لوحة القادة

ارفض تلك المقالات فكرة الخيانة لانى اعارضك بالراى ليس من طبع الثورة يا سيدى و التطاول و استخدام الفاظ بهذا الشكل ايضا لا هى ديمقرطية و لا حضارية اساسا لية حضرتك او كاتب المقالة مكش مصدق ان الشعب واعى جداا وعارف كويس جداااا ومثقف جدااا لو مكنش وعى الناس و ثقافتهم مكنتش حصلت الثورة اساسا و نحن كنا محاصرين باكاذيب طوال ثلاثين سنة و حشد اعلامى فضائى و محلى و بارغم من كل هذا ولدت الثورة عضب عن الكل يا سيدى احنا دخلنا فى طرق كلها اختيارات و كلها منعطفات مش علشان انا اتجة لاتجاة معين مخالف ابقى عميلة او ثورة مضادة او او او انت اعرض وجهة نظرك و الاخر يعرض وجهة نظرة وانا ليا عقل افكر و اختار لما اختار مش من حقك لا تتهمنى بالجهل و لا الثورة المضادة و لا بالخيانة ولا حقد مسعور وأغراض خسيسة بشعا ومخيفا يا سيدى من يعاملنى بتلك المعاملة هو نفسة اللى من بواقى النظام و هو نفسة الدكتاتورى و هو نفسة من يحجر على فكرة لانة يسير على نفس المنهج رسالة الى اى احد يتشابة فكرة الى كاتب محمد عباس اصحى يا كاتب يا مثقف لقد صحى الشعب و لة عقل و مخ ممكن يكون احسن من تفكيرك اترك لنا الحق فى ان نفكر و نختار ما نريدة بكل حرية بلا تهم او الفاظ او افكار رجعية

لإن عبد العظيم وزير من بواقي وفُضل العهد البائد الظالم ... ففاكر إنه لسه في الميغه ويمشي حواله البود جارد بتاعه اللي بيحموه من الشعب ... الشعب اللي هو تحت والمسئولين فوق طبعاً ,,, لكن دلوقت لأ .. دلوقت الكل فوق ... ومش عاوز أقول إن أمثال هؤلاء شغالين عند الشعب ... لأ .. مافيش حد شغال عند حد ... كلنا مصريين . وكلنا سواسيه .. أنا عاوز 50 نقطة خضرا على البؤين اللي تعبت فيهم دول

مصر اليوم فى عيد .......... الإبتسامات تعلو كل الوجوه ! ذهبت مع "بيجة" و كلكم تعرفونها إنها والدة زوجتى و عمرها 90 سنة ....... سيدات و فتيات لا نعرفهم قابلوا بيجة فى مدخل اللجنة ...أقصد مدخل المدرسة التى بها اللجنة بالقبلات و الأحضان نظرت إلى بيجة ..... هذه ليست سيدة تحمل على كتفيها 90 سنة من العمر ..... لقد أصبحت أقرب إلى سن الأربعين ....إنها تكاد ترقص أمام باب اللجنة. لا أجد تعبيرا إلا مصر اليوم فى عيد............. بل قل أعياد مجرد بعض الصور التى إلتقطتها

وَلاَ تَهِنُوا وَلاَ تَحْزَنُوا وَأَنتُمُ الأَعْلَوْنَ إِن كُنتُم مُّؤْمِنِينَ ,

شكرا لشباب 25 يناير سمعت النهاردة برنامج للدكتور عمر عبد الكافي بيقول كان في مطار برشلونة في أسباينا و ضابطة الجوازات نظرت إليه و هي تعطي له التأشيرة على جواز سفره المصري و هي تقول له : يجب أن تفتخر أنك تحمل هذا الجواز يجب أن تفتخر أنك مصري نتائج الثورة ليست في نتيجة الاستفتاء نتيجة الثورة أنها جعلتنا نفتخر بأننا مصريين ... فكم عشنا محرومين من فرحة كوننا مصريين شكرا شباب 25 يناير و الوقت الان هو وقت العمل

حقك عليا يا ستي ,, اغلب المغتربين محدودي التفكير ,, والارياف حائزين على نوبل ,, ردك الاخير اكثر تطرفا وعنصرية من ردك الاول وعن نفسي اراه اهانة لقاطني الاقاليم ـ وانا منهم ـ واتهام لهم بانهم مجموعة من البسطاء او السذج خاصه مع وصفك لهم ( بالارياف ) وكأن المدنية محصورة في القاهرة فقط .. المغتربين على العين والراس وزي مافي منهم الخبراء النادرين الي اضطرت الدول الاخرى اضطرارا لاستقدامهم ففي منهم برضه البسطاء والعاجزين والي مقدروش يلاقوا لهم شغل او اهمية في مصر فقرروا يشدوا الرحال لخارجها .. اذا مهياش ميزه اني اكون مغترب عشان افترض اني من النخبة وغيري هم من البسطاء وضحلي الثقافة .. ده غير حقيقة اكيده ان حتى المغتربين انفسهم مشفناهمش اجمعوا على كلمة واحده فمن بينهم من قال نعم كما بينهم من قال لا فعلى اي اساس افترضت ان النخبه لم تدلي باصواتها وعليه فهنيئا لكم يامن قال نعم !!!! معرفش ليه الاصرار على تصوير كل من قال لا بانهم ( النخبة ) لمجرد انهم قالوها .. وبرضه مش عارفه ليه تصوير من يدعوا الناس ليقولوا نعم وكأنهم مجرمين اما من يقول لهم انا هقول لاه وكل النخب هتقول كده فدول عادي وعاوزين مصلحه الناس الي مبتفهمش .. عموما واذا خرجت نتيجه التصويت بلا فهتقبلها لانها هتشكل رأي الاغلبية الي غصب عني لازم احترمه ومش هقول ساعتها دول اغلبية ساذجة او منقاده .. اما لو خرجت بنعم هقول الحمد لله ان اتفق رأيي مع الاغلبية الي اكيد مش هيتفقوا على ضلال .. وفي النهاية كل واحد مننا اجتهد وقال مااملاه عليه ضميره وقناعته سواء بقى كان عايش في القاهرة او في .. الارياف .. تحياتي .. وفي كل الاحوال نكون بسطاء نكون سذج متفرقش طالما ده اختيارنا واحنا وحدنا من سيتحمل نتائجه ..

الحمد لله أنا لسه راجع النظام كويس وحضاري جدا والمعاملة ممتازة فيه ناس مع نعم وناس مع لا بدون تأثير من أحد لأن الشعب المصري واع جدا هذه المرة وكل واحد بيقول وجهة نظره ليه نعم وليه لا بأمان حرية واحترام لقيت كتير من زملائي كلهم في الطابور معايا وكلنا كنا نعم بدون استثناء فرحتي الأكبر طبعا بالسلفيين وهم يصطحبون زوجاتهم لأنهم أولا اهتموا بالعمل السياسي وثانيا خلوا زوجاتهم أيضا تشترك في هذا العمل السياسي وربما يكون لهم الصوت المؤثر والمرجح في العملية الانتخابية عموما ألف مبروك لمصر بصرف النظر عن النتيجة كل واحد عمل اللي عليه التوعية كانت كبيرة على المستوى الأسري وعلى المستوى المجتمعي وبالتوفيق دائما

نفس الكلام ,, اغلب البسطاء والاقاليم صوتت بنعم ,, نحترم رأي الغالبية من الشعب ونستعد للمرحلة المقبلة ان شاء الله ,, خليهم يجربوا الاخوان والسلفيين مش مشكله 4 سنين نصبر ونشوف ,, احتمال يطلعوا كويسين ,, اخي تيمور الا تلاحظ انك لا تترك مداخلة الا وتحاول فيها ان تعطي ايحاء وانطباع انه يجب التصويت. بلا اظن يكفي اظهار رغبتك مرة او مرتين لكن بهذا الشكل يصبح الامر وكانه دعاية او اعلان. او. توجيه للناس بقول لا. للتعديل. وهو. نفس. الامر الذي تنتقضه. من جماعات الاخوان او السلفيين. الذي. الاحظ انك لا تترك. مناسبة الا. وتزج بهم في مداخلاتك ، - الاحظ ايضا كلامك ردا علي عدم السماح للمغتربين بالمشاركة في الاستفتاء. بانك تشعر وكان هناك قصد لتغييب النخبة - وبعد ذلك تقول ان اغلب من في الاقاليم والبسطاء. صوتوا بنعم. وكأنك. يعني اذا ظهرت. النتيجة. بنعم للتعديلات تهيأ. نفسك للقول بان النتيجة لم. يشارك فيها النخبة وكان الملايين الذي شاركوا في الاستفتاء. ليسوا من النخبة وانهم ناس بسطاء. لا يفهمون في الدستور ولا في شئون السياسة - هناك من في الاقاليم من يفهمون في السياسة والقانون وفي جميع المجالات مثلهم مثل المغتربين او النخبة التي تقصدها بل اكثر منهم - ياريت قليل من الحياد كما عهدناك من قبل وان تظل تقول رأيك دون المساس والمسارعة بنقل اي اتهامات تشوه بها الاراء والتيارات الاخري لان ذلك يزكي روح العداء بين افراد الوطن الواحد وكما ذكرت انت ان فترة 4 سنوات كافية لكي نحكم علي من سيصل الي الحكم في مصر ولابد ان نحسن به الظن ونبارك له ونساعده. سواء كان البرادعي او بن لادن حتي فالشعب لن يسمح بعد ذلك باي ظلم او استبداد. فالكل سواسية تقبل عتاب اخ محب لك ، وانتهز الفرصة لاحييك علي كل مجهوداتك ومشاركاتك القيمة التي تجعلنا نعيش الاحداث. لحظة بلحظة

بالبريد المستعجل جدا جدا عليه العوض ومنه العوض ضاعت ثورة مصر ضاعت ثورة مصر مفيش فايدة - ما دام نفس الوشوش بتطل علينا بنفس الفكر - يبقى الثورة فشلت فشلا زريعا فشلت انها تضم اولادك يا مصر تحت رايتك واحنا كمان فشلنا الشعب بيتهم بعضه بالاكاذيب والتلافيق والتجريح وضاعت الحقيقية خلاص قلبي ينزف الما - انا نهاردة فعلا هابكى شهداء الثورة ليس عندى امل فى الغد

لإن عبد العظيم وزير من بواقي وفُضل العهد البائد الظالم ... ففاكر إنه لسه في الميغه ويمشي حواله البود جارد بتاعه اللي بيحموه من الشعب ... الشعب اللي هو تحت والمسئولين فوق طبعاً ,,, لكن دلوقت لأ .. دلوقت الكل فوق ... ومش عاوز أقول إن أمثال هؤلاء شغالين عند الشعب ... لأ .. مافيش حد شغال عند حد ... كلنا مصريين . وكلنا سواسيه .. أنا عاوز 50 نقطة خضرا على البؤين اللي تعبت فيهم دول مفيش فكة يمشي معاك تقييم سالب ياريس :closedeyes:

والدي راح الاستفتاء ولسه راجع من شويه .بيقول الدنيا منظمه جدا ولاْنه راجل كبير وبيمشي ماسك في ايده عصايه (يتعكز عليها ) :old: الناس ماسابوهوش يقف في الطابور.وخلوه يدخل علطول .وقال الطوابير ماشيه بسرعه والحبر موجود ملحوظه كمان :كان عندنا اتنين من قرايبنا من دمياط وراحوا انتخبوا عندنا في القاهره بالرقم القومي بتاعهم عادي جدا انا هاروح كمان ساعه وهابلغ بالتفاصيل لما ارجع

انا من المؤمنين ان كل الدنيا متربطه ببعض حسب معادلة كونية ما !! المهم خدتوا بالكوا من رقم العربيه الكلمة : سد - مصر ولو جمعتم الارقام حيطلع الناتج = 25 ( المقصود هنا 25 يناير ) وهي من الكلمات الايجابيه الموحية لو كنتم ممن يهتمون بتلك الامور ,,

الشعب اللي كان لايعرف الا طوابير العيش ايام اللامبارك الان يقف بطوابير الحرية ان شاء الله مصر ستسير في طريق التقدم والرفاهية سواء خرجت النتيجة نعم او لا

بعدما قرأت مداخلة الأخ اوزووزو شعرت بالضيق وقلت في نفسي أننا نصر بأنفسنا علي عدم تغيير مفاهمنا واننا لا نريد ابدا ان نشعر اننا لابد ان نتغير ولا نضيع الانجاز الذي حققته الثورة وتوقعت صراحة ان اري الفريق الذي لا يترك اي مناسبة في تشويه صورة الاخوان او السلفيين توقعت بمسارعته في تحويل الموضوع الي مسابقة في ذكر كل مايسئ للاخوان او السلفيين وكانهم ليسوا ببشر مثلنا وليسوا بمحبين لبلدهم وكأن كل الاخوان او السلفيين طائفة اخري من البشر تسعي فقط للتدمير والاستيلاء علي الحكم ولكني وجدت بعض الردود التي اسعدتني من بعض الاخوة واعجبت برد اخي ارشتكت الذي كان متحاملا امس وفي الايام الماضية علي الاخوان ، واسعدني ايضا رد سين سين وباقي الاخوة - نريد في هذا اليوم التاريخي ان نثبت اننا شعب عظيم متحضر يستحق التغيير للافضل -نريد بعد ظهور نتيجة الاستفتاء ان : يهنئ من كان مع التغيير ان يهنئ الفريق الذي كان ضد التغيير لو ظهرت النتيجة بلا للتعديل - ايضا العكس صحيح ، فلابد بقبول رأي الغالبية بعد ظهور النتيجة. - - بعد ظهور النتيجة لابد ان يعمل الجميع المؤيدون والمعارضون علي انجاح ما استقر عليه نتيجة الاستفتاء فلو كانت النتيجة بنعم فلا بد للجميع ان ينتقل الي مرحلة العمل علي نجاح الخطوات القادمة سواء كان ذلك بانتخبات برلمانية او رئاسية - لابد ترك التخوين والتشكيك في النتيجة بعد ظهورها ونترك العادات السيئة التي عشنا عليها الفترات الماضية. لاننا لن ننتهي من تبادل اتهامات وتقسيم الشعب الي فئات متحاربة نفس الكلام لابد ان نطبقه عند انتخابات البرلمان ار الرئاسة فلابد في النهاية ان نهنئ الفائز ونشد علي يده ونساعده بكل قوتنا ونطلب منه تحقيق العدالة لجميع فئات الشعب المصري والحكم بعدل وبما يرفع شأن مصر عاليا - للعلم انا لا انتمي الي اي تيار معين ولكن لا احب ان اري هجوم علي احد فئات الشعب المصري بطريقة غير منصفة او موضوعية فلو نجح اي حزب او اي طائفه او اي تيار معين في الفوز. بحكم مصر فلابد ان نقف جانبه ناخذ بيده الي الامام طالما يحقق للشعب المصري رخائه ويعطي للجميع حقوقه ويطبق العدل والديمقراطية واذا خرج عن هذا عزلناه كما عزلنا من قبله.

مش بس كده .. اللوجو كمان متوفر بعدة تصاميم .. والعبدلله اختار التصميم كمان يبقى مش ناقصنا حاجة .. ومفيش بوك احسن من بوك :closedeyes: ما تيجي نشوف ؟؟؟

ولماذا لم تعترض أمريكا على وصوصل حزب العدالة والتنمية ذو التوجهات الإسلامية إلى كرسي الحكم بتركيا وأستطاعوا في أقل من 7 سنوات يجعلوا تركيا في مصاف الدو المتقدمة .؟ إذا كانت دي إرداة الشعب .. فبالتالي الشعب هو من سيدافع عن إختيارة وشرعيته .. ولا يهمنا أمريكا ولا الجن الأزرق ساعتها وبعدين هو مبارك ولا غيره مُخلدين وهايفضلوا عايشين الف سنة ؟.

الحمد لله أنا لا أعرف اليأس وزي ما كان عندي ثقة بالله في إزاحة الديكتاتور الظالم .. أنا عندي ثقة إن المغتربين سيتمكنوا من المشاركة في الحياة السياسية وقريباً بإذن الله وعوضت ده برضوا بالإتصال بكل اللي أعرفهم عشان أحثهم على المشاركة وأوضح لهم ليه لأ وليه نعم ... وكمان بأتابع مع زملائي بالشركة في مصر موضوع الإنتخاب الإلكتروني ... ولسه كنا بنتكلم أمس بالليل في الموضوع ده وتم تهديد وزير الإتصالات بشكل علني لإنه عمل حركة غبية وغريبة جداً .. فكنت قد تحدثت معكم من أيام قليلة إن في 6 شركات في مصر تقدمت بدراسة وافية كافية لنظام الإنتخاب الإلكتروني هايريح الجميع بره وجوه منها شركات تابعةلنجيب ساويرس على فكرة ... وقدموا في الدراسة أيضاً طريقة التمويل .. وعملوا ورش عمل وبرزينتيشن عاوزكم تقرأوا ملحق شباب التحرير في جريدة الأهرام يوم 3 مارس وتشوفوا الحوار اللي أجروه مع الدكتور علي والي ... وده شغال معانا على فكرة وإتكلمنا معاه بالأمس ونقلت له خبر إجتماع ماجد عثمان وزير الإتصالات مع السفير الهندي الأسبوع الماضي لإستقدام خبراء هنود لتنفيذ مشروع الإنتخاب الألكتروني ... وقال لي إن ده هايبقى أخر يوم في عمرة بالوزارة ولو فكر بس في حاجه زي كده هايتبهدل .. لإن شركات تكنولوجيا المعلومات إتخرب بيتها الأيام اللي فاتت .. فأقل واجب إنك تشجع شركات بلدك وتفتح مجال شغل لمئات الشباب خصوصاً إن المشروع هايبقى ضخم جداً و هايتكلف حوالي 150 مليون دولار .. يبقى مين أولى بهم ؟ ... وكمان الإنتخابات شأن مصري خالص وموضوع حساس وتعتبر أمن قومي ... يبقى ليه تجيب أجانب يعرفوا أسرارنا ومعلوماتنا وبياناتنا طالما المصريين ما فشلوش ؟ .. وكمان عندنا عقليات في غاية الإحترام وناس عباقرة بصراحة ومنتظرة فرصتها

قرارت مهمة جدا لكل مواطن سعودى والف مبروك لكل سعودى ولكن كنت احب ان اجد بعض من القرارت خاصه بنهضه تعليميه تضع المملكة فى مكانه افضل مماهى عليه الان فجميع هذة القرارت هى قرارت وقتيه يستفيد بها المجتمع على المدى القصير التعليم ثم التعليم يا مصر انت والسعودية

صباح الخير والحرية والسعادة وكل حاجة حلوة .....النهاردة عيد ياجماعة أنا لسه راجعة من الاستفتاء وقعدت ألف في المحاورات مش عارفة أصرخ من الفرحة فين فبعد أذنكم هأصرخ هنا لأني مش قادرة أكتم فرحتي مع كامل المراعاة لمشاعر أخواننا المغتربين الذين لم يستطيعوا التصويت مش قادرة أرفع عيني من علي صباعي الفسفوري مش قادرة أصدق الناس كلها ماشية في الشارع بتتأكد من بعض إنهم أدلوا بأصواتهم أول ما نزلت من البيت واحدة ست كبيرة ماأعرفهاش لقيتها بتسألنا (أنا كان معايا أهلي) أنتم رحتم ولا لسه فقالت لنا المدرسة اللي هناك دي فاضية ورايقة وهتخلصوا بسرعة وتحيا مصر والمصريين اللي قلبهم زي السكر بصراحة من الفرحة كان نفسي أبوس عساكر الجيش اللي بيحموا اللجنة بس مسكت نفسي في اللجنة بقي ياجماعة مقدرتش أصدق أني بأشوف الصندوق لأول مرة في حياتي وهو فعلا مستنيني كل الناس داخل اللجنة مبتسميين بشكل بصراحة راقي جدا جدا كله تمام الحبر مش عايز يروح من أيدي والاستمارة مختومة والفرحة أكبر من أن تعبر عنها كلمات ......بغض النظر عن النتيجة أنا راضية وسامحوني بقي بس نفسي أطلع لساني للسيد عمر سليمان ونظيف ومبارك اللي قالوا إن الناس غير جاهزة للديمقراطية مش قادرة أبطل كلام فياريت كده هأخد فاصل وأرجع لكم تاني بأي كلام يجي علي بالي أصله يا جماعة كان لقاء السحاب دريم تلتقي مع الصندوق والله لو نزل فيلم يكسر الدنيا

حبيبتى دريم احب اهديكى الاغنية اللى سمعتها اول مارجعت من اللجنة http://www.youtube.com/watch?v=tvVe2hGGdgA&feature=related

هذا الموقع يحتوي على برامج رائعة ويحتاجها كل كمبيوتر http://badeel.coeia.edu.sa/ والرائع انه يعرض الكثير من البرامج مفتوحة المصدر والتي لا يمتلكها شخص معين بل يمكن ان يستفيد منها الجميع ويطورها من لديه القدرة اتمنى ان ينال اعجابكم

فى طريق ذهابى الى بور سعيد،وعند مدخل المدينه،خلف البوابات وجدت اليوم على غير العاده،لجنه امنيه من رجال الشرطه فى حراسه رجال من القوات المسلحه،يقوم رجال الشرطه بتوقيف بعض السيارات المشتبه بها،ويقومون بتفتيشها،تعطلت لدقائق فهم يغلقون الطريق بسياج او حاجز حديدى،لا يسمح إلا بعبور سياره واحده،وعندما وصلت اليهم،وعلى رأسهم ضابط برتبة رائد،اشاروا الى بالعبور،لكننى توقفت،ووجهت حديثى للضابط قائلا،اكيد بأننا سعداء برجوع حضراتكم الى الشارع،واعادة الامن للمواطنين،لكن عندى ملاحظه لو تفضلت على، تفضل قالها لى قلت ما ضر لو اوقفتم السياره المشتبه بها،وتفتيشها على جانب الطريق،حتى لا يتعطل،ويكون هناك سلوكا جديدا للشرطه مع المواطن فما الفرق بين ما تقمون به الان وبين ما كنتم تفعلونه قبل الثوره وارجو ان يتسع صدرك،قال لى لا اعتقد ان خمس دقائق سوف تؤثر على وقت حضرتك،وهذا لدواعى الامن،واعدك اننا سوف نعمل على ملاحظتك فى المستقبل،قدر الامكان،شكرته واكملت طريقى،وبداخل المدينه وجدت رجل معاق يريد ان يعبر الشارع،امامه اوقفت سيارتى بطريقه عرضيه نوعا ما لا تسمح بمرور السيارات خلفى،(كحاجز) واشرت للرجل أن اعبر لوح لى عسكرى مرور غير بعيد منى ان اسير الطريق من خلفى،لم امتثل لقوله حتى عبور الرجل،ثم توقفت بجوار الشرطى وخاطبته،هذا رجل معاق،وكان الاحرى بك انت ان توقف الطريق لثوانى وتأخذ بيده لعبور الشارع،وهذا من صميم عملك،كشرطى مرور،اعتزر لى معللآ انه لم يراه،وإلا لفعلها بنفسه كما يفعلها دائما مع كبار السن والنساء واطفال المدارس،شكرته على وطنيته وانصرفت الى حال سبيلى،وانا منتشى اتنفس نسيم الثوره،واملء رئتاى من هواء الحريه.

أيها الحزب الوطني, مالى أري الشعب منظم و متحضر و فى أزهى حالاته من بعدك؟ ضيعت 30 سنة من تاريخنا و نحن سنمحوك من التاريخ

هو ده الصح ومافيش لا واسطة ولا بسطة المزور يتحاسب ويتحاكم وياخد جزاءه وبلا رحمة ولو جابوله شنوده ولا احمد الطيب

يا جماعة أهم حاجة في المرحلة اللي جاية بعد ظهور نتائج الاستفتاء إن الكل ينسى الاستفتاء .. كأنه ماحصلش .. و منشوفش قدامنا إلا صف واحد .. فريق عمل واحد .. مش فريقين، يعني الفريق اللي ما حصلش على أغلبية في الاستفتاء ما يبقاش عاصر على نفسه لمونة و هو بيتعاون .. و الفريق التاني اللي حصل على الأغلبية ما يعتبرش إن داه انتصار لنفسه .. لأ .. دي مرحلة و خلصت .. و عمرها ما كانت غاية .. دي أول أول (اتنين أول للتأكيد) خطوة في طريقنا .. ننسى الاستفتاء و ملابساته .. يعني محدش بقى يركزلي على فلان زعقوا فيه الجماهير (ما الجماهير ياما فيها) و علان رشوا عليه ميه .. يعني مش لازم نقعد نبروز بعض الحوادث و نديها اهتمام و حجم أكبر من حجمها علشان داه لو حصل حيكون هو بداية تكوين فريقين متضادين .. منتصر في الاستفتاء .. و مهزوم فيه .. و دا لو حصل مش حيخدم إلا اللي عاوزينها تولع .. يعني يشككوا في نزاهة الاستفتاء عن طريق تضخيم حوادث فردية هنا أو هناك ، زي اللي يقولك "البرادعي: تنظيم من البلطجية هاجمني أثناء التصويت" و بعدين ازاي البرادعي ينتقد طريقة تنظيم الاستفتاء في مصر و كل اللي راحوا الاستفتاء راجعين معناويتهم في السما و بيشكروا في بعضهم اللي قال لأ و اللي قال أه ، الكل مبسوط - مش مطمن لإعلان البرادعي و لا لتصريحه ... خاصة بعد مد فترة الاستفتاء .. طب مش هوا عارف إن الأحوال كانت مستتبة في كل مكان؟ طيب إزاي يصرح تصريح يمس كل المصريين بالشكل داه و كانه مش عارف إن الاسنفتاء تم على اعلى مستوى .. مستغرب جداً .. صحيح مش موافق على اللي حصل معاه .. لكن مش موافق أكتر على اختصاره لروعة تنظيم الشعب المصري لنفسه في هذا الاستفتاء و قصره على ما حدث له هو شخصياً و إعلانه ذلك بتصريحه لوكالات الأنباء! و زي ما شوفنا الكل راجع من الاستفتاء بيشكر في كل حاجة .. من التنظيم .. للحرية .. للشفافية .. للأدب .. للاحترام .. فما ينفعشي نبروز حادثة هنا و لا هناك و إلا نبقى بقى بنصطاد في المية العكرة و بنحاول نهد اللي بنيناه بإيدينا، و طب مش يمكن و الله أعلم الحادث مترتب و متفبرك (مش من البرادعي و مؤيديه .. لأ ..لكن من جهة ذات مصلحة) علشان يكون في سبب لإثارة الفتنة بين الفريقين اللي كلنا حاسيين إنهم قادرين يتحدوا و يتعاونوا لصالح البلد .و مش فارق معاهم غير إنهم الحمد لله وصلوا لحرية التعبير .. و قالوا رأيهم و مستعدين دلوقتي للعمل بشفافية و أهم من كده بحب و إخلاص حقيقي لم تعهده مصر من قبل ..مستعدين ينسوا اختلاف الرأي و يضعوا أمام أعينهم مصر .. يعني بلدهم .. يعني أهلهم .. و ولادهم و بناتهم .. و يبدأوا العمل .. فيأتي مشعلوا الفتنة لتخريب الفرحة و العودة بنا إلى الوراء ... يا ريت نكون على قدر المسؤلية .. و ما نفرجش العالم علينا بعد ظهور النتيجة .. و زي ما بنقول إن احنا عقلنا كويس و بنعرف نقدر الامور .. و كدا يعني .. يبقى لازم نشوف العقول المتزنة و هي بتعدي أول مرحلة من مراحل الحرية .. لما نشوف بقى مين اللي حيهدوا الجو .. و مين اللي حيشعللوه ..

حبيبتي الحالمة دريم اهه.. المحاورات مليانة ناس ادلت بصوتها انا شخصيا ده مش اول لقاء مع الصندوق كنت عادة بروح حتى و انا عارفة ان النتيجة معروفة مسبقا بس اول مرة اروح و انا عارفة انه هيتحسب بجد هطمن أكثر لما اشوف الفرز و التجميع بس الاقبال الجميل من الناس .. و اغلبهم واخد قراره و كل واحد معتز بنفسه و بصوته يا رب .. احمِ مصر و اصلح حالنا يا رب ول أمورنا خيارنا

bv:-

الهجوم علي البرادعي لاعلاقة له بسلفية واخوان هؤلاء مجموعة من البسطاء متأثرين بالدعاية السوداء التي كان يبثها نظام مبارك ضد البرادعي واتهامه انه عميل للامريكان هو ديه كل الحكاية

طب السبب الاول جايز لكن السبب التاني الراجل ما كانش في فيلته وقت الثورة الراجل نزل يوم جمعة الغضب و نظرا لسنه ما قدرش يستحمل الغاز السبب التالت معلش دا مش مقبول للعقل من الاساس و في سبب حضرتك نسيته ممكن يكونوا ناس عادية بس للاسف بسبب حملات التشوية الشنيعة اللي الراجل اتعرض لها من النظام السابق كرهت الناس فيه في كل الاحوال اللي حصل دا شئ مرفوض تماما و قلة ادب

جريدة الشروق دى اشك فى مصداقيتها مهما تقول للاسف الشروق لازم تتنسف لانها من زيول واتباع النظام السابق - زيها زى حبيب العدلى واعوان مبارك جريدة الشروق طول ما هى بتمدنا بالاخبار الكذب - اتاكدو ان مصر مش هتبقى فى خير الجريدة دى فى ايد خفيه جدا بتمولها وبتحركها انا نبهتكم

اكتب اليكم من ارض الميدان بعد التصويت بالحبر الفسفورى الله اكبر ولله الحمد لسه جاى دلوقتى حالا من الصندوق وعشت وشفت الصندوق ع الحقيقة فى مصر الحمد لله اول مرة الواحد يحس ان صوته مؤثر وليه لازمة وان الواحد لو مرحش هيشعر بذنب كبير جدااا نحو هذا البلد انا ومراتى وملك بنتى اللى تمت سنة امبارح كل سنة واحنا كلنا طيبين وبخير وعمار يا مصر

نفس الكلام ,, اغلب البسطاء والاقاليم صوتت بنعم ,, نحترم رأي الغالبية من الشعب ونستعد للمرحلة المقبلة ان شاء الله ,, خليهم يجربوا الاخوان والسلفيين مش مشكله 4 سنين نصبر ونشوف ,, احتمال يطلعوا كويسين ,,

أكيد كلنا لازم نحترم رأى الأغلبية بغض النظر عن النتيجة. ومش بس كده... وكلنا نعمل بأقصى جهدنا كمان لإنجاح اختيار الأغلبية, لأن كلنا فى مركب واحد ولازم نحافظ عليها.

أنا طبعاً هاقول لأ للترقيع

صورة من لجنة مدرسة الرضوى ٦ أكتوبر

اسمهم زين الهاربين....وحسنى باراك ايوة كان فيه شيخ بيقول عليهم كده

طب والله انا قولت لبركة وراحت صوتت وكمان انا صوتت وبعدين انا سألتك يا باشمهندس هناك سؤال وانت ماردتش اكسفت بصراحة اسألك تانى وقولت يمكن سؤال ساذج ولا حاجة وبصراحة مارضتش ارفع الموضوع وعمالة أسأل نفسى اقول هو الباشمهندس عصام راح فين وسابنا احنا نصوت لوحدنا بجد والله هو ده الى حصل يا سيدتى السؤال مكنش موجه ليا زى ما شفت دلوقتى ولظروف الوقت مرجعتش للموضوع غير النهاردة انا معظم وقتى على الفيسبوك ونظرة على الحائط عندى هاتعرفى انا مشغول ليه؟ مش راح فين ؟ .. انا حطيت الصندوق ومشيت عشان احط صناديق فى اماكن تانية فى النهاية هو جهد تطوعى كل واحد يعمل فيه بقدر طاقته ووقته تحياتى

shiko في مثل هذا اليوم المجيد الاغـــر ،، في مثل هذه اللحظة .. الفريدة في عمر الانسانية ،، ولدت الشيكووووووز كل عام وانتي بألف خير وعقبااااال مليون سنة شكشوووكة اختي الغالية شيكووو ... اتمنى لك عمر مديد وانتي بأتم صحة وعافية .. ولا املك الا ان اقول ما تيجوووووا نشووووف ؟ http://www.youtube.com/watch?v=F-5smLEuUok brth) brth)

بعد صدور الأوامر الملكية السابقة ، سألوا طفل صغير مارأيك فى الأوامر الملكية الأخيرة والخاصة بالإصلاح؟ هل تشعر أن أمانيك قد تحققت؟ رد الطفل على الفور: لا القرارات الأخيرة لم تحقق لى أمنياتي سألوا الطفل الصغير : ماهى أمنياتك؟ الطفل الصغير: عندما أكبر أتمنى أن أصبح " ملكا " وقد اصابت الدهشة الجميع ، ياصغيرى لايصح أن تقول ذلك ، أمنية أن تكون " ملك " مرفوعة من أمنيات شعب المملكة . الطفل الصغير : لا بأس ، ممكن أغير أمنيتي؟ بالطبع هذا حقك الطفل الصغير : أتمنى أن أصبح " أمير " ياصغيري .... هل من الممكن تغيير أمنيتى .... بالطبع هذا .... أتمنى أن أصبح .... ياصغيري .... هل من الممكن تغيير أمنيتى .... بالطبع هذا .... أتمنى أن أصبح .... ياصغيري .... فتوى شرعية: الأمنيات عمل غير شرعي

صباح الخير على كل الناش اللى فى المنتدى وسورىىى على التاخير بس انا لسه مسافر ومكنش عندى نت اول حاجه سالنى على اسمى وهو بيبص فى الباسبور قلتله فقالى طيب معناه ايه وقالى بس ده اسم ايطالى قلتله وانجليزى كمان قالى بتشتغل فين قلتله من اول مبدات بعد التحرج قالى المفروض تعمل ايه عشان تشتغل صيدلى قلتله فى مصر ولا فى كيبك قالى لا فى مصر قلتله محتاج كارنيه نقابه وترخيص وسنه تكليف قالى متامن عليك قلتله اه واخد منى جواب التامينات سالنى اتعلملت اللغه فين حكتله بالتفصبل قالى انت عملت مجهود كبير ولو فيه درجات على المجهود فى ايدى كنت هديهالك قالى واضح ان المدرس اللى اشتغلت معاه قوى لان مستواك قوى فى اللغه وبعدها بطل يتكلم معايا اشتغل على الكمبيوتر وسابنى فى حالى خالص وفى الاخر قالى ليه اقبلك قلتله شويه حاجات وفى الاخر قلتله باختصار انا عندى ملف كويس قالى انا بتفق معاك انت فعلا عندك ملف كويس اهم حاجه لكل الناس اللى داخله اللغه والثقه فى النفس مشافش اى ورقه من ورقى غير التامينات سالنى بتتكلم انجليزى قلتله طبعا ومعنديش اى مشكله فيه بالرغم انى كنت ناسى الانجليزى بس لما قلتله كده قالى اوك وكتبلى الدرجه بتاعته على طول بالنسبه لظروف الملف انا صيدلى 29 سنه عندى 5 سنين خبره بالتامينات اعزب الفرنساوى مستوى 8 كورسات محادثات ولو فى اى سؤال تانى او اى معلومه انا ناسيها اى مستعد فى اى وقت عقبال كل الناس اللى داخله يا رب

الاخ الفاضل احمد..اولا المسيحيين مش عاملين زي الطفل الصغير اللي خايف..يا ريت تكون ناضج في تشبيهاتك ..ثانيا المسحيين المصريين خرجوا في المظاهرات اللي يمكن من تعليق حضرتك اقدر افهم انك منزلتهاش ..لان المسلمين قبل المسحيين في ميدان التحرير طالبوا بدولة مدنية حديثة و رفضوا رفع اي شعار ديني او طائفي ...ثانيا زي ما من حقك تقول نعم من حقي اقول لا لاسباااااااااااب كتيييييير..و ممكن ارصها لحضرتك و ابسطها ان الدستور اللي رايح تستفتي على تعديله هو دستور معطل فاقد الشريعة بحكم شرعية الثورة..يعني انا بستفتي على باطل..ثانيا الاخ صاحب الموضوع اتفضل بكرة في محافظة المنوفية مدينة شبين الكوم و احضر لقاء الشيخ محمد حسان بدعوة من الدعوة السلفية بالجامع العباسي.. جاي يقول للناس نعم للتعديلات ..متفتحله موضوع بالمرة ...اشمعني كل ما واحد مسيحي يتكلم تشغلوا المكبرات علطول و هاتك يا حقن...كفايكم بقى النغمة الخايبة دي و فوقوا من الغيبوبة ...كل القوي الوطنية ترفض التعديل ...حزب الوفد..حزب الجبهة الديمقراطي..الجمعية الوطنية للتغير..حزب التجمع..الحزب الناصري..شباب 6 ابريل..ائتلاف شباب الثورة..و جاي تقولي ابونا!!إبراهيم عيسى يكتب: لا لبدلة أنور وجدى!

مش عارف ليه بعد ما سمعت كلام المستشار انهارده حسيت انى مش مقتنع بالكلام اللى كان بيقوله اه طبعا كان فى سرقة وفساد وبلاوى سودا بس ليه الكلام ده متقالش من زمان ليه كان بيشوف التقارير اللى بيقدمها محدش كان بياخد بيها ومكنش ليه اى رد فعل وقتها ليه مكنش يطلع ساعتها ويخلى مسئوليته ويقول اللهم بلغت اللهم فأشهد وموضوع مرتبه عليه علامة استفهام كبيرة انا ليا واحد صاحبى خاله كان شغال فى الجهاز واستقال السنة اللى فاتت مرتبه بعد 12 سنة كان 4500 جنيه ازاى يبقى مرتب رئيس الجهاز اللى هوا بدرجة نائب رئيس وزراء طبقا لكلام المستشار جودت الملط يكون 10000 جنيه بس ؟؟ الواحد خلاص مبقاش فاهم مين الكويس ومين الوحش

كلنا أحمد غريب هذه رسالة حزينة جاءتنى من الأستاذة شيماء خليل تحكى فيها قصة واحد من أبطال ثورة الخامس والعشرين من يناير يرقد الآن فى حالة صحية حرجة، أضعها بين أيديكم لكى تهبوا لنجدة بطل دافع عن حريتكم وكرامتكم. تقول الرسالة «قلما يتحدث عن الحاضر ونادرا ما يتحدث عن الماضى، إنه صديقى الدكتور أحمد غريب الذى يرقد الآن بمستشفى كليوباترا بمصر الجديدة، يحلم أحمد دائما بمصر نظيفة قوية تقدر العلم وتحترم كرامة الإنسان، هكذا قال لى فى آخر زياراتى له فى المستشفى قبل أن تتدهور صحته أكثر (عايزين نبنى مصر اللى احنا بنحلم بيها من سنين). وللحلم مع أحمد قصة، فلقد درس أحمد الطب فى جامعة عين شمس وتخرج فيها وعمل طبيبا نفسيا، ولكن حبه للتكنولوجيا جعله يحلم بأن يكون الطبيب المهندس، فدرس هندسة الحاسب الآلى وتكنولوجيا المعلومات فى معهد ITI ولتفوقه تخرج ليعمل معيدا فى المعهد نفسه، ومنه إلى كبرى شركات الكمبيوتر ليشغل موقع مستشار للتكنولوجيا على مستوى أفريقيا والشرق الأوسط فى إحدى كبرى شركات الكمبيوتر وتكنولوجيا المعلومات بالشرق الأوسط. كما يدرس أحمد لينال درجة الماجستير فى الطب النفسى. كثيرا ما عُرِض على أحمد السفر للخارج، ولكنه فى كل مرة كان يرفض برغم الإغراءات المادية لسبب على بساطته عميق (أنا باحب البلد دى وباموت فى ترابها دا أنا لما باسافر برا أسبوع بتوحشنى برغم كل السلبيات اللى فيها.. مش عايزين نيأس ونسيبها تغرق أكتر وأكتر.. إحنا عايزين نفكر كلنا سوا.. إزاى ممكن نغير ونصلح ونسترد البلد من العصابة اللى مستولية عليها بالقوة). لم يكن أحمد من ممارسى السياسة المحترفين ولا حتى من مدمنى برامج التوك شو، ولكنه كان مهموما بهموم الوطن حتى وإن لم ينله من تلك الهموم الكثير، فأحمد لم يكن يعانى فقرا ولا بطالة ولا مرضا، ولكنه فور أن تم الإعلان على صفحات الإنترنت عن مظاهرات حاشدة فى الخامس والعشرين من يناير، قرر ألا يذهب إلى عمله، ويتجه إلى ميدان التحرير. وبالفعل ذهب أحمد إلى هناك وتظاهر حتى الساعات الأولى من صباح السادس والعشرين من يناير، وشهد مواجهات عنيفة مع الشرطة، وعاد إلينا منها سالما. وفى الثامن والعشرين من يناير خرج أحمد لأداء صلاة الجمعة فى مسجد رابعة العدوية القريب من منزله، ليخرج من بعدها فى مظاهرات جمعة الغضب. وأخذ يمشى فى المسيرة الحاشدة برغم غزارة القنابل وانهمار الخرطوش فى أماكن متفرقة طيلة خط سير المسيرة، وتابع أحمد المسير إلى أن وصل فى السادسة مساء إلى مدخل التحرير من جهة شارع قصر العينى ما بين الجامعة الأمريكية ومجمع التحرير وكان الأمن يضرب المتظاهرين بالخرطوش والقنابل المسيلة للدموع بشكل مكثف، وكان أحمد بعيدا عن الخط الأمامى، لكنه وجد أنه من واجبه أن يذهب إلى الخطوط الأمامية ليدافع عن المتظاهرين، وبدأ مع المتظاهرين فى جمع «الصاج» الذى يحد موقع جراج التحرير ويقوم بتثبيته فى الأرض ليكون بمثابة درع ليحميهم من الرصاص ومن السيارات التى تدهس الناس، وظل أحمد فى الصفوف الأولى خلف الصاج مباشرة إلى أن أصيب بشظيتين فى رأسه إلا أن هذا لم يثنه عما كان يقوم به فأخرج قطعة شاش وقطن من حقيبته التى كان قد جهزها خصيصا من أجل هذا اليوم وربط بها رأسه، وأكمل دفاعه مع باقى المتظاهرين. وظل الوضع هكذا إلى أن وصلت سيارة مدرعة، قيل للمتظاهرين إنها جاءت لتمد الشرطة بالسلاح والذخيرة، حيث إن مخزونهم من الذخيرة كان على وشك الانتهاء، وطالب الضابط المتظاهرين بأن يزيلوا الحواجز التى أنشأوها حتى تتمكن السيارة من الدخول، فلم يفعلوا، ولم يصدق أحمد ما حدث وذهب بكل شجاعة إلى الضابط الذى يقود المدرعة قائلا له (إنت عايز تديهم ذخيرة ليه؟ دول هيقتلونا بيها!! إحنا عايزين حرية إحنا مش بنأذى حد)، فقال له (المظاهرات دى لازم تنتهى وانتوا كلكم لازم تاخدوا بالجزمة وأنا باحمى حسنى مبارك)، وقام بدهسه بسيارته المدرعة، مما أدى إلى تهشم فى أجزاء من الجمجمة ونزيف حاد بالمخ لا يتوقف وكسور بالغة فى عظام الوجه والفك وشلل فى الجزء الأيسر من الوجه وقطع فى عصب الوجه وكسور بالغة فى الأذن اليسرى مما أدى إلى فقده السمع بها، كما يعانى أحمد من قطع فى العصب السابع. لقد أجرى أحمد ثلاث عمليات على نفقته الخاصة. ولكن حالته تزداد سوءا يوماً بعد يوم لأن علاجه غير متوافر بمصر. وفى آخر التقارير الطبية الخاصة بأحمد تم اكتشاف قطع فى الشريان المغذى للمخ مما يزيد من خطورة الوضع الصحى لأحمد. يحتاج أحمد الآن إلى عملية جراحية عاجلة لا يمكن إجراؤها إلا فى الولايات المتحدة أو فى ألمانيا. تتكلف على أقل التقديرات نصف مليون جنيه، وإن كنا فى انتظار فاكس من ألمانيا بتكاليف العملية كاملة. ولقد حاولت أسرته وأصدقاؤه البحث عن طريقة تمكنه من إيجاد سبيل للعلاج على نفقة الدولة ولكن لم نحصل على شىء حتى الآن. فاضطررنا لعمل حملة على موقع فيس بوك لفتح باب التبرع له من أصدقائه ومعارفه لمساعدته. وأنا أكتب الآن عن إصابات أحمد وحالته الصحية أتذكر آخر كلمات كتبها على حسابه بالـ(فيس بوك) يوم الخميس 27 يناير لأعرف مدى الجرم الذى ارتكبه هذا النظام، فقد كتب يوصينا جميعا قائلا (الحكومة هتنزل البلطجية بتاعة الانتخابات بتاعتهم بكره فى المظاهرات عشان يدمروا ويتعرضوا للناس والممتلكات وساعتها يكون من حق الحكومة إنها ترد بعنف قدام العالم، أرجو التصدى لأى محاولة لإثارة الناس وتحويل المظاهرة من سلمية لأى حاجة تانيه خالص مظاهراتنا سلمييييييييييييييييه نحن أصحاب حق من أجل نجاح مطالبنا التصدى لأى بلطجى)». انتهت الرسالة، وليس لدى ما أقوله سوى أن أدعوكم جميعا: تعالوا نتكاتف سويا من أجل إنقاذ أحمد غريب، ومن أجل دعوة المشير محمد حسين طنطاوى، قائد المجلس الأعلى للقوات المسلحة، لفتح تحقيق فى ملابسات الغدر الذى تعرض له من قبل ضابط يدعى أنه كان يحمى حسنى مبارك بدهسه لشاب برىء أعزل.. ننتظر اقتراحاتكم ومساهماتكم وزياراتكم له فى المستشفى ومساندتكم له ولأسرته، كل بما يمتلكه وبما يقدر عليه، المهم ألا تخذلوا أحمد غريب ففى ذلك خذلان لمصر التى ضحى من أجلها هذا الشاب العظيم. تحيا مصر. بلال فضل

من اجمل ما قرئت عن امن الدولة برج المواطن بقلم جلال عامر ٨/ ٣/ ٢٠١١أخطر ما كشفت عنه وثائق وملفات مباحث أمن الدولة أن الإعلامية المحترمة «منى الشاذلى» من مواليد برج «الميزان» مثلى، والفرق أنها ميزان مباحث القاهرة وأنا ميزان مباحث الإسكندرية حسب التوقيت المحلى لمديرية الأمن التابع لها، فأهم شىء فى الدولة المدنية الحديثة هو بناء برج المواطن وأمامه برج المراقبة، ورغم أن المواطن «حبيب العادلى» له عدة أبراج لكن ليس له «ملف»، تقريباً عيب خلقى منعه من المحاكمة بعد أحداث الأقصر لكونه رئيس مباحث أمن الدولة بل رقاه إلى وزير ليضم مدة الخدمة ويحصل على معاش كامل ففى بلادنا المكشوف عنه الحجاب مكشوف عنه الحساب.. وأهم من تعديل الدستور كشف المستور، والذين لا يفرقون بين «فم» الخليج و«ودن» جحا تجدهم يحاسبون وزير الداخلية على الفساد المالى ويحاسبون وزير المالية على التعذيب والقتل لتختلط الضريبة العقارية بالأعيرة النارية وكله عند العرب صابون وكله عند الهرب لندن.. وعندما انهارت دولة المخابرات بعد النكسة ظهرت أسماء الممثلين وعندما انهارت دولة المباحث بعد الثورة ظهرت أسماء الإعلاميين، فمتى تظهر أسماء السياسيين؟ لكن يبدو أن ناس لها بخت وناس لها ملف.. وكل ما أقول التوبة تراقبنى المخبرين.. وقد تمت إحالة آلاف الفلاحين إلى النيابة بتهمة حرق قش الأرز ولم يتم إحالة مسؤول واحد إلى النيابة بتهمة حرق مستندات الدولة فليس كل مكان طالع منه دخان مقر مباحث فمن الممكن أن يكون عربة بطاطا لذلك تهتم الدولة بملف المواطن وتهمل ملف النيل، وعندما تتعامد أشعة الشمس على معسكرات الأمن المركزى تظهر الحقيقة فى تشويه المعارضين على طريقة «رأونى مسلماً فجعلونى مجرماً».. حضرتك برجك إيه؟!.. وقد ضبطوا أفراد عصابة يفبركون الملفات لابتزاز الناس ولأننى برج «الميزان» أخشى أن يلفقوا لى قضية تموين وقد سبق لأول وزير داخلية فى عهد «مبارك» أن تباهى قائلاً (أنا عندى صور المعارضين وهم بلابيص) لذلك وجدوا فى مكتب آخر وزير داخلية له برنص رجالى وبرنص حريمى فإن كنت معارضاً فى هذا البلد أنصحك أن تستحم وأنت ترتدى البدلة وفوقها البالطو وإن كان بعض المعارضين شجعاناً ويستحمون عرايا بل يقول بعضهم لمن يراقبه ويصوره «تعالى ادعك لى ضهرى».. ملف مباحث أمن الدولة عند المواطنين تضخم جداً والمطلوب إحالة أوراقه إلى المفتى فإما حياة تسر «الصديق» وإما ممات يكيد «العدا».. برجك إيه؟! أنا شخصياً «ميزان» أبحث عن العدل.

عمرو اديب .....ســـــــمج .....صوته عالى ........showy ......overact منتهى الاستظراف والمحاولة على الاستحواذ وعدم الحيادية ... بجد انا شخصيا كرهت اسمع رأيه .... ثانيا ماحستش انه بيفهم اصلا ..... الاستاذ / على هادى وموش بيحرج اللى ادامه .... وكتير بيكون حيادى فى رايه ..... انا شخصيا شايفاه اكتر من هايل ....اعلامى واعد فى الوقت الحاضر نجوى مرحلة اكتر من هايلة مابين عمرو باستظرافه وسماجته ....وعلى .بهدوئه ..... البرنامج ككل ...مااخدنيش اوى ...الحقيقة ماحصليش ابهار بالمعنى اللى كنت متوقعاه ...

عن ابى هريرة رضى الله عنه قال : قال رسول الله صلى الله عليه وسلم : يقول الله تعالى : (انا عند ظن عبدى بى وانا معه اذا ذكرنى فى نفسه ذكرته فى نفسى وان ذكرنى فى ملأ ذكرته فى ملأ خير منهم وان تقرب الى بشبر تقربت اليه ذراعا وان تقرب الى ذراعا تقربت اليه باعا وان اتانى يمشى اتيته هرولة )

عَنْ أَنَسٍ ( أَنَّ النَّبِيَّ صلى الله عليه وسلم قَالَ: (( مَا مِنْ مُسْلِمٍ يَمُوتُ فَيَشْهَدُ لَهُ أَرْبَعَةٌ أَهْلُ أَبْيَاتٍ مِنْ جِيرَانِهِ الْأَدْنَيْنَ إِلَّا قَالَ: قَدْ قَبِلْتُ فِيهِ عِلْمَكُمْ فِيهِ وَغَفَرْتُ لَهُ مَا لَا تَعْلَمُونَ )) لك الحمد يا رب كما ينبغي لجلال وجهك و عظيم سلطانك