أيها المغتربون .......... استمتعوا قبل فوات الأوان (كما وصلتنى)

[hOuSsAm]

:lol:

السلام عليكم و رحمة الله و بركاته

مكنتش اعرف اني سيرة القنصلية المصرية هتقلب عليكو المواجع

بس فعلا هنا عاملين شغل جميل جدا...بس للاسف انا مش بلحق احضر كل الانشطة...

الحقيقة الفضل بعد ربنا ان اللي ماسك المكتب هو شخص مصري... بس دماغ اوربية جدا....و من هنا احب أحييه دكتور طارق وهدان

طب من اسبوعين عمل ندوة عن ايه

تفتكروا عن ايه

حاجة اسمها "تلحين الاحساس"......المحاضر مسك كل الحان القصبجي....و حلل ازاي ان التنوع الموسيقي ممكن يحرك في الواحد مشاعر مختلفة... في السياق الواحد يعني الاغنية الواحدة

هو بيعمل حاجات متنوعة كتير....كمان كان فيه حاجة حلوة اوي عن قبعات التفكير....هو اللي بيعجبني اكتر هو الحوار اللي بيتفتح بينا.... لانه بيحسسني اني فعلا في مصر....و الاحلي من كده بيحسسني اني قاعدة ع القهوة (طول عمري نفسي اقعد ع قهوة كده).....و تلاقي الناس بتحدف كل اللي جواها

======================

استاذي محمد أفندي....فيه اكلة اسمها بقبقة.....ايه دي بقي.... :wub:

انا هنا عندي حاجة كده اسمها بلاليط.....أيون....بس ايه مسخرة..... :P

صباااااحكم بلاليط..... علي بقبقة

فوتكم بعافية

شكرا يا لماضة على انك قلتي على الانشطة الي بتعملها القنصلية المصرية

يا ريت حضرتك تقوليلي ازاي اتواصل معاهم علشان انا فعلا محتاج الانشطة دي

بصراحة العيشة هنا في ابوظبي مملة جدا وما بلاقيش حاجة اعملها لدرجة اني بدأت اكره الاجازات

شكرا مرة تانية

السلام عليكم و رحمة الله و بركاته

رقم القنصلية المصرية بأبو ظبي

6330903

6316118

عارف حضرتك وزراة التربية و التعليم القديمة.. هي وراها ع طول... فيه مدرسة اسمها المتنبي....و بعدين هتلاقيها بين مسجدين....و احد للسنة و التاني للشيعة... آه و ربنا و متعملشي زيي لما روحت هناك فضلت الف حولين مسجد الشيعة و استغرب.... wst::

المشكلة انهم مش بيعملوا حاجة في الويك اند....بتبقي ايام الاسبوع العادية....و عادة بتبقي الاحد و الاربعاء الساعة 7 و نص....و بيبتدوا 8 عااااادي جدا......

امبارح كان فيه ع المسرح الوطني...."اغاني العاشقين" فرقة فلسطينية بتحي ذكري يوم الارض... انا مش بقول كده عشان اغيظك..... :lol: لا بس انا كان المفروض احضر بس كنت بتخانق في الشغل فمش فضيت

اهم حاجة في ابو ظبي الفترة دي هي مهرجان ووماد.....و راغب علامة هيعمل حفلة النهاردة ع الشاطيء ع الكورنيش (اوعي بقي تخنق نفسك.....و تضرب كرافته.... :lol: كوتشي و تي شيرت).... ده لو حضرتك من محبي التهييس...

سامعة ان السيرك هيبقي في بداية ابريل (يا رب ما تطلع كدبة.... و لا انا سمعت انهم هيجيبوا السيرك المصري...بتاع محاسن الحلو و هالي هووووووووب...كده انا ممكن اعيط)

و جالي من مصدر روفنتوع ان في بني ياس في سباقات فورميلا

تحب.... ممتعة يا رياسة......كفاية ان العربية من دول تبقي ماشية و بعدين تعدي من جنبك....و تقول فوووووووو...و تلاقي نفسك اتردمت تراب

احساس غير غير غير.... :lol:

طب لو ولا حاجة من دول...... انت تاخد نفسك كده علي بعضها و تروح المارينا فيلم "امير البحار "نزل.........و ده مش عشان تتفرج ع الفيلم .... لا بوتاتا... هتقابل الجالية المصرية

بس خلاص

كان معكم مراسل اليوم المفتوح بابو ظبي

لماضة بل الهوا طربوشه...... :lol:

هو كل ده موجود فى ابو ظبى واحنا هنا فى السعودية مقضينها مولات

ربنا يسمحكوا

انا بحقد عالامارات والكويت

وعشان كدة انا يمكن اغير مسارى الفترة الجاية

[الجنيدى]

انا اؤيد الاستاذ حسام فى كل كلامه

وتحضرنى مقولة تناسب هذا الحديث:

نقضى نصف عمرنا الاول فى البحث عن المال وجمعه,ونقضى النصف الثانى فى البحث عن اطباء ليعالجونا من شقاء النصف الاول

[لماضة مصرية جدا]

السلام عليكم و رحمة الله و بركاته

يتشرف المكتب الثقافي بدعوة سيادتكم لايه بقي

شوفوا الحتة دي....حكاااااااااية

"أصوات من السماء"

الامسية هتتناول اشهر مقرئي القران و المبتهلين المصريين...من رفعت...النقشبندي.....مصطفي اسماعيل.....الفشني

امتي يا ولاد

يوم الاربعاء.....

بتقولو ايه ياولاد

ايون

يوم الاربعاء اللي هو بكرة ان شاء الله الساعة سبعة و نص بمقر المكتب الثقافي

اشوفكم هناك

لو قدرت

تحياتي

[dream rose]

كلام فى منتهى الجمال وفعلا دة اللى بيحصل

[لماضة مصرية جدا]

السلام عليكم و رحمة الله وبركاته

اخواني الشعب المكااااااااااااااااااااافح

يتشرف برضه المكتب الثقافي

بدعوة حضراتكم.....

اجتماع مع مسئولي مدينة الثقافة و الفنون....عشان تتعرفوا علي اهم البرامج الدراسةي و شروط القبول و حاجات تانية كتير

و ده النهاردة الساعة سبعة و نص بضره في مقر المكتب القافي المصري

انا كان نفسي احضر عشان اسال سؤال واحد بس للاسف هكون خارج نطاق التغطية

هو فيه في ابو ظبي حاجة اسمها مدينة الثقافة و الفنون...و دي غير المجمع الثقافي

لو حد يعرف مكانها يا ريت يدلني

كان معكم

مراسل قطاع الغربة

لماضة ابو العافية

ابو ظبي

تم تعديل 8 أبريل 2010 بواسطة لماضة مصرية جدا