لوحة القادة

لا يحل لمسلم أن يهجر أخاه فوق ثلاث ليال . يلتقيان فيعرض هذا ويعرض هذا . وخيرهما الذي يبدأ بالسلام روى مسلم عن أبي هريرة - رضي الله عنه - قال: قال رسول الله - صلى الله عليه وسلم -: « تعرض الأعمال في كل اثنين وخميس فيغفر الله لكل امرئ لا يشرك بالله شيئاً إلا امرأً كانت بينه وبين أخيه شحناء، فيقول: اتركوا هذين حتى يصطلحا ». يعني لا يجوز الخصومة بين الأخوة اكتر من 3 ايام طيب لو فيه ناس لسة في بينهم خصومة ، ازاي حيقدروا يكلموا بعض بعد 3 ايام بس ، وممكن يصطلحوا و بعدين تتجدد بينهم الخصومة من جديد ، و تبقي حلقة لا تنتهي من المشاكل سمعت رأي لأحد المشايخ يقول : تجوز الخصومة اذا كان هناك مصلحة لذلك اذا كانت الخصومة دي حتجعل الطرف المخطئ يعيد حساباته من جديد ، و يرتدع و لا يسئ الي اخيه وفي بعض الأحوال الطرف المظلوم قد لا يتحمل مزيد من الأذي وهنا يأتي دور الصلح بين الأخوين و المسلمون مأمورون بالصلح بين الناس ، غالبا اللي بيحصل العكس ان فيه ناس بتزود الخصومة إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ وَاتَّقُوا اللَّهَ لَعَلَّكُمْ تُرْحَمُونَ ) وكمان اذا وجد ناس عايزة تصلح مش بتعرف ، عشان الصلح بين الناس عايز خبرة و ناس تقدر تحكم و تفصل في الخلافات

السلام عليكم و رحمة الله و بركاته استاذي أكرم مستغربة أنا الحقيقة عارف حضرتك ليه؟؟ لأن المفروض لما الواحد بيقطع التذكرة علي مصر بيبقي مبسوط و مزقطط كده أنه هيشوف أهله و يطمن عليهم و يتونس بيهم ليه بقي تخلي الناس تسرق فرحة حضرتك دي...فرحة انك ترجع لأهلك و ناسك و بيتك و ابوك و أمك اللي مش عايزين من حضرتك لا ناقة و لا جمل يمكن الاصدقاء الله يصلح حالهم تعرضوا لمواقف في مصر مش كويسة....بس ايه الفايدة انهم يعمموها يعني يعني خلاص نفضل راكنين بره و كل شوية نبعت فيزا زيارة و نجيب حد من العيلة...لا مينفعشي طبعا هو حضرتك لما هتنزل اكيد هتصادف تغييرات كتيرة....بس يعني مش وحشة أوي طب يعني مش عايز ترمي نفسك في حضن والدتك...و تقولها وحشتيني طب مش عايز تطلع تصلي في كتف والدك في نفس زاوية الجامع اللي علي اخر الشارع طب مش عايز تقعد مع اخواتك وولاد عمك ع السطوح لغاية الفجر...و انتوا قاعدين تكركعوا و تجيبوا في قصص هبلة و عبيطة طب مش عايز تطمن علي اصحابك و تغيظهم و تقولهم اما انا يا ولاد شفت بطيخة في السعودية طالعة بالطول مش كور زي عندنا طب مش عايز تقعد جنب سواق الميكورباص...و تحس انه هيلبس في عمود النور و ع الرغم من كده....مروق دماغه اخر حاجة طب مش عايز برضه و انت في نفس الميكروباص الفوقاني...(اوعي تقوم لسه محطتك مجتشي)...تلاقي التباع بيديلك باقي الاجرة بونبوناية...و لما تستغرب و تفتكر ان احنا رجعنا لعصر المقايضة بقي و هننزل بعدد 7 بيضات و نقايض معاهم سواق السوارس....و لما تعترض بصوت عالي في الميكورباص...هتلاقي الجماهير بتلتحم معاك....و لازم تسمع الجملة الخالدة....إييييييه فين أيام زمان..(اموتو اعرف فين زمان دوت) طب مش عايز تقعد ع القهوة و تطلب كوباية شاي بالنعناع في الكوباية اللي مغسولة من تحت الحوض....بس طعم الحوار في السياسة و الكورة....و التعليم و اسعار الطماطم...و اختفاء الحشيش...كل ده...هينسيك ان اصلا الكوباية فيها سم قاتل طب مش عايز تتمشي كده من البيت لغاية البيت....(يعني من بيت العيلة لبيت حضرتك)....و تلاقي ناس كتير في الشارع و تقول نفسك هي الساعة كام...و تلاقيها....الساعة 3 الفجر و الناس لسه مصهللة لو مش عايز كل ده.....يبقي فعلا بلاش تنزل اجازة خالص و خليكي يا راجل...هو فيه احسن من الغربة...هوا تكييف....قصدي نضيف....و العيال....متخندقين في علب الكبريت....و احنا املين زي الروبوتات....الصبح دوام...و بالليل دوام و ما بينهما محاورات عايز اقول لحضرتك.....اول اجازة...يعني اول لقا ليك مع اهلك بعد طول غيبة...متخليش حد يسرق الفرحة دي و بعدين حضرتك تروح بالسلامة و لما تيجي ابقي احكيلنا بقي...ليه تقدر الضيق قبل لا قدر الله وقوعه....انت ظبط دماغك...انا نازل انبسط...و هتلاقي نفسك انبسطت....و الله حتي في احلك المواقف كنا بنضحك....حتي لما كنا هنتخطف....و كان فيلم هندي....لقينا نفسنا برضه...واخدناه علي مية باردة....اصلها مش مستاهلة حضرتك لسه قاعد....قووم حضر الشنطة...و متنساش الهدايا... مساااااحضرتك....شوق لطلة العينين بعد اول فراق

بالنسبة للمقابلة .......ان معادى النهاردة الاحد 21/11 الساعة 9ونص انا سينجل باعت بالمستوى التامن وخريج 2008 صيدلة اسكندرية جيت بدرى ساعة الاربع لان السكرتيرة قالتى حاول تيجى بدرى نص ساعة عشان اوقات فى ناس بتلغى مقابلاتها فممكن تعمل مقابلتك قبل معادك بنص ساعة ...قعدت مستنى ساعة الاربع . .وعمال ادعى يارب مسيو بول هو اللى ييجى ينده على اسمى ومستنى اشوف طلعته البهية لانى حضرت مقابلات صحابى قبل كده وشوفت مسيو بول ده اربع مرات قبل كده وكمان دانيلا وايمينى كماان ..عشان ما اسيبش سبب الا واكون خدت بيه وبعدين . .اذ فجأة ابص ألاقى مسيو بول هجم فجأة وبينده اسم زميلى التانى اللى كاان قااعد وأظن ان هو روك وممكن يكون لا انا مش متأكد وبعدين لقيت اتنين كانوا طالعين من عند ايمينى ناجحين فاستبشرت خير ......شوية وجت ايمينى وبعدين سلمت بحرارة وانا طبعا( انشنتييه مدام) ... فرصه اكسر حاجز اللغة قبل ما ادخل وبعدين دخلنا اودة المقابلة عادية جدا لابتوب وطابعة ومترجمة مصرية بجينز وتى شيرت ..انا استغربت جدا جينز وتى شيرت .. المهم بدأت ايمينى بالمقدمة المعتادة وبعدين المترجمة ترجمت .. وبعدين الطبيعى الباسبور وبعدين شهادة الجامعة ودخلت فى الخبرة وقلتلها خبرتى 4 سنين ونص مع االعلم انى خريج 2008 يعنى طازة ودى للعلم خبرة حقيقى مش مضروبة سنتين ونص بعد الدراسة وسنتين اثناء الدراسة ..ومن غير تأمينات وكنت محضر ردود مقنعة جدا لكل ده وشهادات الخبرة مختومة من النقابة وتماام وهى قبلت كل ده وقالتلى انا عارفة ان الوضع فى مصر مختلف عن كيبك كتير وعدينا النقطة دى وقلت خيير لكن طلع ان هى لقيمة تخلى النقط اللى فيها كلام فى الاخر وسألت عن خطوات المعادلة وهتشتغل ايه فى كيبك ورديت عليهاوسألت عن العقبات اللى ممكن تقابلنا هناك ورديت عليها .... وعلى ما اظن عجبها مستوايا فى اللغة مع العلم انى باعت تامن وانا حقيقى كويس قالتلى انته اتعلمت الفرنساوى فى اد ايه قلتلها بقالى سنة بتعلمه .. فقالتلى بجد قلتلها ايوه المهم دخلت على الانجليزى وقالتلى كلمنى عن مدينة الاسكندرية وعن المدينة اللى انته اتولدت فيها وكلمتها ودحكت معاها فى المقابلة دى اكتر من مرة .... وخلاص طلعت اقرار عمل المعادلة بتاع كيبك وقالتلى امضى وتمام ....وقلت خلاص ومرة واحدة لقيتها بتقللى هى الخبرة دى كانت دوام كامل ولا جزئى رديت عليها لان بعضه كان كامل وبعضه لا ...شوية وراحت مشاورة على الست شهور خبرة فى الدعاية ما بين كل الخبرة اللى فى الصيدليات وقالتلى طب فين التأمينات بتاعت دوول قلتلها شركة صغيرة وقعدت فيها ست شهور بس قالتلى كل زمايلك جايبين تامينات مع الدعاية طلعتلها كارنيهات الشغل عشان اثبتلها ده ...لكن مفيش فايدة .... قعدت اقلها طب اعترفى باللى بعد الدراسة وسيبى اللى اثناء الدراسة تقوللى لا طب انا ليا زمايلى دخلوا من غير تامينات ونجحوا تقوللى كل واحد وليه وضع خاص بيه امال احنا بنعمل مقابلة لكل واحد لوحده ليييه طب اعترفى بالصيدليات وسيبى الدعاية تقوللى لا ولما قليتلى درجاتى لقيتها لغت كل الخبرة ودرجاتها .......وقالتلى ان هى ادتنى خمسة على ستة فى التكيف لان تحضيرى حقيقى كان جامد دا انا كنت عامل بحث خاص عن كيبك بالتفصيل بالاضافة لانى طابع ابرندر لكيبك وقريته كله دا غير عروض العمل والاقامة وخطوات المعادلة وغيره كتيير لكن مع كل ده مفيش فايدة معاها وقال يعنى صعبت عليها بتقوللى انته لسه شاب صغيروتقدر تروح تكمل تعليم هناك او تعمل زيارة ...وخلاص قالتلى للاسف درجاتك مش مكملة .....ويحقلك التظلم فى خلال 90 يوم زى ما انتوا عارفين الى ااخر الكلام ده .... خلصت على كده المقابلة حقيقى متشكر لاهتمامكم جدا وتعاطفكم جدا وحقيقى مجتمع المنتدى الصغير ده حقيقى مجتمع جميل بجد هفتقده كتييير حقيقى والله انا محتار ومش عارف اعمل ايه ؟؟؟ ابعت تظلم ...ولا ابعت الغى الملف وابعت واحد تانى قبل ما القوانين تتغير ويطلبوا الديلف مع فتح الملف واحاول اظبط تأمينات .... ولا اغير اتجاهى خالص بس حقيقى لا بحب الدعاية وقرفها ولا الصيدليات ...وحقيقى مش عارف اعمل ايه؟؟؟ اتمنى ده ما يأثرش على اللى داخلين مقابلات ..بالتوفيق ليهم كلهم لكن خللوا بالكم من ايمينى ومن ورقكم ...ومتشكر لتعاطفكم كلكم اغابى وبالتوفيق لاختك بكره تهانى وحقيقى انتى انسانة ممتازة ولجوناثان وايمى ايلدرى ومحمد كيبك وفريند ومحمد مونتريال ولميكى مانو ولتوتا ولمينا عدلى ودكتور بطوط وهانى اسكندر ولهارفى حنا ولهانى يعقوب ولبيبو كندا ولفيلومينا وللعضو لكيبك وللجميع وااسف لونسيت حد واتمنى يا جوو لو تبعتلى اللى حصل معاك واللى عملته ونصايحك عالخاص لانك مريت بوضع زى وضعى وسلاام لاحلى ناس فى احلى منتدى ....

قوة الإعتقاد عندي مرتبطة بالإيمان بقدرة الله و الأية الكريمة " وفي أنفسكم أفلا تبصرون " وكمان التفاؤل ... وكمان تحديد الأهداف .. وكمان عدم الإستسلام لليأس ... وإن طول ما الإنسان عايش وبيتنفس فبالتأكيد ممكن يحقق ما يخطط له .. بس على شرط " يبدأ " مش يقعد يعيش في أوهام أو يضع طموحات أكبر من القدرات .. وبالتالي يشعر بالعجز ...

تقبل الله من الحجيج حجهم وغفر ذنبهم وأخلف نفقتهم وربنا يكتنبها وييسرها لنا ولكل مشتاق سبحان الله الواحد قبل الحج بيقعد يرتب انه هيعمل عبادات كثيرة من قراءة قران ودعاء وصلاة ولكن والله الحج فيه عبادات تانية مهمة كأهمية العبادات الفردية زى تحملك للاخرين تحمل نوع الأكل وتأخره وعدم الخناق عليه الصبر على وقفة العربيات اللى مبتتحركش بالساعات عدم تحقير وازدراء غيرك من الحجاج لو شفتهم بيعملوا غلط الخناق والزعيق على بعض الامور نتيجة لقلة الصبر حرصك على ترك المكان نضيف قدر استطاعتك ربنا من كرمه اختارك ومن كرمه وفقك للعبادة ومن كرمه بيرجعك صفحة بيضا ياترى هنعمل فيها ايه بعد الحج ربنا يوفقنا ويثتنا على طاعته اللهم اكتب لنا جميعا الحج والعمرة واجعلنا فيهما من المقبولين

قبل ما اتكلم عن مشاعر الحج وخواطره لدي وهي كثيرة , فيه نقطتين بس احب اقولهم كبداية أولاً: احاسيس الحاج وقت الحج صعب بل مستحيل على اى حاج مهما كانت بلاغته ان يصل الى درجة وصفها الوصف الأكمل أو الأمثل, والدي كان بيحكيلى كثير ويوصفلى كثير عن الحج, لكن لما حسيته ووضعت في الموقف نفسه, لقيت ان وصف والدي لا يمثل 10% مما شعرت به. ثانياً: لكل اعضاء المحاورات وزوارها الذين لم يكتب الله لهم حج بيته الكريم الى الآن , اقول لهم لا تحزنوا واعقدوا النية والعزم على الحج في العام المقبل بإذن الله وأذكركم وأذكر نفسي ان اعمار امة محمد صلى الله عليه وسلم قصيرة , ولكن الله عز وجل فضلها بأعمال بسيطة وثوابها عظيم وهناك اعمال في الإسلام تعدل أجر الحج ومنها على سبيل المثال أولاً: نيَّة الحج والعُمرة نيَّة خالصة صادقة لله تعالى فالمسلم عندما ينوي الحجَّ بنيَّة صادقة خالصة، ولم يذهبْ بعُذْرٍ، فإنَّ الله - تعالى - يكتب له أجْرَ الحَج. فهذا رسول الله - صلى الله عليه وسلم - عندما رجَعَ من غزوة تبوك ودنا من المدينة قال: (إنَّ بالمدينة لرجالاً ما سِرْتُم مَسِيرًا، ولا قطعْتُم وادِيًا إلاَّ كانوا معكم؛ حَبَسَهُم المَرَضُ) وفي رواية : (حَبَسَهم العُذْرُ) وفي رواية: (إلاَّ شَرَكُوكم في الأجْرِ) رواه البخاري من رواية أنس، ورواه مسلم من رواية جابر، واللفظ له. ووصفَهم الله - جل وعلا - بقوله: ﴿وَلَا عَلَى الَّذِينَ إِذَا مَا أَتَوْكَ لِتَحْمِلَهُمْ قُلْتَ لَا أَجِدُ مَا أَحْمِلُكُمْ عَلَيْهِ تَوَلَّوْا وَأَعْيُنُهُمْ تَفِيضُ مِنَ الدَّمْعِ حَزَنًا أَلَّا يَجِدُوا مَا يُنْفِقُونَ﴾ [التوبة: 92]. فهنيئًا لكلِّ مَن أخْلَص نيَّته لله - تعالى - وفاز بأجْر الحَج والعُمرة. ثانيًا: المحافظة على صلاة الفجر في جماعة، واسمع إلى ما قاله النبي - صلَّى الله عليه وسلَّم - في الحديث الذي أخرجه الترمذي عن أبي أُمامة أنَّه قال: (مَن صلى الفجر في جماعة ثُمَّ جلَس يذكُر الله - عزَّ وجل - حتى تطلُع الشمسُ، ثم قامَ فصلى ركعتين، كُتب له أجْرُ حَجَّة وعُمرة تامَّة، تامَّة، تامَّة). فأين المسلم المحبُّ المشتاق للحَج؟! هذا هو الطريق إلى ثواب الحج؛ فحافظ عليه. ثالثًا: حضور مجالس العلم في المسجد؛ فقد أخرج الطبراني والحاكم عن أبي أُمامة عن النبي - صلَّى الله عليه وسلَّم - قال: (مَن غدا إلى المسجد لا يريد إلاَّ أن يتعلَّم خيرًا أو يعلمه، كان كأجْرِ حاجٍّ تامًّا حَجَّته). رابعًا: أداء الصلاة المكتوبة في المسجد؛ فقد أخرَج الإمام أحمد بسندٍ حسن عن أبي أُمامة أنَّ النبي - صلَّى الله عليه وسلَّم - قال: (مَن مَشَى إلى صلاة مكتوبة في الجماعة، فهي كحَجَّة، ومَن مشى إلى صلاة تطوُّع - أي صلاة الضحى - فهي كعُمرة نافلة). وقد أخرج أبو داود من حديث أبي أُمامة أيضًا أنَّ النبي - صلَّى الله عليه وسلَّم - قال: (مَن خرَجَ من بيته مُتطهِّرًا إلى صلاة مكتوبة، فأجْره كأجر الحاج الْمُحْرِم، ومَن خرَجَ إلى تسبيح الضحى لا يُنْصِبه إلاَّ إيَّاه، فأجْرُه كأجْرِ المعتمِر، وصلاةٌ على أَثَر صلاة لا لَغْو بينهما كتابٌ في عِلِّيين). فلا تتعجَّب من هذا الأجْر، ولكنَّ العجب كل العجب ممن يتوانَى ويتكاسَل عن هذا الأمر، وانظر عندما يخرج المسلمون من بيوتهم مُتطهِّرين؛ لأداء الصلاة المكتوبة في جماعة في المسجد وفي وقت واحد، وهذا يُشبه خروجَ الحجيج من بيوتهم مُتوجِّهين بقلوبهم وأبدانهم إلى البيت المعظَّم لأداء مناسك الحج. خامسًا: عُمرة في رمضان، إنْ عجزتَ عن الذهاب إلى الحَج فاجتهدْ أن تعتمرَ في رمضان؛ فإنَّ هذا فيه ما فيه من الأجر؛ فهو يَعدِل حَجَّة مع النبي - صلَّى الله عليه وسلَّم. فقد أخرج البخاري ومسلم - واللفظ لمسلم - عن عبدالله بن عباس أنَّ النبي - صلَّى الله عليه وسلَّم - قال لامرأةٍ من الأنصار يقال لها: أُمُّ سِنَانٍ: (ما مَنَعَكِ أن تكوني حَجَجْتِ مَعَنا؟!) قالتْ: نَاضِحَان كانا لأَبِي فلانٍ - زوجِها - حَجَّ هو وابْنُه على أحدِهما، وكان الآخر يَسْقِي عليه غُلامُنا، قال: (فعُمْرةٌ في رمضانَ تَقْضِي حَجَّةً، أو حَجَّةً معي) وعن ابن عباس - رضي الله عنهما -: أنَّ النبيَّ - صلى الله عليه وسلم - قال: (عُمْرةٌ في رمضانَ تَعْدِلُ حَجَّةً، أو حَجَّةً مَعِي) متفقٌ عليه. سادسًا: برُّ الوالدين:عند الطبراني في "الأوسط" والبيهقي في "الشُّعَب" من حديث أنس - رضي الله عنه - بلفظٍ آخر: أنَّه أتَى رجلٌ إلى رسول الله - صلَّى الله عليه وسلَّم - فقال: إني أشتهي الجهاد وإني لا أقدر عليه، فقال له الرسول - صلَّى الله عليه وسلَّم -: (هل بَقِي أحدٌ من والديك؟) قال: أُمِّي، فقال له رسول الله - صلَّى الله عليه وسلَّم -: (فاتَّقِ الله فيها، فإنْ فعلتَ فأنت حاجٌّ ومُعتمِر ومُجاهد) يتبع مع المشاعر والخواطر بإذن الله مع تحياتي

لو كنت قريب من قلبك وفلحظه بعت او كنت قريب من روحك ومشيت وسفرت لو كنت قريب ممن بتكم ومشيت وهجرة يا ترا هياثر فكى بعدى يا تراى هتلفى الكون كلو علشان تلقينى حتى لو جاكى وحد تانى هيحل مكانى يا ترا لو جنبك دلوقتى انا وميت هتموتى عشانى يا تراى هتقولى على انى كذاب وانانى وبتاع مصلحتو وحبيتو وقدر ينسانى عمرى ما نسيتك ولا لحظه عمرى منسيت منك كلمه انا لما بعت عشان ارجع وانظملك غنوه وممكن ارجعلك متخفى بين لحظه وثانيه انا لما بعت انا بجسدى وروحى ملكاها وسيبلك روحى عشان انتى حبى ومرساها لو كنت قريب من جسدك وقلحظه بعت انا مش شايف تانى فدنيا انا غيرك بنت انا شايف روحى قريبه منك ولكنتى امنت يا ترا يحببتى هو انتى فكرانى نسيتك انا عمرى ما نسيت منك كلمه وانا وحدى هويتك وقربت عشان اقرب منك واجيكى لبيتك وتعبت عشان اوصل شطك واكون انا وحدى فمريتك واكون انا قلمك كرستك واكون انا حبك وهديتك ونركب انا ونتى يا حببتى فسفينة نوح وننسا الماضى واحزانو وانا انسا دموعى وحرمانى ونروح انا ونتى فجزيره ولا فيها جروح لو كنت قريب من قلبك وفلحظه بعت او كنت فلحظه مسك ايدك واديتك ظهرى ومشيت وهجرت يترا هتقولى على انى كذاب وانانى علقنى بقلبو وبحبو وقدر ينسانى انا عمرى مانسى يحببتى دا انتى عنوانى ولا عمرى انسى ان حبك هو الهدانى ايام وسنينى بعيد عنك اصعب ايام بسرح بساعه وبليله وعيش اوهام عايش انا فبعدك سهران مبنام عايش مسجون جوا حطانك واصوارك عليه وقلبى حزين واتيتم بعدك يلغليه وبحن ديما واشتقلك وفنومى ديما بشتقلك وبقلك انى خلاص تبت ونفسى ارجعلك يترا لسه اهلك بيعنى وهيغلولى مهرك وهرك مش مال وجواهر وشوية فكه مهرك احساسى وانفاسى مهرك هو علمى وكراسى مهرك مملكتى تكونى فيها وشيلك فوق راسى دنا ياما فقربك يا حببتى انا ياما قسية ولكنى فعدك انا عايش نار حبك ولا مره شكيت وعمرى ما حبيت الا انتى وكم مره بكيت وبكاى كان قدام عينك علشان حبيت يا ترا يحببتى هتدعينى تانى اجى البيت انا عمرى كلو ضيعتو ووراكى مشيت وسمعت كلامك بلكلمه عشان حبيت

كلمة الاعتقاد هي مصدر للفعل اعتقد على وزن افتعل و هي من الجذر عقد أي ربط و حزم و شدّ و وثق و العقد هنا محله القلب و الاعتقاد درجة أعلى من الإيمان و أقل من اليقين و قوة الاعتقاد ترقى إلى اليقين و هي قوة محركة فقوة اعتقادك بحدث ما تجعله يحدث فعلا خيرا كان أو شرا عن نفسي مثلا كنت أعتقد أنه لو عطس شخص في الغرفة أو المكان الذي أتواجد فيه فأنني حتما سأصاب بالزكام أو الانفلونزا انتهى هذا الأمر تماما عندما اعتقدت بقوة أن هذا لن يحدث و قيسوا على ذلك كل أمور حياتي من أصغر الأمور و حتى الأحداث المصيرية زواجي ... انجابي.. الولادات السهلة و المتعثرة...عملي ودراستي... العين و تأثيرها... حتى ريجيمات التخسيس جرب أن تأخذ أي شيء من حياتك اليومية مما تعتبره من المسلمات و حاول أن تغير اعتقادك عنه ( للأفضل طبعا) يعني اذا كنت معتقد ان مديرك يضطهدك مثلا و واقفلك ع الواحدة جرب تعتقد بقوة أن ده كلام فارغ و انه شخص ظريف و بيستظرفك بشدة كمان بجد و بدون شك في النتائج إذا كنت شايفة زوجك بعيد عنك و كلامه قليل معاكي يدوب الكلام العادي جربي تعتقدي ان زوجك بيحب يتكلم معاكي جدا و انه صديقك الصدوق بقوة و بدون سخرية من الفكرة جرب تعتقد بقوة ان ابنك قمة في الأدب و الأخلاق و انه متفوق في المدرسة جربي تعتقدي بقوة انك جميلة و ان انفك التي تؤرقك مثلا هي اجمل مافيكي او ان شعرك جميل و ناعم و كذلك جسمك رشيق جرب تعتقد بقوة ان صحتك بمب و حديد و انك مبتشتكيش من أي مرض جرب تعتقد بقوة ان رزقك حيزيد و ان ربنا موسع عليك و مبارك لك جرب تعتقد بقوة انك ناجح جرب تعتقد بقوة انك سعيد أدعو حضراتكم أن تجربوا قوة الاعتقاد و أخبرونا بالنتائج و أعتقد بقوة ان منكم من سيستجيب و أعتقد بقوة أن منكم من سيخبرنا بنتائج مذهلة حدثت بعد ان غير قوة اعتقاده للجانب الأفضل ملحوظة هامة جدا لا تستخدم صيغة المستقبل و انما صيغة المضارع لا تعتقد أنك سوف تنجح لا بل اعتقد بقوة انك ناجح فعلا منتظراكم

السلام عليكم و رحمة الله و بركاته كنا في انجلترا للدراسة شفنا و عشنا تجارب كتيييييييييييير خايفة أنسى اتعلمت إيه هناك خايفة أنسى التجربة دي غيرتني ازاي و ترجع ريما ... و كأننا لا رحنا و لا جينا و الأهم .. عايزة ما انساش الحاجات اللي حسستني بقيمة مصر و رجعتني تاني و الحاجات اللي شفتها هناك و ممكن نطبقها في بلدنا عشان تبقى أحسن يمكن........... أعذروني .. مش بعرف أرغي و أسلوبي مش أدبي بس أنا عايزة أنقل الخبرة دي .. يمكن ينتفع بها الدعوة مفتوحة لكل من له تجربة مشابهة الموضوع موضوعكم

امتحان تجربة اللغة العربية للثانوية العامة لعام 2010 السؤال الأول: التعبير اكتب ما لا يقل عن 650 سطر في احد الموضوعات التاليه: -لم يجد الطفل غير الشارع ملجأ نظرا لحالة البلد الهباب..فاتجه إلي السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة - شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز - بعد انتشار ظاهرة أكل لحم الكلاب والحمير..من وجهة نظرك تكلم عن هذه الظاهرة ومن المتسبب فيها .... بدون غلط..الورق متراقب ـــــــــــــــــــــــــــــــــــــــــــــــــــــــــ السؤال الثانى: القصة من قصة " وعهد الله ما انت داخل الانتخابات" .. اقرأ القطعة وأجب عن الآتى ثم أتى إليه وضربه بالجزمة وقال: انت عايز تترشح فى الانتخابات يا.......؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى؟ - ما هى اللحمة؟ حدد أقرب معنى خيالى لها - مرادف معجزة فى اللغة ( تغيير وزارى – زيادة المرتبات – رغيف العيش) - لماذا ضربه الرجل بالجزمة وليس بالعصى مثلا؟؟ ــــــــــــــــــــــــــــــــــــــــــــــــــــــــــــ السؤال الثالث القراءة من موضوع ( الزعيم..والفنان.. والقدوة) اقرأ القطعة وأجب وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا كما أنه يرحب بالتوريث ومقتنع بكل سياسات الحكومة - فى رأيك هل يصلح عادل إمام لوزارة الثقافة أم لوزارة الخارجية ؟؟ ــــــــــــــــــــــــــــــــــــــــــــــــــــــــــــــ السؤال الرابع النصوص أجب عن أحد النصين الآتيين من نص ( ماشربتش من نيلها)..اقرأ ثم أجب ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها - بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟ (المسيسبى - الأمازون – يونج يانج ) - هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..وبوسه ورجَّعُه مكانه - أكمل الأبيات إلى آخر الكليب

http://www.youtube.com/watch?v=uq34OKnM2EI

انا اسفة يا استاذ اكرم لكن الوحش بس هو اللى بيشوف الناس وحشة ماهو مش معقول كل الناس فى مصر بالصورة اللى قالوا لك عليها والا احنا بقى معندناش احساس وقاعدين فيها ليه لحد دلوقت مع انه فى فرص كتير نخرج منها لكن احنا زى السمك ملناش فى السفر ياا ما بقى احنا كمان وحشين طيب فين امى وامك واختى واختك وقرايبنا واصحابنا وحتى البياعين السريحة الغلابة فى الشوارع انا تقريبا بانزل كل يوم اقضى مصالح بيتى واولادى وبتعامل مع فئات مختلفة وطبقات مختلفة وبرضه طباع مختلفة لكن الحمد لله الصورة مش سودة كده والا كنت حبست نفسى فى بيتى وولادى يقضوها نيابة عنى هو فى حاجة عاوزة اقولها وجايز ناس تزعل منى بس دى حقيقة شفتها من ناس جريت الفلوس فى ايدهم ودول الشبعة بعد جوعة بيظنوا ان الناس طمعانة فيهم او بتحسدهم على عيشتهم لانهم هم من جواهم كده وكل مافلوسهم تزيد يخافوا اكتر ومرضهم النفسى يزيد تلاقيه يتعالى ويتعالى مش حننكر ان فى ناس وحشة لكن كام 100% مستحيل طبعا انت بتشوف الناس حسب النظارة اللى انت لابسها سالتهم السبب ايه حتلاقيه مادى من الدرجة الاولى وايه يعنى حتى لو كانت شوية هدايا بسيطة تراضى اهاليهم اظن انهم نزلوا عند اهاليهم وقرايبهم فهل كل الناس دى بقت وحشة فجأة ومن غير سبب مصر لسة بخير ليل ونهار والناس برضه بخير رغم اللى بيحاولوا يشوهوها برة او جوة

أ.مغتربة مش قادر افهم ايه وجه إعتراضك ده كله , وهل في كلام ابن القيم تحديد لعقوبات أو عذابات أو تجرأ على الله عز وجل , الرجل لم يقل الا ما قاله رسول الله صلى الله عليه وسلم فقد روى الشيخان من حديث عبد الله بن عمر رضي الله عنهما أن رسول الله صلى الله عليه وسلم قال: "من شرب الخمر في الدنيا ثم لم يتب منها حرمها في الآخرة" ، وفي رواية لمسلم : " ومن شرب الخمر في الدنيا فمات وهو يدمنها لم يتب لم يشربها في الآخرة" وفيه سؤال معلش , انتى سمعتى عالم قال عذاب وعقاب معين لم ينزل الله به من سلطان ؟؟ العقوبات دي ان اللقمة هتجري وراك او غيره , مش معروف مصدرها اهلينا قالتهلنا وهما سمعوها من اهاليهم وما اعتقدش انها صدرت من عالم مسلم. مع تحياتي

استاذى الفاضل مع كامل احترامى لابن القيم الا ان كلا ياخذ منه و يرد الا رسول الله صلى الله عليه و سلم و على هذا اقولك اننى لا اتفق ابدا مع العلماء الذين استنبطوا عذابات و عقابات لم ينزل بها الله سلطانا قياسا على عقوبات محدده ذكرها الله سبحانه و تعالى هل الله ينسى لا و الله حاشا و كلا هل كان ليرهقه ان يذكر تلك العقوبات التى لم يذكرها و ذكروها هم لا و الله حاشا و كل اذا لما التجرأ على الصدح بشىء لم ينزله الله على عباده و لو شاء لانزله القياس يصح مع الاشياء الدنيويه لتسير الحياه و فرض النظام و حفظ الحقوق فيجوز استحداث عقوبات مثلا للردع او حفظ الامن حتى و ان لم يوحى بها لنا الله اما ان نتمادى و نحدد عقوبات باشكال محدده فى الاخره و نظل نرددها بلا كلل و لا ملل على اذان العامه اعتقادا منا انه لا ضرر فى ذلك ما دام ذاك كوجه من اوجهه الدعوه فعفوا ان اعتبر ذلك تعدى على الله سبحانه و تعالى الله ليس بحاجه للبشر لان يحددوا له عقوبات يتخذها فى الاخره لمسيئيه و لا ان يكملوا ما لم يوحى به الى عباده و كانه حاشاه ينسى و هو القوى الذى لا راد لحكمه و الذى اذا اراد ان يعذب جميع خلقه او يرحمهم جميعا فلا معقب على امره ليس لنا من امور الاخره الا ان نذكر ما وصل لنا دون زياده او نقصان و يتوجب علينا ان نذكر الناس بان هناك حساب قد يتبعه اذا شاء الله عذاب لمن اراد من عباده و قد يتبعه مغفره ايضا فهو الذى يسال الناس و لا يسال عما يفعل تحياتى تحياتى

لا خير في عين لا تبكي

الفاضلة جويرية مشكورة على الموضوع الطيب اللي هيخلي كل واحد يعيد حساباته من تاني و هنا أحب أسرد قصة عشان الكل ينتفع بيها .. هي قصة شخصية حقيقية كان ليا واحد صاحبي و جاري و كان أكتر من أخويا هو اللي شدني للدين و للعلم و الالتزام و بفضل الله عشنا أيام مليئة بالطاعة و المحبة و المودة و شالتنا الدنيا و حطيتنا و اشتغلنا مع بعض في شركة واحدة و من ساعتها دبت الدنيا بينا .. و الدنيا ما بتدخلش في حاجة الا و تبوظها .. سائت العلاقة بينا بشكل عجيب كنا احنا الاتنين بنستغربله الى ان انقطعنا عن بعضنا تماماً و صارت عداوة بعد محبة مش محبة بعد عداوة .. عداوة غريبة و شديدة الناس تستغربها .. معقول .. هم دول اللي فكرناهم اخوات .. لكن مع الايام و لسة الايام دي بس .. لكن متأخر أوي ... تداركنا نفسنا و رجعنا نتكلم و نتواد بدون عتاب ولا ذكر للماضي .. خلاص قفلنا الصفحة و عرفنا ان الدنيا أرخص من البكاء عليها. نصيحة بجد .. الدنيا أرخص من البكاء عليها و لحظة صدق مع أخ ليك أو أخت ليكي بالدنيا و ما فيها .. الإخوة من أعظم العبادات فيا ريت ننقيها من خبث الدنيا مكاوى

اه .... يا جماعة انا اللى بقيت خائف بجد ركبي بتخبط فى بعضها ونهاردة الصبح عيطت كمان فى الشغل ربنا معاكم انا مش عارفة ليه ابتديت انهار كدا حتى مش عارفة اكتب كلمتين كويسين اضحكم بيهم زى ما كنت باعمل - خبر صيدلى كندى - رعبني اوى وزعلنى اوى خليني اغير مود الزعل والقلق داه اللى بدا يدخل التوبيك يارب تنجحو كلكم

الف مبروك لخائف و روك و اتمنى يا خائف انك تغير اسمك اما بالنسبة لصيدلى كندى ممكن تقولى على الصيغة اللى مكتوبة فى جواب الرفض و على فكرة بسبب التامينات انا اللى هغير اسمى و اسمى نفسى خائف

صيدلى انا اولا بجد بحييك على روحك الجميله دى وانك اول كلامك باركت لروك وخايف بجد انا كنت فرحانه انهم عدوا بس اتضايقت كتير لما عرفت انك مااتوفقتش بس صدقنى للخير اكيد للخير ربنا اكيد مرتبلك حاجه احسن بكتير ماتتضايقش وان شاء الله ربنا يوفقك فى حياتك

الف مبروك للى نجحوا روك وخائف ويا صيدلى كندا انت قوى جدا بجد و الروح اللى زيك دى ربنا هيوفقها فى اى حاجه تعملها سواء هنا او بره

أختي الفاضلة هذه المشكلة قديمة جدا كان الفصاص و الوعاظ يؤلفون أحاديث في فضائل السور و ينسبونها زورا و كذبا إلى المصطفى صلى الله عليه و سلم ويدعون انهم يفعلون ذلك لتحبيب الناس في القرآن الكريم و قيسي على هذا .. كثير من الأحاديث الموضوعة و القصص الباطلة التي وضعت للترغيب فينا يرونه خير و الترهيب فيما يرونه شر منتهى الاجتراء و الكذب و رغم اهتمام علماء الحديث بتوضيح هذه الموضوعات ..نجدها لا زالت على ألسنة بعض الخطباء أقولها ثانية .. نحن أمة العلم أمة السند و التثبت و البحث أعلم أن أغلبنا ليس لديه الأدوات الكافية .. لكن البحث متاح و العلماء موجودون بحمد الله

يا ريت يبقي عندنا معنوياتك العالية دي يا صيدلي كندي..اكيد ربنا مرتب حاجة افضل و شايف حاجة احنا مش شايفينها..على كل حال كل الاشياء تعمل معا للخير..يا ريت تفضل على تواصل معانا

السلام عليكم و رحمة الله و بركاته في البداية أنا هستسمحك اني مش هقدر اجاوبك علي جزئية الدليل الشرعي لأني لست اهلا لذلك لكن لو تسمحيلي اقف معاكي عند جزئية و هي جزئية أي منهج نتبعه عند الحديث عن الدين و خصوصا حين يتطرق لسلوكيات الحياة البسيطة جدا أتذكر اني سمعت الجملة دي و ان صغيرة "لقمة العيش هتجري وراكي و هتدعي عليكي"...و بخيال الطفلة تخيلت ان اللوقمة طلع ليها رجلين و انياب و فضلت تجري ورايا و هي بتهم أنها تعضني جزاء لفعلتي طبعا خيال الطفلة ده....بيعكس اني عملت السلوك لاني خفت مع ان المنهج الاسلامي بيقوم علي الترغيب..علي التبشير و ليس التنفير... و الحقيقة عجبني اوي تعليق استاذ عبد الله غريب عن ان الطعام نعمة...و أن عطاء الله لك هدية يجب ان تحتفظ بها....حتي و غن تبقي منها شيء...احرص انك تهديها لغيرك في احسن صورة السؤال...هل و احنا بنتعامل مع اولادنا بنتعامل معاهم من المنطق ده....و لا بنستسهل المنطق العقابي و التنفيري يمكن الطفل في السن الصغيرة....هيطلق لنفسه العنان في التخيلات...لكن هتفضل جواه تساؤلات...(و الدليل سعادتك اهه) طب ليه منربيش ولادنا من و همصغيرين أن الدين فيه بشارة....ليه متكونشي السلوكيات الجميلة اللي بنحاول نغرسها في الولاد...بطريقة محببة و بجد هتفرق كتير...هتفرق في ادراك الطفل بعد كده....و في طريقة عبادته و حتي في روحانياته....و ده الاهم جوهر الدين....و ليس القشرة الخارجية فقط و دي وجهة نظري و ارجو اني مكونشي خرجت عن تساؤلك تحياتي

هذه هى المشكله استاذ عبد الله من اين لنا ان نخترع بانفسنا عقوبات لم ينزل الله بها سلطان من اجل ان نحث الاخريين على اتيان الامور الحسنه و هل هذا يصح شرعا لذلك اردت ان اتاكد الاول ربما يكون لها اصل فى الشرع و لكن لم يصل الى علمى مقوله اخرى و لكنها حديثه جدا و لكنها ايضا اخذت فى الانتشار بين الناس حتى باتت اقرب للاتخاذ من المسلمات ايضا و هى ان سامع الاغانى سيحرم من سماع التراتيل التى ستتلو فى الجنه ان مات و لم يتب عن سماع الاغانى بغض النظر ايضا عن حليه او حرمانيه السماع للاغانى الا اننى ايضا لا اعرف من اين جاءت تلك العقوبه من الشرع ما زلت ادعو من له علم ان يفيدنا هل هذه العقوبات من الشرع ام مؤلفه؟ و هل يجوز لاحد ان يحدد عقاب لم ينزل به الله سلطان لمجرد ان يحث الناس على اتيان الامور الحسنه و تجنب السيئات ؟ تحياتى

جبت لكم اكتشاااااااااااااااف اتفرجوا بقى على اعلانات زمان كانت عامله ازاى دا اقدم اعلان لكوكاكولا لقيته بس خدوا بالكم من كلمه طاهرا الى فى الاخر هههههههه تحفه بجد http://www.youtube.com/watch?v=IVv-nH3FzYI&feature=related

http://www.youtube.com/watch?v=riPyHhWxp1A حـياتى اجمل ما فيها .... ولا يوم بحاول افكر ....

حديث ( اصبح من عبادى مؤمن بى وكافر ) ...................................... عن زيد بن خالد الجهنى رضى الله عنه قال :( صلى بنا رسول الله صلى اله عليه وسلم صلاة الصبح على اثر سماء كانت من الليلة فلما انصرف النبى صلى الله عليه وسلم اقبل عليه الناس فقال لهم :هل تدرون ماذا قال ربكم : قالوا الله ورسوله اعلم قال :اصبح من عبادى مؤمن بى وكافر فاما من قال : مطرنا بفضل الله ورحمته فذلك مؤمن بى كافر بالكوكب واما من قال :مطرنا بنوء كذا وكذا فذلك كافر بى مؤمن بالكوكب )

يااااااااااااااااااااا رب ينجحوا كلهم.... ياااااااااااااااا رب

يا جماعه الخير اتو ليه شاغلين بالكم بمكان الموضوع على الصفحه الرئيسيه او حتى وراء الكواليس اعتقد اننا كلنا عارفين منين نوصله ...الموضوع ابسط من كده ماتكرهوش نفسكم فى المنتدى ولا تكرهوا الناس فى المنتدى فيكم يكفينا انه من خلاله اتعرفنا واتقابلنا ..وده لوحده كفايه اننا ندين له بالحب والعرفان وبعدين المنتدى مش بس باب المغتربين يا جماعه صلوا عالنبى كده وماتمسخوهاش عااااااااد... سمبا وتامر اللينك بتاع سمبا اللى هاده له تامر ما بيفتحش :closedeyes: ....احكهولى بقى :blink: حدش شاف اغابى يا ولاد ؟؟؟؟؟؟ من يوم الرجعى واختفت فى ظروف غامضه محمود الكاشف ...توصل بالسلامه اهلك واخوانك تحت امرك على اد ما يقدروا ام على ...سدباد ...حمدلله عالسلامه ياجى من السفر وحشانا الابتسامه وشك ولا القمر حاتشيم ...اللى سبق كل النبق ...وخيرها فى غيرها ان شاء الله الغريب .....انت اللى مصر تفضل غريب ....نعمل ايه بقى ؟؟؟؟ بوسى ....انت لسه بالعجيله ؟؟؟؟ كب كيك ..ساره ماس ..ابوعمار ..نور السما ..عطر الجنه .......كل كل كل حبايبنا هنا الجايات اكتر من الريحات

يحيا الزعيم القائد , كل كلامه حكم صراحة واعتقد الخطبة العصماء دي كانت في المولد النبوي الشريف ايام ما كان بيحضره زمان من ييجي بتاع 20 سنة كده , وكفاية دعواتنا ليه ربنا يجعلها من حظه ومن نصيبه http://www.youtube.com/watch?v=Pp8IrdX80Ok مع تحياتي

اعتقد ان الشرع يحث على الإتزان في كمية الأكل بحيث لا يتبقى ما يمكننا القاؤه في النفايات و لا اعتقد ابدا ان الشرع امرنا بما يرادف المثل الشهير اللي بيقول وجع البطن و لا دلق الطبيخ

طااااااااااااااايب ولو انى كنت مأجلها .. بس طالما الموضوع وصل للعهدة والادراج إستنونى يا جدعان فى مذكراتى "كنت مشرفا" قريبا ان شاء الله وعليا وعلى الكل smk:

الموضوع مالوش علاقه بنوعية الجنس ولا بنوعية التعليم انا مثلا مدير مالي بقالي بتاع عشر سنين و قبليهم 10 سنين كمان في مجال المحاسبه و بنجاح كبير و الحمدلله و مع ذلك فاشل تماما في مسك المصروف بتاع البيت و مراتي تخصصها العلمي مالوش علاقه بالحسابات و وضعها في مسك المصروف لا يقل عني تأزما الموضوع له علاقه بالطباع واحد مبذر و واحد بخيل و واحد معتدل

بسم الله الرحمن الرحيم الاجابه ............ انا طبعا قصدي المراْه . المراْه مُدبره بطبعها (بالاضافه الى ان اللي بتوفره من مصروف البيت بتدكنه هيه) :P قصدي بتدكنه وتعينه لوقت الزنقه ;) وبصراحه الموضوع برضو بيرجع لتربيتها في بيت اهلها همه عودوها على ايه؟ التدبير وله الاسراف؟ لكن بوجه عام .المراْه لما بتتجوز وبتبقى مسؤله عن بيت وميزانيه وتكون بتحب بيتها وجوزها بتحاول توفر له لانها عارفه انه تعبان في القرش اللي بيجيبه ده ;)

اعتقد اننا لا نتحدث عن كابوس بقدر ما نحن نتحدث عن فقاعة سياسية أطلقها احد اجنحة الحزب الوطني الحاكم مستعينا بالميديا والإعلام المرئي والشبكي ...ونحمد الله كثيرا اننا نتحدث عن فقاعة خرجت من بين جنبات نظام محلي شمولي عسكري ولم يصل بنا الأمر إلى حد الجراحة الكولونيالة الخارجية لنسيجنا السياسي كما حدث في العراق الذي دمر عن بكرة ابيه وتفرق اهله ما بين شيعا وطوائف ومشردين ..!! فالكابوس الحقيقي من وجهة نظري لم يبدأ بعد .. واتمنى من كل قلبي ان لا أراه بعيني انا وعائلتي واحبابي من ابناء وطني في يوم من الأيام .. كما اجدني اتفق تماما مع التشخيص الذي وصفه الزميل الفاضل (MaYousof ) الذي اهنئه أولا بمهامه الجديده واتفق معه ثانيا بان التغير الذي اعتقد ان اكثريتنا يتفق عليه من حيث المبدأ و من خلال الخطوط العريضة التي ترسم ملامحه السياسية والإجتماعية "على الأقل" لا يحظى بالأرضية الجماهيرية اللازمة لتفعيله ولجعله واقعا ملموسا كما ينبغي.. ولكني اختلف مع الزميل الفاضل ( Taha ) في خصوصية ان الحكام لا يعون ما يفعلوه في ظل ممانعتهم الدائمة لكل أفكار التغيير ...بل اعتقد انهم يعون جيدا ما يفعلون ولكن المشكلة الحقيقية تكمن في انهم بلا إمكانيات علمية و مؤسسية تؤهلهم للمحافظة على سلطتهم وعلى وجودهم على كراسيهم بشكل طبيعي وتلقائي..ومن الطبيعي حينها ان يشرع هؤلاء في الدفاع عن وجوده بشتى السبل من أي كفاءة خارجه عن نطاق ولايتهم " مهما كانت ضآلة تأثير تلك الكفاءة " التي قد تنافسهم وتخلعهم من سلطانهم وتحاسبهم بعد ذلك على سياساتهم مستقبلا .. وإذا اردنا الخروج من الإطار الفلسفي للموضوع والتحدث بشكل واقعي لوجدنا ان أكبر عقبه لأي تغير محتمل هي القاعدة الجماهرية نفسها .. واعذرني فأنا لا أصدق ان الأكثرية من ابناء وطني مستعدة لدفع عجلة التغيير او انها تحتمل فكرة التغيير الرئيسية .. ألا وهي البقاء للأصلح أو ان أولوية الصعود هي للأكفأ ...!! وانا هنا لا اعمم ولكني اتحدث عن الأكثرية اللازمة لتفعيل هذا التغيير.. وانظروا كيف امتعض قطاع كبير من العامليين بالتربية والتعليم عندما ارتبط الكادر الوظيفي بالحصول على الرخصة الدولية للكمبيوتر ...بغض النظر على الرؤيا الإستراتيجية للتعليم في مصر... بلاش ..,انظروا كيف يعامل من يريد ان يلتزم بأبجديات قواعد المرور ولاحظ كم الإمتعاض والإهانات التي ستنهال على من تجرأ ان يتصرف مثل هذا التصرف .. أنظروا إلى ثنائية التدين السطحي والعادات المتخلفة التي يغرق فيها ابناء المجتمع وكيف ان معظمنا يعاني من صراع نفسي رهيب يدفعه إلى الإنعزال والتطرف الذي يقلص من الطاقة الإنتاجية الإيجابية اللازمة للفرد كي يكون مواطننا صالحا له القدره على الإسهام في تنمية مجتمعه وتحولها إلى طاقة من الرفض السلبي وكراهية الآخر... اذهبوا إلى أي مؤسسه او شركة إقتصادية متوسطة وتحدث مع صاحبها على التغيير ولاحظ تخوفه من هذا التغيير الذي سيكلفه ان يحسن من جودة الخدمة التي يقدمها ويرفع مستوى المصاريف التي ستطلبها نوعية العاملين في هذه الشركة .. مرة اخرى انا لا اعمم ولكني اتحدث عن الأكثرية .. وبالتالي انا لست مع الحديث عن ثورات دموية او تصادمية عنيفة قد تلزم الأكثرية لإحداث هذا التغيير بقدر ما اهتم بالحديث عن كفاءة تلك الأكثرية وقدرتها الذاتية والثقافية لإحداث هذا التغيير المنشود .. فعصر الثورات الدموية والمصادمات العنيفة قد انتهى من وجهة نظري بعد وجود نظام دولي يقر حرية الشعوب في تحديد مصيرها وتدعمها ثورات تكنلوجية عديده قادرة على حشد وتعبأة الجماهرية على جميع المستويات ..

درست في كتب مماثلة .. لم تكن نفسها .. ولكنها كانت بنفس الروح قبل ذلك ببضع سنوات كانت الشخصيات هي .. سوسن ونصر .. ثم عادل وسعاد .. ومنصور .. مش فاكر كويس .. ولكنها كانت بنفس الروح .. بمناسبة طابور الصباح .. كنت باحكي لابني على إننا كنا بنقف طابور الصباح كل يوم في المدرسة .. وإننا كنا بنحيي العلم .. وكان فيه كام نشيد وطني لازم نقولهم كل يوم . وكانت هناك الإذاعة المدرسية في طابور الصباح الذي كان يستمر قرابة ساعة إلا ربع تقريباً .. يعني حصة كاملة .. وكانت تلك الإذاعة المدرسية يقدمها التلاميذ .. ويكتب الموهوبون منهم موضوعات تعبيرية ليلقوها على زملائهم في الصباح .. وكان لها تحضير .. وإعداد .. وكانت هناك جماعة الخطابة .. وفيها كنا نتعلم كيفية الإلقاء على العموم ... ببساطة وبدون تعقيدات .. ولكنها كلها كانت أمور تتم بمنتهى الجدية والحزم .. أتذكر وأنا في الصف الخامس الإبتدائي ... كان صوتي قوياً .. ووقتها كنت أقوم بتحية العلم في طابور الصباح .. وكنت أقول بعض العبارات قبل تحية العلم .. وبالطبع كانت تقال من الذاكرة .. وكان في أول يوم أقول تلك العبارات ... وأخطأت في التشكيل وأنا ألقيها .... فلامني ناظر المدرسة .. وشعرت بإحراج شديد .. وكان ذلك حافزاً لي لأن أتدرب عليها جيداً حتى لا أخطئ فيها أبداً مستقبلاً .. وقد كان .. أيضاً كان هناك مايسمى بالقسم المخصوص .. وهذا القسم المخصوص كان عبارة عن مجموعة من التلاميذ يختارون ليتدربوا على عروض استعراضية .. تتم في الإستاد في مدينة بورسعيد في إحتفالات عيد النصر في ديسمبر .. وكانوا يتدربون عليها كثيراً .. وكان التلاميذ يتجمعون من كل مدارس بورسعيد .. ويتم تدريبهم على الحركات والاستعراضات .. ليقوموا بتك الاستعراضات في هذا اليوم الجميل .. ذكريات رائعة .. عن زمن كانت فيه المدرسة مؤسسة تختلف كثيراً عن مايطلق عليه مدرسة في زمننا الحالي .. نشأنا وتعلمنا الكثير في تلك المؤسسات الرائعة (المدارس الحكومية) ... وبرغم ما كنا نعاني من أزمات إقتصادية .. وحرمان كبير مقارنة بما يحطى به الأطفال والتلاميذ اليوم .. إلا أننا كنا نتعلم .. كانت هناك قيمة هامة جداً .. مغروسة في وجدان كل واحد منا .. وكان أهلنا يرردونها على أسماعنا حتى لا ننساها أو نتناساها ، وحتى لا نغفل عنها .. التعليم والنجاح .. هو الباب الوحيد الذي ينقلك من مستوى إلى مستوى آخر .. التعليم هو الذي يضيف لك القيمة .. إذا تعلمت جيداً .. سيمكنك أن تنتقل من فئة إقتصادية أو إجتماعية إلى فئة أخرى .. قيم كثيرة جميلة جداً تعلمناها في تلك الأيام .... يالها من ذكريات جميلة .. تشحن لنا همتنا من جديد

السلام عليكم و رحمة الله و بركاته فيه ناس....ممكن تكون في طريقنا....تصحي فينااحساس...ممكن نكون نسيناه ممكن نكون عاندناه فيه ناس...بتكون سبب لسعادتك فيه ناس....لازم تفتقدها مش عشان بس بتفكرك بروحك...اللي متشعلقة هناك لا عشان بتصحي فيك احساس اني لسه جوايابني آدم لمن أهداني تلك الاغنية من ثنايا القلب جدا حنين http://www.youtube.com/watch?v=Yj4Dl2Amzy0 الغربة توهتنا.....لكن ما غربتنا صبااااااحكم روح لسه قادرة تتنفس

السلام عليكم و رحمة الله و بركاته مستغربة....من صاحبتي اللي مرت بتجربة انفصال بعد 13 سنة جواز....بعد 13 يوم من قرار الانفصال اللي اخدته هي بنفسها بتقولي...انا عايزة أكرهه....عشان انساه مستغربة ان المشاعر اللي بتملي الكون أوي دي.....نختزلها في قطبين..... يا نحب اوي....يا نكره أوي مافيش حالة في المنتصف كده اسمها نعيش راضيين أوي؟؟؟ مستغربة من امي...لما تصر انها تسالني السؤال القومي....بتاكلي كويس....و انا بختصر كل هم الغربة و مراراتها و تعبها ووجعها و اقولها....يااااااه انافي البلد دي زدت خالص مش هتعرفيني لما انزل مستغرباني....لانها فعلا مش هتعرفني لما انزل....(انا بنكمش....مش بس في الحجم....اوقات كتير بحس جوايا حاجات بتعافر عشان تفضل...و حاجات بتعافر عشان ترجع زي زمان) مستغربة لما اسرح مع نفسي و اقول....."زمان"....هو زمان بتاعي انا كان من امتي.....مستغربة ان الوقت بيفضل يمشي من غير ما ياخد راينا....و كل واحد فينا يا عرف يصالحه....يا هيعانده و يعاند نفسه مش اكتر مستغربة ...من البلد البعيد الذي احب....اللي يفضل بعيد عشان افضل احبه....زي ما في ناس كل ما بتقرب مننا....كل ما الحبوب اللي في وشها بتبان اكتر....و بنعرفشي نشوف الوش صافي زي الاول مستغربة....من السؤال اللي دايما ينط في بالي....."طب و بعدين".....و اليوم التاني... اغير الشقة و اغير البلد و اغير الدراسة.....و بنسي وسط كل ده....ان دماغي هي اللي لازم تتغير مستغربة.....جدا

من جريدة الشروق

السلام عليكم و رحمة الله و بركاته استاذي الفاضل طب لو البنت البنوتة اتقدم لها مطلق مثلا.....ايه راي حضرتك....ينفع و لا برضه هياخد التصنيف المصري جدا جدا بتاع "الساكند هاند" نفسي اعرف مين اللي اخترع المصطلحات دي....و حط البني آدمين في قوالب....و ابتدي يصنف كل البشر...كلهم....اختزل كل تجاربهم في شوية مصطلحات ما اقدرشي اوصفها غير انها تنتمي لقاموس التعاسة هكلم حضرتك عن علاقة انسانية بتبتدي بين اتنين....كلاهما من خلفيات مختلفة....كل علاقة انسانية ليها تحدياتها....بس لما بتبقي معطيات العلاقة فيها حاجة مخالفة شوية عن العرف و عن القالب اللي اتعودنا نتحرك جواه.....بنفضل حيرانين...و خايفين من تحديات اي علاقة.... لما البنت بتبقي اكبر- اغني- اكثر تعليما(اوي اي صفة تفضيل حطوها من عندكم) من الولد.... لما الولد او البنت بيرتبط بشريك عنده تجربة زواج سابقة..... لما الولد او البنت من جنسيات مختلفة... سلسلة طويلة من التحديات لو حضرتك بتحب تمشي جوه الصندوق....و ده مش عيب ع فكرة و لا تريقة....ده بس تكون فاهم نفسك كويس و عارف انت تقدر تعمل ايه و متقدرشي تتحمل ايه.....يبقي بتختار العلاقة الامنة....يعني العلاقة اللي تحقق اكبر قدر ممكن من راحة الدمااااااااااااغ و بتعفيك من اي مقاوحة او اي صدام بس برضه خليني انبه حضرتك موضوع تجربة سابقة للشريك مش بيبان فجأة مثلا.....يعني مش بعد ما تكون عرفت الشخصية ...تفاجا انه مثلا مطلق....انت من البداية تبقي معلق يافطة كده و حاطط فيها ملامح الصندوق اللي انت بتتحرك جواه.....عايز واحدة بنت بنوت....عايز واحدة بيضاء البشرة...عايز واحدة ست بيت....و بقيت ملامح الصندوق....قصدي ملامح الزوجة اللي بترتاح او فاكر انك هترتاح معاها ع الناحية التانية بقي لو حضرتك برضه فاهم نفسك...و عارف انك لقيت راحة بالك و سعادتك مع البني آدماية دي اللي عندها تجربة زواج سابقة.....يبقي ده قرار حضرتك مش حد تاني بلاش حد يقولي مجتمعي.....و بلاش نعملها بالونة مجتمع بتفرقع في وشنا احنا بس و محدش هيحلنا مشاكلنا لما اتجوز....مطلق....او لما تتجوز مطلقة....دي مش قضية مجتمعية استاذي... دي قضية مصيرية تتعلق بشخصين فقط انا و زوجي مش معني كده اني بضرب بعرض الحائط مجتمعي اللي بعيش فيه لكن انا برفض العرف المجتمعي اللي بيبقي اقوي من مفهومي عن الحلال و الحرام و برفض ان حد يحاسبني علي صفحة انتهت من حياة شخصين وصلوا في نقطة ما في طريقهم مع بعض انهم مش هيكملوا و قرروا هما الاتنين يقلبوا الصفحة برفض ان الناس اللي بتعيش بره بيوتنا و بتيجي تتصور معانا في الافراح...و بنفضل نسال نفسنا...مين دول....برفض اني احشرهم في كل صفحة في حياتي ليه احرم نفسي من سعادة....واخداها بعقلي و قلبي و مستخيرة ربي قبل كل شيء عشان خاطر ناس بنركب مع بعض الاتوبيس الصبح...مش اكتر لو حضرتك هتتكلم عن مجتمعي...بمعني اسرتي ااقدر اقول لحضرتك...مهما الاهل بيعترضوا و بيعلنوا الويل و الثبور و عظائم الامور....في النهاية بيوافقوا....مش لوي دراع...هم اكرم عندي من اني احطهم في هذا الموقف....لكن ببساطة لانهم بيدوروا علي سعادابنهم او بنتهم....و اللي بدوره لازم يقنعهم بان ده طريق سعادته لكن لو هو اصلا متردد...و هيرمي الليلة ع المجتمع يبقي من حق المجتمع مليون الف مرة يركبه و يقوله لا يا ابني...و لا يا بنتي انتي تستاهلي سيد سيده طب هو كل رجال الدنيا بالنسبة لي.... و هي من النساء تكفيني جدا و تفيض ايه مشكلتكم بقي؟؟؟ المشكلة ببساطة....ان صاحب المشكلة(اي حد في هذا الموقف و معلق استمراره في الارتباط بالحكاية دي)....عنده مشكلة....و مش عارف ان عنده مشكلة التردد جاي من جوه البني آدم....و اللي حواليه بيلعبوا ع التردد ده.....يا صاب و سمع الكلام......يا كمل و هو كمان عرف هو عايز ايه بالظبط في كلا الحالتين مترفضشي بني ادم او بني ادماية عشان صفحة اتقطعت....و حتي لو رفضته....اعتذر و ارحل في صمت....لكن مافيش داعي تنكأ جراح قد تؤلم البعض كثيرا سؤال علي الهامش: لواخت اي حد فينا....وردة بتتفتح قدام عينيك....فرحة بترويها باحساس ابوتك و اخويتك ليها في نفس الوقت....كان قدرها انها تمر بالتجربة دي....يا تري هتفكر ازاي؟؟؟؟ ع جنب بقي انتو تعرفوا ان من الرجال بيتمنوا....بيحملوا.....بيعدوا النجوم......اه و ربنا....عشان يتجوزوا سيدة مطلقة....(ده في موريتانيا ع فكرة) سبحان الله....مجتمع قبلي...و تحكمه اعراف القبيلة في كل شيء و من اهمها ان المراة التي سبق لها الزواج هي المرغوبة لانه امر هام جدا للقبائل ان تتالف فيما بينها دي وجهة نظري الشخصية....و دي صفحة حياتي...الي بحب اكتبها بحروف ابجديتي أنا مش حروف حد تاني السعادة لما تخبط بابك....استخير......و افتح الباب ع الاخر بس خلاص

شكرا يا فندم على إحسان ظنك قبل السؤال وده طبعا يفسر الامر وموضوع العوام والمرأة والرجل اللي حضرتك ذكرتيه على سبيل السخرية اولا باشكر لحضرتك يا فندم اسلوب السخرية ده واحب افكر حضرتك ان حصل نقاشات بيني وبين حضرتك في امور مختلفة ورديت على حضرتك في حاجات كتير بالعكس انا فتحت موضوع مخصوص علشان نقطة حضرتك ذكرتيها وكان هدفي مساعدة حضرتك عامة اشكرك جدا يا فندم وربنا يبارك في حضرتك ولو حضرتك التمستي عذر في عدم الرد كان يبقى افضل أولا يا أستاذ تامر أنا لم أحدد حضرتك بالكلام و لا أقصد أي سخرية لشخص حضرتك أنا باتكلم على تيار بحاله مش أشخاص ثانيا: ده مش سوء ظن ده يقين يافندم أنا بأتعامل مع أصحاب هذا التيار من سنوات طويلة و ما أكثرالنقاشات التي خضتها على الحقيقة و وجها لوجه مع أصحابها و ليس فقط من خلال المنتديات و عارفة الرد كويس و عارفة الأساليب من أصحابها لأني كنت شديدة الالتصاق بأصحاب هذه التيارات بحكم القرابة و الزمالة حضرتك بلا شك بتبذل مجهود غير طبيعي و بتحاول تتواصل بطرق مختلفة تناسب من تحدثهم و ده شيء واضح جدا بس للأسف كل الأساليب الجميلة دي و اللي ان شاء الله تكتب في ميزان حسناتك برضه بتتكلم في النقاط إياها بتاعة كل اللي ينتمون للتيارالسلفي تحريم الغناء النقاب اللحية حقوق الزوج وتعدد الزوجات مع أن بداية حضرتك في التركيز على محبة الله أولا ثم بالتبعية سيكون الانصياع لأوامره واجتناب نواهيه هو أسلوب بلا شك ممتاز و لكن الهدف هو نفسه يا أخي الفاضل و حضرتك مع أول استفزاز رجعت على طول لنفس الأسلوب الأولاني و ده كان واضح جدا في رد حضرتك على الأخت الفاضلة لولا في موضوع من هي السعيدة اللي يشتغل في الدعوة لازم يكون عنده صبر لحد ما يوصل رسالته صدقني والله أنا متأكدة من حسن نواياك و إنك بجد عايز لنا الخير و أكيد ربنا سبحانه وتعالى حيكافئك على ذلك يا أستاذي أنا يمكن أكون أكبر من حضرتك سنا و بقالي سنوات طويلة مع أصحاب هذا التيار صدقني مفيش غير همة الخمس حاجات دول اللي بتدورحواليهم الدعوة السلفية مع إهمال تام للمعاملات و الأخلاق و كأن اللي بيعمل الحاجات دي بس هو اللي بيخش الجنة بغض النظر عن أي شيء آخر على فكرة أنا مش رافضة أن الحاجات يقصد بها التقرب إلى الله تعالى أنا بس رافضة تماما إنها تكون محور و جوهر الإسلام لمرة ثانية أؤكد أن الموضوع لا يمس حضرتك شخصيا لا من قريب ولا من بعيد و لا يمس أيضا السلف الصالح هو يتعلق بمن يأخذون أقوال من ينسبون أنفسهم إلى طريق السلف الصالح و على فكرة " علموهن الغزل و لا تعلموهن الكتابة" حديث موضوع و لا علاقة له أصلا بالسلف الصالح و لكن هناك الكثيرون من أصحاب تلك التيارات يستشهدون به و يخلطون الأوراق بأن تعليم المرأة هو من أسباب الانحلال الرئيسية و هذا ليس افتراء بل هو من لسان أحد مشايخ السلفية المعروفين لإحدى صديقاتي بأن تتقي الله و لا تكمل الدراسة الجامعية طبعا هذا مجرد تيار من التيارات العديدة الذين يسمون أنفسهم بالسلفية و السلف الصالح منهم براء تحياتي

الأخت الفاضلة "مصرية متغربة" تدعيما لمحاولتك ، ومحاولات الفاضل "أحمد سيف" التى تهدف إلى الحصول على إجابات واضحة (لم يظهر أى منها للآن وللأسف الشديد) .. إسمحى لى ببذل محاولة كامتداد لمحاولتك لأبين للأخوة المتحاورين التيارات الداخلية فى السلفية .. لأن معظمنا فاهم إن السلفية تيار واحد .. وإنهم مالهمش دعوة بالسياسة .. وإن كنت أتوقع ردا تعميميا كالعادة يُعتقد أنه يجيب على كل شئ ، ولكنه لا يجيب فى الواقع على أى شئ .. أضيف التساؤلات الآتية إلى تساؤل الأخت "مصرية متغربة" : 1) هل هو التيار السلفى الذى يرى - وبأسانيد من القرآن والسنة - أن الشريعة الإسلامية تقتضى التسليم والإقرار بالشرعية الدينية وربما "التعبدية" للحاكم المتغلب (باللغة الشرعية) أو الحاكم المستبد (باللغة السياسية) طالما لم يصرح بالكفر "البواح" ؟ .. مع ملاحظة أننى لم أجد عبر التاريخ الإسلامى كله خليفة أو أميرا ممن قتلوا غيلة أو بانقلاب كان سبب قتله هو الكفر "البواح" هذا التيار له إسم أو أسماء مثل السلفية الجامية أو السلفية المدخلية نسبة إلى : محمد أمان جامي .. أو .. ربيع المدخلي (رمزان من رموز التيار) 2) أم هو التيار السلفى التكفيرى الجهادى الذى يبدأ - بأسانيد من القرآن والسنة - بتكفير النظم الحاكمة ولا يتورع عن "تكفير العين أو الأعيان" .. يعنى يعلن صراحة وبأسانيد من القرآن والسنة أن الحاكم الفلانى "كافر" .. وجب الخروج عليه وخلعه .. وهو التيار الذى وجد تخريجا لقتل النفس المؤمنة فى سبيل قتال "الكفار" حيث أنه – أى فكر هذا التيار – وجد أن تلك النفس المؤمنة تُبعث على نيتها وهو تيار ترتفع وتنخفض نبرة رموزه فى إعلان فكر التيار .. ومن تلك الرموز عمر عبد الرحمن ، أيمن الظواهرى وأميره أسامة بن لادن ، وغيرهم .. ومن أقرب الأنشطة كان خروج جماعة "جند أنصار الله" السلفية على حكومة "حماس" فى غزة ذلك الخروج الذى انتهى بمقتل أمير الجماعة ومن معه بعد أن تم نسف البناية التى كانوا يتحصنون بها 3) أم هو التيار السلفى المشهور واسع الانتشار والذى يُطلق على أتباعه لقب "السروريون" نسبة إلى الشيخ محمد سرور زين العابدين وهو تيار نشيط نجح فى خلق قنوات اتصال بينه وبين الفرق والجماعات الأخرى .. لا يقبل الأنظمة الحالية ولكنه لا يذهب إلى حد تكفيرها وإن كان محسوبا -من تيارات أخرى – على التيار التكفيرى .. وكذلك لا يدعو – صراحة – إلى رفع السلاح فى وجه تلك الأنظمة .. وكل ذلك بأسانيد من القرآن والسنة .. وهو تيار نشيط إعلاميا له سجالات حول الديموقراطية .. ومن رموز هذا التيار الشيخ سفر الحوالى والشيخ سلمان العودة والأستاذ جمال سلطان وغيرهم 4) أم هو التيار السلفى المتحالف مع السلطة الذى يقر بالشرعية للحاكم المتغلب ولو كان نظامه ملكا عضوضا .. وإن كان يجعل للمشايخ رأيا "لابد" أن يؤخذ به من باب النصيحة (البينية أى غير العلنية) للحاكم المتغلب (ملكا كان أو أميرا) .. وفى نفس الوقت ينكر على العوام من أمثالنا - وبأسانيد من القرآن والسنة - الخوض فى أمور السياسة لأن عقول العوام لا ترتفع عن مستوى أقدامهم .. اقترحى أنت إسما لهذا التيار فأنا لا أعرف له إسما لا يثير حفيظة المنتسبين له .. فلنطلق عليه لقب التيار السلفى المتمتع بالسلطة فى بلاده 5) أم هو التيار السلفى اللصيق بالتيار السابق ولكن له - وبأسانيد من القرآن والسنة - مشاركة فى الحياة السياسية (فى الدول التى تسمح بذلك) ويمثله رموز معروفة مثل عبد الرزاق الشايجى وحامد العلى فى الكويت .. وجمعية أنصار السنة فى مصر والسودان التى انبثقت منها جماعة الإخوان ؟ .. فلنطلق عليه لقب التيار المشارك فى السياسة 6) أم هو التيار السلفى داخل تيار الإخوان المسلمين ؟ لا تستغربى .. فهذا تيار موجود ومعروف ربما تعانى منه الجماعة أو ربما احتوته الجماعة لتقليل الفجوة بينهم وبين التيارات السلفية الأخرى .. فى الحقيقة لا أعرف تاريخ ظهوره داخل الجماعة ولكنى متأكد من وجوده تطلق عليه الفرق الأخرى ألقابا مثل "القطبيون" أو "الحزبيون" .. ولهم ولجماعة الأخوان أسانيدهم من القرآن والسنة 7) أم هو التيار السلفى البرهامى .. نسبة إلى الشيخ ياسر برهام .. وهو تيار فى مدينتى .. الاسكندرية .. وهو تيار أثنى عليه الشيخ الطبيب أيمن الظواهرى .. لهم نشيد على اليوتيوب يمكنكم الاستماع إليه .. http://www.youtube.com/watch?v=pW2FxoY_o9c وفى نفس الصفحة ثناء الظواهرى عليهم .. وهو تيار يقول فيه مشايخ التيارات الأخرى ما قال مالك فى الخمر - بأسانيد من القرآن والسنة - مثل تيار آخر فى السعودية وبالذات فى المدينة المنورة تسميهم الفرق الأخرى "الحدادية" وهناك المزيد .. وكلهم لهم أسانيد من القرآن والسنة .. ومن "قال الله وقال الرسول" فى الحقيقة كلما قرأت عن تلك الفرق السلفية أتذكر قوله تعالى : "تحسبهم جميعا وقلوبهم شتى" سمعت الشيخ الشعراوى يرد على سؤال عن رأيه فى الجماعات التى تقول كل منها إنها هى الفرقة الناجية وغيرها فى النار .. كان رده غاضبا مقتضبا .. قال : طالما إسمهم "جماعات" ، فهم جميعا على باطل ولا حول ولا قوة إلا بالله

اين هذا الاحترام اختى الكريمه ؟ طبعا انا لا اتكلم عن الاحترام الشخصى و الذى هو مسبق بيننا جميعا و لكن نحن هنا نتحاور من المنطلق الفكرى و العقدى لكل منا فأنا اتحاور من منطلق ما اؤمن به و كذلك اخى احمد سيف و انت و كل الاخوه . لذلك انا ارفض يا اختى الكريمه هذا الوصف الذى ذكرتيه و الذى يتناقض مع مفهوم الاحترام فانت خيرتى المتحاورين إما ان يكون اعمى او اطرش لا ثالث لهما .. انا ارفض يا اختى الكريمه ان تصفى اتباع المنهج السلفى و الذى قلت مرارا و تكرارا ما هو و الى من ينتمى حسب ما هو معروف و موثق ..انا ارفض الوصف و ارجو منك حذفه لانه لا يمكن ان يكون المتبع لمحمد صلى الله عليه و سلم اعمى او اطرش .. وبالطبع للطرف الاخر حريه القبول او الرفض لاحد هذين الوصفين . . كلامك بالفعل صحيح اخي الكريم بس ده في حالة واحده .. لو مكنتش كتبت كلمة ( مجازا ) واعتقد حضرتك ( ضليع ) في اللغه وعارف ان طالما قلت ان التشبية مجازي فهو لايعني ابدا المعنى الحرفي للكلمه .. ياسيدي الفاضل لما ربنا سبحانه يشبهنا بالزرع الذي استوى على سوقه ليغيظ الكفار مكانش ابدا بيشتمنا ويقول علينا مش بني آدمين .. ولنفرض ان حضرتك لم تنتبه لكلمه مجازا دي او فاتك التوقف عندها فاعتقد ان السطور التالية لكلامي تؤكد المعنى الي قصدته من ان ( الحوار ) مش ( المتحاورين ) يشبه حوار العمي والطرشان في الآلية والكيفية من ان ادوات ده مش هيشوفها ده واساليب ده مش هيسمعها ده .. كل واحد فيهم بيكلم التاني بالطريقة الي هو بيفهمها بغض النظر بقى ان كان التاني مهيء لاستقبالها او التفاعل معاها او لا .. وتحسبا مني ان المعنى ميكونش واضح او ان يكون في كلامي ولو اشارة من بعيد الى تشبيه احد طرفين الحوار بالاعمى او الاطرش ( وان كان اي من الصفتين لا تعيب اصحابها بكل تاكيد ) عشان ميحصلش الالتباس ده اكدت في كلامي وقبل ان اشرع في اكماله بانه مصحوبا ( باحترام جميع الاطراف ) .. بس تعرف وانه وبرغم كل ماسبق وبرغم اني مقتنعه تمام الاقتناع بان الموضوع مجازي يصف حوارا ولا يصف اطرافه الا اني اعترف .. انا فعلا غلطت .. عارف ليه؟ لاني معملتش بالكلام الي بقوله وكان المفروض وطالما بوجه حديثي لناس مختلفة عني في التفكير اني اختار الكلام الي يناسبهم والاسلوب الي يقتنعوا بيه ويفهموه هم مش افهمه انا .. مكانش المفروض اتكلم بادواتي وقناعاتي وتشبيهاتي بقدر ماكان لازم الاول احط نفسي مكانهم وهم بيتلقوا كلامي وياترى هيستقبلوه ازاي مش عن لساني وانما عبر اعينهم واذانهم .. سيدي الفاضل انا بجد بعتذر وبالتاكيد لاتباع محمد واحسبني منهم كل الاحترام والاجلال وبالتاكيد هو الاعمى والاطرش من يصفهم بذلك . وبرضه كامل الاعتذار لاي طرف من اطراف الحوار تسبب اختياري غير الموفق في توجيه اهانة غير مقصوده ليه .. تقبلوا جميعا اعتذاري ..

سمعت قصة قديمة وددت ان اعيدها على مسامعك ومسامع الاخوة الاعضاء الافاضل يحكى انه كان هناك حاكم مسلم سنى فى مكان ما فى منطقتنا العربية ويحكى ان الشيعة ارادوا استمالته الى صفهم السيعى اعتقادا بانه سيكون ذو نفع كبير للشيعة فى احد الايام قرر الحاكم قليل المعرفة بأصول دينه ان يعقد مناظرة بين آيات وائمة الشيعة ونظرائهم من المسلمين وخرج المنادى ينادى فى البلاد بخبر تلك المناظرة وموعدها ومكانها ، والتى تم تصويرها على انها سيكون فيها الفصل بين ان يتحول الحاكم الى المذهب الشيعى وبالتالى _ بمنطق الحكام على دين ملوكهم - سيتحول باقى الشعب الى مذهب الحاكم ، وانها ستماثل مناظرة سيدنا موسى مع فرعون وسحرته. ولان اهل تلك القرية كانوا كحاكمهم قليلى المعرفة باصول دينهم ، لم يتقد احد لتسجيل اسمه لحضور المناظرة ، الا ان رجلا منهم قال " انها لى ، وأنا لها " ، مما اثار استغراب اهل بلدته فلم يعرفوا عنه انه قرأ أو كتب ويقضى وقته بين لهو ولعب ولم يعتلى منبر الخطابة ولم يتولى امامة الصلاة مرة فى حياته. حاولوا ان يثنوه عن هذا العمل ولكنه ابى الا ان يقوم بذلك. وفى الموحد المحدد ، ذهب ذلك الرجل ، وما ان اقترب من مجلس الحاكم حتى خلع نعليه واستأبطهما ( وضعهما تحت ابطه ) ، وعندما دخل على الحاكم ضج آيات وائمة الشيعة بالضحك من مشهد ذلك البسيط القادم لمناظرتهم متأبطا حذائه ، وهنا اشار الحاكم للجميع بالسكوت ، وسأل الرجل ، ماهذا الذى انت فعلته يارجل ، لماذا تخلع حذائك وتضعه تحت ابطك؟ رد الرجل بكل رباطة جأش ، وماذا فى ذلك ؟ لقد سمعت ان الشيعة على ايام الرسول كانوا يفعلون ذلك إذا حضروا مجالس الرسول !!! وهنا علت همهمات آيات وائمة الشيعة متهمينه بالكذب وقلة العلم وصاح كبيرهم: أنت كاذب ، لم يكن هناك شيئ اسمه المذهب الشيعى على ايام الرسول ، وانما نشأ المذهب الشيعى بعد وفاة الرسول . وهنا رد عليهم ذلك الرجل البسيط : إذن من اين اتيتم بمذهبكم هذا؟ ثم استأذن الحاكم وانصرف. وبدورى أسألك ، من اتيتم بهذا الاسم " سلفية وسلفى " ؟ وهل لهذا الاسم علاقة بـعبارة " سلف ودين " ؟

من المرات القليله التي اتفق فيها في الرأي مع الأخت ضحى على فكره يابو عمر حوار الطرشان مع العميان مش شتيمه لأن الطرفين فعلا بيتعاموا و يتطرشوا لما يكلموا بعض بس بيرجعوا يبقوا تمام اول ما يخلصوا حوار مع بعض

عارف يا أخ تامر ... هناك تصور مغلوط لدى معظم السلفيين أتمنى أن تساعدنا على تغييره ... معظم السلفيين عندما يختلفون مع شخص حول قضية ويفشلون في غقناعه بموقفهم فإنهم يفترضون أن هذا الشخص مقتنع أنهم على حق ولكنه يعاند ويكابر لهوى في نفسه ... ولا يأتي على بالهم أبدا أن الشخص ربما يكون مقتنعا فعلا لما يقوله وأن الأدلة - التي يفترضون أنها قاطعة وغير قابلة للمناقشة- التي يأتونه بها هي فعلا غير مقنعة له ... قل هذا في حوارهم مع معتنقي الديانات الأخرى ومع المختلفين معهم في الرأي من المسلمين ... لذلك دوما يصابون بالإحباط ويصفون الآخرين بالعناد ونشفان الدماغ كما فعلت حضرتك رغم إنني أعرف أني لست المقصود بالكلام ده لإني لم أربط قطّ النقاب بالدين وإنما كنت وما زلت أعتبره حرية شخصية ... وأعرف تقريبا من تقصد به ... لكني هرد عليك في نقطة فرض الرأي بداية من يقول أن النقاب فريضة ومن يقول أن النقاب تشدد كلاهما له الحق في أن يعتقد ما يشاء ويقول ما يشاء ... لكن بشرط واحد وهو أن ألا يتصور أن ما يقوله وما يعتقده يترتب عليه أي حقوق له في انتهاك حياة الآخرين الشخصية أو يفرض عليهم التزامات تجاهه إذا طبقنا هذه القاعدة البسيطة على المثال الذي أمامنا فسنجد التالي ... من يعتقد أن النقاب تشدد وغلوّ في الدين لا يستطيع تحت أي ذريعة إجبار منقبة على خلع نقابها دون ضرورة ... لأن الغلو في الدين ليس تهمة أو انتهاك للعرف والقانون أو حتى للدين نفسه ... ولو فعل ذلك فإن الكل سينكر عليه ذلك حتى من لا يعتقدون بإلزامية النقاب ... كما حصل في حادثة شيخ الأزهر ومعظمنا أدان تدخله في حرية الطالبة حتى وإن كانت متشددة أو مغالية ... ويمكنك الرجوع الى الموضوع الموجود في منتدانا بشأن هذه الحادثة لترى مواقف الأعضاء من خارج التيار السلفي لكن على الجانب الآخر فإن من يعتقد أن النقاب فريضة سينظر دوما الى غير المنقبات كعاصيات ومذنبات ومستحقات للعقوبة... وقد يتطور الأمر الى أن يحاول تطبيق العقوبة بيده عليهن (هيئة الامر بالمعروف) أو تحميلهن دوما جزءا من مسؤولية الفساد الأخلاقي في المجتمع (راجع موضوعات التحرش الجنسي لتجد أن من يقولون بفرضية النقاب يحملون دوما الضحية جزءا من مسؤولية الجريمة بدعوى أنهن غير منقبات) ... وإذا لامة أحد على ذلك فإن لديه حجة جاهزة يرفعها وهي الدفاع عن الدين ... لذلك فإن ما يبدأ كاعتقاد شخصي ينتهي دوما بتدخل في حياة الآخرين ومحاولة فرض هذا الاقتناع عليهم لا أدعي أن كل من يقول بتشدد المنقبات هو في حال سبيله أو أن كل من يقول بفريضته دائم الهجوم على من يخالفه ... لكن الأغلبية كذلك ... وهذه طبيعة الأشياء ... من يتصور أن الدين الى جانبه دوما يجد المبرر للاعتداء على الآخرين بإسم الدين وهو يتصور أنه يسديهم معروفا ويقربهم من الجنة من يريد أن يصنف المنقبة كمتشددة فليفعل ومن يريد أن يصنفها كوسطية فليفعل ومن يريد أن يصنفها كمتساهلة فليفعل ... المهم في النهاية أن يحترم كل منهم خيارها ولا يحاول فرض رأيه عليها ... ونفس الكلام ينطبق على غير المنقبة أما بخصوص التشدد مرة أخرى ... أعتقد أننا لكي نفهم الكلمة فإنه من المفيد أن نبحث عن المضاد لها لنتأكد أننا نتحدث عن الشئ نفسه ولا نمارس حوارا للطرشان ... التشدد وفق فهمك مضاد للوسطية (=الفهم السلفي حسب اعتقادك)... بينما التشدد الذي أتحدث عنه هو مضاد للتسامح ... التسامح بمعنى قبول الآخر كما هو وليس كما نريد أن نشكله ونقولبه على هوانا أتمنى أن تكون الفكرة قد وضحت تحياتي