لوحة القادة

فضفض يا قلبي متستحيش إنك حزين متسيبش وجعك يخنقك منغير أنين دافن فـ رمل الصبر جرحك من سنين عنيك بتضحك و دموعها فيها مخنوقين الجرح جاي فوق جرح و عنيك فرحانين طب خدت إيه لما بقيت مـ الكدابين؟؟ لا الجرح طاب و لا قلب الوجع بيلين ***** فضفض يا قلبي متستحيش كونك حزين إنزع بقى قناع الرضا ... و إطلق آهاتك في الفضا سيب صرختك تخرج تصم السامعين فضفض بقى !!! ******* بتداري ليه عنهم دموعك .. وِ تغـُص تبلع جرحهم ؟ و الدمعه لو مره تخونك .. تجري و تبعد عنهم !! مخدوع يا قلبي لو كنت فاكر إنك بجد تهـِمـُهـُم ليه يجرحوك ما بين عينيك و تقول لي غصبـ(ن) عنهم ماشيين خطاهم تدوس عليك و إنت بتـِنكر ظلمهم ******** صدقني دول بيغمضوا ... و كأنهم مش موجودين لو سمعوا آهتك يضحكوا ... بيداروا على صوت الأنين دول سهروك تشرب كاسات علقم و هُم.. !! ..مرتاحين و حيروك .. مره جبابره .. و مره ملايكه معصومين !! خلاص يا قلبي إبكي بقىى .. و ماتداريش إنك حزين لحد فين تدفن فـ رمل الصبر جرحك طول سنين و خدنا إيه ؟؟ لا الجرح طاب و لا قلب الوجع بيلين ******* لا الدمع عيب ... و لا صبر طبب جرح .. و لا غـَيـَّر نصيب فضفض بقى بقلم .. زهرة الجبل أم كريم

اسمحولي اضع هنا نموذج لحوار بين مسلم ومسيحي غايه في الرقي والادب ,, وبيوضح على فكره نظرة الاسلام الصحيحه للمسيحين من غير تزمت او تشدد ,, http://www.youtube.com/watch?v=YqEX4dOlDEo

السلام عليكم و رحمة الله و بركاته كنت داخلة التوبيك....و عايزة ارغي كالمعتاد....بس حسيت اني قعدت مع كل حد من حضراتكم...و خلتونا نعيش معاكم....ذكريات دافية....من ركن دافي في حياة كل منكم مصدقة انا دايما ان فيه تفاصيل تجذب السعادة....التفاصيل الصغيرة دي....لا احد قادر علي قراءتها سوانا و قد يمر بها الاخرون و يرون أنها عبء علي الامكنة....و لا يدركون...انها تستدعي خصوصية في القلب...ان لها بريقا يلتمع...حين نهرب اليها من الصخب و حين نفتش عن ملامحنا....و نبحث عمن كنا يوما.....و نتساءل كيف اصبحنا هكذا اليوم راقني صندوق....الذكري....و راقتني اكثر تفاصيله و ابحرت كثيرا مع استاذنا اركتيكت....حين ذكر..."خطابات...المشاعر الاولي"...و التي تتجدد بها المشاعر حين تتنافر الرءوس و تنقلت مع استاذ التونسي....بين المفردات الخاصة...و التي تزداد حميمية و حملتني "زهرة الجبل"...إلي عالم سحري....و كأني أراها تأخذني من يدي....لتحكي لي قصة تقبع ساكنة وراء تفاصيل صغيرة....مكتوبة علي هامش الحياة اكاد اجزم اني رايت....(تخيلت كثيرا) تلك الزهرة التي تأتي نضرة....و "زهرة"...تنتظرها لتذبل في صمت....و "زهرة"...تأبي أن تسكنها في اي مكان سوي القلب....المكان الذي يليق بها جميلة تلك المفردات التي نصر انها تنتمي لعالم نفهمه نحن رائعة تلك الحكايا التي تكمن خلفها سلمت يداك...مغتربة و تحياتي لكل من رسم دائرة هنا و جعلنا نقف في منتصفها نتأمل عالما طالما رسمه بمفرده....حينما كنا أنقي مساءكم....تفاصيل قديمة....لكنها تسكن مكانا خاصا في الذاكرة

أختي الغاليه مغتربه دخلت المنتدى لألقي نظره سريعه و أعود لإكمال ما أقوم به في الحياه الواقعيه لكن عنوان موضوعك كان أقوى من أمر عليه و لا أتتبعه و الموضوع نفسه جعلني أشعر أنني إن لم أكتب رداً به الآن لن أتمكن من العوده للواقع بالتركيز المطلوب لإكمال ما كنت أقوم به فيه أنا من عشاق الإحتفاظ بالأشياء .. إن بحثتي عندي ستجدين أشياء غريبه جدا والدتي عندها نفس الهوايه و لكن ليس بنفس الدرجه إحتفظت أمي لي بدفاتر مدرسيه من سنه رابعه إبتدائي بخطي أيامها.. طبعاً دي بالنسبالي عامله زي البساط السحري اتلمسها بيدي فتأخذني في رحلات جميله إلى أيام الدراسه إحتفظت لي عندها من ألعابي بعروستين كنت ألعب بهما و أنا طفله .. و هما بحاله ممتازه .. كم كنت سعيده عندما أهدتني إياهما بعد زواجي من ضمن أشيائي التي مازالت موجوده أيضاً هو أول حذاء لبسته في حياتي .. قطيفه و لونه أحمر و طوله لا يتعدى نص شبر لكن ده للأسف الشديد لم أستطع أن أستولى عليه من والدتي .. مازال عندها عندى صوراً لي منذ كان عمري أربعين يوماً .. و صورأخرى على مدى مراحل عمري .. جميل أن أرى نفسي في وقت لم أكن لأتذكر ملامحي فيه بغير الصور كل ده من مقتنيات ماما أما عني إحتفظت بدوري بأشياء صغيره كتلك تتعلق بأبنائي و أنا أعشق الإحتفاظ بالأوراق .. و الخطوط ..عندي تخيل أنها تكتسب مع الزمن عطوراً خاصه بكل ورقه عطوراً خاصه تسهل علينا العوده بالذاكره لوقتها القديم أحتفظ لنفسي بأوتوجراف به خطوط زميلاتي في المدرسه الإعداديه بنات من بعض ما كتب فيه أذكر بعض سطور جميله جدا مثل : أكتب على ورق الليمون يا أغلى من نور العيون و أكتب على ورق التفاح يا أبهى من نور الصباح و أتذكر كاتبة تلك السطور كانت زميله لبنانيه و كان إسمها ليليان و من بعض ما أتذكر من تلك السطور أيضاً صفحة صديقه سعوديه كان إسمها صفيه كتبت .. إذا فرقت بيني و بينك يوماً المسافات .. فهذا خط يدي يذكرك بأقرب الصديقات كنا أطفال و لكننا كنا نتفنن في تلك العبارات بشكل لم أدرك قيمته إلى هذا المدى إلا بعدما أضاف إليه الزمن قيمه جديده و كنا نكرر تلك العبارات من و إلى بين بعضنا البعض و عندي أوتوجراف آخر من آخر سنه في الثانويه و أحتفظ بهما معاً أيضاً في مصر من ضمن مقتنياتي أيضاً .. كتاب من أيام الثانويه .. أحب جداً أن أتصفحه و أقرأ الهوامش المرحه التي كنَّا نكتبها لبعض أنا و زميلاتي على جوانب صفحات الكتب أثناء الحصه حتى لا يرانا الأستاذ نتكلم فالكلام أثناء الحصه كان ممنوع .. فكنا نتحايل على هذا المنع بتبادل الأحاديث على هوامش الصفحات .. أحاديث لم تكن مهمه مطلقاً مره نكته و مره تعليق ساخر و مره إتفاق على أمر ما و مره شئ صغير نتذكره فنخبر به فقط لكي نثبت لأنفسنا أننا فعلنا ما نريد قد لا يكون ذلك التصرف منا حسن سلوك وقتها.. لكنه في الحقيقه اليوم أصبح بالنسبه لي قيماً جداً .. كأنه شريط فيديو متحرك صغير يعمل بمجرد فتح الصفحه التي هو قابع بها فيذكرني بأشياء صغيره لكنها جميله و يعيد بسرعة الفلاش بعض الوجوه إلى أماكنها في الذاكره عندي صوره من الورقه التي نكتب بها الرغبات بترتيب الكليات للإلتحاق بالجامعه و عندي جواب التنسيق الذي وصلني بعدها بإسم الكليه التي إنتسبت إليها من مقتنياتي أيضاً ... رسائل ورقيه و أشرطة كاسيت كانت هي المراسلات بيني و بين أبو كريم أيام الخطوبه .. كان هو مسافر و أنا في مصر هم الآن مرتبين بالترتيب عندي في مصر و عندما أفتحهم يبقوا كأنهم حواديت قديمه و عندي طبعاً كرت الدعوه بتاع فرحي و عندي عدد كبير جداً من الكروت .. كروت المعايده و المناسبات .. أنا أحب تلك الكروت جداً و أحب الإحتفاظ بأوراق تغليف الهدايا التي تهدى إليَّ ( و بدون تريقه لو سمحتم ) .. فهي تذكرني بأول شعور تملكني عند رؤية كل هديه و عندي أكثر من عشرين ورده .. أقدمهم يصل عمره الآن إلى 14 سنه .. من أيام الخطوبه كنت أضع الورده في كتاب كبير حتى يصبح سمكها ضعيف و تجف .. و بعد تجفيفها تماماً أعيد لفها في غلافها و أحتفظ بها في ظرف الكرت الذي كان معها كفايه كده شكلي طولت عليكي لكن أردت أن تعلمي أن قراءة موضوعك إجترت عليَّ ذكريات أحبها جداً شكراً كثيراً تحيتي لكِ .. و قد تكون لي عوده إلى هنا أم كريم

:) هو أى نعم موضوع خفيف .. لكنه بصراحه يلمس شغاف القلب.. لما له من صله وثيقه بحاجات تحمل عبق التاريخ الخاص بنا او بغيرنا ممن يدخلون فى دائرة اهتمامنا أحييكِ على فكرة الموضوع أولا اختى الفاضله مغتربه انا بشكل عام مبحبش ارمى اى شئ وبعشق الاحتفاظ بالاشياء القديمه الخاصه بيا .. خصوصا الاوراق والمستندات والكتب انا بقى على ما أتذكر اقدم وثيقه او مستند محتفظ بيه هو شهادة ميلاد والدى الله يرحمه بتاريخ 1915 وعليها الختم الملكى .. وعلى ما اتذكر انه من مواليد محافظة ((القنال)) .. مكنش فيه على ايامه تقريبا محافظات القناه مستقله بذاتها أقدم صوره بقى محتفظ بيها .. انا برده زى الاخت الفاضله مهندسه.. 99 % من صورى ايام الطفوله والصبا ذهبت مع الريح :closedeyes: .. فيه صورتين تبقوا ليا وانا عندى حوالى اربع سنين ودول مع والدتى ربنا يمتعها بالصحه .. اما اقدم صوره معايا حاليا .. شايلها فى محفظتى .. وهى صورة اول بطاقه اطلعها .. كان عندى 16 سنه .. وأى حد يشوفهاحاليا ميصدقش انى كان شكلى كده :unsure: .. انا ذات نفسى مستغرب نفسى :blush2: اقدم كتاب عندى هو كتاب النظرات للمنفلوطى(( طبعة 1905 )) بس بالامانه الطباعه فيه روعه وجودة الورق ممتازه .. الكتاب ده معايا من سنة 2000 .. لاقيته بالصدفه فى محل والد زميل ليا فى الجامعه .. وعرضت على والده انى اشتريه .. ودفعت فيه يوميها خمسه جنيه smk: ووالد زميلى كان فرحان اوى انه لاقى الزبون السوئع ده اللى يشترى الكتاب ده اللى فى نظره ملوض قيمه أقدم حذاء عندى ((ولامؤاخذه)) من حوالى 8 سنين وهو حذاء ماركة ((كلاركس)) الماركة المفضله لى دائما وابدا .. الحذاء فى شقتى بمصر ومازال بحاله جيده جدا ..ومازلت استعمله كلما انزل مصر ويقبع معززا مكرما فى المرفأ الخاص باسطول احذيتى فى بلكونة الشقه :) بالنسبه بقى للملابس ف للاسف خلال السنتين اللى فاتوا انا وزنى زاد واضطريت للتخلص من كثير من ملابسى ..والتى كانت شاهده على ايام النحافة الشديده الجميله :happy: .. والتى كنت فيها مضرب للمثل بين أقرانى :blink: ممكن يكون فيه حاجات تانيه قديمه .. بس ده اللى اسعفتنى به ذاكرتى حاليا شكرا مره تانيه على الطرح اللذيذ

ماركس اند سبينسر و ستاربكس و غيرهم من المشاريع المعروف انها بتقدم دعم لاسرائيل موجوده فى مصر لكن برضه موجود فى مصر استثمارات بيملكها اسرائيليين مباشرا و برضه بيوجد فى مصر استثمارات لسلع بتتصنع فى مصر لكن بيتحط عليها فى الاخر ليبل صنع فى اسرائيل الثلاث انواع ضاره لكن انا شايفه ان مقاطعه او مكافحه النوعين التانيين المباشريين اهم و ابدى قبل ما ندور على النوع الاول الغير مباشر دى وجهه نظرى تحياتى

أ.عادل , تحياتي سيدي الفاضل هذا هو النص كاملاً , فنحن لا نأخذ بمبدأ لا تقربوا الصلاة ونسكت ( واكتب لنا في هذه الدنيا حسنة وفي الآخرة إنا هدنا إليك قال عذابي أصيب به من أشاء ورحمتي وسعت كل شيء فسأكتبها للذين يتقون ويؤتون الزكاة والذين هم بآياتنا يؤمنون ( 156 ) الذين يتبعون الرسول النبي الأمي الذي يجدونه مكتوبا عندهم في التوراة والإنجيل يأمرهم بالمعروف وينهاهم عن المنكر ويحل لهم الطيبات ويحرم عليهم الخبائث ويضع عنهم إصرهم والأغلال التي كانت عليهم فالذين آمنوا به وعزروه ونصروه واتبعوا النور الذي أنزل معه أولئك هم المفلحون . والنص لا يتعارض مع ما ذكرنا سابقاً بل هو يؤيده وممكن لسعادتك ان تضغط عليه لتقرأ التفسير كاملاً, ومن نحن , نحن مسلمون موحدون , مجتهدين في اتباع تعاليم الله ورسوله صلي الله عليه وسلم وايضاح بعض الحقائق ان كنا نملك ذلك او جاز لنا ذلك. مع تحياتي

الحقيقة أنا مش فاهم إحنا بنتناقش على أيه إللي حصل ملوش أي تسمية أخرى إسمه فوضى .. وبلطجة .. وإجرام .. مش معقول كل واحد عايز حاجة .. حتى لو كانت حقه .. إنه يعملها .. حتى لو بالقوة .. القوة هي فقط من حق السلطة .. ويجب إستخدامها بحق .. وحزم .. وبدون تهاون .. وإلا أصبحت فوضى .. هذا ما جناه المصريين على أمتهم .. بعد أن زرعوا التشكيك في كل مؤسسات الدولة .. المسلمين .. والمسيحيين .. كليهما قام بفعل ذلك .. وبمنتهى الوضوح وقد كتبت وكتب العديد من الأخوة من قبل .. محذرين من هذا التشكيك المستمر عمال على بطال في السلطة المصرية .. مهما اختلفنا معها .. فاليوم نحن في حاجتها لضبط الدولة وأمنها .. أما حكاية صعايدة .. وإن دول شباب متطوع .. وإنهم غضبوا .. وكل الكلام ده .. هو كلام فارغ .. وتضييع للوقت .. ولي للحقائق .. واضح أن المصريين أصبحوا غارقين في العنف والتخلف الفكري .. سواء كانوا مسلمين أو مسيحيين .. وأصبحنا متطرفين جداً .... في تفكيرنا وأفعالنا .. وتصرفاتنا .. يجب أن تكون للدولة المصرية مواقف قوية وحازمة .. ورادعة لعدم تكرار ماحدث

شقيق مايكل جاكسون نفسه حسم الجدل قائلا ان مايكل كان قاب قوسين او ادنى من ان يسلم و لكنه لم يسلم هذه عباراته تحديدا اما عن مايكل نفسه فهو بين يدى الله الان و الاعلم بعمله و هو الوحيد الذى يعلم ان كان سيغفر له ام لا الاغنيه ليست لمايكل جاكسون بل لمغنى صوته قريب من صوته اسمه عرفان مكى او irfan mikki واسمها waiting for a call و هى صادره من سبع سنين تقريبا لكن يظهر ان الاخ الى حط التسجيل على اليوتيوب كان خياله واسع حبتين فراح مؤلف الكلام الى كتبه فى مقدمه الكليب تحياتى :clappingrose:

[u] خبر هام لكل راغبى السفر إلى السعوديه [/u] أخوانى نظرا للتدهور الشديد فى النواحى الأقتصاديه فى مصر يتسابق ملايين الشباب للسفر للدول العربيه وخصوصا السعوديه لكى يفتحوا لهم أبواب رزق جديده وللهروب من الوضع المأساوى فى مصر ولذلك قامت الشركات السعوديه بتقليل رواتب المصريين الراغبين فى القدوم حديثا فى كل المجالات نظرا لهذا السبب ولأسباب أخرى وليس الشركات فقط بل المصريين إيضا قللوا من أنفسهم وقيمتهم الحقيقيه التى يستحقونها ولذلك فكرت فى عمل بحث صغير جدا فى حدود وقت فراغى وأتمنى من كل شخص يقرأ هذا الموضوع أن ينشره لكل صديق أو قريب أو يتم نشر الموضوع فى كافة المنتديات حتى يصل لأكبر قدر من راغبى السفر للسعوديه . أيضا أرجوا من لديه مثال واقعى يكشف ما سيتم سرده بعد ذلك من أوضاع أن يكمل معنا الموضوع بوضعه وأرساله لكل راغبى السفر للسعوديه دعونى أولا أوضح بعض النقاط 1- أقل مبلغ مطلوب شهريا لمستوى معيشى متوسط لفرد واحد الأكل - فى أضيق الأحوال 20 ريال يوميا (فطار – غداء – عشاء) المياه - فى أضيق الأحوال 20 ريال شهريا ( 4 قاروره) سجاير - فى أضيق الأحوال 3 ريال يوميا (العلبه تقريبا 5 ريال) أخرى - فى أضيق الأحوال 200 ريال شهريا (علاج – موبايل - خروج – ملبس – ألخ......) أذا المجموع الكلى تقريبا 900 ريال شهريا لشخص مدخن وتقريبا 800 ريال لشخص غير مدخن مع العلم أنه يمكن أن تكون هناك مصاريف أخرى يمكن حدوثها ولكنى لم أذكرها لأختلافها من شخص لأخر أيضا هذه المصاريف لشخص عادى مش(أكيل- فييس) يعنى 2- السكن والأنتقالات لو الشركه موفراهم مفيش مشكله أما أذا كان الأجابه بلا فأليك هذه المعلومات السكن لو الشركه هتوفرالسكن و بدون أثاث أذا ستحتاج (سرير – دولاب - غساله – ثلاجه – بوتجاز – مكوه – حاجات المطبخ – وخلافه ) لو هتشترى عفش جديد هيكون فى حدود 4000- 6000 ريال أما لو مستعمل هيكون فى حدود 2500- 3500 ريال كل ده بدون تكييف وهيكون فى حدود 1500 ريال أذا كان غير موجود لكل غرفه بالطبع اما لو الشركه مش هتوفرالسكن فهيكون أيجار سكن عازب غرفه وصاله ومطبخ فى حدود 10000 ريال فى السنه لو السكن مشترك هيكون فى حدود 500 ريال شهريا وهذه معلومات فى حالة طلبك بدل سكن مناسب الأنتقالات فى المملكه مفيش مواصلات عامه ألا باص صغير يأتى من حين لأخر على إستحياء ولا يمكن الإعتماد عليه ولذلك ستركب تاكسى وأقل مبلغ ستدفعه 20 ريال للمشوار الواحد ولذلك يمكنك حساب ما تحتاج من بدل الإنتقالات بعد سرد ما سبق وبدون إطاله أذا كان السكن مؤثث ومكيف والإنتقالات على الشركه فيمكن للفرد أن يحتاج إلى 1100- 1300 ريال شهريا أما أذا كان العكس فسيحتاج الفرد إلى 1800 – 2200 ريال شهريا ولذلك بعد بحث طويل مع كل الأفراد والأصدقاء أستطيع أن أضع تصور عقلانى للرواتب التى من المفترض إلا يأتى أحد من مصر أقل منها وأناشد أخوانى قدر المستطاع نشر هذه المعلومات نظراُ لأهميتها القصوى ملحوظه :- 1- كل الرواتب التى سأسردها لحديثى التخرج أو لخبره سنتان على الأكثر 2- الرواتب المذكوره بدون بدل سكن أو إنتقال 3- الرواتب المذكوره بدون تأمين صحى الرواتب الواقعيه والمفروض أن لا تقل عن ذلك المهندسين بمختلف مجالاتهم من 5500 – 7000 ريال سعودى المساحين بمختلف مجالاتهم من 4000 – 5000 ريال سعودى الصيادله بمختلف مجالاتهم من 4500 – 6000 ريال سعودى الأطباء بمختلف مجالاتهم من 5500 – 7000 ريال سعودى المدرسين بمختلف مجالاتهم من 3000 – 4000 ريال سعودى العماله بمختلف مجالاتهم من 2500 – 4000 ريال سعودى المحاسبين والسكرتاريه والمناديب بمختلف مجالاتهم من 3000 – 4000 ريال سعودى رواتب مضحكه من كثرة البكاء عليها وهى حقيقيه والأمثله كثيره محاسبين على 1200 ريال مهندسين على 1800 ريال أطباء على 2500 ريال مدرسين على 1500 ريال سائقين على 1100 ريال عماله على 700 ريال الأشياء اللازم توفيرها فى أى عقد لأى مهنه 1- لابد أن يحتوى العقد على شهر أجازه كل سنه مدفوع الأجر وشامل تذاكر الطيران ذهاب وإياب 2- لابد من توفير التأمين الصحى لك وللأسره 3- توجدة خدعه أسمها تقسيم قيمة الراتب إلى أساسى صغير جدا وبدلات ثم تفاجئ بخصم البدلات بعد القدوم لأى سبب 4- بعض الشركات تطلب دفع تذكرة القدوم وتوعد بدفع القيمه عند المجئ ولا تدفع بالطبع فيمكنك طلب التذكره وأنت فى مصر وبسهوله يتم إرسالها لك فى حالة جديتهم فى الطلب 5-مرفوض تماما السفر البرى من وإلى المملكه معلومات للعلم فقط وليس الحصره على المصريين 1- المهندس الهندى حديث التخرج يرفض القدوم أقل من 6000 ريال وتوفير كل شىء مشروح سابقا 2-المحاسبين الأردنين والفليسطينين والهنود لايأتو أقل من 3000 ريال وتوفير كل شىء مشروح سابقا 3-رواتب السورى واللبنانى والهندى والفلسطينى أكبر من المصرى والسبب فى المصرى نفسه لأنه أكثر كفاءه وعلم وتعليم منهم جميعا ولكن ينقصه البحث والحصول على المعلومات قبل إتخاذ القرار ولذلك أرجوا أن يستفيد كل من يقرأ هذا الملف ويرسله لأكبر عدد ممكن من المصريين فى كل مكان

هذا الموضوع كان وصلنى على إيميلى منذ أكثر من سنة واعتقد انه قد آن الآوان لمناقشة المعلومات الواردة به , نسمع كثيرا ومرارا ان الدولة تعارض بناء دور العبادة للمسيحيين وتضيق عليهم وهم لا يملكون الأماكن الكافية لآداء صلواتهم , تعالوا معي ولنشاهد سوياً محتويات هذا البريد والمعلومات الواردة به. كثيراً ما يشكو المسيحيين من تضييق الدولة عليهم فى مساحات الكنائس و الأديرة، فهل هذا صحيح؟ هل يحتاج مسيحوا مصر كل هذه المساحات الضخمة ؟ هذا بحث بسيط بالأرقام حول تلك النقطة ملاحظة الفدان الواحد = 24 قيراط = 60 متر * 70 متر = 4200 متر مربع الفدان الواحد = 0.0042 كم مربع دير أبوفانا المساحة 600 فدان مساحة دولة الفاتيكان = 0.44 كم مربع مساحة المسجد الحرام بمكة = 0.356 كم مربع مساحة المسجد الأقصى = 0.144 كم مربع مساحة الأزهر الشريف = 0.012 كم مربع يتسع المسجد الحرام بمكة لعدد 773000 مصلى و مساحته الإجمالية 356000 متر مربع و عليه يكون نصيب المصلى الواحد من المساحة 0.46 متر مربع أى ما يعادل هذا المستطيل إذا فرضنا أن المصلى المسيحى يحتاج لنفس المساحة التى يحتاجها المسلم (0.46 متر مربع) فإن دير أبوفانا مساحتها 600 فدان أى 2520000 متر مربع و بذلك تكفى 5478261 شخص لكى يصلوا فيها (حوالى 5.5 مليون مصلى). هذا العدد يفوق عدد المسيحيين فى مصر حسب التقديرات الدولية المحايدة يتبع v v v مع تحياتي

في جميع نشرات الأخبار سواء في الراديو أو في نشرات "قطاع الأخبار" أو حتى ما يسمى بقناة النيل للأخبار نجد النشرة تبدأ باستقبالات السيد الرئيس ، حتى لو بالنشرة أخبار عالمية أكثر إثارة وسخونة.. لا نقصد الإساءة لشخص الرئيس هنا ، لكن ألم يجد الإعلامجيون في تلك القطاعات طريقة أفضل من ذلك وأقل ابتذالاً لإثبات ولائهم للسيد الرئيس؟ .. بلاش دي .. لماذا يتصدر خبر "استقبال" و "محادثات" حتى مع مسئولين من دول لا تملك ثقلاً سياسياً نشرات الأخبار؟ خلص الكلام

المسلم وغير المسلم هم كلهم خلق الله ، لم يمنع الله رزقه عن أى من خلقه المؤمن منهم والكافر فهل نتحكم نحن فى رحمة الله ونحدد من تجوز له الرحمة ومن نمسك عنه رحمة الله؟ فلندع مالله لله ولانتدخل نحن فى علم الله ، او فى مشيئته. أن يرد الله به رحمة فلن يغير دعائنا بعدم الرحمة من مشيئة الله وإن يرد الله به عذابا فلن يغير دعائنا له بالعذاب او اللعنة شيئا من مشيئة الله. وعن نفسى فلن أبخل بالدعاء بالرحمة للحى والميت مسلما وغير مسلم ، علها تكون فى ميزان حسانتى .

السلام عليكم و رحمة الله و بركاته مبارك الوصول.....هتكتشفي انك في هذا المرفأ ستصلين لشواطيء اخري لم تحلمي بها من قبل افردي الشراع....و خلي المركب بتاعك دايما منين ما تاخده الريح....و هتكتشفي ارضا خصبة جدا لو حطيتي قدامك...انك بتبحري في عالم انساني....و مجدافك فيه اللغة....هتنقلي سريعا حيث لم تحلمي يوما دعائي لكي بكل التوفيق و هتيجي الحتة دي تاني....و تحكيلنا عن الشاطيء الجديد

لا تجادل الأحمق .. فقد يخطئ الناس في التفريق بينكما.

مش عارف ليه كل الموضوعات دلوقتي لازم تنقلب "صراع فكري" بين المسلمين و المسيحين دي ظاهرة مش صحية خالص و بتبين تعصبنا جميعا(مسلمين و مسيحين علي السواء) علي الرغم من كل ما نحاول ان نظهرة في ردودنامن سماحة و الله عمري ما كرهت شخص مسيحي و دايما لما بلاقي فيهم شخصيات كويسة بدعيلهم بالهداية اخلص اصدقائي كانوا مسيحين و كنت دايما بقول لهم اسرار اصحابي المسلمين ما يعرفوهاش و هما كمان كانوا بيعملوا كده كمان كل ما في الامر ان ديني له تشريعات يجب ان نتلزم بها حتي لو كان الاخوة المسيحين مش موافقين عليها انا افتكر ان اصحابي المسيحين كانوا بيرفضوا ياكلوا قدامي في رمضان علشان ما يزعلونيش يا ريت تبقي دي الروح اللي بينا في المحاوارات لانها فعلا مش ناقصة دنجل

أتمنى لو استطعنا التأمل طويلا .. طويلا جدا .. في تلك العبارة .. فهي تلخّص كل شيء .. لكننا لا نتعظ .. أبدا .. سنعود دوما لتخوين الشرطة .. والقضاء .. والتهكم على كل صغير وكبير في الجهاز التنفيذي بالدولة .. وتسفيه كل مؤسساتها .. وسندعوا حثيثا على العصيان المدني .. والخروج على النظام .. انعدمت عندنا ثقافة النضج .. تماما .. فلنذق مر ما تزرعه أيدينا .. وإن كان هذا مرا .. فسنجني ما هو أمّر منه قريبا طالما دؤبنا على تسفيه الجهاز التنفيذي ودعَوْنا للخروج عليه .. ولست آسفا عليكم عندها .. مش للدرجة دى يا استاذ MaYousof اى جهاز تنفيذى حضرتك بتكلم عليه اللى بيضربنى وبيهينى ومبعرفش اخد حقى من اقل عسكرى فيه الجهاز التنفيذى اللى شعاره اللى ليه ظهر ما ينضربش على بطنه الجهاز التنفيذى الفاشل اللى تدعهمه مؤسسات فى غاية الفشل عن نفسى يمكن زمان كنت - فى مرحلة الشباب كان هناك ثقة فى ان هناك جهة ما مازلت تمسك بخيوط امن البلد وانها تعمل وفقط بصدق لحماية البلد انما اتضح انه كل الجهات تعمل وبدون كلل فقط لحماية الزعيم وحاشيته وانه يا سعده ويا هناه اللى يبقى من الدائرة المحظوظة دى وياهوانه اللى يبقى من المغضوب عليهم يا سيدى الفاضل صدقنى لو قلت لك انا لا اثق بوجود اى سلطة او نظام مستقل فى مصر كلها انظمه أو اجهزة مدارة امنيا بخيوط فى يد السيد ولى النعم سيدى الفاضل اليوم 26 يوم الغضب ... انتظر لترى كيف تتعامل السلطة مع الناس ... طبعا الناس دى لا فرق بين مسلم او مسيحى ولا ولد او بنت ولا رجل كبير او شاب بالمناسبة كمان ممكن تتفرج على اللى حيحصل فى الإنتخابات وبعدها نتكلم هل هناك سلطة ام سلطة خضار ؟ تحياتى

الحرم المكي مفيش حوليه سور , وسواء الحرم المكي او النبوي او الأزهر فحضرتك جرب تروح وادخل واتحداك لو حد وقفك وتحقق من هويتك وسألك انت داخل ليه زي ما بيحصل لما تيجي تدخل الدير, ومثال الشيخ الشعراوي في غير محله , هناك فرق بين دار العبادة اللى المفترض تكون مفتوحة للجميع بدون قيود وبين الاملاك الشخصية لفرد عندك حق , نصاري وليس نصرانيين وبرضه سبق وقلت ان كلمة مسيحي خطأ هي الأخري ولا داعي لذكر السبب. وهل توفير العمل والزراعة والعلاج من مهام دور العبادة والا من مهام الدولة , والا الدير دولة داخل الدولة , مش فاهم. برضه ارجع واقولك الحاجات دي مش مهمة دور العبادة , ده دور الدولة وواجبها وعاوز تقنعني ان بعض الاطباء والمهندسين يقدروا يجمعوا من بعض هذه المبالغ التى تعدت 100 مليون جنيه , وهل هما تبرعوا بيها لوجه الله والا مستفدين من ارباح تلك المشروعات , مش معقول يعني ان انا اشتغل 20 او 30 سنة من عمري واجمع مليون او اثنين واروح اتبرع بيهم لله كده احنا في الاول او الآخر بشر ولسنا ملائكة. فكرة النسبة والتناسب انا مقتنع بيها وياريت نطبقها , وياريت كانت الكنيسة بدل ما كانت اخذت كل تلك المساحات ولا تستفيد بها , كانت وفرت تلك الأموال ودورت على الاماكن اللى فيها كثافة من النصاري وبنت في كل منطقة كنيسة , كان افضل واحسن. ياريت تقول الكلام ده لمايكل منير وزكريا بطرس فائدته قراءة الحقائق والوقائع ومناقشتها باسلوب هادئ ومحترم , ما ينفعش تكون كل تلك المساحات للنصاري وكل تلك التسهيلات ونلاقي من يخرج يردد نغمة الإضطهاد وليه ليه الدولة بتعمل فينا كده , انا شخصيا بفرح لما الاقي في مصر حد واخد حقه لكن اللى بيزعلنى انه بعد ما ياخد حقه وزيادة يقعد يعيط ويقولك فين حقي , انا عاوز حقي زي اخويا وهو واخد اكثر من اخوه الاف المرات وهو عارف كده كويس, دي المصيبة الكبري وده السبب لفتح الموضوع. مع تحياتي

أخي الفاضل تحياتي لك خلينى ارد على كلامك نقطة نقطة وكلمة كلمة ابدأ بالكلام اللى حضرتك ذكرته فوق ده , وانكم لا تشتكوا الا لله , طيب كويس , حضرتك سمعت الفيديو الأول والسيدة تستنجد فيه بمس مريم , والحقينا يا مس مريم , وانجدينا يا مس مريم , كان الاولى بها ان تستنجد بالله زي ما ذكرت , ثانياً اللى عملوه شباب النصاري من تدمير وتخريب هل هو استنجاد بالله برضه والا انت شايفه ايه. كلمة قبطي تعني مصري , فما ينفعش اقول عليك مصري مصري , انت نصراني مصري ,وانا مسلم مصري, لان كلمة مسيحي خطأ برضه ولاداعي لذكر السبب حتى لا ندخل في جدال خارج الموضوع . لو الدولة بتضيق عليكم ما كنش هيكون للأديرة كل تلك المساحات الشاسعة , وعاوز تفهمنى ان الدير لا يحتوي على كنيسة , دير البراموس يا سيدي الفاضل يحتوي 7 كنائس وليس واحدة , حضرتك ممكن تاخد الناس وتروح مفيش مشكلة, ومش انا اللى قلت وضعت يد , البابا شنودة هو اللى ذكر في الفيديو اللى واضح انك ما شفتوش كيف يتم وضع اليد وكيف تكون سر المهنة. كان ممكن بدل الملايين اللى اتصرفوا على مشروعات تربية الابقار والأسماك , انكوا تصرفوها لتجهيز الدير لإستقبال تلك الأعداد وده اللى بيعملوه اخواننا في المملكة , لا يقيموا مشروعات ابقار والبان واسماك تابعة للحرم ولكنهم منشغلين وفقط بتوسعاته وتجهيزاته لاستقبال العابدين , لان ده دور دار العبادة الحقيقي. اجبلك انا يا باشا التعداد ولا تزعل نفسك , ومش تعداد حكومي علشان الحكومة كوخه ومفيش حد بيصدقها , ينفع تعداد السي اي ايه الأمريكية واللى انتوا بتقتنعوا بيها في كل شئ , حسب تقديرات السي اى ايه ده تعداد النصاري Muslim (mostly Sunni) 90%, Coptic 9%, other Christian 1% رابط الخبر يعني 9% لو افترضنا ان مصر 100 مليون يبقي انتوا التعداد بتاعكم 9 مليون بس و مليون للنصاري اصحاب الملل الأخري مثل الكاثوليك والبروتوستنت و يبقي تعداد المسلمين 90 مليون. يتيع v v v تقبل تحياتي

تعليق على الفيديو الاول هو الستات ايه اللي موديهم المبنى دا و من يومين كمان و بعدين بتقولها انتوا جيبتوا المعدات و ابتديتوا البناء تاني هو الستات اليومين دول بيشتغلوا في الفاعل يا اغابي؟؟؟؟؟؟؟؟؟؟؟؟؟؟؟ ايه دا مش عارفه يا اغابي حسستني اني مش من مصر يا اغابي يا بنتي انا كنت باشتغل في اول كنيسة تم بناءها في مصر لمدة 3 سنين متواصل و كانوا بيبنوا ملحق للكنسية كنت باشوفه زي ما انا شايفة اللاب توب اللي باكتبلك منه كده المبني انجز في وقت قصير و على اعلى طراز معماري و كنت باشوف العمال و هما بيبنوه لا شوفت بقى جهوذ ذاتية و لا ستات تسيب بيوتها و تبات في المبنى لحد ما يتنبي و لا اي حاجه من التصوير اللي حضرتك بتقوليه دا والله ياجماعة دمعت عيناى و انا ارى و اسمع ماحدث - أسوء الامور ان تكون نزاعاتنا على اساس دينى أو عرقى حيث تسود العصبية و تعمى القلوب و الابصار كانت معنا أغابى من أيام عزيزة على الكل و الان فى موقع دفاع و هجوم - الشعب واحد و الهم واحد و القلب واحد سبحان الله - ربنا يحمى بلدنا من كل شر

أغابي .. إنتي بتغالطي نفسك ... دي مش كنيسة أساساً ... ومش مسموح بإقامة الصلاة ولا القداس فيها ... أما إذا أنقدتي وراء رجال الكنيسة إنقياد أعمى بدون إعمال العقل ... فيبقى على الدنيا السلامة .... وأظن شوفتي تصريحات الأنبا بشوي الأخيرة واللي ولع فيها الدنيا .... فهل هو عشان راجل دين يبقى أصدق إن المسحيين هما أصحاب البلد وإن المسلمين ضيوف ؟ وهل عشان البابا شنودة رجل دين رفيع المستوى .. يبقى أنقاد وراءه وأرشح الرئيس مبارك بدون تفكير زي ما صرح الإنتخابات الماضية إنه هايرشحه ... وطلع الأنبا بسنتي يقول : إذا كان البابا شنوده قال كده يبقى سنتبعه !!!!!!!!!!!!!!! يا سلام ؟؟؟؟؟؟ ده إيه التنويم المغناطيسي ده أيوه أيوه سامعك وإنتي بتقولي : وإنت مالك ... ننقاد إنقياد اعمى أو إنقياد بعين واحده إحنا حُرين ؟؟؟ اقول لك : إن ده مالي ونُص لما يتعلق الأمر بمصر .. أما لو تعلق الامر بشأن مسيحي عقائدي بحت .. يبقى فعلاً أنا مالي ونص كمان لكن مما لا شك فيه إن تلك الاحداث جاءت على هوا جميع رجال الكنيسة وعلى رأسهم البابا شنودة .. ومما لاشك فيه أيضاً إن تخاذل وميوعة رد فعل رجال الكنيسة على البلطجة سوف تخلق رد فعل أعنف من المسلمين .... ولن تكون المواجهة القادمة بين المسحيين والأمن فقط .... وهو ربنا ما بيغضب من البلطجة والخروج على القانون يا قداسة البابا ؟

كانت طفلته تفترش الارض وحولها الاوراق والالوان قبلها .. ثم جلس الى جوارهاوسالها ماذا ترسمين؟ فقالت انها ترسم (عريس وعروسه)يجلسان فى الكوشه سالها عن اسمائهم فقالت: بابا وماما.. واندهشت لانه لم يعرفهما !! تامل الرسم مجددا وتفحص الخطوط المرتعشه بكل ما فيها من سذاجه ثم قال لها جميل,, لكن لماذا لا تبدو على وجهيهما الفرحه ؟ اخذت الطفاه الورقه وتاملتها مجددا وغابت .. ثم رجعت قائله: انا خليتهم فرحانين ..تامل التعديل الذى حدث فوجد طفلته رسمت العريس والعروس وقد امسك كل منهما بخييط طويل فى نهايته بالونه ملونه !!! - صباح البراءة....عمر طاهر-

السلام عليكم ورحمه الله وبركاته هى صرخات من كثرتها لا اعرف من اين تأتى هل من الشيشان او من كشمير ام من الصومال ام من فلسطين ما اكثر جراحنا اسمعوا لهذه الصرخات فهى تحكى قصصا وحكايات عن وطن مسلوب واشلاء تتناثر وعالم صامت http://www.youtube.com/watch?v=xVMGOWuVBAw&feature=related

فلابد أن تكون الكلمات بزمن المضارع و يجب أن تكون مؤكدة و لا تحتوي على ألفاظ النفي و لابد أن نلغي كلمة محاولة من قاموس حياتنا بل تفكير و عزم و إصرار على الفعل نية حقيقية و ليس تمني اعزم بقول بإذن الله كلام زى الفـُل .. موافق عليه أما الجملة دى أمممممممممممم .. ربنا يستر والموضوع ما يتغيرش مساره تانى :) اولا يافندم ماندعيش ان حاجة ما تحصلش لأ ندعي ان عكسها يحصل يعني ما ندعيش ان الموضوع مساره ما يتغيرش لأ ندعي انه يفضل في مساره و ثانيا : ما احنا قلنا يا فندم نقول بإذن الله لأن فيها عزم على عمل الشيء و في نفس الوقت تأدب مع الله تعالى أن لا شيء يحدث دون إذنه لكن كلمة ( إن ) في عبارة " إن شاء الله" تفيد الشرط و لا تفيد أي نية أو عزم و لكن معناها إذا شاء ربنا و استعمال الكلمة دي عندنا في مصر بالتحديد معناها ابقى قابلني لما يحصل ;) و يوافقها " أبشر" بالسعودي :closedeyes: يللا يا ساري اديني بأجذبك للموضوع اهو

السلام عليكم ورحمة الله وبركاته ،، تحية طيبة .. :hi: لا ادري ان كان قد سبقني لهذه الفكرة احد .. لكنها خطرت ببالي وجدت نفسي افكر بان استفيد من برنامج صانع الافلام .. :glare: و فكرت بان اعبر بابسط طريقة عن امتناني لبعض الاعضاء الافاضل الذين تعلمت واستمتعت بمحاوراتهم او مراقبة ردودهم flrt: وفكرت بأن استغل مواهبي الاخراجية فكان هذا العمل .. الذي ارجو ان لا تبخلوا عليه بالتعليق هو فيلم يحكي عن .. ما تيجي نشوووف ؟ http://www.youtube.com/watch?v=Rekg79EiFNo ونعدكم بافلام قادمة ان حاز على رضاكم .. tv_: مشاهدة ممتعة rs:

السلام عليكم ورحمة الله وبركاته ،، كما وعدتكم هذا هو الجزء الثاني من فيلم شخصيات من محاورات المصريين smk: ارجو ان ينال اعجابكم وتقديركم .. اكتفي بهذا الوصف .. واترك لكم المشاهدة والتعليق .. ولا تنسوا مع الساري .. مش ح تقدر تغمض عينيك ;) هذه المرة الفيلم يحكي عن .. ما تيجوا نشوووووف ؟؟؟ http://www.youtube.com/watch?v=tJUULjwD8Yc وقتاً طيبا ارجوه لكم bnd5::

لاتحزن يا عزيزى لا يعرف سكندرى واحد حديقة الشلالات بغير اسمها بالضبط زى شارع "ابو قير" .. أيام عبد الناصر غيروا اسمه إلى "طريق الحرية" .. وبعد وفاته غيروا اسمه إلى "طريق جمال عبد الناصر" .. ومازال السكندريون يسمونه شارع "أبو قير" .. لم يثبت اسم جمال عبد الناصر إلا على الجزء الأخير منه الذى استجد بعد وفاته بين فيكتوريا والمنتزه .. هو الجزء الوحيد الذى يعرفه السكندريون باسم "شارع جمال عبد الناصر" قس على ذلك "شارع شريف" .. قليل جدا من يطلقون عليه اسم "صلاح سالم" .. حتى نقطة الشرطة التى فى تقاطعه مع "شارع فؤاد" لا نعرف لها اسما غير "نقطة شريف" ولا يهمك يا بلدياتى .. ولا يهمك .. نحن أصلب من ذلك non::

[صدقني يا استاذ تونسي عيني انهارت منها الدموع لما قريت كلامك دا بجد خوفت و اترعبت ممكن دا يحصل في مصر يا ريت الموت يكون اسبق من احداث بالشكل دا عذرا أختى الفاضلة ريمو على ما أثاره ذلك السيناريو من شجون بداخلك .. ولكنى لا أخفيكى سرا ..فنفس الشعور بالخوف والرعب الذى أصابك هو نفس الشعور الذى يعترينى حاليا كردة فعل او ((كمحصلة)) للاحداث والاقوال فى نفس الصدد خوفى ورعبى.. واضيف اليهم ألمى و حزنى العميق جدا جدا مرجعيتهم أشير إليها بتلك المقولة الماثورة الخالده ((أللهم احمينى من أصدقائى .. أما أعدائى فانا كفيل بهم)) .. فرغم كل تلك الاحداث والمشاحنات والاحتقانات .. الا اننى لا أتصور فى يوم من الايام أن ياتينا الطعن والغدر ممن نحسبهم إخواننا فى ((لا اله الا الله)).. وممن نحسبهم شركاؤنا وجيراننافى الوطن ((وكم هى عظيمة مكانة الجار فى الاسلام)) ..لكن ..وللاسف.. هناك مؤشرات ..وعلامات ..واشارات.. لا يسهى عنها عقل.. ولا تغفل عنها عين.. ولا يخطئها قلب .. بان هناك شئ غير طبيعى يدبر لمصر غرضه تقسيم مصر او على الاقل احداث بلابل وفتنه طائفيه حقيقيه وقودها الغوغاء والمتطرفين والبسطاء من الجانبين المسلم والمسيحى .. ويشارك فى ذلك التدبير((بجانب الاطراف الخارجيه المعروف نواياها السيئه )) بعض من المغررين الحالمين بدوله قبطيه مستقله((ومازلت متشبث بوصفهم بهذا الوصف ..حتى لا أقع فى إفك التعميم ) استاذي الفاضل اللي لفت نظري في سيناريو حضرتك....الواقعي جدا هي كلمة بتؤرقني جدا و هي "ممنهج.....و منظم" كل المعطيات...بتقول ان فيه سيناريو خطواته مدروسة بدقة جدا....و ليست ارتجالية و لكنه بعيد المدي ابعد مما نتخيل سؤال....؟؟؟ ماذا بعد؟؟؟ مش هتكلم عن اختلاف ديانة بتكلم عن "وطن"....هنعمل ايه؟؟؟ الاخت الفاضله لماضه .. أغبطك على ملاحظتك .. فقد كررت كلمتى ((ممنهج ومنظم)) مرتين فى سياق الحديث بقصد التاكيد على الفكره والمعنى .. وقلت ايضا فى اخر جزء من السيناريو ((التاريخ يعيد نفسه)) إشارة الى الكيفيه التى قامت عليها فكرة انشاء اسرائيل ... والتى من إلهامها..ومن كلام نيافة الانبا شنوده استوحيت هذا السيناريو الخيالى المرعب .. ولكن اطماع اسرائيل الدينيه قد تنتهى عند دمياط بوصفها اقرب محافظه تطل على النيل ..ولكن ماذا عن .. ... .. ..!!!!مش عايز أكتب اكتر من كده اما عن سؤالك حنعمل ايه .. فالسيناريوهات المرعبه عماله تتنطط فى خيالى .. ومش جاى فى بالى خالص اى سيناريو كويس .. وكل اما اجى اكتب شئ امسحه .. مش عايز اتشائم ((او لأكون أكثر دقه)) مش عايز أكون واقعى اكتر من اللازم .. وبقول تانى انا اساسا بصنف نفسى كواحد من المعتدلين جدا عند التحدث حول موضوع الفتنه الطائفيه ..بل انى مش بحب اساسا اتكلم او اتناقش حوله .. لكن بصراحه أحداث كنيسة العمرانيه والموضوع ده بتاع الاديره .. واخير كلام نيافة الانبا شنوده ينطقوا الحجر ويخللى الاخرس يتكلم ...

أنا معرفش أقول حاجة عن حياتي غير إني مفيش حاجة اتمنيتها أو مااتمنيتهاش في الدنيا دي و إلا و ربنا كرمني بيها بجد و الله و كرم ربنا عليا أد طموحي مثلا بميت مرة على الأقل ... فيه حاجة احسن من كدة .. آه فيه إني أقول الحمد لله من جوة جوة جوة قلبي و أنا مصدقها و مقتنع بيها ... حياتي العملية بدأت من تانية إعدادي إزاي ماعرفش بس دي كان سلو الحتة بتاعتنا الولاد يشتغلوا في الصيف .. مش المشكلة والدك بيشتغل إيه .. المهم تريحهم في البيت منك شوية و تعمل حاجة مفيدة .. في الوقت ده في التمانينات كان إجازة المدراس في الصيف طويلة يمكن 5 شهور يعني بناخد منها 4 لعب و شهر شغل و كان بالنسبة لينا كانه أحلى لعب الغريبة إن والدتي ربنا يخليها و يبارك في عمرها و في صحتها هي اللي كانت بتشجعني على الشغل ووالدي - قصة كفاح - يقولها يا ستي أيامه لسة جاية .. اقعد يابني في البيت و انا هديك اللي هتاخده ف الشغل ... معلومة اليومية كانت خمسين قرش كنت بادهن أبواب نجارة بمادة السلئون .... بالخمسين قرش في الوقت ده كنت مع أصحابي نركب تاكس ونخش السيما و نتعشى و نجيب أي حاجة واحنا مروحين للبيت . معلومة تانية انا ترتيبي في الوسط بين إخواتي ربنا مايحرمني منهم قبلي اتنين و بعدي اتنين أخويا اللي أكبر مني بالنسبة لي عبقري العيلة فعلا .. مهندس على حق و كاتم أسراري و أخويا اللي أصغر مني تجارة انجليزي روشنة و خفة دم ما شاء الله بحس جنبه إني لابس الطربوش . أكملكم بئى .. في تالتة إعدادي الحمد لله طلعت الأول على المدرسة زي الابتدائية و بنظام احترس من القادمين من الخلف معرفش إيه التوفيق ده من عند ربنا .. كنت مع اخواتي تلاتة في اوضة واحدة في الوقت ده و كنا بنذاكر على المكتب بالدور مكنش فيه غير لمبة واحدة في الأوضة .. في ثانوي بدأت أسافر مدينة تانية غير المدينة بتاعتي اشتغلت في مطبعة و بعدين سافرت مطروح برده مع الولاد بتوع الحتة .. الولاد دول على فكرة كان منهم أبطال جمهورية في ألعاب لأن من كرم ربنا علينا إن المنطقة بتاعتنا قريبة اوي من نادي رياضي مشهور و كنا بنلعب كل حاجة من صغرنا حتى السلة و احنا كلنا أوزعة أطول واحد فينا مايجيش متر و ربع الثانوية العامية .. كنت مرتب نفس في الثانوية يا صيدلة يا تجارة ( أكون او لا أكون ) و الحمد لله دخلت تجارة و قضيت اربع سنين في الشمس و الهوا ... كنت باسافر في الصيف أشتغل في شرم الشيخ و دهب .... .. أيون برده مع ولاد حتتي .. عشام تفهموا النظرية احنا كنا بنهاجر أفواج زي البط كدة .. بس كل شوية في بلد في دهب اتعرفت على واحد انجليزي بيشتغل في القاهرة .. كان سبب إني اشتغلت في شركة أمريكية فرعها في مصر في مجال الميديا ... كانت مرحلة جميلة و مهمة جدا بالنسية لي .. بس كانت مشكلتي إني في وسط ناس كلهم AUC و زي ماانتو مش عارفين أخوكم جافرنمنت سكووووول .. يعني مدارس حكومة و افتخرررررررررر .. المهم مشفتش في أي فرصة إني اترقى فيها ... سيبتها واشتغلت في شركة صناعية و الحمد لله بكرمه وحده بئيت مدير إدارة التصدير .. والله ما اعرف إزاي .. بس إنا اتعودت أقول الحمد لله و بس .. حلمي الوحيد كان إني أشوف الكعبة .. تخيلوا و الله جات لي دعوة للسعودية مدفوعة بكامل التكاليف و لمست الكعبة بإيدي و كمان خدت مكافأة بعد ما رجعت .. مش بأقولكم كرم ربنا معايا فوق طموحي و حتى احلامي ... وربنا كرمه زاد عليا وسافرت بلاد اوربية و عربية الحمد لله ... بس اللي مزعلني حاجة واحدة .... إني بسافر لوحدي مش مع ولاد حتتي آسف للإزعاج عادل و الحمد لله ..

لم أكن أعلم من قبل أن الأخوة المسيحيين يبيتون فى كنائس تحت اإنشاء ولم أكن أعلم أن الأخوة المسيحيين رخيصين لهذه الدرجة لدرجة أن رجال الدين يستخدمونهم كدروع بشرية لمخالفة القانون والتصدى لقوات الأمن ولم أكن أعلم أن الأخوة المسيحيين منقادون لكل أمر يأتيهم من رجالات الكنيسة ولايفكرون فى صوابه أو خطأه ولم أكن أعلم أن فى القانون بند يراعى شعور الصعايدة ويطالب قوات الأمن بالطبطبة عليهم قبل تنفيذ أى قرار مفيش فايدة

وبعد أن انتهت جولتنا المبهرة في دولة البراموس ننتقل إلى دولة أكبر تقع جنوب دولة البراموس دير الأنبا بيشوي ودير العذراء السريان بوادي النطرون مساحتهما معا 6 كم مربع وهو ما يساوي مساحة دولة الفاتيكان 14 مرة تقريبا يقع في وادي النطرون على بعد 8 كم من الرست هاوس جهة الجنوب وهما اثنان من الأديرة المتلاصقة المتداخلة أكبرهما دير الأنبا بيشوي ويضم 4 كنائس هي : · كنيسة الأنبا بيشوي · كنيسة الشهيد أبسخيرون القليني · كنيسة الأنبا بنيامين · كنيسة مار جرجس ويضم الدير كذلك قصرا للضيافة تعلوه منارة شاهقة الارتفاع عدة صهاريج عملاقة لمياه الشرب تكفي لتغطية حاجة أحياء بكاملها بالمياه مساحات هائلة من الأراضي مزروعة بالخضر والفاكهة معمل لمنتجات الألبان مزرعة كبيرة للنعام مكتبة حديثة مزودة بتقنيات عالية وأعداد هائلة من الكتب المتنوعة مخبز حديث وورش للنجارة والحدادة ومساكن للعمال عيادة طبية وصيدلية على أعلى مستوى مقر ضخم للمؤتمرات ومقر بابوي داخل الدير للدير مكتبين في القاهرة والاسكندرية "سفارات" تقوم بعرض منتجات الدير وتسويقها وبيعها !!! أما دير العذراء السريان فهو دير صغير ملاصق لدير الانبا بيشوي وهو يشبه الحصن بأسواره العالية التي تعد أعلى أسوار الأديرة جميعا ويبلغ متوسط ارتفاعها 12 مترا ويضم الدير 4 كنائس هي : كنيسة العذراء السريان كنيسة الأربعين كنيسة العذراء المغارة كنيسة رئيس الملائكة ميخائيل كما يحوي الدير قصرا للضيافة ومكتبة ومطبعة يضم الدير كذلك صهريج مياه خرساني عملاق كما تمت زراعة عدد من المزارع خارج أسوار الدير وهي تابعة للدير حاليا وتمت توسعتها بأوامر من شنودة شخصيا ! يذكر أن نظير جيد قد سكن هذا الدير لفترة ولقب حينها بالراهب أنطونيوس السرياني من ممتلكات الدير أيضا عدة عقارات بالقاهرة لاسيما في منطقة درب الجنينة قرب دار البطريركية تبهر حين تنظر من الأعلى إلى دير الأنبا بيشوي ومرافقه المتعددة حيث أنك ترى أمامك مدينة متكاملة تمتد على مدى البصر أسوار الدير العالية والمدعمة والتي تشبه أسوار الحصون مبنى فخم لإحدى كنائس الدير المعده للسمو عن الدنيويات و التفرغ للعبادات !!! صوره من مزرعة النعااام بدير الأمبا بشوي وكما تلاحظون فإن الدير يأخذ الكهرباء عبر أعمدة الإنارة الحكومية شكل الأديرة ببنائها وأسوارها الضخمة وبواباتها العالية والتجهيزات بداخلها من مزارع وبحيرات عذبة ولوحات توليد كهرباء وخلافه وكمية هائلة من الأبنية توحى أنها مصممة لكى تأوى أعداد ضخمة وتصمد طويلا وتعتمد على نفسها بصورة ذاتية لفترة طويلة . ما التفسير ؟ ليه ؟ و علشان إيه ؟ ومن البديهي إن هذه المنشئات الاستثمارية الهائلة تحصل على المياه والكهرباء مجانا من أموال المصريين "بوصفها مؤسسات دينية" و لا تخضع استثماراتها ومكاسبها لأي ضرائب وهي كما قلت بمثابة أقاليم للحكم الذاتي داخل مصر ما شاء الله ربنا يزيد ويبارك ..لكن السؤال الهام جداً الآن و هو الغرض من هذا الإستعراض هنا.. هل بعد كل هذا ..تعتقدون ان النصارى مضطهدون في بناء الكنائس والاديرة في مصر ؟؟؟؟!!!!!!

كنت لسه هضع الفيديو اللى وضعة الاستاذ مصرى أصيل واللى مش عاجبه كلامى يرد على بابا النصارى وميردش عليا أنا مجرد نقلت جزء من كل البلاوى وعندى حاجات كتيييييييييييييير بتدل على البلطجة اللى بتمارسها الكنيسة بالصوت والصورة وعمرى ما أتكلمت بدون دليل دا بالنسبة لسرقة أراضى الدولة اللى هيا بتاعتى وبتاعتك وبتاعتنا كلنا بالنسبة للضرائب أى ضارئب على المساجد .. ما هو دا اللى ناقص .. المساجد دور للعبادة فقط لا فيها مصانع وللا مزارع عشان يبقى عليها ضرائب بعكس الاديرة اللى لا تدفع ضرائب بردوا بماركة وزير المالية النصرانى .. وحتى لو مش هو اللى عفى الاديرة من الضرائب .. مسمعش عنها وعدل الخطأ ليه وللا هو كل دوره فرض الضرائب على الغلابة خلاصة الموضوع فى جملة واحدة الله يرحم عبد الناصر والسادات

فيديو ذو صله بالموضوع http://www.youtube.com/watch?v=9_K5MdHHpQQ&feature=player_embedded

سبب ما يحدث في مصر الكسل و الفساد كسل التجار الصغار و الفساد الذي أطاح بسنسبري بحجة انه يهودي لافساح السوق امام مترو و كارفور الفساد الذي جعل سلاسل فتح الله و سعودي و اولاد رجب و و و يتفقوا على تقسيم الجمهورية لمناطق نفوذ و محدش يفتح في منطقة التاني .. يبقى فين المنافسة؟ و فين اقتصاديات السوق اللي هتتحكم في الأسعار و فين الرقابة

لان التاجر الكبير او الموزع الاساسى بيعمل الاول احتكار للسلع وبالتالى يرتفع سعرها تبعا للعرض والطلب ويتبعه فى ده تاجر التجزئة ونلاقى فى يوم ليلة الاسعار نار والناس بتضطر تشترى بالاسعار الجديدة المفروضة وكل ده لانعدام الضمير والرغبة فى الكسب السريع لكن لو الدولة والاجهزة الرقابية على الاسواق قايمين بواجبهم وشغلهم بما يرضى الله بتطبيق اشد غرامات وعقوبات لهؤلاء واعتبارها قضية امن دولة او اشمالهم بقانون الطوارئ او حتى عمل محكمات عسكرية حتضرب بايد من حديد على الاستغلال ده كله لكنها سياسية مقصودة بدليل رفض تفعيل قانون منع الاحتكار ارضاءا لعز وغيره

السلام عليكم و رحمة الله و بركاته اول مرة بشوف مداخلة حضرتك و بجد يا استاذالبرادعي....بحييك علي كفاحك. في سنك الصغير ده... و خليك موقن ان الشغل ده عبادة متاكدة كمان 5 سنين....حضرتك هتيجي هنا....و هنسمع عنك خبر نجاح اكيد ربنا يوفقك...و يوفق كل شاب مجتهد....بيكافح و يشمر دراعاته و ينزل للدنيا....مش بيستني الدنيا تنادي عليه تحياتي مرة تانية مساااك وش مصري....ملامحه الجدعنة

ملحوظة لطيفة فعلا ... الفكرة أن كل جزء في المصحف المطبوع في المملكة العربية السعودية يأخذ عشرين صفحة تقريبا . فإذا كان الجزء الأول يبدأ في صفحة 2 ، تكون المعادلة لرقم الصفحة التي يبدأ بها الجزء ن هي : 20(ن-1) + 2 لكنها لا تنطبق على الجزء السابع (صفحة 121 بدلا من 122) و هو أطول جزء . كذلك على الجزء الحادي عشر (صفحة 201 بدلا من 202) . كذلك لا تنطبق على المصاحف المطبوعة خارج السعودية مثل طبعة مصحف الحرمين في مصر .

طب المسيحي يا مهندسة لا تجوز عليه الرحمة يعنى لو كان مات مسيحي نقول الله يلعنه مثلا بدل الله يرحمه بمعنى تانى لو مات احد اقاربي لا قدر الله وفتحت توبيك هنا فى المحاورات اعلن االخبر هل افهم من كدا مفيش اى حد حيدخل يقولى الله يرحمه والباقية فى حياتك ؟؟؟؟؟؟؟؟ مجرد استفهام بس مش اكتر لان الجملة ضايقتنى شوية وعتاب الاحباب مش عيب او جايز يا جماعة عندى جهل فى بعض الامور لان معلوماتى بتقول الرحمة تجوز على جميع البشر وربنا يرحم الجميع ويرحمنا برحمته فى انتظار الرد يا مهندستى اغابي طب ليه كده ...حد كان داس لك على طرف ليه كده هو يعنى اى موضوع لازم يتقلب مسلمين و مسيحيين....ده مش نظام حوار ولا كلام وانتى بالخصوص عايشة هنا عشان تاخدى اى موضوع بحساسية وخلاص وقبل كده قلتلك بلاش كل موضوع يتاخد بحساسية

ده -طال عمرك- مجموعة من اعباط المغجر عمالين يتنططوا بقالهم فترة طويلة ويدعوا ان المسلمين يضطهودنهم في مصر وكلام كدب في كدب في كددددددددددددددددددددددددب عدلي أبادير بيقول : انا هعمل في مصر دارفور جديدة ومايكل منير وباقي شلة السفالة الخارجية ومؤخرا عرفوا يتغلغلوا مع مجموعة من المسلمين من ضعاف النفوس لكي يضفوا على سفالاتهم طابع انها طلبات مصرية وليست طائفية ربنا يحرقهم وينتقم منهم ومن كل خاين لمصر و اسف جدا لكل مصري مسلم أو مسيحي شعر باحساس مش لطيف لكن الكلام ده هو المناسب .

طبعا بعد التشكيك فى التحكيم الاجنبى وطبعا تعليق الهزيمة على شماعة التحكيم والرعونة فى الاداء والتسرع ( اتحاد الكورة)...ههههههههههههههههه هناك لغز آخر اثبتوا نفسكم لو جدعان واللغز هو عندنا بيت فيه شخصين واحد كداب لا يقول الا الكذب والاخر صادق لا يقول الا الصدق ....مر عليهم شخص بيسأل على مكان ما ...دق الرجل الباب والمطلوب يسال سؤال واحد بس للشخص اللى هيفتحله ايا كان ......ايه هو السؤال الوحيد اللى ممكن ان يساله الرجل ليصل الى المكان الذى يريده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ورونا شطارتكم

انا من النوعية التى لا تقبل اى كلام ولا يدخل دماغى الا الكلام الموزون كان زمان اللى يتكلم او يفتح بقه يروح ورا الشمس دلوقتى السياسة الجديدة انهم يسيبوا الزبون يكاكى براحته ويتفش بكلمتين وخلاص وبررررررررررده اللى عايزينه بيعملوه واى خدمة فنظام شالوا منى الشاذلى جابوا شاهين ده مش هينفع ---------------------------------- على جنب ..لا مؤاخذة يالماضة لو نيلك يا مصر بقى صلصة مش هايكفى الكوسة اللى فيكى

طب المسيحي يا مهندسة لا تجوز عليه الرحمة يعنى لو كان مات مسيحي نقول الله يلعنه مثلا بدل الله يرحمه بمعنى تانى لو مات احد اقاربي لا قدر الله وفتحت توبيك هنا فى المحاورات اعلن االخبر هل افهم من كدا مفيش اى حد حيدخل يقولى الله يرحمه والباقية فى حياتك ؟؟؟؟؟؟؟؟ مجرد استفهام بس مش اكتر لان الجملة ضايقتنى شوية وعتاب الاحباب مش عيب او جايز يا جماعة عندى جهل فى بعض الامور لان معلوماتى بتقول الرحمة تجوز على جميع البشر وربنا يرحم الجميع ويرحمنا برحمته فى انتظار الرد يا مهندستى اغابي

وهو مايكل جاكسون مات مقتول اساسا؟؟؟

من غير استأذان يا نايت لك الحق فى الرد عنى فى اى موضوع ...فأنت صاحب اراء و حجج قويه و ردودك اكثر دقه و مصداقيه عنى كمان و اشكرك على المرور و الرد. بالعكس - انا دلوقتى مش زعلانة طبعا والا ابقى انسانة جاهلة واذا عرف السبب بطل العجب ولا زعلانة ولا حاجة هو كان استفهام بس مش اكتر شكرا يا نايت مير - لردك وتفسيرك وعلى فكرة - معلوماتى زادت شكرا يا مهندسة - وفعلا ليك الحق وكل الحق -انك تترحمى على مايكل جاكسون اذا كان مات مسلم تحياتى