لوحة القادة

السلام عليكم ورحمة الله وبركاته ،، لن اقدم الفيلم هذه المرة .. سأترك المايكرفون للرفيق لماضة لتتولى التقديم .. :closedeyes: ============================================================================ بيان عاجل من وزارة التقلية لحماية امن المحاورات تمكنت قواتنا البواسل من احباط محاولة انقلاب و تمرد في القطاع الشرقي من ركن دعوة للابتسام حيث قامت فئة متمردة من المحاوراتية بترويج مواد اعلامية مفخخة تمس سمو العضو أطاطا....لماضة حفظها الله...و فخامة الزعيم المفدي الساري....و تطاولت علي كبير ياوران جناح شرق غرب فوق وتحت المداخلات...الزعيم سين سين و قد حذرنا مرارا و تكرارا...من مغبة عدم الاستماع للمعني الكامن في اغنية يا مطرة رخي رخي و آدي النطرة هترخ عليكم و من موقعنا هذا.....فإن وزارة التقلية بالمحاورات تطمئن شعبها الحبيب....بانه تم احباط و اجهاض و فس البالونة الاعلامية المضادة و تهيب بالسادة المواطنين الشرفاء عدم الاقتراب من التوبيكات المفخخة... ابلغ تحية و اعمق تقدير لقواتنا البواسل كان معكم مراسل قطاع المعركة أطاطا.....لماضة.....(أنا اتبعزقت يا رجالة) اصوات جماهير حاشدة....و هرج....و مرج....و مش عارفة ايه و ها هو .....الساري يتقدم بخطوات ثابتة....يزق الباب برجله اليمين....يبص لعدسة كاميرا تسعة اللي لافحاها علي قلبي و دايرة بيها انقل الاخبار يبتسم ابتسامة غريبة......ثم يقول ما تيجوا.....نشوف ضحكات شريرة......عنيفة http://www.youtube.com/watch?v=6Dq4ouwn0m4 ============================= وقتاً طيباُ نرجوه لكم

إخوتي الاعزاء ... أعتذر عن التأخير خلال اليومين الماضيين .. حيث أنني تعرضت لضغوطات خارجية وداخلية من أجل عدم نشر تلك الوثائق السرية ... فرفضت رفضاً قاطعاً وقلت إني مستحيل أفرط أو أتنازل ولو أعطتوني 10 الاف جنيه ... أنا مش أقل من ويكليكس أو ويكالة البلح وها آنذا أفرد أمامكم الحقيقة كاملةً .. كاملةً .. كاملةً ... ------------------ مشهد داخلي ... الساعة 8 الصبح أثناء تناول المشرفين لوجبة الأفطار .. وهو ليس إفطاراً عادياً .. بل إفطاراً إشرافياً خاصاً يتم تجهيزة في مطبخ المحاورات تحت إشراف الشيف بُندق : سكوب : سين .. لو سمحت ناولني فحل البصل اللي قدامك ده سين سين : يا سلام .... وهو أنا كل ما أمد إيدي على حاجة تقوم لاهفها مني ؟ سكوب : طب ما أنت أمبارح خطفت قدرة الفول من قدامي وقمت نص بطن وما فتحتش بؤي ودخلت المطبخ نأنأت في أي حاجه من هناك عشان أسد رمقي أبو محمد : تسد رمقك ؟؟؟؟؟؟؟؟؟؟؟؟؟؟؟؟؟ وهو إجهازك على قالب جبنة رومي بحاله .... و 10 أرغفة طباقي ... و19 بيضه ... بتعتبر ده كله نأنأه ؟ فلانه : إنت هاتحسد الولد يابو محمد ؟ ما تسيبه ياكل . ده حتى لونه مخطوف وووشه بقى عامل زي اللمونه المعصفرة .. سلوى : صباح الخير عليكم ... ها يا جماعة ... ممكن أشرب معاكو اللاتيه بتاعي ؟ منال : صباح الفل يا حياتي ... حماتك بتحبك سلوى : لأ لأ الحاجات دي ممكن تموتني بأسفكسيا الخنق ... أنا هاشرب اللاتيه وأروح موضوعي تآملات في معايشات يومية ... حاكم في أعضاء هناك بقى لهم كتير ما خدوش اليومية بتاعتهم وحرام ما بأحبش أكل حق حد . وفي وسط الأفطار فجأة يدق جرس الأنذار المتعارف عليه مُعلناً عن إجتماع هام مع القيادة العُليا للمحاورات ... فيهرع المحاوراتيون إلى دواليب الملابس ويرتدون اليونيفورم الخاص بالإشراف على عجل ثم ينزلون في الكبسولة الخاصة إلى الطابق السابع عشر تحت الأرض حيث توجد الـ WAR Room --------------------- مشهد من الاعماق .... إضاءة خافتة ... كلوز إن على غرفة الإجتماعات .. وتنجذب الأنظار إلى المقعد الامامي حيث يجلس الأدفايزر خلف قناعه المعتاد – و من المعروف أنه منذ تأسيس المحاورات لم يتمكن أحد من المشرفين من رؤية الأدفايزر وجهاً لوجه – إلا 3 اشخاص وتم إختفاءهم بعدها في ظروف ليست غامضة – أدفايزر : صباح الخير عليكم .... أبو محمد : صباح الفل يا كابير .. خير إن شاء الله ؟ أنا رُكبي سابت والولاد سابوا فطارهم وجم جري أول ما سمعنا زمارة الإنذار اللي بتفكرني بزمامير الإنذار بتاعت غزو العراق .. أدفايزر : مش خير أبداً ... مش خير أبداً .. سكوب : إيه الحكومة عررررررررررررفت مكاننا ؟؟ فلانه : يا نهار أثود يا نهار أثود ... أنا كنت عامله حساب اليوم ده .. ضيعتوني .. ضيعتوني محمد : حكومة إيه ومباحث إيه ... هو إحنا بنبيع بانجو يا جماعة ؟ سين سين : طب أستأذن انا يا جماعة عشان ماما قالت لي أجيب العيش ورجع بسرعة أدفايزر : قليلاً من الهدوء يا سادة .... قليلاً من الهدوء ولنتحلى بالحكمة والصبر ولنتذكر جميعاً مقولتي الخالدة ( الأيدي المرتعشة لا تعمل ) .... على فكرة أنا زعلان منك يا أبو محمد . أبو محمد : زعلان مني أنا ؟ ليه يا كابير ؟ أدفايرز : رجالتك نايمين ومش شايفين شغلهم ... ويكفي أن تلقي نظرة على وجوه كلاً من الفاضل سين سين والفاضل سكوب لترى كمية العماص على عنيهم أبو محمد : يا كبير إذا عُرف السبب يبقى أحنا عند أولاد رجب .... حضرتك الولد سين سين مطبق بقى له 3 أيام وما داقش النوم لإنه عمال يقتل في بتوع الكويت ولحد دلوقت قتل ألاف منهم وأسر عشرات الألاف بمفرده ... أما سكوب فمشغول شويه لإنه بيقود مظاهرات العمرانية بنفسه . أدفايرز : أنا ما يهمنيش الكلام ده كله .. الكويت العمرانية ولا منشية ناصر حتى .... أنا يهمني إستقرار المنتدى .. أمن المنتدى ... أبواب المنتدى .. شبابيك ومفصلات المنتدى ... فهمتوني ؟ أسد : أقطع دراعي مانا فاهم حاجه ... فسر يا أدفايزر بيه عشان نشوف وجه الخلل ومواضع الإصلاح أدفايزر : أنا يا سادة عامل لكم الإحصائيات بتاعت المنتدى مش عشان نتفرج على ارقام ونمصمص شفايفنا ونقرأها ونحن نحتسي القهوة والشاي ... أنا عاملها للعبرة .. للعِظة .... للتنبية .... يعني أقرا أي إحصائية .. يبقى لازم الريد ألارت يشتغل عندي على طول ويعمل كده ( ويك ويك ويك ) سلوى : طب قبل ما يعمل ويك ولا مانث .. أهدى بس حضرتك وأشرح لنا أكتر .. أدفايزر : إنتي بالذات يا مدام سلوى ومعكي الفاضلة فلانه .. أنا بأعتب عليكما جامد قوي قوي قوي فلانه : إيه ده ؟ حتى انا ؟ أدفايزر : أيوه ... بإختصار يا سادة عشان ما عنديش وقت لأن طيارتي هاتطلع كمان تلت ساعة .. عندي إجتماع في جُزر الكناري مع قيادات المنتديات الجادة على مستوى العالم ... سين سين ( محدثاً نفسه ) : سيدي يا سيدي ... ناس تروح تهيص في جزر الكناري وتشرب كوكو نوط وناس تقعد تاكل فول وطعميه وتصطبح بوش سكوربيون ... وأنا اللي بقى لي ييجي 7 سنين مُشرف ومموت نفسي وعُمر الأدفايزر ما قال لي روح يا سين سين دورة تدريبية إشرافية في عزبة النخل حتى ... سكوربيون : إخرس بقى ولم لسانك أحسن لو سمعك ممكن يبعتك جزيرة سيلان وتتنفي هناك لحد ما تموت أدفايزر : النهاردة الصبح ... بأشرب القهوة البرازيلي بتاعتي .. مع السيجار الهافانا ... وماسك بالإيد التانية جريدة " المحاورات جا زيت ) وبأفتح المنتدى بالإيد التانة وبأضرب بعيني في طرف الشاشة .. صُعقت ... لأ حقيقي صُعقت .... صُعقت يا سادة من المد الحريمي اللي طغى على المنتدى .. وقُلت في عقل بالي .... ده ما بقاش منتدى المحاورات .. لأ لأ . ده منتدى شيكوريل .. أو مدام سونه الخياطة .... سلوى ( وهي تضحك في سرها ) : ليه بس يا كبير ... مالهم الستات ؟ أدفايزر : يا مدام سلوى حضرتك عارفة إنك غاليه عندنا ... وإنتي وفلانه تعتبران أخر عناقيد الإشراف .. وتعتبروا بصراحة كريزة الإشراف ... سين سين : أنا أعترض... مش فاهم .. يعني هما كريزة الإشراف .. وأنا مثلاً حرنكش الإشراف ؟ .. أدفايزر ( الذي لم يعر إنتباهاً لتلك المقاطعة ) : ايها السيدات والسادة .. النساء قادمات .... نعم .. قادمات .. ثم يدوي صوت صدى الصوت بالقاعة ( مات مات مات مات ) .... هل في حد من الأفاضل اللي قدامي دلوقت لاحظ إن من ضمن قائمة الأعضاء الأعلى تقييماً ... نسبة أكثر من 90 % منهم نساء ؟ فلانه وهي تطلق زغروطة : لوووووووووووووووووووووووووووووووولي ... منصورين إن شاء الله .. اللهي يارب دايماً .. والنبي إحنا غلابه ومهضومات الجناح محمد ( بهدوءة المعتاد ) : طب والعمل يا زعيم ؟ أدفايزر : مانا أجتمعت بكم عشان كده يا سادة عشان نشوف حل للنصيبة دي يُتبع

السلام عليكم ورحمة الله وبركاته الذكاء العاطفي هو القدرة على التعرف على شعورنا الشخصي تجاه الآخرين لتحفيز أنفسنا ولإدارة عاطفتنا بشكل سليم في علاقتنا مع الآخرين. صارح نفسك دون خجل حتى يتسنى لك أن تعالج الأمر، واكتشف نفسك من خلال الإجابة على الأسئلة التالية بصدق وإخلاص. ---------------------------------------------------------------------- (1) اذا كان عليك اتخاذ قرار في موضوع يهمك هل....؟؟ أ- تتخذ القرار بجدية وسرعة. ب- تؤجل اتخاذ القرار لفترة بسيطة لدراسة الموضوع جديا. ج- تهمل الامر ولاتبالي بتاتا. (2) إذا غضبت منك والدتك هل....؟؟ أ- يفسد ذلك يومك ولا تستطيع انجاز أي شي. ب- تحاول ارضاءها باي شكل ثم تهتم باعمالك ومهمامك. ج- تتأثر قليلا ولكنك تنسى الامر بسهولة فديك يوم حافل بالمهام والانجازات. (3) إذا تعرضت لموقف محرج امام اشخاص لاتعرفهم ..؟؟ أ- تتألم وتحاول الهرب وكأن الدنيا قد انتهت. ب- تتأثر جدا ولكنك تحاول تهوين الموقف عليك. ج- تهمل الامر كله ولاتفكر به بتاتا فهو امر عادي والجميع معرض له. (4) إذا شاهدت موقفا مؤثر في التلفاز هل ....؟؟ أ- تغرق في البكاء وتصاب بحالة غثيان. ب- تدمع عيناك للحظة. ج- لاتتأثر ابدا. (5) إذا علمت ان احد احباءك المقربين في مقر دراستك او عملك سوف ينتقل لمكان اخر....؟؟ أ- تتألم وتغيب عنه لفترة طويلة حتى تعتاد غيابه. ب- تحاول ثنيه عن الانتقال بدافع ماتكنه له من مشاعر احترام ومودة. ج- تواصل حياتك دون ازعاج او اهتمام. (6) إذا حدثك صديقك عن معاناته هل...؟؟ أ- تبكي وتصرخ بشكل ملفت. ب- تتأثر جدا ولكنك تخفي انفعالك عنه. ج- لا تهتم للامر وتعتبره امرا عاديا لا يستحق الانفعال. (7) إذا اتصل بك صديق وانت في استعداد لزيارة قريب لك ويريد ان يطيل الحديث معك على الهاتف هل..؟؟ أ- تستمر في الحديث معه وتطيل الحديث وتأجل زيارتك لحين انتهائك من المكالمة. ب- تتحدث معه قليلا ثم تعتذر بلباقة مراعيا شعوره وتنهي المكالمة معه . ج- تعتذر منه فورا وتذهب في زيارتك مستعجلا دون تأخير . (8) إذا طلب منك صديقك خدمة كبيرة على حساب وقتك...؟؟ أ- تؤدي له الخدمة لو كانت تسسب لك الكثير من الضيق والمشاكل . ب- تحاول مساعدته قدر الامكان حسب قدراتك. ج- ترفض مساعدته وتتجاهل امره. (9) حين ترتكب خطأ ما مع صديقك....؟؟ أ- تعاقب نفسك بشكل قاسي وتعتذر منه في الفور . ب- تنتظر حتى تهدأ نفسيتك وتقدم له عذرك من هذا التصرف. ج-لا تهتم للامر فكل الناس تخطئ ولست وحدك الذي يخطئ . (10) إذا قابلت شخصية جديدة وتود في عقد صداقة هل....؟؟ أ- تبالغ في مشاعرك ومجاملاتك واستلطافتك. ب- تكون صادق في مشاعرك وتتصرف بتلقائية. ج- تتجاهل الامر فان اردت تلك الشخصية صداقة تبدأ هي بالخطوة الاولى . --------------------------------------------------------------------- الان اعط نفسك الدرجات التالية ثم اجمعها لترى النتيجة اجابة - أ - 3 نقاط اجابة - ب – 2 نقطتان اجابة - ج - 1 نقطة واحدة والان لنرى شخصياتكم سواء كنت فتى ام فتاة ........ (30_24) عـــــــــــــــــــــــــــاطفي جدا أنت عاطفي جداً فدموعك تنهمر بسهولة لأي موقف مؤثر يحدث لك أو لغيرك، وعواطفك مبالغ فيها مما يجعلك تخنق اصدقائك بعواطفك الجياشة المبالغ فيها. لذلك فإن غالبية الناس ستجد صعوبة في معاملتك. حاول أن تكون متزن في ردود فعلك ومشاعرك حتى لا تتحول إلى كتلة نارية من المشاعر تحرق كل من يقترب منها. (23 - 17) عــــــــــــــــــــاطفي مثالي أنت عاطفي ولكن بمثالية ، مشاعرك شفافة ومتزنة، عاطفتك جياشة ولكنها بقلبك، تدعم المقربين لك في المحن وتحسن انتقاء الكلمة المناسبة والتصرف اللائق لإسعاد الناس. فأنت صاحب قلب كبير ونفس كريمة تريد الخير للناس ويفيض قلبك بالتسامح والمحبة. (17 - 0) متحجر المشــــــــــــــــــــاعر لا تبالي ولا تتأثر حتى وإن تعرضت لأحلك المواقف، تشعر بأن الود الاجتماعي مضيعة للوقت فلا تهتم بأن يكون لديك صداقات وتفضل أن تبقي على مسافة عاطفية مع الناس فليس من السهل **ب صداقتك أو تقديرك في قوتك وصلابتك ترغمك على فقد العديد من الأصدقاء والمقربين... منقووول

بصراحه موقف محير ,, وانا مختلف مع الدوله دي وسياستها واميرها وحكومتها قلبا وقالبا ,, لكن احترم والله الوفـــاء ده من الامير ,,

قبل ما انزل الفيلم احب اقولكم على خبر في شركة انتاج هندية عرضت عليا انهم يعملوا فيلم هندي عن حرب المحاورات بصراحة عاملين سيناريو جبار سي السيد بيلاقي لماضة رضيعة وهي في اللفة ورامينها جنب الحيطة وياخدها يربيها وفي اخر الفيلم بطلع انا وسي السيد اخوات وتهنا من بعض واحنا صغيرين ولماضة هي امنا وتتعرف علينا من خلال ختم في الكتف الشمال عليه شعار المحاورات وينتهي الفيلم برقصة جماعية ندلق فيها الوان على بعض والآن اترككم مع الفيلم الجديد الهزيمة المرة http://www.youtube.com/watch?v=XC6WpMllL1I

مساء الخير يا جماعة ..تعقيبا على مشاركة روك الاخيرة..بصراحة اللي يقراء الموضوع في الاول و يجي يقرا الصفحات الاخيرة حيلاقي الموضوع انحرف كتير عن مساره و بدل ما كنت كل مشاركة مليانة بمعلومات مفيدة..بقي 3/4 المشاركات عبارة عن شات شخصي..يا جماعة مافيش احسن من ان الواحد يفتح الموضوع و يوصل لاي افادة بسهولة...مش يفضل يدور بين 177 صفحة بقي معظمهم مشاركات شخصية و تعليقات..ممكن نبعت لبعض على الخاص ..ممكن نستعمل شات المنتدي..او نتبادل الايميل .انتوا مش واخدين بالكوا ان في اعضاء كتير مبقوش بيدخلوا الموضوع و مشاركتهم كانت مهمة جدا بسبب كم المعلومات اللي عندهم..و بعدين ليه لازم اقتباس المشاركة للرد عليها بما فيه استهلاك مساحات كبيرة..ممكن في بداية الرد اوضح انا موجه مشاركتي لمين..معلش ممكن تزعلوا مني او تفتكروني بانتقد حد ..لكن صدقوني دة مش هدفي تماما..كل المقصود ان الموضوع دة يبقي مرجع سهل لاي حد محتاج معلومة..بدل ما يزهق من البحث و يرجع يسال و نعيد تاني من الاول...تقبلوا مني كل ود

الحرامي بيبقي عنده احساس دفين ان الناس كلها حرامية واحد سرق الوطن اكيد يخاف تتسرق منه الحزمة

http://www.saveegyptfront.org/news/?c=154&a=13492

ملاحظتك في محلها و لكن لو أخذت بالك إن في محاورات المصريين قليلًا ما يرد أحد الأعضاء بكلمة أو كلمتين من نوعية شكرًا ..أو يضع سمايلي و يمشي .. أو ينقلب الموضوع بقدرة قادر إلى شات شخصي بين الأعضاء .. و إن كانت تحدث بعض هذه المداخلات أعلاه ولكن بصورة قليلة و لكن تجد أغلب المداخلات تضيف شيء جديد للموضوع و إلا ما الفائدة أن نكرر أنفسنا .. أو لا نضيف للقارئ جديد؟ تحياتي لحضرتك

احبائي صباحكم سعادة و سلام و حب ما أجمل أن يبدد نور الشمس ظلام الليل سبحان من خلق الليل و النهار لا بد أن نسكن في الليل فعلا في الليل تكثر الافكار السلبية مع الظلام و محروم هو من يملأ قلبه الظلام لذلك كان الليل لنهجع فيه و نهدأ و ننام لنمتلئ طاقة ليوم جديد شحن البطارية المستهلكة طوال النهار و من جافي النوم عيونه من كثرة همومه لا يستطيع النوم له شحن سريع و من نوعية ممتازة قد تكفيك لأيام قم و اغسل همومك بماء الوضوء و استشعر ذنوك تتساقط مع تساقط الماء على جسدك و استشعر النور يحيطك و يأطرك اتجه للقبلة و استمتع بلحظات بالدنيا و ما فيها و اشعر بقربك من خالقك و انت في وضع السجود و الذلة للواحد الأحد الفرد الصمد و استشعر ان كل ما أحزنك يخرج من قلبك و يحل محله نورا و سعادة و استشعر كل لفظ في صلاتك من فاتحة الكتاب لتسبيح الركوع و السجود لتكبير الله قبل الانتقال من وضع لوضع و تذكير النفس بعد كل ركعة ان الله تعالى يسمع لمن يحمده للتحيات الطيبات المباركات سلم على حبيبك صلوات الله و سلامه عليه و اشمل نفسك و عباد الله الصالحين بالسلام قر بوحدانية خالقك و اشهد لا إله إلا اللله محمد رسول الله و استشعر معناها انها نفي صريح و مؤكد لوجود من يستحق العبادة غيره عز وحل و اشهد بفضل رسولنا الكريم علينا و صبره علينا و دعاؤه لنا فقد بلغ الرسالة و أدى الأمانة و نصح للأمة ثم سلم على آل بيته و صحابته رضوان الله عليهم و اذكر أبانا ابراهيم فرسولنا الكريم صلى الله عليه و سلم هو دعوة ابراهيم عليه و على رسولنا السلام و بعد ان تعطي كل ذي حق حقه و تشكر كل من استحق الشكر سلم عن اليمين و عن الشمال على الملائكة التي وكلت بحفظك و متابعتك استغفر ربك و صلى على رسولنا الكريم صلوات الله وسلامه عليه هذه المعاني الرائعة لو حللناها باستخدام قانون الجذب فستجد انك ستجذب إليك كل ما فكرت به و تلفظت به في صلاتك و على قدر تركيزك قلبا( الخشوع) و قولا بلسانك ( الذكر من قرآن و تسبيح و دعاء) و عملا أعضاء جسدك( حركات الصلاة) فكل سيأخذ نصيبه مما جذبه يتبع...

انشودتين روعة لمشاري راشد لمصر http://www.youtube.com/watch?v=jM0MrzfSlao&hd=1 http://www.youtube.com/watch?v=eZ7EB5SdXVE&hd=1

التوبيك مخصص لمساعدة الطلاب الباحثين عن المنح الدراسية والدعم المالي من أجل مواصلة دراستهم .لتوفير قائمة بالمنح الدراسية المميزة و معرفة و معلومات حول الدراسة الجامعية لنيل شهاداة الدراسات العليا-ماجستير والدكتوراه ،وخلافه

بالصدفة مع قراءتى لتوبيك الاخت الفاضلة بوسى ومايحويه من مشكلة تهدد كثيرا من البيوت والحياة الزوجية وصلنى على اميلى بعد النصائح ففضلت ان اعرضها كى نستفيد منها كلنا فاحيانا نحتاج لبعض الارشادات لنصحح مسارنا مع شركاء الحياة ومهما مرت علينا من تجارب مازلنا نتعلم اول الرسائل (المفاجآت العشرة بعد الزواج ) .......................................... الزواج ملئ بالمفاجئات. يمكن أن تكوني قد تعرفت على نصفك الآخر بعد علاقة حب، أو ربما بعد تعارف قصير ولكن هذا لا يعني بأنك تعرفينه، فأنت لا زلت في أرض مجهولة عندما يتعلق الأمر بالحياة الزوجية في بيت واحد كزوج وزوجة. (1) الزواج لا يعني بأنك لن تصبحي وحيدة. كثيرا ما نسمع عن المشاكل الزوجية التي تأتي بعد الزواج مباشرة، ومعظمها سببه عدم تمضية وقت كاف معا كعائلة. فبعد شهر العسل وبعد تلقي التهاني، بعد شهر أو أقل من البقاء معا طول الوقت، يمضي كل شخص في حياته السابقة، سواء إلى العمل أو الأصدقاء، وتبقى الواجبات العائلية هي العامل المشترك الوحيد بينكما. (2) الزواج لا يعني بأنّك ستشعر كما لو أنّك عاشق كلّ يوم. يتحول الحب إلى عشرة وتفاهم، وأحيانا إلى منظومة من الواجبات الزوجية، وقد يتخلله العديد من المشاكل المالية والعائلية وحتى الشخصية، وبالرغم من أن الحب لا يعتبر مفقودا تماما إلا أنه يصبح حبا من نوع أخر. (3) يجب أن تحاولا قضاء وقت ممتع وأطول مع بعضكما البعض. يعاني الزوجان العاملان أكثر من هذه النقطة، حيث يصبح وقت العائلة مبتورا، ومليئا بالأشغال الأخرى التي ليس لها علاقة بالعائلة، وهنا يأتي دور التنازل والتفاهم لإيجاد وقت للعائلة، وننصحك باللجوء إلى المساعدة لحل هذه المشكلة، مثلا الاستعانة بخادمة، أو مربية (للأطفال). (4) الزواج مرح! لا يعني ما قلناه سابقا أن الزواج سيفقد متعته بل سيكون هناك العديد من الأمور الرائعة التي ستتشاركان بها وتضحكان عليها، قد تمران بظروف صعبة وأخرى سهلة، أجعلا حياتكما رائعة وجربا أشياء جديدة. (5) هناك شريك سيضحي أكثر من الأخر لإنجاح الزواج وبذلك تضحي الزوجة بالابتعاد عن عائلتها وأحيانا التخلي عن عملها لصالح الزوج. وغالبا ما يكون الإنجاب سببا أخر للتضحية حيث تنقطع السيدة عن دراستها أو عملها للبقاء مع الأطفال. (6) قد يتغير الشريك. أحيانا تحصل أمور غير مفهومة بين الشريكين مما يؤدي إلى تغير الشريك وغالبا لا يكون هذا التغير إلى الأفضل. (7) سيكون هناك نقاط اختلاف كثيرة. مع التقدم في العمر، وتغيرات الحياة، تتغير الأولويات، ويصبح لكل طرف أهداف مختلفة وأسباب كثيرة للاختلاف أيضا. (8) تصبح الحياة أحيانا أفضل وأفضل أحيانا تحظى العلاقة بالمباركة وبالتالي يشعر الطرفان فيها بأنهما شخصان يحملان كيانا واحدا. وعندها تصبح الحياة أفضل لأن الأهداف لن تتغير، والنفوس لن تتبدل. (9) سيكون عندك تقلبات في حياتك الجنسية. حتى لو كانت علاقتكما الجنسية رائعة في بداية الزواج، فيمكن أن تتحول وتتبدل نتيجة لتقلبات الحياة والضغوط النفسية التي يواجهها الطرفان سواء من المنزل أو من الخارج. غالبا ما يولد الضغط مشاكل جنسية. (10) الحقيقة تخرج دائما. مهما كنتما صادقان مع بعضكما البعض لا بد أن تظهر الحقيقية. فحبل الكذب قصير وسرعان ما تنكشف الحقائق سواء كان الزواج لمصلحة، أو كان هناك خيانة، أو ما إلى ذلك من مشاكل يخفيها الطرفان عن بعضهما البعض. ثانى الرسائل( نصائح لاعادة التواصل بعد اى خلاف ) ................................................ من أنجح الأساليب التي يستطيع بها الزوجين إعادة التواصل مرة أخري بعد أي خلاف ، هو أن يضع كل منهما هذه النقاط المهمة في أذهانهم حتي يستطيعون التغلب على لهيب الخلافات المدمرة : - يجب أن يدرك كلا الطرفين أن الحياة الزوجية لا تعني التطابق ، فهذا أمر مستحيل ، ولكن تعني أن يدرك كل طرف أن الطرف الثاني مختلف عنه، وحديث الرسول المعجزة حول خلق المرأة من ضلع أعوج هو الإشارة الرائعة لكيفية التعامل مع هذا الاختلاف. - القبول بتوزيع الأدوار فتكون القيادة دور الزوج ، ويكون الاستمرار دور الزوجة، وعدم القبول بالدور يسبب مشاكل كثيرة، يكون حلها ببساطة أن يلتزم كل طرف بدوره. - أن لا يكون هم الزوجين عند حدوث الخلاف هو البحث عن المسئول عنه ومن بدأه، ويضيع الجهد في محاولة كل طرف التنصل مما حدث، وتأكيد مسئولية الطرف الآخر الكاملة عن حدوثه؛ لأن ذلك لا يؤدي إلى أي نتيجة إيجابية ويضيع اللغة المشتركة بين الطرفين. - ليبدأ الطرفان بإعلان مسئوليتهما المشتركة عما حدث، بل ويفضل أن يوضح كل طرف مظاهر هذه المسئولية بنفسه ويوضح هذا الخطأ من جانبه، حتى يتحرك الطرفان في وضع الإجراءات لضمان عدم تكرار ذلك، وبالتالي يكون تحديد أسباب الخلاف ليس من أجل إدانة الطرف الآخر، ولكن من أجل إيجاد الحلول المشتركة. - ليتغافل كل منهما عن الآخر، وليبادر كل منهما بالاعتذار ، لأن الاعتذار هو دلالة القوة والمسئولية، وليس الضعف والإهانة ، وما أروع أن يجد الطرفان أنفسهما وهما يعتذران في نفس الوقت ، لأنهما أدركا أن المسئولية مشتركة في استمرار الحياة الزوجية. - من الأمور المهمة هو ألا ندخل الآخرين في خلافاتنا فحياتنا الزوجية بصورة عامة هي أمر خاص لا داعي لأن يطلع عليه أحد . يجب أن يحرص كل منكما على زيادة رصيده لدى الآخر حتى لا يصبح السحب على المكشوف عندما ينفذ رصيد أحد الزوجين لدى الآخر ، ومن هنا يستطيع كل زوجين أن يحققوا الحلم الذي يسعون إليه وينعمون بحياة زوجية سعيدة خالية من الخلافات .

بست.....بست كابتشن....اه كابتشن متنساش حاولت ادور ع القوقل....ع مشبك المراخير عشان الغطس و كده....و عشان ريحة الفسيخ اللي قلبت التوبيك...(الله يفتحها في وشك يا حورية الجنة) من اعماااااااااااااق اعماااااق البحار بندعيلكم بكل التوفيق مش عارفة ليه هلت عليا دلوقتي....اغنية تراثية من الخليج اسمها غرقاااااااااانة مساااااك موجة....تنكش في موجة...بس شقاوة و الله مش اكتر

السلام عليكم ورحمة الله... تعقيباً على موضوعك القيم أختى الفاضلة "مصرية متغربة" ، والذى أفضتى فيه عن خواطرك فيما يتعلق بحدود الحرية ، فإننى ، وقد تحركت لدى الشجون فيما يتعلق بهذا الموضوع ،أردت أن أسجل خواطرى أيضاً حول قضية "الحرية" ، ولكن من زاوية أخرى وهى "ضوابط الحرية". فقد تكون هناك حدود للحرية يتعارف عليها الناس ، ولكنهم لا يلتزمون بها أو يُلزموا أنفسهم بضوابطها أو الإنضباط فى ممارستها ، وذلك شأنهم شأن الأمور الأخرى ... فعلى سبيل المثال ، كلنا نعرف قواعد المرور أو إشارات المرور ، اللون الأخضر يسمح لنا بالسير ...اللون الأصفر ينذرنا بالإستعداد للوقوف واللون الأحمر يأمرنا صراحة بالوقوف ، الكل يعلم مدلول هذه الألوان من الناحية المرورية ، ولكن قليلاً هم الذين يلتزمون بالإنضباط فى تنفيذها كقواعد للمرور ، ومن هنا تكثر الحوادث المرورية. هذا المثال تحديداً يجسد لنا العواقب الوخيمة لتحول الحرية إلى فوضى ، فالبعض يتوهم أن لديه حرية مطلقة فى أن يحترم أو لايحترم إشارات المرور متوهماً أيضاً أنها مسألة شخصية متناسياً حقوق الأخرين فى عبور الطريق ، سواء كانوا مشاة أو قائدى سيارات أخرى ، ومن هنا تتزايد الكوارث المروريية يوماً بعد يوم إلى الحد الذى أصبحت فيه نسب حوادث المرور فى مصر من أعلى النسب العالمية . وهذا المثل يعتبر أيضاً مثالاً نموذجياً يجسد لنا القضية بُرمتها ، حيث يُرينا أن كل شىء فى الحياة سواء أردنا أم لم نرد له ضوابطه ومعاييره وقوانينه التى ينبغى لنا أن نلتزم بها ، وأن لا نتصور أن الحرية المطلقة هى حكر خاص لنا ، فلا وجود للحرية المطلقة بين البشر وكل مايمت للبشر بصلة لابد أن يكون نسبياً وليس مطلقاً ...فالمطلق الوحيد فى هذا الكون هو الله سبحانه وتعالى :﴿إنَّما أمرُهُ إذا أرادَ شيئًا أن يقولَ لَهُ كُنْ فَيَكون﴾... ومن ثّم فإن قضية ضوابط الحرية هى قضية أخطر بكثير مما نتصور ، لإنها تشمل حياة البشرية كلها ، فى الطريق ، فى المنزل ، فى المدرسة ، فى الجامعة ، فى المؤسسات المختلفة ، وفى أى مجال أخر من مجالات النشاط البشرى . لذلك ، فإنه واهم من يتصور أن لديه حرية مطلقة فى فعل أى شىء دون مراعاة لحريات الأخرين ومصالحهم ، فوجود الأخر فى حياتنا فى أى مجال من مجالات هذه الحياة يُلزمنا بإحترام الضوابط والقواعد والقوانين التى تنظم طبيعة وحدود نشاطنا وتفاعلاتنا مع هؤلاء الأخرين ، فالعلاقات البشرية متشابكة ومتداخلة ، وكل فعل يصدر عنى يلقى بتأثيراته وظلاله على كل من حولنا ، ومن ثّم فلا ينبغى أن نتصرف " بحرية" لا ضابط لها وكأننا وحدنا فى هذا العالم ، بل نقول للذين يتوهمون ذلك ، العبارة القديمة الحديثة المتجددة دائما "لست وحـــدك " إن طرح هذه القضية بهذا الشكل يلزمنا أن نتفق إبتداءاً وإنتهاءاً على تعريف الحرية شريطة أن يحدث حد أدنى من الإتفاق على هذا التعريف ، ولأبدأ وأعرف الحرية من وجهة نظرى على أنها : " القدرة على إتخاذ القرار المناسب فى الوقت المناسب وفى المكان المناسب " . هذا التعريف الموجز ينطوى على مضامين كثيرة يطول الأمر فى نقاشها وقد نتفق عليها أو نختلف ، لكن أهم ما ينطوى عليه مفهوم الحرية بإعتباره القدرة على إتخاذ القرار ، هو القدرة على الإختيار من بين إختيارات عديدة . ولمزيد من الايضاح ، اذا طبقنا هذا التعريف على ماجرى من تمثيلة الإنتخابات البرلمانية لمجلس الشعب ، فسوف نرى أن هذا التعريف لا ينطبق على هذه التمثيلية الهزلية ، لأن الحزب الوطنى لم يترك لأحد أى هامش من هوامش الحرية . وأسدل الستار عن كل ما أراده الحزب الوطنى بإكتساح أو احتكار المجلس وأعضاءه وقرارته المستقبلية . فأين الحرية هنا وأين ضوابطها ، نوهم أنفسنا وكأن عندنا ديمقراطية ، وكأن عندنا قدرة على إتخاذ القرار ، وكأن عندنا حرية .... وكأننا نرفع شعار " وكأن" .. اذا استطعنا بالفعل تطبيق التعريف السابق للحرية ..يبقى احنا من الأحرار :)..وننتقل لتعريف أخر للحرية حتى نستطيع أن نضع ضوابطه وحدوده... وللحديث بقية.. خالص مودتى

يقولون ساري يقولون ساري بات خبير في الحرب وفي غرفة العمليات استشاري ! يضع الخرائط وعلي الكتف شرائط وعلي الخريطة يتلذذ بالعيش بالبخاري !!!! يعض اصابعه جزعا فما استطاع خبير الحروب التفرقة بين اكياس الكاتشب والنسكافيه يكتب في مذكراته العسكرية يا ويل ليلي ... يا ويل نهاري !!! الخريطة أمامه وكوز السلحب في كلتا يديه ستخرج مقلتيه اين تقع الكويت اين علي الخريطة الكويت آها مال الخريطة ملئت بشوارع وحواري !!! يقولون لماضة يقولون السيناريست لماضة من أجل تهدئة القائد والفاتح قالت له ناصحة يا سيدي فكك والعب لك دور أتاري ... سأكتب سيناريو والعب أنت دورين ماريو تعصب القائد تعصبا وقال متعصبا الم أنتهي بعد من العيش البخاري !! اين المجبوس اين البرياني هاتو القوزي سأكوي مغتربي الكويت بنار السحلب والكوزي :blink: وأرد مرة أخري أعتباري !! يقولون لماضة يقولون السيناريست لماضة اتصلت بالطب النفسي تستفسر عن حالة القائد ابلغوها بآسي :sad: الحالة مزمنة لن تفلح الكيمياء لن تفلح صدمات الكهرباء فعزمت أن تلغم القائد وتقنعه بدور الأنتحاري !!! قالت له أذهب أذهب وفجر نفسك في حشد مغتربي الكويت أرض الثوار فأنت من الأحرار وسنصنع لك لوحة تذكارية من الفخار انهض كقائد وقاتل وسيب بقي أم الأتاري وفكك من العيش البخاري

الشاعر أحمد فؤاد نجم قصيدة : راجل ابن راجل الجحش قال للحمار *** يابا اديني الحنطور ياباإنت سنّك كبر *** و وَجَب عليّا الدور كَـحّ الحمار كَـحة *** فزعِت لها الركاب مش يابني بالصحة *** ده كل شئ بحساب و سواقة الحنطور *** محتاجة حدّ حكيم و إنت عينيك فارغة *** همّك على البرسيم قوللي تسوق إزاي *** و التبن مالي عينيك ده حتى حبل اللجام *** واسع يا إبني عليك إعقل و بطّل طمع *** لا تسخّن الركاب ماتجيش يا واد جنبهم *** لا تبقى ليلة هباب دول صنف ناس جبّار *** قادر مالوهش أمان يبان عليهم وَهَن *** لكنهم فرسان يابا دا نومهم تِقِل *** و بقالُه يابا سنين كل البشر صحصحوا *** و لسه دول نايمين يا جحش بطّل هبل *** و بلاش تعيش مغرور رُكابنا مش أغبيا *** ولا عضمهم مكسور بُكرة حيصحولك *** و يزلزلوا الحنطور و تلاقي في قفاك *** تمانين خازوق محشور

قرأت هذا المقال الذي اعتبره رائعاً من وجهة نظري وبه فكرة تستحق المناقشة في كيفية تطبيقها , مقال أ.خالد صلاح في جريدة اليوم السابع بعنوان ( هانشوفكم كل مليم أنفقتموه في الإنتخابات سيكون سيفاً عليكم أمام الله وأمام الناس ) هل ممكن تطبيق تلك الفكرة وهل من الممكن ان يظهر المشروع للنور , مطروح لمناقشتكم وأرائكم الثرية. مع تحياتي

أولاً: ألف مبروك لكل الناجحين وعقبال كل الناس ثانياً: تباعاً لكلام جوناثان ... لو يتكرموا الاخوة الجدد تقليل الرسائل الخاصة، ولو يحبوا إرسال اى تليفونات أو إيميلات خاصة أو عناوين فهم ممكن بسهولة يراسلوا على الخاص أو الشات وأفضل شئ ان يكون الكلام مفيد وهادف ومختصر والمعلومات مؤكدة زى ما قال قبل كدة أخونا الدكتور ايهاب وأخونا بيبو لو سمحتم خلونا نستفيد من الوقت ولا داعى لتكرار الكلام أرجو قبول كلماتى بدون زعل ... مع أطيب أمنياتى

تحية اجلال و تقدير لطويل النظر، قليل الكلام الدكتور محمد البرادعي... الأحزاب كلها دلقته و قالت لك ألعب لوحدي، و كلهم خدوا الطريحة... أتمني جميع الأحزاب ينسحبوا من الاعادة و يشيلوا أي شرعية عن المجلس ال"عرة" الغير منتخب... و يبقوا ايد واحدة قدام العالم كله، و لو لحين!!

الحزب الوطني .. ولا حتفرق معاهم .. تحصيل حاصل وجودهم أصلاً زي عدمه مش ممكن يخلوهم في البرلمان الخمس سنين اللي جاية .. فيه انتخابات رئاسة ومحتمل جداً .. وفاة الرئيس ورئيس جديد .. ويمكن يحتاجوا تعديلات دستورية وقوانين جديدة لضبط المسائل واحتمال يعملوا قوانين استثنائية أو خاصة أو يحتاجوا لتفعيل قانون الطوارئ مرة أخرى أو حتى يمكن يقلبوا نظام الحكم ليصبح ملكية بدلاً من جمهورية كل ده مش محتاج دوشة .. والناس دي حتعمل دوشة لذا قرر الحزب الوطني أن ينفرد بالبرلمان كل انتخابات وانتم طيبين

تصرف جدير فعلا بالاحترام والتقدير لكن ما يشغلني فعلا هو شخصية هذا المعلم المصري رحمه الله و أسكناته فسيح جناته ، بالتأكيد هو يستحق هذا الشكل من التكريم من أمير دولة يقدر العلم والمعلم وأتحسر و الله لنا في مصر كيف صار المعلم و كيف صار العلم و التعليم ... كيف كان المعلم المصري و كيف صار .. هذه ببساطة سبب انتكاستنا و تخلف دولتنا الحبيبة

شكرا جزيلا علي تعبك يا استاذ فيفا bv:- بس يا ريت نخلي التوبيك دة لهدفة الاساسي الا و هو للناس اللي منتظرة المقابلة اللي يعني واحد مقابلته بعد كام يوم و عايز يعرف اللي حصل مع الناس اللي سبقتة في الميشن دة و يعرف المشاكل الللي حصلت و اية الورق اللي اطلب زيادة من غير ما يفر عشر صفحات كل يوم و دة التوبيك اللي فتحة اللة يمسية بالخير استاذنا نصار مخصوص عشان موضوع النقاط اساسا بس هو يمكن ادفن تحت وابل المواضيع الجديدة شكرا مرة تانية http://www.egyptiantalks.org/invb/index.php?showtopic=88810

عذرا على طول المشاركه و لكن لان كاتبها هو نبيل فاروق المعروف باسلوبه السردى

يبقى جات لقضاها برجليها ,, :happy:

أخي الكريم يبدو اننا كتبنا المداخلات في نفس الوقت حضرتك بتقول ممكن المتكلم يكون ابليس و بيحط لنا السم في العسل اتساءل بصدق ايه الضمان ان أي حد هنا في المحاورات و اولهم نفسي اننا نكون ابليس الذي يضع السم في العسل؟؟؟ الضمان اختى الكريمه ان المنهج ثابت وواضح وضوح الشمس من لا يراه لا بد ان يراجع عينيه و المرجعيه موجوده و الحمد لله هذا فى حالتنا هنا بخصوص الموضوع اعلاه و قيسى على ذلك لو جاء مثلا اباعمر يقول معلومه غير صحيحه عن الهندسه النوويه و هو غير متخصص ستتصدى له وقتها مصريه متغربه المتخصصه فى نفس المجال او لديها معلومه موثقه عرفتها من اهل التخصص فقامت بذكرها كدليل على كلامها و توثيقا له فين افتراض حسن النية فين احسان الظن بالآخرين ليه نبتدي بالشك كما تفضلتى الامر لا يتعلق بوظيفه او بجوازه حتى الامر يتعلق بالتشكيك فى الدين كله من خلال التشكيك فى العلماء و السنه النبويه و يمكنك معرفه ذلك لو تفضلتى و قرأتى الكلام اعلاه بتان . على فكرة بقى رغم ان حضرتك لك خط واضح في المشاركات لكن كل مرة باقرأ لحضرتك بلا فكرة مسبقة يعني مش باقول آه ... أستاذ ابو عمر يبقى حيقول كذا و كذا لا باقرأ الأول و بعدين احكم مفيش اي ضمان لأي حاجة و حتى لو عارف أصل الكاتب وفصله مش يمكن الكاتب ده يتغير للأحسن يتوب مثلا لكل مقام مقال اختى الكريمه و لا يدرى احد ماذا يحدث له غدا عدا ذلك و حتى الان ليس لنا الا الظاهر الذى نتعامل معه أو للأسوأ يفتن مثلا و العياذ بالله سبحان من يغير و لا يتغير رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِنْ لَدُنْكَ رَحْمَةً إِنَّكَ أَنْتَ الْوَهَّابُ (8) ال عمران اللهم يا مقلب القلوب ثبت قلبي على دينك آمين اللهم أمين ...امين

أخي الكريم هو احنا بنناقش كلامه و الا حنديله وظيفة :blink: طب ما احنا بنتناقش مع حضرتك كتير من غير ما نعرف أي معلومات شخصية عن حضرتك او مؤهلاتك عن نفسي معرفش عن حضرتك أي حاجة و لا أعرف ايه مؤهلات حضرتك و مع ذلك ممكن اتحاور مع حضرتك عادي يعني نتفق أو نختلف لا يهم و لكن نحترم أحدنا الآخر الافكار هي المهم هل أقبل الفكرة أم لا؟ و ما هي أسبابي للقبول او الرفض؟؟ تحياتي السلام عليكم الاخت الفاضله مصريه متغربه بالنسبه للاحترام ده شئ مفروغ منه و يمكنك التأكد من ذلك فى المداخله الثانيه و الخلاف حول الافكار لا الاشخاص كما تفضلتى اختى الفاضله فى باب هدى الاسلام الكلام فى الدين او عن الدين ليس كأى كلام اخر و الكلام فيه لابد ان يكون على علم(قل او كبر ) سواء بالمعرفه او بالنقل على الاقل من مصادر موثوقه و الدين اولى و اشرف العلوم ان يؤتى و يُتلقى بالتخصص .مع الفارق فى التشبيه إلا انه يوجد فى الاسلام علم كامل قائم مستقل اسمه علم الجرح و التعديل يختص فقط بمعرفه احوال الشخص الذى ينقل العلم هذا العلم الذى تفردت به الحضاره الاسلاميه عن غيرها قام عليه علم الحديث الشريف و الذى يمثل شطر الدين نفسه بعد القرأن طبعا . و يشرفنى طبعا فى إطار حوارنا ان ارد عن اى استفسار بخصوص مؤهلاتى إن رأيتى فى ذلك فائده للحوار .لك كل التقدير و للاخوه الكرام قد ايه يا أخي الفاضل مداخلة حضرتك تشرح القلب أحييك بشدة على الرد الهادئ اللي بيشع ذوق و احترام و جزاك الله خيرا على معلومة علم " الجرح و التعديل" ربنا يكرمك و يسعدك آمين

حقولك على رأيي في طلبك يابو عمر و الله يخليك ماتزعلش مني و اوعدك اقوله بأسلوب لائق انا شايف ان رغبتك و من يسير على دربك الفكري في معرفة اسم الكاتب قبل الرد على المكتوب ما هو الا عدم الرغبة في تجريح الكاتب المجهول ان كان تابع لفريقكم او الهجوم بملئ الفم و العين اذا كان خارج السرب فإذا اتضح لكم ان القائل او الكاتب كان شيخ من المقربين اليكم مثلا (و بدون ذكر اسماء) سيكون الرد منكم كالتالي : لكل عالم هفوه و لكل جواد كبوه و جل من لا يخطئ و يعرف الرجال بالحق و لا يعرف الحق بالرجال و اذا اتضح ان القائل جمال البنا مثلا انفجرت فيه القذائف النووية فورا من بله و عته و اضمحلال فكري و ثقافي و فكر خائن و مرتشي ووو ده رأيي بكل شفافية استنتجته من عشرة السنين و قد اكون مخطئ و الله تعالى اعلم

الاداره لو شايفه الكلام مخالف حتشيله بالتأكيد المشكله عندنا هنا هي الخلط بين النقد و السب و بين ابداء الرأي و الإهانه و بين احترام العلماء و الخوف من ابداء رأيي فيهم (بإحترام)

بالظبط كده بنقدمهم قربان بس لمين ؟ ولاني ام بقولك ايوه اي ام في ظروف زي دي هتقدم اولادها بلا تردد واقولك ليه .. مثال ماحدث بعد الغزو الامريكي للعراق .. واظنك سمعتي معايا الاخبار الي تناقلتها وسائل الاعلام بعد الغزو .. لو ان اي ام في بيتها وقافلة على عيالها بابها وعارفه ان ممكن في لحظه الجنود الامريكان يقتحموا عليها الباب ده .. ممكن في لحظه بنتها تغتصب او ابنها يقتل امام عينيها .. ممكن برضه في لحظه هي او احد ابنائها او زوجها او اي عزيز عندها ياخذ للمعتقل ومتشوفوش لغايه ماتموت .. في ظروف زي دي لو فرضنا ان في وقتها جيش عراقي وفرضنا ان الجيش ده نادى وقال حي على الجهاد .. تفتكري الام دي هتفكر لحظه انها تدخر ابنائها او تقولهم متروحوش ؟؟ ده هي عشان مشاعر امومتها بالذات هتقولهم روحوا ياولاد افدوا اخواتكم بل افدوا انفسكم .. اصل الحرب هي كده مفروضه على من يخوضها .. ان مختارش يدافع عن حياته يبقى هو اختار الموت .. طبيعتنا الانسانية اننا لا نسعى للقتال ولكن غريزة البقاء تجبرنا اننا نقاوم لو فرض علينا .. وهي كما قالها عليه افضل الصلاة والسلام .. لا تسعوا للقتال فان واجهتم فاثبتوا .. وارجع واقول ربنا مايكتب علينا شيء لا طاقة لنا به ..

وبما ان حضرتك تعلم انك في منتدي محاورات المصريين فاذكر نفسي واذكرك كصاحب الموضوع بالقاعدة الأولي للمشاركة في منتدي محاورات المصريين لذلك أرجو من إدارة المنتدي مراجعته وهل ما جاء فيه مخالف لتلك القواعد التي وضعتها ام لا , لتتخذ ما تراه مناسباً مع تحياتي

(مذكرات حد حابب ) ( اليوم الأول ) ................ولأن أبويا لوحده كان الراوى فالعهدة كل العهدة تقع على أبويا قال :ست سنين وعشر تيام..... بين أخرنقطة دم...... مسحتهاالدايه ف منديل أبيض وسط زُعاق مخلوط بغناوى بنات بتقول : ( قولوالأبوها إن كان جعان يتعشّى ) ولحد ماقالت : حاسه بدوخة وحاسه بِنِفسى غامّة علىّ اخيراً..... ست سنين وعشر تيام م البحربعبِّى واكبّ ف بحر ست سنين وعشر تيام من ذل وحزن وكبت وقهر قالواملهش !!! قالوامفهش..... ولاحتّى ينبِّت حبِّة قمح قالواوكل كلامهم كان ع الجرح __وأخير اً __ وبدأت أعدّ بجد وناقاعد مش شايف حد وحاطت رجلى ف وش الدنيا مش شايف غيره...... البطن اللى بيعلى وبيقبّ ........ فوق نارالصبر المُر من بين قالبين الطوب لإيدين الدايه طقّت أول صرخه ف وش الدنيا ليلتها ..... بعد مالمِّت نقطتها قالت لى: أوّل مرّه على إيديا ينزل عيِّل وملهوش خلاص!!!!!!!!!!!!!!!!!! معقوله ياناس !!!؟؟؟؟ ابنك شكله ها يبقى حكايه وتاهت ف بطون الدنيا الدايه من قبل ما تعرف سر خلاصى وليه مانزلش معاى يوم ما نزلت.....!!!!!؟؟؟؟؟؟ ( اليوم التانى ) ...........................................وكبرت ( اليوم التالت ) قال سيدنا القابض تمنه ف درس الوعظ علي طقم أسنانه الفضة كان بيكِّز !! ذنب كبير يا اولاد ........ لو واحد حب يضم ف لحم مهوّش دافع مهره لكنّىمكنتش شايف فيه غير وِزره !!! ولقيتنىبتفّ على شمالى تلات تفّات ومن وراقلبى بقول: اللهم اخزيك يا شيطان ونا بلمح وبطرف عنيا هدومه بتدّلع فوق حبل غسيل البيت اللى ف نفس الشارع وصوت الميه الغرقانه صابون بيرغّىف جسم الشارع ويسبِّل ف عنين سيدنا ملحوظه...... البيت اللى ف نفس الشارع ....... مش بيت سيدنا !!!!!!!!!!!!!!!!!!!!!!!!!!!!!!!!!!! ( اليوم الرابع والسابع و العاشر والألف) من ساعتها وللنهارده والحاجات جوّايا ليها ألف معنى غير الحاجات دا اللىقابض مش ها ينطق غير سُكات واللي مات ع الحق حّي واللي حّي بقلب ني ..... لحمه حي وقلبه مات من ساعتها و للنهارده أنا والدايات ....دايرين ندوّر ع الخلاص !!!

السلام عليكم و رحمة الله و بركاته تعرفي يا ريمو انا قعدت باصة للجملة اللي فوق دي كتير عارفة ليه....لاني كنت عمالة اقراها.. و اسال نفسي....مش المفروض تكون خطوط حمرا لاي زواج بنخش الارتباط...كل واحد فينا عاش حياة طويلة و لما بيقابل شريك حياته...بيتخيل نفسه واضح معاه لما بيقوله....عن "خطوطه الحمرا" و بنتخيل ان الارتباط الانساني ده هينجح عشان هو عرف الخطوط الحمرا بتاعت الست و انا عرفت الخطوط الحمرا بتاعت الراجل بس نسينا ان احنا الاتنين مبقناش الشخصين اللي كانوا عايشين في عوالم خاصة بيهم قبل ما نتقابل و لما اتقابلوا و اتواعدوا....بقي عالم واحد....و بقت مسئوليتنا احنا الاتنين ان احنا نتولد مع بعض...و نحط خطوط حمرا لعلاقتنا مع بعض...عشان تطلق اول صرخة ليها معلنة انها جت الدنيا صديقة غالية عندي اوي....قالتلي...تعرفي الحب الحقيقي من غيره إزاي لما بتلاقي نفسك فعلا مش عايزة تخسريه و لما هتحسي انك هتخسريه...بتحاولي باستماتة عشان ما تخسريه الارتباط الحقيقي ان كل واحد فينا....يحاول ميخسرشي التاني يمكن فيه وصفات كتير....و دكاترة نفسيين اكتر بس اقرب طبيب ليا هو شريكي....اللي هشتكي ليه منه و احسن وصفة ليه....هي...."هي"....اللي هتعرف تطببه و تداويه مساااكم....هو....و هي....و صفحة جديدة....يا تري تنفع تتقلب...و سطر فيها يبتدي ينكتب!!! ع جنب بقي دي فكرة جت في دماغي كده من تعليق ريمو....اعذروني اذا ما كنشي ليها علاقة بالمشكلة بس بحلم....ان بجد زي ما بنقضي طول عمرنا ندرس حساب و لغات و كيمياء...و محاسبة بحلم ان نفس الوقت نقضيه نتعلم.....إزاي نتجوز؟؟إزاي الجواز يبنيني و ابني فيه بني ادم تاني...مش مجرد...دبلة و فستان...و زغروطة بيروح صوتها في اول خناقة بحلم...و مصدقة...حلمي لموضه الغاليه كل كلامك دا جميل و محدش بيختلف عليه لكن برضه لازم فيه خطوط حمرا دا مبيتعارضش مع دا بالعكس بيكمله الخط الاحمر لاى ست و اى راجل هو حاجه واحده الاحترام استحاله علاقه تنجح لو طرف مبيرعيش الخط دا للاخر عارفه ان الزواج بجد بيحتاج الاحترام قبل الحب يعنى ممكن اتنين مبيحبوش بعض لكن بيعاملوا بعض باحترام ينجح زواجهم عادى لكن اتنين بيحبوا بعض لكن ضاع الاحترام بينهم صعب جدا جدا جدا ان الموضوع يستمر و ان استمر يبقى لظروف خاصه اغلبها نفسيه بيعانى منها الطرف المهدر حقه فى الاحترام الخطوط الحمرا مش حمل ثقيل بتكبس على انفاس العلاقه لغايه ما تموتها لا دى و بجد سياج بيحمى العلاقه و بيحافظ عليها ليه بنقول ان الموضوع الى بنتكلم عليه خط احمر لاى ست لانه من صميم احترامها الانسان دا لو بيحترمها على الاقل مش هيعمل كدا قدامها على الاقل على الاقل هيحاول يجبى عليها لكن طريقته دى ملهاش الا تفسير واحد انه كرامتها مش فارقه معاه فى حاجه يعنى مبيحترمهاش الزواج ممكن الانسان انه يضحى فيه بكل حاجه الا احترامه لانه ساعتها هيكون بيضحى بجزء من الزواج نفسه يستحيل يرجع تانى اى ست طبيعيه هتقولك حاجه واحده انا مستعده اتجوز واحد مبيحبنيش لكن غير مستعده انى اتجوز واحد مبيحترمنيش و طبعا نفس الموضوع للراجل باقى الحاجات بتيجى بالاتفاق بالتعود بالتضحيه بالتطنيش او حتى الامر الواقع لكن الاحترام على جنب من كل دا يعنى لازم المكان يتحوط الاول بالاحترام و بعد كدا ازرعوا بقى الى انتوا عايزينه فيه براحتكم تحياتى

مهي بلادي دي مين يامصرية .. مش انا وولادي وزوجي وابويه وامي واخواتي وكل الناس الي يعزوا علي وبخاف عليهم . طبعا لو اقتضى الامر هكون فداهم انا وولادي .. مش هفدي الارض ولكن هفدي الناس الي عايشين عليها .. مش بحمي العلم ولكن بحمي الي رافعينه .. مش هحط ولادي ونفسي من قبلهم عشان احمي الا ولادي برضه وكمان نفسي من قبلهم . الناس الي ضحت بحياتها دي ابطال عملوا كده مش لانه واجب والسلام وانما لان حياتهم كانت فداء لحياة ناس حبوهم فعلا وحسوا ان وجودهم على الجبهة ضروري لاستمرار حياة من يعز عليهم خلفها .. على كل حال ربنا ولا تحملنا مالاطاقة لنا به ولكن وان حدث لاقدر الله فالطبيعي اننا باذنه هنثبت وهنضحي عشان بلدنا مهو بلدنا هي احنا ومن غيرنا مفيش بلد ..

أسد : طب لنكن أكثر تحديداً ... ما المطلوب منا كمشرفين ؟ أدفايزر : مطلوب حل عاجل لتحجيم المد النسائي سين سين : حلو قوي .. أنا باحب الحاجات دي ... بسم الله الرحمن الرحيم .. الحل الأول نكري عليهم حد بقناصة يقف عند باب المراة والطفل .. ورا الباب بالتحديد ويطخ أي واحده تقرب من المنتدى ... أدفايزر : من فضلك يا اخ سين سين ... أنا جبتك الإجتماع ده عشان تسمع بس .. فمش عاوز أسمع أي إقتراحات منك .. ممكن ؟ سين سين : إيه ده بقى كبت الحريات ده ؟... هو أنا كل ما أقول حاجه تصادروا ممتلكاتي كده ؟ فلانه : أنا رأيي نوز الشيف بندق ... يديها كل يوم في وصفات مضروبة بباب المطبخ ... الست من دول تعمل كل يوم أكل مضروب لجوزها .. رز شايط ... محشي سايط ... لحمة جملي ... كده يعني .. يقوم جوز الواحده من دول حالف عليها ما هي داخلة المحاورات لإنه زهق من التونة والسلمون ... نقوم نخلص منهم سلوى : يا سلام يا ست فلانه ... معظم الهوانم اللي معانا لهاليب في الطبخ ومش هايخيل عليهم الوصفات المضروبة دي ... سكوب : طب أنا رأيي نشتغل لهم شغل الأشكايف اللي بالكهربا ... يعني نغلس عليهم إشرافياً لحد ما يزهقوا ... وسيبوا لي أنا أغابي هاطهقها في عيشتها .. أبو محمد : أنا أعترض .. أنا ضد أي إجراء تعسفي يخالف قواعد وأساسات المنتدى .. أدفايزر : حسناً حسناً .. تحضرني الان مقولة خالدة للحكيم الأغريقي أغاسطيوس بابادوبلوس بيقول فيها " شيرشه لا فم " بالعربي يعني ( لا يفل الحريم .. إلا الحريم ) سلوى : الله يخليك إصرف نظر عن الموضوع ده .. أنا مش حِمل خناقات وما ليش في العراك والمطاوي والحاجات دي . فلانه : ومين سمعك .. ده أنا يوم ما بأشوف فرخه مدبوحه بيغمئن عليه . سكوب هامساً في أُذن سين سين : يا خوفي لا يختاروني أنا وإنت لشن هجوم مضادا على معسكر النساء .. والقبيلة تاكل وشنا ونسقط من نظرهم . س س : بيقول لك يا بني أدم " لا يُفلي الحريم إلا الحريم " يعني إحنا بره الموضوع . إلا لو عندك رأي ووجهة نظر مختلفة ... فهمت ؟ أدفايزر : لأ لأ ... أنا عاوز أطرح عليكم فكرة إختيار إحدى صقرات – مؤنث صقر – الحزب النسائي ... ونحاول نجندها ... عشان تندس وسطهم .. وتجيب لنا أخبارهن ... وكمان عشان تنفذ مخططاتنا وتفرق شملهن وتنشف دمهن .. أسد : الله يا كبير ... باحب انا شغل المخابرات العالي ده .. أدفايزر : أنا وقع إختياري على الفاضلة " مصرية متغربة " ... أنا أستطعت من خلال إدارة البحث الجنائي بالمنتدى إني أجيب التاريخ الكاملة لنضالها السياسي .. منذ أن كانت في مدرسة " بمبه قادن الإبتدائية " إلى أن وصلت إلى كلية التجارة جامعة عين شمس في المدرج اللي جنب عربية كبده " زيزو " إلى أن وصلت إلى منطقة مكه المكرمة حيث تمتك هناك الأن العديد من الفنادق بجوار الحرم زي برج التوحيد وابراج مكه وسمعت إنها مشاركة في وقف الملك عبد العزيز كما أنها تنفذ الأن مشروع عالضيق خاص إسمه جبل عُمر .. واللي زاد وغطى .. عندها بسطة سواكات ومسك وسبح جنب باب الصفا ...... س س : إوعدنا يارب ... نفسي في بسطه سواكات من دول عشان اقب على وش الدنيا ولا كفيل يتحكم فيه ولا أقعد أحلم ليل نهار بمكافأة نهاية خدمة ... أبو محمد : طب دي على كده مش هاتبقى محتاجه المنتدى في حاجه ... وحضرتك لو عينتها مشرفة مبتدئة زي ما بيحصل وعرضت عليها 10 الاف دولار في الشهر وعمولة نص جنيه على كل إنذار ... وجنيه وربع على كل مداخلة .. مش هاتبص لده كله أدفايزر : لأ لأ .. ما هو الشبعان ده يا ابو محمد ما تخافش منه ... بالعكس .. أنا عرفت عنها روح المغامرة والمخاطرة . يا راجل دي مره خدتها من مكه لحد خميس مشيط مشي على رجليها عشان تكتشف من هناك منابع نهر النيل ... السي في بتاعتها بتقول كده محمد : طب هانبعت مين يجندها يا زعيم ؟؟؟ أدفايزر : أنا أخترت للمهمة دي واحده من أعز صاحبتها ... الفاضلة فلانه ... فلانه : مصرية صاحبتي طبعاً ... لكن أجننها إزاي يعني ؟ أدفايزر : يا مدام فلانه حضرتك هاتجنديها .. مش تجننيها ... قوليلها مثلاً .. تعالي نضرب محشي عندي في البيت ونحبس بشاي تقيل ... إنك مثلاً هاتعملي عيد ميلاد بنتك فوق السطح وعايزاها تيجي تساعدك في نفخ البلالين .. كده يعني .. وفي نفس التوقيت نكون إحنا في حالة إنعقاد دائم للإجتماع الهام ده .. وتيجي هي تلاقينا ملمومين بربطة المعلم ... ونحطها قدام الامر الواقع .. ونسبب لها صدمة إشرافية .. وساعتها ما تقدرش ترفض .. ---------------------- وبالفعل تنفذ فلانه مخططها الخزعبلي وتأتي مصرية في الموعد لتفاجأ بهذا اللفيف المتشح بالسواد .. فينعقد لسانها ولا تستطيع أن تنبس ببنت شفه .. فلانه : خَطي برجلك اليمين يا شابه ... ما تخافيش ... دول أصدقائي الأشاكيف جايين ينفخوا البلاليم معايا مصرية : لأ لأ أنا خيفه خيفه .. مين الناس المرعبين دول ؟ أدفايزر : حمد الله عالسلامه أيتها الفاضلة مصرية متغربة ... كنا منتظرينك من زمان .. ومتأكدين إنك هاتيجي برجليكي .... وهنا تُسمع في الخلفية أغنية http://www.youtube.com/watch?v=OTykCIDe_0U مصرية : إن شالله تسلم يا سي الأستاذ .. ممكن أعرف مين حضرتك وليه الموسيقى الكلاسيكة المرعبة دي .. دي فرنش ميوزك صح ؟ أدفايزر : أنا الأدفايزر يا عبله . قصدي يا مصرية ... ودي الموسيقى التصويرية المحببة لفريق الإشراف واللي بنستخدمها بالذات لما عضو جديد ينضم لينا مصرية : ياااااااااااااااااااااه .. والله أنا .. أصلي ... طيب .. أستأذن بقى سلوى : ما تخافيش يا مصرية يا حبيتي ... بإختصار وعشان نبدد أي مخاوف عندك .. إحنا أخترناكي ضمن كوتة المراة .. وعشان تمثلي جماعة النسوة المتوحشة بالمنتدى ... مصرية : كوته .. مرآه .. أنا ؟ سين سين مبرطماً : حظوظ ... ناس لها كوته ... وناس بتطفح الكوته مصرية : أنا عارفاك على فكرة ... إنت مستر سين سين الأشكيف .. أنا كنت بأشوف حضرتك في سيكشن المشرفين في كلية التجارة ... وياما شوفتك عند زيزو بتاع الكبده حتى بالامارة كنت دايماً متأبطاً ذراع.... سين سين ( مقاطعاً ) : هووووووويه هووووويه خلاص خلاص ... إنتي هاتسيحيلي من أولها ؟ يكون في علمك . الكلام هنا بنظام .. الأكل بنظام .. الشُرب بنظام .. النظام بنظام ... وراعي دايماً موضوع الأقدمية .. يعني أنا شخصياً هاسمح لك تتكلمي معايا مرتين في الشهر . مره أول ثلاثاء من الشهر ... والثانية يوم السبت قبل الأخير من كل شهر .. ومش عشان كلتي من على نفس عربية الكبدة معايا في الكلية يبقى خلاص الروس تتساوا ... أدفايزر : بُصي يا مصرية .. أنا لاحظت حركات نسائية غريبة ومريبة في المنتدى هذه الأيام .... مصرية : فعلاً يا باشا .. أنا لاحظت برضوا إنهم بيعملوا حركات نص كم كتيرة .. بس وكتاب الله أنا ما عملت اي حركة معاهم .. انا في حالي والله ... ومن المطبخ للمحاورات ومن المحاورات للمطبخ ... وعندي إستعداد أبلغ عن أي واحده تعمل هكا ولا هكا أدفايزر : يا أخت مصرية أنا بيعجبني حماسك وأخلاصك للقضية .. مصرية : أنا رقبتي يا باشا .. ووكتاب الله لو عندك قضايا مخدرات حتى مستعد أشيلها أنا .. ورقبتي فدا المحاروات ... ثم صاحت قائلةً ( أحلف بسماها وبترابها . أحلف بسماها وبترابهاً ... أخلف بأبوابها وشبابيكها .. احلف بمداخلاتها ومواضيعها ) سين سين : خلاص يا ست ... إيه في إيه ؟ إنتي تعرفي حد في لجنة التثقيف بالحزب الوطني ؟ أدفايزر : إيه رأيك يا أخت مصرية في العرض ده ؟ مصرية : والله يا باشا أنا تحت امركم شوفوا مطلوب مني إيه وأنا أعمله ... وأنا من هنا أُعلن ولائي التام للمحاورات وإدارتها وحضرتك على رأسهم ومعاك الأستاذ سين سين عشان ما يحطنيش في دماغه .. ومن هنا أيضاً ومن نفس الحته ... بأُعلن تبرئي التام من الحريم وألاعبيهم ... وباعلنها عالية مدوية ... إن الست مالهاش غير بيت جوزها ... وإن ضل راجل ولا ضل حيطه ... وإن شغل البيت أهم من المحاورات والخناقات .. سكوب هامساً في أُذن سين سين : بكده أضمن لمصرية إنها تبقى مساعد أدفايزر خلال أسبوعين .. أدفايزر وهو ينفث دخان سيجارة الكوبي : عفارم عفارم يا مصرية .. بذمتك يرضيكي كده ؟ .. قال إيه .. من كُتر تجبرهم .. يبعتوا لي مطلب من مطالبهم ويقولوا " نطالب نحن جماعة النسوة المتوحشة بتعيين أدفيزراية لتُمثلنا في برلمان المحاورات " مصرية : فشر ... قال ادفيزرايه قال ... !!!!!!!!!!!! دي حته كلمة دمها تقيل ولايقه أكتر على جمع المٌذكر السالم .. طب وكتاب الله أنا اللي يقول لي في يوم " يا أدفايزراية " أنا ممكن أبطحه ... دي حته على وزن جزراية أو عنباية ... سلوى : .. طب قومي يا مصرية .. شايفه الركن اللي هناك ده ؟ ده ركن المراة ... روحي هناك هاتلاقي أفارول حريمي ... ومفتاح 19 .. وشنطة فيها عدة شغل الإشراف .. وما تلعبيش في حاجه الا أما تقري الكاتالوج أحسن تتكهربي أدفايزر : على فكرة ... إحنا قررنا نغير إسمك مصرية : ها ... أه .. فعلاً أنا شايفه إن إسمي غلس .. إيه مصرية متغربة دي ؟ طب ما في مليون مصرية غيري ... قال يعني أنا المصرية الوحيدة اللي متغربة .. إيه رأي حضرتك في " سوسن " كان نفسي من زمان أبقى سوسن .. إسم جميل وموسيقي في نفس الوقت أدفايزر : سوسن إيه وجلفدان إيه ... إنتي عشان مهمتك هاتبقى القضاء على حزب الحريم ... وكسر شأفتهم ... هانسميكي " شجرة الدُر "" مصرية : الله .. الله .. عين العقل والله .. يا زين ما أخترت ... أنا باحب مدام تحيه كاريوكا جداً .. وباكره في نفس الوقت مدام نعيمه الصغنن ... طب حضرتك مين بقى هايبقى عز الدين أيمن في الفيلم ؟ وبالمناسبة .. هايبقى في طاووس ولا نمشيها ديك رومي عشان تكاليف الإنتاج ..؟ وهنا ينظر لها الجميع نظره تُعبر عن الغضب والضيق من كُتر اللوك لوك لوك ... فتختصر مصرية الكلام قائلةً : قولتي لي فين الأوضة بتاعتي يا مدام سلوى ؟ ------------------ ثم تمضي الأيام ... ويكون هذا هو حال ( المحاورات بعد 3 شهور ) وبالفعل .. ما إن بدأت شجرة الدر العمل ... حتى أمتئلت المحاورات بجثث النساء في كل مكان ... وكاد المنتدى أن يصفصف على أنثى أو إتنين فقط ممن لم تطولهم يد البطش الطولى الخاصة بشجرة الدُر أما أغابي : فلقد قدمت إلتماس وطلب لجوء سياسي لجمهورية فولتا العُليا .. وبالفعل هاجرت إلى هناك مع عائلتها وأصبحت من أكبر تجار الموز في أفريقيا أما هند علي فقد قامت ببيع منزلها بمحرم بك وهاجرت إلى مرسى مطروح وذابت وسط قبائل أولاد علي .. وقامت المهندسة بطلب قرض من صندوق الضمان الإجتماعي واشترت قيراطين أرض زراعية في توشكى وطبقت فيهم كل ما تعلمته من مباديء الزراعة وأنضمت إلى طبقة المُلاك البرجوزايين . أما ضُحى فلم تستطع كبح جماح رغبتها في الكتابة بالمنتديات وقامت بتأسيس منتدى جديد أطلقت عليه " نساء في المنفى " وأم زياد قامت بالرجوع مرة أخرى إلى عاصمة الضباب متخذةً شعار " نار لندن ولا جنة المحاورات " أما مغتربة فلقد تزامنت تلك الأحداث مع خسارتها كل تحويشة العُمر باللعب في البورصة وتحديداً في سهم " عامر جروب " فرجعت إلى هوايتها القديمة في تجارة العُملة ... أما عن لماضه .. فلقد فاض بها الكيل ولم تستطع المقاومة .. وقامت بالإنضمام إلى ميليشا شجرة الدر وأصبحت دراعها اليمين والمسئولة العسكرية عن فرقة الإغتيالات النسائية . تمت

الف مبرووووووووك يا ايمي الديرة وعقبال الباقيين يا جماعة انا عندى اقتراح ايه رايكم نعمل توبيك جديد يبقى اسمه - المنتظرين الفايل نمبر ونعمل فيه ليستة - زى ليستة دكتورة جيجي كدا - زى التوبيك هنا لكن الجدول اسم كل واحد واول ما يوصله الفايل نمبر نضيف لليستة موافقين نبدأ التوبيك الجديد ايه رايكم نبقى نسميه المنتظرين الفايل نمبر بحيث تبدأ فيه مع بعض من البداية ونستمر انشالله لغاية المقابلات ؟؟

اسمحي لي ياداموا قبل مااجاوبك على سؤالك اني اجيب لك القصة من اولها .. ومعليش لو هطول عليكي شويه في الرد بس اتمنى تصبري في قراءته .. لازم تكوني مقتنعه انتي او اصحابك الي بيسألوكي عن ( ارهابنا ) اننا موجودين في الدنيا دي كلنا لهدف .. والهدف ده هو اختبارنا ان كنا هنحسن فيها العمل ونكون على الدين الي ارتضاه لنا خالقنا من قبل مايرسلنا في مهمتنا على الارض ولا هننشغل عن حقيقة وجودنا باسباب الدنيا الي حوالينا والي هي بالمناسبة كتير وهيكون الوجود ذاته هو هدفنا بغض النظر عن ماوراءه وبغض النظر عن الهدف منه بدايته كان ايه .. طيب الي هيتصرف صح ويمشي على الدين الصح ويكون عارف هو موجود في الدنيا ليه ويعمل لده هيكون مصيره ايه .. الجنة مخلدا فيها .. متفقين سواء كنا مسلمين او غير مسلمين ان في ثواب عظيم جدا ينتظر من التزم بشرع خالقه وتحمل كل شيء في سبيل الوصول للمكانة دي .. طيب مش نسأل نفسنا بقى سؤال بديهي ومنطقي جدا هو ليه ربنا سبحانه حط الثواب الكبير اوي ده على مهمه سهله كده .. وليه في مقابلها برضه حط عقاب تاني لايقل عنها عظم وهو جهنم والعياذ بالله للي مش هيعمل الصح ولا يمشي على الدين الصح ؟ بداهة كده لو ان المنهج السليم والدين الصحيح واضح وضوح الشمس بدون اي لبس لكل الناس في كل الاوقات وعلى اختلاف عقولهم وبيئاتهم وظروفهم فاعتقد ان الامر هيشبه اختبار اسئلته معروفه سلفا وجاية مباشرة وصريحه ومسموح للطلبة تنقل من بعضها فيه ومفيش اساسا مراقب لجنة واقف عليهم .. هل تعتقدي ان اختبار زي ده نتائجه يعتد بيها او ممكن فعلا تفرق مابين الطالب الي يستحق النجاح والتاني الي لا يستحق ؟؟ وعشان كده كان لازم يكون الاختبار اكتر صعوبه وتكون الاجابة الصحيحه مخفية مابين عشرات الاجابات الاخرى المضللة .. كان لازم ميوصلش للحقيقة غير شخص تعب فعلا وبحث واحتار وتفكر طويلا قبل مايختار المنهج الي هيثبت عليه الى ان يلقى وجه ربه .. زمان كان الشخص في الغرب بالذات ممكن يعيش ويموت وهو مقابلش مسلم واحد في حياته .. مكانش ممكن تقريبا لشخص انه يتعرف على حقيقة الاسلام غير لو بحث بعمق وصعوبه لغايه مايتوصل ليها ..وبطبيعه الحال فهو مكانش هيبدأ البحث غير لو من البداية ثار في نفسه شك ان في دين حق وان الي هو عليه من دين لا ينطبق عليه هذا الوصف .. النهرده الوضع تغير واصبحت مصادر المعلومات متاحه للجميع وتقريبا يكاد يكون مفيش حد على وجه الارض لم يسمع بالدين الاسلامي وبالتاكيد اي حد عاوز يتعرف على حقيقة الاسلام بضغطه زر ممكن يطلع كل المعلومات الي هو محتاجها .. تفتكري بعد التطور ده كله هيكون في عدل ومساواه مابين ناس عاصرت الوضع زمان وتعبت على ماوصلت للحقيقة وناس النهرده الحقيقة بنفسها هي الي بتيجي لهم على الجاهز ؟ بالتاكيد كان لابد من ابقاء الاختبار على صعوبته وعشان كده كان لازم يكون في تشويش على الحقيقة الي اصبحت في المتناول وكان لازم يكون في مشوهات حولها تخلي من الصعب على اي حد يقتنع بالاسلام من النظرة الاولى ولازم فعلا يبحث وينقب ويخترقه في العمق للوصول لجوهره والاهم من كل ده انه لازم يكون من داخله فعلا شخص عاوز يوصل لربنا وعاوز يكون على المنهج الصحيح عشان يتحمل كل ده ويصبر لغايه مايوصل .. وبالمناسبة كل المشوهات الي حول صورة الاسلام دي لا تاثير سلبي لها نهائيا على من اطمئن قلبه للبحث عن الحقيقة وعن من يريد الايمان بالاله فعلا مش غرضه البلبلة او صرف الآخرين عن الحق .. عارفه ليه ؟ ربنا سبحانه وتعالى بيقول في كتابه العزيز (( وَمَا جَعَلْنَا أَصْحَابَ النَّارِ إِلاَّ مَلائِكَةً وَمَا جَعَلْنَا عِدَّتَهُمْ إِلاَّ فِتْنَةً لِّلَّذِينَ كَفَرُوا لِيَسْتَيْقِنَ الَّذِينَ أُوتُوا الْكِتَابَ وَيَزْدَادَ الَّذِينَ آمَنُوا إِيمَانًا وَلا يَرْتَابَ الَّذِينَ أُوتُوا الْكِتَابَ وَالْمُؤْمِنُونَ وَلِيَقُولَ الَّذِينَ فِي قُلُوبِهِم مَّرَضٌ وَالْكَافِرُونَ مَاذَا أَرَادَ اللَّهُ بِهَذَا مَثَلا كَذَلِكَ يُضِلُّ اللَّهُ مَن يَشَاء وَيَهْدِي مَن يَشَاء وَمَا يَعْلَمُ جُنُودَ رَبِّكَ إِلاَّ هُوَ وَمَا هِيَ إِلاَّ ذِكْرَى لِلْبَشَرِ )) المدثر الآية دي تسبقها آية اخرى بيذكر فيها رب العزه ان الملائكه على جهنم 19 ملكا .. لما كنت صغيره ودرسناها توقفت عند الآيتين دول كتير .. ربنا سبحانه بيفصل لنا ليه هو ذكر العدد 19 بالذات .. كنت بسال نفسي واقول ان كان من اسباب تحديد العدد هو ان يضل بعض الناس طيب ليه سبحانه ذكره .. والاهم .. ليه بيؤكد على انه تعمد هذا الذكر وتعمد وضع رقم قد يثير الريبة .. لما كبرت وفهمت اكتشفت ان الآية واضحه صريحه لا لبس فيها .. هو سبحانه حدد العدد عشان كل من سيقرأه سيكون احد ثلاث فئات .. اما انه من اهل الكتاب فسيجد ان هذا العدد او هذه الحقيقة موافقة او ( مكملة ) لحقيقة اخرى ثابته في كتابهم وهنا لازم يسال نفسه .. كملتها ازاي ؟ وبالمناسبة كتير جدا من القصص القرآني الي البعض بيعتبرها وارده في القرآن للعظه والعبرة فقط ماهي في حقيقتها الا مفاتيح ربط في اجزاء من التوراه كانت مبهمه او غامضه او تبدوا وقد ذكرت عرضا لا تؤثر في سياق القصة لكن ستجدي ان التكمله او التتمه او مايجعل المشهد اكثر منطقية موجود في القصة القرآنية .. وهكذا في اشياء كتير موجوده تبدوا للبعض عاديه ولكنها ربما نزلت خصيصا لمن يؤمن بكتب سابقة .. الفئة الثانية الي ربنا سبحانه قصدهم هم المؤمنين الي قلبهم مطمئن وعامر بالحقيقة .. دول لما تصلهم تلك المسألة مش هتزيدهم الا ايمانا .. وهيتثبتوا وتخرج منهم الريبة تماما كأهل الكتاب .. الفئة الثالثة وهم من في قلبه مرض او المنافقين ومعاهم الكافرين .. دول بالذات الي هيكون للعدد ده اكبر تاثير عليهم .. دول بالذات الي ( الشبهة ) دي نزلت عشانهم .. هيشككوا .. وهيقولوا ايه ده ؟ وهيتخذوا منها ذريعة للهجوم على الاسلام او محاولة النيل منه .. وسبحان الله بعد مئات السنين كان في من الناس من تمسك بالعدد 19 بالذات والف حوله المذاهب والتيارات بل ووصلت به الى ادعاء النبوة .. قيسي على ذلك حاجات كتير جدا تلصق بالاسلام بل وايات واحاديث يقوم البعض بنزعها من سياقها للتدليل على امور توافق اهوائهم .. خذيها قاعده .. مش هيوصل للحقيقة غير شخص فعلا يستحق الوصول لها .. مش هيؤمن غير شخص فعلا اختار يكون مؤمن .. اي شبهة او تهمه تلصق بالاسلام مش هتاثر نهائيا على من اتخذ قرارا مسبقا بضروره التزام المنهج الحق .. حتى لو مكانش يعرف وقتها ايه هو المنهج الحق .. اي مما يقال عن الاسلام مش هيمنع نهائيا اي حد يستحق يكون مسلم ويستحق يكون على المنهج الحق من انه يدخل فيه .. اما المنافقين واصحاب المنافع فبدال ماتحققي غرضهم وتنشغلي بالدفاع عن اسلامك ونفي تهمه الارهاب عنه فامامك الحل الاصح .. انتي مسلمه وعارفه ان دينك لا يحضك على العنف خلاص التزمي ده في حياتك .. اما بالنسبة للآخرين من غير المسلمين ولما يسألوكي انتم ارهابيين ليه قولي لهم عباره واحده بس .. قد نكون ارهابيين وقد لا نكون .. وقد يكون ديننا هو الدين الحق وقد لا يكون .. لكن رجائي ان تعطوا انفسكم فرصة للبحث عن الحقيقة .. فرصة للقراءة عن الاسلام من مصادره الحقيقة .. لا من فم اعدائه ولا من فم اصدقاءه .. ابحثوا بانفسكم .. لا تاجروا عقولكم لاحد .. ابحثوا واقرأوا ثم قرروا بانفسكم ان كان هو دين الارهاب او هو دين الحقيقة .. الموضوع يستحق العناء ..

دايما موضوعاتك متميزة ورائعة وبتيجي على الجراح اهديكي انتي ومصر الاغنية اللي بتأثر فيا http://www.youtube.com/watch?v=7d9j6yVDnZY

قطعا أنت أكرم مني يا أخي الفاضل ولكني أحببت ألا أشتت الموضوع، يمكنني أن أسترجع عبارتك الشهيرة (ده موضوع تاني ممكن نفتحله توبيك خاص ونتحاور فيه) الآن آن الآوان لنترك دعوة "أن المنهج السلفي يهتم بالقشور والسطحية ويترك ما هو أهم من ذلك " ربنا يوفقنا جميعا لكل خير مطلقايا سيدي لو وضحتلي فكرتك عن كلمة الاعلام ممكن ارد عليك يعني زي ما بحاول افهمك وجهة نظري حاول تجتهد شويه و تكون اكرم من كده و تتكلم لتوضح ما تريد اما كلمة الاعلام و تسكت يبقى ماعنديش كلام اقدر اقوله شكرا

و آدي نموذج لتأجيج الفتن ردا على ابو عمر بين المسلمين و المسيحيين من شيوخ الفضائيات http://www.youtube.c...player_embedded عندي عشرات الفيديوهات الشبيهه و مش عايز أجيب الروابط ........ و اظن اغلاق قنوات تبث مثل هذه الأفكار تصرف سليم جدا لأنها جديرة بالإغلاق

قبل ما ابتدى احكى و استفيض فى الكلام احب اقولكم شعار المرحلة اللى لازم تحطوه حلقة فى ودنكم المعرفة غير الأدراك. أو المعرفة تختلف عن الأدراك. و المعنى جاية لكم بيه فى السكة... عايزة بس احكيلكم على حاجة كدة ...من كام شعر دخلت ع المحاورات و لقيت طالعلى فى المواضيع المشابهة احد مواضيع مساوئ كندا.....و....... وقعت ع الأرض من الضحكgra:- لأ...لأ ماتفهمونيش غلط...لا أعنى السخرية...بس بجد اللى يقرا من هنا غير اللى يقرا و هو هناك...وخلوا بالكم المعرفة غير الأدراك اصل الناس اللى بتهاجم و اللى بتدافع مش فى كندا ...وماعندهمش فكرة عن حاجة من اللى بيتكلموا عنها...بيتكلموا و خلاص كأن كل واحد حاطط إيده على ودانه و بيصرخ بأعلى صوت و بيقول للتانى أنت سامعنى؟؟؟؟؟؟؟؟؟؟ طولت عليكم انا بالمقدمة البايخة دى بس كان لازم تسمعوا الحتة دى قبل ما ندخل فى الجد التجربة اولى: أسوء نظام صحى فى العالم :( الأدراك غير المعرفة فى شهر 8 و بعد عيدميلادى بإسبوعين بالضبط كنا بره فى مكان عام...قمت وطيت ...عادى كل الناس بتوطى سمعت صوت حاجة طقت فى ضهرى وبسسسسسسسسسسس.ما قدرتش ارجع لفوق تانى مع ألم فظيييييييييع كنت بابكى منه... المهم كان معانا ناس اصحابنا يحاولوا يوقفنى ..اصرخ...يحركونى ...أصرخ برضه لحد ما استقروا على ان يطلبوا 911 ...طبعا ما أنا زبونة بقىf((: جم بدخلتهم اامعروفة وضغط و تنفس و رسم قلب وحركات...يحركونى مش قادرة...المهم بعد مباحاثات عرفتها بعد كدة للأسف ...جابوا نقالة على شكل كرسى عشان يحطونى عليه عشان أطلع للنقالة الكبيرة بره و حطونى فى عربية الأسعاف للأسف عرفت ان المسعف الشاب اللى سنه حوالى 22 سنة بيحاول يقنع جوزى ان مالوش لازمة ناخدها وهو عايز يخلص ورقه و يخلعdct:: لسه هيودى و يجيب!!!! و انا فى عربية الأسعاف بدأ سيل الأسئلة عشان التاريخ المرضى و الأدوية..وصلت الطوارىء فى المستشفى العامرة ...وكان يوم ويك إند عشان ألاقى طابور من النقالات اللى بعجل قبلى إشى حادثة و إشى سنيور مش قادر يتنفس و الطابور مضحك نقالات عليها ناس مسطحة ورا بعض فى صف طبعا كان الوجع اقل عشان متثبتة بحزام مش بتحرك و ابتديت استكشف حواليا...منتهى الأستهتار من المسعفين عمال يهزروا و يضحكوا مع بعض ولا كأن فيه ناس متوجعة جنبهم...و بيتعازموا على بعض على كبايات القهوة تيمى...وكل واحد بيسأل التانى بما معناه فين الجتة اللى اللى معاك عشان يرمى الحمولة و يرجع يحمل تانىangl:: وفقت من ذهولى على المسعفة بتاعتى اللى كانت واخدة موضوعى جد أثناء العيل زميلها بيهرج مع الشلة...جاية بتقنعنى اقعد على كرسى متحرك بدل ما انتظر السرير لأن فيها 8 ساعات ...وقومتنى وربطت لى تلج على ضهرى اللى هو تلج جاف... و ابتدا المشواااااااااااااار 8 ساعات يا موءمنين لما كرهت عيشتى ...كان هاين ليا اقوم اروح....8 ساعات ما شفتش تلك المرسل من السماء اللى اسمه دكتوووووووووووور او طور ايهما اقرب 8ساعات ماحدش ادانى حباية تايلنول حتى كمسكن للألم...والعيال انا ما عرفش عنهم حاجة لأنهم روحوا مع أصحابنا... وكل اللى بيحصل إنى كل كام ساعة تيجى ممرضة تسأل كام سؤال متكررين و تمشى. يروح جوزى يستفسر...انتوا نسيتها ولا إيه؟؟؟ يبصوا له شذرا ...ويتنرفزوا عليه!!!! سبحانك يا رب.... ده الكويت بأه كانوا امرا و انا مش عارفة عمار يا كويت....عظيمة يا مصر يا ارض اللواء:egyflag: بعد مرور الكوتة الزمنية المفروضة على كل مريض...جاء ذلك المرسل النادر الوجود ....اللى ما بينكشفش على مرضى عشان بيستحى!!! وايه ده انتى زى الفل انا هافحص ضهرك و كله هيبقى فل... طيب اشعة يا معلم... مالهاش لزوم.. انتى تماااااااااااااااااااااااااااااااااام حبيب عمو ايه الطعامة دى يا واد... قعدى يدونى فى حقن مسكنة و حبوب باسطة للعضلات و ضاعفوا الجرعة لما لقوا مافيش حاجة بتجيب نتيجة عشان اقدر اقف على رجلى و اتسند و اغور فى ستين سلامة:scooter: وخرجت و انا على الكرسى بعجل...عشان اروح على بيتنا...وانام فى السرير لمدة اسبوع بدون حراااااااااك وفى الحلقة القادمة هاحكيلكم لما رحت لطبيب العيلة ............ يا لهووووى غطينى يا صفية و صوتى:hang:

هل تسمحوا لي بأن أطرح رأيي البسيط حول تلك المسألة ... اي عمل "ارهابي" او يتميز بالعنف في الإحصائية الأولية التي نلاحظ ان نصيب الأسد فيها حازت عليه الجماعات الأنفصالية .. هو عمل تم كرد فعل علي ظلم أو غدر بدون اي شك .. مدي شرعيته او عدم شرعيته ليس هو مجال نقاشنا هنا .. و لكنها أعمال "ارهابية" لم يقوم "معظم" من قام بها بأسدال اي غطاء ديني عليها.. او جعلوا سببها ديني ... الخطأ الذي يقع الشرق فيه ان أي عمل عنيف و الذي يصل الي درجة العمليات الأرهابية أحيانآ .. سواء انفصالي او انتقامي هو عمل يتم صبغه بصفة دينية اسلامية بحتة ... بينما اذا تم القيام به في صورته الطبيعية و لسببه الأساسي فقط .. مثل تحرير فلسطين مثلآ .. أو الدفاع عن حقوق .. أوالأنتقام من غبن و ظلم ... أو الأنتقام من حروب قذرة .. اذا تم القيام به في تلك الصورة فقط دون رفع الرايات و البيارق الدينية وراءها لما مس أي بني آدم الدين الأسلامي بحرف واحد ... نحن ندافع عن قضايا مشروعة باساليب تجعلنا نخسر اي تعاطف .. بل و تجعل الأرهاب مرادف لدين نعتنقه ... انا لا أدافع عن الأرهاب هنا بأي صورة من صوره ... و لكن أدافع عن حق اي انسان او جماعة او وطن بالمطالبة بحقه دون البحث بين صفحات تعاليم دينه ما يبرر له البحث عن ذلك الحق ... فهو واضح بما فيه الكفاية ... ملحوظة قمت بتكبير كلمة "معظم" حتي لا نضيع وقت في أقوال بوش و تفسيراته حول غزو أمريكا للعراق ..

و الناظر للموضوع بشكل عام يسأل سؤال لماذا يهاجمون الاسلام هي ايه خلفيات القصة اصلا ان المسلمين في اوروبا جاءوا في اعقاب الحرب العالمية الثانية ليسدوا العجز في العمالة في دولها بسبب قتلى الحرب كان المسلمون الاوائل في الغالب من شبه القارة الهندية - شمال افريقيا و اليمن كانوا عددا ليس بكبير ائنذاك - لم يرد بخلد اي سياسي غربي انه سيكون هناك اي خطر من وجود هؤلاء الاناس البسطاء في بلادهم مع الوقت ازدادت اعداد المهاجرين مقارنة بنسبتهم مع السكان الاصليين - بدأ ينشأ جيل ثاني و ثالث - تزايدت العنصرية بشكل عام في الغرب مع السبعينيات - بدأت الاجيال الجديدة تشغر بان المجتمع ينبذها بشكل و بأخر - بدأت تبحث عن هويتها الثقافية و التاريخية و .......الدينية وبدأت المطالبات بعدد اكبر بالمساجد لكثرة عدد المصلين و بدأوا يطالبون بحقوق اكثر من اسلافهم البسطاء و دعونا نلقي نظرة على عناوين الاخبار في اهم صحف بريطانيا خلال الاعوام الثلاثة السابقة خلال اقامتي فيها 1- اثبتت احصائيات المواليد ان اسم محمد هو اكثر الاسماء تسمية من نظيراتها الانجليزية كبول و دانييل وجوناثان 2- المسلمين هم اكثر مرتادي اماكن العبادات من نظرائهم المسحيين (اهل البلد) 3- مدن كمانشستر و برمنجهام و ليدز تصل نسبة المسلمين فيها الى اكثر من الثلث حتى ان هناك مدارس حكومية ببرمنجهام نسبة المسلمين فيها الى 97 بالمائة 4- معدلات الخصوبة للسكان الاصليين في تناقص مستمر لقلة الزيجات و زيادة الطلاق وعزوف الشباب عن الحياة الاسرية وبالتوقع المستقبلي يعتقدون انهم سيكونون اقل من نصف السكان في عام 2050 5- بينما المجتمع الانجليزي في تفكك وانحلال يزداد تماسك الجاليات المسلمة اكثر واقبالا على الدين و مظاهر التدين عموما 6- ازدياد دخول الانجليز الاصليين في الاسلام و خصوصا النساء ففي مقالة للجارديان ساقت ان حوالي 50000 بريطاني دخلوا للاسلام منذ 11 سبتمبر و كان ثلثا (66%) منهم نساءا وهذا رقم مخيف مع كل الدعايات المضادة عن دور المرأة المظلوم في الاسلام الذي يقومون به بشكل حثيث 7- تم بيع كنائس كثيرة من النصارى للمسلمين في العقد الاخير و ذلك بسبب ارتفاع تكلفة تشغيل تلك المباني و قلة عدد مرتادي للكنيسة فيضطر القائمون على الكنيسة لبيعها و في الغالب يكون المشتري مسلما و يتم تحويلها لكنيسة (طبعا بعد اخذ موافقة رسمية من الحي الملحق به) فالموضوع هنا ليس عشوائيا و يتم بناءا على احصاء المسلمين في المنطقة و تقديم دليل انهم يحتاجون لمكان للعبادة) و تلك الاسباب ستجدونها مشابهة بشكل او بأخر في اي دولة غربية - ان الاسلام في انتشار ملحوظ للجميع حتى مع الهجوم عليه يزداد الاقبال عليه حتى بلا تدخل من المسلمين انفسهم وهو اسرع الاديان انتشارا في دول الغرب و تخيل انت نفسك مكان اهل البلد الاصليين أكيد سيحدث لك انزعاج ما ولكن بسبب ان الفلسفة الغربية عموما لا تحمل الكثير من الاخلاق في التعامل مع الاخر خصوصا اذا لو كان الاخر من حضارة اقل فبالتالي نرى الاعلام يقوم بتلك الهجمة الشرسة)

ممكن سؤال ما هو الإرهاب ؟ و من هو الإرهابي ؟ في إمكان الراهبة أن تغطي جسدها من رأسها إلى إصبع قدمها وذلك لتكريس حياتها لعبادة ربها , صحيح ؟ لكن إذا فعلت فتاة مسلمة نفس الشئ , لماذا تضطهد ؟ عندما تبقى إمرأة غربية في البيت لتعتني بالمنزل والأطفال فهي بذلك تحترم من قِبل كامل المجتمع وذلك من أجل تضحيتها بحياتها من أجل بيتها وأسرتها لكن إذا قامت بنفس الشئ إمرأة مسلمة , لماذا تضطهد ؟ أي فتاة تستطيع الذهاب إلى الجامعة وهي ترتدي ما تريده فهي تمتلك حقوق وحرية لكن عندما ترتدي فتاة مسلمة الحجاب فهي تمنع من دخول الجامعة عندما يضحي شخص ما بنفسه للحفاظ على حياة الآخرين فهو بذلك شخص نبيل وشهم والجميع يحترمه ولكن عندما يضحي فلسطيني بنفسه لإنقاذ إبنه من أن يقتل ولإنقاذ أخوه من أن تكسر ذراعه ولحماية أمه من أن تغتصب ولحماية منزله من أن يدمر ولحماية مسجده من أن تنتهك حرمته .... فهو بذلك ينال لقب (الإرهابي) ! عندما يقتل يهودي شخص ما فالدين ليس له علاقة بما حصل ولكن عندما يتهم مسلم بجريمة يكون الإسلام هو المتهم الرئيسي عندما يقود شخص ما سيارة ممتازة بطريقة خطأ, لا يلوم أحد السيارة لكن عندما يقوم مسلم بإرتكاب خطأ أو يعامل الناس بطريقة سيئة - يقول الناس "الإسلام هو السبب" !! أنا مسلم أقتلني و قم بتسميتها أضرار جانبية إحبسني وقم بتسميتها وسائل للحماية إنفي شعبي وأهلي بشكل جماعي وقم بتسميتها شرق أوسط جديد إنهب مواردي , إغزو أرضي , غير قيادتي وقم بتسميتها ديموقراطية السلام عليكم ..

صدقت - و هي من اكثر المشاكل الاجتماعية تأريقا لحكوماتهم فعدد الامهات المراهقات حوالي 20000 كل عام و لك ان تحسبي مصاريف تلك الامهات و اطفالهن و التي تستمر لاكثر من 10 سنوات الى يكبر الولد و تبحث الام عن عمل - والعدد يزيد كل سنة بالرقم المذكور الحقيقة انهم يلجأون لذلك الوضع للهروب من العائلة و حتى يكون لهم بيت مستقل و مرتب بعيد عن عائلاتهم - قامت الحكومة السابقة بتطبيق نظام اقل تكلفة بجمعهم في بيوت جماعية كومباوند للامهات يعني و لا اعتقد انهم سيستمرون بهذا الشكل لان تكلفة هذا الموضوع عالية للغاية و بدأو بالفعل لالقاء الضوء اكثر على المشكلة لحلها و انا اعتقد انهم لن يستطيعوا

طبعا فيه تدهور أسبابه أولا ضعف دور الدولة زي ما قالت ام زيد ثانيا سلبيتنا ثالثا ضعف الخطاب الديني الصحيح و القدوة الحسنة و الهدف و القائد القائد بمعنى الكلمة اللي يراعي ربنا في رعيته أ. أكرم أحييك على الموضوع و أسجل احترامي لشخصك الكريم أتكلم من قلب الحدث من مصر الحبيبة ، حيث تسود ثقافة الزحام مع اللخبطة في كل شيء فليست المشكلة في الناس أبدا و لا في الزحام و لكن فيمن يقوم على أمر الناس و يتركهم بلا نظام للحرامية في كل مجال و يتفنن في إفساد حياة البشر .. ثم تفوجئ به يقول لك ... من اجلك أنت .. ثم "عشان تتطمن على أولادك" لا يدعي عاقل أننا عال العال و أحسن من غيرنا غيرنا دول السودان مثلا و الله لقد رأيت السودان في 2005 و المرور فيها أفضل من القاهرة ... و الفساد فيها لا يذكر مقارنة بعقد مدينتي فقط حقيقي الامر محزن لكنه ليس ميئوسا منه مصر والمصريين واحد و عشان نبدأ نتعالج لازم نعترف إننا تعبانين .. تعبانين أوي بس مش عشان تعبانين يبئى لازم نموت أو ندور على وطن تاني عايزين كل واحد مننا يشخص لنا تعبنا إيه .. في رأيي مفيش جملة هتبدأ أو تنتهي بدون ذكر " الفساد " أهم حاجة محدش يقول للتاني مفيش فايدة أو يقوله إرجع إرجع مش هتتبسط في مصر .. عجيبة و الله و إزاي ممكن أي مصري يحس بالفرحة في الغربة بعيد عن مصر و عن أهله كل التعب و الغربة بتهون مع اول حضن في المطار ممن تحب تحياتي للجميع أبو عمر

للأسف فى ناس سطحية جدا بتدخل تدي سالب وتجري زي ما يكونوا خايفين يتمسكوا :lol:

يادكتور موضوعك جميل وبة اهداف نبيلة بصراحة انا اتحاشى الدخول لانى احس بأن هناك صدام قادم وانا فى حل منة اظاهر ان الواحد عندما يسأل عن ما دورة فى تقديم وتقدم وطنة من خلال ثقافتة وثقافتة فقط لابد ان يظهر من يشعب المواضيع ويغير مسارها الى فروع اخرى وكأن الثقافة الاسلامية عرجاء او بها خلل او ناقصة او لا تصلح الا من خلال دمج الثقافات الاخرى فى اي حديث عن الثقافة الاسلامية سيدى لك احترامى وكل سنة وانت طيب ورمضان كريم

على فكره حتى لو ده حصل فمفيش مشكلة خالص عارف حضرتك ليه ؟ في حاجه في علم الاحصاء اسمها ( قانون الاعداد الكبيرة ) والي بينص ان كلما زاد عدد المشاركين في العينة كلما اصبحت النتيجه الاحصائية اقرب للنتيجه في الواقع .. بمعنى .. دلوقت لو اثنين ثلاثه قيموا مشاركه وقالوا انها عجباهم وارد جدا يتضح بعدين انها اصلا متستاهلش انما ( صادف ) انها عاجبة الثلاثه دول .. بينما لو ثلاثه الاف مثلا قيموا مشاركه واتفق 80 % منهم على انها حلوة فغالبا هتكون هي دي النسبة في الواقع وهتلاقي ان ثمانية من كل عشرة اشخاص هتعجبهم المشاركه دي . . تماما زي اليوتيوب كده لما تلاقي في فيديو واخذ تقييم عالي بتلاقيه غالبا يعجبك ولو واخد تقييم اي كلام بتلاقيه برضه غالبا اي كلام .. وعلى هذا لو اصبح التقييم عاده عند اعضاء محاورات المصريين مع الوقت هتطلع النتائج صادقة ومطابقة للواقع بنسبة كبيرة حتى لو البعض كان بيقيم لهوى شخصي مش بنزاهة وموضوعية . اما بقى لو العدد مش كبير وبقت المشكلة في حتة الناس الي بتقيم ناس لمجرد انهم على هواهم او حتى العكس انهم مش ( لادين عليهم ) فيحطوا لهم تقييم سلبي ( عليهم مش على مشاركاتهم ) فبرضه لو فكرنا فيها هنلاقي ان للاسف دي ( سنة الحياة ) .. النهرده لما عدد سكان مصر فوق السبعين مليون ولو فرضنا ان تم فتح باب الانتخابات ( بنزاهة ) وموضوعيه وترك السبعين دول يختاروا اي شخص يمثلهم .. تفتكر الي هيختاروه هيقنعك انت شخصيا ؟ مظنش .. عارف ليه ؟ لانهم سبعين مليون فيهم على الاقل خمسين ستين في تغييب فكري وعقلي ودول مستحيل هتكون خياراتهم هي ذاتها خيارات النخبة المثقفة .. ومع ذلك .. هيمشي خيارهم لانه خيار ( الاغلبية ) واي حد عادي ـ وبكده هيبقى من الاغلبية ـ هيجي هيقول ايوه فعلا الشخص ده مناسب في المكان المناسب .. لو ان مشاركه ما مخالفة لفكر مية واحد قيموها وقالوا انها وحشة لمجرد انها عكس فكرهم فغالبا هتكون وحشة بالنسبة للبقية برضه لان الفكر غالبا هيكون واحد فهو ( فكر الاغلبية ) ..

الأفوكاتو كتب: فعلا ... اتفق معك فى هذا، و أول هذه الظروف فى قائمتى، هى ((( الزحام ))) ..... و تزاوجها المؤسف مع ((( العشوائية ))) معظم ما اراه من سلبيات فى بلدنا هو انعكاس او ناتج طبيعى لأخلاقيات الزحام. هل يمكننا القول ان ((( الزحام ))) أفرز و مازال يفرز قيم أخلاقية سلبية عديدة لم يكن لها وجود منذ عشرات السنوات؟ ... و بما ان الحديث حتى الأن عن "العمارة" و "السكان"، فهل هذا المؤثر عامل هام أم لا - فى جعل إحدى النماذج المحسوبة على الأحياء الراقية بهذا الشكل: