لوحة القادة

استنيتوا ؟؟ 3 2 1 http://www.youtube.com/watch?v=lFRu8VgSJMs مستنيين ايه ؟؟ برضه ؟؟؟؟

كل سنة وانت طيب يا .. ماتيجوا نشوف :) http://www.youtube.com/watch?v=vlGMJ-HEUCo

رابط المصدر مشترى دوت كوم

طيب تقديرا واحتراما ليكي يا استاذة (فلانة) وانت عارفة طبعا - انتى غالية عندى اد ايه انا هأهدى الامور المرة دى لكن اوعديني ان لاتسمحي لاي انسان ان يتعدى على مقدسات شركاؤه في الوطن وفي الحياه تحياتى

هى بقت كدة يبقى معتش فيه غير انه يقف على باب الطيارة يلبس الركاب قفازات بالقوة لحد ميعدوا من الجمارك وياخدهم منهم تانى هههههههههههههههههههههههههه بص بقى ياعم انت انا عارف ان الحل بسيط اوى وانا اللى عقدت المواضيع انت تقول الحل دلوقتى عشان اعرف يجيلى نوم بالليل لانى هفضل انكت فى نفسى لحد موصل للحل طيبيغسلم بتايد وبالتالى ريحتهم هتتغير ......... (ايه ياعم ده دول بردوا المان يعنى ممكن يعلقوه هناك لو الجودة مش مظبطة) ههههههه لا ياسيدي على ايه ,, انا معلش اتاخرت عليك كان فيه خناقه بس خلصت على خير والحمد لله فضيناها ,, حاضر يا حسام عشان خاطرك بس ,, الراجل استورد 5000 فرده شمال فقط ,, من القفازات ,, فتم تصنيفها كسلعة غير كاملة الاجزاء يعني بقايا وفضل وبعد اسبوع المعلم قام مستورد الفرد الليمين الباقيه كلها بنفس الطريقه هههه :happy: اي خدمه يا كبير ,,

أثبتت إدارة الأهلي بقيادة حسن حمدي ومساعدة الخطيب إنهما دخلا مرحلة التهليس والتهييس والتهجيص الكروي أينعم هم كانوا نجوم لامعة في الماضي وأينعم حققوا إنجازات غير مسبوقة للنادي الأهلي في السنوات الأخيرة لكن عفواً .. هذا لا يعطيهم الحق أن يعيثوا في النادي فساداً وإن كان غير متعمداً وخلاص نكتفي بكده ونبكي على الاطلال وحضارة سبعة الاف سنة اهلي وأعني هنا إن التطنيش والتنفيض والتكبير والبرود يعتبر فساد وإفساد وإذا كنت وصلت للمرحلة دي .. يبقى سيب الموضوع لناس بتفهم وناس نشيطة وناس البيزنيس الخاص بتاعها ما يشغلهاش عن مسئولية ضخمة زي إدارة النادي الأهلي لأ أشكك مطلقاً في ولائهم للنادي .. لكن لا علاقة بين الولاء وبين الإحتراف وترك الأمر لمن يستحق أن يوليه رعاية وأهتمام فعلى سبيل المثال ... إختيارهم ... من حسام البدري لزيزو يا قلبي لا تحزن ... وإذا كان الأتنين الحلوين لم يفهما رسالة جوزية حينما ترك الفريق بعد 6 سنوات لأن اللعيبة أنتهت صلاحيتها ولم يتم تدعيم النادي لا بناشئين موهوبين ولا محترفين يستاهلوا ولا تعاقدات مع لعيبة محلية عالية ... يبقى عفواً يروحوا يعملوا أي حاجه تانية غير الكورة ولما يشوفوا مستوى الفريق مع حسام البدري وافتقاده لجمال كرة القدم وتحس أن اللعيبة متكتفه وعلى رجلها أكياس رمل وحجارة صوان ... يبقى يروحوا يعملوا أي حاجه تانية غير الكورة ولما ييجوا يكحلوها يقوموا مخزقين عنيها الأتنين وجايبين واحد ... عفواً لا يفقه في الكرة أي شيء وبقى له أكتر من 25 سنة إسمه مدرب ومع ذلك السي في الخاصة به ليس بها أي بطولة أو تدريب لفريق محترم أخد به مركز أو حتى عنده فكر كروي .. وكل مؤهلاتة إنه مؤدب وخلوق وإبن حلال وكان لاعب هايل لكن أعتزل بدري عشان الأصابة ...ومجاملةً عينوه رئيس قطاع الناشئين والحمد لله ما خرجش فردة شراب ناشئة عليها العين ... وقاد الفريق في حوالي 4 مباريات لم يقدم خلالهم ما يدل على إنه " بيفهم كوره " يكفي التشكيل العجيب اللي كان بيتبعه سلفه حسام البدري في اللعب بدون رأس حربة صريح وتلزيق جدو كرأس حربة حيث لا يجيد اللعب في هذا المركز والعجيب إن الكابتن زيزو حبيبي اللي كان رئيس قطاع النائشين ما فكرش يستعين بناشيء من دول مركزه الأصلي كرأس حربه ومنهم إتنين شوفتهم بيلعبوا وهايلين زي احمد عبد الرحمن وعبد الله عبد العظيم اللي هاني رمزي في المنتخب الأولمبي بيتعمد عليهما وبيخرج منهم حاجات هايلة .. ومع ذلك لا حياة لمن تنادي نرجع مرجوعنا للكباتن الخطيب وحسن حمدي .. أتحدى يقولوا رأيهم في فرانسيس وغدار ولماذ الإحتفاظ بهما إلى الأن وعدم إعدامهما في يناير المقبل وتبديلهما بلاعبين على مستوى ... لكن إزاي ؟ الكباتن محسسنا إننا بننقل الهرم من مكانه في صعوبةعملية اختيار المدير الفني الاجنبي ... في حين إن العالم بقى قرية صغيرة ويُمكن تتعاقد مع الجن الأزرق في 24 ساعة عن طريق الوكلاء والمكاتب المحترمة مش الهليبة زي تامر النحاس او سويلم الكذاب ... والعقل كان بيقول إنهم يتعاقدوا مع مدير من أول يناير لكن ييجي يتفرج على الفريق في مباريتن تلاتة وحدث مع توقعنا وبيلفوا حوالين جوزية تاني عشان يرجع يقضي عندنا يومين فبل المعاش كذلك تصميهم على الإستعانة بلاعب سوووووووووووووووووووووووووبر .. وشوفنا يعني إيه كلمة سوبر في قاموسهم .. لما جابوا الاسبوع اللي فات لاعب درجة تانية في امريكا ... هو هولندي من أصل نيجيري .... شكلة إبن خالة فرانسيس أصل فرانسيس جاي من أمريكا اللي ما فيهاش كرة قدم زي العالم والناس ... وشافوه وجربوه طلع زي فرانسو بالظبط .. بيسمع سمع عن الكرة وواحد قال له تعالى عندي لك سبوبة أنما إيه .. ما تقولش لعدوك عليها في حين لقينا الزمالك تعاقد مع لاعب شبيبة القبائل أمين عودية ... ووادي دجلة تعاقد مع لاعب فنزويلي هايبقى قنبلة وسموحه والجونة ومصر للمقاصة .. الكل دعم فرقه من سكات وفي لحظات ... لأنها مش كيميا أما الاهلي فلسه بيدور على السوبر والبلمونت .. والظاهر أن اللعيبة اللي بنفس مواصفات فرانسيس أنقرضوا عشان كده الاهلي مش لاقي جحلوف زيه مش عاوز تريقه ... أقسم بالله أنا أهو لو دربت الأهلي بخمسة جنية في الشهر .. فمش هاعمل نتائج وأداء أسوء مما قدمه البدري وزيزو .. على الأقل مش هاخاف على مركزي وأمشي جنب الحيط وأعدم اللعيبة المهارية زي عفروتو وسعيود وعبد الحميد شبانة ... أو أصمم على الاموات الله يرحمهم زي أبو تريكة وبركات ومعوض والسلام ختام

http://www.youtube.com/watch?v=D-8ZvJ-DGaI&feature=player_embedded سبحان الله الجزاء من جنس العمل تذكر معلمته بعد 30 سنه وبكي من اجلها فتذكره اطفاله ومحبيه ايضا بعد 30 سنه وبكوا من اجله :sad: :cry1:

لا مجال هنا أخي الفاضل لمزيد من الضحكات والتهكم و"إستخفاف الدم" سألتني وقولت : لماذا أنت ملكي أكثر من الملك ؟ يعني المفترض أنك بتقولي : ليه زعلان من إفراج النائب العام عن الأشخاص ؟ وأجبتك أرجو منك أن تتبع كل موضوعات المحاورات لتسائل أي شخص ليه تحفظ على سياسة يراها خاطئة في البلد : لماذا أنت ملكي أكثر من الملك ؟ منتكلمش في أي مشكلة في مصر مادام حضرتك هتستنكر علينا بسؤالك : لماذا أنتم ملكيين أكثر من الملك ؟ عفوا.. ربما لم تصلك أنت فكرة منتدى "محاورات المصريين" أننا هنا مواطنين وليس مطيبتين.. شكرا لا والله يا غريب انا مش كده خالص وانت اخطات 4 مرات ,, اولا اخطأت في حقي لما تقول اني مطيباتي ربنا يسامحك ,, ثانيا اخطأت لما قلت اني بستخف دمي لان ده ا سلوبي على العموم في التحدث بتلك الطريقه سواء معاك او مع غيرك ثالثا اخطات لما قلت على نفسك مواطن لان ابسط التزامات المواطنه هي وانت معروف قناعاتك المسبقه مش مجال مناقشتها دلوقتي رابعا اخطأت لما قلت : " ليه زعلان من إفراج النائب العام عن الأشخاص ؟" لان ده مش معنى جملة ملكي اكثر من الملك على الاطلاق معنى تلك الكلمه هي اتخاذ التابعين موقفا لم يأخذه المتبوع بنفسه وعشان اوضح انتم قعدتم تقولوا هيبة الدوله ومباني الدولة وحق الدوله المهدور كل ده جميل ,, لكن لما يجي رأس الدوله ويصدر القرار بالعفو يبقى الموضوع خلاص انتهى زي المثال اللي كنت ضربته للفاضلة مغتربة بجلسة العرب لما كبير الجلسه بيقول رأيه خلاص كل الصغيرين بيسكتوا ,, والمفروض اختلاف الراي مالوش دعوه بالموده يا غريب فماتبقاش غريب :happy:

السلام عليكم الاخوه الكرام جزاكم الله خيرا . تحيه أخرى حقيقيه الى بابا الكرازه المرقسيه شنوده الثالث و تهنئه على إطلاق سراح الدفعه الثانيه للمعتقلين المسيحيين المتهمين بالتجمهر و إحداث شغب فى كنيسه العمرانيه تلك القضيه التى شغلت الرأى العام بشده الشهر الماضى بسبب حده الاحداث و نوعيتها . تحيه للرجل الذى وفى بما وعد به فقد وعد انه لن يحل العيد الا و المتهمين فى بيوتهم و قد كان . الملفت للنظر ان ذلك الافراج جاء بعد الزياره التى قام بها البابا بنفسه الى رئيس الجمهوريه الذى و إكراما لخاطر البابا و زيارته اعتقد انه اصدار الاوامر بالافراج عن المتهمين . علما بأن تلك الزياره على حد علمى اول زياره يقوم بها البابا للرئيس من عام 97 بعد ان زاره لتهنئته بنجاته من محاوله الاغتيال فى اديس ابابا.. مبروك على المسيحيين ما يفعله البابا من اجلهم اما المسلمين فلا بابا لهم ... . الجدير بالذكر انه لا صوت و لا حس ظهر للعلمانيين او الليبراليين او من على شاكلتهم لا حريه و لا ديمقراطيه و لا قانون و لا عرف .. لا ادرى ربما لم يعرفوا لعل المانع خيرا :happy:

النظام الصحي في مصر في حاجة ملحة إلى التحسين والنهوض به بمعنى الكلمة .. فهو نظام معضلة بكل المقاييس .. الخدمة الطبية لكي تقدم بشكل مناسب هي أمر مكلف للغاية .. وترتفع تكلفته يوماً بعد يوم . إلا أننا في مصر نتميز يأننا يمكننا خفض رقم كبير من تلك التكلفة بشئ من حسن الإدارة .. واستغلال الموارد المتاحة بشكل جيد . وتعاون متكامل ومخلص من كل العاملين في القطاع الصحي .. نظام التأمين الصحي في مصر يجب أن يتم تطبيقه بشكل إحترافي .. وليس بشكل حكومي .. يجب أن يتم تأسيس شركات عملاقة للتأمين .. أو اندماج الشركات القائمة بعضها مع بعض .. ورفع رأس مالها بإدراج أسهمها في البورصة لعامة الناس ليساهموا فيها مما يعمق الرقابة على الأداء وزيادة الشفافية في تعاملات تلك الشركات .. ويجب أن تكون مكاتب تدقيق الحسابات معلنة .. وأن تقوم بعمليات إفصاح دائم ومستمر ورقابة أداء تلك الشركات منعاً لأي تلاعب .. يجب أيضاً زيادة المرافق الصحية بشكل كبير .. ورفع مستوى الخدمة في كل تلك المرافق بشكل عاجل .. سواء كانت حكومية أو خاصة .. وأن تكون موارد تلك المرافق مقابل الخدمات العلاجية التي تقدمها .. إذا شمل الغطاء التأميني كل الشعب المصري بكافة قطاعاته .. وإذا تم احتساب الأقساط التأمينية مقابل الخدمات وتقسيمها إلى فئات (عملية إحترافية وليست طبقية) وكل يدفع قسط يتناسب مع الخدمة التي يبتغيها .. فبالتالي سيكون هناك موارد كافية لتغطية تكاليف العلاج للمرضى المحتاجين .. هناك أمثلة كثيرة لأنظمة تأمين يقدم من خلالها خدمات علاجية مرضية في مجتمعات كثيرة .. يمكن النسخ منها .. المشكلة الحقيقية من وجهة نظري التي تمثل صعوبة في تطبيق مثل هذا النظام .. هي قسط التأمين الذي يدفعه المواطن .. ونسبة مشاركته في تكلفة العلاج .. القسط قد يكون مرتفعاً جداً لنسبة ليست بقليلة من المصريين .. أو مرتفعاً بعض الشئ لنسبة أخرى .. فلك أن تتخيل أن أسرة معدمة مكونة من خمسة أفراد .. قد يطالبون بدفع قسط تأميني سنوي في حدود 1000 جنيه .. فبالنسبة لهم عملية مستحيلة .. ففي مصر كثير من المرضى لا يتلقون خدمة علاجية لأن ليس لديهم ما يدفعونه مقابل أجرة سيارة للإنتقال إلى المستشفى .. فما بالك بقسط تأميني سنوي قيمته 1000 جنيه .. أو حتى نصف أو ربع هذا المبلغ للبعض .. أعتقد أنه يجب على الدولة البحث في تدبير أقساط التأمين لتلك الفئة .. وتغطيتها نيابة عنهم .. وخلق فئة تأمينية لتغطيتهم قليلة التكاليف .. ولكنها تقدم خدمة علاجية صحيحة.. ولكن يبقى البحث عن آلية لتصنيف الفقراء وغير القادرين .. وهذه معضلة في مصر في تقديري .. أما القادرين ... فيجب أن يدفعوا مقابل الخدمة التي يتلقونها .. ويدفعون أقساط تأمينية مرتفعة .. تغطي لهم خدمة علاجية .. مريحة بقدر ما يدفعون .. وليس المطلوب أن يدفعوا أقساط الآخرين .. أو تحمل عليهم .. بل يجب أن تتحمل الدولة عبء علاج غير القادرين .. وذلك عن طريق تحمل أقساطهم التأمينية .. المرافق الصحية يجب أن تزيد بشكل كبير .. وتحصل بينها منافسة قوية لدعم الخدمة .. لأن مستوى الخدمة لن يرقى إلا في وجود منافسة .. أما النظم الإحتكارية فلن تحصل من ورائها على أي جودة ..وبالتالي يجب على القطاع الخاص .. والمستثمرين العمل على الإستثمار في القطاع الصحي والعلاجي بشكل كبير ... ويجب أن تبقى الدولة في دور الرقيب والمحاسب .. وأن تنشأ هيئات لقياس جودة الخدمة سواء العلاجية أو التأمينية .. وأن تكون تلك الهيئات هي الضامن لجودة الخدمة المقدمة للمواطن أعتقد أن النظام يمكن تطبيقه .. ولكنه .. يحتاج إلى الشفافية .. ويحتاج إلى الحزم في التطبيق .. والجدية والرغبة ... واتساع الأفق .. وتوعية الناس بشكل جاد على تقنين استخدام الخدمة .. ومساعدتهم على فهم النظام التأميني .. وأنه نظام لتغطية المخاطر المحتملة .. وليس نظام لدفع مقدم مقابل خدمات يجب أن يحصلوا عليها .. المسألة قد تحتاج بعد إقرار القانون ... جهد خرافي وكبير جداً لتوعية الناس بماهية النظام نفسه .. أعتقد أن البرلمان الحالي سيناقش هذا القانون وسيخرجه للنور .. ولكن أعتقد أنه سيكون بعد انتخابات الرئاسة القادمة .. لجعله درة تاج الحاكم للفترة الرئاسية القادمة .. أو درة تاج للحاكم الجديد

تلاجة ايه بس اللي اخش فيها....و يوم ما اخش الاقي زعزوعة قصب مسرحة شعرها و فارقاه من النص و مستنياني :protest: :protest: انا دلوقتي بحلم بحاجة واحدة حاجة....واحدة....انا قنوعة يا نااااااااس تورتة محشي كرنب و متزوقة بارانب متحمرة في الزبدة.....و مسقية بصوص الملوخية اللي علي مرقة حمام زغاليل هااااااانت يسعد مساكي يا شابة.....ابقي متنسيش تبلي القلل....احسن سي محروس ريقه بينشف بالليل فوتك بعافية ع جنب بقي ع السادة المهنئين بيوم ميلاد صاحب التوبيك....مراعاة ان هذا كان فاصلا اعلانيا لراوية الاديبة الشابة الواعدة....لماضة سيبوه في حاله....في مجموعتها القصصية الجديدة..."ارخي الستارة اللي فريحنا احسن جيرانا بتجرحنا" و نترككم لاستكمال مراسم الدفن....قصدي مراسم الاحتفال كونوا بخير تششششششششششششش....(ده صوت الارسال و هو بيقطع)

بخصوص توسعة ساحة الطواف .. لو افترضنا إن ساحة الطواف من عند مبنى الكعبة المشرفة لحاد المسعى ممكن تستوعب حتى 200 ألف طائف في آن واحد .. إيه الداعي عندها للحاجة إلى استعمال الممر الخاص بالمسعى لتوسعة ساحة الطواف؟ إن الساحة الطواف تستوعب عدد أكبر ممكن يوصل لـ 300 ألف أو حتى 400 ألف؟ بس مش ده ليه جوانبه السلبية على الطواف في حد ذاته؟ لإن طول دايرة الطوفة الواحدة هيزيد بشكل كبير جدا مما يستحيل معاه الطواف مشيا على الأقدام في حال توسعة ساحة الطواف بمثل هذا الشكل؟ هل وجود سيور كهربائية على الدايرة الخارجية للطواف هيكون الحل؟ برضه مش عملي لإن الدايرة هتكون كبيرة جدا بشكل يستهلك زمن كبير لإتمام الطوفة الواحدة .. إلا إذا كان استخدام سرعات عالية لهذه السيور هيكون آمن على صحة البشر حتى الانتهاء من الطوفات السبعة .. ناهيك عن إنه مع كل هذه السلبيات مازال عندنا عيب أساسي .. وهو الاستحواذ على ممر المسعى الأصلي لتوسعة ساحة الطواف .. طب ما نفكر برة الصندوق :closedeyes: نفكر رأسيا بدل ما نفكر أفقيا :closedeyes: زي ما ممر السعي أصبح أدوار عدة .. كل دور يستوعب نفس عدد السعاة في الممر الأصلي, ممكن ساحة الطواف تصبح هي أيضا أدوار عدة .. دون الاضطرار لتكبير المساحة السطحية للساحة الواحدة بشكل يصبح معاه طول دايرة الطوفة الواحدة غير عملي للطواف السهل أو الآمن .. هل فيه عيوب للحل ده .. طبعا .. هذا الحل هيحجب تماما رؤية مبنى الكعبة المشرفة من الأدوار العالية في المباني خارج الحرم وكمان سيصبح رؤية مبنى الكعبة صعب جدا من الطائرات المروحية أو من الفضاء بالأقمار الصناعية! طب نعمل إيه .. عادي .. بدل ما نطلع رأسيا على فوق .. ننزل رأسيا على تحت :closedeyes: وبكده .. ساحة الطواف هتكون متعددة الطوابق تحت الأرض .. وكل ساحة فيهم بتحافظ على طول دايرة طوفة مناسبة جدا للطواف مشيا على الأقدام .. وبدل ما 200 ألف يطفوا في آن واحد .. ممكن مليون أو أكتر يقوموا بذلك .. وممكن يكون فيه دور مخصص لكبار السن والمعاقين ومجهز بالشكل المناسب لذلك .. الفكرة ليست فذة .. وإنما هي نفس فكرة توسعة ممر المسعى بالحرم وساحة رمي الجمرات بمنى .. طيب إيه لازمة التوسعة المقترحة للحرم لو توسعة ساحة الطواف هتكون رأسية بدل منها أفقية؟ أكيد فيه لازمة .. التوسعة هي لساحة الصلاة والاعتكاف والتعبد بتلاوة القرآن والدعاء .. والتوجه الأفقي لتوسعة هذا الساحة لا تستلزم مننا توسعة أفقية لساحة الطواف .. think out of the box :closedeyes:

انقل لكم قصيدة جميلة للشاعر عمر بهاء الدين الإميري والقصيدة من ديوان (أب ) وقال العقاد في إحدى ندواته: لو كان للأدب العالمي ديوان في جزء واحد لكانت هذه القصيدة في طليعته : أين الضجيج العذب والشغبُ***أين التدارس شابه اللعبُ أين التَّباكي والتَّضاحُـكُ، فـي***وقتٍ معًا، والحُزْنُ والطَّـربُ؟ أين التسابق فـي مجاورتـي***شغفًا، إذا أكلوا وإن شربـوا؟ يتزاحمـون علـى مُجالَستـي***والقرب منِّي حيثمـا انقلبـوا فنشيدهـم "بابـا" إذا فرحـوا***ووعيدهم "بابـا" إذا غضبـوا وهتافهـمْ "بابـا" إذا ابتعـدوا***ونجيُّهـمْ "بابـا" إذا اقتربـوا بالأمس كانـوا مـلءَ منزلنـا***واليومَ -ويح اليومِ- قد ذهبوا ذهبوا، أجل ذهبوا، ومسكنهـمْ***في القلب، ما شطّوا وما قَرُبوا إنـي أراهـم أينمـا التفتـت***نفسي، وقد سكنوا، وقد وثبوا وأُحِسُّ في خَلَـدي تلاعُبَهُـمْ***في الدار، ليس ينالهم نصـب وبريـق أعينهـمْ إذا ظفـروا***ودمـوع حرقتهـمْ إذا غُلبـوا فـي كـلِّ ركـنٍ منهـمُ أثـرٌ***وبكـل زاويـةٍ لهـم صَخَـبُ في النَّافذاتِ، زُجاجها حَطَمـوا***في الحائطِ المدهونِ، قد ثقبوا في الباب، قد كسروا مزالجـه***وعليه قد رسموا وقـد كتبـوا في الصَّحن، فيه بعض ما أكلوا***في علبة الحلوى التي نهبـوا في الشَّطر من تفّاحةٍ قضمـوا***في فضلة الماء التـي سكبـوا إنِّي أراهـم حيثمـا اتَّجهـتْ***عيني، كأسرابِ القَطا، سربوا بالأمس في "قرنابـلٍ" نزلـوا***واليومَ قـدْ ضمتهـمُ "حلـبُ" دمعـي الـذي كتَّمتُـهُ جَلَـدًا***لمَّـا تباكَـوْا عندمـا ركبـوا حتى إذا ساروا وقـد نزعـوا***منْ أضلعي قلبًـا بهـمْ يَجِـبُ ألفيتُنـي كالطفـل عاطـفـةً***فـإذا بـه كالغيـث ينسكـبُ قد يَعجبُ العُـذَّال مـن رَجُـلٍ***يبكي، ولو لم أبـكِ فالعَجَـبُ هيهات ما كـلُّ البُكـا خَـوَرٌ***إنّي -وبي عزم الرِّجـال- أبُ ================================================ ترددت كثيرا في فتح هذا الموضوع لأن أحاسيس الأب غالبا لا يتم الحديث عنها ... وللأسف أحيانا قد لا يلتفت لها ... لكن في رأيي القصيدة تحتاج فعلا للتوقف عليها للاستمتاع بهذا الطرح الرائع للعلاقة بين الأب و أبنائه كيف تم التعبير برقة عن أحاسيس الأب بهذه الروعة ... أحببت أن أشارك هذه اللحظات مع كل أب

في الثلاثينات كان في طالب جديد التحق بكلية الزراعة في إحدى جامعات مصر، عندما حان وقت الصلاة بحث عن مكان ليصلي فيه فأخبروه أنه لا يوجد مكان للصلاة في الكلية بس في غرفة صغيرة ( قبو ) تحت الأرض ممكن يصلي فيه‎. ذهب الطالب إلى الغرفة تحت الأرض و هو مستغرب من الناس اللي في الكلية لعدم اهتمامهم بموضوع الصلاة ، هل يصلون أم لا ؟!؟ المهم دخل الغرفة فوجد فيها حصير قديم و كانت غرفة غير مرتبة و لا نظيفة ، ووجد عاملا يصلي ، فسأله الطالب : هل تصلي هنا ؟!؟ فأجاب العامل : أيوه ، محدش بيصلي من الناس اللي فوق و مافيش غير هذه الغرفة‎. فقال الطالب بكل اعتراض : أما أنا فلا أصلي تحت الأرض. و خرج من القبو إلى الأعلى ، و بحث عن أكثر مكان معروف وواضح في الكلية و عمل شيئ غريب جدا‎ !!! و قف و أذن للصلاة بأعلى صوته !! تفاجأ الجميع و أخذ الطلاب يضحكون عليه و يشيرون إليه بأيديهم و يتهمونه بالجنون. لم يبالي بهم ، جلس قليلا ثم نهض و أقام الصلاة و بدأ يصلي و كأنه لا يوجد أحد حوله. ثم بدأ يصلي لوحده .. يوم ..يومين ..نفس الحال ..الناس كانت تضحك ثم اعتادت على الموضوع كل يوم فلم يعودوا يضحكون .. ثم حصل تغيير .. العامل اللي كان يصلي في القبو خرج و صلى معه .. ثم أصبحوا أربعة و بعد أسبوع صلى معهم أستاذ ؟؟‎! انتشر الموضوع و الكلام عنه في كل أرجاء الكلية ، استدعى العميد هذا الطالب و قال له : لا يجوز هذا الذي يحصل ، انتو تصلوا في وسط الكلية !!!، نحن سنبني لكم مسجد عبارة عن غرفة نظيفة مرتبة يصلي فيها من يشاء وقت الصلاة‎ . و هكذا بني أول مسجد في كلية جامعية. و لم يتوقف الأمر عند ذلك ، طلاب باقي الكليات أحسوا بالغيرة و قالوا اشمعنا كلية زراعة عندهم مسجد ، فبني مسجد في كل كلية في الجامعة‎.... هذا الطالب تصرف بايجابية في موقف واحد في حياته فكانت النتيجة أعظم من المتوقع .. و لا يزال هذا الشخص سواء كان حيا أو ميتا يأخذ حسنات و ثواب عن كل مسجد يبنى في الجامعات و يذكر فيه اسم الله ... هذا ما أضافه للحياة‎ .. بالله علينا ماذا أضفنا نحن للحياة ؟!؟ ابتداء من اليوم يا أخي/اختي لنكن مؤثرين في أي مكان نتواجد فيه ، و لنحاول تصحيح الاخطاء اللي حوالينا و لا نستحي من الحق .. و ربنا سيوفقنا باذنه‎... القصة ذكرت في برنامج صناع الحياة للأستاذ عمرو خالد يوم الثلاثاء 9 مساء توقيت مكة المكرمة على قناة اقرأ لطفا و ليس أمرا‎ إن اعجبك محتوى الرسالة أعد ارسالها لمن تعرف ليعم الخير و الفائدة‎ و جزاك الله خيرا‎

محمد عفيفي : (25 فبراير 1922 - 5 ديسمبر 1981) هو كاتب مصري ساخر، ولد في قرية الزوامل بمحافظة الشرقية بمصر، وحصل على ليسانس الحقوق عام 1943، ودبلوم الصحافة عام 1945 وتزوج في نفس يوم عيد ميلاده عام 1950 من السيدة إعتدال الصافى وأنجب ثلاثة أبناء.. الدكتور (عادل) طبيب، والمهندس (نبيل)، والأستاذ (علاء) المحامى.. ولقد توفى في يوم 5 ديسمبر 1981 م بعد صراع ساخر مع المرض الخطير سرطان الحنجرة والذي منعه من الكلام في اواخر حياته!.. وحتى أستطيع أن أوضح لكم من هو (محمد عفيفى) هذا الذي أتحدث عنه.. يكفى أن تقرؤوا معى الآن خبر نعيه الذي كتبه هو بنفسه وأوصى بألا ينشر في صفحة الوفيات بالطريقة العادية التي ينشر بها النعى.. وإنما كخبر خفيف ظريف أشبه بـ (نص كلمة) الشهير، التي يكتبها الكاتب الكبير ـ والساخر أيضا ـ أستاذ (أحمد رجب).. هاكم يا سادة خبر وفاة (محمد عفيفى) الذي قد كتبه بنفسه ـ قبل أن يرحل طبعا !! وهكذا.. يودع (محمد عفيفى) من أحبوه من القراء والأصدقاء.. ليرسم الابتسامة على شفاههم كما كانت عادته دائما في حياته.. فيجعلها أيضا رسالته بعد مماته.. ولقد تم تنفيذ الوصية.. فلا نعى.. ولا عزاء.. ولا حزن إلا حزن باسم على ذلك الذي عاش يرسم البسمة على الشفاة بأسلوب يعجز عنه أكبر الأدباء الساخرين.. من أشهر أعماله تائه في لندن أنوار (مجموعة قصصية) التفاحة والجمجمة (مسرحية) بنت اسمها مرمر (قصة) فانتازيا فرعونية (رحلات) شلة الحرافيش (قصة) سكة سفر (رحلات) ابتسم من فضلك (سلسلة مقالات) ابتسم للدنيا ضحكات عابسة ضحكات صارخة للكبار فقط ترانيم في ظل تمارا واليكم مقدمة كتاب ابتسم من فضلك (وهو عبارة عن مجموعة مقالات ) يقول محمد عفيفي رحمه الله علي الكاتب الساخر محمد عفيفى

فرح مين ده ياعم الحج ده مش فرح ده عيد ميلاد سارى يعنى ايه عيد ميلاد سارى سارى المفعول يعنى ولا ايه مش فاهم ؟ لا ياعم ده عيد ميلاد واحد اسمه سارى اه سارى وده بيشتغل ايه يا خويا ده بيشتغل حاجه كبيره قوى قد الدنيا اوعى تقولى مدير مراجيح مولد النبى لا ياعم ده بيشتغل شغلانه حلوه قوى مش شايف عيد الميلاد عامل ازاى اللى جايبله عربيه ومش شايف الكبسه اللى هناك دى اللى عامله زى ملعب الكوره بس هم عاملين حركة صياعه حاطين اللحمه فى نص الملعب وبكده الناس كلها هتاكل رز بس لان اللى عاوز حتة لحمه لازم يقوم يفعص فى الكبسه برجله علشان يعرف يوصل لحتة اللحه كانوا المفروض يركبوا فورك لفت لا ياعم انا هقضيها منتووفرموزه وقهوه عربى لحد لما يجيى سارى يشوف حل فى اللحمه دى ________________________ سارى كل عام وانت بخير كل عام وانت بصحه وعافيه كل عام وانت طيب كل عام وانت معانا كل عام وانت بكل حاجه حلوه تحياتى عنبو

ثانيا ما فهمته من كلام ابو عمر ______________________________ ان ثبوت العقيده يتم عن طريق القرأن الكريم والسنه النبويه الصحيحه سواء بالتواتر او بالاحاد ولكن هنا اود ان أسأل الاخ الفاضل ابو عمر ماذا فى النصوص قطعية الورود ولكنها ظنية الدلاله ؟ بمعنى اذا حدث اختلاف بين علماء المسلمين فى فهم ايه او حديث فان كل منهم سوف يكفر الاخر لان الموضوع متعلق بالعقيده ؟ ثم انتقل الكلام عن احاديث الاحاد ويرى الاخ ابو عمر ان احاديث الاحاد تثبت بها العقيده بمعنى ان من ينكر احاديث الاحاد فلا تصح عقيدته وهنا اود ان أسأل الاخ ابو عمر نفس السؤال اللى سأله الاخ اسلام المصرى 1- لماذا لم يكفر العلماء من انكر ظهور المهدى المنتظر مع انه من احاديث الاحاد ؟ 2- لماذا نأخذ باحاديث الاحاد فى ثبوت العقيده ونكفر كل من انكرها فى حين ان يوجد احتمال ولو ضعيف فى كونها لم ترد عن رسول الله حيث ان من رواها هو واحد او عدد يسير من البشر وهم معرضون الى الخطأ والنسيان فتلك طبيعة البشر فكيف لنا ان نحكم على كفر فرد من خلالها ؟ __________________________ هذه بعض التساؤلات التى اتت الى ذهنى ارجو الاجابه عليها وتقبلوا تحياتى عنبو

السلام عليكم ورحمة الله وبركاته انا هنا هقول ما فهمته من كلام الوالد الفاضل ابو محمد وما فهمته من كلام الاخ الفاضل ابو عمر ثم هسأل بعض الاسئله ليجيب عليها كلاً منهم اولا ما فهمته من كلام الوالد الفاضل ابو محمد ____________________________________________ ان ثبوت العقيده يكون من طريقين 1- القرأن قطعى الورود وقطعى الدلاله 2- السنه قطعية الورود والدلاله اما القرأن قطعى الورود وظنى الدلاله وايضاً السنه قطيعة الورود وظنية الدلاله فلا تثبت بها عقيده بمعنى لا يكفر من لا يعمل بها ثم انتقل الكلام الى احاديث الاحاد ويقول فيها ابومحمد نقلاً عن الشيخ شلتوت رحمه الله ان احاديث الاحاد لا تثبت العقيده لانها ظنية الورود عن الرسول صلى الله عليه وسلم وهنا اود ان اسأل الاب الفاضل ابو محمد 1- هل حضرتك تنكر احاديث الاحاد جملةً ام انك لا تستطيع ان تكفر من لا يعمل بها ؟ بمعنى انها مثل السنه من عمل بها اخذ ثوابها ومن لا يعمل بها لا عليه وزر ؟ 2- عدم الاخذ بالاحاديث المرويه عن الرسول صلى الله عليه وسلم عن طريق واحد او عدد يسير من الرواه الا يعتبر هذا تجريح فى بعض الصحابه ؟ وخصوصا عندماالحديث مستوفى جميع شروط الحديث الصحيح فيما عدا عدد الرواه ؟ 3- اذا حدث الرسول صلى الله عليه وسلم واحد من الصحابه بحديث ثم رواه الصحابى الى جمع من الناس فعملوا به ثم تواترته الاجيال هل نأخذ بهذا الحديث ام لا تحياتى عنبو

فكرتينى يا دريم اول ما اتخرجت اشتغلت فى مكان عدد الى بيشتغلوا فيه عالى جدا من الجنسين كان فى واحد مربى دقنه و زبيبه الصلاه عنده مش محتاجه وصف تقدرى تقولى اياميها كان فى منتصف الثلاثينات و على حسب ما كلنا كنا عارفين فهو كان متزوج و مخلف و الحمد لله الفرض بقرضه فى المكتب و السبحه مبتفارقش ايده و مش عايزه اقولك انه كان عامل فيها شيخ لكن الوش التانى بقى الحمد لله مفيش واحده فى المكان دا سلمت من رزالته و عنيه الى عايزه يدب فيها رصاصه بجد و تحرشاته اللفظيه و يمكن الى اكتر من كدا المهم ان انا كنت بعيده عن مكان عمله فمكنش فيه احتكاك معاه قوى و كمان كنت بعمله بسخافه و تقريبا بتحاشى اى تعامل معاه فى يوم كنت فى المكتب انا و زملتى و هو جه يخلص عندنا حاجه هو كان شغله معاها و انا مش بصلهم حتى لانى مش طيقاه لقيته مره واحده راح قلب كلام الشغل و بيكلمنى انا و بيقولى بس لو الاخت ( مغتربه ) تتحجب باذن الله هيكون احسن لها و .... و لسه بقى هيفتح فى محاضره و هيعيش فى الدور لقتنى بكل سماجه برد عليه و بقوله طيب ما توعظ نفسك الاول قبل ما توعظ غيرك الاخت مغتربه دى ملكش دعوه بيها اساسا الراجل ازبهل الحقيقه رحت انا بقى مدياله كل الكلام الى كان لازم يتقله من زمان فى وشه يوميها مسبتلوش حاجه الراجل طلع من عندنا جرى و كنت حاسه انه عايز يولع فيا هههههههههههه من ساعتها بقى لو شافنى فى حته مبيهوبش نحيتها ههههههههههههه

مساء القصص...........حاسة أن التوبيك ده ركن الفضفضة والتمديد علي الشيزلونج عايزة أحكيلكم النهاردة عن قصة تعلمت منها كثير وإلي الآن باتعلم كل شوية منها نفسها حاجات أكثر وأكثر بعد تخرجي من الكلية وبداية عملي بدأت ألتزم دينيا وحبيت أتعلم وأحفظ القرآن كنت حافظة جزئين مع نفسي بس لا أعرف طريقة القراءة الصحيحة فبحثت كثيرا علي مكان أتعلم فيه المهم ربنا رزقني بعد فترة بمكان إلي الآن أكنه له الحب والتقدير والاحترام هناك تغيرت أفكاري تماما وتعلمت التدين المعتدل وطريقة التفكير الصحيحة وإن التدين الحق هو إعمار الدنيا وعبادة الله عز وجل وحفظت القرآن الكريم كاملا واشتغلت محفظة متطوعة في المكان وكنت في قمة سعادتي لكن لأني تفوقت في الدار من الناحية العلمية إلي جانب حفظ القرآن فأصبحت قريبة جدا من الشيخ المسئول عن ادارة المكان وكنت في فريق العمل اللي بيخطط للمكان ..........تدريجيا أبتدت الأمور تتغير وبدأت أكتشف أشياء مش مضبوطة وبدأت مشاكل تحصل بين الناس المتطوعين اللي بيشتغلوا وبين الشيخ المهم مطولش عليكم مواقف ورا مواقف أكتشفت أن كل الكلام النظري اللي تعلمته من شيخي اللي كنت شايفاه مثلي الأعلي والمربي الروحي لي اكتشفت إن الكلام ده كله هواء..........وأنه مش علي أرض الواقع وأن المبدأ الأول هو أن الغاية تبرر الوسيلة وكم من جرائم أخلاقية ارتكبها بحجة الأولوية الشرعية الآن أن يحصل كذا أو كذا والمبدأ الثاني كان مرايتي يا مرايتي مين أحسن ناس في الدنيا؟ أه والله أتقال الكلام ده أنا أحسن واحد يعلم قرآن ومفيش زيي ولو سيبتو المكان هتندموا وتلفوا وتتوهوا وترجعوا لي تاني وكانت القشة التي قصمت ظهر البعير لما طلب مني أني أسيب شغلي ودراستي عشان أتفرغ للمكان !!!!!!! وأحداث كتير يمكن مش هأقدر أفصل فيها ومش عايزة أفتكرها بس النتيجة أن 7 سنين من عمري كنت عايشة في كدبة وفقت علي نفسي بأعيط بين أيدين ربنا يارب أنا مش قادرة أصلح في المكان ومش قادرة أعمل حاجة أنت عارفة نيتي فارزقني الحق لو قعدت وكملت يكون عشانك ولو مشيت يكون عشانك ..........أنا فاكرة كنا في رمضان والحمد لله ربنا فتحها عليا وتركت المكان وربنا رزقني برزق واسع ومضعتش ولا حاجة السؤال اللي مأثر فيا هو حد لما يخون الأفكار والعلم ؟ لما يسرق حلمك ؟ لما يعيشك في وهم ؟ تقدر تسامحه؟ أنا الحمد لله مش باكره الشخص وبالعكس هو صاحب فضل عليا علي الأقل في القرآن لكن صدمتي كانت كبيرة برضه مش عارفة أنا حكيت لكم القصة دي ليه بس كنت محتاجة أطلعها ربنا يحمي أفكارنا وأحلامنا من سارقي الأحلام

ماهذا الذي أري ارجع يا اسطي لورا هل هذا عيد الساري بن الملوح او بن عنترة وهل يا تري له دخل بما كان وبما جري وما شأنه بمدينة ورورة كل سنة وانت طيب يا ساري وعقبال كام مليون سنة قبل الميلاد انا ما حبتش ادخل بايدي فاضية اقبل الشاي ده مباشرة من قهوة المباركية علشان خاطر عيونك بس ابقي حاسب انت بقي

أم زيد و هند و أغابي المصلحة التجارية .. المكسب .. و ربما لان جهات الانتاج و التمويل لم يعد لها وطن يعني زمان كان زي ما ضحى بتقول الترويج لصورة معينة كان مسئول عنها الدولة .. الآن من المسئول؟ هل يستمتع الناس فعلا بمثل هذه الأعمال؟ هل تشعرهم أنهم أفضل من النماذج المشوهة المعروضة "سواء غنية أو فقيرة"؟ و لهذا يتابعونها؟ هل يرون فيها أحلاما بعيدة المنال؟ أم زيد المفروض عندنا هنا فيه رقابة.. بس الحقيقة مش عارفة بيراقبوا على ايه بالضبط حاليا يا ريت كلنا فعلا لما نشوف حاجة ما تعجبناش .. نتواصل مع القنوات اللي بتعرضها .. يمكن لما يحسوا اننا مش موافقين و مش عاجبنا .. يراجعوا نفسهم المشكلة ان طول ما فيه ناس عايزة ربح سهل .. هتفضل البرامج دي يجيلها اتصالات و تستمر أغابي الحمد لله اني مش لوحدي شايفاهم في وادي واحنا في وادي المشكلة انهم بيدعوا تعبيرهم عن فئات في المجتمع و المشكلة الأكبر ان ناس كثير ممكن تصدق ده .. كل فكرتهم عن الناس الغلابة تبقى مستقاة منهم و ايضا فكرتهم عن الاغنياء تخيلي كم التربص اللي هيبقى - وبقى - موجود بين فشات المجتمع الفقير متخيل الغني بلا أخلاق و عادة فاسد الغني شايف الفقير صايع و عشوائي و بلاأخلاق هذا التنميط الخطِر و الاستسهال .. إلى أين يقودنا؟

السلام عليكم الاخوه الكرام جزاكم الله خيرا . تعجبت كثيرا يا ارش من ردك و الاغرب قناعتك و التى انت فيها يا ارش يا مسلم يا موحد تدافع بحماس عن مواقف البابا و اراها تنطبق عليك تحديدا ...بشده هل تعلم يا ارش ان هناك مسيحيين معارضين للبابا بسبب سياساته ؟؟ . القانون يا ارش ليس ملكيه خاصه لرئيس الجمهوريه يعبث فيها كيفما شاء القانون يا ارش هو الملاذ الوحيد بعد الله عز و جل للضعفاء ماذا بنا و قد اصبح القانون ..يعرف عائشه ؟؟ فى حمايه القانون و استقلاليته نحن ملكيين اكثر من الملك نفسه لاننا بذلك نحمى ارواحنا و ارواح ابنائنا من سيحمينى اليوم إذا تشاجر إبنى الصغير مع زميله المسيحى فى المدرسه و تطور الامر بينهما و قال ابنى لزميله كلمه لم تعجبه او حتى تطور الامر الى شجار و تصاعد لامر من سيحمينى من جارى المسيحى الذى سيشعر بالانتفاخ و الاستقواء بسبب ما يحدث و ان له ظهر . هل تعتقد ان تلك الاحداث لا تؤثر على نفسيات بعض المسيحيين من عينه المتظاهرين و المشاغبين فى احداث العمرانيه الاخيره ..الن يشعروا بالنفوذ نتيجه ضعف الطرف الاخر هل سمعت يا ارش عن شئ إسمه ...التقسيم ..و الانفصال ؟؟ حسنا هل تراه بعيدا او مستحيلا ؟؟؟جنوب السودان عبره لمن يعتبر . يا اخى ان هناك من المسلمين من إذا حصل على باسبور اخرى يمشى مزهوا و يحب الدخول فى اى مناوشه لإظهار هذا الباسبور و لو من باب التخويف للاخر الغلبان ..المصرى . اى قانون هذا الذى يتم تجاوزه و التعدى عليه بهذا الشكل المهين .. هذه هى المشكله يا ارش و ليس ..البابا شنوده .. . ثم يا ارش المشكله ليست من او مع المسلمين احداث العمرانيه المسلمين ليسوا اصلا طرفا فيها و مشكله بيشوى ايضا و غيرها كل ذلك المسلمين طرفا اضعف مستقوى عليه .ز ماذا تظن بالرئيس الذى يتعامل مع المسيحيين بكل دعه و تفاهم و رحمه على الجانب الاخر الديك فكره عن عدد المعتقلين المسلمين و اسباب اعتقالهم هل تعلم ما معنى الاعتقال للاشتباه . . انا لم اكن احسد و انق ..كما تفضل الاخوه سابقا انا اشعر بحسره شديده و الله و بغصه شديده و انا ارى ما يحدث انا طبعا متفهم شعور اغابى التى تدافع عن مكاسب حققتها..جماعتها ..كما اشار بذلك سكوربيون من قبل لكن الغريب انها متعلمه و جامعيه و المصيبه انها ...قانونيه ..و المضحك علمها بالشريعه الاسلاميه طبعا الشاب الذى تجمهر و تظاهر و ضرب طوب و مولوتوف معذور جدا فى ما فعل إذا كان فكر اغابى المثقفه المتعلمه القانونيه بهذا الشكل . . اعتذر انى كتبت المداخله اعلاه على عجاله و لى عوده لو تكرمتم .

لا مجال هنا أخي الفاضل لمزيد من الضحكات والتهكم و"إستخفاف الدم" سألتني وقولت : لماذا أنت ملكي أكثر من الملك ؟ يعني المفترض أنك بتقولي : ليه زعلان من إفراج النائب العام عن الأشخاص ؟ وأجبتك أرجو منك أن تتبع كل موضوعات المحاورات لتسأل أي شخص ليه تحفظ على سياسة يراها خاطئة في البلد : لماذا أنت ملكي أكثر من الملك ؟ منتكلمش في أي مشكلة في مصر مادام حضرتك هتستنكر علينا بسؤالك : لماذا أنتم ملكيين أكثر من الملك ؟ عفوا.. ربما لم تصلك أنت فكرة منتدى "محاورات المصريين" أننا هنا مواطنين وليس متفرجين مطيبتين.. شكرا

و الله العظيم حاجه عجيبة مداخلة ابو عمر الاخيرة قريتها و الله كذا مرة اني الاقي خيال تهكم على البابا ما لقيتش خالص و دخلت اغابي متحفزة لمجرد انها شافت اسم ابو عمر و موضوع عن البابا يبقى خلاص ابو عمر بيتهكم و يستهزأ و كلام كتير معلش يا اغابي اتعبي نفسك شوية و عيدي قراءة المداخلة بهدوء هاتلاقي ابو عمر لو بيتهكم زي ما بتقول فا هو بيتهكم على القانون و انتي محامية كبيرة و ست العارفين قوليلي يا اغابي عمرك شوفتي القانون فيه مادة بتقول الافراج عن متهمين مراعاة لظروفهم الاجتماعية و الله جديدة و اول مرة اسمعها ظروف اجتماعية انا اعرف ظروف صحية ممكن لكن اجتماعية دي من عجائب الزمن سبحان الله امال طلبة الاخوان ما حدش بيراعي ظروفهم الاجتماعية ليه حقيقي بجد يا بختكم بالبابا و دا حسد و قر على فكرة مش تهكم خالص

والله كله عشان خاطركم يا جماعه انا شمعه تحترق من اجل الشعب الموجود طبعا وبعدين انت عارفه يا ام سيف الغربه محتاجه ترابط فربنا يوفقنا نفضل كده علي طول مش مجرد ما الموضوع يخلص ((( افوجأ )) بالناس كلها مختفيه بكرة نقعد جنب الحيط يا اختي وان شاء الله نسمع الزيط عمرو مفيهاش مشكله ياأم سيف ..أنا مقيم فالسعودية ومكتب الفيزا بتاعى مصر...ماهو أنا مصرى وأبويا مصرى :waving: ممكن تستمر طبعا مع مكتب القاهرة ومفيش مشكله...مكتب الفيزا بيتحدد على أساس جنسية المتقدم أو بلد الاقامة...وليكى حرية الاختيار...بالتوفيق ان شاء الله

طيب لو سواسيه يبقى الدوله تعطيهم حق بناء الكنايس بدون اي منغصات دي الدوله المدنيه الحقيقيه اللي بتتكلمي عنها وبتنادي بيها انما اللي موجود دلوقتي اشبه بالسلطه فعلا لا هي مدنيه ولا هي دينيه ,,

دائما ماأحسست مشاعر أبي رحمه الله حتى وان لما يفصح عنها كنت أرى قلقه حين ألد انا او اختى احد اطفالنا حين لا يأتي الى المستشفى ويظل فى البيت يقرأ القرآن حتى يطمئن لخروجنا سالمين كنت أرى فرحته حين يربت على رأسي عدما انجح او حين تزوجت او عندما اقول له شيئا احب ان يسمعه كنت أرى حزنه حتى ولو لم أر عيناه وهو جالس مطرق بعينه الى الأرض أحيانا كثيرة ماكان يفصح عما بداخله حين يتحدث عن شىء فيتهدج صوته وتلمع عيناه بقليل القليل من الدموع كنت أعتقد اى أرى الكثير مما كان في قلب أبي رحمه الله حتى افصحت قصيدتك سيدي عن جانب اكبر ربما كنت اهرب من الشعور به كنت اعلم انى حين أزور البيت بعد زواجي اجد ابي سعيدا بوجودي ولعب مروان ومن بعده ابنتى معه ولكننى كنت اهرب احيانا من عينيه حين يقول لي بكل فرح وانا عائدة الى بيتي شكرا يابنتى والله نورتونا كنا زى اليتامى واحنا لوحدنا أعرف واعي حتى وانا ام ان مشاعر الأب لا حدود لها وليست كما نعتقد أقل رقة من الأم كت أرى ذلك فى أبي رحمه الله وأراها اليوم فى زوجي حفظه الله واحمد الله كثيرا ان رزق أولادي قلبا رقيقاذو عقل .. حنوناحازما فى عطف كقلب زوجي كما رزقنى أبي رحمه الله خالص شكري وتقديرى أستاذى على هذا النقل الجميل

حاضر يا تنت هدية لأحصاب الكروش المفترية تمارين كيف تُزيل كرشك .. من غير ما تعذب نفسك

بالتأكيد الشكل الي بيظهر في الدراما المصرية مش بالضرورة اننا بقينا كده وانما هو يعني ان القائمين علي الاعلام في مصر عوزينا نشوف نفسنا كده .. تذكرت فيلم قديم شفته من فترة قريبه . .الفيلم بطولة شادية والي متزوجه فيه احمد مظهر والي مفروض بيشتغل في الفيلم ( عطشجي ) او ( عامل ) في محطة القطارات ..الفيلم قصته بسيطه تميل الى السذاجة عن زوج يعامل زوجته بجفاء مما يوقعها في حب زميله في العمل .. مش عارفه الفيلم خلص على ايه لاني مكملتوش بس الي فكراه منه كويس اوي البيت الي كانوا عايشين فيه وهو شقة ( يرمح فيها الخيل ) والسفرة العامرة الي كانت بتعدها شادية في كل مرة لزوجها عشان تثبت قد ايه هو ( حلوف ) في طريقة تناوله لطعامها الي بتعمله وكمان مشاهد اصحاب احمد مظهر ومهم بينصحوه يبطل ( شرب ) عشان حرام يبعتر مرتبه الي ( مش شوية ).. باختصار شدد مشفتش في الفيلم ده قصة اجتماعة وانما صورة او ( ايميج ) لحياة العامل المصري الي يفترض انه ( بسيط ) ومع ذلك عايش عيشه فعلا ميعيشهاش وكيل وزارة.. شوفي اي فيلم عشوائي من المنتج في فترة مابعد الثورة.. هتلاقيهم كلهم عايشين في بيوت واسعه جدا ويقولك مش مشكلة مهو اهل زمان كانت بيوتهم كده بس لو فكرنا شويه هنلاقي مين من اهل زمان ؟ العمال والبسطاء ؟ مش ممكن طبعا ..ولو موظفين حالهم عالي شويه زي شاديه وذو الفقار في فيلم مراتي مدير فمفيش مانع ابدا ان يكونوا ساكنين في فيلا وعندهم شغاله مع ان مفيش اولاد ده بخلاف طبعا الخمر او ( الويسكي ) الي بيشربه الزوج عادي كده وكأنه قزازه عصير .. دي الصورة الي كانت السينما بتحاول تقنع بيها المصريين عن حياتهم بعد الثورة والي اكيد كلنا عارفين مدى مصداقيتها او تقاربها مع الواقع .. في الخمسينات والستينات كان مطلوب يقتنع المصريين انهم خلاص راسهم براس الاوروبيين حتى البسطاء منهم .. في الثمانينات بقى لازم نقتنع ان شباب مصر كلهم خلاص مدمنين وستاتهم رقاصات ومفيش قدامنا غير نروح الخليج .. في التسعينات بقينا بلطجية والرشاش زيه زي الجبنة والحلاوة ممكن نجيبها من البقال على الناصية..في الالفينات بقى خلاص بقينا حواري وابناء زنا ومنعرفش نتكلم غير بالتقصيع ورفع الحاجب .. اكيد في كل مرحلة كان في مصر ناس كده من الي بيقنعونا انهم احنا بس بالتاكيد مش دول ابدا ( المصريين ) ..

زوجي سافر مدينة أخرى لحضور مؤتمر لم يتأخر كثيرا .. عاد تقريبا في نفس ميعاده المعتاد زيد يلقي بنفسه في حضنه بابي .. دادي زوجي يكاد يسقط من التعب و من اندفاعة زيد نحوه ينظر نحوي زوجي مستنجدا بابتسامة مرهقة يزداد تشبث زيد به و هو يراني أتجه نحوهما بذراعيه يبعدني .. بجسده كله يبعدني و يزداد غوصا في حضن أبيه يستسلم زوجي للأمر الواقع بينما يبدأ زيد في حكاية كل ما مر به اليوم لا نفهم شيئا طبعا يتساءل زوجي .. كيف عرف اني كنت مسافرا؟ أهز رأسي باسمة و أقول وحشتنا و في صدري كثير من السعادة .. و قليل قليل قليل من ال...غيرة؟؟

حأسهل لك الاجابة يا فندم في عدة كروش -الكرش الأبيض اللي بينفع في اليوم الأسود -الكرش اللي موجود في شرم الشيخ - كرش الحشيش و العياذ بالله -كرش اللي هي غلطة مطبعية من الكلمة الانجليزية Search -أم كرش و الا كرشين P B - كرش اللي هو الكائن الصغير اللي بتقول عليه لمضمض هانم :closedeyes:

اتفضلي يا ستي طبق محشي كرنب تصبيرة كده نقنقي فيه ملوخية بالارانب معلش بقى نبقى نعملك حمام بعدين شوفتي الارنب الألماني ده ييييييييييي واتس اب داك؟ ( فني بني)

بيتهيألي العكس هو اللي صحيح يعني الاعلام هو اللي خلى الناس تنحدر الى القاع وليس العكس من كتر الاباحية اللي موجودة الناس بقت مش شايفة العيب عيب ولا الحرام حرام من كتر الالفاظ والافيهات التي تنتشر بسرعة ..تدنت اللغة الى الحضيض الاولاد لا يكلموا اباؤهم و لا معلميهم باحترام اسوة بالاعلام ما تكرر استقر

ما عاش و لا كان...اللي يعملك بلوك ده انتي سيدة القلوب...من قبل اختراع التوك...توك انتي بس تلاقي القلب من همومه....بقي عامل زي الاساتوك تعب من كتر ما اتشد.....و خلاص قرب م البنطلون يفك بس ارجع و اقولك...جملة كنتي بتقوليها لكل...اللي الياس جواه بيعك مش دايما تقولي لو حسيت انك مهموم.....فكك من الهم....عشان هو منك يفك لو جيتي للحق..... هاتي قلبك ع الترابيزة.....و اعملي لكل احساس يشده لتحت.....بلوك.....بلوك ==================== قبل ما اي حد يضرب ع الكلام العبيط...وخصوصا حتة الاساتوك احب اقولكم..... انا عيانة.... و بهلوس.... و بخاف من الضرب.... آه يا عيني.......مين طفي النووووووور

من آخر كلمات سيدنا محمد صلى الله عليه و سلم قبل وفاته هي التمسك بسنته و ما نجده في تلك الفيديوهات شيء لم نسمع عنه في السيرة النبوية. فنحن لم نسمع عن جلسات اخراج الجن من أجساد الناس على يد رسولنا الكريم . فهل الرسول كان ليغفل اخبارنا و تعليمنا مثل هذه الامور ان وجدت؟ أم انه كان لا يملك هذه القدرة؟ لقد انزلت سورتي الناس و الفلق لعلاج الرسول من كيد ساحر. ألم يكن الله بقادر على منع وقوع هذا السحر برسوله؟ بالطبع كان قادرا و لكنه أراد تعليم المسلمين ما عليهم فعله لدرء السحر لقد علمنا الله كيف نتقي همزات الشياطين و أخبرنا بأن كيد الشيطان ضعيف و أيا كان ما يعانيه المسلم فعليه الأخذ بالاسباب و دعاء الله و الالتجاء اليه وحده ما يحدث في هذه الفيديوهات هو فتنة من فتن الدنيا فكيف بفتنة الدجال!!

طلعت سبقتهم لقيت باب الشقة مفتوح و البواب واقف عادي يمكن بياخد الايجار و لا جايب وصل نور لما شافني دور وشه الناحية التانية بسرعة دخلت من الباب خدوا بالكوا اني كنت حاسة والله العظيم كأني متغلفة في بلاستيك في حالة كده غريبة من الهدوء لاقيت القرآن شغال و الناس في الصال لابسين اسود و قاعدين على الكنب و قبل اما افكر لمحت ماما بتطير مش بتجري من ادامي فكرت انه يمكن حد من اخواتي مات لاقيتهم ادامي قلت يمكن اخويا اللي مسافر كلهم بيجروا من ادامي اخويا فضل واقف و لاقيته بياخدني في حضنه و بيقوللي انتي مؤمنة لسه باسمعه لاقيت خالي طالع بيعيط بصوت عالي لاقتني بازعق فيه و اقول محدش يعيط بعلو صوتي الناس كلها سكتوا في انتظار هول ما سيحدث خدت اخويا من ايده و دخلنا جوة و قلتلهم في ايه؟؟ كانوا بيحكوا لي و انا في حالة التغليف اللي انا فيها دي و انا بارد عليهم بهدوء ( اختي قالت لي بعد كده اني كنت مبتسمة بطريقة غريبة) المهم ما عيطتش و لا عملت اي حاجة دخلت غيرت هدومي و اتوضيت و دخلت اصلي في الاوضة عند بابا و قرأت قرآن كنت باحس كل شوية الباب بيتفتح يطمنوا انا باعمل ايه؟ فضلت اقرأ قرآن لحد ما تماسكت و قربت جنبه بوسته و قعدت اكلمه و اطمنه عليا و اني بإذن الله حالتقيه تاني عند ربنا لحد ما قلقوا كلهم و لاقيت ابن عمتي دخل و طلب مني اطلع من الاوضة الكل كان مترقب ايه اللي حيحصل لي اصروا اني ما انامش معاه في الاوضة نمت برة ع الكنبة على حجر اخويا و نوم باتفزز فيه و سامعة صوته بيناديني الصبح جم الناس يغسلوه و جهزوه للدفن ماما و همة نازلين بيه على السلم كانت بتقولي خليكي انتي لاقيت الناس بيكبروا و مش عارفين يمشوا تقل عليهم و همة شايلينه و الله الذي لا إله غيره لو حد بيحكي لي الكلام ده ما كنت صدقت لاقيت ماما بتعيط وبتقولي لا تعالي و الله العظيم انهم كانوا بيجروا بيه و محصلناهمش لحظة الدفن و همة بيهيلوا عليه التراب حسيت براحة شديدة حسيت اني اطمنت عليه و سلمته لمن لا يغفل ولا ينام روحت البيت و نمت نومة ما نمتش لا قبلها و لا بعدها لدرجة كان في طفل بيعيط جامد ومامته مش عارفة تسكته اخدته في حضني نام في ثواني من يومها ما رحتش المقابر تاني عشان ازوره بابا روحه فعلا معايا و اللي محتاجه مني هو دعائي له بالرحمة لحد لما اقابله هو وماما في الجنة بإذن الله

حتى دي .. هل أصبحت الشتيمة والأباحة وقلة الأدب أمر واقع ؟ فلا تمر مباراة في الدوري المصري إلا وتنهال اشتائم القذرة من أغلبية الجماهير وأصبحت هناك اغاني تُؤلف لذلك .. وهاتك يا شتيمة بالأم والأب وبأفظع الألفاظ للاعبين والمدربين .. بل تعدينا ذلك إلى لافتات مكتوبة بالمدرجات وتُرى من على بُعد وتحمل تجاوزات معيبه .. وجميعها تقتحم بيوتنا ... إيه اللي إحنا وصلنا له ده ... ومين الكبير اللي يوقف تلك المهزلة ؟ أنا اشجع الكرة لكي أستمتع .. تماماً مثلما اشاهد الفرق العالمية زي برشلونة وريال مدريد وليس عندي أستعداد إن إبني يكون جنبي ويسمع تلك القاذورات .. --------------------- أتمنى إن اللعيبة والإداريين يكونوا قدوة والموضوع لا هو معجزة ولا اختراع نبحث عنه فتصوروا معي لو المباراة يوم الخميس القادم قبل أن تبدأ وجدنا الفريقين ينزلون أرض الملعب وهم متكاتفي الأيدي ؟ وكل مدير فني يذهب مع الفريق المنافس لتحية الجماهير الأخرى وينزل أيضاً أرض الملعب كل مجلس إدارة لكل فريق ويحييوا جميع الجماهير بعد كده الفريق الافضل نقول له مبروك .... ولا مانع أبداً من الضحك والفكاهه بعد المباراة سواء على مواقع رياضية أو منتديات ... لكن لكن في حدود الادب وبدون تجريح أو أستخدام الفاظ خارجه ------------ بالنسبة للمباراة لا شك أن الزمالك مع حسام حسن يعيش ازهى أيامه منذ سنوات لكن تظل مباراة القمة خارج كل التوقعات ورأينا جميعنا الزمالك والأهلي في الدور قبل النهائي لكأس مصر العام الماضي .. كانت نسبة الترشيحات تتعدى 80 % للزمالك ... وبدا الزمالك بالتسجيل أول دقيقتين وبعدها انقلبت المباراة وفاز الاهلي 3-1 .. ولولا سوء التوفيق كانت النتيجة خرجت غير عادية بالمرة وأركز على مبراايات القمة إن دقيقة أو ثانية واحده ممكن تقلب المباراة فنتخيل مثلاً ألتحام شيكابالا مع احد لاعبي الاهلي في الدقائق الاولى ويتم طرده .. فهل ستسير المباراة بشكل طبيعي ؟ أو حارس مرمى الاهلي يعرقل لاعب من الزمالك داخل منطقة الجزاء فيتم طرده ؟ أو ربنا يوعدنا بحكم مجنون يقلبها غم ؟ إذن هي مباراة خارج التوقعات ... ولها حسابات اكثر من 3 نقاط

هو مشهد مر عليه اكثر من عشر سنوات لكنه ما زال و سيزال حتى الاقى ربى محفور فى ذاكرتى الحاضره و لن يتقهقر ابدا للصفوف الخلفيه للذاكره هو مشهد فتاه تملكها الياس من كل زاويه فى الفكر حتى بات لا فرار منه ياس شديد و احباط و تعب نفسى متراكم من سنوات طويله و لكن الامر زاد عليها فى هذه الليه بحيث ان نامت بصعوبه ثم استيقظت فجاه و هى تشعر بحزن حد الموت فتناجى ربها بكلمات بسيطه ليس فيها سجع او دعاء ماثور او تكلف للاختيار فقط كليمات قليله لربها تطلب منه ان يبعد عنها ظلم واقع عليها الطريقه الوحيده لبعده عنها كانت نستحيله فى نظرها و لكنها كانت حقا فاض بها دعت بتلك الدعوه القصيره و نامت و استيقظت بشكل عادى و قضت طول النهار و هى تفكر فى الطريقه التى ستبرمج بها حياتها للتعايش مع هذا الظلم فقد كانت فى هذه اللحظه اصبحت متاكده انه لا خلاص فى الوقت الحاضر على الاقل و لا مفر ثم فجاه ياتيها الخبر اليقين الخبر الذى لم تصدقه فى البدايه لقد حل الخلاص فى لحظه و كما طلبته من ربها فى الليله السابقه بالضبط لا بل باكثر مما طلبت او تمنت انه كان افضل حل ممكن ان تحصل عليه انه الحل الشامل انه و بحق افضل هديه حصلت عليها من ربها فى عمرها كله صحيح هى كانت مظلومه و نصره المظلوم حق على الله كما اخبرنا عن نفسه و لكنها لم تتصور فى اللحظه الى دعت فيها بان دعوتها لن يمر عليها اقل من 24 ساعه و تكون متحققه بهذا الشكل الفورى و الشامل سبحانك ربى ما اعظمك فهذه افضل دعوه استجبت لى فيها فى حياتى كلها

انا عاوزة اعرف بس حاجه عم الشيخ بيتكلم من منطلق حرصه على تطبيق سنة النبي صلى الله عليه و سلم تمام يا عم الشيخ جزاك الله خير بس سؤال كده صغنن اوي يا عم الشيخ هل لو النبي اللي حضرتك عاوز تطبق سنته لو كان بينا النهاردة كان هايرضيه حكم المحروس اللي انت مقطع نفسك عليه كده يا ولداه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يا عم الشيخ اتق الله لو كان محمد صلى الله عليه و سلم بينا النهاردة بالله عليك ما كانش هايحكم على مبارك و زبانيته بان تقطع ارجلهم و ايديهم من خلاف لنشرهم الفساد و البلاء بين عباد الله محمد صلى الله عليه و سلم كان هايرضي بالسرقة و الغش و المواد المسرطنة اللي ضيعت الاطفال ابقى روح كده معاهد الاورام و انت تشوف بنفسك محمد صلى الله عليه و سلم كان هايرضى بالظلم الواقع على الناس كان هايرضى بالكابريهات اللي مالية البلد و بالخمرة اللي بقت زي الكوكا كان هايرضى بالقمار اللي بتتقيم بيه الفنادق و على اساسه تاخد نجوم هايرضى بالدعارة اللي بيقولوا عليها فن محمد صلى الله عليه و سلم كان هايرضى ان الناس ما تبقاش لاقيه قوت يومها و لا لاقية تأكل عيالها يا عم الشيخ اتق الله \دا كلام خير من وطء الارض بقدمه بعد محمد صلى الله عليه و سلم اظن بالجملة دي المفروض مبارك يترجم مش بس نطالب بابعاده عن الحكم اتق الله يا عم الشيخ عاوز تهدر دم واحد عشان نفسه البلد دي تتعدل عاوز الانسان ترجعله ادميته تاني يا عم الشيخ هاتقف قدام رب العالمين و هايسألك عن كلامك دا هاترد تدافع عن نفسك بايه وانت بتدافع عن الظلم الظلم ظلمات يا عم الشيخ اتق الله

اقول وش السالفة ؟؟ اشوف الدعوة تخميس بتخميس ... السيد اوزاوز يقول اللي فايز يخمس بالوسام ويبيعه عند الصايغ .. وسي السيد يقول لي انا والارش نخمس بهالسراويل اللي عارضها فوق الخمسات عندنا يعني تفحيطات .. يعني طلعة امريكاني .. عموما ولحد الاستفهام من مرجعنا اللغوي لماضة عن التخميس ... احسن تطلع شتيمة احب اقول الف الف الف الف الف مبروووووووووووووووووووووووووووووووووووووك من كل قلبي لكل الفائزين ... سواء الزرق او الورديين مبروووووووووووك لماضة مصرية جدا ... تستاهلي اكثر من مجرد وسام ... فقط من يلمس مجهوداتك ومساحة الصفاء في كتاباتك والود في تقرير مراسلاتك والاحساس في فراشاتك يعرف انك تستحقين التميز مبروووووووووووووووووووووك مغتربة .. مبرووووووووووووك التميز ... مبرووووووك التميز الاعلى في النقاط الخضراء ... مبرووووووووك الابداع مبروووووووووك التفنن في مخاطبة العقول .... مبرووووووووووك مبروووووووووووووووك اختي هند علي .. الف مبروك تحيط الاسكندرية وشاطئها الجميل وميامي وكوبري ستانلي والقلعة والبحر ...هند علي قلعة من الشموخ والتميز بجوار البحر .. فلا تقل لي ايه جاب القلعة عند البحر نجي للخناشير دلوقتي ... الف الف الف الف مبرووووووووووووك ايها الارش العزيز ..... لو كان لي ان امنحك عشرة اصوات لمنحتها .... تستحق ماهو اكثر من التميز ... صباحك عسل وروقان وفول مغموس بالزيت الحار ..... انسان مبدع ... خفيف الروح والظل ... مهندس في عمله ... مهندس في ابداعاته .. طاهر ونقي السريرة استاذي الكبير ابو الاسيان ... بغض النظر عن السروال الازرق الذي لا اعرف كيف ساشاركه مع الارش ... وبغض النظر عن الحجم السوبر الديلوكس للشورت ... وبغض النظر عن نظارة البحر واصلا مافيش بحر بالمدينة .. بس هديتك مقبولة ... انت بالذات مش حبارك لك ... عارف ليه ؟؟ لانك انت المنتدى والمنتدى انت .. انت المحاورات والمحاورات انت كما قالت اغابي ... انت الشعب والشعب انت ... تستاهل كل خير يا مولانا ... ادام الله ظلك الوارف الساري ... انت مصدق نفسك يا باشا ... ؟؟ عملت ايه انتا ياخويا عشان تاخد وسام ؟؟ ... شاركت بنشاط مثل الارش في كل المداخلات بشكل مفيد ؟ .. حليت مشاكل نص المغتربين بالعالم زي سين سين ؟؟ ... غنيت زي استاذ ارش بالتسجيل بتاعه ؟ ... قلت ياليل وردد الناس وراك اااااه ؟.؟ ... هروك الناس رسايل زي اللي ببروفايل سين سين انا عايز اعرف خطوات الاستقدام للزوجة بالتفصيل الممل ؟ ... عملت ايه يا ضنايا على قولة لماضة غير شوية افلام مقاولات ولهطت الايرادات ؟ .. المنتدى ده ياما ناس كتبت فيه كلام كبير استلزمها تعب وجد وعمل مش ممكن تمحيه بشوية مشاركات .. استاذتي الافاضل ... الف شكر لكم .. واشكر كل من صوت لي او صوت علي .. واشكر كل من قلدني ثناء لا استحقه ... كلماتك هذه هي ارفع وسام ممكن اتقلده .. شكرا جزيلا لكم

أستاذ شيدوان ، أستاذة أماني ، أركيتيكت ، أستاذ حسام منوريين التوبيك وشكرا لتشجعيكم بس عايزين ممارسة عملي يا جماعة أستاذ حسام عبد الفتاح: أنا طبعا مش متخصصة ومقدرش أفتي وبصراحة أنا بدأت أمارس الرياضة من 3 سنين فقط فطبعا مش قادرة أفتي قوي في مشكلة حضرتك لكن أعتقد أن المشي هيكون مفيد لحضرتك بس ممكن تحتاج مسافات طويلة وجرب عملي لأن ممكن من خلال المشاهدة تعتقد أن التمارين بسيطة لكن فعلا بالممارسة بتبدأ تشعر بالعضلات بتسخن وتشتغل وتعرق بالرغم من بساطة الحركات لكن المهم رتم الموسيقي ومعدل المشي فسرعة المشي في الفيديو بتتراوح من 4ميل في الساعة إلي 5 ميل في الساعة يعني مشي سريع مش تمشية عادية وتقريبا الميل بيحرق 100-150 كالوري تبعا لوزن الشخص بالنسبة لدرجة حرارة الغرفة أنا معرفش الصح أيه لكن أنا في الصيف بأقفل التكييف وأفتتح الشبابيك والبلكونة وأحاول أستخدم مروحة عشان تجديد الجو لكن بصراحة بخاف من جو التكييف مع العرق والجهد وفي الشتاء برضه بأفتح الشباك والبلكونة وأتمرن في هواء متجدد. أتمني أني أكون أفدت حضرتك ........تحياتي ونورتني في الموضوع وشكرا لتشجيعك

السلام عليكم ورحمة الله وبركاته التفكير خارج الصندوق ....... او مانطلق عليه احيانا التفكير خارج الحدود الضيقة هي دراسة واعية لابد ان نستفيد مما تقدمه لنا عجبتني اوي فكرة صاحب السيارة اللي نزل ركب مواصلات مع فتاه احلامه فكرتني بقصة اخري حلها بسيط جدا اسمحولي اشارك معاكم بيها ========== في احدي قري الهند الفقيرة كان هناك فلاح متعثر ....... اقترض مبلغاً ضخماً من مرابي عجوز قبيح ......... علي ان يرد الفلاح هذا المبلغ عند حصاد المحصول ........ لكن لسوء الحظ ونتيجة سوء الاحوال الجوية تلفت اغلب كمية المحصول ....... ولا يملك الفلاح مايسد به دينه وكان لدي هذا الفلاح البسيط ابنة جميلة ........ ماإن رأها العجوز القبيح المرابي ...... حتى اعجب بها وطلب من والدها ان يتزوجها ويعفيه تماما من الدين.......... وقرر العجوز الا يعطي فرصة للرجل وابنته للتفكير ولكنه اقترح ان يضع حجران صغيران في كيس نقود ........... احدهما ابيض اللون والثاني اسود وان يدع الفتاه تمد يدها في هذا الكيس وتلتقط احد الحجرين ......... فان التقطت الحجر الاسود تزوجها وعفي والدها من الدين وان التقطت الابيض تركها وعفي والدها ايضا من الدين وان رفضت الفتاه ان تمد يدها في الكيس وتلتقط اي الحجرين سجن والدها وعندما تجمع اهل القرية علي ارض مملوءة بالاحجار البيضاء والسوداء وبينما ينشغل الجميع بالحديث ....... انحنى العجوز والتقط حجرين اسودين ووضعهما بالكيس ........ حينها انتبهت الفتاه لما فعله العجوز !!!!!!!!!!!!!!! ماذا تفعل الفتاه الان ؟؟؟؟؟؟؟ - هل ترفض وضع يديها ف الكيس والتقاط اي الحجرين الاسودين ......... وبالتالي سيسجن والدها ؟ - ام ترضى بواقعها وتضع يدها بالكيس وتلتقط حجرا اسود وتتزوج هذا العجوز القبيح المخادع ؟ - ام تفضح العجوز الماكر ........ وحينها لم يرحم اباها من دفع الدين او السجن ؟؟؟ اسيبكم بقي تفكروا ف الحل !!!!!!!!!!

:hysterical: بصراحة أنا اللي عاجبني اوي تعاون أمن المحطة مع السادة الركاب .............. بيزقوهم بطريقة ........ كأنهم بيملوا شوال قطن stnd:: لو ماكانش ابطال الفيديو دة صينيين كنت قلت انه فيلم من اخراج خالد يوسف angl:: بس الحمد لله انه مش في مصر

ممكن حضرتك تشرح لي فين التناقض؟ سكوت الناس على الفساد -هي مشاركة فيه- رغم عدم رضاهم عن الوضع الحالي فيم يتناقض مع انتظارهم لقائد و هدف واضح و ليس مجرد تغيير استعانتنا بواسطة او تخليصنا امورنا بدفع فلوس لفاسد .. أليست مشاركة في الفساد؟ و مع ذلك لو سألت هؤلاء المواطنين .. لن تجدهم راضين عن الوضع الحالي و ايضا في انتظار :unsure: ومين قال إني - على الأقل شخصيا - هاصدق واحد بيستعين لتخليص أموره بدفع رشوة لما يجيلي ويقول إنه غير راضي عن الوضع الحالي؟ أنا شخصيا باتعامل مع مصلحة الضرايب, مع المصنفات, مع الجمارك, ومع جهات حكومية كتير جدا, عمري في حياتي ما دفعت رشوة أو فلوس أخلص بيها أموري. أنا عارف كويس جدا إيه اللي ليَّ وإيه اللي عليَّ .. وكل واحد بيخدمني في أي من الجهات الحكومية اللي باتعامل معاها عارف إني عارف إيه اللي ليَّ وإيه اللي عليَّ .. أنا أمي - الله يمسيها بكل خير - بتقولي دايما يا محمد يابني .. إمشي عدل .. يحتار عدوك فيك .. الشاهد, أنا بجد غير مستعد إني أصدق إن اللي بيدفعوا رشوة غير راضيين عن الوضع الحالي. ولا أعتبر أي تصريح بعدم الرضا منهم معناه صدق في هذا التصريح. بناء عليه أنا عمري ما هاشوف إن اللي بيشارك في الفساد إنسان عايز تغيير ومنتظر الحركة اللي تقدمله التغيير ده. عشان كده أنا شايف كلام حضرتك متناقض. لا يمكن للمشارك في الفساد إنه يكون منتظر تغييره, بالعكس! أنا صرحت في مواضيع سابقة (قديمة بعض الشيء) إن أي تغيير هـيُجابـَه بمقاومة من جزء كبير من المجتمع. ولو كان التغيير المطروح كبير هتكون مقاومته عنيفة. كلام بقى إن لا لا وداحنا على وشك الانفجار خلاص والناس خلاص مش مستحملة وكده .. عادي .. مواضيع هنا من 2004 بل وأقدم بتقول إننا على وشك الانفجار خلاص وإن الناس معدتش مستحملة وكل الهتش ده .. من يشارك في أي فساد (بالسلب أو بالإيجاب) هم فقط المستفيدون منه بل وهم أول من سيقاومون أي تغيير له. أي ادعاء بإن المشاركين في الفساد منتظرين تغيير هو - من وجهة نظري - تناقض صارخ. وكل سنة وحضرتك بألف خير :)

نترك غرف النوم تتصنع عند النجار و نبتدى الدهانات لكن قبلها لابد ان التفت الى شباك الحجرة و ارى ان كان يحب تعديل ام لا و ان كان يجب تعديله فهل هذا مباح و منصوص عليه فى عقد البيع و كيف اعدله ان كان منصوص على عدم تعديله مثل زيادة ارتفاعه عن الارض اذا كان عندى اطفال صغار و اخشى عليهم 1 - معايير لإختيار الدهانات: و حول المعايير التي يمكن للمستهلك الإعتماد عليها عند اختيار الدهانات، فإن هناك هناك أكثر من 90% من أصحاب المنازل يعانون من موضوع دهان الفيلا أو المنزل من جميع النواحي، وذلك بسبب عدم وجود التخطيط المسبق. و من أجل وصول المستهلك إلى أفضل الحلول يجب عليه اتباع الخطوات الآتية: 1. تحديد المساحات الخارجية و الداخلية للمنزل و تكون تفصيلية بالنسبة للغرف و غيرها، ومن أجل تحديد الكميات و التكلفة. 2. توجد ثلاث تشطيبات إن صح التعبير بالنسبة للدهان المختار (دهانات اعتيادية، دهانات ذات ملمس بارز، دهانات متعددة الألوان و التأثيرات مثل التعتيق على سبيل المثال) و هذه التشطيبات مرتبة من التكلفة الأقل إلى التكلفة الأعلى. 3. اختيار ماركة دهان و هنا ننصح بالتوجه إلى الماركات المعروفة و المرتبطة الخبرات الأوروبية لأنها حريصة على توفير المنتجات وفق معايير و جودة عالمية، وهنا لابد من الإطلاع على دليل النشرات الفنية للمنتجات و تكمن أهميتها في (معرفة أماكن استخدامها، مميزاتها، ألوانها، تغطية اللتر الواحد على الأمتار المربعة من أجل حساب التكاليف، طرق تنفيذها، و الكثير من المعلومات الأخرى) وهذه تمكن المستهلك من فهم هذه المنتجات و معرفة طرق تنفيذها وتبقى هنا نقطة مهمه وهي هاجس الأمهات في المنزل من ناحية قابلية الدهان للتنظيف، وهنا يوجد لهذا تعريفين وهما قابل للتنظيف (cleanable) أو قابل للغسيل (washable) فالأولى تنطبق على الدهانات المطفية تماما حتى وإن كانت زيتية الأساس، ويتم تنظيفها بمنشفة مبللة بالماء وتنظف فقط الأوساخ البسيطة، أما التعريف الثاني ينطبق على الدهانات التي تحتوي على لمعان من نصف لمعة إلى لامع فهذه يمكن غسلها بالماء والصابون، ومن أكثر الأماكن تعرض للأوساخ هي بالقرب من مفاتيح الإضاءة حيث تكون الأيادي بها نسبة بسيطة من الزيوت الطبيعية وقد تكون متسخة بالنسبة للأطفال وهذه المناطق تفضل أن تكون بدهانات نصف لامعة. 4. ميزانية الدهانات وهي الأهم، ويعتمد تحديدها حسب ميزانية كل شخص، ولكن في المتوسط احرص أن تستعمل الدهانات الجميلة مثل التعتيق و غيرها في الأماكن التي يشاهدها ضيوف المنزل و الذي يقضي فيها أفراد المنزل معظم أوقاتهم، أما بالنسبة للدهانات الإعتيادية فيمكن تنفيذها في الغرف الأخرى و غرف النوم و بألوان جميلة متناسقة مع الأثاث أمالدهانات ذات الملمس البارز فيمكن تنفيذها في المساحات الخارجية لإعطاء المظهر الجمالي للمنزل. 5. يراعى تحديد الألوان مسبقاً لجميع أجزاء المنزل و يفضل أن تكون بعد اختيار الأثاث لتتماشى مع النسق و المنظور العام. و معظم المستهلكين حالياً يختارون الألوان قبل الأثاث و هذا من الأخطاء الشائعة، لأن الألوان متوفرة إلى مالا نهاية بالنسبة للدهانات و لكنها محدودة في الأثاث. 6. التنفيذ وهي من المشكلات و التعقيدات القائمة إلى الآن بين المقاول و المالك، وهنا أنصح بأن يكون الأمر بين الطرفين موثقاً بعقد تفصيلي لكافة أجزاء المنزل و تحديد نوعية الدهان و اللون، وعدد طبقات كل منها، وكذلك يتفق على عدد العمالة المطلوبة لإنهاء العمل ويكون العقد ملزماً بتاريخ انتهاء العمل و التسليم النهائي. وتبقى طريقة العقد إما (أجور عمل فقط) أو (أجور عمل مع مواد) وهذا راجع للمالك لإختيار الأنسب، وفي الحالة الأولى سوف يكون دليل النشرات الفنية مرجع مهم لإحتساب الكمية المطلوبة من أجل الإختيار بين الأفضل. 2 - كيف يختار المستهلك الدهانات: هناك من المستهلكين من يترك هذه المهمة للمنفذ أو الدهان و يعتبر هذا دليل على عدم دراية صاحب المبنى أو المسكن بأنواع الدهانات المختلفة التي تناسب مبناه أو مسكنه وهناك بعض المقاولين يقنع المستهلك بضرورة اختيار نوع معين أو ماركة معينة، حتى يحصل على عمولة من صاحب المحل سواءً كان مبالغ نقدية أو هدايا عينية. إن هناك شريحة من المستهلكين تحدد اختيارها من خلال إلتقاء الناس في المجالس، فالمجالس لها دور كبير في تحديد نوعية الدهانات و اختيار مصنعي الدهانات من خلال التعرف على تجارب و أذواق الآخرين و الإستماع إلى نصائحهم، وهناك شريحة تعتمد على المكاتب الإستشارية و مصممي الديكور، وهناك شريحة تعتمد على مصنعي الدهانات و الفنييون منهم، و لعل التنسيق بين مصنعوا الدهانات و الخبراء الفنيون في هذا المجال مع المكاتب الإستشارية و مكاتب التصميم الداخلي و حديد طلب المالك له دور في الإختيار الصحيح للدهانات. و أخيراً إن عملية الإختيار حالياً تتم بعدة أوجه و لعل أهمها هي تقليد الغير و هذا سبب عدم القدرة على تصور الدهان المختار على أرض الواقع، أو يتم ال‘تماد على الدهانين الموجودين عند محلات بيع الدهان في اختيار نوع الدهان و يترك للمستهلك اللون، أو عن طريق أصدقاء و معارف لهم دراية في هذا الموضوع. ولكن يمكن تسليط الضوء على عامل مهم و هو أهمية وجود مصمم داخلي للمنزل، فالمستهلك اختار المقاول لأداء العمل و البعض يختار استشاري لإشرافٍ أفضل و هذا على حسب الميزانية، ولكن للمصمم الداخلي فوائد كثيرة، فهو شخص متخصص في مجاله و بإمكانه تخيل الشكل العام للمنزل قبل البدء، وهنا تكون له فوائد في الأبعاد و المساحات في المنزل، تصميم النوافذ من ناحية المساحة و كمية الضوء الداخل منها، تحديد المنظور العام لتوزيع الأثاث و النمط الذي يواكب التصميم العمراني للمنزل و كذلك اختيار نوعية الدهانات و الألوان حسب الأثاث و المساحات و عدة أمور أخرى. 3- ضرورة توعية المستهلك و التنسيق بين الأطراف المتداخلة في البيع و الإستعمال: إن هذه الصورة لتعدد اتجاهات الإختيار التي تتم على أساس غير مهني و فني، و في كثير من الأحيان و كما يراها مصنعي الدهانات تستدعي نشاطاً منها لتوعية المستهلك لتجنب الممارسات الخاطئة لبعض المقاولين أو الدهانين و يتم ذلك بتقديم الإرشادات عن كيفية الإختيار الأمثل للدهان و عدم الإعتماد على المقاول أو عامل الدهان. *إن الإرتقاء بالعناصر التي تحدد الإختيار الأمثل يرجع إلى ضرورة قيام جميع الأطراف المتداخلة في عملية البيع و الإستعمال للدهانات من مصنعين و موزعين و مراقبين للجودة و منظمين لهذا القطاع من الإستثمار أكثر في توعية المستهلك و اعطائه صورة واضحة عن مكونات الدهان و طرق استعمالها و كيفية التعرف على الدهان الجيد من المغشوش و تحديد الإستعمال الصحيح من الخطأ. 4 - الأضرار الصحية لبعض مكونات الدهانات و كيفية الوقاية منها: إذا كان التنسيق و التوعية من الأدوات الهامة في توجيه الإختيار الامثل للدهانات والتعريف بالمعايير التقنية الصحيحة لإستخداماتها المختلفة، فإن هذه الأدوات تصبح ملحة مع ازدياد الأهمية بمخاطر المواد الصناعية خاصةً على صحة الإنسان و تلوث البيئة بشكل عام. وإن كان يصعب اثبات التأثيرات الضارة بصحة الإنسان الناشئة من المواد الصناعية في كثير من الأحيان، إلا أن التحذيرات التي تصدرها مراكز البحث كل حين و حين تجعلنا نؤكد على أن الوقاية على اقل تقدير هي الخيار الوحيد و الملح للحد من هذه التأثيرات. إن أغلب الدول المتقدمة قد قامت بتغيير كبير لبنيتها التحتية الصناعية، ففي مجال الدهانات أصبحت الشركات المصنعة تنتج دهانات صديقة للبيئة و هي دهانات خالية من المواد المتطايرة التي تسبب بروائحها ضرراً بالغاً على صحة الإنسان سواءًَ عمال الدهان أو المستهلكين. *إن المادة الرئيسية التي تدخل في تركيب الدهانات و التي يمكن أن تؤثر على البيئة هي كمية و نوعية المادة المذيبة المستخدمة في تصنيع الدهانات عموماً. و يمكن تقسيم الدهانات التزينية التي تستخدم في البيوت و المكاتب و المستشفيات...إلخ، إلى نوعين رئيسيين: • دهانات ذات أساس مائي (دهانات البلاستيك و الأكريلك). • وَ دهانات ذات أساس من المواد المذيبة (دهانات زيتية). أما الأولى فتعتبر إجمالاً غير ضارة بالبيئة على الرغم من احتوائها على كمية ضئيلة من المذيبات تساعد على تشكيل طبقة دهان. و تتوفر ايضاً دهانات مائية خالية تماماً من المواد المذيبة و هي أغلى قليلاً من الدهانات العادية، أما الدهانات ذات الأساس الزيتي فإنها تحتوي على كميات كبيرة من المواد المذيبة تسلعد في عملية طلاء الدهان و تعتبر هذه الدهانات ضارة بالبيئة. في الولايات المتحدة و أوروبا هناك قيود تحدد كمية المواد المذيبة التي يمكن أن تنبعث أو تتطاير من طبقة الدهان أثناء تصلبه، و أدى فرض هذه القيود إلى ابتكار دهانات تحتوي على نسبة عالية من المواد الصلبة و دهانات خالية من المواد المذيبة، و يمكن لصناعة الدهانات أن تفي بحاجات عملائها من الدهانات غير الضارة و لكن بأسعار ستكون أغلى إذا ما تجاهل العملاء مسألة الضرر و قاموا بشراء أرخص الدهانات تكون النتيجة بيئة ملوثة. و بصرف النظر عن قضية المواد المذيبة المذكورة آنفاً و التي يمكن أن تسبب قيوداً صحية و خصوصاً عند وجود أطفال أو شيوخ يعانون من مشاكل صحية كداء الربو، فإن أهم الإعتبارات المأخوذة في دهانات النمنازل هي احتوائها على مواد ملوثة من الرصاص. و من المعروف أن الملونات الحاوية على الرصاص المستعملة في الدهانات هي أحد أسباب الإصابة بسرطان الرئة و لذا من الأفضل تجنبها، معظم كبار منتجي الدهانات لا يستعملون مواد ملونة حاوية على الرصاص في الدهانات المنزلية، هذا بالإضافة إلى أن هيئة المواصفات و المقاييس السعودية تحظر استعمال هذه الملونات على الدهانات التي تحمل علامة الجودة من الهيئة. 5- دور جهات الرقابة المحلية: إذا كانت النوعية ضرورية لجعل المستهلك مطلعاً على الأنواع الجديدة من الدهانات و اختيار المناسب منها فإن دور الشركات المصنعة و خاصة تلك التي توزع منتجاتها على مستوى عالمي يعتبر أساسياً في هذا المجال فالمطالع للنشرات الإعلامية و المواد الإعلانية التي تقوم الشركات بإصدارها مشكورة في هذا الصدد يلاحظ عدم كفاية هذه الرسائل الإعلامية الموجهة للمستهلك لتجعله قادراً على الإختيار السليم، فليس كل ما تعرفه الشركات عن منتجاتها سواء من حيث ملائمة الدهانات للمشاريع و البيئات المختلفة أو من حيث المضار الناتجة يتم توضيحه. بعض الشركات تقف في تحذيراتها أو تعريفها عن المضار عند ما هو مفروض فقط من جهات الرقابة في البلد الواحد و لا تتعداه، مع علمها بتجارب في دول أخرى و بالقوانين التي فرضت عليها عند تسويقها لهذه المنتجات. هذا التحقيق مثلاً و على الرغم من أن الشركات أفادت بأن الدهانات ذات الأساس المائي أفضل من الدهانات ذات الأساس الزيتي في الحماية من الأضرار الصحية الناتجة من الروائح على الدهانين و المستهلكين إلا أننا نعلم أن بعض الدهانات المائية التي تطرح في الأسواق ما زالت تشكل ضرراً على الصحة، لأنها ما زالت تحتوي على مواد مثل إيثير الجليكول و ميتيل الجليكول الذي من بين أضراره الصحية على النساء الحوامل الضرر الذي سببه عقار الثليدوميد في السبعينات من عيوب خلقية على الأجنة. كما أن الدهانات ذات الأساس الزيتي و التي تحتوي على نسبة عالية من المواد الضارة ما زالت تطرح بكثافة في الأسواق و على كثير من الأسطح مثل الأسطح الخشبية أو المعدنية و في المنشآت في المناطق الساحلية و ليس لها بديل آخر. و هنا يتضح لنا دور جهات الرقابة المحلية الذي ما زال يؤدي في حدود ضيقة جداً مثلاً لمنع استخدام مواد مثل الرصاص في الدهانات المنزلية، في حين أن هذا الدور و على المستوى العالمي قد نما و تعاظم بهدف حماية المستهلك، من حيث الدور الإعلامي المناط بهذه الجهات من خلال المجلات المتخصصة و الصحف و التلفزيون لنشر الوعي التقني بكافة الوسائل و في كافة المناسبات مثل المعارض و الندوات المتخصصة ومن خلال متابعة النشرات و الإعلانات التي تصدرها الشركات و الحث على توضيح المميزات والعيوب لكل منتج بل و مساعدة المستهلك على الإختيار السليم لمنتجات الدهان. كما أن جهات الرقابة مسئولة عن متابعة ما يستجد على الساحة العالمية من تجارب الآخرين، و ما يتم فرضه من قوانين الحماية و الوقاية على الشركات المصنعة للدهانات، فنحن في عصر عولمي جديد نستطيع بكل سهولة و سرعة الإطلاع و التعرف على ما يدور من دقائق الأمور و الإكتشافات والتجارب و المستجدات و الأحداث على المستوى العالمي لرفع مستوى الأداء و الوعي لكافة المستهلكين من متخصصين و مواطنين عاديين. 6- تخزين مواد الدهانات: تمثل كافة المواد و المعدات المخزنة كمية كبيرة من المال ، و لذلك فان سوء التخزين يكلف كثيرا و قد يكون خطرا في بعض الأحيان . درجة الحرارة : يجب الحفاظ على درجة حرارة المخزن ثابتة قدر الامكان . و درجة الحرارة المثالية عموما هي 15درجةمئوية . تحفظ المواد المذيبة في درجة حرارة أقل بسبب أطار التبخر و الأبخرة الخطرة لناتجة عنه . الرطوبـــة : تلف الكثير من المواد أو الفرش إذا تعرضت للرطوبة ،و المخازن الدافئة بدرجة الحرارة المذكورةأعلاه تخلو من الرطوبة التي تتلف المواد . الاضاءة : إن الاضاءة الطبيعية أو الاصطناعية المناسب ضرورية جدا للتعرف على البضاعة المخزنة و لدرء الأخطار .ويجب الانتباه إلى أن جميع التمديدات و التجهيزات الكهربائية المستعملة للإضاءة في حالة جيدة ، و إلا فسيكون هناك خطر الحريق. 7- تعليمات الوقاية من الحريق : قلة قليلة من مواد الدهان تخلو من خطر الاشتعال ، و لذلك يجب اتخاذ جميع الإجراءات اللازمة لدرء هذا الخطر : • تجنب اللهب. • منع التدخين. • التأكد من وجود نوعية مناسب من معدات إطفاء الحريق و في حالة جيدة . • يجب أن تخزن المواد المصنفة كمواد سريعة الاشتعال أو الغازات النفطية السائلة في ظروف خاصةجدا .

اخوانى واخواتى الصااااابرين السلام عليكم ورحمة الله وبركاته بعد فضل الله وكرمه وصصصصصصصصصصصصصصل وصلنى اليوم ايميل ارسال الجوازات والحمد لله رب العالمين عقبال كل الاخوه المنظرين

ههههههههههههههههههههههههه جامدة يا اغابى بتفكرينى بنفسى انا بردوا كتير بنام على نفس كدة وبفكر اتعالج (ماهو قمة الالم انك تنام كتير كدة) بس انا مش بتهور وانام فى الاماكن العامة كدة اقولك على حاجة جديدة انا بنام على وش المية استرخى وانام وزى ما المية تاخدنى يمكن فى يوم من الايام اصحى الاقينى فى الغردقة :) او يمكن ترونتو :) انزلى بالصور بقى :) تحياتى

السلام عليكم و رحمة الله و بركاته ايه الحلاوة دي.....حلو اوي مواقف و طرائف بيفكرني ببرنامج بتاع حد اسمه جلال علام....كان انتيكة خالص طب انا هحكي....و بعدين انسوا بقوا اني حكيت ....ماشي....(وش طفل ساذج اخر حاجة) الاول....(وش نور الشريف في فيلم دايرة الانتقام) الموقف ده كان حدث عالمي....و نقصد بالعالمي هنا هي زمام بيتنا ع العيلة الكريمة ع اصحابي في العمارة علي اصحابي في المدرسة ايه اللي حصل بقي انا كنت بحب اشارك اوي في الحفلات المدرسية....(وش صفاء ابو السعود و هي ضاربة ترتر علي راسها و بتقول العيد فرحة) مرة المدرسة كانت عاملة احتفال بعيد الطفولة باين و لا ايه....و اصروا ان البنات تلبس لبس ملون كده....و انا طبعا كنت مصرة انا اكون مختلفة.....و سبحان الله فعلا كنت مختلفة بشكل عجيب انا امي اصلا عندها بعض المحاولات الفزيعة في التفصيل و كنت انا الموديل الوحيد اللي بتلبس من ايدين امي الله يكرمها بقي امي قعدت تمخمخ كدهوت.....و قالت بس احنا هنعمل اللبس بخامة مختلفة.....ايه بقي يا اولاد عارف يا مواطن لما بتروح تشتري بوكيه ورد لخطيبتك....لمراتك...لعم عبده البواب....و بعدين يلفولك البوكيه في ورق اسمه ورق "كوريشة" ايون هو ده ماما إيف سان لوران.....قالت بس احنا هنعمل الزي بتاعي لماضة ناعومي كامبل بالورق دهوت انا اصلا كنت لا اوعي مين و لا فين بس كان يهمني اني اكون مختلفة.....و زنيت علي ماما عشان ابقي مختلفة و يا ريتني ما عملتها المهم الليلة دي انا فاكرة ان ماما يا عيني كانت سهرانة تعمل الزي و كده....و انا فاكرة اني اصريت انام مع بابا...يوه مش عيد الطفولة بقي و هي يا عيني كانت سهرانة و عمالة تاخد المقاسات بتاعتي....(هي غالبا اخدت مقاسات بابا) المهم صحيت الصبح لقيت الزي موجود كان زاهي و الوانه حلوة....و العملية مية مية ماما تقولي تعالي نقيسه و انا راسي و مليون صرمة لا.....عشان الحق المدرسة و الحفلة من اولها المهم روحت المدرسة...ابتدت الحفلة عارفين انتوا اعياد الطفولة بقي...اطفال ابرياء...اطواق بيضاء...و اجنحة ملايكة...و كرانيش و اذا فجأة يجي دوري في العرض....انا كنت كل اللي هعمله...اني هطلع.....اعمل حركة برجلي تقريبا نص دايرة....و دمتم طبعا انا لابسة البتاع ابو الوان زي راقصي هاواي...و تقريبا كان حادف برضه ع الهنود الحمر و هم حاطين القربان...قدام النار و بيصوتوا عليه طلعت بقي و كلي ثقة.....و دي الحاجة الوحيدة اللي فضلت متمسكة بيها لغاية آخر رمق و جيت قدام الجمهور بقي....اللي هو كان عوبارة عن اصحابي و امهاتهم....و لسه بعمل الحركة.....هووووووووووووووووووب الجيبة وقعت...... فاكرين هامني......و لا هامني...ما هو انا قولت من شوية....البني ادم ايه غير حبة ثقة فوق بعضيها طبعا الحفلة الانسانية اتقلبت بقي كوميديا ده غير انها بقت حديث الاجيال...اجيال و را اجيال بتعيش علي حلمنا (حد ينزلنا بالحلم العربي يا جدعان) اه نسيت ااقولكم علي حاجة الجيبة لما وقعت انا الحمد لله كنت حاجة.....هو تقريبا بنطلون.....بس ملزق شوية....وولاد الذوات بيقولوا عليه كولون زي بتوع البالية...يعني و ربنا حليم ستار بس خلاص انا مش هنا بقي

تلقيت هذه الرساله على بريدى اليوم قد تكون قديمه بالنسبه للبعض :) فتاة إسبانية تدرس الآن ماجستير لغة عربية في جامعة اليرموك الأردنية . وذات يوم وأثناء إحدى المحاضرات في السنة الثانية طرح الدكتور/ فخري كتانة سؤالا على طلابه : من منكم يحدثني عن لفظ الجلالة ( الـلـه ) من الناحية الإعجازية اللغوية ومن الناحية الصوتية؟ لم يرفع يده أحد .... ما عدا فتاة إسبانية تدعى "هيلين" والتي تجيد التحدث باللغة العربية الفصحى على الرغم من كونها إسبانية مسيحية: إن أجمل ما قرأت بالعربية هو اسم (الله) . فآلية ذكر اسمه سبحانه وتعالى على اللسان البشري لها نغمة متفردة . فمكونات حروفه دون الأسماء جميعها يأتي ذكرها من خالص الجوف , لا من الشفتين. فـلفظ الجلالة لا تنطق به الشفاه لخلوه من النقاط . اذكروا اسم... (الله) .الآن وراقبوا كيف نطقتموها هل استخرجتم الحروف من باطن الجوف أم أنكم لفظتموها ولا حراك في وجوهكم وشفاهكم... ومن حكم ذلك انه إذا أراد ذاكر أن يذكر اسم الله فإن أي جليس لن يشعر بذلك . ومن إعجاز اسمه انه مهما نقصت حروفه فإن الاسم يبقى كما هو . وكما هو معروف أن لفظ الجلالة يشكل بالضمة في نهاية الحرف الأخير "اللهُ" وإذا ما حذفنا الحرف الأول يصبح اسمه " لله " كما تقول الآية: (ولله الأسماء الحسنى فادعوه بها) وإذا ما حذفنا الألف واللام الأولى بقيت "له" ولا يزال مدلولها الإلهي كما يقول سبحانه وتعالى ( له ما في السموات والأرض) وإن حذفت الألف واللام الأولى والثانية بقيت الهاء بالضمة " هـُ " ورغم كذلك تبقى الإشارة إليه سبحانه وتعالى كما قال في كتابه: (هو الذي لا اله إلا هو) وإذا ما حذفت اللام الأولى بقيت "إله" كما قال تعالي في الآية ( الله لا إله إلا هو) سبحان الله .. ntw: