اذهب إلى المحتوى
محاورات المصريين

تحريف الكلام على ألسنة العوام

R.M.G.

بواسطة R.M.G.
في دعوة للأبتسام

 مشاركة

Recommended Posts

فــيــروز عضو جديد

فــيــروز

بتاريخ:
بتاريخ:
سطبلى  الوندوز

كل ما اسمع الجمله دى اقول يا حرااااام stnd::

ده عنده لدغه فى الشين وكان عاوز يقول "شطب لى الويندوز" f((:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
  • الردود 80
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

se_ Elsyed عضو جديد

se_ Elsyed

بتاريخ:
بتاريخ:
أمال نقول ايه على لغة الكمبيوتر  ( المتمصمرة ) - نسبة الى مصر طبعاً مش للمسامير  ;)  mc(:

فتلاقى مثلا ..

f((:  stnd::

سيف الفايل

داليت الميل

سطبلى  الوندوز

انستوووول البرنامج

شيرلى  الفولدر

سيلكتها !!

لأ بقى ده أنت لو جيت للغة الكمبيوترات ففي فضايح تمارس في حق الكربروتر :

- لو سمحت فارمتلي الجهاز ... وسيفلي الفايلات ...

- جيت الشركة سنة 95 لقيت كل المصريين اللي فيها عمالين يذلوا في واحد صاحبنا في المبيعات لحد ما أتعقد من حياته ومشي نهائي ... ففي بداية شغله في هذا المجال ماكنش له خبره لا بالكمبيوتر ولا يحزنون فراح يسأل المدير بتاعه ويقوله " العميل بيسألني عن السلوتات في الجهاز كام سلوت ؟" فلقى صاحبنا وقع من على الكرسي من الضحك وقاله بتقول مين ياخويا سلوتات ؟!!!

- نفس الولد ده برضوا فكر في فكرة جهنمية ورايح يقول لمدير قسم الصيانة مصري فقري برضوا " هو ليه طالما الكلام بيظهر على الشاشة ملون ما بيطلعش ملون من الطابعة ؟ سؤال وجيه وكلام جميل " فصاحبنا إشتغله وقال له " بسيطة عشان لازم توصل الشاشة بالطابعة مباشرة .. صاحبنا صدق وراح يدعبس في الطابعة يمين شمال إزاي يوصلها بالشاشة في أثناء دخول واحد من زمايلنا مهندس فقال له بتعمل أيه يا فلان قال له عايز اوصل الشاشة بالطابعة.. ليه يابني ؟ قال له عشان الكلام يطلع ملون .....

ومن ساعتها الولد عاش في الخزي والعار ...

بس بصراحة كان بياع درجة أولى ومالوش حل ...

الله يرحمه بقى stnd:: ...

واحد زميلنا مبيعات برضوا العميل بعت له order فصاحبنا رفضه وكنسله ...

فخد رأي مديره فقال له لأ نفذ الأوردر زي ما قال العميل وقوم كلمه وقول له خلاص أوكي ... فراح صاحبنا واقف في وسط الشركة وحبكت يتكلم من عند الاوبريتور مش من مكتبه ويقول للعميل

alo Mr. ..... i Cancelled my cancellation

فالرجل اللي عالخط الناحية التانية كان شكله مات من الصدمة بس قبل ما يموت سأله .. عيد الكلام تاني لو سمحت.. فراح صاحبنا مزعق

i Cancelled my cancellation

وحظه السيء كان مديره معدي وسمعه وقال له .. تعالى يا فلان إنت قلت أيه ؟

ومات على نفسه من الضحك ..

- موقف طازه بقى بنار الفرن

أمبارح في برنامج الكوره مع دريم ، مراسل البرنامج بيسأل " فينجادا " مدرب الزمالك وبيقوله بالحرف الواحد وبلكنة إنجليزية صحيحة إلى حد كبير

I came to know that your contract is for one year , so if you take the DORY this year will you renew with Zamalek

طب ليه كده يابني مانت كنت ماشي حلو .. وجت على الكملة دي هي اللي مدرستهاش في كتاب المطالعة الرشيدة ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
R.M.G. عضو جديد

R.M.G.

بتاريخ:
  • كاتب الموضوع
بتاريخ:

لما الكومبيوترات بقت مشاع على يد المصرية للإتصالات واحد سواق اشترى واحد وكل شوية يقولك عايز حد يسطر لي ويندوز فقلت له ماتخليها ساده مش لازم مسطره وفوجئت به يقول طب والألكونات تبقى سايحه كده ؟

بصراحة والله انتم ولامؤاخذه مالكوش حل

عجباني اوي حكاية مكسوبيشي لانصم دي

وكلام عمر

وقفشات فيروز

ومداخلة أمير

وكله كوم ومواضيع الدكتور محبط كوم تاني مش قادر ابطل ضحك عليها ولا اتلاشاها

كلام بيني وبينك يا أخت فريده "كنت بأقولها" بس خلاص طالما انها لامؤاخذه مش صح

رابط هذا التعليق
شارك
Salwa عضو جديد

Salwa

بتاريخ:
بتاريخ:

مساء سعيد جدا ......

الموضوع ده عسل ......

اولا .....صدقونى ...كلمة شرف....كل كلمة حكتبهالكم حقيقية ..

عند زيارتى لمصر .....فقط مجرد انى ..// اصطاد //..هنية ..

البنت التى // تساعد // اختى فى اعمال المنزل ...

اقول ....كدة ....حق التذكرة حلال ...حتى لو سافرت بكرة ..

وانا بقابلها اول يوم وصولى ...

ايه ياهنية اخبارك ايه ؟؟

والله يا ابلا سلوى ....كويسة ....اخويا مات من شهرين بس الحمدلله ..ساب مراته مستورة هى والبنتين ماهى الشقة تمليك .......بس برضه ؟؟

آه..الله يرحمه ...يعنى اخوكى طلع من الأعيان ؟؟

لالالا يا ابلا سلوى ....ده مات فأجة..مكانش عيان ...

امال مراته حاتعيش ازاى ؟؟...حاتبيع الشقة وتاخد شقة ايجار ..؟؟

لالالا يا ابلا سلوى ....دى مدرسة قابول...وربنا كرمها وطالعة

دعارة....

//// انا فى الأرض من كثرة الضحك ///...

على فين ياهنية ؟؟؟

والله يا ابلا سلوى رايحة انشر الغسيل .....وجاية الوقتى ...

الغسيل زى الفل ياهنية ..طول عمرك شاطرة ...

اصلنا دلوقت غيرنا المحسوق..وبدل الاليار....بنستعمل البرسيم

// قصدها البرسيل //..

ايه رأيك ياهنية انا عاوزة واحد قهوة مظبوط من ايديكى الحلوين دول .....

شالله تعيشى ياهانم ...بلا غربة بلا وجع قلب ..خصيمك النبى تيجى تعيشى معانا هنا ..ده رب هنا رب هناك ..

ومصحف الله لو تيجى ..لأبح عجل ..

ربنا يخليكى ويهنيكى ياهنية ....

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك
Salwa عضو جديد

Salwa

بتاريخ:
بتاريخ:

آه .نسيت اقول لكم ........

سافرت مصر فجأة .....وذهبت عند اختى .....

والكل كان سعيد ...وسألونى ليه مقلتيش انك جاية ؟؟؟

قلت لهم انا بعثت لكم ايميل امبارح ........

ردت هنية وقالت لى ........والمصحف يا ابلا سلوى ماحد جالنا .

هو مين ايميل ده ؟؟؟

واحد صاحب البيه ؟؟

وانا كالعادة مش قادرة ارد من كثرة الضحك ...

تحياتى ....

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك
R.M.G. عضو جديد

R.M.G.

بتاريخ:
  • كاتب الموضوع
بتاريخ:

وعلى فكرة برضو في كلام مشوه عند الجميع بما فيهم العوام والخواص زي مثلا كلمة اجتماع كلنا تقريبا بننطقها اكتماع وتقريبا كلنا بنقول بورطقان على البرتقال وبنقول بندحك والأصل بنضحك جربت شوية ايام كده أقولها صح لقيتني عامل زي المرحوم حسين رياض لما كان بيقول صضقني يابني انا باضحق معاك وشبعت تريقه للصبح

رابط هذا التعليق
شارك
Cleo عضو جديد

Cleo

بتاريخ:
بتاريخ:
واحد زميلنا مبيعات برضوا العميل بعت له order فصاحبنا رفضه وكنسله ...

طيب ماتنساش زيارتك الجاية لمصر تكنفر تذكرة الطيارة أحسن ترجع على ظهر ناقة.... stnd::

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
Cleo عضو جديد

Cleo

بتاريخ:
بتاريخ:

برضه بعض العوام لما ييجوا يتكلموا عن الحضارة الفرعونية يقوللك... "هو أنا باتكلم هولوغليفى"

ولا التانيين اللى يقولولك "مومياهات"

إلا بالحق يا جماعة.... س س فين؟؟؟ بقالى كتير ماشوفتوش stnd::

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
ragab2 عضو جديد

ragab2

بتاريخ:
بتاريخ:

كان

ابنى فى حضانة بالإمارات

وكنت أذهب لاحضاره

وفى يوم قال لى وهو فى منتهى السعادة والفرح .. أبلة فنة حواوة بقت

وعرفت أنه يقصد أنه أخذ حلوى وأكلها فى بقه

من أبلة فاطمة وهى الأستاذة الفاضلة فاطمة النومان مديرة الحضانة فى تلك الوقت ومن نساء الإمارات المثقفات والنشطاء فى مجال الجمعيات النسائية بالإمارات

ولما اسكشفت الأمر قالوا لى فى الحضانة أن المس فاطمة وزعت علي الأطفال حلوي بمناسبة عيد ميلاد أحدهم

ولهجة الأطفال جميلة وبريئة

مصر أكبر من نظام الحكم الفردى الديكتاتورى الإستبدادى

الذى فرضه علينا عسكر حركة يوليو فى الخمسينات

وصار نظاما لحكم مصر

برنامج الرئيس الإنتخابى لإسكان فقراء الشباب ..

سرقه مسؤولون وزارة الإسكان مع المقاولين ..!

رابط هذا التعليق
شارك
DARWEEN عضو جديد

DARWEEN

بتاريخ:
بتاريخ:

خبر أيه ياباشمهندز أنت وهو وهي عدم اللامؤاخذه

يعني بالصلاتو على النبي برضه يصح توقعوني م الضوحك على صباحيت ربنا

وقال عمالينلي مسأفين قال

بالمناسبه كان لي في الجامعه زميل متفذلك مع أنه من أجهل خلق الله ... وفي يوم لقيته بيقولي ... الناس الأغبيا بيقول على العربيات أنها بيجو وبينسو حرف الـ T ... مع أن الصح بتاعها((( بيجوت )))

صباح الفل

القسوة أن ألقاك غريبا ... في وطن ناء عن وطنك

والأقسى غربة أنفاس ... بين الخلان وفي أهلك

رابط هذا التعليق
شارك
afiona عضو جديد

afiona

بتاريخ:
بتاريخ:

موضوع جامد قوى.....

بعض المصطلحات الكروية العامية:

penalty.... تنطق (بلانتى) أو (بلم) مع إن الصح بتاعها (بلن).... stnd::

corner..... كورنل و الجمع (كارانيل) أو لو شئت الدقة عشان أختنا Lighthouse عميدة اللغة العربية بالمنتدى ماتزعلشى تبقى (كورنلات) .....جمع مؤنث سالم... stnd::

studs اللى فى الجزمة، العامى بتاعها ( جزمة ستارز) و الجمع (ستارزات) ،مونث سالم برضه حفاظا على اللغة.... f((:

أفيونة

ممثل الهنود الحمر فى الجامعة العربية

يا لجنة الحكام ... الاهلى بيدفع كام ? ...(من اقوال جماهير الدراويش الماثورة)

7_15_5v.gif

رابط هذا التعليق
شارك
afiona عضو جديد

afiona

بتاريخ:
بتاريخ:
الجديد بقى ان زميله كانت عاوزه نسخه من رساله سيتم ارسالها لاحد العملاء فطلبت من الشخص الذى سيرسل الرساله ان يضعها ضمن قائمة المرسل اليهم قائله :

لو سمحت سيسينى

آه طبعا... وفى كمان (بي سيسنى) من BCC....

يا لجنة الحكام ... الاهلى بيدفع كام ? ...(من اقوال جماهير الدراويش الماثورة)

7_15_5v.gif

رابط هذا التعليق
شارك
أسد عضو جديد

أسد

بتاريخ:
بتاريخ:

منذ سنوات طويلة .. أيام كنت في الجامعة .. وكنت راكب الأتوبيس ... الذي كان يسير في شارع القصر العيني ..

ومن منتصف الأتوبيس .. وقفت إحدى السيدات وقالت للسائق بصوت مرتفع ..

والنبي ياخويا تبقى تنزلنا عند معهد الداء البطال ... (معهد الأورام)

في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..
وتاني .. تاني .. تاني .. بنحبك يامصر .. ...

 

1191_194557_1263789736.jpg


‎"إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد"

(من أقوال المازني في كتب حصاد الهشيم)
 

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
إلا بالحق يا جماعة.... س س فين؟؟؟ بقالى كتير ماشوفتوش  f((:

نعم يا ست كليو الصحاح ..

يعني كل واحد فيكوا بقى ضليع في قواعد اللغة العربية .. وأصول اللغة العربية ..

وانا الوحيد اللي ضليع في قواعد البقدونس والفجل الرومي stnd::

بلد شهادات صحيح ..

وبعدين اللي عايش بره ماعلهوش ملامه يا كليو ياختشي ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:

مره اخويا كان بيسمع ردود افعال الناس عن اعادة انتخاب بيل كلينتون لفترة رئاسه تانيه

فلقى واحد من المتحمسين للنتيجه بيقول لصاحبه

اصل الجدع بيل كلينتول ده كده stnd::

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

أخويا الصغير كان بيقضي العيد معايا في المدينة المنورة فأول مرة ييجي السعودية ، المهم بعد كل صلاة تقريباً بتبقى فيه صلاة جنازة ... فالمؤذن بعد ما نسلم على طول بيقول في الميكرفون الصلاة على الرجل مثلاً او على المرأة أو على الطفل ...

فصادفت إن اللي كانوا بيموتوا في الأيام دي غالبيتهم رجاله ..

فكل صلاه المؤذن يقول " الصلاة على الرجل يرحمكم الله "

فالواد إتخض يا عيني وراح سألني " أيه يا س س هو مين الراجل اللي كل صلاة يجيبوه يصلوه عليه ده ؟ "

أنا مامسكتش نفسي من الضحك وتخيلت واحد متوفي والناس ماورهاش شغلانه إلا أنهم يجيبوه يصلوا عليه كل يوم " stnd::

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
اصل الجدع بيل كلينتول ده كده  cl:

بعد أن لعب دور مهم في إتفاقية السلام بكامب ديفيد ، في ناس في مصر كانت معجبة جداً بجيمي كارتر ..

وخالي راجل مزارع في الأرياف وكان بييجي يزورنا في القاهرة من وقت لأخر وكان عنده مزاج يسمع نشرة الاخبار فكان يقول لي " إفتح التليفزيون يا س س نشوف النشرة ونسمع كركر قال أيه النهاردة "

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:
" إفتح التليفزيون يا س س نشوف النشرة ونسمع كركر قال أيه النهاردة "

cl: lo:: :D

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
R.M.G. عضو جديد

R.M.G.

بتاريخ:
  • كاتب الموضوع
بتاريخ:

باحب أوي اناكش واناغش الصنايعية وصبيانهم لاستخراج مالديهم مرة صبي منجد لقيته قاعد بيدندن وشدني ان اللحن كان بتاع لاتكذبي !!!فسألته :أنت ياأشرف حافظ لا تكذبي؟ فقال:انا حافظ كل أغاني عبد الحليم وكل أفلامه فقلت له طب سمعنا:فقال الآتي والله بلا تحريف

لا لا لا تكذبي اني رأيتكما معا ودعي البكاء فقد كرهت الأجمعا

لا تهول الجمع البسور اذا جمع من علم كاذبة فأرتر وارتر واندعك

بالهمسي بالهمسي من آهاتم من نظراتم م الصنف الرهيب ..م الصنف الرهيب

ويشذ في كلبي حريق وتطيع من كدمي الطريق وتتل من رأسي الطلوم تلومني وتشذ اذني

فقلت له كفاية حرام عليك وانا باتلاشى اضحك قدامه لامؤاخذه

قلت له طب ايه حكاية الأفلام اللي انت حافظها دي فقال:

شوف في فلم معبودة الجماهير بعد سهير ما كرشته م الفرح كان فؤاد المهندس بيقول لابراهيم :انا منتهش انا مزغون ازاي سهير تعمل كده فرد عليه :والله مانا عارف ياخويا يازغلول بس هي اللي جت لي يازغلول وخلتني أسدأ بمنتهى البساطة ان النجمة الكبيرة نزلت لمستوى كومباصت زيي

اسمع يازغلول انا لازم اكافأ واثبت للست دي اني كدير احسن منها لازم يازغلول ويرد زغلول:لأول مرة بتتكلم كلامنا وزلول(كلم موزون)

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...