لوحة القادة

لا نستعجب ابدا من قول - ان مفجر الثورة الحقيقى هو شخص ميت المفجر الاساسي للثورة كان شاب ميت - هو - خالد سعيد- صاحب الثورة ومن قام بها لانه هو اول من فجر داخلنا احساس الذل والفقر والعبودية والظلم والمهانة جاء بعده مباشرة - الشخص الثانى وهو سيد بلال - الذى تم التعامل معه بابشع الطرق هذا الاب الشاب - كل ذنبه فى الحياه انه له لحية وهذه جريمة نكراء - لا تغتفر ابدا - فى نظر مجرمين امن الدولة - وعلى اساس هذا تم التعذيب و الذى اودى بحياته خالد سعيد وسيد بلال موتى ولكنهم فجروا الثورة فى مصر

بسم الله ,, بسم مصر ,, و شعب مصر ,, و الحرية ,, بسم شباب الثورة ,, و 6 ابريل ,, و صناع الحياة ,, بسم محاورات ا لمصريين ,, و المحاورين الشرفاء وكلهم شرفاء ووطنين ,, السلام عليكم ورحمت الله وبركاته ,, ده كان استهلالا لازما ولابد منو :happy: وحشتوني اوي اوي ,, حقول ايه بس :wub: اقول الحمد لله اللي قدر ان الموقف ده يحصل عشان تلاقي 30 حضن دافي بيضمك ويغطيك ! احساس والله ماحسيت بيه يمكن طول عمري عشان ا لقسم ,, ومش قادر اوصفة لما تكون في مستشفى محتاج نقل دم ,, وتفوق تلاقي 30 اخ واخت تبرعوا اليك !! ,, لما تكون في الشارع في عز المطر والبرد وتلاقيهم بيخلعوا معاطفهم ويغطوك انت بيها حتى لو تعرضوا هم انفسهم لاخطار البرد والريح والمطر,,!! جفت الاقلام وقصرت الكلمات ان توفيكم حقكم يا احب خلق الله ,, طيب ده مقبول و مفهوم من ناس متفقين معاك ايدلوجيا اوكي ,, انما تيجي من خصومك سياسيا ومن حدثت بينكم ما تتقاتل من اجله الشعوب ! ايه الفروسية دي ,, وايه النبل ده ,, وايه الاخلاق دي ,, لما زميل فاضل او زميلة فاضلة يكون وصل الخلاف بينكم الى منتهاه ,, في ثواني كده تلاقيه موافق او موافقه وتفضل قلمي الشريف الحر معاك اكتب بيه ما شئت وعبر بدون اي تدخل او حتى اعتراض وان اختلف هذا مع ما اعتقد ,, اقول للفارس منهم طيب اتفرج الاول او زد او انقص كما شئت ده برضوا قلمك اجده يرفض مجرد التفكير احتراما لما اعتقد او اؤمن اقول ايه ,, ! اقول اني كنت اكثر امانا و راحة وحرية وانا ( بداخلكم ) من ا ي وقت مضى وانا حاسس بالعزوة بالقوة بنفس احاسيس شباب التحرير - مع الفارق اكيد طبعا لان الوضع مختلف تماما ,, اقول الحمد لله ثم الحمد لله ثم الحمد لله ثم الحمد لكم على مودتكم ومشاعركم الراقية النبيلة الصادقة ,, ونتم والله ناس عظيمة وحبيبة اوي اوي اوي ,,

بسم الله الرحمن الرحيم مع أنني لم أكن أرغب في الحديث عن هذا الموضوع نظرا لأني أراه من الماضي .. لكن يبدو أنني سأضطر للعودة إليه ... يثبت السلفيون في كل مرة أنهم يغردون خارج السرب .. وأن لهم اختيارات غريبة ليست في أمور الدين فقط .. بل في أمور الدنيا أيضا. قبل الثورة .. هاجم السلفيون الثورة ومن دعا إليها بحجة أن المظاهرات حرام والخروج على الحاكم حرام ... والفيديوهات موجودة ومثبتة .. فيها توثيق لمواقف الكل. واليوم يأتي السلفيون ويستفيدون من أحد أهم ثمار الثورة .. وهي وجود انتخابات حرة .. وقلنا الحمد لله فيبدو أن السلفيين قد اقتنعوا أخيرا بأن الحاكم ليس إلها لا يجوز الخروج عليه .. وأنه يجوز الخروج عليه إذا لم يراع شرع الله .. وأنه يجوز الاستفادة من ثمرات هذا الخروج. كان هذا ما تمنيناه .. أن يكف السلفيون عن الانغلاق عن المجتمع .. وأن ينطلقوا مع كل طوائف المجتمع المصري لتشكيل مصر جديدة. لكن للأسف .. فوجئنا بموقف معتاد ومتكرر للسلفيين . كن نظن أنهم قد أقلعوا عنه. حيث قاموا بتحويل الاستفتاء إلى معركة دينية .. وها هو ذا أحد أكابر السلفيين يصف هذه المعركة بالغزوة.. وكلمة غزوة في القاموس الإسلامي إذا أطلقت فإنما تطلق على معارك المجاهدين في سبيل الله. ونظرا لأن السلفيين يحبون دائما الأدلة والبراهين فتعالوا نرى معنى الغزو في الموسوعة الفقهية الكويتية [ الغزو : الغزو معناه الطلب ، يقال : ما مغزاك من هذا الأمر أي ما مطلبك ، وسمي الغازي ، غازيا لطلبه الغزو. ويعرف كتاب الجهاد في غير كتب الفقه بكتاب المغازي ، وهو أيضا أعم ؛ لأنه جمع مغزاة مصدر لغزا ، إنزالا على الوحدة ، والقياس غزو ، وغزوة للوحدة ، كضربة وضرب ، وهم قصد العدو للقتال ، خص في عرف الشارع بقتال الكفار.] هذا هو معنى الغزو .. وما دام أنه يصدر من شيخ داعية فهو لابد أنه يقصد هذا المعنى. أن هذه الغزوة كانت قتالا من المؤمنين للكفار. ( الحمد لله أني كنت من طائفة المؤمنين وكنت مع الناس اللذين قالوا نعم ). المهم .. ما هي علاقة هذا الاستفتاء بالدين أصلا .. حتى نجد الدعاة يخصصون له الخطب والمحاضرات ؟ استفتاء على عدة تعديلات دستورية ؟ تشمل مدة الرئيس .. وآليات انتخابه .. وآلية الطعن في عضوية مجلس الشعب .. تعديلات دستورية صاغتها لجنة محترمة برئاسة رجل محترم يشهد له الجميع هو المستشار طارق البشري.. فنعود ونسأل .. ما الذي أدخل الدين والحلال والحرام والشريعة الإسلامية في هذا الأمر ؟ هل الشريعة الإسلامية تحدد أن يكون مدة أولي الأمر أربع سنوات فقط .. ولا يمكن تخميسها مثلا ؟ إذا كان هذا هو الأمر حقا .. فلماذا سكت السلفيون على ثلاثينية المخلوع .. وبل وربما كان لا مانع عندهم إذا استمر ثلاثينية أخرى.؟ السلفيون كانوا هم الصورة المعاكسة للكنيسة ... حيث قامت الكنيسة بحشد أتباعها للتصويت بلا .. وقام السلفيون في موقف مضاد بحشد أتباعهم للتصويت بنعم. والكل فعل هذا من أجل التصارع على مادة لم تكن أصلا محلا للنقاش في التعديلات الدستورية . فما الذي أدخل المادة الثانية من الدستور في هذا الاستفتاء ؟ قام الفريقان ( السلفيون والكنيسة ). بنقل الصراع إلى خارج الملعب.. حيث أن الملعب به ثمان مواد فقط يتم التصويت عليها .. وهل أنت موافق عليها أم لا .. فجعل الطرفان التصويت على مادة أخرى ليست لها علاقة بالملعب .. ولم نسمع أحد منهم يتكلم عن المواد داخل الملعب . وزاد الأمر بأن تم تقسيم الناس إلى فسطاطين .. فسطاط الحق وفسطاط الباطل .. أصبح الحق مع ( نعم ) .. والباطل مع ( لا ). وأغلبية من قال ( نعم ) للعلم لم يقل هذا اقتناعا برأي السلفيين .. بل قالها لأنه يرى فيها الاستقرار الذي أوهم أنه سيحرم منه في حال إذا ما ظل زخم الثورة قائما بنتيجة ( لا ). فعلي السلفيين ألا يتصوروا أن الاستفتاء جاء انتصارا لهم .. أو أن الناس اقتنعت بكلامهم . نأتي الآن للمادة محل الخناقة.. المادة الثانية من الدستور .. فلنسل أنفسنا سؤالا .. دعونا نسبح في بحر الخيال ونتوهم حدوث احتلال أمريكي لمصر .. وقيام أمريكا بإلغاء الدستور كله .. بل وأكثر من هذا جعل الديانة المسيحية هي المصدر الرئيسي للتشريع .. فما الذي سيحدث ؟ هل سيؤثر هذا على نسبة المسلمين في مصر ؟ هل سيؤثر هذا على وضع مصر كقلب العالم الإسلامي ... لا لن تتغير مصر وستبقى مصر دولة مسلمة .. تقطنها أغلبية مسلمة تراعي شرائع الإسلام في تعاملاتها. يا إخواني الفضلاء .. الدستور ما هو إلا قانون مكتوب .. ولا قيمة له إذا لم تكن هناك قدرة على تفعيله. وهذه القدرة على تفعيل مواد الدستور .. تبقى في قدرة الشعب على إجبار من يتولون أموره على احترام الدستور. كنت أتحدث مع إحدى الأخوات المناصرات للمادة الثانية من الدستور .. وقلت لها .. لو أن المادة الثانية رفعت من الدستور ... فما الذي سيحدث في مصر ... هل أغلبية ال 94% من المسلمين الذين يسكنون مصر ويدينون بشريعة الإسلام سينقلبون فجأة إلى ديانة أخرى فور رفع هذه المادة من الدستور .. هل سيتحول المسلمون في مصر إلى أقلية .؟ هل سيختفي الإسلام من مصر فور اختفاء المادة الثانية من الدستور ؟ قلت لي .. لا .. لن يحدث هذا طبعا .. ثم أردفت قائلة .. لكن المادة الثانية هذه هي التي أوقفت كثيرا من العلمانيين عن تمرير قوانين مضادة لشريعة الإسلام ... قلتُ لها.. حسنا .. نحن نتحدث عن المجتمع الديمقراطي الذي ننشده .. أليس كذلك ؟ لنفترض أننا نعيش في في هذا المجتمع الديمقراطي الذي تسكنه أغلبية مسلمة .. لابد أن الغالبية الساحقة من أعضاء البرلمان في هذا المجتمع الديمقراطي سيكونون من المسلمين أيضا.. وحيث أن هؤلاء الأعضاء منتخبون بطريقة نزيهة عن طريق صناديق الاقتراع وأصوات الناخبين .. فإنهم سوف يحسبون آلاف الحسابات لهؤلاء الناخبين .. وسيعلم كل أعضاء البرلمان أن الحديث عن أي أمر يغضب هؤلاء الناخبين يعني بالضرورة النهاية السياسية لهذا البرلماني. وعليه فلن يجرؤ أي عضو في البرلمان على طرح أي مشروع قانون يصادم هوية المجتمع الإسلامية التي هي هوية أغلبية سكانه ( وليست لأنها هوية منصوص عليها في الدستور ) .. وذلك لسبيين ... 1- أن هذا يعني بالضرورة نهايته السياسية كما أسلفنا. 2- أن مشروع القانون هذا لن يقابل بأي ترحاب من بقية أعضاء البرلمان .. لأن البقية سيعملون جاهدين على عدم إغضاب الأصوات التي جاءت بهم إلى البرلمان. وعليه فسوف نجد أن الضمانة الحقيقية لبقاء الهوية الإسلامية لمصر بيضة الدين مزدهرة .. هي أن تكون هناك انتخابات نزيهة. أي تكون هناك ديمقراطية. وليست الضمانة هي وجود المادة الثانية من الدستور. وعليه فالمسألة أبسط مما يتخيل الفريقان. ففي المجتمع الديمقراطي. لا بقاء المادة الثانية من الدستور هو الذي سيحمي هوية مصر الإسلامية. ولا حذف هذه المادة هو الذي سيكون نقطة الانطلاقة للمسيحيين واللادينيين لطمس هوية مصر. وحمى الله مصر بيضة الدين.

http://www.youtube.com/watch?v=0J4lGiXXd1I مش لاقية تعليق غير الله يحميكم و يبارك لمصر فيكم

هو لو ممكن يعمل ثورة مضادة و حركات من دي ويرجع تاني يبقي هقولله : وحشتنا أوي يا ريس..من ساعة ما مشيت و الحياة ما بقاش ليها طعم ولا لون ولا ريييييحة و من ساعة ما مشيت و أنا ماليش نفس حتي أخلص طبق الكبسة بحاله لكن لو كان مشي تمامن..و مافيش أمل يرجع تاني..يبقي هقولله : يووووووه...أنا مش عارف كنا ازاي عايشين قبل كده معاك يا أخي..ده انت كنت قالب الحياة غم و أخيرا...أحب أقول لكل شاب و كل فتاة..لازم يكون ليك موقف..و كلمة واحدة زيي كده بالظبط

السلام عليكم و رحمة الله و بركاته عارف يا ساري لما كنا بنتكلم في توبيك بتاع مين عليه الدور في البلدان العربية....و تقريبا انا الوحيدة اللي قعدت اقول السعودية...(اوعي تخبطني بحاجة...هعيط و الم عليك الناس) اللي كان قصدي....ان انت كمان من حقك تكون.....ملك علي البلد اللي بتحبه.....ليه لا انت مينفعشي تكون في مصر...بس ليه مينفعشي تكون في السعودية و هو ده اللي افهمه عن الثورة....لا هي نشيل ده و نحط دكهوت.... الثورة.... انك تحس ان قادر تحلم... و الاهم مصدق حلمك.... و الاهم منهم ان محدش يحرمك منه عشان يقولك....لا اصل انت متنفعشي مين قال طالما بحب البلد....و عندي خطة ليها....ايه يمنع....؟؟؟ مهياش حكر علي قالب واحد....و لا حلم واحد انا شخصيا بنتمي لفئة الحالمون....و لما الناس بتسأل...ليه....انا بسأل...ليه لا...و بجرب و محدش يعرف...يمكن في وم من ذوات الاربع...قصدي..من ذوات الايام....المستقبل ممكن يشيل لحلم كل واحد يفنا ايه صباحك...ساري....حلم....كل واحد يعمله بنكهته هو مش هاخبطك بحاجة يا لموض .. ده رأيك .. ومن حقك تعبري عنه بموضوع التوبيك اياه .. كان السؤال واضح .. من تتوقع ؟ .. عن نفسي ما اتوقعتش ابدا تقوم ثورة بالسعودية .. بغض النظر اني مع الثورة او ضدها - ببلدي - ، بس حتى لو كنت معارض لسياسة الدولة كنت هاقول برضو .. ما توقعش .. ليه .. ؟ لاني توقعاتي مش حالمة ولا مبنية على عواطف .. لكن مبنية على قراءات .. وقراءة لردود الافعال للشعب بمختلف اطيافه .. ومنها يجي حكمي انا عن نفسي .. مقتنع بحكم المملكة واعتبر نفسي مدافعا عنه .. لكن لو كنت اشعر انه من الممكن ان تحصل ثورة بالبلد لقلت وقتها .. اتوقع السعودية للاسف ده من ناحية التوبيك موضوع الحلم حلو اوي ان الواحد يكون طموحه عالي ويتمنى اجمل المناصب انا عن نفسي طموحي اكبر من منصب الحكم طموحي انه يكون البلد بلد مستقر .. طموحي انه يكون بلد اقتصادي وصناعي و علمي من الدرجة الاولى وقبل ده وده .. محافظ على هويته الدينية دي امنية عندي اكبر من اني اشوف البلد تحت حكمي انا شخصيا .. ولما اشوف البلد بتكوينها المجتمعي القبلي - الصعب جدا - على السيطرة .. متوحدة واشوف حاكمها يسعى حثيثا في موضوع الاصلاح على كافة الاصعدة يبقى خلاص يبقى تحقق كتير من اللي انا عاوزه منه كحاكم .. ودوري الحقيقي اني ابدأ باصلاح نفسي .. وتغيير المجتمع من حولي ما استطعت للافضل واللي يعمل ده يحس انه ملك فعلا .. بدون منصب وعلى فكرة بما اننا جبنا سيرة اسماء محفوظ مش كل شخص حالم ينفع يكون رئيس جمهورية .. مع شديد الاحترام ليهم طبعا حتى حتة الكاريزما .. دي تبقى رومانسية بالافلام بتاعتنا .. بس بالواقع .. اللي يخدم اكتر .. اللي ينفع البلد اكتر .. اللي يطبق اللي يمليه عليه المنصب ويحس بامانته ويؤديه باقتدار مش مهم يكون جاله تسمم من كبدة عربية بالشارع .. بس المهم يعرف ازاي يقضي على هذا التسمم مش مهم يكون يعرف كام سعر الدقيقة بالموبايل بقدر ما يكون عارف يستشير مين بموضوع خفض تكلفة الاتصالات وازاي يطرح حلول او يسمع حلول مهو القذافي كان من الناس دي .. وجا ع الحكم و اتلحس عقله الرئيس عبد الناصر كانت له كاريزما ساحقة .. وفي عهده حصلت النكسة والرئيس السادات ما كنتش له الكاريزما دي .. بس انتصر في حرب اكتوبر الثورات وسائل لا غايات ... مش مهم اني اكون حالم واصدق حلمي .. وخلاص اعمل ثورة المهم اني اكون عارف ومتخذ كل خطوة بتدبيرها .. وابني على قواعد ونهج واسس السياسة وبناء الدول وتغيير الحكم مش موضوع حلم وانتهينا .. لا .. موضوع تخطيط وبناء .. وقبل كده بالشرع اللي هو اولى من السياسة فيه فقه ضرورات و قاعدة درء مفاسد وجلب مصالح وامور كتيرة لازم الواحد يحوطها من كل جوانبها قبل ما يولع ويقول خلاص .. ويتحمل وزر وذنب حاجات مش عارف عواقبها كويس وما اعطاش فرصة لدماغه بانه يدرسها ومشي ورا الصورة الجميلة و خلاص .. مهور اركتكت شاف بصورة اسماء محفوظ الصورة الجميلة للثورة في منظرها الحالم الرومانسي بس انتي بنفسك قلتي مش معنى كدا انك تحط صورة لاسماء في غير موضعها انا اشوف نفس اللي تشوفيه .. اشوف الثورة ما ينفعش تنحط بموضع غير موضعها ولا ماكنش لازم تكون فيه كلمة ( فتنة ) من اصلو .. ونمحيها من القواميس اوعي تعيطي وتلمي حد عليا .. :P

على هامش الاحتفائية ,, الرجاء عمل مقارنة بين رد اوزو الاخراني ورد اغابي ثم عمل مقارنة بين الصور التي ادرجها كل منهما ناس تستقبل بالزغاريط .. وناس تتكلم عن طرطشة دم ناس بتقول حنغطيك حتى تستغطى .. وناس بتخصم من معاش المرحوم يا اوزو حرام عليك .. شوية اتيكيت بأة راجل مبالغ فيه !!

إن طلع العيب من أهل العيب ما يبقاش عيب يحيى الجمل ده كنا واخذين فيه مقلب كبير أوي ... وطلع في الآخر انه ما يفرقش عن القط وكمال وسرايا وغيرهم من موالسين النظام مش ده كان واحد من أعضاء لجنة الحكماء اللي حاولت تجهض الثورة في عزّ عنفوانها وهرول للقاء عمر سليمان ومبارك اختاره في لجنة تعديل الدستور وراح عادي ولا كإن في ناس اتقتلت ونظام فقد شرعيته ولما شفيق استدعاه وقالوا هعينك نائب رئيس وزراء الراجل ما صدق وباع الثورة وقعد يدافع عن شفيق ضد من ينتقدونه ودلوقت عمال يتكلم على المادة الثانية ليشعل الفتنة الطائفية وتنجح الثورة المضادة الرجال مواقف وهذا الشخص سقط من عيني وأعين الشعب المصري.

لا أتوقع حدوث أي تغيير جوهري في المادة الثانية من الدستور إن آجلا أو عاجلا ... ببساطة لأنها بشكلها الحالي ترضي الأغلبية الساحقة من المصريين مع بقية مواد الدستور المتعلقة بهوية الدولة وانتماءها العربي والاسلامي وطبيعتها المدنية ... المادة بصورتها الحالية هي أفضل ما أنتجته القريحة القانونية المصرية في التوفيق بين مدنية الدولة وهوية أغلبية شعبها. ولا أعتقد أن من يريدون إحداث تغيير جوهري في المادة تزيد نستبهم عن 10% من الشعب من المتطرفين على كلا الجانين ... نصفهم يريد إلغاء المادة والنصف الآخر يريد إلغاء الدستور بأكمله ما عدا هذه المادة. ولكن لن يتحقق ما يسعون اليه بإذن الله وبوعي الشعب المصري.

كنت باحترم الدكتور يحي الجمل وكنت انظر له كقامة عالية ومحترمة لكن الظاهر إن السن له حكمه .. وإن تخطية لسن الثمانين أصابه بنوع من الزهايمر والهرتلة .. وأظن كثير مننا سمعه لما قال " إن ربنا نفسه لو دخل إستفتاء وحصل على 70 % يبقى يحمد ربنا " !!!!!!!!! أستغفر الله العظيم http://www.youtube.com/watch?v=lymIjA-UgHc&feature=related ولما يقول إنه راح للبابا شنودة يناقش معاه المادة الثانية .. يبقى ده أستفزاز لا داعي منه إطلاقاً في هذا الوقت لا يوجد مانع عند أي مخلوق إن يُشار في الدستور لحق الديانات السماوية الأخرى لتطبيق تشريعهم عليهم فيما يخص الأحوال الشخصية ... لكن أبوس إيديكم قبل راسكم ... دعونا نركز في البناء وبلاش أستفزاز وأستعداء الناس .. وإن ما كانش الدكتور الجمل بيعرف يتكلم على الهواء او بيتكلم بعفوية وتلقائية وبالتالي بيهرتل ... يبقى احسن له يخليه في شغله ويسكت ويسيب حد متحدث رسمي يتكلم بالنيابة عنه ... لإن ممكن كلمة واحده تُشعل حرباً في ثواني

عاوز أشيد بموقف الشعب اليمني المحترم المتدين المعتدل المثقف بامانة دي شهادة وإشادة بسلوكهم المحترم لإننا جميعاً نعلم إن كل الشعب مُسلح من أول الكلاشنكوف مروراً بمضادات الطائرات إلى مدافع الهاون ... وكل ده بيتباع هناك في الأسواق بجوار الخضار والفاكهة.... ومع ذلك لم نسمع إن في طلقة طلعت من سلاح احد ضد أي احد وحتى الفزاعات التي كان يستخدمها المجرم علي عبد الله صالح سواء الجنوبيين المطحونيين والمهضومة حقوقهم في البلد .. وكذلك الحوثيين الإنشقاقيين .. بالإضافة إلى جحافل تنظيم القاعدة اللي اليمن تعتبر أرض خصبة لها كل هؤلاء لم نجد لهم أثر في الأزمة الحالية مما يدل على إن معظم تلك المشاكل كانت من إختراع النظام الفاشل الفاشي وبالامس وفي محاولة يائسة منه سمعناه يهرتل ويهذي ويقول " إن هؤلاء الثوار هم شباب مُضلل يُنفذ أجندة خارجية " الله يخرب بيت الاجندات على اليوم اللي اخترعوه فيها طب دول الشباب شايلين أجندات مكتوب فيها تعليمات بلغات اجنبية وبينفذوها طب وقادة الجيش والدبلوماسيين حول العالم ومعظم اعضاء حزبك الظالم اللي انفضوا من حولك ؟ إيه ... معاهم أورجانيزور هما كمان وبينفذوها ؟؟؟؟؟

اعلن علي عبدالله صالح انه مستعد للتنحي بحلول نهاية العام في اطار نقل دستوري للسلطة نفس الخطوات ... خطوة خطوة صورة معبرة في احد المواقع اليمنية المتابعة للثورة

خالد سعيد بقى اسم شارع فى كليوباترا اسكندرية وهذه صورة الوحة

طبعا كل راجل ياجماعه له جوانب معينه بيركز عليها ف اعجابه بالمرأه بس يا جماعه اعتقد ان فيه شوية جوانب لااااااااااااازم تكون موجوده ف كل ست يعني مثلا تلاقيه يحبها ضعيفه معاه لكن قويه مع الاخرين bsh:) وطبعا هو لازم يساعدها عشان تحتفظ بضعفها ده(شايفين انا بلمح ل ايه يعني الراجل بردووا مسؤال عن انوثة الست) عارفين اززاي انه يديها القوه من عطفه وحنانه واحترامه ... وانه يحسسها ان ضعفها قصاده ده شيء جميل مش خوف ولا عدم ثقه بنفسهااذن يا جماعه الانوثه دي فن والراجل الذكي هو ال يقدر يتقن الفن ده ....لكن بقي لو ما قدرش بمعني انك تلاقيه استغل حبها وضعفها وابتدي بقي يتفرد ويكشم لها هاتلاقي الست لاحول بها ولاقوه اتقلبت للنقيض العمليه سهله هي بس محتاجه راجل يكون واثق من نفسه عشان يقود الست ويحولها الي كائن وديع بحاجه للمسة حنان منه نداء هام من اعماق اعماق قلبي لكل ست بتقرا كلامي اياكي حبيبتي والصوت العالي صوتك لو علي هايكون خشن وحزاري والتكشير وفرد البوز اياه بيخلي شكلنا وحش اوي :sad: صدقيني ابتسامتك هي السر بتخلي اليوم يحلو ربنا يحللي ايامك جميعا ومش عاوزه انسي اقول واعيد وازيد الانوثه مش ميكب وشعر وريجيم يهد الحيل الانوثه هو مش هايشوفها الا لما انتي تحسيها ونشكركم لحسن استماعكم

انا عضو في المنتدي من فتره ليست بالقصيره مبدئيا انا كنت مهتم جدا بباب كندا زيي زي اي واحد بيعمل سيرش علي الجوجل بيطلع المنتدي اول اختيار الصراحه الباب في الفتره الاخيره بقي صعب قوي و رغم محاوله بعض الاعضاء الابقاء عليه حيا الا ان معظم المشاركين بقوا بيكتبوا مواضيع عشان سؤال عادي او عشان يسآل يعمل ايه متناسيا ان ممكن يسآل السؤال ده في الموضوع المحدد و حاسس ان الناس بدآت تتوه و تفقد اهتمامها بالباب لو سمحت يا استاذ عادل حاول تشوف مشرف للباب زي اي حد من الشباب النشطه جنب الدكتور تهامي المشرف العام في المنتدي لاني بصراحه صعبان عليا حال الباب و هوا مليان حاجات مهمه و مفيده انا برشح الاستاذ اكرم جروب لانه متواجد و كمان عند علم بامور الهجره وممكن ينظم الحركه و عشان عنده شعبيه كويسه هيخلي الناس ترجع تهتم بباب كندا تاني و يرجعه لعهده القديم واتمني ان طلبي ينظر له بعين الاهتمام و شكرا

موضوع هام لكل من هاجم التيارات الاسلامية وتم خداعه بوسائل الاعلام وكلاب امن الدولة ده موضوع شامل ارجو قراءته مع العلم ان لا يوجد اى شىء يجبر هذه التيارات على الرد والتشكيك اللى كان فى البلد هذه الايام [ ]http://www.elsonna.com/play.php?catsmktba=13147 بيان الدعوة السلفية بالأسكندرية[ ]http://www.salafvoice.com/article.php?a=5199&backبيان الهيئة الشرعية للحقوق و الاصلاح[ http://www.islamway.com/?iw_s=Article&iw_a=view&article_id=7223[ ]بيان جماعة الإخوان المسلمون ]http://www.ikhwanonline.com/new/Article.aspx?ArtID=80460&SecID=211 بيان حزب الوسط[ http://www.alwasatparty.com/article-13343.html ]الجماعة الاسلامية http://www.onislam.net/arabic/newsanalysis/special-folders-pages/new-egypt/egypt-after-the-january-25/129580-2011-03-14-12-52-47.html ]الشيخ محمد عبدالمقصود http://www.forsanelhaq.com /showthread.php?t=217044[ كلام الشيخ أحمد السيسى . حفظه الله بسم الله والحمد لله والصلاة والسلام على رسول الله وبعد ففيما يتعلق بالتعديلات الدستورية المقترحة كالسواد الأعظم من الدعاة أتحفظ على بعض الأمور التى تحتاج إلى تعديل لكننى أرى كما يرون ضرورة التصويت بنعم حتى تفوت الفرصة على العالمانيين الذين يريدون الاصطياد فى الماء العكر كما أدعو إخوانى من جميع الفئات والتيارات لتدشين حملة توعية للشعب فى كل وسائل لإعلام المتاحة بغية تفويت الفرصة على من يحاولون غسيل الأمخاخ لتحقيق بعض الأغراض الخبيثة وفقكم الله لما يحب ويرضى الدكتور محمد سليم العوا http://tv.im2all.com/newsdetails.aspx?id=165277 لأستاذ جمال سلطان http://www.almesryoon.com/news.aspx?id=51408 تفصيل التعديلات الدستورية و الموافقين عليها http://www.masress.com/alshaab/27249 مع العلم ان الكنيسة قالت الي قال نعم عمل معصية ولازم يروح يعترف للكاهن ومع العلم ان راكبي الامواج قالوا احنا الثورة وائتلاف شباب الثورة و لا للتعديلات ومع العلم ان التلفزيون والجرايد الي صرفوا مئات الملاين علي اعلانات سخيفة زي بتاع خد خمسة معاك والرسالة الي بتوضح ان قول لا عشان التيار الاسلامي ميكنش اغلبية في البرلمان علي موبينيل و و فإن الهيئة الشرعية للحقوق والإصلاح بمصر بعد تأكيدها على حماية مكتسبات الثورة المباركة، وحثها للأمة على المضي قدمًا في بلوغ الغاية المنشودة من تحقيق الحريات والحقوق المشروعة، والإصلاح الشامل للمجتمع المصري –ترى أنه من غير المستغرب– وقد بدأت معركة التطهير من الفساد ومحاكمة المفسدين – أن تسعى قلة مأجورة لضرب استقرار البلاد عبر مخططات تعرف الأمة مقاصدها المغرضة، ومراميها المفسدة، وانطلاقًا من هذه الحقيقة ومما يجري اليوم على أرض مصر الطيبة الآمنة تتوجه الهيئة إلى الأمة بالبيان التالي: أولًا: استنادًا إلى قول الحق تبارك وتعالى {وَالْفِتْنَةُ أَشَدُّ مِنَ الْقَتْلِ} [البقرة:191] تحذر الهيئة من مثيري الفتن بين مواطني مصر: المسلمين والنصارى، وتؤكد على حقائق الشريعة والتاريخ من احترام حقوق الإنسان المشروعة. ثانيًا: تنادي الهيئةُ القائمين على أمن البلاد بالضرب بيد من حديد على من يتولى كبر إثارة الفتن، وتحريك المحن، سواء أكانوا من فلول النظام السابق وجلاوزته، أم كانوا ممن يغرِّرون بالأقلية النصرانية. ثالثًا: تذكِّر الهيئةُ نصارى مصر بعمق العلاقات والروابط الإنسانية والاجتماعية وقيم العدل والبر وحسن الجوار، ووشائج القربى والمصاهرة مع المسلمين على مر العصور، بما يمتنع أن تؤثر فيه الحوادث الفردية أو القضايا الجزئية الطارئة. رابعًا: بخصوص الأحداث الجارية فإن الهيئة الشرعية تناشد المسلمين أن يكفوا أيديهم وتدعوهم إلى الصبر على استفزازات قلة مأجورة؛ سواء أكانت من المسلمين أم النصارى؛ حتى تفوت الفرصة على من يريدون جر بلادنا إلى مستنقع الفوضى والحرب الطائفية. خامسًا: تطمئن الهيئة إلى قضاء مصر النزيه وتنتظر حكمه في قضية المسلمة: «كاميليا شحاتة» وأخواتها، وتناشد جموع المسلمين بضبط النفس إلى أن يرفع الظلم ويتحقق العدل. سادسًا: تنبِّه الهيئة طوائف الدعاة إلى أهمية الوحدة والاعتصام بحبل الله وهداه، والارتفاع على الحظوظ الشخصية والخلافات الحزبية، وعلى الجميع رعاية مصالح الأمة الكلية وتقديمها على المصالح الفئوية. سابعًا: على مختلف الدعاة التنبه إلى خطورة الكلمة وأهمية ضبطها، والحذر من الانزلاق في تصريحات إعلامية يستغلُّها مروِّجو الفتن، وعملاء الفساد ضد مصلحة الأمة. ثامنًا: ترى الهيئة أن التعديلات الدستورية الجديدة مقبولة في الجملة، والتصويت عليها بالموافقة يمهد لقيام مناخ سياسي أفضل وحريات وحقوق أكمل. تاسعًا: مع التأكيد على الحق في المطالبات المشروعة إلا أن الاعتصامات والإضرابات الفئوية التي تعيق الحياة, وتعطل مصالح المواطنين, وتكبد الدولة خسائر فادحة، وتجهض مكاسب الثورة - هي محرمة, ولا تجوز على هذا النحو بحال. وفَّق الله مساعي المخلصين, وحفظ ثورة المصريين, ووقى البلاد الفتن ما ظهر منها وما بطن. والحمد لله رب العالمين. رئيس الهيئة الشرعية أ.د. نصر فريد واصل نائب رئيس الهيئة أ.د. علي أحمد السالوس أمين عام الهيئة د. محمد يسري إبراهيم حتي الجماعة الاسلامية الي كانت تنتهج العنف زمان وبعدت عنة من التسعينات وبيعملوا عمل عام دلوقتي . . بيانهم لا فية اجبار ولا شرعي ومش شرعي ويذكر ان الشيخ الحويني ( من اكبر واشهر علماء الحديث علي مستوي العالم - واكبر من يبغضة العالمنين في مصر قال لا انصح احد بقول لا او نعم وقال بسبب انة لم يكون رؤية كاملة حول الوضع العام ) فيديو الشيخ النقيب يقول ان نعم او لا لكل منهم رأي وجيهه ويحترم . . وان الجميع من يرجوا مصلحة مصر له اجر ويضحك من يقول انة عاصي ويسخر ممن يقول قول لا معصية http://www.youtube.com/watch?v=alUXt61CYmc&feature=player_embedded الموضوع منقول ببعض التعديل من طرفى

http://www.youtube.com/watch?v=zpt5PYZgnEg كلام زي الفل اهو ما ينفعش نعمم على كل الناس يا جماعة طبعا الكل مسك في الفيديو بتاع الشيخ يعقوب فا اهو تعليق الشيخ محمد حسان و الشيخ حازم شومان نقلته هنا عشان الكل يعرف ان التعميم على كل الناس ممكن يعمل مصايب بجد

هي فعلاً (نعم) مقاربة جداً لخيار (لا) لكن نعم افضل بكثير رئيس بدون برلمان ودستور = فرعون جديد وهذا ماكان يريدة قادة تيار (لا) من مثقفين عاشوا وتعايشوا علي مص دماء الشعب بحجة انهم يفهمون ويفكرون بالنيابة عن الشعب اما (نعم) = برلمان منتخب من الشعب يختار لجنة منتخبة لوضع دستور ثم يأتي رئيس فتكون السلطات متوازنة بين البرلمان والرئيس ويحكمهم دستور وضعتة لجنة منتخبة في النور وامام الجميع نعم = اجراءات ديمقراطية لا = ديكتاتورية وطبخ دستور في غرف مظلمة لايعلم الشعب عنها شئ

طزززززززز في كل الأشياء الغير مهمة طزززززززز في كل من يشدنا إلى الأرض و نحن نسعى للتحليق عاليا فحياتي أثمن بكثير من تضييع لحظة منها على كل من يستحقون تلك الكلمة " طزززززززززز" = " لا شيء يهم " الوصفة السحرية للاستمرار و البقاء في حياة تعج بالتحديات و طززززززززززز فيمن يصر على الغباء أو التغابي

عجبني قوي مقال عمر طاهر في المصري اليوم النهاردة

شوية انصاف يابشمهندس الراجل مدعوا لمؤتمر لمناقشة التعديلات عشان اللي موافق يعرض رأية واللي معارض يعرض رأية فجأه وجد انهم لايريدون سماع الرأي الاخر بل يريدون نصب الفخ لمصر لأاكثر ولا اقل ومن يعارضهم يردون عليه بالطريقة العلمانية المعروفة الشتائم والسباب! تعبير نصب الفخ لمصر ,, ومن قبله تعبير المنافقين ,, يا سوون الكلام يكون باختيار وتروي تعيب على الناس السباب وانت تسبهم !! امال لو رحت امبابة عرضت راي امام مجاهدي الصناديق ! كانوا عملوا فيا ايه ! ردود الافعال هيا هيا في المعسكرين ,, والجيش فرحان بكده و سايب باقي مطالبنا وبيستغل الفرقة دي والله افضل استغلال عاوزين نبطل بقى فلان فضح المعسكر الفلاني ولو تاخد بالك انا ملف الصناديق مافتحتوش من ساعة ما اتفك الحظر وكان لي دعوة احب اننا نبداها سويا وهي ,, التلاقي عند نقاط اتفاق مشتركة ,, واعلان مباديئ يوقع عليه هنا في المحاورات جميع الاطياف السياسية المختلفة نرسي من خلاله اسس تناول الامور في المرحلة الحساسةا لقادمة ان شاء الله ناجل شوية خلافاتنا ونقننها ونلتزم بميثاق شرف في الخصومه ,, وفي نفس الوقت نلتفت للجيش ونشوف ايه اللي بيدور من وراء الكواليس ,, ايه رايك ؟

بالنسبةِ لي لـــيستْ مجردْ حقيقة قادِمة فقطْ ♥ ♥ إنهّا المواعيدْ التي تمْ تأجِيلها رغماً عنّي والأمَاكِن التي لا تَستطِيعُ الأرضْ منحِي إياها إنهّا الحُبْ الذِي بخِلتْ بهِ الدُّنيا والفَرحْ الذي لا تَتسِع لهُ الأرضْ إنّها الوجُوه التي أشتاقَها والوجُوه التي حُرمتُ مِنها♥ ♥ الجنة موتُ المحُرماتْ وموتُ الممنوعاتْ الجنّة موتُ السُلطاتْ الجنّة موتُ الملَلْ موتُ التعبْ موتُ اليأسْ الجنّة موتُ الموتْ .!!.. - محمد الصوياني....الجنة حين أتمني-

السلام عليكم منذ حوالى 15 عاما رسب شيمون بيريز فى إنتخابات الحكومة الاسرائيلية مش مشكلة ، بتحصل كثير فى اسرائيل ، رئيس وزارة يأتى ورئيس وزارة يروح ولا عزاء لحكام العرب المتمسمرين فى الكراسى. طيب ايه المشكلة؟ برضه مفيش مشكلة ، اللى حصل أن العلامة الدكتور يوسف القرضاوى فى إحدى خطبه كاشفا خيبة الحكام العرب قال ان الحكام العرب كانوا معلقين آمال كبيرة على فوز بيريز وخاب ظنهم وقد سقط بيريز وهذا مانحمده فى اسرائيل ونتمنى ان تكون للادنا مثل هذه البلاد ، الشعب هو الذى يحكم ، ليس هناك التسعات الأربع أو التسعات الخمس التى نعرفها فى بلادنا ، تسعو وتسعين وتسعة وتسعين من ميه، ماهذا؟ ، لو أن الله عرض نفسه على الناس ما أخذ هذه النسبة ، ولكنه الكذب والغش والخداع ، نحيى اسرائيل على مافعلت. وهنا قامت الدنيا ولم تقعد ، وخرجت الاتهامات تصفه بانه عاصى و ...... مالى آخر اليستة من نعوت وصفات ، بل طالب احدهم باستتابته وان لم يتوب ويتراجع عما قاله وجب على الحاكم قطع رقبته. وهانحن نفعل نفس الشيئ مع الدكتور يحيى الجمل ، لم نشغل بالنا بالمعنى وراء ماقاله ، بل انشغلنا بالألفاظ

و الله اللي فهمته ان دستور 71 كده كده ميت سواء كانت النتيجة نعم او لأ و الاستفتاء على التعديلات عشان هاتكون هي اساس المرحلة الانتقالية اللي تساعد على الانتخابات البرلمانية و الرئاسية بالاضافة لمواد تانية هاتضاف اليها و بعض القوانين لتسيير العمل في الفترة الانتقالية دي و بعد كده يجي البرلمان و الرئيس و يشكلوا لجنة لتأسيس دستور جديد يتم العمل بيه على طول دا اللي انا فهمته

أرجوك إستمع وشاهد هذا الفيديو وانت تعرف الاجابة على سؤالك http://www.youtube.com/watch?v=qz7OH_dEzXg قام العديد من الاخوة بالتعليق على كلام الشيخ الفاضل .. سواء من هم مريديه او منتقديه .. و((كفونى الكلام)) عن نفسى أحترم جدا.. وأُجِل علماء الدين ((ولكنى لا أقدسهم ..ولا أقدس أى نوع من انواع البشر مهما كانت مكانتهم الدنيويه او العلميه)) .. وحديث الشيخ الجليل به تحفظات كثيره (يقرها قليل من مريديه قبل كل منتقديه)) .. وأظنه قد يراجع نفسه ويراجع ما قاله.. بعد أن تذهب عنه تلك النشوة بفعل إنتصار نعـــــــــم على لا عن نفسى لم أنظر الى حديث الشيخ بعين المريد او بعين المنتقد .. بل بعين العقل المحايد .. وبعين الواقع ..وبعين المحب لوطنه .. الذى يفرض علينا ان نقدر جيدا حجم تأثير هذا الداعية الفاضل فى البشر .. ويحزننى حقيقة ان يتحول داعية دينى عن مساره الاصلى .. ويصبح سياسى بدون ان يكون ذو حنكه او خبره سياسيه ((وذلك خطير خطير خطير .. بنفس خطورة الثورة المضاده)) ..هو قد نفى ذلك فى سياق حديثه .. وأكده بشده فى سياق اخر وبتلخيص وايجاز انا مع ان يصل الدين ((كخطوط عريضه)) الى الحكم .. وضد استغلال الدين فى الوصول الى الحكم

الصفحة الرسمية لرئاسة مجلس الوزراء المصرى سري الدين: جهات حكومية ستدخل للشراء في البورصة _____________ قال د. هاني سري الدين، عضو اللجنة الاستشارية للفتح الآمن للبورصة إن هناك جهات حكومية سوف تقوم بالدخول كمشترى في البورصة، مع بدء التداول بها اليوم تمتلك تلك الجهات فائضًا من الأموال سيتم تخصيصه لدعم مشتريات البورصة. شيكوووو :give_rose:

جامد الموضوع ده يا شيكو شيكو أومال بيقولوا البنات ما بتكرهش في حياتهم إلا حاجتين : 1- الكورة 2- البورصة والارقام

جزاكم الله خيرا يا شيكو كنت عايزة اعمل موضوع يتابع البورصة بس مبفهمش فيها :closedeyes:

باذن اللة يا اخ نادر يجيلك الفايل نمبر عن قريب

السلام عليكم و رحمة الله و بركاته عارف يا ساري لما كنا بنتكلم في توبيك بتاع مين عليه الدور في البلدان العربية....و تقريبا انا الوحيدة اللي قعدت اقول السعودية...(اوعي تخبطني بحاجة...هعيط و الم عليك الناس) اللي كان قصدي....ان انت كمان من حقك تكون.....ملك علي البلد اللي بتحبه.....ليه لا انت مينفعشي تكون في مصر...بس ليه مينفعشي تكون في السعودية و هو ده اللي افهمه عن الثورة....لا هي نشيل ده و نحط دكهوت.... الثورة.... انك تحس ان قادر تحلم... و الاهم مصدق حلمك.... و الاهم منهم ان محدش يحرمك منه عشان يقولك....لا اصل انت متنفعشي مين قال طالما بحب البلد....و عندي خطة ليها....ايه يمنع....؟؟؟ مهياش حكر علي قالب واحد....و لا حلم واحد انا شخصيا بنتمي لفئة الحالمون....و لما الناس بتسأل...ليه....انا بسأل...ليه لا...و بجرب و محدش يعرف...يمكن في وم من ذوات الاربع...قصدي..من ذوات الايام....المستقبل ممكن يشيل لحلم كل واحد يفنا ايه صباحك...ساري....حلم....كل واحد يعمله بنكهته هو

السلام عليكم و رحمة الله و بركاته ممكن اقترح اقتراح...ممكن نخصص باب لموضوع مرشحي الرئاسة...نستعرض فيه كل مرشح و برنامجه الانتخابي عشان يكون سهل بالنسة لينا نتحاور و نقارن فيه كل ما اخش المنتدي احس اني تايهه اسفة علي الخروج عن التوبيك....بس كان فيه برضه توبيك عن البرادعي و عمرو موسي...و عايزة احطهم كده جنب بعضيهم و نشوف ايه الموضوع بالظبط شكرا

يا عم أحمد ده كلنا عارفينه وعارفين إن مافيش مسيحي معتدل بيحاول ينكش في الموضوع ده وجرح البلد لسه ملتهب .. وما فيش مصري معتدل يُنكر مثلاً حق المسيحيين في تعديل قانون بناء دور العبادة الخاصة بهم طب ليه ده كله وليه الكلام المؤذي والمؤجج لمشاعر الغضب والفتنة ده ؟ مش وقته خالص ومش وقت تعبير عن إيدلوجيات .... وخلي بالك إن في ناس كلامها بل الحرف بيبقى محسوب عليها وده راجل سياسي ونائب رئيس وزراء .. يعني عندما يتكلم فإنه لا يعبر عن رأي شخصي .. ولكنه يُعبر عن توجهات وفكر دولة باكملها ... أقصد الحكومة يعني وأقسم بالله أتوقع إن لو اللجنة التأسيسيية عملت دستور ما يخرش الميه وبقى ولا دستور فرنسا في عز مجدها ... بس إتشال حرفي الألف واللام او الخيابة اللي عاوزين يعملوها دي .. فنتوقع تحصل نفس الغزوات اللي حصلت في الأستفتاء على 9 مواد فقط .. بل واعنف كمان ... والأغلبية هاتسيب سلطات الرئيس وقواعد ممارسات الحياة الحزبية والسياسية و و و و و و و .... ويرفضوا الدستور عشان الألف واللام .. ويالا إن شالله تولع وخلينا نركز على اشياء بسيطة لا تضرنا لو سيبناها .... لكن لو ركزنا عليها ولعبنا فيها فستكون كالديناميت وتنفرج فينا جميعاً عيب يا دكتور يحي .. عيب الكلام ده وما يصحش .. زي إحنا ما بنقبلش في أي وقت إساءة للدين المسيحي أو المساس بحقوقه ومواطنته وأعتباره جزء من نسيج الوطن برضوا لا نقبل المساس بجزء لا يتجزا مننا وهو الدين الإسلامي .. حتى لو كان الموضوع متعلق بحرفين رجاء اخر وأخير ... من فضلك ركز في علاج مشاكل البلد يا راجل ركز في الصحف القومية الخرابة اللي خاربه البلد وكل شوية سيادتك تخرج يمكن من أكتر من شهر وتقول خلاص خلاص التعيينات الجديدة وتطهير الصحف القومية خلال ساعات مش عارف الساعات ليه عندك بقت شهور ومش عارف إنت مش واخد بالك من الاشكال الزبالة زي ممتاز القط وسرايا وعبد الله كمال و و و و .. ولا هما على هواك يا أفندم ؟

خلي بالك ملفك لسه مفتوح ... وهانلففك على المنتديات التانية كعب داير عشان نشوف لك سوابق ولا لأ

من غير لف او دوران ان قلت وكان نفسى فى لا ايوة لا بس مش لا العلمانيه او الاسلامية او حتى الملخيه كان نفسى فى لا لسبب بسيط جدا هو البرلمان (لا يهمنى من هو رئيس الجمهوريه او رئيس الوزراء) على الاقل الان والله الاهم من هولاء هو عضو مجلس الشعب الشعب لغايه هذة الحظه مش عرف يفرق بينه وبين عضو المجلس المحلى هل بكلمة نعم يمكن ان ناتى باشخاص على هذة الشروط فاقد الشى لا يعطيه اذا كيف لهما ان يعدلوا التعديل الشامل يعنى بمثال بسيط لو فى عضو مجلس الشعب معاة شهادة محو امية والدستور الجديد بيقول شرط العضو ان يكون معاة شهادة جامعية هل هذا العضو هيوافق على هذا التعديل

مش عارفة ليه تحضرنى مقولة الراجل ده بيقول كلام ذى الفُل لكل من قال نعم أو لا.....إسمعوا http://www.youtube.com/watch?v=0bQu2ZrYILc

يا نهار مش فايت !!!!!! يعني في كمان ناس متعلمة ومثقفة متفقة مع إن اللي حصل ده يُعتبر غزوة ؟ غزوة يا أبو ريم ؟؟؟؟ وبعدين أتحدى اللي قال لأ أو قال نعم يشاور ويأكد إن لو التعديل كان إترفض كانت المادة الثانية إتشالت أكررها تاني ما هو ده الإجرام ... الإجرام إنك تكون فاهم إن التعديل لو إترفض فسيمس المادة الثانية .... فيبقى اللي أوحى للناس إنهم لازم يقولوا نعم عشان الإسلام هو دين الدولة والمادة الثانية و و و يبقى كده ضللهم وإجرام أيضاً إنه ما يكونش الواحد فاهم ويسخن الناس ويضللهم بالطريقة دي برضوا وعلى فكرة .. باحترم رأي الأخوان جداً ومنهم الدكتور عصام العريان والدكتور محمد أبو الفتوح ... ناس مثقفة ومش بتهرتل .. وبالمناسبة دارسين قانون مع كونهم أطباء .... لكن ماحدش فيهم قال إن المادة الثانية حد هايمسها أو أو أو .. لكن كل اللي سمعتوا منهم كان يتعلق بإن نعم هي مع الإستقرار ومع التعجيل بالسلطة المدنية وهذا حقهم إنهم يفهموها كده ... لكن عيب لما أدخل من مدخل الدين والتسخين بالمنظر ده أيها السادة الأفاضل ... التعديل كان على مواد محددة ستكون هي قوام الدستور الجديد ... وبالتالي المادة الثانية دي خط أحمر ودي صُلب الدستور ولن تُمس بإذن الله ... وإن كل ما يُقال كان عباره عن عدم وعي وعدم معرفة وبعض الأصوات المسيحية أو من يُسمون أنفسهم بالليبرالين طالبوا بضرورة إلغاءها ... والجميع يعلم ليبرالي ولا مسيحي ولا مجلس عسكري أو أو أو .. إن اي مساس بتلك المادة كفيل بأن يُدخل مصر في مشاكل وأضطرابات لا حصر لها ولا تظنوا إني مع الفيديوهات اللي سمعتها لقساوسة يحضون الناس على الرفض عشان يعملوا دستور على مزاجهم بدون ذكر كلمة إسلام ... أو مع أمثال رفعت السعيد اللي قال بالنص إن الشجعان واصحاب الرأي هم فقط من قالوا لا لأ أيها السادة . أسف .. مش دي الحرية ولا الديمقراطية اللي إتفقنا عليها واللي عشانها سالت دم الشهداء ..

أرجوك إستمع وشاهد هذا الفيديو وانت تعرف الاجابة على سؤالك http://www.youtube.com/watch?v=qz7OH_dEzXg

الفيديو دا شوفته و حطيته هنا في توبيك تاني و قولت لو الكلام اللي فيه دا صحيح لازم يتقدم بيه بلاغ للنائب العام بس برضو مش معنى ان حاجه زي دي حصلت انها ممكن تكون هاتقلب النتيجة نااااااااااااااس كتيررررررررررررررر جدا فعلا صوتت بنعم للتعديلات فا لو حصل تزوير او اهمال فا انا متأكدة ان النسبة بسيطة جدا ما تؤديش لقلب النتائج و رأيي اننا دلوقتي ننسى الاستفتاء لانه خلاص واقع بالفعل و الشعب قال نعم يبقى دلوقتي بقى احنا نبص لقدام مش هانفضل طول عمرنا نبص لورا اذا كان اصلا شباب الثورة نفسهم قالوا كده الناس اللي كانت في التحرير و باقي المحافظات بين الحيا و الموت قالوا متقبلين النتيجة و هانغير مسار تفكيرنا و هانرتب على الواقع على الارض و هو دا الصح من وجهة نظري خلاص احنا بدأنا اولى خطوات الديموقراطية و لازم نلتزم بيها كلنا دلوقتي نعم (سواء اللي قال نعم او لأ) كلنا نعم عشان مصر

الناس الفاهمة لازم تطرح اسئلة مش تصدق اي فديو لانعرف صاحبة ولانعرف دوافعة 1- الفديو لاعلاقة له بالتزوير اصلاً بل لو ثبت مافية فهو اهمال 2- لماذا لايذهب صاحب الفديو للنائب العام ان كان متأكد من الدليل 3- الفديو وضع علي النت بتاريخ 21/3 اي اليوم وبعد صدور النتائج والمفروض انه وجده يوم الاستفتاء 19/3 - فلماذا صاحب الفديو لم يضعة إلا بعد خروج النتائج ؟!! 4- طباعة مثل هذا الملف ليس بالامر الصعب بل يمكن لأي مطبعة عادية طباعة مثله 5- سرقة هذا الملف من الموظف امر محتمل في ظل وجود 60 الف لجنة فرعية علي مستوي الجمهورية

الله عليك وحضرتك بتجيبلنا الرأى والرأى الاخر الخبر صحيح بس المقصود بيوم الجمعة هى الجمعة اللى قبل يوم الاستفتاء يوم الجمعة الموافق 18/3/2011 والدعوة من الموقع الرسمى للجمعية الوطنية للتغير والمقال تم نشره بتاريخ 16/3/2011 واسمها جمعة رفض التعديلات الدستورية يعنى الناس دى بتدعوا لمظاهرات قبل ما يعرفوا نتيجة الاستفتاء اصلا يا ريت اى حد من اعضاء الجمعية يفهمنا ايه معنى الدعوة للمظاهرات دى ؟ My link

أولاً ... بالرغم من أنني كنت سأصوت ب "لا" لو كانت أتيحت لي فرصة التصويت إلا أنني متقبل النتيجة تماماً .... وأصبحت موافق عليها وكأن التصويت كان ب "نعم" بالإجماع هكذا تكون الديمقراطية ... ويجب أن نعمل جميعاً لتصحيح المسار .. وأن نعمل لتهذيب الخطوات القادمة قدر المستطاع .. وأن نكون معارضون إيجابيون .. نعمل على تطوير الوضع .. لا نعمل على إثبات فشل وإخفاق وخطأ من قالوا نعم ...

دى برطمة سماعاها جاية من نواحى البشمهندس .... architect باين عليها هلاوس سمعية ولا ايه ؟؟ هل وصل توراد الخواطر الي هذا الحد !! لقد مستني تلك الهمسات او ( الهلاوس ) الى درجة التطابق التام رسالة من العالم الآخر حبوب الهلوسة .. ياشيكو .. حتما :closedeyes:

ومن يسمع هذا الكلام لأ هو علشان نبقى مسلمين حلويين مش متشددين نخليها زي ماخالد يوسف عمل يصور في مسجد الحسين بملابس فاضحة وعادي يبقى هو ده الاسلام الجديد والعصري نتمنى عدم خلط الاوراق وبلاش سياسة الفوبيا دي الاي اثبتت فشلها ومضى وقتها

http://www.youtube.com/watch?v=N9oxmRT2YWw

أنا مش عارف الناس اللى بتكفر الجمل وتقول انه عاب فى الذات الإلهية جابوا منين حكاية العيب فى الذات الإلهية الرجل يقول ان مفيش 70% بيؤمنوا بربنا وكلامه صحيح ، مش عارف هل كان المطلوب منه يذوق الكلام قبل مايقوله والا ايه بالضبط ادى توزيع الاديان فى العالم وياريت لو حد يقول ان فى 70% بيؤمنوا بالله يبقى فى الحالة دى الجمل غلطان من يؤمنون بأديان سماوية أقل من 55% ودى تقريبة النسبة التى لايستطيع اى رئيس فى بلد ديمقراطى أن يحصل عليها

معليش علم حضرتك قاصر لإن الخبر ده جه في الجرايد http://www.elkhamis....s-55606732.html وجه أيضا في التلفزيون الحكومي وآدي اليوتيوب اللي طلبت مني أدور عليه http://www.youtube.com/watch?v=7Sc27mdiMYg ومادام الخبر كاذبا لماذا لم ينفه أحمد شفيق خلال المقابلة؟ الخبر اللى حضرتك ناقله من جريدة الخميس خاص بمدرسة سانت كاترين بشبرا ومدرسة ابو الهول بالهرم لو حضرتك اخدت بقالك انا بتكلم عن المدارس اللى موجود فى الاسكندرية الفيديو بيتكلم عن مدرسة فى ميدان الجيزة وانا كلامى برضه عن مدارس الاسكندرية معليش أنا عايز افهم العلاقة بين خبر هجوم البلطجية على المدارس وخبر استئناف الدراسة بها مقولة إن البلطجية يهجمون على مدرسة لا تعني بالضرورة أن الطلاب موجودين في المدرسة ... ممكن يكون الهجوم لسرقة المحتويات ولكن التأثير المعنوي على الناس هو ذاته ... لو سمعت إن بلطجي كان يعبث في مدرسة ابنك وهي مغلقة فأنت لن ترسله اليها لأنك ستخشى أن يفعل الشئ ذاته عندما يكون ابنك موجودا وبعدين ما البلطجية هجموا فعلا على مدارس في أماكن اخرى وبها طلابها ... فالمكان مش هو القضية هنا. وبالتالي علاء لم يكن بالضرورة يكذب (واديني فرصة أتحقق من أصدقائي في الاسكندرية حول هذا الخبر) خلينا ننتقل للنقطة الثانية التي كذب فيها. وإن لم يكن هناك كذبة اخرى فخلينا ننتقل للأسئلة التالية. هل صدق شفيق في كل ما قاله؟ وهل ردّ علاء على أحمد شفيق بكلمة لم يسمعها منه؟ ومرة أخرى أدعو السيد أحمد شفيق أن يرفع قضية سب وتشهير على علاء الأسواني إن كان في كلامه ما يسيئ. أما إذا كانت المشكلة اننا مش عاجبنا ما آلت اليه الأمور وانكشاف أحمد شفيق على الملأ وإقالته بعد اللقاء مباشرة نتيجة أخطاء ارتكبها فيه فدي مسألة أخرى. العلاقة ان علاء الاسوانى بيقول ان باللفظ ( ان البلطجية هتاخد ايه من عيال ابتدائى ) وده معناه انه بيجزم ان الاطفال كانوا موجودين فى المدارس فى الوقت ده مع ان زى ما اكيد حضرتك عارف ان الدراسة معطلة فى الاسكندرية الى يوم 13 مارس الفكرة مش ان فى بلطجيةاو لا , كلنا عارفين ان فى بلطجية وانفلات امنى رهيب فى البلد بس الفكرة هنا فى المصداقية يا اخى الفاضل وازاى اقدر اوصل للهدف اللى انا عايزه من غير ما اختلق اكاذيب والعب على مشاعر الناس ليه محدش بيتكلم عن حمدى قنيدبل ؟ مع انه احرج احمد شفيق اكتر من مرة بس لأنه كان بيتكلم بأسلوب محترم هرجع واقول تانى وتالت مش معنى انى معترض على اسلوب علاء الاسوانى انى كنت مع استمرار شفيق اتمنى انها تكون وصلت لحضرتك

واين المصداقية من وائل غنيم لما يطلع يبكى ويقول انا مكنتش عايز الناس تعرف إن انا الادمن المفروض على الاقل كان يقول ان فى ناس معايا كتير وانا مش لوحدى بس مش هقدر اقول هما مين

يجب ان يكون السؤال هل ترغب في الحصول على حكومة غير الحكومة المصرية لانه لا يجب المزايدة على الوطن فرغم كل شيء لم يفعل لنا الوطن شيء بل اعطانا كل شيء ولكن من فعل بنا ما فعل هم ابناء الوطن . هذا السؤال يجب ان يكون موجه للوطن ( هل تريد الحصول على شعب غير هذا الشعب ) نعيب وطننا والعيب فينا وما لوطننا عيب سوانا