على السمع والطاعة

http://www.youtube.com/watch?v=3Kic0I8k29k فى راى موضوع الصلاة تم بحسن نية واعتقد مواعيد عقد المؤتمرات فى المكتبة محددة وتتم وفق ظروف القاعة والتزام المكتبة بندوات اخرى متتالية مع ملاحظة ان دخول القاعة من الخلف ولايوجد مساحة لاقامة الصلاة فى الخلف وطبيعى لوجود رواد المؤتمر فى الامام كان سيسبب ربكة لخروجهم لاداء الصلاة بالخارج بالاضافة لتضيع وقت فى الدخول والخروج ممكن جدا ميعاد الندوة قبل صلاة المغرب يكون خارج عن ارادتهم

الثورة ... ثورة 25 يناير أسقطت كل اللافتات و ال "ماركات" المفتعلة و لم يبقى إلا علامة "مصرى" فقط ما سبق كان إستهلالا لابد منه فى الماضى يا سيدى كان القهر يخفى المعدن البراق الحقيقى لشعب مصر .... كنا كلنا مقهورين ...كلمة قهر هى الوصف الحقيقى لما كنا فيه .... كل منا كان مقهورا لسبب أو لآخر. بثورة 25 يناير سقط القهر و إرتفعت الهامات كل الهامات و هذا هو النصر الكبير دعك من الإخوان هل كنت تتصور قبل الثورة أن يخرج الأقباط فى مظاهرة أيا كان سببها هل يمكن أن تتصور قبطى يقف جنبا لجنب مع سلفى جنبا لجنب فى ميدان التحرير. كانت الإخوان جماعة مغلقة لا يمكنك الإنخراط فيها و تعمل بتنظيم الخلايا العنقودية بمسميات و مراتب مختلفة تغمض على المواطن العادى ... بدءا من الثورة بدأت الفواصل و خطوط السلطة الفولاذية داخل جماعة الإخوان المسلمين تهتز و بدأنا نسمع عن شباب الإخوان الذين يرفضون إلغاء ذواتهم ذوبانا فى الجماعة. مع الثورة أصبح كل منا مسئولا عن نفسه و رأيه. على المثقفين الآن الإنخراط مع بسطاء الناس فى كل مكان تماما كما حدث فى التحرير ........ مصر حاجة كبيرة جدا و تستحق كل جهد منا جميعا. مستقبل جماعة الإخوان المسلمين إما أن تنفتح و تتحول لحزب يقبل الجميع فى عضويتها و تقبل الدولة المدنية أو أن تبقى جمعية دينية مغلقة و تترك السياسة بالكامل.

السلام عليكم يا محمد اولا احب احييى فيك نقطتين - اولا حبك القوى والنادر لتخصصك وعملك فى المستقبل وربنا يوفقك ان شاء الله - الحاجة الثانية اصرارك على موقفك رغم اختلاف الكثيرين معك وانا منهم بس برضوا عندى ليك شوية ملاخظات هاقولهم بعد ما هاترد على سؤالى لو بعيد الشر عرفت ان احد اقاربك حدث له شىء وكل اهل البلدة عارفين مين اللى اذاه او حتى سلط عليه واعترف على الشخص عدد كبير ايه احساسك هل هتقول مفيش دليل ؟ ولا هتكرهه وتكره اللى يتشدد له وتتمنى سواء معاقبته بيدك او عن طريق الله ؟ صدقنى قد يكون خظك سعيد فلم يحدث لك اصطدام سواء مباشر او غير مباشر باحد زبانية مبارك وذلك لصغر سنك واحتكاك بالحياة العملية سبب تهكم الناس انك بتدافع عن شهص اجمع على سوءه وكره 88 مليون وقد يختلف معهم 1000 مثلا فاخذت انت جانب الاقلية مثل كمان ان شاء الله واصبحت محامى وموكلك اتهم فى قتل مثلا وتيقنت انه فعلا قاتل ولكن بدون دليل قوى هل ستكمل دفاعك عنه ام ستعتذر له ؟ صدقنى لو ضميرك خى ستعتذر وتترك القضية اما لو تبحث فقط عن الاتعاب فستكملها تذكر دائما القسم الذى ستقسمه وانت تبدأ حياتك العملية راجع كلامى وستعرف انك بتدافع عن الشخص الخطا واكيد ال88 مليون اللى كرهوا مبارك لم يكرهوه لسوء شكله مثلا ولكن مما اسوه فى فترة حكمه ودعنى افترض جدلا عدم مسئوليته المباشرة اليس مسئولا بطريقة غير مباشرة عن احوال الرعية الم يطبق نفسع هذا القانون الاف المرات لما بيقيل وزير او مسئول مثلا ؟ تذكر قول سيدنا عمر " لو تعثرت ناقة فى العراق لسئل عنها عمر" ارجو ان يكون كلامى افادك بشىء

حضرتك مش عضو فعال ؟؟؟:blink: و لما المعتدلين اللي زي حضرتك يمتنعوا عن المشاركة يبقى ناخد أجازة كلنا و نسيبها ساحة قتال بين المؤمنين والكفار يا خسارة الناس اللي ضحوا بأرواحهم عشاننا دمهم بجد راح هدر و احنا زي ما احنا فعلا التغيير يبدأ من الداخل و أبشركم مادمنا لسه كده يبقى عمرنا ما حنحصل على الحاكم العادل الثورة لسه ماانتهتش و لا رسينا على بر و السكاكين شغالة تقطع و تقسم في التورتة!! يا خوفي يرجعوا تاني و احنا مشغولين في توزيع الأدوار و ساعتها لا نلوم إلا أنفسنا

والله العظيم أنا بأضرب كف على كف طب لازمتها إيه الشحططة والغزوات والإختلافات طالما لسه يحي الجمل قايل بعضمة لسانة للمرة الأولى إن بالموافقة على تعديل الدستور تم إسقاط دستور 71 تماماً .. وبالتالي الإعلان الدستوري اللي هايُعلن بكره أو بعده بالكتير .. سيقوم على التسع مواد اللي إتعدلوا مع بعض المواد المؤقتة المنظمة للحياة السياسية طبعاً كلام غريب ومفاجيء ووضح حاجات كتير ودل على إن في ناس لسه بتتعامل معانا إننا مش أصحاب البلد ومش مهم نفهم يعني كل الهليلة دي كانت على المواد المُعدلة فقط .. وبالتالي زي ما قولنا لا المادة الثانية كانت محل جدل او خلاف .. ولا كمان اللي قالوا لأ مثلي عشان سلطات الرئيس المطلقة كانت محل جدال او قلق ههههههههههههه يعني فعلاً نعم كانت = لا تخيلوا وفي كلتا الحالتين الدستور كله هايتغير لكن تظل النقطة اللي منكدة عليه حياتي هي وبتخليني أضرب ولادي ليل نهار هي أشتراطات الترشح للبرلمان اللي بالمنظر ده بأسمية برطمان مش برلمان

يجب على كل قادة الفكر في مصر .. وكل من يكن له الناس محبة .. ويستمعون إليه بغض النظر عن توجهه أو تياره أو دينه قس في كنيسة .. إمام مسجد .. رئيس حزب .. عمرو خالد .. يسري فوده .. عمرو موسى .. البرادعي .. البابا ..الميرازي .. شيخ الأزهر .. يحيى الجمل .. حمدين صباحي .. منى الشاذلي .. عصام شرف .. المرشد العام للإخوان .. الشيه يعقوب .. الشيخ حسان .. حتى رفعت السعيد .. أي حد ... وكل حد .. فيه ناس بتسمع له يجب أن يتفقوا على هذا الأمر .. لا وقت الآن إلا للعمل الجاد .. لا وقت إلا لبناء مصر .. يجب أن يخرجو للناس من كل مكان .. ومن أي قناة .. وفي الشارع والمسجد او الكنيسه يجب أن يقوموا بدور فاعل يجب أن يحدثوا الناس كثيراً .. الناس تحتاج لأن تفهم وتعي تحتاج أن يتكلم الكبار إليهم ويشرحون لهم الموقف يتحدثون معهم بصراحة... ووضوح يجب أن نعمل ... الحياة في مصر متوقفة لا يعمل اليوم بجد ونشاط إلا اللصوص ولامجرمين وقطاع الطرق والبلطجية فهم لا يريدون أن يضيعوا على أنفسهم تلك الفرصة الذهبية التي لا تتكرر في التاريخ يجب أن نوقف كل هذا .. يجب أن يخرج علينا السياسيون والمثقفون وقادة الرأي والفكرمن كل مكان .. وفي كل وقت .. ,التركيز على إرشاد الناس وشحذ هممهم .. الموضوع سيحتاج بعض الوقت لكن في رأيي .. لا سبيل إلا هذا لسنا في حاجة الآن لعرض برامج إنتخابية .. ولا غيره نحتاج اليوم للعمل والبناء

بعد اذن حضرتك استاذ عادل لماذ لم تكن مجلة شهرية بدلا من كتاب لان المواضيع هنا اكبر من تحصر فى كتاب كما ان كثير منا يتغيب عن المحاورات لاسباب مختلفة فالافضل انه يستطيع متابعة المقالات التى فاتته فى تلك الفترة فى هذه المجلة وايضا المواضيع متجددة بصفة يومية واحيانا تحتوى على خبر وقتى لاجدوى من نشره باثر رجعى فى كتاب ام النية هى اصدار سلسلة كتب متعددة من اصدارات محاورات المصريين الا ان كانت اسباب منع اصدار المجلة فى المرحلة الحالية لاسباب مالية او آخرى فلكم تقدير الموقف ولحضراتكم جزيل الشكر على هذا الجهد الكبير

لأ لا أتمنى ذلك لإن الإحترام واجب أينعم الصلاة في جماعة أفضل ومطلوبة ولا خير في عمل يُلهى عن الصلاة .. لكن على الأقل لازم أحترم الأخرين ... ولازم أختار المكان الصحيح للصلاة ولازم أحسس اللي معايا سواء كانوا مسلمين أو غير مسلمين إني باحترمهم ولا أعتدي على حقوقهم ولو على حساب راحتي أنا .. يعني لو القاعة المخصصة للصلاة كانت بعيدة عن قاعة المحاضرات .. يبقى أتعب أنا وأروح هناك اصلي مش أستسهل وأصلي في أي مكان وخلاص ... يعني على سبيل المثال .. كان ممكن حد يمسك الميكرفون ويقول يا جماعة حان وقت الصلاة .. فاللي عاوز يصلي ياريت ياخد وقته ويتوضاً ويحصلنا ... وأخوانا غير المسلمين بعد إذنكم إحنا مالقناش قاعة للصلاة أو مكان مخصص للصلاة - ده لو مافيش - فهل تسمحوا لنا إننا نصلي هنا ؟ ولا أعتقد إن في حد هايعترض على ذلك .. ------------ هاحكي لكم على موقف بيتكرر ويحدث من زميل معانا في الجامعة في كل محاضرة .. هو مهندس وما شاء الله عليه ملتزم ... والقاعة اللي بناخد فيها المحاضرات صغيرة إلى حد ما لأننا تقريباً حوالي 20 شخص .... والدكاترة فيهم هندوس بس محترمين وبيحترمونا وبيحترموا عقيدتنا وتقاليدنا ... أخونا في الله كل محاضرة ... بيظبط الموبيل على صوت الأذان بأعلى صووووت .. مع إن مواعيد الصلاة معروفة ... والراجل اللي بيشرح صوته بيوصل لنا من غير مكيرفون .. واساساً في سماعات داخلية في الفندق بتوصل لنا صوت الأذان لكن صوته معقول ومنخفض وغير مزعج ... لكن ده ... صوت أذان الموبيل على الأخر .. يقطع المحاضرة .... بطريقة لا تليق وغير متحضرة ... وفجأة وقبل الأذان ما يخلص يستأذن عشان يروح يصلي ... طب يا أبن الناس ما كلنا بنروح نصلي جماعة ... والراجل اللي بيشرح من غير ما حد بيتكلم أتبرمج وعارف إن الإقامة لها أذان يصل لنا ولكن بعد ربع أو تلت ساعة من كل أذان ... وبيعطينا وقت راحة أكتر من المطلوب عشان كلنا نصلي .. إلا ده .. يسيب المحاضرة في وسطها ويروح هو مش عارف بيروح فين .. لإننا بنحصله هناك والصلاة ما تكونش أُقيمت ... وهو هو كل مادة يرجع يقول أنا متدمر ومش فاهم حاجه وعاوز حد يشرح لي ... وكل تيرم لازم يطلع بمواد ------------ الموضوع مش قفش يا جماعة ... والسلوك الحضاري المحترم بيجبر الأخرين على إحترامنا بل والأستماع إلينا وإلى كلامنا بإصغاء ....

الموضوع أبسط من كده يا عزيزي فالملكية الفكرية بتكون للعضو طبعاً .. لكن طالما أنت كتبت حاجه قيمة على النت فبتبقى ملك للجميع لكن لا يحق طبعاً لأحد إنه ينسبها لنفسه والأهم من ذلك إن الموضوع ليس تجاري على الأطلاق ... ولا نريد أن نتحدث عن التكلفة وكيف تم تغطيتها أو كيف سيتم تغطية الجزء الثاني بمشيئة الله ... لكن كان كل غرضنا هو نشر أفكار المُكون الرئيسي لموقع محاورات المصريين وهم الأعضاء الأفاضل اللي بيثُروا المنتدى بأفكارهم ... وعلى فكرة .. في بداية طرح جريدة الدستور في ثوبها الجديد من 5 سنوات مثلاً أو أكثر بشوية وتحديداً أثناء حملة مبارك للترشح وعملنا شغل جامد في كشفه وبهدلته .. وكان في باب أسبوعي ثابت بالجريدة بينقل من موقعنا مقالات منتقاة للأعضاء الأفاضل ... وكان العبد لله واحد منهم .. بدون إستئذان طبعاً والله العظيم عُمري ما فكرت إن دي جريدة وبتحقق ربح وإني لازم يبقى لي جزء من السبوبة دي .. هههههههههههه . بل بالعكس كنت مستعد أدفع لهم فلوس عشان يوصلوا أفكارنا .... ( ماما كانت فرحانه قوي وهي بتقرا أسمي وكانت متوقعه إني هاقضي بقية عُمري عندهم هناك حيث النفخ الألكتروني ... وتقريباً كانت بتجري على صرف المعاش بتاعي وقتها ) وطبعاً الكتب بتبقى من وسائل نشر الأفكار ... وهاركز مرة أخرى على الجانب التجاري اللي متأكد إنه مش هايتحقق أبداً ... ولو إني أتعشم إن الكتاب في جزئية الأول والثاني يحقق إنتشار ... لكن نحن على أستعداد لطرحه بتكلفته أو أقل منها كمان في سبيل تحقيق رسالتنا جميعاً وهي قول " كلمة الحق " أنا عاوز سقفه كبيره عالكلمتين دول

بدل لطم الوجوه و تبادل الاتهامات بين كل طرف و التاني تبدأوا شغل على الارض الاخوان قالوا انهم داخلين علة تلت مقاعد البرلمان يبقى في تلتين فاضيين بدل ما تقعدوا تتكلموا انزلوا الشارع اعملوا قاعدة ليكم بين الناس عشان تقدروا تلحقوا مقاعد في البرلمان يكون ليكم صوت في تقرير عمرو اديب امبارح ناس كتير في الشارع قالت لو ائتلاف الثورة عمل حزب هاننضم ليه لما سألهم عمرو هاتعملوا حزب امتى ردهم كان مفجع على الاقل بالنسبالي قالوا ما ينفعش نعمل حزب واحد لاننا اصلا من تيارات مختلفة طب انتوا عاوزين ايه من الناس دلوقتي ناس مالهمش في السياسة بقالهم اكتر من 60سنة و من 30 سنة تحديدا تم حصرهم في هم لقمة العيش و امشي جنب الحيط مش فاهمة عاوزينهم ازاي بين يوم و ليلة يكونوا واعيين سياسين و يختاروا على اساس سياسي افهموا مطالب الناس الاول ثقفوهم وعوهم و ساعدوهم على انهم يعيشوا حياة كريمة و ساعتها هاتلاقوا منهم اللي انتوا عاوزينه دكتور عمرو خالد اظن بيشتغل حاليا على مشروع التعليم دي خطوة صح لو يكمل فيها يبقى مشوار الالف ميل بدأ بالخطوة دي اتحركوا في الاتجاهات اللي تعملكم شعبية و بلاش تضييع وقت

استاذى الفاضل دائما احترم رموز الازهر الشريف وعلماؤه - و كنت دائما ارى الشيخ سيد طنطاوى رمزا للهدوء والحكمة والفهم والعلم والكلمة الطيبة وفى بادىء الامر عندما تم تعيين الشيخ االدكتور / احمد الطيب - تمنيت ان يحظى بمحبة واحترام الجميع على نفس نهج الدكتور/ سيد طنطاوى - لان هذا الامر هام جدا بالنسبة لى كمواطنة مصرية ولكنى تركت اثبات هذا الامر للايام المقبلة التى سوف تحدد ما اذا كان هذا الانسان الذى هو فى هذا المنصب - يده بيضاء - ام له حسابات اخرى ولم اقصد فقط المسائل المادية ولكن اقصد كل شيء - ومع مرور الوقت وخاصة هذه الايام التى بالفعل ينكشف فيها بوضوح ويزال كل غبار عن اى فساد تدريجيا والذى هو كشف لكل المزيفات - وضح جليا احترام هذا الرجل والحمدالله لانه سينضم الى قافلة الشرفاء - لاننا فى حاجة شديدة لهم الان وافر احترامى وتقدير للدكتور / احمد الطيب

امانة يا حاج تيمور كفاية ميدان انا بيتي اتخرب و هشحت خلاص كفاية اوي لغاية كده و بالنسبة للاخوان هما مش زبالة للدرجادي اللي تخليك تشبههم بمبارك التيار المتأسلم دي مسبة باستخدامكم للاسلام لتحقيق مصالحكم ... يعني مش حاجة حلوة اما اللي جمع الشباب فهو حب هذا الوطن و الموت فداؤه و ده شيء واضح جدا انا ضحكت ع الجملة اللي بالاحمر يا غريب بس استغربت المنهجية اللي بتفكر بيها شتان يا غريب بين ناس تفكر ازاي تديك سمكة و ناس عايزك تعملك بحيرة و تديك صنارة و تعلمك الصيد كمان شتان يا غريب بين ناس كانت بتحارب في راس الفساد نفسه و ناس بتكتفي بمحاولات اصلاح اثار الفساد الموضوع اكبر من كده

اختلف في فرق بين الترفيه والسفاهة هو ده اللي راعبنا منكم يا مصطفى والله ,, ومش عاوزين نوصلكم للحكم عشانه ,, اي عمل فني حيخضع للرقابة الصارمة ويمر اولا على فلاتركم ,, سينما تلفزيون مسرح مهرجانات كتب مقالات مؤتمرات ندوات معارض فنية نحت فكر فن باليه والقائمة والله تطول ,, كلام في سرك انا كنت في شبابي منتمي للتيار بتاعكوا اول ما دخلت الكلية فمبروم على مبروم ما يلفش :happy: والله انا مش منضم الى احد لو كان مثل العمل أو ماشابه ترضى ان تقابل به الله عزوجل "منتظر اجابة" سعتها هغير رأي الموضوع كله ومافيه ليه مانقدمش للمواطن شيء نافع ومفيد وترفيه بجد ثانيا حتة ان حضرتك بتقول مش هنوصلكم للحكم دي اعتقد ياباشمهندس لابتاعة حضرتك ولا بتاعتي انت عندك مواطن مصري وصندوق انتخابات وعليك بالقبول به دي في حالة انك ديمقراطي وفي النهاية يجب القبول بالاغلبية وتعمل في اطارها صح الكلام تحياتي لك

هي فعلاً (نعم) مقاربة جداً لخيار (لا) لكن نعم افضل بكثير رئيس بدون برلمان ودستور = فرعون جديد وهذا ماكان يريدة قادة تيار (لا) من مثقفين عاشوا وتعايشوا علي مص دماء الشعب بحجة انهم يفهمون ويفكرون بالنيابة عن الشعب اما (نعم) = برلمان منتخب من الشعب يختار لجنة منتخبة لوضع دستور ثم يأتي رئيس فتكون السلطات متوازنة بين البرلمان والرئيس ويحكمهم دستور وضعتة لجنة منتخبة في النور وامام الجميع نعم = اجراءات ديمقراطية لا = ديكتاتورية وطبخ دستور في غرف مظلمة لايعلم الشعب عنها شئ

الخوف المشروع و اللا مشروع من الاسلاميين بعد ما حدث في التصويت ظهر لنا الاتي 1- كثير من الذي صوت بلا كان خوفا من الاسلاميين – خصوصا الاقباط و بعض المنتسبين لليبرالية (شبيه ليبرالي) 2- كثير من الذي صوت بنعم كان خوفا على المادة الثانية للدستور اعرف ان الكثير سيختلف معي في فرضيتي السابقة و لكن هناك شواهد كثيرة تؤكدها في وجهة نظري فتنة التصويت على التعديلات الدستورية - بدأها الاقباط - و حركها الليبراليون و رد عليها الاسلاميون بقوة الاقباط خائفين من حكم الاسلام - الليبراليون يخشون الاخوان - الاسلاميون خائفين على المادة الثانية ولكن اللي كسب في الاخر هم الحزب الوطني و النظام القديم بالتأكيد بدأ الجدل قبل عملية التصويت بكثير – بل اذكر انه كان بعد تنحي مبارك البائس بيوم او اثنين- حين طرح الاقباط المادة الثانية للدستور للتعديل وهذا اثار حفيظة الكثير من المسلمين بالتأكيد و أنا منهم. وتم تدشين حملات على الفيس بوك بل مؤتمرات حاشدة للتيارات الاسلامية المختلفة للدفاع عن المادة الثانية... ظهر الجدل و اشتد كثيرا بعد نتيجة التصويت على التعديلات و التي اتت بنسبة 77 % كموافقة على التعديلات – طبعا ليس كل من قال نعم كان بدافع ديني و ليس من قال لأ كان خوفا من الدين (أنا نفسي صوت بلا لاسباب سياسية بحتة حيث ان التعديلات في رأيي لن تكون في صالح البلد).... عموماً انا هنا بصدد تحليل ظاهرة الاسلاموفوبيا في مجتمعنا الشعب المصري بطبيعته شعب متدين يوقر الدين اياً كان من قديم الازل و الاثار الفرعونية شاهد على ذلك اول مغلوطة في العقلية المصرية العامة هي عن تصورها للتيارات الاسلامية و تشعباتها فهو يضعها كلها في سلة واحدة التيارات الاسلامية على الساحة المصرية الان تنقسم الى اخوان – سلفيين – جماعة اسلامية طبعا في داخل كل قسم هناك تفريعات كبيرة فمثلا السلفيون ينقسمون داخلهم الى مداخلة (اتباع الشيخ المدخلي و هم غالبية اهل السعودية – و مثل اسامة القوصي في مصر) – انصار سنة – جمعية شرعية – سلفية جهادية (ليست موجودة في مصر) – سلفية اخوان (يعني ميكس و دول موجودين في الكويت) – اردوغان او الزمر فوضعهم جميعا في سلة واحدة امر خاطئ تماما و هذا ما تنبه له الساسة الغربيون اخيرا بفتح قنوات اتصال مع عناصر الاخوان بعد سقوط مبارك البائس – فهم يدركون جيدا ان الجولة القادمة أو من سيمسك زمام الامور في مصر ان عاجلا او اجلا سيكونون عناصر اسلامية – و هم يحاولون بدهاء اختيار اخف الضررين بتأييد من يشابه تيار تركيا الاسلامي (اردوجان_ اوغلو و اصحابهم) بدلا من ان يأتيهم شبيه لعبود الزمر في الحكم ثاني مغلوطة هي مفهوم الدولة الدينية – المفهوم ده تكرر من الكثير من الليبراليين و الاقباط و هذا نابع من ثقافة الكثيرين منهم المتأثرة بالليبرالية الغربية - وللتوضيح الدولة الدينية هو مفهوم كنسي بدأ مع بداية تبني الدولة الرومانية للديانة المسيحية و فرض مذهبها على المذاهب الاخرى و كان هذا بعد مؤتمر نيقيه 325 بعد الميلاد و الذي قام فيه الامبراطور الروماني قسطنطين بفرض مذهب الوهية المسيح على المذاهب الاخرى (و كانت اكثرية) التي كانت تؤمن ببشرية عيسى (ع) استمر هذا النهج في كل الممالك المسيحية الى العصور الوسطى و التي سامت فيه الكنيسة معارضيها بل اتباعها سوء العذاب اما في الاسلام فمبدأ الدولة هو انها مدنية يتساوى فيها المسلم مع غير المسلم في الحقوق و الميثاق النبوي بين المسلمين مع اليهود و الوثنيين في المدينة اكبر شاهد على ذلك. التشريع الاسلامي مثله كمثل اي تشريع قانوني اخر هدفه الاسمى هو اقامة العدل المطلق و الحرية لافراد هذا المجتمع ضمن اطار اخلاقي عام... و للمزيد راجع مبادئ الشريعة الخمسة – وللذكر ان القانون الفرنسي الحالي و المعروف بكود نابليون - مبني على فقه الامام مالك نظرا لسعة احكامه و دقة تفاصيله للخلاصة اقول لمن يخاف وصول الاخوان للحكم بأنه علينا وضع دستور يعمل على ارساء المبادئ الخمسة التي يتفق عليها اي تشريع قانوني عالمي دون الاشارة من قريب او بعيد للاسلام و بذلك سيوافق عليها الخائفون من الاسلام دون استفزاز الاسلاميين الكثير من البسطاء واشباه الليبرالين يخافون من وصول الاخوان او غيرهم من التيارات الدينية و خوفهم نابع من اشيا صغيرة كالاتي: مثلا واحدة مش محجبة – كل اللي في بالها انهم سيفرضون الحجاب عليها بالقوة واحد مثلا بيحب يهلس مع اصحابه في البار خايف انهم لو وصلوا للحكم انهم هيقفلوله البار بتاعه واحد يخاف انهم يمنعوا الموسيقى و افلام خالد يوسف و عادل امام واحد خايف من واقع حقوق الانسان انهم يطبقوا الحدود المختلفة و يستغلوها ابشع استغلال ويمكن النكات اللي انتشرت عليهم بعد الاستفتاء توضح تخوف الكثيرون بشكل عام – قرأت على حائط احد الزملاء في الفيس بوك ان اتحاد الكرة لغى عقد توريد الملابس الرياضية مع اديداس لصالح التوحيد و النور و غيرها من النكات التي تعكس الهواجس والصور النمطية المذكورة ساعد في تأجيجها الاعلام المرئي و المقروء و الذي يستحوذ عليه مدعو الليبرالية خصوصا التوك شو و اللي ليهم تأثير كبير فمثلا تلاقي الحاجة منى الشاذلي و هي بتتكلم عن الاخوان او السلفيين نبرة صوتها تتغير و تسأل اسئلة مستفزة. و كفاية انها جابت عبود الزمر و عملت معاه حلقة ساعة او اكثر و طبعا الرجل طلع معاها يهبل و يقول كلام غريب و جهل مطلق عن الاسلام – حلقة خلليتني كنت هارجع – بس طبعا هي عملت كده كرسالة للناس تقولهم بصوا انتوا لو جبتوا الاسلاميين هيعملوا فيكم زي عم عبود – بردة الموقف تكرر مع كلا من خيري رمضان و عمرو اديب و معتز الدمرداش و غيرهم ممن يدعون الليبرالية ( وانا متأكد ان مفيش واحد منهم فاهم يعني ايه ليبرالية ولا حتى قرأ فيها بشكل جيد) بصوا ياجماعة – من الاخر الاحزاب الاسلامية سيكون لها تأثيراً ضخماً في الفترة المقبلة – و اللي مش عارف او متوقع ده يبقى مش عارف مصر و اهلها – و ان المصريين سيعاندون بشدة حالة فرض اي رأي ليبرالي بل سيـأتي بنتائج عكسية متصاعدة ضدهم مثلما فعلوا حاملي لواء الليبرالية في المؤتمر الذي ناقش التعديلات الدستورية في فندق جراند حياة برعاية جريدة المصري اليوم و الذي اشار اليه الاستاذ عصام سلطان في برنامج عمرو اديب أنهم كانوا اقرب لمجموعة فاشيستية تفرض اراءها لانها مذعورة من وصول الاخوان او اي اسلاميون للحكم.... طيب الحل ايه لكل من يخاف من وصولهم - أنه كل ما علينا فعله هو ضمان دستور يضمن الحقوق العامة لكل الافراد مهما كان توجههم السياسي او الايديولوجي..واذا تم هذا فلا خوف ممن يأتي في البرلمان او الحكومة لانه سيكون تحت المساءلة القوية من الشعب الواعي... الموضوع ده للخلاصة محتاج مصارحة بين الاطراف المختلفة و انا احترمت مبادرة الاخوان للحوار مع شباب الاقباط فهذا سيهدأ الكثير من التشاحنات اذا تعرف كلا الاطراف على الاخر وارى ان الذي يلتزم بضبط النفس هم الاسلاميون (غالبيتهم) على عكس التيارات الليبرالية و اليسارية الاخرى و الذين يصرخ معظمهم و يحذر من وصول الاسلاميين (يعني بيمارسوا لعبة الفزاعة اللي كان شغال بيها مبارك البائس) رجاء ايها المصريون باختلاف ايديولوجياتكم - نحن الان نعيش ظروف مواتيه لاجراء حوار واسع بلا قيود مما كان يضعها نظام مبارك البالي - منعاً لاي احتقانات مستقبلية – فلا بد لنا من عودة روح ميدان التحرير في التسامح و التصارح و التصالح – علشان شبح مبارك ميرجعش مصر مرة اخرى و اخيرا انا شايف اللي خرج بمكسب كبير من الجدل اللي حصل في التعديلات و زمانه بيضحك زي لافاش كيري هو مبارك و ازلامه

وقال أيضا : "إنه من الواضح أن هناك تناقصا كبيرا في قدرات العراق الصناعية في مواقعها النووية خلال الأربعة أعوام الماضية بسبب هجرة العديد من الخبرات العراقية ونقص الصيانة وترك الشركات الأجنبية لأعمالها بالعراق" محمد البرادعي "يمكننا في المرحلة الحالية التأكيد على التالي: أولا: لا يوجد أي دليل على وجود أي عمليات نووية في جميع المواقع التي تم تفتيشها. ثانيا: لا يوجد أي دليل على قيام العراق بمحاولة استيراد اليورانيوم منذ عام 1990. ثالثا: لا يوجد أي دليل على قيام العراق بمحاولة استيراد أنابيب الألومنيوم والتي يمكن استخدامها في تصنيع أسلحة نووية. بالإضافة إلى حتى أنه في حالة قيام العراق باستيراد هذه الأنابيب فقد كانت ستواجه مشكلة تقنية في محاولة الاستفادة منها" "بعد ثلاثة أشهر من التحقيق الشامل والمتواصل فإن الوكالة لم تجد أي مؤشر على قيام العراق بمواصلة برنامجها التسلحي النووي. سنواصل عمليات التحقيق مستفيدين بكافة قرارات مجلس الأمن الخاصة بالتفتيش وكذلك ما لدينا من وسائل تقنية" "يجب أن أشير أن العراق أصبحت أكثر تعاونا مع الوكالة بعد الضغوط التي قام بها مجلس الأمن خاصة فيما يتعلق بالمقابلات الشخصية مع المسؤوليين العراقيين. آمل أن تستمر العراق في التعاون معنا." "لقد كان أول أيام احتلال العراق من أسوأ أيام حياتي" محمد البرادعي هذا ما قاله البرادعى بعد غزو العراق http://articles.latimes.com/2005/oct/08/world/fg-peace8 "لقد أخبرنا ديك شيني أنهم مستعدين لتلويث سمعتنا في حالة عدم وصولنا للنتائج التي تبرر الحرب .. وهذا ما حاولوا عمله" هانز بليكس هانز بليكس وحديثه عن مقابلته والبرادعي لمسؤولي الحكومة الأمريكية إبان بدء عملية التحقيق http://www.youtube.com/watch?v=CVldccu5RmQ&feature=player_embedded الحكومة الأمريكية "لا ترغب" في تجديد الفترة الثالثة لرئاسة البرادعي لوكالة الطاقة الذرية http://online.wsj.com/article/SB1104...?mod=googlewsj الحكومة الأمريكية تراقب هاتف الدكتور البرادعي خبر من صحيفة الجارديات البريطانية والتي تؤكد أن بوش وحكومته قاموا بمراقبة اتصالات البرادعي مع الحكومة الإيرانية لمحاولة الوصول لأي سبب للتخلص منه. وقد وصفت الصحيفة البرادعي بأنه عدو للحكومة الأمريكية http://www.guardian.co.uk/world/2004/dec/13/usa.iran

السلام عليكم و رحمة الله و بركاته عارف ليه يا استاذي....و دي وجهة نظري الخاصة جدا عشان احنا بننادي بالديمقراطية.....بس احنا لسه مامارسنهاش و لا اتعودنا عليها و لا خلناها منهج لحياتنا و طريقة تفكيرنا و ده مش ممكن راح يتغير بمجرد ما احنا قاعدين نرفع شعار الديمقراطية ام 11 حرف دي ابجدية بحالها....دي منهج منظم و خطوات تفكير و حيادية.....بتتطلب جهد و معافرة في النفس عشان نوصلها لو تسمحلي اقول لحضرتك حاجة بحسها في اوقات كتير الناس لما بتخش تتخانق في بعضها و خصوصا في اختلافات وجهة النظر....انا علي اد ما بحس بالخنقة فعلا زي حضرتك....بس بقول....كويس....ما هو لسه اللي بيتعمل المشي....لازم يقع...و يتكعبل....و يتسند...و بعدين يرجع يقف تاني معلشي مصطلحاتي طفولية....و مش عارفة اجعلصها....بس بكتب لحضرتك اللي بيجي في بالي لو مكان حضرتك هشيل كل المداخلات.....مش عشاننا...عشان حضرتك,,,انت لانها راح تفكرك كل شوية....ان حد طرف عينك خلينا نكمل حوارنا.....هنزعق تاني علي فكرة....و هنتخانق تاني .....يوووووه كتير....بس برضه هنلاقي في كل مرة كسبنا بونت جديد بالنسبة لتخوف حضرتك ان التطاول يجي علي الدين...نفسه...مش مع حضرتك فيه مش ممكن الفطرة السليمة ...ساعتها راح تلاقي سكتها معلشي علي الاطالة بس نستحمل بعض مسا حضرتك.....مشوار حوار....طويل...لسه بنقول يا هادي في امان الله

ردا ً على المرافعة التخيلية اللى محطوطة فى التوبيك هناهوت (دى على وزن كدهوت ) مذهلة ...... حد شاف صرصار مقلوب على ضهره قبل كده ؟؟؟ بجد انا لما قريتها طلعلى شنبات صرصار واتقلبت على ضهرى .... وفطست على نفسى من الضحك لا موش قادرة ...هموت من الضححححححححححححححك موش مصدقة .... حد يلحق يقلبنى على وشى قبل ما موووووووووووووووت ايه مواضيع الصراصير دى ؟؟;) ;) bv:-

الحياة ... وجهة..... نظر نصنعها .....بإيدينا

عزيزتى المحترمة / نملة هانم .....( يا سواد قلبك يا شيخة ....) من الافضل لك ان تتوجهى حالا ...إلى مخبئك .... حذااااارى ..ان ادهسك بصباعى .....

السلام عليكم . يا جماعة انا طبيب بشرى دفعة اكتوبر 2002. استلمت تكليفى مايو 2004 وقدمت على النيابات حركة مارس 2006 وتظلمت بعدها ونزلت ليا نيابة اطفال فى شمال سيناء . لم استلم النيابة وسافرت للسعودية اكتوبر 2006 حتى الان انا فى السعودية بس قررت ان شاء الله انزل مصرنهائى نهاية هذا العام اكتوبر 2011 بس عاوز اقدم نيابات يا ترى ايه موقفى هل نيابتى طارت ولا خلاص انا محروم من النيابات وهفضل ريف طول عمرى اعمل ايه هتجنن . اقدم زمالة مصرية ولا اعمل ايه ارجو النصيحة ولا مش انزل مصر خالص

سيم سيم صديق وانا مثلكم ممنوع من التقييم منذ 4 اشهر تقريبا وفتحت موضوعين وناقشت مشرفين وراسلت الادفايسر بس للاسف ولا حتى رد يا ترى ممكن نلاقى رد هنا غير موضوع الاسراف فى النقاط الحمراء لانى شخصيا لم استخدمها الا فيما ندر

لا لا ما تقلقش معروفه

الحديث الاول بعد المائة ...................... عن محمد بن سيرين عن ابى هريرة قال صلى بنا رسول الله صلى الله عليه وسلم احدى صلاتى العشى قال ابن سيرين وسماها ابو هريرة ولكن نسيت انا قال : فصلى بنا ركعتين ثم سلم فقام الى خشبة معروضة فى المسجد فاتكأ عليها كانه غضبان ووضع يده اليمنى على اليسرى وشبك بين اصابعه وخرجت السرعان من ابواب المسجد فقالوا : قصرت الصلاة - وفى القوم ابو بكر وعمر فهابا ان يكلماه وفى القوم رجل فى يديه طول يقال له : ذو اليدين , فقال يارسول الله انسيت ام قصرت الصلاة فقال : لم انس ولم تقصر , فقال : اكما يقول ذو اليدين ؟ قالوا : نعم فتقدم فصلى ماترك ثم سلم ثم كبر وسجد مثل سجوده او اطول , ثم رفع راسه فكبر ثم كبر وسجد مثل سجوده او اطول ثم رفع راسه وكبر فربما سألوه : ثم سلم ؟ قال فنبئت ان عمران بن حصين قال : ثم سلم العشى : مابين زوال الشمس الى غروبها المعنى الاجمالى ................ يروى ابو هريرة رضى الله عنه ان النبى صلى الله عليه وسلم صلى باصحابه اما صلاة الظهر او العصر فلما صلى الركعتين الاولين سلم ولما كان صلى الله عليه وسلم لاتطمئن نفسه الا بالعمل التام شعر بنقص وخلل لايدرى ماسببه فقام الى خشبة المسجد واتكأ عليها بنفس قلقلة وخرج المسرعون من المصلين من ابواب المسجد وهم يتناجون بينهم بان امرا حدث وهو قصر الصلاة وكانهم اكبروا مقام النبوة ان يطرأ عليه النسيان مايؤخذ من الحديث ................... (1)جواز السهو من الانبياء عليهم السلام فى افعالهم البلاغية الا انهم لايقرون عليه اما الاقوال البلاغية فالسهو فيها ممتنع على الانبياء (2)الحكم والاسرار التى تترتب علي هذا السهو من بيان التشريع والتخفيف عن الامة بالعفو عن النسيان (3)ان الخروج من الصلاة قبل اتمامها مع ظن انها تمت لايقطعها بل يجوز البناء عليها واتمام الناقص منها (4)ان الكلام فى صلب الصلاة من الناسى لايبطلها خلافا لمن ابطلها بذلك من العلماء فقد تكلم فيها ذو اليدين والنبى صلى الله عليه وسلم وبعض المصلين (5)صحة بناء ماترك من الصلاة على اولها ولو طال الفصل وكذلك لو نسى السجود وفعل ماينافى الصلاة من كلام وغيره فقد ثبت فى الصحيحين عن ابن مسعود عن النبى صلى الله عليه وسلم انه لاسجود بعد السلام والكلام (6)ان الحركة التى من غير جنس الصلاة لاتبطل الصلاة ولو كثرت اذا وقعت من الجاهل والناسى (7)وجوب سجدتى السهو لمن سها فى الصلاة فزاد فيها او نقص منها ليجبر بها الصلاة ويرغم به الشيطان (8)ان سجو السهو لايتعدد ولو تعددت اسبابه فان النبى سلم ونقص الصلاة ومع ذلك اكتفى بسجدتين (9)ان سجود السهو يكون بعد السلام اذا سلم المصلى عن نقص فى الصلاة وماعداه يكون قبل السلام وهو مذهب النفية او كله قبل السلام وهو مذهب الشافعية (10)ان سهو الامام لاحق للمأمومين لتمام المتابعة والاقتداء ولان ماطرأ على صلاة الامام من النقص يلحق من خلفه من المصلين (11)اما التشهد بعد سجدتى السهو فقد قال شيخ الاسلام ابن تيمية : ( ليس فى شئ من اقوال النبى صلى الل عليه وسلم امر بالتشهد بعد السجود ولا فى الاحاديث الصحيحة المتلقاة بالقبول ان يتشهد بعد السجود فلو كان تشهد لذكر انه تشهد

إليها ؟؟؟ المرأة كالشعلة اذا عرف الرجل كيف يمسكها أضاءت طريقه , و اذا أخطأ في مسكها أحرقت يداه

احب الاعمال الي الله الصلاة على وقتها فا لو اذن المغرب وقتها و قامت الناس صلت فعلا و اتاخرت الندوة دقائق فين المشكلة ايهما افضل يروح المغرب و لا الندوة تتأخر دقائق بسيطة؟ اما لو المغرب كأن مأذن من بدري و دا شو يبقى انا غير متفقة معاه لازم نعرف التفاصيل عشان نقدر نحكم

عن ابى بن كعب-رضى الله عنه -ان رسول الله - صلى الله عليه وسلم كان عند غفار فاتاه جبريل عليه السلام فقال : ان الله عز وجل يأمرك ان تقرئ امتك القرآن على حرف , قال : اسال الله معافاته ومغفرته وان امتى لاتطيق ذلك ثم اتاه الثانية , فقال : ان الله عز وجل يأمرك ان تقرئ امتك على حرفين قال : اسال الله معافاته ومغفرته وان امتى لاتطيق ذلك , ثم جاءه الثالثة , فقال : ان الله عز وجل يأمرك ان تقرئ امتك على ثلاثة احرف , فقال : اسال الله معافاته ومغفرته وان امتى لن تطيق ذلك , ثم جاءه الرابعة فقال : ان الله عز وجل يأمرك ان تقرئ امتك القرآن على سبعة فايما حرف قراوا عليه فقد اصابوا ) ليس المراد ان يكون الحرف الواحد سبعة اوجه والاختلاف اختلاف تنوع لاتضاد وتناقض اذ هو محال فى القران وذلك مايعرف بالسبع قراءات

سيدي الفاضل استميحك في - دقيقة - اعود فيها طفلا واهل الدمع .. رغم كرهك للدموع سيدي الفاضل علمتني حرفا .. بل حرفين اسقيتني شهدا ذا طعمين اعطيتني قلما .. ورقا .. حبرا ثم توليت قرير العين سيدي الفاضل اشتقت اليك .. اشتقت اليك كثيرا

إختلافهم مفيهوش اى زعل النظام السابق كان لازم الشعب يتحد صف واحد ضدهم ، وبعد نجاح الثورة كل واحد يرجع للتيار اللى جاء منه ، والمتفقين او الذين لم يكونوا منتمين لاى تيارات ( وهم الأغلبية ) ممكن يدخلوا فى ائتلاف حزبى او يرجعوا البيت من غير اى انتماءات حزبية

تيمور ممكن توضح اكتر يارب ما يكونش اللي فاهمه صح ؟ الناس دي سواء قالت اه بتاثير الزيت او عن اقتناع فلايسقطوا من الحسابات بل عليك بتوعيتهم :protest: وان لم يقتنعوا فايضا لا يجب اسقاطهم من حساباتك

الشعب مش هاتضعه في حساباتكم؟؟؟؟؟؟ امال انتوا عاوزين تحكموا ناس من كوالالمبور و لا ايه معلش سؤال تاني هاتعرفوا منين مين اللي اخد زيت و مين اللي قال نعم لانه مقتنع بيها و اخد الرأي دا بعد تفكير و قناعة و لا هاتعاملوا كل اللي قال نعم بنفس المنطق انكم تستبعدوه من حساباتكم و لما انتوا مستكبرين على الناس الغلابة من اولها كده و ما فيش في ايدكم سلطة هاتعملوا ايه لو ربنا حكمكم عليهم طب انا كتير من اهلي بقى قالوا نعم و لا خدوا زيت و باكو شاي هااااااااااا هاتعاملوهم ازاي عشان ابقى عارفه باشمهندس اللي حضرتك بتقوله دا حقيقي بيخسر حضرتك كتير و الحركة اللي حضرتك منتمي ليها بجد لو هو دا تفكيركم ابشرك ان ما حدش هايسمعكم بجد

انت يا واد يا بتاع المراغة خليك حكيم ف كلامك احنا ف الدنيا يعني هيفضل الاناني و الطماع و الحرامي موجودين و الي الابد و هيبقي ليهم مكانهم و مكانتهم الجامده كمان دائما يا تيمور اهل الباطل ما بيكلوش ولا بيملوش شغالين 24 علي 17 مش 7 بس لا توقف علي راي الجماعة الخلايجة و بالمناسبة احنا هنخسر الحرب مع الاسلاميين انت قاعد بره و مش حاسس باللي بيحصل الاخوان و الجماعات كلها اللي كان ليها علاقة بالسياسة و اللي ملهاش .. دلوقتي كلهم بقوا سياسييين و بيرتبوا الوضع هيبقي شكله ايه لما يمسكوا البلد و انت مش محتاج اقولك شعبيتهم اد ايه فاطمن .. هيمسكوا البلد مننا هيمسكوها الرهان بقي ف تخيلي هتبقي لفة واحدة و الشعب بعد كده يفوق ولا هيطلعوا ناصحيين و تفضل ف ايديهم علي طووووووووول

يارب اى خاين يحاول يخرب بلدنا و ثورتنا اللهم رد كيده فى نحره و انصرنا على الخونة و كارهى الوطن يارب

حمد الله بالسلامة مع اني مش عارفةايه القصة بالضبط بس احساسي بيقول ان في رقي في التعامل مع الموقف ايا ما كان الموقف اللي حصل ونظرا اني دائما وابدا بنحاز وبشدة للرقي في التعامل حتى ولو كان التعامل ده عبارة عن اختلاف تقبل تحياتي واتفضل دي مني واعذرني لو في اي خلل http://www.youtube.com/watch?v=fFGkEaHtTYE

طب تصدق بقى أنا زعلت! يا سيدى البلد دى خلاص مفيش أمل فيها, إحنا داخلين على أيام لا يعلم بها إلا الله و اللى بيحب نفسة لازم ياخد بعضة و يهج خالص! الأبيات الشعرية بتاعة الإمام الشافعى أنا طبعتها و هاحطها قدامى دائما و أنا بذاكر الفرنساوى و أنا ببذل أى مجهود عشان أهاجر لأن فعلا ألأبيات جميلة جدا و محمسة! كمل اللى أنت بدأتة و جرب ناس تانية و مجتمع آخر يقدر الإنسان و يحترم قدراتة و عقليتة و آدميتة, مكام تشم فية هوا نظيف زى مخاليق ربنا, تاكل أكل أنت مش خايف لا يكون مليان مواد مسرطنة ولا مروى بمية مجارى أعزكم الله, تربى أولادك فى مجتمعات حرة متعلمة تقدر العلم و كرامة الإنسان! تطلع برة القنابل و التفجيرات و الحروب اللى طاحنة الشرق الأوسط. أنت قلبت على المواجع :) معلش بكرة تروق و تحلى! سافر يا راجل سافر و ولا يهمك, و إبقى كلمنا من هناك و إحكيلنا عن الحياة مع الناس المحترمة :)

زفـــر غمـــزه دزعــه غمـــزه غمـــزة زتــــة دزعــــة زفــــر زبــعــــة زبــعـــــةv v v v v v سوداني يعطي صاحبه رقم جواله

هتكلم في نقطة واحدة ما اوافق عليه الا يستغل أي أحد جهل او ضعف من أمامه و ينصب نفسه وصيا عليه بدلا من أن يأخذ بيده يتضاعف الجرم ان كان المستغل عالما بالدين .. إذ كان ينبغي للدين ان يزجره عن هذا المسلك لكن سيظل المصريون يضعون ثقتهم في علماء الدين لان المفترض فيهم الورع و الحرص على الحق و تحريه و ان يقول لا أدري ان كان لا يعلم لسة محتاجين تعليم و توعية .. مش هتحصل في سنة و لا اتنين ديننا منهج للحياة كلها

عقبال ال100سنة وائل جسار http://www.youtube.com/watch?v=vGQI1NQ7KY0&feature=related

الحديث الثامن والتسعون ...................... عن عائشة رضى الله عنها ( ان رسول الله صلى عليه وسلم بعث رجلا على سرية فكان يقرأ لاصحابه فى صلاتهم فيختم ب( قل هو الله احد ) فلما رجع ذكروا ذلك لرسول الله صلى الله عليه وسلم فقال سلوه لاى شئ يصنع ذلك ؟ فسألوه . فقال : لانها صفة الرحمن عز وجل فانا احب أقرأ بها . فقال رسول الله صلى الله عليه وسلم : اخبروه ان الله تعالى يحبه ) مايؤخذ من الحديث ................. (1)جواز قراءة قصار المفصل حتى فى غير صلاة المغرب من الفرائض (2)فضل سورة الاخلاص واستحباب قراءتها (3)ان تفضيل بعض بعض القرآن على بعض عائدا لما يحتوى عليه المفضل من تمجيد الله والثناء عليه (4)ان الاعمال يكتب ثوابها بسبب مايصحابها من نية صالحة لان النبى صلى الله عليه وسلم امر بالسؤال عن القصد فى تكريرها (5)انه ينبغى ان يكون اصحاب الولايات والقيادات من اهل العلم والفضل والدين (6)انه من احب صفات الله وتذوق حلاوة مناجاته بها فالله يحبه لان الجزاء من جنس العمل (7)ان اخبار الوالى الاكبر عن اعمال الامراء والعمال لقصد الاصلاح لايعد وشاية ولانميمة

عن جندب بن عبد الله قال : رسول الله صلى الله عليه وسلم قال : (كان فيمن قبلكم رجل به جرح فجزع فأخذ سكينا فحز بها يده فما رقأ الدم حتى مات قال الله تعالى : بادرنى عبدى بنفسه ,حرمت عليه الجنة ) كان فيمن قبلكم : اى من بنى اسرائيل جزع : لم يصبر على المه فما رقا الدم : اى لم ينقطع