اذهب إلى المحتوى
محاورات المصريين

تحريف الكلام على ألسنة العوام

R.M.G.

بواسطة R.M.G.
في دعوة للأبتسام

 مشاركة

Recommended Posts

R.M.G. عضو جديد

R.M.G.

بتاريخ:
بتاريخ:

يعجبني كثيرا كلام العوام وغير المتعلمين وما يصدر عنهم من الفاظ جميلة جدا كتلك التي كان يستخدمها محمد رضا في أفلام ومسلسلات زمان

في راجل مقاول اعرفه اسمه الحاج رزق والحاج رزق ده نص كلامه تقريبا محرف يعني مثلا كان مره بيتكلم عن واحد اتخانق مع واحد وعمله عاهه (مش سليمه)طبعا قصده مستديمه وده غير التليفزيون الشغال ب(الرموز)اللي هو الريموت وقد ايه مش بيحب الراجل(المولوس) اللي هو الموسوس

وكنت زمان –ايام النغنغه-باروح لترزي اسمه عم عزت ومن كتر مابيقول لامؤاخذه كانت شهرته عزت لامؤاخذه وكان تقريبا بيقولها بين كل كلمة والتانيه يعني مثلا يقولك :أصل المنطلون ده لامؤاخذه ضيق شوية عند لمؤاخذه الكمر وعايز لامؤاخذه يتوسع صمتي ولا اتنين (سنتي) لامؤاخذه ....!!الطريف ان انا بعد شوية كنت بلاقي نفسي بقول معاه لامؤاخذه مش ممكن نعمل كذا لامؤاخذه

ده غير كلام الحريم اللذيذ زي: امبارح ياخشي (ياختي) اشتريت جوز انارب وعملت معاهم بشينجان (بتنجان) وقمت نشرت الخسيل والفلنات كانت بتشف وترف والوليه جارشي (جارتي) كانت عماله تبص زي الأعربه (العقربه)

طبعا لا ننسى الشائع جدا من أن العربية مرشيدس وليست مرسيدس وان كلمة مستشفى لازم تكون مشتشفى وإن الساندوتش هو شاندوتش وان الشويبس اسمها الأصلي سويبش

مش بالذمة كلام زي العسل؟

رابط هذا التعليق
شارك
  • الردود 80
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

فــيــروز عضو جديد

فــيــروز

بتاريخ:
بتاريخ:

cr((:

افتكرت اما قريت موضوع الغسيل ده كلمة "بروفل" اللى هى بديل كلمة "بلوفر" اللى سمعتها اول مره فى اعلان ايريال ايريال أو أو cr((:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
R.M.G. عضو جديد

R.M.G.

بتاريخ:
  • كاتب الموضوع
بتاريخ:

ويقال أيضا عن البروفل أنه "الشيرز" وأنا لاأعلم أصل لهذه الكلمة تكون محرفة عنه

والجولنه =الجونله

الشترتش=الإسترتش

أما السشوارفهو إما ششوار أو استشوار أو في آخر اسم له الشنيور يقولك المزين حطلي فازلين وضرب لي واحد شنيور كده

رابط هذا التعليق
شارك
disappointed عضو جديد

disappointed

بتاريخ:
بتاريخ:

مممممممم...

موضوع ظريف جدّا

;)

خلّونى أحكى ليكم على قنبلة لغويّة متحرّكة على قدمين (الست إنتصار)

عندما كنت نائباً فى مستشفى عين شمس الجامعى كان بالمستشفى 6 أقسام للأمراض الباطنيّة تتناوب على أيّام الأسبوع فى الإشراف على حوادث و إستقبال و العيادات الخارجيّة بالمستشفى و تقوم بحجز المرضى المحتاجين للحجز بالمستشفى فى اليوم الذى تشرف عليه (يعنى معروف إن العيان مثلا اللى يتحجز يوم إثنين بتاع قسم 5 باطنة , ويوم ثلاثاء يبقى بتاع قسم 1 باطنة... وهكذا)... وطبعا الجمعة بتلف على كل الأقسام

ما علينا....

فى يوم من ذات الأيّام.... وأنا قاعد مع باقى النوّاب و المدرّسين المساعدين و دكاترة الإمتياز فى غرفة الأطبّاء بالقسم فى نهاية يوم من العمل لنقوم بتقسيم المهام فى اليومين التاليين من واقع ملفّات المرضى.... إذا بأمرأة متّشحة بالسواد (مثال حى لبنت البلد المصريّة.... تخينه (تخينه كرويّه يعنى مش تخينه بس) و دمّها خفيف و صوتها عالى و رغّايه وقلبها أبيض)..... دخلت علينا و كان هذا الحوار الرهيب :

= معلش يا دكاتره...... أخبار عمّكم "إسماعين" إيه؟؟؟

عمّ إسماعيل مين يا ست؟؟؟

=إسماعين اللى كان بيعمل "الغسيل البريطانى" (قصدها الغسيل البريتونى)

cr((:

صمت.......

= مش فاكرينه؟؟؟ اللى عنده "تشوالى فى المرّيخ" (قصدها دوالى فى المرّيئ)

:P

صمت.........

= البت "فاطنه" و الواد "عِلاء" قالوا لى إنه عندكم هنا؟؟؟

cr((:

صمت........

= أصله يا حبّة عينى من ساعة "الزنزان" (قصدها الزلزال) وهوّه بطنه عليت و "الإستثناء" (قصدها الإستسقاء) شد عليه و كل شويّة و الثانية يخش فى "غبيوبة" (قصدها غيبوبه) و " الحقنة الإشتراكيّة" (قصدها الحقنة الشرجيّة) ماعادتش بتفوّقه

rs:

وهكذا.......

أصبحت الست إنتصار فاكهة القسم طوال فترة حجز زوجها وكانت ضيفة دائمة فى غرفتنا فى أوقات فراغنا للتعرّف على قاموسها اللغوى الفريد mc:

إييييييييه....أيااااااام

<span style='font-family: Traditional Arabic'><span style='font-size:15pt;line-height:100%'><strong class='bbc'>إن أخشى ما أخشاه هو :<br /><br />أن تصبح الخيانة يوما ما.....مجرّد.....وجهة نظر</strong></span></span><br /><br /><br /><br /><img src='http://www.egyptiantalks.org/images_temp/moir.gif'alt='صورة' class='bbc_img' />

رابط هذا التعليق
شارك
Farida عضو جديد

Farida

بتاريخ:
بتاريخ: (معدل)

على فكره الموضوع ده تحفه

انا بقى لما احب اعرف اللى قدامى ده مثقف ولا بيدعى الثقافه ازنقه فى كلمة "نتلاشى" .....اللى لاحظته انى لما اتكلم مع حد و يجى عند جمله و الاقيه بيقول "نحاول نتلاشى الغلطه دى " أبقى عايزة اضحك و اتكسف لأن اللى بيقلوها ناس متعلمين و ممكن يكونوا حاصلين على الدكتوراة كمان و الكلمه دى خليط من " نتلافى " و "نتحاشى" فبتطلع "نتلاشى" ...المهم و الله مرة سمعت أحمد مختار المذيع بيقولها فى التليفزيون .....

كلمه تانيه اول مرة أسمعها بلمت ,,وكانت من واحده معرفه كانت بتقول ان الحكايه دى بتحصل لها بطريقه عفوائيه ......تقصد طبعا "فجائيه على عفويه

تم تعديل بواسطة Farida

*اللهم انى اشكو اليك ضعف قوتى و قلة حيلتى و هوانى على الناس

*اللهم و لى امورنا خيارنا و لا تول امورنا شرارنا

* الساكت عن الحق شيطان أخرس

* الشعوب تستحق حكامها

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ: (معدل)

انا بقى اللى بيعصبنى ومش بيبقى على لسان العوام لا ناس متعلمين

ان واحد يقول لك

فلان اتغير 360 درجه stnd::

ادخل انا بهدوء و اوشوشه "180 درجه" mc(:

يقول لى لا انتى مش فاهمه .. انا قصدى ابالغ .. ;)

اقول انا .. بس دى مبالغه تفسد المعنى تماما لان 360 درجه تغيير معناها ان مفيش تغيير من اصله cbyb:

وبردو مصمصم f((: حكم stnd::

تم تعديل بواسطة فــيــروز

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
R.M.G. عضو جديد

R.M.G.

بتاريخ:
  • كاتب الموضوع
بتاريخ:

والله المنتدى ده زي العسل وكل اللي فيه بالإضافة للثقافة العالية فهم متمتعون بخفة ظل غير مسبوقه

عامة انا حاتلاشى التطويل بس حاحكي لكم حكاية حصلت لي قريب ....مرة كان عندي سباك بيعمل مرمة في الحمام وبعدين بعد ما كسر اللي كسره وخلى السيراميك اثرا بعد عين بص لي من فوق لتحت وراح قايلي: أجيب لك سويتر يابيه؟

وبمنتهى التلقائية وحسن النية نظرت الى ماألبسه فوجدته تقيل كفاية والجو مش برد للدرجة دي المهم قلت له : ودا مالو ومال الشغل اللي في ايدك ؟ فكانت المفاجأة التاليه قال :لأ بس أنا قصدي عشان الرطوبه والميه !!!! برضو خدت الكلام على محمل الجد فقلت له :هو انت يعني شايفني بالعب في الميه ؟ هو في ايه؟ فقال :لعب ايه لامؤاخذه أنا قصدي اسمنت سويتر مش سويتر تلبسه عدم المؤاخذه !!واتضح بعد الحوار والتفاهم انه يقصد نوعية من الأسمنت اسمهاsea water يقال انها تتحمل الرطوبه بس بعدها فطست م الضحك على شكلي وانا مستنكر بشده تدخله فيما البسه

رابط هذا التعليق
شارك
R.M.G. عضو جديد

R.M.G.

بتاريخ:
  • كاتب الموضوع
بتاريخ:

الأخت فيروز

فكرتيني بواحده بتبيع جرايد جنبنا

مرة كنت واقف عندها وهي لله كده بتحب العبد لله وبتحب تشكي له همها فمرة كنت عندها انا وواحد صاحبي م المتفزلكين شويه وحبكت معاها تقولي :ما هو خلي بالك اللي يقدم الحد يلاقي السبت انا فوت ومشيت معاها صاحبنا كبرت في دماغه وقالها :لا ياستي الصح ان اللي يقدم السبت بيلقي الحد فنظرت له بامتعاض وقالت له بنبرة لا تخلو من التهديد لأ بقى هي كده وطول عمرها وهي كده فقال لها : جايز قصدك بقى يلاقي الحد اللي بعده؟

فرمقته بشده قائلة : مش عايزة استظراف والنبي هو الحد بعد السبت يامتعلم يامتنور؟ والنبي اللي اداك شهاده ظلمك!!

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:
عامة انا حاتلاشى التطويل

stnd:: mc(: f((:

والنبي اللي اداك شهاده ظلمك!!

stnd:: ;)

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:

عندنا فى الشغل كل حاجه لازم تتعمل بالميل "الايميل يعنى" ;)

ماينفعش اى حاجه بقيقى "شفوى يعنى" ;)

اما حد يجيله ميل و زميل تانى يحتاج منه نسخه بيقول "لو سمحت فورواردهولى" .. صعبه اوى كتابة الكلمه دى بالعربى stnd::

دى قديمه f((:

الجديد بقى ان زميله كانت عاوزه نسخه من رساله سيتم ارسالها لاحد العملاء فطلبت من الشخص الذى سيرسل الرساله ان يضعها ضمن قائمة المرسل اليهم قائله :

لو سمحت سيسينى !! stnd::

اظن مفهومه دى كمان mc(:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
disappointed عضو جديد

disappointed

بتاريخ:
بتاريخ: (معدل)
وان كلمة مستشفى لازم تكون مشتشفى

بمناسبة "المشتشفى"

قامت قناة النيل الرياضيّة منذ عامين بإستضافة جمال عوض

ولمن لا يعرف جمال عوض فقد كان بطل العالم فى الإسكواش فى أواخر السبعينيّات و أوائل الثمانينيّات

وكان قد إحترف فى السويد , ثم أقام هناك بصفة نهائيّة و أصبح المدير الفنّى العام المشرف على منتخبات السويد و يحظى بمكانة رفيعة للغاية حتّى يومنا هذا فى الأوساط الرياضيّة السويدّية

ولهذا.....صعقت عندما سمعته يحكى عن أصعب موقف تعرّض له , حيث حكى عن أنه لعب نهائى بطولة إنجلترا و هو تحت تأثير الحقن المسكّنة لإصابته بإلتهاب فى الزائدة الدوديّة , ورغم ذلك تغلّب على آلامه و فاز بالبطولة ... ولكنّه قال فى نهاية القصّة :

فإستلمت الكأس و طلعت من الملعب على " المشتشفى" على طول و عملت العمليّه

f((:

و..... لم تفلح ستوكهولم و مكانته الرفيعة التى إكتسبها و إختلاطه بأعلى شرائح المجتمع فى تعديل كلمة دأب على نطقها بهذه الطريقه

stnd::

تم تعديل بواسطة disappointed

<span style='font-family: Traditional Arabic'><span style='font-size:15pt;line-height:100%'><strong class='bbc'>إن أخشى ما أخشاه هو :<br /><br />أن تصبح الخيانة يوما ما.....مجرّد.....وجهة نظر</strong></span></span><br /><br /><br /><br /><img src='http://www.egyptiantalks.org/images_temp/moir.gif'alt='صورة' class='bbc_img' />

رابط هذا التعليق
شارك
R.M.G. عضو جديد

R.M.G.

بتاريخ:
  • كاتب الموضوع
بتاريخ:

مش ممكن يادكتور محبط انا والله قريت مداخلتك بتاعة انتصار دي كذا مرة وكل مرة برضو باضحك

مرة سمعت واحدة متأثرة أوي وبتقول لواحدة تانية شفتي انبارح خلف الأسوار جابو الواد اللي خطف البت و"اختصرها"وبعد كده خنقها ؟

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:
مرة سمعت واحدة متأثرة أوي وبتقول لواحدة تانية شفتي انبارح خلف الأسوار جابو الواد اللي خطف البت و"اختصرها"وبعد كده خنقها ؟

stnd:: stnd:: f((:

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
Cleo عضو جديد

Cleo

بتاريخ:
بتاريخ:

زمان كنت بافتكر العوام بس هم اللى بيقولوا على البتنجان "برنجان"...

لحد ما دخلت الجامعة و اتعلمت إسبانى....

غكتشفت إن الاسبان كلهم عامة و بيقولوا عليه هم كمان "برنخينا" يعنى برنجانة ولا مؤاخذة...

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
شفتي انبارح خلف الأسوار جابو الواد اللي خطف البت و"اختصرها"وبعد كده خنقها ؟

علمياً وواقعياً ده ممكن يحصل ..

يعني ممكن الواد يكون شاف إن البنت دي أطول من اللازم فراح خطفها وأختصر منها دورين ...

هي العماير بقت تقع من شوية .

س س مقاول أنفار من الباطن .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Cleo عضو جديد

Cleo

بتاريخ:
بتاريخ:
عندنا فى الشغل كل حاجه لازم تتعمل بالميل "الايميل يعنى"  ;)

ماينفعش اى حاجه بقيقى "شفوى يعنى"  ;)

اما حد يجيله ميل و زميل تانى يحتاج منه نسخه بيقول "لو سمحت فورواردهولى" .. صعبه اوى كتابة الكلمه دى بالعربى  stnd::

دى قديمه  f((:

الجديد بقى ان زميله كانت عاوزه نسخه من رساله سيتم ارسالها لاحد العملاء فطلبت من الشخص الذى سيرسل الرساله ان يضعها ضمن قائمة المرسل اليهم قائله :

لو سمحت سيسينى !!  stnd::

اظن مفهومه دى كمان  mc(:

فيرووووووووووووووز...!!!!!!

لاتكونى معانا فى الشغل...!!!!!!!

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
Cleo عضو جديد

Cleo

بتاريخ:
بتاريخ: (معدل)

مرة واحد زميلنا كان بيدور على عربية مستعملة يشتريها...

قام راح للميكانيكى اللى نصحه يشترى حتة مكسوبيشى لانسوم إنما محترمة...

تم تعديل بواسطة Cleo

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

في الحقيقة لما تيجي تتكلم عن مصر يعني بنتكلم عن ناس اللغة عندها فري سايز ...

ومستحيل برضوا تلاقي ناس في العالم بيحوروا اللغة زيينا ..

وأنا عشت في الخليج وأختلطت بطوب الأرض ومنهم طبعاً العرب من جميع البلدان وهم مشتركون معنا في اللغة .. إلا أننا نتميز عنهم بعدم وجود مشاكل ....

وفيه موضوع لأخونا Esso في باب الإبتسام عن المصطلحات اللغوية الجديدة ...

طب يا دكتور موحبط يا بتاع كلية الطب إنت نسيت " النزلة الشَعبية "

تصدقوا بالله أن من كتر ما كانت بتتنطق كده حوالين الواحد بقت أقولها زيهم أحسن أطلع انا اللي جاهل ...

يعني أقدر أروح أقول لواحد إنت عندك نزلة شُعَبية ؟ يــــــيه دي تبقى شغلانه ....

وبعدين يقولك فلان " صابعه مدوحس " حد يعرف أصل الكلمة دي ؟ بجد غريبة ومش قريبة من أي معنى أخر ...

- برضوا لحد الآن في ناس بتقول " إستنجرية " على إسكندرية ...

والبغبغان والزلحفة والبرتقان والكاكولا ( لسه هايقول كوكا كولا .. دي حتى صعبة ) والجرنان ( دي بقى دخلت وبقت من ضمن اللغة الفصحى )

الكلمة بقى اللي كل ما أسمعها " أسورق " من الضحك هي " مُجًد حيوي " على المضاد الحيوي ...

- عُمر إبني هاينسيني العربي قريب فهو السنة الجاية هايدخل المدرسة فزاللني كل شوية " يا بابا أنا هاروح المننسة وأجيب شنطة وكناسة .. بس الاول هاروح الملالي ( الملاهي ) عشان احَلًق .. واغسل سناني بالفرشاة والعجينة ( المعجون .. ماعرفش جاب الكلمة دي منين ) وعلى كده شغال لي في الخنفان ..

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
amir عضو جديد

amir

بتاريخ:
بتاريخ:

ايه المنتدى الــ "برنخينا" ده

احنا لازم نغير الموضوع ده 360 درجه

و نتلاشى الكلام عن الناس اللى بتروح المشتشفى

واللى مايسمعش الكلام نديله الحقنة الإشتراكيّة

و اهـو اللى يقدم الحد يلاقى السبت قدامه

ياخشى بلا دوشه

يا وطنى : كل العصافير لها منازل

الا العصافير التى تحترف الحريه

فهى تموت خارج الأوطان

ـ نزار قبانى ـ

103.gif

رابط هذا التعليق
شارك
ابو يوسف عضو جديد

ابو يوسف

بتاريخ:
بتاريخ:

لذيذة قوى الحكاية دى ...

واللذيذ أكتر ان اللى عارف ما بيقولشى للى مش عارف ...

يعنى لما أسمع جملة (ركب الحتة المرشيدس و قعد ياكل الشاندوشت ;) )

بأفهمها و أعديها ... و مش مهم أنى اقوله انك بتنطق غلط .. لانها من وجهة نظرى ده الصح stnd::

طبعا قاموس اللغة دى وفير .. مثلا .. نطق كلمة كمبيوتر بفتح الكاف فتصبح (الكامبويوتر ده فيه العجب )

طيب دول عوام !!!

أمال نقول ايه على لغة الكمبيوتر ( المتمصمرة ) - نسبة الى مصر طبعاً مش للمسامير mc(: ;)

فتلاقى مثلا ..

f((: stnd::

سيف الفايل

داليت الميل

سطبلى الوندوز

انستوووول البرنامج

شيرلى الفولدر

سيلكتها !!

و فيه برضو ..

تلفنلى (يعنى اتصل بيا )

و بتوع المخدرات يوقلك ..

بيرول (يعنى بيلف)

ايه اخبار الاستافات ؟ (يعنى ايه أخبار الصنف Stuff)

بس بجد لغة لذيذة

أحاول إحراقَ كلِ النصوصِ التي أرتديها.

فبعضُ القصائدِ قبْرٌ،

وبعضُ اللغاتِ كَفَنْ.

وواعدتُ آخِرَ أنْثى...

ولكنني جئتُ بعد مرورِ الزمنْ...

...

! !

من قصيدة " متى يعلنون وفاة العرب؟؟"

لنزار قبانى

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...