لوحة القادة

برافوووووو - برافووووووو - تمام كدا يا جماعة - هو داه المطلوب اى حد حيتكلم غير كدا - يبقى مش بيحب مصر كلنا روح واحدة وعيلة واحدة واللى عاوز يفرق بينا يموووووت بغيظه ويطق على راى طنط جارتى قالتلى امبارح احنا لينا 50 سنة ما شفناش الروح الحلوة دى بين المسيحين والمسلمين انا متفائلة جدا :clappingrose:

انا احلامى استعماريه شويه انا بحلم بمصر - ليبيا- والسودان يالله هو دة التحالف القوى الى ممكن يخلق قوة عظمة قوة بشريه-قوة نفطيه-قوة زراعيه بس الى يبفهم

اين يقيم مبارك بالتحديد؟ هل فى أملاك للدولة؟ أم فى فندق؟ قصر العروبة بمصر الجديدة ، هل عاد للدولة أم انه طبقا لما اقره مجلس الشعب من 25 سنة انه سيخصص له ولأسرته من بعده؟ عمر سليمان ، إيه وضعه؟ هل لايزال يدير دولة المخابرات من خلف الستار؟ لماذا خرج علينا شفيق بتصريح صادم يقول فيه " إن أى اجراء يتعلق بما تردد حول ثروة الرئيس السابق حسنى مبارك هو من اختصاص المجلس الأعلى للقوات المسلحة. " لماذا الإبقاء على أمن الدولة ووزارة الإعلام؟ وعدم الإعلان عن حل حزب الإستبداد المسمى بالوطنى وعودة مقراته لملكية الدولة؟ لماذا يخرج علينا شفيق كل يوم بتصريحات توحى بالإستمرار والدوام فى السلطة وليس كما هو معلن انه رئيس لحكومة مؤقتة؟ تبعا لرؤيتى لتصرف المجلس العسكرى والحكومة الإنتقالية هو محاولة لتسييل الثورة حتى يسهل امتصاصها ثم هضمها، ومن ثم إخراجها بلا قيمة او بأقل قيمة ، واستمرار الحال على ماهو عليه وعلى المتضرر خبط دماغه فى الحيط. أرى أن تظل الثورة مترقبة لما يحدث وذلك بتنظيم المليونيات على الأقل كل يوم جمعة لتنبيه النظام القائم بأنهم يراقبون مايحدث وان الثورة ستعود بكل سهولة لو لم يتم تنفيذ إصلاح وتغيير حقيقى.

بصراحة كده ما يدار فى الخفاء أكثر بكثير مما يظهر منه فى العلن فليس من المعقول ولا المنطقى الأستمرار على ذلك المنوال وهذه الطريقة ، فكيف لنا كشعب أن نطمئن على مصير ثورتنا وهؤلاء الوزراء الفاسدون قابعون فى اماكنهم يدبرون المؤامرات ويدبرون لعودة النظام القديم ولو بوجه جديد مثل عمر سليمان كمرشح قوى للرئاسة من طرف رأس النظام المخلوع ومن قوى خارجية كأمريكا و أسرائيل ، كيف لنا ان نطمئن ووزير البترول سامح فهمى والذى يقبض على مفاتيح خزانة النفط والغاز المصرى وله حساب مشترك مع عائلة مبارك ، وكيف لنا أن نهنأ بثورتنا و مفيد شهاب وزير مجلسى الشعب والشعب المنحلين مازال قابعا فى الوزارة وهو من افسد الحياة السياسية بمعاونة فتحى سرور وصفوت الشريف وهذا الاخير الذى ثبت تورطه وقيامه بالتخطيط لضرب الثورة عن طريق جمع التبرعات من رجال الاعمال لتمويل الهجمة البربرية على المتظاهرين يومى الأربعاء والخميس المشهوران ، و الأسئلة والشكوك تطال الجميع بما فبهم وزيرة القوى العاملة خادمة سوزان مبارك ، وممدوح مرعى المعادى لحركة القضاة الشرفاء ومتورط فى تنظيم أنتخابات مجلس الشعب الاخيرة ، والسيد مشعل اللى بقاله سنين نايم فى وزارة الانتاج الحربى ومسيطر على موارد المصانع الحربية و أخيرا وليس بآخر السيد الفريق رئيس الوزراء وكلامه المعسول والذى ليس له من غرض سوى كسب الوقت حتى تهدأ الامور وهو من اتحفنا به مبارك قبل الرحيل .... وبعدين هو فين الرحيل ده الراجل قاعد فى قصره الفخم فى شرم الشيخ هو و عائلته وبيتفسحوا فى أيلات الاسرائيلية عند اصدقاؤه وبياكل الكافيار والشوكولاته السويسرى ولا على باله ثورة وغضب شعبى ، وهى شرم الشيخ دى مش مقاطعة مصرية والأ هى من بقية املاكه ، لقد شاهدت بعثة ال CNN تحاول عمل لقاء معه فى الشرم فكان المنظر غريبا جدا بوجود رجال حراسة يحملون الرشاشات ووضعوا على اعين المراسلين قطعا سوداء لحجب الرؤية و فى الآخر منعوهم من مقابلته ... يعنى ايه رأس الأفعى يفضل قاعد ومتهنى فى ارض مصر وهو دماء الشهداء الذين سقطوا كانت رخيصة لهذه الدرجة حتى لانعلن كشعب عن ضرورة محاكمته كمسئول رئيسى عن تلك المجازر والا مازال هناك ولاء مستتر داخل القيادة العسكرية الحاكمة لذلك الطاغية ...ز

ياريت نفضها سيرة مافيش يا أخوانا فتنة ولا يحزنون فية نظام كان قائم على الفتنة وبيأخذ قوتة من اشعالها ياريت بقى ننتبة للثورة ونشتغل ونقفل باب قال وقلنا وأقباط وأخوان كلنا مصريين وكلنا بنحب مصر وبنفديها بدماءنا كل واحد عايز يرجع لزمان يجب محاربتة والقضاء على اى فكرة تفرق بيننا لقد عرفنا وتأكدنا ان هناك عملاء للنظام فى الجانبين يشعلون الفتيل لأشعال فتنة والحمد لله ثورتنا كشفت كلاب النظام

لاوايه؟؟ الشئ اللى يغيظ فعلا اننا بنلاقى (( عضو محترم )) ...بيكتب مقالات ومصمم يخلينا نحفظها ونفهمها .. ان الرئيس ( المفدى ) وابنه...هم من صنعوا شباب المستقبل . وانهما برعايتهما ....ساعدا على رسم هذه الصورة الرائعة لشبابنا.. هما بقى اللى علموه وفهموه و..(( نوروه بالعلم والتكنولوجيا )).. (((( كانوا بقى على كدة بيحضروا الشباب للثورة ؟؟ ...يعنى كمان انت غلطان سيادتك ياريس اللى علمتهم التكنولوجيا على اصولها )))) لسا فيه ناس مصممة ....ان الرئيس هو الكل ف الكل حتى لو كان....(( بيقتبس ..مدخرات شعبه ...ليكون منه شعب حديث متعدد الامكانيات )) من سرق شعبه ...يستحق ان يرفضه الشعب . ولن اقول اى شئ آخر ..(( لأن اهلى ربونى ...,الحكومة مش هى اللى ربتنى ولا الرئيس ولا ابنه ربى لى ولادى الشباب ))... مجرد تعليق ...وجدت ان مكانه المناسب هنا . لأنى بصراحة لا اجد اجابة ارد بها على من يزال يسبح بحمد من سرقوه ومن ظلموه ومن محوا تماما آدميته.. شئ غريب... الرئيس بيصعب عليهم دلوقت....رغم ان...ولا شخص واحد من الشعب كله صعب يوم على الرئيس...

يا سلاااااااااااااام ... يعني مش لاقي في مصر كلها واحده أحسن من عيوشه تمسك وزارة القوى العامله ولا من أحمد أبو الغائط عشان يمسك وزارة الخارجية ولا سامح فهمي يمسك وزارة البترول مش بقول لكم هو مصرّ على استغفالنا واحتقار عقولنا وأنا بدوري بقول للسيد أحمد شفيق إن المطلوب منك الآن شيء واحد هو أن تقدم استقالة حكومتك وتروح تصيف مع معلمك في شرم الشيخ وأن تترك للشعب المصري حرية أن يشكل حكومة يقبلها ويثق بها بدلا من حكومة الساقطين التي ترأسها

هل الكلام ده صحيح؟؟؟ و لو صحيح... ممكن حد يفهمني معناه إيه؟؟؟ :Head: :Head:

خدوا الخبر المفرح ده الكلب رحل فعلا .. لكن المصدر ميعرفش الاتجاه الخبر التاني شقيق سيف الاسلام اطلق عليه الرصاص .. لكن لم يرديه قتيلا بكل اسف قعدنا نقول .. الدنيا سلف و دين و محدش كان مصدق قعدنا نقول يا كلاب .. ان اللي تعمله ف الناس يتعملك .. وبرده محدش فيهم كان مصدق فضلنا نصرخ و نقول ... بايديكم تفتحوا الدنيا و تبقوا ملوك ع العروش و ع القلوب كمان انما الواطي يفضل واطي و يموت واطي و عمره ما ينضف ولا يساوي الاصايل ابدا المطرود بتاع تونس .. هرب زي الخدم و المطرود بتاع مصر .. اتفضح و بقي الشعب كله من انظف ناس لغاية ااقل ناس تصرخ و تقول ارحل يعني امشي ياللي مبتفهمشي و كمية سب غير طبيعية وصلت لغاية سب الدين عليه و علي ابوه و المقتول عن قريب سليل اليهود حفيد بو منيار بتاع ليبيا .. صرف فلوس تكفي لاعمار الكوكب كله ع الاوهام و الكلام الفارغ و ضيع شعبه و عمل عصابات الملاحقة و قتل انظف و ارقي ناس من الشعب في كل مكان ف العالم و مسابهومش حتي يعيشوا و هما مهاجرين م البلد و الدور جاي علي بتاع اليمن و بتاع الاردن و بتاع سوريا .. اللي هيشوف ايام اسود من سواد الليل و بكره الشعب ف الجزيرة يفوق و يبدأ يحاسب ع الاموال اللي بتتصرف ع النسوان و الخمور و القمار و مظاهر الابهة الفارغة بكره كلنا هنتحرك و ترجع كل حاجة لمكانها زمن الصمت خلص و جه وقت الحساب خلاص

من اقوال عمر المختار : انني اؤمن بحقي في الحرية، وحق بلادي في الحياة، وهذا الايمان اقوى من كل سلاح، وحينما يقاتل المرء لكي يغتصب وينهب، قد يتوقف عن القتال اذا امتلأت جعبته، أو أنهكت قواه، ولكنه حين يحارب من أجل وطنه يمضي في حربه الى النهاية.

هى الجامعة العربية دى بيدخلوها عن طريق مكتب التنسيق؟ والا بيدخلوها عن طريق تزكية الطغاة؟ لو كانت عن الطريق الثانى ، فالإجابة معروفة ، لايهما مايجرى ضد الشعوب ، بل يهمها مصالح من ادخلوهم الجامعة !!! ولهذا السبب فأنا لاأؤيد ترشيح عمرو موسى لرئاسة مصر فهو صديق لكل الطغاة !!!

معلش لو كنت خرجت عن الموضوع لكني اشعر بكل مخاوفكم اضيف القصيدة دي ......... كم منحت لصوصاً ياقاسي رحمتك ؟؟؟؟؟؟؟؟؟؟؟ يوم الحساب قريب !!!!!!!!!!!!!!! تري به خيبتك http://www.youtube.com/watch?v=NjWml2R14Fs هذه الجموع يقينٌ ماجددت بيعتك

اخوك الصغير بيستأذنك يصحح المعلومة من تليفون شخصي علي ليبيا الحبيبة ابتداءا من مساعد ع الحدود المصرية الليبية حتي بني غازي و بعدها ب 40 كيلو متر ... تم تحريره من ايدي الكلب القذافي و توجد قبيلة مرتزقة .. من العبيد .. علي حد قول مصدري .. محاصرة من احدي الكتائب الليبية بقيادم الظابط محمد صابر النصر القادم و هانت يا ارض المختار ليبيا هتبقي اكبر ساعد لمصر في كل خططنا الجاية ابتداءا من التنمية و حتي العالمية ان شاء الله

على البي بي سي وحدة عسكرية ليبية انشقت وتحرير بنغازي من القوات الموالية للقذافي مندوب ليبيا لدي الجامعة العربية يستقيل وينضم للثورة

.....عفواً لقد نفد رئيســــــــكم .... وحسبما قال ا/ جلال عامر << ياريته كان ضربنا احنا .....وحكم اسرائيل 30 سنة >>

أكرر هنا مرة أخرى وجهة نظري أننا لا نريد شئ الآن سوى تملك الوزارة الوزارة فقط هي التي ستمكننا بالطريق الشرعي من مكافحة الفساد وخلع أي رأس حينما يخرج الشعب مرة أخرى في ميدان التحرير سيطلب الوزارة فقط يمكننا عندما نشارك الجيش إدارة البلد أن نقدم إجابات لكل التساؤلات المثارة بخصوص مبارك وغيره برجاء توحيد النداء الآن : نريد الوزارة حتى تدار المرحلة الانتقالية بعدالة

كلام منطقي جدا .كان نفسي اقوله بقالي يومين لكن كنت باقول لنفسي استني .....يمكن يطلع بيان من الجيش ينفي الافكار اللي في دماغي وكمان لان مش فاضل لنا غير الجيش فكنت باحاول ما اقلقش من ناحيته بس تفتكروا في صفقه عُقدت بين الجيش وبين مبارك؟؟؟؟؟؟؟؟؟؟؟ مش الجيش برضو عارف ان ماحدش هايقدر يقرب لمبارك وهوه في شارم....حتى الجيش نفسه مش هايقدر(حسب كلام الاستاذ/هيكل) هل ممكن عناصر كبيره من الجيش تكون متورطه هيه كمان ؟؟؟؟؟؟؟؟؟؟؟؟وبالتالي بتحافظ على مبارك علشان تحافظ على نفسها؟؟؟؟؟؟؟؟ ممكن جدا بعد ما لقيت معايا ناس بتؤيد فكرة التساؤلات المطروحه حول الجيش وموقفه اقدر اقول انه مش ممكن جدا وبس ....لاْ ...انا ممكن دلوقتي اقول ان ده فعلا اللي حاصل يعني مش احتمال .....ده اكيد لاْن مافيش تفسير لموقف الجيش دلوقتي من موضوع ثروة مبارك غير انه متورط وليه الجيش بيحاول يحافظ على بعض الوزراء من النظام القديم واختلف مع شفيق عليهم؟؟؟؟؟؟؟؟ لو حد عنده راْي تاني يفهمني لاْني بجد مش عاوزه الفكره دي تسيطر عليه :unsure: :egyflag: صراحة لا أحب النقد القوي في الجيش في هذا الوقت الجيش يمثل لناالقيادة المركزية للبلد بجانب مجلس الوزراء يكفينا من وجهة نظري إسقاط الوزارة ، وذلك حتى يتسنى لنا كشعب المشاركة في تسسير المركب مع الجيش ، وأظهار الفساد حتى تستتب الأمور وننتقل للإنتخابات والمرحلة الأخرى التي هي إمتلاك الشعب لزمام البلاد رجاء أن نجعل الجيش خط أحمر الآن لمصلحة البلد، و نركز مجهوداتنا على الوزارة فقط

خلاف بين شفيق والجيش على الأسماء وكل واحد بيحمي رجالته وحبايبه والشعب صاحب البلد اللي كل دول موظفين عنده ماحدش كلّف خاطره يسأله انت عايز مين يقعد ومين يمشي علشان كده عايزين الثورة تستمر حتى إسقاط أحمد شفيق وفرض إرادة الشعب على الجميع

حلو الكلام بس رجعنا تاني لنقطة الصفر يعني لما تسقط الحكومة وهي شكلها كده كده هتسقط ان مكانش دلوقتي بعدين لان الناس كلها بتغلي مش المفروض ان اصحاب الدعوات الاول يجهزوا الاشخاص اللي هتقود المرحلة الجاية ولا هي حكومة شفيق هتمشي وخلاص مش المفروض يتفقوا ناس واثقين فيها ولا هتتساب لاختيار الجيش ولا هتتساب لاختيار الحزب الوطني اللي هيمشي يعني ارحلوا ارحلوا وخلاص ولا هما عارفين ماشيين ازاي

"الست إللي ورا القذافي" تثير فضول مستخدمي الفيسبوك

يعملها بصراحة..ربنا يستر..و ان شاء الله طالما فيه شهداء..يبقي النصر بإذن الله آت لا محالة

http://www.youtube.com/watch?v=qe-4g_Fn9lYمظاهرات خد الدوا يا ابا

وراء كل رجل عبط . إمرأه أعبط منه .

هيكل مع محمود سعد http://www.youtube.com/watch?v=i1_BWvS10II&feature=player_embedded

أعلن المجلس الأعلى للقوات المسلحة انه لن يتم الغاء حظر التجول إلا بعد التأكد من أن جميع أفراد الشعب إتصوروا مع الدبابات :happy:

مصادر ليبية تتحدث عن إجنات مصرية وتونسية تدخلت في أحداث ليبيا .. -------- يادي ام الإجندات اعتقد إن الوطن العربي سيكون أكبر مُنتج إجندات على مستوى العالم .. وبالتأكيد الأجندات اللي تبقت من ثورة الغضب المصرية تم تصديرها لليبيا واهو نستفيد من العملة الصعبة .. فاضل الكنتاكي وبكده نبارك للشعب الليبي على النصر المبين ... اللهم عجل بالكنتاكي يارب العالمين

السلام عليكم ورحمة الله... تساؤل مؤلم وخطير ...ويدور ويفور كبركان ثائر فى أدمغة المصريين وصدروهم ..بالفعل أخى الفاضل لماذا يماطل المجلس العسكرى ويُسّوف ويتباطىء ويؤجل حسم كثير من الأمور التى لا تحتمل التأجيل ، وفى مقدمتها تقديم حسنى مبارك وعائلته وعصابته للمحاكمة الفورية دون إبطاء ، لإن وجوده ومن حوله حراً طليقاً ، هو بمثابة تهديد مستمر وخطير ، وبدأنا نسمع من جديد عن إطلاق بلطجية هذه العصابة للهتاف باسمه فى الصباح ،ثم ترويع المواطنين والإعتداء على الأفراد والمحلات فى المساء ، بعد أن هدأت اللجان الشعبية فى القيام بدورها إعتماداً على ما أعلن عن عودة قوات الشرطة إلى القيام بمهامها ....بل الأكثر من ذلك ، بدأت أصوات تعلو مرة أخرى لاثارة الفتن الطائفية (وهى اللعبة المفضلة للنظام الساقط ) . ولن يقتصر الخطر على ذلك فقط ، بل سيتسع ويمتد لتوصيل رسالة إلى الناس لكى يترحموا على حكم "مبارك وعصابته " ...على طريقة "ماهو احنا كنا عايشين والناس بتشتغل برضه والأشية معدن " فهل يخفى على أعضاء المجلس العسكرى الحاكم أنهم بتباطئهم فى وضع هذه العصابة وزعيمها قيد "الإقامة الجبرية " وعزلهم بعضهم عن بعض ، أصبح أمراً ضرورياً وحتمياً لحماية هذا الشعب من مؤامراتهم التى لن تتوقف ، لإن من أدمن السُلطة والإجرام لا يتم شفاءه بتركه حراً طليقاً ، بل بوضعه مرة أخرى تحت الإقامة الجبرية بحراسة مشددة . والمجلس العسكرى مسئول مسئولية كاملة عن أمن هذا الشعب أمام الشعب ، ولم يعد هذا الشعب كما كان ، بل أصبح بركاناً ثائراً يلتهم كل من يُسىء إليه أو يماطل أو يُسّوف فى تنفيذ إرادته ، ومن ثّم فنحن نحمل هذا المجلس العسكرى كافة المسئوليات عن إطلاق هذه العصابة وزعيمها ليروعوا الشعب المصرى ،نتيجة لتباطىء هذا المجلس لإتخاذ ما يلزم من إجراءات لا تحتمل التأجيل ولا المجاملة لمن أساء إليهم وإلى أمتهم أو وضعهم فى موقف إختيار مع هذا المجرم وعصابته . وأقولها بكل صراحة... إذا كان وفاء المجلس العسكرى لمن دمر أمته وشعبه وليس للشعب ، وإذا كان هذا المجلس العسكرى يشعر بالحرج من إتخاذ مايلزم من إجراءات لوضع هذا السفاح وعصابته فى قبضة حديدة تمهيداً لمحاكمته ، فإنى أقول لأعضاء هذا المجلس : " إستقيلوا يرحمكم الله " ، فإن الأمر لا يحتمل أى مماطلة أو تسويف ، ولا يحتمل أى مجاملة ، وعليكم أن تضبطوا إيقاعكم مع إيقاع هذه الثورة المباركة . لقد ضاقت صدورنا بتباطئكم فى إتخاذ القرارات المصيرية ، وأول هذه القرارات هو وضع الرئيس المخلوع وعصابته رهن الإقامة الجبرية ، لحين تقديمهم جميعاً إلى المحاكمة فى أسرع وقت ممكن ، لكى لا يعيثوا فى الأرض فساداً ، فلديهم أموال الشعب المسروقة ، ولديهم أذنابهم وأفراد عصابتهم من البلطجية وغيرهم .... ولن يتركوا الأمر يمضى فى هدوء ، فلا تعتمدوا على الحرج ، ولا على صبر هذا الشعب الذى نفذ صبره منذ زمن طويل ، وعليكم أن تسارعوا بالتحرك ، أو تخلوا المسئولية لقيادات مدنية أخرى تستطيع تحقيق أمل وأحلام هذه الثورة وشبابها العظيم. شكرا اخى الفاضل MEMES..على هذا الموضوع الذى سلط الضوء على نقاط هامة وحيوية ...وندعو الله ان يصل صوتنا وصوت شبابنا الى أصحاب الضمائر الحية ....عسى ان يجعل الله لنا مخرجاً.. تحياتى

جمعة عودة الشرطة بقلم عمر طاهر ٢٠/ ٢/ ٢٠١١لا يخلو بيت مصرى من ثأر مع الشرطة، ولم تكن مصادفة أن يكون يوم عيد الشرطة هو موعد التعبير عن الغضب الشعبى. أعتقد أن معظمنا قد ثأر لنفسه.. يكفى أن التاريخ سيذكرنا بأننا «احنا اللى قعّدنا بتوع الداخلية فى البيت». كل المشاركين فى اللجان الشعبية يمتلكون قصصا عن توقيف سيارات الشرطة وتفتيشها أو القبض على ضابط لا ترتاح له اللجنة وتسليمه إلى الجيش بزفة بلدى، أما من لا يمتلك قصة فيمكنه متابعة قصص الآخرين مصورة على اليوتيوب، يكفى أن معظمهم مازالوا خائفين من النزول للشارع مجددا ويبذلون جهودا مضنية حتى يرضى عنهم الشعب، بداية من تغيير الشعار إلى «الشرطة فى خدمة الشعب» نهاية بكلام عن أن الداخلية ستغير الشعار مجددا لتجعله «الشرطة فى عرض الشعب». ما أذاقتنا إياه الداخلية خلال عشر سنوات ذاقته فى أسبوعين، لن أقول إن الكفتين أصبحتا متعادلتين.. لأن كفة الشعب هى الأعلى الآن.. لذلك نقطة ومن أول السطر. لا حضرتك ولا أنا نستطيع أن نطفئ حريقا أو نصل إلى القاتل أو ننفذ حكما قضائيا أو نؤمّن ماتش كرة شراب، لا بديل عن الاعتراف بأننا نعيش فى جحيم مطبق بدون الشرطة، ذلك لأن كل شخص هيأه الله لما خلق من أجله، فمن خلق شرطيا لا يحل محله أمهر طبيب فى العالم أو أكثر الكتاب حكمة. وبناء عليه.. الداخلية «راجعة راجعة»، لكن كيف نضمن رجوعها بطريقة تحفظ للداخلية هيبتها التى لا غنى عنها فى مهنتها، وتحفظ للمواطن كرامته التى لا غنى عنها بعد اليوم.. لا أتحدث باسم الثورة، لكننى أمتلك مبادرة أطرحها على الثوار ووزير الداخلية والمفتى والإعلام: أولاً: الثوار هم المتكفلون بإعادة الشرطة إلى الشارع على مسؤوليتهم، على أن تفرج الداخلية عن كل المعتقلين السياسيين، وتعلن قائمة «عار» بأسماء الذين شاركوا فى قتل الشهداء، وتعلن عن تغيير اسم وطبيعة نشاط جهاز أمن الدولة، من مقاومة المصريين إلى مقاومة الإرهاب، وفى حال إعلان وزارة الداخلية عن تنفيذ كل ما سبق سننتقل إلى النقطة الثانية. ثانياً: تكون الجمعة التالية هى جمعة «عودة الشرطة» التى سيشرف الثوار على تنظيمها، بتوجيه الدعوة لوزير الداخلية ولكل الضباط الشرفاء وشبابهم بتأدية صلاة الجمعة القادمة بالزى الرسمى لهم فى ميدان التحرير مع جموع الثوار المؤيدين للفكرة، فليصل الشعب مع الشرطة فى حماية الجيش، لكن بشرط: ثالثاً: سنصلى خلف المفتى وننتظر منه خطبة يعلّم فيها رجال الشرطة والشعب كيف يجب أن تسير العلاقة بينهما، وبعد انتهاء الصلاة يقف كل الضباط الموجودين لتأدية قسم جديد خلف المفتى.. قسم أمام الله والشعب وكاميرات العالم كله.. قسم يلزم كل شرطى بألا يظلم أو يسىء استخدام سلطته أو يهين أو يرتشى أو يتعنت أو يلفق تهمة أو يتجاهل حقوق الناس أو يتغاضى عن تطبيق القانون على شخص لحساب آخر..! قسم يلزم الداخلية بأن تبدأ صفحة جديدة بطريقة لا مجال للتملص منها.. على أن نردد نحن المواطنين قسما يلزمنا باحترام الشرطة وتقدير التزامهم بكل ما سبق والتعاون معهم. ليقسم الجميع على المصلحة العامة، ولنتصافح بعدها ونؤمّن على ما اتفقنا عليه بفاتحة كتاب الله القادرة على أن تحرق من يخونها. رابعاً: يتقدم وفد من شباب الشرطة حاملاً أكفانه على طريقة الصلح فى قضايا الثأر ويقدمها لأهالى الشهداء ثم تقام جنازة عسكرية للشهداء يتقدمها الضباط إلى جوار أهالى الشهداء إلى جوار الثوار فى حضور الجيش. خامساً: نحن الآن أمام علاقة تعقدت بشكل سيضر الجميع، ولا بديل أمامنا إلا التعامل معها بقدر من التحضر لنظل فى عيون العالم الشعب الملهم، بالتزام الداخلية بما سبق، وكذلك الثوار، وبدعم الجيش والإعلام للمبادرة سنكون قادرين على الانتقال إلى مرحلة أفضل من التى نقف فيها الآن.. أما أن يرى أحد الأطراف أن كل ما فات مستحيل.. فلله الأمر من قبل ومن بعد.

لسه يا أ. يوسف, هما ماصولوش ليوم 30 يا باشا, ربنا معاك, ويدبر الخير للجميع, أمير,,, صباح الفل يا أستاذ امير انت بتعرف منين هما وصلوا ليوم كام فى فتح الملفات علشان اعرف لما يوصلوا ليوم 28\11 وشكراا 888نص الايميل اللي بيوصل:- تحياتي, أمير,,, الف شكر يا امير باشا ممكن تبعتلى نص الايميل الى ابعتهلهم و الميل الى ابعت علية علشان اعمل الحوار دة الاسبوع الى جاى و شكرااااااااااااا الإيميل هو Biq.Damas@micc.gouv.qc.ca و النص زي مانت شايف, أنا حتي ساعات بكتب بالانجليزي مش بالفرنساوي, ولكن مما لا شك فيه ان الكتابة بالفرنساوي احسن طبعا. ربنا يدبر, أمير,,,

الله يبارك فيك ويخليك يا عنب الاعانيب يا حبيب القلب ودي اكبر بوسه في الهواء على الاطلاق ارسلها اليك عبر الاثير هههههههه :happy: ميرسي يا حبيبي والعزومه الجايه عليكم اوعاك تطنش هههه :happy: انا بقول نخليها على حساب الكافيه خلاص احنا عرفنا اللعبه هههههههههههههههههههههه

بص يا عبد المطلب انا شفت لك فيديو ع اليوتيوب شخصيتك تميل إلي الهدوء والروية وده المطلوب ولازم يبقي العادي بتاعنا لكن الهدوء وقت ما تحتاج فيه تكون ثائر علي الظلم وتغضب لان حرمات الله تنتهك وعفا الله عما سلف ولا تثريب عليكم اليوم مش هينفع دلوقت ده هيتفسر بشكل تاني لكل مقام مقال ولكل حادث حديث ولكل موقف برضه لازم الواحد يضبط مشاعره علي حسب إحتياجاته المرحلة الجاية تحتاج للحزم الرسول عليه الصلاة والسلام عمل ايه في قتلي المشركين ألقي بهم في القليب عارف ايه هو القليب بئر مهجورة لا قال لازم يتغسلوا وندفنهم و نحترمهم لانهم ابناء عمومة لا عمل كدة عشان يكونوا عبرة لمن بعدهم عشان لا يعتدي مبارك لم يكن مشرك لكن تاريخه أسود لكن تفتكر واحد 30 سنة ذل وعلو في الأرض 30 سنة شوف موت كام واحد وسرطن كام واحد وأعتقل كام واحد كام بنت بكت علي أبوها وهما بياخدوه في نص الليل عشان تهمته الوحيده انه بيصلي الفجر الناس اللي نفاها بكيفها او أجبرهم يهاجروا في كل حتة في العالم روح شوف كام واحد بيتمني يهرب من مصر لكندا ولا استراليا ولا امريكا

ليس هناك أدنى شك في أن مبارك هو المسئول الأول و الوحيد عن كل ما حاق بمصر من فساد و خراب و مهانة و تراجع و تردي ، و ليس هذا فقط بل هو مسئول بشكل مباشر و غير مباشر عن جميع السلبيات الإجتماعية و الإقتصادية بدءاً من البطالة و العنوسة مروراً بإزدياد حالات الطلاق و إنتهاءاً بضياع كرامة المصري داخل و خارج وطنه على حد سواء لقد كان مبارك هو الرئيس و الوزير و الشرطي و موظف القطاع العام و موظف القطاع الخاص و كان يمتلك جميع مقاليد الحكم في يده .. و عندما يصل الأمر لتعيين مفتي الجمهورية و شيخ الأزهر بعد مشورة أجهزة الأمن فهو جد خطير أن كل ما تفضلت بذكره لهو نتاج لعقلية مبارك اللتي سمحت لرؤوس الفساد بالإنتشار و النمو و منحتهم شرعية الإستيلاء على الأخضر و اليابس و جعلت سياسة الفساد منهجاً للجميع بدءاً من نجله رئيس لجنة السياسات في الحزب الوطني و إنتهاءاً بموظف مرتشي لا يؤدي عمله إلا بمنحه مقابل غير شرعي إن ما تفضلت به من منح بعض الشركات الخاصة لرواتب فلكية لبعض موظفيها هو ناتج عن قانون عمل ظالم و مهتريء يضع صالح المستثمر صاحب العمل في الصدارة و يلقي بصالح العامل و الموظف الصغير في غياهب الجب ، فقانون العمل اللذي وضعه ترزية القوانين بحجة دعم الإستثمار جعل كرامة العامل في الحضيض و إضطره للتضحية بها ليتمكن من الحفاظ على لقمة عيشه و إستقراره الأسري .. فإذا كان قانون العمل يضع حدوداً دنيا و قصوى للرواتب و يضع ضوابط لمنح هذه الرواتب مثل قوانين العمل في دول العالم المتقدم لما ضاعت مصر إن ما تفضلت به يا صديقي في مداخلتك الكريمة ما هو إلا نتائج أنصحك بأن تكلف نفسك بعض العناء لتبحث عن أسباب تلك النتائج فالرئيس مبارك لم يكن بمعزل عن الدنيا كما يصور لنا أصحاب المصالح في السكوت عن مبارك و تركه و شأنه كما أنه كان على علم و دراية بكل مصائب حكوماته و سلطاته التشريعية و التنفيذية على حد سواء و آثر دائماً تخديرنا بخطاباته الجوفاء عن البعد الإجتماعي و مساندته للفقراء و غيرها من حبات التسكين و التخدير اللتي دأب على إلقائها في أفواهنا اللتي كانت مرحبة دائماً بوصفاته و لكن ما أن بدأت سوءاته و سوءات عائلته تتكشف حتى إتضحت الحقيقة و تبينا حجم التغييب اللذي كنا نعيش فيه و إستيقظنا على وقائع مفادها أن مساحة الأراض اللتي سرقها رجال نظامه من ملكية الشعب تزيد على مساحة خمس دول عربية مجتمعة و لم يدفع هؤلاء المرتزقة ما يوازي نسبة 10 بالمائة من سعر هذه الأراضي السوقي و ما أن حصلوا عليها حتى باعوها بأسعار فلكية أدخلت في جيوبهم مئات المليارات فكيف بالله عليك ما زلت تدافع عن مبارك ؟ سيدي الكريم شكرا للمداخلة، لعل الرسائل كاملة للرئيس حسني مبارك موجودة هنا للاطلاع: http://3ayezjob.blogspot.com/ بالنسبة لما تفضلتم به سيادتكم فأود إضافة الآتي: 1-أنا لا أدافع عن الرئيس مبارك، بل إنه بشر كسائر البشر ليس منزها عن الخطأ. لكن أنا أبحث عن الإنصاف، بمعنى أنه لو أخطأ نقول أخطأ، ولو أحسن نقول له أيضا أحسنت. بل إن الدكتور سعد الدين إبراهيم في صحيفة المصريون، ود.طارق حجي مع مصر النهاردة، وكلاهما قالا أن الرئيس مبارك كان في فترة ما قبل تدخل نجله جمال (حتى 2004م) كان رائعا والانترنت متاحة لمن أراد البحث بما في ذلك حتى حديث الدكتور الجنزوري مع المصري اليوم، وأنا أوضحت ذلك في رسالة (الأسرة) للرئيس مبارك هنا: http://3ayezjob.blogspot.com/2011/02/9.html 2-المشورة الأمنية في تصوري كانت ضمن إجراءات عديدة موجودة منذ ما قبل الثورة وما بعد الثورة، وليس بجديد على عهد الرئيس مبارك. 3-لا أحد يدافع عن فساد, لكن أرجو أن تأخذ في الاعتبار أن أطباء كبار يتعاطون عمولات عن بيع الأجهزة الطبية أو بمعنى أدق عن ترشيح شركة معينة للمريض، ما أريد قوله هو أن ملامح الفساد أو الخطأ موجودة في الكثيرين، هذا مع التسليم بأن الكثير مما هو منقول ومشاع لا دليل عليه اللهم إلا أن يكون النشر الصحفي هو الدليل الصحفي. 4-الرواتب الهزيلة هي فعلا مشكلة كبيرة، لكن هل الرئيس مبارك هو السبب فيها أم السبب هو رجل أعمال (وما أكثرهم) يملك شركة خاصة ويمنح رواتب سبعمائة جنيه شهريا لرجل متزوج ويعول ويأتي للعمل من محافظة أخرى؟!! أنا لا أدافع طبعا عن عيوب في قانون العمل وعدم فرض حد أدنى على الأقل. 5-لا أتخيل أن الرئيس مبارك كان بمعزل عن الدنيا، لكن دعنا نكن منطقيين، هل يعرف مدير شركة كبرى بميزانية الأثاث التي تم صرفها في فرع للشركة بمحافظة نائية؟! طبعا لن يعرف لأن هذه التفاصيل الدقيقة لا شأن له بها، والمفروض لو حصل خطأ أو تجاوز أن ترفع إليه الشكاوى بطبيعة الحال. وأعتقد أن بقاء الرئيس مبارك في مصر وإصراره على عدم تركها حتى في شدة المرض، هو دليل كبير على أنه فعلا متمسك بالوطن وبأنه فعلا يؤمن بأنه لم يرتكب خطأ وهو يعلم أنه خطأ، والمنصف يا سيدي يدرك بتأمل قراءات وكتابات وبرامج من عاصروا الرئيس وأفصحوا عما عايشوه معه أنه كان حازما عادلا وأن ما أفسده كان هو تداخل أنشطة نجليه وخصوصا جمال في السياسة مع دور أكبر للزوجة. وهذا لا يعني أنني ضد قصر مدة الرئاسة على فترتين أو عمر أقصى لسن الرئيس القادم، لكننا في سياق الرئيس مبارك الآن، والذي كانت الأخبار تقول إن الشوكولاتة السويسري والكافيار تأتي لمقره في شرم الشيخ بعد11فبراير ولم يشر أحد إلى أنها قد تكون لبعض الحاشية أو الأسرة وليس له شخصيا لأن واحد عنده84سنة لا أتصور أن له قدرة على تناول الشوكولاته والسكاكر، وده يبين لنا دور الإعلام في طمس الصورة المتوازنة. ومرة أخرى: أنا لا أدافع عن الرئيس مبارك، فالتاريخ سيحكم على كل واحد بما له وما عليه كما أشرت أنا هنا: http://3ayezjob.blogspot.com/2011/02/10.html وللمرة المليون: أدعو للتأمل في النتائج الاجتماعية السلبية المترتبة على الثورة والتي ستؤدي لما تحمد عقباه لو استمرت المظاهرات والمطالبات (بالمناسبة: تونس لحد الآن الآن لا تزال في اضطراب والناس عادي ممكن ياخدوا مبنى لمصلحة حكومية ويحتلوه، وده اللي في في تصوري كان الرئيس مبارك لا يريد حدوثه بعدم تنحيه على عكس ما كان الكثيرون يشيعون أنه متمسك بالكرسي ومش عارف ايه). أخيرا، دي وجهة نظري وجايز جدا تكون غلط فهي ليست قرآنا.

بتفق معك سيدي الفاضل وعلى هذا استغربت تماما مداخلة الفاضل ( اوزوزو ) على سبيل المثال لاني مش شايفه لها اي علاقه بالي فهمته من كلام الفاضل سكوربيون .. المقالة بتتكلم اجمالا عن احد طرق ( توجيه الرأي العام ) ومنها ( صناعة القائد ) والجزئية الأهم فيها وهي اني اقنع الجموع بل والملايين انكم انتم من اختاره لا هو من فرض عليكم .. عموما وكوجهة نظر شخصية جدا فالقائد الذي اظنه مقصود في المقالة مظنش ابدا ان هيكون له دور اكثر من شغل الناس في المرحلة الحالية ولكن تبقى طريقة تقديمه للرأي العام وطريقة جعله ( حديث الساعة ) امر يستحق التوقف عنده ودراسته فكثير من الامور ـ خاصة في الفترة الاخيرة ـ تقدم لنا بنفس الطريقة وتقحم في عمومياتنا لتصبح من اولى الاولويات لا صدفة ولكن لان هنالك من اراد لها ان تكون .. الي اظننا بنمر بيه حاليا هو مرحلة انتقالية بما تعنية الكلمه من معنى وكل الي شايفينه حاليا على الساحة سواء من رموز نظام قديم او شخوص صنعتهم الاحداث فجاة ودفعتهم الى المقدمه كل ده هيختفي بمجرد انتهاء المرحلة .. لتبدأ مرحلة جديده ملهاش علاقه بالي كنا عليه ولا بمنا نحن فيه الآن .. برضه ارجع واقول .. ربنا يستر ..

طب ايه المطلوب مننا بالظبط يا استاذ ComingSoon ينقلك الكلام الخايب ده ... نتخانق يعني مع بعض .. و لا كلمة من هنا علي كلمة من هنا و تولع علشان ناس تستريح ... يا ريت .. يا ريت بجد نفكر في الأهم و نسيب المواويل دي بقي .. المفروض ان فيه حاجة اتغيرت جوانا ... حاجات تفهمنا ان اللي بيحارب من بره .. حيفضل طول عمره بره ... احنا اللي جوه اللي المفروض نفهم ... نكبر ... ننضج ... بلاش الأخبار اللي مالهاش لازمة دي .. بلاش نقسمها تاني بالعافية بعد ما صدقنا اننا اتقابلنا ...

اغابي استاذ كامل ممكن كمان عشان نزيل الشبوره نفتح قلوبنا لبعض بصراحه انا شايف اصدقاء مسيحيين خايفين من بعض الحاجات ممكن تكتبوا مخاوفكم ونحاول نطمن بعض ونوصل لحلول بدون فتنه 1-الماده التانيه من الدستور انا اقترح تركها مع عمل استفتاءات علي الاحكام الشخصيه في المسيحيه وتطبق علي المسيحيينمن زواج وطلاق وميراث وخلافه وتطرح للاستفتاء علي ان يصوت عليها المسيحيين فقط 2-الاعتراض علي طارق البشري احب اطمنكم ان عهد الرجل الواحد انتهي والراجل مش لوحده انما معاه لجنه 3-ايه تاني ؟ الاخوان خايفين منهم طيب ليه ؟ ونحاول نفند المخاوف4-اهم حاجه رجل الشارع المسلم العادي انا حاسس ان المسيحيين مازالوا متقوقعيين وخايفيين من المسلمين احسن يموتوهم او يطردوهم انا بقولهم ان المسلمين دول مش لونهم اخضر ولا ليهم 3 عيون دول الناس العاديه اللي بتتعاملوا معاهم كل يوم ابتدوا ازرعوا الثقه في انفسكم وفي اولادكم تاني تجاه كل المصريين ممكن نفتح المناقشه؟

دوس يا مناهري على الرابط دة Echo A1 حيفتح معاك الكتاب على انه ايماج ممكن تقلب فيه صفحة صفحة في اخر الصفحة تحت حتلاقي في 3 طرق لعرض الكتاب اختار اول واحدة a grandir le page عشان تكبر الصفحة بالحجم العادي و ممكن تطبعها من النت مباشرة..يعني مشي بيه و انا حاحاول ادور ليك على الكتاب pdf و ارجو اني اكون افدتك..تحياتي

اختى الفاضلة جويري على مهلك فى الكلام - بهدوء انا مش مشكلتى انك تبع حزب معين بالاسم - ومعروف بتشجيعك له على المنتدى هنا كل يوم موضوع لك الحرية المطلقة فى اختاراك لاى حزب تنتمين - لكن انك تقومي تهاجمى المسيحين بالشكل داه دي مش مشكلتى كمسيحية لكن انا بفكرك وقت ما النت كان قاطع عندكم فى مصر وما كنتيش معانا على المنتدى انا كنت كمسيحية مغتربة - كل لحظة على المنتدى بشارك بنقل الاخبار او الدعاء وارجعى بالمشاركات بتاعتى فى موضوع 25 يناير وكنت بادعى للشعب المصري وبدعى للشباب ربنا يحفظهم وعمرى ما قولت يارب احفظ المسيحين والمسلمين لاء وقت ما النت كان قاطع عندك فى مصر كان اسكوربيون بيفتح موضوعات جديد تمهيدا لما بعد الثورة وكان بيشارك ريمون وبيشارك رار وبيبو كندا اعضاء تاني من المسيحين انت باى حق - تنكرنى علينا وطنيتنا - وباى حق تتكلمى عن المسيحين بالطريقة دى فى وقت انت نفسك ما كنش ليكي اى دور يذكر وكنت مستخبية فى بيتك - وما كنتيش اساسا على النت جبتى منين الاحكام دى كلها على المسيحين - طب بلاش دول باى حق الشهدا المسيحين تنكرى دمهم اللى دفعوه فى الميدان - وحقهم فى مشاركة الثورة انت بكدا يعنى اكتر وطنية من اغابي واسكوربيون وريمون وبيبو كندا ايه الكلام داه - وكل المصريين اللى كانو رافعين فى امريكا وكندا وكل دول العالم شعارات تندد بالنظام كانو مسلمين وبس ولا كان معاهم المسيحين والمسيحين اللى كانو فى الميدان ما تعرفهمش برضوه كمان انت عارفة ان عدد المسيحين على المنتدى اقل من المسلمين راجعي مشاركاتك - اللى ممكن تجيب حزازيات وتقلل من الوحدة الوطنية - لان الكلام داه مش وقته خالص انا شخصيا مش هاسمح بالمهازل دى على صفحات المنتدى ومش هاسكت سواء انت او غيرك وافقتم او لاء - احنا موجودين وسنظل موجودين على ارض مصر ولنا حقوق وشاركنا فى الميدان وموتنا واللى بيتكلم بطريقتك دى بيعمل فتنة بين الشعب المصري - ويبقى مش بيحب مصر وبكرر اللى بيتكلم فى الظروف دى - بالكلام داه بيعمل فتنة ومش بيحب مصر وبيفرق بين صفوف الشعب الواحد - صدقونى فى الوقت اللى احنا محتاجين اننا نبقى ايد واحدة بلاش الحماس والاندفاع - فكرى الاول فى الظرف اللى احنا فيها - والصور ابلغ من الكلام والمشاركات تشهد والميدان باقى والتاريخ يحمل دم الشهداء سواء المسيحين او المسلمين وبنفس الرصاص وفى نفس الحدث وانتهز هذه الفرصة لاقدم خالص الود لكل زملائي فى المنتدى أنا موافقة على كلام أغابي و أرى إن هذا الموضوع ليس هذا وقته على الإطلاق و إحنا مش في وقت كل واحد يقيس عدد الشهداء في كل فئة يعني لو مافيش حد مات من النوبة أو من الصعيد أو من أهل أي مدينة في مصر نقول عليهم كانوا فين ؟؟؟ ******************************************* أما عن موضوع تطبيق الشريعة الإسلامية فعندما نتأكد أولًا أن الثورة تسير في طريقها و أن جيوب النظام السابق قد تم تطهيرها نبقى نتكلم عن الشريعة الإسلامية من الذي سوف يساعدنا على تطبيق الشريعة؟ و كل أصحاب المناصب الرفيعة الذين يحركون الأمور في كل الجهات الحكومية من أذناب مبارك لا يجب أن نضع العربة قبل الحصان و نقول تطبيق الشريعة و حتى الآن لم يتم معرفة ملامح محددة للدولة المصرية المقبلة الكلام ده مش وقته خالص

http://www.youtube.com/watch?v=cYRHNPl5zZ4&feature=related الدقيقه ٢.٤٥

صح يا ملووكااااااااااااااااا الف الف مبروك لمصر بس انا من النوع المتشائم شويه البلد الان بتنهاااااااااااااااااااااااااار اقتصاديا و كل واحد فى البلد دى عايز مصلحته و بس مثلا الاحزاب يقولو هنعدل الدستور يقولو لا عايزين واحد جديد بتوع البنوك مش عايزين يشتغلوا غير لما نزود مرتباتهم 100% و دول بالذات هيخلونى اشد فى شعرى من النظر للمحيط العام المصريين دول عايزين اللى يمسكهم بإيد من حديد انا مش بغلط فيهم بس الديمقراطية مش معناها فوضى و اللى احنا رايحين له ده قمه الفوضى الناس دى لو ما اشتغلوش من دلوقتى البلد دى هتشحت التأثير الاقتصادى كبير و لو ايدينا مش فى ايدين بعض كلها كام شهر و نقتل بعض علشان العيش انا فى شركة و كتير من عقود التصدير راحت علشان اعتصام مش عارف مين فى الجمرك و النهارده البنوك قافلة و بكرة بتوع النقل مش هيطلعوا غير لما يشيلوا المخالفات و غيره يا نااااااااااااااااااااااااااااااااااااااس افهموا البلد هتضيع ده بالطبع مش ليكى يا ملوكه بس كلمتين كان نفسى اقولهم و خلاص

ـ يعنى ايه كوكاولا زيرو يعنى الزمالك يلعب احسن موسم فى تاريخة والدورى يتلغى يعنى نطلب من الرئيس التنحى من الرئاسة يقوم يغير الحكومة يعني نخلص امتحانات ، والشرطة هي اللي تاخد أجازة نص السنة يعني مصر تعمل مظاهرات والجزائر تلغي قانون الطوارىء يعنى العساكر والظباط تأخد أجازة نص السنة واحنا نوقف خدمة طول الليل يعني احنا نعمل ثورة والمساجين هما إللي يتحرروا يعنى الحكومة تعمل حظر تجول والرئيس هو الوحيد اللى يلتزم بيه

من شهداء السويس فـ الثورة المصرية‏ في 07 فبراير، 2011‏، الساعة 06:50 مساءً‏‏ 1. شريف السيد رضوان ... 1/11/1979 2. سيد زكي محمد خليل ... 18/8/1974 3. فرج عبد الفتاح عوض ... 18/10/1966 4. مصطفي عبدالله عبد الوهاب ... 1960 5. اسلام متولي محمد متولي ... 13/9/1989 6. اشرف نور الدين محمد عبد الرازق ... 22/4/1972 7. محمد السيد لبيب محمد ... 20/6/1981 8. محمد محروس أنور محمد ... 15/2/1989 9. أحمد علي أحمد ... 1971 10. فايز فهيم السيد ... 1957 11. علاء عبد المحسن سعد ... 28/4/1965 12. محمد أحمد محمد يوسف ... 19/1/1987 13. مصطفى جمال ورداني ... 10/2/1986 14. محمد شعبان بشير اسماعيل ... 18/10/1984 15. محمود أحمد محمود ... 31/5/1984 16. عادل عبد الحكيم أحمد ... 29/9/1991 17. عبد العزيز ماهر محمد فكري ... 1971 18. سليمان صابر علي محمدين ... 1970 19. مصطفي رجب محمد ... 1991 20. غريب عبد العزيز عبد اللطيف ... 1963 21. مصطفى سعيد عبد العظيم محمد ... 10/2/1991

الشهيد..محمد احمد جمال الدين 32 سنة شبرا الخلفاوى توفى اثر طلق نارى فى القفص الصدرى يوم 3 فبراير 2011

ولسه بنحاول نجيب كل الصور اللى بتوصلنا عن شهداء لسه مانعرفهمش

الشهيد..محمد راشد بورسعيد

أستاذ محمد اللى عمل كل الموبقات اللى سردتها فى مداخلتك هو منظومة حكم مبارك .. من أول رأس المنظومة إلى البلطجى المبرشم اللى بيدمر ويخرب لا أختلف معك فى تحديد المسؤولية عن تلك الموبقات ولكن نحن يا سيدى أمام موقف لابد من التعامل معه .. ولازم نتعامل معه بعقلية "موقفية" (مش عارف اذا كان التعبير ده صح أم لا) .. أقصد اننا لازم لمرة واحدة ، فى ظرف فظيع زى ده ، نكون أصحاب عقلية situational مش أصحاب عقلية تاريخية ماضوية كالمعتاد نحن أمام موقف لابد من اتخاذ قرار فيه : هل نترك الحل للمجهول ، والمهم تنفيذ مطلب "إرحل" .. "لازم يمشى" .. "خلى عندك دم ، ارحل بقى يا عم" إلى آخر تلك المطالب التى تختلف اختلافا تاما عن المطالب الأولى "عيش ، حرية ،كرامة" .. مرورا بمطلب "الشعب يريد اسقاط النظام" .. يعنى من رؤية لما يجب أن تكون عليه البلد ، إلى رحيل شخص (فليكن رمز النظام الفاسد أو رمز العسكرية المصرية ... ما تفرقش) .. ثم ندع الأمور تجرى فى أعنتها دون التفكير فى الخطوة التالية لرحيل الطاغية المسؤول عن كل تلك الموبقات .. لأننا - بناء على تاريخ الطاغية - نخشى أن يقبض الطاغية على الملايين التى خرجت تطالب بسقوطه ليودعهم السحون .. حتى دون التفكير إذا ماكان الطاغية عنده سجون كافية؟ هذا اختيار أما الاختيار الآخر فهو : هل نتعامل مع ما لدينا على أرض الواقع من طلب الحوار حول الطلبات التى استجابت منظومة الحكم لها بوجه عام لبلورتها فى خطوات محددة ووضع جدول زمنى لتنفيذها ؟ .. مستخدمين فى ذلك ما لدينا من أدوات (كدولة ما زالت موجودة ولم يلحقها الدمار الشامل بعد) .. هل نعطى فرصة لما لدينا .. ثم "إن عدتم عدنا" ؟ .. يا أستاذ محمد أنا أعرف أن الأمريكان والإسرائيليين قد اتخذوا من مبارك حليفا .. ولكنى أعرف أيضا كما تعرف أنت أن الأمريكان (اللى متغطى بيهم عريان) لا يتحالفون إلا مع مصلحتهم .. وهم يعرفون أن عمره الافتراضى قد انتهى إن لم يكن سياسيا فقد قارب على النهاية بيولوجيا ..

اختي المهندسة مش وقته دلوقت مين اللي كان صاحب الشرارة الأولى في مظاهرات يوم الغضب سواء أسماء أو غيرها ( أنا ما شفتش غير الفيديو بتاعها هي - لكن لو في غيرها مفيش مانع ) مش مهم مين الصاحب المهم ايه الناتج وبعدين انا شفت حوار أسماء امبارح مع المحور والبنت مقالتش انها هتيجي هي قالت انا هاخد رأي الناس اللي في الميدان وبعدين ارد عليكم ( لكن المقدمين المحترمين عملاء النظام حاصروها وحوروا كلامها كأنها ادت وعد بالحضور ) والنهاردة الصبح البنت اتصلت بالبي بي سي وقالت انها عرضت الفكرة على الشباب في التحرير لكنهم رفضوا اي حديث إلا بعد خروج مبارك سيدى الفاضل كلامك ده دليل على ان قناة ال بى بى سى زيها زى القنوات المحرضه ال عاوزه تنفخ فى النار و تسوء سمعه مصر و دليل على كلامى انها ليس عندها اى وعى سياسي اطلاقا ...هى كانت هتروح قناه المحور تتصل ليه بال بى بى سى تعتذر عن عدم الذهاب طيب تحترمنا و تتصل بالمحور نفسها تعتذر ما هو مش ممكن اقول لخالتى انا جايالك بكره و تانى يوم اتصل بعمتى اعتذرلها عن عدم ذهابى ؟؟؟؟؟ انا عارفه ان كلامى ده ممكن يخرج عن جو التوبيك العام فى نقل احداث مظاهرات الشباب لكن انا استغليت الفرصه انى اقول للشباب مش اى حد يتظاهر و يعمل نفسه مصطفى كامل او هدى شعراوى ننصاع ليه بدون التأكد من قدرته و وعيه و ثقافته السياسيه و انه قادر على دفعنا الى الافضل...يعنى مزيد من الوعى للشباب ... وده مش خطأهم ده خطأ النظام ال تجاهل الشباب و مطالبهم و تجاهل الحوار معاهم لمده 30 سنه

أعرف رجلاً .... أرادَ ان يشتري عطراً جديداً ... فاصطحبها معه... وتركها تحدّثُ العطّار قليلاً... ثم سأله : ألديك عطرٌ يُشبهُ صوتها؟؟؟؟؟ منقولة

يا سكوربيون .. يعنى الواحد يقولك ايه يا أخى ؟؟ هه ؟؟ اعذروا مداخلاتى التى لا تضيف شيئا .. هناك أشياء يعجز اللسان الا أن ينطلق تعبيرا عن الامتنان بها .. أنا سعيد بما أقرأ هنا .. وسعيد أننى أعرف أبا محمد و سكوربيون ولو حتى على صفحات النت ... و سعيد أنه يجمعنى بمثل هؤلاء .. وطن واحد. مهيب