لوحة القادة

حزر فزر إحنا فين ؟ والشاطر هاياخد جايزة قيمة يعني إحنا في العراق دلوقت ؟ ولا في أمريكا ولا في تورا بورا ولا في مصر ؟ واللي يعرف يبقى يعرفني أحسن مش عارف بصراحة

مكانوش هيغلبوا التلاكيك على قفا من يشيل الناس دى لا تفرق معاها اساسا لا كاميليا و لا وفاء و لا اى مسلم او انسان حتى الناس دى عندها اجنده لازم تتنفذ باى طريقه و باى وسيله ممكنه الكل بالنسبه ليهم وسيله و ليسوا غايه ان كانوا فعلا بيهتموا بالمسلمات و يدافعوا عنهم كانوا كفوا اذاهم من الاساس عن كتير جدا من المسلمات الى عذبوهم او رملوهم او يتموهم او اغتالوهم المبادىء لا تجزا و استحاله اصدق ان الشخص الى قدامى عايز يدافع عنى و السكينه الى لسه فى ايدم غرقانه من دمى دا الى اعرفه

السلام عليكم الاخوه الكرام جزاكم الله خيرا . بصراحه يا ابو عمر كان نفسى يكون عندك نفس السخونيه دى او حتى ربعها على إخواتك المسلمين المعتقلات فى الكنيسه بدون وجه حق او عر ف او قانون او شرع او اى حاجه تنتمى الى قانون البشر على وجه الارض و كانت سببا فى جعل كل من هب و دب ليتاجر بهذه القضيه بدء ممن يحاول استعراض عضلاته وصولا الى من يكسب بها ارض امام منافسيه للوصول الى اى كرسى كبير ;) . طبعا الموضوع لا علاقه له بما يسمى القاعده و جيش العراق المزعوم لانى بصراحه اشك تماما فى هذا الموضوع و خصوصا لما يكون جاى من العراق التى لا يعرف احد ..اكرر .. لا يعرف احد الحقيقه المجرده فين و بصراحه سوابق امريكا كثيره فى هذا الطريق القذر و اتسائل اين السفير المصرى القتيل و ايضا هل يتم التغطيه على فضائح رئيس الوزراء هناك المالكى الذى فضحه موقع ويكلوكس بمثل تلك التمثيليات التى يمكن وضع سيناريوهات كثيره كلها مقنعه و ليس بالضروره منها تورط اهل السنه فيها كما يراد . . الشئ الذى اتعبنى اكثر فى هذا الموضوع هو هذا الاستنفار الامنى الغريب و الشديد الذى اشارت اليه الصحف منسوبا لاناس فى الصحافه او الكنيسه نفسها و الاشاره الغريبه الى تعزيز حمايه الكنائس بشباب فرق الكشافه التابع للكنيسه و الاغرب من هذا و ذاك القول بأن للكنيسه الحق فى الدفاع عن نفسها بأي صورة تراها مناسبة . كأننا لسنا فى دوله و ان للكنيسه وضع خاص جدا و فوق العاده يستتبع كل ما قيل . يا ساده الكنيسه المصريه و منسوبيها من المواطنين المصريين المسيحيين جزء لا يتجزأ من النسيج الوطنى للبلد و اهميتهم و مََعزتهُم و امنهم و سلامتهم لا تقل عن اى مواطن مصرى اخر فتلك من مبادئ المواطنه ...مش كده و لا إيه ؟ غير كده ما حدش على رأسه ريشه

انتي عاوزه الرأي الصريح ولا النموذجي ؟ لو عاوزه الصراحة فاقولها لك بثقة .. الراجل الي يقولك عمري مافكرت ولا هفكر في ست تانية غير مراتي حاجة من اثنين .. ياكذاب .. يامش راجل اصلا .. مفش حاجه اسمها رجل يكتفي بواحده ( بمزاجه ) .. ممكن ايوه انه يكون قانع بزوجته ( كزوجة ) وميفكرش يتجوز واحده تانية عليها او يخاف من ربنا فميصاحبش برضه لكن ده لاينفي انه اكيد( بيعجب) واكيد ( بيتمنى ) واكيد لومفيش ضغوط عليه وفي امكانية ممكن جدا ( يتزوج ).. من غير الانصاف وضع المصاحبة والزواج الثاني في كفة واحده .. الزوج الي ( يصاحب ) وحده .. وهو المسمى الشيك لعلاقة قذرة .. النوع ده من الرجال يعامل من مبدأ فداحة فعله وخساسته لا من منطلق الغيرة النسائية او ( العشم ) الي ممكن يكون الدافع وراء تصرف امرأة عرفت بزواج زوجها من اخرى . الزواج الثاني مؤلم بكل تأكيد لكنه لا يقارن ابدا أ و يوضع في كفة واحدة مع الزنا والخطيئة .. المقدم على الاولى شخص لا يراعي الابعاد الاجتماعية وغلبته رغبته على الاصول.. اما الثاني فمجرم لا يخشى الله ولا يتقيه في الاعراض فكيف نساوي في رد الفعل لكلاهما ؟؟ اما المقوله الي بترددها بعض النساء من انها تقبل ان زوجها يتعرض ( لنزوه ) ولا انه يتزوج عليها فليس لدي عليها تعليق سوى ان بنت الاصول المتربية لايمكن بحال تقبل من زوجها علاقة ( غير شرعية ) باخرى .. حتى لو كان البديل هو الزواج الثاني يظل في الاول والآخر تصرف مقبول من اولاد الناس بعكس الآخر لا يقدم عليه الا شخص ( ......... ) .. على كل ال وكتعليق على الخبر فالزوج الي تزوج على زوجته ولم يعمل على ارضائها راجل ( معندوش دم ) اما هي وكونها تخلصت منه بالشكل البشع ده فمجرمه تستحق الي حصلها وبيني وبينكم الي يكون عندها القدرة الاجرامية دي وعدم الخوف من ربنا بهذا الشكل مش بس جوزها يتزوج عليها انما من الغرابة انها لسه على ذمته لوقت الحادث ..

و الله يااغابى الموضع بسيط جداااا واحد زائد واحد اتنين اولا وارد جداا جدا اى اى رجل يتعرض لفترة من حياتة الى الضغف و الاحساس من الملل و حبة لللتغير و دة لا فيها شطارة بقى و لا نقص من الزوجة دة حسب شخصية كل راجل و الست مهما عملت بيكون تركيبة كدةةة ملهاش حل و الله لو جة جوزى قال كلمة زى دى ومالة حرية شخصية انا كمان من حقى انى ارفض وضع ى دة و اقولة زى ما انت اخترت حياتك من حقى اختار حياتى و ارفض الوضع اللى هتجبرة عليا من حقى اطلب الطلاق للضرر لانى مش حاسة انى غلطت فى حاجة علشان ادفع ضريبة انة يعيش سعيد ومش لازم لما تعيش سعيد انك تتعس غيرك انا كمان من حقى اشوف نصيبى مع حد يحترمنى اكتر منك و يحبنى اكتر منك و يعملنى اللى انت مقدرتش علية على فكرة الراجلة اللى بتقول ان الستات بتزعل و بعد كدة عادىىى و بتتقبل دى نوعية معينة من الستات فية نوعيات تانية ممكن تمرض و ممكن بجد تتقهر دى نويعات برضة زى ما الرجالة نوعيات تجربة حقيقة شوفتها و انا شجعت الست اللى عملت كدة عرفت ان جوزها اتجوز عليها كل الى عملتة راحت اشترت بوكية ورد كبير و حضرت شنطة ولادها الاربعة و و بعتت ولادها ببوكية الورد و قالت لة الف مبروك يا عريس مش عروستك عارفة انك متجوز و ليك عيال اتفضل خليهم تربيهم لك و بالرفاء و البنين

من وجهة نظري.. إبراهيم باشاً كان قائداً فذاً، ورجل دولة من الطراز الأول، ووطنياً طموحاً.. لم يأخذ وضعه الذي يستحقه حتى الآن بين رجالات التاريخ من الظلم البيّن مقارنته بالوريث الحالي الذي لا يرقى حتى لدرجة سايس الخيل لدى إبراهيم باشا رحمة الله عليه

على غرار "قل و لا تقل" – عسى أن يكون مفيدا. اكتب: حكم الفرد ... و لا تكتب: حكم الفرض - (الفرد هو الواحد و الفرض هو الواجب) اكتب: من أعلى رأسه إلى أخمص قدميه ... و لا تكتب: من أعلى رأسه إلى (إغمس) قدميه - (أخمص القدم باطنها) اكتب: اطراد ... و لا تكتب: (اضطراد) - (الاطراد هو التتابع و الاستمرار) اكتب: جرأة ... و لا تكتب (جراءة) اكتب: عندي اقتناع ... و لا تكتب: عندي قناعة – (القناعة مقابل الطمع) اكتب: لم يخل ... و لا تكتب: لم يخلو (لم جازمة ، و يجزم الفعل المعتل الآخر بحذف حرف العلة) اكتب: من أخيكم ... و لا تكتب: من أخوكم (أخ من الأسماء الخمسة ، و تجر الأسماء الخمسة بالياء) اكتب: مرت السنون ... و لا تكتب: مرت السنين (السنون جمع مذكر سالم يرفع بالواو) و البقية تأتي ان شاء الله ، و في انتظار مشاركاتكم

بصراحه انا بدور لابنى عموره على حاجات تعليميه لان للاسفالحضانات بتاخد من سن 3 سنوات ونص ومش قبل كده والهدف مش الاستيعاب لا الهدف انه بيكون يعرف يروح البيبي لوحده وكده يعنى فقط على الرغم ان فى مصر بنت سلفتى كان عندها سنتين ونص ودخلت الحضانه وبسم الله ماشاء الله عليها ربنا يحفظها اللهم امين المهم انا شوفت الموقع ده اسمه بنين وبنات واد ايه انه موقع ممتاز كبدايه لذا حبيت اضعه بين ايديكم وتدعولى http://kids.islamweb.net/

وصلني الايميل ده النهارده , قلت يمكن يفيد حد من الأعضاء , لإن ثقة الطفل بنفسه شيء مهم جداً , وهي اللى بتشكل شخصيته المستقبلية أترككم مع النصائح لكيفية غرس الثقة في الأطفال ونعود لمناقشتها مرة أخرى ومن لديه فكرة فلا يتردد في وضعها لتعم الفائدة مع تحياتي

نقطة قليلة تمنع بلاوي كتيره ساعدوا العاجز المسكين دول جملتين بيتسخدمهم الشحاتين ليستدروا عطفالمُحسنين ... مش عارف ليه جم على بالي بعد اللي حصل النهاردة في موضوع تهديدات تنظيم قاعدة الأنس واللي فجأة موت على نفسي من الضحك لما لقيت التقييمات السالبة تنهال علي من كل حدب وصوب واللي ما يشتري يتفرج ... اكيد لم أكترث بذلك لان اللي بيعطي حد تقييم سالب لان رأيه لا يعجبه .. يبقى بالتأكيد لديه رأي مخالف ... لكن لو أحتفظ بالرأي ده لنفسه ودخل ينقط في الفرح بس ويضرب نار من غير ما يسمعنا رأيه .. يبقى عفواً ده تهريج .... وحتى الزملاء الأفاضل اللي أعطوني تقييماً سالباً وشاركوا في الحوار ... فبالتأكيد أراءهم مخالفه لرأيي ولم تعجبني طبعاً ... لكنني لم أعط أي احد منهم تقييماً سالباً .. لا لشي إلا إني معترض على موضوع التقييم من أساسه لإنه بالشكل ده مرتبط بالمتحاور وليس بالموضوع وبيبقى عامل تحت إسمه زي الفيش والتشبية او السجل الجنائي كده لم يتوقف الأمر عند ذلك لكن فوجئت الأن بإني صعبت على بعض الزملاء فدخلوا يسندوني وهاتك يا حلويات وتقييمات إيجابية ... عشان يعملوا توزان يعني هههههههههههههه ممكن اسأل بقى ..... هو في إيه ؟ ( يا شماته أغابي فيه ... دلوقت هاتدخل تقول لي : شوفت ... أنا مش قلت لك )

بصراحة ... بعض الأراء التي قرأتها هنا أشد فتكاً من تهديد القاعدة فإذت كان تهديد القاعدة ياتينا من الخارج وعلى فترات ونستطيع أن نصده فإن التهديد الداخلي من بعض الأراء المتطرفة .. للأسف لا يُمكننا صدها .. وندعو لها بالهداية ولعوها يا شباب أكتر وأرقصوا على صوت فحيح النيران

بصراحه يا اغابى موضوعك وجعلى قلبى و كركبلى بطنى بصراحه مقدرتش اقرا كل المداخلات لانى كنت مستعجله و عايزة اقول راى فى الموضوع ده الى ياما ناقشته مع ناس كتير حصل معاهم الموقف ده او خايفين يحصل معاهم الموضوع مش سهل الرجاله و بما انهم رجاله شايفين انه من حقهم انهم يبصوا و يبحلقوا و يتجوزوا و ناسيين حديث الرسول عليه الصلاه و السلام ان العين تزنى و زناها النظر فاى راجل حرام عليه يبص على حلال غيره فمفيش حد يقولى انها طبيعه الرجاله لانها حتى لو طبيعته ففى حاجه اسمها تربية و دين تنهانا عن حتى النظر و ثانيا الجواز التانى و التالت و الرابع حلال مقلناش حاجه لكن له شروطه و اسبابه يعنى الى يتجوز و يخبى على مراته كده يبقى خاين لان شرط الجواز التانى انه يعلم الاولى و يسيب لها حريه الاختيار تكمل معاه ولا لا لكن الراجل الى بيتجوز من ورا مراته فده راجل جبان و طماع مش عايز يخسر مراته الاولى لانه طماع و عايز يحطها قدام امر و اقع و مش عايز يواجهها لانه جبان انا عن نفسى احترم الراجل الى يعوز يتجوز او مش مرتاح مع مراته انه يعرفها مش يقابل واحده و يرتبط بيها و يظبط نفسه و يتفق معاها على الجواز و بعد ما يرتب امورة و كله تمام فى الاخر يعرف مراته يا حلاوة و ده كله ميعتبرش خيانه لما استغفلها (مراته الاولى)وخرج و اتعرف وقابل واحده تانيه و هى (مراته الاولى) نايمه على ودانها و عماله تخدمه و الباشا هايص و فى الاخر يجى يقولها انا هتجوز و شوفى انتى حالك يعنى بعد ما ضمن واحده تانيه قام رماها لكن طول ما هو محتاج الخدامه هيفضل مخليها لحد ما يجيب واحده جديده معلش يا جماعه بس انا مبحبش الظلم و الى الرجاله بيعملوه اليومين دول بحجه الدين او طبيعه الراجل بيضايقنى جدا اما انا بقى لو جوزى قالى انه عايز يتجوز فهو حر و هو الى هيخسر الى حبنا حبناه و صار متاعنا متاعه والا كرهنا كرهناه يحرم علينا اجتماعه لان الانسان الى يبيع عشره سنين ميتبكيش عليه و ميستاهلش بالعكس ده الواحد يفرح انه ربنا خلصنا منه اما بقى لو خانى و ده عمرة ما هيحصل لانى اختارت انسان يعرف ربنا فجزائه عند من لا يغفل ولا ينام

استاذ سى السيد اتفق معك كثيرا فى الهدف من الموضوع لكن اختلف معك اكثر فى الالفاظ التى استخدمتها للتعبير عنه الجريمه البشعه التى لا تمت للانسانيه بصله التى ارتكبت فى كنيسه سيده النجاه نحو اناس امنين فى بيت صلاتهم و التى جمعت الانسانيه كقاسم بين ضحاياها و ان اختلفوا فى الدين فيد الغدر لم تفرق و هى تضغط على الزناد بين مسلم ومسيحى استحاله ان يكون مرتكبوها عرفوا يوما ما هو الاسلام و ان انتسبوا له زورا و تعليق وحشيتهم الخسيسه على شماعه ظروف داخليه خاصه بنا لا و لن يقبله اى عاقل خلط الحابل بالنابل تعمدا لتنفيذ اجندات خارجيه يجب ان يتم التصدى له بحزم و حمايتنا لاخواننا فى الوطن ضد اى تهديدات بربريه لا مجال للمزايده عليه الان و امنهم خط احمر مبدا الغايه تبرر الوسيله ليس من الاسلام فى شيىء و قراننا واضح بانه لا تزر وازره وزر اخرى معالجه اى مشكله يكون عبر القنوات الشرعيه و تحت الاطر القانونيه و الانسانيه غير ذلك فوضى لن تجد لها اى متعاطف اللهم لا تاخذنا بما فعل السفهاء منا

ادى اول برنامج الخطوات اختار نوع موبايلك ونزل البرنامج خلى الناس اللى ليك فى مصر يختاروا نوع موبايلهم وينزلوا البرنامج وبعدها عيشوا انت ال2 وحبوا براحتكم free call

اهلا بالجميع أغابي موضوع جميل يا قمر كالعاده لماذا احرم ما حلله الله للرجل مثنى وتلات ورباع ما سبق كان استهلالا لابد منه الست اكيد هتزعل وتزعل بشده يعنى انا لو حصل كده هنهار لان بحب جوزى قوى وممكن اتجنن بس زى ما قالت هند عشرة بمعروف او تسريح باحسانوالحل فى ايديها وعندها حلين 1- تكمل مع جوزها وهو متزوج عليها وتقبل بالوضع الموجود وان لم يعدل تحتسب اجرها عند الله عز وجل 2- انها تطلب الطلاق ولو انه ابغض الحلال بس يمكن يكون بالنسبه لها افضل من الاستمرار وبالنسبه لرأى جويريه انا لا اتفق معكى ياقمر وده لاساب كثيره وحتى القضايا المثاره الان تثبت كلامى ماذا اذا كان الزوج لا يطاق في بخله او عصبيته او لا يغض بصره ويجاهر بالمعصيه او ............ حاجات كثيره لا تحتملها الزوجه ماذا سيكون الحل الطلاق ولكنه غير متوافر الا بشروط قاسيه جدا والزواج الثانى بعد الطلاق اصعب من الاول وكان الله فى عونهم

بمناسبة الحج رزقنا الله واياكم من فضله

السلام عليكم عاملين ايه يامتغربين وبعيد عن جوة التأشيرات والفيزا وفرص العمل اسمحولى اقولكم كل عام وانتم بخير وقريبا ستهل علينا خير ايام الدنيا اوصيكم ونفسى بالعمل الصالح والتقرب الى الله بالنوافل من صيام وصلاه وعباده والا ننسى السنه النبويه الشريفه المنسيه للاسف من التكبير والتهليل طوال العشر الاولى من ذو الحجه رزقنى الله واياكم تكبيره فى عرفات ومنى ومذدلفه ان شاء الله

ظهر هذا المقال فى جريدة "المصرى اليوم" أمس و ما إستغربت له أنه لم يحظى بأى تعليق فى الموقع الإليكترونى للجريدة فى الوقت الذى حظى بكثير من علامات التعجب عندما قرأته زوجتى ووالدتها (90سنة) ما سبق كان إستهلالا لابد منه و إنتظرت أنا يوما كاملا لأنقل لكم هذا المقال : belalfadl@hotmail.com

فضلت أن أضع هذا الموضوع في باب المناقشات الجادة بدلاً من هدي الإسلام أو باب المغتربين ... لإنه يتعلق بامور جادة داخل عقل الإنسان المسلم ..... عقل غريب بصراحة - فوجئت من الأسبوع الماضي كده بالمكالمات التليفونية تنهال عليه من أصدقاء أعزاء أعرفهم ... الوووو .. ايوه يا سيدي إيه الأخبار وعاوز إيه ؟ من الأخر كده .... عاوزين إقامتي وإقامة زوجتي .. عشان يستخرجوا تصاريح حج لوالده ووالدته أو حماه وحماته اللي هنا زيارة .... وبما إن هو أساسًاً حج هو وزوجته خلال الخمس سنوات الماضية فلا يحق له الحصول على تصريح رسمي إلا بعد إنقضاء خمس سنوات .... وكل ما يروح لمكتب حملة من بتوع الحج يقول له : الزيارة لا يُمكن أن نستخرج لها تصريح حج .... ولأن القائمين على تلك المكاتب معظمهم من شياطين الأنس ولا يتورعون عن الكذب والخداع ولهف الأموال بالباطل والإلتفاف حول القوانين .. وياااااااااااااااااااما حوادث نصب وكذب حصلت ومع الجميع .. أنا شخصياُ إتقرصت منهم كثيرررررررررررر.... فلقد تفتق ذهن هؤلاء الشياطين عن شيء .. وهو إنه يستخرج التصريح بإسم أي واحد نظامي وما حجش خلال الخمس سنوات الماضية.... وأخينا اللي مالوش تصريح ياخد التصريح ده وأهو لا عليه صورة ولا حاجه .... وحج يا حاج .. وأنا طبعاً أو زوجتي لو حبينا نحج قريباً بإذن الله كمان سنة أو إتنين بالكتير ..... ناكل هوا بقى ومالناش تصريح .... يعني تزوير في حجوجات رسمية ... وأنتحال صفة غير صفة .... وصاحبنا لو إتعكش يبقى أنا اللي أتعكشت مش هو ... ولا قدر الله لو توفى ولقوا مع الجثة التصريح بتاعي .. يبقى أنا اللي هايطلع لي تصريح دفن مش هو ...... وحاجه أخر مسخرة وألتفاف ونصب وتزوير وشيء يدعو للرثاء والله ومليون مره نقول إن الحج مرتبط بالإستطاعه ... ومش بس كده .. دي إستطاعه مع سلوك القنوات الشرعية وعدم مخالفة تعليمات ولي الأمر ..... السعودية كتر خيرها بصراحة .... تعمل إيه في مليار مسلم حول العالم جميعهم عاوزين يحجوا .. وهناك طاقة إستيعابية قصوى ومحدودة لمكه والمشاعر نقول مثلاً 3 مليون شخص.. فعشان كده عملت نسبة 1 في الالف لكل بلد مسلم خصوصاً البلدان الكبيرة زي مصر وإيران وأندونيسيا اللي حسبوها ولقوا بالنسبة دي إن كل واحد هاييجي عليه الدور عشان يحج بعد الف سنة ... في حين إن في ناس لا تتورع إنها تطلع كل سنة تحج بأي طريقة ... والحِجة معروفه " يعني هي جت عليه أنا " أيوه يا سيدي جت عليك ... إنت وأنا وهو وهي .... بناخد مكان ناس بتعيش وتحلم وتموت من غير ما تحقق الحلم لإن الإختيار لم يقع عليها بالرغم من توفر الإستطاعه ... ويا عالم يا هو قولنا مليووووووووووووووووووون مره إن ربنا كبيررررررررررررررر ورحييييييييييييييييييييم ويرزق من يشاء بغير حساب ... ويُجازي من يشاء بغير حساب وإذا كان الحج المبرور ليس له جزاء إلا الجنة ... وإن الحج المبرور اللي لو تم الواحد بيرجع منه كيوم ولدته امه من الذنوب وما علهوش ولا ذنب فبالتأكيد وكلنا ثقة في الله ... إن الخمسين ستين الف اللي هاصرفهم في الحج وكنت قد أديت الفريضة قبل ذلك ( ده أنا باتكلم عن متوسط واحد جاي من بره ) أو نقول ( 5 الاف ريال لو أنما من حجاج الداخل ) .. بالتأكيد هالاقي لهم مليوووووووووووووووووووووووون مصرف شرعي أصرفهم فيه وناس أخرى تستفيد يا أخي أنا ممكن أحجج حد تاني بهم .. أو أخليه يعمل عُمره بلاش كده ... ده نفع أخروي وربنا يوعدنا لكن هناك منافع دنيوية أفضل بكثيرررررررررررررر عند الله .. زي إني اساعد أيتام ... أو أعالج مريض ... او أساهم في بناء مسجد ... او أدفع كفالة لواحد غارم محبوس عشان مبلغ تافه ماقدرش يسده ... أو أساعد ناس فقراء وأوصل لهم مياه نظيفة أو صرف صحي أو أأجر له شقة محترمة وأدمية .... إلخخخخخخخخخخخخخخ هل لدينا شك بأن تلك الاعمال افضل مليوووووووون مره من حج وعُمره مكررة كل عام ؟ ده ربنا بيقول ومن أحياها فكأنما أحيا الناس جميعاً .. يعني المحيي والمميت هو الله .. لكن أنا كإنسان بيبقى في إيدي إن واحد مريض سرطان أو كبد او كلى على وشك الموت وبمساعدتي انا بيُشفى بإذن الله ويرجع سليم تاني لحياته ولعائلته ... كنت حكيت لكم عن شاب قريبي من حوالي سنة كان هنا وقعد يكون في نفسه وبدأ صغير ويادوب بعد معاناة 5 سنوات لم ينزل فيهم أجازة لمصر مطلقاً ... قدر يعمل بيت ونزل يتزوج وفي أول أسبوع جواز إكتشف إن عنده سرطان المستقيم وهو في هذا السن الصغير وكان الاطباء هنا في السعودية قد شخصوا المرض في البداية على إنه بواسير ... لكن بفضل الله وبفضل مساعدات أهل الخير - ومنهم ناس هنا في المنتدى ربنا يجازيهم كل خير - الحمد لله رب العالمين قدرنا نساعده بالرغم إن حظه ملعبك وجه في هوجة إيقاف العلاج على نفقة الدولة والكلام الفاضي ده .. فعملها على حسابه الشخصي عشان الموضوع ما كانش ينفع ينتظر أكثر من ذلك ... والولد بقى زي الفل وخف الحمد لله تماماً .. وجه جدد تأشيرته وإقامته ونزل مصر تاني يرتاح شويه بعد عذاب العلاج الكميائي والأشعاعي وبعد الجراحة وخلافه .... وهاييجي يعاود نشاطه تاني ويبني أسرة وربنا يزرقه بأولاد وبحياة سعيدة ... وكل ده وإحنا بنتكلم في حاجات بالنسبة لنا تعتبر تافهه .. سوري يعني الواحد لما بيروح يصيف بيعمل ميزانية بالألوفات .... حلال وحقه ويعمل اللي هو عاوزه بفلوسه وبرزقه .. لكن ما ينساش حق الناس وحق الله في ماله وما ينساش الاولويات في الحياة ....

ده لا استهتار ولا استفزاز , دي الحقيقة اللى احنا عارفينها وغافلين عنها او بنحاول ننساها او نتناساها , لو ما عملوش كده في ظل وجود حكام متخاذلين ومعاونيين لهم , حكام اهتموا بكراسيهم وتوريثها اكثر من اهتمامهم بهموم شعوبهم ,حكام وضعوا ايديهم في ايدي عدوهم , فهيعملوا ده امتى , شوف كلمة زغلول النجار والصورة دي كمان , فهم ابرك من اى كلام يقال , وحسبي الله ونعم الوكيل. الكلمة http://www.youtube.com/watch?v=JhDrUKJSRUw الصورة مع تحياتي

http://www.youtube.com/watch?v=UkxvyPxZXZ0

http://www.youtube.com/watch?v=HSDyCBS0QKQ&feature=related

أيوة .. أيوة .. أنا طلعت من القاعدة العريضة من الشعب اللي بترفض الألفاظ الغير لائقة في هذا المنتدى المحترم و خاصة لما تخرج من مشرف محترم زي حضرتك و كان المفروض إن الألفاظ دي تحذف من الموضوع هذه الألفاظ آذتني بحق .. و أكيد آذت غيري :protest: أما عن محتوى الموضوع .. فأنا تهت يا جماعة المفروض إن بداية الموضوع عن تهديد القاعدة للكنائس المصرية تم فتح مواضيع جانبية كثيرة .. حتى لو كان لها صلة بالموضوع الأصلي .. فهي تشتيت للقارئ و حتى بعض المحاورين كتبوا عن هذه المواضيع الجانبية .. بدون أن يكتبوا لنا عن رأيهم في هذا التهديد مداخلتي في هذا الموضوع 1) أنا من ( القاعدة ) العريضة من الشعب المصري ..التي ترفض أي مساس بالمواطنين المصريين المسيحين لأنهم جزء منا .. من القاعدة العريضة.. و ما يمسهم يمس بالضرورة .. الكيان المصري.. حاسة إني بأكتب كلام بديهي .. و لا يجب أن أكتبه. 2) على الرغم من أنه يجب ان نتخذ الحيطة من هذه التهديدات .. و لكني أشعر أنها في حقيقتها لا تبدو كما هي .. أو أنها لا تأتي من القاعدة .. نظرية المؤامرة يعني .. :closedeyes: كلام غير منطقي أن العملية الإرهابية تبدأ بسرقة في العراق .. ثم تتحول إلى تهديد لمصر .. غريبة!!!

اتفق تماما مع الأستاذ س س في الفكرة ولكن سأختلف معه في استخدام الألفاظ يا جماعة أي تهديد لمصر أو أي مصري لازم كلنا نقف يد واحدة أمامه ولا نقبله ولا نقبل حتي بوجود أعذار له ولا إن له نية حسنة وبغض النظر عن اتفقنا أو اختلفنا مع القاعدة ( أنا شخصيا أختلف تماما :protest: )لا يجوز بأي حال من الأحوال إننا نفكر إنهم علي نسبة ولو ضئيلة من الصح في تهديدهم لبلدي لأن اسمحوا لي التهديد موجه لمصر كلها مفيش تهديد يفرق بين اثنين قاعدين جنب بعض في الاتوبيس ولا بين كنائس وجوامع كتير متجاورة جنب بعض يعني أنا وأنا باسمع التصريحات بسمع انه تهديد لمصر وخلاص عندما خرج الرسول صلي الله عليه وسلم من مكة مهاجرا قال ما معناه إنك أحب البلاد إلي قلبي ولولا أخرجوني منك ما خرجت - استنبط علماء عدة إن حب الوطن سنة عن الرسول صلي الله عليه وسلم .فحبوا مصر بجد ياجماعة :egyflag: وبعدين الأمور ماتتحلش بالطريقة دي والقاعدة مش واخدة توكيل رسمي بتطبيق الاسلام ولا هي بطبقه من أساسه ربنا يحمي مصر وكل المصريين .....قولوا آميييييييييييييييييييييين

غني للناس للحب غنيلي غني http://www.youtube.com/watch?v=X4Md2fsm5BM

بهدؤ دعونا نضع بعض الحروف فوق الكلمات كي تظهر الصورة أوضح ... مما لا شك فيه ان هذا التهديد الذي تلقته الكنيسه القبطيه الارثوذوكسيه لم يكن تهديدا لاقباط مصر فحسب بل هو تهديدا لكل الشعب المصري بمسلميه قبل اقباطه ولا اعتقد ان هناك شخصا واحدا في مصر ايا كان انتماؤه الديني اوالسياسي يقبل بهذا التهديد الفج الذي تفوح منه رائحة ملالي ايران مستخدمين القاعدة كمخلب القط .. يحاولون مره تلو الاخري بان يعبثوا بالأمن المصري وسوف نتناول هذا الأمر من خلال العناوين الرئيسيه التاليه: المحور الاول : العلاقه بين الاعتداء علي الكنيسة وكاميليا شحاته ووفاء قسطنطين في بداية الامر لم تكن كنيسة سيدة البشاره هدفا لهذه العمليه الارهابيه بل كانت العمليه في الاساس محاوله فاشله في اقتحام سوق الكراده للاوراق الماليه ببغداد وعندما جوبهت هذه المجموعه الارهابيه بمواجهه عنيفه من قوات الحراسه العراقيه هربت هذه المجموعه واختبئت داخل كنيسة سيدة البشاره الكاثوليكيه واحتجزوا المصلين رهائن لهم وكانت مطالبهم هو الافراج عن بعضا من المعتقلين من افراد تنظيم القاعده في مقابل الافراج عن الرهائن وهددوا بتفجير الكنيسه امام أي محاوله من الجيش العراقي باقتحامها. وبعدما اقتحم الجيش العراقي الكنيسه في محاولة منه لتحرير الرهائن نفذ الارهابيين تهديداتهم بتفجير انفسهم بواسطة الاحزمه الناسفه التي كانوا يرتدونها.. هكذا زملائي الأعزاء بعد كل هذا الخراب والضحايا من القتلي والمصابين اعلن تنظيم القاعده كلاما اخرا وتبريرا اخرا لتلك العمليه الغبيه التي راح العشرات من الضحايا من الرجال والاطفال والشيوخ والنساء الذين لاذنب لهم في اللعبه السياسيه العراقيه ثم يخرج علينا تنظيم القاعده لكي يعلن ان العمليه كانت انتقاما من الكنيسه المصريه الارثوذكسيه بسبب احتجازها لكاميليا شحاته ووفاء قسطنطين !!! وبناء علي ماتقدم يتبين لنا الملحوظات التاليه: اولا- في بداية الامر لم تكن هناك نيه لاقتحام الكنيسه ولكن الاقتحام تم بعد فشلهم من تنفيذ الهدف الاساسي من العمليه الارهابيه وهو اقتحام سوق الكراده للاوراق الماليه ببغداد وبالتالي فلم تكن كاميليا شحاته او وفاء قسطنطين هدفا لهم ولكن كانت لهم اهدافا اخري ثانيا- قبل قيام الجيش العراقي باقتحام الكنيسه بغرض تحرير الرهائن كان الخاطفون يطالبون بالافراج عن المقبوض عليهم من اعضاء التنظيم في مقابل الافراج عن الرهائن ولم يطالبوا مطلقا بكاميليا ووفاء قسطنطين ثالثا- مما تقدم يتضح لنا بما لاشك فيه ان هذه العمليه لاتمت باي صله من قريب اوبعيد بوفاء قسطنطين وكاميليا شحاته بل هي عمليه ارهابيه هدفها سرقة الاموال من سوق كراده للاوراق الماليه تلقفتها الاصابع الخفيه في العراق من اجل استثمارها واللعب بها علي خشبة المسرح السياسي العراقي المحور الثاني: التهديد المباشر للكنائس في مصر والشام والعراق توعدت القاعده في بيانها أنه إذا لم يلب الأقباط مطلب التنظيم "ستفتحون على أبناء ملتكم بابا لا تتمنونه أبدا ليس بالعراق فحسب بل فى مصر والشام وسائر بلدان المنطقة فلديكم عندنا مئات الآلاف من الأتباع ومئات الكنائس وكلها ستكون هدفا لنا إن لم تستجيبوا". لاينبغي علينا ان ندفن رؤسنا في الرمال فان هذا التهديد ليس موجها الي الكنيسه القبطيه الارثوذوكسيه فحسب بل هو موجها الي كل شعب مصر بمسلميه واقباطه وهنا اري ان الموضوع لا صلة له بكاميليا شحاته او وفاء قسطنطين او مليون سيده علي شاكلتيهما بل الموضوع سياسيا بحتا وله حذورا واسبابا اخري سوف نتعرض اليها في المحور الثالث والاخير وانا هنا لست بصدد كاميليا او غير كاميليا لان رايي في هذا الموضوع ثابتا ومعلنا وموثقا في العديد من الصحف والجرائد المصريه لكن عندما تحاول مجموعه لها ارتباطا وثيقا بقوي اقليميه بعينها ليست بخافيه علي احد فهي ايران تحديدا فالموضوع بعيدا كل البعد عن هاتين السيدتين ولم ولن اتعرض لموضوع هاتين السيدتين في مقالي هذا لانه شانا مصريا خالصا سواء اتفقنا او اختلفنا عليه فاننا الآن بصدد مواجهة اخطار قادمه الينا من خارج حدود الوطن الامر يستوجب علينا ان نعلن جميعا عدم قبولنا لهذه التهديدات التي تصلنا من خلال مجموعات ارهابيه تعمل لحساب قوي اقليميه تعبث في الشان العراقي واللبناني ونحن كمصريين لانقبل هذا العبث ان يمتد الي امن واستقرار هذا الوطن المحور الثالث : الاصابع الخفيه وراء هذه التهديدات العبثيه من الواضح ان اللاعب الايراني علي الملعبين العراقي واللبناني امسك بطرف الخيط الناتج عن حادث هذه الكنيسه المنكوبه ويحاول استثماره وهنا نجد ان هذه التهديدات ليست موجهه الي الكنيسه المصرية فحسب بل هو تهديدا موجها الي كل شعب مصر وليس من اجل سواد عيون كاميليا شحاته ووفاء قسطنطين ولكن هناك اسبابا اخري اوردها فيما يلي : اولا- من الواضح تماما ان هذا التهديد رساله ايرانيه موجهه الي كل من مصر ولبنان تحديدا والهدف منها هو اقصاء مصر بعيدا عن الملعب العراقي فمن الواضح التواجد المصري القوي الذي احدث توازنا علي الساحه العراقيه التي كانت ايران في السابق تسيطر علي مجريات الامور وفرض التشكيله الوزاريه التي يرضي عنها السيد الايراني اما الان علي الصعيد السياسي العراقي الحالي فنجد ان التواجد المصري القوي علي المسرح العراقي افسد علي الايرانيين املاء قائمه بعينها من الموالين لها لتشكيل الوزاره في العراق فوجود مصر القوي الفاعل علي الساحه العراقيه افسد علي ايران كل السبل نحو فرض قائمه وزاريه بعينها ومن هذا المنطلق فان هذا التهديد موجها الي مصر حكومة وشعبا من اجل الضغط عليها واجبارها علي التخلي عن دورها الفاعل في العراق وترك الساحه العراقيه خاليه امام التوغل الايراني ثانيا- الدعم المطلق المصري للمحكمه الدوليه الخاصه بقضية اغتيال رفيق الحريري رئيس وزراء لبنان الاسبق ومحاولة حزب الله الموالي لايران الضغط علي حكومة سعد الحريري من اجل افساد هذه المحاكمه دافعا للاصابع التي وراء هذه المجموعه الارهابيه المواليه لايران بان تصدر تهديداتها الي الكنائس المصريه في مصر والشام والمقصود بالشام بطبيعة الحال هو لبنان من اجل الضغط علي مصر واجبارها علي التخلي عن دورها في لبنان وترك اللبنانيين فريسة لحزب الله الموالي لايران من اجل التفرد بالشارع السياسي اللبناني وارغام اللبنانيين حكومة وشعبا علي افساد المحكمه الدوليه في شان اغتيال رفيق الحريري اخيرا: من خلال تلك السطور اوجه نداء عاجلا الي جميع الاخوه المصريين اقباطا ومسلمين التصدي بكل قوة لهذا التهديد لانه ليس تهديدا للكنيسه المصريه فحسب بل هو تهديدا موجها الي كل الشعب المصري بجميع طوائفه ودياناته وتوجهاته السياسيه ولذلك فان الدعوه موجهه الي جميع المصريين بجميع انتماءاتهم من : (سلفيين واخوان مسلمين – احزاب سياسيه بجميع الوانها من اغلبيه ومعارضه احزاب قائمه واحزاب تحت التاسيس – منظمات المجتمع المدني – ازهر وكنيسه – شيوخا وكهنه – رجال الفكر الاسلامي والمسيحي – الرياضيين والفنانين) الاعلان فورا عن تظاهره تضامنيه كبري تندد وترفض وتتصدي لهذا التدخل السافر في الشأن المصري الداخلي وتهديد امن مصر واستقرارها :copied:

هههه ربنا يفرح قلبك يا اكرم يا رب عن قريب وتعيد وانت سعيد يا سيدى عشتن تاكل اللحمه بنفس سبحان الله لا اللى بعت مرتاح والا اللى لسه والا اتسحبت فلوسه والا اللى لسه كله مستنى اللحظه اللى يحط رجله فيها داخل كندا ربنا ينولها للى عايزها بالخير يا رب ويسهلها للجميع

يومآ ما عندما شعر "بعض" مسيحيي مصر بالضيق و الذي وصل الي حد الشعور بالأضطهاد من بعض الممارسات الغبية ضدهم و قاموا بمظاهرات استنجد بعضهم فيها بأمريكا لتخليصهم ... كانوا بالفعل مثال في غاية السؤ لعموم المسيحيين في مصر و لم يعتبرهم الكثيرين ممثلين عن رغبتهم الحقيقية .. بل و تم اتهامهم بالخيانة .. و علي صفحات المحاورات هنا تم مناقشة و رفض هذا بالتفصيل ... تدور الأيام و بعضآ ممن كان يتهمهم بخيانة الوطن من جراء رد فعلهم هذا يقومون بنفس الأمر ... و بنفس الأسلوب ... تغيرت الأدوار و الأبطال و لكن الموقف واحد لا يتغير ... و بدلآ من كان يجد ان أمريكا هي الحل .. نجد اليوم ان القاعدة هي الحل ... كنت أتخيل ان الخلاف بين بعضنا ممكن ان يصل الي اي مدي .. و لكن ليس الي هذا الحد ... سي السيد ... اوافقك علي كل حرف كتبته .. و دعني اشاركك نفس البصقة علي وجه من يهدد أمن بلدي و من يبحث له الأعذار علي هذا الفعل .. تحياتي

السلام عليكم ورحمه الله وبركاته يا جماعه ويا اهل الخير والله انا بحب كل المصرين دون استثناء وعلشان اى حد جاى الكويت بيبقي اخويا وابن بلدى عايزه اقولكم علشان تعيشوا عيشه كريمه داخل البلد دى لازم على الاقل ومبدئيا يبقي مرتبك 250 دينار والا هتلعن اليوم اللى فكرت فيه انك تيجي الكويت واحنا بنقول وبننصح حرام على شاب جامعى يجي يبهدل نفسه فى شغلانه نص كم وفى الاخر ميلاقيش اللى يرجع بيه حرام عليكم نفسكم اقل من 250 دينار على اى وظيفه يبقي حرام عليكم نفسكم واهلكم لان اقل من المبلغ ده هيكون مهانه بمعنى الكلمه واللى عايش هيعرف انا بقول ايه

إضافة صغيرة و مهمة التأكيد على أننا لا نرضى بأن يؤذى مصري دون جريرة أمر مفروغ منه و لم يكن يحتاج لل"ألفاظ " التي استخدمتها حضرتك

العزيزة الفاضلة/ لونا شكرًا جزيلاً على المرور وعلى الكلام الحلو. بخصوص القاعدة، هي ببساطة عشان لو السطر خلص في الكتابة على الكمبيوتر وانتقلنا لسطر جديد ممكن يتسبب في فصل حاجتين بسبب المسافة اللي بينهم، بينما المفروض يكون الحاجتين دول جنب بعض في نفس السطر. فمثلاً لو سبنا مسافة بعد واو العطف، ممكن بسبب المحاذاة مثلا أو طبيعة الكتابة ينتهى السطر بعد الواو مباشرة، فنفاجأ بسطر آخره واو. فدي شكلها مش حلو. نفس الكلام ينطبق على النقطة والفاصلة وعلامتي الاستفهام والتعجب، لكن في الاتجاه المعاكس. يعني لا نضع قبل أي منها مسافة حتى لا نفاجأ بها (نقطة مثلا) موجودة في بداية سطر. برضه شكلها مش حلو. فيه تصحيح لآخر مشاركة لي: الفاء حرف عطف، لكن اللام حرف جر، وليس الاثنان حرفي عطف كما كتبت في المشاركة. لكن الملحوظة تبقى سليمة في طريقة الكتابة.

دا أنا جانبك ملاك :D على العموم لا هما وللا غيرهم هيقدروا يعملوا حاجة بأذن الله النظام الامنى فى مصر قوى جداااااااااا وبعدين لو كانت كاميليا وللا وفاء هيخرجوا على جثث المسيحيين الابرياء وعلى ايدى هؤلاء .. يبقى يفضوا محتجزين أحسن

الكلام سهل وسهل اوي يا استاذ سين سين لكن محدش بيعرف المصيبة بتيجي منين .. قريت النهاردة في المصري اليوم عن الاستعددات الامنية الكبيرة للكنائس والأديرة والمصيبة ان لو المصيبة حصلت فيه خفافيش تانية هتستغلها اسوء استغلال ويرجع من تاني النفخ في النار حقيقي التنظيم ده تنظيم شيطاني وان كنت ماعرفش عنه الكتير لكن يكفي ان بيلصق الارهاب ب الاسلام

اى خدمة

من يتدبّر جيداً رؤية إبراهيم باشا لأحوال مصر ورغبته في تعديل بعض أوجه الظلم التي يراها في حكم والده.. وطموحه الكبير في تحويل مصر إلى بلد متقدم بمعنى الكلمة (راجع ملاحظاته أثناء جولته الأوروبية، وبكاءه على ما رأى في اليونان من حدائق غنّاء وعيش رغد، رغم عدم امتلاكها لما لدى مصر من خيرٍ وفير..)، يلتمس له العذر في تعجله لتولي مقاليد الحكم، وخصوصاً بعد ما ذكره نوبار باشا بأن محمد على في أواخر أيامه كان لا يعي ما يدور حوله بل ويحبس نفسه لأيام طويلة في غرفة خاصة.. طبعاً كلام بلال فضل أن إبراهيم هو الذي عزل أبيه عن الناس غير صحيح.. ولم أقرأه في المذكرات.. بل إن نوبار باشا يؤكد أن محمد على كان يتوهم ذلك.. والحقيقة أنه كان يحبس نفسه في غرفة منفصلة، حتى لا يراه الناس على هذه الحالة.. ولما يشعر بلحظات الحضور وصفاء الذهن يطلب البريد ويقابل بعض الوفود

الإجابة الحديث: تعرض الفتن على القلوب كالحصير عوداً عوداً، فأيما قلب أشربها نكتت فيه نكتة سوداء، وأيما قلب رفضها نكتت فيه نكتة بيضاء، حتى تصبح القلوب على قلبين: قلب أبيض خالصاً، وقلب أسود مرباداً كالكوز مجخياً، لا يعرف معروفاً ولا ينكر منكراً) صحيح مسلم

استغفر الله العظيم اللهم لا شماته في المرض نسال الله لنا وله الهدايه ,, محدش معصوم فينا

السلام عليكم، سبحان الله من عدله و حكمته انو شرع للراجل انو يقدر يتجوز اربعة لانه بطبيعته يقدر يغلب العقل على العاطفة، فيقدر يعدل على قد ما يقدر بين زوجاته، بعكس الست الي العاطفة عندها دايما مغلبة على العقل. وفى زمنا الي احنا فيه ده، الراجل الي يتجوز مرة، لو فكر انو يتجوز تاني يبقى اكيد صابه الشديد القوي - اي والله -، لان الراجل طوول ماهو حاسس ان مراته فيها كل الي هوا نفسو فيه و بتديله كل الي هوا عايزه، يبقى هيبص بره لييييييييييه؟!!! وفي فكرة واخدها البنات و الستات اليومين دول عموما عن الرجالة ان عينيهم زايغة - مش عارف بتجيبو الافكار دي منين - طب زي ماقلتلكو هوا عينو مستحيل تزووغ برة طوول ما هوا عارف و متأكد من جواه ان مراته دي احلى ست فى الدنيا وان الصورة الي هوا راسمها لمراته مش هايشوف واحدة تانية زيها، ممكن يقارن بس دايما عارف ان المقارنة فى صالح مراته. بس هوا الراجل ممكن يبص لبرا حتى لو كل ده حصل؟!! انا شايف ان الست هيا بنسبة كبيرة بتبقى سبب سعادة او كئابة البيت، وهيا الي فى ايديها تحافظ على جوزها او تطفشو منها.

ارجع اشرح ليكم الموضوع باختصار لان تفاصيله كبيرة ومعقدة شوية دلوقتى فيه 3 شبكات فى السعودية وهم الاتصالات وموبايلى وزين ونقول انهم تقريبا مغطيين معظم المدن طيب هل كل شركة واضعة ابراجها فى كل منطقة ؟ المفروض اه لكن الللى بيحصل ان لتوفير النفقات بيستخدموا ابراج بعض وبنظام الايجار وده معظمه بيحصل فى الطرق السريعة واطراف المدن اللى الضغط فيها مش كبير فبالتالى مع بعض حالات التوسع العمرانى وزيادة الاستخدام ببعض المناطق الابراج مش بتقدر تستوعب كل المكالمات فى نفس الوقت فيتحاول تتصل ساعات يدى رنة ويفصل او انك ماتسمعش صوت المتحدث معك او العكس الحاجة الثانية كل قناة لها ما يسمى بالباندويدث اللى بيحصل مع كثرة استخدام الناس الانترنت من شبكات الموبايل وخدمات زى البلاك بيرى وغيره وغيره ده كله بياكل الباندويدث وبياثر على عدد الخطوط المستخدمة فى نفس الوقت اما موضوع الارقام اللى بتظهر بصورة خطا او برقم مصر مصر مثلا زى حالة اخينا سين سين لانه عدد قنوات الاتصال بين مصر والسعودية مثلا 5 خطوط اذا اتشغلوا كلهم يعمل ايه اخينا ؟ يروح محملهم على قنوات الداتا ويستخدم الفويس اوفر اى بى واه يوفر فلوس برضوا الحاجة الاخرى برضوا ايه ان زمان كان السويتشس مش بتشغل فويس اوفر اى بى الا السويتشات الكبيرة اما الان معظم السويتش المستخدمة بتوفر الخدمة انا حاولت ابسط الشرح على قدر ما استطيع انا عارف ان العملية معقدو شوية

محمولاً على الأعناق هو فعلاً بقى محمولاً على الأعناق لإنه ما بقاش يقدر يمشي ... واللي يشوفه وهما مسفرينه أمريكا من حوالي شهرين يتأكد لإنه كان متشال على سرير متنقل مش كرسي كمان وإبنه أعتقد إسمه إيهاب هو اللي بيدير مكتب الرشاوي في الباجور حتى الان .. وكل حاجه بتسعيره

المفروض الست تزعل فقط لو زوجها خانها او عمل علاقه غير شرعيه مع واحده اما لو الموضوع زواج على سنة الله ورسوله فلاما تعيش او تطلب الطلاق لكن تقتله والكلام ده فليس من حقها كان فيه عندنا اتنين فى المنطقه واحد مسكوا مع حالة زنا مع واحده والاخر عرفوا انه تزوج على مراته كل الناس سابت الزنا ولاموا الراجل اللى تزوج على مراته وكان اغلب اللى اتقال انها نزوه وراحت لحالها ام ده فزواج ومشاركه فى الحياه قولت سبحان الله يبغضوا الحلال ويستحبون الحرام انا لو ربنا اقدرنى انى اشيل مسؤلية بيت تانى وتالت ورابع هعملها وليه لاء تحياتى عنبو

عارفين ليه ظاهرة عالمية؟ لأنه "بزنس" رهيب و أرباح خيالية .. بالذات برة.. بيتصرف عليه و يستثمروا فيه.. بس برة .. بيشجعوا و يراهنوا و يتخانقوا .... لكن بيشتغلوا و يشاركوا في الحياة السياسية حتى الرياضة ..بيمارسوها باختصار .. مش زينا بنتفرج و بس في كل حاجة تحياتي

انا اقولك يا اغابي يا اختي من واقع مجموعة من التجارب التي حدثت أمامي وتعايشتها على مدى سنوات عدة معلومة جانبية المرأة في القصة دي تستحق بجدارة لقب نسرة كما يقول عنها الكويتيين يعني ولية قوية ومفترية المهم ان زوجها اتجوز عليها وقلبت الدنيا وزعقت وهللت واتخانقت ورفعت قضية وفي النهاية تأقلمت مع الوضع وتعايشت تماما لدرجة ان زوجها كررها بعدها 3 مرات تاني وفي كل مرة تقلب الدنيا وفي الاخر تهدا وكل شيء يروح لحاله اللي مش هتصدقيه بقى ايه؟؟؟ ان اتنين من الزوجات حاليا ساكنين في بيت واحد بس كل واحده في دور مستقل ولها مدخل منفصل مما سبق نستدل على ان اي امرأة جوزها يتجوز عليها هتعمل عاصفة وبعدها تعيش بسلااااااااااام ومن هنا وبهذه المناسبة اتوجه بدعوة لجميع رجال المنتدى لخوض تجربة الزواج التاني والتالت وطبعا مفيش احلى من انك تلاقي اتنين او تلاته بيحاربو بعض علشان كل واحده تنال رضاك بس اوعى يتفقوا عليك التلاته

كلام حضرتك معقول بكل تأكيد .. وأشهد لحضرتك بالتوازن والعقل .. لكن يمكن تسجيلي لعدم احتجاجي هو إني لا أرى في نفسي إني ممكن أحدد إذا كان اللي حصل ده حرام أم لا واتحاسب بعدها على كده .. أكيد ممكن باب الحرص اللي أنا اتكلمت عنه يكون في الحالة دي زاد عن حد الحرص اللي أنا ارضى بيه .. لكن برضه ده مش كافي لي إني من حقي كشخص عادي إني اصنفها حرام .. لأن في الصورة دايما ما لم نراه .. وياما الإنسان يظن مخطئا لأنه بنى ظنه على افتراضات لم يراها في الصورة .. حواري مع حضرتك قصدي بيه خير بل وثقة .. تحياتي واحترامي بكل تأكيد قوليلي صحيح .. هي مريم محجوزة؟ ------------------------ ماقدرش أتكلم عن باقي الشعب بصراحة .. بس كفرد محدد من الشعب ممكن أصرح هنا عادي إني معترف بكل شيوخ الأزهر اللي أتوا بعد الشيخ جاد الحق رحمة الله عليه .. كلهم مسلمين .. بل وعلماء .. ولا أزكي فيهم أحد على الآخر .. ولا أزكي منهم أحد على الله .. أرجو إني بكده ماكُنش خرجت على الجماعة

السلام عليكم .. للمهتمين على العموم .. هذه محاولة مختصرة لتوضيح الصورة العامة للجمارك والرسوم على السيارات في مصر .. أولا: تقسم السيارات بهذا الخصوص إلى فئتين سعويتن رئيسيتين .. فئة السيارات ذات السعة 1600 سي سي أو أقل .. وفئة السيارات ذات السعة الأكبر من 1600 سي سي (قد تصل حتى 6000 سي سي في بعض مركبات الدفع الرباعي زي الجيب الشيروكي) ثانيا: تنقسم السيارات أيضا بخصوص الجمارك والرسوم إلى فئتين من حيث بلد المنشأ .. سيارات ذات بلد منشأ ذو معاملة تفضيلة ناشئة عن اتفاقيات التعاون المبرمة .. وسيارات ذات بلد منشأ ليس لها معاملة تفضيلة على الجمارك .. بعض التفاصيل لقيمة الجمرك والرسوم: أولا: كل السيارات ذات السعة 1600 سي سي أو أقل عليها جمرك بقيمة 40% من سعرها المثبوت عن طريق المصنع الموردة منه .. يضاف على قيمة الجمرك رسوم سيادية تقدر بـ 15% ضريبة مبيعات على سعر المصنع مضاف عليه قيمة الجمرك .. ويضاف بعد ذلك رسم التنمية وهو 3% على المبلغ الإجمالي بعد اضافة قيمة الجمرك وإضافة ضريبة المبيعات .. وبذلك تكون التكلفة الإجمالية للجمارك والرسوم على هذه الفئة هي: ((سعر المصنع * 1.4 لقيمة الجمرك) * 1.15 لقيمة ضريبة المبيعات) * 1.03 لقيمة رسم التنمية .. ويكون إجمالي المبلغ المحصل هو 65.8% من سعر المصنع كإجمالي جمرك ورسوم .. مثال: سيارة تباع بسعر 100 ألف ريال .. فئة 1600 سي سي .. بلد المنشأ ليس له معاملة تفضلية .. كم يكون الجمرك؟ بالنظر في الكشوف الموردة من المصنع للجمارك .. يتم إيجاد سعر المصنع للسيارة .. وليكن في الحالة دي ما يساوي 80 ألف ريال .. إذن إجمالي المبلغ المحصل من الجمارك سيكون 80 ألف * 0.658 = 52 ألف 600 ريال .. ملاحظة: لو كانت السيارة موديل أقدم من سنة جمركتها .. يتم عمل خصم على سعر المصنع الموجود في الكشوف بقيمة 10% عن السنة الأولى .. ثم 5% عن كل سنة تالية .. بخد أقصى 50% من سعر المصنع بغض النظر عن مدى قدم سنة الموديل مثال: السيارة موديل 2008 .. تاريخ دفع الجمرك يناير 2011 .. سعر المصنع 80 ألف ريال .. قيمة الجمارك والرسوم تحسب على 80 ألف مخصوم منها 20% عن السنوات التلات التي مضت على للموديل .. وبه يكون الجمرك على سيارة سعرها 100 ألف ريال موديل 2008 هو 80 ألف * 0.8 لخصم الموديل *0.658 لحساب إجمالي الجمرك والرسوم = 42 ألف ريال ثانيا: كل السيارات ذات السعة الأكبر من 1600 سي سي عليها جمرك بقيمة 135% من من سعرها المثبوت عن طريق المصنع الموردة منه .. يضاف على قيمة الجمرك رسوم سيادية تقدر بـ 40% ضريبة مبيعات على سعر المصنع مضاف عليه قيمة الجمرك .. ويضاف بعد ذلك رسم التنمية وهو 8.5% على المبلغ الإجمالي بعد اضافة قيمة الجمرك وإضافة ضريبة المبيعات .. وبذلك تكون التكلفة الإجمالية للجمارك والرسوم على هذه الفئة هي: ((سعر المصنع * 2.35 لقيمة الجمرك) * 1.4 لقيمة ضريبة المبيعات) * 1.085 لقيمة رسم التنمية .. ويكون إجمالي المبلغ المحصل هو 257% من سعر المصنع كإجمالي جمرك ورسوم .. مثال: سيارة تباع بسعر 100 ألف ريال .. فئة 1800 سي سي .. بلد المنشأ ليس له معاملة تفضلية .. كم يكون الجمرك؟ بالنظر في الكشوف الموردة من المصنع للجمارك .. يتم إيجاد سعر المصنع للسيارة .. وليكن في الحالة دي ما يساوي 80 ألف ريال .. إذن إجمالي المبلغ المحصل من الجمارك سيكون 80 ألف * 2.57= 205 ألف 600 ريال .. ملاحظة: مع إن سعر البيع للسيارتين كان واحد .. وهو 100 ألف ريال .. لكن اختلاف سعة المحرك من 1600 سي سي إلى 1800 سي سي جعل تقدير الجمرك والرسوم على السيارة يتغير من 52 ألف و600 ريال إلى 205 ألف و600 ريال .. هذا الفرق يدفعه صاحب السيارة إذا رأي إنه لا يريد الاستغناء عن امتلاكه لسيارة ذات سعة أكبر من 1600 سي سي بغض النظر عن سعر السيارة من مصنعها .. لأن المصنع لن يدفع للدولة التي تدعم الوقود فرق الاستهلاك الناشئ من المحرك الأكبرفي استهلاك الوقود .. يرجى ايضا ملاحظة أن المصنع الجيد يمكنه صناعة محرك 1400 سي سي يولد قوة 150 حصان بينما المصنع السيئ يصنع محرك 1600 سي س بقدرة 100 حصان .. يعني الزيادة في الجمرك والرسوم هي عقاب من الدولة للمصنع الذي يقوم بتصنيع محركات أقل كفاءة .. لأنه توجد سيارات فارهة جدا بمحركات 1400 سي سي مثل vw باسات أو vw تيجوان (SUV رباعية الدفع وموجودة في مصر) .. كما أن سيارات الـ BMW سيرس 3 والمرسيدس سيرس c تعمل بمحركات 1600 سي سي قوية جدا (156 حصان) .. وهي بذلك تخضع للجمرك والرسوم المخفضة للسيارات 1600 سي سي فأقل .. بعض التفاصيل بخصوص بلد المنشأ: أولا: الشركة المالكة لمصنع السيارات لها أن تسجل السيارة على أي بلد منشأ تريده .. بشرط أن تكون السيارة مصنوعة بنسبة لا تقل عن 40% في مصنع داخل هذا البلد .. أمثلة: 1. سيارة vw جيتا .. الشركة المالكة vw الألمانية .. نسبة التصنيع 40% فأكثر في مصنع الشركة بالمكسيك .. بلد المنشأ هو المكسيك وليس الاتحاد الأوروبي .. 2. سيارة هيونداي i30 .. الشركة المالكة هيونداي الكورية .. نسبة التصنيع 40% فأكثر في مصنع هيونداي بسلوفاكيا .. بلد المنشأ الاتحاد الأوروبي وليس كوريا .. ثانيا: المعاملة التفضيلية الناشئة عن اتفاقيات التعاون المبرمة تمنح أي سيارة مسجلة على بلد منشأ تابع لهذه الاتفاقية يتمتع بخصم على قيمة الجمرك (ولا يوجد خصم في جميع الأحوال على الرسوم السيادية وهي ضريبة المبيعات ورسم التنمية) أهم اتفاقيان تأثران على قيمة جمرك سيارة هما اتفاقية التجارة الحرة بين مصر والاتحاد الأوروبي .. وإتفاقية أغادير للتجارة الحرة بين مصر - تونس - المغرب - الأردن .. يرجى ملاحظة إن الجات جت .. من زمان .. لكن الجات ليس لها علاقة بالموضوع ده .. الجات لا تمنع الدولة من فرض جمرك ولكن تقنن مستوياته .. بينما اتفاقية التجارة الحرة تزيل الجمرك تماما .. بخصوص اتفاقية الاتحاد الأوروبي .. أي سيارة بغض النظر عن الشركة المالكة لعلامتها التجارية تصنع بنسبة 40% فأكثر بمصنع داخل دولة من دول الاتحاد الأوروبي تحصل على خصم 10% من قيمة الجمرك المفروض عليها .. وتزيد نسبة الخصم كل سنة بنفس النسبة من سنة 2010 حتى سنة 2019 لتصبح قيمة الجمرك عندها 0% .. وعندها يتم دفع 15% + 3% رسوم على سعر المصنع للسيارات 1600 سي سي فأقل .. أو دفع 40% + 8.5% رسوم على سعر المصنع للسيارات أكبر من 1600 سي سي .. يتم تطبيق ثاني 10% في يناير 2011 .. وبه .. أي سيارة جمركها 40% ذات منشأ أوروبي يتم حسابه بالتفضيل إلى 32% فقط .. وتضاف قيمة الرسوم الأخرى بشكل عادي بعد ذلك .. أي سيارة جمركها 135% ذات منشأ أوروبي يتم حسابه بالتفضيل إلى 108% فقط ..وتضاف قيمة الرسوم الأخرى بشكل عادي بعد ذلك .. بخصوص اتفاقية أغادير للتجارة الحرة .. يتم إلغاء كامل قيمة الجمرك من أول يوم تفعيل لها .. تضاف مع ذلك الرسوم الأخرى بشكل عادي .. لهذا: أي سيارة مصنوعة في المغرب مهما كانت سعة المحرك جمركها هو 0% + الرسوم (15% + 3%) أو (40% + 8.5%) حسب السعة أي سيارة مصنوعة في أوروبا سعة 1600 سي سي فأقل جمركها هو 32% + الرسوم (15% + 3%) أي سيارة مصنوعة في أسيا وخلافها سعة 1600 سي سي فأقل جمركها هو 40% + الرسوم (15% + 3%) أي سيارة مصنوعة في أوروبا سعة أكبر من 1600 سي سي جمركها هو 108% + الرسوم (40% + 8.5%) أي سيارة مصنوعة في أسيا وخلافها سعة أكبر من 1600 سي سي جمركها هو 135% + الرسوم (40% + 8.5%) أنا كتبت بالتفصيل الممل حتى يستفيد كل من له اهتمام بالموضوع .. بوجه عام .. لقاطني الخليج .. السيارات ذات المنشأ الأوروبي أفضل كثيرا للتملك في الفترة القادمة بسبب المعاملة التفضيلة .. كمان .. حاول إدراك إن السيارة الجيدة لمدينة في الخليج ليست جيدة لمدينة في مصر والعكس صحيح .. ممكن سيارة فارهة في مصر ليس لها توكيل مناسب في الخليج يجعل امتلاكها في مصر أكثر ميزة من امتلاكها في الخليج .. ملاحظتين مهمتين جدا: 1. سعر السيارة عند حساب الجمارك والرسوم يتم على أساس سعر المصنع وليس سعر الذي تم شراء السيارة به .. 2. السيارة ليست مجرد مركبة! فهي أيضا طريق نسير عليه .. ومصاريف مترتبة على ترخيصها وتشغيلها واستخدامها .. وجهات مؤهلة للصيانة عند الحاجة .. وقطع غيار متوفرة ومناسبة التكلفة .. لذلك ممكن سيارة نيسان باترول تكون مناسبة للامتلاك في أبوظبي بينما الجراند شيروكي تكون أكثر مناسبة للاستخدام في الإسماعيلية .. فالعوامل المحيطة تحكم مدى أفضلية مركبة على أخري بشكل مختلف حسب اختلاف مكان استعمالها .. كان هذا استهلالا لا بد منه .. الآن الردود على بعض الأعضاء الأعزاء .. أولا .. عزيزي من أحبه في الله .. ozoozo .. أظن ولاد البوابيين يركبوا عربيات عادي جدا .. المهم يعرف معاه كام وعليه كام .. وظيفة أبوه ليس لها علاقة وثيقة بنوع المركبة اللي هو قرر يركبها في مصر .. ثانيا .. الفاضل عبيد الله .. لا خلاف على جودة التويوتا كامري .. لكن للأسف الظروف تجعلها على قمة الفئات الغير حاصلة على أي تفضيل جمركي .. لا من ناحية سعة المحرك ولا من ناحية بلد من المنشأ .. التخفيض الوحيد سيكون عند تقادم الموديل وهذا ليس سيئا لمن ينوي استعمال السيارة لفترة في الخليج قبل جمركتها .. لكن أيضا تذكر .. السيارة ليست فقط مركبة .. لهذا السبب قال لك الموظف أن كامري ما تنزلش مصر أبدا .. كل بلد وليها ظروفها .. الخليج تركب كامري .. لكن لا يحق ليك إنك تكون صاحب عمل مثلا أو تمتلك العقارات بالسهولة .. مصر عكس ذلك .. ثالثا .. أخويا العزيز على قلبي .. الغريب .. اسكودا .. أوكتافيا .. صح؟ هي نفسها الـ vw جيتا ولكن تصنع في التشيك بدلا من المكسيك ثم تأخذ ماركة اسكودا بدلا من vw .. لكن نفس الشاسيه .. الماتور .. كل شيء ماعدا بعض الاختلاف الطفيف في نظام السسبنشن عندها يجعلها أفضل بشكل ضئيل جدا عن أختها المكسيكية .. الأخت المكسيكية في المقابل لها ميزة إن البادج اللي عليها vw .. لكنها لا تصنع في أوروبا .. الخلاصة .. اتكل على الله .. بس تبقى تديني لفة لما تنزل مصر .. تحياتي للجميع وأرجو من الله إن يكون الموضوع ده أفاد ناس معانا هنا ..

http://www.youtube.com/watch?v=zu3js2nhrOY

هكذا بدأك الترجمان يا أستاذتي في مداخلته: وهكذا انتهيت أنت في ردك عليه: أول ملاحظة ليَّ هنا إن فيه آراء قالت بعدم الحسم للموضوع .. وممكن تكون مداخلتك لتوصيل مقصدك للفاضل الترجمان كواحد من أصحاب هذه الآراء بإن الحسم موجود كفيلة إنه يقر بـالحسم كما تقرين .. لكن لسه مجاش الرد اللي يقول إنه رأي في توضيحك حسم للمسألة .. حضرتك قلتِ: اسمحيلي أنا اقول ما أراه في ردك لتوضيح حسم المسألة .. أنا أرى إن حضرتك تنكري على الله رحمته لمخلوق من مخلوقاته إن ارتكب هذا المخلوق من الإثم ما يشرك به بالله أو يكفر به كخالق .. سواء بسواء إنكارك على الله مغفتره لهذا المخلوق لمثل الإثم .. أنا أقول أنه حق على الله تعالى كتبه على نفسه ألا يغفر للمشرك به أندادا من دون الله .. لكني لا أجرؤ قيد ذرة إني أنكر رحمة ربك على كل مخلوقاته مهما فعلوا على الإطلاق .. إلا الملعون .. واللعن بالتعريف هو الطرد والإبعاد عن رحمة الله .. ممكن كبشر لا نرى فرق بين الرحمة والمغفرة .. ولا يضيرني ذلك في شيئ .. يعني حتى لو الفارق ظاهر فليس بيان هذا الفارق هو اللي ممكن يخولني إني أنكر على ربي رحمته لخلقه معتمدا في إنكاري لرحمته على أحد من خلقه إن الله كتب على نفسه ألا يغفر لمشرك أو كافر .. ده شأن ربنا يصرفه كيف يشاء .. مش أنا أقول هذا غير مغفور له فلا رحمة من الله عليه .. الله تعالى ليس كمثله شيئ ..وتصريفه للأمور مش لازم نفهم بالمطلق هيتم عنده إزاي .. فيقدر الله إن شاء يرحم دون أن يغفر .. أنا اللي محسوم عندي إن الله لن يغفر لمشرك أو كافر .. هنا وأقف .. فلا أسهب بما يخص الرحمة .. شيئ آخر .. الله تعالى لا يظلم .. أمر محسوم .. ولأن ده محسوم بالمطلق .. فبالمطلق أيضا لن يظلم الله عبدا في الدنيا بأن يجعل قلبه مطمئنا لدين غير الإسلام ويقبضه وهو حقا مطمئن على كفره بالإسلام .. ولأن ده عندي محسوم ومطلق .. أرى إن الحديث عن رحمة الله لمن مات وهو مرتد مطمئنا أن ما قام به من ردة عن الإسلام هو الهداية هو أمر افتراضي لا يقبل الحدوث .. زي الكلام عن إن الله حاشا تعالى عن ذلك يظلم .. ده أمر لا يقبل الحدوث .. فلو قلت حاشا لله تعالى "إن ظلم الله عبدا ما أردته لنفسي بعدها ربا" .. لا يمكن لأحد اعتباري كافر بالله لتصريحي أني ما كنت لأعبده لو أن أمر محسوم مطلق عدم حدوثه حدث ووقع .. أنا لا أرى بأسا إني أقول أن الله راحم بل غافر لمن ترك الإسلام وقلبه مطمئن لغيره! لأن من المطلق والمحسوم عندي إن هذا لن يحدث .. وبالتالي أنا علقت مغفرة الله لعبد لا يستحق المغفرة بظلم الله حاشاه تعالى لهذا العبد بأن تركه يمت وهو مرتد مطمئن لغير الإسلام دينا .. أظن أني حسمت رؤيتي هنا بوضوح .. ولا أرى فيما قلت أنت خلافا عما قلت أنا سوى إنك تحدثتي عن الرحمة .. غير كده كلامي بالنص هو كلام حضرتك لكن اتخذ طريق مختلف للوصول لنفس النتيجة التي تقولين فيها "من يرتد عن هذا الدين بالذات سيلقى العذاب الاليم ولن يغفر له ببساطه لانه من المستحيل ان يرتد عنه لغرض اخروي وانما لسبب دنيوي" حضرتك بعدها قلت: يمكن إيماني وإيمان حضرتك وإيمان كل المسلمين قاطبة بأن الله ما له أن يظلم عبده هو نفس أساس الإيمان اللي يمنح حضرتك الحق بالقول إن "الخروج من (الإسلام) فلا .. لن يكون الا لعرض زائل" .. ما أراك قلت سوى ثابتا من ثوابت الدين الحنيف يا أستاذة .. إن أنكره مسلم كفر! لكن مين قال إن هذا الثابت المحسوم يستلزم حدا بشكل كذا بنوع كذا؟ وقوع الإثم كمفهوم لا يعني وجوب وجود حد .. أنا لسه لم أنكر حد القتل للمرتد .. أنا باناقش هنا مفهوم .. وهو إن من الثابت المحسوم في الإسلام أن ما يرتكه بشر أسلم به إلا لغرض زائل .. ومن الثابت المحسوم في الإسلام إنه ليس لكل إثم حد أو كفارة .. والثابت المحسوم في الإسلام إن ممكن الإثم اللي يكبر عن حد معين مايكونش ليه كفارة إرهاقا لمتركبة على عظم إثمه .. فتأجيل عذابه للآخرة أعظم .. والحد يكفّر الذنب .. والعجيب إن ممكن الإثم يكون من نفس الجنس لكن الأكبر منهم في الذنب لا حد له في الدنيا سوى عظيم التوبة والندم الشديد .. يعني الحلف بالله لغوا ليه حد تكفير للذنب .. لكن الحلف بالله حلفا غموسا لا حد له .. وهو غموس يعني يغمس صاحبه في النار غمسا من عظم الإثم .. ولو الحاكم مسك واحد وثبت عليه إنه حلف غموسا فالحاكم مش ملزم إنه يطبق أي نوع حد على هذا الحالف إلا إن رأى تعزيره .. أرجو إننا نكون اتفقنا إن من المحسوم الثابت في الإسلام إن المرتد لا يغفر الله له .. وإنه ما من أحد يترك الإسلام وهو مطمئن قلبه لما فعل .. فما فعل أحد هذا إلا لغرض زائل .. وهو بذلك أذنب الذنب الأعظم .. وأرجو إننا نكون اتفقنا أيضا إنه ليس لكل ذنب حد في الدنيا يقام من الحاكم على المذنب .. إلا إن رأى التعزير للردع - في الذنوب التي لا حد لها - .. الثابت المحسوم أيضا بيننا جميعا أن "المارق من الدين المفارق للجماعة" [نص في الصحيح] عليه حد .. وهو القتل .. والحد هنا يقام على المارق من الدين المفارق للجماعة لأنه داع للناس على الفتنة .. مارق .. محارب .. بقيت إشكالية من ترك دينه - وما يتركه أحد أسلم له إلا لغرض زائل - .. إشكالية من ترك دينه هذا ونحن نعلم إنما تركه إلا لغرض زائل .. لكنه لم يعمل على فتنه الناس .. ممكن تركه لإرضاء امرأة .. لشهوة مال .. وعلم نفر أنه تارك للدين لغرض .. وما كان التارك في هذه الحالة قائم من نفسه بتبليغ غيره بما قام به .. بل النفر هم من بلغوا .. حتى بلغ أمره الحاكم .. فأمر الحاكم بإحضاره لمجلسه .. هنا مافيش حسم .. فيه إشكال .. من العلماء من أجمع على وجوب استتابته تأسيا بالسلف حتى نكون خيرخلف .. ورأوا إن من رحمة الإسلام أن يستتاب تارك دينه غير المارق عليه حتى نهاية عمره .. فإن لم يتب حتى مات فأمره أصبح بين يدي خالقه .. له معه أن يفعل فيه ما يشاء .. من استند على هذا الحكم اعتمدوا على حديث في الصحيح ايضا "من بدل دينه فاقتلوه" (كل الأحاديث الأخرى بكل صدق غير قطعية اللفظ إلا هذا) ثم أقروا الاستتابة تأسيا بالسلف .. وجعلوا مدتها طول العمر إقرارا لثابت محسوم وهو أن شرع الإسلام بالناس فيه رحمة لهم .. فريق آخر من العلماء .. غير منكر للصحيح .. لكنه لا يأخذ بالمعنى اللفظي الظاهر للحديث .. ربما لأن "لا إكراه في الدين" أتت متأخرة على نص الحديث (حقيقة لا أدري) .. لكن من لا يأخد بالمعنى اللفظي الظاهر للحديث من العلماء يرى أن السبب من الحديث كان في شأن مارقين .. وما يقر أنه كان في شأن من مرق وليس من ترك شواهد عديدة منها آيات من كتاب الله .. ومنها أن الرسول ما قتل مرتدا إلا المارق .. فمنافقين المدينة في عهده مرتدين بنص قطعي الثبوت والدلالة .. وهو أمر محسوم ثابت في الإسلام منكره كافر .. لكنهم لم يكونوا مارقين فلم يقتلهم الرسول الذي لم يصل عليهم لأنهم بدلوا دينهم عن الإسلام فلم تحل عليهم الصلاة .. في كلا الشكلين .. نجد إن المرتد الذي لا يمرق إما يستتاب طوال عمره .. وفي هذا رحمة .. فربما رشد إلى الصواب وترك مافيه الزوال .. أو لا يستتاب أساسا وانما يترك مرده لله يعذبه كيف يشاء .. وله في الدنيا خزي ينزله الله عليه .. بس ..

http://www.youtube.com/watch?v=333gUgFgqSg

تحصنت بالله الذي لاإله إلا هو إلهي وإله كل شئ واعتصمت بربي ورب كل شيء وتوكلت علي الحي الذي لا يموت واستدفعت الشر بلا حول ولاقوة إلا بالله حسبي الله ونعم الوكيل حسبي الرب من العباد حسبي الخالق من المخلوق حسبي الرازق من المرزوق حسبي الله هو حسبي حسبي الذي بيده ملكوت كل شئ هو يجير ولإيجار عليه حسبي الله لاإله إلا هو عليه توكلت وهو رب العرش العظيم

واحد صاحبي بيحكي لي موقف خلاني وقعت على الأرض من الضحك بيقول لي واقف بالعربية في اشارة حمرا ... زي أي بني أدم لما بيحفظ الأغنية الشهيرة اللي خدناها في حضانة ومطلعها بيقول : الإشارة خضرا عدي الإشارة صفرا هدي الإشارة حمرا ستوب لقى واحد واقف وراه وعمال يزمر جامد وراح فالت منه وجاي جنبه وفاتح القزاز وقايل له " مش شايف الإشارة حمرا ... واقف ليه يا حيوان ؟ " وجري بالعربية الندل .. بيقول لي أنا شكيت في قوايا العربية وأتصلت بواحد صاحبي عشان اقول له : هما غيروا نظام الإشارات أثناء ما كنت نايم ؟