لوحة القادة

السـلا م عليكم ورحمـة الله وبـركـاته صباح الخيـــر عليكم جميعاً .. =================================== عندما يتحد الساري مع لماضة مصرية جداً فماذا تتوقعون ؟؟ بهذا الصباح تكتمل ثلاثية ( حرب المحاورات ) ..افلام الثورة المجيدة الخاصة بمنتدى محاورات المصريين .. كرنفال التشويق .. فانتازيا الاثارة ابطالها .. انتم .. قصتها .. اسقاط من الواقع على الخيال .. واسقاط للخيال على الواقع ... وبينهم امور خلطة غريبة .. حرب .. قصف .. اسرار .. الغاز .. معركة خفية تدور رحاها هنا بمنتدى محاورات المصريين منذ قرون ولا زال لهيبها مشتعلا هل انت مستعد كي تخوض الحرب ؟؟ .. انها معركة جبارة .. ثورة .. لا اسرى .. قتال الى النهاية .. لمن لم يشاهد هذه السلسلة من قبل انصحه بمتابعة اجزائها السابقة كي يفهم اصول المعركة .. والثارات المبيتة .. فيلم ( حرب المحاورات ) .. الجزء الاول فيلم ( حرب المحاورات ) .. الجزء الثاني ============================= اما من شاهد الاجزاء السابقة .. فانصحه بتكبير حجم الشاشة .. ورفع الصوت .. وغلق الابواب .. فالحرب قادمة انها يا سادة حرب المحاورات .. مش هز اكتاف .. والا اقول لكم .. ما تيجوا نشوف ؟؟؟؟؟؟؟؟؟ http://www.youtube.com/watch?v=748FWZtqX4M

مع احترامى لكل امراه ودورها المهم فى المجتمع وانا اعلم جيدا ان المراه صانعة الرجال - وخاصة فى مجتمعنا المصري فالام هى التى تعلم ابناؤها معنى الرجولة ومعروف جدا هذا الامر لكن يوجدا وظائف فعلا تستحق لقب ( للرجال فقط ) و ( للرجال فقط ) و للرجال فقط ) ومن ضمنها واهمها وظيفة رئيس الجمهورية هذه الوظيفة لها مهام خاصة وقاسية جدا - وارفض جدا ولا اثق ابدا ان تقوم بهذا الدور امرأة ومن الممكن للمراه ان تكون وزيرة مالية ناجحة او رئيسة للبنك المركزى وكلنا ثقة فى تسيرها له على اكمل وجه وخصوصاالامور المالية والاقتصادية والتجارية ايضا اما الامور السياسية والتى تقود بها بلد كبير بحجم مصر لا اثق ابدا الا فى هذا المنصب للرجل وهذا راى الشخصي مع احترامى لكافة الرموز السياسية النسائية فهذا المنصب - للرجــــال فقـــط

تعليق : حدث بالفعل: المكلف برئاسة حكومة مصر قطع نقاش بخصوص مصير دستور البلاد لكي يحدثنا بحديث تافه عن خلاف مع مذيع تلفزيون وتشويهه

أؤيد ونص كمان يعني إحنا خدنا إيه من الرجالة غير الهم ووجع القلب طب انا راضي ضميرك يا تامر لو قومت في يوم الصبح لا بيك ولا عليك وإنت على غيار الريق . ووقفت إنتباه تحيي العلم .... وأصطبحت بالسحنه دي انا بأضغط عليك واعذبك أنا عارف تخيل بقى .. نفس اليوم داهوت .. صبحت الصبح وحييت نفس العلم ديكهوا. بس كانت قدامك صورة الرئيسة الموز دي علي النعمة انا شخصياً اكل تراب الوطن أكل ... وأضحي بالغالي والرخيص من أجل الرئيسة ... وبالروح والدم نفديكي يا جوليا خليك أوبن مايندد يا تامر .. العبرة بالكفاءه ... سواء كانت حته قصدي أُنثى أو ذكر ربنا يكفينا الشر

مع أسمى و أجل آيات إحترامي للجميع ، للرافضين و المؤيدين .. أنا أقبل أن تحكم مصر إمرأة كما أقبل أن يحكمها قبطي أو أياً ما كان لأن معيار القبول و الرفض هو برنامجه الإنتخابي أولاً و ثانياً و ثالثاً أما ما يتمتع به من قبول فيأتي رابعاً جميع من رفض حكم المرأة ثم إستطرد ليؤكد إحترامه لها هو يناقض نفسه فالإحترام مع الإنتقاص من قدرها ضدان .. و النساء لسن أقل من الرجال في الحياة و لا في دولة بمفهومها العلماني و ليس بمفهوم الخلافة الإسلامية و الجملة الأخيرة رد لمن يستشهدون بالقرآن الكريم في تدعيم رفضهم لرئاسة المرأة قلنا أن المعيار هو البرنامج الإنتخابي أما القدرة على إتخاذ القرار و السيطرة على الأمور فهما أمران لا يتوقفان على رئيس الجمهورية وحده فالرئيس لا ينزل إلى الشارع ليستطلع آراء الناس و لكن تأتيه التقارير من جهات مختلفة ناهيك عن مستشاريه و وزرائه و غيرها لقد جبلنا في مجتمعنا المغرق في العاطفة أن ننحاز لمن تختاره قلوبنا و نقصي العقول من أهم مهامها فاللذين أحبوا عمرو موسى أيدوه رئيساً رغم عدم علمهم ببرنامجه الإنتخاب و لا حتى هو يعلم ما يمكنه أن يقدم لمصر فما زال يبحث عن برنامج على أساس الحقائق المصرية من إقتصاديات و مستوى تعليمي و صحي و إجتماعي و قدرات الجيش و غيرها من مقومات تمنح ممتلك مقاليدها من توظيفها لأفضل ما يمكن من نتائج كذلك كل من رشح مرشح قريب من قلبه كالدكتور البرادعي و عمرو خالد و أحمد زويل و غيرهم ، جميعهم قيم كبيرة نفخر بها جميعاً و لكن الأساس في إختيار رئيس الجمهورية هو ما سيقدمه لنا كشعب و ليس حجم محبتنا له فتلك العاطفة تأتي في المقام الثاني بعد إقتناعنا بقدرته على تحقيق الأفضل لمصر و على هذه الأسس يرفض معظم الرجال و بعض النساء تولي إمرأة رئاسة البلد ، بعضهم نكأ نقاط ضعفها و بعضهم تحفظ و لكن الجميع تناسى أن للرجل أيضاً نقاط ضعف ليس أقلها النساء مثلاً و ليس أكثرها المال ، و السلطة في حد ذاتها شهوة إذا كانت المرأة لا تصلح أن تكون رئيساً للجمهورية فالرجل أيضاً لن يصلح

السلام عليكم و رحمة الله وبركاته التاريخ يعيد نفسه و كما قال علي بن أبي طالب رضي الله عنه و عن جميع صحابة النبي عليه الصلاة و السلام "و استدل علي ما لم يكن بما كان..فإن الأمور اشتباه" يعني عاوز تتوقع رد فعل معين استدل عليه برد فعل قديم علي نفس الفعل..فإن الأمور متشابهة و عندما كنت أتابع قصة واحد من سلف هذه الأمة و هو سفيان الثوري..أحسست أن بعض الكلام ينطبق علي واقعنا بحذافيره.. سفيان الثوري كان عالما جليلا..و كان له خلافات مع الحاكم..و عاش تقريبا طوال حياته هاربا منه..و مات غريبا في بيت أحد تلامذته...و هو يحيي بن سعيد القطان. كان له مداولات مع الخليفة..و في مرة..أرسل الخليفة الي أحد أصدقاء الثوري..و قال له ..لماذا يعتزلنا أبو عبد الله..خذ خاتمي هذا و اذهب به الي أبو عبد الله ..و قل له يا أبا عبد الله احكم الناس بالكتاب و السنة و الخاتم ده..اللي هو زي ختم النسر أو الختم الرسمي كده عندنا..اللي بيعمل كل حاجة يعني..و الخليفة يقصد..اذهب اليه و قل له تعالي احكم أنت الناس بما تره يرضي الله ويوافق سنة رسوله الكريم فكان رد سفيان الثوري عليه..يا ناعس – أي يا مغفل – أنا ما أخشي اهانته..أنا أخشي معروفهم..فلا أري منكرهم منكرا.. استوقفتني كثيرا هذه الكلمة..أنا أخشي معروفهم فلا أري منكرهم منكرا شوفوا انتوا كام واحد من الرجال المحيطين بالنظام الفاسد تنطبق عليهم هذه الكلمة..افتكرت امبارح الكلام ده و أنا بقرأ مداخلة لسي السيد عن حسني مبارك..و انه اتغير جدا بعد الحكم..و أصبح يتبرأ من أهله و أقرب الناس اليه..و ده عمره ما كان هيحصل الا لما أصبح قريبا من السلطة..و أصبح يري أن أصحاب السلطة لا يخطئون.. و ممكن أن يلقي باللوم علي البسطاء الذين يطالبون بأدني حقوقهم.. و ده حصل فعلا من بعض رموز النظام القديم لما الثورة بدأت..و سمعت كلام مشابه لصفوت الشريف و احمد شفيق.. الفترة الجاية لازم بإذن الله نبدأ فيها علي نظافة تامة..و لو عاوزين فعلا البلد دي حالها ينصلح..يبقي نحسن الظن بالله أولا..ثم نطهر البلد من جميع رموز الفساد..لأن العضو الفاسد ممكن ينقل العدوي لمن حوله.. و يبدأو في نفاقه..و ده أعتقد هيرجعنا سنين كتير أوي لورا

انا مصريه وافتخر ....من زمان على فكره مش من دلوقتى والحمد لله تامر ..حلمك سواء كنت نايم او صاحى هو رؤيتك انت وانا احييك على سردها بس عاوزه اقولك انك فعلا تقدر تعتبر جزء من ها يتحقق ان شاء الله انا لسه راجعه فجر الامس من مصر ولاول مره من سنييين ابكى وانا سيباها دموع مختلفه عن اللى ذكرتها قبل كده فى موضوع ما عن دموع فراق الوطن المره دى كانت مختلفه تماما ...احساس لا استطيع وصفه ...ابشر فعلا ان شاء الله ستلغى الواسطه والرشوه والزباله فى الشوارع وقله الذوق العام البلد كلها تقريبا نظفت بالكامل وجملت وجارى تجميلها من الشباب والنساء صدقونى مش بجامل والله فى منشورات بتوزع بحب فى الاشارات والمترو كلها بتقول مش هانرمى زباله فى الشارع مش هانسمح بالاهاته مش ندى اكراميات مش هانهين موظف ولا عامل وقيس على كده احساس المواطن فى مصر حلمنا كلنا واللى فجره ولادنا مش احنا على فكره...ان شاء الله هايبقى حقيقه وانا مصريه واللهم اجعله خيييييييير تحياتى يا ابوفرح

من الشعب المصرى للشعب الليبى الشقيق نناشدكم بإنهاء التظاهرات لان الشعب المصرى مش حيستحمل خطاب تانى من القذافي بن علي ومبارك بعتوا رساله للمعمر القذافي.. عزيزي القذافي........ فله شمعه منوره طبعا معانا دعوة لمظاهرة ترليونية للاعتذار لحسنى..و ستكون بعنوان جمعة اللى يشوف بلاوى غيره تهون عليه بلوته

يعنى حضرتك ان اى راجل اى كان افضل فى الحكم من اى سيده انا كده فاهمه صح نقطة ان أي راجل أياً كان أفضل في الحكم من سيدة.... مين قال اننا لما نختار رئيس لبلدنا هانختار أياً كان الأسباب لا تعد ولا تحصى بس خلينا أقول لك سبب واحد ومش من وجهة نظري أنا من القرآن الكريم ﴿ واستشهدوا شهيدين من رجالكم فإن لم يكونا رجلين فرجلٌ وامرأتان ممن ترضون من الشهداء أن تضل إحداهما فتذكر إحداهما الأخرى ﴾ يعني في الأمور البسيطة واللي تطلب ذهن حاضر وشهادة تفصل بين الحق والباطل, رب العزة سبحانه أمرنا بإن المرأة شهادتها تعدل نصف شهادة - وده والله ليس انتقاص من حق المرأة ولكن حكمة رب العالمين في اختلاف الجنسين باختلاف رسالتهم ودورهم في الحياه- لما تكون شهادة المرأة تعدل نصف شهادة تفتكروا تقدر تأخد قرارات مصيرية تخص شعب بالملايين,وليكن قرار قيام حرب أو انهاءها أنا مؤمن جدا المرأة دورها أكبر بكتير من دور رئيس الجمهورية على فكرة أكبر وأصعب ومايقدرش يقوم بيه أي راجل في الدنيا ممكن تكون وزيرة للاختصاصات معينة ودي لو هي فعلا قد المسئولية وتقدر تتحمل ضغط المنصب ده لكن دور القائد وبالذات لدولة كاملة آسف مااعتقدش ينفع أبدا تكون واحدة ست ادعوا معايا ان ربنا يولّي أمورنا خيارنا وأن يبدلنا خيراً ممن سبقوهم

RT @AHegazy: كلما اقترب خلع حاكم تحدثت أمريكا عن بديله وتحدثت سويسرا عن رصيده --" (وتحدث رؤساء العرب بأنهم ليسوا مثله) #jan25 #egypt #arab

بشكل عام بالتاكيد ليس عندى اى رفض او قبول مسبق مبنى على اعتبارات النوع ما يهمنى بشكل عام الخبره و القدره من يستطيع ان يقنعنى بخبرته و قدرته و ببرنامجه الانتخابى الذى يتبنيه سانتخبه سواء كان ذكر او انثى اتفهم بعض المعارضات النابعه من العقليه الشرقيه و لكن اثق انه لو ترشح فعلا امراه تتمتع بخبره و قدره فكثيرين سيغيرون رايهم هذا المراه الرئيس ليست بدعه فى العالم الحديث و ان كانت لم تصل حتى الان فى امريكا فقد شهدت الانتخابات السابقه اقوى اقتراب لها من المنافسه لكن بالتاكيد هناك دول كثيره اثبتت فيها جداره سواء كمنب الرئيس او رئيسه الوزراء اذا كان النظام فى تلك الدوله النظام البرلمانى و قياسا على ما سبق من رايى فانا بالتاكيد ان انتخب اسماء محفوظ مع احترامى الشديد لها لكن لا اراها وصلت بعد للخبره و القدره اللازميين لتسير بلد بحج مصر ربما تستطيع الترشح بعد عشر سنوات من الان بعد ان تصقل خبرتها السيسيه فيهم بشكل جيد و تتمرس فيه سواء بالعمل تحت اللواء الحزبى او البرلمانى لكن اعتقد ان حماسها او ذكائها او حسن تفكيرها و الخبره المحدوده التى اكتسبتها حتى الان من احتكاكها بالعمل السياسى من زاويه واحده غير كافى على الاطلاق لاعتبارها مرشحه تستطيع حتى المنافسه بشكل جدى على المنصب

احنا عارفين بتوع السعودية دافعين لك كام :closedeyes: كل ده علشان مش عارفين المساكين ياخدوا اجازات زي مغتربين الكويت وبتفشل كل الخطط بتاعتهم في تخزين المية لمواجهة الصيف ..حقيقي غلابة انا بقترح انه يعتصموا علشان ياخدوا لهم اسمعوا استجمام كل شهرين كده في الكويت وبعدين الاجندة بتاعتهم احنا عارفينها كويس وسؤال ليك انت ولماضة من أنتم من أنتم http://www.youtube.com/watch?v=0YBik61I3DQ

لو تقدمت سيدة للمنافسة على إنتخابات الرئاسة فسوف استمع لها واقرأ برنامجها الإنتخابى وأسأل عن تاريخها العملى ونشاطهاالحزبى والسياسى سأحاول أن أعرف من سيكونون ضمن قائمة مساعديها واتعرف على تاريخهم ، سأتابع المرشح أو المرشحون الأخرون وافعل نفس الشيئ بالنسبة لهم ولمعاونيهم ثم اقارن واقرر بعد ذلك. لن يهمنى أن كانت طويلة او قصيرة ، أمينة رزق أم جولى روبرتس أو حتى نجمة ابراهيم. أنا عايزة واحدة تحكم وتدير مصر مش عارضة ازياء. وعلى فكرة لاأعتقد أن من ستتقدم لرئاسة مصر ممكن تكون فى سن الحمل والولادة ، وحتى لو كانت كذلك ، فاعتقد الكثيرين منكم كانوا يعملون تحت إدارة سيدات حوامل ومرضعات ، الحمل والرضاعة ليسا بعاهات.

فعلاً .. لا تظهر معادن الرجال إلا عند المحن والشدائد ... ومهما حدث من سحب وغبار عارض .. فيظل الذهب والمعدن الأصيل أصيلاً .. لإن المهم هو الجوهر .. فما أسمعه في تلك الأيام ومنذ بدء المحنة الليبية وهروب الأجانب العاملين هناك إلى دول الجوار سواء مصر أو تونس أو الجزائر وهي من الدول التي لها حدود مع ليبيا المترامية الأطراف ... يجعلني أتوجه بالشكر إلى الشعب التونسي والجزائري لما قدموه من مساعدات إنسانية وحُسن إستقبال لإخوانهم المصريين الفارين من جحيم القذافي ... مره أخرى .. الف الف تحية لنشامى العرب ورجالها الحقيقيون الذين يسمون فوق كل تفاهات وكل صغائر ...

يعني الموضوع ما خدش يومين بلياليهم وإتحقق معاهم إتحكم عليهم .. عشان بيمس وزارة الداخلية وسيادتها إنما دم الشباب اللي راح هدر .. سكتم بكتم وما فيش حد قال بخ حتى ... وفي النهاية يتحاكم الكلب حبيب العادلي السفاح عشان غسيل أموال لمبلغ 4 مليون ونصف .. يعني كتيره هاياخد حبس 6 شهور ويطلع .... وباقي البلاوي بتاعت البلد الي موثقة بالفيديوهات والوثائق ... لا حس ولا خبر ويكفي ان نعلم إن السيارة الدبلوماسية التي قتلت بدم بارد 14 نفس بشرية ... لم يتم فتح تحقيق أو تقديم بلاغ ضد أي كائن على كوكب الأرض ... ما هذا أيها السادة .. ونحاسب مين دلوقت ونكلم مين ؟

«مليونية» جديدة في «التحرير» لإسقاط «شفيق» ومحاسبة قتلة الشهداء يستعد ميدان التحرير لاستقبال مظاهرة مليونية جديدة، الجمعة، للمطالبة بإسقاط حكومة أحمد شفيق، واستكمال تحقيق مطالب الثورة، والتعبير عن التضامن مع ثورات الشعوب العربية في ليبيا واليمن والبحرين والمغرب والجزائر. ودعا ائتلاف شباب الثورة إلى المظاهرة التي تتزامن مع ذكرى مرور شهر على اندلاع ثورة 25 يناير التي أسقطت نظام مبارك بعد 30 عاماً في الحكم. وحدد الائتلاف 4 مطالب للمظاهرة على رأسها إقالة الدكتور أحمد شفيق رئيس الوزراء وتشكيل حكومة انتقالية من التكنوقراط الوطنيين المستقلين والتخلص من بقايا النظام السابق في الحكومة، والإفراج عن المعتقلين السياسيين ومسجوني المحاكم الاستثنائية قبل وبعد ٢٥ يناير، وحل جهاز مباحث أمن الدولة، وتشكيل لجان قضائية مستقلة مطلقة الصلاحيات للإسراع في محاسبة المتورطين في قتل الثوار وتعذيبهم والمتسببين في الفساد الذي تفشى في الحقبة السابقة. وحذر الائتلاف من أن «التباطؤ في تنفيذ المطالب السياسية المشروعة لجموع الشعب المصري قد يؤدي إلى المزيد من الاحتقان وعدم استقرار الأوضاع»، مشدداً في الوقت نفسه على «مصرية الثورة ووطنيتها وعدم احتكار أي فصيل لها». المصرى اليوم

سمك بورى .. منظف ومنقوع فى عصير ليمون وقليل من الخل لمدة 15 دقيقة يتم حشوه بالحشوة التالية نعمل له صوص عبارة عن معلقتين خل مع عصير 4 ليموانات كبيرة وملعقة زبدة .. وتغلى على النار حتى تتكثف ثم يغطى بالصوص ويدخل الفرن لمدة 20 الى 25 دقيقة لا أكثر الحشوة طعمها الذ من السمكة نفسها .. بس كمان السمكة لذيذة للغاية حشوة السمك هى عبارة عن بصل متكرمل فى الزبدة وقيل من زين الزيتون كرافس وتوست متحمص مع عصير ليمون وزبيب معاهم سلطة عبارة عن خس بوتشا متقطع كبير وطماطم شيرى .. هنا أورجانيك مع فجل احمر ولهم صوص خل وعصير ليمون وزيت زيتون بنسب متساوية .. .. يوزع متساويا على السلطة وهنا وعافية

بما انى من بنات جنسها اسمحلى ارد لأ ياأستاذ طائر هو حضرتك فهمتنا غلط احنا ماقولناش ان المرأة ماتبقاش رئيسة عشان هى مكانها المطبخ وخصوصا المرأة الشرقية او المصرية لأ طبعا المرأة المصرية قادرة انها تعمل حاجات كتير جدااا غيرها من الجنسيات ماحدش عمهلها المرأة المصرية هى.....سميرة موسى وهدى شعراوى وغيرهم من السيدات المشرفات لوطنهم المرأة المصرية....بتصحى الصبح تودى العيال المدرسة وتروح شغلها وتنتج فى شغلها وترجع بيتها تقف فى المطبخ وتلبى طلبات بيتها المرأة المصرية جديرة انها تاخد اعلى المناصب وانا متأكدة وانا عن نفسى لما قلت ارفض كنت برفض مش لانى شايفة المرأة المصرية مكانها المطبخ لأ لانى شايفاها ينفع تشغل مناصب أخرى وتثبت نفسها فيها احسن من المنصب ده اللى احنا لسه لغايت دلوقتى بنتكلم عنه على ان اللى هيبقى رئيس جمهوية هيبقى إله كلامك صح 100% انا ما رفضتش تبقى رئيس جمهورية و لا كمان وافقت انها تبقى رئيسة بالمفهوم الراسخ في الاذهان عن الرئيس الفرعون أنا كنت باتكلم عن دولة ديموقراطية مدنية مش منصب فرعون أو خليفة المسلمين اللي أكيد المرأة متنفعش فيهم و عليه بأكرر ان معيار الاختيار الحر عندي- لما يبقى في انتخابات حرة الأول -هو البرنامج الانتخابي الذي يقدمه المرشح بغض النظر عن جنسه أو دينه أو لونه تحياتي

بما انى من بنات جنسها اسمحلى ارد لأ ياأستاذ طائر هو حضرتك فهمتنا غلط احنا ماقولناش ان المرأة ماتبقاش رئيسة عشان هى مكانها المطبخ وخصوصا المرأة الشرقية او المصرية لأ طبعا المرأة المصرية قادرة انها تعمل حاجات كتير جدااا غيرها من الجنسيات ماحدش عمهلها المرأة المصرية هى.....سميرة موسى وهدى شعراوى وغيرهم من السيدات المشرفات لوطنهم المرأة المصرية....بتصحى الصبح تودى العيال المدرسة وتروح شغلها وتنتج فى شغلها وترجع بيتها تقف فى المطبخ وتلبى طلبات بيتها المرأة المصرية جديرة انها تاخد اعلى المناصب وانا متأكدة وانا عن نفسى لما قلت ارفض كنت برفض مش لانى شايفة المرأة المصرية مكانها المطبخ لأ لانى شايفاها ينفع تشغل مناصب أخرى وتثبت نفسها فيها احسن من المنصب ده اللى احنا لسه لغايت دلوقتى بنتكلم عنه على ان اللى هيبقى رئيس جمهوية هيبقى إله

كام نقطه بس على السريع مطلب تأجيل انتخابات ليس لتحقيق مصالح شخصية ولكن لضمان وجود تمثيل حقيقي لجميع التيارات والأفكار في الشارع تصوّر سباق بين مجموعة أشخاص ... قبل السباق بأسبوع حطيت كل المتسابقين في أوضه ضلمه من غير أكل باستثناء واحد سبته بره وقعدت تديله منشطات و قبل السباق ما يبدأ بعشر دقائق طلعتهم من حبستهم وقلتلهم يالله يا رجاله اجروا ... هل نتيجة السباق هتعكس المستوى الحقيقي لهم؟ لو أجرينا الانتخابات الآن هتبقى مهلبية مش ديموقراطية ... الديموقراطية يا سيدي الفاضل مش صندوق انتخابات ... ما كان عندنا صناديق انتخابات في عهد مبارك لكن كانت لا تمتّ بصلة للديموقراطية. مسلة حلّ الحزب الوطني ... هل الحزب الوطني هو حزب أساسا؟ حضرتك لو عضو فيه تقدر تقولي ايه توجهه ومبادئه. يا عزيزي الحزب الوطني ما هو إلا تجمّع للفاسدين الراغبين في التقرّب من جهاز الدولة لتحقيق مصالح ومكاسب غير مشروعة وأنا طبعا لا أتهم جميع من فيه بالفساد ولكن على الأقل الصفوف الثلاثة أو الاربعة الأولى من قياداته 99% منهم فاسدين. وأنا مستغرب انك بتقول هل الفساد والإجرام يستحق الاحترام أم الاحتقار والمحاسبة؟ وإذا كان الدستور والقوانين القائمة حتى اليوم ينصّ على أن المجرمين ليس لهم الحق في ممارسة نشاط سياسي فلماذا نستثني مجرمي الحزب الوطني. أنا شخصيا لست مع حلّ الحزب لأني واثق أنه سينتهي تلقائيا ما أن تصبح لدينا حياة ديموقراطية سليمة ... ولكن ما أريده ألا يستغل مجرمو الحزب الوطني الفترة الانتقالية وهشاشة الأوضاع في الانقضاض على الديموقراطية الناشئة بأسلحة المال السياسي والبلطجة والعلاقات المشبوهة الموروثة من العهد البائد لإجهاض الثورة والعودة الى الى نظام الاستبداد والتزوير والفساد عبر بوابة صناديق الاقتراع ... لذا أطالب باعتبار الحزب الوطني عصابة إجرامية (وهو كذلك) وبالتالي حرمان أعضائه من ممارسة حقوقهم السياسية في الترشح للانتخابات لمدة سنة واحدة على الاقل تجرى خلالها الانتخابات الرئاسية والبرلمانية ... حتى نضمن وجود أول برلمان خال من المجرمين والحرامية ... ثم ليعد من يريد منهم لممارسة العمل السياسي بعد أن تترسخ أركان الديموقراطية وتسنّ القوانين الضامنة لعدم عودة الاستبداد السياسي والبلطجة والأموال المشبوهة. غير كده نبقى احنا بنضحك على نفسنا لإن الفساد اللي طردناه من الباب هيرجع لنا من الشباك. التلفزيون المصري لازم يتلغي !!! ... غريبه ما كانش ده رأيك قبل وخلال الثورة ... ولا علشان أصبح خارج سيطرة الحزب الوطني وبقى بيمثل المصريين بكافة انتماءاتهم وآراءهم وينقل الحقائق وليس الأكاذيب. آخر نقطة ... لا أحد فوق النقد سواء كان شباب ثورة (وعلى فكره هي ثورة شعب وليست ثورة شباب) أو جيش أو رئيس وزراء ... كلنا مواطنون متساوون في الحقوق والواجبات.

الجمال ؟؟

حبيب البي يا اوزو سكر والله :happy: مساحات من الجمال الرباني البكر لم تكتشف بعد ,,

الاخوه الاعضاء لقد دوما تعودنا ان نتكلم من القلب-او البوء- سويا في السراء والضراء واعمالا لمبدأ الشفافيه والذي ننتهجه دوما ونظرا لما لوحظ مؤخرا من لغط حول قتل العضو الفاضل زوهيري احب ان اوضح بعض الحقائق 1-العضو الفاضل كانت عنده اجندات ايوه اجندات وخارجيه كمان وقد اقنعناه مرارا باستعمال الاجندات الداخليه حيث انها كالملابس الداخليه لا تسبب التسلخات الا انه ابي الا استخدام الاجندات الخارجيه المسببه للتسلخات 2-واحد هايقولي وعرفتو ازاي انها خارجيه اقوله قبل مايموت علي طول دخلت عليه لاقيته بيتكلم في التليفون وبيقول في نهايه المكالمه( باي ) ولما سألت علي معني تلك الكلمه طلعت كلمه انجليزيه بالاضافه الي انه وهو بيموت بعد اول طلقه قال (اوووه) ماقالش اي زي مااي عضو عربي عادي بيقول وهو بيتفتل واخيرا لما خلص ووقع علي الارض وقع علي جنبه الشمال وليس علي ظهره كما يموت اي عضو محترم وانتم عارقين طبعا ان الانجليز بيكتبوا من الشمال لليمين 3-كانت عنده خطه لافساد مباني الدوله قبل موته حيث انه طرطش دم علي الحيطه اللي كانت وراه لا ومش كده وبس ده قعد يستعبط وهو بيموت ويتمسح في الحيطه بعد ما انضرب اكنه بيتوجع يعني والمعروف ان اي قتيل يحترم نفسه بيقع علي الارض علي طول عشان مايوسخش الحيطه وقد تم خصم تكاليف دهات الحيطه من معاش المرحوم والله الموفق

شعار بنات 25 يناير افرحوا يابنات مش هتعنسوا الشباب هيشتغل وهتتجوزا !!!!!!!

بصي يا رضوى .همه هايفضلوا يتعاملوا كده لحد ما يتحكم عليهم فعلا ويبقى ....(جواب نهائي) لان اللي بيتعاملوا معاهم خايفين .او حاسين.او متوقعين.ان الموضوع في الاخر يطلع على فاشوش وياخدوا براءه ولسه الامور لم تتضح لهم بعد فيحصل ايه بقى لو طلعوا منها زي الشعره من العجينه؟ يبقى هايصفوا حسابهم بعد كده من كل اللي عاملهم معامله سيئه وهمه في السجن علشان كده بيتعاملوا معاهم (على قديمه )يعني وضعهم القديم ..لحد ما الرؤيه تبان وماتنسيش انهم ممكن يرشوا لهم رشه جريئه في السجن وكلنا عارفين الفلوس بتعمل ايه. :closedeyes:

http://www.youtube.com/watch?v=N8VDeyr7aVs

رصد | الجيش و الشعب ولعبه المستهبله بقلم محمد دياب _______________________ لو بتقري المقاله دي، ارجوك تحاول تحرر نفسك من اي افكار مسبقه ... تعالي ننقاش اللي بيحصل بمنتهي الحياديه ... هنتكلم عن اكتر ملف حساس دلوقتي... الجيش كلنا تقريباً متفقين علي وطنيه الجيش و اهميه دوره في الوقوف الي جانب الثوره ... و من كتر ما احنا كشعب دايماً نفسياً محتاجين لكبير، فبسرعه عملنا الجيش كبيرنا و بصراحه الناس كانوا قد المسؤليه، وانا شخصياً و عقلاء كتير طلعنا بندعو بالتهدئه و اهميه الثقه في الجيش دايماً كلامهم مطمأن، و تأكيد ان كل المطالب هتتحقق بس المشكله الوقت ... و كان ناس بتطلع و تقول المشكله مش مشكله وقت ولا حاجه دول بيطبخوا حاجه و ده جزء من الثوره المضاده ...بصراحه مكانش عندي رأي قاطع و بل بالعكس فضلت اني ابدأ العلاقه بالثقه بس الواحد بدأ يلاحظ بعض الاشياء بماتفسر: ان يتم تغيير جميع الوزراء الا وزراء الوزارات السياديه(الوزارات التتي تتحكم حقيقه في مقاليد الامور وزاره العدل "السلطه التشريعيه" علي رأسها ممدوح مرعي -المعروف بأنه اكثر من نكل بالقضاه المعارضين وزاره الداخليه "السلطه التنفيذيه" علي رأسها محمود وجدي – وزير الداخليه يوم موقعه الجمل والذي فاجأ الجميع منذ ايام بتصريحات من العصر القديم عن القله المندسه و القناصه الاجانب و لم يعترف بأي تقصير من جانب الشرطه مما ادي لإعاده الاحتقان بين الشرطه والشعب ... و ظهر مدير امن دمنهور بعدها بنفس الطريقه القديمه يهدد و يتوعد بل و يقر انه يحاول الايقاع بين الشعب والمتظاهريين وزير الخارجيه "الاتصال بالعالم" علي رأسها احمد ابو الغيط، الذي بشهاده الخبراء هو اسوأ من تولي وزاره الخارجيه، و هدد المتظاهريين اثناء الثوره ان الجيش لن يسمح بالفوضي – أي التظاهرات عدم تغيير رؤساء الصحف القوميه (المطبلاتيه) حتي الآن – عندما صرح احد قاده المجلس العسكري في العاشره مساءً طالباً منهم ان يستقيلوا اتصل به رئيس الشئون المعنويه اللواء اسماعيل عتمان(علي الهواء) يعاتبه علي تصريحه، و يطلب من رؤساء الصحف القوميه الا يستقيلوا اللي هيقرا اهرام السبت هيعرف هما مغيروهمش ليه؟؟ الاهرام بتستعبط و تقول ان الناس نزلت امبارح عشان تحاكم مبارك و الفساد!!!!!!! مجابوش السبب الرئيسي و الوحيد للمظاهره و هو اسقاط حكومه شفيق ... يعني نفس العاب زمان لما شفيق يوقف اعاده برنامج واحد من الناس اللي كان فيه ابراهيم عيسي بيطالب بإسقاط شفيق!!!و يتوقف عمرو الليثي من الخروج علي الهوا عشان الباقيين يخافوا لما وزير الاوقاف "الازهري" يتعمد ان يدعوا الشيخ محمد حسان "السلفي" في مسجد النور، و هو عارف ان هيجيي ملايين وانه هيتكلم عن الماده اتنين من الدستور ... عشان يخوفوا بيه المسيحيين ... مع ورود معلومات عن ان فيه جهات امنيه بتسخن المسيحيين عشان يصروا علي تغيير الماده اتنين، فتحصل مواجهه بينهم و بين السلفيين الا يثير كل هذا الشك في النفوس ... ارجوك فسرلي لماذا يختار شفيق ان يظل في مواقع السيطره الحقيقيه اشخاص تابعيين لأقصي درجه للنظام القديم؟!!! مش طبيعي ان الفار يبدأ يلعب في عب ناس كتير؟؟ و هبقي اكثر وضوحاً و اسأل بصراحه: لماذا يريد (الجيـــــــــش) مش (شفيق) ان يظل رجال النظام القديم في السلطه؟ الحقيقه ان الشعب و الجيش بيلعبوا مع بعض لعبه (المستهبله ) الجيش هو اللي بيعمل كل حاجه بس يروح مستهبل و ملبسها لشفيق ... يقوم الشعب عشان عاوز و محتاج يصدق ان الجيش هو بابا و ماما وانور وجدي، يروح مستعبط و مهاجم شفيق و ينزل في مظاهرات ضده ... و يعمل انه مش واخد باله ان المسؤل الحقيقي هو الجيش الثوره المضاده اللي الناس بتتكلم عليها، بتحصل تحت سمع وبصر الجيش و الشعب يروح مستهبل تاني وفرحان قوي بالبيان اللي بيؤكدوا فيهم تصديهم للثوره المضاده ... طب فيييييين!!!!! عاوزين تقضوا علي الثوره المضاده شيلوا اي واحد ليه علاقه بالنظام القديم لما يطلع فيديو لمدير امن دمنهور بيقول فيه صراحه انه بيحاول يقوم الناس علي المتظاهريين ... ده مش محاولات ثوره مضاده!!!! دي لوحدها يتشال فيها وزير الداخليه بعد ده كله ما تفتكروش ان من حق الناس انها تطالب بإقاله حكومه شفيق!!! مش من حق الناس انها تخاف علي ثورتها!!! مش من حق الناس انها تبقي متأكده ان فيه مؤامره ولااااااازم يتصدولها .... مش من حقها انها اضعف الايمان انها تظن ان لو النظام القديم في ايده كل ده، ممكن يدعم مرشح في انتخابات الرئاسه و يبقي كأنك يا ابو زيد ما غزيت! ... مش من حق الناس انها تتظاهر و تطالب بالتصدي لمحاولات إجهاض الثوره دي و تبات كمان في الميدان زي ما هي عايزه؟ طبعاً كل ده كوم و اللي حصل الجمعه 25 فبراير كوم تاني ... الجيش ضرب المتظاهريين و طردهم بالقوه!!!! انا مش مصدق عدم الحكمه بتاعه اللي خد القرار ده!!!! تضربونا عشان شفيق!!!! هو شفيق اهم من مبارك؟؟؟ هو شفيق اهم من مصر؟؟؟؟ ولا فيه حاجه بتدبر؟؟؟؟؟؟؟؟؟؟؟؟ للأسف مفيش تفسير تاني هتقولي الكلام الخايب بتاع اصلهم كانوا بيتظاهروا بعد الحظر ... هقولك ان لولا الناس اللي فضلت تتظاهر 18 يوم بعد الحظر مبارك عمره ما كان هيمشي هتقولي حرام عليك اديهم وقت ... هقولك فووووووووووووووق ... هما كان عندهم وقت يغيروا كل الوزارات و معندهمش وقت يغيروا التلات وزارات المتحكمين في البلد!!!؟ هما ليه اتحججوا قانونياً بأنهم ميقدروش يعزلوا حد من الصحف القوميه و في ثانيه لما حبوا راحوا عزلوا نقيب الموسيقين منير الوسيمي!!!؟ هتقولي حرام عليك الجيش هو اخر حاجه نتسند عليها ... هقولك نفس الكلام اللي كنت بقوله ايام اسقاط مبارك .. وجه اتهاماتك و احباطاطك في المكان السليم .. للي بيحاولوا يسرقوا الحلم .. مش المطالبين بالحق .. للأسف ضرب الجيش للمتظاهريين تسبب في بدايه النهايه للعبه المستهبله ... و الناس هتبدأ تكسر خوفها من ان ميكونلهاش ضهر و هيبدئوا يواجهوا تخوفاتهم الحقيقيه و اوعي تقولي الجيش اعتذر، الاعتذار يكون بتحقيق المطالب اللي الناس عاوزاها ... مشوا حكومه شفيق انهارده قبل بكره ... قبل ما الناس تفقد الثقه تماماً فيكوا و ساعتها هيبقي مطلب اساسي تكوين مجلس رئاسي و هو بصراحه عين العقل في اعتقادي ان فيه انقسام حاد بين قيادات الجيش، بل انا متأكد ان ده حاصل و بدعي ربنا ان الجانب اللي مع الحق ينتصر بسرعه، لأن الحق و الشعب هينتصر هينتصر بإذن الله علي فكره معظم اللي بيقولوا نسيب حكومه شفيق، و بيصفوا القرار ده انه عين التعقل هما اللي مش بيفكروا بعقلهم بل بيحركهم العاطفه .. عاطفه الخوف ... اقولك علي دليل؟ فاكر لما كنت بتتفرج علي الثوره في تونس و مشي بن علي و جه الغنوشي .. بذمتك كنت مع التونسيين في انهم يسقطوا الغنوشي ولا لأ؟ طبعاً كنت مع اسقاط الغنوشي، و الغنوشي بالظبط هو شفيق ... بس عشان كنت شايف من بره، من غير خوف و عارف تحكم بعقلك و الله العظيم انا بقول الكلام ده عشان بتمني ان صوره الجيش متدمرش تماماً في عنين الناس ... و ده مش هيحصل الا بالتخلص من النظام القديم بجد مش كده و كده و نصيحه : ابوس ايدك ما تكونش رأيك من علي الفيس بوك ... كون رأيك من الجرائد المستقله، من مثقفين حقيقيين ... كون رأيك من المحللين الموثوق في استقلالهم ونزاهتهم ... عمرو حمزاوي، مأمون فندي، عمرو الشبكي، حسنين هيكل ، فهمي هويدي، وائل قنديل ... انا ذكرت بعض المستقليين مش معارضيين عشان متقولش دول كانوا معارضين مالأول . ننصيحه اخيره للساده الزملاء الثوار "العصبيين" بالراحه علي الناس شويه ... لو اختلفوا معاكوا و مش فاهمين وجهه نظركوا فهموهم .. محدش يتعامل انه معاه صك الحقيقه المطلق، هتخسر كده الناس ... و طبيعي ان الناس تبقي متلخبطه، و طبيعي ان خوف الناس كلها بما فيهم انا مخلينا بنتمني نلاقي ضهر نتسند عليه ... حتي لو معني كده اننا نغمي عنينا عن حقايق واضحه ... متخلوش الناس تكره الثوره ، انا عارف انكوا بيصعب عليكوا انكوا بتضحوا و بيطلع عينيكوا و فيه ناس بتنتقدكوا بس القفش هيخسرنا الناس ... اللي من غيرهم مفيش ثوره علي المستوي الشخصي، لو اللي بيقري متابع مواقفي، فأنا بحاول ابقي متزن و ناديت مع مجموعه من الناس الي التهدئه والتسامح مع فكره القوائم السوداء و فتح صفحه جديده مع الشرطه بعد ما يعتذروا ويتحاسب المخطيء ... "يعني انا مش من المعاندين" بس انهارده بقولها بمنتهي الوضوح ... الثوره في خطر ومحتاجه كل واحد فينا ... و بلاش الناس تكرر اخطائها تاني و تفتكر ان الوطنيه هي التهدئه ... الوطنيه هي التعقل قبل اصدار احكام، و مسانده القرار اللي يحافظ علي مكاسب الثوره .. بدل كل التضحيات دي ما تبقي راحت هدر ... و انا عن نفسي في الشــــــــــــــــــــــــــــــــــارع و يا ريت مصر كلها تبقي في الشارع يوم الجمعه

فعلا الثورة في خطر فهي تحارب ضد المنتفعين والمشككين والمتأمرين والمزيفين والجهال وما أكثرهم في كل مكان فنحتاج لإعلام غير الإعلام ووجوه غير الوجوه وسياسة غير السياسة أناقش الناس فيما تقولونه هنا فأجد نفسي في واد والجميع في واد وكأن الأماني كانت علاوة أو منحة أو زيادة أو ترقية أما كافة المعاني والمبادئ التي تكفل للناس حياة كريمة آدمية فلا معنى لها عند كثير من العوام وكأن منتهى الأمل في الثورات أنا يأخذ هذا علاوة ويمنح ذاك زيادة الثورة تسرق من أبطالها إلى آخرين يتسمون بأسمهم الثورة لم تكن لتقدم الضحايا حتى يعين بدلا من زيد وعبيد الحاج زيد والحاج عبيد وكأنك يا أبو زيد ما غزيت ولا قمت بثورة

كلام حضرتك كالعادة موزون و غير مبني على التعصب و ليس انفعاليا و حز في نفسي جدا التريقة على الحمل و الرضاعة و كأنهم زي ما قلت حضرتك عاهات!!! هي كل حاجة كده بقت مثار للتريقة و ماعادش في ضابط و لا رابط؟؟؟!!! و الزميل الفاضل اللي قال هأووووووووووو بملأ فمه و رغم استنكاري لورود الكلمة في مداخلة أساسا لكن حأسأل العضو الفاضل كنت فين حضرتك لما كانوا السيدات و الآنسات معتصمات في ميدان التحرير يواجهن البلطجية و الجمال و الحمير و الرصاص الحي و الدهس بالدبابات؟؟؟ و كانوا فين الرجالة اللي بيقولوا لاااااااااااااااااااااااا بالثلاثة؟؟؟ عموما السيدات اللي ممكن يكون لديهن الخبرة و القدرة على تولي مثل هذا المنصب أكيد حيكونوا عدوا مرحلة الحمل و الرضاعة و خلصوا مسئولياتهم في تربية الابناء و الأمهات اللي بيربوا الرجالة و يصنعوهم صنع يقدروا طبعا يمسكوا بلد و أوافقك أستاذ محمد معيار اختياري هو البرنامج الانتخابي تحياتي للجميع

ياترى إيه الضرورة الملحة اللى تخليك تعيد نسخ ولصق هذه الكلمات من موضوع آخر فى هذه المشاركة وياترى نتوقع لطعها فى مواضيع تانية مستقبلاً ولا ستكتفى بهذا القدر؟!!! عموماً أقولك الفرق من وجهة نظرى عشان أجاوبك. الفرق إن البرادعى رفض إنه يترشح فى مناخ فاسد وانتخابات مزورة, وده لو حضرتك بتفهم سلوك واحد واثق من نفسه ومستعد للمنافسة الشريفة وبيستند لشعبية حقيقية وإرادة شعبية حقيقية. أما مبارك فهو قائد نظام فاسد استولى على السلطة بالتزوير والبلطجة, ولا يثق فى نفسه لذلك يرفض رفضاً تاماً إجراء انتخابات نزيهة عشان عارف مكانه وترتيبه حيكون الأخير, وإن مالوش تأييد شعبى إلا من الفاسدين المزورين أمثاله. طلب أخير, ياريت تجيب لنا دليل على السطر ده:

سكاي نيوز:رجل الأعمال إبراهيم كامل المسئول الأول عن مذبحة الأربعاء في التحرير الأحد, 27-02-2011 - 12:17الأحد, 2011-02-27 12:16 أذاعت قناة "سكاي نيوز" البريطانية تقريرا مصورا عن أحداث يوم الأربعاء 2 فبراير والمعروف بمذبحة التحرير قالت فيه إن رجل الأعمال ابراهيم كامل الصديق المقرب جدا من الرئيس مبارك والأب الروحي لجمال مبارك هو أول من حث على خلق الثورة المضادة. وقالت القناة أنه من المؤكد أن نظام مبارك هو من نظم نزول مجموعة كبيرة من البلطجية المحملين بالأسلحة والعصي على ظهر جمال وخيول، لاثبات ما قاله الرئيس عن أن تنحيه سيجلب الفوضى لمصر، مشيرة إلى أن ابراهيم كامل كان أول من طالب بنزول مؤيدي النظام لميدان التحرير. وأثناء وجود كامل في ميدان التحرير وسط مؤيدي مبارك، سأله المراسل البريطاني : "اذا هل انتهت الثورة؟" ليجيب كامل بالقول : إنه في اعتقادي أنها مسألة وقت فقط، فقد حان الوقت لكل مصري محب لهذا البلد العودة لعمله، فالاقتصاد المصري خسر الكثير بسبب الفترة الماضية، فمطالب الشباب بالتغيير تمت الاستجابة لها جميعا ولا يجب أن نسمح بدخول المتطرفين بيننا. فوجه المراسل سؤالا آخر لكامل : "ولكنك بدعوى الأمن والاستقرار قمت باثارة هذه الفوضى الآن"، فرد كامل : "لا أنا قمت ذلك لأنه كان يجب أن يكون هؤلاء هنا من البداية، وليس هناك أي حالة واحدة من الفوضى فالفوضى ليست من هنا هناك آخرون هم من يديرون الفوضى. وتابع كامل بالقول : يؤسفني أن اقول إن تلك القلة المتواجدة في ميدان التحرير ليسوا مصر، فهم لا يمثلون المصريين، فرد المراسل : اذا فمن هم؟ فأجااب كامل : هم جزء من قلة تعمل على قلب الحكم في مصر. وأثناء اجراء القناة حوارها مع رجل الأعمال المقرب من آل مبارك جاءت أصوات الرصاص من الميدان، فسأل المراسل : هل تعتقد أنه في وجود تلك الأصوات سيكون هناك انتقال سلمي للسلطة في مصر مع بقاء مبارك في منصبه؟ فرد كامل : نعم أنا متأكد بنسبة 100% أنه سيكون هناك انتقال سلمي للسلطة وأن ما تشاهدونه الآن سيكون جزء من الماضي بأسرع مما يتخيل الكثيرون. وأصر كامل على أن 90% من المصريين يريدون بقاء مبارك فمبارك بالنسبة للمصريين يمثل قيمة كبيرة، على حد رأيه الذي قاله قبل الإطاح بمبارك عبر ثورة شعبية بعدة أيام. لقائه مع سكاى نيوز شوفوا بيقول ايه http://www.youtube.com/watch?v=CDutZbuHFm8&feature=player_embedded#at=25

أنا مش مصدق بجد إن في ناس ممكن تتخيل إن واحدة زي اسماء محفوظ ( مع كامل احترامي ليها ... وتيمور هنا يشهد إني قلت مرة ان التراب اللي بتمشي عليه أنا أشيله فوق دماغي ) .... ممكن يقول إنها تمسك مقاليد الحكم في مصر فعلا الشباب متحمس... وواخداه الحماسة... وبيفكر بانفعالاته مش بعقله مع كامل احترامنا لأسماء ... لكن خبرتها ايه في العمل السياسي أو العمل الاقتصادي أو حتى العمل الإداري ؟ انا شفتها على المحور لما سيد علي وهناء السمري كانوا بيناقشوها ... وورطوها في مسألة إنها هتجيب شباب الثورة في قناة المحور عشان يتناقشوا مع الحكومة.. والبنت المسكينة حاصروها هما الاتنين ومعرفتش تهرب منهم. أسماء ممكن تنفع تكون وزيرة بعد 20 سنة مثلا... ممكن فعلا كم الخبرات والتجارب السياسية والعملية بعد المدة دي تؤهلها إنها تمسك وزارة... إنما نقول إنها هترشح نفسها لانتخابات رياسة الجمهورية 2011 ... ده بجد درب من الخيال ... ده أيمن نور نفسه ... ما زال غير مقنع حتى الآن ... مع كل الخبرات اللي شافها وكل المرمطة اللي اتمرمطها هل أسماء تنفع تكون قائد أعلى للقوات المسلحة ؟ هل أسماء ينفع تدي أمر بدخول حرب ؟ واللي بيقول إن ده هو دور المستشارين يبقى للأسف عايز مصر تتحكم من خلال المستشارين ... وليس من خلال الحاكم اللي الشعب اختاره... يا جماعة دي رئاسة بلد ... مش رئاسة جمعية خيرية ...

تيمور اسمح لي اختلف معاك تماما وكليا لا اعتقد ان مصر محتاجة رئيس يتعلم فيها ولا الشعب ممكن يتحمل مشكلات نتيجة عيل وغلط وبعدين انت استبعدت انها تكون عندها خبرة عسكرية انت كده بتلغي جزء كبير من دور مصر في المنطقة وفي حالة انعدام خبرتها العسكرية هتلاقي قوى كتير في المنطقة تكبر وتبتدي تبطش بالدول المحيطة اللي بتعتبر مصر اختهم الكبيرة اللي بتحميهم وبعدين لا تنسى جارتنا اسرائيل اللي دايما بتعمل حساب للقوة العسكرية المصرية اتوقع انها لو مسكت الحكم هتبقى لعبة سهله جدا لكل اذيال النظام السابق وهتبقى وبكل بساطة كلمة هتوديها وكلمة هتجيبها باقناعها ان ده في مصلحة الشعب

طيب إحنا كبرت في دماغنا بقا و عايزين نعرف شفيق مرتبه كام [/quote] والله دا راجل فاضى وابن فاضية عمال يدور على القنوات علشان يتكلم ..هو نسى انه اول امس تم منع عمرو الليثى من قناة دريم بأوامر منه ... سواء احمد شفيق أو انس الفقى لعبوا على النقطة دى ...بس فعلا والله محمود سعد طلع جدع ...اهى الفلوس بتاعتكم سبتها لكم اشربوها ... ما بنخدش منه غير كلام ...يارب ارحمنا من الأشكال دى ارحمنا

السلام عليكم فى رأيى أن بعد نجاح الثورة بشكل جزئى فى إقصاء رأس النظام وإبعاد أعوانه بشكل غير واضح ، فأرى أن هناك ثلاثة محاور رئيسية للإنتقال من النظام الذى اعتدنا واعتاد عليه المسءولين على مدار ستة عقود. المحزر الإول هو صياغة دستور جديد يليق بمصر قدرا ومكانة وتطلعا لمستقبل يليق بمكانة مصر. وصياغة دستور جديد ليس بمعضلة خصوصا ان عندنا من اساتذة الدستور والقانون من هم أكفاء لوضع دساتير لدول عظمى ، واعتقد ان صياغة دستور جديد فى العصر الحالى لن تكون بالإمر العسير فأماهم دساتيرنا المصرية ودساتير الدول الديمقراطية من حولنا وخبراؤنا الدستوريون مطلعون عليها بل ويدرسونها أيضا. المحور الثانى وهو الانتخابات البرلمانية ، والتى أرى أن هناك محاولة _ أرجو ألا تكون متعمدة _ لسلقها لصالح الوجوه القديمة. معروف أن الأحزاب القائمة المعارضة قد تم ضغطها على مدار ثلاثة عقود بالإضافة لما واجهته من دسائس ومؤامرات أمن الدولة ، فأصبحت خاوية من الداخل ، اضافة لإستخدام قانون الطوارئ لتحجيمها داخل مكاتبها ومنعها من الإتصال المباشر بالجماهير من خلال المؤتمرات الشعبية ، قد جعل منها مجرد صحف بإسم أحزاب . وبالتالى فالأحزاب السياسية تحتاج مزيدا من الوقت لعرض نفسها على الشعب وعرض أفكارها وجذب أعضاء ذوى حيثية ولهم وزن لدى الجماهير الى هيئاتها العليا والتى يمكن أن يكون لها تأثير فى أى إنتخابات ولا أعتقد أن مدة أربعة أو ستة شهور كافية للأحزاب أن تتحرك وتلتقى بالجماهير. المحور الثالث هو أنتخابات الرئاسة وينطبق عليها ماقلته عن انتخابات مجلس الشعب ، مرشح الرئاسة مطلوب منه أن يعقد مؤتمرات شعبية فى المحافظات المختلفة لعرض نفسه وبرنامجا الإنتخابى الذى على أساسه يمكن للجمهور أن يفاضل بينه وبين غيره من المرشحين. =========================== حسنا لو كنا مضطرين لإجراء تعديلات ( مؤقتة ) بدلا من وضع دستور جديد فهناك عدة ملاحظات، الأولى تفويض رئيس الجمهورية فى إختيار نائبه ، وأرى أن يكون الرئيس ونائبه بإنتخاب ( حتة واحدة ) ببرنامج واحد بحيث لو استحدثت أمور تمنع الرئيس من ممارسة صلاحياته يكون هناك شخصا منخبا يقوم بإدارة شئون البلاد. السادات فرض علينا مبارك فجثم على صدورنا لثلاثة عقود ، ومبارك حاول ان يفرض علينا عمر سليمان ولكن الوقت لم يسعفه لانه جاء فى ظروف غير مواتية . الملحوظة الثانية هى اعلان حالة الطوارئ ، أرى أن إطلاقها ليكون الحد الإقصى بدون تحديد الأسباب لذلك أمر غير مبرر إلا إذا كان ذلك لدواعى الحرب ، عدا ذلك فثلاثة شور هى مدة طويلة وكافية للسيطرة على أمور البلاد. المحوظة الثالثة والتى لاأفهمها هى صلاحية رئيس الدولة فى تعيين ثلث أعضاء مجلس الشورى ، كما فهمت وأرجو أن يكون ذلك هو المقصود هو لأول مجلس شورى فقط ، ولكنه فى نفس الوقت يتحدث عن المجلس القديم وليس عن مجلس منتخب . لاأستطيع إستيعاب تعديلات المادة 189

ولو اني ضحكت اليومين الي فاتوا لما قلت بس على فيديوهات القذافي بس بجد ضميري مؤنبني حتى اني مش راضية اعمل لها شير على النت .. بتهيء لي مهما كان اجرام القذافي فبرضه التريقة عليه تندرج تحت باب الغيبة والنميمة وايا كانت افعاله فتبادلنا النكت والتعليقات حوله اكيد بياخذ عليها ثواب وبينخصم في النهاية من حسناتنا احنا . . رجاء ياريت نتوقف عند هذا الحد ومنتكلمش عنه بتنكيت ونكتفي بنقل الاخبار كما هي بدون تعليق ونفرفش في امور تانية وتعليقات اخرى ميكونش لها علاقه بالسخرية من عقله او كده لان محدش يضمن ممكن فعلا ده يغضب ربنا علينا ومن عاب ابتلى ..

محمود بيتكلم واحمد شفيق بيردعليه فى مكالمة تانية http://www.youtube.com/watch?v=kmydYowAB_o&feature=player_embedded http://www.youtube.com/watch?v=FMMDe7nYtbY&feature=player_embedded

طبعا انا اؤيد بشدة ان رئيس الجمهورية تكون امراءة بس ما تكونش مصرية ولا عربية :closedeyes: يا مسيو تامر المرأة العربية عندها عقد الراجل من من زمن الزمان لحد ما اتوحدوا في جمعيات المرأءة لمتوحشة يعني لو طلعت لنا رئيسة هتفش غلها في رجالة مصر واول قانون هتعمله ان الشقة والمرتب والموتسيكل من حق الزوجة والشعب هيعمل ايه لما تبقي الريسة عندها اجازة وضع :blink:

عارفة يا فتفوته ايه اكبر مشكلة في الشرطة؟ انهم بقى عندهم امور بيتعاملوا بيها كمسلمات وعلى انها امور طبيعية ولازم تحصل زي الضرب والاهانه للمواطنين يعني انا حاليا متأكد مليون في المية ان في ضباط شرطة كتيييير ومنهم محترمين جدا واخلاقهم عالية كمان معترضين على اقالة مدير امن دمنهور وبالتأكيد هما مش شايفينه غلط في حاجة من وجهة نظرهم هو قال الكلام اللي اي واحد فيهم مكانه كان هيقوله ليا قريب ضابط كبير واحترامه واخلاقه وتواضعه يتحاكى عنها القاصي والداني كان رأيه ان وضع الشرطة بقى صعب - طبعا الحديث ده دار في شهر 7 اللي فات بيقول : يعني دلوقتي لو اي ضابط ضرب مواطن ألم الدنيا تتقلب وكل الناس تقولك ليه كده طيب خلاص نسيبها تخرب بقى

فى يوم 24 فبراير كنت على الهواء فى اذاعة راديو هيتس المصرية اتحدث الى الجمهور كضيف للحلقة عن مشاريعنا الوطنية القادمة و احلامنا و كنت متحمسا عندما ايقنت ما يجب فعله من اجل مستقبل مشرق و هو ربط جميع النشاطات على اساسا واحدا و هى الاخلاق . انا مؤمن ان التغيير لم يكن فى شخصا واحدا فقط ان يرحل و لكن فى انفسنا و فى اخلاقنا و فى طريقة تعبيرنا و فى احترامنا لاراء الاخريين و فى معاملتنا للاخريين . اشياء كثيرة فُسدت مع النظام الفاسد و انتشرت الى ان وصلت الى كل فرد منا . انتهيت من الحلقة و كنت فى حالة من الصمت و انا اقود سيارتى متجها الى منزلى فى المعادى لكى انام حيث اننى كنت مسيقظا من الليلة الماضية حيث اننى لست متعودا على الاستيقاظ المبكر و نظرا ان الحلقة كانت من الساعة ال8 حتى ال10 . ذهبت الى النوم و بعدها سمعت الزمامير فى شارع الجزائر كثيرة فقلت لنفسى "اهو رجعنا للفوضى تانى و حالة الهرج و المرج و عدم احترام الطريق" و بعد قليل سمعت صياح الناس . قلت "و ادى الاخلاق الى بنتكلم عليها و بنقول نحترم بعض فى الشارع " . فتحت الشباك و رايت الدخان الكثيف فجريت و ارتديت ملابسى و ذهبت الى ميدان الجزائر و انا فى فى طريقى اسمع السب و اللعنة على ظباط الشرطة و الداخلية و انهم يجب ان يقتلوا جميعا و قابلت بعض رجالة المنطقة فحكوا لى قصة و قابلت اخريين فحكوا لى قصة اخرى و البعض قصة ثالثة و كنت تائها حتى وصلت الى السيارة المحروقة. وجدت الناس ملتفيين حول شخصا يصرخ و يقول من النهردة مفيش حكومة ..انا الحكومة .. انا حسنى مبارك .. انا احسن منه .. انا حرقت العربية. يلا بينا نطلع على قسم صقر قريش فكعادتى ادخل وسط الزحام و لا اقف استمع و اردد خلف احدا الهتافات و لكن ادخل الى مصدر هذا الصوت و اتحدث الى من يصرخ بالعقل و كنت احمل مسدسى (بطلقات الصوت) للتهويش فقط و كنت اضعه خلفى و ارتدى البالطو فوقه كى لا يراه احدا . فعندما بدات اتحدث معه سكت الجميع ...ظانيين انى ظابط من الجيش او امن الدولة و هذا ما علمته لاحقا عندما اتى الى بعض الاصدقاء يحذرونى بان اذهب الان لانهم استمعوا الى البعض يقولون انى ظابط و سينتقموا منى !! و انا لا احمل اى توقع لسوء النية نظرا اننى فى منطقتى و رجالتى سيحموننى و بالفعل لم اذهب مع اصرارهم حينما استمعوا ان هناك النية للهجوم على فى اى ثانية . اخذت السواق الذى يدعو الى حرق القسم و تنظيم المسيرة و جلسنا على جنب فى مطعم تايك اوى فى الميدان و قمت بدعوته ليشرب الماء و يهدا و يحكى لى ما حدث .. و طبعا كانت حكايته مثل واحدة من القصص التى استمعت اليها من قبل مع بعض الاختلافات فى التفاصيل انه اضاف ان الظابط كان معه عساكر و امناء شرطة!!!! مما جعلنى احتار .. اليكم السيناريوهات التى استمعت اليها و اؤكد انى لم اراها الظابط كان معاه 2 اصحابه و بيسكروا و محششين ... فكسروا على السواق الغلبان الى بياكل عيش و نزلوا ضربوه و لما اتلم عليه الناس و السواقين راح جاب المسدس من العربية و ضرب السواق بالرصاصة فى رقبته فاتلموا عليه الناس و اصحابه جريوا و هو اتضرب و قلعوه هدومه و رموه جوه العربية و اخدوا ازازة الخمرة دلقوها عليه و حرقوه هو و عربيته الدودج رام الظابط كان معاه ولاده و امه و كان بينزل امه و الولاد فاتخانق معاه السواقيين و ضربوه الظابط كان معاه اخوه الصغير و اتخانقوا مع السواقيين و اخوه جرى و امه رجعت و لحقته رغى رغى رغى سيناريوهات اشاعات كذب و حقائق و لما تيجى تسال اى حد انتا شوفت بعينيك يرد يقولك "بيقولك" .. و اصبحت كل المصادر قناة بيقولك الى بتنبع من الفتى الشعبى و كل واحد يزود حته من عنده و يحبكها و يجملها و يضيف حاجة لحد ما توصل للمواطن فى الطبخة الشعبية مع تحيات مطعم بيقولك و اولاده . بعد ما سمعت و اكلت طبخة (بيقولك) بصيت لاقيت السواقيين و معاهم البلطجية و قلبوا البوكس و الناس كلها بتقول الله اكبر و قعدوا يكسروا فيه و يطنطوا عليه و بعد كده حرقوه بعدها سمعت الناس بتقول يلا بينا نروح نحرق قسم صقر قريش .. ساعتها وقفت ازعق و اقول يا جدعان الناس الى فى القسم مالهمش دعوة و الجيش هناك مش حيسيبكم تحرقوا حاجة كفاية تخلف و خليكوا هنا .. للاسف كنت زى الى بيدن فى مالطة و تحس ان الناس فى حالة اللا وعى على ايه الى ممكن يجرالهم لو حاولوا يحرقوا القسم جريت على عربيتى و روحت من الناحية التانية على صقر قريش و سبقتهم بالعربية و الناس متجهة على القسم و الشر و الغضب ماليهم قمت وقت قدامهم و طلبت منهم و انا كنت بتوسل اليهم ساعتها ما يقربوش ناحية القسم لان مالهاش لازمة و مش حنوصل لحاجة و بعضهم اقتنع و لكن اصروا يروحوا و يخشوا يقولوا سلمية .. طلبت منهم انهم يفوضونى اننى اتكلم عنهم مع ظابط الجيش و حفهمه الى حصل و وافقونى اول ما قربنا بنظام فجأة بدأ الهرج و المرج و ابتدوا يجروا على القسم تانى قمت عملت انا و الرجالة الى معايا درع بشرى عشان ما يعدوش علشان كنا خايفيين عليهم ... انا عارف ان الجيش عمره ما يضرب طلقة على شعبه لان وظيفته انه يحمينا بس برضه الجيش مش حيتهاون مع الفوضى و الحرق و التدمير ... فضلنا عاملين الدرع البشرى و نزقهم بعيد و لحد ما هديوا و الجيش تعامل بحكمة معاهم بصراحة و بعدين اقنعتهم ان القعدة قدام القسم مالهاش لازمة و تعالوا نرجع الميدان و نطالب بحق السواق بطريقة سلمية و نعتصم علشان الاعلام يوصل الرسالة لان هى الطريقة الوحيدة الى ممكن تعبر بيها عن غضبك ...الحمد لله اهل السواق وافقونى و الناس طلعوا على الميدان و ابتديت اعمل معاهم خطة الاعتصام انها حتبقى سلمية و جوة الميدان علشان ما نعطلش المرور على سكان المعادى و علشان حالة الذعر عندالاهالى الى فى البيوت لازم نحافظ على و النظام و الادب العام . ماشى معاهم و الهتاف شغال و انا اقول أههه و هما يرددوا ورايا و كل ما يحاول حد يقول حنروح نهد القسم اقول سلمية و هما بردوا يرددوا سلمية لحد ما وصلنا الميدان تانى ... لاقيت ساعتها عربيات ميكروباص كتيرة و عليها ناس كتيرة بسنج و مطاوى و شوم و الشر فى عينيهم و عايزين الظابط و اهله باى ثمن ..طبعا اكتشفت الحقيقة المرة انه ابن ظابط مشهور فى المعادى و ان السواقيين كلهم عارفيين بيته فلقيت البلطجية و الناس وراهم شايليين سيوف و سنج و شوم و متجهيين على البيت الى جنب ميدان الجزائر . حاولنا نمنعم و نتكلم معاهم بالادب و كنت بواجه مشاكل كتيرة ...اولها انى واقف قدام 50 بلطجى ده غير ال100-150 شخص معاهم و ده غير الى مالوش فى حاجة و داخل و السلام المشكلة التانية انى كنت لوحدى و مش لاقى فى الزحمة اى حد من رجالة المنطقة و مش معايا غير 5 -6 و رجالة المنطقة كلهم فى الشغل او برا المعادى و كمان مش معانا سلاح ندافع عن البيت و كمان مفيش حد ساعتها لا من الجيش او الشرطة يدافع عنهم ... قعدت ازعق و اقول يا رجالة اهل الظابط مالهمش ذنب .. حرام عليكم .. و الجيران مالهاش ذنب .. و كاننى بكلم نفسى ... قام واحد منهم حد السكينة على رقبتى و قلى شكلك قريبه كده و شكلك ظابط اساسا قمت ماسك فيه انا و الرجالة و قولتلوا انا مازن سعيد مخرج سينما و كليبات و حتى لو ظابط ايه مشكلتك ؟؟؟؟؟ لو انا ظابط و ظابط غيرى غلط يبقى كلنا كده .. ابوس ايدك الاهالى الى فوق مالهاش ذنب ... كنا حنبتدى نضرب فى بعض قام الرجالة شدونى و حد من الحراس طمنى قالى مفيش حد فوق متخفش ...البوابيين فضلوا يقنوعهم انهم مش فوق و راحوا مستشفى النخيل طلبت منهم و كانت كل الفوضى حوالينا اننا نمشى من تحت البيت .. الاهالى مالهاش ذنب فى الرعب و الاطفال ممكن يجرالهم حاجة و ممكن الناس ترمى نفسها من البلكونة ... المنظر كان مخيف و كانت زى الوكالة من غير بواب و اهل المنطقة مرعبوين من المناظر السكاكين و الشخييت و الهتافات و انزل انزل انزل و حنموتكم النهاردة و التهديد المستمر .. و ملحوظة مهمة ان شوية من الشباب الى كانت واقفة ابتدوا يعاكسوا السيدات و الامهات و البنات الخايقيين و بيبوصوا من فوق .. واحد بقولها انا طالعلك يا موزة حضرى الاكل و التانى ماسكلها سيف و بيقولها نزلى السبت عشان اتشعبت و اطلعلك يا قمر و حتى ما سابوش الست العجوزة فى حالها الى واضح انها كانت لوحدها و مرعوبة منهم و بتبكى و هى بتتهان من عيل صايع ضاربله برشام ... بعدكده وصلت وحدات الجيش فى الوقت المناسب و فجأة الى عامل فيها دكر و السبع رجالة و الى كان عامل فيها روميو و بيعاكس و حيطلع للست العجوزة كلهم اتلموا و هتفوا الجيش و الشعب أيد واحدة و سلمية سلمية و فضلوا قاعديين قدام البيت ... الى اخدت بالى منه انهم مش عارفيين هما بيعملوا كده ليه بس ماشيين ورا طبخة بيقولك الى محدش اصلا متاكد اذا كانت صح او لا رجعنا الميدان و قعدنا لاقيت الميدان عبارة عن ساحة .. كل سواق لامم ناس كتيرة مش فاهمة ايه الى بيحصل و بينشروا الطبخة بتاعت بيقولك و ابتدى الكلام تانى ان هما مش عايزيين الشرطة و كلهم لازم يعدموا فى ميدان عام علشان البلد تنظف و ان حق السواق ده مش حيروح هدر و انهم بايتيين هنا و مش حيمشوا الا ما يخدوا حقهم ... الطريف فى الموضوع انى سالت واحد منهم طب انتوا يا رجالة ايه مطالبكم .. قالى اننا نجيب الظابط و يتعدم هنا قدامنا .. قولتلوا فى مؤسسات فى الدولة حتقوم بدورها فى التحقيق و فى عدالة فى المجتمع و فى قضاء يصدر الحكم .. قالى باللفظ "يابا احنا شبعنا من كلام الكراريس الى بيدهولكوا فى المدرسة.. انتوا فاكريين يا بتوع بابى و مامى انكوا انتوا الصح .. احنا حناخد حقنا حناخده و النهاردة و الطريف كمان انى كنت بتمشى فى ميدان الجزائر و لقيت ناس ملمومة حوالين سواقيين اساسا ماكنوش موجوديين ساعة الحادثة و بحكوا ايه الى حصل و هو اصلا ماكنش موجود و بيتكلم على اساس طبخة بيقولك و سمعت كلام غريب جدا و كره بينشروه ضد الداخلية و مطالبات انهم يلغوا الداخلية و انهم قادرين يحكموا نفسهم !!! على اساس اننا المفروض نرجع للملشيات المسلحة و كل عصابة او تجار مخدرات يحكموا و يحموا منطقتهم .. و الله العظيم ده الى كان بيتقال و ده كان ردى عليهم .. و احترم واحد من جيرانى .. كان واقف و قلهم يعنى انا فى كلية الشرطة و فى سنة تالتة يبقى انا خلاص فاسد و عميل و لازم اتحاكم .. ردوا عليه و قالولوا ايوا و انتوا كلكم لازم تشوفولكوا شغلانة تانية من هنا و رايح علشان مش حنسبكم تشتغلوا. ابتديت لهجة الحوار تحتد بينهم و انا بحييه على شجاعته لانه ماخفش ....ببساطة علشان لو اى ظابط اتشاف فى الوقت ده كان اتقتل فى ساعتها و مالوش دية . المشكلة التانية لما لقيتهم بيشدوا البوكس المحروق فقلت لنفسى و الله تمام الناس بتنظف و بتوسع الطريق ... لقيت العكس .. لقيتهم بيقفلوا الطريق تماما و مش عايزيين يعدوا حد و كانت ساعتها الساعة 8 باليل و الناس راجعة بيوتها .. فطلبت من واحد منهم بكل ادب انه بلاش كده علشان اهالى المنطقة مالهمش ذنب انكم تعطلوهم ... و افرض فى واحد عيان لازم يروح الدكتور و افرض فى واحدة حامل لازم تروح المستشفى و افرض ان فى ناس لازم يروحوا بيتهم ... هما ذنبهم ايه .. اتبلطج عليا و قلى مش شغلك .. دم اخونا لازم ناخد حقه .. قلتله و اهالى المنطقة دوول جزم مثلا و لا حيوانات .. مش بشر زينا و مصريين و ليهم حقوق انهم يرجعوا البيت؟؟؟طب تعالوا نكمل الاعتصام بس نسيب حارة واحدة للطريق ... هددنى و قالى يا كابتن امشى من هنا احسنلك و سيبنا نقفل الدنيا علشان يسمعونا !! قولتلوا هما مين الى عايزهم يسمعوك .. ما عرفش يرد عليا و سابنى و مشى ... بكلمه قام مشى برده و مفيش حتى احترام ليا و انا بتناقش معاه ...فضلت اقف مع كل واحد فى الميدان و اقنعت واحد واحد ان اهالى المنطقة مالهاش ذنب و ان لازم الطريق يتفتح و فعلا نجحت انا و الرجالة اننا نقنع الاغلبية الى شدوا البوكس و التكتك من كل النواحى و فتحنا الطريق كلمتنى زميلتى و هى من فريق الاعداد فى برنامج مصر النهاردة و هى علشان عارفة انى ساكن ناحية ميدان الجزائر فكانت عايزة منى اطلع على الهوا و اتكلم مع تامر امين و احكى بكل حرية الى حصل فانا اتحمست جدا و رحت للناس و بشرتهم ان كلامهم حيوصل للمصريين من خلال المكالمة بس يحكولى مرة تانية بجد ايه الى حصل ... طبعا كان عدى 4 ساعات على اخر مرة سمعت فيها ايه الى حصل فكانت قصص جديدة و ملخصها ان هذا الظابط متوحش و قليل الادب و ان والده ظالم .. فضلت ساكت و الناس كلها ملمومة حواليا و بصيتلهم كلهم و قلتلهم "بامانة هو ده الى حصل .. قعدوا كلهم يحلفوا و يقولوا اهه و الله العظيم " سكت تانى و قولتلهم يا جماعة انا حتكلم على التلفزيون المصرى و حقولهم كلامكم و لو انتوا ظالمين الظابط ,ربنا حيحاسبكم و حيحاسبنى على شهادة الزور .. لو سمحتم عايز حد من الى كان موجود .." قالولى كلنا كنا موجوديين يا بيه و الظابط ده لازم يتقتل " قلتلهم خلاص ماشى... ربنا اعلم .... انا ما شفتش الخناقة و سمعت 50 قصة مختلفة و معظمهم بيغلطوا الظابط و خايف اظلمه و سألت الله ان يوجهنى الى الطريق الصحيح علشان عمرى ما حسامح نفسى لو ظلمت الظابط او ظلمت السواق .. و بقيت مش عارف اعمل ايه قعدت لوحدى فى الميدان و بتفرج على الناس و هى بتنفث غلها و بعدها وصل زملائى فى الشغل شريف سامى و محمد السباعى و زميليتين لينا كمان علشان نصور الحدث و نعمل لقائات و كنت ناوى اهديها لجميع القنوات هدية من زميل لزملائه الاعلامين علشان نبدا التعاون مع بعض ...طلعوا الكاميرات و ابتدوا التصوير و انا واقف بتكلم مع واحد من السواقيين لقيت فجأة واحد بيعتدى على المصور شريف سامى و بيقولوا انتا مين و بتعمل هنا و مين الى جايبك .. جريت عليه و طبعا كالعادة اى حد بيجرى تلاقى 50 بيجروا وراه .. دخلت على الراجل و حشت بينهم لانوا كان عايز ياخد الكاميرا منه و لامم الناس حواليه هو و محمد و البنات ... قلتله الناس دى معايا و انا المخرج مازن سعيد و ساكن هنا اى خدمات ؟؟ قالى الناس دى مع مين ؟؟قولتلوا معايا و دول زمايلى فى الشغل و بنغطى ليكم الحدث علشان نوصل صوتكم و دى امانتنا قدام بلدنا و مهنتنا... قالى ورينى بطاقتك .. طلعتاهالوا و بعديها مسك فى محمد و قالوا انتا بقى ورينى بطاقتك .. قلتلوا يا ريس مش قولتلك الناس دى ضيوفى و معايا و انا من المنطقة؟!!! ورينى انتا بطاقتك قالى مش حوريك حاجة !!! انا ساكن هنا و مش متأكد منكم !!!1 صوتوا كان عالى و كان قاصد يعلى صوتوا علشان كل الناس تتلم علينا و فعلا حصل كده .. 1000 واحد منهم مسلحيين و عيال بسنج و مطاوى و مولوتوف محاصريننى انا و اصحابى (فى منطقتى) و انا الى كنت واقف معاهم من اول ما ابتدوا لحد لحظتها و فجاة بدأت الفوضى .. البنات جريت على العربية و الناس كلها بتجرى وراهم و و رانا وقفنا عند العربية .. عايزكم تتخيلوا اخواتكم و هما واقفيين متحاصريين من 1000 واحد مسلح و حيموتونا علشان واحد زعق معانا و قام قايل "دول اخوات الظابط"!!! عايزكم للحظة كده تتخيلوا الاصوات كده و هي بتقول حنموتكم يا "عملاء+ يهود+ اجانب+ قرايب الظابط" !! فى ثانية اتطبخت "طبخة بيقولك" بس المرة دى كانت تيك اواى !!! فى ثانية الف واحد بيجروا ورا اى صوت و اى تهمة بتلبس وش .. فى ثانية ... جالى انهيار عصبى و البنات جوا و قعدت ازعق و اقولهم يا جماعة الناس دى معايا و لكن للاسف اول مرة اشوف بعينى العمى و التخلف و الفوضى و ان ممكن اى واحد فى اى حتة يعمل اى مصيبة و يظلم حد لو صوته عالى بس ...صرخت فيهم و بقولهم طب البنات دى ذنبها ايه خلوهم يمشوا .. و البنات جوا مرعوبين و بيصوتوا و البنت سايقة و عايزة تطلع و لكن الناكانوا حاضنيين العربية و عايزيين يكسروها علشان ياخدواالكاميرات و اكيد حاجات تانية فى ظل الفوضى الى حاصلة ....لقيت واحد حطط المطواة ورايا و بيقولى لو مشيوا من هنا حغزك ... بصيتله و قولتله عيب عليكم دا انتوا رجالة المفروض و متضيعوش دم السواق هدر علشان دول بنات و حط اختك مكانهم .. فتحوا ليهم الطريق بالعافية و مسكوا فى محمد و شريف و واحد صاحبنا اجنبى انا مش فاكر اسمه بصراحة رجالتى وصلت جوا الزحمة و اهل المنطقى الى عارفينى كويس ظهروا و حميناهم و عملنا درع بشرى و اتزنقوا عندصيدلية العزبى و و قفنا تحت و برضه محاصريين ب1000 واحد بيقولوا حيموتونا علشان الراجل الى اتخانق معانا ماشى يقول دول قرايب الظابط او صحفيين اسرائليين !!! و لقينا العدد بيزيد و بنت و السلحة بتزيد و مفيش جيش و لا شرطة و لا حد يحمينا غير ربنا .. قريت الشهادة و دخلت وسط الزحمة و ابتديت ازق جامد فيهم و ازعق حرام عليكم انا من هنا و الناس دى معانا ايييييه معاندكمش دم فوقوا بقا ..الناس الى اعتديتوا عليهم دول اصحابى انا و انا مخرج و اسمى مازن سعيد و واقف جنبكم من الصبح ليه بتمشوا ورا الاشاعات ...وقفتى معاكم علشان احميحم من انكم تقعوا فى الغلط تقوموا تغلطوا فيا و فى ضيوفى و كمان معانا بنات ... فين الرجالة ؟؟؟ السواق لو مات زمانه بيتفرج عليكم دلوقتى و مكسوف منكم .. سبتوا المظاهرة و الحق و الاعتصام و جريتوا ورا الاشاعات و الفوضى و الزحمة !!! رجعت وقفت مع محمدو شريف سامى و خبتهم فى حته جنب البيت و مش فى بيتى علشان كانوا برضوا بكل غباء ماشيين ورانا علشان غباوة و خلاص و سابواالميدان و شوية منهم ماشيين ورانا و عامليين فيها اذكياء .. بس على ميين توهت امهم لحدلقينا مكان بعيدو امين و جنب البيت علشان لو حصل حاجة يستخبوا عندى و ربنا يسترها عليا و على اهلى ساعتها و يتكرر نفس المأساة بتاعت الظابط .. .. فى الوقت الى كنت بتمشى فيه مع محمد و شريف سامى ...كلمونى فريق الاعداد من برنامجمصر النهاردة .. صوتى كان رايح من الى الزعيق و جسمى كله متنشن من الى حصل و اعصابى ضايعة .... اعتذرت للى كلمنى على التليفون و قولتلوا انا اسف مش حقدر اتكلم .. كنت بقولها و الحزن فيا عشان حاجات كتيرة .. اولها انى الحمد لله عمرى ما بخاف و لا بخاف اعبر عن رايى و لا بيهمنى حد ..تانى حاجة و بكل صراحة بقولها انى حزين على الظابط لان من الواضح ان الى حصل معانا ده من فوضى و غباء و قلة ادب هو نفس الى حصل مع الظابط ... واضح ان العمى الى الناس فيها و الكبت القديم الى بيطلع بلا وعي و الجوع و الشهوة وراء "طبخة بيقولك" الى قرفونا بيها كل اعلامى زائف او مضلل للحقيقة و كل واحد ليه طار و عايز يخلصه من حد يقوم يعمله "طبخة بيقولك" و يلم ناس و يهجم و تتطور الطبخة الى جريمة و بعدين لما تيجى تحاسب حد يقولك ما هو بيقولك المهم رفضت المكالمة فى الاول عشان المدبحة الى كانت حتحصلنا و لو طلع اسمى على التلفزيون الناس حتعرفنى و انا لو اتكلمت حقول الى حصل بالظبط .. فكان خوفى على اهلى و بيتى من اى حد يكلم واحد من الى فى الميدان و يقوله ده مازن سعيد بيشتمكم و بيقول انه واقف فى الميدان و ساعتها حلاقى 100 واحد فى شوارع حواليين بيتى بيدوروا عليا علشان لما المعلومة حتوصلهم حتكون اطبخت صح ... طبخة بيقولك مازن....عميل ...شرطة .. امن دولة...اسرائيلى ... قريب الظابط ... ...صحفى من الموساد ....الخ الخ الخ و اكون انا ساعتها و بيتى و اهلى فى الضياع ...ففضلت الصمت و اعتذرت للى كان بيكلمنى فى البرنامج ... كلمتنى زميلتى المعدة للبرنامج علشان تستفسر ليه انا غيرت رايى ...حكيتلها بتلخيص فهمتنى .. و بس قالتلى انتا حتخاف و لاايه يا مازن ...ساعتها فكرت و قلت هو مين صحيح فى اللحظة دى حيتكلم على الهوا غيرى .. طلبت منها انهم ما يقلوش اسمى علشان اتكلم براحتى و طلعت و اتكلمت و استنجدت بان يكون فى عنصر امنى موجود ..الناس دى حاسة انها اتظلمت و من حقها تعبر عن غضبها و لكن الفوضى الخلاقة حتودينا كلنا فى داهية .. اهل المعادى قاعديين فى بيوتهم مرعوبين من الى بيحصل علشان ممكن يحصل فلتان فى اى ثانية زى ما حصل معانا .. استنجدت بالجيش انهم يجوا يحمونا من اى خراب و يحموا السواقيين و البلطجية و يسيبوهم بس ما يموتوش حد .. عمرى ما كنت اصدق انى امشى خايف تحت بيتى و فى منطقتى !! و مش من حد .. خايف من الغباوة و الهبل و الجرى ورا اى زيطة و الحكم السريع و التنفيذ قفلت المكالمة و حسيت انى عملت الى عليا و ربنا هو الى حيحمنا كلنا من اى شر علشان قمت بواجبى كمصرى و اعلامى و واحد من سكان المنطقة وصلت زملائى بمساعدةصديقى وليد سليمان التى لبى الاستنجاد و جيه على طول و ساعدنى ان اخرج زملائى برا المعادى هما و البنات سالمين و بعدها .... ما كنش ينفع افضل خايف .. لان لو كان فى خوف فهو كان على زملائى و اهلى علشان مفيش اى امن ولا حد كبير تتكلم معاه .. لكن انا و وليد بقينا لوحدنا فا مش فارقة معانا و ماكنش ينفع ارجع بيتنا و انام و كان لازم اكسر حاجز الخوف و ارجع اواجههمواحد واحد و اعاتبهم على الى عاملوه .. سبحان الله .. رجعت لقيت معظماهل المعادى هما الى واقفيين م ان عدد السواقيين بيصفف واحد ورا التانى و بيقل و عددنا كان اكتر منهم و حسيت ساعتها بالامان علشان الرجالة الى استجابت للكلام الى فى البرنامج و الى يضحك ,ان معظم اصحابى كانوا عارفيين صوتى و كانوا متاكدين انوا انا و بيقولولى ازيك يا محمد .. استغربت قولتلهم ايه محمد دى و انا بضحك قالولى ما هما كتبوا محمد على الشاشة ..ففهمت و احترمت الى عاملوه فى البرنامج علشان يحافظوا علينا وقفنا كلنا ساهرانين لحد ما الجيش وصل بكل قواته المدرعة ايضا استجابة لما قيل فى التلفزيون و فرحتى كانت لا تسعانى .. حقولها مرة واحدة و من قلبى حسيت انا و الرجالة الى كانوا جنبى طول اليوم ان احنا كنا زى الجنود فى المعركة .. و ما تنازلناش عنها لحد ما جاتلنا قوات الدعم .. معركة ضد الفوضى و ليس الناس .. دول فى الاخر غلابة و مش فاهميين حاجة بيرددوا ورا اى صوت و خلاص ... بيخونوا اى حد و خلاص .. بيصدقوا اى كلام و السلام .. الفقر و الامية و النظام القديم هو الى وصلهم لكده انا مش ححط ملخص لكل الى كتبته ... انا حسيبكم تقروها مرة و اتنين ...و تلاتة.. انا حطيت شهادتى على الى حصل بس حقولكوا مفاجاة ... انى وانا بكتب النوت كلمنى واحد صاحبى كان مع الظابط فى المستشفى و معاه اخو الظابط و اخو الظابط ولد صغير و حكى الحكاية الحقيقية... ان الظابط كان معاه امه و اخوه و ان سواق الميكروباص كسر عليه و كل السواقيين فى المعادى عارفيين عربيته علشان مميزة "دودج" بتاعت ابن الظابط الكبير فى المعادى فلمااتخانقوا معاه تعدوا عليه و حاولوا ياخدوا منه الطبنجة و هما ماسكيينه الطلقة طلعت فى رقبة السواق ...فسحلوا الظابط فى الشارع و قلعوه هدومه و كان معاه امه و اخوه و بعد ما خلصوا عليه كانوا عايزيين يرموه جوا العربية و يحرقوه فيها لولا امه الى كانت منهارة و اترميت عليه و بتحميه و هى بتبكى على ابنها و بتقولهم احرقوا العربية بس ابنى لا و لولا ولادالحلا الى لحقوه ... عامة انا قولتلكوا كل القق الى سمعتها من كل الاطراف .... و القصص الحاجات الى حصلت معايا بالحرف و انا اقسم بالله ان كل كلمة كتبتها قد حدثت بالفعل و كنت مختصرا ...ساترككم لضمائركم لكى تحكموا بانفسكم و تبطلوا تاكلوا من "طبخة بيقولك" الشهيرة الى حتهد بلدنا و انا اعلم ان الله جعلنى امر بنفس الموقف و فى نفس المكان فى الميدان (ملحوظة :ما حدث معى اناو زملائى كان فىنفس الموقع الذى ضرب فيه الظابط بالظبط) و انا اعتقد انها علامة من عند الله لكى يجعلنى ان امر بنفس الموقف كى اكون محايدا و اصف لكم ما حدث و الله وحده سيحاسبنى على ما اقوله .. و الله على ما اقول شهيدا بكل شرف اشكر القوات المسلحة و الظباط و الجنود علشان حاجات كتيرة قوى ... اول حاجة الهيبة العظيمة للجيش التى لا تنكسر و لن تذهب .. العقلانية فى استخدام السلاح و القوة ... الصبر فى التعامل مع الجمهور .. الشعور بالامان الذى ينشروه بداخلنا و اشكر المجلس الاعلى للقوات المسلحة على ما يفعلوه الان و ان التاريخ لن ينساهم و اشكر كل مصرى نزل ميدان الجزائر علشان يقف جنبنا اننا نمشيهم بسلام و بالحوار و اشكرك انت يا من قرات هذه المقالة الطويلة و لكننى حاولت انى اختصر على قد ما اقدر بصراحة ربنا يسترها علينا كلنا مازن سعيد من صفحة وزارة الداخلية علي الفيس بوك

انا مش مع تأجيل الدراسة اكثر من كده أولا الامر اهدأ من ايام الثلاثاء-الخميس بتارخ 25/1-27/1 وكانت الدراسة شغالة وامتحانات كمان الاستقرار التام قدامة فترة غير معلومة ووارد تخرج نظاهرات لكن ان شاء الله لن تكون الاسوء زي يوم 28/1 تأخير الدراسة هيأخر اجازة اخر السنة او تقليص المناهج يمكن للصفوف الاولى يمكن الان تتداركه بس الثانوية والجامعات مشكلة بالذات لو كليات عملية ربنا الحافظ ونستودعهم ربنا ويعمل لنا الخير

ان يرحمك الله من معرفة من اين يأتيك الخطر

مدرجات إيه وملعب إيه ؟ الموضوع لا علاقة له بإلزم بيتك وحالة التشاؤم السوادء عند قلة قليلة من الناس .... ولا هو إنتظار لأي عطسة أو موقف عشان تقولي " شوفتوا ... أدي الثورة بتاعتكم أهي .. إشربوا بقى طالما ما سمعتوش كلامنا ولزمتوا جحوركم " ؟ يا أيتها الزميلة الفاضلة كل ما في الموضوع إن الشعب المصري الحُر أصبح لا يقبل الفُتات .. ودي إرادة الجميع " يا حرية كاملة ... يا إستمرار للثورة السلمية المحترمة لإنتزاع الحق " ولا توجد ادنى رغبة أو حتى تخيل إن الناس تصطدم بالجيش ... لكن الضغط مطلوب .. والتفاؤل مطلوب أكثر ... وبإذن الله لا عودة إلى ما قبل 25 يناير ... مهما تشاءم المتشائمون ... ومهما خطط الخبثاء وأذيال النظام البائد .... والدليل على كلامي هو إعتذار الجيش في بيان رسمي ومُعلن عما حدث بالأمس .... وهو ايضاً ليس كافياً .. وبالإرادة نضمن إنه لن يتكرر مرة أخرى .... وبالإرادة سنصل إلى ما نحلم به .... ياسيدي الفاضل اذكر جيدا اني سألت حضرتك في بدايه الاحداث وقبل ان يتضح اي موقف سؤال محدد ان كنت مؤيد لما يحدث وكان صمتك هو الاجابة .. مقدرتش وقتها تقول لا آه ولا لأ .. ومتكونش عندك رأي حاسم غير بعد مارسيت الامور ـ مؤقتا ـ لصالح الشعب وساعتها بس قلت بالفم المليان ايوه الي بيحصل ده صح .. انا عارفه انك من زمان ضد نظام حسني مبارك ومن زمان بتتكلم وبتعارض وبتقول رأيك .. اذا صمتك في ذلك الوقت مكانش جبن ولا كان انتظار لمعرفة لمن ستكون الغلبة لتقف معه وملوش في الحاله دي غير تفسير واحد انك فعلا مكنتش عارف الموقف الصحيح مفروض يكون ايه .. حضرتك مش لوحدك في ده وياريت لو تاخذ مداخلات لاي شخص من الي معانا هنا في المحاورات على سبيل المثال .. اختار اي حد عشوائي من الي كان صوتهم واضح وقت الازمه والي كانوا بيكتبوا كل يوم .. هتلاقي اوقات متردد .. اوقات متحمس .. اوقات خايف .. اوقات معنوياته في السما .. في بدايه الاحداث هتلاقي كتير بتقول ربنا يستر وكتير مكتفين بالصمت .. بعدها ولما بدأ حسني يقدم "تنازلات " هتلاقي الموقف تغير لبعض الثقة ومزيد من الحماس .. بعد موقعة الجمل هتلاقي الكل بيطعن في الجيش ويتخوف من رد فعله .. بعد ازاحة حسني الكل بيمجد في الجيش وبيقول ملناش سند غيره .. اقربها امبارح .. نفس الوجوه الي كانت لسه بتقول نفكك جهاز الشرطه ونستبدله بقيادات من الجيش هم ذاتهم النهرده وبعد الي حصل امبارح في التحرير بيقولك لاه الجيش خلاص باع البلد .. تستنج من ده ايه ؟؟ ان كانت النخبة المثقفة بتبني ارائها بانفعالية وبناء على تغير الموقف والاهم وفقا لما تسمعه من وسائل الاعلام على اختلاف توجهاتها ونياتها .. منتظر ايه من عامة الشعب البسيط ؟؟ مع احترامي لكامل من في المحاورات واعتزازي التام بارائهم فمفيش في المحاورات كلها غير اثنين فقط .. الفاضل ابو محمد والفاضل سكوربيون .. الوحيدين الي قالوا ارائهم وحسيتها مبنية على تفكير وروية لا على مايسمعون او على مايلقى اليهم من بيانات ..الوحيدين الي رأيهم لم يختلف لا قبل ولا بعد .. فيما عدا ذلك فالكل تقريبا كان ماشي بعواطفه .. سواء اولئك الي كانوا مع "الثورة " او حتى ضدها .. بعدين ياسيدي الفاضل لو اموت مش هتوصل اني اقول ( اشربوا ) لما مسمعتوش الكلام .. ببساطه لان ساعتها ولو حصل لاقدر الله وغلب الظن السيء وجالكم الكلام الي كنت بقول عليه فانا هشرب قبلكم .. انا وكل الي عايشين في مصر الي ممكن جدا نوصل لمرحلة نودع اهلنا الي طالعين رايحين الشغل الصبح ومش عارفين هيرجعوا لنا الظهر ولا خلاص دي آخر مرة هنشوفهم .. ده لو فرضنا ان كان في شغل هيطلعوه وفرضنا ان في بيت هننتظرهم فيه .. للاسف مكانش بنشجع ماتش اهلي وزمالك عشان اقولكم جالكم كلامي اهو ابو تريكه عملها وشاط الجون .. احنا بنتكلم في بلد والمصيبة ملناش غيرها .. وان طربقت فهتطربق على دماغنا احنا الي فيها .. النهرده الامر لم يعد بيد الشعب وانما بيد من يوجهه .. والمصيبة كل المصيبة ان غالب الشعب مش مدرك لده وفاكر ان رأيه اصبح من دماغه وان الي هيقول عليه هو الي هيمشي .. عموما قد اكون مخطئة او متشائمة زياده عن اللزوم لكن زي ماقلت مفيش حاجه حتى الآن نجحت في تغييري لوجهة نظري .. واهو ربنا موجود .. وقادر على كل شيء ..

http://www.youtube.com/watch?v=yeZycVxtJAQ&feature=related

سبق وأن قلت أن مرحلة ما بعد نجاح الثورة أهم وأخطر من مرحلة نجاح الثورة ما حدث اليوم في ميدان التحرير يوضح أن هناك الكثير مما يحاك في الأروقة العليا لقيادت الحكم في مصر الآن ... أمور تحاك ونحن لا نعلم عنها شيئا... لماذا الإصرار على حكومة الفريق أحمد شفيق ... ؟ وهل الفريق شفيق أعز على المجلس العسكري الأعلى من مبارك ذاته ؟ لماذا لم يقم أحمد أبو الغيط وزير الخارجية ومحمود وجدي وزير الداخلية بأداء اليمين الدستوري ( وهما الوحيدان اللذان بقيا من الحكومة التي شكلها مبارك ) كبقية الوزراء الجدد ؟ فهل اكتفيا باليمين التي قاما بأدائها أمام مبارك ؟ لماذا اختار المجلس العسكري الفترة الانتقالية لتكون 6 أشهر فقط ... رغم أن كثيرين قالوا أنها فترة غير كافية ... وهي نفس الفترة التي كانت متبقية في ولاية مبارك ؟ هل هذا التوافق من قبيل المصادفة أم أنه مخطط ؟ لا شك أن الإصلاحات التي تمت في الفترة السابقة كثيرة وهامة ... ولا شك أن ما حدث في الشهر السابق يمكن أن يسمى إنجازا ... لكن لابد أن قيادات المجلس العسكري تعرف أن الثورات دائما تتعامل بمبدأ ( انسف حمامك القديم ) ... ولا يبقى من نظم ما قبل الثورات إلا من يثبت نزاهتهم وكفاءتهم تماما ... هؤلاء فقط يمكن أن نأتمنهم على الثورة ومنجزاتها. هناك شيء ما يدبر في الخفاء .... وهذا الشيء لن ينكشف إلا إذا انكشف وبوضوح وصراحة وضع الرئيس السابق مبارك في شرم الشيخ.

عايزين وزير داخلية مدني http://www.facebook.com/Wazer.khargya.Madany

بدون تعليق http://www.youtube.com/watch?v=XVJ95iIHgn8

في اطار الديمقراطية المفرطة التي يتمتع بها الشعب قام السيد الرئيس بمقابلة احد افراد الشعب للوقوف على مشكلاتهم وهمومهم واليكم تفاصيل اللقاء http://www.youtube.com/watch?v=9y9hUnmAq3U وجدير بالذكر ان المواطن ساري قد تم تسفيره للعلاج بالخارج وسط تشككات بإمكانية عودته مرة أخرى

http://www.youtube.com/watch?v=Fgw_zfLLvh8&feature=player_embedded