لوحة القادة

عايزة اقول حاجة لو سمحتوا لي من امتى اي حاجة في الدنيا متفصلة على مزاجنا و مريحانا و مفيهاش أي منغصات؟؟ ماهو لازم يا بنتي يبقى في منغصات و تحديات و هي الحياة يبقى ليها طعم الا بمواجهة التحديات دي و التغلب عليها؟؟؟!!!! يعني مثلا لما تبقي قاعدة في جو جميل كده حبذا لو كان هواء عليل يأتي من النافذة البحرية ساعة العصاري و انتي ترتشفين شاي الساعة الخامسة مع قطعة من الكعك الانجليزي المتين و في يدك كتابك المفضل هل يخرجك من هذه الحالة صوت بعض الباعة الجائلين و هم بينادو باعلى صوتهم على بضاعتهم؟؟؟ يعني حننكد عل نفسنا عشان شوية اصوات يمكن تجاهلها و التغلب على عدم سماعها؟؟؟ انتي بقى سيبتي الشاي و الكيك و رميتي الكتاب و مستنية البياعين دول يسكتوا الأول و الا مش لاعبة ده عمره ما حيحصل يا لموضة حتى لو نزلتي ضربتيهم بالرصاص لأن غيرهم حيجي و حيفضل يجي غيرهم حتى قيام الساعة لازم تعيشي حياتك اللي انتي راسمها لنفسك مهما كانت التحديات و مهما عليت الاصوات المخالفة و لما تلاقي اصوات الغلوشة عليت خدي نفس عميق و اتكلمي بالراحة خالص و اوعي تعلي صوتك مش حتاخدي غير ان صوتك حينبح و يضيع وسط الغلوشة خللي دايما نبرتك هادية هي دي النبرة اللي تخللي الآخيرن يسكتوا عشان يسمعوها و دول بس اللي يستاهلوا تكملي معاهم كلام انا مؤمنة تماما ان الانسان قادر على تشكيل البيئة التي يعيش فيها تمام زي ما بيشكل اكاونت على الفيسبوك بيرتبه زي ما هو عايز بالشكل اللي هو عايزه و بيضيف الاصدقاء اللي هو عايزهم و بيعمل جروبس (مجموعات) على كيفه و محدش يقدر يخترق البيئة المتكاملة دي بدون إذنك أو من غير ما تسمحيله بهذا الاختراق لموضة اضبطي الكاميرا و اعيدي اللقطة

{ الحمد لله رب العالمين } هل تذكر هذه الآية .....؟؟؟ هل شعرت بها فعلا ..........هل جربت إنك تدخل في الصلاة وأنت دموعك تسيل علي وجهك تقول تكبيرة الاحرام ..........دعاء الاستفتاح ........تبسمل ثم تقول الحمد لله .............أنت تشعر بألم شديد جدا وتشعر بكره للحياة وممكن تكون غير راضي عن مصيبتك لكن تحاول أن تظهر بمظهر الراضي لكن في أعماق أعماق نفسك الحزن والألم ............فكر معي كيف ستقولها وأنا أسفة أنت غير حامد لله فعلا بداخل قلبك هل تستطيع أن تقول بلسانك فقط ...........وهل تتخيل أن الله يرد عليك ويقول حمدني عبدي!!!!!!!!!!! كان لي تجارب كثيرة مع هذه الآية : يوم وفاة أبي بعد صراع طويل مع الألم والمرض وكنت عارفة أن النهاية قريبة جدا بكلام الاطباء ولم يعد بامكان أحد أن يساعده............. لم أكن في البيت وعندما بلغوني وأحضروني ............دخلت عليه في نفس الحجرة ونفس الفراش الذي اعتدت في الايام الماضية أن أجلس علي الأرض بجوار قدميه حتي إذا أراد شئ يجدني بجواره........كشفت وجهه وقبلته بالرغم من أنهم حاولوا أن يمنعوني ...........صدقا انهرت بالرغم من معرفتي أن لا نجاة من مرضه .......وأني في وقت الوفاة بالضبط وقت صلاة العصر كنت في مكان آخر أتوسل إلي ربي أن يشفيه ولم أكن أعرف أن في نفس اللحظة أبي توفي ............. عندما حانت صلاة المغرب توضأت دخلت حجرتي كي أصلي ....لن أصف مقدار ألمي لم أكن أستطيع أن أتكلم مع أحد .........وكان صوته وصوت صراخ الألم الذي تعودنا عليه في آواخر الأيام يتردد في إذني ................. يا **** هل ستقولي فعلا الحمد لله ؟؟؟؟؟؟ دخلت في الصلاة وأنا لا أدري ماذا سأقول لا أريد أن أكذب........ولأنه هو الرحمن الرحيم رزقني سكينة وراحة بمجرد البسملة وعندما حانت اللحظة أن أقول الحمد لله ............زالحمد لله أن جعل لساني وقلبي يقولون الحمد لله رب العالمين وانهرت في البكاء وعندما سجدت أةل سجدة شعرت فعلا أن لا ملجأ منه إلا إليه............شعرت فعلا بأني أحمد الله لأنه ملاذي لأنه رزقني التماسك ورزق أهلي الصبر في هذه اللحظات الأليمة التي لن أنساها أبد ما حييت .............. يارب سبحانك ........أخذت أقرأ سورة يس والصافات وص .......شعرت أن هذه الايات حضن يحتيوني .....لأني من المفروض أن أكون من أهل القرآن فلابد أن أثبت أهلي .................. سبحانك ربي لك الحمد علي أنك رزقتني الاسلام ورزقتني القرآن ورزقتني الصبر وعند خروج أبي من المنزل وهو مرتدي كفنه شعرت بأني أريد أن أصرخ وفعلا أنا أفهم مشاعر من يصرخ في هذا الوقت نار تأكل كل جسمي ولكن الحمد لله رب العالمين لم أجد شئ أقوله غير الحمد لله رب العالمين ولا إله إلا الله وأرغم أهلي أن يقولوها ...........وعند الدفن وفي أول ليلة لأبي شعرت أي خائفة عليه عايزة أكون معه أثبته لكن رزقني الله الدعاء له ورزقني حسن الظن في الله أن قرآني سيؤنسه في القبر ............... سبحانك ربي لولا رزقتنا التوبة لم نكن لنتوب ..لولا رزقتنا الرضا لم نكن لنرضي الحمد لله إنك ربي ....أنك ملاذي الذي لايتركني أبدا.

موضوع المعادلة للمحاسبين فى كندا مكتوب باللغة الانجليزية و به جميع النقابات و الشهادات لعمل المعادلة فللمحاسب 3 شهادات هى CA,CMA,CGA CGAهى الاسهل CA محاسب قانونى CMA محاسب ادارى معتمد CGA محاسب عام و كل التفاصيل الاخرى بالموقع الاتى http://www.immigrati...onal-order.html طبعا هتختار الشهادة اللى انت عايزها و دوس عليها هيطلع لك بى دى اف ذاكرة كويس جدا اما الفرنساوى فروح اطلع فوق و غير اللغة و عيش و كل اوردر من دول ستجد الاميل الخاص بهم فتكتب الخطاب ده و تبعته ليهم و هم يردو j'ai fait mes études en comptabilité pour 4 ans a temps plein. J'ai une experience pertinente dans ce domaine plus de .......... ans. j'ai passe ...... mois pour apprender le frances Jusqu'à la ...... niveau Dans l'attente de votre réponse , veuillez recevoir l'assurance de mes sentements les plus affectueux et mon profond respect. بعد كده تروح على الموقع ده http://imt.emploique...otpro=comptable ده موقع عن عمل مساعد المحاسب هتلاقى فية ايه المطلوب منه يعمله و إيه الشهادة اللي لازم تبقى معه و المرتب المتوقع و الكثير جدا من المعلومات كل اللى عليك انك تذهب اقصى اليسار و تدعس الاتى Description détaillée Perspectives professionnelles Salaires et statistiques اهمهم الاول و الاخير للمذاكرة الجيدة جدا ايه اللى هتشتغلة هناك و الرق بينة و بين شغلك الحالى و المرتب حوالى من كذا لكذا طيب ليه مساعد محاسب مش محاسب اولا لانك مش معاك شهادة كندية ولا خبرة كندية ثانيا لاتك تستطيع العمل كمساعد من غير معادلة يا دوووب بخبرتك المصرية بعد كده تروح على الموقع التالى تطبع منه عروض العمل طبعا مساعد محاسب شوية كده حلوين 10 او 15 http://placement.emp.../erechroffr.asp طبعا وظيفة المحاسب دى حاجة كبيرة قوى فى الكثير من الفروع تحضر كويس انت بتعمل ايه علشان الاسئلة اللى اتسألتلى لو انت مش محاسب ذو خبرة كبيرة جدا مش هتعرف تجاوب ده فى حالة ضرب كلام و بس يعنى مثلا ما تقولش انا اشتغلت فى الميزانية و انت مش عارف بتتعمل ازاى و البنود اللى فيها و هكذا يعنى يعنى انا اتسألت انت بتعرف تعمل الموازنة ازاى ؟؟؟؟؟ طبعا طبيعة الشغل مكتوبة فى طبيعه الوظيفة لكيبك خد اللى تعرفة منها و كمل انت لا تعتمد على اى حد يترجمها ليك لانها كلها مصطلحات لازم تعرفها زى ما هى مكتوبه دى من عندى للساده المحاسبين علشان ما يبقاش حد احسن من حد يا دكتور ايهاب :protest: زى الصبادلة و ما حدش يحتج

برررررررر برررررد ......... كوباية الشاي ما حوقتش ... الف في البيت ... حر طليق ..... انا الملك .... هدووووووء رائع جونيور و أمه عند حماتي اكمنها تعبانة ... ربنا يشفيكي يا حماتي ... بس مش بسرعة يعني .... احط شريط لأسمهان ..... و وواحد تاني لليلي مراد .... خير اللهم اجعله خير مافيش أصوات اعتراضات .. يا حلاوة يبقي نحط فريد .. و ما حدش منهم حيتريق خصوصآ المفعوص اللي دايمآ يقوللي دي عالم عندها مغص بتغني ... ايش فهمك في الغنا يا بتاع الهافي ميتال و تيمبرجاك و لا تيمبرلاند..... سندوتش فينو معتبر و يتدفس فيه شوية لانشون علي جبنة رومي .. و اقعد قدام التليفزيزن و اتمطع و اتفرج علي ماتش كورة من غير ما حد يقوللي غير القناة علي مسلسل يجيب الضغط و لا فيلم كارتون ... و من غير ما حد يفتح بقه و هو بيتنطط من الغيظ من فتافيت العيش و بواقي الجبنة اللي عمالة تتنطور مني عالكنبة و عالسجادة تحت رجلي .... "أحب عيشة الحرية" .... حلاوتك يا عبوهاب ... بس حتة السندوتش دي ما حوقتش ... و الواحد جاع ... تعمل ايه يا ابو سريع تعمل ايه يا بو سريع .... خطوات مترددة و لكن ما بدهاش ... الي المطبخ .... ايه الحلاوة و النضافة دي .... صدق اللي قال عليه مملكة المرأة ... و بما أنه مملكة المرأة يبقي مالناش دعوة .. يعني ما يخصنيش ... لما تبقي تيجي المرأة تبقي ترجعه مملكة زي الأول... انا حعمل اللي اقدر عليه و اللي يخلص ضميري .... تاكل أيييه يا سكوب ... تاكل ايه يا سكوب ...... محشي يا اخي اتلهي علي عينك ... انت تعرف حتة تشتريلك كرمبة و لا اتقور كوساية .... و بعدين بقي في الحوسة دي ... كل اللي في التلاجة حاجات خواجاتي ... نفسي في حاجة حرشة ... ابص حواليا ... و بعدين ابص للتليفون .. و تلقائيآ آجي أتصل بأم جونيور بس علي آخر لحظة الاقي نفسي بتصل بأبن مصر - خير يا سكوب - جعان - طب اعملك ايه يعني ؟ - ما تباصيلي اي وصفة سهلة كده لحاجة من بتوعنا... - من بتوعنا ؟ - آه والنبي يا أحمد - يبقي افتحلك علبة بولوبيف و اقلب عليها بيضتين .... بس ايييه مع الملح و لفلفل حط شوية كوركوم .. و ابقي ادعيلي... - كوركوم ؟؟؟ طب يا سيدي متشكرين يا شيف عصرك ... و قمت قافل السماعة و بعدين بقي في الحوسة دي .. الدنيا بقت برد بجد الجوع زاد ... و فجأة .. ازاي ما فكرتش يه فين التليفون ... اهه ..... و من الطرف التاني من الخط يأتي صوته : - عايز اييييه يا سكوب ؟ - جعان و بردان يا سي السيد .... السوارس يا سي السيد ... آخر مرة يا سي السيد - اييه يا ست أمينة اللي انت عامله ده .. - مش عارف اطبخ ايه و الواحد جاع - هي حماتك لسه عيانة -آه - يعني رجعنا كلنا عزاب تاني .... أنت عارف انا بعمل ايه دلوقتي - ايه ؟ - حلبسة - الحلبسة بتاعتنا ... حمص الشام بتاع أيام الكورنيش .... يا ابن الأييييييه ... لايمني يا ابو السيد - شوف يا سيدي من عربية اخوك الصغنن سين سين ... شعارنا ( أشرب حلبسه .. وادبح لمراتك البسه ) وإليك مقادير وطريقة عمل الفودكا البلدي - تنزل السوبر ماركو وتشتري علبة حمص جاهز .. احسن الحمص الحب بيبقى مقرف وتقعد تنقع فيه يوم كامل وكل شوية تغير له الميه وشغلانه . - وبعدين تاخد علبة الحمص على البيت وتغسل محتوياتها كويس من المواد الحافظة . - وتقوم دالقها في حله صغيرة على لترين مياه بيضاء من الحنفية - وتقوم حاطط عليهم معلقتين صلصة طوميطو ... ومقطع عليهم طوموطمينطي .. بأختصار 2 حبه طماطم عشان مش عارف أنطق الكلمة اللي فاتت ... وتحط عليهم معلقيتن خل طعام أبيض - تسيب الخليط ده يغلي لمدة لا تقل عن نصف ساعة .( نص يا سكوب مش أقل من كده ) - وبعدين تقوم مزوده ملح طعام مُشبع باليود . - تكون بقى سعادك جايب قزازة ميه معدنية حجم لتر بس فاضية زي مانا باعمل .. وحاطط فيها 3 ملاعق كمون مطحون ... على معلقة بهارات وتعصر عليهم قد لمونيتن تلاته ... وتزودهم نص كوباية ميه .... وتضع اهم مكون رئيسي للفودكا وهو الشطة الحراقة .. أنا بأستخدم هوت صوص اللي هو بالإيطالي يعني الشطة الجاهزة ده يابني المشروب المُفضل لقراصنة الكاريبي ... وتقوم قافل قزازة المية بالغطا اللي إنت حطه على جنب وما تضيعش الغطا زي كل مره يا سكوب ... وتفضل ترج ترج ترج في القزازة وأنت تطلق صيحات الفزع القرصانية اللي هي ( مين يعادينا .. واك واك ... في أراضينا ... واك واك ) وتقوم جايب كوباية كبيرة من اللي بتحطوا فيها شربات الورد للمعازيم في الأفراح وتقوم ماليها 10 % من الخليط الجبار ده على 45 % حب حُمص و45 % مية طرشي قصدي مية حُمص ... أي تغيير في النسب المئوية دي ممكن يؤدي إلى أثار جانبية خطيرة أقلها هو مرض سلس البول .. إنت حُر ... وإشرب يا معلم واتحدى إن ما راحو جابوك من لوكسمبورج اللي جنبكو لإنك ممكن تاخدها جري من روما للكسمبورج في نص ساعة بعد ما تضرب لك شوب من الفودكا دي . - و عهد الله انت حبيبي يا بو السيد ... - بس ابقي طمني عليك بعد كده يا سكوب .. انا مش ناقص ذنوب في رقبتي -------------------------------------------------------------------------------------------------------------------- دي كانت اول تجربة "رجالية" لنا في المطبخ ... و نقبل وصفات أخري ...حكايات أخري ... شيكات أخري .. و كده يعني

مساء الخير للجميع هااااااانت بقى 10 ايام . عملت اليوم جولة على فنادق الاسكندرية ووجدت التالى: 1-فندق سميراميس معقول ولكن الغرف ضيقة شوية والليلة 180 جنيه العنوان180 طريق 26 يوليو (الكورنيش )محطة الرمل ت 034846837/034847837 يبعد مسافة 10دقائق الى15 دقيقة بالسيارة(نظرا للزحام فى هذه المنطقة فى توقيت المقبلات ) . 2-فندق وندسور بلاس 4 نجوم السعر 890 لليلة ت 034808256/034808123.العنوان 17ش الشهداء(ايضا الكورنيش )محطة الرمل. 3- فندق يونيون مستوى عادى بطل على البحر الغرفة المزدوج على البحر بدون تكييف 154 بالتكييف 204 تطل على الشارع الجانبى بدون تكييف 118 وبالتكييف 154 حمام خارج الغرفة 70 العنوان 164 ش 26 يوليو محطة الرمل ت 034807771/034807537. 4- فندق الروضة فى الشارع الموازى للنبى دانيال يبعد 5 دقائق مشى فقط مستوى معقول الحمام داخل الغرفة الغرفة المزدوجة بدون تكييف154 بالتكييف 164 العنوان 1ش مرسى بدر خلف قصر ثقافة الحرية ت 033920568/0101638061 . واعتقد انه انسب الفنادق نظرا لقربه من المكز الثقافى الفرنسى الا لوحد عايز يتفرج على البح دى جاجة تانية . وهنا اتركم لكم الاختيار ويمكن الحجز بالتليفون ولو حد عايز احجز له انا تحت امره يبعتى على الخاص وربنا يوفقنا جميعا . (ليس لنا يارب ليس لنا لكن لاسمك اعطى مجدا)

الاخ الفاضل السلام عليكم ورحمة الله وبركاته عادي جداااااا عند دخولك المملكه اهم شي يكون معاك جواز سفرك القديم وتاشيره الخروج والعوده وانت في المطار الموظف بيخد منك الجوازين الاثنين بيعطيك علي الجديد ختم التاشيره وتدخل بسلامه ان شاء الله

يا شباب المقابلات ... دى مشاركه شوفتها بالصدفه لأحد الاخوه الافاضل اعتقد انو الدكتور قناوى استأذنو اولا و استأذن ادارة المنتدى انى انزلها هنا عشان لقيت فيها حجات مفيده للناس اللى داخلين عالمقابلات وربنا يوفق الجميع الاول هتكلم فى الحاجات اللى ممكن نلحقها قريب عشان الناس اللى بتقابل اليومين دول... المقابله لازم نتكلم فيها عن 4 مواضيع اساسيه (ده بفرض طبعا ان اللغه الفرنسيه متوسط المستوى) 1- العيوب اللى انت شايفها فى مصر وخلتك تاخد قرار الهجره . 2- المميزات اللى انت عرفتها عن المجتمع فى كيبيك وجذبتك للاقليم ده بالذات (الحته دى مهمه اوعى تجيب سيرته البلد اللى اسمها كندا او تحط الكلمه دى فى اى جمله ,,,, هى كيبيك وبس ). 3- ايه خطتك للوصول والاستقرار هناك وهتعمل ايه عشان تدور على شغل, والشغل بتاعك ده اخباره ايه هناك وسهل الحصول عليه ولا فى صعوبه. 4- معلومات عامه عن الاقليم . * ممكن نتكلم عن العيوب الظاهره فى المجتمع المصرى زى ضعف الخدمات والرعايه الصحيه والاجتماعيه والتلوث والاهمال والفوضى والعشوائيه والحوادث المتكرره , وهى عارفه كل التفاصيل ,لقيتها عارفه حوادث القطارات فى قليوب والصعيد وحريق مجلس الشورى وكارثه الدويقه وحقوق الانسان , وهناك نقطه اخرى وهى تفاوت الخدمات بين الريف والحضر . * ايضا ممكن نتكلم عن معدل التضخم العالى اللى عدى 30 % على اقل تقدير السنه دى بس , وان التضخم ده بيسبب ضغوط على المواطنين المطحونين اساسا من مرتباتهم الهزيله . * ممكن نتكلم عن نظام التعليم فى كيبيك وانها من افضل نظم التعليم فى العالم وده لانى اتعلمت فى مصر ومش عايز اولادى يتعلموا بالنظام المصرى . ممكن نعقد مقارنه سريعه كما يلى :- التعليم المصرى - الفصل 60 طالب . - يعتمد على الحفظ والتلقين ونسيان كل الماده العلميه بعد الامتحان . - انعدام ممارسه الانشطه المختلفه (الرياضه والموسيقى مثلا ) لضعف الامكانيات . - المرتبات الهزيله للمدرسين وما ينتج عنه من ظاهره الدروس الخصوصيه التى تمثل عبء اضافى على الوالدين . - الطالب مثقل بمواد كثيره ووقته قليل لاى انشطه اخرى . التعليم فى كيبيك - الفصل بحد اقصى 20 طالب . - الدراسه تعتمد على 3 اساسيات (الشرح , التطبيق والعمل الاجتماعى ماحدش يسالنى على دى هى كده) - الطالب يمارس ما يدرسه . - الطالب يمارس الهوايه المفضله كمادة اساسيه . النقطه التانيه المميزات اللى تعرفها عن اقليم كيبيك . نبدا بالاختيار :- (لماذا كيبيك) اللى هكتبه ده هو رائى الشحصى وهى وجدته منطقى ومناسب للموقف . بدات من سنوات البحث على الانترنت للحصول على ملعومات عن المجتمعات التى تقبل مهاجرين ووجدت الاتى مع ملاحظاتى . - امريكا : دوله غير محبوبه فى المنطقه العربيه ويوجد بها نزعات عنصريه ضد العرب والمسلمين والسود . - استراليا ونيوزيلاندا : لا يقبلوا المهاجرن الملونين (غير البيض) وانا ارفض الحياه فى مجتمع بهذه العنصريه . - كندا بشكل عام واقليم كيبيك بشكل خاص : وجدت ان كيبيك تقدم خدمات جيده جدا للمهاجرين مثل التامين الصحى والاجتماعى والتعليم عالى المستوى والكثير بشرط واحد وهو توافر امكانيه اللغه الفرنسيه وبالتالى قمت بدرستها جيدا ثم قمت بتقديم طلبى للهجره اليكم . ثم نتكلم عن المميزات فى اقليم كيبيك :- - نظام التعليم . - البيئه النظيفه . - الخدمات الممتازه و المتوفره لجميع المواطنين (من الاقليم او مهاجرين) . - احترام حقوق الانسان و المساواه والعدل والحريه وحريه الفرد محميه طبقا لميثاق الحقوق . (La charte des droits) - اهم كلمه لازم ندخلها فى جمله مفيده (جوده الحياه هى الاهتمام الاكبر) (la qualite de vie c'est la plus importante ). - مجتمع متقدم ومنظم ومتنوع ومنضبط ومنفتح على العالم . - وفى النهايه جنسيه لها احترامها فى جمبع دول العالم . النقطه الثالثه , خططك للوصول والايام الاولى فى كيبيك . - هنقول انا قبل السفر (من خلال الانترنت) ساقوم بحجز غرفه فى موتيل لمده اسبوع قرب وسط المدينه (مونتريال) لكى اكون بالقرب من خطوط المواصلات والمكاتب الحكوميه . - خلال وصولى فى المطار ساقوم بالمرور على مكتب وزراه شئون المهاجرين (MICC Ministre des Immigation et des Communites Culturelles ) فى المطار وذلك لتسجيل بيانات اسرتى كمهاجرين جدد و لمعرفة الاجراءات اللازمه للحصول على المستندات الاتيه :- - كارت التامين الصحى . - كارت التامين الاجتماعى . - رخصه القياده . - فى اليوم الثانى , ساقوم بزياره مكتب ال (MICC) الاقرب لمسكنى وذلك لمساعدتى فى تاجيرشقه او ستوديو لمده شهر وذلك لمساعدتى على التوائم مع المجتمع الجديد . - بعد ذلك ازور مكتب التوظيف الملحق فى مكتب (MICC) وذلك لمساعدتى فى ايجدا العمل المناسب لبدى الحياه . بالنسبه للعمل (تكون مجهز احصائيات عن وظيفتك فى كيبيك ورسوم بيانيه عن متوسط البطاله والمرتبات لهذه الوظيفه هناك , هكتب بالتفصيل ازاى نوصل لكل ده فى مشاركه تانيه باذن الله ) تقول الاول استعين بال MICC ثم استعين بالـ CLE (Centre Local d' empploi) ودى منظمه خاصه او اهليه عنى مش حكوميه وخلاص لمساعده للمهاجرين الجدد لايجاد وظائف , ثم عن طريق الصحافه من جرايد (le devoir) و(la Press) و(les pages juane) التى تنشر قوائم بالوظائف الخاليه او بيانات الاتصال بالشركات المختلفه مع البحث على الانترنت (حنتكلم ازاى نجيب عروض عمل منالانترنت بالتفصيل فى مشاركه تانيه) . - ثم التقديم للحصول على كورسات اللغه الفرنسيه للمهاجرين الجدد , وذلك للتسريع من عمليه التوائم فى المجتمع الجديد (مهمه اوى دى عشان تقنعها انك هتتعود بسره وبالتالى تاخد درجه التوائم كامله) النقطه الرابعه هى معلومات عامه عن الاقليم , فى موضوع فى المنتدى اسمه ( كل اللى اتقال عن كيبيك فى الموسوعات العالميه) الموضوع ده اكتر من وافى وفيه اكتر من المطلوب , والله انا تعبت نفسى وقريت المكتوب عن كيبيك فى ويكيبيديا بالانجليزى والفرنساوى ولقيه الموضوع ده كاتب كل اللى هناك بالنص وبالعربى وده معناه انه وراه مجهود كبير فى الترجمه, ربنا يكرم كل اللى تعبوا وبذلوا المجهود المشكور ده. لكن فى ملعومه مهمه وهى اللى اتسالت فيها ما هو اسم رئيس الوزراء فى كيبيك حاليا (M.Jean Charest) معلومات على الرابط ده :- http://www.premier-ministre.gouv.qc.ca/pre...iographie.shtml بالتوفيق للجميع

إيه ده .. مش تقولوا ان النادي فتح عارفين .. كتاب الرخاوي أكد عندي حاجات كتير أولها .. تعاملي مع أقرب الناس لي.. ابني .. زوجي .. أهلي الاندماج الزائد.. أن يسعى طرف لذوبان الآخر فيه.. هل سيحقق السعادة؟ سيحقق سعادة زائفة مؤقتة.. تتحطم مع تغير الظروف إما أن يمل الطرف الأقوى فلا أحد يحب أن يعيش مع نفسه طوال الوقت أو يضعف لأي سبب و يحتاج الآخر بجواره يسانده او حتى يأخذ الزمام بالكلية و ما من مجيب .. قد ذاب فيه و انتهى الأمر.. من الصعب أن ينفصل عنه مرة أخرى دون خسائر .. أو يتمرد الآخر إذ يجد نفسه فجأة بلا هوية.. ابني قد يدرك فجأة أنه معتمد علي أزيد من اللازم فيتمرد على القوالب التي وضعته فيها .. على الافكار التي "لقنته" إياها .. يندفع بعيدا عني كي يجد نفسه و قد يخسرها و يخسرني أثناء هذا البحث و النفور أكد لي أن الاستقلال العاطفي هو أساس السعادة .. أجني على نفسي و زوجي أن لم تكن لي تطلعاتي و حياتي و خبراتي .. و أجني على ولدي إذا ألصقته بي و لم أترك له المجال كي ينمو مستقلا .. أرشده نعم .. لكن لا أحاصره فاصل و نواصل بإذن الله

وقت ماكان لسه العالم بيعيش تايه في الغابه مصر كانت دوله وليها رايه ,, فوق اعلى سحااااابه http://www.youtube.com/watch?v=4Yn0tXGXhXs

الأخيرة http://www.youtube.com/watch?v=jto5JG23usY مع تحياتي

اليوم هو الغد الذي وعدت نفسك أمس أن تنجز فيه الكثير من الأعمال

اخبار سعيدة يا استاذ هانى ، ربنا يبشرك بالخير ، ويوصل المديكال لكل الللى عليهم الدور ,لانى متوقع الاسبوع القادم نسمع اخبار سعيدة

آه فاكره .... شوفي حضرتك تخشي عالبروفايل و تضغطي علي خاصية Find my content حتتفتحلك صفحة فيها خاصية البحث عن جميع مواضيعك و مداخلاتك معآ ك default مكتوب علي الخيار ده : view all topics doha has posted و لكن جنبيها سهم صغير لو بتدوسي عليه بيتفحتلك اختيارات تانية ممكن تجيبي منها المواضيع بس .. او المداخلات بس ... وبس تحياتي

بسم الله الرحمن الرحيم الأخوة الأفاضل / أعضاء المنتدى تحية طيبة وبعد 000 أرجوا منكم التواصل معنا في الحوار الدائر بيني و بين أخي architect مهندس / أشرف محمد

شكلك ما قريتيش الكتاب اللي في مشاركة العزيزة أم زيد

بالعكس .. هيدعولك و يبقوا حسناتك اللي بتمشي على الأرض المهم يفهموا ليه ربتهم كده فاكرين موضوع هل ستشرب؟ لا احنا و لا اولادنا هنشرب لمجرد اننا نبقى زي الناس الصراط المستقيم واحد .. حتى لو محدش مشي عليه بالنسبة للتعب.. كلنا بنتعب .. المهم بنعمل إيه لما نتعب؟ لو حاجة نقدر نصلحها او حتى ينفع نحاول نصلحها يبقى المفروض التعب ده يكون حافز للأصلاح و طبعا نتذكر دائما نعم الله التي لا تعد و تحصى و أننا عابرو سبيل مكلفون بالسعي و الإصلاح ما استطعنا و ان الأمر كله بيد الله سبحانه و تعالى

صباح الفل والورد الجوري لكل المحاورين والمحاورات سؤال طالما راود ذهني اتمنى ان اجد الإجابة عليه قبل عشرين سنه واكثر كان عدد الناس الذين يرتدون نظارات طبيه او الذين لديهم مشاكل طبيه بالعين عدد قليل يكاد يحصى على اليد اذا تلفت حولك تفتش عنهم في العائله ولكن الان ازداد بشكل ملحوظ عدد الذين يستخدمون النظارات الطبيه ومن مختلف الأعمار والأجناس فقد تجد العائلة كلها ترتدي نظارات طبيه :rolleyes: ما هو السبب؟؟؟ هل هو استخدام الكمبيوتر ولا اعتقد ان كل العائلة تستخدمه ؟؟؟؟ هل هو كثرة مشاهدة التلفزيون ؟؟؟؟ ماهو السبب في انتشار النظارة الطبيه ؟؟؟؟ اتمنى من كل قلبي أن اجد جواب شافي وكافي ودمتم

يا عنبي انت ليه مصر تنشر روح الانهزاميه والاستسلام رغم محاولات التخفيف المستمر wst:: مش حنتعب من الحياه ,, لا دي هيا اللي حتتعب مننا وتقول جاي كمان حنعمل لها دماغ :happy: ودماغ جامده كمان ههههه ولا عشان اسم التوبيك يعني ؟؟ انا قاعد بقى ومصحصح واي حد حيسلم سلاح هنا حظبطه واعيد شحنه واخليه يهزم الدنيا كلها ان شاء الله مش هيا اللي تهزمه وتقهره كلام كبير بتاع الليل واخره :happy:

اخوانى الاعزاء اتمنى انكم تكونوا جميعا بخير ومرة اخري مبروك لكل اللى جالة الميديكال واللى وصلتة الفيزا وعقبالنا يا رب وكل اللى مستنى الميديكال زيى. وقلبى معاك والله يا باتمان وانشاء الله حيجيلك قريب وبكره تشوف وتقول هانى بشرنى. انا بعت للسفارة الشهر اللى فات وردو عليه بنفس الصيغة اللى انت بعتها, ولسة بعتلهم اول امبارح اسئلهم لو فيه حاجة نافصة فى الملف او اى اوراق عايزينلها ابديت ردوا عليا ان الملف بتاعى خلص والميديكال حيوصلك in the few next days.فا ان شاء الله باقول لكل المتأخرين متقلقوش كل واحد حيجيلة فى ميعادة المحدد بأذن الله وارجوا من الله ان نسمع عنكم قريبا اخبار ساره وانا معاكم.....تحياتى للجميع

وجدت هذا الموضوع فى الموضوعات المشابههة أو المقترحة كما أسميها ووجدته موضوعا جديدا فأحببت أن أسهم فيه ببعض خبراتى السطحية. ما سبق كان إستهلالا لابد منه لم أمتلك كلبا طوال حياتى إلا لماما من عدة أيام إلى شهرين هذا فى طفولتى وشبابى ، إبنى الصغير (30 سنة الآن) إقتنى القطط و الأسماك و كان يحلم بإقتناء كلب و يوم ما أحضر له عمه كلب ضخم الجثة أظنه جيرمان شيبارد و أعذرونى إذا كان الإسم غلط و أحضر له أيضا بيت للكلب وضعناه فى سطوح الفيلا و بقى معنا الكلب ربما سنتين و بعدها مللنا من أعباءه و أهديناه إلى خال زوجتى أخذه عنده فى العزبة فى الريف. الكلب كان ودودا للغاية و صديق لكل أفراد العائلة و لكن ربما الحياة فى المدينة فى مدينة نصر فكان الكلب يشكل عبئا كبيرا كان الأمر يستتبع إرسال البواب عدة مرات فى الأسبوع لشراء هياكل فراخ لزم طعام "روفاس" و هذا إسم الكلب الذى إختاره أحد إبنى على إسم كلب رئيس الوزراء البريطانى تشرشل. و كلفت البواب إنه يفسح الكلب كل يوم و أحضرت إتنين مدربين للكلب واحد يدربه على الطاعة و الآخر يدربه على الشراسة و كل هذا كان مقبولا ...... حتى بدأ إزعاج الجيران بعوائه العالى فى "إنصاص الليالى" و إشتكى الجيران فلم يكن هناك مفر من التخلص منه. إقتناء الكلاب الكبيرة بالذات فى المدن يمثل عبء كبير لا يتحمله كل بيت.

شهرين خطوبة عملوا فيك كدا امال بعد الجواز حتعمل ايه حرام عليك يابنى انت لسة صغير خلى الهم ده للناس الكبيرة اللى زينا اعمل زى ابنى وكبر دماغك على رايه هو مش حمل زعل ولاضغط ولاكلام من ده لسة مفرح بشبابه بلغتكم بتاعة اليومين دول خليك كوووووووووووووووووووووووووووووووووول

السلام على الجميع كيف أحوالكم ربنا يكرمك يا نور السما وأنا فعلا منتظر معاكي جواب السؤال ده للمجربين هنا بالكويت

http://www.youtube.com/watch?v=FAB7JvJMPd4

حابب اقول يا جماعة المحاورتية من جميع الجنسيات العربية ان كل عربي مصرى و فيه جزء مصرى نسبة الى امنا هاجر زوجة سيدنا ابراهيم ابو سيدنا اسماعيل ابو العرب كانت ستنا هاجر مصرية يعنى اساس العرب مصرى فعشان كده كل عربي لازم يحن للمصرى لان الطبيعى ان الواحد بيحن لاصله و امه يعنى رغم المصريين معذبينك فى شغلك يا حمال الاسية و برضه بتحبيهم و يقولوا عليكى نصيرة المصريين و فى انتظار باقى التجارب و تحياتى لماما قلب ابيض و بوسي و نونيم و تامر و الغريب و للجميع عشان مانساش حد من الرواد و اشوفكم بخير و كل سنة و انتم طيبين جميعا عيد اضحى مبارك و ياريت حد يقول نظام الاضاحى فى الكويت ازاى و الافضل نضحى فى مصر و لا هنا فى الكويت و لازم نشهد الاضحية ام لا ؟؟

التقييم هو نوع من أنواع الأمانة , وبالتالى فإستخدامه يكون عن إقتناع بالفكرة تماماً وإعجابك بهاً فتعطيها الضوء الأخضر , وإما أنك مختلف معها تماماً في الرأي فتعطيها الضوء الأحمر , وليس الأحمر دليل كره أو عداوة شخص لشخص. من باب الأمانة والموضوعية أيضاً عدم قيام عضو بتعديل مشاركة له كتبها عن إقتناع وفيها خروج عن النص بعد الرد عليها من قبل عضو آخر خالفه في هذا الرأي , وعدم حذف مشاركات تم إقتباس أجزاء منها والرد عليها من قبل عضو آخر اثبت له خطأ ما كتبه او انه جانبه الصواب فيه, حتى يظهر ذلك العضو الذي قام بالحذف أو التعديل بمظهر الحمل الوديع الذي لم يخرج عن النص وان العضو الآخر هو من يرد من تلقاء نفسه, وبالتالى يفقد الحوار موضوعيته. مع تحياتي

انا عندى راى مختلف شوية انا شايف ان يجب ان ندرس فعلا اللى حصل اثناء موضوع جامعة الازهر شخصيا استخلصت بعض النقاط التى يجب ان ندرسها ونضعها فى حسابتنا : - الاخت جورية اخدت النقاط الحمراء لاختلافها مع جميع الاعضاء وده فى حد ذاته يثبت انها خطأ لسبب صعب جدا فى موضوع زى ده كل الناس تتفق على راى وهى تخالفه حتى لو كان راى شخصى وكان واجب عليها عدم الاستمرار فى الردود على نفس المنوال او الطريقة لان فى بعض الاماكن الاخرى قد يتطور الامر الى سباب واشياء اخرى لذا اعتقد انها نقطة اسفادة شخصية جيدة لها فى حياتها ان شاء الله - النقطة الاخرى انه لم يؤيد اى فرد فى الحاورات راى الاخت جورية ولو حتى من قريب ده معناه ان كل الشباب اللى فى المحاوات عندهم نفس الرؤية والنظرة الى ظباط الشرطة وهذا مؤشر سىء لى كمصرى ( كنت باحسب انا بس اللى باكره الشرطة) وده يوضح ان شكل كل المحاوراتية مش عاجبهم حال مصر - نقطة اخرى ان يتضح ان معظمنا ماعندوش موضوع انه يتقبل الراى الاخر حتى لو كان مختلف معاه او ضده بالعكس رغم اننا فى حوار يعنى بنتكلم بدون استخدام الايدى ولكن كله اعطى تقرير سالب امال لو كنا بنتحاور وجها لوجه كنا ضربنا بعض ؟ النقطة الاهم بقى ان اثبت ان مافيش حد من المحاورتية تبع الحزب الوطنى او بيؤيد الحكومة وكده انا اطمنت ونتكلم براحتنا بقى :lol::lol::lol::lol::lol::lol::lol:

برضو في سبب تاني وهوه ( طريقة الأختيار ) ممكن الزوج يختار الزوجة بنفسه و طبعا مراية الحب عمية وممكن تكون مش مناسبة ليه او يخلي والدته تختار ليه عروسة ، وبرضو الأم شابفة ابنها احسن واحد في الدنيا و تختار ليه زوجة شخصيتها أقوي من شخصيته فده مش حيقدر يبقي معاها سي السيد مهما تعب نفسه و اتخانق ان شالله سنين عاجباني فكرة الخاطبة بتاعة زمان ، دي واحدة ممكن يقولها العريس علي كل المواصفات اللي هوع عايزها بالظبط و هيا كمان خبيرة و عندها نظر و بتعرف تختار الناس اللي مناسبين لبعض

صباح الخير عليكم جميعا بالنسبة لزيادة الدوام يوم الثلاثاء فهي تمهيد لزيادة الدوام يوميا والسبب المعلن لزيادة يوم الثلاثاء لغاية الساعة 2 هو ممارسة النشاط والوزارة مصممة على انجاح هذه الزيادة رغما عن انف الجميع وبالنسبة لنا فالنشاط المدرسي حاليا هو عبارة عن ساعة كاملة من الفوضى وهي بمثابة اطاله للفرصة ولا يوجد نشاط حقيقي ولهذا عدة اسباب اولها ان المدارس غير مجهزة لمزاولة الانشطة فلا توجد ادوات تساعد على النشاط ثانيا مدرستنا مثلا فيها الف طالب تقريبا وبها 12 قسم لو فرضنا ان مجموع الانشطة 20 مجال فان المتاح للمجال الواحد هو 20 طالب وبهذا يكون عدد الطلاب الملتزمين بالتواجد في النشاط 400 والباقي 600 طالب ليس ورائهم غير افتعال مشكلات وزيادة كمية القمامة في الساحات ثالثا لا توجد ميزانية للنشاط في حين ان النشاط يستهلك كمية كبيرة من الاوراق واحبار الطابعات وشراء معدات واجهزة ومواد مستهلكة كثيرة رابعا ان المدارس في وضعها الحالي بيئة طارده للطلاب ونحن نشعر بالطالب بعد الساعة 12 ظهرا يبدأ بالتعب والملل ونقص التركيز لدرجة انه هناك نشرة رسمية تمنع اعطاء حصص الرياضيات في الحصة الاخيرة خامسا من المفترض ان يكون النشاط مجال لاستكشاف مواهب الطلاب المختلفة وتوظيفها وكذلك تفريغ الطاقات الكامنه داخلهم في اعمال مفيدة ومحببة للطالب بعيدة عن روتينيات المناهج وجمودها ولكن الحقيقة انه لا يوجد معلم واحد تم تدريبه على ذلك وكل ما يفهمه المعلمون عن حصة النشاط انه يقوم بشرح اجزاء من المنهج الخاص بمادته. سادسا كل معلم يكلف بحصة النشاط يعتبر نفسه معاقبا ومسجون لمدة ساعة فهو يتحمل اعباء كبيرة جدا من متابعة الطلاب وتصحيح الكتب ومراجعة الواجبات ورصد الدرجات وتجهيز الاختبارات والتحضير والبيع في المقصف المدرسي والمناوبة على مراقبة وحل مشكلات الطلاب في عز الشمس والحر وتجهيز وشراء الوسائل التعليمية من حسابه الخاص والتشتت ما بين طلبات رئيس القسم والمدير والموجه والوكيل والموجه الاول والمراقب ومدير المنطقة ووكيل الوزارة وصولا الى وزير التربية وبعد ذلك مطالب بتنفيذ النشاط ومتابعته فماذا ننتظر منه؟ سابعا اصبح نهاية دوام يوم الثلاثاء مأساة حقيقية وفعلية حيث ان الزحام المروري يصل الى ذروته في الساعة الثانية ظهرا وهذا عقاب ايضا لأولياء الامور والمعلمون بل وموظفين الدولة عموما وبالرغم من تلك المساوئ ومعارضة المجتمع ككل لفكرة الاطالة الا انه هناك اصرار شديدددددد على التنفيذ ولتدعيم هذا الاصرار نحن مكلفون اسبوعيا بعمل تقرير مدعم بالصور عن مدى وصول حصة النشاط لقمة النجاح والتميز وكذلك عن مدى سعادة المعلمين والطلاب بالنشاط ورغبتهم العارمة في زيادة المساحة المخصصة للنشاط لتصبح يوميا بدلا من مرة في الاسبوع واللي يعمل غير كده فالتقرير من الاساس مش هيخرج من المدرسة ويحظى صاحب الحقيقة بالويل والكراهية واتهامة بالاساءة الى سمعة المدرسة والمنطقة التعليمية والوزارة كان الله في عون طلابنا وفي عون المعلمين وفي عون اولياء الامور

السلام عليكم كثيرا ما أحس أننا نحتاج فهما أفضل للغة القرآن على بساطتها عندما أجد أن "كفار قريش" في أحيان كثيرة تأثروا به أكثر منا بل و فهموا منه ما لم نفهم أضع بين أيديكم بعض مؤلفات الدكتور فاضل السمرائي نفعنا الله و إياكم بها ملحوظة: من يستطيع أن يرشح لنا كتب أخرى تساعدنا في تدبر كتاب الله فليتفضل و جزاكم الله كل خير

استاذى الفاضل محمد ما اوردته حضرتك من نماذج جميله جدا لكن يجب علينا ان نعترف ايضا اننا نحن فى الشرق نختلف سواء مسلين او مسيحيين فى التفكير عن العقليه الغربيه فى الغرب لا يحتل الدين المساحه الكبيره من شخصيه الفرد كما يحتله لدينا نحن فى الشرق على اختلاف ديناتنا و لا يتدخل بالشكل المباشر فى تكةين الشخصيه و بالتالى فى اغلب التعاملات اليوميه كما هو ايضا عندنا و من هنا تحدث هذه المفارقه التى تتحدث عنها لا يمكن اغفال الجانب الثقافى و التكونى فى فهم الاسباب ليس للتبرير و انما للوقوف على الاسباب لتغيرها انماط التفكير االشرقيه تختلف اختلاف جذرى عنها للعقليات الغربيه و رغم ان لكل قاعد شواذ الا ان الاغلبيه تغلب استحاله ان الاب الشرقى يستسيغ بسهول ان يتحول ابنه المسلم الى مسيحى او المسيحى الى مسلم او ايا منهم الى الالحاد مثلا هذا يجب ان يؤخذ فى الاعتبار عند البحث عن الحلول لا توجد فئه فى المجتمع يتقبل اعضائها تحول ذوييهم الى دين مخالف حتى لو تشدقوا ليل نهار بهذا لكن وقت الجد الامور بتختلف و لاننا شعوب عاطفيه فالامور بتاخذ منحيات خطره فى معالجه الازمه بالطبع الامر بيختلف بختلاف مستوى الثقافه و الانفتاح لكن يظل الاساس واحد و هو عدم التقبل و محاوله اعادته الى نفس الفئه الايمانيه و ان اختلفت الوسائل المتبعه لذلك

اتعرفون .... ماهي اقسي لعنة قد تصيبك.....هي ان تكون انت -نفسك- لعنتك fty::

احيانا..تكون ابلغ اجابة لسؤال هي................... سؤال اخر :closedeyes:

عزيزى mzohairy اما اخي هوبسان فبالله عليك يا شيخ وقبل ما تديني كوزين الدره بتوعك عمرك سافرت و سمعت ان ماتلك بني آدم من حزنه على فراقك؟ هه؟ عمرك سمعت ان بني آدم يبطل ياكل عشان خاصمته؟ اذا سمعت قوللي عليه انا اقولك ...بس اسمع الحته دى ...انا لما اتخرجت فى الأكادميه و بعد 48 ساعه كان لازم ابتدى حياتى العمليه و اسافر للكويت لأخذ اول مركب و ابدأ اول يوم بحر فى حياتى ووالدى الله يرحمه مكنش عنده حاجه اسمها دلع و استعمل علاقاته و كنت متعين على المركب قبل تخرجى ...طيب اعمل ايه فى اولادى ( كلابى ) و كانو 3 جوكى و جينا و جينو فهدانى تفكيرى ان ارسلهم لصديق لى ابوه عندة عزبه كبيره فى الصحراوى ...و مقلكش قد ايه هما حاسين بأنهم لن يرونى مره ثانيه و حانت حالتهم تصعب على كل من يراهم حتى صديقى قال لى مينفعش آخدهم دول حيموتو عليك و انت بتحطهم فى العربيه ...و مطولش عليك الثلاثه ماتو بعد اسبوع من ذهابهم هناك بعد ان جائتهم هاله هياج و صرع و حرنو على الأكل لحد ما ماتو ما علينا ..انا عايز ارد عليك بحكايه البنى آدميين طبعا و انت سيد العارفين ان بعد الأم لا يوجد شخص عزيز كان ام غريب يمكن البكاء عليه بحرقه امى كانت الله يرحمها و يغفر لها هى حياتى و مستقبلى و عمرى و نفسى اللى بتنفسه حتى كنت احيانا بهرب من رحلاتى علشان اكون بجانب امى فى ما لو جاها زكام و لما تزوجت و الله العظيم وفى اول يوم زواجى من زوجتى قلت لها قدام اهلها و قدام الجميع ان امى تحتل فى حياتى المرتبه الأولى و انت تأخذين الثانيه و لما يجى الأولاد يأخذون المرتبه الثانيه و انت الثالثه ..فما كان من امها قولها انا كده اقدر اموت و انا مرتاحه و مطمئنه على بنتى و عليه كانت حياتى تسير بنفس الحال الى ان وافت المنيه امى و هى بين يدى زوجتى و ذهبت لأمى و حمدت ربنا الحمد الكثير ان امى ماتت و هى بتدعى لى و لإخوتى ( هذا عن لسان زوجتى ) و بكيتها البكاء الأسود و حمدت ربنا الحمد الكثير و انا ابكى ...و لم اموت و لم انتحر وفكل صلاه لابد و ان اختمه بالدعاء لأبى و امى ...و انا زى ما بيقولو الصدقه الجاريه اللى بيسيبها المتوفى لما يموت و آدينى عايش قدامك اهوه ابيع فى الدرا .....تجيش تاخدلك كوزين درا بقى عالكلام الحلو ده ...؟؟؟؟؟ توجد بالفعل العديد من الدراسات التى أثبتت بالدلبلأن لعاب الكلب يوجد به من الجراثيم الخطيرة ولا تموت الا بالتراب وسابحث عنها وأضعها ان شاء الله نقطة أخرى.... لا يعنى عدم اثبات الضرر... عدم وقوعه (وخصوصا ان كان من الحديث والسنة) لا يعنى أن المداخلة ليست فى هدى الأسلام أن الأسلام لا يدخل فيها انا اقولك .....بس نقطه هامه حتى لا اكون افتريت على كلام رسول المحبه ...بمعنى انا لا اذكر عمن نقل منه الحديث و لكنى اعتقد انى اعلم الحديث ولا اجزم بقوله حرفيا إذا لغ كلب فى طبق احدكم فليغسله سبع مرات احدهما بالرمل ....هذا ما اعلمه عن قول رسول الله و لا اجزم به جرفيا نعم هناك نجاسه فى فم الكلب ولا تعالج إلا بالتراب هذا ما اعلمه منذ نعومه اظافرى الدرا المشوى .....قرررررررب

التقييمات السلبية التي حصلت عليها الفاضلة جويرية لم تتم لأنها اختلفت مع الاخرين فقط فليس معقولا أن تختلف مع كل من عقب علي نفس الموضوع وتصر أنك علي صواب هي لم تختلف فقط .. بل استفزت الجميع بأرائها التي رأي الجميع أنها تستحق عليها تقييم سلبي وهذه حرية مكفولة للجميع وتكررت اسفزازاتها بتكرار ردرودها لانها لم تكتفي برد واحد علي نفس الموضوع .. فما معني هذا !!! أعرف أن العاطفة ستغلب علي الجميع الأن ويطالبوا بالغاء تقييماتها السلبية ولكني أري أن هذا ليس من الديموقراطية في شيء .. لأننا بذلك نصادر علي حق كل مع اعطاها تقييم سلبي وان كان يمكننا الغاء اي تقييم سلبي بهذه السهولة فالأفضل أن يتم الغاءه كليا لأنه هنا لا يؤدي للنتيجة المرجوة الأفضل انها كما حصلت علي تقييمات سلبية علي مشاركاتها .. أن تحصل علي تقييمات ايجابية بنفسها ايضا دون تدخل من الادارة والا فمن حق كل من حصل علي تقييم سلبي أن يطالب بالغائه من قبل الادارة .. وفي هذه الحالة لن يكون لمسألة التقييمات اي معني عذرا ان كنت أختلف معكم في الرأي .. ولكن بالتأكيد الاختلاف في الرأي لا يفسد للود قضية تحياتي